Иван Ловягин
Глас третий
На малой вечерне
Стихиры
| Преве́лие чу́до: Де́ва ро́ждшая, и рожде́нное Бо́г пре́жде ве́к, предъявле́нное рожде́ние, и соверше́нное па́че естества́. О та́инства стра́шнаго! е́же и мы́слимое неизрече́нно пребыва́ет, и зри́мое не пое́млется. Блаже́нна Ты́ еси́, Пречи́стая Отрокови́це, Ада́ма земна́го Дщи́, и Бо́га Вы́шняго я́вльшаяся Ма́ти: Того́ моли́, спасти́ся душа́м на́шым. | Величайшее чудо! Родившая – Дева, и родившееся – предвечный Бог; рождение – издревле возвещенное и сверхъестественно совершившееся. Какая необычайная тайна! Хотя и мыслим о ней, но она остается неизреченною; хотя и видим ее, но не постигаем. Блаженна Ты, Пречистая Отроковица, Дщерь земнородного Адама и сделавшаяся Материю вышнего Бога. Молись Ему о спасении душ наших. |
| Ковче́г Тя́ у́мный, Чи́стая, ве́мы, нося́щий скрижа́ли Богопи́санныя, на́м же Законоположи́теля и Созда́теля: Ему́же моли́ся спасти́ся душа́м на́шым. | Мы исповедуем Тебя, Чистая, мысленным ковчегом, заключавшим написанные Богом скрижали, – нашего Законодателя и Создателя. Молись Ему о спасении душ наших. |
| На земли́ Тя не́бо, Чи́стая, показа́, И́же во утро́бе Твое́й всели́выйся Бо́г Сло́во, пло́ть прии́м, И́же естество́м незри́мый: и дожди́ши все́м безсме́ртную ро́су, Неискусобра́чная. | Бог – Слово, невидимое по (Божественному) естеству, вселившись в Твою утробу и восприняв плоть, на земле сделало Тебя небом, и Ты источаешь всем бессмертную росу, Неискусобрачная. |
| Спасе́ние моли́твами Твои́ми и́мамы, и́же те́ми, Де́во, от бе́д при́сно и искуше́ний бу́ри избега́ем: и сего́ ра́ди про́сим непреста́нно о на́с е́же моли́ти, спасти́ся душа́м на́шым. | Твоими молитвами, Дева, мы приобрели спасение, ибо чрез них мы постоянно избегаем бед и бури искушений. И посему молимся: непрестанно молись за нас – о спасении душ наших. |
| Па́ки назда́ние и живо́т Тобо́ю вторы́й ве́мы, Пречи́стая Мари́е, челове́ческаго естества́, во чре́ве Твое́м смеси́вшагося Созда́теля тва́ри, и воскреси́вшаго на́с от а́да и сме́рти, и жи́знь ве́чную пода́вшаго на́м, е́же вопи́ти Тебе́, Присноде́во: ра́дуйся, совокупи́вшая до́льная небе́сным. Ра́дуйся, наде́ждо все́х конце́й земли́, и предста́тельство и заступле́ние. Ра́дуйся, я́же Воскре́сением Сы́на Твоего́ просвети́вши вся́ческая, и подаю́щи ми́рови ве́лию ми́лость. | Чрез Тебя, Пречистая Мария, мы познаём обновление и вторую жизнь человеческого естества, – в Твоей утробе родившегося (по человечеству) Создателя твари, воскресившего нас из ада и смерти и даровавшего нам вечную жизнь, чтобы восклицать Тебе, Приснодева: Радуйся, соединившая земных с небесными! Радуйся, надежда всех пределов земли, – Ходатаица и Заступница! Радуйся, воскресением Сына Своего просветившая все и подающая миру великую милость. |
На великой вечерне
А) Стихиры на «Господи воззвах».
| Твои́м Кресто́м, Христе́ Спа́се, сме́рти держа́ва разруши́ся, и диа́воля пре́лесть упраздни́ся: ро́д же челове́ческий ве́рою спаса́емый: пе́снь Тебе́ всегда́ прино́сит. | Твоим крестом, Христос Спаситель, уничтожено могущество смерти и обольщение диавола лишено силы; человеческий же род, спасаемый верою, непрестанно приносит Тебе хвалебную песнь. |
| Просвети́шася вся́ческая Воскре́сением Твои́м, Го́споди, и ра́й па́ки отве́рзеся: вся́ же тва́рь восхваля́ющи Тя́, пе́снь Тебе́ всегда́ прино́сит. | Твоим воскресением, Господи, все просветилось, и снова отверст рай; вся же тварь, прославляя Тебя, непрестанно приносит Тебе хвалебную песнь. |
| Сла́влю Отца́ и Сы́на си́лу, и Свята́го Ду́ха пою́ вла́сть, неразде́льное, несозда́нное Божество́, Тро́ицу единосу́щную, ца́рствующую в ве́к ве́ка. | Прославляю могущество Отца и Сына, и воспеваю власть· Святого Духа, – нераздельное и несозданное Божество, единосущную Троицу, царствующую в век века. |
| Кресту́ Твоему́ честно́му покланя́емся, Христе́, и Воскре́сение Твое́ пое́м и сла́вим: ра́ною бо Твое́ю мы́ вси́ исцеле́хом. | Поклоняемся кресту Твоему честному, Христе, воспеваем и прославляем Твое воскресение; ибо ранами Твоими мы все исцелились. (1Пет. 2:24) |
| Пое́м Спа́са от Де́вы вопло́щшагося: на́с бо ра́ди распя́тся, и в тре́тий де́нь воскре́се, да́руя на́м ве́лию ми́лость. | Воспеваем воплотившегося от Девы Спасителя; ибо Он ради нас был распят и в третий день воскрес, даруя нам великую милость. |
| Су́щым во а́де соше́д Христо́с благовести́: дерза́йте, глаго́ля, ны́не победи́х, Аз е́смь Воскре́сение, Аз вы́ возведу́, разруши́в сме́ртная врата́. | Христос, сошед в ад, возвестил пребывавшим там радость и провозгласил: ободритесь: ныне Я одержал победу, Я – воскресение, Я выведу вас, разрушив врата смерти. |
| Недосто́йно стоя́ще в пречи́стом дому́ Твое́м, вече́рнюю пе́снь возсыла́ем, из глубины́ взыва́юще, Христе́ Бо́же: просвети́вый ми́р тридне́вным воскре́сением Твои́м, изми́ лю́ди Твоя́ от руки́ враго́в Твои́х, Человеколю́бче. | Мы, недостойно стоящие в Твоем пречистом храме, воссылаем вечернюю хвалебную песнь, из глубины (сердца) восклицая: Христе Боже, Своим тридневным воскресением просветивший мир! избавь людей Твоих от рук врагов Твоих, Человеколюбец. |
Богородичен.
| Ка́ко не диви́мся Богому́жному Рождеству́ Твоему́, Пречестна́я? Искуше́ния бо му́жескаго не прие́мши, Всенепоро́чная, родила́ еси́ без отца́ Сы́на пло́тию пре́жде ве́к от Отца́ рожде́ннаго без ма́тере, ника́коже претерпе́вшаго измене́ния, или́ смеше́ния, или́ разделе́ния, но обою́ существу́ сво́йство це́ло сохра́ншаго. Те́мже, Ма́ти Де́во Влады́чице, Того́ моли́ спасти́ся душа́м, правосла́вно Богоро́дицу испове́дающих Тя́. | Как нам не удивляться рождению Тобою Богочеловека, Всечестная! Ты, Всенепорочная, не познавши мужа, родила Сына без отца по плоти, Который прежде веков родился (по Божеству) от Отца без матери, и не подвергся никакому изменению, или смешению, или разделению, но сохранил целыми свойства того и другого естества. Посему молись Ему, Матерь – Дева Владычица, о спасении душ, православно исповедующих Тебя Богородицею. |
Б) Стихиры на стиховне.
| Стра́стию Твое́ю, Христе́, омрачи́вый со́лнце и све́том Твоего́ Воскре́сения, просвети́вый вся́ческая, приими́ на́шу вече́рнюю пе́снь, Человеколю́бче. | Христе, Своими страданиями омрачивший солнце и светом Своего воскресения просветивший все! Приими нашу вечернюю песнь, Человеколюбец. |
| Живоприе́мное Твое́ воста́ние, Го́споди, вселе́нную всю́ просвети́, и Твое́ созда́ние истле́вшее призва́. Те́мже кля́твы Ада́мовы изме́ншеся, вопие́м: всеси́льне Го́споди, сла́ва Тебе́. | Жизнеподательное воскресение Твое, Господи, просветило всю вселенную и воззвало (к жизни) Твое истлевшее создание. Посему мы, освободившись от проклятия Адамова, восклицаем: всесильный Господи, слава Тебе! |
| Бо́г сы́й неизме́нен, пло́тию стражда́ измени́лся еси́, Его́же тва́рь не терпя́щи ви́сяща зре́ти, стра́хом прекланя́шеся, и стеня́щи пое́т Твое́ долготерпе́ние: соше́д же во а́д, тридне́вен воскре́сл еси́, жи́знь да́руя ми́рови, и ве́лию ми́лость. | Пребывая неизменяемым Богом, Ты (Христе) во время Своих страданий по плоти изменился так, что тварь, не могши смотреть на Тебя, висевшего (на кресте), от страха пришла в смущение и своими стенаниями прославляла Твое долготерпение. Но нисшед в ад, Ты в третий день воскрес, даруя миру жизнь и великую милость. |
| Да ро́д на́ш от сме́рти, Христе́, изба́виши, сме́рть претерпе́л еси́: и тридне́вен из ме́ртвых воскре́с, с Собо́ю воскреси́л еси́, и́же Тя́ Бо́га позна́вших: и ми́р просвети́л еси́. Го́споди, сла́ва Тебе́. | Чтобы избавить род наш от смерти, Ты, Христе, претерпел смерть и, в третий день воскресши из мертвых, вместе с Собою воскресил признавших Тебя Богом и просветил мир. Господи, слава Тебе! |
| Без се́мене от Боже́ственнаго Ду́ха, во́лею же Отчею зачала́ еси́ Сы́на Бо́жия, от Отца́ без ма́тере пре́жде ве́к су́ща: на́с же ра́ди, из Тебе́ без Отца́ бы́вша, пло́тию родила́ еси́, и младе́нца млеко́м пита́ла еси́. Те́мже не преста́й моли́ти, изба́витися от бе́д душа́м на́шым. | Бессеменно, от Божественного Духа, по соизволению Отца, Ты зачала Сына Божия, от Отца без матери прежде веков сущего, но ради нас происшедшего от Тебя без отца (по человечеству), родила плотию и (как) младенца питала молоком. Посему не преставай молиться, чтобы избавились от бед души наши. |
В) Тропарь воскресный.
| Да веселя́тся небе́сная, да ра́дуются земна́я: я́ко сотвори́ держа́ву мы́шцею Свое́ю Госпо́дь, попра́ сме́ртию сме́рть, Пе́рвенец ме́ртвых бы́сть, из чре́ва а́дова изба́ви на́с, и подаде́ ми́рови ве́лию ми́лость. | Да веселятся (существа) небесные и да радуются земные; ибо Господь явил силу мышцы Своей: Своею смертию попрал смерть, явился первенцем из мертвых, извлек нас из глубины ада и даровал миру великую милость. (Лк. 1:51. Кол. 1:18.) |
Богородичен.
| Тя́ хода́тайствовавшую Спасе́ние ро́да на́шего, воспева́ем, Богоро́дице Де́во: пло́тию бо от Тебе́ восприя́тою Сы́н Тво́й, и Бо́г на́ш, Кресто́м восприи́м стра́сть, изба́ви на́с от тли́ я́ко Человеколю́бец. | Воспеваем Тебя, Богородица Дева, как посредницу спасения рода нашего; ибо Сын Твой и Бог наш, претерпев крестные страдания воспринятою от Тебя плотию, избавил нас от тления, как Человеколюбец. |
Канон полунощницы
Песнь 1. Ирмос.
| Во́ды дре́вле, ма́нием Боже́ственным, во еди́но со́нмище совокупи́вый, и раздели́вый мо́ре Изра́ильтеским лю́дем, Се́й Бо́г на́ш, препросла́влен е́сть: Тому́ Еди́ному пои́м, я́ко просла́вися. | Некогда Своим Божественным мановением собравший воды в одно вместилище и разделивший море для народа израильского, – Сей есть препрославленный Бог наш. Воспоем Ему единому, ибо Он прославился. |
Тропари.
| Непостижи́мое Еди́но Господонача́лие, и Еди́но Тро́ическое Богонача́лие, Трисия́ннаго Све́та Твоего́ мя сподо́би: я́ко да воспою́ Тя́, пева́емое непреста́нно трисвяты́ми пе́сньми, а́нгельскими усты́. | Единый непостижимый Господи и единый троичный Боже! Удостой меня Твоего трисиятельного света, чтобы я прославлял Тебя, Ангельскими устами в трисвятых песнях непрестанно воспеваемого. |
| Свяще́нно невеще́ственнии вси́ чи́нове пою́т, я́ко твори́тельную вину́, Еди́нственную, Трисве́тлую, Нача́льнейшую я́ве: Ю́же согла́сно пое́м, и челове́ческая мно́жества, и ве́рно сла́вим бре́нными усты́. | Все чины невещественных (сил) благоговейно воспевают причину, по истине творческую, единую, трисветлую, первоначальнейшую, которую согласно (с ними) воспоем и с верою прославим бренными устами и мы, и все множество людей. |
| У́м, и Сло́во и Ду́х, богосло́вцы прили́чне, и знамени́тельне Тебе́ нари́чут: безстра́стно Рождество́ от Нерожде́ннаго Отца́, Сы́ну зна́менающу Бо́же единонача́льне все́х, вку́пе и Ду́ха Боже́ственнаго исхожде́ние. | Богословы прилично и образно именуют Тебя, единодержавный Боже всех, Умом, Словом и Духом, обозначая бесстрастное рождение Сына от нерожденного Отца и вместе – Божественное исхождение Духа. |
| Я́ко Человеколю́бец естество́м, челове́ческое существо́ прие́м, Бо́жий Сло́ве, Тро́ичный возсия́л еси́, Единонача́льнейший све́т Еди́наго Божества́, Препросла́вленную все́м показа́вый, ро́ждшую Тя́ Де́ву Пречи́стую. | Как Человеколюбец по естеству, Ты, Божие Слово, восприняв человеческое естество, открыло тройственный и единоначальнейший свет единого Божества, и соделало прославляемою всеми родившую Тебя Пречистую Деву. |
Песнь 3. Ирмос.
| И́же от не су́щих вся́ приведы́й Сло́вом созида́емая, соверша́емая Ду́хом, Вседержи́телю Вы́шний, в любви́ Твое́й утверди́ мене́. | Всевышний Вседержитель, приведший из небытия (в бытие) все творимое Словом и совершаемое21 Духом! Утверди меня в любви Твоей. |
Тропари.
| Утро́ити дре́вле во́ду повеле́в Илиа́ на поле́нах, обра́зно прояви́ Тро́ичную Ипоста́сь, Еди́нственнаго Бо́жия Господонача́лия. | Некогда Илия, приказав трижды лить воду на дрова, таким образом ясно указал на тройственную ипостась единого Господа Бога. (3Цар. 18:34) |
| Тле́нное естество́ пое́т Тя́ земноро́дных, Еди́наго и Трисве́тлаго Созда́теля Неизме́ннаго, и вопие́т Ти́, Влады́ко: всеразли́чнаго мя́ премене́ния изба́ви, и спаси́ мя. | Тленное естество земнородных воспевает Тебя – единого, трисветлого и неизменяемого Создателя, и взывает к Тебе, Владыко: избавь меня от всякого непостоянства и спаси меня. |
| Ра́вно веща́юще словесе́м проро́ческим, сла́вных апо́стол же и пропове́дник ве́ры, равноде́тельную Тя́ Тро́ицу славосло́вим ве́рнии, Бо́же все́х. | Согласно словам пророков, славных Апостолов и проповедников веры, мы верующие славословим Тебя – равнодействующую Троицу, Боже всех. |
| С престо́ла высо́каго сни́де Христо́с, челове́ка возвыша́я, я́ко Человеколю́бец, Тобо́ю Пречи́стая, и Трисо́лнечный Све́т все́м возсия́. | Христос, как Человеколюбец, возвышая человека чрез Тебя, Пречистая, нисшел с высокого престола и открыл всем трисолнечный свет. |
Седален.
| Пресу́щественный и Еди́не Го́споди Христе́, и рожде́ние Пребезнача́льнаго Отца́, и Ду́ше Боже́ственнейший, поми́луй рабы́ Твоя́: вси́ бо согреши́хом, но от Тебе́ не отступи́хом. Те́мже мо́лим Тя́, триипоста́сне Го́споди, я́ко име́яй вла́сть, созда́ние Твое́ спаси́ от вся́каго обстоя́ния. | Пресущественный22 и единый Господи, рожденный от предвечного Отца – Христос, и Божественнейший Дух! Помилуй рабов Твоих; ибо все мы согрешили, но не отступили от Тебя. Посему молим Тебя, триипостасный Господи, как имеющий власть, от всяких бед спаси создание Твое. |
Богородичен.
| Пресу́щественный Бо́г и Госпо́дь из Тебе́ воплоти́ся за бла́гость, еже по на́м осуществова́выйся, и пребы́в е́же бе́. Те́мже и Богочелове́ка Сего́ почита́юще, Всечи́стая, Тя́ Неискусобра́чную Богоро́дицу пропове́дуем, сла́вяще преве́лие чу́до Твоего́ безсе́меннаго рожде́ния. | Пресущественный Бог и Господь, по Своей благости, воплотился от Тебя, восприняв наше естество и пребыв (Богом), каким был. Посему мы, поклоняясь Ему, как Богочеловеку, исповедуем Тебя, Всечистая, неискусобрачною Богородицею, прославляя величайшее чудо Твоего бессеменного рождения. |
Песнь 4. Ирмос.
| Положи́л еси́ к на́м Тве́рдую любо́вь, Го́споди, Единоро́днаго бо Твоего́ Сы́на за ны́ на сме́рть да́л еси́. Те́мже Ти́ зове́м благодаря́ще: сла́ва си́ле Твое́й, Го́споди. | Ты, Господи, проявил к нам великую любовь, ибо ради нас предал на смерть Своего единородного Сына. Посему благодарно восклицаем Тебе: слава силе Твоей, Господи! |
Тропари.
| О́трасль сугу́б от Отца́, я́ко от ко́рене прозябе́ Сы́н, и Ду́х Пра́вый, соесте́ственна прозябе́ния, и богосажде́нна, и цве́ти Собезнача́льнии: я́ко трие́м бы́ти све́том Божества́. | От Отца, как бы от корня, произросла двойная отрасль – Сын и правый Дух, – соестественные и насажденные Богом ветви и собезначальные цветы, чтобы быть трем светам Божества. |
| Мно́жества у́мных суще́ств, непреста́нно пою́т Тя́, недомы́слимаго Бо́га, с ни́миже мы́ сла́вим, глаго́люще: Тро́ице Пресу́щная, Твоя́ рабы́ спаси́, я́ко Человеколю́бец. | Сонмы разумных существ непрестанно воспевают Тебя – непостижимого Бога; вместе с ними прославляем и мы, взывая: пресущественная Троица, спаси рабов Твоих, как Человеколюбец. |
| Распали́л еси́ на́с в любо́вь Твою́, Многоми́лостиве Сло́ве Бо́жий, И́же на́с ра́ди вопло́щься непрело́жне, и Трисве́тлое Еди́но Божество́ та́йно научи́в: те́мже Тя́ сла́вим. | Ты возбудило в нас любовь к Себе, многомилостивое Божие Слово, ради нас непреложно воплотившись и открыв тайну единого трисветлого Божества. Посему прославляем Тебя. |
Песнь 5. Ирмос.
| Я́ко ви́де Иса́иа обра́зно на престо́ле превознесе́нна Бо́га, от а́нгел сла́вы дориноси́ма. О окая́нный, вопия́ше, а́з: прови́дех бо воплоща́ема Бо́га, Све́та Невече́рня, и ми́ром влады́чествующа. | Когда Исаия в образе увидел Бога, превознесенного на престоле и окруженного Ангелами славы, то воскликнул: о, я несчастный! Я предувидел воплощаемого Бога, владычествующего над незаходимым светом и миром. (Ис. 6:1.5.) |
Тропари.
| Еди́наго Господонача́льника, обра́зно я́ко ви́де Иса́иа Бо́га, в Трие́х Ли́цех славосло́вима пречи́стыми гла́сы Серафи́м, по́слан бы́сть пропове́дати а́бие Трисве́тлое Существо́, и Еди́ницу Трисо́лнечную. | Когда Исаия в образе увидел единого Господа Бога, в трех лицах прославляемого чистыми гласами серафимов, то немедленно был послан проповедовать трисветлое Существо и трисолнечную Единицу. |
| Я́же все́х неви́димых и ви́димых естество́, от не су́щих пре́жде соста́вльшая, Еди́нице Трисо́лнечная, И́же Еди́наго Тя́ Бо́га ве́рно воспева́ющих от вся́ких искуше́ний изба́вльши, Твоея́ сла́вы сподо́би. | Трисолнечная Единица, в начале из ничего создавшая естество всех невидимых и видимых тварей! Избавь от всевозможных искушений и удостой Твоей славы с верою прославляющих Тебя – единого Бога. |
| Неве́стник светоно́сен и чи́ст, Де́во, бы́вший Бо́жий, воспева́ем Тя́ любо́вию, и блажи́м: из Тебе́ бо роди́ся Христо́с, в существа́х и хоте́ниих сугу́бых, И́же Еди́н от Тро́ицы и сла́вы сы́й Госпо́дь. | С любовию прославляем и ублажаем Тебя, Дева, соделавшуюся светоносным и чистым чертогом Бога; ибо из Тебя родился Христос в двух естествах, с двумя волями, – единый из (лиц) Троицы и Господь славы. |
Песнь 6. Ирмос.
| Бе́здна после́дняя грехо́в обы́де мя́, и исчеза́ет ду́х мо́й: но простры́й, Влады́ко, высо́кую Твою́ мы́шцу, я́ко Петра́ мя, Упра́вителю, спаси́. | Величайшая бездна грехов окружила меня, так что изнемогает дух мой; но Ты, Владыко, простри Свою могущественную руку и, как Петра (Апостола), спаси меня, Правитель. |
Тропари.
| Пресе́льник сы́й Авраа́м, сподо́бися обра́зно восприя́ти Еди́нственнаго у́бо Го́спода в Трие́х Ипоста́сех, пресу́щественна му́жескими же зра́ки. | Авраам, будучи переселенцем, удостоился в образе (трех) мужей принять пресущественного, единого в трех ипостасях Господа. (Быт. 18 гл.) |
| Напра́ви сердца́ Твои́х рабо́в к Све́ту Непристу́пному, О Трисо́лнечне Го́споди, и Твоея́ сла́вы сия́ние пода́ждь душа́м на́шым, во е́же облиста́емым бы́ти Твое́ю добро́тою неизрече́нною. | Обрати сердца рабов Твоих к неприступному свету, трисолнечный Господи, и сияние Твоей славы даруй душам нашим, чтобы (нам) созерцать Твою неизреченную красоту. |
| Отве́рзи мне́ две́ри Све́та ро́ждшагося от утро́бы Твоея́, Пречи́стая: да зрю́ Трисве́тлую лучу́ Божества́, и сла́влю Тя́, Всесве́тлую Влады́чицу. | Отверзи мне двери света – Родившегося из Твоей утробы, Пречистая, чтобы мне созерцать трисветлый луч Божества и прославлять Тебя – всесветлую Владычицу. |
Седален.
| Боже́ственнаго Естества́ Единосу́щнаго Трисо́лнечную пое́м держа́ву, и трисвяты́ми гла́сы возопии́м: Свя́т еси́, О́тче Пребезнача́льный, Свя́т еси́, Сы́не Собезнача́льный, и Ду́ше Святы́й, Еди́не Неразде́льный Бо́же на́ш, и все́х Тво́рче Человеколю́бче. | Прославим трисолнечную державу единосущного Божественного естества и трисвятыми гласами воскликнем: свят – Ты, пребезначальный Отче, свят – Ты, собезначальный Сын, и Дух Святой, единый нераздельный Бог наш, Творец всего и Человеколюбец. |
Богородичен.
| Чу́до преве́лие: ка́ко содержа́ся Невмести́мый во чре́ве Твое́м и воплоти́ся, и яви́ся, я́ко Челове́к, не претерпе́вый смеше́ния или́ разделе́ния Боже́ственнаго и Непрело́жнаго Божества́, Отрокови́це всечи́стая: те́мже Богоро́дицу тя́ ве́рно пропове́дуем при́сно и сла́вим. | Величайшее чудо! Каким образом в Твоем чреве, всенепорочная Отроковица, был заключен невместимый (Христос), воплотился и явился, как человек, не претерпев смешения или разделения Своего всевышнего, неизменяемого Божества? Посему с верою непрестанно исповедуем Тебя Богородицею и прославляем. |
Песнь 7. Ирмос.
| Я́коже дре́вле благочести́выя три́ о́троки ороси́л еси́ в пла́мени халде́йстем, све́тлым Божества́ огне́м и на́с озари́, благослове́н еси́ взыва́ющыя, Бо́же оте́ц на́ших. | Как в древности Ты оросил трех благочестивых отроков в халдейском пламени, так озари светоносным огнем Божества и нас, восклицающих: благословен Ты, Бог отцов наших! |
Тропари.
| Хра́м мя́ покажи́ Твоего́ Божества́, Влады́ко, Трисия́ннаго, Ве́сь Све́тел: грехо́внаго омраче́ния лю́таго и страсте́й вы́шша, светода́тельными Твои́ми сия́нии, Бо́же оте́ц на́ших, благослове́н еси́. | Своим светоносным сиянием соделай меня, Владыка, храмом Твоего трисиянного Божества – совершенно светлым и высшим страстей и ужасного греховного омрачения. Благословен Ты, Бог отцов наших! |
| Божества́ зра́к Еди́н возвеща́ем, в Трие́х Ипоста́сных и разде́льных сво́йствах, Отца́, и Сы́на, и Ду́ха: благослове́н еси́ зову́ще, Бо́же оте́ц на́ших. | Исповедуем единое естество Божества в трех ипостасных и раздельных свойствах, Отца, Сына и Духа, восклицая: благословен Ты, Бог отцов наших! |
| Яви́ся Авраа́му Бо́г Триипоста́сный у ду́ба дре́вле мамври́йскаго, о страннолю́бии мзду́ Исаа́ка воздая́ за ми́лость: Его́же и ны́не сла́вим, я́ко Бо́га оте́ц на́ших. | Некогда триипостасный Бог явился Аврааму у дуба Мамврийского и, по Своему милосердию, в награду за гостеприимство даровал ему Исаака; и ныне прославляем Его, как Бога отцов наших. (Быт. 18 гл.) |
| Яви́ся на земли́, бы́в Челове́к Вседе́тель, боголе́пно от де́вственнаго и пречи́стаго Твоего́ чре́ва, и на́с обожи́, Благослове́нная Всечи́стая, Богоро́дице Пречи́стая. | Из девственной и чистой утробы Твоей богоприлично явился на земле Творец всего, сделавшись человеком, и обожил нас, благословенная, пречистая и пренепорочная Богородица. |
Песнь 8. Ирмос.
| Нестерпи́мому огню́ соедини́вшеся, богоче́стия предстоя́ще ю́ноши, пла́менем же неврежде́ни, Боже́ственную пе́снь поя́ху: благослови́те вся́ дела́ Госпо́дня Го́спода, и превозноси́те во вся́ ве́ки. | Представители Богопочитания – юноши, находясь среди нестерпимого огня и не потерпевши вреда от пламени, воспевали Божественную песнь: все творения Господни благословляйте Господа и превозносите во все веки. |
Тропари.
| Безнача́льна Отца́ я́ко от ко́рене, Сло́во, и Ду́х Собезнача́льне су́ща: я́ко о́трасли Пресу́щественнаго Богонача́лия показа́ша Тро́ицы сла́ву еди́ную и си́лу: Ю́же пое́м вси́ ве́рнии во ве́ки. Управля́еши Твои́ми светлостьми́ чи́ны небе́сныя, воспева́ти немо́лчно трисвяты́ми пе́сньми Боже́ственными, О́тче, Сло́ве сообра́зне, и Ду́ше, Трисве́тлую Держа́ву и Равномо́щную. Те́мже Тя́ пое́м во вся́ ве́ки. | Слово и Дух, как от корня собезначально происшедшие от безначального Отца, как отрасли пресущественного Божества, явили единую славу и силу Троицы, Которую все мы, верующие, воспеваем во веки. Ты, Отче, соестественное Слово и Дух, Своими лучами направляешь небесные чины, чтобы они трисвятыми Божественными песнями непрестанно воспевали трисветлую и равносильную державу. Посему мы прославляем Тебя во все веки. |
| Прорече́ния проро́ческая, Твое́ Рождество́ издале́ча ви́девше, Богоро́дице, восхваля́ху, я́ко без се́мене, и па́че естества́ ро́ждшагося, Влады́чице: и согла́сно Сего́ пое́м, я́ко Го́спода, и превозно́сим во вся́ ве́ки. | Предсказатели – пророки, созерцая издалека рождество Твое, Богородица-Владычица, прославляли бессеменно и сверхъестественно Родившегося (от Тебя). Согласно с ними и мы воспеваем Его, как Господа, и превозносим во все веки. |
Песнь 9. Ирмос.
| Но́вое чу́до и боголе́пное, деви́ческую бо две́рь затворе́нную, я́ве прохо́дит Госпо́дь, на́г во вхо́де, и Плотоно́сец яви́ся во исхо́де Бо́г, и пребыва́ет Две́рь затворе́на: Сию́ неизрече́нно я́ко Богома́терь велича́ем. | Необычайное и Божественное чудо! чрез заключенную дверь Девы явно проходит Господь Бог; бесплотным Он был во время входа, но явился облеченным плотию во время выхода, и остается дверь заключенною. Ее (Деву), как неизреченно сделавшуюся Материю Бога, мы величаем. |
Тропари.
| Ви́дети сла́ву Трисия́нную, богови́днии безпло́тных чи́нове я́ве, восходи́ти крилы́ жела́ют горе́: но гове́ют зело́ непристу́пнаго све́та, и пе́сни непреста́нно вопию́т: с ни́ми согла́сно, Еди́нственная Тро́ице, Тя́ сла́вим. | Чтобы ясно увидеть трисиятельную славу, Боговидные чины бесплотных сил стремятся на крыльях взлететь горе; но страшатся неприступного света и непрестанно воспевают песнь. Согласно с ними и мы прославляем Тебя, единая Троица. |
| Несы́тною любо́вию и и́же на земли́, у́мную ду́шу от Тебе́ прие́мше, и слове́сную, Тебе́ пои́м, Влады́ко, Бо́же все́х, Еди́нственное Естество́ вои́стинну, и Тро́ичное Ли́цы, от всего́ се́рдца. Те́мже ще́дре я́ко многоми́лостив, на́с уще́дри. | Получивши от Тебя разумную и словесную душу, и мы – земнородные, по ненасытимой любви, от Своего сердца воспеваем Тебя, Владыко – Боже всех, по истине единое естество, но троичное лицами. Посему, Милосердый, умилосердись (над нами), как многомилостивый. |
| Хра́м мя́ покажи́ Единонача́льнаго, и Трисве́тлаго Твоего́ Богонача́лия, Светови́ден, чи́сте служи́ти Тебе́, Зижди́телю все́х, и неизрече́нную Твою́ сла́ву у́мно зре́ти: моли́твами Еди́ныя Богоро́дицы, Ю́же досто́йно я́ко пресла́вную велича́ем. | Соделай меня светлым храмом Твоего единоначального и трисветлого Божества и разумным созерцателем Твоей неизреченной славы, чтобы чистосердечно служить Тебе – Создателю всех, по молитвам единой Богородицы, Которую мы, как преславную, достойно величаем. |
На утрени
А) Воскресные седальны.
По первом стихословии
| Христо́с от ме́ртвых воста́, нача́ток усо́пших: перворожде́н тва́ри, и Соде́тель все́х бы́вших, истле́вшее естество́ ро́да на́шего в себе́ Само́м обнови́. Не ктому́ сме́рте облада́еши: и́бо все́х Влады́ка держа́ву твою́ разруши́. | Христос, – Первенец из умерших, рожденный прежде тварей н Создатель всего сущего, – воскрес из мертвых и в Себе Самом обновил истлевшее естество рода нашего. Смерть! ты более не имеешь власти: Владыка всего уничтожил твою державу. (1Кор. 15:20; Кол. 1:15; Рим. 6:9) |
| Пло́тию сме́рти вкуси́в, Го́споди, го́ресть сме́рти пресе́кл еси́ воста́нием Твои́м, и челове́ка на ню́ укрепи́л еси́, пе́рвыя кля́твы одоле́ние призыва́я: Защи́тниче жи́зни на́шея, Го́споди, сла́ва Тебе́. | Плотию вкусив смерти, Ты, Господи, Своим воскресением уничтожил горечь смерти: даровал человеку против нее силы и провозгласил победу над древним проклятием. Защитник нашей жизни – Господи, слава Тебе! |
| Красоте́ де́вства Твоего́, и пресве́тлой чистоте́ Твое́й, Гаврии́л удиви́вся, вопия́ше Ти́, Богоро́дице: ку́ю Ти́ похвалу́ принесу́ досто́йную; что́ же возъимену́ю Тя́; недоумева́ю и ужаса́юся. Те́мже я́ко повеле́н бы́х, вопию́ Ти: ра́дуйся, Благода́тная. | Гавриил, пораженный красотою Твоего девства и чрезвычайным блеском Твоей чистоты, восклицал Тебе, Богородица: какую достойную похвалу я могу принести Тебе? каким именем мне назвать Тебя? – недоумеваю и ужасаюсь; посему восклицаю Тебе, как мне повелено: радуйся, Благодатная! |
По втором стихословии.
| Неизме́ннаго Божества́, и во́льныя стра́сти Твоея́, Го́споди, ужа́сся а́д, в себе́ рыда́ше: трепе́щу пло́ти нетле́нныя ипоста́си ви́жду Неви́димаго, та́йно борю́ща мя́. Те́мже и и́хже держу́, зову́т: сла́ва, Христе́, воскре́сению Твоему́. | Ад, пораженный Твоим неизменяемым Божеством и Твоими добровольными страданиями, Господи, так выражал свое рыдание: трепещу пред сущностью нетленной плоти, вижу Невидимого, таинственно поборающего меня. Посему и те, кого я держу, восклицают: слава воскресению Твоему, Христе! |
| Непостижи́мое распя́тия, и несказа́нное воста́ния богосло́вствуем, ве́рнии, та́инство неизрече́нное: дне́сь бо сме́рть и а́д плени́ся, ро́д же челове́ческий в нетле́ние облече́ся. Те́м благодаря́ще вопие́м Ти́: сла́ва, Христе́, воста́нию Твоему́. | Непостижимое распятие и неизъяснимое воскресение мы, верующие, признаём неизреченною тайною; ныне смерть и ад побеждены, а род человеческий облечен в нетление. Посему благодарно восклицаем: слава воскресению Твоему, Христе! |
| Непостижи́маго и Неопи́саннаго, Единосу́щнаго Отцу́ и Ду́хови, во утро́бу Твою́ та́йно вмести́ла еси́, Богоро́дице, Еди́но и Несме́сно от Тро́ицы Божество́: позна́хом рождество́ Твое в ми́ре сла́вити. Те́мже и благода́рственно вопие́м Ти́: ра́дуйся, Благода́тная. | Ты, Богоматерь, таинственно вместила в Своей утробе непостижимого, беспредельного и единосущного со Отцом и Духом; чрез Твое рождество мы научились прославлять на земле единую и неслиянную силу Троицы. Посему благодарно восклицаем Тебе; радуйся, Благодатная! |
Б) Ипакой.
| Удивля́я виде́нием, ороша́я глаго́лании, блиста́яйся а́нгел мироно́сицам глаго́лаше: что́ жива́го и́щете во гро́бе; воста́ истощи́вый гро́бы. Тли́ Премени́теля разуме́йте Непреме́ннаго. Рцы́те Бо́гови: ко́ль стра́шна дела́ Твоя́, я́ко ро́д спа́сл еси́ челове́ческий! | Блистающий Ангел, изумляя мироносиц своим явлением, но орошая23 их словами, восклицал: зачем Живого ищете во гробе? (Христос) восстал и опустошил гробы; Неизменяемого признайте изменившим тление и восклицайте Богу; как поразительны дела Твои! Ты спас род человеческий. |
В) Антифоны.
| Первый. Пле́н Сио́нь Ты́ изъя́л еси́ от Вавило́на: и мене́ от страсте́й к животу́ привлецы́, Сло́ве. | Слово (Божие)! Ты Сионских пленников освободил из Вавилона, – и меня от страстей привлеки к жизни. (Пс. 125:1) |
| В ю́г се́ющии слеза́ми Боже́ственными, жну́т кла́сы ра́достию присноживо́тия. | В знойное время24 сеющие слезами Божественными, с радостью будут собирать колосья вечной жизни. (Пс. 125:5–6) |
| Свято́му Ду́ху вся́кое благода́рие, я́коже Отцу́ и Сы́ну сооблиста́ет, в Не́мже вся́ живу́т и дви́жутся. | Святому Духу (принадлежит) всякий благой дар, ибо Он сияет вместе с Отцом и Сыном, и Им живет и движется все. |
| Вторый. А́ще не Госпо́дь сози́ждет до́м доброде́телей, всу́е тружда́емся: ду́шу же покрыва́ющу, никто́же на́ш разори́т гра́д. | Если Господь не созиждет дома добродетелей, то мы будем трудиться напрасно; если. Он охраняет нашу душу, то никто не разорить нашего жилища. (Пс. 126.) |
| Плода́ чре́вна Ду́хом сынотворе́ное Тебе́, Христу́, я́коже и Отцу́, святи́и всегда́ су́ть. | Святые вследствие усыновления Духом всегда суть как плод чрева для Тебя – Христа, как и Отца.25 |
| Святы́м Ду́хом прозри́тся вся́кая святы́ня, прему́дрость: осуществу́ет бо вся́кую тва́рь: Тому́ послу́жим, Бо́г бо, я́ко Отцу́ же и Сло́ву. | В Святом Духе созерцается всякая святость, премудрость; Он дает бытие всякой твари. Да послужим Ему, как Отцу и Слову, ибо Он – Бог. |
| Третий. Боя́щиися Го́спода блаже́ни, в пути́ ходя́ще за́поведей: снедя́т бо живо́тное всепло́дие. | Боящиеся Господа – блаженны: они будут ходить путями заповедей и вкушать всякие приносящие жизнь плоды. (Пс. 127) |
| О́крест трапе́зы Твоея́ возвесели́ся, зря́ Твоя́ Пастыренача́льниче исча́дия, нося́ща ве́тви благоде́лания. | Радуйся, Пастыреначальник, видя вокруг Своей трапезы чад Своих, носящих ветви добрых дел. |
| Святы́м Ду́хом вся́кое бога́тство сла́вы, от Него́же благода́ть, и живо́т вся́кой тва́ри: со Отце́м бо воспева́емь е́сть, и с Сло́вом. | В Святом Духе – все множество славы; от Него – благодать и жизнь всякой твари. Посему Он воспевается вместе с Отцом и Словом. |
Г) Каноны.
Песнь 1. Ирмос.
| Во́ды дре́вле, ма́нием Боже́ственным, во еди́но со́нмище совокупи́вый, и раздели́вый мо́ре изра́ильтеским лю́дем, Се́й Бо́г на́ш, препросла́влен е́сть: Тому́ Еди́ному пои́м, я́ко просла́вися. | Некогда Своим Божественным мановением собравший воды в одно вместилище и разделивший море для народа израильского, – Сей есть препрославленный Бог наш. Воспоем Ему единому, ибо Он прославился. |
Тропари.
| Перваго канона. И́же зе́млю осуди́в, престу́пльшему по́том изнести́ плода́ те́рние от те́рния вене́ц из руки́ законопресту́пныя, Се́й Бо́г на́ш, пло́тски прие́мый, кля́тву разруши́л е́сть: я́ко просла́вися. | Бог наш, осудивший землю для согрешившего (человека) приносить вместо плода трудов терние, Своею плотию принял терновый венец из рук беззаконников и уничтожил проклятие; ибо Он прославился. |
| Победи́тель и Одоле́тель сме́рти, и́же сме́рти убоя́вся, яви́ся: стра́стную бо пло́ть одушевле́нную прие́м, Се́й Бо́г на́ш, и бра́вся с мучи́телем, вся́ совоскреси́: я́ко просла́вися. | Страшная смерть (Христова) оказалась торжествующим победителем над смертию; ибо Он, истинный Бог наш, восприняв подверженную страданиям одушевленную плоть и вступив в борьбу с мучителем (дьяволом), воскресил с Собою всех; ибо Он прославился. |
| И́стинную Богоро́дицу вси́ язы́цы сла́вят Тя́, без се́мене ро́ждшую: соше́д бо во утро́бу освяще́нную Твою́, Се́й Бо́г на́ш, Е́же по на́м осуществова́ся, Бо́г же и Челове́к из Тебе́ роди́ся. | Все племена прославляют Тебя – бессеменно родившую – истинною Богородицею; ибо истинный Бог наш, вселившись в Твою освященную утробу, воспринял наше естество и родился от Тебя Богом и человеком. |
| Втораго канона. Ро́д челове́чь порабоще́н мучи́телем грехолю́бным, кро́вию Боже́ственною Христо́с искупи́, и обоготвори́в обнови́л е́сть: я́ко просла́вися. | Порабощенный грехолюбивым мучителем род человеческий Своею Божественною кровию искупил Христос и обожив обновил его; ибо Он прославился. |
| Я́ко у́бо сме́ртен, сме́рти хотя́й, И́же животу́ сокро́вищник, Христо́с вкуси́: а я́ко безсме́ртен сы́й естество́м, ме́ртвыя оживотвори́л е́сть: я́ко просла́вися. | Владыка жизни – Христос, как человек, добровольно вкусил смерть; но, будучи бессмертным по естеству (Божественному), оживил мертвых; ибо Он прославился. |
| Третьяго канона. Коле́но приклоня́ет вся́ко естество́ небе́сных, Де́во, вопло́щшемуся из Тебе́, со земны́ми же достоле́пно преиспо́дняя: я́ко просла́вися. | Все существа небесные и преисподние вместе с земными достойно преклоняют колена пред Воплотившимся от Тебя, Дева; ибо Он прославился. (Флп. 2:10) |
| О примире́ний Я́же в Тебе́: благи́х бо незави́стно Пода́тель, я́ко Бо́г Ду́ха Боже́ственнаго пода́вый на́м, пло́ть от Тебе́, Отрокови́це, прия́т: я́ко просла́вися. | Какой обмен (совершившийся) в Тебе! Щедрый податель благ, Бог, даровавший нам Божественного Духа, от Тебя, Отроковица, воспринял плоть; ибо Он прославился. |
Песнь 3. Ирмос.
| И́же от не су́щих вся́ приведы́й, Сло́вом созида́емая, соверша́емая Ду́хом, Вседержи́телю Вы́шний, в любви́ Твое́й утверди́ мене́. | Всевышний Вседержитель, приведший из небытия (в бытие) все, творимое Словом и совершаемое Духом! Утверди меня в любви Твоей. |
Тропари.
| Перваго канона. Кресто́м Твои́м постыде́ся нечести́вый, соде́ла бо я́му, ю́же ископа́, впаде́: смире́нных же вознесе́ся, Христе́, ро́г, во Твое́м воскре́сении. | Крестом Твоим посрамлен нечестивец, ибо он упал в яму, им самим выкопанную и приготовленную; и воскресением Твоим, Христе, возвысилось достоинство смиренных. |
| Благоче́стия пропове́дание язы́ком, я́ко вода́ покры́ моря́, Человеколю́бче: воскре́с бо от гро́ба, Тро́ический откры́л еси́ све́т. | Проповедь о благочестии (христианском) наполнила народы, как вода (наполняет) моря; ибо Ты, Человеколюбец, воскресши из гроба, открыл свет Троицы. (Ис. 11:9; Авв. 2:14) |
| Пресла́вная глаго́лана бы́ша о Тебе́, Гра́де Одушевле́нный при́сно Ца́рствующаго: Тобо́ю бо, Влады́чице, су́щым на земли́ Бо́г спожи́л е́сть. | Славное возвещено о Тебе, одушевленный град вечного Царя; ибо чрез Тебя, Владычица, Богь жил среди земнородных. (Пс. 86:3) |
| Втораго канона. Очище́ние, Пречи́стый Кре́сте, и́дольских яви́лся еси́ Ты́ нечисто́т: я́ко Иису́с Пребоже́ственный на Тебе́ ру́це распросте́рл е́сть. | Очищением идольских нечистот явился ты, пречистый крест; ибо пребожественный Иисус на тебе распростер Свои руки. |
| Да вси́ ве́рнии живоприе́мный гро́бе, тебе́ покланя́емся: погребе́ся бо в тебе́ и воста́ Христо́с вои́стинну Бо́г на́ш. | В тебе, содержащий жизнь гроб, был погребен и (из тебя) воскрес Христос – истинный Бог наш, чтобы все мы, верующие, поклонялись тебе. |
| Третьяго канона. Же́зл из ко́рене Иессе́ова, проро́чески прозя́бши Де́ва, цве́т Тя́ Христе́, возсия́ на́м: Свя́т еси́, Го́споди. | Произросшая от корня Иессеева отрасль – Дева, согласно пророчеству, произрастила нам цвет – Тебя, Христе. Свят Ты, Господи. (Ис. 11:1) |
| Да Боже́ственному прича́стию земноро́дныя соде́лаеши, от Де́вы пло́ть на́шу, Ты́ обнища́л еси́, прие́м: Свя́т еси́, Го́споди. | Чтобы сделать земнородных участниками Божества, Ты обнищал, восприняв от Девы нашу плоть. Свят Ты, Господи. (2Кор.8:9) |
Песнь 4. Ирмос.
| Положи́л еси́ к на́м тве́рдую любо́вь, Го́споди, Единоро́днаго бо Твоего́ Сы́на за ны́ на сме́рть да́л еси́. Те́мже Ти́ зове́м благодаря́ще: сла́ва си́ле Твое́й, Го́споди. | Ты, Господи, проявил к нам великую любовь, ибо ради нас предал на смерть Своего единородного Сына. Посему благодарно восклицаем Тебе: слава силе Твоей, Господи! |
Тропари.
| Перваго канона. Я́звы, Христе́, и ра́ны ми́лостивно подъя́л еси́, доса́ду по лани́тома ударе́ний терпя́, и долготерпели́вне оплева́ния нося́, и́миже соде́лал еси́ мне́ спасе́ние: сла́ва си́ле Твое́й, Го́споди. | По Своему милосердию и долготерпению, Ты, Христе, понес язвы и раны, потерпел поношение заушений и перенес заплевания, которыми Ты совершил мне спасение. Слава силе Твоей, Господи! |
| Те́лом сме́ртным животе́, сме́рти причасти́лся еси́, стра́сти ра́ди ни́щих, и воздыха́ния убо́гих Твои́х: и растли́в тле́ющаго, Препросла́вленне, все́х совоскреси́л еси́, я́ко просла́вися. | Ты, Жизнь, Своим смертным телом приобщилась смерти ради скорбей нищих и стенаний убогих Твоих; Ты, препрославленный (Господь), поразив мучителя, всех воскресил с Собою; ибо прославился. |
| Помяни́, Христе́, е́же стяжа́л еси́ ста́до стра́стию Твое́ю: Препросла́вленныя Твоея́ Ма́тере ми́лостивныя мольбы́ прие́м, и посети́в озло́бленное, изба́ви си́лою Твое́ю, Го́споди. | Помяни, Христе, паству Твою, которую Ты приобрел Своими страданиями, приняв милостивые молитвы Твоей препрославленной Матери и посетив ее угнетенную, спаси силою Твоею, Господи. |
| Втораго канона. Созда́вый по о́бразу Твоему́, Человеколю́бче, челове́ка, и умерщвле́на грехо́м преступле́ния ра́ди, распе́нся на ло́бнем, спа́сл еси́. | Ты, Человеколюбец, по Своему образу создав человека и будучи распят на лобном (месте), спас его, чрез преступление умерщвленного грехом. |
| Ме́ртвыя у́бо, и́хже пожре́ сме́рть, отдаде́: разори́ся же и а́дово тлетво́рное ца́рство, воскре́сшу Ти́ из гро́ба, Го́споди. | По воскресении Твоем из гроба, Господи, смерть возвратила мертвых, которых поглотила, и пагубное царство ада разрушилось. |
| Мари́е Чи́стая, Злата́я Кади́льнице, неслия́нно я́ко Еди́н от Тро́ицы в Тя́ соше́д, вопло́щься Бо́г Сло́во, ми́р облагоуха́л е́сть. | Непорочная Мария, златая кадильница! Бог Слово, один из (лиц) Троицы, вселившись в Тебя, неслиянно воплотился и наполнил мир и благоуханием.26 (С славянского.) |
| Третьяго канона. И́же поста́вивый го́ры, Влады́ко, ме́рилом Боже́ственнаго ра́зума, отсече́н еси́ от Де́вы Ка́мень, кроме́ ру́к: си́ле Твое́й сла́ва, Человеколю́бче. | Ты, взвесивший весами Божественного разума горы, Владыко, отсекся от Девы, как камень (от горы), без помощи рук. Слава силе Твоей, Человеколюбец. (Ис. 40:12; Дан. 2:45) |
| Неду́гующее исцели́л еси́ на́ше естество́, Влады́ко, скоре́йшую из Де́вы сию́ соедини́в цельбу́, Твое́ Пречи́стое Сло́ве Божество́. | Ты, Владыко Слово, уврачевал немощное наше естество, во утробе Девы соединив с ним целебнейшее врачевство – Свое пречистое Божество. |
| Ча́сть моя́ еси́, Го́споди, и насле́дие жела́нное, соедини́вый мя́ из Де́вы, Сло́ве, Ипоста́си Твое́й, пло́тию бы́в ипоста́сь. | Часть моя и желанное наследие – Ты, Господи; ибо Ты, Слово, соединил меня чрез Деву со Своею ипостасию, став ипостасию в плоти. |
Песнь 5. Ирмос.
| К Тебе́ у́тренюю, все́х Творцу́, преиму́щему вся́к у́м ми́рови, зане́ све́т повеле́ния Твоя́: в ни́хже наста́ви мя́. | Тебе, Творцу всего, (подающему) превышающий всякий ум мир, я посвящаю утро; ибо Твои повеления – свет, и ими руководи меня. |
Тропари.
| Перваго канона. Судии́ непра́ведному, евре́йскою за́вистию пре́дан бы́в, Всеви́дче, и все́й пра́ведне судя́й земли́, Ада́ма дре́вняго изба́вил еси́ осужде́ния. | Ты, Всевидец и праведный Судия всей земли, будучи предан по зависти евреев несправедливому судии, освободил Адама от древнего осуждения. |
| Тво́й ми́р це́рквам Твои́м, Христе́, непобеди́мою си́лою Креста́ Твоего́, из ме́ртвых воскресы́й пода́ждь, и спаси́ ду́шы на́шя. | Непобедимою силою креста Твоего даруй, воскресший из мертвых Христе, церквам Твоим мир Твой, и спаси души наши. |
| Ски́ниа Свята́я, и простра́ннейши небе́с, я́ко И́же во все́й тва́ри Невмести́маго Сло́ва Бо́жия прие́мши, Еди́на яви́лася еси́, Присноде́во. | Ты, Приснодева, одна соделалась святою и обширнейшею небес скиниею, как принявшая (в Свою утробу) во всем мире невместимое Слово Божие. |
| Втораго канона. Копие́м в ребро́ Твое́, О Христе́ мо́й, прободе́н бы́в, от ребра́ челове́ча созда́нную, губи́тельства все́м челове́ком бы́вшую хода́таицу, кля́твы свободи́л еси́. | О, Христе мой! Будучи прободён копьем в ребра, Ты освободил от проклятия созданную из ребра человека (Адама) и сделавшуюся виновницею погибели для всех людей (Еву). |
| Ра́вен Отцу́ по Существу́ сы́й, свяще́нный хра́м Пречи́стаго Твоего́ и всечестна́го телесе́, из ме́ртвых воскреси́л еси́, Христе́ Спа́се на́ш. | Будучи равен Отцу по естеству, Ты, Христе Спаситель наш, воскресил из мертвых священный храм Твоего пречистого и всечестного тела. |
| Третьяго канона. Сло́во Бо́жие Сы́н Тво́й, Де́во, Соде́тель Ада́ма первозда́ннаго, не созда́ние, а́ще и пло́ть одушевле́ну Себе́ из Тебе́ созда́л е́сть. | Сын Твой, Дева, есть Божие Слово и творец первозданного Адама, а не тварь, хотя чрез Тебя и создал Себе одушевленную плоть. |
| Ра́вен Отцу́ Сы́н Тво́й, Де́во, Сло́во Бо́жие, Ипоста́сь соверше́нна во двою́ естеству́, Иису́с Госпо́дь, Бо́г соверше́н и Челове́к. | Сын Девы равен Отцу, – Божие Слово, совершенная ипостась в двух естествах, Иисус Господь, совершенный Бог и человек. |
Песнь 6. Ирмос.
| Бе́здна после́дняя грехо́в обы́де мя́, и исчеза́ет ду́х мо́й: но простры́й, Влады́ко, высо́кую Твою́ мы́шцу, я́ко Петра́ мя, Упра́вителю, спаси́. | Величайшая бездна грехов окружила меня, так что изнемогает дух мой; но Ты, Владыко, простри Свою могущественную руку и, как Петра, спаси меня, Правитель. |
Тропари.
| Перваго канона. Бе́здна ми́лости и щедро́т обы́де мя́, благоутро́бным сни́тием Твои́м: вопло́щься бо, Влады́ко, и бы́в в ра́бии зра́це обожи́л еси́, с Собо́ю сопросла́вив. | По милосердому Твоему снисхождению меня объяла бездна милости и щедрот; ибо Ты, Владыко, воплотившись и быв в образе раба, обожил (меня) и прославил с Собою. (Флп. 2:7) |
| Умерщвле́ние подъя́т умертви́тель, умерщвле́наго оживле́нно ви́дя: Твоего́ воскре́сения си́и су́ть, Христе́, о́бразы, и стра́сти Твоея́ Пречи́стыя победи́тельная. | Подвергся умерщвлению человекоубийца, увидев умерщвленного ожившим. Это – знак Твоего воскресения и награда за Твои пречистые страдания. |
| Пречи́стая, я́же Еди́на Созда́телю и челове́ком, па́че ума́ исхода́таившая, Сы́на Твоего́ ми́лостива прегре́шшым рабо́м Твои́м, и побо́рника бы́ти, помоли́ся. | Пречистая, одна непостижимо сделавшаяся посредницею между Творцом и людьми! Умоли Сына Твоего быть милосердным к грешным рабам Твоим и их защитником. |
| Втораго канона. Ра́нами Ты́ искуси́вся, от а́да ура́неных, стра́стию Креста́ совоскреси́л еси́. Те́мже Ти́ зову́: возведи́ от тли́ живо́т мо́й, Человеколю́бче. | Претерпев язвы, Ты Своими крестными страданиями возвел из ада уязвленных. Посему восклицаю Тебе: избавь от погибели жизнь мою, Человеколюбец. |
| Отверза́ются Ти́, Христе́, стра́хом врата́ а́дова, сосу́ды же вра́жия восхища́ются: те́мже Тя́ жены́ срето́ша, вме́сто печа́ли ра́дость прии́мшя. | Пред Тобою, Христе, от страха отверзаются врата ада, и достояние врага похищается. Посему жены (мироносицы), встретивши Тебя, получили радость вместо печали. |
| Третьяго канона. Вообража́ется е́же по на́м, от Нетле́нныя Де́вы, И́же о́бразом неразлу́чный о́бразом бы́в и ве́щию, не прело́жся Божество́м Челове́к. | Неимевший (внешнего) вида от непорочной Отроковицы воспринял наше естество и по виду и действиям сделался человеком, оставшись неизменяемым по Божеству. (Флп. 2:6–7) |
| Бе́здны грехо́в, и бу́ри страсте́й, Пречи́стая, изба́ви мя́: еси́ бо приста́нище, и бе́здна чуде́с, ве́рою притека́ющым к Тебе́. | От бездны грехов и бури страстей избавь меня, Пречистая: ибо Ты – прибежище и бездна чудес для прибегающих к Тебе с верою. |
Кондак.
| Воскре́сл еси́ дне́сь из гро́ба, Ще́дре, и на́с возве́л еси́ от вра́т сме́ртных: дне́сь Ада́м лику́ет, и ра́дуется Е́ва, вку́пе же и проро́цы с патриа́рхи воспева́ют непреста́нно Боже́ственную держа́ву вла́сти Твоея́. | Ныне воскрес Ты из гроба, Милосердый, и вывел нас из врат смерти. Ныне ликует Адам и радуется Ева; вместе (с ними) и пророки с патриархами непрестанно прославляют Божественную державу власти Твоей. |
Икос.
| Не́бо и земля́ дне́сь да ликовству́ют, и Христа́ Бо́га единому́дренно да воспева́ют, я́ко у́зники от гробо́в воскреси́. Сра́дуется вся́ тва́рь, принося́щи досто́йныя пе́сни Созда́телю все́х, и Изба́вителю на́шему: я́ко челове́ки из а́да дне́сь я́ко Жизнода́тель совозве́д, на небеса́ совозвыша́ет, и низлага́ет вра́жия возноше́ния, и врата́ а́дова сокруша́ет Боже́ственною держа́вою вла́сти Своея́. | Да ликуют ныне небо и земля и единомысленно воспевают Христа Бога; ибо Он воскресил узников из гробов. Радуется вся тварь, принося достойные песни Творцу всех и нашему Избавителю; ибо Он, как Жизнеподатель, выведши ныне умерших из ада, возводит их на небеса, посрамляет гордость врага и разрушает врата адовы Божественною державою Своей власти. |
Песнь 7. Ирмос.
| Я́коже дре́вле благочести́выя три́ о́троки ороси́л еси́ в пла́мени халде́йстем, све́тлым Божества́ огне́м и на́с озари́, Благослове́н еси́, взыва́ющыя, Бо́же оте́ц на́ших. | Как в древности Ты оросил трех благочестивых отроков в халдейском пламени, так озари светоносным огнем Божества и нас, восклицающих: благословен Ты, Бог отцов наших! |
Тропари.
| Перваго канона. Раздра́ся церко́вная све́тлая катапета́сма в распя́тии Соде́теля, сокрове́нную в Писа́нии явля́ющи ве́рным и́стину, благослове́н еси́, зову́щым, Бо́же оте́ц на́ших. | Во время распятия Творца разодралась блестящая церковная завеса, открывая сокрытую в Писании истину верующим, которые восклицают: благословен Ты, Бог отцов наших! |
| Прободе́нным Твои́м ре́бром, ка́плями Богото́чныя животворя́щия кро́ве, Христе́, смотри́тельно ка́плющия на зе́млю, су́щих от земли́ возсозда́л еси́, благослове́н еси́, зову́щих, Бо́же оте́ц на́ших. | Когда прободены были Твои ребра, Божественные капли Твоей животворной крови, Христе, промыслительно капавшие на землю, обновили созданных от земли, которые восклицают: благословен Ты, Бог отцов наших! |
| Ду́ха Блага́го со Отце́м просла́вим, и с Сы́ном Единоро́дным, Еди́но в Трие́х ве́рнии чту́ще Нача́ло, и Еди́но Божество́: благослове́н еси́, зову́ще, Бо́же оте́ц на́ших. | Прославим, верующие, благого Духа вместе с Отцом и единородным Сыном, в трех (лицах) почитая единое начало и единое Божество и восклицая: благословен Ты, Бог отцов наших! |
| Втораго канона. Не про́ста со́лнце на кресте́ ви́сяща челове́ка, но Бо́га воплоще́нна зря́ помрача́ется. Ему́же и пое́м: благослове́н еси́, Го́споди, Бо́же оте́ц на́ших. | Солнце померкло, видя на крест повешенным не человека обыкновенного, а воплотившегося Бога, Которому мы и воспеваем: благословен Ты, Господи, Бог отцов наших! |
| Кре́пкаго Божество́м прие́м а́д страшли́вый, нетле́ния Пода́теля, ду́шы пра́ведных вопию́щыя изблева́: благослове́н еси́, Го́споди, Бо́же оте́ц на́ших. | Устрашившийся ад, приняв сильного Своим Божеством Подателя бессмертия, изрыгнул души праведников, восклицавших: благословен Ты, Господи, Бог отцов наших! |
| Сокро́вище многоце́нное благослове́ния яви́лася еси́, Пречи́стая, чи́стым се́рдцем Тебе́ испове́дающым Богороди́тельницу: не́бо из Тебе́ воплоти́ся Бо́г оте́ц на́ших. | Ты, Пречистая, соделалась многоценным сокровищем благословения для тех, которые чистым сердцем исповедуют Тебя Богородительницею; ибо из Тебя воплотился Бог отцов наших. |
| Третьяго канона. И́же сла́вы Госпо́дь, и держа́й го́рния си́лы, И́же со Отце́м седя́й, де́вственныма рука́ма носи́мь: благослове́н еси́, Го́споди, Бо́же оте́ц на́ших. | Господь славы и Владыка небесных сил, сидящий со Отцом и носимый девственными руками! Благословен Ты, Господи, Бог отцов наших. |
| Я́ра сме́рть, но сию́ Тебе́ бесе́довавшую погуби́л еси́, от Де́вы Богоипоста́сная пло́ть бы́в: благослове́н еси́, Го́споди, Бо́же оте́ц на́ших. | Ужасна смерть, – но Ты, от Девы сделавшись Богоипостасною плотию, поразил сию (смерть), приразившуюся к Тебе. Благословен Ты, Господи, Бог отцов наших! |
| Богоро́дицу вси́ Тя Бо́га ро́ждшую уве́дехом, Еди́наго бо от Тро́ицы воплоти́вшагося из Тебе́ родила́ еси́: благослове́н, Пречи́стая, Пло́д Твоего́ чре́ва. | Все исповедуем Тебя Богородицею, родившею Бога; ибо Ты родила единого из (лиц) Троицы, воплотившегося из Тебя. Благословен плод чрева Твоего, Пречистая! |
Песнь 8. Ирмос.
| Нестерпи́мому огню́ соедини́вшеся, богоче́стия предстоя́ше ю́ноши, пла́менем же неврежде́ни, Боже́ственную пе́снь поя́ху: благослови́те вся́ дела́ Госпо́дня Го́спода, и превозноси́те во вся́ ве́ки. | Представители Богопочитания – юноши, находясь среди нестерпимого огня, но не потерпевши вреда от пламени, воспевали Божественную песнь: все творения Господни, благословляйте Господа и превозносите во все веки. |
Тропари.
| Перваго канона. Раздра́ся церко́вная све́тлость, егда́ кре́ст Тво́й водрузи́ся на ло́бнем, и тва́рь преклоня́шеся стра́хом, воспева́ющи: благослови́те вся́ дела́ Госпо́дня Го́спода, по́йте и превозноси́те Его́ во ве́ки. | Разодралась церковная светлая (завеса), когда на лобном месте был водружен крест Твой, и тварь от страха пришла в смущение, воспевая: все творения Господни, благословляйте Господа, воспевайте и превозносите Его во веки. |
| Воскре́сл еси́, Христе́, из гро́ба, и па́дшаго прельще́нием, дре́вом испра́вил еси́ Боже́ственною си́лою, зову́ща и глаго́люща: благослови́те вся́ дела́ Госпо́дня Го́спода, по́йте и превозноси́те Его́ во ве́ки. | Ты, Христе, воскрес из гроба и Своею Божественною силою чрез древо (креста) обновил по обольщению падшего человека, который восклицает и взывает: все творения Господни, благословляйте Господа, воспевайте и превозносите Его во веки! |
| Хра́м Бо́жий яви́лася еси́, Вмести́лище одушевле́нное, и Ковче́г: Творца́ бо челове́ком, Богороди́тельнице Пречи́стая, примири́ла еси́, и досто́йно вся́ дела́ пое́м Тя́, и превозно́сим во вся́ ве́ки. | Ты, Пречистая Богородительница, соделалась храмом Божиим, одушевленным жилищем и кивотом, и примирила Творца с людьми; посему мы и все творения достойно воспеваем и превозносим Тебя во все веки. (Рим. 5:10) |
| Втораго канона. Сло́во нестра́стное, безстра́стно у́бо Божество́м, стра́ждет же пло́тию Бо́г, Ему́же и пое́м: благослови́те вся́ дела́ Госпо́дня Го́спода, по́йте и превозноси́те Его́ во ве́ки. | Слово, как бесстрастное по Божеству, не подвержено страданиям, но страдает Бог по плоти, Которому мы и поем: все творения Господни, благословляйте Господа, воспевайте и превозносите Его во веки! |
| Усну́вый у́бо я́ко сме́ртен, воскре́сен еси́ я́ко Безсме́ртен, Спа́се, и спаса́еши от сме́рти пою́щих: благослови́те вся́ дела́ Госпо́дня Го́спода, по́йте и превозноси́те Его́ во ве́ки. | Уснув как смертный, Ты, Спаситель, восстал как бессмертный, и спасаешь от смерти поющих: все творения Господни, благословляйте Господа, воспевайте и превозносите Его во веки! |
| Слу́жим благоче́стно триипоста́сному Божеству́, соединя́ему неизрече́нно, и пое́м: благослови́те вся́ дела́ Госпо́дня Го́спода, по́йте и превозноси́те Его́ во ве́ки. | Благоговейно мы служим триипостасному единому Божеству и непрестанно поем: все творения Господни, благословляйте Господа, воспевайте и превозносите Его во веки! |
| Третьяго канона. Чи́ны у́мныя я́ко Ма́ти превозшла́ еси́, и бли́з Бо́га бы́вши: благослови́м, благослове́нная Де́во, рождество́ Твое́, и превозно́сим во вся́ ве́ки. | Ты, как Матерь, превзошла разумные чины (Ангелов) и приблизилась к Богу. Благословляем рождество Твое, благословенная Дева, и превозносим его во все веки. |
| Добро́ту есте́ственную, красне́йшу показа́ла еси́, облистава́ющую пло́ть Божества́. Благослови́м, благослове́нная Де́во, рождество́ Твое́, и превозно́сим во вся́ ве́ки. | Родивши Божественную плоть,27 Ты Свою естественную красоту сделала прекраснейшею. Благословляем рождество Твое, благословенная Дева, и превозносим его во все веки. |
Песнь 9. Ирмос.
| Но́вое чу́до и боголе́пное, деви́ческую бо две́рь затворе́ную я́ве прохо́дит Госпо́дь, на́г во вхо́де, и Плотоно́сец яви́ся во исхо́де Бо́г, и пребыва́ет Две́рь затворе́на: Сию́ неизрече́нно, я́ко Богома́терь велича́ем. | Необычайное и Божественное чудо! заключенную дверь Девы явно проходит Господь Бог; бесплотным Он был во время входа, но явился облеченным плотию во время выхода, и остается дверь заключенною. Ее (Деву), как Богоматерь, мы несказанно величаем. |
Тропари.
| Перваго канона. Стра́шно е́сть зре́ти Тебе́, Творца́, на дре́ве воздви́жена, Сло́ве Бо́жий, пло́тски же стра́ждуща Бо́га за рабы́, и во гро́бе бездыха́нна лежа́ща, ме́ртвыя же из а́да разреши́вша: те́мже Тя́, Христе́, я́ко Всеси́льна велича́ем. | Страшно видеть Тебя, Божие Слово, Творца повешенным на древе, Бога за рабов плотию страдающим, бездыханно лежащим во гробе, но освободившим мертвых из ада. Посему Тебя, Христе, как всемогущего, величаем. |
| Из тли́ сме́ртныя спа́сл еси́, Христе́, пра́отцы, положе́н бы́в во гро́бе ме́ртв, и живо́т процве́л еси́, ме́ртвыя воскреси́в, руководи́в естество́ челове́ческое ко све́ту, и в Боже́ственное обле́к нетле́ние. Те́мже исто́чника Тя́ све́та при́сно жива́го велича́ем. | Будучи положен мертвым во гробе, Ты, Христе, спас прародителей от гибельной смерти и произрастил жизнь, воскресив мертвых, направив смертное (наше) естество к свету и облекши его в Божественное нетление. Посему величаем Тебя, источник вечного света. |
| Хра́м и Престо́л яви́лася еси́ Бо́жий, во́ньже всели́ся И́же в вы́шних сы́й, рожде́йся неискусому́жно, Всечи́стая, пло́ти Твоея́ не отве́рз вся́чески врата́. Те́мже непреста́нными, Чи́стая, моли́твами Твои́ми, язы́ки ва́рварския ско́ро до конца́ покори́. | Ты, Пречистая, явилась храмом и престолом Божиим, в который вселился Живущий в вышних, безмужно родившись и отнюдь не отверзши врат Твоей плоти. Посему Своими непрестанными молитвами, Чистая, скоро покори совершенно Императору нашему варварские племена. |
| Втораго канона. Че́сть челове́ком от безче́стныя сме́рти все́м источи́л еси́: ея́же распя́тием Твои́м, Спа́се, вкуси́в, существо́м сме́ртным нетле́ние мне́ дарова́л еси́, Христе́, я́ко Человеколю́бец. | Из позорной смерти Ты, Спаситель, источил честь для всех людей; ибо Ты, Христе, Своим смертным естеством чрез распятие вкусив ее, даровал мне бессмертие, как Человеколюбец. |
| Спа́сл мя́ еси́ воскре́с из гро́ба, Христе́, воскре́сл же еси́, и Отцу́ приве́л еси́ Твоему́ Роди́телю: одесну́ю же Его́ спосади́л еси́ за благоутро́бие ми́лости Твоея́, Го́споди. | По Своему благоутробному милосердию Ты, Христе, воскресши из гроба, спас меня, и возвысив привел к Своему Родителю – Отцу и посадил одесную Его, Господи. (Еф. 2:5–6) |
| Третьяго канона. Сы́тость Твои́х похва́л, Де́во, благочести́вым ве́рным отню́д не быва́ет: жела́нием бо жела́ние при́сно Боже́ственное, и Духо́вное прие́млюще, я́ко Ма́терь Бо́жию велича́ем. | У благочестивых верующих совершенно не бывает насыщения похвалами Тебе, Дева; ибо, постоянно прилагая Божественную и духовную любовь к любви, они как Матерь Бога величают Тебя. |
| Положи́л еси́ на́м непосты́дную Моли́твенницу, Тебе́ ро́ждшую, Христе́. Тоя́ мольба́ми Ми́лостива подае́ши на́м Ду́ха, Пода́теля бла́гости, от Отца́ Тобо́ю происходя́ща. | Ты, Христе, в лице Родившей Тебя даровал нам надежную ходатаицу. По Ее молитвам даруй нам Подателя благости – милостивого Духа, чрез Тебя от Отца исходящего. |
Д) Стихиры на хвалитех.
| Прииди́те, вси́ язы́цы, уразуме́йте стра́шныя та́йны си́лу: Христо́с бо Спа́с на́ш, Е́же в нача́ле Сло́во, распя́тся на́с ра́ди, и во́лею погребе́ся, и воскре́се из ме́ртвых, е́же спасти́ вся́ческая: Тому́ поклони́мся. | Приидите, все народы, познайте силу необычайной тайны; Христос Спаситель наш, бывшее в начале Слово, ради нас был распят, добровольно погребен и воскрес из мертвых, чтобы спасти все. Поклонимся Ему. |
| Пове́даша вся́ чудеса́ стра́жие Твои́, Го́споди: но собо́р суеты́ испо́лни мздо́ю десни́цу и́х, скры́ти мня́ше воскре́сение Твое́, е́же ми́р сла́вит: поми́луй на́с. | Охранявшие Тебя, Господи, рассказали о всех чудесах; но легкомысленный синедрион,28 наполнив дарами руки их, думал скрыть Твое воскресение, которое прославляет мир. Помилуй нас. (Мф. 28:12–13) |
| Ра́дости вся́ испо́лнишася воскре́сения иску́с прии́мша: Мари́а бо Магдали́на ко гро́бу прии́де, обре́те а́нгела на ка́мени седя́ща, ри́зами блиста́ющася и глаго́люща: что́ и́щете жива́го с ме́ртвыми: не́сть зде́, но воста́, я́коже рече́, предваря́я вы́ в Галиле́и. | Все исполнилось радости, получив удостоверение в воскресении. Мария Магдалина пришла к Твоему гробу и нашла в блестящих ризах сидевшего на камне Ангела, который сказал: зачем вы ищете Живого между мертвыми? Его нет здесь, Он воскрес, как сказал, и предваряет вас в Галилее. (Мф. 28:1–8; Мк. 16:5–7; Лк. 24:4–6) |
| Во све́те Твое́м, Влады́ко, у́зрим све́т, Человеколю́бче: воскре́сен бо еси́ из ме́ртвых, спасе́ние ро́ду челове́ческому да́руя: да Тя́ вся́ тва́рь славосло́вит Еди́наго Безгре́шнаго, поми́луй на́с. | Во свете Твоем, Владыко Человеколюбец, мы увидим свет: ибо Ты, даруя спасение роду человеческому, воскрес из мертвых, чтобы вся тварь прославляла Тебя – единого Безгрешного. Помилуй нас. |
| Пе́снь у́треннюю мироно́сицы жены́ со слеза́ми приноша́ху Тебе́, Го́споди, благоуха́ния бо арома́ты иму́щя, гро́ба Твоего́ достиго́ша, пречи́стое те́ло Твое́ пома́зати тща́щяся. А́нгел седя́й на ка́мени те́м благовести́: что́ и́щете жива́го с ме́ртвыми? сме́рть бо попра́в воскре́се я́ко Бо́г, подая́ все́м ве́лию ми́лость. | Жены-мироносицы со слезами принесли Тебе утреннюю песнь, Господи. Они поспешно пришли к Твоему гробу с благовонными ароматами, чтобы намастить Твое пречистое тело. Сидевший на камне Ангел благовествовал им: зачем ищете Живого между мертвыми? поправ смерть, Он, как Бог, воскрес, даруя всем великую милость. |
| Блиста́яся а́нгел на гро́бе Твое́м животво́рнем, мироно́сицам глаго́лаше: истощи́в гро́бы Изба́витель плени́ а́да, и воскре́се тридне́вен, я́ко Еди́н Бо́г и Всеси́лен. | Блиставший при Твоем животворном гробе Ангел сказал мироносицам: Избавитель сделал гробы пустыми, победил ад и в третий день воскрес, как единый и всемогущий Бог. |
| Во гро́бе Тя́ иска́ше, прише́дши во еди́ну от суббо́т Мари́а Магдали́на, не обре́тши же рыда́ше с пла́чем вопию́щи: увы́ мне́, Спа́се мо́й! Укра́ден бы́л еси́ все́х Царю́. Супру́г же живоно́сных а́нгел вну́трь гро́ба вопия́ше: что́ пла́чеши, о же́но? пла́чу, глаго́лет, я́ко взя́ша Го́спода моего́ от гро́ба, и не ве́м, где́ положи́ша Его́. Сия́ же обра́щшися вспя́ть, я́ко ви́де Тя́, а́бие возопи́: Госпо́дь мо́й и Бо́г мо́й, сла́ва Тебе́. | В первый день после субботы Мария Магдалина, пришедши к Твоему гробу, стала искать Тебя; но, не нашедши, предалась печали и с рыданием восклицала: увы мне! каким образом украли Тебя, Царь всех – Спаситель мой? Два Ангела изнутри гроба спросили: зачем плачешь, женщина? – Плачу, отвечала та, потому что взяли Господа моего из гроба, и не знаю, где положили Его. Но, обратившись назад и увидевши Тебя, тотчас воскликнула: Господь мой и Бог мой! слава Тебе! (Ин. 20:11–16) |
| Евре́и затвори́ша во гро́бе Живо́т, разбо́йник же отве́рзе язы́ком наслажде́ние, зовы́й и глаго́ля: И́же со мно́ю мене́ ра́ди распны́йся: сообе́си ми ся на дре́ве, и яви́ся мне́ на престо́ле со Отце́м седя́: то́й бо е́сть Христо́с Бо́г на́ш, име́яй ве́лию ми́лость. | Евреи заключили во гробе жизнь; а разбойник отверз (место) наслаждения, устами восклицая и взывая: со мною ради меня Распятый был повешен со мною на древе и явился мне сидящим на престоле вместе с Отцом; ибо Он – Христос Бог наш, имеющий великую милость. (Лк. 23:42–43) |
Блаженны на литургии.
| Отве́ргшаго Христе́ за́поведь Твою́, пра́отца Ада́ма из рая́ изгна́л еси́: разбо́йника же Ще́дре испове́давша Тя́ на кресте́, во́нь всели́л еси́, зову́ща: помяни́ мя, Спа́се, во Ца́рствии Твое́м. | Отвергнувшего Твою заповедь праотца Адама Ты, Христе, изгнал из рая; но Ты, Милосердый, ввел в него разбойника, исповедавшего Тебя на кресте и восклицавшего: помяни меня, Спаситель, в Царствии Твоем! |
| Согре́шших на́с сме́ртною осуди́л еси́ кля́твою, Живода́вче и Го́споди, те́лом же Твои́м, безгре́шне Влады́ко, пострада́в, сме́ртныя оживи́л еси́ зову́щыя: помяни́ и на́с во Ца́рствии Твое́м. | Ты, Жизнеподатель и Господь, согрешивших нас проклятием осудил на смерть; но, пострадав неповинно Своею плотию, Ты, Владыко, оживил смертных, восклицающих: помяни и нас, в Царствии Твоем! |
| Воскре́с из ме́ртвых, совоскреси́л еси́ на́с от страсте́й воскресе́нием Твои́м, Го́споди: сме́ртную же всю́ си́лу погуби́л еси́, Спа́се. Сего́ ра́ди ве́рою Ти́ зове́м: помяни́ и на́с во Ца́рствии Твое́м. | Воскресши из мертвых, Ты, Господи Спаситель, Своим воскресением воскресил нас от страданий и уничтожил всю силу смерти. Посему с верою восклицаем Тебе; помяни и нас в Царствии Твоем! |
| Тридне́вным Твои́м погребе́нием, и́же во а́де умерщвле́нныя я́ко Бо́г оживотвори́вый, совоздви́гл еси́, и нетле́ние все́м я́ко Бла́г источи́л еси́ на́м, ве́рою зову́щым всегда́: помяни́ и на́с во Ца́рствии Твое́м. | Своим тридневным погребением Ты, как Бог, оживил и воскресил пребывавших в аде мертвых, и, как благой, всем нам источил бессмертие, с верою всегда восклицающим: помяни и нас в Царствии Твоем! |
| Мироно́сицам жена́м пе́рвее яви́лся еси́, воскре́с из ме́ртвых, Спа́се, возопи́в: е́же ра́дуйтеся, и те́ми друго́м Твои́м возвеща́еши воста́ние Твое́, Христе́, сего́ ра́ди ве́рою Ти́ зове́м: помяни́ и на́с во Ца́рствии Твое́м. | По воскресении Своем из мёртвых, Ты, Спаситель Христос, прежде всех явился женам-мироносицам, которых приветствовал (словом) «радуйтесь», и чрез них возвестил о Своем воскресении и Своим друзьям. Посему с верою восклицаем Тебе: помяни и нас в Царствии Твоем! |
| На горе́ Моисе́й ру́це распросте́р, прообразова́ние кре́ст, Амали́ка победи́вый: мы́ же ве́рою того́ на бе́сы ору́жие кре́пкое прие́мше, вси́ зове́м: помяни́ и на́с во Ца́рствии Твое́м. | Моисей, на горе распростерши руки, прообразовал Твой крест обратив в бегство амаликитян. И мы, имея в нем сильное оружие против демонов, все восклицаем с верою: помяни и нас в Царствии Твоем! |
| Отца́ и Сы́на, и Ду́ха Свята́го воспои́м ве́рнии, Еди́наго Бо́га, Еди́наго Го́спода, я́ко от Еди́наго бо Со́лнца Трисия́ннаго е́сть Тро́ица и просвеща́ет вся́ зову́щыя: помяни́ и на́с во Ца́рствии Твое́м. | Прославим, верующие, Отца, Сына и Святого Духа, единого Бога, единого Господа, как бы (состоящего) из единого Солнца;29 ибо Троица трисиянна и просвещает всех, восклицающих; помяни и нас в Царствии Твоем! |
| Ра́дуйся, две́ре Бо́жия, Е́юже про́йде вопло́щься Созда́тель, запеча́тану сохрани́в Тя́. Ра́дуйся, о́блаче ле́гкий, Боже́ственный до́ждь нося́й Христа́, ра́дуйся, Ле́ствице и Престо́ле Небе́сный. Ра́дуйся, Горо́ Бо́жия Честна́я, Ту́чная, Несеко́мая. | Радуйся, дверь Бога, чрез которую прошел воплотившийся Создатель, сохранив Тебя запечатанною! Радуйся, легкое облако, носившее Божественный дождь – Христа! Радуйся, лестница и престол небесный! Радуйся, гора священная, плодоносная, нерассекаемая! |
* * *
21
Завершаемое, приводимое в совершенство.
22
Превышающий все существующее.
23
Т.е. приводя в сознание, успокаивая.
24
В греческом νότψ, что значит: юг, знойный ветер, зной, знойное время, т. е. время несчастий и бедствий.
25
Т. е. святые, воспринявши Св. Духа, становятся чадами Божиими.
26
В греческих изданиях недостает этого тропаря.
27
Воплотившегося Бога.
28
Верховное судилище еврейское.
29
Славянский перевод в этом месте не согласен с греческим текстом.