XXVI. После Евангелия
Слава Тебе, Господи, слава Тебе.†. Воскресение Христово видевше, поклонимся Святому Господу Иисусу, Единому Безгрешному. Кресту Твоему покланяемся, Христе, и Святое Воскресение Твое поем и славим: Ты бо еси Бог наш. Разве Тебе иного не знаем, Имя Твое именуем. Приидите вси вернии, поклонимся Святому Христову Воскресению, се бо прииде крестом радость всему Миру. Всегда благословяще Господа, поем воскресение Его, распятие бо претерпев, смертию смерть разруши. †.
Слава. – Молитвами Апостолов, Милостиве, очисти множество согрешений наших .†.
И нынe. – Молитвами Богородицы, Милостиве, очисти множество согрешений наших. †.
Помилуй мя, Боже, по велицей милости Твоей, и по множеству щедрот Твоих очисти беззаконие мое. †.
Воскрес Иисус от гроба, якоже прорече, даде нам живот вечный и велию милость, †.
Молитва: Спаси, Боже, люди Твоя и благослови достояние Твое, посети Мир Твой милостию и щедротами, возвыси род христиан православных и низпосли на ны милости Твоея богатыя: молитвами Всепречистыя Владычи нашея Богородицы и Приснодевы Марии, силою Честнаго и Животворящаго Креста, предстательствы честных небесных сил безплотных, честнаго Славнаго Пророка, Предтечи и Крестителя Иоанна, святых славных и всехвальных Апостол, иже во святых отец наших и вселенских великих учителей и святителей, Василия Великаго, Григория Богослова и Иоанна Златоустаго, иже во святых отца нашего Николая, Архиепископа Мирликийскаго, чудотворца, иже во святых отец наших Мефодия и Kириллa, учителей Словенских, Святаго Равноапостольнаго Великаго Князя Владимира преподобных и богоносных отец наших иже во святых отец наших, всея России чудотворцев: Петра, Алексия, Ионы, Филиппа, и Ермогена святых славных и добропобедных мучеников, преподобнаго и богоноснаго отца нашего Сергия Радонежскаго, святых праведных Богоотец Иоакима и Анны (и святаго, его же есть храм, и его же есть день)2, и всех святых, молим Тя, Многомилостиве Господи, услыши нас грешных, молящихся Teбе, и помилуй нас. Господи, помилуй (12).
Возглас: Милостию и щедротами и человеколюбием Единороднаго Сына Твоего, с Нимже благословен еси, со Пресвятым и Благим и Животворящим Твоим Духом, нынe и присно и во веки веков. Аминь, †.
* * *
В разных областях поминаются разные святые, наиболее там чтимые, напр. в Kиеве – преподобный Антоний и Феодосий Печерские, в Тамбов – Серафим и Питирим и под.