Мощи

1) Б. Катихизис л. 121: «(Церковь) основана же бе и утверждена святых мученик мощми».

2) Кириллова посл. 10, л. 505 и об.: «Ведяще убо видите вы православнии, елицы еще верою прелести не последуете, и держитеся благочестия, вкратце вам ко утверждению речем, да знаете яко все веры прочии иже верами зовутся, не суть веры, но прелести, наченши от латинския и до прочих всех. И почто не суть достойни называтися верами? Того ради, яко не едина от них не вмещает Духа Святаго дарований, ни пришествия его сподобляется, ниже мощи чинит, ниже освящаются. Наша же восточная вера истинная и непрелестная, Духа Святаго дарования вмещает, пришествия его сподобляется, освящаются богоугодницы... И по смерти тело нетленно богоугодников пребывает, вонями благоуханными благоухает, и чудотворят кости мертвыя, с верою приходящим... еже в прочих верах ни в единой ничтоже о сих обрящеши ниже услышиши».

3) 7 правило 7 всел. соб.: «Да полагаются мученик святыя мощи в церквах, иже без них, священы Быша, по обычней молитве, аще же святит без мощей, да извержется, яко преступник церковных преданий. Толков.: Елицы убо церкви, преже его собора без обычные молитвы творимыя от епископа, и без положения мощей святых мученик созданы Быша, повеле собор полагати в них мощи святых, и обычную молитву епископом творити; елицы же от епископ по соборе сем обрящутся без святых мощей свящающе церкви, собором сим на извержение осуждени суть, яко преступницы церковным преданием».

4) 84 правило Карфагенского собора: «Жертвенницы, иже в селех или в ливах или в виноградех, в них же не лежат мощи святых мученик, но токмо людский бывает мятеж; и елицы же жертвенницы от привидения, и от суетнаго откровения, составлени бывше, вси да раскопаются. Толков.: Елико же молитвенных домов, рекше церквей, без воли и без молитвы епископли, и без положения мощей святых мученик, аще есть мощно, да раскопаются». (Полн. Кормч. 94 пр.).