Глава 6. Моли́тва, е́же благослови́ти сы́р и я́ица

Влады́ко Го́споди Бо́же на́ш, Зижди́телю и Соде́телю все́х, благослови́ млеко́ огусте́вшее, с ни́мже и я́ица, и на́с соблюди́ во бла́гости Твое́й, я́ко да причаща́ющеся и́х, Твои́х независтнопода́тельных даро́в испо́лнимся и неизглаго́ланныя Твоея́ бла́гости. Я́ко Твоя́ держа́ва, и Твое́ е́сть Ца́рство, и си́ла, и сла́ва Отца́, и Сы́на, и Свята́го Ду́ха, ны́не и при́сно, и во ве́ки веко́в, ами́нь.