[глⷡ҇а л҃] Ѡ҆ є҆́же не твори́ти бесѣ́дъ въ цр҃кви

Потре́бно є҆́сть а҃ вѣ́дати и҆ сїѐ бра́тїѧмъ, є҆́же не твори́ти бесѣ́дъ, стоѧ́щымъ въ ли́цѣхъ цр҃ко́вныхъ: всѧ́ко бо и҆ сїѐ возбране́но є҆́сть ѿ ст҃ы́хъ ѻ҆тє́цъ: но нижѐ и҆сходи́ти комꙋ̀, и҆лѝ входи́ти, до́ндеже поста́влено бꙋ́детъ чте́нїе. Не то́чїю же, но нижѐ входи́ти комꙋ̀ на мѣ́сто своѐ, є҆гда̀ пое́тъ ли́къ, въ не́мже стои́тъ: Но є҆гда̀ начне́тъ дрꙋгі́й ли́къ пѣ́ти, тогда̀ вхо́дитъ на мѣ́сто своѐ, творѧ̀ покло́нъ бра́тїи.