[глⷡ҇а к҃и] Ѡ҆ безчи́нныхъ во́плехъ

Безчи́нный во́пль пою́щихъ въ цр҃кви, не прїѧ́ти тогѡ̀ къ цр҃ко́вномꙋ пѣ́нїю. Та́коже и҆ прилага́ѧй къ цр҃ко́вномꙋ пѣ́нїю, не прїѧ́тенъ є҆́сть: да и҆зве́ргꙋтсѧ са́на своегѡ̀, и҆ па́ки въ цр҃кви да не пою́тъ. Подоба́етъ бо пѣ́ти бл҃гочи́ннѡ, и҆ согла́снѡ возсыла́ти влⷣцѣ всѣ́хъ и҆ гдⷭ҇ꙋ сла́вꙋ, ꙗ҆́кѡ є҆ди́ными ᲂу҆сты̀ ѿ серде́цъ свои́хъ: преслꙋ́шающїи же сїѧ̑ вѣ́чнѣй мꙋ́цѣ пови́нни сꙋ́ть, ꙗ҆́кѡ не повинꙋ́ютсѧ ст҃ы́хъ ѻ҆тє́цъ преда́нїю и҆ пра́вилѡмъ.