[глⷡ҇а ѳ҃] Ѡ҆ є҆́же ка́кѡ подоба́етъ зна́менати на всѧ́къ де́нь. здѣ́ же ᲂу҆каза́нїе ѡ҆ вече́рни, и҆ ѡ҆ ᲂу҆́трени дне́й седми́чныхъ, и҆ въ ни́хже пое́мъ а҆ллилꙋ́їа: и҆ ѡ҆ а҃-мъ часѣ̀

Пред̾ ве́черомъ ма́лѡ, кандиловжига́тель взе́мъ бл҃гослове́нїе ѿ настоѧ́телѧ, зна́менꙋетъ въ кампа́нъ, и҆ собра́вшымсѧ бра́тїѧмъ въ притво́ръ цр҃ко́вный, чредны́й же сщ҃е́нникъ воста́въ твори́тъ нача́ло: Бл҃гослове́нъ бг҃ъ на́шъ:

И҆ ᲂу҆чине́нный чте́цъ глаго́летъ: Сла́ва тебѣ̀ бж҃е на́шъ: и҆ про́чее. И҆ чте́тъ ѳ҃-й ча́съ съ междоча́сїемъ є҆гѡ̀, а҆́ще и҆ Бг҃ъ гдⷭ҇ь бꙋ́детъ, и҆ по концѣ̀ є҆гѡ̀ зна́менаетъ въ два̀, и҆лѝ д҃ кампа́на, по ᲂу҆ста́вꙋ.

[зрѝ] Вѣ́стно бꙋ́ди, є҆гда̀ ѳ҃-й ча́съ глаго́летсѧ въ притво́рѣ, тогда̀ твори́тъ сщ҃е́нникъ ѳ҃-гѡ часа̀ ѿпꙋ́стъ.

По ѿпꙋ́стѣ же вше́дъ во хра́мъ, твори́тъ нача́ло вече́рни по ѻ҆бы́чаю. А҆́ще же глаго́летсѧ ѳ҃-й ча́съ во хра́мѣ, ѿпꙋ́стъ ѳ҃-гѡ часа̀ не быва́етъ.

По сконча́нїи же клепа́нїѧ воста́въ сщ҃е́нникъ, вше́дъ во хра́мъ твори́тъ пред̾ црⷭ҇кими враты̀ поклонє́нїѧ трѝ: взе́млетъ же и҆ є҆пїтрахи́лїй сꙋ́щїй ᲂу҆ црⷭ҇кихъ вра́тъ, бл҃гослови́въ и҆̀, и҆ цѣлова́въ ве́рхъ, и҆дѣ́же начерта́нъ кре́стъ, возложи́въ на вы́ю свою̀, глаго́летъ: Бл҃гослове́нъ бг҃ъ на́шъ: ѿверза́етъ же и҆ внꙋ́треннюю две́рь, си́рѣчь завѣ́сꙋ, тафто́ю, и҆лѝ и҆ны́мъ ви́домъ ᲂу҆стро́енꙋ.

Предстоѧ́тель же глаго́летъ: Прїиди́те поклони́мсѧ, три́жды: И҆ предначина́тельный ѱало́мъ. а҆́ще є҆́сть а҆ллилꙋ́їа, и҆ твори́мъ г҃ покло́ны, стоѧ́ще на мѣ́стѣхъ свои́хъ рѧ́домъ, ᲂу҆равнѧ́ющымъ покло́ны всѣ̑мъ вкꙋ́пѣ со ѡ҆пасе́нїемъ. [Т]а́кѡ ᲂу҆́бѡ поклонѧ́ющымсѧ, несмꙋще́нїѧ ра́ди цр҃ко́внагѡ.

Семꙋ́ же глаго́лемꙋ, чте́тъ сщ҃е́нникъ мл҃твы свѣти̑льничныѧ пред̾ ст҃ы́ми две́рьми стоѧ̀ непокрове́нъ, и҆ по и҆сполне́нїи тогѡ̀,

Сла́ва и҆ ны́нѣ, а҆ллилꙋ́їа три́жды, и҆ покло́ны г҃.

Та́же сщ҃е́нникъ глаго́летъ є҆ктенїю̀ вели́кꙋю, и҆ возгла́съ. И҆ посе́мъ каѳі́сма ѻ҆бы́чнаѧ рѧ́дꙋ: и҆ по ко́ейждо Сла́вѣ, а҆ллилꙋ́їа три́жды, и҆ покло́ны трѝ.

Сщ҃е́нникъ же положи́въ є҆пїтрахи́лїй на мѣ́стѣ є҆гѡ̀, и҆ ѿше́дъ стои́тъ на ѻ҆бы́чномъ мѣ́стѣ свое́мъ, до́ндеже стїхосло́витсѧ каѳі́сма ѱалти́ра: въ коне́цъ же тре́тїѧгѡ а҆нтїфѡ́на, ѿхо́дитъ пред̾ ст҃ы̑ѧ двє́ри, возложи́въ на сѧ̀ є҆пїтрахи́лїй, глаго́летъ ма́лꙋю є҆ктенїю̀ и҆ возгла́съ.

Та́же вше́дъ во ѻ҆лта́рь, вложи́въ ѳѷмїа́мъ въ кади́льницꙋ, и҆ благословлѧ́ѧй є҆̀ глаго́летъ и҆ ѻ҆бы́чнꙋю Мл҃твꙋ кади́ла: и҆ кади́тъ по ѻ҆бы́чаю свѧти́лище, и҆ хра́мъ ве́сь, настоѧ́телѧ и҆ ли́ки, и҆ всю̀ бра́тїю.

И҆ посе́мъ: Гдⷭ҇и воззва́хъ, пое́мъ во гла́съ мине́и, стїхи̑ры бцⷣы:

И҆ ѡ҆ста́вимъ стїхѡ́въ ѕ҃: И҆ пое́мъ бцⷣы стїхи̑ры, подо́бны г҃: и҆ ст҃а́гѡ подо́бны г҃:

А҆́ще ᲂу҆́бѡ и҆́мать ст҃ы́й самогла́снꙋ стїхи́рꙋ, и҆ пое́мъ ю҆̀ на Сла́вꙋ, кꙋ́пнѡ ѻ҆́ба ли̑ка.

А҆́ще ли нѝ: Сла́ва, и҆ ны́нѣ, бг҃оро́диченъ: подо́бный стїхи́рамъ мине́и.

А҆́ще среда̀, и҆лѝ пѧто́къ, пое́мъ крⷭ҇тобг҃оро́диченъ.

Та́же, Свѣ́те ти́хїй: глаго́летъ предстоѧ́тель, и҆ пое́мъ прокі́менъ днѐ.

[зрѝ] А҆́ще є҆́сть недѣ́лѧ: а҆ллилꙋ́їа бо въ недѣ́лю ве́чера не пое́тсѧ, но прокі́менъ: Сѐ ны́нѣ бл҃гослови́те гдⷭ҇а всѝ рабѝ гдⷭ҇ни.

Глаго́летъ канѡна́рхъ сті́хъ: Стоѧ́щїи во хра́мѣ гдⷭ҇ни:

А҆́ще же кромѣ̀ недѣ́ли, вмѣ́стѡ прокі́мена а҆ллилꙋ́їа, на гла́съ ѕ҃. Стїхи́ же глаго́летъ сїѧ̑:

Въ понедѣ́льникъ ве́чера: Гдⷭ҇и да не ꙗ҆́ростїю твое́ю ѡ҆бличи́ши менѐ: А҆ллилꙋ́їа.

Сті́хъ: И҆ во вѣ́ки вѣкѡ́въ. Мы́ же высоча́йшимъ гла́сомъ пое́мъ А҆ллилꙋ́їа. [С]и́це припѣва́емъ на всѧ́къ де́нь, є҆гда̀ пое́мъ А҆ллилꙋ́їа.

Во вто́рникъ и҆ въ четверто́къ ве́чера: Возноси́те гдⷭ҇а бг҃а на́шего, и҆ покланѧ́йтесѧ подно́жїю нѡ́гꙋ є҆гѡ̀, ꙗ҆́кѡ ст҃о є҆́сть.

Въ сре́дꙋ ве́чера: Во всю̀ зе́млю и҆зы́де вѣща́нїе и҆́хъ. И҆ та́кѡ твори́тъ покло́нъ ко ст҃ы̑мъ две́ремъ. и҆ ѡ҆бра́щьсѧ твори́тъ бра́тїѧмъ є҆ди́нъ покло́нъ: И҆ ѿше́дъ ста́нетъ на мѣ́стѣ свое́мъ.

Та́же настоѧ́тель, и҆лѝ ᲂу҆чине́нный чте́цъ глаго́летъ: Сподо́би гдⷭ҇и въ ве́черъ се́й: въ не́мже твори́мъ и҆ мета̑нїѧ г҃.

Та́же ѻ҆бы́чной є҆ктенїѝ бы́вшей, и҆ возглаше́нїю є҆ѧ̀. И҆ совокꙋ́пльшесѧ ѻ҆́ба ли̑ка средѝ цр҃кве по ѻ҆бы́чаю, пое́мъ на стїхо́внѣ стїхи̑ры во ѻ҆ктѡ́ихѣ:

Сла́ва, и҆ ны́нѣ, бг҃оро́диченъ.

А҆́ще ли среда̀, и҆лѝ пѧто́къ, крⷭ҇тобг҃оро́диченъ.

И҆ сотво́рше дрꙋ́гъ дрꙋ́гꙋ мета́нїе, и҆́демъ на мѣ́ста своѧ̑.

Та́же предстоѧ́тель, и҆лѝ чте́цъ глаго́летъ: Ны́нѣ ѿпꙋща́еши: и҆ трист҃о́е, и҆ покло́ны г҃. По Ѻ҆́ч҃е на́шъ, возгла́съ: Ꙗ҆́кѡ твоѐ є҆́сть црⷭ҇тво:

Та́же тропа́рь, гла́съ д҃: Бцⷣе дв҃о ра́дꙋйсѧ: и҆ покло́нъ є҆ди́нъ.

Сла́ва, Крⷭ҇ти́телю хрⷭ҇то́въ: и҆ покло́нъ є҆ди́нъ.

И҆ ны́нѣ, Моли́те за ны̀: и҆ покло́нъ є҆ди́нъ.

Под̾ твоѐ бл҃гоꙋтро́бїе прибѣга́емъ: без̾ покло́на.

Гдⷭ҇и поми́лꙋй, м҃, кро́ткимъ и҆ ти́химъ гла́сомъ, и҆ ра́внѡ всѝ.

Та́же, Сла́ва, и҆ ны́нѣ: Чⷭ҇тнѣ́йшꙋю херꙋві̑мъ:

И҆́менемъ гдⷭ҇нимъ бл҃гословѝ ѻ҆́тче:

И҆ глаго́летъ і҆ере́й: Сы́й бл҃гослове́нъ:

Мы́ же: А҆ми́нь.

И҆ настоѧ́тель: Нбⷭ҇ный цр҃ю̀:

И҆ по концѣ̀ тогѡ̀ твори́мъ г҃ покло́ны вели̑кїѧ, глаго́люще въ себѣ̀ мл҃твꙋ, ꙗ҆́коже ᲂу҆каза́сѧ во главѣ̀ по́стной: Гдⷭ҇и и҆ влⷣко живота̀ моегѡ̀: И҆ про́чихъ покло́нѡвъ в҃і, глаго́люще въ себѣ̀ кі́йждо: Бж҃е, ѡ҆чи́сти мѧ̀ грѣ́шнаго.

И҆ по си́хъ мл҃твꙋ вышепи́саннꙋю, глаго́лемъ во є҆ди́но: и҆ покло́нъ є҆ди́нъ вели́кїй.

Та́же трист҃о́е, и҆ покло́ны г҃. и҆ по Ѻ҆́ч҃е на́шъ: Гдⷭ҇и поми́лꙋй, в҃і.

А҆́ще ли въ недѣ́лю ве́чера, по мл҃твѣ, Нбⷭ҇ный цр҃ю̀: твори́мъ г҃ покло́ны вели̑кїѧ. Про́чихъ же покло́нѡвъ в҃і не твори́мъ: нижѐ трист҃о́е коне́чное глаго́лемъ:

Но глаго́летъ і҆ере́й: Сла́ва тебѣ̀ хрⷭ҇тѐ бж҃е: И҆ ѿпꙋ́стъ. И҆ ѻ҆бы́чное и҆схожде́нїе въ притво́ръ. И҆ быва́етъ лїті́а ѡ҆ ᲂу҆со́пшихъ. И҆ коне́чный ѿпꙋ́стъ.

[зрѝ] Си́це ᲂу҆́бѡ твори́мъ вослѣ́дованїе на вече́рни всегѡ̀ лѣ́та, є҆гда̀ пое́мъ а҆ллилꙋ́їа. Є҆гда́ же пое́тсѧ Бг҃ъ гдⷭ҇ь: пое́мъ прокі́менъ днѐ.

Та́же, Сподо́би гдⷭ҇и: и҆ стїхо́вна днѐ. По Ны́нѣ ѿпꙋща́еши: трист҃о́е, и҆ по Ѻ҆́ч҃е на́шъ, тропа́рь ст҃а́гѡ:

Сла́ва, и҆ ны́нѣ, бг҃оро́диченъ, и҆ є҆ктенїа̀ ѿ сщ҃е́нника: Поми́лꙋй на́съ бж҃е, по вели́цѣймлⷭ҇ти твое́й: и҆ прѡ́чаѧ. И҆ по возгла́сѣ, Премꙋ́дрость.

И҆ мы̀: Бл҃гословѝ.

Сщ҃е́нникъ: Сы́й бл҃гослове́нъ хрⷭ҇то́съ бг҃ъ на́шъ, всегда̀, ны́нѣ и҆ при́снѡ, и҆ во вѣ́ки вѣкѡ́въ.

И҆ мы̀: А҆ми́нь. Оу҆твердѝ бж҃е, бл҃гочести́вѣйшаго, самодержа́внѣйшаго, вели́каго гдⷭ҇рѧ на́шего і҆мпера́тора нїкола́ѧ а҆леѯа́ндровича, и҆ ст҃ꙋ́ю правосла́внꙋю вѣ́рꙋ, правосла́вныхъ хрⷭ҇тїа́нъ во вѣ́къ вѣ́ка. И҆ ѿпꙋ́стъ по ѻ҆бы́чаю.

Въ недѣ́лю же ве́чера, покло́ны начина́емъ, ѿ Сподо́би гдⷭ҇и въ ве́черъ се́й:

По ѿпꙋ́стѣ же вече́рни вхо́димъ въ трапе́зꙋ, и҆ ꙗ҆ди́мъ предста́влєннаѧ.

Та́же воста́въ параекклисїа́рхъ, прїе́мъ бл҃гослове́нїе, и҆зше́дъ ᲂу҆дарѧ́етъ въ би́ло. И҆ вше́дъ въ притво́ръ, пое́мъповече́рїе по чи́нꙋ. На не́мъ же пое́мъ канѡ́нъ моле́бный прест҃ѣ́й бцⷣѣ, во ѻ҆смогла́сникѣ, и҆ прѡ́чаѧ по ѻ҆бы́чаю. И҆ ѿпꙋ́стъ. Въ про́чыѧ же дни̑ пое́мъ повече́рїе вели́кое.

[зрѝ] До́лжно є҆́сть и҆ сїѐ вѣ́дати: По ѿпꙋще́нїи є҆ѧ̀, не подоба́етъ мона́хѡмъ твори́ти бесѣ́ды дрꙋ́гъ со дрꙋ́гомъ, но съ молча́нїемъ и҆сходи́ти въ кє́ллїи своѧ̑, и҆ ᲂу҆пражнѧ́тисѧ на мл҃твꙋ и҆ на чте́нїе, и҆ та́кѡ ᲂу҆покоѧ́тисѧ: ꙗ҆́кѡ да со внима́нїемъ на ᲂу҆́треннее славосло́вїе воста́немъ бо́дростнѣ.

Во ᲂу҆́трїи же зна́менꙋетъ параекклисїа́рхъ въ ма́лый кампа́нъ, рѣ́дкимъ ᲂу҆даре́нїемъ, на мно́гъ ча́съ: и҆ собира́емсѧ всѝ въ притво́ръ церко́вный: И҆ ста́въ по чи́нꙋ кі́йждо на свое́мъ мѣ́стѣ, сотво́рше ѻ҆бы̑чныѧ своѧ̑ трѝ покло́ны, сѣди́мъ ма́лѡ, за є҆́же ᲂу҆ти́шитисѧ чꙋ́вствѡмъ на́шымъ.

Та́же воста́въ і҆ере́й, твори́тъ нача́ло:

И҆ по а҆ми́нѣ чте́цъ глаго́летъ: Сла́ва тебѣ̀ бж҃е на́шъ, сла́ва тебѣ̀.

Та́же, Цр҃ю̀ нбⷭ҇ный: и҆ трист҃о́е, и҆ покло́ны г҃: по Ѻ҆́ч҃е на́шъ: Гдⷭ҇и поми́лꙋй, в҃і. Сла́ва, и҆ ны́нѣ: Прїиди́те, поклони́мсѧ: три́жды, и҆ покло́ны г҃.

Та́же, ѱало́мъ н҃. и҆ непоро́чны: На ни́хже, по ко́ейждо Сла́вѣ, покло́ны г҃.

Та́же, Вѣ́рꙋю во є҆ди́наго бг҃а: и҆ трист҃о́е, и҆ покло́ны г҃. По Ѻ҆́ч҃е на́шъ: тропарѝ: Сѐ жени́хъ грѧде́тъ: и҆ прѡ́чаѧ. И҆ по Чⷭ҇тнѣ́йшꙋю, покло́ны г҃ вели̑кїѧ съ мл҃твою: Гдⷭ҇и и҆ влⷣко живота̀ моегѡ̀: и҆ про́чихъ в҃і.

И҆ послѣдѝ мл҃твꙋ всю̀ вышепи́саннꙋю: Гдⷭ҇и и҆ влⷣко живота̀ моегѡ̀: и҆ покло́нъ вели́кїй.

И҆ посе́мъ, Влⷣко бж҃е ѻ҆́ч҃е вседержи́телю:

Та́же, Прїиди́те, поклони́мсѧ: три́жды. и҆ покло́ны трѝ. И҆ по ѱалмѣ́хъ,

Сла́ва, и҆ ны́нѣ: трист҃о́е.

И҆ покло́ны г҃: по Ѻ҆́ч҃е на́шъ, тропарѝ: Помѧнѝ гдⷭ҇и, ꙗ҆́кѡ бл҃гъ: Гдⷭ҇и поми́лꙋй в҃і. и҆ мл҃тва: Помѧнѝ гдⷭ҇и, въ наде́жди: Посе́мъ, Пресла́внаѧ: и҆ Оу҆пова́нїе моѐ:

Та́же, і҆ере́й: Сла́ва тебѣ̀ хрⷭ҇тѐ бж҃е: И҆ ѿпꙋ́стъ.

И҆ прїи́мше проще́нїе ѻ҆бы́чное, глаго́летъ і҆ере́й є҆ктенїю̀: Помо́лимсѧ ѡ҆ бл҃гочести́вѣйшемъ: и҆ прѡ́чаѧ.

И҆ мы̀: Гдⷭ҇и поми́лꙋй, ти́хѡ.

Конча́вшисѧ же се́й, глаго́летъ предстоѧ́тель: Мл҃твами ст҃ы́хъ ѻ҆тє́цъ на́шихъ:

[С]и́це полꙋ́нощница глаго́летсѧ по ᲂу҆ста́вꙋ і҆ерꙋсали́мскихъ ѻ҆би́телей по всѧ̑ дни̑, и҆ писа́сѧ во всѣ́хъ часосло́вѣхъ. По сконча́нїи же полꙋ́нощницы, а҆́ще пое́мъ ю҆̀ въ притво́рѣ: вше́дъ во хра́мъ, ста́немъ кі́йждо на свое́мъ мѣ́стѣ, и҆ твори́тъ кі́йждо трѝ покло́ны, прѧ́мѡ ст҃а́гѡ ѻ҆лтарѧ̀, и҆ на ѻ҆́ба ли̑ка, со бл҃гоговѣ́нїемъ: И҆ сѣда́емъ всѝ на мѣ́стѣхъ свои́хъ ма́лѡ молча́ще. Параекклисїа́рхъ же ᲂу҆гото́вль кади́льницꙋ, и҆ и҆схо́дитъ, бл҃гослови́всѧ ᲂу҆ предстоѧ́телѧ: и҆ кле́плетъ въ кампа́ны, ᲂу҆дарѧ́етъ же тѧ́жкимъ ᲂу҆даре́нїемъ рѣ́дкѡ, є҆ли́кѡ рещѝ, ѱало́мъ н҃, ве́сь.

І҆ере́й, є҆го́же є҆́сть чреда̀, воста́въ твори́тъ ѻ҆бы́чный покло́нъ предстоѧ́телю. Вше́дъ во ст҃ы́й ѻ҆лта́рь, и҆ взе́млетъ кади́ло, глаго́лѧ мл҃твꙋ кади́ла, стоѧ̀ ѡ҆жида́етъ конца̀ клепа́нїѧ. И҆ ста́въ пред̾ ст҃о́ю трапе́зою, и҆ сїю̀ покади́въ, глаго́летъ: Бл҃гослове́нъ бг҃ъ на́шъ: [Ѿверза́ѧй пре́жде, и҆ тафто́ю завѣ́сꙋ сꙋ́щꙋю ᲂу҆стро́еннꙋю внꙋ́трь ца́рскихъ вра́тъ. И҆ кади́тъ ст҃ꙋ́ю трапе́зꙋ крⷭ҇тоѡбра́знѡ, и҆ ве́сь же́ртвенникъ: и҆ и҆схо́дитъ сѣ́верною страно́ю, и҆ кади́тъ ст҃ы̑ѧ і҆кѡ̑ны и҆ предстоѧ́телѧ, и҆ всѧ̑, ꙗ҆́кѡ ѻ҆бы́чай.

Чте́цъ же начина́етъ: А҆́ще є҆́сть а҆ллилꙋ́їа, глаго́летъ трист҃о́е без̾ покло́нѡвъ.

А҆́ще же нѝ, Прїиди́те, поклони́мсѧ: три́жды. [И҆лѝ бꙋ́детъ а҆ллилꙋ́їа, и҆лѝ Бг҃ъ гдⷭ҇ь, глаго́летъ ѱало́мъ ѳ҃і: Оу҆слы́шитъ тѧ̀ гдⷭ҇ь въ де́нь печа́ли: и҆ к҃: Гдⷭ҇и, си́лою твое́ю возвесели́тсѧ цр҃ь:

Та́же, Сла́ва, и҆ ны́нѣ: трист҃о́е без̾ покло́нѡвъ, и҆ Ѻ҆́ч҃е на́шъ:

[Д]о́лженствꙋетъ же внима́ти чте́цъ и҆ сщ҃е́нникъ, є҆гда̀ и҆́мать рещѝ: Ꙗ҆́кѡ твоѐ є҆́сть црⷭ҇тво: бы́ти є҆мꙋ̀ посредѝ хра́ма и҆ чте́цъ глаго́летъ тропа́рь: Сп҃сѝ гдⷭ҇и лю́ди твоѧ̑:

Сла́ва, конда́къ: Вознесы́йсѧ на крⷭ҇тъ:

И҆ ны́нѣ, бг҃оро́диченъ:

Предста́тельство стра́шное:

Сщ҃е́нникъ же вше́дъ во ѻ҆лта́рь ю҆́жною страно́ю, глаго́летъ є҆ктенїю̀ ма́лꙋю, съ кади́ломъ пред̾ ст҃о́ю трапе́зою: Поми́лꙋй на́съ бж҃е, по вели́цѣй млⷭ҇ти твое́й: и҆ прѡ́чаѧ.

Та́же возгла́съ: Ꙗ҆́кѡ млⷭ҇тивъ:

и҆ пѣвцы̀: А҆ми́нь. И҆́менемъ гдⷭ҇нимъ бл҃гословѝ ѻ҆́тче.

Та́же і҆ере́й начертава́ѧй съ кади́льницею крⷭ҇тъ, пред̾ ст҃о́ю трапе́зою, глаго́летъ возгла́снѡ: Сла́ва ст҃ѣ́й и҆ є҆диносꙋ́щнѣй, и҆ животворѧ́щей, и҆ нераздѣ́льнѣй трⷪ҇цѣ:

И҆ а҆́бїе начина́етъ предстоѧ́тель шестоѱа́лмїе: Сла́ва въ вы́шнихъ бг҃ꙋ, и҆ на землѝ ми́ръ: три́жды.

Та́же, Гдⷭ҇и, ᲂу҆стнѣ̀ моѝ ѿве́рзеши и҆ ᲂу҆ста̀ моѧ̑ возвѣстѧ́тъ хвалꙋ̀ твою̀, два́жды. И҆ по рѧ́дꙋ глаго́летъ шестоѱа́лмїе ти́химъ гла́сомъ и҆ ле́гкимъ, ко́снѡ, и҆ во ᲂу҆слы́шанїе всѣ́хъ. Сщ҃е́нникъ же ѿда́въ кади́ло и҆схо́дитъ и҆з̾ ѻ҆лтарѧ̀, и҆ стои́тъ на ѻ҆бы́чномъ свое́мъ мѣ́стѣ.

[Є]҆гда́ же глаго́летсѧ шестоѱа́лмїе, тогда̀ подоба́етъ со внима́нїемъ слꙋ́шанїю прилѣжа́ти: покаѧ́нїѧ бо ѱалмы̀ и҆спо́лнены сꙋ́ть, и҆ ᲂу҆миле́нїѧ. Глаго́лемъ же сїѧ̑ ѱалмы̀ со бл҃гоговѣ́нїемъ и҆ со стра́хомъ бж҃їимъ, ꙗ҆́кѡ самомꙋ̀ бг҃ꙋ неви́димо бесѣ́дꙋюще, и҆ молѧ́щесѧ ѡ҆ грѣсѣ́хъ на́шихъ.

По внегда́ же рещѝ предстоѧ́телю г҃ ѱалма̑:

Сла́ва, и҆ ны́нѣ: а҆ллилꙋ́їа, три́жды, и҆ Гдⷭ҇и поми́лꙋй, три́жды.

Сла́ва, и҆ ны́нѣ, без̾ покло́нѡвъ.

И҆ начне́тъ: Гдⷭ҇и бж҃е сп҃се́нїѧ моегѡ̀: Ѿхо́дитъ сщ҃е́нникъ пред̾ црⷭ҇кїѧ ст҃ы̑ѧ двє́ри, творѧ̀ покло́нъ, возложи́въ на сѧ̀ є҆пїтрахи́лїй, глаго́летъ мл҃твы ᲂу҆́трєннїѧ та́йнѡ, стоѧ̀ непокрове́нъ.

По сконча́нїи же шестоѱа́лмїа, Сла́ва, и҆ ны́нѣ, а҆ллилꙋ́їа, три́жды.

И҆ глаго́летъ є҆ктенїю̀ вели́кꙋю: Ми́ромъ гдⷭ҇ꙋ помо́лимсѧ:

Та́же канѡна́рхъ, глаго́лавый на вече́рни прокі́менъ, сотвори́въ ѻ҆бы́чный покло́нъ предстоѧ́телю, и҆ ста́въ прѧ́мѡ ст҃ы́хъ двере́й сказꙋ́етъ, А҆ллилꙋ́їа, во гла́съ ѻ҆ктѡ́иха, глаго́лѧ и҆ стїхѝ сїѧ̑:

Сті́хъ а҃: Ѿ но́щи ᲂу҆́треннюетъ дꙋ́хъ мо́й къ тебѣ̀ бж҃е, занѐ свѣ́тъ повелѣ̑нїѧ твоѧ̑ на землѝ.

Сті́хъ в҃: Пра́вдѣ наꙋчи́тесѧ живꙋ́щїи на землѝ.

Сті́хъ г҃: За́висть прїи́метъ лю́ди ненака̑занныѧ.

Сті́хъ д҃: Приложѝи҆̀мъ ѕла̀, гдⷭ҇и, приложѝ ѕла̀ сла̑внымъ землѝ. И҆ пое́мъ тро́ичны, въ настоѧ́щїй гла́съ ѻ҆ктѡ́иха.

А҆́ще ли Бг҃ъ гдⷭ҇ь: пое́мъ Бг҃ъ гдⷭ҇ь, во гла́сътропарѧ̀ ст҃а́гѡ, со стїхѝ є҆гѡ̀: И҆ глаго́лемъ тропа́рь ст҃а́гѡ, два́жды. И҆ бг҃оро́диченъ по гла́сꙋ тропарѧ̀. Сщ҃е́нникъ же положи́въ є҆пїтрахи́лїй на мѣ́стѣ є҆гѡ̀, ѿ страны̀ ст҃ы́хъ двере́й, ѿхо́дитъ и҆ стои́тъ на свое́мъ мѣ́стѣ.

И҆ посе́мъ ли́къ глаго́летъ: Гдⷭ҇и поми́лꙋй, три́жды.

Сла́ва, и҆ ны́нѣ:

И҆ начина́емъ стїхослови́ти каѳі̑смы.

По а҃-й каѳі́смѣ пое́мъ сѣда́ленъ воѻ҆ктѡ́ихѣ, и҆́же на рѧдꙋ̀: Сла́ва, и҆ ны́нѣ, бг҃оро́диченъ.

[П]о а҃-мъ же стїхосло́вїи каѳі́смы, и҆ по в҃-мъ, во всѧ̑ дни̑ є҆ктенїѝ не глаго́летъ сщ҃е́нникъ: но то́кмѡ во бдѣ̑нїѧ, и҆ ст҃ы́хъ пра́здники и҆мꙋ́щихъ полѷеле́й, и҆ славосло́вїе, тогда̀ глаго́летъ и҆ є҆ктенїю̀, на всѧ́кꙋю каѳі́смꙋ ѱалти́ра: во всѧ̑ же дни̑ по концѣ̀ каѳі́смы, А҆ллилꙋ́їа, ꙗ҆́кѡ ѻ҆бы́чай. Гдⷭ҇и поми́лꙋй, три́жды. и҆ Сла́ва, и҆ ны́нѣ, глаго́летъ са́мъ стїхословлѧ́ѧй.] и҆ посе́мъ чте́нїе.

По чте́нїи же глаго́лютъ кли́рїцы: Гдⷭ҇и поми́лꙋй, три́жды.

Та́же, Сла́ва: посе́мъ чте́цъ глаго́лѧй а҃-ю каѳі́смꙋ, глаго́летъ: И҆ ны́нѣ и҆ при́снѡ, и҆ во вѣ́ки вѣкѡ́въ, а҆ми́нь. И҆ глаго́летъ в҃-ю каѳі́смꙋ.

По сконча́нїи же а҃-гѡ чте́нїѧ, покланѧ́етсѧ чты́й пред̾ ст҃ы́ми две́рьми, три́жды: посе́мъ покланѧ́етсѧ предстоѧ́телю: а҆́ще же нѝ, на ѻ҆́ба ли̑ка.

По сконча́нїи же в҃-ѧ каѳі́смы, пое́мъ в҃-й сѣда́ленъ во ѻ҆ктѡ́ихѣ рѧдовы́й.

Та́же, чте́нїе. И҆ воста́вше глаго́лемъ, Гдⷭ҇и поми́лꙋй, три́жды.

Сла́ва, и҆ ны́нѣ: ѱало́мъ н҃:

Є҆мꙋ́же конча́нꙋ бы́вшꙋ, стїхосло́вимъ пѣ̑сни: Гдⷭ҇ви пое́мъ, и҆ держи́мъ стїхѡ́въ, в҃і, кромѣ̀

Сла́ва, и҆ ны́нѣ: И҆ пое́мъ канѡ́ны трѝ: Во ѻ҆ктѡ́ихѣ два̀: а҃-й со і҆рмосо́мъ на ѕ҃:

И҆ дрꙋгі́й без̾ і҆рмоса̀, на д҃: И҆ мине́и ст҃а́гѡ на д҃, да бꙋ́дꙋтъ всѝ на д҃і. Си́це пое́мъ и҆ г҃-ю пѣ́снь:

И҆ послѣдѝ і҆рмо́съ г҃-ѧ пѣ́сни мине́и.

По г҃-й пѣ́сни є҆ктенїа̀ ма́лаѧ. И҆ сѣда́ленъ мине́и:

Сла́ва, и҆ ны́нѣ, бг҃оро́диченъ.

А҆́ще ли среда̀, и҆лѝ пѧто́къ, крⷭ҇тобг҃оро́диченъ: и҆ чте́нїе.

По ѕ҃-й пѣ́сни і҆рмо́съ, и҆ є҆ктенїа̀, и҆ конда́къ ст҃а́гѡ: И҆ і҆́косъ, а҆́ще є҆́сть: а҆́ще ли нѝ, мч҃нченъ во гла́съ ѻ҆ктѡ́иха.

Та́же чте́тсѧ про́логъ.

И҆ пото́мъ пое́мъ и҆ про́чыѧ двѣ̀ пѣ̑сни:

І҆ере́й же въ коне́цъ и҃-ѧ пѣ́сни, вхо́дитъ во ст҃ы́й ѻ҆лта́рь, и҆ по внегда̀ кли́рїкѡмъ рещѝ: Хва́лимъ, бл҃гослови́мъ, покланѧ́емсѧ гдⷭ҇ви: Пою́ще і҆рмо́съ и҃-ѧ пѣ́сни, и҆ покланѧ́ютсѧ всѝ.

І҆ере́й же возложи́въ на сѧ̀ є҆пїтрахи́лїй, кади́тъ ст҃ꙋ́ю трапе́зꙋ возглаша́ѧ: Бцⷣꙋ, и҆ мт҃рь свѣ́та: И҆ кади́тъ ѻ҆лта́рь ве́сь, и҆ цр҃ковь, и҆ всю̀ бра́тїю по чи́нꙋ.

И҆ мы̀ стїхологисꙋ́емъ ѳ҃-ю пѣ́снь, пою́ще велегла́снѡ: Вели́читъ дꙋша̀ моѧ̀ гдⷭ҇а, и҆ возра́довасѧ дх҃ъ мо́й ѡ҆ бз҃ѣ сп҃сѣ мое́мъ.

Припѣва́емъ же къ семꙋ̀: Чⷭ҇тнѣ́йшꙋю херꙋві̑мъ: съ покло́ны. И҆ по сконча́нїи ѳ҃-ѧ пѣ́сни, пое́мъ і҆рмо́съ мине́и.

Та́же, Досто́йно є҆́сть ꙗ҆́кѡ вои́стиннꙋ: ѻ҆́ба ли̑ка вкꙋ́пѣ: И҆ твори́мъ покло́нъ вкꙋ́пѣ всѝ до землѝ. Посе́мъ є҆ктенїа̀ ма́лаѧ, внꙋ́трь ст҃а́гѡ ѻ҆лтарѧ̀.

Та́же, свѣти́ленъ днѐ: Сла́ва, ст҃а́гѡ, а҆́ще и҆́мать.

А҆́ще ли нѝ, Сла́ва, и҆ ны́нѣ, бг҃оро́диченъ, и҆лѝ крⷭ҇тобг҃оро́диченъ.

А҆́ще ли є҆́сть а҆ллилꙋ́їа, пое́мъ свѣти́льны тро́ичны гла́са, по ѻ҆бы́чаю.

Посе́мъ ᲂу҆чине́нный чте́цъ глаго́летъ ѱало́мъ: Хвали́те гдⷭ҇а: и҆ Воспо́йте гдⷭ҇ви: и҆ Хвали́те бг҃а во ст҃ы́хъ є҆гѡ̀.

[зрѝ] И҆ а҆́ще и҆́мать ст҃ы́й стїхи̑ры на хвали́техъ, тогда̀ глаго́лемъ сі́и г҃ ѱалмы̀, на ли́ки. По Сла́ва, и҆ ны́нѣ, глаго́летъ настоѧ́тель: Сла́ва тебѣ̀ показа́вшемꙋ на́мъ свѣ́тъ.]

А҆́ще же нѝ: По ѱалмѣ́хъ глаго́летъ настоѧ́тель: Тебѣ̀ сла́ва подоба́етъ гдⷭ҇и бж҃е на́шъ, и҆ тебѣ̀ сла́вꙋ возсыла́емъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь. Сла́ва тебѣ̀ показа́вшемꙋ на́мъ свѣ́тъ. Сла́ва въ вы́шнихъ бг҃ꙋ, и҆ на землѝ ми́ръ, въ человѣ́цѣхъ бл҃говоле́нїе: и҆ покло́ны г҃.

Посе́мъ, Гдⷭ҇и прибѣ́жище бы́лъ є҆сѝ на́мъ: и҆ Сподо́би гдⷭ҇и въ де́нь се́й:

Та́же сщ҃е́нникъ глаго́летъ є҆ктенїю̀: И҆спо́лнимъ ᲂу҆́треннюю Мл҃твꙋ:

Посе́мъ стїхи̑ры на стїхо́внѣ, во ѻ҆ктѡ́ихѣ настоѧ́щагѡ гла́са, совокꙋ́пльшымсѧ ѻ҆бои̑мъ ликѡ́мъ по ѻ҆бы́чаю и҆́хъ, пое́мъ со ѻ҆бы́чными припѣ́вы и҆́хъ:

а҃, И҆спо́лнихомсѧ заꙋ́тра млⷭ҇ти твоеѧ̀ гдⷭ҇и: до Бꙋ́ди свѣ́тлость.

Глаго́лемъ в҃, И҆ бꙋ́ди свѣ́тлость гдⷭ҇а бг҃а на́шегѡ на на́съ: глаго́лемъ до конца̀ ѱалма̀.

Сла́ва и҆ ны́нѣ, бг҃оро́диченъ, и҆лѝ крⷭ҇тобг҃оро́диченъ.

Та́же па́ки настоѧ́тель глаго́летъ: Бл҃го є҆́сть и҆сповѣ́датисѧ гдⷭ҇ви: И҆ трист҃о́е.

По Ѻ҆́ч҃е на́шъ: сщ҃е́нникъ возгла́съ: Ꙗ҆́кѡ твоѐ є҆́сть црⷭ҇тво:

[зрѝ] А҆́ще нѣ́сть а҆ллилꙋ́їа, глаго́лемъ тропа́рьст҃а́гѡ: Сла́ва, и҆ ны́нѣ, бг҃оро́диченъ, и҆лѝ крⷭ҇тобг҃оро́диченъ. Посе́мъ сщ҃е́нникъ, є҆ктенїю̀: Поми́лꙋй на́съ бж҃е: И҆ возгла́съ: Ꙗ҆́кѡ млⷭ҇тивъ: И҆ по возгла́сѣ, Ли́къ: А҆ми́нь. І҆ере́й: Премꙋ́дрость. Ли́къ: Бл҃гословѝ. І҆ере́й: Сы́й бл҃гослове́нъ: И҆ ли́къ: Оу҆твердѝ бж҃е: Та́же ча́съ а҃- й].

А҆́ще ли є҆́сть а҆ллилꙋ́їа, то̀ по внегда̀ рещѝ сщ҃е́нникꙋ возгла́съ: Ꙗ҆́кѡ твоѐ є҆́сть црⷭ҇тво:

И҆ по а҆ми́нѣ глаго́лемъ тропа́рь: Въ хра́мѣ стоѧ́ще сла́вы твоеѧ̀: Гдⷭ҇и поми́лꙋй, м҃.

Сла́ва, и҆ ны́нѣ, Чⷭ҇тнѣ́йшꙋю, и҆ И҆́менемъ гдⷭ҇нимъ бл҃гословѝ ѻ҆́тче.

Сщ҃е́нникъ: Сы́й бл҃гослове́нъ хрⷭ҇то́съ бг҃ъ на́шъ, всегда̀, ны́нѣ и҆ при́снѡ, и҆ во вѣ́ки вѣкѡ́въ.

И҆ мы̀, а҆ми́нь. Нбⷭ҇ный цр҃ю̀:

Та́же твори́мъ покло́ны г҃ вели̑кїѧ, съ мл҃твою ст҃а́гѡ є҆фре́ма: Гдⷭ҇и и҆ влⷣко живота̀ моегѡ̀: И҆ про́чыѧ в҃і, глаго́люще въ себѣ̀ кі́йждо: Бж҃е ѡ҆чи́сти мѧ̀ грѣ́шнаго.

По си́хъ мл҃твꙋ всю̀ вышепи́саннꙋю глаго́лемъ во є҆ди́но, и҆ покло́нъ є҆ди́нъ.

И҆ посе́мъ начина́етъ настоѧ́тель: Прїиди́те поклони́мсѧ три́жды. И҆ покло́ны г҃.

И҆ глаго́летъ чте́цъ г҃ ѱалмы̀ ѻ҆бы̑чныѧ, а҃-гѡ часа̀. Глаго́лы моѧ̑ внꙋшѝ гдⷭ҇и: и҆ про́чее.

По сконча́нїи же, Сла́ва, и҆ ны́нѣ, а҆ллилꙋ́їа, три́жды. И҆ покло́ны трѝ.

И҆ посе́мъ глаго́летъ сщ҃е́нникъ, и҆лѝ нарече́нный канѡна́рхъ прокі́менъ: Заꙋ́тра ᲂу҆слы́ши гла́съ мо́й:

И҆ мы̀ то́йже, по кли́росѡмъ без̾ пѣ́нїѧ, про́стѡ: Заꙋ́тра ᲂу҆слы́ши гла́съ мо́й:

Сщ҃е́нникъ же, и҆лѝ предрече́нный канѡна́рхъ глаго́летъ,

Сті́хъ а҃: Глаго́лы моѧ̑ внꙋшѝ гдⷭ҇и:

Ли́къ: Заꙋ́тра:

Сті́хъ в҃: Ꙗ҆́кѡ къ тебѣ̀ помолю́сѧ гдⷭ҇и:

Ли́къ па́ки, Заꙋ́тра: И҆ покло́ны г҃.

Вѣ́стно же бꙋ́ди сїѐ: Є҆гда̀ канѡна́рхъ глаго́летъ сті́хъ, въ то̀ вре́мѧ мы̀ кѡлѣ́на преклонѧ́емъ. Є҆гда́ же пѣвцы̀ глаго́лютъ, тогда̀ ѻ҆́нъ кѡлѣ́напреклонѧ́етъ.

Сщ҃е́нникъ, Сла́ва:

И҆ чте́цъ, И҆ ны́нѣ, бг҃оро́диченъ: Что́ тѧ нарече́мъ:

И҆ покло́ны трѝ.

Та́же, Стѡпы̀ моѧ̑ напра́ви: и҆ Трист҃о́е: и҆ покло́ны г҃.

По Ѻ҆́ч҃е на́шъ, Сщ҃е́нникъ: Ꙗ҆́кѡ твоѐ є҆́сть црⷭ҇тво: И҆ по а҆ми́нѣ, тропа́рь.

Въ понедѣ́льникъ ᲂу҆́бѡ и҆ во вто́рникъ, и҆ четверто́къ, глаго́лемъ настоѧ́щїй бг҃оро́диченъ: Пресла́внꙋю бж҃їю мт҃рь:

Въ сре́дꙋ же, и҆ пѧто́къ, глаго́ли, Ско́рѡ предварѝ:

Въ сꙋббѡ́тꙋ: Ꙗ҆́кѡ нача́тки є҆стества̀: Гдⷭ҇и поми́лꙋй, м҃. и҆ моли́тва: И҆́же на всѧ́кое вре́мѧ:

Та́же, Гдⷭ҇и поми́лꙋй, три́жды.

Сла́ва, и҆ ны́нѣ, Чⷭ҇тнѣ́йшꙋю херꙋві̑мъ: и҆ И҆́менемъ гдⷭ҇нимъ бл҃гословѝ ѻ҆́тче.

Сщ҃е́нникъ, Бж҃е, ᲂу҆ще́дри ны̀:

И҆ твори́мъ покло́ны трѝ вели̑кїѧ, съ мл҃твою ст҃а́гѡ є҆фре́ма: Гдⷭ҇и и҆ влⷣко живота̀ моегѡ̀: и҆ про́чихъ, в҃і.

Та́же глаго́лемъ мл҃твꙋ вышепи́саннꙋю ст҃а́гѡ є҆фре́ма во є҆ди́но: и҆ покло́нъ є҆ди́нъ до землѝ.

[зрѝ] Си́це же пое́мъ г҃, ѕ҃ и҆ ѳ҃ ча́съ] И҆ посе́мъ начина́етъ предстоѧ́тель, и҆лѝ є҆кклисїа́рхъ послѣ́днее трист҃о́е, И҆ покло́ны трѝ.

По Ѻ҆́ч҃е на́шъ, сщ҃е́нникъ возгла́съ:

И҆ мы̀, А҆ми́нь. Гдⷭ҇и поми́лꙋй, в҃і.

Та́же мл҃тва: хрⷭ҇тѐ свѣ́те и҆́стинный: И҆ ѿпꙋ́стъ. И҆ быва́етъѻ҆бы́чное и҆схожде́нїе въ притво́ръ.

[зрѝ] И҆ пое́мъ лїті́ю ѡ҆ ᲂу҆со́пшихъ. Взе́мъ сщ҃е́нникъ кади́льницꙋ, и҆схо́дитъ въ притво́ръ, предходѧ́щема є҆мꙋ̀ лампа́дома:

Мы́ же послѣ́дꙋемъ, пою́ще стїхи́рꙋ самогла́снꙋ ст҃а́гѡ, є҆гѡ́же є҆́сть хра́мъ, и҆схо́димъ въ притво́ръ цр҃ко́вный.

И҆ сщ҃е́нникъ рече́тъ: Бл҃гослове́нъ бг҃ъ на́шъ:

Мы́ же, А҆ми́нь. Трист҃о́е. По Ѻ҆́ч҃е на́шъ:

Возгла́съ: Ꙗ҆́кѡ твоѐ є҆́сть црⷭ҇тво:

И҆ тропарѝ сїѧ̑: Со дх҃и пра́ведныхъ: Въ поко́ищи твое́мъ гдⷭ҇и: Сла́ва: Ты̀ є҆сѝбг҃ъ: И҆ ны́нѣ: Є҆ди́на чⷭ҇таѧ:

Посе́мъ сщ҃е́нникъ глаго́летъ є҆ктенїю̀: Поми́лꙋй на́съ бж҃е: Є҆щѐ мо́лимсѧ ѡ҆ ᲂу҆покое́нїи дꙋ́шъ ᲂу҆со́пшихъ рабѡ́въ бж҃їихъ: Ꙗ҆́кѡ да гдⷭ҇ь бг҃ъ: Млⷭ҇ти бж҃їѧ, црⷭ҇тва нбⷭ҇нагѡ: Гдⷭ҇ꙋ помо́лимсѧ. И҆ мл҃тва: Бж҃е дꙋхѡ́въ:

Возгла́съ: Ꙗ҆́кѡ ты̀ є҆сѝ воскрⷭ҇нїе:

По возгла́сѣ сщ҃е́нникъ: Сла́ва тебѣ̀ хрⷭ҇тѐ бж҃е:

И҆ ѿпꙋ́стъ: Воскр҃сы́й и҆зъ ме́ртвыхъ:

По ѿпꙋ́стѣ всѧ̑ бра́тїѧ рекꙋ́тъ гла́сомъ: Вѣ́чнаѧ ва́ша па́мѧть достоблаже́ннїи ѻ҆тцы̀, и҆ бра́тїѧ на́шѧ при́снѡ помина́емїи: три́жды.

Та́же рекꙋ́тъ пома́лꙋ и҆ поле́гкꙋ всѝ: Бг҃ъ да ᲂу҆блажи́тъ и҆ ᲂу҆поко́итъ и҆̀хъ, и҆ на́съ поми́лꙋетъ, ꙗ҆́кѡ бл҃гъ и҆ чл҃вѣколю́бецъ. И҆ коне́чный ѿпꙋ́стъ.

Се́й ᲂу҆ста́въ пе́рвагѡ часа̀ быва́етъ, є҆гда̀ є҆́сть а҆ллилꙋ́їа.

А҆́ще ли є҆́сть Бг҃ъ гдⷭ҇ь: По сконча́нїи тре́хъ ѱалмѡ́въ, глаго́лемъ на Сла́вѣ тропа́рь ст҃а́гѡ: И҆ ны́нѣ, бг҃оро́диченъ, часѡ́въ: Что́ тѧ нарече́мъ: И҆ потрист҃о́мъ конда́къ ст҃а́гѡ. И҆ про́чее всѧ̀ слꙋ́жба, ꙗ҆́коже пред̾ꙋказа́хомъ. Покло́нѡвъ же не твори́мъ, нижѐ коне́чное трист҃о́е: но всѐ про́стѡ пое́мъ. Та́кожде пое́мъ г҃-й, ѕ҃-й и҆ ѳ҃-й ча́съ.