5-й день

Святы́я и сла́вныя му́ченицы Ири́ны

Святая великомученица Ирина

Преподо́бнаго Иа́кова Железнобо́ровскаго

Преподобный Иаков Железноборовский

Стихи́ры, глас 1.

Подо́бен: Всехва́льнии му́ченицы:

Багряни́цею от кро́ве твоея́ све́тло, всечестна́я, оде́явшися,/ востекла́ еси́, к Нему́же вожделе́ла еси́,/ Царю́, и Зижди́телю всех, и Го́споду,/ от Него́же побе́дный вене́ц вои́стинну прия́ла еси́,/ с Ни́мже ны́не ца́рствуеши,/ я́ко де́ва и му́ченица многострада́льная.

Огня́ паля́щаго стремле́ние стерпе́ла еси́, прехва́льная,/ и строга́ния вся теле́сная,/ взира́ющи к воздая́нием та́мошним, всечестна́я,/ я́же еди́ный Иису́с предугото́ва лю́бящим/ и те́пле Того́ жела́ющим,/ я́ко Жениха́ душ красне́йшаго.

Ослади́вшися любо́вию Христо́вою,/ бо́ги возненави́дела еси́ язы́ческия/ и безду́шныя истука́нныя,/ Ири́но сла́вная:/ Богоразу́мия столп явле́ннейший/ себе́ зря́щим возста́вила еси́,/ я́ко пострада́вши, и тече́ние сконча́вши,/ и ве́ру непоро́чну соблю́дши.

Сла́ва, и ны́не, пра́здника.

Тропа́рь, глас 4:

А́гница Твоя́, Иису́се, Ири́на,/ зове́т ве́лиим гла́сом:/ Тебе́, Женише́ мой, люблю́,/ и, Тебе́ и́щущи, страда́льчествую,/ и сраспина́юся, и спогреба́юся Креще́нию Твоему́,/ и стражду́ Тебе́ ра́ди,/ я́ко да ца́рствую в Тебе́, и умира́ю за Тя,/ да и живу́ с Тобо́ю,/ но я́ко же́ртву непоро́чную приими́ мя, с любо́вию поже́ршуюся Тебе́./ Тоя́ моли́твами,/ я́ко Ми́лостив, спаси́ ду́ши на́ша.

Кано́н, его́же краегране́сие: Твои́ми мя моли́твами, му́ченице Ири́но, покры́й. Глас 4.

Песнь 1

Ирмо́с: Воспою́ Тебе́, Го́споди Бо́же мой,/ я́ко изве́л еси́ лю́ди из рабо́ты еги́петския,/ покры́л же еси́ колесни́цы фарао́новы и си́лу.

Вене́ц сый страстоно́сицы, сея́, Христе́, моли́твами мир ми́ру/ и сла́ву неувяда́ему пою́щим Тя да́руй.

Заре́ю сия́ющи де́вства, укра́шена добро́тою твоего́ муче́ния,/ Ири́но великоимени́тая, твоему́ Жениху́ предстои́ши.

Ми́лостиву бы́ти Це́рквам твоего́ моли́ Жениха́, Ири́но Богому́драя,/ согреше́ний же оставле́ние пода́ти чту́щим тя.

Богоро́дичен: Плоть бы́вша Бо́га Сло́ва и су́щаго, я́ко мы, Свята́я Де́во,/ неизрече́нно родила́ еси́, па́че сло́ва и ра́зума.

Песнь 3

Ирмо́с: Лук си́льных изнемо́же,/ и немощству́ющии препоя́сашася си́лою,/ сего́ ра́ди утверди́ся в Го́споде се́рдце мое́.

Ми́ра излия́вшагося чу́вствующи и вселе́нную облагоуха́вшаго благода́тию прии́мши,/ воспери́ся к жела́нию сего́, сла́вная.

Име́ла еси́ Бо́га помо́щника во твои́х по́двизех и защища́юща, всему́драя,/ сего́ ра́ди венча́вшися, мучи́теля победи́ла еси́.

Столп доброде́телей непрекло́нен, и благоче́стия жили́ще бысть,/ и му́жества, и целому́дрия прия́телище, всехва́льная.

Богоро́дичен: Те́кши до Тебе́, смерть ста,/ прирази́вшися из Тебе́ рожде́нному, Всенепоро́чная,/ сего́ ра́ди бессме́ртия нача́ток Тя имену́ем.

Конда́к, глас 4.

Подо́бен: Яви́лся еси́:

Де́вства добро́тами преиспещре́нна, де́во,/ страда́льчеством была́ еси́ красне́йшая, Ири́но,/ кровьми́ твои́ми исте́кшими обагре́на,/ пре́лесть же низложи́вшая безбо́жия./ Сего́ ра́ди и прия́ла еси́ по́чести побе́ды руко́ю Созда́теля твоего́.

Седа́лен, глас 8.

Подо́бен: Воскре́сл еси́:

Мир тебе́ мног прибы́сть, му́ченице,/ разре́шшися пло́ти по боле́знех мно́гих:/ ра́дуяся бо, Жени́х на Небесе́х тя горе́ прия́т, всепросвеще́ну, и страда́нием облиста́ющу,/ и в черто́г Боже́ственный введе́ ра́дующуся.

Сла́ва, и ны́не, пра́здника.

Песнь 4

Ирмо́с: Твоего́ на земли́ явле́ния, Христе́ Бо́же,/ пропове́дуя проро́к прише́ствие,/ с весе́лием вопия́ще:/ сла́ва си́ле Твое́й, Го́споди.

И́же мир тебе́ подава́яй, мироимени́тая, ми́ра ра́ди посо́бствующу тя ви́дя,/ мужеподо́бным ра́зумом, му́ченице, и кре́постию испо́лни.

Кре́пким усе́рдием превозше́дши же́нскую не́мощь, преблаже́нная,/ тве́рдо изобличи́ла еси́, му́ченице, ле́сти служа́щия.

Боже́ственное терпе́ние показа́вши, мучи́телей де́рзости низложи́ла еси́,/ твоему́ Жениху́ зову́щи:/ сла́ва си́ле Твоей, Го́споди.

Песносло́вием немо́лчным и мольба́ми Влады́ку, Богому́драя, песносло́вила еси́,/ и, к Нему́ восте́кши, сла́ву зри́ши неизрече́нную.

Богоро́дичен: Ра́достно Тебе́, веселя́щеся, гла́сы, Пречи́стая, Тебе́ ра́ди спа́сшиися, взыва́ем:/ ра́дуйся, Де́во Всечестна́я, ра́дуйся, Богоро́дице Всепе́тая.

Песнь 5

Ирмо́с: Просвеще́ние Твое́, Го́споди, ниспосли́ нам,/ и от мглы прегреше́ний разреши́ ны, Бла́же,/ Твой мир да́руяй.

Му́жеским, сла́вная, ра́зумом Христа́, Бо́га всех я́сно испове́дала еси́,/ сло́вом же тве́рдым сопротивоборца́, страстоте́рпице, посрами́ла еси́.

После́довати возжеле́ла еси́ стра́сти Христо́ве/ и подо́бием те́пле после́довала еси́,/ подви́жно стра́ждущи по Влады́це, пребога́тая.

Полки́ му́ченик, сла́вная, привела́ еси́ Христу́ твое́ю му́дростию и Богосло́вием,/ сия́ и́стинно тайноуча́щи сло́вом ве́ры.

Богоро́дичен: Научи́вшеся та́йны зача́тия Твоего́/ и неизрече́ннаго и Боже́ственнаго Твоего́ рождества, Де́во,/ ны́не всеблагоче́стно песносло́вим Тя, Богоро́дице Всепе́тая.

Песнь 6

Ирмо́с: Возопи́, прообразу́я погребе́ние тридне́вное,/ проро́к Ио́на, в ки́те моля́ся:/ от тли изба́ви мя, Иису́се, Царю́ сил.

Испра́вила еси́ прама́тере Е́вы паде́ние, страстоте́рпице,/ врага́ низложи́вши си́лу/ и победи́вши о́наго шата́ние Боже́ственною благода́тию.

Кре́пость стяжа́вши, Ири́но, ра́зума,/ мучи́телем супроти́вилася еси́ души до́блестию/ и венце́м побе́дным от Христа́ Бо́га венча́лася еси́.

Кро́вию страда́ния, му́ченице,/ светле́йшу соде́лала еси́ есте́ственную добро́ту, чи́стая,/ до́блественныя по́двиги подъе́мши тве́рдо, до́брая де́во.

Богоро́дичен: Прояви́ та́йну Твоего́ рождества́ Богови́дец,/ горя́щу купину́ ви́дев, и неопаля́ему, Богоро́дице Чи́стая Присноде́во.

Конда́к и и́кос пра́здника.

Песнь 7

Ирмо́с: Авраа́мстии иногда́ в Вавило́не о́троцы/ пе́щный пла́мень попра́ша, пе́сньми взыва́юще:/ оте́ц на́ших Бо́же, благослове́н еси́.

Венцено́сно, му́ченице, предстоя́щи престо́лу твоего́ Влады́ки,/ соблюди́ ве́рою зову́щия:/ оте́ц на́ших Бо́же, благослове́н еси́.

В Небе́сных селе́ниих ликова́ти, му́ченице, сподо́билася еси́,/ досточу́дная Ири́но, зову́щи:/ оте́ц на́ших Бо́же, благослове́н еси́.

Жела́ющи улучи́ти Рачи́теля твоего́ добро́ты,/ муче́ния боле́зни претерпе́ла еси́, Ири́но, зову́щи:/ оте́ц на́ших Бо́же, благослове́н еси́.

Богоро́дичен: Глаго́лом усте́н Твои́х после́дующе,/ ве́рою Тя, Богома́ти, ублажа́ем, вопию́ще Рождеству́ Твоему́:/ оте́ц на́ших Бо́же, благослове́н еси́.

Песнь 8

Ирмо́с: О́троки благочести́выя в пещи́/ Рождество́ Богоро́дичо спасло́ есть,/ тогда́ у́бо образу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,/ и превозноси́те Его́ во вся ве́ки.

Пострада́ла еси́, Ири́но блаже́нная, до́бле и мучи́теля низложи́ла еси́,/ иму́щи посо́бие непобеди́мое, Влады́ки твоего́ си́лу, соде́йствующую тебе́,/ и, Го́спода по́йте, – вопия́ла еси́, – и превозноси́те Его́ во ве́ки.

Ю́ношескою любо́вию уя́звена, во след твоего́ Жениха́ после́довала еси́,/ Сего́ страда́ния, му́ченице, и ра́ны на те́ле твое́м нося́щи и вопию́щи:/ Го́спода по́йте, дела́, и превозноси́те Его́ во ве́ки.

Твое́, е́же в му́ках, терпе́ние, Ири́но венцено́сице,/ посмея́ся су́етию и безбо́жию наде́ющимся, сла́вная, ве́рою же поя́ше:/ Го́спода воспева́йте дела́, и превозноси́те Его́ во ве́ки.

Богоро́дичен: Му́дрость Бо́жия, всех Хитре́ц, во Твое́ чре́во, Богома́ти, все́льшися,/ храм созда́, разу́мен же и одушевле́н, Себе́ и спасе́ мир, зову́щий:/ Го́спода воспева́йте дела́, и превозноси́те Его́ во ве́ки.

Песнь 9

Ирмо́с: Е́ва у́бо неду́гом преслуша́ния кля́тву всели́ла есть;/ Ты же, Де́во Богоро́дице,/ прозябе́нием чревоноше́ния/ ми́рови благослове́ние процвела́ еси́./ Тем Тя вси вели́чаем.

О́крест твоего́ Рачи́теля лику́ющи в вы́шних, до́брая де́во,/ испроси́ ми́ру мир, Ири́но, и согреше́ний оставле́ние/ ве́рою творя́щим па́мять твою́ светоно́сную и свяще́нную.

Внутрь тя черто́га Христо́с я́ко му́ченицу и де́ву всели́,/ иде́же с де́вами ра́дуешися и с му́ченическими во́инствы,/ Ири́но венцено́сице всехва́льная,/ те́мже тя вси ублажа́ем.

Две́ри отве́рз Небе́сныя, прия́т ду́шу твою́ всенепоро́чную/ Еди́н, все́ми ца́рствуяй, и пра́вды Строи́тель,/ Ири́но, Боже́ственнаго ми́ра тезоимени́тая,/ Те́мже тя вси ублажа́ем.

Богоро́дичен: Иму́щи к Твоему́ Сы́ну, Пренепоро́чная, дерзнове́ние непосты́дно,/ Сего́ умоли́ низпосла́ти ми́ру ми́рно устрое́ние и всем Це́рквам единомышле́ние,/ да Тя вси велича́ем.

Святая великомученица Ирина пострадала за Христа в конце I или в начале II века. Она была дочерью правителя фракийскаго города Мигдонии язычника Ликиния и его супруги, также носившей имя Ликиния. До святаго Крещения она носила имя Пенелопа. С раннего детства Пенелопа отличалась исключительной красотой. Когда ей исполнилось шесть лет, отец построил для нее за городом роскошный дворец, в котором Пенелопа жила вместе с тринадцатью отроковицами и воспитательницей Карией. По распоряжению Ликиния к Пенелопе ежедневно приходил старец Апелиан, который обучал ее различным наукам. Апелиан был тайным христианином и, кроме наук, научил Пенелопу христианским добродетелям. Когда Пенелопе исполнилось 12 лет, родители решили выдать ее замуж. Тогда же Пенелопе было такое знамение: три птицы одна за одной прилетели в ее комнату, и каждая оставила на столе свою ношу – голубь оставил масличную ветвь, орел – венок из разных цветов, ворон – небольшую змею. Недоумение Пенелопы разрешил ее прозорливый учитель Апелиан, который разъяснил значение этого знамения: голубь означал ее добродетели, ради которых она получит благодать Божию в святом Крещении, – масличную ветвь; орел знаменует высоту духа и победу над невидимыми врагами, за что Господь увенчает ее венком славы в Своем Царстве; ворон же со змеей предвещал ей скорби и гонения за Христа, Который хочет обручить ее Себе.

Когда отец предложил Пенелопе выбрать себе жениха, она просила семь дней на размышление. За это время она приняла святое Крещение с именем Ирина от апостола Тимофея, ученика святого апостола Павла. Затем святая Ирина открыто исповедала себя христианкой. Разгневанный Ликиний приказал бросить ее под копыта диких лошадей, однако они не причинили ей вреда. Напротив, один конь затоптал Ликиния, но по молитве святой Ирины он был воскрешен. Благодаря столь явному чуду Ликиний и все его вельможи уверовали во Христа и приняли святое Крещение. Ликиний оставил управление городом и вместе с супругой удалился во дворец своей дочери, чтобы в уединении служить Истинному Богу.

Святая Ирина осталась в Мигдонии и поселилась в доме Апелиана, где проводила дни в молитве, чтении Священного Писания и строгом посте. Только вечером святая Ирина вкушала немного хлеба и выпивала чашку воды. Спала подвижница очень мало, причем не на ложе, а на сырой земле. За три года пребывания в Мигдонии святая Ирина претерпела немало мучений от сменявших друг друга правителей, каждый из которых стремился изощренными пытками заставить ее поклониться языческим идолам. Седекия бросал ее на 10 дней в ров с ядовитыми змеями, приказал перепилить ее тело железной пилой, привязывал к мельничному колесу. Но Господь сохранял Свою избранницу: Ангел Божий питал ее во рву, а змеи не кусали; железные пилы притуплялись, вода не текла под мельничное колесо. Видя такие чудеса, тысячи людей отрекались от языческих кумиров и принимали святое Крещение. Возмущенные жестокостью Седекии жители города побили его камнями. Сын его – Савах собрал огромное войско и осадил Мигдонию, желая отомстить горожанам за смерть отца. Но по молитве святой Ирины Савах и все его воины ослепли. Раскаявшись, Савах обещал простить горожан и просил святую Ирину исцелить его. Однако, исцелившись, Савах нарушил свое слово и подверг святую Ирину мучениям: мученице вбили в ноги гвозди и с тяжелым мешком песка на плечах повели за город. Ангелы сопровождали святую и укрепляли ее, мучитель же был поражен внезапной смертью.

Во время пребывания в Мигдонии святая Ирина неустанно проповедовала Имя Христово и творила многие чудеса. Она исцеляла больных, очищала прокаженных и прогоняла бесов. Однажды святая мученица воскресила умершего юношу, горько оплакиваемого родителями.

После Мигдонии святая Ирина проповедовала христианскую веру в других городах Фракии – Каллиполе, Константине, Месемврии. И в этих городах правители жестоко мучили святую: жгли ее на раскаленной решетке, бросали в чрево раскаленных медных волов. В городе Месемврии князь Саворий отрубил святой мученице голову и предал погребению вне города. Но Господь воскресил святую мученицу. Ей явился Ангел и повелел идти в Месемврию. Увидев ее живой, Саворий и все жители города уверовали во Христа.

Скончалась святая мученица Ирина мирно в городе Ефесе, куда была перенесена на облаке из своего родного города Мигдонии. В Ефесе святая Ирина также творила многие чудеса и этим обращала язычников в христианство. Провидев свою кончину, она вместе со старцем Апелианом, бывшем в то время в Ефесе, и шестью благочестивыми мужами пошла за город, нашла на горе пещеру и, войдя в нее, велела спутникам закрыть ход в пещеру тяжелым камнем. Здесь 5 мая святая мученица преставилась ко Господу. На четвертый день христиане пришли к пещере и отвалили камень, но тела святой Ирины там не было. (По другим источникам великомученица Ирина проповедовала Евангелие Христово в славянских землях и была сожжена в Солуни.)

Литература:

1. Протопопов Д. И. Жития святых, чтимых Православной Российской Церковью, а также чтимых Греческой Церковью. Месяц Май. М., 1885.

2. Настольная книга священнослужителя. Т. 3. М., изд. Московской Патриархии, 1979.

(Службу зри 11 апреля)

Тропа́рь, глас 4:

Небе́снаго жела́я,/ земна́я возненави́дел еси́/ и, взем крест свой, после́довал еси́ Христу́/ и от Него́ прие́м дарова́ния чуде́с,/ исцеля́ти неду́жныя;/ но я́ко име́я дерзнове́ние ко Святе́й Тро́ице,/ испроси́ правосла́вным христиа́ном здра́вие и спасе́ние,/ на враги́ же побе́ду/ и не забу́ди, посеща́я чад свои́х,/ припа́дающих к цельбоно́сному гро́бу твоему́,/ Иа́кове, преподо́бне о́тче наш.

Конда́к, глас 8.

Подо́бен: Взбра́нной:

Серде́чная о́чи, досточу́дне, ко Го́споду впери́в/ и теле́сныя стра́сти из ко́рене исторга́я,/ неболе́зненную жизнь в боле́знех восприя́л еси́, преподо́бне,/ боле́знем же лю́тым дае́ши исцеле́ние прося́щим с ве́рою у тебе́,/ те́мже мо́лим тя, досточу́дне,/ исцели́ на́ша боле́зни душе́вныя и теле́сныя, да зове́м ти:/ ра́дуйся, Иа́кове Богому́дре, о́тче наш.

Преподобный Иаков Железноборовский родился во второй половине XIV века в известной семье Амосовых (Аносовых), жившей в Костромских пределах. С раннего детства, подобно Преподобному Сергию Радонежскому, он отличался постничеством и после погребения родителей раздал имение бедным и ушел в Троицкую обитель. Пройдя великую школу послушания у Преподобного Сергия Радонежского, он был им пострижен в монашество и получил от него благословение на отшельническую жизнь в пустынных костромских лесах. В 1392 году преподобный Иаков нашел уединенное место на берегу речки Тебзы, недалеко от селения Железный Борок, в Галичской земле. С разрешения жителей селения он остался на этом месте, водрузив деревянный крест, и построил небольшую келлию.

Постепенно к нему стали приходить искавшие пустынного подвига и желавшие разделить с ним труды по устроению монашеской обители. Преподобный Иаков построил на избранном месте храм в честь Рождества Иоанна Предтечи.

В период царствования великого князя Василия Димитриевича (1389–1425), сына благоверного князя Димитрия Донского, преподобный Иаков однажды посетил Москву, где узнал о том, что супруга Василия Димитриевича великая княгиня София Витовтовна (в монашестве Синклитикия; † 1453) находилась при смерти перед родами. Великий князь Московский, знавший о молитвенных подвигах святого подвижника, просил его помолиться о здравии любимой супруги. Преподобный Иаков отпустил посланцев государя со словами: «Пусть молится Богу и Пречистой Матери Его, а о княгине пусть не скорбит; будет она здорова и в нынешний же вечер родит ему наследника». И действительно, великая княгиня благополучно родила сына Василия, и благодарный супруг ее поспешил щедро вознаградить преподобного Иакова, предоставив ему дополнительные земельные угодья для расширения монастыря и денежные средства для обители.

Железноборовский монастырь особенно пострадал от татарского набега в 1429 году, однако усилиями его преподобного основателя и братии обитель была восстановлена, а также сооружен новый трапезный храм во имя святителя Николая.

По настоятельной просьбе монастырской братии преподобный Иаков, будучи уже в преклонном возрасте, отправился в Москву для рукоположения в священнический сан и назначения на должность игумена своей родной обители. Однако вскоре после возвращения он блаженно почил в глубокой старости 11 апреля 1442 года. Святые мощи преподобного, которого Господь прославил чудотворениями как при жизни, так и после смерти, были положены под спудом в основанной им обители.

На гробницу преподобного Иакова положили каменный крест и вериги – свидетельство его монашеских подвигов. Житие преподобного Иакова написано настоятелем того же монастыря архимандритом Иосифом в конце XVI столетия. Вторично память его празднуется 11 апреля.

Литература:

Троицкий патерик. Сергиев Посад, 1912.