Иван Ловягин
Глас первый
На малой вечерне
Стихиры
| Де́вственное торжество́ дне́сь, бра́тие, да взыгра́ется тва́рь, да ликовству́ет челове́чество: созва́ бо на́с свята́я Богоро́дица, нескве́рно сокро́вище де́вства: слове́сный втора́го Ада́ма ра́й: храни́лище соедине́ния дву́ естеству́: торжество́ спаси́тельнаго примире́ния: черто́г, в не́мже Сло́во уневе́стивый пло́ть вои́стинну: ле́гкий о́блак, Иже над херуви́мы Су́щаго, с те́лом носи́вший. Тоя́ моли́твами, Христе́ Бо́же, спаси́ ду́шы на́ша. | Ныне торжество девства, братья! Да веселится тварь, да торжествует человечество; ибо нас созвала святая Богородица, – чистое сокровище девства, словесный рай второго Адама (1Кор. 15:47), место соединения двух естеств, торжество спасительного примирения, чертог, в котором Слово избрало плоть Своею невестою,1 по истине лёгкое облако, носившее с плотию Восседающего на херувимах. По молитвам Её, Христе Боже, спаси души наши. |
| Препросла́влена еси́ в ро́де родо́в, Де́во Ма́ти, Отрокови́це, Богоро́дице Мари́е, ми́ра предста́тельство, ро́ждши пло́тию Сы́на Безнача́льнаго Отца́, соприсносу́щна же Ду́ху вои́стинну: Его́же моли́ спасти́ся на́м. | Ты прославлена в родах родов, Матерь-Дева, Отроковица, Богородица Мария,– Заступница мира, по истине родившая плотию Сына безначального Отца и совечного Духу. Молись Ему о нашем спасении. |
| Содержи́мии скорбьми́ ненача́емыми, Чи́стая, Тя́ предста́тельство еди́но иму́ще, Де́во, вопие́м благода́рно: спаси́ ны, Всесвята́я Богоневе́стная: Ты́ бо еси́ ми́ра прибе́жище, и заступле́ние ро́да на́шего. | Мы, подвергаясь неожиданным бедствиям, и в Тебе одной, чистая Дева, имея Заступницу, благодарно восклицаем: спаси нас, Всесвятая Богоневеста; ибо Ты – прибежище мира и защита рода нашего. |
| Обнови́ся ми́р в Рождестве́ Твое́м, Богороди́тельнице Отрокови́це, ве́рных спасе́ние, и неусыпа́емая предста́тельнице благоче́стно моля́щих Тя́, Пречи́стая, не преста́й моля́щи приле́жно о все́х пою́щих Тя́. | Обновлен мир зачатием Твоим, Богородительница – Отроковица, – спасение верующих и неусыпная Заступница благоговейно молящихся Тебе, Пречистая: не преставай усердно молиться о всех, воспевающих Тебя. |
| О́блак Тя́ све́та присносу́щнаго, Де́во, проро́к именова́: из Тебе́ бо я́ко до́ждь на руно́ сше́д Сло́во О́тчее, и из Тебе́ возсия́вый, ми́р просвети́, пре́лесть упраздни́ Христо́с Бо́г на́ш. Того́ моля́щи приле́жно, Пресвята́я, мо́лимся, не преста́й о на́с, и́же и́стинную Богоро́дицу испове́дающих Тя́. | Пророк назвал Тебя, Дева, облаком вечного света; ибо Слово Отца, из Тебя нисшедшее как дождь на руно и от Тебя родившееся, – Христос Бог наш, просветило мир и лишило силы обольщение. Молимся Тебе, Пресвятая: не преставай усердно молиться Ему о нас, истинною Богородицею исповедующих Тебя. |
На великой вечерне
А) Стихиры на «Господи воззвах».
| Вече́рния на́ша моли́твы приими́, Святы́й Го́споди, и пода́ждь на́м оставле́ние грехо́в, я́ко еди́н еси́ явле́й в ми́ре Воскре́сение. | Приими, Господи святой, наши вечерние молитвы и даруй нам прощение грехов; ибо Ты – один явивший в мире воскресение. |
| Обыди́те, лю́дие, Сио́н, и объими́те его́, и дади́те сла́ву в не́м Воскре́сшему из ме́ртвых: я́ко То́й е́сть Бо́г на́ш, избавле́й на́с от беззако́ний на́ших. | Пойдите, люди, вокруг Сиона и обойдите его, и в нем воздайте славу Воскресшему из мертвых ибо Он – Бог наш, избавивший нас от беззаконий наших. (Пс. 47:13.) |
| Прииди́те, лю́дие, воспои́м, и поклони́мся Христу́, сла́вяще Его́ из ме́ртвых Воскре́сение: я́ко То́й е́сть Бо́г на́ш, от пре́лести вра́жия ми́р избавле́й. | Приидите, люди, воспоем и поклонимся Христу, прославляя Его воскресение из мертвых; ибо Он – Бог наш, от обольщений врага искупивший мир. |
| Весели́теся, небеса́, воструби́те, основа́ния земли́, возопи́йте, го́ры, весе́лие: се́ бо Емману́ил грехи́ на́ша на Кресте́ пригвозди́, и живо́т дая́й, сме́рть умертви́, Ада́ма воскреси́вый, я́ко Человеколю́бец. | Торжествуйте, небеса (Пс. 95:11)! прогремите основания земли! провозгласите радость, горы! ибо вот Еммануил пригвоздил ко кресту наши грехи, даруя жизнь, умертвил смерть и воскресил Адама, как Человеколюбец. |
| Пло́тию во́лею Распе́ншагося на́с ра́ди, Пострада́вша и Погребе́нна, и Воскре́сша из ме́ртвых, воспои́м глаго́люще: утверди́ правосла́вием Це́рковь Твою́, Христе́, и умири́ жи́знь на́шу, я́ко Бла́г и Человеколю́бец. | Прославим добровольно плотию Распятого за нас, пострадавшего, погребенного и воскресшего из мертвых и воскликнем: утверди в православии Церковь Твою, Христе, и в жизни нашей восстанови мир, как благой и Человеколюбец! |
| Живоприе́мному Твоему́ гро́бу предстоя́ще недосто́йнии, славосло́вие прино́сим неизрече́нному Твоему́ благоутро́бию, Христе́ Бо́же на́ш: я́ко кре́ст и сме́рть прия́л еси́, Безгре́шне, да ми́рови да́руеши Воскре́сение, я́ко человеколю́бец. | Мы, недостойные, ставши пред Твоим содержащим в себе жизнь гробом, приносим славословие Твоему неизреченному милосердию, Христе Боже наш; ибо Ты, безгрешный, претерпел крест (распятие) и смерть, чтобы даровать миру воскресение, как Человеколюбец. |
| И́же Отцу́ Собезнача́льна и Соприсносу́щна Сло́ва, от Деви́ческа чре́ва Произше́дшаго неизрече́нно, и кре́ст и сме́рть на́с ра́ди Во́лею Прие́мшаго, и Воскре́сша во сла́ве, воспои́м глаго́люще: Живода́вче Го́споди, сла́ва Тебе́, Спа́се ду́ш на́ших. | Прославим собезначальное и совечное Отцу Слово, непостижимо происшедшее от девственной утробы, добровольно претерпевшее за нас крест и смерть и во славе воскресшее, и воскликнем: слава Тебе, Жизнеподатель Господи, Спаситель душ наших. |
Богородичен.
| Всеми́рную сла́ву, от челове́к прозя́бшую, и Влады́ку ро́ждшую, небе́сную две́рь воспои́м Мари́ю Де́ву, безпло́тных пе́снь, и ве́рных удобре́ние: Сия́ Бо яви́ся не́бо, и хра́м Божества́: Сия́ прегражде́ние вражды́ разруши́вши, ми́р введе́, и Ца́рствие отве́рзе. Сию́ у́бо иму́ще ве́ры утвержде́ние, побо́рника и́мамы из Нея́ ро́ждшагося Го́спода. Дерза́йте у́бо, дерза́йте, лю́дие Бо́жии: и́бо То́й победи́т враги́, я́ко Всеси́лен. | Воспоем происшедшую от людей и родившую Господа Деву Марию, – славу всего мира, небесную дверь, песнь бесплотных (сил) и украшение верующих; ибо Она соделалась небом и храмом Божества; Она, разрушивши средостение вражды, водворила мир и отверзла Царство. Таким образом исповедуя Ее утверждением веры, имеем Заступником от Нее родившегося Господа. Дерзайте же, дерзайте, люди Божии; ибо Он победит врагов, как всемогущий. |
Б) Стихиры на стиховне.
| Стра́стию Твое́ю Христе́, от страсте́й свободи́хомся, и Воскре́сением Твои́м из истле́ния изба́вихомся, Го́споди, сла́ва Тебе́. | Твоими страданиями, Христе, мы освободились от страданий и Твоим воскресением избавились от тления. Господи, слава Тебе! |
| Да ра́дуется тва́рь, небеса́ да веселя́тся, рука́ми да воспле́щут язы́цы с весе́лием: Христо́с бо Спа́с на́ш, на кресте́ пригвозди́ грехи́ на́ша: и сме́рть умертви́в живо́т на́м дарова́, па́дшаго Ада́ма всеро́днаго Воскреси́вый, я́ко Человеколю́бец. | Да радуется тварь и веселятся небеса, с радостию да рукоплещут народы; ибо Спаситель наш Христос, как Человеколюбец, пригвоздил наши грехи ко кресту, умертвил смерть и даровал нам жизнь, воскресив падшего родоначальника Адама. |
| Ца́рь сы́й небесе́ и земли́ непостижи́ме, во́лею распя́лся еси́ за человеколю́бие. Его́же а́д сре́т до́ле, огорчи́ся, и пра́ведных ду́шы прие́мша возра́довашася: Ада́м же, ви́дев Тя́ Зижди́теля в преиспо́дних, воскре́се. О чудесе́! ка́ко сме́рти вкуси́ все́х Жи́знь? Но я́коже восхоте́ ми́р просвети́ти зову́щий, и глаго́лющий: воскресы́й из ме́ртвых, Го́споди, сла́ва Тебе́. | Будучи Царем неба и земли, Ты, непостижимый, по человеколюбию, добровольно предал Себя на распятие. Ад, встретив Тебя долу, опечалился (Ис. 14:9), а принявшие (Тебя) души праведников возрадовались; Адам, увидев Тебя – Творца в преисподней, воскрес. Какое чудо! Почему вкусила смерти жизнь всех? Только потому, что она восхотела просветить мир, который восклицает и взывает: воскресший из мертвых Господи! слава Тебе. |
| Жены́ мироно́сицы, ми́ра нося́ща, со тща́нием и рыда́нием гро́ба Твоего́ достиго́ша, и не обре́тша пречи́стаго те́ла Твоего́, от а́нгела же уве́девша но́вое и пресла́вное чу́до, апо́столом глаго́лаху: воскре́се Госпо́дь подая́ ми́рови ве́лию ми́лость. | Несшие миро жёны мироносицы поспешно и с рыданием подошли к Твоему гробу; но, не нашедши (в нем) пречистого Твоего тела и узнавши от Ангела о небывалом и чрезвычайном чуде, возвестили Апостолам: воскрес Господь, дарующий миру великую милость. (Мф. 28 гл.) |
| Се́ испо́лнися Иса́иино прорече́ние, Де́ва бо родила́ еси́, и по рождестве́ я́ко пре́жде рождества́ пребыла́ еси́: Бо́г бо бе́ рожде́йся, те́мже и естества́ новопресече́1. Но, о Богома́ти, моле́ния Твои́х рабо́в, в Твое́м хра́ме приноси́мая Тебе́ не пре́зри: но я́ко Благоутро́бнаго Твои́ма рука́ма нося́щи, на Твоя́ рабы́ умилосе́рдися, и моли́ спасти́ся душа́м на́шым. | Вот исполнилось пророчество Исаии (7:14); ибо Ты, Дева, родила и после рождения осталась (девою), как и до рождения. Родившийся был Бог, посему Он и изменил закон природы. Не презри, Богоматерь, приносимых Тебе в Твоем храме молитв рабов Твоих, но, как носившая Своими руками Милосердого, умилосердись над рабами Твоими и молись о спасении душ наших. |
В) Тропарь воскресный.
| Ка́мени запеча́тану от иуде́й, и во́ином стрегу́щым пречи́стое те́ло Твое́, воскре́сл еси́ тридне́вный Спа́се, да́руяй ми́рови жи́знь. Сего́ ра́ди си́лы небе́сныя вопия́ху Ти́, Жизнода́вче: сла́ва Воскре́сению Твоему́ Христе́: сла́ва Ца́рствию Твоему́: сла́ва смотре́нию Твоему́, еди́не Человеколю́бче. | Хотя каменный гроб и был запечатан иудеями, и воины охраняли Твое пречистое тело, но Ты, Спаситель, в третий день воскрес, даруя жизнь миру. Посему небесные силы восклицали Тебе, Податель жизни: слава воскресению Твоему, Христе; слава Царству Твоему; слава промышлению Твоему, единый Человеколюбец. |
Богородичен.
| Гаврии́лу веща́вшу Тебе́, Де́во, ра́дуйся, со гласом воплоща́шеся все́х Влады́ка, в Тебе́ святе́м киво́те, я́коже рече́ пра́ведный Дави́д: яви́лася еси́ ши́ршая небе́с, поноси́вши Зижди́теля Твоего́. Сла́ва все́льшемуся в Тя́: сла́ва проше́дшему из Тебе́: сла́ва свободи́вшему на́с Рождество́м Твои́м. | Когда Гавриил возгласил Тебе «радуйся, Дева» (Лк. 1:28), при этом гласе Владыка всех воплотился в Тебе – в святом кивоте, как сказал праведный Давид (Пс. 131:8); Ты, как носившая (в утробе) Своего Творца, соделалась пространнее небес. Слава Вселившемуся в Тебя, слава Происшедшему от Тебя, слава Освободившему нас рождеством Твоим. |
Канон полунощницы
Песнь 1. Ирмос.
| Твоя́ победи́тельная десни́ца боголе́пно в кре́пости просла́вися: та́ бо безсме́ртне, я́ко всемогу́щая, проти́вныя сотре́, изра́ильтяном пу́ть глубины́ новосоде́лавшая. | Твоя, Бессмертный, победоносная десница богоприлично прославилась силою: она, как всемогущая, сокрушила противников, а для израильтян соделала новый путь по глубине (морской). (Исх. 15:6.) |
Тропари.
| Еди́но Триипоста́сное Нача́ло, Серафи́ми немо́лчно сла́вят: безнача́льное, присносу́щное, твори́тельное все́х, непостижи́мое, е́же и вся́к язы́к ве́рно почита́ет пе́сньми. | Серафимы не умолкая прославляют единое триипостасное2 начало, – безначальное, вечное, сотворившее все и непостижимое, которое и все народы с верою песнопениями величают. |
| Да челове́ком еди́нственное, трисия́тельное Твое́ яви́ши Божество́, созда́вый пре́жде челове́ка, по твоему́ о́бразу вообрази́л еси́, у́м ему́, и сло́во и ду́х да́в, я́ко Человеколю́бец. | Чтобы явить людям Свое единое, сияющее тройственным светом, Божество, Ты, образуя первого человека, по Своему образу сотворил его, даровав ему ум, слово и дух, как Человеколюбец. |
| Свы́ше показу́я еди́нственную богонача́льных в трие́х ипоста́сех держа́ву, Отче, ре́кл еси́ равноде́тельному Твоему́ Сы́ну, и Ду́ху: прииди́те соше́дше, язы́ки и́х слия́им. | Проявляя свыше единую в трех Божественных ипостасях державу, Ты, Отче, изрек равнодействующему Своему Сыну и Духу: приидите, и сошедши смешаем языки их (людей). (Быт. 11:7.) |
| Ум у́бо е́сть Нерожде́нный Оте́ц, обра́зно прему́дрыми предрече́ся, Сло́во же Собезнача́льно, Cоесте́ственный Cы́н и Ду́х Святы́й, и́же в Де́ве Сло́ва созда́вший воплоще́ние. | Нарождённый Отец предвозвещен мудрыми под образом Ума, единосущный Сын – (под образом) собезначального Слова и совершивший воплощение Слова в утробе Девы –(под образом) Святого Духа. |
Песнь 3. Ирмос.
| Еди́не ве́дый челове́ческаго существа́ не́мощь, и ми́лостивно в не́ вообра́жся, препоя́ши мя́ с высоты́ си́лою, е́же вопи́ти Тебе́, Святы́й:одушевле́нный хра́ме неизрече́нныя сла́вы Твоея́, Человеколю́бче. | Единый Ведающий немощь человеческого естества и милостиво Воспринявший оное! препояшь меня свыше силою, чтобы восклицать Тебе: свят – одушевленный храм неизреченной славы Твоей, Человеколюбец. |
Тропари.
| Ты́ дре́вле я́ве Авраа́му я́ко яви́лся еси́ триипоста́сный, еди́нствен же естество́м Божества́, богосло́вия и́стиннейшее обра́зно яви́л еси́: и ве́рно пое́м Тя́, единонача́льнаго Бо́га, и трисо́лнечнаго. | Ты, триипостасный, но единый по естеству Божества, открыто явившись некогда Аврааму, в образе открыл ему истиннейший предмет Богословия; посему с верою прославляем Тебя, единоначального и трисиятельного Бога. (Быт. 18 гл.) |
| Из Тебе́ роди́выйся боголе́пно нетле́нно, О́тче, возсия́ све́т от све́та, Сы́н непреме́нен, и Ду́х Боже́ственный, све́т изы́де: еди́наго Божества́ све́тлости триипоста́сней покланя́емся ве́рно, и сла́вим. | Из Тебя, Отче, воссиял свет от света–богоприлично, без истечения,3 рожденный н во всем подобный Сын, и исходит Божественный свет – Дух; посему с верою поклоняемся триипостасному свету единого Божества и славим (его). |
| Еди́ница Тро́ица преесте́ственне, неизрече́нно па́че смы́сла, у́мными существы́ сла́вится, трисвяты́ми гла́сы немо́лчную вопию́щими хвалу́: и́миже согла́сно пое́тся и на́ми триипоста́сный Госпо́дь. | Разумные существа (Ангелы) в трисвятых песнях прославляют непостижимую, неизреченную и превышающую ум Троицу – Единицу, вознося неумолкаемую хвалу; согласно с ними и мы воспеваем триипостасного Господа. |
| Из Тебе́ вре́менне без се́мене произы́де вышшеле́тный, уподо́бивыйся на́м неви́димый, и еди́ному естеству́ и госпо́дьству О́тчу научи́в, и Сыно́вню, и Ду́хову, Богоро́дице: те́мже Тя́ сла́вим. | Из Тебя, Богородица, во времени бессеменно произошел Предвечный, Который, не имея вида (по Божеству), но уподобившись нам (по человечеству), открыл единое естество и владычество Отца, Сына и Духа; посему мы прославляем Тебя. |
Седален
| Отцу́ и Сы́ну поклони́мся вси́, и Ду́ху пра́вому и равноче́стну, сла́ва Тро́ице несозда́нней, и пребоже́ственней си́ле, ю́же сла́вят безпло́тных чи́нове: сию́ дне́сь и земноро́днии со стра́хом ве́рно восхва́лим. | Поклонимся все Отцу, Сыну и Духу правому и по славе равночестному, – несозданной Троице и пребожественной силе, которую славословят чины бесплотных (сил), и которую со страхом и верою прославим ныне и мы, земнородные. |
Богородичен
| Наста́ви ны́ на пу́ть покая́ния, уклоня́ющыяся при́сно к безпу́тием зо́л, и преблага́го прогне́вающыя Го́спода, неискусобра́чная благослове́нная Мари́е, прибе́жище отча́янных челове́ков, Бо́жие пребыва́ние. | На путь покаяния наставь нас, постоянно уклоняющихся к пути заблуждений во зле и прогневляющих всеблагого Господа, неискусобрачная (непознавшая брака) благословенная Мария, – погибающих людей прибежище, Божие жилище. |
Песнь 4. Ирмос.
| Го́ру Тя́ благода́тию Бо́жиею приосене́нную, прозорли́выма Авваку́м усмотри́в очи́ма, из Тебе́ изы́ти Изра́илеву провозглаша́ше Свято́му, во спасе́ние на́ше и обновле́ние. | Аввакум, пророчественным взором усмотрев Тебя (Богородица) под видом горы, осененной Божественною благодатию, предсказал, что из Тебя произойдет Святой Израиля для нашего спасения и обновления. (Авв. 3:3) |
Тропари
| Возсия́й ми́ Богонача́лие трисо́лнечное, сия́ньми Твои́х богоде́тельных озаре́ний, в серде́чных очесе́х добро́те мечта́тися, е́же па́че ума́ богонача́льныя Твоея́ све́тлости, и светоде́тельнаго и сла́дкаго прича́стия. | Озари меня, трисолнечный Боже, лучами Твоего Божественного сияния, чтобы я своими духовными очами видел красоту Твоей, превышающей ум Божественной славы, и светлого и вожделенного общения (с Тобою). |
| Пе́рвее небеса́ утверди́л еси́, Го́споди, и всю́ си́лу и́х сло́вом Твои́м вседе́тельным, и Ду́хом у́ст соесте́ственным, с ни́миже влады́чествуеши вся́ческими в трисия́тельне единонача́лии Божества́. | В начале Ты, Господи, утвердил небеса и все воинство их вседетельным Твоим Словом и соестественным Духом уст, с Которыми Ты и владычествуешь над всем в трисиятельном единодержавии Божества. (Пс. 32:6) |
| Я́ко созда́л еси́ мя́ по о́бразу Твоему́ и подо́бию, Богонача́льная и вседе́тельная Тро́ице, неслия́нная Еди́нице, вразуми́, просвети́, во е́же твори́ти во́лю Твою́ святу́ю, благу́ю в кре́пости, и соверше́нную. | Поскольку Ты, Божественная и вседетельная Троица, неслиянная Единица, сотворила меня по Своему образу и подобию, – вразуми п просвети (меня), чтобы я исполнил волю Твою святую, благую в крепости и совершенную. |
| Родила́ еси́ от Тро́ицы Еди́наго, Пречи́стая, Богонача́льнейша Сы́на, вопло́щшася на́с ра́ди из Тебе́, озаря́юща земноро́дных, трисо́лнечнаго Божества́ невече́рним све́том и сия́ньми. | Ты, Пречистая, родила единого из Троицы – Божественнейшего Сына, ради нас воплотившегося от Тебя и освящающего земнородных незаходимым светом и сиянием трисолнечного Божества. |
Песнь 5. Ирмос.
| Просвети́вый сия́нием прише́ствия Твоего́, Христе́, и освети́вый Кресто́м Твои́м ми́ра концы́, сердца́ просвети́ све́том Твоего́ Богоразу́мия, правосла́вно пою́щих Тя́. | Христе, озаривший светом Твоего пришествия и просветивший Твоим крестом пределы мира! светом Твоего Богопознания просвети сердца православно воспевающих Тебя. |
Тропари.
| Я́же пе́рвой а́нгельской непосре́дственне у́твари, непристу́пными Твоея́ добро́ты луча́ми осиява́емой бы́ти благоволи́вши, Твои́ми све́тлостьми просвети́, Тро́ице единонача́льственнейшая, правосла́вно Тебе́ пою́щих. | Первый мир ангельский непосредственно озаряющая неприступными лучами Твоей красоты единодержавнейшая Троица! Твоим сиянием просвети православно воспевающих Тебя. |
| Ны́не естество́, еди́нственное Богонача́лия трисо́лнечное, воспева́ет Тя́. Е́же осуществова́ла еси́ за бла́гость, прегреше́ний избавле́ние и напа́стей испроша́ющи, и бе́д и скорбе́й. | Естество,4 которому Ты по Своей благости даровал бытие, ныне прославляет Тебя, единый трисолнечный Боже, и молит об избавлении от прегрешений, искушений, бед и скорбей. |
| Отца́, и Сы́на, и Ду́ха Свята́го, Еди́но Естество́ и Божество́ ве́рою сла́вим, дели́тельное, неразде́льное, еди́наго Бо́га неви́димыя и ви́димыя же тва́ри. | С верою прославляем Отца, Сына и Святого Духа, единое существо и Божество, делимое ( по лицам;, но не раздельное (по естеству), единого Бога невидимой и видимой твари. |
| Рече́ния вся́ проро́ческая преднаписа́ша, Пречи́стая, Твое́ рождество́, неизрече́нное и неудо́бь сказу́емое, е́же мы́ позна́хом, тайноводи́тельное еди́нственнаго и трисо́лнечнаго Божества́. | Все изречения пророков предизобразили неизреченное и неизъяснимое рождество Твое, Пречистая, которое мы познали (как) руководственное к познанию единого и трисолнечного Божества. |
Песнь 6. Ирмос.
| Обы́де на́с после́дняя бе́здна, не́сть избавля́яй, вмени́хомся я́ко о́вцы заколе́ния, спаси́ лю́ди Твоя́, Бо́же на́ш: Ты́ бо кре́пость немощству́ющих и исправле́ние. | Ужасная бездна окружила нас; нет избавляющего нас, которых считают за обреченных на заклание овец. Спаси людей Твоих, Боже наш; ибо Ты – сила и восстановление немощных. |
Тропари.
| Равноста́тную си́лу я́ко иму́щи, Тро́ице пресу́щественная, в то́ждестве хоте́ния, Еди́ница еси́ проста́ и неразде́льна: Ты́ у́бо на́с си́лою Твое́ю соблюди́. | Ты, пресущественная5 Троица, как имеющая равную силу при единстве воли, по существу Своему – простая и нераздельная Единица. Ты охрани нас Твоею силою. |
| Ты́ вся́ ве́ки хоте́нием Твои́м, я́ко бла́га соста́вила еси́ от не су́щих, непостижи́мая Тро́ице, та́же и челове́ка создала́ еси́: но и ны́не от вся́каго изба́ви мя́ обстоя́ния. | Ты, непостижимая Троица, как благая, создала из ничего Своею волею все веки и напоследок сотворила человека; и ныне от всяких бед избавь меня. |
| Со́лнца незаходи́маго до́м была́ еси́, созда́вшаго и в чину́ поста́вльшаго свети́ла вели́кая Всеси́льне, Пречи́стая Де́во Богоневе́стная: но и ны́не страсте́й мя́ изба́ви помраче́ния. | Ты, Пречистая и Богоневестная Дева, соделалась жилищем незаходимого Солнца, Своим всемогуществом создавшего великие светила и назначившего (каждому) свое место; и ныне от омрачения страстей избавь меня. |
Седален.
| Тро́ице святе́й, и неразде́льному Естеству́, в Тре́х Ли́цех секо́мей несе́чено, и пребыва́ющей неразде́льней по существу́ Божества́, поклони́мся земноро́днии со стра́хом, и сла́вим я́ко Творца́ и Влады́ку, Бо́га преблага́го. | Святой Троице и нераздельному естеству, – несекомо на три лица рассекаемой, но по существу Божества пребывающей нераздельною ,– поклонимся земнородные со страхом и прославим как Творца и Владыку – Бога Преблагого. |
Богородичен.
| Упра́ви, Чи́стая, окая́нную мою́ ду́шу, и уще́дри ю́ от мно́жества прегреше́ний, во глубину́ попо́лзшуюся поги́бели, Всенепоро́чная, и в ча́с мя́ стра́шный сме́ртный Ты́ исхити́ оглаго́лующих де́монов, и вся́кия му́ки. | Руководи, Чистая, моею несчастною душою, и умилосердись над нею, по множеству прегрешений упадающую в погибельную пропасть, Всенепорочная, и в страшный час смерти Ты избавь меня от обвиняющих демонов и всякого мучения. |
Песнь 7. Ирмос.
| Тебе́ у́мную, Богоро́дице, пе́щь разсмотря́ем ве́рнии: я́коже бо о́троки спасе́ три́ Превозноси́мый, ми́р обнови́, во чре́ве Твое́м всеце́л, хва́льный отце́в Бо́г, и препросла́влен. | Мы верующие признаём Тебя, Богородица, духовною пещию; ибо как превозносимый (Господь) спас трех отроков (в пещи), (так) в Твоем чреве обновил весь мир, хвалимый и препрославленный Бог отцов. |
Тропари.
| Сло́ве Бо́жий, соесте́ственное сия́ние Вседержи́теля Бо́га, я́коже обеща́л еси́ е́же у тебе́, богоде́тельное вселе́ние сотвори́, я́ко благоутро́бен, со Отце́м Твои́м и Ду́хом: и стра́шна бесо́м мя́ покажи́, и страсте́м. | Божие Слово, единосущное сияние Вседержителя Бога! По Своему обетованию, как милосердый, сотвори (во мне) Свое Божественное жилище вместе с Отцом Твоим и Духом и соделай меня страшным для демонов и страстей. |
| Да Твоего́ благоутро́бия, Влады́ко, пока́жеши пучи́ну на́м, Сы́на Твоего́ посла́в к на́шему смире́нию, па́ки вообрази́л еси́ на пе́рвую све́тлость, но и ны́не Боже́ственным мя́ вразуми́ Ду́хом. | Чтобы явить множество Твоего милосердия к нам, Ты, Владыка, послав Своего Сына к нам уничиженным, снова преобразил нас в первобытную славу; и ныне вразуми меня Твоим Божественным Духом. |
| И́же на херуви́мстем престо́ле носи́мый, и все́х Ца́рь, во чре́ве Твое́м де́вственнем всели́ся, Пречи́стая, все́х избавля́я от истле́ния, я́ко Человеколю́бец: но и ны́не Твои́ми мя́ моли́твами сохрани́. | На херувимском престоле Восседающий и Царь всех вселился в Твою девственную утробу, Пречистая, избавляя всех от истления, как Человеколюбец; и ныне Твоими молитвами охрани меня. |
Песнь 8. Ирмос.
| Чу́да преесте́ственнаго показа́ о́браз, огнеро́сная пе́щь дре́вле: о́гнь бо не опали́ ю́ныя де́ти, Христо́во явля́я безсе́менное от Де́вы Боже́ственное Рождество́. Те́м воспева́юще воспои́м: да благослови́т тва́рь вся́ Го́спода, и превозно́сит во вся́ ве́ки. | Некогда огнеросная печь представила образ сверхъестественного чуда; ибо огонь не опалил юных отроков, прообразуй бессеменное Божественное рождение Христа от Девы. Посему, прославляя Его, воспоем: вся тварь да благословит Господа и превозносит во все веки. |
Тропари.
| Ма́нием богоде́тельным, Го́споди все́х, Триипоста́сне и Вседержи́телю, небеса́ просте́рл еси́ я́ко ко́жу: та́же и земли́ пове́сил еси́ глубину́, всемогу́щею Твое́ю дла́нию. Те́мже и рабы́ Твоя́ укрепи́ любо́вию и ве́рою Твое́ю, Человеколю́бче: да Тя́ сла́вим жела́нием во ве́ки. | Своим Божественным мановением Ты, триипостасный Господь всех и Вседержитель, распростер небеса как кожу, и Своею всемогущею дланию повесил обширную землю. Посему и рабов Твоих утверди в Твоей вере и любви, Человеколюбец, чтобы мы с любовью прославляли Тебя во веки. |
| Просвети́ Богонача́льным све́том пою́щих Тя́, Трисо́лнечный Све́те Ли́цы, еди́нственный же па́ки существо́м, и к Твои́м светода́тельным луча́м взира́ти при́сно: и́миже насы́щуся сла́вы Твоея́ сла́дкия, и светода́тельныя, и пребога́тыя: и превозношу́ Тя ве́рно во ве́ки. | Просвети воспевающих Божественный свет, свет трисиятельный по лицам, но единый по существу, чтобы постоянно взирать на Твои светоподательные лучи, чрез которые я насыщусь Твоей вожделенной, просветительной и преизобильной славы, и буду с верою превозносить Тебя во веки. |
| Вознесе́ на небеса́, челове́ческое прие́м естество́ непрело́жне Сы́н Тво́й, Пречи́стая Богоро́дице, превосхожде́нием бла́гости изба́вль дре́вния тли́. Ему́же благода́рственно воспева́ем: да благослови́т тва́рь вся́ Го́спода, и превозно́сит во вся́ ве́ки. | Сын Твой, Пречистая Богородица, по преизбытку благости восприняв непреложно человеческое естество, вознес его на небеса, освободив от древнего тления. Ему мы и воспеваем благодарно: вся тварь да благословить Господа и превозносит Его во все веки. |
Песнь 9. Ирмос.
| О́браз чи́стаго рождества́ Твоего́, огнепали́мая купина́ показа́ неопа́льная: и ны́не на на́с напа́стей свире́пеющую угаси́ти мо́лимся пе́щь, да Тя́, Богоро́дице, непреста́нно велича́ем. | Горевшая, но несгоравшая купина6 представила образ Твоего непорочного рождества; и ныне молим Тебя угасить ожесточившуюся против нас печь искушений, чтобы непрестанно величать Тебя, Богородица. (Исх. 3:3) |
Тропари.
| Спаси́, Спаси́телю тва́ри, чу́вственныя же и у́мныя рабы́ Твоя́ от вра́жия наве́та и озлобле́ния, Пресвята́я Тро́ице Единосу́щная, и соблюда́й ста́до Твое́ вы́ну ненаве́тно. | Спаситель чувственной и духовной твари, всесвятая Троица единосущная! Избавь рабов Твоих от вражеских злоумышлений и бед, и сохраняй всегда безопасным от козней стадо Твое. |
| Да глубину́ неизче́тную су́щественныя пока́жеши Твоея́ бла́гости, да́л еси́ на́м обе́ты: трисо́лнечный, и единонача́льный Бо́же Всеси́льный, спаси́тельныя Твои́м рабо́м, и́хже соверши́ти сподо́би. | Чтобы явить беспредельное множество благости Твоего существа, Ты, трисиятельный, единоначальный и всемогущий Боже, даровал нам, рабам Твоим, спасительные обетования, которые соблаговоли исполнить. |
| При́зри на на́ша моле́ния, и́же в трие́х Богонача́льных Ипоста́сех, еди́н сы́й Бо́г во и́стине ве́руемый: и пода́ждь Твои́м рабо́м утеше́ние, моли́твами Пречи́стыя и препе́тыя Богома́тере. | Внемли молитвам нашим, в трех Божественных ипостасях истинно исповедуемый единый Боже, и даруй рабам Твоим утешение, по молитвам Пречистой и всепрославляемой Богоматери. |
На утрени
А) Воскресные седальны.
По первом стихословии (кафизме)
| Гро́б Тво́й Спа́се, во́ини стрегу́щии, ме́ртвии от облиста́ния я́вльшагося а́нгела бы́ша, пропове́дающа жена́м Воскресе́ние. Тебе́ сла́вим тли́ потреби́теля, Тебе́ припа́даем воскре́сшему из гро́ба, и еди́ному Бо́гу на́шему. | Охранявшие гроб Твой, Спаситель, воины сделались (как-бы) мертвыми от ослепительного блеска явившегося Ангела, возвестившего женам о воскресении. Прославляем Тебя, Победителя смерти, припадаем к Тебе, воскресшему из гроба и единому Богу нашему. |
| Ко Кресту́ пригво́ждься во́лею Ще́дре, во гро́бе положе́н бы́в я́ко ме́ртв, Животода́вче, держа́ву сте́рл еси́, Си́льне, сме́ртию Твое́ю: Тебе́ бо вострепета́ша вра́тницы а́довы, Ты́ совоздви́гл еси́ от ве́ка уме́ршыя, я́ко еди́н Человеколю́бец. | Будучи добровольно пригвожден ко кресту и положен во гроб, как мертвый, Ты, милосердый и всемогущий Податель жизни, Своею смертию сокрушил державу (ада); ибо пред Тобою бывшие в аде привратники исполнились ужаса; Ты воскресил с Собою умерших от века, как единый Человеколюбец. |
| Ма́терь Тя́ Бо́жию све́мы вси́ Де́ву вои́стинну, и по рождестве́ я́вльшуюся, и́же любо́вию прибега́ющии к Твое́й бла́гости: Тебе́ бо и́мамы гре́шнии предста́тельство, Тебе́ стяжа́хом в напа́стех спасе́ние, еди́ну всенепоро́чную. | Все мы исповедуем Тебя Материю Бога, по истине оставшеюся девою и после рождения, – с любовию прибегая к Твоей благости; в Тебе мы, грешные, имеем защиту и в Тебе, единой всенепорочной, приобрели спасение при искушениях. |
По втором стихословии.
| Жены́ ко гро́бу приидо́ша ура́ншя, и а́нгельское явле́ние ви́девшя трепета́ху: гро́б облиста́ жи́знь, чу́до удивля́ше я́: Сего́ ра́ди ше́дшя ученико́м пропове́даху воста́ние: а́д плени́ Христо́с, я́ко еди́н кре́пок и си́лен, и истле́вшыя вся́ совоздви́же, осужде́ния стра́х разруши́в Кресто́м. | Жены рано утром пришли ко гробу и, увидевши явление Ангелов, устрашились. Из гроба воссияла жизнь, и это чудо поразило их; посему они отправились к ученикам и возвестили им о воскресении. Христос, как единый сильный и всемогущий, победил ад и воскресил с Собою всех погибших, силою креста уничтожив страх осуждения. |
| На Кресте́ пригвозди́лся еси́ Животе́ все́х, и в ме́ртвых вмени́лся еси́ безсме́ртный Го́споди, воскре́сл еси́ тридне́вен Спа́се, совоздви́г Ада́ма от тле́ния. Сего́ ра́ди си́лы небе́сныя вопия́ху Тебе́, Жизнода́вче Христе́: сла́ва Воскре́сению Твоему́, сла́ва снизхожде́нию Твоему́, еди́не Человеколю́бче. | На кресте пригвоздился Ты, жизнь всех: причислен к мертвым Ты, бессмертный Господи (Пс. 87:5); в третий день воскрес Ты, Спаситель, избавив Адама от тления. Посему небесные силы восклицали Тебе, Жизнеподатель-Христос: слава воскресению Твоему, слава снисхождению Твоему, единый Человеколюбец! |
| Мари́е, честно́е Влады́ки прия́телище, воскреси́ ны па́дшыя в про́пасть лю́таго отча́яния, и прегреше́ний и скорбе́й, Ты́ бо еси́ гре́шным спасе́ние и по́мощь, и кре́пкое предста́тельство, и спаса́еши рабы́ Твоя́. | Мария, – священное вместилище Владыки! воскреси нас, упавших в бездну страшного отчаяния, прегрешений и скорбей; ибо Ты соделалась спасением, помощию и крепкою защитою, и спасаешь рабов Твоих. |
Б) Ипакой.
| Разбо́йничо покая́ние ра́й окра́де, пла́чь же мироно́сиц ра́дость возвести́, я́ко воскре́сл еси́, Христе́ Бо́же, подая́й ми́рови ве́лию ми́лость. | Покаяние разбойника овладело раем, и рыдание мироносиц возвестило радость, что Ты, Христе Боже, воскрес, даруя миру великую милость. |
В) Антифоны.
| Первый. Внегда́ скорбе́ти ми́, услы́ши моя́ боле́зни, Го́споди, Тебе́ зову́. Пусты́нным непреста́нное Боже́ственное жела́ние быва́ет, ми́ра су́щым су́етнаго кроме́. Свято́му Ду́ху че́сть и сла́ва, я́коже Отцу́ подоба́ет, ку́пно же и Сы́ну, сего́ ра́ди да пое́м Тро́ице единодержа́вие. | Во время несчастий моих услышь мою скорбь, – взываю к Тебе, Господи. (Пс. 119:1) Живущим в уединении людям, как находящимся вне суетного мира, постоянно присуще стремление к Божеству. Святому Духу приличествует честь и слава, как – Отцу и вместе Сыну: посему воспоем единовластительной Троице. |
| Вторый. На го́ры Твои́х возне́сл еси́ мя́ зако́нов, доброде́тельми просвети́, Бо́же, да пою́ Тя. Десно́ю Твое́ю руко́ю прии́м Ты́ сло́ве, сохрани́ мя, соблюди́, да не о́гнь мене́ опали́т грехо́вный. Святы́м Ду́хом вся́кая тва́рь обновля́ется, па́ки теку́щи на пе́рвое: равномо́щен бо е́сть Отцу́ и Сло́ву. | Ты возвысил меня на горы Твоих законов; добродетелями укрась меня, чтобы я воспевал Тебя, Боже. (Пс. 120:1) Взяв Своею десницею, сохрани и соблюди меня, Слово, чтобы греховный огонь не опалил меня. Святым Духом обновляется всякая тварь, возвращаясь в первобытное состояние; ибо Он равносилен со Отцом и Словом. |
| Третий. О ре́кших мне́, вни́дем во дворы́ Госпо́дни, возвесели́ся мо́й ду́х, сра́дуется се́рдце. В дому́ Дави́дове стра́х вели́к: та́мо бо престо́лом поста́вленным, су́дятся вся́ племена́ земна́я, и язы́цы. Свято́му Ду́ху, че́сть, поклоне́ние, сла́ву и держа́ву, я́коже Отцу́ досто́ит, и Сы́нови подоба́ет приноси́ти: еди́ница бо е́сть Тро́ица естество́м, но не ли́цы. | Когда сказали мне: «пойдем в дом Господа», возвеселился мой дух, и возрадовалось мое сердце. (Пс.121:1) В доме Давида – великий страх; ибо там, при расставленных престолах, будут судиться все племена и народы земли. (Пс. 121:5) Святому Духу подобает честь, поклонение, слава и держава, как достойно (приносить их) Отцу и Сыну; ибо Троица есть Единица по естеству, но не по лицам. |
Г) Каноны на утрене.
Песнь 1. Ирмос.
| Твоя́ победи́тельная десни́ца Боголе́пно в кре́пости просла́вися: та́ бо Безсме́ртне, я́ко всемогу́щая, проти́вныя сотре́, Изра́ильтяном пу́ть глубины́ новосоде́лавшая. | Твоя, Бессмертный, победоносная десница богоприлично прославилась силою: она, как всемогущая, сокрушила противников, а для израильтян соделала новый путь по глубине (морской). |
Тропари.
| Перваго канона. И́же рука́ма пречи́стыма от пе́рсти богоде́тельне испе́рва созда́в мя́; ру́це распросте́рл еси́ на кресте́, от земли́ взыва́я тле́нное мое́ те́ло, е́же от Де́вы прия́л еси́. | Ты, в начале из персти создавший меня Божественным действием и пречистыми руками, распростер Свои руки на кресте, от земли призывая к Себе тленное мое тело, которое Ты воспринял от Девы. |
| Умерщвле́ние подъя́л еси́ мене́ ра́ди, и ду́шу сме́рти пре́дал еси́, и́же вдохнове́нием Боже́ственным ду́шу ми́ вложи́вый, и отреши́в ве́чных у́з, и совоскреси́в нетле́нием просла́вил еси́. | Божественным вдохновением Вдунувший в меня душу ради меня претерпел умерщвление, Свою душу предал смерти и, освободив от вечных уз и воскресив с Собою, бессмертием прославил (меня). |
| Ра́дуйся, благода́ти исто́чниче, ра́дуйся, ле́ствице, и две́ре небе́сная, ра́дуйся, све́щниче, и ру́чко злата́я, и горо́ несеко́мая, я́же Жизнода́вца Христа́ ми́рови ро́ждшая. | Радуйся, источник благодати; радуйся, лестница и дверь к небесам; радуйся, светильник и златой сосуд и гора нерассекаемая, миру Жизнеподателя Христа родившая. |
| Втораго канона. Христо́с обожа́ет мя́ воплоща́яся, Христо́с мя́ возно́сит смиря́яся, Христо́с безстра́стна мя́ соде́ловает, стражда́ Жизнода́вец естество́м пло́ти. Те́мже воспева́ю благода́рственную пе́снь: я́ко просла́вися. | Жизнеподатель Христос Своим воплощением обоготворяет меня; Христос Своим уничижением возвышает меня; Христос Своими плотскими страданиями делает меня свободным от страданий. Посему воспеваю благодарственную песнь; ибо Он прославился. |
| Христо́с возно́сит мя́ распина́емь, Христо́с совоскреша́ет мя́ умерщвля́емь, Христо́с жи́знь мне́ да́рует. Те́мже с весе́лием рука́ма плеща́я, пою́ Спаси́телю побе́дную пе́снь: я́ко просла́вися. | Христос Своим распятием возвышает меня; Христос Своею смертию воскрешает меня; Христос дарует мне жизнь. Посему с веселием, рукоплеща, воспеваю победную песнь Спасителю; ибо Он прославился. |
| Бо́га Де́во зачала́ еси́, Христа́ же в де́встве родила́ еси́ из Тебе́ Вопло́щшася, Пречи́стая, Еди́наго ипоста́сию Единоро́днаго, во двою́ же существу́ познава́емаго Сы́на: я́ко просла́вися. | Ты, Пречистая Дева, зачала Бога и, оставаясь Девою, родила воплотившегося от Тебя Христа, – по ипостаси единого, единородного, в двух естествах исповедуемого Сына; ибо Он прославился. |
| Третьяго канона. Ку́ю Ти́ досто́йную пе́снь на́ше принесе́т неможе́ние? то́чию обра́довательную, е́йже на́с Гаврии́л та́йно научи́л е́сть: ра́дуйся, Богоро́дице Де́во, Ма́ти Неневе́стная. | Какую достойную песнь мы можем принести Тебе при нашей немощи, кроме приветственной, которой научил нас Гавриил: радуйся, Богородица Дева, Матерь неневестная! |
| Присноде́ве и Ма́тери Царя́ вы́шних си́л, от чисте́йша се́рдца ве́рнии духо́вне возопии́м: ра́дуйся, Богоро́дице Де́во, Ма́ти Неневе́стная. | Воскликнем верующие от чистейшего сердца, духовно, Приснодеве и Матери Царя вышних сил: радуйся, Богородица Дева, Матерь неневестная! |
| Безме́рная бе́здна Твоего́ непостижи́маго Рождества́, Всечи́стая, ве́рою несумне́нною у́бо чи́сте прино́сим Ти́ глаго́люще: ра́дуйся, Богоро́дице Де́во, Ма́ти Неневе́стная. | Беспредельна глубина Твоего непостижимого рождения, Всечистая. Посему с твердою верою, от чистого сердца, приносим Тебе приветствие, восклицая: радуйся, Богородица Дева, Матерь неневестная! |
Песнь 3. Ирмос.
| Еди́не ве́дый челове́ческаго существа́ не́мощь, и ми́лостивно в не́ вообра́жся, препоя́ши мя́ с высоты́ си́лою, е́же вопи́ти Тебе́, Святы́й: одушевле́нный хра́ме неизрече́нныя сла́вы Твоея́, Человеколю́бче. | Единый Ведающий немощь человеческого естества и милостиво Воспринявший оное! препояшь меня свыше силою, чтобы восклицать Тебе свят одушевленный храм неизреченной славы Твоей, Человеколюбец. |
Тропари.
| Перваго канона. Бо́г Сы́й мне́, Бла́же, па́дшаго уще́дрил еси́, и сни́ти ко мне́ благоволи́в, возне́сл мя́ еси́ распя́тием, е́же вопи́ти тебе́, Святы́й: хра́ме одушевле́нный неизрече́нныя Твоея́ сла́вы, Человеколю́бче. | Будучи моим Богом, Ты, Благой, умилосердился надо мною – падшим, соблаговолил снизойти ко мне и Своим распятием превознес меня, чтобы я восклицал Тебе: свят одушевленный храм неизреченной славы Твоей, Человеколюбец. |
| Живо́т ипоста́сный Христе́ сы́й, в истле́вша мя́, я́ко Милосе́рдый Бо́г обо́лкся, в пе́рсть сме́ртную соше́д Влады́ко, сме́ртную держа́ву разруши́л еси́, и ме́ртв тридне́вен воскре́с, в нетле́ние мя́ обле́кл еси́. | Будучи ипостасною жизнию, Ты, Христос Владыка, как милосердый Бог, облекся в меня тленного; нисшед в смертную персть, разрушил державу смерти и, в третий день воскресши из мертвых, облек меня в бессмертие. |
| Бо́га заче́нши во чре́ве Де́во, Ду́хом Пресвяты́м, пребыла́ еси́ неопали́ма, поне́же Тя́ купина́ законополо́жнику Моисе́ю, пали́мую нежего́мо, я́ве предвозвести́, о́гнь нестерпи́мый прие́мшую. | Всесвятым Духом во чреве зачавши Бога, Ты, Дева, осталась неопалимою: ибо Тебя, воспринявшую нестерпимый огонь и горевшую несгораемо, купина ясно предизобразила законодателю Моисею. (Ис. 3:2) |
| Втораго канона. И́же на свое́ ра́мо заблужда́емое овча́ взе́мшему, и низложи́вшему дре́вом его́ гре́х, Христу́ Бо́гу возопии́м: воздви́гнувый ро́г на́ш, свя́т еси́, Го́споди. | Поднявшему на Свои рамена заблудившуюся овцу и древом (креста) уничтожившему ее грехи, – Христу Богу воскликнем: возвысивший наше достоинство, свят Ты, Господи! (Ис. 53:4–6; 1Пет.2:24–25.) |
| Возве́дшему Па́стыря Вели́каго из а́да Христа́, и священнонача́лием Его́ апо́столы я́ве язы́ки упа́сшему, и́стиною и Боже́ственным ве́рнии Ду́хом да послу́жим. | Воздвигшему из ада великого Пастыря Христа и Его священноначалию чрез Апостолов явно подчинившему народы будем служить верные в истине и Божественном Духе. (Евр. 13:20) |
| И́же от Де́вы воплоти́вшемуся без се́мене во́лею Сы́ну, и ро́ждшую по Рождестве́, Боже́ственною си́лою Чи́стую Де́ву сохра́няему, и́же над все́ми Бо́гу возопии́м: свя́т еси́, Го́споди. | Сыну, добровольно, бессеменно воплотившемуся от Девы и Божественным всемогуществом сохранившему родившую чистою Девою после рождения, – над всеми Богу воскликнем: свят – Ты, Господи! |
| Третьяго канона. О́блак Тя́ ле́гкий нело́жно, Де́во, имену́ем, проро́ческим возсле́дующе рече́нием: прии́де бо на Тебе́ Госпо́дь низложи́ти еги́петския пре́лести рукотворе́ния, и просвети́ти си́м служа́щыя. | Последуя пророческим изречениям, мы неложно именуем Тебя, Дева, легким облаком; ибо чрез Тебя пришел Господь, чтобы ниспровергнуть ложных египетских идолов и просветить служивших им. |
| Тя́ запеча́танный вои́стинну ли́к проро́ческий исто́чник, и заключе́нную две́рь именова́, де́вства Твоего́, Всепе́тая, я́вственне зна́мения на́м пи́шуще: е́же сохрани́ла еси́ и по рождестве́. | Лик пророков, представляя нам ясные признаки Твоего девства, которое Ты сохранила и после рождения, назвал Тебя, Всепетая, по истине запечатанным источником и заключенною дверию. (Иез. 44:1–5. Песн.4:12.) |
| Ума́ пресу́щественна ви́дети, я́коже мо́щно, сподо́блься Гаврии́л, Де́во Всенепоро́чная, ра́достный Тебе́ гла́с принесе́, Сло́ва зача́тие я́вственне возвеща́ющий, и неизрече́нное Рождество́ пропове́дающий. | Гавриил, удостоившись по возможности увидеть непостижимый ум, принес Тебе, Всенепорочная Дева, радостное приветствие, ясно возвещающее о зачатии Слова и провозглашающее о Твоем неизреченном рождестве. |
Песнь 4. Ирмос.
| Го́ру Тя́ благода́тию Бо́жиею приосене́нную, прозорли́выма Авваку́м усмотри́в очи́ма, из Тебе́ изы́ти Изра́илеву провозглаша́ше Свято́му, во Спасе́ние на́ше и обновле́ние. | Аввакум, пророчественным взором усмотрев Тебя (Богородица) под видом горы, осененной Божественною благодатию, предсказал, что из Тебя произойдёт Святой Израиля для нашего спасения и обновления. |
Тропари
| Перваго канона. Кто́ се́й Спа́с и́же из Едо́ма исходя́, вене́ц нося́ терно́вен, очервле́нну ри́зу имы́й, на дре́ве ви́ся? Изра́илев е́сть Се́й Святы́й, во Спасе́ние на́ше и обновле́ние. | Кто сей Спаситель, пришедший от Едома, с венком из терния, в багряной одежде и висящий на древе? Это – Святой Израиля, (пришедший) для нашего спасения и обновления. (Ис. 63:1–2; Мф. 27:29.) |
| Ви́дите, лю́дие непокори́вии, и устыди́теся: Его́же бо я́ко злоде́я вы́ вознести́ на кре́ст у Пила́та испроси́сте умовре́дне, сме́рти разруши́в си́лу, боголе́пно воскре́с из гро́ба. | Посмотрите, непокорные люди, и устыдитесь: Тот, Которого как-бы злодея пригвоздить ко кресту неразумно упросили Пилата, уничтожил силу смерти и богоприлично воскрес из гроба. (Мф. 26 гл.) |
| Дре́во Тя́, Де́во, жи́зни ве́мы: не бо́ сне́ди пло́д смертоно́сный челове́ком из Тебе́ прозябе́, но живота́ присносу́щнаго наслажде́ние, во Спасе́ние на́с, пою́щих Тя́. | Древом жизни мы признаём Тебя, Дева; ибо из Тебя произрос не смертоносный для людей вкушаемый плод, а наслаждение вечной жизни для спасения нас, воспевающих Тебя. |
| Втораго канона. Кто́ Се́й красе́н из Едо́ма, и Сего́ очервле́ние ри́зное, от виногра́да восо́рска, красе́н я́ко Бо́г, я́ко челове́к же, кро́вию пло́ти ри́зу очервле́ну нося́; Ему́же пое́м, ве́рнии: сла́ва си́ле Твое́й, Го́споди. | Кто этот величественный из Едома и Которого одежда обагрена восорским виноградом? Он величествен как Бог, а как человек облечен в телесную одежду, обагренную кровию. Ему мы верующие воспеваем: слава силе Твоей, Господи! (Ис. 63:1–2) |
| Христо́с бу́дущих бла́г я́влься Архиере́й, гре́х на́ш разори́л е́сть: и показа́в стра́нен пу́ть Свое́ю кро́вию, в лу́чшую и соверше́ннейшую вни́де ски́нию, Предте́ча на́ш во свята́я. | Христос, явившись архиереем будущих благ, уничтожил наш грех и, показав необычайный путь Своею кровию, вошел в лучшую и совершеннейшую скинию (как) Предтеча наш во святое (святых). (Евр. 9:11) |
| Е́вин дре́вний до́лг испроси́ла еси́, Всепе́тая, у И́же на́с ра́ди я́вльшагося но́ваго Ада́ма. Соедини́в бо Себе́ чи́стым зача́тием пло́ть у́мную, одушевле́нную, из Тебе́ произы́де Христо́с, Еди́н во обою́ Госпо́дь. | Ты, Всепетая, уплатила древний долг Евы, явившимся ради нас новым Адамом. Ибо из Тебя, чрез непорочное зачатие, произошел соединивший с Собою разумную и одушевленную плоть Христос, единый в двух (естествах) Господь. |
| Третьяго канона. Слы́ши чуде́с не́бо, и внуша́й земле́, я́ко Дщи́ пе́рстнаго у́бо па́дшаго Ада́ма, Бо́гу нарече́на бы́сть, и Своему́ Соде́телю Роди́тельница, на Спасе́ние на́ше и обновле́ние. | Небо, пойми чудо, и ты, земля, обрати внимание: Дочь перстного и падшего Адама получила наименование Родительницы Бога и Творца Своего для спасения нашего и обновления. |
| Пое́м вели́кое и стра́шное Твое́ та́инство, преме́рных бо утаи́вся чинонача́лий, на Тя́ И́же сы́й сни́де я́ко до́ждь на руно́, Всепе́тая, на Спасе́ние на́с, пою́щих Тя́. | Воспеваем Твое великое и изумительное таинство; ибо Сущий нисшел на Тебя, Всепетая, как дождь на руно, тайно от небесных чиноначалий, для спасения нас, воспевающих Тебя. |
| Святы́х Свята́я Богоро́дице Всепе́тая, ча́яние язы́ков, и Спасе́ние ве́рных, из Тебе́ возсия́ Изба́витель и Жизнода́вец, и Госпо́дь: Его́же моли́ спасти́ся рабо́м Твои́м. | Святая из святых, Всепетая Богородица, – ожидание народов и спасение верующих! из Тебя произошел Избавитель и Жизнеподатель и Господь, Которому молись о спасении рабов Твоих. |
Песнь 5. Ирмос.
| Просвети́вый сия́нием прише́ствия Твоего́, Христе́, и освети́вый Кресто́м Твои́м ми́ра концы́, сердца́ просвети́ све́том Твоего́ Богоразу́мия, правосла́вно пою́щих Тя́. | Христе, озаривший светом Твоего пришествия и Твоим крестом просветивший пределы мира! светом Твоего Богопознания просвети сердца православно воспевающих Тебя. |
Тропари.
| Перваго канона. Па́стыря овца́м вели́каго и Го́спода, иуде́и дре́вом кре́стным умертви́ша: но То́й я́ко о́вцы, ме́ртвыя во а́де погребе́нныя, держа́вы сме́ртныя изба́ви. | Иудеи древом креста умертвили великого Пастыря овец и Господа; но Он погребенных в аде мертвых, как овец, избавил от владычества смерти. (Евр. 13:20) |
| Кресто́м Твои́м ми́р благовести́в, и пропове́дав пле́нным, Спа́се мо́й, оставле́ние, держа́ву иму́щаго посрами́л еси́, Христе́, на́га, обнища́вша показа́вый Боже́ственным воста́нием Твои́м. | Крестом Своим благовестив мир и провозгласив пленным отпущение, Ты, Христос Спаситель мой, посрамил властелина (дьявола), Своим Божественным воскресением сделав его безоружным и бессильным. |
| Проше́ния ве́рно прося́щих, Всепе́тая, не пре́зри: но приими́, и сия́ доноша́й Сы́ну Твоему́, Пречи́стая, Бо́гу Еди́ному Благоде́телю, Тебе́ бо Предста́тельницу стяжа́хом. | Не презри, Всепетая, с верою приносимых молитв, но прими и принеси их Твоему Сыну, единому Благодетелю Богу, Пречистая; ибо в Тебе мы имеем Ходатаицу. |
| Втораго канона. О бога́тство, и глубино́ прему́дрости Бо́жия! Прему́дрыя объе́мляй Госпо́дь, от си́х кова́рства изба́вил е́сть на́с: пострада́в бо во́лею не́мощию плотско́ю, Свое́ю кре́постию, животворя́й ме́ртвыя воскреси́л е́сть. | О, богатство и глубина Божественной премудрости! мудрых уловляющий Господь избавил нас от их лукавства; ибо добровольно пострадав немощною плотию, Своею силою воскрес из мертвых Подателем жизни.7 (1Кор. 3:19; Иов. 5:13.) |
| Бо́г сы́й соединя́ется пло́ти на́с ра́ди: и распина́ется, и умира́ет: погреба́ется, и па́ки воскреса́ет, и восхо́дит све́тло с пло́тию Свое́ю Христо́с ко Отцу́: с Не́юже прии́дет, и спасе́т благоче́стно Тому́ служа́щыя. | Христос, будучи Богом, ради нас соединяется с плотию, распинается и умирает; погребается и затем воскресает и торжественно восходит к Отцу вместе со Своею плотию, с которою придет и спасет благоговейно поклоняющихся Ему. |
| Святы́х Свята́я Де́во Чи́стая, святы́х Свята́го родила́ еси́, все́х освяща́ющаго Христа́ Изба́вителя. Те́мже Тя́, Цари́цу и Влады́чицу все́х, я́ко Ма́терь Зижди́теля тва́рей пропове́дуем. | Святая из святых, чистая Дева! Ты родила Святого из святых всех освящающего Христа Избавителя. Посему Тебя, как Матерь Создателя тварей, Царицею и Владычицею всех исповедуем. |
| Третьяго канона. Веселя́тся небе́сныя си́лы зря́ще Тя́: ра́дуются с ни́ми челове́ков собра́ния: Рождество́м бо Твои́м совокупи́шася, Де́во Богоро́дице, е́же досто́йно сла́вим. | Взирая на Тебя, Дева Богородица, веселятся небесные силы; вместе с ними радуются собрания людей: ибо они соединились во едино Твоим рождеством, которое мы достойно прославляем. |
| Да дви́жатся вси́ язы́цы челове́честии и мы́сли, к похвале́ челове́ческаго вои́стинну удобре́ния, Де́ва предстои́т я́ве сла́вящи, ве́рою Тоя́ пою́щих чудеса́. | Все языки и умы человеческие да устремятся к похвале истинного украшения людей (Богородицы); явно присутствует Дева, прославляя с верою воспевающих чудеса Ея. |
| Сла́вится пе́ние всепрему́дрых и похвала́, Де́ве и Ма́тери Бо́жии приноси́мая: сла́вы бо бы́сть Сия́ Хра́м Пребоже́ственныя, Ю́же досто́йно сла́вим. | Славословится всякое пение и прославление мудрых, приносимые Деве и Матери Бога; ибо Она соделалась храмом Божественнейшей славы, и мы достойно прославляем Ее. |
Песнь 6. Ирмос.
| Обы́де на́с после́дняя бе́здна, не́сть избавля́яй, вмени́хомся я́ко о́вцы заколе́ния, спаси́ лю́ди Твоя́, Бо́же на́ш: Ты́ бо кре́пость немощству́ющих и исправле́ние. | Ужасная бездна окружила нас; нет избавляющего нас, которых считают за обреченных на заклание овец. Спаси людей Твоих, Боже наш; ибо Ты–сила и восстановление немощных. |
Тропари.
| Перваго канона. Согреше́нием первозда́ннаго, Го́споди, лю́те уязви́хомся, ра́ною же исцели́хомся Твое́ю, е́юже за ны́ уязви́лся еси́, Христе́: Ты́ бо кре́пость немощству́ющих и исправле́ние. | Грехопадением первозданного (Адама) мы, Господи, жестоко уязвились; но исцелились ранами Твоими, которыми за нас уязвился Ты, Христе; ибо Ты – сила и восстановление немощных. |
| Возве́л ны́ еси́ из а́да, Го́споди, ки́та уби́в всея́дца, Всеси́льне, Твое́ю держа́вою низложи́в того́ си́лу: Ты́ бо Живо́т, и Све́т еси́, и Воскре́сение. | Ты, всесильный Господи, возвел нас из ада, поразив всепожирающего кита (дьявола) и Своим могуществом уничтожив его силу; ибо Ты – жизнь, свет и воскресение. |
| Веселя́тся о Тебе́, Де́во Пречи́стая, ро́да на́шего пра́отцы, Еде́м восприе́мше Тобо́ю, его́же преступле́нием погуби́ша: Ты́ бо, Чи́стая, и пре́жде Рождества́, и по Рождестве́ еси́. | Веселятся о Тебе прародители рода нашего, Пречистая Дева, Тобою возвративши рай, которого лишились вследствие преступления; ибо Ты непорочна как до рождения, так и после рождения. |
| Втораго канона. Ум сы́й безстра́стен и невеще́ствен, примеша́ется Христо́с Бо́г челове́ческому уму́, хода́тайствующему Боже́ственным естество́м, пло́ти же дебельство́м, и всему́ мне́ непрело́жен весьма́ соедини́ся: да Спасе́ние всему́ мне́ па́дшему пода́ст распина́емь. | Христос Бог, будучи бесстрастным и невещественным умом, приобщается уму человеческому, посредствующему между Божественным естеством и дебелою плотию, и непреложно и всецело соединяется со всем моим существом, чтобы всему мне падшему распятием даровать спасение. |
| Па́дает прельсти́вся Ада́м, и запя́выйся сокруша́ется5, наде́ждою обо́лган сы́й дре́вле обоже́ния: но востае́т соедине́нием Сло́ва обожа́емь, и стра́стию безстра́стие прие́млет, на престо́ле я́ко Сы́н сла́вится, седя́й со Отце́м же и Ду́хом. | Падает и изнемогает Адам, некогда обольщенный и обманутый надеждою на обожение; но обожаемый чрез соединение (с ним) Слова, восстает, чрез страдания освобождается от страданий и как Сын прославляется, восседая на престоле вместе со Отцом и Духом. |
| Не́др не отсту́пль Безнача́льна Роди́теля, в не́дрех Чи́стыя Отрокови́цы водворя́ется, и быва́ет, и́же пре́жде безма́терен, без отца́ воплоща́емый, и́же пра́вдою Ца́рствуяй Бо́г: Сего́ неродосло́вен стра́шный ро́д и неизрече́нен. | Царь правды – Бог, не оставляя недр безначального Родителя, вселяется в недра чистой Отроковицы и безматерний (по Божеству) воплощается без отца (по человечеству). Необычайное происхождение Его – бесродословно и непостижимо. |
| Третьяго канона. Предстоя́т раболе́пне Рождеству́ Твоему́ чи́ни небе́снии, дивя́щеся досто́йно Твоему́ безсе́менному Рождеству́, Присноде́во: ты́ бо чи́стая, и пре́жде Рождества́, и по Рождестве́ еси́. | При Твоем рождении раболепно присутствуют чины небесные, достойно удивляясь Твоему бессеменному зачатию, Приснодева; ибо Ты непорочна как до рождества, так и по рождестве. |
| Воплоти́ся пре́жде сы́й Безпло́тен, Сло́во из Тебе́, Пречи́стая, вся́ческая во́лею творя́й, безтеле́сных во́инства приведы́й от небытия́ я́ко Всеси́лен. | Из Тебя, Пречистая, воплотилось бывшее прежде бесплотным Слово, по Своему всемогуществу творящее все Своею волею и приведшее из небытия (в бытие) воинства бесплотных (сил). |
| Умерщвле́н бы́сть вра́г живоно́сным Твои́м плодо́м Богоблагода́тная: и попра́н бы́сть а́д проявле́нне, и и́же во у́зах свободи́хомся. Те́мже вопию́: стра́сти разруши́ се́рдца моего́. | Твоим живоносным Плодом, Богоблагодатная, умерщвлен враг, явно попран ад, и мы, бывшие в оковах, освободились. Посему восклицаю: уничтожь страсти сердца моего. |
Кондак.
| Воскре́сл еси́ я́ко Бо́г из гро́ба во сла́ве, и ми́р совоскреси́л еси́, и естество́ челове́ческое я́ко Бо́га воспева́ет Тя́, и сме́рть исчезе́: Ада́м же лику́ет, Влады́ко, Е́ва ны́не от у́з избавля́ема ра́дуется зову́щи: Ты́ еси́, и́же все́м подая́ Христе́ воскре́сение. | Ты, Владыка, как Бог, воскрес из гроба во славе и воскресил с Собою мир; человеческое естество прославило Тебя как Бога; исчезла смерть; Адам торжествует; Ева, ныне освобожденная от уз, радуется, восклицая: Ты – всем дарующий воскресение, Христе. |
Икос.
| Воскре́сшаго тридне́вно воспои́м я́ко Бо́га Всеси́льна, и врата́ а́дова сте́ршаго, и я́же от ве́ка из гро́ба воздви́гшаго, мироно́сицам я́вльшагося, я́коже благоизво́лил е́сть, пре́жде си́м е́же ра́дуйтеся, реки́й: и апо́столом ра́дость возвеща́я, я́ко Еди́н Жизнода́вец. Те́мже ве́рою жены́ ученико́м зна́мения побе́ды благовеству́ют, и а́д стене́т, и сме́рть рыда́ет: ми́р же весели́тся, и вси́ с ни́м ра́дуются. Ты́ бо по́дал еси́, Христе́, все́м Воскре́сение. | Прославим в третий день Воскресшего, как всемогущего Бога. Разрушившего врата ада, Воскресившего из гробов от века пребывавших в них по Своему благоволению, Явившегося мироносицам. Им первым Он изрек: «радуйтесь», и возвестил радость Апостолам, как единый Жизнеподатель. Посему жёны с верою возвещают ученикам знамения победы; стонет ад; рыдает смерть; мир же веселится, и все вместе радуются: ибо Ты, Христе, всем даровал воскресение. |
Песнь 7. Ирмос.
| Тебе́ у́мную, Богоро́дице, пе́щь разсмотря́ем ве́рнии: я́коже бо о́троки спасе́ три́ Превозноси́мый, ми́р обнови́ во чре́ве Твое́м всеце́л, хва́льный отце́в Бо́г, и препросла́влен. | Мы верующие признаём Тебя, Богородица, духовною пещию; ибо как превозносимый (Господь) спас трех отроков (в пещи), (так) в Твоем чреве обновил весь мир хвалимый и препрославленный Бог отцов. |
Тропари.
| Перваго канона. Убоя́ся земля́, сокры́ся со́лнце, и поме́рче све́т, раздра́ся церко́вная Боже́ственная заве́са, ка́мение же разсе́деся: на кресте́ бо ви́сит Пра́ведный, Хва́льный отце́в Бо́г, и препросла́влен. | Исполнилась ужаса земля, скрылось солнце, потемнел свет, разодралась церковная священная завеса, распались камни; ибо повешен на крест Праведник, хвалимый и препрославленный Бог отцов. |
| Ты́ бы́в а́ки безпомо́щен, и уя́звен в ме́ртвых во́лею на́с ра́ди превозноси́мый, вся́ свободи́л еси́, и держа́вною руко́ю совоскреси́л еси́, хва́льный отце́в Бо́г, и препросла́влен. | Ты Превозносимый, сделавшись как-бы беспомощным и ради нас добровольно уязвленным среди мертвых, освободил всех и Своею державною рукою воскресил с Собою, – хвалимый и препрославленный Бог отцов. |
| Ра́дуйся, исто́чниче присноживы́я воды́, ра́дуйся, раю́ пи́щный, ра́дуйся, стено́ ве́рных. Ра́дуйся Неискусобра́чная. Ра́дуйся всеми́рная Ра́досте, Е́юже на́м возсия́ Хва́льный отце́в Бо́г и препросла́влен. | Радуйся, источник вечно живой воды! Радуйся, полный блаженства рай! Радуйся, стена верующих! Радуйся, непознавшая брака! Радуйся, всемирная, радость, чрез которую явился нам хвалимый и препрославленный Бог отцов! |
| Втораго канона. Дре́вле у́бо проклята́ бы́сть земля́ А́велевою очервлени́вшися кро́вию, братоуби́йственною руко́ю: богото́чною же Твое́ю кро́вию благослови́ся окропле́на, и взыгра́ющи вопие́т: отце́в Бо́же, благослове́н еси́. | Некогда проклята была чрез братоубийственную руку обагренная кровию Авеля земля; но окропленная Твоею Божественною кровию, она благословилась, и в восторге взывает: благословен Ты, Бог отцов. |
| Да рыда́ют иуде́йстии богопроти́внии лю́дие, де́рзости убие́ния Христо́ва: язы́цы же да веселя́тся, и рука́ми да воспле́щут, и вопию́т: отце́в Бо́же, благослове́н еси́. | Да оплакивает дерзость убиения Христа богопротивный иудейский народ; (другие) же народы да веселятся, да восплещут руками и взывают: благословен Ты, Бог отцов! |
| Се́ мироно́сицам облиста́яй, вопия́ше А́нгел: Воскре́сения Христо́ва прииди́те и ви́дите зна́мения, плащани́цу и гро́б, и возопи́йте: отце́в Бо́же, благослове́н еси́. | Се, блистающий Ангел восклицал мироносицам: подойдите и посмотрите знамения воскресения Христа – плащаницу и гроб, и воскликните: благословен Ты, Бог отцов! |
| Третьяго канона. Тя́, Богоро́дице, ле́ствицу Иа́ков проро́чески разумева́ет: Тобо́ю бо Превозноси́мый на земли́ яви́ся, и с челове́ки поживе́, я́ко благоволи́, Хва́льный отце́в Бо́г и Препросла́влен. | Иаков пророчески в лестнице уразумел Тебя. Богородица; ибо чрез Тебя явился на земле и по Своему благоволению пребывал между людьми превозносимый, хвалимый и препрославленный Бог отцов. |
| Ра́дуйся, Чи́стая, из Тебе́ про́йде Па́стырь, и́же во Ада́мову ко́жу обо́лкся вои́стинну, Превозноси́мый, во всего́ мя челове́ка, за благоутро́бие непости́жное: Хва́льный отце́в Бо́г и Препросла́влен. | Радуйся, непорочная! из Тебя, по Своему бесконечному милосердию, по истине облекшись в кожу Адама – во все мое человеческое естество, произошел Пастырь, – превозносимый, хвалимый и препрославленный Бог отцов. |
| Но́вый Ада́м от чи́стых крове́й Твои́х Преве́чный Бо́г бы́сть вои́стинну, Его́же ны́не моли́, обетша́вшаго мя́ обнови́ти зову́ща: Хва́льный отце́в Бо́г и Препросла́влен. | Предвечный Бог от Твоей чистой крови по истине стал новым Адамом. Ныне молись Ему, чтобы Он обновил меня – обветшавшего, восклицающего: хвалимый и препрославленный Бог отцов. |
Песнь 8. Ирмос.
| В пещи́ о́троцы Изра́илевы, я́коже в горни́ле добро́тою благоче́стия, чисте́е зла́та блеща́хуся, глаго́люще: благослови́те вся́ дела́ Госпо́дня Го́спода, по́йте и превозноси́те во вся́ ве́ки. | Израильские отроки в печи как-бы в горниле чище золота сияли красотою благочестия, восклицая: все творения Господни, благословляйте Господа, воспевайте и превозносите Его во все веки. |
Тропари.
| Перваго канона. И́же во́лею вся́ творя́й, и претворя́яй, обраща́яй се́нь сме́ртную в ве́чную жи́знь, стра́стию Твое́ю, Сло́ве Бо́жий, Тебе́ непреста́нно вся́ дела́ Госпо́дня Го́спода пои́м, и превозно́сим во вся́ ве́ки. | Ты, Слово Божие, творишь все по Своему хотению и изменяешь, и Своими страданиями обращаешь смертную тень в вечную жизнь. Мы и все творения Господни непрестанно воспеваем Тебя – Господа – и превозносим во все веки. |
| Ты́ разори́л еси́ сокруше́ние, Христе́, и окая́нство, во врате́х и тверды́нях а́довых, воскре́с из гро́ба тридне́вен. Тебе́ непреста́нно вся́ дела́ я́ко Го́спода пою́т, и превозно́сят во вся́ ве́ки. | Ты, Христе, уничтожил сокрушение и беды во вратах и твердынях ада, в третий день воскресши из гроба. Все творения непрестанно воспевают Тебя, как Господа, и превозносят во все веки. |
| Я́же без се́мене и преесте́ственне от облиста́ния Боже́ственнаго Ро́ждшую би́сера многоце́ннаго Христа́, воспои́м глаго́люще: благослови́те вся́ дела́ Госпо́дня Го́спода, по́йте и превозноси́те Его́ во вся́ ве́ки. | Прославим бессеменно и сверхъестественно, вследствие Божественного озарения, родившую драгоценный жемчуг – Христа и воскликнем: все творения Господни, благословляйте Господа, воспевайте и превозносите Его во все веки. |
| Втораго канона. Прииди́те, лю́дие, поклони́мся ме́сту, на не́мже стоя́сте пречи́стеи но́зе, и на дре́ве Боже́ственнеи Христо́ве дла́ни животворя́щии простро́стеся, на Спасе́ние все́х челове́ков, и гро́б живо́тный обстоя́ще, пои́м: да благослови́т тва́рь вся́кая Го́спода, и превозно́сит во вся́ ве́ки. | Приидите, люди, поклонимся тому месту, на котором стояли пречистые ноги Христа, и где на древе, ради спасения всех людей, были распростерты Божественные и животворные длани Его, и, ставши вокруг гроба жизни, воспоем: вся тварь да благословит Господа и превозносит Его во все веки. |
| Обличи́ся богоуби́йц иуде́ов пребеззако́нное оклевета́ние: Его́же бо лестца́ нареко́ша, воста́ я́ко Си́лен, наруга́вся безу́мным печа́тем. Те́мже ра́дующеся воспои́м: да благослови́т тва́рь вся́кая Го́спода, и превозно́сит во вся́ ве́ки. | Обличалась преступная клевета богоубийц иудеев: ибо Тот, Кого они называли обманщиком, воскрес как всемогущий, пренебрегши печатями беззаконников. Посему с радостью воспоем: вся тварь да благословит Господа и превозносит Его во все веки. |
| В трие́х свяще́ниих богосло́вяще и Еди́ном Госпо́дьстве сла́ву серафи́ми пречи́стии, со стра́хом раболе́пно Триипоста́сное сла́вят Божество́. С ни́миже и мы́ благоче́ствующе воспои́м: да благослови́т тва́рь вся́кая Го́спода, и превозно́сит во вся́ ве́ки. | Пречистые серафимы, в трисвятых песнях8 исповедуя славу единого Господа, со страхом и раболепно прославляют триипостасное Божество. Вместе с ними и мы благоговейно воспоем: вся тварь да благословит Господа и превозносит Его во все веки. |
| Третьяго канона. Черто́г светови́дный, из него́же все́х Влады́ка, я́ко Жени́х произы́де Христо́с, воспои́м вси́ вопию́ще: вся́ дела́ Госпо́дня Го́спода по́йте, и превозноси́те во вся́ ве́ки. | Воспоем все светлый чертог, из которого как жених произошел Владыка всех– Христос, и воскликнем: все творения Господни воспевайте Господа и превозносите Его во все веки. |
| Ра́дуйся Престо́ле сла́вный Бо́жий, ра́дуйся ве́рных стено́, Е́юже су́щым во тьме́ возсия́ све́т Христо́с, Тебе́ блажа́щым, и вопию́щым: вся́ дела́ Госпо́дня Го́спода по́йте, и превозноси́те во вся́ ве́ки. | Радуйся, славный престол Бога! Радуйся, стена верующих! ибо чрез Тебя воссиял свет – Христос находящимся во тьме, которые ублажают Тебя и восклицают; все творения Господни, воспевайте Господа и превозносите Его во все веки. |
| Спасе́нию вино́внаго на́м Го́спода ро́ждши, моли́ о все́х вопию́щих приле́жно, Де́во Всепе́тая: благослови́те вся́ дела́ Госпо́дня Го́спода, по́йте и превозноси́те во вся́ ве́ки. | Всепетая Дева, родившая нам Виновника спасения – Господа! Молись о всех, усердно восклицающих: все творения Господни, благословляйте Господа, воспевайте и превозносите Его во все веки. |
Песнь 9. Ирмос.
| О́браз чи́стаго рождества́ Твоего́, огнепали́мая купина́ показа́ неопа́льная: и ны́не на на́с напа́стей свире́пеющую угаси́ти мо́лимся пе́щь, да Тя́ Богоро́дице непреста́нно велича́ем. | Горевшая, но не сгоравшая купина представила образ Твоего непорочного рождества; и ныне молим Тебя угасить ожесточившуюся против нас печь искушений, чтобы непрестанно величать Тебя, Богородица. |
Тропари.
| Перваго канона. О ка́ко, лю́дие беззако́ннии и непокори́вии, лука́вая совеща́вше, го́рдаго и нечести́ваго оправди́ша: Пра́веднаго же на дре́ве осуди́ша Го́спода сла́вы, Его́же досто́йно велича́ем! | О, как беззаконны и непокорны люди, которые, замысливши злое, оправдали злодея и нечестивца, но осудили на древо (креста) Праведника, – Господа славы, Которого мы достойно величаем. (Мф. 27:21–22) |
| Спа́се А́гнче Непоро́чне, и́же ми́ра грехи́ взе́мый, тебе́ сла́вим воскре́сшаго тридне́вно, со Отце́м и Боже́ственным Твои́м Ду́хом, и Го́спода сла́вы: его́же богосло́вяще, велича́ем. | Спаситель, непорочный Агнец, взявший на Себя грехи мира! Тебя, в третий день воскресшего, прославляем вместе с Отцом и Божественным Твоим Духом и, исповедуя Господом славы, величаем. |
| Спаси́ лю́ди Твоя́, Го́споди, и́хже стяжа́л еси́ честно́ю Твое́ю кро́вию, це́рквам Твои́м подая́ ми́р, Человеколю́бче, Богоро́дицы моли́твами. | Спаси, Человеколюбец Господи, людей Твоих, которых Ты приобрел честною Своею кровию, даруя императору крепость над врагами и ниспосылая церквам Твоим мир, по молитвам Богородицы. |
| Втораго канона. Просла́вися неизрече́нною си́лою Твое́ю кре́ст Тво́й, Го́споди, немощно́е бо Твое́ па́че си́лы все́м яви́ся: и́мже си́льнии у́бо низложе́ни бы́ша на зе́млю, и ни́щии к небеси́ возводи́ми быва́ют. | Прославился неизреченною Твоею силою крест Твой, Господа; ибо немощь Твоя явилась пред всеми выше силы: им сильные низложены на землю, а слабые возвышаются до неба. |
| Умертви́ся ме́рзкая на́ша сме́рть, из ме́ртвых Воскре́сением: Ты́ бо яви́вся су́щым во а́де, Христе́, живо́т дарова́л еси́. Те́мже Тя́ я́ко жи́знь и воскре́сение и све́т Ипоста́сный пою́ще велича́ем. | Умерщвлена ужасная наша смерть; ибо Ты, Христе, явившись пребывавшим в аде, даровал воскресение.9 Посему Тебя, как жизнь, воскресение и ипостасный свет прославляя, величаем. |
| Безнача́льное естество́ и Непреде́льное, в Трие́х познава́ется Еди́нствех, Богонача́льных Ипоста́сех Еди́но Божество́, во Отце́, и Сы́не, и Ду́хе: на Не́же богому́дрии лю́дие упова́юще, спаса́емся. | Безначальное и беспредельное существо исповедуется в трех единых Божественных ипостасях: едино Божество в Отце, Сыне и Духе, на которое уповая, Богомудрый император спасается. |
| Третьяго канона. Из ко́рене Дави́дова прозябла́ еси́ проро́ческаго Де́во, и богооте́ческаго: но и Дави́да я́ко вои́стинну Ты́ просла́вила еси́, я́ко ро́ждши проро́чествованнаго Го́спода сла́вы: Его́же досто́йно велича́ем. | Ты, Дева, согласно пророчеству (Ис. 11 гл.), произошла из корня Богоотца Давида; но и Давида по истине прославила Ты, как родившая предреченного пророками Господа славы, Которого мы достойно величаем. |
| Вся́к похва́льный, Пречи́стая, зако́н побежда́ется вели́чеством сла́вы Твоея́. Но, о Влады́чице, от ра́б Твои́х недосто́йных, от любве́ Тебе́ приноси́мое приими́, Богоро́дице, со усе́рдием пе́ние похва́льное. | Все обычные похвалы побеждаются величием славы Твоей, Пречистая. Но приими от недостойных рабов Твоих, Владычица Богородица, от любви с усердием приносимую Тебе хвалебную песнь. |
| О па́че ума́ чуде́с твои́х! Ты́ бо, Де́во, еди́на па́че со́лнца, все́м дала́ еси́ разуме́ти нове́йшее чу́до, Всечи́стая, Твоего́ Рождества́ непостижи́маго. Те́мже Тя́ вси́ велича́ем. | О, сколь выше ума чудеса Твои! Ты, всечистая Дева, одна лучше солнца дала возможность всем видеть необычайнейшее чудо Твоего непостижимого рождества. Посему все мы величаем Тебя. |
Д) Стихиры на хвалитех.
| Пое́м Твою́, Христе́, спаси́тельную стра́сть, и сла́вим Твое́ Воскре́сение. | Воспеваем Твои спасительные страдания, Христе, и прославляем Твое воскресение. |
| Кре́ст претерпе́вый, и сме́рть упраздни́вый, и воскресы́й из ме́ртвых, умири́ на́шу жи́знь Го́споди, я́ко еди́н Всеси́лен. | Крест претерпевший, смерть уничтоживший и воскресший из мертвых! умиротвори нашу жизнь, Господи, как единый всемогущий. |
| А́да плени́вый, и челове́ка воскреси́вый, Воскре́сением Твои́м, Христе́, сподо́би на́с чи́стым се́рдцем Тебе́ пе́ти и сла́вити. | Христе, победивший ад и Своим воскресением воскресивший человека! сподоби нас чистым сердцем воспевать и прославлять Тебя. |
| Боголе́пное Твое́ снисхожде́ние сла́вяще, пое́м Тя́, Христе́. Роди́лся еси́ от Де́вы, и не разлуче́н бы́л еси́ от Отца́, пострада́л еси́ я́ко челове́к, и во́лею претерпе́л еси́ Кре́ст, воскре́сл еси́ от гро́ба, я́ко от черто́га произше́д да спасе́ши ми́р, Го́споди, сла́ва Тебе́. | Прославляя Твое Богоприличное снисхождение, воспеваем Тебя, Христе. Ты родился от Девы, но остался неразлучен с Отцом; как человек пострадал и добровольно претерпел крест, (но) воскрес из гроба, вышел из него как из чертога, чтобы спасти мир. Господи, слава Тебе! |
| Егда́ пригвозди́лся еси на дре́ве кре́стнем, тогда́ умертви́ся держа́ва вра́жия: тва́рь поколеба́ся стра́хом Твои́м: и а́д плене́н бы́сть держа́вою Твое́ю: ме́ртвыя от гро́б воскреси́л еси́, и разбо́йнику ра́й отве́рзл еси́: Христе́ Бо́же на́ш, сла́ва Тебе́. | Когда Ты был пригвожден к крестному древу, тогда господство врага было уничтожено; тварь от страха пред Тобою поколебалась; ад был побежден Твоею силою, Ты воскресил мертвых из гробов и отворил рай разбойнику. Христе Боже наш, слава Тебе! |
| Рыдаю́щя со тща́нием гро́ба Твоего́ доше́дшя честны́я жены́, обре́тшя же гро́б отве́рст, и уве́девшя от А́нгела но́вое и пресла́вное чу́до, возвести́ша апо́столом: я́ко воскре́се Госпо́дь, да́руяй ми́рови ве́лию ми́лость. | Честные жёны поспешно и со слезами пришли к Твоему гробу, но, нашедши гроб открытым и узнавши от Ангела о небывалом и изумительном чуде, возвестили Апостолам, что воскрес Господь, даруя миру великую милость. |
| Страсте́й Твои́х Боже́ственным я́звам покланя́емся, Христе́ Бо́же, и е́же в Сио́не влады́чнему священноде́йствию, на коне́ц веко́в богоявле́нне бы́вшему: и́бо во тьме́ спя́щыя, Со́лнце просвети́ пра́вды, к невече́рнему наставля́я сия́нию: Го́споди, сла́ва Тебе́. | Поклоняемся Божественным ранам страданий Твоих, Христе Боже, – и Владычнему священнодействию в Сионе, в конце веков богоявленно совершившемуся; ибо Ты, Солнце правды, просветил пребывавших во тьме, руководя их к неугасающему свету. Господи, слава Тебе! |
| Любомяте́жный ро́де евре́йский внуши́те, где́ су́ть, и́же к Пила́ту прише́дшии: да реку́т стрегу́щии во́ини: где́ су́ть печа́ти гро́бныя? где́ преложе́н бы́сть Погребе́нный? где́ про́дан бы́сть Непрода́нный? ка́ко укра́дено бы́сть Сокро́вище? что́ оклевету́ете Спа́сово воста́ние пребеззако́нии иуде́и? Воскре́се и́же в ме́ртвых свобо́дь, и подае́т ми́рови ве́лию ми́лость. | Обрати внимание, склонный к возмущениям народ еврейский. Где приходившие к Пилату? Пусть скажут охранявшие гроб воины: где печати его? куда переложен Погребенный? где был продан Непродаваемый? каким образом похищено сокровище? зачем клевещете на воскресение Спасителя, беззаконные иудеи? Восстал Он, – свободный среди мертвых, и подает миру великую милость. |
Утренняя Евангельская стихира.
| Преблагослове́нна еси́, Богоро́дице Де́во, Вопло́щшим бо ся из Тебе́ ад плени́ся, Ада́м воззва́ся, кля́тва потреби́ся, Е́ва свободи́ся, сме́рть умертви́ся, и мы́ ожи́хом, те́м воспева́юще вопие́м: благослове́н Христо́с Бо́г благоволи́вый та́ко, сла́ва Тебе́. | Преблагословенна Ты, Богородица Дева; ибо чрез Воплотившегося от Тебя пленен ад; восстановлен Адам; уничтожено проклятие; Ева освободилась; умерщвлена смерть, и мы ожили. Посему, воспевая, восклицаем: благословен Ты, так соизволивший – Христос Бог наш – слава Тебе! |
По славословии тропарь.
(1-го, 3-го, 5-го и 7-го гласов.)
| Дне́сь Спасе́ние ми́ру бы́сть, пое́м Воскре́сшему из гро́ба, и Нача́льнику жи́зни на́шея: разруши́в бо сме́ртию сме́рть, побе́ду даде́ на́м, и ве́лию ми́лость. | Ныне спасение миру совершилось; воспоем Воскресшему из гроба и Виновнику нашей жизни: ибо Он, смертию Своею уничтоживши смерть, даровал нам победу и великую милость. |
Блаженны на литургии.
| Сне́дию изведе́ из рая́ вра́г Ада́ма: Кресто́м же разбо́йника введе́ Христо́с во́нь, помяни́ мя, зову́ща, егда́ прии́деши во Ца́рствии Твое́м. | Чрез снедь враг вывел Адама из рая; но Христос чрез крест ввел в него разбойника, восклицавшего: помяни меня, Господи, когда придешь в Царствие Твое. |
| Покла́няюся страсте́м Твои́м, славосло́влю и Воскресе́ние со Ада́мом и разбо́йником, со гла́сом све́тлым вопию́ Ти: помяни́ мя, Го́споди, егда́ прии́деши во Ца́рствии Твое́м. | Поклоняюсь страданиям Твоим и прославляю воскресение; вместе с Адамом и разбойником громогласно восклицаю Тебе: помяни меня, Господи, когда придешь в Царствие Твое. |
| Распя́лся еси́ безгре́шне, и во гро́бе положи́лся еси́ во́лею: но воскре́сл еси́ я́ко Бо́г, совоздви́гнувый себе́ Ада́ма, помяни́ мя, зову́ща, егда́ прии́деши во Ца́рствии Твое́м. | Ты, Безгрешный, добровольно был распят и положен во гроб; но как Бог воскрес и воздвиг с Собою Адама, восклицавшего: помяни меня, когда придешь в Царствие Твое. |
| Хра́м Тво́й теле́сный тридне́вным Воскреси́вый погребе́нием, со Ада́мом, и и́же о Ада́ма, воскреси́л еси́ Христе́ Бо́же: помяни́ на́с зову́щих, егда́ прии́деши во Ца́рствии Твое́м. | Воздвигнув храм Свой телесный в третий день по погребении, Ты, Христе Боже, воскресил Адама и его потомков, восклицавших: помяни нас, Господи, когда придешь в Царствие Твое. |
| Мироно́сицы приидо́ша пла́чущя, на гро́б Тво́й Христе́ Бо́же, зело́ ра́но: и в бе́лых ри́зах обрето́ша А́нгела седя́ща, что́ и́щете? зову́ща. Воскре́се Христо́с, не рыда́йте про́чее. | Мироносицы в глубокое утро со слезами пришли ко гробу Твоему, Христе Боже, и нашли Ангела, сидевшего в светлых одеждах и взывавшего: «чего ищете? воскрес Христос, не рыдайте больше». |
| Апо́столи Твои́, Го́споди, на го́ру, а́може повеле́л еси́ и́м, прише́дше, Спа́се, и Тя́ ви́девше поклони́шася, и́хже и посла́л еси́ во язы́ки учи́ти и крести́ти я́. | Апостолы Твои, Господи Спаситель, пришедши на гору, в то место, куда Ты повелел им, и увидевши Тебя, поклонились. Их Ты и послал к народам – учить и крестить их. (Мф. 28:16–20) |
| Отцу́ поклони́мся, и Сы́на славосло́вим и Пресвята́го Ду́ха вку́пе воспои́м, зову́ще и глаго́люще: Всесвята́я Тро́ице, спаси́ все́х на́с. | Все вместе поклонимся Отцу, прославим Сына и воспоем Всесвятого Духа, восклицая и взывая: Всесвятая Троица, спаси всех нас. |
| Ма́терь Твою́ приво́дят Ти́ в моли́тву, лю́дие Твои́, Христе́: мольба́ми Ея́ щедро́ты Твоя́ да́ждь на́м, Благи́й, да Тя́ прославля́ем, из гро́ба на́м возсия́вшаго. | Матерь Твою приводят Ходатаицею пред Тобою люди Твои, Христе; по молитвам Ее, даруй нам Твои милости, Благой, чтобы прославлять Тебя, из гроба нам воссиявшего. |
* * *
1
Бог-Слово соединилось с человеческою плотию, т.е. с человеческим естеством.
2
Триипостасное – сущее в трёх ипостасях или лицах.
3
Святой Иоанн Дамаскин, автор канонов, часто употребляет выражение «без истечения» (άρρεύστως по-гречески и «нетленно» по-славянски) против гностиков, воображавших, что Слово истекло от Отца подобно потоку.
5
Превышающая все существующее.
6
Терновник, терновый куст.
7
Славянский текст в последних словах не согласен с нынешним греческим.
8
Словом αγιασμός (по-славянски: «священие») здесь называется песнь серафимов, в которой три раза повторяется слово άγιος – святый. Исаия 6, 3. См. Suiceri thesaurus ecclesiasticus ѵ. 58.
9
Славянский текст этого тропаря не согласен с греческим.