Иван Ловягин
Глас осьмый
На малой вечерне
Стихиры
| Ка́ко Тя́ ублажи́м, Богоро́дице? Ка́ко же воспои́м, Преблагослове́нная, непостижи́мое та́инство рожде́ния Твоего́? Веко́в бо Творе́ц, и на́шего Соде́тель естества́, Сво́й о́браз уще́дрив, низведе́ Самаго́ Себе́ во истоща́ние неизсле́димое, сы́й в невеще́ственных не́дрех О́тчих, во утро́бе Твое́й, Чи́стая, всели́ся, и пло́ть непрело́жно бы́сть, от Тебе́, Неискусобра́чная, пребы́в у́бо, е́же бе́ естество́м Бо́г. Те́мже Ему́ покланя́емся Бо́гу соверше́нну, и Челове́ку соверше́нну, Тому́ во обое́м зра́це: и́бо обое́ естество́ в Не́м е́сть вои́стинну: Сугу́ба же вся́ пропове́дуем есте́ственная Его́ сво́йства, по сугу́бому существу́, два́ почита́юще де́йства и хоте́ния. Единосу́щен бо сы́й Бо́гу и Отцу́, самовла́стно хо́щет и де́йствует я́ко Бо́г: единосу́щен же сы́й и на́м, самовла́стно хо́щет, и де́йствует я́ко Челове́к. Того́ моли́, Чи́стая Всеблаже́нная, спасти́ся душа́м на́шым. | Как мы ублажим Тебя, Богородица? Как мы прославим непостижимое таинство рождения Твоего, Преблагословенная? Творец веков и Создатель нашего естества, умилосердившись над Своим образом,71 предал Себя на бесконечное истощание: Он, пребывая в невещественных недрах Отца, вселился в Твою утробу, Чистая, и чрез Тебя непреложно сделался плотию, Неискусобрачная, оставаясь Богом по естеству, каким был. Посему поклоняемся Ему – совершенному Богу и совершенному человеку, одному и тому же в том и другом естестве; ибо в Нем по истине два естества, и по двойственности естеств исповедуем все естественные свойства сугубыми, почитая два действования и (две) воли. Как единосущный Богу и Отцу, Он самовластно желает и действует, как Бог; но как единосущный и нам, самовластно желает и действует, как человек. Молись Ему, чистая Всеблаженная, о спасении душ наших. |
| Ра́дуйся, Богоро́дице всепе́тая. Ра́дуйся, исто́чниче живота́ ве́рным источа́ющь. Ра́дуйся, все́х Влады́чице, и Госпоже́ тва́ри Благослове́нная. Ра́дуйся, Всенепоро́чная, Препросла́вленная. Ра́дуйся, Всепречи́стая. Ра́дуйся, пала́то. Ра́дуйся, Боже́ственное селе́ние. Ра́дуйся, Чи́стая. Ра́дуйся, Ма́ти Де́во. Ра́дуйся, Богоневе́сто. | Радуйся, всепетая Богородица! Радуйся, источник, изливающий верующим жизнь! Радуйся, благословенная Владычица всех и Госпожа тварей! Радуйся, Всенепорочная, препрославленная! Радуйся, всечистая! Радуйся, палата! Радуйся, Божественное жилище! Радуйся, чистая! Радуйся, Матерь Дева! Радуйся, Богоневеста! |
| Ра́дуйся, Богома́ти Речи́стая. Ра́дуйся, ве́рных наде́жде. Ра́дуйся, ми́ра очище́ние. Ра́дуйся, вся́кия ско́рби избавля́ющи рабы́ твоя́. Ра́дуйся, челове́ков утеше́ние живоно́сное. Ра́дуйся, заступле́ние. Ра́дуйся, предсто́лпие призыва́ющих Тя́. Ра́дуйся, Бо́жие Боже́ственное пребыва́ние, и Горо́ Свята́я. | Радуйся, пречистая Богоматерь! Радуйся, надежда верующих! Радуйся, очищение мира! Радуйся, избавляющая рабов Своих от всякой скорби! Радуйся, живоносное утешение людей! Радуйся, заступница! Радуйся, укрепление призывающих Тебя! Радуйся, священное жилище Бога и гора святая! |
| Ра́дуйся, Богоро́дице, Ма́ти Христо́ва. Ра́дуйся, еди́на наде́жде, челове́ков заступле́ние. Ра́дуйся, прибе́жище. Ра́дуйся, све́щниче све́та све́тлый. Ра́дуйся, свеще́ освяще́нная. Ра́дуйся, пала́то. Ра́дуйся, раю́. Ра́дуйся, Боже́ственное селе́ние. Ра́дуйся, исто́чниче, источа́ющь во́ды притека́ющым к Тебе́. | Радуйся. Богородица, Матерь Христа! Радуйся, единая надежда людей и заступница! Радуйся, прибежище! Радуйся, светильник света! Радуйся, светлая лампада! Радуйся, освященная палата! Радуйся, рай! Радуйся, жилище Бога! Радуйся, источник, источающий воды прибегающим к Тебе! |
| Его́же не́бо не вмести́, Де́во Богоро́дице, во чре́ве Твое́м нетесноме́стно вмести́ся: и пребыла́ еси́, Чи́стая, сло́вом неизрече́нным, ничи́мже де́вству оскве́рншуся. Ты́ бо еди́на была́ еси́ в жена́х, и Ма́ти, и Де́ва: и Ты́ еди́на Пречи́стая, воздои́ла еси́ Сы́на Живода́вца, и на объя́тиях Твои́х носи́ла еси́ недре́млющее о́ко: но не оста́ви не́дра О́тча, я́коже пре́жде ве́к предбы́сть. Но горе́ ве́сь Бо́г со а́нгелы, до́ле ве́сь из Тебе́ с челове́ки, и везде́ несказа́нно. Того́ моли́, Всесвята́я Влады́чице, спасти́ся, правосла́вно Богоро́дицу Чи́стую испове́дающым Тя́. | В Твою утробу, Дева – Богородица, удобно-вместительно вселился Тот, Кого не вместило небо, и Ты, по непостижимому слову, осталась чистою и Твое девство – ничем неоскверненным; ибо из женщин Ты одна – и матерь и дева, Ты одна, Пречистая, вскормила Сына Жизнеподателя и на Своих руках носила (имеющего) неусыпное око. Но Он не оставил недр Своего Отца, как был прежде веков; как Бог, Он всецело был вместе с Ангелами на небе, и всецело – с людьми на земле чрез Тебя, и везде–непостижимо. Молись Ему, всесвятая Владычица, о спасении православно исповедующих Тебя чистою Богородицею. |
На великой вечерне
А) Стихиры на «Господи воззвах».
| Вече́рнюю пе́снь, и слове́сную слу́жбу, Тебе́, Христе́, прино́сим: я́ко благоволи́л еси́ поми́ловати на́с Воскре́сением. | Вечернюю песнь и духовное служение приносим Тебе, Христе; ибо Ты благоволил помиловать нас Своим воскресением. |
| Го́споди, Го́споди, не отве́ржи на́с от Твоего́ лица́: но благоволи́ поми́ловати на́с Воскре́сением. | Господи, Господи! Не отвергни нас от лица Твоего, но благоволи помиловать нас воскресением. |
| Ра́дуйся, Сио́не святы́й, ма́ти Церкве́й, Бо́жие жили́ще, ты́ бо прия́л еси́ пе́рвый, оставле́ние грехо́в, Воскре́сением. | Радуйся, святой Сион, матерь церквей,72 Божие жилище! Ибо ты прежде всех получил отпущение грехов чрез воскресение. |
| Е́же от Бо́га Отца́ Сло́во, пре́жде ве́к ро́ждшееся, в после́дняя же времена́, То́ежде от Неискусобра́чныя вопло́щшееся во́лею, распя́тие сме́ртное претерпе́: и дре́вле умерщвле́ннаго челове́ка спасе́ Свои́м Воскре́сением. | Слово, прежде веков родившееся от Бога Отца, и То же Самое Слово в последние дни воплотившееся от неискусобрачной Девы, добровольно претерпело смертное распятие и Своим воскресением спасло некогда умерщвленного человека. |
| Е́же из ме́ртвых Твое́ Воскре́сение славосло́вим, Христе́, и́мже свободи́л еси́ Ада́мский ро́д от а́дова мучи́тельства: и дарова́л еси́ ми́рови я́ко Бо́г жи́знь ве́чную, и ве́лию ми́лость. | Прославляем Твое из мертвых воскресение, которым Ты, Христе, освободил род Адама от мучений ада и, как Бог, даровал миру вечную жизнь и великую милость. |
| Сла́ва Тебе́, Христе́ Спа́се, Сы́не Бо́жий единоро́дный, пригвозди́выйся на Кресте́, и воскресы́й из гро́ба тридне́вен. | Слава Тебе, Христос Спаситель, единородный Сын Божий, пригвожденный ко кресту и в третий день воскресший из гроба! |
| Тебе́ сла́вим, Го́споди, во́лею на́с ра́ди Кре́ст претерпе́вшаго, и Тебе́ покланя́емся, Всеси́льне Спа́се: не отве́ржи на́с от лица́ Твоего́, но услы́ши и спаси́ ны Воскре́сением Твои́м, Человеколю́бче. | Прославляем Тебя, Господи, ради нас добровольно претерпевшего распятие, и поклоняемся Тебе, всемогущий Спаситель. Не отвергни нас от лица Твоего, но услышь и спаси нас Своим воскресением, Человеколюбец. |
Богородичен.
| Ца́рь небе́сный за человеколю́бие на земли́ яви́ся, и с челове́ки поживе́: от Де́вы бо Чи́стыя пло́ть прие́мый, и из Нея́ проше́дый с восприя́тием: Еди́н е́сть Сы́н, сугу́б естество́м, но не Ипоста́сию. Те́мже соверше́нна Того́ Бо́га, и соверше́нна Челове́ка вои́стинну пропове́дающе, испове́дуем Христа́ Бо́га на́шего: Его́же моли́, Ма́ти Безневе́стная, поми́ловатися душа́м на́шым. | Царь Небесный, по Своему человеколюбию, явился на земле и обращался между людьми. Он, как воспринявший плоть от непорочной Девы и происшедший от Нее с воспринятием (человеческого естества), есть один Сын, двойственный по естеству, но не по ипостаси. Посему по истине признаём Его совершенным Богом и совершенным человеком и исповедуем (Его) Христом, Богом нашим. Молись Ему, безбрачная Матерь, о помиловании душ наших. (Вар. 3:38.) |
Б) Стихиры на стиховне.
| Возше́л еси́ на Кре́ст, Иису́се, снизше́дый с Небесе́: прише́л еси́ на сме́рть, Животе́ Безсме́ртный, к су́щым во тьме́ Све́т и́стинный: к па́дшым все́х Воскре́сение, просвеще́ние, и Спа́се на́ш, сла́ва Тебе́. | Взошел на крест Ты, Иисусе, нисшедший с небес; пришел на смерть – бессмертная жизнь, к пребывавшим во тьме – истинный свет, к падшим – воскресение всех. Свет и Спаситель наш, слава Тебе! |
| Христа́ славосло́вим, воскре́сшаго от ме́ртвых: ду́шу бо и те́ло прие́м, стра́сти отобою́ду отсече́, пречи́стей у́бо души́ во а́д соше́дшей, его́же и плени́: во гро́бе же истле́ния не ви́де свято́е те́ло, Изба́вителя ду́ш на́ших. | Прославим воскресшего из мертвых Христа. Душа и тело, воспринятые Им, во время страданий отделились одна от другого: пречистая душа низошла в ад и победила его, а святое тело Избавителя душ наших пребывало нетленным во гробе. |
| Псалмы́ и пе́сньми славосло́вим, Христе́, от ме́ртвых Твое́ Воскре́сение: и́мже на́с свободи́л еси́ мучи́тельства а́дова, и я́ко Бо́г дарова́л еси́ жи́знь ве́чную, и ве́лию ми́лость. | Псалмами и хвалебными песнями прославляем Твое из мертвых воскресение, которым Ты, Христе, освободил нас от мучений ада и, как Бог, даровал нам вечную жизнь и великую милость. |
| О Влады́ко все́х Непостижи́ме, Тво́рче небесе́ и земли́, кресто́м пострада́вый, мне́ безстра́стие источи́л еси́: погребе́ние же прие́м, и воскре́с во сла́ве, совоскреси́л еси́ Ада́ма руко́ю всеси́льною. Сла́ва Твоему́ тридне́вному воста́нию, и́мже дарова́л еси́ на́м ве́чную жи́знь, и очище́ние грехо́в, я́ко Еди́н Благоутро́бен. | О, Владыко всех, непостижимый Творец неба и земли! Пострадав на кресте, Ты избавил меня от страданий; претерпев же погребение и воскресши во славе, Ты всесильною рукою воскресил с Собою Адама. Слава Твоему тридневному воскресению, которым Ты даровал нам вечную жизнь и прощение грехов, как единый милосердый! |
| Безневе́стная Де́во, Я́же Бо́га неизрече́нно заче́нши пло́тию, Ма́ти Бо́га Вы́шняго, Твои́х рабо́в мольбы́ приими́, Всенепоро́чная, все́м подаю́щи очище́ние прегреше́ний: ны́не на́ша моле́ния прие́млющи, моли́ спасти́ся все́м на́м. | Безбрачная Дева, непостижимо плотию зачавшая Бога, – Матерь Бога вышнего! Приими мольбы рабов Твоих, Всенепорочная, подающая всем очищение прегрешений; принявши ныне наши молитвы, молись о спасении всех нас. |
В) Тропарь воскресный.
| С высоты́ снизше́л еси́, Благоутро́бне, погребе́ние прия́л еси́ тридне́вное, да на́с свободи́ши страсте́й, Животе́ и Воскре́сение на́ше, Го́споди, сла́ва Тебе́. | С небес нисшел Ты, Милосердный, и воспринял тридневное погребение, чтобы освободить нас от страданий. Жизнь и воскресение наше, Господи, слава Тебе! |
Богородичен.
| И́же на́с ра́ди рожде́йся от Де́вы, и распя́тие претерпе́в, Благи́й, испрове́ргий сме́ртию сме́рть, и воскре́сение явле́й я́ко Бо́г, не пре́зри я́же созда́л еси́ руко́ю Твое́ю: яви́ человеколю́бие Твое́, Ми́лостиве, приими́ ро́ждшую Тя́ Богоро́дицу моля́щуюся за ны́: и спаси́, Спа́се на́ш, лю́ди отча́янныя. | Благой (Господи), ради нас родившийся от Девы, претерпевший распятие, Своею смертию победивший смерть и, как Бог, явивший воскресение! Не презри тех, которых Ты создал Своею рукою, яви Свое человеколюбие, Милостивый; приими ходатаицею за нас родившую Тебя Богородицу и спаси, Спаситель наш, людей отверженных. |
Канон полунощницы
Песнь 1. Ирмос.
| Колесницегони́теля фарао́ня погрузи́, чудотворя́й иногда́ Моисе́йский же́зл, крестообра́зно порази́в, и раздели́в мо́ре: Изра́иля же беглеца́ пешехо́дца спасе́, пе́снь Бо́гови воспева́юща. | Некогда чудодейственный жезл Моисея, крестообразным ударом разделив (Чермное) море, потопил ехавшего на колесницах фараона и спас обратившегося в бегство пешехода Израиля, песнь Богу воспевавшего. |
Тропари.
| Трисо́лнечному Царю́, и Строи́телю, и Промысли́телю вся́ческих, и Благо́му Еди́ному, Есте́ственне Су́щему, и Еди́нственную иму́щему Божества́ сла́ву, Бо́гу Единонача́льному припа́даем, пе́снь Трисвяту́ю пою́ще. | Припадаем к трисолнечному Царю, правителю и промыслителю всего, единому по естеству благому, и имеющему единую Божественную славу, – единоначальному Богу, и воспеваем Ему трисвятую песнь. |
| Рече́ния Боже́ственная, и проро́чествия я́же свы́ше по́мняще я́ве, Богонача́льное Естество́ Еди́нственное сла́вим, Присносу́щное, Собезнача́льное, в Трие́х Ли́цех, Отце́, и Сы́не, и Ду́се, Соде́тельное, Всеси́льное. | Руководимые ясными Божественными изречениями и бывшими свыше откровениями, прославляем единое Божественное естество, вечное, собезначальное, в трех лицах: Отце, Сыне и Духе, – творческое, всесильное. |
| Священнотаи́нник Авраа́м бы́в, священнообра́зно дре́вле, Творца́ все́х и Бо́га и Го́спода, в Трие́х у́бо Ипоста́сех прия́т ра́дуяся, и Тре́х Ипоста́сей держа́ву еди́нственную позна́. | Прообразовательно посвященный в Божественные таинства Авраам некогда с радостью принял Творца всех – Бога и Господа в трех ипостасях, и познал единую державу трех ипостасей. |
| Неискусобра́чно Христа́ родила́ еси́, Е́же по на́м, на́с ра́ди восприе́мша естество́, Пречи́стая, и Непрело́жна по обою́ пребы́вша. Его́же моли́ непреста́нно, грехо́в ми́ дарова́ти и искуше́ний избавле́ние. | Ты, Пречистая, не познавши брака, родила Христа, ради нас воспринявшего наше естество и пребывшего непреложным в обоих (естествах). Непрестанно молись Ему, чтобы Он даровал мне избавление от грехов и искушений. |
Песнь 3. Ирмос.
| Утвержде́й в нача́ле небеса́ ра́зумом, и зе́млю на вода́х основа́вый, на ка́мени мя́, Христе́, за́поведей Твои́х (це́ркве) утверди́, я́ко не́сть свя́т па́че Тебе́, Еди́не Человеколю́бче. | Христе, в начале премудро утвердивший небеса и поставивший на водах землю! Утверди меня на камне заповедей Твоих, ибо нет святого, кроме Тебя, единый Человеколюбец. (Пс. 135:5–6.) |
Тропари.
| Тебе́ Непристу́пнаго Бо́га и Царя́ сла́вы на престо́ле Иса́иа ви́де высо́це, и Херуви́мы и Серафи́мы сла́вящыя непреста́нными пе́сньми, Еди́нственнаго Триипоста́снаго. | Исаия узрел Тебя, неприступного Бога и Царя славы, на высоком престоле и – херувимов и серафимов, непрестанными песнями прославляющих единого триипостасного (Господа). (Ис. 6.) |
| Еди́наго от Отца́ я́ко от ума́ рожде́наго Сло́ва, и Ду́ха происходя́ща неизглаго́ланно, по коему́ждо помышле́нии, и кни́жными уче́нии пости́гше, Еди́наго Бо́га Трисо́лнечнаго почита́ем. | На основании преемственных наставлений и писанного учения73 познавши единое рожденное от Отца, как от Ума, Слово и непостижимо исходящего Духа, почитаем единого трисолнечного Бога. |
| И́же сы́й Нерожде́нный Оте́ц, и Своего́ Существа́ сия́ние роди́в нетле́нно Сы́на, Све́т от Све́та: исхо́дне предлага́ет сра́сленный Све́т Ду́ха, Вседе́тельна, и Единоче́стна. | Нерожденный Отец, родив не чрез истечение, отображение Своего естества – Сына, Свет от Света, чрез исхождение производит соестественный Свет – Духа, вседетельного и равночестного. |
| Хра́м яви́лася еси́ чи́ст, Де́во Ма́ти Мари́е, вся́ всеси́льно и прему́дро соста́вльшему Христу́, и в чи́не поло́жшему и нося́щему: Его́же Ми́лостива ми́ сотвори́ Ма́терними Твои́ми моли́твами. | Ты, Дева Матерь Мария, соделалась чистым жилищем Христа, Своим всемогуществом и премудростью все сотворившего, устроившего и держащего. Умилостивь Его ко мне Своими материнскими молитвами. |
Седален.
| Трисо́лнечнаго и Честна́го Богонача́лия си́лу ве́рнии ны́не восхва́лим, я́ко ма́нием то́кмо вся́ соста́вил вы́шняя ликостоя́ния а́нгельская, и ни́жняя священнонача́лия церко́вная, е́же взыва́ти: Свя́т, Свя́т, Свя́т еси́ Бо́же Преблаги́й: сла́ва и пе́ние Держа́ве Твое́й. | Ныне мы, верующие, прославляем могущество трисолнечного и досточтимого Господа; ибо Он единым мановением сотворил все, на небе – лики Ангелов и на земле – церковное священноначалие, чтобы они восклицали: свят, свят, свят Ты, преблагой Боже. Слава и пение – державе Твоей! |
Богородичен.
| Я́же Непреме́ннаго Бо́га поро́ждшая, пременя́емое при́сно се́рдце мое́ грехо́м и ле́ностию, прило́гми льсти́ваго, утверди́, Блага́я, моли́твами Ма́терними Твои́ми: я́ко да и а́з благода́рно сла́влю Тя́, Богороди́тельнице Мари́е, поми́луй ста́до Твое́, е́же стяжа́ла еси́, Всенепоро́чная. | Родившая неизменяемого Бога! Своими материнскими молитвами утверди, Благая, сердце мое, постоянно изменяемое грехами, нападениями лукавого и (моею) беспечностью, чтобы и я благодарно прославлял Тебя, Богородительница Мария. Помилуй паству Твою, которую приобрела Ты, Всенепорочная. |
Песнь 4. Ирмос.
| Ты́ моя́ кре́пость, Го́споди, Ты́ моя́ и си́ла, Ты́ мо́й Бо́г, Ты́ мое́ ра́дование, не оста́вль не́дра О́тча, и на́шу нищету́ посети́в. Те́м с проро́ком Авваку́мом зову́ Ти: си́ле Твое́й сла́ва, Человеколю́бче. | Ты – моя крепость, Ты – моя и сила, Ты – мой Бог, Ты – моя радость, Господи, не оставивший Отеческих недр и призревший на наше убожество. Посему с пророком Аввакумом восклицаю Тебе: слава силе Твоей, Человеколюбец! |
Тропари.
| Восто́к я́вльшися Божества́ су́щым во тьме́, всю́ разгна́ несве́тлую но́щь страсте́й: и пра́вды Со́лнце возсия́, Про́сто у́бо по Существу́, Трисия́нно же Ли́цы: Е́же пое́м при́сно, и сла́вим. | Отрасль74 Божества, явившись к пребывавшим во тьме, рассеяла всю мрачную ночь страстей и открыло Солнце правды, простое (единое) по естеству, но трисиятельное по лицам, Которое мы непрестанно воспеваем и прославляем. |
| Серафи́мскими усты́ воспева́емаго, бре́нными устна́ми сла́вим Еди́нственнаго, и Тро́ичнаго Го́спода сла́вы, Естество́м и Ипоста́сьми, вопию́ще: О Всецарю́, Твои́м рабо́м пода́ждь разли́чных прегреше́ний проще́ние! | Своими бренными устами прославляем воспеваемого устами серафимов Господа славы, единого по естеству, но троичного по ипостасям, восклицая: Владыко всех! даруй рабам Твоим прощение всяких грехов. |
| Содержи́тельная все́х су́щих, Неви́димая, Всеще́драя, Благоутро́бная, Человеколюби́вая Тро́ице Честна́я, и Богонача́льная, не забу́ди мене́, Твоего́ раба́, в коне́ц: ниже́ разори́ и́же завеща́л еси́ Твои́м рабо́м заве́т, за неизрече́нную ми́лость. | Держащая все сущее, невидимая, всещедрая, милосердая, человеколюбивая, Святая и Божественная Троица! по неизреченной милости, не презри совершенно меня – раба Твоего и не отвергни завета, который Ты завещал рабам Твоим. |
| Кра́сную Тя́, Всечи́стая, Еди́ну обре́т от ве́ка добро́ту Иа́ковлю, Пребезнача́льное Сло́во, и всели́ся в Тя́ благоутро́бия ра́ди, обнови́ челове́ческое естество́: Его́же моли́ непреста́нно, от вся́кия мне́ изба́витися ско́рби. | Пребезначальное Слово, от века найдя Тебя одну вожделенною красотою от Иакова, вселилось в Тебя, Всечистая, и по Своему милосердию обновило человеческое естество. Молись Ему непрестанно, чтобы я избавился от всяких скорбей. |
Песнь 5. Ирмос.
| Вску́ю мя́ отри́нул еси́ от лица́ Твоего́ Све́те незаходи́мый, и покры́ла мя́ е́сть чужда́я тьма́ окая́ннаго: но обрати́ мя, и к све́ту за́поведей Твои́х пути́ моя́ напра́ви, молю́ся. | Для чего Ты отверг меня от лица Твоего, Свет незаходимый, и чуждая тьма покрыла меня несчастного? Но обрати меня и направь пути мои к свету заповедей Твоих, молюсь Тебе. (Пс. 42:2–3.) |
Тропари.
| Соприсносу́щная Три́ Ли́ца сла́вим, Еди́наго же Го́спода, Тя́ Боже́ственное Естество́, разделя́юще про́сто, и совокупля́юще, и ве́рно вопие́м: Богонача́льная Тро́ице Свята́я, Твоя́ рабы́ от ско́рби изба́ви. | Прославляем три совечные лица, но единого Господа, Тебя – Божественное естество, разделяя и вместе соединяя, и с верою восклицаем: Святая и Божественная Троица! избавь от скорби рабов Твоих. |
| Рыда́ю зе́льне за не́мощь мы́сли моея́, ка́ко не хотя́ стражду́ нево́льное вои́стинну измене́ние; сего́ ра́ди зову́: Живонача́льная Тро́ице Свята́я, до́брых в стоя́нии мя́ учини́. | Горько рыдаю о немощи моего разума: каким образом я, не желая, подвергаюсь по истине невольному изменению? Посему восклицаю: Святая живоначальная Троица! соделай меня твердым в добродетели. |
| Дрема́нием отягче́на мя́ грехо́вным, и порева́ема в со́н сме́ртный, я́ко Человеколюби́вая и Преблага́я, и Всеми́лостивая, Богонача́льная Тро́ице Свята́я, уще́дри и возста́ви мя́. | Святая и Божественная Троица, как человеколюбивая, преблагая и всемилостивая, умилосердись надо мною, отягченным греховною дремотою и погружающимся в смертный сон, и восстанови меня. |
| Ма́ти Де́во Отрокови́це, Пречи́стая, Всенепоро́чная, Богоблагода́тная, Твои́ми моли́твами Сы́на и Бо́га Твоего́ и Го́спода ми́лостива сотвори́ мне́: и страсте́й, и прегреше́ний Твоего́ раба́ изба́ви вско́ре. | Матерь Дева, Отроковица пречистая, Всенепорочная и исполненная Божественной благодати! Своими молитвами умилостиви ко мне Сына Твоего, Бога и Господа, и скоро избавь раба Твоего от страстей и грехов. |
Песнь 6. Ирмос.
| Очи́сти мя́, Спа́се, мно́га бо беззако́ния моя́, и из глубины́ зо́л возведи́, молю́ся: к Тебе́ бо возопи́х, и услы́ши мя́, Бо́же спасе́ния моего́. | Очисти меня, Спаситель, – ибо много беззаконий моих, – и из глубины зол изведи, молю, – ибо к Тебе я воззвал, и услышь меня, Боже спасения моего. |
Тропари.
| Небе́сных умо́в чинонача́лия подража́юще, Единонача́льная все́х Тро́ице Пресу́щественная, Трисвяты́ми пе́сньми Тя́ славосло́вим, бре́нными на́шими усты́. | Подражая чинам небесных умов (Ангелов), своими бренными устами, в трисвятых песнях, прославляем Тебя, единая управляющая всем и пресущественная Троица. |
| И́же по о́бразу Твоему́ челове́ка созда́вшему, и от не су́щих все́ прему́дро соста́вльшему, Бо́гу Триипоста́сному покланя́юся, и чту́, и пою́, и велича́ю Тя́. | Поклоняюсь Тебе, триипостасному Богу, по Своему образу создавшему человека и все из небытия премудро сотворившему, – почитаю, воспеваю и величаю Тебя. |
| Вседержи́телю Бо́же, и Еди́не Неопределе́нный, всели́ся в мя́ за неизрече́нную ми́лость, Трисо́лнечный Влады́ко: и озари́ мя, и вразуми́, я́ко Благоутро́бен. | Вседержитель Боже и единый беспредельный! по Своему неизреченному милосердию, вселись в меня, трисолнечный Владыко, просвети и вразуми меня, как милосердный. |
| Хра́м яви́лася еси́ Бо́га Невмести́маго, Пречи́стая, хра́м и мене́ Того́ покажи́, Боже́ственныя благода́ти Пресвята́я Влады́чице, Твои́ми мольба́ми, и соблюди́ невреди́ма. | Ты, Пречистая, соделалась жилищем Невместимого Бога, Своими молитвами соделай и меня жилищем Его Божественной благодати, и соблюди меня невредимым, пресвятая Владычица. |
Седален.
| Отца́ Безнача́льна ве́рнии, Сы́на Собезнача́льна, и Ду́ха Боже́ственнаго вои́стинну песносло́вим, Неслия́нне, Непревра́тне и Неизме́нне, Тро́ицу Про́сту, и Свя́ту, и Сра́слену, вопию́ще со а́нгелы: Свя́т еси́ О́тче, Сы́не, со Ду́хом Пресвяты́м и Честны́м. Поми́луй, я́же созда́л еси́ по о́бразу Твоему́, Влады́ко. | Мы, верующие, прославляем по истине безначального Отца, собезначального Сына и Божественного Духа, неслиянно, непреложно и неизменно, – Троицу простую, святую и соестественную, вместе с Ангелами восклицая: свят Ты, Отче и Сыне со пресвятым и честным Духом. Помилуй тех, которых Ты создал по Своему образу, Владыко. |
Богородичен.
| Благодари́м Тя́ при́сно, Богоро́дице, и велича́ем, Чи́стая, и покланя́емся, воспева́юще рождество́ Твое́, Благода́тная, вопию́ще непреста́нно: спаси́ на́с, Де́во Преми́лостивая, я́ко Блага́я в ча́с испыта́ния, да не посра́млени бу́дем раби́ Твои́. | Непрестанно благодарим и величаем Тебя, чистая и благодатная Богородица, и поклоняемся Тебе, прославляя рождество Твое и непрестанно восклицая: как благая, спаси нас, всемилосердная Дева, чтобы мы, рабы Твои, не посрамились в час испытания. |
Песнь 7. Ирмос.
| Бо́жия снизхожде́ния о́гнь устыде́ся в Вавило́не иногда́, сего́ ра́ди о́троцы в пещи́ ра́дованною ного́ю, я́ко во цве́тнице лику́юще поя́ху: благослове́н еси́ Бо́же оте́ц на́ших. | Некогда в Вавилоне огнь устыдился Божественного снисшествия; посему отроки в печи, как на лугу, скакали радостными стопами и воспевали: благословен Ты, Бог отцов наших. |
Тропари.
| Прему́дростию неизглаго́ланною Твое́ю, и пучи́ною благосты́ни, ту́не Твоего́ раба́ поми́лованна покажи́ мя: и ны́не, я́коже дре́вле, изба́ви озлобле́ния, Тро́ицеЕди́нице Бо́же, грехо́в и страсте́й. | Боже, Троица Единица! по Своей неизреченной премудрости и бесконечной благости и ныне, как и прежде, туне помилуй меня – раба Твоего и избавь от бед, грехов и страстей. |
| У́м Нерожде́нный Оте́ц, и Сло́во ро́ждшееся от Него́, и Ду́х Боже́ственный, непости́жне Исхо́ден сы́й, Бо́же Единонача́льне, Трисо́лнечне, пою́ Тебе́: благослове́н Бо́г О́те́ц на́ших. Умерщвле́н бы́х, Пречи́стая, грехо́вным я́дом напое́н, и притека́ю к Тебе́ ве́рою, ро́ждшей Нача́льника живота́: Твои́ми моли́твами раба́ Твоего́ оживи́, и искуше́ний и страсте́й изба́ви, Еди́на Чи́стая. | Ум нерожденный – Отец, рожденное от Него Слово и Божественный Дух, непостижимо исходящий, – единовластительный и трисолнечный Боже! Воспеваю Тебе: благословен Бог отцов наших. Я подвергся смерти, Пречистая, испив греховного яда, но с верою прибегаю к Тебе – родившей Виновника жизни: Своими молитвами оживи раба Твоего и избавь от искушений и страстей, едина Чистая. |
Песнь 8. Ирмос.
| Седмери́цею пе́щь халде́йский мучи́тель богочести́вым неи́стовно разжже́, си́лою же лу́чшею спасе́ны сия́ ви́дев, Творцу́ и Изба́вителю вопия́ше: о́троцы благослови́те, свяще́нницы воспо́йте, лю́дие превозноси́те во вся́ ве́ки. | Семикратно в неистовстве разжег печь для благочестивых (отроков) халдейский властитель; но, увидев их спасенными силою высшею, восклицал к Творцу п Избавителю: отроки, благословляйте, священники, воспевайте, люди, превозносите (Его) во все веки. |
Тропари.
| Све́т сы́й Незаходи́м, Трисия́нен и Трисо́лнечный и Единонача́лен, Самодержа́вен, Просте́йший, Бо́г Непостижи́мый, и Самодержа́вен Госпо́дь, ны́не те́мное и омраче́нное мое́ се́рдце озари́: и покажи́ светоза́рно и светоно́сно пе́ти Тя́, и сла́вити во вся́ ве́ки. | Свет незаходимый, трисиятельный, трисолнечный, единоначальный, единодержавный, простейший, непостижимый Боже и единодержавный Господи! Ныне просвети мое темное и омраченное сердце и соделай его светозарным и светоносным, чтобы я воспевал и прославлял Тебя во все веки. |
| Свяще́ннейшими крилы́, Серафи́ми Боже́ственнейшии, ли́ца и но́ги благогове́йно покрыва́ют, сла́вы не терпя́ще непостижи́мыя добро́ты Твоея́, Благонача́льная, Богонача́льная, Единонача́льная Тро́ице пресвята́я: оба́че и мы́ воспева́ти Тя́ дерза́ем, и сла́вити ве́рно во ве́ки. | Божественнейшие серафимы благоговейно покрывают священнейшими крыльями свои лица и ноги, не перенося славы непостижимой красоты Твоей, всеблагая, Божественная, единоначальная Троица пресвятая; но и мы по вере дерзаем воспевать и прославлять Тебя во веки. |
| Господонача́лие Безнача́льное, Всеси́льную и Пребла́гу, Совершеннонача́льну, Благоде́йственну, Неопреде́льну, Вину́ Невино́вну, Твори́тельну, Присносу́щну, Промысли́тельну и спаси́тельную все́м Едини́цу по Существу́, и Тро́ицу Ли́цы, сла́влю Тя́, Бо́же мо́й, ве́рно во ве́ки. | С верою прославляю Тебя во веки, Боже мой, – Господа безначального, всемогущего, всеблагого, верховного, благодетельного и беспредельного, причину самобытную, творческую, вечную, промыслительную и спасающую всех, Единицу по существу, но Троицу по лицам. |
| На земли́ возсия́ Невече́рнее Со́лнце, рождество́м Е́же из Тебе́ де́вственным, Пречи́стая Влады́чице, и челове́ки изба́ви от и́дольскаго помраче́ннаго мра́ка. Те́мже и ны́не мя́ па́че Того́ Богонача́лия озари́ луча́ми, и соблюди́ Твоего́ раба́. | Чрез Твое девственное рождество, пречистая Владычица, на земле воссияло Незаходимое Солнце (Христос) и освободило людей от непроницаемого языческого мрака. Посему наипаче ныне озари меня светом Его Божества и сохрани раба Твоего. |
Песнь 9. Ирмос.
| Ужасе́ся о се́м не́бо, и земли́ удиви́шася концы́, я́ко Бо́г яви́ся челове́ком пло́тски, и чре́во Твое́ бы́сть простра́ннейшее небе́с. Те́м Тя́, Богоро́дицу, а́нгелов и челове́к чинонача́лия велича́ют. | Ужаснулось небо и пределы земли удивились тому, что Бог явился к людям во плоти, и чрево Твое сделалось пространнее небес; посему чины Ангельские и человеческие величают Тебя, Богородица. |
Тропари.
| И́же все́ми Ца́рствующее, и Вседе́тельное Пренача́льное Естество́, Вышшеле́тную, Живонача́льную, Благоутро́бну, Человеколюби́вую, Благу́ю, Единонача́льную Тро́ицу Тя́ ны́не славосло́вяще, грехо́в проще́ния про́сим, ми́рови ми́ра, и це́рквам единомы́слия. | Прославляя ныне Тебя, над всем царствующее, все создавшее, превышающее (всякое) начало Существо, – предвечную, живоначальную, милосердую, человеколюбивую, благую и единоначальную Троицу, – молимся Тебе о прощении грехов, о мире миру и о единомыслии Церквей. |
| Еди́но Госпо́дьство и Трисия́нное, Еди́нственное Богонача́лие Трисо́лнечное, певцы́ приими́ Твоя́ боголе́пно, и прегреше́ний изба́ви, и искуше́ний и лю́тых: и вско́ре ми́р пода́ждь человеколю́бно, и це́рквам соедине́ние. | Единый трисиятельный Господи, единый трисолнечный Боже! Милостиво приими прославляющих Тебя, избавь их от грехов, искушений и бед, и человеколюбиво даруй скоро Церквам соединение. |
| Во утро́бу, Христе́ Спа́се мо́й, Деви́ческую все́лься, яви́лся еси́ ми́ру Твоему́ Богому́жно, Непревра́тен, Неслия́нен вои́стинну: и обеща́л еси́ всегда́ с Твои́ми рабы́ бы́ти я́ве. Те́мже Тебе́ ро́ждшия моли́твами, ми́р всему́ ста́ду Твоему́ устро́й. | Ты, Христе Спаситель, мой, вселившись в девственную утробу, явился миру Твоему по истине Богочеловеком, непреложным и неслиянным,75 и обещал всегда быть действительно с рабами Твоими; посему, по молитвам Родившей Тебя, даруй мир всей пастве Твоей. |
На утрени
А) Воскресные седальны.
По первом стихословии.
| Воскре́сл еси́ из ме́ртвых Животе́ все́х, и а́нгел све́тел жена́м вопия́ше: преста́ните от сле́з, апо́столом благовести́те, возопи́йте пою́щя: я́ко воскре́се Христо́с Госпо́дь, благоволи́вый спасти́ я́ко Бо́г ро́д челове́ческий. | Ты, Жизнь всех, воскрес из мертвых, и светлый Ангел восклицал женам: престаньте плакать, передайте Апостолам радостную весть и торжественно провозгласите, что воскрес Христос Господь, как Бог, благоволивший спасти род человеческий. |
| Воскресы́й из гро́ба я́ко вои́стинну, преподо́бным повеле́л еси́ жена́м пропове́дати воста́ние апо́столом, я́коже пи́сано е́сть: и ско́рый Пе́тр предста́ гро́бу, и све́т зря́ во гро́бе, ужаса́шеся. Те́мже и уви́дев плащани́цы, кроме́ Боже́ственнаго Те́ла в не́м лежа́щыя, со стра́хом (с ве́рою) возопи́: сла́ва Тебе́, Христе́ Бо́же, я́ко спаса́еши вся́, Спасе́ на́ш: О́тчее бо еси́ сия́ние. | Воскресши по истине из гроба, Ты повелел благочестивым женам возвестить о воскресении Апостолам, как написано. Петр скоро прибыл ко гробу и, видя во гробе свет, изумился; но, увидев потом одни пелены, без Божественного тела лежащие в нем, уверовав, воскликнул: слава Тебе, Христе Боже, ибо Ты спасаешь всех, Спаситель наш; Ты – сияние Отца. (Ин. 20:6–8.) |
| Небе́сную две́рь, и киво́т, всесвяту́ю го́ру, светоза́рный о́блак воспои́м, небе́сную ле́ствицу, слове́сный ра́й, Е́вино избавле́ние, вселе́нныя всея́ вели́кое сокро́вище, я́ко спасе́ние в Не́й соде́лася ми́рови, и оставле́ние дре́вних согреше́ний. Сего́ ра́ди вопие́м Ти́: моли́ Сы́на Твоего́ и Бо́га, прегреше́ний оставле́ние дарова́ти, благоче́стно покланя́ющымся пресвято́му рождеству́ Твоему́. | Прославим небесную дверь и ковчег, всесвятую гору, светозарное облако, небесную лестницу, духовный рай, избавление Евы, великое сокровище всей вселенной; ибо чрез Нее (Богородицу) совершилось спасение миру и отпущение древних грехов. Посему восклицаем Ей: молись Сыну Твоему и Богу, чтобы Он даров отпущение грехов благоговейно поклоняющимся всесвятому рождеству Твоему. |
По втором стихословии.
| Челове́цы, Спа́се, гро́б Тво́й запеча́таша: а́нгел ка́мень от двере́й отвали́: жены́ ви́деша воста́вша от ме́ртвых, и ты́я благовести́ша ученико́м Твои́м в Сио́не, я́ко воскре́сл еси́ Животе́ все́х, и разреши́шася у́зы сме́ртныя: Го́споди, сла́ва Тебе́. | Люди запечатали гроб Твой, Спаситель; Ангел же отвалил камень от дверей (гроба). Жены увидели Воскресшего из мертвых и возвестили в Сионе ученикам Твоим радостную весть, что Ты, Жизнь всех, воскрес и оковы смерти уничтожены. Господи, слава Тебе! |
| Ми́ра погреба́тельная жены́ прине́сшя, гла́с а́нгельский из гро́ба слы́шаху: преста́ните от сле́з, и вме́сто печа́ли ра́дость приими́те, возопи́йте пою́щя: я́ко воскре́се Христо́с Госпо́дь, благоволи́вый спасти́ я́ко Бо́г ро́д челове́ческий. | Принесшие погребальное миро жены услышали из гроба слова Ангела: «престаньте плакать; вместо печали радость приимите и торжественно провозгласите, что воскрес Христос Господь, как Бог благоволивший спасти род человеческий». |
| О Тебе́ ра́дуется, Благода́тная, вся́кая тва́рь, а́нгельский собо́р, и челове́ческий ро́д, освяще́нный хра́ме, и раю́ слове́сный: де́вственная похвало́, из Нея́же Бо́г воплоти́ся, и Младе́нец бы́сть, пре́жде ве́к сы́й Бо́г на́ш: ложесна́ бо Твоя́ престо́л сотвори́, и чре́во Твое́ простра́ннее небе́с соде́ла. О Тебе́ ра́дуется, Благода́тная, вся́кая тва́рь, сла́ва Тебе́. | Вся тварь, – Ангельский собор и человеческий род, – радуется о Тебе, Благодатная, освященный храм, духовный рай, слава девства, чрез Которую Бог воплотился, и сделался младенцем прежде веков существовавший Бог наш. Из Твоих ложесн Он сотворил Себе престол и чрево Твое сделал пространнее небес. О Тебе радуется, Благодатная, вся тварь. Слава Тебе! |
Б) Ипакой.
| Мироно́сицы Жизнода́вца предстоя́щя гро́бу, Влады́ку иска́ху в ме́ртвых Безсме́ртнаго, и ра́дость благове́щения от а́нгела прие́мшя, апо́столом возвеща́ху: я́ко воскре́се Христо́с Бо́г, подая́й ми́рови ве́лию ми́лость. | Мироносицы, пришедши к гробу Жизнеподателя, стали искать Владыку бессмертного – между мертвыми: но, получивши от Ангела радостную весть, возвестили Апостолам, что воскрес Христос Бог, даруя миру великую милость. |
В) Антифоны.
| Первый. От ю́ности моея́ вра́г мя́ искуша́ет, сластьми́ пали́т мя́: а́з же наде́яся на Тя́, Го́споди, побежда́ю сего́. | С юности моей враг искушает меня и наслаждениями воспламеняет меня; но я, возложив на Тебя, Господи, свою надежду, побеждаю его. (Пс. 128.) |
| Ненави́дящии Сио́на, да бу́дут у́бо пре́жде исторже́ния я́ко трава́: ссе́чет бо Христо́с вы́я и́х, усече́нием му́к. | Ненавидящие Сион да будут прежде исторжения как трава; ибо Христос мучительными ударами рассечет их шеи. |
| Святы́м Ду́хом, Е́же жи́ти вся́ческим: Све́т от Све́та, Бо́г Вели́к: со Отце́м пое́м Ему́, и с Сло́вом. | Все живет Святым Духом; Он свет от света, Бог великий. Прославляем Его вместе с Отцом и Словом. |
| Вторый. Се́рдце мое́ стра́хом Твои́м да покры́ется смиреному́дрствующее: да не возне́сшееся отпаде́т от Тебе́, Всеще́дре. | Сердце мое да ограждается страхом Твоим в смиренномудрии, чтобы оно, возгордившись, не отпало от Тебя, Всемилосердный. (Пс. 129.) |
| На Го́спода име́вый наде́жду, не устраши́тся тогда́, егда́ огне́м вся́ суди́ти и́мать, и му́кою. | Возложивший надежду на Господа не убоится в то время, когда Он будет судить и наказывать огнем. |
| Святы́м Ду́хом, вся́к кто́ Боже́ственный ви́дит, и предглаго́лет, чудоде́йствует вы́шняя, в Трие́х Еди́наго Бо́га поя́: а́ще бо и трисия́ет, единонача́льствует Божество́. | Всякий причастный Божественной благодати Святым Духом видит, предрекает и творит великие чудеса, воспевая единого в трех (лицах) Бога; ибо хотя Божество и сияет тройственным светом, но Оно – едино властительствует. |
| Третий. Воззва́х Тебе́, Го́споди, вонми́, приклони́ ми у́хо Твое́ вопию́щу, и очи́сти, пре́жде да́же не во́змеши мене́ отсю́ду. | Я воззвал к Тебе, Господи, внемли мне, преклони ко мне молящемуся ухо твое и очисти меня прежде, чем возьмешь меня отсюда. (Пс. 130.) |
| В ма́тери свое́й земли́ отходя́й вся́к, па́ки разреша́ется, прия́ти му́ки, или́ по́чести пожи́вших. | Всякий возвращающийся к матери своей – земле снова изыдет, чтобы, сообразно с жизнью, получить наказание или награду. |
| Святы́м Ду́хом богосло́вие, Еди́ница Трисвята́я: Оте́ц бо Безнача́лен: от Него́же роди́ся Сы́н безле́тно, и Ду́х Сопресто́лен, Сообра́зен, от Отца́ спросия́вший. | От Святого Духа – учение о Боге; Он – единица трисвятая: безначальный Отец, от Которого вне времени родился Сын, и сопрестольный и соестественный Дух, от Отца воссиявший. |
| Четвертый. Се́ ны́не что́ добро́, или́ что́ красно́; но е́же жи́ти бра́тии вку́пе: в се́м бо Госпо́дь обеща́ живо́т ве́чный. | Как хорошо и как приятно жить братьям вместе! Ибо в этом Господь обещал вечную жизнь. (Пс. 132.) |
| О ри́зе свое́й, И́же кри́ны се́льныя украша́яй, повелева́ет, я́ко не подоба́ет пещи́ся. | Украшающий полевые лилии заповедует, что не должно заботиться о своей одежде. (Мф. 6:28–30.) |
| Святы́м Ду́хом, Единови́дною вино́ю, вся́ содержа́тся миропода́тельне: Бо́г бо Се́й е́сть, Отцу́ же и Сы́нови Единосу́щен Госпо́дственне. | Святым Духом, (как) единым виновником, все содержится в мире; ибо Он – Бог, по истине единосущный с Отцом и Сыном. |
Г) Каноны.
Песнь 1. Ирмос.
| Колесницегони́теля фарао́ня погрузи́, чудотворя́й иногда́ Моисе́йский же́зл, крестообра́зно порази́в, и раздели́в мо́ре: Изра́иля же беглеца́, пешехо́дца спасе́, пе́снь Бо́гови воспева́юща. | Некогда чудодейственный жезл Моисея, крестообразным ударом разделив (Чермное) море, потопил ехавшего на колесницах фараона и спас обратившегося в бегство пешеходца Израиля, песнь Богу воспевавшего. |
Тропари.
| Перваго канона. Всеси́льну Христо́ву Божеству́ ка́ко не диви́мся; от страсте́й у́бо все́м ве́рным, безстра́стие и нетле́ние точа́щу, от ребра́ же свята́го исто́чник безсме́ртия иска́пающу, и Живо́т из гро́ба Присносу́щный. | Как нам не удивляться всесильному Божеству Христа? Он чрез страдания даровал всем верующим свободу от страданий и нетление, и источил из святых ребер источник бессмертия и из гроба – вечную жизнь. |
| Я́ко благоле́пен жена́м а́нгел ны́не яви́ся, све́тлыя нося́ о́бразы есте́ственныя невеще́ственныя чистоты́, зра́ком же возвеща́я све́т воскре́сения, зовы́й: воскре́се Госпо́дь. | Какой благовидный Ангел явился ныне женам (мироносицам), со светлыми знаками своей естественной невещественной чистоты, который своим видом показывал свет воскресения и восклицал: воскрес Господь! |
| Пресла́вная возглаго́лашася о Тебе́ в роде́х родо́в, Бо́га Сло́ва во чре́ве вме́щшая, чиста́ же пребы́вши, Богоро́дице Мари́е. Те́мже Тя́ вси́ почита́ем, су́щее по Бо́зе заступле́ние на́ше. | Преславное возвещено о Тебе в родах родов, Богородица Дева, в Свою утробу вместившая Бога Слово и пребывшая непорочною. Посему все почитаем Тебя, как ходатаицу нашу пред Богом. |
| Втораго канона. Взя́шася врата́ боле́зненная, и ужасо́шася вра́тницы а́довы, зря́ще в преиспо́днейшая Соше́дшаго, И́же на высоте́ все́х превы́ше естества́. | Врата плача разверзлись, и привратники ада ужаснулись, увидевши в преисподнейших местах Превышающего все высокие существа. |
| Удиви́шася чи́ни а́нгельстии, зря́ще на престо́ле посажде́но О́тчи, отпа́дшее естество́ челове́ческое, затворе́ное в преиспо́дних земли́. | Удивились чины Ангелов, увидевши посаженным на престоле Отца падшее естество человеческое, бывшее заключенным в преисподних земли. |
| Чи́ни Тя́ а́нгельстии и челове́честии, Безневе́стная Ма́ти, хва́лят непреста́нно: Зижди́теля бо си́х, я́ко Младе́нца на объя́тиих Твои́х носи́ла еси́. | Чины Ангельские и человеческие непрестанно прославляют Тебя, безбрачная Матерь; ибо Ты на Своих руках носила Творца их, как младенца. |
| Третьяго канона. Пречи́стая Богоро́дице, вопло́щшееся Присносу́щное и Пребоже́ственное Сло́во, па́че естества́ ро́ждши, пое́м Тя́. | Пречистая Богородица, сверхъестественно родившая воплотившееся вечное и пребожественное Слово! прославляем Тебя. |
| Гро́зд Тя́ Живоно́сен, всеми́рнаго иска́пающ сла́дость спасе́ния, Де́ва Христе́ роди́. | Тебя, Христе, – живоносный грозд, изливающий сладость всемирного спасения, родила Дева. |
| Ро́д Ада́мль, ко е́же па́че ума́ блаже́нству, Тобо́ю возведе́нный, Богоро́дице, досто́йно сла́вит Тя́. | Потомки Адама, возведенные Тобою в превышающее ум блаженство, достойно прославляют Тебя, Богородица. |
Песнь 3. Ирмос.
| Утвержде́й в нача́ле небеса́ ра́зумом, и зе́млю на вода́х основа́вый, на ка́мени мя́, Христе́, за́поведей Твои́х утверди́, я́ко не́сть свя́т, па́че Тебе́, Еди́не Человеколю́бче. | Христе, в начале премудро утвердивший небеса и поставивший на водах землю! Утверди меня на камне заповедей Твоих, ибо нет святого, кроме Тебя, единый Человеколюбец. |
Тропари.
| Перваго канона. Осужде́на бы́вша Ада́ма вкуше́нием греха́, пло́ти Твоея́ спаси́тельною стра́стию оправда́л еси́, Христе́: Са́м бо непови́нен сме́ртнаго иску́са бы́л еси́, Безгре́шне. | Адама, осужденного за вкушение, Ты, Христе, оправдал от греха Своими спасительными плотскими страданиями; ибо Сам Ты, как безгрешный, не подлежал испытанию смерти. |
| Воскре́сения све́т возсия́ су́щым во тьме́, и се́ни сме́ртней седя́щым, Бо́г мо́й Иису́с, и Свои́м Божество́м кре́пкаго связа́в, сего́ сосу́ды расхи́тил е́сть. | Бог мой Иисус светом воскресения просветил сидевших во тьме и тени смертной, и Своим Божеством связав сильного (диавола), расхитил его имущество. (Мф. 12:29.) |
| Херуви́мов и Серафи́мов превы́шши яви́лася еси́, Богоро́дице: Ты́ бо Еди́на прия́ла еси́ Невмести́маго Бо́га в Твое́м чре́ве, Нескве́рная: те́мже Тя́ ве́рнии вси́ пе́сньми, Чи́стая, ублажа́ем. | Ты, Богородица, стала превыше херувимов и серафимов; ибо Ты, Нескверная, одна восприняла в Свою утробу невместимого Бога. Посему все мы, верующие, песнями ублажаем Тебя, Чистая. |
| Втораго канона. Отве́ргшагося пре́жде за́поведи, Го́споди, изринове́на мя́ от Тебе́ сотвори́л еси́, в него́же вообрази́вся, послуша́нию же навы́к, себе́ па́ки назда́л (научи́в, к себе́ всели́л) еси́ распя́тием. | Меня, некогда преступившего заповедь Творца моего, Ты, Господи, достойно отверг от Себя; но восприняв мое естество и научив послушанию, чрез распятие усвоил меня Себе. (Еф. 2:19.) |
| Прему́дростию вся́ проуве́девый, Го́споди, и ра́зумом Твои́м водрузи́вый преиспо́дняя, не не сподо́бил еси́ снизхожде́нием Твои́м Сло́ве Бо́жий, воскреси́ти, е́же по о́бразу Твоему́. | Ты, Господи, премудростью провидевший все и Своим разумом сотворивший преисподнюю, по Своему снисхождению, не счел недостойным для Себя, Божие Слово, восстановить созданного по Твоему образу (человека). |
| Всели́вся в Де́ву теле́сне, Го́споди, яви́лся еси́ челове́ком, я́коже подоба́ше ви́дети Тебе́: Ю́же и показа́л еси́ я́ко и́стинную Богоро́дицу, и ве́рных Помо́щницу, Еди́не Человеколю́бче. | Вселившись в Деву, Ты, Господи, явился людям во плоти, как надлежало явиться Тебе, и сделал Ее истинною Богородицею и заступницею верующих, единый Человеколюбец. |
| Третьяго канона. Да́ждь на́м по́мощь Твои́ми моли́твами, Всечи́стая, прило́ги отража́ющи лю́тых обстоя́ний. | Даруй нам помощь, Всечистая, Своими молитвами отражая (от нас) удары страшных бедствий. |
| Е́ве прама́тери Ты́ исправле́ние была́ еси́, Нача́льника жи́зни ми́рови, Христа́ Богоро́дице ро́ждши. | Восстановлением праматери Евы сделалась Ты, Богородица, родивши миру Виновника жизни – Христа. |
| Препоя́ши мя́ си́лою, Всечи́стая, Я́же вои́стинну Бо́га ро́ждши пло́тию, О́тчую Ипоста́сную си́лу. | Препояшь меня силою, Всечистая, плотию истинно родившая Бога – ипостасную силу Отца. |
Песнь 4. Ирмос.
| Ты́ моя́ кре́пость, Го́споди, Ты́ моя́ и си́ла, Ты́ мо́й Бо́г, Ты́ мое́ ра́дование, не оста́вль не́дра О́тча, и на́шу нищету́ посети́в. Те́м с проро́ком Авваку́мом зову́ Ти: си́ле Твое́й сла́ва, Человеколю́бче. | Ты – моя крепость, Ты – моя и сила, Ты – мой Бог, Ты – моя радость, Господи, не оставивший Отеческих недр и призревший на наше убожество. Посему с пророком Аввакумом восклицаю Тебе: слава силе Твоей, Человеколюбец! |
Тропари.
| Ты́ врага́ су́ща мя́ зело́ возлюби́л еси́: Ты́ истоща́нием стра́нным соше́л еси́ на зе́млю, Благоутро́бне Спа́се, после́дняго моего́ досажде́ния не отве́ргся, и пребы́в на высоте́ пречи́стыя Твоея́ сла́вы, пре́жде безче́ствованнаго просла́вил еси́. | Ты, милосердый Спаситель, весьма возлюбил меня – бывшего врага; с необычайным уничижением Ты нисшел на землю, не отвратившись от моего крайнего нечестия, и оставшись на высоте Своей неизреченной славы, прославил меня, прежде презренного. |
| Кто́ зря́, Влады́ко, ны́не не ужаса́ется, стра́стию сме́рть разруша́ему; Кресто́м бежа́щее тле́ние, и сме́ртию а́д бога́тства истощава́емый, Боже́ственною си́лою Тебе́ распя́таго; чу́дно де́ло, Человеколю́бче! | Владыко! Кто не изумляется ныне, видя, что страданиями уничтожается смерть, крестом прогоняется тление, и смертию ад лишается своего богатства? Это – необычайное дело Твоего Божественного всемогущества, распятый Человеколюбец. |
| Ты́ ве́рным похвала́ еси́ Безневе́стная, Ты́ Предста́тельнице, Ты́ и прибе́жище христиа́н, стена́ и приста́нище: к Сы́ну бо Твоему́ мольбы́ но́сиши, Всенепоро́чная, и спаса́еши от бе́д, ве́рою и любо́вию Богоро́дицу Чи́стую Тебе́ зна́ющих. | Ты – прославление верующих, Неневестная, Ты – защитница и прибежище христиан, Ты – их стена и пристанище; ибо Ты, Всенепорочная, Свои молитвы возносишь к Сыну Своему и спасаешь от бед с верою и любовию исповедующих Тебя чистою Богородицею. |
| Втораго канона. На Кресте́ Тя пригвозди́ша законопресту́пных де́ти, Христе́ Бо́же: и́мже спа́сл еси́ я́ко Благоутро́бен, сла́вящыя Твоя́ страда́ния. | Потомки законопреступников пригвоздили Тебя, Человеколюбец,76 ко кресту, которым Ты, как милосердый, спас прославляющих Твои страдания. |
| Воскре́с от гро́ба, вся́ совоскреси́л еси́ су́щыя во а́де ме́ртвыя, и просвети́л еси́ я́ко Благоутро́бен, сла́вящыя Твое́ воскре́сение. | Воскресши из гроба, Ты воскресил с Собою всех пребывавших в аде мертвых и просветил прославляющих Твое воскресение, как милосердый. |
| Бо́га, Его́же родила́ еси́, Пречи́стая Мари́е, Того́ моли́ дарова́ти рабо́м Твои́м согреше́ний проще́ние. | Моли, пречистая Мария, родившегося от Тебя Бога, даровать рабам Твоим прощение грехов. |
| Третьяго канона. Кла́с возрасти́вшая животво́рный, неора́нная ни́во, подаю́щаго ми́рови жи́знь, Богоро́дице, спаса́й пою́щыя Тя́. | Неоранная нива, произрастившая животворный колос, подающий миру жизнь, – Богородица! Спасай воспевающих Тебя. |
| Богоро́дицу Тя́, Всечи́стая, просве́щшиися вси́ пропове́дуем: Со́лнце бо пра́вды родила́ еси́, Присноде́во. | Все мы, просвещенные, исповедуем Тебя Богородицею, Всечистая; ибо Солнце правды родила Ты, Приснодева. |
| Очище́ние да́руй на́шым неве́дением, я́ко Безгре́шен: и умири́ ми́р Тво́й, Бо́же, моли́твами ро́ждшия Тя́. | Прощение грехов даруй нам, как безгрешный, и умиротвори мир Твой, Боже, по молитвам Родившей Тебя. |
Песнь 5. Ирмос.
| Вску́ю мя́ отри́нул еси́ от лица́ Твоего́, Све́те незаходи́мый, и покры́ла мя́ е́сть чужда́я тьма́ окая́ннаго; но обрати́ мя, и к све́ту за́поведей Твои́х пути́ моя́ напра́ви, молю́ся. | Для чего Ты отверг меня от лица Твоего, Свет незаходимый, и чуждая тьма покрыла меня несчастного? Но обрати меня и направь пути мои к свету заповедей Твоих, молюсь (Тебе). |
Тропари.
| Перваго канона. Оде́ятися претерпе́л еси́ в багряни́цу пре́жде стра́сти Твоея́, Спа́се, поруга́емь, первозда́ннаго покрыва́я безъобра́зное обнаже́ние: и на́г пригвозди́лся еси́ на Кресте́ пло́тию, совлача́я, Христе́, ри́зу умерщвле́ния. | Будучи поругаем пред Своими страданиями, Ты, Спаситель Христос, дозволил облечь Себя в багряницу, чтобы прикрыть постыдную наготу первозданного (Адама), и – нагим пригвоздить Себя ко кресту, чтобы совлечь (с Адама) одежду умерщвления. |
| От пе́рсти сме́ртныя, Ты́ па́дшее мое́ па́ки назда́л еси́ существо́, воскре́с: и нестаре́ющееся, Христе́, устро́ил еси́, яви́в па́ки я́коже ца́рский о́браз, нетле́ния жи́знь блиста́ющ. | Ты, Христе, Своим воскресением из смертной персти восстановил мое падшее естество и сделал его неветшающим, устроив его снова как бы царским изображением, отражающим свет нетления. |
| Ма́тернее дерзнове́ние, е́же к Сы́ну Твоему́ иму́щи, Всечи́стая, сро́днаго промышле́ния, е́же о на́с, не пре́зри, мо́лимся: я́ко Тебе́ и Еди́ну христиа́не ко Влады́це очище́ние ми́лостивно предлага́ем. | Как имеющая материнское дерзновение к Своему Сыну, не отвергни родственного о нас попечения, молимся Тебе, Всечистая; ибо мы, христиане, в Тебе единой имеем милосердую ходатаицу пред Владыкою. |
| Втораго канона. Наста́ви на́с си́лою Креста́ Твоего́, Христе́: те́м бо Тебе́ припа́даем, ми́р пода́ждь на́м, Человеколю́бче. | Наставь нас силою креста Твоего, – ради его мы припадаем к Тебе,–и мир даруй нам, Человеколюбец. |
| Окорми́ живо́т на́ш, я́ко Преблаги́й (Бо́же на́ш) пою́щих Твое́ воста́ние, и ми́р пода́ждь на́м, Человеколю́бче. | Как преблагой, руководи нас в жизни, прославляющих Твое воскресение, и даруй нам мир, Человеколюбец. |
| Умоли́, Чи́стая, Сы́на Твоего́ и Бо́га на́шего, Неискусобра́чная Мари́е Пречи́стая, е́же низпосла́ти на́м ве́рным ве́лию ми́лость. | Умоли Сына Твоего и Бога нашего, чистая, неискусобрачная и досточтимая Мария, – ниспослать нам верующим великую милость. |
| Третьяго канона. Утоли́ нестерпи́мую бу́рю страсте́й мои́х, Я́же Бо́га ро́ждшая Окорми́теля и Го́спода. | Утиши нестерпимую бурю страстей моих, Родившая Бога – правителя и Господа. |
| Слу́жат рождеству́ Твоему́, Пречи́стая Богоро́дице, а́нгельстии чи́нове, и челове́ков собра́ние. | Пред Твоим рождеством, пречистая Богородица, благоговеют чины Ангелов и общества людей. |
| Мари́е Богоро́дице Безневе́стная, упова́ния враго́в осуети́, и пою́щыя Тя́ возвесели́. | Мария, безбрачная Богородица! Сделай суетными надежды врагов (наших) и возвесели прославляющих Тебя. |
Песнь 6. Ирмос.
| Очи́сти мя́, Спа́се, мно́га бо беззако́ния моя́, и из глубины́ зо́л возведи́, молю́ся: к Тебе́ бо возопи́х, и услы́ши мя́, Бо́же спасе́ния моего́. | Очисти меня, Спаситель, – ибо много беззаконий моих, – и из глубины зол изведи, молю, – ибо к Тебе я воззвал, – и услышь меня, Боже спасения моего. |
Тропари.
| Перваго канона. Дре́вом кре́пко низложи́ мя началозло́бный: Ты́ же, Христе́, возне́сся на Кресте́, крепча́е (кре́пльшаго) низложи́л еси́, посрами́в сего́, па́дшаго же воскреси́л еси́. | Виновник бед (диавол) жестоко поразил меня древом; но Ты, Христе, Сам вознесшись на крест, нанес ему еще большее поражение и, посрамив его, воскресил (меня) падшего. |
| Ты́ уще́дрил еси́ Сио́на, возсия́вый от гро́ба, но́ваго вме́сто ве́тхаго соверши́в, я́ко Благоутро́бен, Боже́ственною Твое́ю кро́вию: и ны́не ца́рствуеши в не́м во ве́ки, Христе́. | Ты, Христе, воскресши из гроба, помиловал Сион, Своею Божественною кровию из ветхого сделав новым, как милосердый, и ныне царствуешь в нем во веки. |
| Да изба́вимся от лю́тых прегреше́ний, мольба́ми Твои́ми, Богороди́тельнице Чи́стая, и да улучи́м, Пречи́стая, Боже́ственное сия́ние, из Тебе́ неизрече́нно воплоще́ннаго Сы́на Бо́жия. | Да избавимся от лютых грехов по молитвам Твоим, чистая Богородительница, и да получим Божественное озарение Сына Божия, непостижимо воплотившегося от Тебя, Пречистая. |
| Втораго канона. Дла́ни на Кресте́ распросте́рл еси́, исцеля́яй неудержа́нно просте́ртую во Еде́ме ру́ку первозда́ннаго: и Твое́ю во́лею же́лчи вкуси́в, и спа́сл еси́, Христе́, я́ко Си́лен, сла́вящыя Твоя́ страда́ния. | Исцеляя невоздержно простертую в Едеме руку первозданного, Ты, Христе, распростер Свои руки на кресте, вкусил добровольно желчи и, как всемогущий, спас прославляющих Твои страдания. |
| Сме́рти Изба́витель вкуси́, дре́вняго осужде́ния, я́ко да и тле́ния ца́рство разруши́т, и во а́дская сше́д, воскре́се Христо́с, и спасе́ я́ко Си́лен пою́щыя Его́ воскре́сение. | Искупитель Христос вкусил древнего осуждения на смерть, чтобы разрушить и царство тления; нисшед к пребывавшим в аде, воскрес и, как всемогущий, спас прославляющих Его воскресение. |
| Не преста́й за ны́ моля́щи, Пречи́стая Богоро́дице Де́во, я́ко ве́рным утвержде́ние Ты́ еси́ наде́ждою Твое́ю крепи́мся, и любо́вию Тя́, и из Тебе́ воплоще́ннаго неизрече́нно сла́вим. | Не преставай молиться о нас, пресвятая Богородица Дева, ибо Ты – опора верующих, и надеждою на Тебя мы укрепляемся; посему с любовью прославляем Тебя и непостижимо Воплотившегося от Тебя. |
| Третьяго канона. Хра́м Тя́ Бо́жий и Ковче́г, и черто́г одушевле́нный, и две́рь небе́сную, Богоро́дице, ве́рнии возвеща́ем. | Божественным храмом и ковчегом, одушевленным чертогом и вратами небесными мы, верующие, исповедуем Тебя, Богородица. |
| Тре́бищ разруши́тель я́ко Бо́г, бы́вшее рождество́ Твое́, Мари́е Богоневе́сто, покланя́емо е́сть со Отце́м и Ду́хом. | Сын Твой, Богоневеста Мария, как Бог, явился разрушителем идолов, и Ему поклоняются с Отцом и Духом. |
| Сло́во Бо́жие Тебе́ земны́м, Богоро́дице, показа́ Небе́сную Ле́ствицу: Тобо́ю бо к на́м сни́де. | Слово Божие людям показало Тебя, Богородица, небесною лестницею, ибо чрез Тебя низошло к нам. |
Кондак.
| Воскре́с из гро́ба, уме́ршыя воздви́гл еси́, и Ада́ма воскреси́л еси́, и Е́ва лику́ет во Твое́м воскре́сении, мирсти́и концы́ торжеству́ют, е́же из ме́ртвых воста́нием Твои́м, Многоми́лостиве. | Восстав из гроба, Ты воздвиг умерших и воскресил Адама; Ева ликует о Твоем воскресении, и пределы мира торжествуют от Твоего из мертвых восстания, Многомилостивый. |
Икос.
| А́дова ца́рствия плени́вый, и ме́ртвыя воскреси́вый, Долготерпели́ве, жены́ мироно́сицы сре́тил еси́, вме́сто печа́ли ра́дость принесы́й: и апо́столом Твои́м возвести́л еси́ победи́тельная, Спа́се мо́й, зна́мения Живода́телю, и тва́рь просвеща́еши, Человеколю́бче. Cего́ ра́ди и ми́р сра́дуется, е́же из ме́ртвых воста́нию Твоему́, Многоми́лостиве. | Пленив царство ада и воскресив мертвых, Ты, долготерпеливый, встретил жён-мироносиц и вместо печали даровал им радость; Апостолам Своим Ты показал знамения победы, Жизнеподатель и Спаситель мой, и просветил тварь, Человеколюбец. Посему и мир радуется Твоему из мертвых воскресению, Многомилостивый. |
Песнь 7. Ирмос.
| Бо́жия снизхожде́ния о́гнь устыде́ся в Вавило́не иногда́: сего́ ра́ди о́троцы в пещи́ ра́дованною ного́ю, я́ко во цве́тнице лику́юще поя́ху: благослове́н еси́ Бо́же оте́ц на́ших. | Некогда в Вавилоне огнь устыдился Божественного снисшествия; посему отроки в печи, как на лугу, скакали радостными стопами и воспевали: благословен Ты, Бог отцов наших. |
Тропари.
| Перваго канона. Сла́вное истоща́ние, Боже́ственное бога́тство Твоея́ нищеты́, Христе́, удивля́ет а́нгелы, на Кресте́ зря́щыя Тя́ пригвожда́ема, за е́же спасти́ ве́рою зову́щыя: благослове́н еси́ Бо́же оте́ц на́ших. | Славное уничижение, Божественное богатство Твоей нищеты, Христе, привело в ужас Ангелов, видевших Тебя пригвожденным ко кресту ради спасения с верою восклицающих: благословен Ты, Бог отцов наших. |
| Боже́ственным Твои́м соше́ствием све́та испо́лнил еси́ преиспо́дняя, и тьма́ прогна́на бы́сть пре́жде гоня́щая. Отню́дуже воскресо́ша и́же от ве́ка ю́зницы, зову́ще: благослове́н Бо́г оте́ц на́ших. | При Твоем Божественном нисшествии ад наполнился светом, и окружавшая прежде тьма прогнана. Посему вечные узники воскресли, восклицая: благословен Бог отцов наших. |
| Все́м у́бо Го́спода, Еди́наго же Еди́ному (еди́ному же то́чию) Единоро́дному Сы́ну правосла́вно Отца́, богосло́вяще Тя́ возвеща́ем, и Еди́наго ве́дяще от Тебе́ исходя́ща Ду́ха Пра́ваго, Соесте́ственна и Соприсносу́щна. | Православно богословствуя, исповедуем Тебя Господом всех, но Отцом единого только единородного Сына, и чтим единого от Тебя исходящего Духа правого, соестественного и совечного. |
| Втораго канона. Спасе́ние соде́лал еси́ посреде́ вселе́нныя, проро́чески, Бо́же: на дре́во бо вознесе́н бы́в, вся́ призва́л еси́ ве́рою зову́щыя: оте́ц на́ших Бо́же благослове́н еси́. | Согласно пророчеству, Ты, Боже, совершил спасение посреди вселенной; ибо, будучи вознесен на древо, призвал всех, с верою восклицающих: благословен Ты, Бог отцов наших. |
| Воскре́с от гро́ба, я́коже от сна́, Ще́дре, все́х изба́вил еси́ от тли́, тва́рь же уверя́ется апо́столы пропове́дающими воста́ние: отце́в Бо́же благослове́н еси́. | Воскресши из гроба, как бы от сна, Ты, Милосердый, избавил всех от тления; тварь же уверяется Апостолами, проповедующими воскресение. Благословен Ты. Бог отцов наших. |
| Равноде́тельное Ро́ждшему, Равноси́льное Сло́во и Соприсносу́щное, во утро́бе Де́вы, Отца́ благоволе́нием, и Ду́ха, созида́ется: отце́в на́ших Бо́же благослове́н еси́. | Равное с Родившим по действиям и силе и совечное Слово, по благоволению Отца и Духа, созидается в утробе Девы. Благословен Ты, Бог отцов наших. |
| От Де́вственных ложе́сн вопло́щься, яви́лся еси́ на спасе́ние на́ше. Те́мже Твою́ Ма́терь ве́дяще Богоро́дицу правосла́вно зове́м: отце́в Бо́же благослове́н еси́. | Воплотившись от девственной утробы, Ты явился (на землю) для нашего спасения. Посему мы, православно исповедуя Матерь Твою Богородицею, восклицаем: благословен Ты, Бог отцов наших. |
| Же́зл прорасти́ла еси́, Де́во, от ко́рене Иессе́ова, Всеблаже́нная, Пло́д цветонося́щи спаси́тельный, ве́рою Сы́ну Твоему́ зову́щым: отце́в Бо́же благослове́н еси́. | Ты, всеблаженная Дева, соделалась отраслью от корня Иессеева, принесшею спасительный плод с верою восклицающим Сыну Твоему: благословен Ты, Бог отцов наших. |
| Прему́дрости испо́лни все́х и си́лы Боже́ственныя, Ипоста́сная Прему́дросте Вы́шняго, Богоро́дицею, ве́рою Тебе́ пою́щих: отце́в на́ших Бо́же благослове́н еси́. | Ипостасная Премудрость Вышнего! Ради Богородицы исполни мудрости и Божественной силы всех, с верою воспевающих Тебе: благословен Ты, Бог отцов наших. |
Песнь 8. Ирмос.
| Седмери́цею пе́щь халде́йский мучи́тель богочести́вым неи́стовно разжже́, си́лою же лу́чшею спасе́ны сия́ ви́дев, Творцу́ и Изба́вителю вопия́ше: о́троцы благослови́те, свяще́нницы воспо́йте, лю́дие превозноси́те во вся́ ве́ки. | Семикратно в неистовстве разжег печь для благочестивых (отроков) халдейский властитель; но, увидев их спасенными силою высшею, восклицал к Творцу и Избавителю: отроки, благословляйте, священники, воспевайте, люди, превозносите (Его) во все веки. |
Тропари.
| Перваго канона. Иису́сова Божества́ Пребоже́ственная си́ла, в на́с боголе́пно возсия́ла е́сть: пло́тию бо вку́ш за все́х сме́рть кре́стную, разруши́ а́дову кре́пость. Его́же непреста́нно де́ти благослови́те, свяще́нницы воспо́йте, лю́дие превозноси́те во вся́ ве́ки. | Пребожественная сила Божества Иисусова богоприлично проявилась в деле нашего спасения;77 ибо Он, вкусив за всех крестную смерть, уничтожил могущество ада. Его, отроки, благословляйте, священники, воспевайте, люди, превозносите во все веки. |
| Распны́йся воста́, великовы́йный паде́, пады́й и сокруше́нный испра́вися, тля́ отве́ржена бы́сть, и нетле́ние процвете́: Жи́знию во ме́ртвенное поже́рто бы́сть. Де́ти благослови́те, свяще́нницы воспо́йте, лю́дие превозноси́те во вся́ ве́ки. | Распятый воскрес; гордый (диавол) поражен; падший и сокрушенный (человек) восстановлен; тление изгнано, и процвело нетление: ибо смертное поглощено жизнию. Отроки, благословляйте, священники, воспевайте, люди, превозносите (Христа) во все веки. (1Кор.15:53; 2Кор.5:4.) |
| Трисве́тлое Божество́, еди́ну сия́ющее зарю́ от Еди́наго Триипоста́снаго Естества́, Роди́теля Безнача́льна: Единоесте́ственно же Сло́во Отцу́, и Сца́рствующаго Единосу́щнаго Ду́ха, де́ти благослови́те, свяще́нницы воспо́йте, лю́дие превозноси́те во вся́ ве́ки. | Трисветлое Божество, сияющее единым светом от единого триипостасного естества, – безначального Родителя, соестественное Слово Отца и соцарствующего и единосущного Духа, – отроки, благословляйте, священники, воспевайте, люди, превозносите во все веки. |
| Втораго канона. На дре́ве ру́це мне́ просте́ршаго обнаже́нному, призыва́юща мя́, Свое́ю благообра́зною согре́яти нагото́ю: благослови́те вся́ дела́ Госпо́дня, и превозноси́те Его́ во ве́ки. | Господа, распростершего на древе руки ко мне обнаженному и призывающего меня к Себе, чтобы согреть Своею благообразною наготой, – все творения Господни, благословляйте и превозносите Его во веки. |
| Из преиспо́дняго а́да возне́сша мя́ па́дшаго, и высокопресто́льною сла́вою Роди́теля поче́тшаго: благослови́те вся́ дела́ Госпо́дня Го́спода, и превозноси́те Его́ во ве́ки. | Господа, возвысившего меня – падшего из преисподнейшего ада и почтившего славою на высоком престоле Своего Родителя, – все творения Господни, благословляйте и превозносите Его во веки. |
| Ада́ма, Де́во, па́дшаго у́бо яви́лася еси́ Дщи́, Бо́га же Ма́ти, обнови́вшаго мое́ существо́: Его́же пое́м вся́ дела́ я́ко Го́спода, и превозно́сим во вся́ ве́ки. | Ты, Дева, явилась дочерью падшего Адама, но – Матерью Бога, обновившего мое естество, Которого мы (и) все творения воспеваем, как Господа, и превозносим во все веки. |
| Третьяго канона. Сопроти́вных разжже́нныя и пламенови́дныя на на́с угаси́ стре́лы: я́ко да пое́м Тя́ во вся́ ве́ки. | Угаси направленные против нас обольстительные и огненные стрелы врагов, чтобы мы воспевали Тебя, Чистая, во все веки. |
| Преесте́ственне Соде́теля и Спа́са, Бо́га Сло́ва родила́ еси́, Де́во: те́мже Тя́ пое́м, и превозно́сим во вся́ ве́ки. | Ты, Дева, сверхъестественно родила Творца и Спасителя, Бога – Слово; посему мы воспеваем и превозносим Тебя во все веки. |
| Просвети́тельную Тя́, и Златоза́рную, все́льшийся в Тя́ Све́т Непристу́пный, Де́во, показа́ свещу́ во вся́ ве́ки. | Вселившийся в Тебя неприступный Свет сделал Тебя, Дева, светлым и златовидным светильником во все веки. |
Песнь 9. Ирмос.
| Ужасе́ся о Се́м не́бо, и земли́ удиви́шася концы́, я́ко Бо́г яви́ся челове́ком пло́тски, и чре́во Твое́ бы́сть простра́ннейшее небе́с. Те́м Тя́, Богоро́дицу, а́нгелов и челове́к чинонача́лия велича́ют. | Ужаснулось небо, и пределы земли удивились тому, что Бог явился к людям во плоти, и чрево Твое сделалось пространнее небес; посему чины Ангельские и человеческие величают Тебя, Богородица. |
Тропари.
| Перваго канона. Боже́ственным и Безнача́льным Естество́м про́ст сы́й, сложи́лся еси́ прия́тием пло́ти, в Тебе́ Само́м Сию́ соста́вив, Сло́ве Бо́жий, и пострада́в я́ко челове́к, пребы́л еси́ кроме́ страсте́й я́ко Бо́г. Те́мже Тя́ во Двою́ Существу́ неразде́льно и неслия́нно велича́ем. | Ты, Божие Слово, будучи простым по Своему Божественному и безначальному естеству, восприняв плоть чрез это восприятие соединился с нею и, пострадав как человек, пребыл непричастен страданиям как Бог. Посему Тебя в двух естествах нераздельно и неслиянно величаем. |
| Отца́ по Существу́ Боже́ственному, я́коже естество́м бы́в челове́к, ре́кл еси́ Бо́га Вы́шний рабо́м снизходя́, воскре́с от гро́ба, благода́тию Отца́ земноро́дным поло́ж, и́же по естеству́ Бо́га же и Влады́ку, с Ни́мже Тя́ вси́ велича́ем. | Ты, Вышний, нисшед к рабам (и) будучи по (человеческому) естеству как человек, Отца (Своего) по естеству Божественному называл Богом; воскресши (же) из гроба, сделал по благодати Отцом земных Бога по естеству и Владыку, с Которым все величаем Тебя. |
| Яви́лася еси́, О Де́во Ма́ти Бо́жия, па́че естества́ ро́ждши пло́тию Бо́га Сло́ва, Его́же Оте́ц отры́гну от се́рдца Своего́ пре́жде все́х ве́к, я́ко Бла́г, Его́же ны́не и теле́с превы́шша разуме́ем, а́ще и в те́ло облече́ся. | Ты, Дева, явилась Матерью Бога, сверхъестественно родивши плотию Бога – Слово, Которое прежде всех веков Отец, как благой, отрыгнул из Своего сердца, Которое и ныне мы исповедуем превысшим (всего) телесного, хотя Оно и облечено в тело. (Рим. 12:5.) |
| Втораго канона. Бо́жия Тя́ естество́м у́бо Сы́на, зача́таго во утро́бе све́мы Богома́тере, и бы́вшаго на́с ра́ди Челове́ка, и зря́ще Тя́ на Кресте́ естество́м у́бо стра́ждуща челове́ческим, безстра́стна же я́ко Бо́га пребыва́юща велича́ем. | Исповедуем Тебя Сыном Божиим по естеству, зачатым в утробе Богоматери и ради нас сделавшимся человеком, хотя и видим Тебя страждущим на кресте по естеству человеческому, но пребывшим чуждым страданий, как Бога. |
| Разруши́ся тьма́ дря́хлая, от а́да бо возсия́ Со́лнце Пра́вды Христо́с, земли́ просвеща́я вся́ концы́, сия́я Божества́ све́том, Небе́сный Челове́к, Бо́г земны́й: Его́же во двою́ естеству́ велича́ем. | Уничтожена горестная тьма, ибо из ада воссияло Солнце правды, просвещающее все пределы земли, сияющее светом Божества, – Христос, небесный человек, явившийся на земле Бог, Которого мы величаем в двух естествах. |
| Напрязи́, и успева́й, и ца́рствуй, Сы́не Богома́тере, исма́ильтеския лю́ди покаря́я, борю́щыя ны́, я́ко ору́жие непобеди́мое, приходя́щым к Тебе́ Кре́ст с копие́м да́руя. | Напряги (силы), успевай и царствуй, Сын Богоматери, поражая враждующих против нас измаильтян и даруя любящему благочестие и прибегающему к Тебе Императору крест, вместе с копьем, как непобедимое оружие. |
| Третьяго канона. Ра́дости и весе́лия испо́лнь е́сть па́мять Твоя́, приступа́ющым исцеле́ния точа́щи, и благоче́стно Богоро́дицу Тя́ возвеща́ющым. | Радости и веселия исполнена память о Тебе, источающая исцеления прибегающим (к Тебе) и благоговейно исповедующим Тебя Богородицею. |
| Псалмы́ Тя́ воспева́ем, Благода́тная, и немо́лчно, е́же ра́дуйся, прино́сим: Ты́ бо источи́ла еси́ все́м ра́дость. | Псалмопениями прославляем Тебя, Благодатная, и не умолкая восклицаем Тебе приветствие: «радуйся»; ибо Ты источила всем радость. |
| Красе́н, Богоро́дице, прорасте́ пло́д Тво́й, не тли́ причаща́ющымся хода́тайствен, но жи́зни, ве́рою Тя́ велича́ющым. | Вожделен, Богородица, плод Твой, подающий не смерть вкушающим его, но – жизнь с верою величающим Тебя. |
Д) Стихиры на хвалитех.
| Го́споди, а́ще и суди́лищу предста́л еси́ от Пила́та суди́мый, но не отступи́л еси́ от престо́ла со Отце́м седя́: и воскре́с из ме́ртвых, ми́р свободи́л еси́ от рабо́ты чужда́го, я́ко Ще́др и Человеколю́бец. | Господи! хотя Ты и предстоял судилищу, судимый Пилатом, но не оставлял Своего престола, восседая со Отцом, и, воскресши из мертвых, освободил мир от рабства врагу, как Милосердый и Человеколюбец. |
| Го́споди, ору́жие на диа́вола Кре́ст Тво́й да́л еси́ на́м: трепе́щет бо и трясе́тся, не терпя́ взира́ти на си́лу его́: я́ко ме́ртвыя возставля́ет, и сме́рть упраздни́. Сего́ ра́ди покланя́емся погребе́нию Твоему́ и воста́нию. | Господи! Ты даровал нам крест Свой, как оружие против диавола, который трепещет и страшится, не смея взирать на его силу; ибо он воскрешает мертвых и уничтожил смерть. Посему поклоняемся Твоему погребению и воскресению. |
| Го́споди, а́ще и я́ко ме́ртва во гро́бе иуде́и положи́ша: но я́ко Царя́ спя́ща во́ини Тя́ стрежа́ху, и я́ко живота́ сокро́вище, печа́тию печа́таша: но воскре́сл еси́, и по́дал еси́ нетле́ние душа́м на́шым. | Господи! хотя иудеи и положили Тебя во гроб как мертвого, но воины охраняли Тебя, как спящего Царя; хотя они и запечатали печатью как сокровище жизни, но Ты воскрес и даровал бессмертие душам нашим. |
| А́нгел Тво́й, Го́споди, Воскре́сение пропове́давый, стра́жи у́бо устраши́, жена́м же возгласи́ глаго́ля: что́ и́щете Жива́го с ме́ртвыми; воскре́се Бо́г сы́й, и вселе́нней жи́знь дарова́. | Ангел Твой, Господи, возвестивший о воскресении, стражей привел в ужас, но к женам громогласно воскликнул: зачем ищете Живого между мертвыми? Он, как Бог, воскрес и даровал вселенной жизнь. |
| Пострада́л еси́ Кресто́м, Безстра́стный Божество́м, погребе́ние прия́л еси́ тридне́вное, да на́с свободи́ши от рабо́ты вра́жия, и обезсме́ртив оживотвори́ши на́с, Христе́ Бо́же, воскре́сением Твои́м, Человеколю́бче. | Ты, Христе Боже, будучи не причастен страданиям по Божеству, претерпел крестные страдания (по человечеству); воспринял тридневное погребение, чтобы освободить нас от работы врагу, оживить нас и сделать бессмертными Своим воскресением, Человеколюбец. |
| Покланя́юся, и сла́влю, и воспева́ю, Христе́, Твое́ из гро́ба Воскре́сение, и́мже свободи́л еси́ на́с от а́довых нереши́мых у́з: и дарова́л еси́ ми́рови я́ко Бо́г жи́знь ве́чную, и ве́лию ми́лость. | Поклоняюсь, прославляю и воспеваю Твое из гроба воскресение, которым Ты, Христе, освободил нас от несокрушимых оков ада и, как Бог, даровал миру вечную жизнь и великую милость. |
| Жизноприе́мнаго Твоего́ гро́ба стрегу́ще законопресту́пнии, с кустоди́ею запеча́таша тогда́: Ты́ же я́ко Безсме́ртен Бо́г и Всеси́лен, воскре́сл еси́ тридне́вен. | К Твоему содержавшему в себе жизнь гробу беззаконники поставили стражу и запечатали его; но Ты, как бессмертный Бог и всемогущий, в третий день воскрес. |
| Доше́дшу Ти́ во врата́ а́дова, Го́споди, и сия́ сокруши́вшу, пле́нник си́це вопия́ше: кто́ Се́й е́сть, я́ко не осужда́ется в преиспо́дних земли́, но и я́ко се́нь разруши́ сме́ртное узи́лище; прия́х Того́ я́ко ме́ртва, и трепе́щу я́ко Бо́га. Всеси́льне, поми́луй на́с. | Когда Ты, Господи, пришел к вратам ада и разрушил их, пленник (диавол) восклицал так: кто это, что не подвергается заключению в преисподних земли, но разрушает, как шатер, темницу смерти? я принял Его, как смертного, но (теперь) трепещу пред Ним, как Богом. Всемогущий! помилуй нас. |
Блаженны на литургии
| Помяни́ на́с, Христе́ Спа́се ми́ра, я́коже разбо́йника помяну́л еси́ на дре́ве: и сподо́би все́х, Еди́не Ще́дре, Небе́сному Ца́рствию Твоему́. | Христе, Спаситель мира! Помяни нас, как помянул на древе разбойника, и удостой всех Твоего Небесного Царства, единый Милосердый. |
| Слы́ши Ада́ме, и ра́дуйся со Е́вою: я́ко обнажи́вый пре́жде обоя́, и пре́лестию взе́м ва́с пле́нники, Кресто́м Христо́вым упраздни́ся. | Слушай, Адам, и радуйся вместе с Евою: крестом Христовым низложен тот, кто некогда обнажил вас обоих и лестью сделал вас своими пленниками. |
| На дре́ве пригвожде́н бы́в Спа́се на́ш во́лею, я́же от дре́ва кля́твы Ада́ма изба́вил еси́, воздая́ я́ко Ще́др е́же по о́бразу, и ра́йское селе́ние. | Ты, Спаситель наш, будучи добровольно пригвожден к древу, избавил Адама от проклятия чрев древо и, как милосердый, возвратил сотворенному по Твоему образу человеку и райское жилище. |
| Дне́сь Христо́с воскре́с от гро́ба, все́м ве́рным подая́ нетле́ние, и ра́дость обновля́ет мироно́сицам по стра́сти и Воскре́сении. | Ныне Христос воскрес из гроба, даруя всем верующим нетление и после страданий и воскресения возобновляет радость мироносицам. |
| Ра́дуйтеся му́дрыя жены́ мироно́сицы, пе́рвыя Христо́во Воскре́сениеви́девшя, и его́ возвести́вшя апо́столом, всего́ ми́ра воззва́ние. | Радуйтесь, мудрые жёны-мироносицы, прежде всех узревшие воскресение Христа и возвестившие Его Апостолам о восстановлении всего мира! |
| Дру́зи Христо́вы апо́столи я́вльшеся, сопресто́льни Его́ сла́ве бы́ти иму́ще, со дерзнове́нием Тому́ на́м предста́ти, я́ко ученицы́ Его́ моли́теся. | Апостолы, сделавшиеся друзьями Христа! Вы, как ученики Его, имеющие восседать на престоле Его со славою, молитесь, чтобы нам предстать пред Ним с дерзновением. |
| Безнача́льная Тро́ице, Неразде́льное Существо́, Сопресто́льная Еди́нице, Единоче́стная сла́вою, Пренача́льное Естество́ и Ца́рство, спаса́й и́же ве́рою воспева́ющих Тя́. | Безначальная Троица, существо нераздельное, сопрестольная Единица, единочестная по славе, превышающее всякое начало естество и царство! Спасай с верою прославляющих Тебя. |
| Ра́дуйся, Бо́жие простра́нное Вмести́лище: ра́дуйся, Ковче́же но́ваго заве́та: ра́дуйся, ру́чко, из Нея́же ма́нна все́м даде́ся небе́сная. | Радуйся, пространное вместилище Бога! Радуйся, ковчег нового завета! Радуйся, золотой сосуд, из которого дарована всем небесная манна! |
Воскресные эксапостиларии и утренние евангельские стихиры
Эксапостиларий 1.
| Со ученики́ взы́дем на го́ру Галиле́йскую, ве́рою Христа́ ви́дети глаго́люща власть прия́ти вы́шних и ни́жних, научи́мся: ка́ко учи́т креща́ти во и́мя Отца́, и Сы́на, и Свята́го Ду́ха, язы́ки вся, и пребыва́ти с таи́нники, я́коже обеща́ся, до сконча́ния ве́ка. | Взойдем вместе с учениками (Господа) на Галилейскую гору, чтобы верою увидеть Христа, Который сказал, что Он получил власть над небом и землею, и узнаем, как Он учит крестить все народы во имя Отца и Сына и Святого Духа, и как Он обещал пребывать с посвященными в тайны78 до скончания (века). |
Богородичен.
| Со ученики́ ра́довалася еси́, Богоро́дице Де́во, я́ко Христа́ ви́дела еси́ воскре́сшаго от гро́ба тридне́вна, я́коже рече́: и́мже и яви́ся, науча́я и явля́я лу́чшая, и креща́ти во Отце́, и Сы́не, и Ду́се повелева́я, е́же ве́ровати нам Того́ воста́нию, и сла́вити Тя, Отрокови́це. | Ты, Богородица Дева, увидевши Христа, в третий день воскресшего из гроба, как Он Сам сказал, радовалась вместе с Его учениками, которым Он также явился, научая и открывая (им) высшие (тайны) и повелевая крестить во (имя) Отца и Сына и Святого Духа, чтобы мы веровали Его воскресению и прославляли Тебя, Отроковица. |
Стихира, глас 1.
| На го́ру ученико́м иду́щим за земно́е вознесе́ние, предста́ Госпо́дь, и поклони́вшеся Ему́, и да́нныя вла́сти везде́ научи́вшеся, в поднебе́сную посыла́хуся пропове́дати е́же из ме́ртвых воскресе́ние, и е́же на небеса́ возше́ствие: и́мже и во ве́ки спребыва́ти нело́жный обеща́ся Христо́с Бог, и Спас душ на́ших. | Когда ученики восходили на гору, то для вознесения от земли (на небо) им явился Господь. Когда же они поклонились Ему и узнали о данной Ему власти повсюду,79 то были посланы в поднебесную проповедовать о Его воскресении из мертвых и вознесении на небеса, причем пребывать с ними вечно дал не ложное обетование Христос Бог и Спаситель душ наших. |
Эксапостиларий 2.
| Ка́мень узре́вша отвале́н, мироно́сицы ра́довахуся, ви́деша бо ю́ношу седя́ща во гро́бе, и той тем рече́: се Христо́с воста́л есть, рцы́те с Петро́м ученико́м: на го́ру приспе́йте Галиле́йскую, та́мо вам яви́тся, я́коже предрече́ друго́м. | Мироносицы возрадовались, увидевши камень отваленным (от гроба) и узревши сидевшего на гробе юношу, который сказал им: вот, Христос воскрес; скажите Петру и (другим) ученикам: поспешите на Галилейскую гору, там Он явится вам, как предсказал Он Своим друзьям. (Мк. 16:1–7.) |
Богородичен.
| А́нгел у́бо принесе́ Де́ве, е́же ра́дуйся, пре́жде Твоего́ зача́тия, Христе́, А́нгел же ка́мень отвали́ гро́ба Твоего́, вме́сто печа́ли ов у́бо ра́дости неизрече́нныя зна́мения, ов же в сме́рти ме́сто пода́теля Тя жи́зни пропове́дуя и велича́я, и глаго́ля воскресе́ние жена́м, и таи́нником. | Пред Твоим зачатием, Христе, Ангел принес Деве приветствие «радуйся»; Ангел же и камень отвалил от Твоего гроба. Первый возвестил о знамениях неизреченной радости вместо печали, вторый возвестил о Тебе, как Виновнике жизни вместо смерти, прославляя Твое воскресение и проповедуя о нем женам (мироносицам) и ученикам. |
Стихира, глас 2.
| С ми́ры прише́дшим я́же с Мари́ею жена́м, и недоумева́ющимся, ка́ко бу́дет им улучи́ти жела́ние, яви́ся ка́мень взят, и Боже́ственный ю́ноша утоля́я мяте́ж душ их, воста́ бо, глаго́лет, Иису́с Госпо́дь. Те́мже пропове́дите пропове́дником Его́, ученико́м в Галиле́ю тещи́, и ви́дети Его́ воскре́сша из ме́ртвых, я́ко Жизнода́вца и Го́спода. | Когда Мария и другие жёны пришли с миром и недоумевали относительно достижения желаемого, камень оказался отваленным (от гроба), и Божественный юноша, успокаивая их душевное волнение, сказал: «воскрес Господь Иисус; посему скажите Его ученикам – проповедникам, чтобы они поспешили в Галилею и увидели Его воскресшим из мертвых, как Жизнеподателя и Господа». |
Эксапостиларий 3.
| Я́ко Христо́с воскре́се, никто́же да не ве́рует: яви́ся бо Мари́и, пото́м же ви́ден бысть на село́ иду́щима, таи́нником же па́ки яви́ся возлежа́щим единона́десятим, и́хже креща́ти посла́в, на небеса́ вознесе́ся, отню́дуже и сни́де, утвержда́я пропове́дание мно́жествы зна́мений. | Что Христос воскрес, в этом никто не должен сомневаться; ибо Он явился Марии, потом видели Его шедшие в селение (Еммаус) ученики, и затем явился одиннадцати возлежавшим ученикам; послав их крестить, вознесся на небеса, откуда нисшел и подтверждал их проповедь множеством чудес. |
Богородичен.
| Возсия́вшее Со́лнце, я́ко от черто́га жени́х, из гро́ба днесь, и ад плени́в, и смерть упраздни́в, Тебе́ Ро́ждшия моли́твами, свет нам низпосли́: свет, просвеща́ющ сердца́ и ду́ши: свет, ходи́ти всех наставля́ющ на стези́ повеле́ний Твои́х, и на путь ми́ра. | Солнце,80 воссиявшее ныне из гроба, как жених от чертога, пленившее ад и уничтожившее смерть! По молитвам Родившей Тебя, даруй нам свет, – свет, просвещающий сердца и души, – свет, наставляющий всех ходить по стезям заповедей Твоих и путям мира. |
Стихира, глас 3.
| Магдали́не Мари́и Спа́сово благовеству́ющей из ме́ртвых Воскресе́ние и явле́ние, не ве́рующе ученицы́, поноси́ми бы́ша о жестосе́рдии: но зна́меньми воору́жшеся и чудесы́, ко пропове́данию посыла́хуся, и Ты у́бо, Го́споди, к нача́льному све́ту возне́слся еси́ Отцу́, они́ же пропове́даша всю́ду сло́во, чудесы́ уверя́юще. Те́мже просвети́вшеся те́ми, сла́вим Твое́ е́же из ме́ртвых воскресе́ние, человеколю́бче Го́споди. | Ученики, не поверившие благовестию Марии Магдалины о воскресении из мертвых и явлении Спасителя, были укоряемы за жестокосердие; но вооруженные знамениями и чудесами были посланы на проповедь. Затем Ты, Господи, вознесся к Виновнику света – Отцу, а они, подкрепляемые чудесами, повсюду проповедали слово. Посему мы, просвещенные ими, прославляем Твое из мертвых воскресение, человеколюбивый Господи. |
Эксапостиларий 4.
| Доброде́тельми блиста́вшеся, ви́дим предстоя́ща в живоно́снем гро́бе му́жа в блеща́щихся ри́зах: мироно́сицам прекло́ньшим ли́ца на зе́млю, небесы́ Влады́чествующаго воскресе́нию да научи́мся, и к Живота́ гро́бу с Петро́м притеце́м, и соде́янному уди́вльшеся, пребу́дем Христа́ ви́дети. | Украсившись добродетелями, устремим свои взоры на тех мужей, которые в блистающих одеждах явились в живоносном гробе мироносицам, преклонившим лица к земле; уверимся в воскресении небесного Владыки; вместе с Петром поспешим к Жизни во гробе и, подивившись случившемуся, останемся созерцать Христа. |
Богородичен.
| Ра́доватися веща́вый, претвори́л еси́ печа́ль прароди́телей, Го́споди, ра́дость внося́ воста́ния Твоего́ в ми́ре: того́ у́бо Живода́вче, Ро́ждшею Тя, свет просвеща́ющ сердца́, свет щедро́т Твои́х низпосли́, е́же вопи́ти Тебе́: человеколю́бче Богочелове́че, сла́ва Твоему́ воста́нию. | Изрекши (приветствие) «радуйтесь», Ты, Господи, изменил печаль прародителей, вместо нее внесши в мир радость Твоего воскресения. Посему, ради Родившей Тебя, Жизнеподатель, ниспосли (нам) свет, просвещающий сердца, свет Твоего милосердия, чтобы восклицать Тебе: человеколюбивый Богочеловек, слава Твоему воскресению! |
Стихира, глас 4.
| У́тро бе глубоко́, и жены́ приидо́ша на гроб Твой, Христе́, но Те́ло не обре́теся жела́емое и́ми. Те́мже недоумева́ющимся, и́же в ри́зах блеща́щихся предста́вшии глаго́лаху: что жива́го с ме́ртвыми и́щете? Воста́, я́коже предрече́, что не по́мните глаго́л Его́? И́мже ве́ровавша, ви́денная пропове́даху, но мня́хуся лжа благове́щения: та́ко бы́ша еще́ ко́сни ученицы́. Но Петр тече́, и ви́дев просла́ви Твоя́ в себе́ чудеса́. | Было глубокое утро. Жёны пришли к Твоему гробу, Христе, но не нашли Твоего желанного тела. Посему, когда они недоумевали, им предстали в блестящих одеждах Ангелы и сказали: «зачем ищете Живого между мертвыми? Он воскрес, как сказал прежде. Зачем не помните слов Его?» Поверивши им, они рассказали все виденное; но их благовестие показалось неистинным, – так были еще косны ученики Его. Но Петр пошел и, увидев, прославил виденные им чудеса Твои. |
Эксапостиларий 5.
| Живо́т и путь, Христо́с воста́ из ме́ртвых, Клео́пе и Луце́ спутеше́ствова, и́маже и позна́ся во Еммау́се, преломля́я хлеб: ею́же ду́ши и сердца́ горя́ща бя́ху, егда́ те́ма глаго́лаше на пути́, и писа́ния ска́зоваше, я́же претерпе́. С ни́маже, воста́, зове́м, яви́ся же и Петро́ви. | Христос – жизнь и путь, воскресши из мертвых, сопутствовал Клеопе и Луке, которые и узнали Его в Еммаусе, когда Он преломлял хлеб. Души и сердца их горели в то время, когда Он говорил с ними на пути и писаниями объяснял им то, что Он претерпел. Воскликнем вместе с ними: воскрес Господь и явился Петру. (Лк. 24:13–34.) |
Богородичен.
| Пою́ безчи́сленную Твою́ ми́лость, Тво́рче мой, я́ко Себе́ истощи́л еси́, понести́ и спасти́ челове́ческое естество́ озло́бленное: и Бог сый, изво́лил еси́, от чи́стыя Богоотрокови́цы, по мне бы́ти, и сни́ти да́же до а́да, хотя́ ми спасти́ся, моли́твами Ро́ждшия Тя, Влады́ко Всеще́дрый. | Прославляю Твое неизмеримое милосердие, Создатель мой; ибо Ты уничижил Себя, чтобы воспринять и спасти погибшее человеческое естество; будучи Богом, соблаговолил уподобиться мне, родившись от непорочной Богоотроковицы, и низойти до ада, желая спасти меня, по молитвам Родившей Тебя, премилосердный Владыко. |
Стихира, глас 5.
| О прему́дрых суде́б Твои́х, Христе́! Ка́ко Петру́ у́бо плащани́цами еди́неми, дал еси́ разуме́ти Твое́ воскресе́ние? Луце́ же и Клео́пе спутеше́ствуя, бесе́довал еси́, и бесе́дуяй не а́бие себе́ явля́еши? Те́мже и поноси́мь быва́еши, я́ко еди́н прише́льствуяй во Иерусали́м, и не причаща́яйся в коне́ц сове́та их. Но И́же вся к созда́ния по́льзе стро́я, и я́же о Тебе́ проро́чествия откры́л еси́, и внегда́ благослови́ти хлеб, позна́лся еси́ им, и́хже и пре́жде того́ сердца́ к позна́нию Твоему́ распала́стася, и́же и ученико́м со́бранным уже́ я́сно пропове́даста Твое́ воскресе́ние, и́мже поми́луй нас. | Как премудры судьбы Твои, Христе! Как одними погребальными пеленами Ты дал Петру увериться в Твоем воскресении! Сопутствуя Луке и Клеопе, Ты беседовал с ними, но в этой беседе Ты не тот час открыл Себя им. Посему они и укорили Тебя в том, что Ты – один из пришельцев в Иерусалим и не участвовал в совершившихся совещаниях его. Но, как устрояющий все на пользу твари, Ты разъяснил пророчества о Себе и во время благословения хлеба был узнан ими, хотя у них и до этого времени пламенели сердца к познанию Тебя. Потом они и (другим) собравшимся ученикам ясно уже возвестили о Твоем воскресении, которым помилуй нас. |
Эксапостиларий 6.
| Показу́я, я́ко челове́к еси́ Спа́се, по существу́, посреде́ став воскре́с от гро́ба, и бра́шна сопричасти́лся еси́, учи́л еси́ креще́нию покая́ния. А́бие же к Небе́сному возне́слся еси́ Отцу́, и ученико́м Уте́шителя посла́ти обеща́л еси́, Пребоже́ственный Богочелове́че. Сла́ва Твоему́ воста́нию. | По воскресении из гроба, Ты, Спаситель, показывая, что Ты – человек по естеству, стал среди учеников, вкусил вместе с ними пищи, учил о крещении покаяния, тотчас вознесся к Небесному Отцу и дал обетование ниспослать ученикам Утешителя. Пребожественный Богочеловек! Слава Твоему воскресению! (Лк. 24:36–51.) |
Богородичен.
| Творе́ц созда́ния и Бог всех, плоть челове́ческую прия́т от пречи́стых крове́й Твои́х, всесвята́я Де́во, и истле́вшее мое́ все естество́ новосоде́ла, па́ки я́коже пре́жде рождества́ оста́вль по рождестве́. Те́мже Тя ве́рно вси восхваля́ем, зову́ще: ра́дуйся, Влады́чице ми́ра. | От Твоей пречистой крови, всесвятая Дева, воспринял человеческую плоть Создатель твари и Бог всего, сохранив Тебя, как прежде рождения, так и после рождения (Девою), и обновил все мое падшее естество. Посему все с верою прославляем Тебя, восклицая: радуйся, Владычица мира! |
Стихира, глас 6.
| И́стинный мир Ты, Христе́, к челове́ком Бо́жий, мир Твой дая́, по воста́нии ученико́м, пристра́шны показа́л еси́ я́, мня́щия дух ви́дети: но ути́шил еси́ мяте́ж души́ их, показа́вый ру́це и но́зе Твои́. Оба́че не ве́рующим еще́, бра́шен причаще́нием, и уче́ний воспомина́нием, отве́рзл еси́ их ум, е́же разуме́ти Писа́ния: и́мже и О́тческое обетова́ние обеща́в, и благослови́в я́, отступи́л еси́ на не́бо. Те́мже с ни́ми покланя́емся Тебе́, Го́споди, сла́ва Тебе́. | Ты, Христе, – истинное примирение Бога с людьми, – после воскресения подавая ученикам мир Твой, привел их в ужас, подумавших, что видят духа; но, показав им Свои руки и ноги, Ты успокоил их душевное волнение. Когда же они все еще не верили, Ты вкушением пищи и напоминанием учений отверз им ум к уразумению писаний. Наконец, обещав им обетование Отца и благословив их, Ты вознесся на небеса. Посему мы вместе с ними поклоняемся Тебе. Господи, слава Тебе! (Лк. 24:36–50.) |
Эксапостиларий 7.
| Я́ко взя́ша Го́спода, Мари́и ре́кшей, на гроб теча́ста, Си́мон Петр, и други́й таи́нник Христо́в, его́же любля́ше: теча́ста же о́ба, и обрето́ста плащани́цы еди́ны внутрь лежа́ща, и главны́й же бе суда́рь кроме́ их. Те́мже па́ки умолча́ста, до́ндеже Христа́ ви́деста. | Когда Мария сказала, что унесли Господа, Симон Петр и другой ученик Христа, которого Он (Христос) любил, пошли ко гробу; они оба пошли и нашли внутри гроба одни лежавшие пелены и отдельно от них плат, который был на главе Его. Посему они снова успокоились, пока не увидели Христа. (Ин. 20:2–8.) |
Богородичен.
| Ве́лия и пресла́вная мене́ ра́ди соде́ял еси́, Христе́ мой многоми́лостиве: от Де́вы бо Отрокови́цы роди́лся еси́ несказа́нно, и крест подъя́л еси́, и смерть претерпе́в, воскре́сл еси́ во сла́ве, и на́ше естество́ от сме́рти свободи́л еси́. Сла́ва, Христе́, сла́ве Твое́й, сла́ва си́ле Твое́й. | Великое и преславное ради меня совершил Ты, многомилостивый Христос мой: ибо Ты непостижимо родился от Девы Отроковицы, взял крест, претерпел смерть, воскрес во славе и избавил от смерти наше естество. Слава, Христе, славе Твоей, слава силе Твоей! |
Стихира, глас 7.
| Се тьма, и ра́но, и что у гро́ба, Мари́е, стои́ши, мно́гую тьму име́ющи в ра́зуме, в не́йже, где положе́н бысть вопроша́еши, Иису́с? Но виждь сри́щущася ученики́, ка́ко плащани́цами и сударе́м воскресе́ние обрето́ша, и помяну́ша я́же о сих Писа́ния. С ни́миже и и́миже и мы ве́ровавше, воспева́ем Тя жизнода́вца Христа́. | Вот – мрак и глубокое утро. Зачем же ты, Мария, стоишь у гроба с глубоким мраком в уме, вследствие которого ищешь, где положили Иисуса? Посмотри на прибывших учеников Его, как они пеленами и платом уверились в воскресении и вспомнили писания об этом. Посему и мы, уверовавши чрез них, вместе с ними прославляем Тебя – Жизнеподателя Христа. |
Эксапостиларий 8.
| Два А́нгела ви́девши внутрь гро́ба, Мари́я удивля́шеся, и Христа́ не зна́ющи, я́ко вертогра́даря вопроша́ше: го́споди, где положи́л еси́ те́ло Иису́са моего́? Зва́нием же Того́ позна́вши бы́ти Самого́ Спа́са, слы́ша: не прикаса́йся Мне, ко Отцу́ отхожду́, рцы бра́тии Мое́й. | Мария, увидевши внутри гроба двух Ангелов, изумилась и, не узнавши Христа, спросила Его как садовника: господин! где ты положил тело Иисуса моего? Но, по возгласу Его узнавши, что это – Сам Спаситель, услышала: не прикасайся ко Мне, Я отхожу к Отцу Моему, – скажи братьям Моим. (Ин. 20:12–17.) |
Богородичен.
| От Тро́ицы родила́ еси́, Отрокови́це, еди́наго неизрече́нно, во двою́ естеству́ су́ща, и сугу́ба де́йством и еди́наго ипоста́сию. Того́ у́бо моли́ при́сно, о и́же ве́рою покланя́ющихся, от вся́каго наве́та вра́жия изба́витися: я́ко вси к Тебе́ ны́не прибега́ем, Влады́чице Богоро́дице. | Ты, Отроковица, неизреченно родила единого от Троицы, сугубого по естеству и сугубого по действованию, но единого по ипостаси. Посему непрестанно молись Ему о поклоняющихся Тебе с верою, чтобы избавиться от всяких козней врага; ибо к Тебе ныне все прибегаем, Владычица Богородица. |
Стихира, глас 8.
| Мари́ины сле́зы не всу́е пролива́ются те́пле, се бо сподо́бися и уча́щих А́нгелов, и виде́ния Самого́ Иису́са. Но еще́ земна́я му́дрствует, я́ко жена́ немощна́я: те́мже и отсыла́ется не прикаса́тися Христу́. Но оба́че пропове́дница посыла́ется Твои́м ученико́м, и́мже благовествова́ние нося́щи, е́же ко Оте́ческому жре́бию восхо́д возвеща́ющи. С не́юже сподо́би и нас явле́ния Твоего́, Влады́ко Го́споди. | Не напрасно проливаются горячие слезы Марии; ибо она удостоилась слышать наставление Ангелов и лицезреть Тебя, Иисусе. Но она, как слабая женщина, все еще думает о земном и посему устраняется, чтобы она не прикасалась к Тебе, Христе, однако посылается к Твоим ученикам как проповедница, приносит им благовестие и возвещает им о Твоем восхождении к наследию Отца. Вместе с нею сподоби и нас явления Твоего, Владыко Господи. |
Эксапостиларий 9.
| Заключе́нным Влады́ко две́рем, я́ко вшел еси́, Апо́столы испо́лнил еси́ Ду́ха Пресвята́го, ми́рно ду́нув, и́мже вяза́ти же и реша́ти грехи́ рекл еси́: и по осми́ днех Твоя́ ре́бра Фоме́ показа́л еси́, и ру́це. С ни́мже вопие́м: Госпо́дь и Бог Ты еси́. | Пришел к Апостолам в то время, когда двери (дома) были заперты, Ты, Владыко, исполнил их Всесвятого Духа; чрез дуновение сообщил им мир; повелел им связывать и разрешать грехи и, спустя восемь дней, показал Свои ребра и руки Фоме, с которым восклицаем: Господь и Бог Ты. (Ин. 20:19, 28.) |
Богородичен.
| Твоего́ Сы́на я́ко ви́дела еси́ от гро́ба воскре́сша тридне́вна, Богоневе́стная Пресвята́я Де́во, всю скорбь отложи́ла еси́, ю́же подъя́ла еси́, я́ко Ма́ти, егда́ узре́ла еси́ стра́ждуща, и ра́дости испо́лншися, со ученики́ Его́ почита́ющи Того́, пое́ши. Те́мже и́же Богоро́дицу Тя ны́не испове́дающих спаса́й. | Когда Ты, пресвятая Дева Богоневеста, увидела Сына Своего воскресшим в третий день из гроба, то отложила всю скорбь, которой Ты, как Матерь, предавалась, взирая на Него страждущего, и, исполнившись радости, вместе с Его учениками прославляла и воспевала Его. Посему спасай ныне исповедующих Тебя, Богородица. |
Стихира, глас 5.
| Я́ко в после́дняя ле́та, су́щу по́зде от суббо́т, предста́л еси́ друго́м Христе́, и чудесе́м чу́до известву́еши, заключе́ным вхо́дом две́рным, е́же из ме́ртвых Твое́ воскресе́ние. Но испо́лнил еси́ ра́дости ученики́, и Ду́ха Свята́го препода́л еси́ им, и власть по́дал еси́ оставле́ния грехо́в, и Фомы́ не оста́вил еси́ в неве́рствия погружа́тися бу́ри. Те́мже пода́ждь и нам ра́зум и́стинный и оставле́ние прегреше́ний, благоутро́бне Го́споди. | В последнее время явившись друзьям Своим в позднюю пору (в первый день) после субботы, Ты, Христе, чудом подтвердил чудо, вошедствием чрез запертые двери – Свое воскресение из мертвых; исполнил учеников радости; преподал им Святого Духа; даровал власть прощать грехи и не оставил Фому утопать в волнах неверия. Посему и нам даруй истинную мудрость и прощение грехов, милосердый Господи. |
Эксапостиларий 10.
| Тивериа́дское мо́ре с детьми́ Зеведе́евыми, Нафана́ила с Петро́м же и со други́ма двема́ дре́вле, и Фому́ имя́ше на ло́ве, и́же Христо́вым повеле́нием одесну́ю вве́ргше, мно́жество извлеко́ша рыб: Его́же Петр позна́в, к Нему́ бродя́ше, и́мже тре́тие явле́йся, и хлеб показа́, и ры́бу на у́глех. | Некогда на Тивериадском море ловили рыбу сыновья Зеведея, Нафанаил, Петр, Фома и два другие ученика. По повелению Христа, они закинули (сети) по правую сторону (лодки) и вытащили множество рыбы. Пётр, узнав Его, поплыл к Нему. Явившись им в третий раз, Он предложил им хлеб и рыбу на углях. (Ин. 21:1–14.) |
Богородичен.
| Воскре́сшаго Го́спода тридне́вна от гро́ба, Де́во, моли́ о воспева́ющих Тя, и любо́вию блажа́щих: Тебе́ бо и́мамы вси прибе́жище спаси́тельное, и хода́таицу к Нему́: насле́дие бо Твое́, и раби́ есмы́, Богоро́дице, и к Твоему́ заступле́нию вси взира́ем. | Молись Господу, в третий день воскресшему из гроба, о прославляющих и с любовию ублажающих Тебя, Дева; ибо все мы в Тебе имеем спасительное прибежище и ходатаицу пред Ним: мы – Твое наследие и Твои рабы, Богородица, и к Твоему заступлению все мы обращаем взоры. |
Стихира, глас 6.
| По е́же во ад соше́ствии, и е́же из ме́ртвых воскресе́нии, скорбя́ще я́коже досто́яше, о разлуче́нии Твое́м, Христе́, ученицы́ на де́лание обрати́шася, и па́ки корабли́ и мре́жи, и ло́ва нигде́же. Но Ты, Спа́се, яви́вся я́ко Влады́ка всех, одесну́ю мре́жи повелева́еши воврещи́, и бысть сло́во де́ло вско́ре, и мно́жество рыб мно́гое, и ве́черя стра́нная гото́ва на земли́: ея́же причасти́вшымся тогда́ Твои́м ученико́м, и нас ны́не мы́сленно сподо́би наслади́тися, человеколю́бче Го́споди. | После нисшествия в ад и воскресения из мертвых, ученики по причине разлуки с Тобою, Христе, как и естественно, предаваясь скорби, обратились к (обычным) занятиям; и вот – лодка и сети, но улова нет. В это время Ты, Спаситель, явившись им, как Владыка всего, повелеваешь закинуть сети по правую сторону (лодки), и тотчас слово Твое исполнилось: великое множество рыбы и необычайная вечеря приготовлена на земле. Как тогда Твои ученики насладились этою вечерею, так и нас сподоби ныне мысленно насладиться (ею), человеколюбивый Господи. |
Эксапостиларий 11.
| По Боже́ственнем воста́нии, три́жды Петра́, лю́биши ли Мя, вопроша́я Госпо́дь, Свои́х ове́ц предлага́ет пастыренача́льника: и́же ви́дя, его́же любля́ше Иису́с, во след гряду́ща, вопроша́ше Влады́ку: сей же что? А́ще хощу́, рече́, пребыва́ти сему́, до́ндеже и па́ки прииду́, что к тебе́, дру́же Пе́тре? | После Своего Божественного воскресения Господь, трижды вопросив Петра: «любишь ли Меня?» поставил его пастыреначальником овец Своих. Он (Петр), увидев следовавшего за ними ученика, которого любил Иисус, спросил Владыку: «а этот что?» Иисус сказал: если Я хочу, чтобы он пребывал до тех пор, пока Я снова не приду, что тебе до этого, друг Петр? (Ин. 21:15–22.) |
Богородичен.
| О стра́шное та́инство, о пресла́вное чу́до! Сме́ртию смерть всеконе́чне погубле́на бысть. Кто у́бо не воспое́т? И кто не поклони́тся Твоему́ воскресе́нию, Сло́ве, и чи́сто ро́ждшей Тя пло́тию Богоро́дице? Ея́же моли́твами, всех гее́нны изба́ви. | Какая страшная тайна! Какое необычайное чудо! Смертию совершенно уничтожена смерть. Кто же не прославит Тебя, Слово, и кто не поклонится Твоему воскресению и непорочно плотию родившей Тебя Богородице? По молитвам Ее, избавь всех от геенны. |
Стихира, глас 8.
| Явля́я Себе́ ученико́м Твои́м, Спа́се, по воскресе́нии Си́мону дал еси́ ове́ц па́ству, за любве́ воздая́ние, яже о па́стве попече́ния ищя́. Те́мже и глаго́лал еси́: а́ще лю́биши Мя, Пе́тре, паси́ а́гнцы Моя́, паси́ о́вцы Моя́. Он же а́бие показу́я друголю́бное, о друзе́м ученице́ вопроша́ше. И́хже моли́твами, Христе́, ста́до Твое́ сохраня́й, от волко́в губя́щих е́. | Явившись ученикам после Своего воскресения, Ты, Спаситель, в воздаяние за любовь, даровал Симону (словесное) стадо овец, требуя (от него) попечений о пастве. Посему Ты и сказал ему: «любишь ли Меня, Петр? паси агнцев Моих, паси овец Моих». Он же (Петр) тотчас подтвердил свою любовь и спросил о другом ученике. По их молитвам спаси, Христе, паству Твою от расхищающих ее волков. |
* * *
71
Т. е. над человеком, созданным по образу Божию.
73
Священного Писания.
74
Отраслию, по-славянски «востоком» (с греческого άνατολή), называется Иисус Христос. Зах. 6:12. Лк. 1:78.
75
В отношении естеств – Божеского и человеческого.
76
В греческом подлиннике – «Человеколюбец» вместо «Христе Боже».
77
В греческом тексте: έν τοις ϰαϑ ήμάς.
78
Посвященными в тайны новозаветного учения, Апостолами и их преемниками. Мф. 28:16–20.
79
Власти повсюду, т.е. на небе и на земле.
80
Христос Господь.