[глⷡ҇а и҃і] Ѡ҆ є҆́же когда̀ стїхосло́вѧтсѧ пѣ̑сни: Пое́мъ гдⷭ҇ви: и҆ Гдⷭ҇ви пое́мъ:

Пое́мъ гдⷭ҇ви: стїхосло́вимъ во всѧ̑ недѣ̑ли, и҆ во влⷣчни и҆ бг҃оро́дичны пра́здники, и҆ въ предпра̑зднства и҆ попра̑зднства и҆́хъ, и҆ въ пра́здникъ ст҃а́гѡ и҆мꙋ́щагѡ полѷеле́й, и҆лѝ славосло́вїе вели́кое, и҆ во всю̀ пѧтьдесѧ́тницꙋ. Гдⷭ҇ви же пое́мъ, стїхосло́вимъ а҆́ще нѣ́сть недѣ́лѧ, нижѐ влⷣчнїй, ни бг҃оро́дичный пра́здникъ, ни предпра́зднство и҆лѝ попра́зднство и҆́хъ, и҆лѝ пра́зднꙋемагѡ ст҃а́гѡ и҆мꙋ́щагѡ славосло́вїе вели́кое.