25-й день

Успе́ние святы́я Анны, ма́тере Святы́я Богоро́дицы, и па́мять святы́х жен Олимпиа́ды и Евпракси́и

Преподобная дева Евпраксия

Преподо́бнаго отца́ на́шего Мака́рия Желтово́дскаго, У́нженскаго чудотво́рца

НА ВЕЧЕ́РНИ

На Го́споди, воззва́х: стихи́ры святы́я Анны на 6, глас 4.

Подо́бен: Дал еси́ зна́мение:

Зако́ны оправда́ния соблюда́ющи невреди́мо/ и Бо́гу Вседержи́телю непоро́чно рабо́тающи,/ сподо́билася еси́, А́нно, ма́ти бы́ти/ по пло́ти Христа́ ро́ждшей Чи́стей Богоотрокови́це,/ с Не́юже тя ублажа́ем/ и свято́е твое́ успе́ние/ ра́достною мы́слию пра́зднуем днесь.

Жи́зни пала́ту, А́нно Богому́драя, ро́ждши,/ к жи́зни преста́вилася еси́ вои́стинну нетле́нней/ и совокупля́ешися с ли́ки пра́ведных,/ пита́ющих тя бога́тно Влады́чнею ра́достию;/ те́мже твое́ преставле́ние соверша́ем, приснопомина́емая,/ и ве́рно почита́ем, Богому́дрии, днесь.

Дверь Небе́сную, А́нно Богому́драя, ро́ждши,/ к Небе́сному селе́нию востекла́ еси́, сла́вная,/ и сла́вы Боже́ственныя ны́не наслажда́ешися./ Е́йже и нас, честно́е твое́ успе́ние пра́зднующих,/ моли́твами твои́ми сподо́би,/ страсте́й мрак разоря́ющи/ и лю́тых обстоя́ний мглу отгоня́щи.

И́ны стихи́ры, глас 1.

Подо́бен: О, ди́внаго чудесе́:

Се светоза́рное торжество́/ и све́тлый день и ми́ру, ра́достный,/ успе́ние честно́е и достохва́льное А́нны благосла́вныя,/ из нея́же роди́ся Жизнь ро́ждшая,/ одушевле́нный киво́т, невмести́мое Сло́во вмести́вшая,/ печа́ли разреше́ние и ра́дости Хода́таица,/ подаю́щая всем ве́рным ве́лию ми́лость.

О, пресла́внаго чудесе́!/ Исто́чник жи́зни пресла́вно ро́ждшая,/ еди́ну в жена́х благослове́нную Чи́стую,/ преставля́ется от вре́менныя жи́зни к безконе́чней/ А́нна благосла́вная,/ от земли́ взе́мшися к Небе́сным,/ днесь сра́доватися а́нгельским собо́ром,/ ея́же ны́не свято́е пра́зднуем торжество́.

Днесь све́тлое торжество́, ве́рных ли́цы,/ успе́ние твое́ честно́е почита́ем всеблагогове́йно/ Боже́ственным Ду́хом:/ наста́ бо нам исцеле́ний блиста́ющая благода́ть,/ и попаля́ющая возду́шных духо́в лука́вых совокупле́ния,/ и све́том наставля́ющая мы́сли/ ве́рою воспева́ющих твое́, досточу́дная А́нно/ честно́е преставле́ние.

Сла́ва, и ны́не, глас 8. Анато́лиево:

И́же от непло́дных чресл/ жезл святы́й, Богоро́дицу, прозя́бший/ из Нейже спасе́ние ми́ру возсия́ – Христо́с Бог,/ супру́г непоро́чный и дво́ице свята́я, Иоаки́м и А́нна;/ си́и бо, преста́вльшеся к Небе́сным селе́нием,/ со Дще́рию свое́ю Пречи́стою Де́вою/ и со А́нгелы лику́ют,/ о ми́ре моли́тву творя́ще./ И́хже и мы, соше́дшеся, благоче́стно пою́ще, глаго́лем:/ и́же Богоотрокови́цы ра́ди и Пречи́стыя Мари́и,/ пра́отцы Христо́вы бы́вше,/ моли́теся о душа́х на́ших.

На стихо́вне стихи́ры, глас 5.

Подо́бен: Ра́дуйся:

Ра́дуйся, мы́сленная ла́стовице,/ ве́сну благода́ти нам возвести́вшая,/ непоро́чно в целому́дрии жи́тельствовавши до́бре,/ и де́вства сокро́вище,/ че́стно боле́зновавшая,/ Непоро́чную Богоро́дицу,/ а́гнице честна́я, я́же ро́ждшая Ю́ницу,/ взе́млющаго А́гнца ми́ра прегреше́ния,/ сло́вом Сло́во ро́ждшую, еди́ну Неискусому́жную,/ А́нно, прама́ти Госпо́дня, тя от земли́ пресе́льшаго./ Его́же ны́не моли́ душа́м на́шим дарова́ти ве́лию ми́лость.

Стих: Ра́дуйтеся, пра́веднии, о Го́споде,/ пра́вым подоба́ет похвала́.

Ра́дуйся, вожделе́нная Бо́гу,/ избра́нная святостьми́ сия́ний зако́на,/ дво́ице честна́я,/ я́же изъявле́ния до́бре Боже́ственною благода́тию предлага́ющая,/ Христа́ ро́ждшую, Нача́льника жи́зни на́шея, Та роди́вши,/ Иоаки́м Богоприя́тный и Боже́ственная А́нна всечестна́я,/ свети́льницы, возсия́вшии свещу́ безсе́нную,/ благопра́вящии благода́ть, Пречи́стую Богоро́дицу./ С Не́юже моли́теся/ душа́м на́шим дарова́ти ве́лию ми́лость.

Стих: Блаже́ни вси, боя́щиися Го́спода,/ ходя́щии в путе́х Его́.

Ра́дуйся, благослове́нная земле́,/ я́же Богопрозя́бшую ми́рови зе́млю процве́тшая,/ я́же в зако́не Боже́ственнем безпреста́ни поуча́ющаяся/ и благода́ть всем подписа́вшая,/ сою́з непло́дствия рождество́м свои́м избе́гшая,/ и сме́ртию нетле́ние воздава́ющая,/ и к Боже́ственней преста́вльшаяся све́тлости А́нна Богоблаже́нная,/ прама́ти Христа́ Бо́га,/ я́же светоно́сный свети́льник – Богоро́дицу ро́ждшая./ С Не́юже испроси́ душа́м на́шим дарова́ти ве́лию ми́лость.

Сла́ва, и ны́не, глас 8:

Прииди́те, вся тварь, в кимва́лех псало́мски, соше́дшеся,/ восхва́лим А́нну Богому́друю,/ Боже́ственную го́ру ро́ждшую от ложе́сн свои́х/ и к горе́ мы́сленней и ра́йским селе́нием/ днесь премину́вшую, и к ней возопие́м:/ блаже́нное чре́во твое́,/ носи́вшее вои́стинну Свет ми́рови внутрь во чре́ве носи́вшую,/ и сосца́ твоя́ кра́сная, я́же сса́ше дои́вшая Христа́,/ пищу жи́зни на́шея./ Его́же моли́ изба́вити нас от вся́кия ско́рби и прило́га вра́жия/ и спасти́ ду́ши на́ша.

Тропа́рь, глас 4:

Жизнь ро́ждшую во чре́ве носи́ла еси́, Чи́стую Богома́терь,/ Богому́драя А́нно./ Те́мже к прия́тию Небе́сному, иде́же веселя́щихся жили́ще,/ в сла́ве ра́дующися, ны́не преста́вилася еси́,/ чту́щим тя любо́вию/ прегреше́ний прося́щи очище́ние,/ присноблаже́нная.

На повече́рии кано́н святы́х жен, его́же краегране́сие: Честны́м жена́м честно́е пою́ пе́ние. Глас 8, Ио́сиф.

Песнь 1

Ирмо́с: Колесницегони́теля фарао́ня погрузи́/ чудотворя́и́ иногда́,/ Моисе́и́скии́ жезл, крестообра́зно порази́в/ и раздели́в мо́ре,/ Изра́иля же беглеца́, пешехо́дца спасе́,/ песнь Бо́гови воспева́юща.

Плотско́ю не́мощию си́льнаго врага́ низложи́сте,/ и присво́истеся к Бо́гу, преподо́бныя жены́,/ моля́щеся си́лу всем нам пода́ти спаси́тельную.

Уязви́стеся добро́тою Женихо́вою и во след Его́ прилепи́стеся псало́мски,/ после́дующе живоно́сным стопа́м Его́,/ и сего́ ра́ди низложи́сте врага́ зми́я.

Увяди́вше труды́ по́стническими теле́сныя добро́ты,/ украси́сте ва́ша ду́ши/ и со Христо́м Женихо́м в черто́ги све́тлыя внидо́сте, преподо́бныя.

Богоро́дичен: Неве́стник показа́ся светови́ден утро́ба Твоя́, Де́во,/ ми́лости ра́ди теле́сно из Тебе́ воплоти́вшагося Го́спода/ и вся́ческая Богоразу́мия луча́ми просве́щшаго.

Песнь 3

Ирмо́с: Небе́снаго кру́га Верхотво́рче, Го́споди,/ и Це́ркве Зижди́телю,/ Ты мене́ утверди́ в любви́ Твое́и́,/ жела́нии́ кра́ю, ве́рных утвержде́ние,/ Еди́не Человеколю́бче.

Презре́ла еси́ добро́ту теле́сную, пречестна́я,/ и мимогряду́щую сла́ву, я́ко сон, вмени́ла еси́,/ во смире́нии же, Олимпиа́до, и поще́нии Бо́га взыска́ла еси́, Богоблаже́нная.

Младе́нствующи ле́ты, нас ра́ди Младе́нца Сло́ва, на зе́млю, Евпракси́е, прише́дшаго,/ ве́рою возлюби́ла еси́/ и Того́ о́бразу ду́шу связа́ла еси́, непрело́жна пребы́вши.

Отверго́стеся ми́ра и пло́ти мудрова́ния,/ воздержа́нием же и труды́ стяжа́вше Христа́, Жениха́ Пречи́стаго,/ черто́г Небе́сный, подаю́щаго вам Боже́ственное наслажде́ние.

Богоро́дичен: Свяще́нных проро́к свяще́нныя трубы́ дре́вле Тя провозвести́ша,/ дверь Све́та ро́ждшую и сви́ток одушевле́нный,/ на не́мже не рука́ми Сло́во написа́ся па́че сло́ва, Пречи́стая Де́во.

Песнь 4

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Странноприе́мница усе́рднейша была́ еси́, собо́р свяще́нных упокоева́ющи/ и Христа́ о сем веселя́щи, за милосе́рдие стра́нна бы́вшаго.

Добро́ту пречи́стую люби́маго ви́девши Жениха́ твоего́, Евпракси́е,/ увяди́ла еси́ пло́ти добро́ту воздержа́нием.

Дрема́ние отри́нувше от душе́вных ве́ждей свяще́нныя жены́,/ успи́сте двиза́ния теле́сная воздержа́нием.

Богоро́дичен: Воплоти́вшагося Тебе́, Го́споди, от Пречи́стыя Де́вы преподо́бныя возлюби́вше,/ в воню́ ми́ра Твоего́ потеко́ша,/ Твое́ю уязви́вшеся Боже́ственною любо́вию.

Песнь 5

Ирмо́с: Вску́ю мя отри́иул еси́/ от лица́ Твоего́, Све́те Незаходи́мый,/ и покры́ла мя есть чужда́я тьма, окая́ннаго,/ но обрати́ мя и к све́ту за́поведей Твои́х/ пути́ моя́ напра́ви, молю́ся.

От исто́чника напая́ема, вселе́нную всезлаты́ми уче́нии свяще́ннаго па́стыря напои́вшаго,/ кла́сы прозябла́ еси́ до́брыя де́тели, Олимпиа́до,/ и́миже пита́еши сердца́ нас, чту́щих тя.

Блаже́нными наде́ждами твою́ сла́вную ду́шу укре́пльши/ и пи́щею невеще́ственною пита́ема, ума́ чистото́ю де́ньми мно́гими/ терпели́вно а́лчбу, Евпракси́е, претерпе́ла еси́, ра́дующися.

Умертви́вшеся ми́рови, насле́довасте жизнь безсме́ртную/ и черто́га Боже́ственнага сподо́бистеся, Богоблаже́нныя,/ свещи́ ва́ша по́стническим еле́ем неугаси́мы соблю́дше, всечестны́я.

Богоро́дичен: Бо́жие Бог Сло́во во утро́бу Неискусобра́чную во́лею всели́ся/ и Челове́к узре́н бысть, И́же Де́вою соблюды́й Тя, Пречи́стая,/ Его́же жела́юще, отрокови́цы по́стнически Сему́ после́доваша житие́м све́тлым.

Песнь 6

Ирмо́с: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися/ и живо́т мой а́ду прибли́жися,/ и молю́ся, я́ко Ио́на:/ от тли, Бо́же, возведи́ мя.

Ио́на су́щи, Евпракси́я боле́зней усе́рдием, благочести́вым по́мыслом/ ве́тхаго запина́теля попира́ше в не́мощи же́нстей телесе́:/ утвержда́ше бо сию́ Христо́с, И́же в на́шу обо́лкся не́мощь.

Воздержа́ние и смире́нное се́рдце, бде́ние с ми́лостынею,/ ра́зум, и ве́ру пра́ву, и соверше́нну любо́вь, Олимпиа́до, стяжа́вши, сла́вная,/ была́ еси́ храм Бо́жий и чуде́с исто́чник неоску́дный.

Устрани́вше себе́ жите́йских сласте́й терпе́нием боле́зней по́стнических,/ на зе́млю Соше́дшаго нас ра́ди и во́лею Стра́нствовавша/ вы, честны́я, сего́ ра́ди стяжа́сте на Небесе́х, странноприи́мствовавша вас, досточу́дныя.

Богоро́дичен: Чистоты́ Тя и че́стна де́вства чи́стый сосу́д, Отрокови́це, Соде́тель обре́т,/ сло́вом в пречи́стое Твое́ чре́во всели́ся/ и всю вра́жию от челове́к зло́бу изгна́.

Седа́лен, глас 8.

Подо́бен: Повеле́нное:

В моли́твах та́йных бдя́ще и насла́ждшеся писа́ньми Богодохнове́нными,/ Олимпиа́да и Евпракси́я сла́вная/ на ра́му Госпо́день взя́ша Крест и, Сему́ после́дующе воздержа́тельно,/ всю лесть зми́я низложи́ша, зову́ще Христу́:/ Женише́ Небе́сный, Ты бу́ди нам утвержде́ние.

Песнь 7

Ирмо́с: От Иуде́и доше́дше, о́троцы/ в Вавило́не иногда́/ ве́рою Тро́ическою пла́мень пе́щный попра́ша, пою́ще:/ отце́в Бо́же, благослове́н еси́.

Сла́ву тле́ющую на нетле́нную премени́ша любо́вию, преподо́бныя,/ ея́же наслажда́ющеся при́сно, ра́дующеся и веселя́щеся, пою́т:/ благослове́н Бог оте́ц на́ших.

О, ка́ко претерпе́ стоя́ние, а́лчбу же на дни мно́ги, Евпракси́е,/ Христу́ вопию́щи, Жениху́:/ благослове́н Бог оте́ц на́ших.

Вели́к тя сосу́д узре́в Боже́ственнаго Ду́ха, Олимпиа́до,/ бога́тно вели́кими свои́ми исполня́ет тя уче́нии/ в патриа́рсех вели́кий Златосло́в, блаже́нная.

Богоро́дичен: Разреши́ла еси́ еди́на кля́тву прама́тернюю/ всех благослове́ньми венча́ющаго Христа́ ро́ждши, Де́во, Ему́же пое́м:/ Го́споди Бо́же, благослове́н еси́ во ве́ки.

Песнь 8

Ирмо́с: Победи́тели мучи́теля и пла́мене/ благода́тию Твое́ю бы́вше,/ за́поведем Твои́м зело́ прилежа́ще, о́троцы вопия́ху:/ благослови́те, вся дела́ Госпо́дня, Го́спода.

По́мыслу, де́во, стра́сти безслове́сныя повину́ла еси́,/ и Жениху́ Сло́ву уневе́стившися, непоро́чная чи́стая, вопию́щи:/ благослови́те, вся дела́, Го́спода, по́йте и превозноси́те Его́ во ве́ки.

Ва́шими по́двиги те́мнаго кня́зя низло́жше,/ вене́ц нетле́ния нам исхода́таиша, и ра́йския вхо́ды, отрокови́це,/ и Боже́ственное наслажде́ние в ра́дости души́ во ве́ки.

Распе́ншеся ми́ру и Бо́жиею любо́вню уязви́вшеся, свяще́нныя де́вы,/ вкуше́нием сла́дким Е́ву уязви́вшаго, воздержа́ния стрела́ми уязви́сте,/ воспева́юще Христа́ во ве́ки.

Богоро́дичен: Иису́са ро́ждшая, от чи́стых крове́й Твои́х воплоще́нна,/ де́вы вся собрала́ еси́, Пречи́стая Де́во Ма́ти, и с ни́ми вопию́щи:/ благослови́те, вся дела́, Го́спода и превозноси́те Его́ во ве́ки.

Песнь 9

Ирмо́с: Вои́стинну Богоро́дицу,/ Тя испове́дуем,/ спасе́ннии Тобо́ю, Де́во Чи́стая,/ с Безпло́тными ли́ки Тя велича́юще.

Кра́сныя Влады́це, и богоглаго́ливыя го́рлицы,/ и ла́стовицы све́тлыя и чистолюби́выя,/ в добро́ты Небе́сныя приведе́ни бы́сте.

Сочта́стеся с Вы́шними ликостоя́нии и во избра́нных собо́рех всели́стеся,/ о нас моля́щеся любо́вию ще́дрому Бо́гу.

Па́мять Евпракси́и и Олимпиа́ды, я́ко со́лнце, ми́рови возсия́,/ ве́рных мы́сли просвеща́ющи, Христа́ велича́ющих при́сно.

Богоро́дичен: Све́та су́щи прия́телище,/ просвети́, Де́во, омраче́нную страстьми́ ду́шу мою́/ и кроме́шния тьмы изба́ви мя мольба́ми Твои́ми.

Стихи́ры святы́х жен, глас 1.

Подо́бен: Небе́сных чино́в:

Тайносло́вца проро́ка/ и учи́теля на́шего/ учени́цу в пе́снех/ Олимпиа́ду согла́сно почти́м досто́йно/ и с не́ю восхваля́юще целому́дренную и чи́стую Евпракси́ю,/ я́ко Христу́ моля́щуюся спасти́ся нам.

Благоче́стия исча́дие/ и удобре́ние мона́шествующих су́щу,/ пе́сньми досто́йно почти́м согла́сно, вси ве́рнии,/ Евпракси́ю целому́дренную,/ я́ко моля́щую Зижди́теля о нас,/ спасти́ся душа́м на́шим.

Слава:

Ты, земну́ю красоту́ совле́кши,/ до́бре благу́ю часть избра́ла еси́, Богому́драя,/ ю́же обре́те Мари́я,/ и, вся а́бие оста́вльши вре́менная,/ доброде́телию прия́ла еси́/ мы́сленный би́сер многоце́нный.

И ны́не: Досто́йно есть:

НА У́ТРЕНИ

На Бог Госпо́дь: тропа́рь А́нны святы́я, три́жды. Богоро́дична не глаго́лем.

По 1-й кафи́зме седа́лен, глас 4.

Подо́бен: Ско́ро предвари́:

Твое́ пра́зднуем, пра́ведная А́нно, успе́ние,/ сла́вою бо неизрече́нною просла́ви тя Христо́с Бог, я́ко прама́терь Свою́./ Те́мже, преста́вльшися, Того́ моли́ мир моли́твами твои́ми пода́ти нам,/ покрыва́ющи от сопроти́вных ду́ши на́ша.

Сла́ва, и ны́не, Богоро́дичен:

Обнови́ла еси́, Чи́стая, Боже́ственным Рождество́м Твои́м/ истле́вшее во страсте́х земноро́дных ме́ртвенное существо́/ и воздви́гла еси́ вся от сме́рти к животу́ нетле́ния./ Те́мже Тя по до́лгу блажи́м вси, Де́во Препросла́вленная,/ я́коже прорекла́ еси́.

По 2-й кафи́зме седа́лен, глас 4.

Подо́бен: Удиви́ся Ио́сиф:

В ру́це нас ра́ди от Де́вы вочелове́чшагося преда́вши ду́шу,/ и́бо Зижди́тель твой и Бог к нетле́нней жи́зни преста́ви тя./ Те́мже ны́не че́стно ублажа́ем тя,/ я́ко еди́ной Честне́й и непоро́чней вои́стинну Богоро́дице су́щую ма́терь, и согла́сно взыва́ем:/ Зижди́теля Твоего́ и Бо́га, Христа́ Спа́са на́шего, моли́/ спасти́ся душа́м на́шим.

Сла́ва, и ны́не, Богоро́дичен:

Удиви́ся Ио́сиф, е́же па́че естества́ зря/ и внима́ше мы́слию, и́же на руно́ дождь, в безсе́менном зача́тии Твое́м, Богоро́дице,/ купину́, огне́м неопали́мую, жезл Ааро́нов прозя́бший,/ и, свиде́тельствуя, обру́чник Твой и храни́тель свяще́нником взыва́ше:/ Де́ва ражда́ет и по рождестве́ па́ки Де́вою пребыва́ет.

А́ще пра́зднуеши, велича́ние:

Велича́ем тя,/ свята́я пра́ведная А́нно,/ прама́ти Христа́ Бо́га на́шего,/ и всечестно́е сла́вим/ успе́ние твое́.

Кано́ны Окто́иха о́ба без му́ченична и святы́я на 6, глас 4.

Песнь 1

Ирмо́с: Отве́рзу уста́ моя́/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,/ и воспою́, ра́дуяся, Тоя́ чудеса́.

Согреше́ний проще́ние, и злых избавле́ние,/ и жития́ исправле́ние ны́не ми испроси́,/ твою́ светоно́сную па́мять почита́ющему днесь, А́нно всехва́льная.

Живо́т ро́ждшую боголе́пно родила́ еси́,/ те́мже к присножи́зненней жи́зни преста́вилася еси́,/ наслажда́ющися ра́дости неизглаго́ланныя и Све́та невече́рняго, А́нно Богозва́нная.

Благода́ть Боже́ственная к ра́дости преста́ви,/ без се́мене ю́же роди́ Дщи сея́ Чи́стая,/ и предстои́т со мно́гим дерзнове́нием,/ Го́сподеви моля́щися спасти́ся всем.

Пра́ведно и преподо́бно пожи́вши, всехва́льная,/ к Пра́ведному Го́споду ны́не преста́вилася еси́/ ра́доватися с пра́ведными, и́же от ве́ка,/ те́мже, соше́дшеся, тя ве́рою почита́ем.

Богоро́дичен: Из Тебе́ нам возсия́ Со́лнце пра́ведное,/ и всю озари́ Богоразу́мием зе́млю,/ и разори́ мглу неразу́мия, Чи́стая, Всенепоро́чная, и Всеблаже́нная.

Катавасия: Отве́рзу уста́ моя́:

Песнь 3

Ирмо́с: Не му́дростию, и си́лою, и бога́тством хва́лимся,/ но Тобо́ю, О́тчею Ипоста́сною Му́дростию, Христе́,/ несть бо свят, па́че Тебе́, Человеколю́бче.

Заче́ншую Содержа́щаго вся зачала́ еси́/ и родила́ еси́ па́че сло́ва Христа́ ро́ждшую,/ те́мже твое́ успе́ние, А́нно, почита́ем.

С похвала́ми соверша́ется сла́вная па́мять твоя́,/ я́ко родила́ еси́ нам хвале́ний превы́шшую,/ Чи́стую Богома́терь, А́нно Богоприя́тная.

Я́коже со́лнце с луно́ю, А́нне совокупля́яся,/ сла́вный Иоаки́м, де́вства зарю́ ражда́ет,/ Ея́же ра́ди Божества́ луча́ просия́.

Го́ру Боже́ственную из чресл твои́х родила́ еси́/ и к гора́м мы́сленным и рая́ селе́нием, А́нно, премину́ла еси́, Богоблаже́нная.

Богоро́дичен: Тя Предста́тельницу тве́рдую, Богороди́тельнице, стяжа́хом,/ упова́ние на Тя возложи́вше, спаса́емся/ и, к Тебе́ бо прибега́юще, огражда́емся.

Седа́лен, глас 8.

Подо́бен: Прему́дрости:

Ма́тере Влады́ки и Творца́/ ма́ти была́ еси́, А́нно всехва́льная, Того́ повеле́ния при́сно храня́щи,/ сего́ ра́ди, уме́рши, к жи́зни безсме́ртней преста́вилася еси́ вои́стинну/ и к Све́ту невече́рнему./ Те́мже светоно́сную и святу́ю твою́ па́мять соверша́ем,/ ду́хом просвеща́еми всегда́, и согла́сно вопие́м ти:/ моли́ Христа́ Бо́га грехо́в оставле́ние дарова́ти/ чту́щим любо́вию святу́ю па́мять твою́.

Сла́ва, и ны́не, то́йже.

Песнь 4

Ирмо́с: Седя́й в Сла́ве на Престо́ле Божества́/ во о́блаце ле́гце,/ прии́де Иису́с Пребоже́ственный/ Нетле́нною Дла́нию и спасе́ зову́щия:/ сла́ва, Христе́, си́ле Твое́й.

Я́же в зако́не пи́саная, поуча́ющися, соверши́ла еси́/ и Законода́вца Ма́тере ма́ти была́ еси́,/ те́мже тебе́ вся тварь по до́лгу ны́не сотворя́ет твою́ ра́достно па́мять.

Блаже́нное чре́во твое́ вои́стинну,/ носи́вшее Свет ми́ра внутрь во чре́ве носи́вшую,/ и сосца́ твоя́ кра́сная,/ я́ко дои́вшая дои́вшую, А́нно, Христа́, Пита́теля на́шего.

Я́ко пожи́вши непоро́чно, Ю́же непоро́чно родила́ еси́, Богоро́дицу Отрокови́цу,/ Сло́во О́тчее породи́вшую,/ и к Нему́ со сла́вою всели́лася еси́,/ обожена́ честны́ми вои́стинну прича́стии.

Богоро́дичен: Де́вы чре́во – стог, я́коже на гумне́, вои́стинну яви́ся,/ клас неде́ланен иму́щи, и́мже пита́ется вся́кое естество́, зову́щее:/ Всеси́льне, сла́ва, Христе́, си́ле Твое́й.

Песнь 5

Ирмо́с: Нечести́вии не у́зрят сла́вы Твоея́, Христе́,/ но мы Тя, Единоро́дне,/ Оте́ческия Сла́вы Сия́ние Божества́,/ от но́щи у́тренююще,/ воспева́ем Тя, Человеколю́бче.

Не́бо родила́ еси́ на земли́ вои́стинну, ро́ждшую Небесе́ Творца́,/ днесь тя преставля́юща к Небе́сным со сла́вою, А́нно пресла́вная.

С невеще́ственными чи́нми невеще́ственным умо́м лику́еши ра́достно,/ исполня́ема сия́ния Богатода́вца,/ но нас помина́й, ве́рою хва́лящих тя.

От ко́рене Иессе́ева прозя́бшая я́ве,/ благоцвету́щий жезл, Чи́стую, израсти́ла еси́, сла́вная,/ израсти́вшую цвет неувяда́ющий, Иису́са, Изба́вителя на́шего.

Богоро́дичен: К Тебе́ прибега́ю еди́ней держа́вней, ве́рных покро́ву,/ на Тя наде́жду возлага́ю спасе́ния моего́,/ Пресвята́я Влады́чице Богоро́дице, не пре́зри мене́.

Песнь 6

Ирмо́с: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х/ исте́кшею Кро́вию.

Го́спода Иису́са Бо́га пра́отцы,/ Иоаки́м же и А́нна, пра́вдою укра́шени,/ по достоя́нию в пе́снех да восхва́лятся днесь.

Вся́ческих похва́л А́нна превзы́де,/ я́ко вся́кия похвалы́ превозше́дшую родила́ есть,/ сего́ ра́ди в ли́це пра́ведных водворя́ется.

Светоно́сия и све́тлости испо́лнена па́мять твоя́,/ сия́ния же в ми́ре спаси́тельная испуща́ющи,/ целому́дренная А́нно, дарова́ний вся́ческих испо́лни.

Ру́чку, ма́нну Боже́ственную вмести́вшую, во чре́ве носи́ла еси́, А́нно,/ и, с Не́ю ны́не на Небесе́х живу́щи,/ о всех мо́лишися, прехва́льная.

Богоро́дичен: От А́нны ми́рови роди́лася еси́,/ Цари́це, всех Царя́ ро́ждшая,/ и, де́вствующи по Рождестве́, Херуви́м превы́шши, Пренепоро́чная.

Конда́к, глас 2.

Подо́бен: Вы́шних ища́:

Прароди́телей Христо́вых па́мять пра́зднуем,/ тех ве́рно прося́ще по́мощи/ изба́витися всем от вся́кия ско́рби, зову́щим:/ Бог наш с на́ми, сих прославле́й, я́коже благоволи́.

И́кос:

Проро́чески сни́демся вси досто́йно пе́ти прама́тере Христо́вы блаже́нное преставле́ние:/ днесь бо от вре́менныя преста́вися жи́зни,/ на Небесе́х с ра́достию ше́ствие творя́щи, ра́дуется,/ я́ко су́щи ма́ти и́стинныя су́щия Богоро́дицы, и взыва́ет ве́рно:/ вели́чит душа́ моя́ Го́спода, я́ко роди́х Сего́ Ма́терь на земли́,/ И́же Сию́ прославле́й, я́коже благоволи́.

Песнь 7

Ирмо́с: Спасы́й во огни́ авраа́мския Твоя́ о́троки/ и халде́и уби́в,/ я́же Пра́вда пра́ведно уловля́ше,/ препе́тый Го́споди,/ Бо́же оте́ц на́ших благослове́н еси́.

Я́ко жи́зни и́стинныя, А́нно, Ма́терь ро́ждши,/ к жи́зни и́стинней преста́вилася еси́ ко све́ту, взыва́ющи:/ препе́тый Го́споди, Бо́же оте́ц на́ших, благослове́н еси́.

И́же Ма́тери Изба́вителя ма́ти су́щи, А́нно,/ от земли́ к Небеси́, доброде́тельми укра́шена, востече́, во хвале́нии зову́щи:/ Бо́же оте́ц на́ших, благослове́н еси́.

К несконча́емей жи́зни, к простра́нней широте́ ра́йския пи́щи,/ к невече́рнему све́ту отшла́ еси́, Богоно́сице, зову́щи:/ Бо́же оте́ц на́ших, благослове́н еси́.

Испещре́на доброде́тельми, добро́тою Боже́ственных дарова́ний укра́шена,/ к Бо́гу преложи́ся, непреста́нно зову́щи:/ препе́тый Го́споди, Бо́же оте́ц на́ших, благослове́н еси́.

Богоро́дичен: Укра́шена добро́тами доброде́телей,/ кра́снаго па́че сыно́в челове́ческих и родила́ еси́ Сло́во, Пренепоро́чная,/ кра́сными ле́потами украша́ющаго Тебе́ песносло́вящих.

Песнь 8

Ирмо́с: О́троки благочести́выя в пещи́/ Рождество́ Богоро́дичо спасло́ есть;/ тогда́ у́бо образу́ емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,/ и превозноси́те Его́ во вся ве́ки.

Ма́ти еди́ныя Богоро́дицы, я́же непло́ды пре́жде, ны́не же прама́ти Христо́ва,/ я́коже непло́дства, си́це и ме́ртвости, совле́кши оде́жду, во стране́ живу́щих вопие́т:/ Го́спода по́йте, дела́, и превозноси́те Его́ во вся ве́ки.

Христо́с тебе́ две́ри Вы́шния отве́рзе, ра́достно тя прия́т,/ я́ко дверь родила́ еси́, е́юже Сам про́йде и затворе́ну яви́ по исхожде́нии,/ Богому́драя достойнопе́тая А́нно,/ те́мже тя почита́ем, ве́рнии, во ве́ки.

Свя́то житие́ сконча́вши, Святы́я Присноде́вы ма́ти была́ еси́,/ Я́же Пресвято́е Сло́во породи́, освяще́ние и избавле́ние нам подаю́ща,/ Богому́драя и досточу́дная А́нно,/ те́мже тя пое́м при́сно, ве́рнии, во ве́ки.

Богоро́дичен: Мно́гими мя содержи́ма беда́ми и бу́рею грехо́вною бе́дствующаго,/ ко приста́нищу невла́емому дыха́ний Ду́ха, Богороди́тельнице Влады́чице, ны́не наста́ви:/ приста́нище бо еси́ христиа́н./ Те́мже Тя пое́м во вся ве́ки.

Песнь 9

Ирмо́с: Е́ва у́бо неду́гом преслуша́ния/ кля́тву всели́ла есть;/ Ты же, Де́во Богоро́дице,/ прозябе́нием чревоноше́ния ми́рови Благослове́ние процвела́ еси́./ Тем Тя вси велича́ем.

От земли́ чре́ва твоего́ вои́стинну роди́ся земля́ свята́я,/ неде́ланен клас прозя́бши безсе́менно, ми́рови Пита́теля и Го́спода,/ тебе́ к пи́щи неиждива́емой, А́нно, прему́дро преста́вльшаго.

Па́мять твоя́ днесь нам возсия́, со́лнца светле́йши,/ сия́нием бога́тых даро́в нас просвеща́ющи, всечестна́я, и мрак страсте́й изыма́ющи,/ ю́же соверша́ющих сохрани́.

Боже́ственный нас Иоаки́м и А́нна Богому́драя и всесла́вная,/ супру́г честны́й и светоно́сный, созыва́ют боже́ственне весели́тися сих пра́здником,/ его́же уясни́ Светода́вец всех Госпо́дь.

Богоро́дичен: Мари́е Госпоже́ всех, вся́кими мя порабоще́на согреше́нии ны́не свободи́:/ Сама́ бо Свободи́теля родила́ еси́ всех,/ рабо́ты нас изба́вльшаго грехо́вныя, Боже́ственным манове́нием.

Свети́лен.

Подо́бен: Со ученики́:

Достодо́лжно воспое́м Богозва́нную А́нну:/ Богоро́дицу бо та Де́ву Мари́ю ро́ждши па́че наде́жды,/ сро́дница по пло́ти Христа́, Изба́вителя на́шего, яви́ся,/ сию́ боголе́пно прие́мшаго днесь в Вы́шних, о нас моля́щуюся и о умире́нии ми́ра.

Сла́ва, и ны́не.

Подо́бен: Не́бо звезда́ми:

Не́бо ро́ждши, А́нно, но́вое, Мари́ю, Е́юже возсия́ сла́вы Со́лнце,/ днесь от земли́ к Небе́сным прехо́диши,/ Христу́ сра́дующися, пресла́вная.

На хвали́тех стихи́ры на 4, глас 1.

Подо́бен: Небе́сных чино́в:

Па́мять соверша́юще честну́ю,/ Тебе́ воспева́ем, Христе́,/ пресла́вно А́нну от жи́зни привре́менныя/ к непрестаю́щей сла́ве преста́вльшаго ны́не,/ я́ко ма́терь су́щую без се́мене ро́ждшия Тя па́че естества́/ Богоро́дицы и Присноде́вы Ма́тере.

Па́мять святу́ю соверша́юще пра́отец Христо́вых/ Иоаки́ма и А́нны, честны́х и непоро́чных,/ прославля́ем непреста́нно Изба́вителя/ и Ще́драго Го́спода,/ сих преста́вльшаго к жи́зни/ нестаре́емей и нетле́нней.

К невеще́ственным лико́м и пра́ведных селе́нием,/ иде́же а́нгельстии чи́ни,/ иде́же святы́х собо́р,/ ра́дость пра́зднующих соверша́ется,/ и ны́не ду́хи пра́ведных Иоаки́ма и А́нны всели́,/ и́хже благоче́стно восхваля́юще, ублажи́м.

Сла́ва, и ны́не, глас 2:

Прииди́те, любоде́вственнии вси/ и чистоты́ рачи́телие,/ прииди́те, пра́зднуем А́ннино честно́е успе́ние:/ и́бо та породи́ па́че естества́ исто́чника жи́зни,/ Мари́ю Богоотрокови́цу,/ из Нея́же роди́ся Изба́витель,/ просвеща́яй и освяща́яй ду́ши на́ша.

Славосло́вие вели́кое и отпу́ст.

НА ЛИТУРГИ́И

Блаже́нны от кано́на, пе́сни 3-я и 6-я. Проки́мен, глас 4: Ди́вен Бог во святы́х Свои́х,/ Бог Изра́илев. Стих: В це́рквах благослови́те Бо́га, Го́спода от исто́чник Изра́илевых. Апо́стол к Гала́том, зача́ло 210. Аллилу́ия, глас 1: Спасе́ние пра́ведным от Го́спода, и защи́титель им есть во вре́мя ско́рби. Ева́нгелие от Луки́, зача́ло 36. Прича́стен: Ра́дуйтеся:

Успение праведной Анны. Праведная Анна, мать Пресвятой Богородицы, происходила родом из мессианского колена Левина (по отцу) и мессианского колена Иудина (по матери). Дочь Матфана, она была супругой праведного Иоакима, потомка царя Давида, которому Бог обещал, что от семени его потомства родится Спаситель мира.

После двадцати лет брачной жизни праведные Иоаким и Анна не имели детей и глубоко скорбели об этом. Но они не роптали на Бога и со смирением переносили бесплодие, считавшееся у древних иудеев позором. После того как однажды во время большого иудейского праздника дары праведного Иоакима, принесенные Богу в ветхозаветный храм в Иерусалим, были отвергнуты израильским книжником Рувимом (на том основании, что у Иоакима нет потомства), праведный Иоаким удалился в пустыню. Здесь он постился 40 дней и 40 ночей, пребывая в молитве. Праведная Анна в это время также молилась Богу, умоляя Его даровать ей ребенка. Праведная Анна дала обет, если у нее будет ребенок, посвятить его Богу. Внезапно ей явился Ангел Господень и сказал: «Не бойся, Анна, ибо твой отпрыск предрешен Богом и то, что родится от тебя, будет в почитании во все века, до окончания их».

В то же время Ангел Господень явился святому Иоакиму со словами утешения: «Знай о твоей жене, что она зачнет Дочь, Которая пребудет в храме Бога, и Дух Святой почиет на Ней, и благословение Ее будет на всех святых женах.. и Сама Она будет благословенна и станет Матерью вечной благодати».

По возвращении домой из пустыни праведный Иоаким совершил Богу принятые по закону жертвоприношения. Через девять месяцев праведная Анна родила дочь. Благочестивые супруги нарекли Ее Марией.

Праведный Иоаким преставился в 80-летнем возрасте, через несколько лет после введения во Храм Пресвятой Девы Марии. Праведную Анну в возрасте 70 лет Бог сподобил провести два года при Иерусалимском храме, где она воспитывала свою Благословенную Дочь. По преданию, праведная Анна мирно почила о Господе в Иерусалиме через два года после блаженной кончины праведного Иоакима.

При святом благоверном царе Иустиниане (527–565) в Девтере был выстроен в ее честь храм. Император Иустиниан II (685–695; 705–711) обновил этот храм после того, как праведная Анна явилась его беременной супруге. После этого события тело праведной Анны и ее мафорий (покрывало) были перенесены в Константинополь. В память святых праведных Богоотец Иоакима и Анны воздвигались храмы и монастыри и в Русской Православной Церкви. В литургической жизни имена праведных Иоакима и Анны ежедневно воспоминаются во время Богослужений.

Литература:

Книга о Рождестве Блаженнейшей Марии и о детстве Спасителя. СПб., 1913.

Святая Олимпиада диакониса жила в Константинополе в IV веке, в период, наступивший после провозглашения христианства государственной религией в Византийской империи (325). Ее отец Анисий Секунд был римским сенатором, мать происходила от влиятельнейшего сановника епарха Евлалия.

В ранней юности святая Олимпиада была помолвлена с сыном епарха Невридием, но прежде, чем заключили брак, жених ее скончался. Справедливо усмотрев в этом событии Промысл Божий, святая Олимпиада решила остаться девой и всецело посвятить себя служению Богу. Вскоре ее родители умерли, святая Олимпиада стала единственной наследницей большого имения. Богатство это она считала Божиим достоянием и, следуя Евангельской заповеди, раздавала его нищим, странникам, бедным монахам, украшала храмы. Дела милосердия блаженная Олимпиада сочетала с иноческим подвижничеством: строгим постом, духовным бодрствованием, постоянной молитвой. Презирая роскошь и языческие соблазны, святая неуклонно шла узким путем, радуясь испытаниям. Император Феодосий решил породниться с ней, желая выдать замуж за своего родственника испанца Елпидия. Когда же святая отказалась от вступления в брак, император запретил ей распоряжаться своим имуществом до тридцатилетнего возраста и назначил опекунов. Святая Олимпиада изъявила покорную благодарность правителю за то, что он взял на себя распоряжение ее имуществом и тем избавил ее от земных забот. Она писала императору: «Государь! Ты оказал мне милость, которая достойна не только государя, но и епископа, опекой над имениями освобождена я от многих забот. Для большего счастья моего благоволи повелеть, чтобы оно роздано было всем церквам и нищим. Издавна я боюсь наклонностей суетности, которые при раздаче именно так легко возникают. Временные блага, пожалуй, могли бы отдалить сердце мое от истинных благ, духовных и вечных». Император Феодосий вскоре отменил свой запрет, так как благоразумие и целомудренная жизнь святой Олимпиады устыдили его.

Со временем для подвижницы наступил период церковного служения. В IV веке в Церкви Христовой существовал институт диаконисс, о которых упоминает святой апостол Павел (Рим.16:1). Диакониссами становились благочестивые женщины, которым вменялось в обязанность готовить к крещению оглашенных, помогать при крещении и творить дела милосердия. Святую Олимпиаду назначил диакониссой Патриарх Нектарий, предшественник святителя Иоанна Златоуста на Константинопольской кафедре. Впоследствии благодаря благочестию и многим добродетелям святая Олимпиада удостоилась стать духовной сподвижницей святителя Иоанна Златоуста.

Борьба святителя Иоанна Златоуста с развращенностью высших слоев императорского двора и клира, с пережитками язычества вызвала к нему вражду и ненависть сановников, а также весьма честолюбивой и гордой императрицы Евдоксии, стремившейся к неограниченной власти. С помощью клеветы и интриг противники святителя Иоанна Златоуста удалили архипастыря с кафедры и в 403 году он был отправлен в ссылку. Это вызвало народное возмущение, испугавшее императрицу и побудившее ее вернуть святителя в Константинополь. Но через год последовала вторая ссылка. Святитель Иоанн Златоуст прожил два года в тяжелых условиях в Кукузе (Армения), затем был отправлен в Арависсу и подвергнут заточению; на пути следования в новую ссылку в 407 году шестидесятилетний святитель не выдержал лишений и преставился ко Господу в Команах (Абхазия).

Испытания святителя Иоанна разделили наиболее близкие приверженцы, в том числе святая диаконисса Олимпиада. В 404 году в день второго смещения святителя Иоанна Златоуста с патриаршей кафедры в праздник Святой Пятидесятницы произошло большое народное волнение, во время которого загорелись храм Святой Софии и императорский дворец. В поджоге обвинили «иоаннитов», в частности святую Олимпиаду. Судебное разбирательство сопровождалось пытками и казнями. Ими пытались устрашить и ее; но блаженная, державшаяся с поразительной стойкостью, своими ответами посрамила обвинителей и исповедала верность святителю Иоанну Златоусту, отказавшись принять Святое Причастие из рук самозванца, занявшего патриарший престол. За это ее приговорили к денежному штрафу и ссылке. Подобно своему духовному отцу и руководителю, святая Олимпиада остаток жизни провела в горестях и лишениях.

Святая диаконисса сохранила духовную связь со святителем Иоанном Златоустом и в это время. Сохранились 17 писем святителя к святой Олимпиаде, которые явились великим утешением не только ей, но и другим верующим, претерпевшим гонения, скорби и болезни. Эти письма поистине бесценны, ибо в них запечатлена духовная близость святых. Через утешительные, полные глубокого сострадания и заботы слова святителя более полно раскрывается христианский подвиг святой Олимпиады. «Блаженна ты и трижды блаженна из-за проистекающих отсюда венцов»,– восклицает святитель Иоанн Златоуст, говоря о страданиях и трудах святой диакониссы. Он восхваляет ее целомудренное девство, милосердие, превышающее само девство, добровольные лишения, приведшие к победе духа над плотью. С духовной свободой, свойственной святым, он восхищается невыразимой простотой ее одеяний, естественностью ее облика, видя в них «краски добродетели, извне живописующие хранящуюся в душе мудрость». К терпению святой диакониссы святитель Иоанн Златоуст относился с особым уважением, убежденный в том, что терпение – «царица добродетелей». В испытаниях святая Олимпиада стяжала глубокое духовное ве́дение и мудрость: «У тебя знание, высшее всякой бури,– сила любомудрой души, которая крепче бесчисленных войск и сильнее оружия»,– пишет святитель. Хорошо представляя бедствия святой Олимпиады, горячо сочувствуя ей, он одновременно спокоен за ее «золотую душу». Письма святителя Иоанна Златоуста – первое, предшествующее ее прославлению свидетельство ее святости.

После исповеднической кончины святителя Иоанна святая Олимпиада перемещалась из одного изгнания в другое и наконец осталась в Никомидии. Больше она уже не принадлежала миру. Хотя ее преследовала клевета, друзья святителя Иоанна Златоуста оказывали ей глубокий почет. Ее болезни усилились и, почувствовав приближение смерти, она обратилась к епископу Никомидии с просьбой, чтобы ее тело было лишено погребения и предано морю. 25 июля 410 года святая Олимпиада преставилась к Богу. Гроб с ее телом, опущенный в море, прибило волнами в месте, называемом Брохти, близ Константинополя. Жители положили останки святой в местном храме во имя святого апостола Фомы у Босфора, недалеко от Константинополя. Около гробницы святой диакониссы начались чудеса и исцеления. Во время одного из нашествий варваров храм был захвачен и сожжен, но мощи святой Олимпиады остались неповрежденными огнем. Их бросили в море, но христиане спасли их. Когда при Патриархе Константинопольском Сергии (610–638) состоялось перенесение мощей святой Олимпиады в Константинополь, из них вытекла кровь – знамение ее святого страдания. Мощи святой Олимпиады были положены в Константинопольском женском монастыре, который был основан святой Олимпиадой.

Литература:

1. Святитель Иоанн Златоуст. Письма к диакониссе Олимпиаде. – В кн.: Творения святого отца нашего Иоанна Златоуста, архиепископа Константинопольского. Т. 3, кн. 2, СПб., 1897, с. 565–649.

2. Тьерри А. Святой Иоанн Златоуст и императрица Евдоксия. Перев. с фр. М., 1884.

3. Преображенский В., протоиерей. Святые учители веры и благочестия. Июль, М., 1904, с. 377–386.

Египетская подвижница IV века, родилась в Константинополе и была родственницей императора Феодосия Великого (379–395). Ее родители, Антигон и Евпраксия, были целомудренны и благочестивы. После рождения дочери они жили как брат и сестра в духовном союзе согласно заповеди апостола (1Кор.7:29–31). Будучи весьма богаты, они стали раздавать свое имущество нищим. Прожив три года в браке, Антигон умер; годовалую же сироту Евпраксию взял на воспитание император. В пятилетнем возрасте он обручил ее с одним из сыновей римского сенатора.

Через некоторое время мать Евпраксии, желая уйти от соблазнов мирской жизни, покинула столицу и уехала с маленькой дочерью в Египет, где у них оставалось немалое состояние. Египетская Фиваида представляла в то время место высочайших монашеских подвигов. И в женских монастырях жизнь отличалась строгостью. Мать и дочь часто посещали Тавенский монастырь, где жили 130 монахинь. Они вкушали преимущественно хлеб с водой и зелень, никогда не употребляли ни масла, ни вина. Питались они раз в день, иные же через день или несколько дней. Инокини не отдыхали, носили власяницу и обходились без лекарств. Обители они никогда не покидали.

В этой обители сердца семилетней Евпраксии коснулась Божия благодать. По внушению Духа Божия, Евпраксия не желала покинуть монастырь. После многих слез и уговоров мать оставила там девочку, вверив ее Христу, любовь и верность Которому святая Евпраксия исповедала с недетской разумностью. На следующий день игумения облекла Евпраксию в ангельский образ. Мать же предалась делам милосердия и, не задумываясь, раздавала свое имение нуждавшимся. Вскоре она отошла к Богу.

Иноческими трудами в монастыре святая Евпраксия смиряла плоть. Она соблюдала самый жестокий пост, постепенно усиливая его. Если вначале она вкушала пищу один раз в день, то мало-помалу, увеличивая время полного воздержания, она стала питаться только по воскресеньям. На нее стал восставать диавол, но, укрепляемая игуменией и сестрами, блаженная дева предавалась еще более суровым лишениям. Вместе с этим она отличалась кротким нравом, смирением и послушанием. Забыв свое знатное происхождение и изнеженную жизнь, она выполняла грубую работу и беззлобно сносила насмешки некоторых сестер, завидовавших ей. Иногда игумения, видя ее высокое призвание и желая своей сестре большего совершенства, поручала ей тяжелый и бессмысленный труд, но святая и его выполняла охотно и радостно.

Враг рода человеческого неоднократно пытался погубить святую деву. По его козням она падала в колодец, обливалась кипятком. Но Господь хранил ее и чудесно избавлял от опасностей.

Через некоторое время святая Евпраксия, которой исполнилось 25 лет, могла помогать другим. Силой сострадательного слова она исцелила расслабленного от рождения ребенка. После этого случая, открывшего в подвижнице дар чудесных исцелений, к ней стали приводить больных, и всем она подавала помощь. В обители была некая бесноватая, одержимая духом злобы, она была прикована цепью к стене, и пищу ей подавали с помощью длинной палки. Прозорливая игумения, сама великая подвижница, знавшая духовную высоту инокини Евпраксии, дерзновенно поручила ей ухаживать за бесноватой. Святая Евпраксия кормила больную из своих рук, грозя и увещевая, укрощала беса. Наконец игумения поручила святой изгнать злого духа. Не сразу она согласилась на это, считая себя немощной и недостойной. Возложив всю свою надежду на Христа, святая Евпраксия Именем Христовым заклинала демона выйти из болящей. Сестры обители в страхе Божием стояли вдалеке и не смели подойти ближе. Когда святая Евпраксия, воздев очи к небу, призвала на помощь Самого Христа, бес, громко возопив, вышел из больной. С того времени святая Евпраксия еще более смирилась и всем служила, как раба.⁹⁶

О дне кончины святой Евпраксии Господь известил в видении игумению обители. Ей было открыто, что после смерти преподобную Евпраксию примут в Небесных обителях Ангелы и святые, Пресвятая Богородица, Сам Спаситель. Узнав об этом, сестры с плачем окружили святую Евпраксию и просили ее заступничества пред Господом. Святая Евпраксия смиренно приняла весть о близкой кончине. Наутро она преставилась к Богу, в возрасте тридцати лет, около 413 года. Через несколько дней приближение блаженной кончины почувствовали ближайшая подруга и сподвижница святой Евпраксии, Юлия, а также преподобная игумения. Они преставились ко Господу и были погребены рядом с преподобной Евпраксией. На гробницах египетских подвижниц по милости Божией совершалось много чудесных знамений.

Литература:

1. Преображенский В., протоиерей. Святые учители веры и благочестия. Июль, М., 1904, с. 386–391.

2. Казанский П. История православного монашества. М., 1854.

Письмо старца Амвросия (Не должно брать на себя непосильный труд лечить от духовных болезней). ..Ты пишешь, что ты по жалости и по мнимой любви взялась не за свое дело лечить сестру, которая больна не телесною болезнию. Я тебе говорил лично, и теперь повторяю: вперед не берись за такие дела. Ежели Пимен Великий по смиренномудрию и по охранению себя уклонялся от подобных дел, имея на то дарование от Господа,– ты кто такая, что дерзаешь на сии вещи непрошенная? Паки повторяю: не дерзай вперед на такие вещи, если не желаешь подвергнуться сильным искушениям и навлечь на себя, во-первых, невыносимую брань плотскую, во-вторых, нападение и постужение от мысленных врагов, а в-третьих, гонение и от людей. Что за надобность самому себе навлекать такие страшные искушения? Преподобный Симеон Евхаитский советует уклоняться от одержимых злыми духами, так как бывали случаи, что чрез них враг путал и духовных людей. Несмотря на мнимую жалость и на мнимую любовь, под которыми тонко скрывается самомнение и высокоумие, а ты сама должна знать, какие горькие плоды проистекают от этих страстей. Послушай Писание, глаголющее: мерзок пред Господом всяк высокосердый. Посмотри и на апостола Павла, что он говорит. Не повелевает ли он предать таковаго сатане во измождение плоти, да дух (его) спасется в День Господа нашего Иисуса Христа? Вот пример истинного человеколюбия. А ты заботишься избавить человека от измождения плоти, чтобы доставить ему временное спокойствие, прикрываясь, может быть, и мнимою пользою душевною. Но дело это выше тебя. Ты не священник, или иерей, который искусною исповедью имеет духовную власть помогать таким людям; но и в таком случае не всегда последует совершенное исцеление. Это зависит только от воли Божией и от мановения Самого Господа, Который о всех промышляет и устрояет полезное, и душеполезное, и спасительное..

По изданию: Собрание писем Оптинского старца иеросхимонаха Амвросия к монашествующим. Вып. П. Сергиев Посад, 1909, с. 36.

ВЕ́ЧЕР

Блаже́н муж: 1-й антифо́н. На Го́споди, воззва́х: стихи́ры, глас 2.

Подо́бен: Ки́ими похва́льными:

Го́споди, даждь ми язы́к светлогла́сен/ уго́ждшаго Тебе́ преблаже́ннаго отца́ па́мять/ ве́рным лю́дем Твои́м возвести́ти,/ я́коже рече́ песнопи́сец Дави́д:/ честна́ пред Го́сподем смерть преподо́бных Его́./ О́тче Богому́дре, пресве́тлый свети́льниче Мака́рие,/ мно́га у́бо воздая́ния от Бо́га прия́л еси́,/ твои́ми чудесы́ озаря́я нас,/ пога́ныя посрами́л еси́,/ моли́твами же твои́ми бесо́вская кова́рства вся потреби́л еси́,/ моли́ Христа́ Бо́га/ спасти́ и просвети́ти ду́ши на́ша.

Глас проро́ка Твоего́, Го́споди, испо́лнити хотя́,/ рече́ бо Богооте́ц Дави́д,/ поя́ и моля́ся не престая́ день и нощь:/ удали́хся, бе́гая, и водвори́хся в пусты́ню,/ ча́ях Бо́га, спаса́ющаго мя./ А́ще бы пусты́ня уха́ла струя́ми слез твои́х,/ се бы, я́ко громогла́сная труба́,/ не бы почи́ла вопи́ти трудополо́жных по́двиг твои́х:/ А́нгелы возвесели́л еси́ и челове́ки удиви́л еси́, о́тче Мака́рие./ Преподо́бне и приснопа́мятне,/ моли́ Христа́ Бо́га/ спасти́ся душа́м на́шим.

Богоно́се о́тче Мака́рие,/ ты от младе́нства жесто́ким и приско́рбным путе́м ше́ствовал еси́,/ доброде́тельми же твои́ми,/ я́ко плодови́т виногра́д, на высоту́ возше́л еси́,/ любо́вию Влады́це твоему́ неле́стно после́довав./ Сего́ ра́ди Небе́сный граждани́н был еси́/ и та́мо нам у Христа́ Бо́га покро́в испроси́ от бесо́вских искуше́ний,/ Его́же моли́ дарова́ти душа́м на́шим/ мир и ве́лию ми́лость.

Сла́ва, глас 4:

Ра́дуйся, всеблаже́нная главо́,/ и́же от млады́х ногте́й/ кре́постню ума́ Бо́га Вседержи́теля утвержда́емь,/ духо́вную пи́щу Христа́ па́че всех возлюби́л еси́,/ земны́я красоты́, и пи́щи, и поко́й отню́д возненави́дел еси́,/ того́ ра́ди Небе́сным си́лам собесе́дник яви́лся еси́, преподо́бне./ С ни́миже Христа́ Бо́га моли́ непреста́нно о всех нас,/ ве́рно чту́щих па́мять твою́.

И ны́не, Богоро́дичен: И́же Тебе́ ра́ди:

Вход. Проки́мен дне. Чте́ния 3 (зри день 30-й).

На стихо́вне стихи́ры, глас 5:

Егда́ в честно́е успе́ние твое́/ град и су́щия ве́си вся,/ я́ко от фимиа́ма церко́внаго, напо́лнишася благово́ния,/ тогда́ позна́ша лю́дие твое́ преподо́бное преставле́ние/ и стеко́шася вси:/ луча́ми бо чуде́с всех озари́л еси́./ Тем и ны́не Христа́ Бо́га моли́/ спасти́ся душа́м на́шим.

Стих: Честна́ пред Го́сподем/ смерть преподо́бных Его́.

Днесь правове́рнии лю́дие стеко́шася/ в честно́е успе́ние твое́,/ тогда́ обре́тше, я́ко безце́нное сокро́вище некра́домое,/ лице́ же твое́, па́че со́лнечнаго све́та сия́юще,/ всю́ду благово́ния испо́лни./ Су́щим же хромы́м хожде́ние/ и слепы́м зре́ние дарова́л еси́./ Моли́ Христа́ Бо́га/ пода́ти отпуще́ние согреше́нием на́шим/ пресла́вно соверша́ющим па́мять твою́.

Стих: Блаже́н муж, боя́йся Го́спода,/ в за́поведех Его́ восхо́щет зело́.

Те́ло и ум очи́стив,/ себе́ при́сно Свята́го Ду́ха жили́ще соде́лал еси́,/ и ны́не, я́ко свети́ло, сия́еши,/ и от многоцеле́бнаго гро́ба твоего́ непреста́нно чудеса́ излива́еши,/ правове́рных же люде́й неизглаго́ланною ра́достию возвесели́л еси́./ Моли́ Христа́ Бо́га спасти́ся душа́м нашим.

Сла́ва, глас 5:

Востру́бим духо́вными пе́сньми/ во псалме́х и пе́ниих,/ стеце́мся в це́рковь Бо́жию/ и услы́шим засту́пника гра́ду на́шему Га́личу,/ его́же моли́твами свои́ми соблюда́ет всегда́ от наше́ствия сопроти́вных./ Те́мже ему́ вси та́ко рцем:/ о́тче Мака́рие приснопа́мятне,/ предвари́ и изба́ви нас от искуше́ний вся́ческих,/ любо́вию моля́щих тя,/ я́ко те́пла предста́теля ко Спа́су всех Бо́гу за лю́ди твоя́,/ да спасе́т ду́ши на́ша.

И ны́не, Богоро́дичен: Храм и дверь еси́:

Та́же,Ны́не отпуща́еши:

Тропа́рь, глас 5:

Днесь град твой Га́лич тобо́ю хва́лится,/ в конце́х бо его́ пресве́тло,/ я́ко ве́лие со́лнце, возсия́л еси́/ и чудесы́ твои́ми, преподо́бне Мака́рие, вся озари́л еси́./ И ны́не моли́ся Го́сподеви/ изба́витися душа́м на́шим от пре́лести вра́жия/ и спасти́ся гра́ду твоему́ от пога́нскаго наи́тия.

Ин тропа́рь, глас 4:

Богому́дрый Желтово́дския оби́тели первозда́телю,/ Бо́гом поста́вленный мона́шескаго жития́ сто́лпе,/ благопи́санный досточу́днаго по́стничества о́бразе,/ Богозда́нный Ду́ха Свята́го сосу́де,/ златоза́рное Ру́сския земли́ свети́ло всесве́тлое,/ мо́лим тя, о́тче Мака́рие,/ светоза́рною моли́тв твои́х луче́ю разреша́й мра́чных страсте́й на́ших о́блак.

Сла́ва, и ны́не, Богоро́дичен по гла́су.

НА У́ТРЕНИ

На Бог Госпо́дь: тропа́рь преподо́бнаго два́жды. Сла́ва, и ны́не, Богоро́дичен.

По 1-й стихоло́гии седа́лен, глас 4.

Подо́бен: Ско́ро предвари́:

Зва́нию Го́спода твоего́ после́довал еси́, мир оста́вив/ и вся, я́же в ми́ре, красова́ния, преблаже́нне Мака́рие:/ претерпе́л еси́ усе́рдно пусты́нное озлобле́ние,/ полки́ же бесо́вския отри́нул еси́ му́жески./ Те́мже па́мять твою́ при́сно восхваля́ем пе́сньми ве́рно.

Сла́ва, и ны́не, Богоро́дичен:

Обнови́ла еси́, Чи́стая, Боже́ственным Рождество́м Твои́м/ истле́вшее во страсте́х земноро́дных ме́ртвенное существо́/ и воздви́гла еси́ вся от сме́рти к животу́ нетле́ния./ Те́мже Тя по до́лгу блажи́м вси, Де́во Препросла́вленная,/ я́коже прорекла́ еси́.

По 2-й стихоло́гии седа́лен, глас 5.

Подо́бен: Собезнача́льное Сло́во:

По́стника Госпо́дня пе́сньми почти́м,/ я́ко умертви́вша вся прило́ги страсте́й воздержа́нием тве́рдым/ и кре́пким терпе́нием вои́стинну, и посрами́вша зело́ сопроти́внаго всю горды́ню,/ и ны́не моля́щася Го́сподеви поми́ловатися душа́м на́шим.

Сла́ва, и ны́не, Богоро́дичен:

Ужа́сно чу́до зача́тия и несказа́нен о́браз Рождества́ в Тебе́ позна́ся, Присноде́во Чи́стая,/ ужаса́ет мой ум, и удивля́ет помышле́ние./ Сла́ва Твоя́, Богоро́дице, во всех простре́ся ко спасе́нию душа́м на́шим.

По полиеле́и седа́лен, глас 1.

Подо́бен: Гроб Твой, Спа́се:

Погре́бл еси́ страсте́й все воста́ние умерщвле́нием пло́ти, свяще́нный о́тче,/ жизнь безконе́чную по сме́рти прия́л еси́./ Те́мже днесь Христо́ва Це́рковь пра́зднует твою́ досточу́дную па́мять,/ преподо́бных украше́ние.

Сла́ва, и ны́не, Богоро́дичен:

Наста́ви нас на путь покая́ния, укло́ньшияся при́сно к безпу́тием зол/ и Преблага́го прогне́вавшия Го́спода,/ Неискусобра́чная благослове́нная Мари́е,/ прибе́жище отча́янных челове́ков, Бо́жие жили́ще.

Степе́нна, 1-й антифо́н 4-го гла́са. Проки́мен: Честна́ пред Го́сподем/ смерть преподо́бных Его́. Стих: Что́ возда́м Го́сподеви о всех, я́же воздаде́ ми? Вся́кое дыха́ние: Ева́нгелие от Матфе́я, зача́ло 43.

По 50-м псалме́ стихи́ра, глас 6:

Преподо́бне о́тче,/ во всю зе́млю изы́де веща́ние исправле́ний твои́х,/ тем на Небесе́х обре́л еси́ мзду трудо́в твои́х,/ де́монския погуби́л еси полки́/ и а́нгельския дости́гл еси́ чи́ны,/ и́хже житию́ без поро́ка поревнова́л еси́./ Дерзнове́ние име́я ко Христу́ Бо́гу,/ мир испроси́ душа́м на́шим.

Кано́н, глас 4.

Песнь 1

Ирмо́с: Колесни́цы фарао́новы и си́лу его́/ вве́рже в мо́ре Кре́пкий в бра́нех,/ воспое́м песнь но́вую, я́ко просла́вися.

Весь освяще́н быв благода́тию Христо́вою, Мака́рие преподо́бне,/ вои́стинну, я́ко избра́н сосу́д, Бо́гови показа́лся еси́/ и жили́ще че́стно Свята́го Ду́ха.

От ю́ности Бо́га возлюби́л еси́, преподо́бне Мака́рие,/ и Тому́ от всея́ души́ порабо́тал еси́, преблаже́нне./ И ны́не помина́й нас, пресве́тло соверша́ющих па́мять твою́.

От страсте́й душетле́нных ми́ра сего́ избе́гл еси́, преподо́бне,/ и в пусты́ню всели́лся еси́ глубо́кую./ Ны́не же у́бо ра́дуется дух твой в Небе́сных оби́телех.

Богоро́дичен: О Тебе́ ра́дуется вся́кое созда́ние Бо́жие, Ма́ти Бо́га Вы́шняго,/ Его́же понесла́ еси́, нося́щаго вся́ческая./ И мы, чту́ще Тя вои́стинну, я́ко Богоро́дицу в пе́снех велича́ем.

Песнь 3

Ирмо́с: Утвержда́яй гром и созида́яй дух,/ утверди́ мене́, Го́споди,/ да Тя пою́ и́стинно/ и творю́ во́лю Твою́,/ я́ко несть свят, я́ко Ты, Бо́же наш.

Уха́ет твоя́ ра́ка бога́тно и дае́т незави́стно всем исцеле́ние,/ ду́ши же от бесо́вских наве́т избавля́еши моли́твами твои́ми, преподо́бне.

Отгна́л еси́, преподо́бне, от люде́й твои́х бесо́вская озлобле́ния,/ и гряду́щая их ополче́ния, я́же на нас, мо́лим тя укроти́ти,/ я́ко да при́сно соверша́ем па́мять твою́.

Утверди́ се́рдце мое́ све́тло воспева́ти па́мять твою́, о́тче всеблаже́нне Мака́рие:/ поще́нием бо и бде́нием, я́ко А́нгел, показа́лся еси́,/ в моли́твах воспева́я Бо́га, подаю́щаго нам тобо́ю всем исцеле́ние.

Богоро́дичен: Всепе́тая Ма́ти Бо́жия, ро́ждшая нам Жизнода́вца и Спа́са всех Бо́га,/ Того́ у́бо, Госпоже́, моли́ бо́дренною Твое́ю моли́твою, да спасе́т ду́ши на́ша.

Седа́лен, глас 3:

Моля́ приле́жно Го́спода и Того́ ра́ди свы́ше ве́лие дерзнове́ние прия́л еси́,/ я́коже и инове́рнии чудесе́м твои́м дивля́хуся вои́стинну, прехва́льне Мака́рие:/ их бо ага́рянское безбо́жное шата́ние посрами́л еси́/ и моли́твами твои́ми до конца́ их ослепи́л еси́,/ град же и вся су́щия лю́ди в нем неврежде́нны соблю́л еси́./ И ны́не, преподо́бне, Христа́ Бо́га моли́ ми́лостива быти нам днесь и во ве́ки.

Сла́ва, и ны́не, Богоро́дичен:

Устраши́ся вся́кое земноро́дное слы́шание,/ от недр Оте́ческих в деви́чу утро́бу всели́вшася слы́шаще,/ Его́же у́бо проро́цы провозвести́ша, из Тебе́ воплоще́нна бы́ти Сы́на Бо́жия,/ Ма́ти Де́во Всепе́тая,/ Его́же моли́ спасти́ ста́до Твое́, Богоро́дице.

Песнь 4

Ирмо́с: Услы́шах, Бо́же, слух Твой и убоя́хся,/ разуме́х дела́ Твои́ и ужасо́хся, Го́споди,/ я́ко Твоего́ хвале́ния испо́лнь земли́.

Се удали́лся еси́, бе́гая ми́ра и су́щих в нем/ и прилепи́лся еси́ Го́сподеви твоему́, Влады́це и Бо́гу всех,/ Ему́же, при́сно поя́, благоугоди́л еси́, му́дре Мака́рие.

Удиви́шася а́нгельстии ли́цы твоему́ трудолю́бию, блаже́нне,/ и мы, ве́рнии, при́сно тя сла́вим,/ я́ко да моли́твами твои́ми изба́вимся бу́дущаго осужде́ния.

Украша́ется днесь ве́рных собо́р,/ торжеству́я, преподо́бне, в па́мять твою́,/ пога́ных же со́нмища ужаса́ются,/ ви́дяще тя кре́пка засту́пника гра́ду твоему́ и живу́щим в нем.

Богоро́дичен: Исцели́, Де́во, боле́зни серде́ц на́ших,/ Тебе́ бо и́мамы Помо́щницу и Хода́таицу к Сы́ну Твоему́ и Бо́гу на́шему,/ Его́же родила́ еси́, Спа́са и Врача́ всех, источи́вшаго спасе́ние душа́м на́шим.

Песнь 5

Ирмо́с: Возсия́й ми, Го́споди, свет повеле́ний Твои́х,/ я́ко к Тебе́ дух мой у́тренюет и пое́т Тя:/ Ты бо еси́ Бог наш,/ и к Тебе́ прибега́ю, Царю́ ми́ра.

В пусты́ни я́сно возсия́л еси́, Богодохнове́нне Мака́рие,/ нося́ во усте́х твои́х непреста́нныя моли́твы./ Тем мра́чныя собла́зны и бесо́вския полки́ до конца́ потреби́л еси́.

Возгреме́ Илия́ на колесни́це,/ ты же, свя́те, воспева́л еси́ богодохнове́нную песнь в пусты́ни,/ со А́нгелы вся́ческих Влады́ку умоля́я, е́же улучи́ти Го́рнее пребыва́ние.

Водвори́лся еси́, блаже́нне, в Небе́сныя оби́тели,/ и со А́нгелы, преподо́бне, лику́еши в Го́рних селе́ниих,/ и та́мо Вседержи́теля вы́ну зри́ши Бо́га,/ Его́же непреста́нно моли́ о всех нас.

Богоро́дичен: Вы́шша естества́ Бо́га пло́тию породила́ еси́, Де́во, я́коже Сам восхоте́./ Тем, ве́рнии, мо́лим Тя,/ изба́витися нам Рождество́м Твои́м ве́чнаго муче́ния.

Песнь 6

Ирмо́с: Бу́ря мя помышле́ний, пости́гши,/ во глубину́ низвлачи́т мя безме́рных грехо́в,/ но Ты, Упра́вителю Благи́й,/ предвари́в, упра́ви,/ я́ко проро́ка, и спаси́ мя.

Безпло́тных житие́ подража́л еси́, преподо́бне, я́ко А́нгел непоро́чно на земли́ пожи́в,/ воздержа́нием плотски́я стра́сти умертви́л еси́, о́тче Мака́рие,/ сла́ву же ми́ра сего́ возненави́дел еси́, Богому́дре.

Боже́ственный глас вня́л еси́ себе́, прему́дре,/ тем и в пусты́ню водвори́лся еси́, послуша́нием любе́зно нося́ Крест Его́./ И сего́ ра́ди потща́лся еси́ чи́ста себе́ сохрани́ти до конца́, преподо́бне.

Боже́ственным манове́нием тебе́ зве́рие ди́вии в пусты́ни покори́шася:/ стра́сти бо тебе́ плотски́я вся умири́шася./ Сего́ ра́ди и бесо́вская льще́ния посрами́л еси́.

Богоро́дичен: Боже́ственное селе́ние Ты еси́, Пречи́стая Богоро́дице:/ от Твоея́ бо утро́бы произы́де Сло́во О́тчее и бысть Бог и Челове́к,/ я́ко да за неизрече́нное милосе́рдие спасе́т челове́ческий род.

Конда́к, глас 2:

Вторы́й Моисе́й яви́лся еси́, преподо́бне:/ он бо жезло́м мо́ре раздели́,/ ты же стра́сти, я́ко Амали́ка, победи́л еси́/ и непрохо́дную пусты́ню немяте́жным умо́м проше́л еси́,/ в не́йже моли́твами твои́ми ве́лие чу́до сотвори́л еси́:/ гла́дныя лю́ди до изоби́лия прекорми́л еси́./ И ны́не моли́ся Го́сподеви/ пода́ти всем печа́льным утеше́ние,/ Мака́рие, о́тче приснопа́мятне,/ и́же Га́личестей стране́ и всей Росси́йстей земли́/ похвала́ и утвержде́ние.

И́кос:

Я́ко светоза́рная луча́, вселе́нней свет возвеща́я, днесь ты, всему́дре о́тче Мака́рие,/ озари́л еси́ Га́лическую страну́ и всю зе́млю Росси́йскую чудесы́ твои́ми,/ и́миже тя Христо́с Бог обогати́./ Тем и вопие́м ти:/ ра́дуйся, пребога́те о́тче Мака́рие,/ ра́дуйся, е́же всех по́стничествующих всечестно́е сосло́вие./ Ра́дуйся, я́ко ли́ку святы́х всему́дрое сочета́ние показа́лся еси́,/ ра́дуйся, преподо́бных всех удобре́ние и отце́в похвало́./ Ра́дуйся, крестоно́сное после́дование по гла́су Го́спода твоего́,/ ра́дуйся, и́же у Христа́ ве́рному во́инству на́шему на сопроти́вныя побе́ды испроша́еши./ Ра́дуйся, я́ко град наш от ва́рварскаго наи́тия невреди́м сохраня́еши,/ ра́дуйся, я́ко пусты́нным селе́нием светоли́чен вене́ц себе́ сплел еси́./ Ра́дуйся, я́ко Небе́снаго жи́тельства смиренному́дрия ра́ди твоего́ дости́гнути сподо́бился еси́,/ ра́дуйся, я́ко у престо́ла Вседержи́теля Бо́га со А́нгелы лику́еши./ Ра́дуйся, я́ко усе́рдно Того́ за ве́рныя рабы́ мо́лиши,/ ра́дуйся, Мака́рие приснопа́мятне,/ и́же Га́личестей стране́ и всей Росси́йской земли́ вели́кая похвала́ и утвержде́ние.

Песнь 7

Ирмо́с: Глаго́лавый на горе́ с Моисе́ом/ и о́браз де́вства явле́й в купине́,/ благослове́н еси́, Бо́же оте́ц на́ших.

Гла́сом любе́зным Тро́ицу воспева́я,/ и я́ко Богодохнове́нен орга́н яви́лся еси́, Мака́рие преподо́бне, и́же велегла́сно всем зовы́й:/ благослове́н Бог оте́ц на́ших.

Пусты́нная вита́ния бога́тно получи́в, свя́те Мака́рие,/ ю́же прехожда́л еси́ непреста́нною моли́твою,/ и та́мо получи́в духо́вную пи́щу, зовы́й:/ благослове́н Бог оте́ц на́ших.

Глаго́л Госпо́день исполня́я,/ за́поведи Бо́га твоего́ от ю́ности сохрани́л еси́, о́тче Мака́рие,/ и Того́ благода́тию возмо́гл еси́ пога́ных собо́рища твои́ми чудесы́ удиви́ти./ Сего́ ра́ди зове́м:/ благослове́н Бог оте́ц на́ших.

Богоро́дичен: Глаго́л Деви́ч Ио́сиф Тя нарече́, я́ко пра́во есть:/ утро́бу же не деви́чу, но Небе́сный круг и земну́ю широту́./ Во Твое́й бо утро́бе Отчее Сло́во бысть, благослове́н Бог оте́ц на́ших.

Песнь 8

Ирмо́с: Земля́ и вся, я́же на ней,/ мо́ре и вси исто́чницы,/ Небеса́ небе́с, свет и тьма, мраз и зной,/ сы́нове челове́честии,/ свяще́нницы, благослови́те Го́спода/ и превозноси́те Его́ во ве́ки.

Земна́я вся оста́вив, пи́щу же и сла́ву ми́ра сего́, я́ко прах, вмени́л еси́/ и еди́наго Бо́га возжеле́л еси́, о́тче,/ Его́же моли́ пла́мень страсте́й угаси́ти в нас,/ пою́щих и превознося́щих Его́ во ве́ки.

Зе́млю от младе́нства слеза́ми твои́ми, я́ко ту́чами, напои́л еси́, блаже́нне,/ по́ты же и по́двиги трудо́в твои́х кто́ испове́сть?/ И́хже ра́ди венча́ тя Христо́с в Ца́рствии Свое́м,/ Е́го́же пое́м и превозно́сим во ве́ки.

Земля́ я́ко плодови́та, яви́лся еси́, о́тче Мака́рие:/ изне́сл бо еси богосажде́нный плод, ве́рных напитава́ющ сердца́/ бра́шном живоно́сным Ева́нгельскаго уче́ния Христо́вых усте́н,/ Его́же пое́м и превозно́сим во ве́ки.

Богоро́дичен: 3емле́ свята́я и Непоро́чная Де́во,/ из Тебе́ бо напосле́док прозябе́ Христо́с Бог,/ я́коже кля́лся есть Авраа́му, рабу́ Своему́, е́же умно́жити се́мя его́/ и Тобо́ю спасти́ седя́щия во тьме./ Спаси́, Влады́чице, всех, пою́щих Тя и превознося́щих Го́спода во ве́ки.

Песнь 9

Ирмо́с: Я́ко сотвори́ Мне вели́чия Си́льный,/ и Свя́то И́мя Его́,/ и ми́лость Его́/ в род и род боя́щимся Его́.

Я́ко те́пла засту́пника стяжа́хом тя в бране́х, о́тче Мака́рие:/ плене́нныя бо моли́твами твои́ми свобожда́еши и неве́рныя со́нмища посрамля́еши.

Я́ко со́лнце светоно́сное, чудесы́ сия́еши, Мака́рие,/ и равноа́нгельно на земли́ пожи́л еси́, Богому́дре,/ Боже́ственней же сла́ве со А́нгелы предстоя́ти сподо́бился еси́.

Прекра́сен дом Свята́го Ду́ха яви́лся еси́/ и Царя́ всех Христа́ Бо́га от всея́ души́ возлюби́л еси́,/ Его́же ра́ди в чудесе́х прославля́ешися, досточу́дне о́тче Мака́рие преподо́бне.

Богоро́дичен: Вся тварь воспева́ет Тя, Богоро́дице,/ и Небе́снии чи́нове Тебе́ велича́ют непреста́нно:/ Бо́га бо и Царя́ всех родила́ еси́, Де́во Чи́стая./ Его́же моли́ вся гра́ды и страны́ ве́рныя соблюсти́ от наве́та вра́жия.

Свети́лен:

Влады́чню престо́лу ны́не с преподо́бными ли́ки предстоя́, Богому́дре,/ моли́тися не преста́й дарова́ти побе́ды во́инству на́шему на сопроти́вныя вся,/ и междоусо́бныя бра́ни укроти́ти,/ и мир ми́рови устро́ити, о́тче Мака́рие,/ и спасти́ ду́ши на́ша.

Сла́ва, и ны́не, Богоро́дичен:

От нерукотворе́нных пеле́н небе́сных о́блак/ в смире́нныя пелены́ тле́нныя облече́ся Сло́во О́тчее,/ из Де́вы неизрече́нно без се́мене роди́вся,/ Ю́же, Чи́стую Ма́терь, Пресла́вную Богоро́дицу,/ непреста́нно пое́м и славосло́вим во ве́ки.

На хвали́тех поста́вим стихо́в 4, глас 8:

О́тче Богому́дре Мака́рие,/ в ме́ру похвалы́ преподо́бных дости́гл еси́:/ смиренному́дрия же ра́ди де́монов вы́и сокруши́л еси́,/ слеза́ми же пото́ки и по́стными труды́/ ва́рваров ро́ги сломи́л еси́./ Христу́ приле́жно моли́ся, преподо́бне,/ соверше́нне испроси́ти оте́честву побе́ды на сопроти́вныя.

Преподо́бне о́тче Мака́рие,/ нача́льниче мона́шествующих,/ егда́ у́бо бы́вшу гне́ву Бо́жию на лю́ди,/ тогда́ ва́рвары оби́тель твоея́ па́ствы плени́ша,/ и ча́да твои́ мечи́, я́ко кла́сы пожа́ша;/ моли́твами же и моле́нием твои́м/ к невече́рнему Све́ту их посла́л еси́,/ иде́же от Влады́ки всех Бо́га досто́йныя венцы́ прия́ша;/ Его́же приле́жно моли́ дарова́ти нам ве́лию ми́лость.

В Вы́шних ве́чная взыска́л еси́,/ до́льняя же вся, я́ко мимоше́дшая, вмени́л еси́/ и та́ко изя́щен моли́твенник показа́лся еси́./ Егда́ же у́бо от шата́ния безбо́жных ва́рвар/ непрохо́дными пусты́нями ше́ствовал еси́,/ тогда́ моли́твами твои́ми до изоби́лия бра́шно лю́дем твои́м испроси́л еси́./ И ны́не нам па́че духо́вную пи́щу от Христа́ испроси́,/ о́тче Мака́рие, преподо́бне,/ я́ко да, любо́вию в па́мять твою́ соше́дшеся,/ тебе́ почита́ем.

Сла́ва, глас 6:

Псало́мски пе́сньми днесь почти́м преподо́бнаго/ с весе́лием о Го́споде и па́ки рцем:/ ра́дуйся, блаже́нства тезоимени́те Мака́рие,/ ра́йскаго ра́дования напо́лнивыйся,/ и от Христа́ Бо́га нетле́нный вене́ц прия́л еси́,/ и, я́ко свети́льник пресве́тлый, ду́шу твою́ просвети́л еси́./ И ны́не та́ко пе́сньми вси возопие́м:/ ра́дуйся, преподо́бне о́тче наш.

И ны́не, Богоро́дичен. Славосло́вие вели́кое.

И отпу́ст.

НА ЛИТУРГИ́И СЛУ́ЖБА ПРЕПОДО́БНИЧЕСКАЯ.

Моли́тва

О преподо́бне и Богоно́сне о́тче наш Мака́рие! Ве́руем, я́ко ты, предстоя́ Престо́лу Пресвяты́я Тро́ицы, ве́лие и́маши дерзнове́ние в моли́твах ко Всеми́лостивому Го́споду Бо́гу, И́же всегда́ послу́шает тебе́, ве́рнаго раба́ и уго́дника Своего́. Сего́ ра́ди с умиле́нием смире́нно припа́даем к тебе́, свя́тче Бо́жий, не премолчи́ о нас моли́тися ко Го́споду Бо́гу, в Тро́ице покланя́емому и сла́вимому, да ми́лостиво призре́в на ны, не попу́стит нам поги́бнути во гресе́х на́ших, но да возста́вит па́дших, да пода́ст исправле́ние зло́му и окая́нному на́шему житию́, от гряду́щих грехопаде́ний восхища́я, и да прости́т нам вся, ели́ка са́ми собо́ю или́ чрез други́х кого́ согреши́хом мы́слию, сло́вом и де́лом, от рожде́ния до сего́ часа́. Ты, подви́жниче доброде́телей, о́тче наш Мака́рие, ве́си не́мощь естества́ на́шего и тя́жесть и скорбь време́н настоя́щих, моли́ у́бо вы́ну Го́спода Бо́га, да николи́же нас оставля́ет Его́ неизрече́нное милосе́рдие, но да храни́т нас от мирски́х искуше́ний, от диа́вольских сете́й и от плотски́х по́хотей, да прии́мем от Го́спода Бо́га тобо́ю и вся потре́бная к жи́зни вре́менней, освобожде́ние от бед и напа́стей, а среди́ их неосла́бное терпе́ние до конца́. Испроси́ нам у Го́спода Бо́га в ми́ре и покая́нии сконча́ти живо́т наш и невозбра́нно преити́ от земли́ на Не́бо, мыта́рств же и бесо́в возду́шных и ве́чныя му́ки изба́витися и сподо́битися Ца́рства Небе́снаго, с тобо́ю и со все́ми святы́ми, угоди́вшими Го́споду Бо́гу и Спаси́телю на́шему Иису́су Христу́, Ему́же подоба́ет вся́кая сла́ва, честь и поклоне́ние, со Безнача́льным Его́ Отце́м и с Пресвяты́м, и Благи́м, и Животворя́щим Его́ Ду́хом, ны́не, и при́сно, и во ве́ки веко́в. Ами́нь.

И́ на моли́тва

Преподо́бне и Богоблаже́нне о́тче наш Мака́рие! Свети́льниче всеми́рный, мона́хов и подви́жников удобре́ние, Га́личския страны́ и всея́ Росси́йския земли́ засту́пниче! Неусыпа́емый и те́плый за ны, гре́шныя, моли́твенниче ко Всеми́лостивому Спа́су на́шему и Бо́гу Иису́су Христу́ и ко Пресвяте́й и Пречи́стей Ма́тери Его́, Влады́чице на́шей Богоро́дице и Присноде́ве Мари́и! Мо́лим твою́ всечестну́ю святы́ню, недосто́йнии ученицы́ твои́, не забу́ди ны, смире́нная ча́да твои́, но я́ко чадолюби́вый оте́ц посеща́й ду́хом при́сно душ на́ших не́мощь. И́ испроси́ моли́твами твои́ми у Христа́ Бо́га на́шего, я́ко да освяти́т ду́ши на́ша и телеса́, и просвети́т наш ум и ра́зум, и очи́стит со́весть на́шу от вся́кия скве́рны, и от нечи́стых по́мыслов, и лука́вых умышле́ний, и вре́дных разуме́ний, и губи́тельнаго уны́ния, и изба́вит нас от вся́ких де́монских непреста́нных наве́тов же и озлобле́ний дневны́х и нощны́х. Да́рует же нам и́скреннее покая́ние, сокруше́ние се́рдцу, сле́зы и умиле́ние, воздержа́ние и тре́звость, смиренному́дрие, кро́тость же и безмо́лвие, и чистоту́ душе́вную и теле́сную, нищелю́бие же и страннолю́бие, и нелицеме́рную ко друг дру́гу любо́вь и милосе́рдие, и вся́кое и́ноческое благогове́ние. О всеблаже́нне о́тче наш Мака́рие, сподо́би ны после́довати, по си́ле на́шей, свято́му твоему́ и равноа́нгельному житию́! Я́ко да всеми́лостивым предста́тельством Преблагослове́нныя и Препросла́вленныя Присноде́вы Мари́и Богоро́дицы, Небе́сныя Цари́цы, христиа́нския Засту́пницы и Покрови́тельницы, и твои́ми святы́ми моли́твами Преблаги́й Христо́с Бог наш пока́жет на нас, гре́шных рабе́х Свои́х, благода́ть и ми́лость Свою́, и настоя́щих зол и бу́дущих мук ве́чных свободи́т нас, и сподо́бит ны насле́дники бы́ти Ца́рствия Своего́ Небе́снаго, сла́вящих и велича́ющих Его́ ку́пно, со Безнача́льным Его́ Отце́м, и Пресвяты́м, и Благи́м, и Животворя́щим Его́ Ду́хом, ны́не, и при́сно, и во ве́ки веко́в. Ами́нь.

Преподобный Макарий Желтоводский, Унженский, родился в 1349 году в Нижнем Новгороде в семье благочестивых родителей Иоанна и Марии. С детства он был обучен грамоте и проявил при этом особые дарования и любовь к учению. В двенадцатилетнем возрасте, «от младых ногтей Христа Спаса возлюбив», он тайно от родителей ушел в Печерский Нижегородский монастырь, где несмотря на юные годы был пострижен в монашество архимандритом Дионисием (впоследствии святой архиепископ Суздальский; †1385; память 26 июня). С искренним желанием юношеской души; «гласом любезным Троицу воспевая», преподобный Макарий начал иноческий путь спасения. Через три года его разыскали родители. Отец со слезами умолял сына вернуться домой или хотя бы повидаться с ним. Смиренный инок отказался исполнить просьбу родителей. «Лучше будет для нас обоих,– отвечал он,– если не увидимся здесь; увидимся там – в вечности». Уступая настойчивым просьбам отца, преподобный Макарий протянул ему через стену руку, поцеловав которую благочестивый родитель вернулся домой. Вскоре, избегая суетной мирской славы, преподобный тайно удалился на реку Лух, где построил себе хижину и стал жить в молитвенном уединении. Только «звери дикие», покорившиеся святому Макарию, изредка нарушали его безмолвие. Однако в скором времени и здесь собрались вокруг преподобного ревнители иноческого благочестия. Тогда святой Макарий устроил обитель с храмом в честь святого Богоявления, а затем тайно удалился на берега озера Желтого, расположенного на левобережье реки Волги. Там он выкопал себе пещеру и с еще большим усердием продолжил иноческие подвиги.

Не только русский православный народ, но даже татары-мусульмане и языческие народности, населявшие близлежащую местность, с удивлением и восхищением смотрели на суровую подвижническую жизнь преподобного Макария. Вскоре многие из них, «оставив агарянское безбожное шатание», стали поселяться рядом с преподобным. В 1435 году святой Макарий устроил обитель и храм во Имя Святой Живоначальной Троицы, и, сам приняв сан игумена, стал проповедовать веру во Христа окрестным черемисам, чувашам и татарам. Перед воротами монастыря было озеро, впоследствии названное Святым, в котором преподобный Макарий крестил во Имя Святой Троицы обращавшихся магометан и язычников.

В 1439 году татары под предводительством Мамотяка, сына казанского хана Улу-Махмета, напали на Нижний Новгород и разорили обитель святого Макария. Иноки были убиты, а святой игумен взят в плен. Однако из уважения к благочестию преподобного Макария хан Улу-Махмет отпустил святого и по его просьбе освободил еще до 400 христиан. Но при этом татарский властелин потребовал от преподобного не селиться больше при Желтом озере. «Та земля,– говорил он,– наша». Преподобный Макарий, вернувшись в обитель, с честью похоронил замученных татарами иноков, а затем отправился в Галичскую землю. В 240 верстах от прежней обители на берегу озера Унжа блаженный Макарий поставил крест и соорудил келлию. В том же, 1439 году, он основал новую обитель.

Примечательно, что на пути от Казани до Унжы преподобный Макарий, «нося во устех непрестанные молитвы», чудесно насыщал своих спутников. На пятом году своей подвижнической жизни в Унже, прославившись «пощением и бдением, яко ангел», преподобный Макарий заболел и 25 июля 1444 года, в возрасте 95-ти лет, отошел ко Господу. Во время блаженной кончины праведника вся местность вокруг келлии исполнилась благовония, а лицо святого озарилось Божественной благодатью.

Еще при жизни преподобный Макарий получил от Бога дар чудотворений. Так, однажды он исцелил слепую и бесноватую девушку. Но и по смерти преподобного множество людей получали исцеление при гробнице его святых мощей, а город Унжа неоднократно был спасаем от разграбления татарами его пламенной молитвой. Так, в 1522 году татары напали на Унжу и хотели ограбить серебряную гробницу в Макариевой пустыни, но внезапно ослепли и, обезумев, бросились бежать, многие из них при этом утонули в реке Унже. В 1532 году молитвами преподобного Макария был спасен от татарского набега город Солигалич и благодарные жители устроили в соборном храме придел во имя преподобного Макария. Сохранился до наших дней текст письма знаменитого предводителя русского ополчения в борьбе против польско-литовских захватчиков, князя Димитрия Михайловича Пожарского, в котором он сообщает Святейшему Патриарху Московскому Филарету о многочисленных исцелениях, происшедших от чудотворной иконы преподобного Макария, находившейся в его поместье («Письма русских государей», изд. Археографической комиссии, 1848, т. 1, № 18).

В октябре 1619 года царь Михаил Феодорович посетил обитель и молился у святых мощей преподобного Макария, при этом щедро одарил монастырь. В 1670 году, при игумене Никите (1666–1675), во время ремонта каменного храма были обретены под каменной плитой нетленные мощи святого подвижника. При этом обнаружилось, что «и кости в составы$$$х тверды и нерушимы, власы главнии и брада седы, видом же всем таков, яко же и на иконех пишется; одежда же иноческая на мощех, яже есть схима и мантия и прочее, весьма целы и крепки, молитвой положили нетленные мощи преподобного в новый гроб и сотвориша праздник светел и торжество радостное обретению честных мощей преподобного». 226 лет пробыли в земле святые мощи и силой Божественной благодати сохранились нетленными. При Патриархе Иоакиме (1674–1690) святые мощи вновь были погребены под спудом.

За правым клиросом в обители преподобного находилась икона, на которой преподобный Макарий изображен со свитком в руках. Вверху, над его головой – Пресвятая и Животворящая Троица; на свитке надпись: «Чту, пою и покланяюся Отцу и Сыну, и Святому Духу». Эта икона была написана в XVII веке по благословению возобновителя Желтоводского Свято-Троицкого монастыря игумена Авраамия (†5 апреля 1640). В «Иконописном подлиннике» приводятся следующие данные о преподобном: «Подобием стар и сед, лицом блед, власы просты на главе, брада аки Сергия Радонежского, ризы преподобническия, в руке свиток, а на нем написано: «Хвалю Тя, Господи Иисусе Христе, благословенный Боже, соблюдимый нас доселе живы, воистину всякое дыхание и всякая тварь благословит Тя, призри убо милостивно с высоты святыя славы Твоея, и услыши моление недостойного раба Твоего, и якоже древле препитал еси пять тысящь народа пятью хлебами, сице и сия малыя люди в пустыни сей препитай милосердным и человеколюбивым Твоим смотрением, Небесный Царь».

Литература:

1. Докучаев-Басков К. А. Сказание о чудесах в Каргопольской Хергозерской пустыне от иконы преподобного Макария Унженского и Желтоводского. М., 1902.

2. Макарий, иеромонах. Сказание о жизни и чудесах преподобного Макария Желтоводского и Унженского чудотворца. М., 1851.