Cantica dubia. Кондаки святым, не полностью сохранившиеся.

Τὴν φοβεράν σου

85.pro 1.1.1 Τὴν τῶν ἀνόμων παρουσίαν ὁρῶν ὁ πρωτομάρτυς ἐν τῷ σταδίῳ ἐπὶ πάντων ἑστώς, ἔλεγε· “Χριστὲ ὁ θεός, μὴ στήσῃς τὸ ἔγκλημα  τοῖς ἀδίκοις φονευταῖς,   ἀλλ᾿ ἄνες καὶ δίδου τὴν συγχώρησιν αὐτοῖς,

85.pro 1.1.5

ἵνα κηρύττω σε θεὸν σεσαρκωμένον

❘:τὸν διδοῦντα τὸ βραβεῖον τῆς νίκης.”: ❘

85.pro 2.t.1

Ἰ διόμελον

85.pro 2.1.1

⟦Τὸ ὄνομά σου, ἅγιε, τὴν ἄθλησιν ἐμήνυσε, πρωτομάρτυς Χριστοῦ τοῦ θεοῦ, στεφάνῳ γὰρ φερωνύμως ἀξίως ἐστεφανώθης· ἄνω σὲ ἱκετεύω τοῦ δοθῆναι ἱλασμὸν ταῖς ψυχαῖς ἡμῶν

❘:τὸν διδοῦντα βραβεῖον τῆς ἄνω κλήσεως.: ❘⟧

85.strop.t.1

Τῷ τυφλωθέντι Ἀδάμ (App. Metr. K)

85.strop.1.1 Τοῦ πρωτομάρτυρος εἴπω σαφῶς καὶ τῶν ἀνόμων τὴν τόλμαν, πιστοί·προφήτας γὰρ καὶ ἀποστόλους κατεδίωξαν πρὶν ὥσπερ λύκοι ὠμότατοι οἱ τοῦ Χρισ #964;οῦ προδόται, οἱ συγκεκαλυμμένοι καὶ ζοφώδεις ὑπάρχοντες·ἐκράτησαν αὐτὸν πρὸς σφαγὴν ὡς ἀρνίον

85.strop.1.5τοῖς λίθοις κτείναντες, καθότι ὡμολόγει  τεθεᾶσθαι τὴν δόξαν τὴν ἄφραστον, Χριστοῦ ἀνάστασιν κηρύττοντα τὴν ἐκ νεκρῶν φανερῶς·διὸ καὶ ἀναιροῦσιν ἔξω Ἱεροσολύμων

❘:τὸν λαβόντα τὸ βραβεῖον τῆς νίκης.: ❘

85.strop.2.1

Ὁ ἐκ παρθένου θεὸς σαρκωθεὶς καὶ λόγος ἅγιος ὁ ἐκ πατρὸς  αὐτός ἐστιν ὁ ἐν προφήταις κηρυχθεὶς ἀληθῶς, οὗ τὸ πνεῦμα ἐδέξαντο οἱ κατ᾿ ἀξίαν δοῦλοι, μάρτυρες καὶ προφῆται καὶ ἀπόστολοι μάλιστα·τὸ στάδιον μικρὸν καὶ τὸ βραβεῖον μέγα

85.strop.2.5τοῖς ἐκλεκτοῖς Χριστοῦ· ὡς γὰρ σάλπιγξ ὁ λόγος  τοῦ κηρύγματος πᾶσιν ἐξήκουσται· αἱ τῶν ἀγγέλων μὲν οὖν στρατιαὶ πάντας ἐκδέχονται  τούς ἐν πίστει ὑμνοῦντας θεὸν τὸν σεσαρκωμένον

❘:τὸν διδοῦντα τὸ βραβεῖον τῆς νίκης.: ❘  

85.strop.3.1

Ὕψιστε, ἄχραντε λόγε θεοῦ, σοὶ πρέπει δόξα καὶ τῷ σῷ πατρὶ  σύν τῷ ἁγίῳ πνεύματί σου· δώρησαί μοι, σωτήρ, τοῦ ἀξίως ὑμνῆσαι σε· τίς ἱκανὸς γὰρ φράσαι τὴν θεϊκήν σου δόξαν; φῶς γὰρ οἰκῶν ἀπρόσιτον  Στεφάνου στέφανος οὐρανόθεν ἐδείχθης·

85.strop.3.5πλησθεὶς γὰρ ἀληθῶς πνεύματος τοῦ ἁγίου  οὐρανόθεν τὴν δόξαν τεθέαται ἐκ δεξιῶν ἑστῶτος [σου], Χριστέ, τοῦ σοῦ ἀφράστου πατρός,καὶ ἐκτήσατο οὗτος θείαν χάριν τὸν διδοῦντα

❘:οὐρανόθεν τὸ βραβεῖον τῆς νίκης.: ❘

85.strop.4.1 Τοῦτον ἐδόξασεν ὁ Ἰησοῦς ὃν τρόπον Παῦλον τὸν πρώην θρασύν,νυνὶ δὲ σκεῦος ἀληθείας· ὁ ποτὲ γὰρ δεσμῶν νῦν δεσμεῖται ἁλύσεσιν καὶ ἀστραπῇ τυφλοῦται, ψυχῇ δὲ ἀναβλέπει ἐπιγνούς τὸν αὐγάσαντα·πεσὼν δὲ κατὰ γῆς τὰς παλάμας ἐκτείνει,

85.strop.4.5ζητῶν χειραγωγούς ἀναβοᾷ καὶ λέγει·“Τίς εἶ, κύριε; φράσον μοι, δέσποτα.” εὐθέως οὖν ἦλθε αὐτῷ φωνή· “Σαούλ, Σαούλ, τί μοχθεῖς,τί διώκεις; τῶν ἄνω πόθησον καὶ μὴ διώξῃς

❘:τὸν διδοῦντα τὸ βραβεῖον τῆς νίκης.”: ❘

85.strop.5.1

Ὅτε δὲ ἤκουσεν ὁ ἐκλεκτὸς ὁ πρώην λύκος νυνὶ δὲ ποιμήν·“Ἐγώ εἰμι [ὁ] Ἰησοῦς ὁ σταυρῷ προσηλωθεὶς καὶ τῇ λόγχῃ κεντούμενος· διὰ γὰρ τούς ἀνθρώπους ὑπέστην ταῦτα πάντα σῶσαι θέλων τὸν πταίσαντα·ὡς εὔσπλαγχνος θεὸς τῇ σαρκὶ ἐσταυρώθην

85.strop.5.5τελώναις καὶ λῃσταῖς τὴν συγχώρησιν νέμων  καὶ ταῖς πόρναις πταισμάτων τὴν ἄφεσιν. μάθε καὶ σύ Σαούλ τὸ συμπαθεῖν καὶ μὴ θρασύνου δεινῶς  θηριώδης ὑπάρχων· ἀλλὰ σκεῦος μοι γενοῦ [νῦν],

❘:ἵνα λάβῃς τὸ βραβεῖον τῆς νίκης.”: ❘  

85.strop.6.1

Ῥήματα θεῖα ἀκούσας Σαούλ χειραγωγούντων τῶν ἄλλων αὐτὸν  ἐπὶ τὴν Δαμασκὸν εἰσῆλθεν· Ἀνανίαν ζητῶν [⏒⏑-⏑⏑-⏑⏑] καὶ τὸ λουτρὸν λαμβάνει τῆς παλιγγενεσίας καὶ ἰάσεως ἔτυχεν  τῇ τῆς χειρὸς ἁφῇ Ἀνανίου εὐθέως·

85.strop.6.5ἡμέραις γὰρ τρισὶν οὐκ ἐγένετο βλέπων  καὶ λαμβάνει τροφὴν ἐπουράνιον. τροφὴν δὲ νῦν ἐρεῖ μοι ἡ γραφὴ τὸ σῶμα τὸ Χριστοῦ

85.strop.6.8καὶ τὸ ἅγιον πόμα, οὗτινος καὶ ὤφθη κῆρυξ,

❘:τοῦ διδοῦντος τὸ βραβεῖον τῆς νίκης.: ❘

85.strop.7.1

Ὡς Κορνηλίῳ ὁ Πέτρος ποτὲ δίδωσι χάριν ὡς [τῷ] ἐκλεκτῷ,νηστείαις τε καὶ εὐποιΐαις καὶ καρπῶν ἀγαθῶν πληρωθεὶς μεταπέμπεται Σίμωνα τὸν καὶ Πέτρον· ὅστις αὐτὸν βαπτίσας καὶ τὸν λόγον ἐδίδαξεν·τῇ πίστει γὰρ πιστοὶ τῷ θεῷ φανεροῦνται

85.strop.7.5οἱ πνεῦμα ἔχοντες ταπεινώσεως ἤδη  καὶ τὸν πλοῦτον τὸν ἄσυλον ἔχοντες ἐν οὐρανῷ, ὅπου καὶ ὁ Χριστὸς ἐκ δεξιῶν τοῦ θεοῦ·θησαυρὸς γὰρ ὑπάρχει ἀγαθῶν κατορθωμάτων

❘:ὁ παρέχων τὸ βραβεῖον τῆς νίκης.: ❘

85.strop.8.1 Μέγα μυστήριον καὶ φοβερόν· θεὸς ἐλήλυθεν ἐπὶ τῆς γῆς·ἁμαρτωλοῖς συνανεστράφη τοῖς τελώναις διδούς σωτηρίας μετάνοιαν,

ἵνα μηδεὶς ἀνθρώπων πλάνῃ ἐξολισθήσῃ εἰς ἀπώλειαν ἄδικον.ὁ θάνατος ὀξύς καὶ ἡ κρίσις τελεία

85.strop.8.5τῷ μὴ ποιήσαντι εὐσπλαγχνίαν ἐλέους·ὁ γὰρ λύχνος ὑπάρχει τοῦ σώματος ὁ ὀφθαλμὸς ἡμῶν ὁ νοερός, ὃν ὁ σωτὴρ καὶ θεὸς  τῇ αὐτοῦ ἐπιγνώσει ὁδηγεῖ τε καὶ φωτίζει,

❘:τὸν λαβόντα τὸ βραβεῖον τῆς νίκης.: ❘

85.strop.9.1

Ὅτε ὁ Στέφανος ἤχθη θανεῖν συρόμενος ἐξ ἀνόμου λαοῦ  ἀνέβλεψεν ἀπὸ καρδίας ἐκβοῶν ἐκτενῶς τὰ τοιαῦτα δεόμενος· “Κύριε Ἰησοῦ μου, ἵλεως γενοῦ τούτοις, καὶ μὴ μνησικακήσῃς [οὖν],μηδὲ στήσῃς αὐτοῖς ταύτην τὴν ἁμαρτίαν,

85.strop.9.5ἀλλὰ δέξαι αὐτὸς ἐν χερσί σου ἁγίαις,φιλοικτίρμων, τὸ πνεῦμα τοῦ δούλου σου· ἀνάπαυσόν με μετὰ τοῦ Ἀβρὰμ καὶ τῶν λοιπῶν προφητῶν.”ἀκουσθεὶς δὲ τὸ πνεῦμα παρεδῶκε τῷ κυρίῳ

❘:τῷ διδοῦντι τὸ βραβεῖον τῆς νίκης.: ❘

85.strop.10.1

Ὕπνον καλὸν ἐκοιμήθη εὐθύς ὁ πρωτομάρτυς Χριστοῦ τοῦ θεοῦ,

85.strop.10.2ἐγράφη δὲ ἐν τοῖς ὑψίστοις ἐπὶ βίβλου ζωῆς αἰωνίου ὁ δίκαιος· πρεσβεύει δὲ ἀπαύστως ὑπὲρ τῆς σωτηρίας τῶν ἀνθρώπων ὡς ἄμεμπτος  τῷ κτίστῃ τῶν ψυχῶν, ἵνα ἀξιωθῶμεν

85.strop.10.5βίον ἀγγελικὸν καὶ ἐνάρετον ζῆσαι  σωτηρίαν ἐξ ὕψους λαμβάνοντες· ἐν τῷ ὀνόματί σου οὖν, Χριστέ, πάντας ἀξίωσον  μετὰ τῶν ἐκλεκτῶν σου στῆναι ἐν τοῖς δεξιοῖς σου

❘:τοῦ διδοῦντος τὸ βραβεῖον τῆς νίκης.: ❘

85.strop.11.1

Ἅγιος, ἅγιος εἶ, Ἰησοῦ, θεὸς αἰώνιος καὶ ἀληθὴς  τὴν σάρκα τὴν ἡμῶν φορέσας καὶ τὰς σὰς ἐντολὰς μηδαμῶς ἀποκρύψας μοι, τοῦ πονηροῦ με ῥῦσαι, τῶν πειρασμῶν τῆς ζάλης τοῦ Σατάν με ἀπάλλαξον·οὐ παύει ὁ δεινὸς πολεμῶν τὴν ψυχήν μου

85.strop.11.5ἡμέρας καὶ νυκτὸς δελεάζων τὸ σῶμα  πρὸς ἀπάτην καὶ ἄδικα πράγματα· μὴ ἀπατήσῃ με ὁ δολερὸς ἱστῶν παγίδα αὐτοῦ  καὶ ποιήσῃ με γέλως ὡς μὴ σχόντα οὐρανόθεν

❘:[τὸν διδοῦντα] τὸ βραβεῖον τῆς νίκης.: ❘  

ΤΟY ΤΑΕY

86.pro.t.1

Ἐπεφάνης σήμερον

86.pro.1.1

Ὤφθης βάσις ἄσειστος τῇ ἐκκλησίᾳνέμων πᾶσιν ἄσυλον τὴν κυριότητα βροτοῖς·ἐπισφρ&##945;γίζων σοῖς δόγμασιν,

❘:οὐρανοφάντορ Βασίλειε ὅσιε.: ❘

86.strop.t.1

Τῇ Γαλιλαίᾳ (App. Metr. L)

86.strop.1.1 Τῆς σωφροσύνης ὁ κρατήρ, τὸ στόμα τῆς σοφίας καὶ βάσις τῶν δογμάτων,Βασίλειος ὁ μέγας, πᾶσιν ἀστράπτει νοερῶς·δεῦτε οὖν καὶ στῶμεν ἐν τῷ οἴκῳ τοῦ θεοῦ θερμῶς ἐνατενίζοντες, τοῖς θαύμασι τοῖς τούτου τερπόμενοι, ὥσπερ λαμπηδόνι

86.strop.1.5ἀστραφθέντες, τῷ τοῦ βίου καθαρτικῷ πνεύματι θαλφθέντες, μιμούμενοι αὐτοῦ τὴν πίστιν, τὴν ζέσιν, τὴν ταπείνωσιν, δι᾿ ἧς οἶκος ἐδείχθη  φύσεως θεοῦ, πρὸς ὃν βοῶντες μέλψωμεν·

❘:“Οὐρανοφάντορ Βασίλειε ὅσιε.”: ❘ 86.strop.2.1 Οὐρανοφάντωρ ὑψηλὸς ἀστράψας ἐν τῷ κόσμῳ ὡς ἄλλος ἑωσφόρος,τὸ σκότος ἀπελαύνων τῆς πολυθέου † ἀμοινῆς, †ἔπεσι παφλάζων ἀδιστάκτως καὶ ἡμῖν, Βασίλειε ἀοίδιμε, τοῦ γράμματος τὴν ὕλην ὠθούμενος ὥσπερ Ἠσαΐας,

86.strop.2.5καθαιρόμενος τὰ χείλη, ἀναίμακτον θυσίαν προσάγων κυρίῳ τῷ θεῷ ἐν τάξει ἀγγέλων  προσμολὼν τῷ ἱερῷ θυς[ια]στηρίῳἔσπεισας ἡμῖν τῆς χάριτος τὰς εἰσόδους,

❘:οὐρανοφάντορ Βασίλειε ὅσιε.: ❘

86.strop.3.1

Ὑποταγεὶς τῷ θεϊκῷ ζυγῷ ἐν τῇ ζωῇ σου, ἀνίχνευσας τούς ὅρους  τῆς θείας φρυκτωρίας, σοφῶς ἐνσπείρων τοῖς πιστοῖς  σπόρον τῶν δογμάτων, ἐν φρεσὶν θεὶς δαψιλῶς ὑπερουσίου δόγματος, μελέτῃ θεωρίας νευρούμενος, δόγματα συμφλέξας

86.strop.3.5τῶν βλασφήμων, ἱεράρχα, τῷ πνεύματι νῦν τῷ παναγίῳ· τῶν νέων ἐν τριβῇ νεάζων τοῖς ὅπλοις,τὰς ἀγκάλας σταθερῶς, πρέσβυς, ἐδείχθης,ἄνω πρὸς ζωὴν τὴν ἄυἐμβατεύων,

❘:οὐρανοφάντορ Βασίλειε ὅσιε.: ❘

86.strop.4.1 Τῇ τῆς τριάδος ἀστραπῇ τὰς φρένας κατηυγάσθης καὶ πάσας τὰς αἰσθήσεις  φυλάξας ἀμολύντους, νέος προβαίνων τὴν ζωήν,ὅλην τὴν οὐσίαν τῆς γραφῆς ἰδικῶς, πιστῶς ἱστορησάμενος, εἰδὼς μὴ εἶναι ἄλλην ἀνάπλασιν πλὴν τῆς ἀληθείας,

86.strop.4.5φρυκτωρίαν ἔθου πᾶσιν ἰσχύϊ σου τὴν βάσιν ἀτρέμας   ἰχνεύμων πεφυκὼς ὁδοῖς τοῖς τοῦ λόγου  εἰς κατάστασιν φρικτὴν τῆς ἀφθαρσίας·ὅθεν ἐμπνευσθεὶς ἐδείχθης φῶς τοῖς ἐν κόσμῳ,

❘:οὐρανοφάντορ Βασίλειε ὅσιε.: ❘

86.strop.5.1 Ἀτύφου βίου ἐπιβὰς καὶ πίστεως ἀτρέπτου καὶ λήξεως τῆς θείας  τὴν τρίβον ἐμνήσθης τοῦ βασιλέως καὶ θεοῦ  ἐν τῷ Ἰορδάνῃ τῶν παθῶν σύ προσριφθεὶς διὰ λουτροῦ βαπτίσματος· ἐκεῖνος γὰρ τὴν πάλαι κατέκλυσε κόσμου ἁμαρτίαν

86.strop.5.5ἐκ παρθένου ἀνατείλας θελήματι καὶ δι᾿ εὐσπλαγχνίαν· αὐτὸς δὲ τῶν ἠθῶν καλύψας τὸ πάρος  ἐξανέτειλας ἡμῖν ἥλιος, πάτερ,πνεύματος φωτὸς δηλοῦντος σοὶ ἀδιστάκτως,

❘:οὐρανοφάντορ Βασίλειε ὅσιε.: ❘

86.strop.6.1

Ἐν τῷ κρατῆρι τοῦ θεοῦ τὰ χείλη προσπελάσας τὸ νᾶμα τῆς σοφίας  ἐρράντισας, θεόφρον, καὶ τὰς καρδίας τῶν πιστῶν  ηὔφρανας καθάπερ μουσουργὸς πνευματικὸς καὶ βάσις καὶ ἑδραίωμα τῆς βασιλείας, μάκαρ· καὶ ηὔξησας τὴν περιουσίαν

86.strop.6.5τῆς ἁγίας ἐκκλησίας ὡς Μωϋσῆς τὸ πρὶν ἐν ἐρήμῳ

Ἑβραίους προμηθεῖς δεικνύμενος, πάτερ,τῶν φρεάτων τὴν ζωὴν ἄφθονον δείξας  ἔπλησας λαόν, δουλείας ἐλευθερώσας,

❘:οὐρανοφάντορ Βασίλειε ὅσιε.: ❘

86.strop.7.1

Ὑπάρχει, πάτερ, ἀληθῶς ἡ γλῶσσα σου ὡραία, ὡς ψάλλει ὁ προφήτης,τὰ κάλλη τῶν δογμάτων καλλιγραφοῦσα νοερῶς·πᾶσαν δὲ τῶν ὄντων φύσιν τρανώσας σοφῶς ἀνθρώπους κατεκόσμησας· καὶ γέγονας μονάζων ὑπογραμμός, κλῖμαξ τε καὶ θύρα

86.strop.7.5πρὸς τὴν ἄνω θείαν τρίβον ἀνάγουσα ἡμᾶς, θεοφόρε·   διὸ καὶ ἀμοιβὴν τῶν πόνων ἐδέξω ὡς ποιήσας καὶ τρανῶς πάντας διδάξας·ὅθεν καὶ ἡμεῖς ἐν πίστει σὲ ἀνυμνοῦμεν,

❘:οὐρανοφάντορ Βασίλειε ὅσιε.: ❘

ΡΩΜ[......]

89.pro.t.1

Ἰ διόμελον

89.pro.1.1 Διὰ πόθον, ὁσία, τὸν τοῦ κυρίου  προσπαθείας τὴν σχέσιν ἀπεβδελύξω  τῇ ἀσκήσει σου τὸ πνεῦμα λαμπρύνασα· ἀλλὰ ταῖς σαῖς ἱκεσίαις καὶ τῶν πολεμίων τὰ θράση διασκέδασον·

89.pro.1.5

❘:στερρῶς γὰρ τὸν θῆρα κατεπάτησας.: ❘

89.strop.t.1

Τράνωσον (App. Metr. A)

89.strop.1.1

Ῥεῖθρα μοι λόγου δός, ὁ θεός μου, καὶ πηγὴν ἐγκωμίου ποίησόν μου τὸν νοῦν, εὐλόγησον καὶ τὴν γλῶτταν μου,

ἵνα ὑμνήσω τὴν σὴν ἀμνάδα, ἥνπερ ἔστεψας σύ τῇ χάριτί σου·

ἂν γὰρ αὐτὸς οὐ παράσχῃς μοι λόγον ἐπάξιον, πῶς οἴσω δῶρα ὁ πένης τῇ πλουσίᾳ ἐν λόγοις καὶ πράξεσι;

89.strop.1.5 διὸ παράσχου μοι δύναμιν διηγήσασθαι ταύτης τὰ ἔπαθλα·

❘:στερρῶς γὰρ τὸν θῆρα κατεπάτησεν.: ❘

89.strop.2.1

Ὡς ἐξ ἀκάνθων ῥόδον ἐνθέως ἡ ὁσία ἐξέφυ, καὶ μυρίζει παντῇ τῶν ἀρετῶν τὴν εὐπρέπειαν· αὕτη γονέων οὖσα ἐνδόξων εὐγενῶς ἀνετράφη καὶ ἐπισήμως·

ἣν οἱ γονεῖς ἁδρυνθεῖσαν πρὸς γάμον ἐξέδοντο μὴ γνόντες&nnbsp;   ταύτης τὸν τρόπον, ὡς ἐστὶν εὐσεβὴς καὶ φιλόθεος·

89.strop.2.5 ἡ δὲ ὑπεῖκε μὴ θέλουσα γεννητόρων ἀρνήσασθαι πρόσταγμα·

❘:στερρῶς γὰρ τὸν θῆρα κατεπάτησεν.: ❘

89.strop.3.1 Μετὰ † τῇ τοῦ ἀνδρὸς συναφείᾳ † ἠγωνίζετο ἄγαν ἡ ὁσία λαθεῖν φθορᾶς ἐν δόλῳ τὸν σύζυγον· τοῦτο δὲ ἴσχυσεν οὐδὲ ὅλως· ἀλλ᾿ ἐκύησε παῖδα οὖσαν θηλείαν· καὶ τὸν μαζὸν ἐπιδοῦσα τοιαῦτα ἀντέλεγεν·

“Ἐγὼ μὲν γάλακτι τρέφω ἀκουσίως, παιδίον, οἰκτείρων σε,

89.strop.3.5 Χριστὸς δ᾿ εἰς τέλος αὐξήσει σε καὶ ποιήσει σε πράττειν ⟦αὐτοῦ τὰ⟧ εὐάρεστα,

❘:ὁ μόνος γινώσκων τὰ ἐγκάρδια.”: ❘

ΑΒΓΔΕΖΗΘΙΚΛΜΝΞΟΠΡΣΤYΦΧΨΩ

proem 1.1 Τὸ προσταχθὲν μυστικῶς λαβὼν ἐν γνώσει  ἐν τῇ σκηνῆ τοῦ [Ἰω]σὴφ σπουδῇ ἐπέστη  ὁ ἀσώματος λέγων τῇ ἀπειρογάμῳ·

“Ὁ κλίνας τῇ καταβάσει τούς οὐρανούς

proem 1.5χωρεῖται ἀναλλοιώτως ὅλος ἐν σοί·

ὃν καὶ βλέπων ἐν μήτρᾳ σου λαβόντα δούλου μορφὴν  ἐξίσταμαι κραυγάζων σοι·

❘:‘Χαῖρε, νύμφη ἀνύμφευτε.’”: ❘

proem 2.1 [Τῇ ὑπερμάχῳ στρατηγῷ τὰ νικητήρια ὡς λυτρωθεῖσα τῶν δεινῶν εὐχαριστήρια  ἀναγράφω σοι ἡ πόλις σου, θεοτόκε· ἀλλ᾿ ὡς ἔχουσα τὸ κράτος ἀπροσμάχητον

proem 2.5ἐκ παντοίων με κινδύνων ἐλευθέρωσον,ἵνα κράζω σοι·

❘:“Χαῖρε, νύμφη ἀνύμφευτε”.: ❘]

proem 3.1 [Οὐ παυόμεθα κατὰ χρέος ἀνυμνοῦντες σε,θεοτόκε, καὶ λέγοντες·

❘:“Χαῖρε, ἡ κεχαριτωμένη”.: ❘]

1.1

Ἄγγελος πρωτοστάτης οὐρανόθεν ἐπέμφθη  εἰπεῖν τῇ θεοτόκῳ τὸ “χαῖρε”· καὶ σύν τῇ ἀσωμάτῳ φωνῇσωματούμενόν σε θεωρῶν, κύριε,

1.5 ἐξίστατο καὶ ἵστατο κραυγάζων πρὸς αὐτὴν τοιαῦτα· “Χαῖρε, δι᾿ ἧς ἡ χαρὰ ἐκλάμψει·χαῖρε, δι᾿ ἧς ἡ ἀρὰ ἐκλείψει· χαῖρε, τοῦ πεσόντος Ἀδὰμ ἡ ἀνάκλησις·χαῖρε, τῶν δακρύων τῆς Εὔας ἡ λύτρωσις·

1.10 χαῖρε, ὕψος δυσανάβατον ἀνθρωπίνοις λογισμοῖς·χαῖρε, βάθος δυσθεώρητον καὶ ἀγγέλων ὀφθαλμοῖς· χαῖρε, ὅτι ὑπάρχεις βασιλέως καθέδρα·χαῖρε, ὅτι βαστάζεις τὸν βαστάζοντα πάντα· χαῖρε, ἀστὴρ ἐμφαίνων τὸν ἥλιον·

1.15χαῖρε, γαστὴρ ἐνθέου σαρκώσεως· χαῖρε, δι᾿ ἧς νεουργεῖται ἡ κτίσις·χαῖρε, δι᾿ ἧς προσκυνεῖται ὁ πλάστης· ❘:χαῖρε, νύμφη ἀνύμφευτε”.: ❘

2.1 Βλέπουσα ἡ ἁγία ἑαυτὴν ἐν ἁγνείᾳφησὶ τῷ Γαβριὴλ θαρσαλέως·“Τὸ παράδοξόν σου τῆς φωνῆς  δυσπαράδεκτόν μου τῇ ψυχῆ φαίνεται·

2.5 ἀσπόρου γὰρ συλλήψεως τὴν κύησιν προλέγεις κράζων· ❘:“Ἀλληλούϊα”.”: ❘ 3.1 Γνῶσιν ἄγνωστον γνῶναι ἡ παρθένος ζητοῦσα  ἐβόησε πρὸς τὸν λειτουργοῦντα·

“Ἐκ λαγόνων ἁγνῶν ὑϊὸν  πῶς ἐστὶ τεχθῆναι δυνατόν; λέξον μοι.”

3.5 πρὸς ἣν ἐκεῖνος ἔφησεν ἐν φόβῳ πρὶν κραυγάζων οὕτω· “Χαῖρε, βουλῆς ἀπορρήτου μύστις,χαῖρε, σιγῇ δεομένων πίστις· χαῖρε, τῶν θαυμάτων Χριστοῦ τὸ προοίμιον,χαῖρε, τῶν δογμάτων αὐτοῦ τὸ κεφάλαιον·

3.10 χαῖρε, κλῖμαξ ἐπουράνιε, δι᾿ ἧς κατέβη [ὁ] θεός·χαῖρε, γέφυρα μετάγουσα τούς ἐκ γῆς πρὸς οὐρανόν· χαῖρε, τὸ τῶν ἀγγέλων πολυθρύλητον θαῦμα·χαῖρε, τὸ τῶν δαιμόνων πολυθρήνητον τραῦμα· χαῖρε, τὸ φῶς ἀρρήτως γεννήσασα·

3.15χαῖρε, τὸ “πῶς” μηδένα διδάξασα· χαῖρε, σοφῶν ὑπερβαίνουσα γνῶσιν· χαῖρε, πιστῶν καταυγάζουσα φρένας· ❘:χαῖρε, νύμφη ἀνύμφευτε.”: ❘

4.1 Δύναμις τοῦ ὑψίστου ἐπεσκίασε τότε  πρὸς σύλληψιν τῇ ἀπειρογάμῳ·καὶ τὴν εὔκαρπον ταύτης νηδύν ὡς ἀγρὸν ἀπέδειξεν ἡδύν ἅπασι

4.5 τοῖς θέλουσι θερίζειν σωτηρίαν ἐν τῷ ψάλλειν οὕτως·

❘:“Ἀλληλούϊα.”: ❘

5.1

Ἔχουσα θεοδόχον ἡ παρθένος τὴν μήτραν  ἀνέδραμε πρὸς τὴν Ἐλισάβετ· τὸ δὲ βρέφος ἐκείνης εὐθύς  ἐπιγνοῦν τὸν ταύτης ἀσπασμὸν ἔχαιρε

5.5 καὶ ἅλμασιν ὡς ᾄσμασιν ἐβόα πρὸς τὴν θεοτόκον· “Χαῖρε, βλαστοῦ ἀμαράντου κλῆμα·χαῖρε, καρποῦ ἀθανάτου κτῆμα·   χαῖρε, γεωργὸν γεωργοῦσα φιλάνθρωπον·χαῖρε, φυτουργὸν τῆς ζωῆς ἡμῶν φύουσα·

5.10 χαῖρε, ἄρουρα βλαστάνουσα εὐφορίαν οἰκτιρμῶν·χαῖρε, τράπεζα βαστάζουσα εὐθηνίαν ἱλασμῶν· χαῖρε, ὅτι λειμῶνα τῆς τρυφῆς ἀναθάλλεις·χαῖρε, ὅτι λιμένα τῶν ψυχῶν ἑτοιμάζεις· χαῖρε, δεκτὸν πρεσβείας θυμίαμα·

5.15χαῖρε, παντὸς τοῦ κόσμου ἐξίλασμα· χαῖρε, θεοῦ πρὸς θνητούς εὐδοκία·χαῖρε, θνητῶν πρὸς θεὸν παρρησία· ❘:χαῖρε, νύμφη ἀνύμφευτε.”: ❘

6.1 Ζάλην ἔνδοθεν ἔχων λογισμῶν ἀμφιβόλων  ὁ σώφρων Ἰωσὴφ ἐταράχθη  πρὸς τὴν ἄγαμόν σε θεωρῶν  καὶ κλεψίγαμον ὑπονοῶν, ἄμεμπτε· μαθὼν δὲ σοῦ τὴν σύλληψιν ἐκ πνεύματος ἁγίου ἔφη·

❘:“Ἀλληλούϊα.”: ❘

7.1

Ἤκουσαν οἱ ποιμένες τῶν ἀγγέλων ὑμνούντων  τὴν ἔνσαρκον Χριστοῦ παρουσίαν· καὶ δραμόντες ὡς πρὸς ποιμένα  θεωροῦσι τοῦτον ὡς ἀμνὸν ἄμωμον

7.5 ἐν τῇ γαστρὶ Μαρίας βοσκηθέντα, ἣν ὑμνοῦντες εἶπον· “Χαῖρε, ἀμνοῦ καὶ ποιμένος μήτηρ·χαῖρε, αὐλὴ λογικῶν προβάτων· χαῖρε, ἀοράτων θηρῶν ἀμυντήριον·χαῖρε, παραδείσου θυρῶν ἀνοικτήριον·

7.10 χαῖρε, ὅτι τὰ οὐράνια συναγάλ_#955;ονται τῇ γῇ·χαῖρε, ὅτι τὰ ἐπίγεια συγχορεύουσι πιστοῖς· χαῖρε, τῶν ἀποστόλων τὸ ἀσίγητον στόμα·χαῖρε, τῶν ἀθλοφόρων τὸ ἀνίκητον θάρσος· χαῖρε, στερρὸν τῆς πίστεως ἔρεισμα·

7.15χαῖρε, λαμπρὸν τῆς χάριτος γνώρισμα· χαῖρε, δι᾿ ἧς ἐγυμνώθη ὁ ᾍδης·χαῖρε, δι᾿ ἧς ἐνεδύθημεν δόξαν· ❘:χαῖρε, νύμφη ἀνύμφευτε.”: ❘

8.1 Θεοδρόμον ἀστέρα θεωρήσαντες μάγοι  τῇ τούτου ἠκολούθησαν αἴγλῃ·καὶ ὡς λύχνον κρατοῦντες αὐτόν,δι᾿ αὐτοῦ ἠρεύνων κραταιὸν ἄνακτα·

8.5 καὶ φθάσαντες τὸν ἄφθαστον ἐχάρησαν αὐτῷ βοῶντες·

❘:“Ἀλληλούϊα.”: ❘

9.1

Ἴδον παῖδες Χαλδαίων ἐν χερσὶ τῆς παρθένου  τὸν πλάσαντα χειρὶ τούς ἀνθρώπους· καὶ δεσπότην νοοῦντες αὐτόν,εἰ καὶ δούλου ἔλαβε μορφήν, ἔσπευσαν

9.5 τοῖς δώροις θεραπεῦσαι καὶ βοῆσαι τῇ εὐλογημένῃ· “Χαῖρε, ἀστέρος ἀδύτου μήτηρ·χαῖρε, αὐγὴ μυστικῆς ἡμέρας· χαῖρε, τῆς ἀπάτης τὴν κάμινον παύσασα·χαῖρε, τῆς τριάδος τούς μύστας φυλάττουσα·

9.10 χαῖρε, τύραννον ἀπάνθρωπον ἐκβαλοῦσα τῆς ἀρχῆς·χαῖρε, κύριον φιλάνθρωπον ἐπιδείξασα Χριστόν· χαῖρε, ἡ τῆς βαρβάρου λυτρουμένη θρησκείας·χαῖρε, ἡ τοῦ βορβόρου ῥυομένη τῶν ἔργων· χαῖρε, πυρὸς προσκύνησιν σβέσασα·

9.15χαῖρε, φλογὸς παθῶν ἀπαλλάττουσα· χαῖρε, Περσῶν ὁδηγὲ σωφροσύνης·χαῖρε, πασῶν γενεῶν εὐφροσύνη· ❘:χαῖρε, νύμφη ἀνύμφευτε.”: ❘

10.1 Κήρυκες θεοφόροι γεγονότες οἱ μάγοι  ὑπέστρεψαν εἰς τὴν Βαβυλῶνα,  ἐκτελέσαντες σοῦ τὸν χρησμὸν  καὶ κηρύξαντές σε τὸν Χριστὸν ἅπασιν,

10.5 ἀφέντες τὸν Ἡρώδην ὡς ληρώδη μὴ εἰδότα ψάλλειν·

❘:“Ἀλληλούϊα.”: ❘

11.1 Λάμψας ἐν τῇ Αἰγύπτῳ φωτισμὸν ἀληθείας  ἐδίωξας τοῦ ψεύδους τὸ σκότος· τὰ γὰρ εἴδωλα ταύτης, σωτήρ,μὴ ἐνέγκαντά σου τὴν ἰσχύν πέπτωκαν·

11.5 οἱ τούτων δὲ ῥυσθέντες ἀνεβόων πρὸς τὴν θεοτόκον· “Χαῖρε, ἀνόρθωσις τῶν ἀνθρώπων·χαῖρε, κατάπτωσις τῶν δαιμόνων· χαῖρε, τῆς ἀπάτης τὴν πλάνην πατήσασα·χαῖρε, τῶν εἰδώλων τὸν δόλον ἐλέγξασα·

11.10 χαῖρε, θάλασσα ποντίσασα Φαραὼ τὸν νοητόν·χαῖρε, πέτρα ἡ ποτίσασα τούς διψῶντας τὴν ζωήν· χαῖρε, πύρινε στύλε ὁδηγῶν τούς ἐν σκότει·χαῖρε, σκέπη τοῦ κόσμου πλατυτέρα νεφέλης· χαῖρε, τροφὴ τοῦ μάννα διάδοχε·

11.15χαῖρε, τρυφῆς ἁγίας διάκονε· χαῖρε, ἡ γῆ ἡ τῆς ἐπαγγελίας·χαῖρε, ἐξ ἧς ῥέει μέλι καὶ γάλα·

❘:χαῖρε, νύμφη ἀνύμφευτε.”: ❘

12.1 Μέλλοντος Συμεῶνος τοῦ παρόντος αἰῶνος  μεθίστασθαι τοῦ ἀπατεῶνος,ἐπεδόθης ὡς βρέφος αὐτῷ,ἀλλ᾿ ἐγνώσθης τούτῳ καὶ θεὸς τέλειος·

12.5 διόπερ ἐξεπλάγη σου τὴν ἄρρητον σοφίαν κράζων·

❘:“Ἀλληλούϊα.”: ❘  

13.1 Νέαν ἔδειξε κτίσιν ἐμφανίσας ὁ κτίστης  ἡμῖν τοῖς ὑπ᾿ αὐτοῦ γενομένοις, ἐξ ἀσπόρου βλαστήσας γαστρὸς  καὶ φυλάξας ταύτην, ὥσπερ ἦν, ἄφθορον,

13.5 ἱνὰ τὸ θαῦμα βλέποντες ὑμνήσωμεν αὐτὴν βοῶντες· “Χαῖρε, τὸ ἄνθος τῆς ἀφθαρσίας·χαῖρε, τὸ στέμμα τῆς ἐγκρατείας· χαῖρε, ἀναστάσεως τύπον ἐκλάμπουσα·χαῖρε, τῶν ἀγγέλων τὸν βίον ἐμφαίνουσα·

13.10 χαῖρε, δένδρον ἀγλαόκαρπον ἐξ οὗ τρέφονται πιστοί·χαῖρε, ξύλον εὐσκιόφυλλον, ὑφ᾿ οὗ σκέπονται πολλοί· χαῖρε, κυοφοροῦσα λυτρωτὴν αἰχμαλώτοις·χαῖρε, ἀπογεννῶσα ὁδηγὸν πλανωμένοις· χαῖρε, κριτοῦ δικαίου δυσώπησις·

13.15χαῖρε, πολλῶν πταισμάτων συγχώρησις· χαῖρε, στολὴ τῶν γυμνῶν παρρησίας· χαῖρε, στοργὴ πάντα πόθον νικῶσα· ❘:χαῖρε, νύμφη ἀνύμφευτε.”: ❘

14.1 Ξένον τόκον ἰδόντες ξενωθῶμεν τοῦ κόσμου,τὸν νοῦν εἰς οὐρανούς μεταθέντες·διὰ τοῦτο γὰρ ὁ ὑψηλὸς  ἐπὶ γῆς ἐφάνη ταπεινὸς ἄνθρωπος,

14.5 βουλόμενος ἑλκύσαι πρὸς τὸ ὕψος τούς αὐτῷ βοῶντας·

❘:“Ἀλληλούϊα.”: ❘

15.1

Ὅλος ἦν ἐν τοῖς κάτω καὶ τῶν ἄνω οὐδ᾿ ὅλως  ἀπῆν ὁ ἀπερίγραπτος Λόγος· συγκατάβασις γὰρ θεϊκή,οὐ μετάβασις δὲ τοπικὴ γέγονε

15.5 καὶ τόκος ἐκ παρθένου θεολήπτου ἀκουούσης ταῦτα· “Χαῖρε, θεοῦ ἀχωρήτου χώρα·  χαῖρε, σεπτοῦ μυστηρίου θύρα· χαῖρε, τῶν ἀπίστων ἀμφίβολον ἄκουσμα·χαῖρε, τῶν πιστῶν ἀναμφίβολον καύχημα·

15.10 χαῖρε, ὄχημα πανάγιον τοῦ ἐπὶ τῶν Χερουβίμ·χαῖρε, οἴκημα πανάριστον τοῦ ἐπὶ τῶν Σεραφίμ· χαῖρε, ἡ τἀναντία εἰς ταὐτὸ ἀγαγοῦσα·χαῖρε, ἡ παρθενίαν καὶ λοχείαν ζευγνῦσα· χαῖρε, δι᾿ ἧς ἐλύθη παράβασις·

15.15χαῖρε, δι᾿ ἧς ἠνοίχθη παράδεισος· χαῖρε, ἡ κλεὶς τῆς Χριστοῦ βασιλείας·χαῖρε, ἐλπὶς ἀγαθῶν αἰωνίων· ❘:χαῖρε, νύμφη ἀνύμφευτε.”: ❘

16.1 Πᾶσα φύσις ἀγγέλων κατεπλάγη τὸ μέγα  τῆς σῆς ἐνανθρωπήσεως ἔργον·τὸν ἀπρόσιτον γὰρ ὡς θεὸν  ἐθεώρει πᾶσι προσιτὸν ἄνθρωπον, ἡμῖν μὲν συνδιάγοντα, ἀκούοντα δὲ παρὰ πάντων·

❘:“Ἀλληλούϊα.”: ❘

17.1

Ῥήτορας πολυφθόγγους ὡς ἰχθύας ἀφώνους  ὁρῶμεν ἐπὶ σοί, θεοτόκε· ἀποροῦσι γὰρ λέγειν τὸ πῶς  καὶ παρθένος μένεις καὶ τεκεῖν ἴσχυσας·

17.5 ἡμεῖς δὲ τὸ μυστήριον θαυμάζοντες πιστῶς βοῶμεν· “Χαῖρε, σοφίας θεοῦ δοχεῖον·χαῖρε, προνοίας αὐτοῦ ταμεῖον· χαῖρε, φιλοσόφους ἀσόφους δεικνύουσα·χαῖρε, τεχνολόγους ἀλόγους ἐλέγχουσα·

17.10 χαῖρε, ὅτι ἐμωράνθησαν οἱ δεινοὶ συζητηταί·χαῖρε, ὅτι ἐμαράνθησαν οἱ τῶν μύθων ποιηταί· χαῖρε, τῶν Ἀθηναίων τὰς πλοκὰς διασπῶσα·  χαῖρε, τῶν ἁλιέων τὰς σαγήνας πληροῦσα· χαῖρε, βυθοῦ ἀγνοίας ἐξέλκουσα·

17.15χαῖρε, πολλούς ἐν γνώσει φωτίζουσα· χαῖρε, ὁλκὰς τῶν θελόντων σωθῆναι·χαῖρε, λιμὴν τῶν τοῦ βίου πλωτήρων· ❘:χαῖρε, νύμφη ἀνύμφευτε.”: ❘

18.1 Σῶσαι θέλων τὸν κόσμον ὁ τῶν ὅλων κοσμήτωρ  πρὸς τοῦτον αὐτεπάγγελτος ἦλθε·καὶ ποιμὴν ὑπάρχων ὡς θεὸς  δι᾿ ἡμᾶς ἐφάνη καθ᾿ ἡμᾶς ὅμοιος·

18.5 ὁμοίῳ γὰρ τὸ ὅμοιον καλέσας ὡς θεὸς ἀκούει·

❘:“Ἀλληλούϊα.”: ❘

19.1 Τεῖχος εἶ τῶν παρθένων, θεοτόκε παρθένε,καὶ πάντων τῶν εἰς σὲ προσφευγόντων· ὁ γὰρ τοῦ οὐρανοῦ καὶ τῆς γῆς κατεσκεύασέ σε ποιητής, ἄχραντε,

19.5 οἰκήσας ἐν τῇ μήτρᾳ σου καὶ δείξας προσφωνεῖν σοι πάντας· “Χαῖρε, ἡ στήλη τῆς παρθενίας·χαῖρε, ἡ πύλη τῆς σωτηρίας· χαῖρε, ἀρχηγὲ νοητῆς ἀναπλάσεως·χαῖρε, χορηγὲ θεϊκῆς ἀγαθότητος·

19.10 χαῖρε, σύ γὰρ ἀνεγέννησας τούς συλληφθέντας αἰσχρῶς·χαῖρε, σύ γὰρ ἐνουθέτησας τούς συληθέντας τὸν νοῦν· χαῖρε, ἡ τὸν φθορέα τῶν φρενῶν καταργοῦσα·χαῖρε, ἡ τὸν σπορέα τῆς ἁγνείας τεκοῦσα· χαῖρε, παστὰς ἀσπόρου νυμφεύσεως·

19.15χαῖρε, πιστούς κυρίῳ ἁρμόζουσα· χαῖρε, καλὴ κουροτρόφε παρθένων·  χαῖρε, ψυχῶν νυμφοστόλε ἁγίων· ❘:χαῖρε, νύμφη ἀνύμφευτε.”: ❘

20.1

Ὕμνος ἅπας ἡττᾶται συνεκτείνεσθαι σπεύδων  τῷ πλήθει τῶν πολλῶν οἰκτιρμῶν σου·ἰσαρίθμους ψαλμούς καὶ ᾠδὰς ἂν προσφέρωμέν σοι, βασιλεῦ ἅγιε,

20.5 οὐδὲν τελοῦμεν ἄξιον, ὧν δέδωκας τοῖς σοὶ βοῶσιν·

❘:“Ἀλληλούϊα.”: ❘

21.1 Φωτοδόχον λαμπάδα τοῖς ἐν σκότει φανεῖσαν  ὁρῶμεν τὴν ἁγίαν παρθένον· τὸ γὰρ ἄυἅπτουσα φῶς  ὁδηγεῖ πρὸς γνῶσιν θεϊκὴν ἅπαντας,

21.5 αὐγῇ τὸν νοῦν φωτίζουσα, κραυγῇ δὲ τιμωμένη ταῦτα· “Χαῖρε, ἀκτὶς νοητοῦ ἡλίου·χαῖρε, λαμπτὴρ τοῦ ἀδύτου φέγγους· χαῖρε, ἀστραπὴ τὰς ψυχὰς καταλάμπουσα·χαῖρε, ὡς βροντὴ τούς ἐχθρούς καταπλήττουσα·

21.10 χαῖρε, ὅτι τὸν πολύφωτον ἀνατέλλεις φωτισμόν·χαῖρε, ὅτι τὸν πολύρρητον ἀναβλύζεις ποταμόν· χαῖρε, τῆς κολυμβήθρας ζωγραφοῦσα τὸν τύπον·χαῖρε, τῆς ἁμαρτίας ἀναιροῦσα τὸν ῥύπον· χαῖρε, λουτὴρ ἐκπλύνων συνείδησιν·

21.15χαῖρε, κρατὴρ κιρνῶν ἀγαλλίασιν· χαῖρε, ὀσμὴ τῆς Χριστοῦ εὐωδίας·χαῖρε, ζωὴ μυστικῆς εὐωχίας· ❘:χαῖρε, νύμφη ἀνύμφευτε.”: ❘

22.1 Χάριν δοῦναι θελήσας ὀφλημάτων ἀρχαίων  ὁ πάντων χρεωλύτης ἀνθρώπων,ἐπεδήμησε δι᾿ ἑαυτοῦ  πρὸς τούς ἀποδήμους τῆς αὑτοῦ χάριτος· 22.5 καὶ σχίσας τὸ χειρόγραφον ἀκούει παρὰ πάντων οὕτως·

❘:“Ἀλληλούϊα.”: ❘

23.1 Ψάλλοντές σου τὸν τόκον εὐφημοῦμεν σε πάντες ὡς ἔμψυχον ναόν, θεοτόκε· ἐν τῇ σῇ γὰρ οἰκήσας γαστρὶ  ὁ κατέχων πάντα τῇ χειρὶ κύριος

23.5 ἡγίασεν, ἐδόξασεν, ἐδίδαξε βοᾶν σοι πάντας· “Χαῖρε, σκηνὴ τοῦ θεοῦ καὶ Λόγου·χαῖρε, ἁγία ἁγίων μείζων· χαῖρε, κιβωτὲ χρυσωθεῖσα τῷ πνεύματι·χαῖρε, θησαυρὲ τῆς ζωῆς ἀδαπάνητε·

23.10 χαῖρε, τίμιον διάδημα βασιλέων εὐσεβῶν·χαῖρε, καύχημα σεβάσμιον ἱερέων εὐλαβῶν· χαῖρε, τῆς ἐκκλησίας ὁ ἀσάλευτος πύργος·χαῖρε, τῆς βασιλείας τὸ ἀπόρθητον τεῖχος· χαῖρε, δι᾿ ἧς ἐγείρονται τρόπαια·

23.15χαῖρε, δι᾿ ἧς ἐχθροὶ καταπίπτουσι· χαῖρε, φωτὸς τοῦ ἐμοῦ θεραπεία·χαῖρε ψυχῆς τῆς ἐμῆς προστασία· ❘:χαῖρε, νύμφη ἀνύμφευτε.”: ❘

24.1

Ὦ πανύμνητε μήτηρ, ἡ τεκοῦσα τὸν πάντων ἁγίων ἁγιώτατον Λόγον,δεξαμένη τὴν νῦν προσφοράν,ἀπὸ πάσης ῥῦσαι συμφορᾶς ἅπαντας

24.5 καὶ τῆς μελλούσης λύτρωσαι κολάσεως τούς σοὶ βοῶντας·

❘:“Ἀλληλούϊα.”: ❘