29-й день

Преподобнаго отца на́шего и испове́дника Кассиа́на Ри́млянина

Преподо́бных оте́ц Пече́рских и всех святых, в Ма́лой Росси́и просия́вших

Приложение ме́сяца февраля́ в 3-й день Свята́го пра́веднаго Симео́на Богоприи́мца и А́нны проро́чицы

Праведный Симеон Богоприимец

Праведная пророчица Анна

17-й день Преподо́бного Варна́вы Гефсима́нского, Ра́донежского

Преподобный Варнава Гефсиманский

Егда́ и́мать февраль месяц дней 28, тогда служба свята́го Кассиа́на поется на повече́рии.

А́ще же есть ви́сект, стихи́ры, глас 6.

Подо́бен: Всю отложи́вше:

Му́дре проразуме́л еси́/ теку́щую прелесть, о́тче пресла́вне,/ и сию́ тре́бующим име́ти возбрани́л еси́,/ никако пребыва́ющую по исхожде́нии отсю́ду ко Го́споду:/ мимотеку́щее сие́ и вре́менное житие́ и устрое́ние./ Темже и к лу́чшей жи́зни преста́вился еси́,/ я́ко смотри́тель и мудр,/ житием и де́лом, Кассиа́не, Христу́ угоди́в.

Крест от младе́нства взе́м/ и стезе́ю, отче, жесто́кою и те́сною/ ше́ствовал еси́ спе́шно,/ и честно́ю па́че,/ повину́яся, сла́вне, веле́нием призва́вшаго./ Тем́же сугу́бо обре́л еси́/ трудо́в воздая́ние и досто́йну мзду:/ Небесное Царствие Христо́во/ и со все́ми святы́ми ликова́ние во Све́те, Кассиа́не./ С ни́миже непреста́нно моли о душах наших.

Чудесе́ вещь вся́кия есть доброде́тели, Богомудре,/ с не́юже и в пло́ти на земли́ пе́рвее,/ смотря́я молча́, преподо́бне,/ и глаго́ля по́слежде и словесы́, и вещми́,/ смире́н и кро́ток, незло́бив/ и вельми́ благогла́сник проро́ческий:/ мно́жае же ныне па́че,/ егда́ к Богу восте́к, удиви́лся еси́/ и прия́л благода́ть исцеле́ний.

Сла́ва, и ны́не, Богоро́дичен.

Подо́бен то́йже:

Нра́вом злым поползо́хся/ и порабоще́н лестию лука́вною, Богоневе́стная,/ к пречу́дному Твоему милосе́рдию и те́плому заступле́нию,/ Пресвята́я Отрокови́це, прибега́ю, окая́нный:/ сою́з мя изба́ви напа́стей и печа́лей/ и спаси́ мя, Пренепоро́чная, бесо́вских прилог,/ да прославля́ю Тя,/ и любо́вию пою́, и покланя́юся,/ и велича́ю Тя, Владычице, Присноблаже́нную.

Крестобогоро́дичен.

Подо́бен то́йже:

Ору́жие, я́коже рече́ Симео́н,/ сердце Твое про́йде,/ Пречистая Владычице,/ егда́ узрела еси́ из Тебе́ возсия́вшаго неизрече́нным словом,/ от беззако́нных я́ко осужде́на/ возноси́ма на Крест,/ о́цтом и же́лчию напая́емаго,/ ребра́ же пробода́ема,/ и ру́це и но́зе пригвожда́емы/ и, рыдающи, восклица́ла еси́, Ма́терски вопию́щи:/ что сие́, Чадо сладча́йшее, но́вое та́инство?

Тропа́рь, глас 8:

Посто́м предочи́сти́вся, прему́дрости пости́гл еси́ разуме́ние,/ от пусты́нных же Богоно́сных отец научи́лся еси страсте́й обузда́нию./ Того́ ради пода́ждь нам твоими моли́твами/ пло́ти нашея ду́ху послуша́ние:/ еси бо наста́вник, Кассиа́не преподо́бне,/ всем пою́щим о Христе́ твою па́мять.

Канон, глас 2.

Песнь 1

Ирмо́с: Во глубине́ постла́ иногда́/ фараони́тское всевоинство преоруже́нная сила,/ вопло́щшееся же Слово всезло́бный грех потреби́ло е́сть,/ Препросла́вленный Господь славно бо прослав́ися.

Венча́в Боже́ственными доброде́тельми, преподо́бне, житие́ твое, Кассиа́не, к Богу отшел еси́,/ от Него́же нам проси́ избавле́ния прегреше́ний, мо́лимся,/ соверша́ющим ве́рою свято́е твое́ преставле́ние.

Всеобра́зным мановением к Богу всех, достосла́вне,/ от стра́стных помышлений уклонился еси́/ и свет был еси́, прича́стии невеще́ственными

Обожа́емь;/ препросла́вленнаго Господа поя́, тя просла́вльшаго.

Врач был еси́ душа́м, Боже́ственными твои́ми уче́нии, Кассиа́не,/ управля́я мудрова́ния мона́шествующих благода́тию,/ и к жизни ве́чней наставил еси́./ Сего́ ради тя вси любо́вию почита́ем.

Богоро́дичен: Во чре́ве носи́вшую, Чи́стая, вси́ вемы:/ Бога бо, в плоть ме́ртвенную обле́кшася, па́че ума роди́ла еси́,/ просвети́вшаго преподо́бных сосло́вие,/ препросла́вленнаго Господа, славно бо просла́вися.

Песнь 3

Ирмо́с: Процвела́ есть пусты́ня, я́ко крин, Господи, I язы́ческая неплодящая церковь прише́ствием Твоим,/ в не́йже утвердися мое се́рдце.

Звезду́ тя, на высоте́ церко́вней возсия́вшую,/ просвеще́ние показа́ су́щим во тьме Христос, всехва́льне,/ по́стников украше́ние, преподо́бне.

Кресту приобщи́вшемуся и мир просве́щшему, Кассиа́не, подо́бяся,/ распя́лся еси́ мирски́м страсте́м,/ коварствия бесо́в победив.

Му́дрости испо́лнися твое се́рдце, прему́дре,/ уче́ния бе́здну Святым источи́ Духом,/ мона́хов стада́ напая́ющу.

Богоро́дичен: Исцели́, Всенепоро́чная, ду́шу мою молю́ся,/ изнемо́гшую страстьми́ и вся́кими настоя́нии зле́йших де́монов,/ Боже́ственным хода́тайством Твоим.

Седа́лен, глас 4.

Подо́бен: Вознесы́йся:

Преподо́бен быв, Бо́гу возложи́лся еси́/ и, просве́щься до́брыми ви́ды, Кассиане,/ я́ко солнце, облиста́л еси́ сия́нием Боже́ственных твоих учений/ сердца́ всех, чту́щих тя, всегда просвеща́я./ Но приле́жно моли Христа о иже любовию тепле́ восхваля́ющих тя.

Сла́ва, и ны́не, Богоро́дичен:

Грехолюби́в сый, молю́ Тя, безгре́шнаго Бога ро́ждшую, взе́млющаго грехи́ мира, Пречи́стая,/ многогре́шную ду́шу мою уще́дрити и грехи́ моя мно́гия очи́стити:/ грешных бо Ты еси́ очище́ние, и спасе́ние верных, и заступление.

Крестобогоро́дичен:

Иже во́лею нас ради распе́ншагося на Дре́ве/ А́гница зрящи, рыда́ющи, глаго́лаше, слезя́щи:/ что́ Ти безблагода́тный евре́йский собо́р воздаде́,/ и́же многих и великих, Сыне Мой, даро́в наслажде́йся?/ Но воспева́ю Твое, Боже Мой, долготерпе́ние.

Песнь 4

Ирмо́с: Прише́л еси́ от Девы, не хода́тай, ни Ангел,/ но Сам, Господи, вопло́щся,/ и спасл еси всего мя, человека./ Тем зову Ти: сла́ва силе Твоей, Господи.

По́двиги твоими плотска́я покори́л еси́ игра́ния духу, преподо́бне,/ и свяще́нными учении твоими вся обнажил еси́ кова́рствия льсти́ваго и ловле́ния.

Умерщвля́емь волею от мирски́я ме́ртвости,/ бу́дущия жизни насле́дие приял еси́, Кассиа́не пресла́вне,/ законы же написал еси́ монахов в наставле́ние и соверше́ние.

Вселися в ду́шу твою благода́ть Духа/ и всех вы́шша плотски́х мудрова́ний тя показа́, пребога́те,/ и льсти́ваго сете́й явле́нно.

Богоро́дичен: Безле́тнаго, в лето бы́вша, родила́ еси́ неизрече́нно, Всенепорочная,/ преподо́бныя просвети́вшаго, ве́рою пожи́вшия,/ и злонача́льнаго зми́я смири́вшаго.

Песнь 5

Ирмо́с: Хода́тай Богу и человеком был еси́, Христе Боже:/ Тобою бо, Владыко, к Светонача́льнику, Отцу Твоему,/ от но́щи неве́дения/приведе́ние и́мамы.

Восхи́тился еси́, твоими добродетельми, Богоприя́тне, носи́м,/ и, ра́дуяся, достигл еси́ к Небесным селе́нием,/ трудо́в по́чести достойно прие́мля.

Умо́м чистым ты взирая доброт́у Христо́ву,/ стоял еси́ непрекло́нен в нощи́ и во дни, пресла́вне,/ Боже́ственная явле́ния отту́ду прие́мля.

Сле́з тече́нии, Богоно́се отче, напая́емь,/ я́ко дре́во высокове́твенно, прине́сл еси́ плоды́ исправле́ния,/ веселя́щая всех Божественно помышления.

Богоро́дичен: Из Тебе Жизнь па́че ума возсия́вши, Де́во,/ врага умертви́, вся ны умертви́вшаго,/ и оживи́ мир, непреста́нно воспева́ющий Тя.

Песнь 6

Ирмо́с: В бе́здне грехо́вней валя́яся,/ неизсле́дную милосе́рдия Твоего призыва́ю бе́здну:/ от тли, Боже, мя возведи́.

Путе́м те́сным, отче, ше́ствовал еси́,/ всем же словесы твои́ми сей показал еси́,/ и́мже добре ходя́щии, в ра́йскую широту́ вводи́ми бывают.

Жизнь твоя преподо́бна бы́сть,/ и кончи́на блаже́нна и честна́, Кассиа́не отче наш,/ святы́х А́нгелов собесе́дниче.

Дрема́ние уны́ния отвергл еси́/ и, пребдева́я в виде́ниих и дея́ниих, а́нгельски пожи́л еси́ на земли́,/ Богоно́се, всеблаже́нне.

Богоро́дичен: Я́ко добру́, яко красну́ возлюби́в Тя, добротворя́й Иисус, Всенепоро́чная,/ из Тебе пло́тию ражда́ется и обожа́ет мя за милосе́рдие безме́рное.

Конда́к, глас 4:

Преподо́бен быв, Бо́гу возложи́лся еси,/ и просвеща́я до́брыми ви́ды, Кассиа́не,/ яко со́лнце облиста́л еси/ сия́нием Боже́ственных твоих уче́ний,/сердца́ всех чту́щих тя всегда просвеща́я./ Но приле́жно моли́ Христа́,/ о иже любо́вию те́пле восхваля́ющих тя.

Песнь 7

Ирмо́с: Богопроти́вное веле́ние беззако́ннующаго мучи́теля/ высо́к пла́мень вознесло́ е́сть:/ Христо́с же простре́ Богочести́вым отроко́м ро́су духо́вную,/ Сы́й благослове́н и препросла́влен.

Всегда́ воззре́ньми светле́йшими, Богомудре, обожа́емь,/ свети́льник яви́лся еси́ незаходи́м,/ отню́дуже облиста́л еси́ сло́во спаси́тельное,/ всех нас разумы просвеща́ющее, восхваля́ющих тя.

Язы́к твой Ду́хом обощре́н, я́ве начерта́вший закон спаси́телен,/ и о́бразы изложи́, и́миже управля́ются вся, всеблаже́нне,/ присно мона́шествующих стада́, ра́дующеся.

Ра́зумы, преподо́бне, спасительныя и глаго́лы,/ неве́дение серде́чное отгоня́ющия, богатно исто-

Чи́л еси́, отче Богому́дре./ Те́мже тя почита́ем верно, всесвяту́ю соверша́юще память твою.

Богоро́дичен: Черто́г была еси́ Боже́ственныя сла́вы и престол огнезра́чен,/ на не́мже почи́ Слово, воплоще́нное за кра́йнюю благосты́ню./ Того убо моли́, Чистая, уще́дрити и поми́ловати ны.

Песнь 8

Ирмо́с: Пе́щь иногда́ о́гненная в Вавило́не действа разделя́ше, I Бо́жиим веле́нием халде́и опаля́ющая,/ верныя же ороша́ющая, поющия:/ благослови́те вся дела Господня, Господа.

Сия́я, я́коже звезда, сло́вом и жити́ем, Кассиа́не,/ просвеща́еши вся земны́я концы,/ неве́дения изыма́я мглы и пе́ти повелева́я всегда:/ благослови́те, вся дела Господня, Господа.

Заше́л еси́, умер, я́ко со́лнце, преблаже́нне,/ я́ко зарю́ же, оста́вил еси́ незаходи́ма словеса́ твоя, просвеща́ющая ду́ши наша,/ ве́рою святую твою, преподо́бне, соверша́ющих память.

Доброты́ мысленныя неизрече́нно наслажда́ешися, оста́вль тле́нное тело,/ и ви́дети сподо́бился еси́, я́же ви́дят, сла́вне, а́нгельская во́инства, поюще:/ благослови́те, вся дела Господня, Господа.

Богоро́дичен: Яви́лася еси́ Небес ши́рши, Де́во,/ Его́же бо та́я не вмести́ша, несказа́нно вмести́вши/ и ро́ждши па́че смы́сла, сугу́ба су́ща естество́м,/ еди́ну же иму́ща Боголе́пно Ипоста́сь.

Песнь 9

Ирмо́с: Безнача́льна Роди́теля Сын, Бог и Господь,/ вопло́щься от Девы, нам яви́ся,/ омраче́нная просвети́ти, собра́ти расточе́нная. Те́м Всепе́тую Богоро́дицу велича́ем.

Кре́пость тебе дарова́ся от Бо́га и сила начала отгони́ти мироде́ржца,/ темже до́блествовав вельми́,/ я́ко вои́стинну, отче Богому́дре, лико́м счи́слился еси́ преподо́бных, ра́дуяся.

Я́ко ши́пок сладково́нен, нас благоуха́ют Богодухнове́нная словеса́ Боже́ственнаго язы́ка твоего:/ ты бо благоуха́ние был еси́ нас ради излия́вшагося за милосе́рдие/ и в плоть обле́кшася, Богоно́се всече́стне.

Па́мять твоя́, днесь преподо́бно возсия́вши,/ озаря́ет с сердца́ восхваля́ющих твое а́нгельское житие, Кассиа́не,/ в не́йже мо́лимся согреше́ний проще́ние дарова́ти всем, помоли́ся.

Богоро́дичен: Гла́с Ти прино́сим Гаврии́лов, взыва́юще:/ ра́дуйся, трапе́зо, Боже́ственный хлеб носи́вшая;/ ра́дуйся, непроходи́мая две́ре;/ ра́дуйся, радо́сте всех спаса́емых,/ преподо́бных похвало́, Богородице Приснодево.

Моли́тва

Богоблаже́нне и приснопа́мятне о́тче наш Кассиа́не! От юности возлюби́в паче всего Христа, земна́я и вре́менная презре́л еси, и, ангелоподо́бным житие́м твоим душу и тело от страсте́й очи́стив, безстра́стия сокро́вище стяжа́л еси, и, Боже́ственными дара́ми обогати́вся, зако́ны Богому́дрые в наказа́ние и исправле́ние и́ноком написа́л еси, и усе́рдный де́латель в вертогра́де Христове яви́лся еси, сам творяи иных словом и делом научая, сугу́бое восприя́л еси воздая́ние от Бога. Емуже ныне с чинонача́лии Ангельскими предсто́я, при́зри на нас, обурева́емых житейских попече́ний волна́ми, и помози́ нам, да не увлече́т нас буря страсте́й наших в бе́здну грехо́вную. Услыши нас, грешных, святую память твою ублажа́ющих, и молися Христу Богу о нас, немощны́х, мглою уныния омрачаемых и малодушием недугующих, да Божественною благода́тию своею просвети́т омрачение ума нашего и укрепи́т нас на пути спасе́ния, имже право ходя́ще, вни́дем в Живот вечный. Виждь, отче святый, немощь нашу душе́вную, сердечное озлобление и неду́ги теле́сныя, одержащие нас по грехо́м нашим; виждь,я благими делы обнища́хом зело, виждь и ми́лостива сотвори к нам Человеколю́бца Бога моли́твами твоими, да не воздаст нам по злым де́лом нашим, но да яви́т над нами непобеди́мое Свое человеколю́бие и милосе́рдие и да́рует нам проще́ние прегреше́ний на́ших. Ты, подвижник быв и учитель и́ноческому житию, моли Подвигополо́жника Христа́, да и нас, немощны́х, укрепи́т благодатию Своею в по́двигах воздержа́ния, поще́ния, моли́твы, целому́дрия и самоотверже́ния. Тебе́ дадеся благода́ть плода́ми присноживо́тнаго учения твоего насыща́ти и услажда́ти сердца́ рачи́телей благоче́стия, помози и нам предста́тельством твоим терпели́вно и ра́достно восприя́ти и нести́и благо́е иго Христово и добре подвиза́тися в исправле́нии и обновле́нии жития нашего. О всеблаже́нне отче наш Кассиа́не, чудотво́рней ико́оне твоей покланя́ющеся и святое имя твое в помощь призыва́юще, мо́лим тя, я́ко хода́тая и засту́пника нашего: моли Господа Бога, Спаси́теля мира, да сохранит первопресто́льный град сей и святую обитель сию от всякия беды и напа́сти, от врагов ви́димых и невидимых, да дару́ет нам благостоя́ние с преспе́янием в Православной вере и благочестии, земле плодоно́сие и изоби́лие, и нас всех, недосто́йных, изба́ви моли́твами твоими от належа́щия нам ско́рби и ну́жды. Испроси у великодаровитаго Господа исполнение вся́каго блага́го проше́ния и всего, яже к животу временному и ве́чному поле́знаго, благодатию и человеколю́бием Го́спода нашего Иису́са Христа, Емуже подоба́ет слава, честь и поклоне́ние во веки веко́в. Ами́нь.

Молитва иная:

О Богоблаже́нне и приснопа́мятне отче наш Кассиа́не! Боже́ственных Ангелов сожи́телю, понесы́й тяготу́ дневную, в нищете пожи́вый, Божественными дара́ми обогати́выйся! Ты ны́не с преподобных соборы водворя́яся, с праведных ли́ки веселяся, помяни́ нас, доброде́тельное твое́ житие́ похваляющих, и не оста́ви нас безпомощных! Призри на наше житие, волнуемое житейскими волна́ми, да не пото́пит нас грехо́вная буря, ниже́ да пожре́т нас па́губнаго отча́яния глубина́. Услыши молитву нас, гре́шных, моля́щихтися, и не пре́зри моления нас, немощны́х, уловля́емых диа́вольскими се́тьми, всюду злыми угнета́емых, всякаго блага лиша́емых, уны́нием омрачаемых и малоду́шием одержи́мых. Виждь, святе, яко смири́ся в персть душа наша, и враго́м ненави́дящим нас, быхом в пора́дование, лукавыми делы умерщвля́еми весь день: заблуди́хом бо воистинну, яко о́вцы, неиму́щия пастыря. Ты твоими блаоприятными моли́твами ми́лостива сотвори нам Еди́наго Человеколю́бца Бога, да не возда́ст нам по злым дело́м нашим и по нечистоте́ сердец наших, но да предваря́т ны благия Его щедро́ты, в мире, единодушии и благоче́стии утверждая живот наш. Мы, о Богоблаже́нне, на тя по Бозе упова́ем, тобою хва́лимся, твое святое имя на помощь призываем и, к твоему́ чудотворному образу, недосто́йнии, припа́дающе, тя моли́м: моли, отче наш Кассиа́не, Христа Бога, да изба́вльшеся от злых наших, с тобою вечных благ сподо́бимся благодатию и щедротами Господа нашего Иисуса Христа, суща Благослове́нна, со Безнача́льным Его Отце́м и с Пресвяты́м Духо́м во веки веков, аминь.

Преподобный Кассиа́н Ри́млянин (†ок. 433–448)

По происхождению римлянин, был сыном знатных, богатых родителей, владевших имениями в Галлии, в частности в Массилии (теперь Марсель, Франция).Там он,вероятно, и родился около 350–360 гг. Преподобный Иоанн получил хорошее образование: изучил философию, астрономию и другие науки, – но преимущественно направил все силы своей души на постижение тайн духовной жизни. Он отличался смирением, целомудрием и рассудительностью. В юности преподобный Иоанн ушел в Вифлеемский монастырь в Палестине, где принял постриг. Через два года (около 390) он в сопровождении своего духовного брата Германа предпринял путешествие по египетским и малоазийским монастырям, которые славились строгим подвижничеством и множеством благочестивых старцев – опытных руководителей на пути ко спасению. В течение семи лет они путешествовали по Фиваиде и Скитской пустыне, приобщаясь духовному опыту многих подвижников.

В 397 году духовные братья вернулись в Вифлеем и три года подвизались в полном уединении. В то время начали распространяться заблуждения оригенистов и антропоморфистов, производившие раздоры среди христиан в египетских областях и в Палестине, нарушавшие спокойствие в монастырях. Это, вероятно, и заставило преподобных Кассиана и Германа отправиться в Константинополь, чтобы поучиться у святого мужа, просвещенного Богослова и знаменитого проповедника, – святого Иоанна Златоустого (†407; память 13 ноября). Святителъ принял их с благосклонностью, рукоположил святого Кассиана во иеродиакона, а Германа, как старшего летами, – во пресвитера.

Когда на святого Иоанна Златоуста было воздвигнуто гонение и враги приговорили его к заточению, друзья невинного страдальца послали святого Кассиана и Германа как людей разумных, благочестивых и преданных Православию, к папе в Рим просить о помощи и заступлении. Посольство это не имело желаемого успеха, так как святителя Иоанна уже отправили в ссылку в Каманы, а всех близких ему по духу начали злобно преследовать.

Святой Иоанн Кассиан остался в Марселе, в области Римского папы. Там он вскоре был посвящен во пресвитера и, продолжая подвизаться как научился у египетских подвижников, устроил два монастыря – мужской и женский (по правилам палестинских и египетских монастырей).

Благоустройство этих монастырей и святость жизни их основателя – преподобного Кассиана – скоро обратили на себя внимание многих иерархов и настоятелей монастырей Галльской области. Они просили написать им о правилах жизни палестинских и египетских общежитий и сообщить высокое учение египетских подвижников о разных вопросах деятельной и созерцательной монашеской жизни.

В ответ на просьбу епископа Аптского Кастора, преподобный Иоанн написал для него 12 книг: об одежде монахов, о молитвах, псалмопениях и о восьми главных страстях (417–419). Десять собеседований старцев, обитавших в Скитской пустыне, преподобный Кассиан изложил и посвятил по смерти епископа Кастора епископам Леонтию, брату Кастора, и Елладию. Семь собеседований старцев, живших в Фиваиде, преподобный написал для епископа Гонората и настоятеля монастыря Евхерия. Остальные семь собеседований отцов, подвизавшихся в Нижнем Египте, написаны в 426–428 годах для настоятелей Иоавиниана, Минервия, Леонтия, Феодора и для монахов, живших на островах Стихадских недалеко от Марселя.

Около 430 года по просьбе архидиакона Льва, впоследствии знаменитого Папы Римского, преподобный Кассиан написал трактат о воплощении Сына Бо́жия. В этом творении преподобный Кассиан обличил нечестивое учение как Нестория, так и его предшедственника Пелагия.

О значении трудов преподобного Кассиана можно судить по отзывам святых отцов. Преподобный Венедикт в своих правилах (гл. 27 и 73) предлагал монахам своего монастыря каждый вечер прочитывать писания преподобного Кассиана как глубоко назидательные и полезные для желающих достигнуть высшего нравственного совершенства. Он ценил их наравне с правилами святого Василия Великого. Преподобный Иоанн Лествичник говорил: «Великий Кассиан прекрасно и весьма высоко любомудрствует в своем слове (соб. 2, гл. 10) о рассуждении». Святой Патриарх Фотий также ценил писания преподобного и считал их назидательными и весьма полезными для стремящихся к благочестивой жизни.

Чтобы получить представление о трудах Преподобного, приведем некоторые его наставления.

«Цель всякого монаха и совершенство сердца состоит в непрерывном постоянстве молитвы, и, сколько возможно бренному человеку, в невозмущаемом спокойствии ума и всегдашней чистоте его. К достижению сего нужны: неослабный телесный труд и сокрушение духа, так чтобы между тем и другим находилась тесная, взаимная связь. Ибо как все добродетели стремятся к совершенству молитвы, так и сами они не могут быть твердыми и постоянными, если не будут соединены и скреплены оною. Как без добродетелей нельзя вполне приобрести постоянного молитвенного покоя, так и без этого покоя невозможно в точности исполнить добродетелей, споспешествующих оному... Чтобы молитва была возносима с надлежащей горячностию и чистотою, должно... убегать всяких развлечений, пустословия или многословия, равно как и всяких шуток, а более всего надобно исторгнуть с корнем расположение к гневу или унынию и вовсе истребить пагубное разжжение плотской похоти и любостяжания».

«...отцы считают более полезным совершать молитвы хоть краткие, но чаще, чтобы чрез частовременные молитвы пребыть в непрестанном союзе с Богом»..., «они почитали важным не то, чтобы прочитать много стихов, но то, чтобы понять содержание их.»

Для приобретения непрестанной памяти о Боге преподобный Кассиан предлагает, как можно чаще повторять стих псалма: «Боже, в помощь мою вонми, Господи, помощи ми потщися» (Пс. 69,2). «Этот стих содержит горячность любви и расположения, содержит усмотрение наветов, страх врагов, которыми видя себя окруженным днем и ночью, сознается, что без помощи своего Защитника он не может избавиться от них... Этот, говорю, стишок всякому из нас необходим и полезен во всяком состоянии».

Особое внимание преподобный Кассиан уделяет в своих трудах описанию борьбы подвижника с главными страстями, которых насчитывается восемь: чревоугодие, блуд, сребролюбие, гнев, печаль, уныние, тщеславие и гордость. Он подробно рассматривает происхождение и качества каждой страсти, уясняет, какой должен быть порядок борьбы с ними для каждого индивидуальный, в зависимости от того, какая страсть преобладает в подвижнике, показывает в какую пагубу они ввергают предавшуюся им душу и приходит к такому заключению: «Мы не можем победить страсти без помощи Божией, и победою над ними не должно превозноситься».

Если побеждена одна из страстей, нельзя ослаблять бодренного внимания, воздержания и трезвения, враги наши коварны, мы никогда не бываем безопасны от нападения. Не встречая более со стороны подвижника мужественного сопротивления, «побежденный тобою дух говорит, как бы так: «возвращусь в дом мой, откуда вышел» (Лк. 11, 24–26). Тогда тотчас происходящие от него семь духовпороков будут для тебя злее, нежели та страсть, которая в начале была побеждена тобою, и они скоро увлекут тебя к худшим грехам».

Всякому, стремящемуся приобрести истинное знание, необходимо глубоко в сердце напечатлеть такое наставление преподобного Кассиана: «Если хочешь достигнуть истинного знания Священного Писания, то тебе надобно постараться сначала приобрести непоколебимое смирение сердца, которое усовершением в любви приведет тебя не к тому знанию, которое надмевает, а к тому, которое просвещает. Ибо невозможно неочищенной душе приобрести дар духовного знания. И потому со всею осторожностью избегай, чтобы у тебя чрез упражнение в чтении, вместо света знания и вечной славы, приобретаемой просвещением науки, не произошли качества, ведущие к погибели, от суетной гордости. Потом надобно тебе всячески стараться, по отвержении всякой заботы и помышления земного, рачительно и даже непрестанно заниматься чтением Священного Писания, пока постоянное размышление напитает твой дух.

Смирение есть наставник всех добродетелей; оно есть крепчайшее основание небесного здания; оно есть собственный и великий дар Спасителя. Кто последует кроткому Господу не в явлении высоких знамений, но в добродетели терпения и смирения, тот совершает все чудеса, сотворенные Христом. А кто желает повелевать нечистыми духами, или чудесно подавать здравие болящим, или являть пред народом какое-либо из дивных знамений, тот хотя призывает Имя Христово, но бывает чужд Христа; поскольку, надменный гордостию, не следует Учителю смирения».

«Какое точное понимание духовной жизни, – восклицает в предисловии к Писаниям преподобного Кассиана переводчик его сочинений – епископ Петр, – какое высокое учение о духовных предметах, какая глубина смирения, чистота сердца и другие добродетели раскрыты в писаниях преподобного Кассиана, без сомнения, те же были осуществляемы и в его жизни; все написанное было им самим передумано, перечувствовано, усвоено, пройдено самым делом и вылилось из его светлого ума и чистого сердца».

Скончался преподобный Кассиан между 433 и 448 годами. Мощи его находятся в монастыре святого мученика Виктора в Марселе, где преподобный Кассиан был настоятелем.

На Го́споди, воззва́х: стихи́ры, глас 1.

Подо́бен: Прехва́льнии му́ченицы:

По́стницы Богому́дрии!/ вас не потаи́ла есть земля́, но Бог изъяви́,/ во всех концех вселе́нныя чудеса́ излива́ющих/ и ми́ро исцеле́ний источа́ющих,/ Тому́ помоли́теся/ дарова́ти душа́м на́шим мир и ве́лию ми́лость.

Ра́дуйся, ту́чнейшая Бо́жия горо́ Пече́рская,/ усыре́нная Ду́хом,/ ра́дуйся, ра́ю насажде́ний безсме́ртных:/ в тебе́ бо благоволи́ водворя́тися всегда́ Бог наш,/ обогаща́ющий тя чуде́с излия́нии,/ я́же источа́еши преподо́бными Его́.

Христолюбивый гра́де Ки́еве,/ в Бо́зе лику́й, веселя́ся,/ содержа́щ, я́ко многоце́нное сокро́вище,/ гра́жданы твоя́ в не́дрех свои́х,/ святы́я по́стники же и му́ченики,/ с ни́ми же сочиня́ется и Варва́ра при́сносла́вная,/ ея́же мо́щи добро́ту тебе́ прилага́ют.

Ра́дуйтеся, преподо́бных по́стников честна́я пребыва́ния,/ Ду́ха Боже́ственнаго испо́лненная,/ облагоуха́ющая на́ша чу́вствия душ же и теле́с,/ ими́же на не́бо восхо́дим и земны́я прогоня́ем сла́сти,/ Христа́ ви́дяще, святы́м ве́нцы подава́юща.

Сла́ва:

Прииди́те, восхва́лим, ве́рнии,/ святы́х тве́рдая исправле́ния,/ и́миже до́бреТворцу́ благоугоди́ша до́блии,/ и с Дави́дом Бо́гу воспои́м:/ нам же зело́ че́стни бы́ша дру́зи твои́, Го́споди,/ зело́ утверди́шася нача́льства их в Тебе́, Христе́/ и Спаси́телю душ на́ших.

И ны́не:

Тя, честне́йшую Царе́ву пала́ту, мо́лю, Многопета́я:/ ум мой очи́сти, оскверне́нный вся́кими грехи́,/ и пребыва́ние кра́сное пребоже́ственныя Тро́ицы сотвори́,/ я́ко да держа́ву Твою́ и безме́рную ми́лость велича́ю, спаса́емь,/ непотре́бный раб Твой.

На стихо́вне стихи́ры, глас 2.

Подо́бен: До́ме Евфра́фов:

Пеще́ру разбо́йников святи́лище сотвори́ Изра́иль;/ по́стницы же разбо́йников обита́ния/ хра́мы Бо́жия соде́лаша.

Стих: Восхва́лятся преподо́бнии во сла́ве/ и возра́дуются на ло́жах свои́х.

Илию и Моисе́я подража́юще и́стинно,/ в гора́х и ка́менех/ Бо́жияго наслажда́етеся явле́ния, сла́внии.

Стих: Блаже́ни вси, боя́щиися Го́спода,/ хо́дящий в путе́х Его́.

Криле́ голуби́не от Бо́га прие́мше,/ возлете́сте весьма́ в Бо́жия упокое́ния,/ преподо́бнии, ду́хом.

Сла́ва, глас то́йже:

Преподо́бнии отцы́, ми́ра красо́ты и пи́щу вре́менную возненави́девшии/ и и́ноческое житие́ возлю́бльшии,/ а́нгелом собесе́дницы яви́стеся/ и свети́льницы многосве́тлии вселе́нныя,/ чудесы́ свои́ми, я́коже второ́е со́лнце, сия́юще,/ о всех нас моли́теся ко Го́споду,/ соверша́ющих свяще́нную па́мять ва́шу,/ мы бо ча́да ва́ша и о́вцы слове́сныя уче́ний ва́ших/ и вас на по́мощь призыва́ем,/ прося́ще ва́ми прия́ти мир и ве́лию ми́лость.

И ны́не, Богоро́дичен:

Бо́га, из Тебе́ воплоти́вшагося, разуме́хом,/ Богоро́дице Де́во,/ Того́ моли́ о спасе́нии душ на́ших.

Тропа́рь, глас 2:

Егда́ снидо́сте во гробы́/ и саме́х себе́ заключи́сте,/ тогда́, стра́сти умертви́вше плотски́я,/ спогребо́стеся Христу́, Богоно́снии,/ и диа́вольския в подзе́мных разруши́сте огра́ды,/ сего́ ра́ди Ангели венцы́ с Небе́с вам подаю́т.

Сла́ва и ны́не:

Вся па́че смы́сла,/ вся пресла́вная Твоя́, Богоро́дице, та́инства,/ чистоте́ запеча́танной и де́вству храни́му,/ Ма́ти позна́лася еси́ нело́жна,/ Бо́га ро́ждши и́стинаго,/ Того́ моли́ спасти́ся душа́м на́шим.

НА У́ТРЕНИ

Кано́н преподо́бным отце́м Пече́рским. Глас 8.

Песнь 1

Ирмо́с: Во́ду проше́д, я́ко су́шу,/ и еги́петскаго зла избежа́в, I изра́ильтянин вопия́ше:/ Изба́вителю и Бо́гу на́шему пои́м.

Припе́в: Преподо́бнии отцы́ Пече́рстии, моли́те Бо́га о нас.

Мно́гими окруже́нный опечале́ньми,/ от грехо́в мои́х напа́дающими мне неща́дно,/ к вам притека́ю, о Богоно́снии!/ дви́жа ва́ша моли́твы в по́мощь.

Анто́ние Богоно́се и Феодо́сие Богому́дре,/ в Росси́и и́ноком первонача́льницы и наста́вницы,/ пе́рвую мя погу́бльша ума́ добро́ту/ ва́шими к Бо́гу хода́тайствы па́ки удо́брите,/ наставля́юще мя ко покая́нию.

Стефа́не всехва́льне и Ни́коне всече́стне,/ Христо́ва ста́да бы́вший предводи́теле/ и о́ное упа́сший Богоуго́дно в неусы́пных стра́жах нощны́х,/ Бо́га мне ва́шими благоприя́тными моли́твами уми́лостивите.

Сла́ву ми́ра сего́ и вся кра́сная нивочто́же вмени́вый, всеизря́дне Варлаа́ме,/ сла́вы небе́сныя прича́стника покажи́ мя/ твои́ми моли́твами.

Боже́ственне Влади́мире царю́,/ Рома́не же с Дави́дом, му́чеников красота́, ча́да су́ще о́наго,/ со Еле́ною, ва́шею прабабою,/ Бо́гу мя предста́вите.

Богоро́дичен: Твои́ми моли́твами к Своему́ Сы́ну, Богоро́дице,/ ско́ро спаси́ мя от лю́тых:/ Тебе́ бо помо́щницу су́щий в беда́х вси стяжа́хом всегда́.

А́ще пое́ши моле́бен:

Катава́сия: Моли́те Бо́га о нас,/ преподо́бнии отцы́ на́ши Анто́ние и Феодо́сие и вси преподо́бнии Пече́рстии,/ я́ко мы усе́рдно к вам прибега́ем,/ ско́рым помо́щником и моли́твенником о душа́х на́ших.

Песнь 3

Ирмо́с: Небе́снаго кру́га Верхотво́рче, Го́споди,/ и Це́ркве Зижди́телю,/ Ты мене́ утверди́ в любви́ Твоей,/ жела́ний кра́ю, ве́рных утвержде́ние,/ Еди́не Человеколю́бче.

Безме́зднии враче́ве яви́стеся,/ исцеле́ния пресла́вно соверша́ющий, Дамиа́не и Ага́пите блаже́ннии,/ темже и аз к вам прихожду́, о святи́и:/ исцели́те ми я́звы душе́вныя и теле́сныя, не́мощну су́щу.

Ониси́форе блаже́нне,/ предви́девый вся и предве́щая я́сне,/ со Иереми́ем же Матфе́е,/ я́ко проро́цы, предви́дяще,/ беды́, належа́щия ско́ро, мя изба́вите моли́твами ва́шими.

Исаа́кий, премно́гими страда́нии низложи́вый диа́вольскую пре́лесть,/ Тя, Христе́, мо́лит:/ изба́ви нас от того́ искуше́ний и спаси́, Многоми́лости́ве.

Лавре́нтие, затвори́вый себе Го́сподеви и дерзнове́ние мно́гое стяжа́вый отту́ду к Нему́,/ не преста́й моли́ся всегда́,/ е́же изъя́тися нам от разли́чных страсте́й.

Предвари́те, раби́ Бо́жии,/ пре́жде да́же не поглоти́т мя до конца́ всегуби́тель,/ изба́вите вско́ре ду́шу мою от лю́тых и мир вожделе́нный да́руйте.

Богоро́дичен: Зол мно́жество смуща́ет мя отвсю́ду,/ и беззако́ний потоцы обурева́ют мя,/ потщи́ся, предвари́ и настоя́щия ну́жды изми́ мя, Влады́чице,/ хода́тайством Твои́м.

Седа́лен, глас 8.

Подо́бен: Повеле́нное та́йно:

Пове́ленная от Бо́га тепле́ исполня́юще/ и сове́том Того́ пра́во ше́ствующий,/ в пусты́нях, и гора́х, и разсе́линах земны́х обита́ша великоду́шнии по́стницы,/ вся́каго лише́ни челове́ческаго утеше́ния,/ те́мже труды́ плодо́в свои́х пожина́юще, ны́не с Го́сподем ра́дуются.

Сла́ва, и ны́не:

Безпло́тных Твои́х, Христе́, и Предте́чи Твоего́,/ и учени́к, проро́к и му́ченик, преподо́бных и всех святы́х/ и Богоро́дицы Неискусому́жныя и благи́я Ма́тере Твоея́ моли́твами/ умоле́н быв, даждь нам во све́те Твое́м ходи́ти/ и сподо́би нас улучи́ти Ца́рствие Твое за милосе́рдие ми́лости Твоея́.

Песнь 4

Ирмо́с: Услы́шах, Го́споди,/ смотре́ния Твоего́ та́инство, I разумех дела́ Твоя́/ и просла́вих Твое́ Божество́.

Али́пие, до́бре соблюды́й о́браз Бо́жий в души́ твоей/ и зра́ки изобразу́я святы́х,/ не́мощны́я исцели́вый тро́стию свое́ю,/ изобрази́ и во мне доброде́тельныя ви́ды, все́славне.

Григо́рие всеблаже́нне, чуде́с благода́ть от Бо́га прие́мый/ и тезоиме́ние от дел подо́бных ны́не предвари́в,/ удиви́ и на нас твои́ми моли́твами Его благода́ть.

Моисе́я, чистоты́ храни́теля кре́пкаго,/ яко она́го прекра́снаго Ио́сифа,/ дви́жем, Христе́, к Тебе́ в моли́тву: поми́луй нас.

Иоа́нне многострада́льне,/ и́же смире́нное те́ло свое́ стесне́нии неосла́бными порабоще́й и жи́во погребы́йся,/ жела́я разреши́тися и со Христо́м соедини́тися, от тли мя изба́ви.

Про́хоре всеблаже́нне,/ хле́бы су́щими от был́ий и со́лию от пе́пела/ гла́дом та́ющия препита́вый,/ умоли́ Христа́ препита́ти и нас,/ душе́вным гла́дом исчеза́ющих.

Богоро́дичен: Не оста́ви ме́не, к Тебе́ прибега́ющая в ра́дование бе́сом бы́ти, Влады́чице,/ но необори́мая Твоя моли́тва да низложи́т сих сове́тования.

Песнь 5

Ирмо́с: Просвети́ нас повеле́нии Твои́ми, Го́споди,/ и мы́шцею Твое́ю высо́кою I Твой мир пода́ждь нам,/ Человеколю́бче.

Ма́рко, его́же повеле́ния ме́ртвии послу́шаху,/ умерщвле́на мя паде́нии возста́вив,/ моли́твами твои́ми спаси́.

Фео́филе треблаже́нне,/ сле́з ра́ди очи́стивый славолю́бия оскверне́ние,/ и мне моли́ дарова́тися избавле́нию.

Всеблаже́нне Иоа́нне,/ иже бра́та твоего́ по преставле́нии подвиже́нием те́ла твоего́ поче́т,/ и спасл еси того,/ Творца́ нам ми́лостива сотвори́.

Одушевле́нная бы́вше сокро́вища,/ от сребролюби́ваго мучи́теля, тле́нна сокро́вища у вас истязу́ющаго,/ пострада́вшии непови́нне,/ Небе́сных

Сокро́вищ прича́стника мя покажи́те,/ Васи́лие и Фео́доре всеблаже́ннии.

И́овлю терпе́нию подо́бяся,/ многовре́менную боле́знь претерпе́л еси́ усе́рдно/ и, ны́не в неболе́зненном сый поко́и,/ боле́зней мя вся́ких изба́ви, равноа́нгельне Пи́мене.

Богоро́дичен: Виждь наша нало́ги, Многоми́лостиве,/ и сия́ яко Бог обле́гчи,/ прие́мь о нас моля́щуюся Ма́терь Твою,/ Юже Ти во умилостивле́ние приво́дим.

Песнь 6

Ирмо́с: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися/ и живо́т мой а́ду прибли́жися,/ и молюс́я, яко Ио́на:/ от тли, Бо́же, возведи́ мя.

Спиридо́не незло́биве,/ иже о́гненную пещь ма́нтиею свое́ю угаси́л еси,/ яко огнь, любовь вжег в се́рдце твое́м, о́тче, ко Го́споду,/ я́же на ны Велиа́рова угаси́ стреля́ния, молю́ тя.

Никодиме, по́стников сия́ние,/ и́же никогда́же устне́ возбрани́л еси воспева́ти во псалме́х Влады́ку,/ не преста́й моля́ся Ему приле́жно/ изба́вити вся от тли, и бед, и скорбе́й, преподо́бне.

Распны́йся умерщвле́нием пло́ти пе́рвее,/ от иуде́й же распны́йся второ́е, кре́пкий Евстра́тие,/ и мно́гое дерзнове́ние у Христа́ обре́т,/ от бе́д изба́ви мя.

Изба́ви мя твои́ми моли́твами, Ни́коне сла́вне,/ и́же мы́шцею Христо́вою высо́кою от плене́ния изба́влен,/ спасл еси своего́ мучи́теля.

Безсме́ртие обре́т о Христе́, Безсме́ртнем Царе́ и Бо́зе, Афана́сие блаже́нне,/ по сконча́нии свое́м пожи́л еси во мно́гих ле́тех, пла́ча всегда́,/ те́мже ныне оживи́ мя.

Богоро́дичен: Пречи́стая, Очище́ние ро́ждши, Отцу́ Примири́вшаго мир,/ вем, Чи́стая, яко раздражи́х Его безме́рными мои́ми согреше́нии,/ но молю́: уми́лостиви ми Того́ паки/ Ма́терними Твои́ми мольба́ми.

Конда́к, глас 8.

Подо́бен: Взбра́нной:

Отцы всечестни́и, ли́че Богокра́сный,/ чуде́с мно́гих исто́чницы, ми́ро источа́ющий,/ сокро́вища краснобога́тная Госпо́дня, в земли́ сокрове́нная/ не преста́йте, мо́лим вы, о нас моли́тися ко Го́споду, да зове́м вам:/ ра́дуйтеся, всему́ ми́ру свети́льницы.

И́кос:

А́нгельски пожи́вшия земли́/ и А́нгелом равностоя́тели я́вльшияся на Небеси́,/ с те́мижде и неизрече́нныя о́ныя наслажда́ющийся добро́ты,/ достоблаже́нныя отцы́ на́ши, помо́щники и засту́пники те́плыя,/ прииди́те, ве́рнии, восхва́лим, к ним вопию́ще:/ ра́дуйся, Анто́ние, со́лнцу подо́бный свети́льниче;/ ра́дуйся, зерца́ло и о́бразе всем преподо́бным Росси́йским;/ ра́дуйся, вторы́й Моисе́е, мы́сленный скрижа́ли, доброде́тели твоя́ нам от горы́ святы́я принесы́й./ Ра́дуйся, Феодо́сие, ангелови́дный челове́че;/ ра́дуйся, звездо́ у́тренняя, тьму неве́дения прогоня́ющая;/ ра́дуйся, забра́ло необори́мое от враг ви́димых и неви́димых./ Ра́дуйтеся, вси преподо́бнии отцы́ на́ши Пече́рстии;/ ра́дуйтеся, земни́и а́нгели и Небе́снии челове́цы;/ ра́дуйтеся, благоуха́ннии цве́ти ра́йстии;/ ра́дуйтеся, пребога́тая сокро́вища сокрове́нная в земли;/ ра́дуйтеся, би́серие многоце́ннии, от пеще́ры, а́ки от мо́ря, просия́вший;/ ра́дуйтеся, на́ша похвало́ и всем прибега́ющим к вам изба́вители от бед;/ ра́дуйтеся, всему ми́ру свети́льницы.

Песнь 7

Ирмо́с: От Иуде́и доше́дше, о́троцы/ в Вавило́не иногда́/ ве́рою Тро́ическою пла́мень пе́щный попра́ша, пою́ще;/ отце́в Бо́же, благослове́н еси́.

Нико́лае чу́дне, помо́щниче в ско́рбех,/ иже о саме́м еди́нем сло́ве исцеля́еши стра́сти немощны́х,/ изъяви́ся ско́ро, и от обдержа́щих мя скорбе́й изба́ви,/ и боле́зни се́рдца моего́ облегчи́.

Ера́зме мудре, иже бога́тство свое истощи́л еси во благоле́пие хра́ма Бо́жия,/ твои́ми моли́твами храм мя покажи́ духо́вный.

Сребролю́бия потопи́вый зми́я слез ту́чами, Аре́фо сла́вне,/ я́ко име́я дерзнове́ние, моли́ся о нас ко Го́споду.

Ти́те блаже́нне, гне́внаго бе́са смире́нием попра́вый,/ и Пи́мене, по́стником единоревни́телю,/ изба́вите мя от искуше́ний бесо́вских ва́шими моли́твами.

Анто́ние муче́ниче и тве́рдый Евста́фие, вку́пе со Иоа́нном/ горды́ню Олге́рдову до земли́ низложи́вший,/ умерщвля́ющий мя стра́сти успи́те.

Богоро́дичен: На моле́ние мое ныне умилосе́рдися и ра́дость в печа́ли ме́сто да́руй ми,/ да пою́ Тя, Влады́чице, и вопию́ Сы́ну Твоему́:/ благослове́н Бог оте́ц на́ших.

Песнь 8

Ирмо́с: Царя́ Небе́снаго,/ Его́же пою́т вой А́нгельстии,/ хвали́те и превозноси́те во вся ве́ки.

О Ку́кше му́чениче,/ свяще́нником пра́вило, по́стником и преподо́бным украше́ние,/ иже в про́поведи Ева́нгелия/ со ученико́м твои́м честны́м коне́ц прие́м, чко апо́стол,/ моли́твами твои́ми и мене́ на путь спасе́ния наста́ви.

Не́сторе Богому́дре,/ жити́й святы́х спаса́телю перве́йший и ревни́телю о́нем до́брый,/ сла́вы о́нех моли́твами твои́ми яви́ мя о́бщника.

Полика́рпе сла́вне,/ те́хже жития́ святы́х коне́чнее исписа́вый и во еди́но собра́вый,/ в кни́зе живо́тней твои́ми моли́твами и мне написа́тися сподо́би.

Я́ко жи́ви су́ще, Богоно́снии, и по сме́рти/ блаже́нному Диони́сию от среды́ гробо́в отвеща́сте:/ вои́стину воскре́се Госпо́дь!/ умерщвле́нна мя страстьми́ оживи́те.

Евфроси́нию, ра́дование По́лотское и де́вам сия́ние,/ Христе́ мой, Тебе́ привожду ́моли́твенницу,/ ея́же ра́ди спаси́ мя.

Богоро́дичен: Царя́ Небе́снаго ро́ждшая,/ дерзнове́ние Ма́тернее яко иму́щи к Нему́, Де́во,/ избави нас от бед.

Песнь 9

Ирмо́с: Вои́стину Богоро́дицу,/ Тя испове́дуем,/ спасе́ннии Тобо́ю, Де́во Чи́стая,/ с Безпло́тными ли́ки Тя велича́юще.

Михаи́ле, Иларио́не, Пе́тре, Алекси́е,/ Ио́но, Фо́тие и Киприа́не, Боже́ственнии иера́рси,/ Ефре́ме, Нико́лае, Ники́то, Иса́ие,/ Ми́но же, Луко́ и Феокти́сте,/ Бога нам уми́лостивите.

Лео́нтие, Стефа́не и Ге́рмане, Ни́фонте,/ Мари́не, Евфи́мие, Лавре́нтие же, Диони́сие и Си́моне,/ я́ко прие́мшии власть от Бо́га,/ проси́те и мне оставле́ние.

Си́моне иера́рше, и́же А́гнца Бо́жия пе́рвее принося́й в же́ртву Вседержи́телю,/ последи́ же и себе́ сама́го, яко а́гня, приведы́й в же́ртву,/ спаси́ мя твои́ми моли́твами.

Священному́чеников украше́ние, Мака́рие блаже́нне,/ иже пре́жде да́же прия́ти́ престо́л земли́ чу́вственный,/ на престо́лы мы́сленныя препосла́лся еси́,/ Бо́гу мя примири́.

Привожду́ Ти, о Всеще́дре, Иулиани́ю,/ при́сносветя́щую свещу́, еле́ем благода́ти обдержи́мую,/ ея́же моли́твами от всякаго зла соблюди́ мя.

Богоро́дичен: Со святы́ми А́нгелы, с Боже́ственными Апо́столы,/ со сла́вными му́ченики и все́ми преподо́бными/ Твоего́ моли́ Сы́на и Бо́га, Богороди́тельнице Пречи́стая,/ от бед изба́вити ду́ши на́ша.

На хвали́тех стихи́ры, глас 1.

Подо́бен: Прехва́льнии му́ченицы:

Не терпя́ бе́сом принести́ же́ртву,/ тебе́ сама́го заколе́ние Бо́гу вся́ческих прине́слся еси́,/ в же́ртву непоро́чную и пресоверше́нную, Иоа́нне славне,/ с тобо́ю же и оте́ц спожре́ся./ Оба, сла́вяще Христа́ ва́шими удесы́,/ непреста́нно Того́ о нас моли́те.

Му́чениче всехва́льне Христо́в Михаи́ле,/ мудрова́ние я́коже царь неужа́сное име́я,/ не стерпе́л еси тва́ри послужи́ти, па́че Сотво́ршаго,/ Его́же ра́ди вся́кия ра́ны претерпе́л еси и люту́ю смерть:/ сего́ ра́ди тя Христо́с Госпо́дь/ в Го́рняя преста́вил есть Ца́рствия.

Ви́дя царя́ Михаи́ла, страда́льче Фео́доре,/ за владе́ющаго все́ми Бо́га/ умре́ти изво́лившаго па́че, не́жели ца́рствовати,/ сла́ву оста́вил еси́ и вся́кую сла́дость увяда́емую,/ и после́довал еси́ ему со вся́ким до́блеством,/ сего́ ра́ди со Христо́м спрославля́етеся.

Сла́ва, глас 8:

Преподо́бнии отцы́, поучи́вшеся день и нощь в зако́не Госпо́дни,/ досто́йни бысте древеса́ живо́тнаго са́да бы́ти,/ и плод ваш страда́ньми и венцы́ процвете́;/ дерзнове́ние у́бо иму́ще ко подвигополо́жнику Христу́ Бо́гу,/ и нам испроси́те очище́ние и ве́лию ми́лость.

И ны́не, Богоро́дичен:

Богоро́дице, му́чеником украше́ние, по́стником сия́ние,/ иера́рхом наслажде́ние, царе́м благоле́пие,/ проро́ком сла́во, пропове́дником заложе́ние и всем святы́м похвало́,/ Христа́ моли́ с ними о рабе́х Твои́х/ изба́витися вся́каго озлобле́ния.

Моли́тва к преподо́бным отцем Печерстим

Преблаже́ннии, присносла́внии, преподо́бнии отцы́, святи́и первонача́льницы Пече́рстии, Анто́ние и Феодо́сие, свы́ше Бо́гом дарова́ннии, дво́ице благода́тная, сою́зом соверше́нства, любо́вию к Бо́гу и бли́жнему соедине́нная, не то́чию в жи́зни сей вре́менной друголю́бне труди́внгаися о по́льзе душе́вней и́ночествующих и в ми́ре благоче́стно живу́щих, но и по отше́ствии свое́м в жизнь ве́чную обеща́вшийся посо́бствовати всем и моли́тися ко Го́споду Бо́гу и Пресвяте́й Богоро́дице о спасе́нии всех, наипа́че гре́шников, от ни́хже пе́рвый есмь аз. К вам, уго́дником Бо́жиим и Пресвяты́я Богоро́дицы, яко и́стинным хода́таем спасе́ния, притека́я, смире́нно молю́ся: предста́ните мне в по́мощь, у́зами грехо́в свя́занному, и помоли́теся о мне, ку́пно же и всех насле́дников Богоуго́днаго ва́шего жития́ и насле́дников Ца́рствия Небе́снаго подви́гните на многомогу́щия моли́твы, всех бо вас, недосто́йный, призыва́ти на заступле́ние дерза́ю, жела́я от всех грехо́в мои́х ва́ми свобожде́ние получи́ти. Вси преподо́бнии отцы́ Пече́рстии, Богоуго́дно труди́вшийся и нетле́нно в пеще́рах почива́ющии, святи́и иера́рси, священнонача́льницы, священнои́ноцы, по́стницы, му́ченицы, де́вственницы, чудотво́рцы, вы есте род и́збран, ца́рское свяще́ние, язы́к свят, лю́ди обновле́ния, извести́телие доброде́телей из тьмы тле́нныя сея́ жи́зни Призва́вшаго вас в чу́дный свет, вас бо не земля́ потаи́ла есть, аще же ки́их и потаи́ла, под спу́дом почива́ющих, но, ве́рую, я́ко всех Не́бо прия́ло есть, и яко сла́вы ва́шея испове́сти, та́ко и име́н ва́ших исчести́ ми не возмо́жно, мно́жеству бо зве́здному уподо́бистеся, ра́зве Сам, исчита́яй мно́жество звезд и всем им имена́ нарица́яй, испове́данный от вас на земли́ Царь сла́вы, Христо́с, всех вас, преподо́бных

Свои́х, по и́мени напи́санных на Небесе́х, исчита́ет и соверше́нно испове́дует пред Отце́м Свои́м Небе́сным, помози́те мне, гре́шному, в сокруше́нии и смире́нии се́рдца моего́ припада́я, молю́ся вам, свет су́ще ми́ру и свети́льницы, из-по́д спу́да пеще́рнаго поста́влени душа́ми на све́щнице Небе́сном, осиява́йте мя, омраче́ннаго наве́ты вра́жиими, све́том благода́ти свы́ше, да в не́м ходя́щ, не преткну́ о камень ноги́ моея. Вы есте́ сосу́ди, в честь избра́ннии, испо́лненнии благода́ти Бо́жия оби́льно, молю́: сподо́бите мя, гре́шнаго, от исполне́ния ва́шего прия́ти. Вы есте́ соль земли́, аз же есмь земля́, бу́дите мне со́лию, соблюда́юще всеце́ло ду́шу и те́ло мое от согни́тия грехо́внаго. Вси вы, преподо́бнии Пече́рстии, враче́ве благода́тнии, исцеля́ющий всяк неду́г и вся́ку я́зю в лю́дех, молю́ся вам, святи́и: исцели́те и моя́ душе́вныя и теле́сныя я́звы, да досто́йно просла́вляю Бо́га в души́ и телеси́ мое́м, всех вас во все́м благодаря́. Вы бы́сте а́лчущий и жа́ждущии пра́вды, ны́не же блаже́ннаго обе́да в Ца́рствии Бо́жии досто́йно насыща́етеся. Смире́нно коле́на се́рдца моего́ преклоня́я, молю́ вас: подади́те и мне, а́лчущему и жа́ждущему, тоя́жде благода́ти поне́ от крупи́ц, па́дающих от трапе́зы ва́шея, и насы́тите ду́шу мою тщу и ду́шу а́лчущу испо́лните благ. О всеще́дрии госпо́дие, всех вас до́брый Па́стырь пасе́т, и ничто́же вас уже лиши́т. Ва́шими благоприя́тными моли́твами соде́лайте, да и ме́не, аще и недосто́йнаго, ничто́же лиши́т бла́го, мо́жете бо, преподо́бнии вси, всем вся о укрепля́ющем всех вас Иису́се Христе́. Бу́дите, уго́дницы Бо́жий, и мне, окая́нному, вси вся, да с про́чими все́ми и ме́не, к вам всеусе́рдно притека́ющаго, приобря́щете. Аще бо мно́го мо́жет моли́тва еди́наго пра́веднаго, поспешеству́емая во благо́е, кольми́ па́че вас, пра́ведных и преподо́бных мно́гих, мо́гут моли́твы вся у всеми́лостиваго Бо́га. Не два или́ трие ́во имя Христо́во со́брани есте́, и не два совеща́стеся на земли́ проси́ти во и́мя Христо́во Отца́ Небе́снаго, но ве́лие мно́жество вас, о преподо́бнии, помоли́теся о мне, еди́ном от гре́шных, аз же ве́рую, я́ко Бог, прославля́емый в сове́те всех вас, преподо́бных Свои́х, услы́шит проше́ние собра́нных и совеща́нных во имя Его́. Изгуби́х, окая́нный, грехопаде́ньми мои́ми благода́ть Бо́жию, вы, святи́и Пече́рстии, мно́жеством свои́м поищи́те, молю́, вои́стину обря́щете. Увы́ мне! затворе́ны предо́ мною, недосто́йным, две́ри милосе́рдия, вы, преподо́бнии уго́дницы Бо́жии, вси потолцы́те, и отве́рзутся ра́ди вас мне, гре́шному, яко да и аз к ва́шему множе́ственному числу́ с бо́льшею ва́шею сла́вою ва́шими святы́ми моли́твами причте́н бы́ти сподо́блюся. О достохва́льнии, преподо́бнии отцы́ Пече́рстии! вы есте́ ра́дование Царя́ Небе́снаго, вы благоприя́тная же́ртва Вы́шняго, вы гра́ждане но́ваго Иерусали́ма, вы насле́дницы Ца́рствия Бо́жия! Тако бо вси теко́сте, я́ко и жела́емое пости́гнусте. Молю́, и мои́м нога́м благо́е тече́ние в пути́ за́поведей Госпо́дних соде́лайте и жела́емое пости́гнути гре́шнаго мене́ сподо́бите ва́шими многомо́щными хода́тайствы, да, вшед в дом Ца́рствия Ве́чнаго, возра́дуюся и возвеселю́ся, благодаря́ всех вас, преподо́бных, о таково́й любви́ ва́шей ко бли́жнему, и ку́пно с ва́ми восхвалю́ и возвели́чу во хвале́нии Еди́наго в Тро́ице Пресвяте́й, от всея тва́ри на Небеси и на земли́ хвали́маго, благослови́маго и покланя́емаго Всеми́лостиваго Бо́га, Отца́ и Сы́на, и Свята́го Ду́ха, с Пречи́стою и Присноблаже́нною Де́вою Богоро́дицею, ны́не, и при́сно, и во ве́ки веко́в. Ами́нь.

Во вторую Неделю Великого поста празднуется Собор всех преподобных отцов Киево-Печерских, почивающих в Ближних (преподобного Антония) и Дальних (преподобного Феодосия) пещерах.

Канон, вошедший в службу этого праздника, составлен иеромонахом Мелетием Сиригом во 2-й половине XVII века (Служба преподобным отцам Печерским и всем святым, в Малой России просиявшим, напечатанная из акафистов с каноны. Киев, в типографии Киево-Печерской Успенской Лавры, 1866).

Собор преподобных отцов Киево-Печерских, почивающих в Ближних пещерах, празднуется отдельно 28 сентября. Ранее эта общая память совершалась в первую субботу по отдании праздника Воздвижения Честного Креста, т. е. после 21 сентября. Установление празднования общей памяти преподобных, почивающих в Антониевой пещере, в субботу, по отдании праздника Воздвижения Честного Креста, относится к 1670 году. При возобновлении пещер, поврежденных землетрясением, было открыто несколько мощей древних подвижников и устроен храм в честь Воздвижения Честного Креста (Архимандрит Иннокентий к Гербинию, 1674 г. Kiowia Subterranea, р. 43).

В 1760 году над пещерами была построена каменная церковь в честь Воздвижения Честного Креста. В 1886 году при Киевском митрополите Платоне празднование памяти Собора преподобных Ближних пещер было перенесено на 28 сентября в соответствии с совершаемым 28 августа празднованием памяти Собора преподобных Дальних пещер. Предполагают, что канон преподобным отцам, почивающим в Ближних пещерах, составлен святителем Димитрием, митрополитом Ростовским. Известно, что ему принадлежит 2-й канон службы преподобным Антонию и Феодосию на 2 сентября.

В Собор преподобных отцов Ближних пещер входят (в скобках приводится дата кончины и основной памяти): преподобный Антоний Первоначальник (†1073; память 10 июля и 2 сентября), преподобный Прохор Чудотворец, называемый Лебедником (†1107; память 10 февраля), преподобный Иоанн Постник (XII; память 7 декабря), преподобная Иулиания дева, княжна Ольшанская (†ок. 1550; память 6 июля), преподобномученики Феодор и Василий (†1098; память 11 августа), преподобный Поликарп, архимандрит Печерский (†1182; память 24 июля), преподобный Варлаам, игумен Печерский (†1065; память 19 ноября), преподобный Дамиан пресвитер, Целебник (†1071; память 5 октября), преподобный Никодим Просфорник (XII; память 31 октября), преподобный Лаврентий Затворник, епископ Туровский (XII; память 29 января), преподобный Афанасий Затворник (†ок. 1176; память 2 декабря), преподобный Еразм Черноризец (ХII; память 24 февраля), преподобный Лука, эконом Печерский (ХIII; память 6 ноября), преподобный Агапит, врач безмездный (†ок. 1095; память 1 июня), преподобные Феофил Слезоточивый и Иоанн Богоугодный, во единой раке почивающие (ХII; память 29 декабря), преподобный Нектарий Послушливый (XII; память 29 ноября), преподобный Григорий Иконописец (ХII; память 8 августа), священномученик Кукша, просветитель вятичей (XII; память 27 августа), преподобный Алексий Затворник (ХIII; память 24 апреля), преподобный Савва Богоугодник (ХIII; память 24 апреля), преподобный Сергий Послушливый (ХIII; память 7 октября), преподобный Меркурий, епископ Смоленский (†1239; память 7 августа), преподобный Пимен Многоболезненный (†1110; память 7 августа), преподобный Нестор Летописец (†1114; память 27 октября), преподобномученик Евстратий (†1097; память 28 марта), преподобный Елладий Затворник (XII–XIII; память 4 октября), преподобный Иеремия Прозорливый (XI; память 5 октября), преподобномученик Моисей Угрин (†ок. 1031–1043; память 26 июля), преподобный Иоанн Многострадальный (†1160; память 18 июля), преподобный Марк Гробокопатель (ХII; память 29 декабря), преподобный Никола Святоша, князь Черниговский (†1143; память 14 октября), преподобномученик Григорий Чудотворец (†1093; память 8 января), преподобный Онисим Затворник (ХII–ХIII; память 4 октября и 21 июля), преподобный Матфей Прозорливый (XI; память 5 октября), преподобный Исайя Чудотворец (†1115; память 15 мая), преподобный Аврамий Трудолюбивый (ХII–XIII; память 21 августа), преподобный Нифонт, епископ Новгородский (†1156; память 8 апреля), преподобный Сильвестр Чудотворец (ХII; память 2 января), преподобный Пимен Постник (XII; память 27 августа), преподобный Онуфрий Молчаливый (ХII; память 21 июля), преподобный Анатолий Затворник (XII; память 3 июля), преподобный Алипий Иконописец (†1114; память 17 августа), преподобный Сисой Затворник (XII–XIII; память 24 октября), преподобный Феофил Затворник (ХII–ХII; память 24 октября), преподобный Арефа Затворник (†ок. 1195; память 24 октября), преподобный Спиридон Просфорник (ХII; память 31 октября), преподобный Онисифор Исповедник (†1148; память 9 ноября), преподобный Симон, епископ Суздальский (ХII; память 10 мая), преподобный Никон, игумен Печерский (†1088; память 23 марта), преподобный Феофан Постник (ХII; память 11 октября), преподобный Макарий (XII; память 19 января), преподоб номученик Анастасий диакон (XII; память 22 января), двенадцать мастеров греческих, зодчих Киево-Печерской Великой церкви в честь Успения Пресвятой Богоро́дицы (XI; память 14 февраля), преподобный Аврамий Затворник (XII–XIII; память 29 октября), преподобный Исаакий Затворник (†ок. 1090; память 14 февраля), мученик Иоанн младенец (†'ок. 2; общая память с 14 000 младенцами, от Ирода в Вифлееме избиенными, 29 декабря), преподобный Илия Муромец (†ок. 1188; память 19 декабря), преподобный Никон Сухой (XII; память 11 декабря), преподобный Ефрем, епископ Переяславский (†ок. 1098; память 28 января), преподобный Тит иеромонах (†1190; память 27 февраля).

Кроме перечисленных святых, среди Печерских преподобных известно 30 угодников Божиих, от которых сохранились мироточивые главы. В службе преподобным отцам Ближних пещер на 28 сентября упоминаются также преподобный Ефрем священник (песнь 9, тропарь 4), о котором иеромонах Афанасий Кальпофийский в 1638 году писал, что его нетленное тело, облаченное в священнические одежды, лежит напротив святых мощей преподобного Илии Муромца; преподобный Евстафий, бывший в миру златарем (песнь 7, тропарь 3).

В «Описании иеромонаха Афанасия Кальпофийского» 1638 года указывались еще святые, чьи мощи почивали открыто: преподобный Иероним, Затворник и чудотворец, преподобный Меладий, святой старец и чудотворец, преподобный Пергий, святой старец, преподобный Павел, инок чудесно-послушливый. В древних рукописных святцах сохранились имена иереев: преподобного Мелетия, преподобного Серапиона, преподобного Филарета, преподобного Петра (Tetaturgirna, р. 16–28). В одном из ответвлений Ближних пещер 24 мая 1853 года были найдены надписи XI века на сводах: «Господи, помози рабу Своему Феодосию и Феофилови, аминь, многа лета»; «Иванов гроб пещерника – Иван грешный се де жил и есть»; на дубовой дощечке: «Иван пещерник».

Так открылись новые имена печерских отцов: Феофил, Феодосии и Иоанн.

Собор преподобных отцов Киево-Печерских, почивающих в Дальних пещерах, празднует угодников Божиих, подвизавшихся, в основном, в XIII–XV веках. Помимо общей памяти 28 августа, каждый преподобный имеет свою память (в скобках приводится дата кончины и основной памяти): преподобный Феодосии Великоименитый (†1074; память 3 мая, 14 августа и 2 сентября), преподобный Моисей чудотворец (XIII–XIV; память 28 июля), преподобный Лаврентий Затворник (XIII–XIV; память 20 января), преподобный Иларион схимник (†1066; память 21 октября), преподобный Пафнутий Затворник (XIII; память 15 февраля), преподобный Мартирий диакон (XIV; память 25 октября), преподобный Феодор, князь Острожский (†ок. 1483; память 11 августа), преподобный Афанасий Затворник (XIII; память 2 декабря), преподобный Дионисий иеромонах. Затворник (XV; память 3 октября); преподобный Феофил, архиепископ Новгородский (†ок. 1482; память 26 октября), преподобный Зинон Постник (XIV; память 30 января), преподобный Григорий Чудотворец (XIV; память 8 января), преподобный Ипатий Целебник (XIV; память 31 марта), священномученик Лукиан (†1243; память 15 октября), преподобный Иосиф Многоболезненный (XIV; память 4 апреля), преподобный Павел Послушливый (XIII; память 10 сентября), преподобный Сисой схимник (ХIII; память 6 июля), преподобный Нестор Некнижный (XIV; память 27 октября), преподобный Памва Затворник (†1241; память 18 июля), преподобный Феодор Молчаливый (ХIII; память 17 февраля), преподобный Софроний Затворник (ХIII; память 11 марта), преподобный Панкратий Затворник (ХII; память 9 февраля), преподобный Анатолий Затворник (ХIII; память 3 июля), преподобный Аммон Затворник (ХIII; память 4 октября), преподобный Мардарий Затворник (XIII; память 13 декабря), преподобный Пиор Затворник (ХIII; память 4 октября), преподобный Мартирий Затворник (XIII–XIV; память 25 октября), преподобный Руф Затворник (XIV; память 8 апреля), преподобный Вениамин Затворник (XIV; память 13 октября), преподобный Кассиан Затворник (XIII–XIV; память 8 мая), преподобный Арсений Трудолюбивый (XIV; память 8 мая), преподобный Евфимий схимник (XIV; память 20 января), преподобный Тит воин (XIV; память 27 февраля), преподобный Ахила диакон (XIV; память 4 января), преподобный Паисий Богоугодник (XIV; память 19 июля), преподобный Меркурий Постник (XIV; память 24 ноября), преподобный Макарий диакон (ХIII–XIV; память 19 января), преподобный Пимен Постник (XII; память 8 мая), преподобный Леонтий канонарх (XIV; память 18 июня), преподобный Геронтий канонарх (XIV; память 1 апреля), преподобный Захарий Постник (ХIII–XIV; память 24 марта), преподобный Силуан схимник (ХIII–XIV; память 10 июня), преподобный Агафон чудотворец (XIII–XIV; память 20 февраля), преподобный Игнатий архимандрит (†1435; память 20 декабря), преподобный Лонгин Вратарь (XIII–XIV; память 16 октября). В каноне иеромонаха Мелетия Сирига службы во 2-ю Неделю Великого поста упоминаются и многие другие святые. Это первосвятители Русской земли: Михаил, первый митрополит Киевский (†992; память 30 сентября); Иларион, митрополит Киевский, первый из русских удостоенный первосвятительского сана (†ок. 1053; память 21 октября); Петр, митрополит Московский (Киевский) и всея России (†1326; память 21 декабря); Алексий, митрополит Московский (Киевский) (†1378; память 12 февраля); Иона, митрополит Московский (†1461; память 31 марта); Филипп, митрополит Московский (Ц569; память 9 января); Фотий, митрополит Московский (†1431; память 2 июля); Киприан, митрополит Московский (†1406; память 16 сентября); Ефрем, по всей вероятности, Переяславский епископ (†1098; память 28 января), Николай (в древней России с именем Николай известно было три святителя: 1-й Николай, Грек, митрополит Киевский (1098–1101; 2-й Николай, епископ Переяславский, бывший в XI веке – см. П. Строев «Списки иерархов и настоятелей монастырей Российской Церкви». СПб., 1877, стлб. 1047 – далее. П. Строев «Списки иерархов...» и 3-й Николай, епископ Тмутараканский (Карамзин, История..., 11 прим. 201). Думают, что упоминаемый в каноне преподобным Печерским есть Николай, епископ Тмутараканский); Никита, епископ Новгородский (†1109; память 31 января); Исайя, епископ Ростовский (†1090; память 15 мая); Мина, неизвестно какой епархии епископ; Лука, или Новгородский (†1060; память 15 октября), или Белгородский епископ (†1088: см. П. Строев «Списки иерархов...», стлб. 1047); Феоктист, епископ Черниговский; он был избран на святительскую кафедру из Киево-Печерских игуменов (†1123; память 6 августа). В каноне иеромонаха Мелетия Сирига эти святители воспеваются в 1-м тропаре 9-й песни.

Во 2-м тропаре 9-й песни канона иеромонаха Мелетия Сирига упоминаются святители: Леонтий, епископ Ростовский (обретение мощей 1164; память 23 мая); Стефан, епископ Волынский (†1094; память 27 апреля); Герман, епископ Новгородский (1078–1096; память 10 февраля); Нифонт, епископ Новгородский (†1156; память 8 апреля); Марин, вероятно, епископ Юрьевский (1091–1095) (см. П. Строев «Списки иерархов...» стлб. 1049); Евфимий и Лаврентий – неизвестно какие епископы; Симон, или Симеон (в светильне службы на 28 сентября между иерархами упоминается Симеон, а не Симон), не Суздальский епископ, а епископ Переяславский, окончивший свою жизнь мученическою смертью, как видно из канона иеромонаха Мелетия Сирига (песнь 9, тропарь 3). На старинной иконе печерских святых изображен в святительском одеянии «святый Симеон, епископ Переяславский». По летописям, святитель Симеон окончил свои дни страдальческой смертью при нападении татар на Переяславль в 1339 году (ПСРЛ, 1, 200; 3, 188; Никоновская летопись, 3, 4, 5 у архиепископа Филарета: Русские святые, 3-я книга, с. 106); Дионисий, архиепископ Суздальский (†1385; память 15 октября и 26 июня).

Священномученик Макарий, митрополит Киевский (†1497; память 1 мая) (канон иеромонаха Мелетия Сирига, песнь 9, тропарь 4). Мощи его почивают в соборе в честь святого равноапостольного князя Владимира.

Святые мученики Антоний, Иоанн, Евстафий, Виленские мученики (†1347; память 14 апреля) (канон иеромонаха Мелетия Сирига, песнь 7, славник).

Святая равноапостольная Ольга (в святом Крещении Елена) (†969; память 11 июля); святой равноапостольный Владимир (в святом Крещении Василий) (†1015; память 15 июля) и чада его святые благоверные Борис (в святом Крещении Роман), князь Ростовский (†1015; память 24 июля) и Глеб (в святом Крещении Давид), князь Муромский (†1015; память 5 сентября). (Канон иеромонаха Мелетия Сирига, песнь 1, славник). В каноне на 28 сентября они также упоминаются (песнь 9, тропарь 6). В служебниках и других церковных книгах, печатанных в Киево-Печерской Лаврской типографии, вместе со святыми Борисом и Глебом воспоминается святой благоверный великий князь Игорь Киевский и Черниговский (†19 сентября 1147; перенесение мощей 5 июня 1150), но в обоих канонах печерским святым имя его не находится.

Святая великомученица Варвара (†ок. 306; память 4 декабря), честные мощи которой почивают в Киевском соборе в честь святого равноапостольного князя Владимира, прославляется в службе на 28 сентября вместе с преподобной Евфросинией Полоцкой (†1173; память 23 мая) и праведной девой Иулианией Ольшанской (обретение мощей XVI в., память 6 июля) (песнь 9, слава).

Нет сомнения, что известны далеко не все имена преподобных отцов Киево-Печерских. В икосе службы на 28 сентября об этом сказано так: «Восхвалити по единому, кто возможет святыя Твоя, Бла́же, изочту их и паче песка умножатся. Но Сам, Владыко, Христе, исчитаяй множество звезд и всем имена нарицаяй, яви им мольбы наша...»

Тропарь, глас 1:

Ра́дуйся, Богоприи́мче ста́рче Симео́не,/ во объя́тия прие́мый Спа́са, Го́спода./ Весели́ся и ты, честна́я проро́чице А́нно,/ возвести́вши прише́ствие в мир Христа́ Бо́га на́шего,/ сокруши́вшего держа́ву вра́жий),/ и подаю́щего нам ве́лию ми́лость.

Кондак, глас 8:

Во избра́нных Бо́жиих, блаже́нне ста́рче Симео́не,/ на Небеси́ предстои́ши пред лице́м Христа́ Бо́га,/ Его́же во хра́ме, я́ко Младе́нца руконоси́мого,/ во объя́тия своя́ от всепречи́стых рук прия́л еси́/ и со А́нною проро́чицею я́ко Бо́га испове́дал еси./ Те́мже похва́льными гла́сы ублажа́ем вас:/ ра́дуйся, Богоприи́мче ста́рче Симео́не,/ ра́дуйся, проро́чице честна́я А́нно,/ ра́дуйтеся, Бо́га во пло́ти позна́вшии́.

Праведный Симеон Богоприимец был, по свидетельству святого евангелиста Луки, одним из избранников Божиих, ожидавших утешения Израилева, и Дух Святой пребывал на нем (Лк. 2:25). Ему было возвещено от Бога, что он не умрет до того времени, пока в мир не придет обещанный Мессия – Христос Господь.

Древние историки сообщают, что египетский царь Птоломей II Филадельф (285–247 до Рождества Христова) пожелал пополнить свою знаменитую Александрийскую библиотеку текстами Священных книг. Он пригласил из Иерусалима книжников. Синедрион послал своих мудрецов. Среди 72 ученых, прибывших в Александрию для перевода Священного Писания на греческий язык, был приглашен и праведный Симеон. Работа была выполнена и получила название «Перевод 72-х толковников». Именно с него в дальнейшем Ветхий Завет был переведен на славянский язык для Болгарской, Сербской и Русской Православных Церквей.

Праведный Симеон переводил книгу пророка Исайи. Прочтя слова Се, Дева во чреве приимет и родит Сына (Ис. 7:14), он решил, что слово «Дева» употреблено ошибочно, вместо слова «Жена», и хотел исправить текст. В этот момент ему явился Ангел и удержал его руку, говоря: «Имей веру написанным словам, ты сам убедишься, что они исполнятся, ибо не вкусишь смерти, доколе не увидишь Христа Господа, Который родится от Чистой и Пренепорочной Девы». С того дня праведный Симеон стал ожидать пришествия обетованного Мессии.

И вот однажды праведный Симеон, ведомый Духом Бо́жиим, пришел в Иерусалимский храм. Это было в тот самый день (сороковой по Рождестве Христовом), когда Пречистая Дева Мария и Ее обручник Иосиф пришли туда, чтобы совершить обряд, положенный по иудейскому закону, – представить пред Господом своего Божественного Первенца и принести положенную жертву. Как только праведный Симеон увидел пришедших, Дух Святой открыл ему, что Богомладенец, Которого держала Пречистая Дева Мария, и есть ожидаемый Мессия, Спаситель мира.

Старец взял в руки Младенца Христа и произнес пророческие слова: Ныне отпускаешь раба Твоего, Владыко, по слову Твоему, с миром, ибо видели очи мои спасение Твое, которое Ты уготовал пред лицем всех народов, свет к просвещению язычников и славу народа Твоего Израиля (Лк. 2:29–33). Он благословил Пречистую Деву и праведного Иосифа и, обращаясь к Богородице, сказал: Се, лежит Сей на падение и на восстание многих в Израиле и в предмет пререканий, – и Тебе Самой оружие пройдет душу, – да откроются помышления многих сердец (Лк. 2:34–35).

О святом и праведном Симеоне Богоприимце известно, что он скончался, прожив 360 лет. В VI веке святые мощи его были перенесены в Константинополь. В 1200 году его гроб видел русский паломник Антоний, будущий архиепископ Новгородский († 1231).

Праведная пророчица Анна тоже участвовала во встрече сорокадневного Младенца Христа в Иерусалимском храме. Святой евангелист Лука повествует: Тут была также Анна пророчица, дочь Фануилова, от колена Асирова, достигшая глубокой старости, прожив с мужем от девства своего семь лет, вдова лет восьмидесяти четырех, которая не отходила от храма, постом и молитвою служа Богу день и ночь. И она в то время, подойдя, славила Господа и говорила о Нем всем, ожидавшим избавления в Иерусалиме (Лк. 2:36–38).

Тропарь и кондак святому праведному Симеону Богоприимцу и Анне пророчице разрешены к богослужебному употреблению Священным Синодом при Заместителе Патриаршего Местоблюстителя Митрополите Сергии в мае 1931 года.

НА ВЕЛИ́ЦЕЙ ВЕЧЕ́РНИ

На Го́споди, воззва́х: стихи́ры, глас 1.

Подо́бен: Небе́сных чино́в:

Позна́им, ве́рнии,/ промышле́ние в Тро́ице сла́вимого Бо́га,/ Иже лю́дем, в уны́нии и печа́лех су́щим,/ дарова́ му́жа ми́лостивого,/ сы́на утеше́ния, Варна́ву преподо́бного,/ моли́твенника о душа́х на́ших.

Позна́им, ве́рнии,/ любо́вь и попече́ние Го́спода,/ Иже явля́ше сия́ Варна́ве преподо́бному/ от дней младе́нчества того́/ во вся́ких ну́ждах и напа́стех,/ я́ко предызбра́нному моли́твеннику о душа́х на́ших.

Просла́вим, ве́рнии,/ милосе́рдие Го́спода,/ Иже посла́ Варна́ве, о́троку су́щу,/ Ангела све́тла и ми́рна,/ от тя́жкия боле́зни и сме́рти того́ избавля́я,/ я́ко предызбра́нного цели́теля душ и теле́с на́ших.

Воспои́м, ве́рнии,/ Отца́ на́шего Небе́сного,/ Иже сохрани́ во благоче́стии/ роди́тели благослове́нного Варна́вы,/ воспита́вшия того́ от младе́нчества,/ я́ко предызбра́нного служи́теля олтаря́ Госпо́дня.

Слава, глас 5:

Прииди́те, ве́рнии,/ просла́вим Всеблага́го Бо́га,/ преподо́бного Варна́ву на ра́дость нам дарова́вшего,/ и́же на пути́ спаси́тельнем утвержде́н бысть,/ во оби́тель Пресвяты́я Тро́ицы прии́де,/ и благослове́нием а́ввы Анто́ния и богому́дрых ста́рцев/ в ски́те Гефсима́нстем подвиза́ся,/ и уте́шитель изря́дный лю́дем яви́ся,/ ны́не же дерзнове́нно мо́лится ко Спа́су о душа́х на́ших.

И ны́не, Богоро́дичен, глас то́йже: В Чермне́м мо́ри:

На литии стихиры, глас 3:

Любо́вию Христо́вою уязви́вся, преподо́бне,/ се́рдце ми́лующее к лю́дем стяжа́л еси./ Сего́ ра́ди яви́лся еси́ па́стырь до́брый и попечи́тель душ скорбя́щих./ Моли́ся, о́тче Варна́во преподо́бне,/ о чту́щих любо́вию па́мять твою́.

Позна́ша тя лю́дие росси́йстии/ уте́шителя в ско́рбех, о́тче Варна́во,/ те́мже во мно́жестве притека́ху к тебе́/ и ра́дости неизрече́нный исполня́хуся./ Нас же, чад твои́х, скорбя́щих и боле́знующиху/ по́мощию твое́ю не забу́ди.

Слава, глас 6:

Благодаре́ние и хвала́ Бо́гу на́шему,/ яви́вшему нам Варна́ву Гефсима́нского/ я́ко моли́твенника и засту́пника,/ к нему́же с любо́вию возопии́м:/ о́тче преподо́бне Варна́во,/ лю́ди земна́го Оте́чества твоего́/ в дни печа́ли и ско́рби/ снабдева́й по́мощию твое́ю/ и в любви́ ко Христу́ укрепля́й и утвержда́й при́сно.

И ны́не, Богоро́дичен, глас то́йже: Творе́ц и Изба́витель:

На стихо́вне стихи́ры, глас 2.

Подо́бен: До́ме Евфра́фов:

От ю́ности твоея́/ Бо́га возлюби́в, о́тче,/ во оби́тель Зоси́мы блаже́нного прите́кл еси́,/ в не́йже обре́т отца́ духо́вного,/ наста́влен был еси́ ко спасе́нию.

Стих: Честна́ пред Го́сподем/ смерть преподо́бных Его́.

Возлюби́в уедине́ние,/ в скит пусты́нный прише́л еси́, о́тче преподо́бне,/ иде́же труды́ мно́гия/ и моли́твы усе́рдныя/ Бо́гу приноси́л еси́.

Стих: Блаже́н муж, боя́йся Го́спода,/ в за́поведех Его́ восхо́щет зело́.

В ке́ллии пусты́нней/ по́двигу послуша́ния и своея́ во́ли отсече́нию/ навыка́л еси́, о́тче Варна́во,/ и с моли́твою усе́рдною/ к Бо́гу прибега́л еси́.

Слава, глас 8:

Благослове́ние отца́ духо́вного,/ лю́ди а́лчущия пита́ти сло́вом и хле́бом,/ в се́рдце твое́м со смире́нием полага́я,/ пои́стине уте́шительный оте́ц и до́брый пита́тель/ яви́лся еси́ всем прибега́ющим к тебе́.

И ныне, Богоро́дичен, глас тойже: Безневе́стная Де́во:

Тропарь, глас 5:

Измла́да Христа́ Бо́га чи́сте возлюби́в,/ сын утеше́ния был еси,/ преподо́бне о́тче Варна́во./ По и́мени и житие́ твое́ бысть:/ коему́ждо стра́ждущему, и ни́щу и царю́,/ па́стырь кро́ток, уте́шитель и цели́тель яви́лся еси́./ Помина́й нас, благода́тный о́тче,/ да моли́твами те́плыми твои́ми/ Жизнода́вец Бог да́рует нам/ утеше́ние и ве́лию ми́лость.

На у́трени

На Бог Госпо́дь: тропа́рь свята́го два́жды. Сла́ва, и ны́не, Богоро́дичен.

По 1-м стихоело́вии седа́лен, глас 1:

Позна́л еси́, о́тче преподо́бне Варна́во,/ кра́ткость жития́ челове́ческого,/ сего́ ра́ди, от ю́ности по́двигом до́брым подвиза́вся,/ к Бо́гу ми́рне изше́л еси́.

Сла́ва, и ны́не, Богоро́дичен:

Ма́ти Де́во,/ преблагослове́нная Богоро́дице,/ сохрани́ в ми́ре лю́ди, чту́щия Тя.

По 2-м стихосло́вии седален, глас 4:

Кончи́ну жития́ твоего́ предуве́дев,/ преподо́бне о́тче наш Варна́во,/ ника́коже во уны́ние прише́д,/ но в труде́х свята́го послуша́ния пребыва́я,/ житие́ твое́ свя́то сконча́л еси́.

Сла́ва, и ны́не, Богоро́дичен:

Наде́ждо всех скорбя́щих и по́моще подвиза́ющихся,/ Ма́ти Бо́жия Пречи́стая,/ путь живота́ ве́чного возлюби́вшим Тя да́руй.

По полиеле́и седа́лен, глас 4:

Во всем житии́ твое́м, преподо́бне Варна́во,/ яви́ себе́ послу́шника рачи́тельна,/ попечи́теля и уте́шителя лю́дем твои́м,/ в неду́зех и ско́рбех мно́зех к тебе́ прибега́ющим/ и блажа́щим па́мять твою́, о́тче достосла́вне.

Слава, и ныне, Богоро́дичен:

Да возра́дуется се́рдце на́ше о попече́нии твое́м, Богоро́дице,/ е́же оби́льно явля́вши на лю́дех печа́льных,/ к Тебе́ притека́ющих.

Та́же степе́нна, 1-й антифо́н 4-го гла́са. Проки́мен, глас 4: Честна́ пред Го́сподем/ смерть преподо́бных Его́. Стих: Что возда́м Го́сподеви о всех, я́же воздаде́ ми? Вся́кое дыха́ние: Ева́нгелие от Матфе́я, зача́ло 43.

По 50-м псалме́ стихира́, глас 6:

Любо́вь ве́лию и по́мощь мно́гу/ стра́ждущим простира́л еси́,/ о́тче преподо́бне Варна́во,/ во вся дни жития́ твоего́/ и сим Бо́гу угоди́л еси́,/ те́мже по кончи́не твое́й/ почита́ющих тя по́мощию не оставля́вши,/ мир и утеше́ние им да́руеши.

Канон, глас 1.

Песнь 1

Ирмо́с: Твоя́ победи́тельная десни́ца/ боголе́пно в кре́пости просла́вися:/ та бо, Бессме́ртне,/ я́ко всемогу́щая, проти́вныя сотре́,/ изра́ильтяном путь глубины́ новосоде́лавшая.

Благода́тную по́мощь Твою́, Го́споди, ниспосли́ нам,/ воспе́ти уго́дника Твоего́, Варна́ву Гефсима́нского,/ благоче́стия подви́жника и оби́тели Се́ргиевы украше́ние.

Ча́до ми́лости Госпо́дни роди́телем твои́м был еси́, свя́те./ Те́мже и лю́ди, о́крест су́щий, ви́дяще сие́,/ зело́ ра́довахуся, благодаря́ще Бога.

А́ще и на́йде на тя боле́знь тя́жкая во ю́ности твое́й, о́тче,/ оба́че десни́цею Госпо́днею охраня́ем, я́ко избра́нник Бо́жий,/ здрав яви́лся еси́.

Богоро́дичен: Ма́ти Де́во, Всеми́лостивая Вла́дычице,/ ве́дущая на́ша не́мощи душе́вныя и теле́сныя,/ сохрани́ нас под кро́вом Твои́м.

Песнь 3

Ирмо́с:Еди́не ве́дый челове́ческого существа́ не́мощь/ и ми́лостивно в не вообра́жься,/ препоя́ши мя с высоты́ си́лою,/ е́же вопи́ти Тебе́, Святы́й:/ одушевле́нный Хра́ме неизрече́нный сла́вы Твоея́, Человеколю́бче.

Призва́ние ко и́ночеству предзре́ся в тебе́, блаже́нне, еще́ о́троку су́щу,/ егда́ пе́рвее у гро́ба преподо́бного Се́ргия моли́лся еси́.

Жела́ние послужи́ти Бо́гу име́я, о́тче,/ во оби́тель Святы́я Тро́ицы прише́л еси́,/ иде́же нача́ло спасе́ния твоего́ положи́.

Ви́дяще любо́вь твою́ к уедине́нному житию́, преподо́бне,/ и предзря́ще служе́ние твое́ наро́ду Бо́жию,/ а́вва Анто́ний со ста́рцы посла́ша тя во оби́тель Пресвяты́я Богоро́дицы,/ Гефсима́ния нарица́емую.

Богоро́дичен: О Пресвята́я Де́во, Путеводи́тельнице ве́рных!/ Ко стези́ покая́ния нас напра́ви/ и спаси́ ду́ши на́ша.

Седален, глас 2:

Любо́вь Христо́ву ве́лиим смире́нием стяжа́л еси́,/ преподо́бне о́тче Варна́во,/ тече́ние живота́ твоего́ Бо́гу вверя́я/ и при́сно смотре́нию Госпо́дню ра́дуяся.

Слава, и ныне, Богоро́дичен:

Ма́ти Бо́жия, благослове́нная Мари́е,/ лю́ди Твоя́, во ско́рби су́щия,/ ми́лостию Твое́ю не оста́ви.

Песнь 4

Ирмо́с: Го́ру Тя, благода́тию Бо́жиею приосене́нную,/ прозорли́выма Авваку́м усмотри́в очи́ма,/ из Тебе́ изы́ти Изра́илеву провозглаша́ше Свято́му/ во спасе́ние на́ше и обновле́ние.

В ми́ре ско́рбни бу́дете, но дерза́йте, я́ко Аз победи́х мир,/ рекл еси́, Го́споди, Твои́м ученико́м./ Сего́ ра́ди скорбя́щим уте́шители ди́вныя от избра́нных твои́х да́руеши.

Ско́рби наро́да Бо́жия позна́в,/ уте́шитель при́сный и ско́рый лю́дем яви́лся еси́,/ о́тче Варна́во преми́лостиве,/ те́мже тя любо́вию ублажа́ем.

Мно́го боле́зновал еси́ о приходя́щих к тебе́, преподо́бне о́тче,/ те́мже и сих призыва́л еси́ непра́вды и прегреше́ния своя́ слеза́ми покая́ния омыва́ти/ и во вся́цем благоче́стии и чистоте́ пребыва́ти.

Богоро́дичен: Ма́ти Пречи́стая, Огнь Боже́ственный во чре́ве прии́мшая несказа́нно,/ непра́вды и прегреше́ния на́ша попали́ благода́тию Сы́на Твоего́.

Песнь 5

Ирмо́с: Твой мир даждь нам, Сы́не Бо́жий,/ ино́го бо, ра́зве Тебе́, бо́га не зна́ем,/ и́мя Твое́ имену́ем,/ я́ко Бог живы́х и ме́ртвых еси́.

Ева́нгельская словеса́ о до́бром па́стыре в се́рдце твое́м слага́я, преподо́бне,/ мно́гое попече́ние о приходя́щих к тебе́ име́л еси́/ и, я́ко чадолюби́вый оте́ц, сих утеша́л еси́.

Си́рых, боле́знуюшкх и о гресе́х свои́х скорбя́щих/ во мно́жестве привле́кл еси́, о́тче пресла́вне Варна́во,/ и сих сло́вом кро́тким твои́м врачева́л еси́.

Та́йная челове́ков прозрева́л еси́, о́тче преподо́бне,/ и я́звы грехо́вныя цели́л еси́ да́нною тебе́ благода́тию,/ та́же, бу́дущая прови́дя, лю́ди ко и́стине направля́л еси́.

Богоро́дичен: Ско́рби и печа́ли челове́ков ве́си, Ма́ти Пресвята́я,/ те́мже и Небе́сною любо́вию Твое́ю ве́рно сия́ врачу́еши.

Песнь 6

Ирмо́с: Обы́де нас после́дняя бе́здна,/ несть избавля́яй,/ вмени́хомся я́ко о́вцы заколе́ния./ Спаси́ лю́ди Твоя́, Бо́же наш,/ Ты бо Кре́пость немотству́ющих и исправле́ние.

Обы́дет бе́здна беззако́ния Росси́йскую зе́млю,/ несть избавля́яй и мно́зи ве́рнии вменя́тся я́ко о́вцы заколе́ния,/ оба́че даст Госпо́дь кре́пость немощству́ющим и избавле́ние, –/ проро́чески рекл еси, преподо́бне.

Дни́е гряду́т, егда́ напа́стьми тьмы безбо́жия Це́рковь Росси́йская обурева́ема бу́дет,/ но, Сама́го Христа́ иму́щи Ко́рмчого,/ ти́хое приста́нище обря́щет, возсия́вшу со́лнцу ве́ры, –/ проро́чески утеша́л еси́ ве́рныя, блаже́нне Варна́во.

Гряду́щее губи́тельство Це́ркве Христо́вы преста́нет, –/ веща́л еси́, о́тче, –/ ме́рзость и запусте́ние во хра́мех Бо́жиих истоща́тся,/ го́ре и мрак в сердца́х люде́й, я́ко дым, исче́знут,/ егда́ ти́и к Бо́гу с покая́нием обратя́тся,/ зане́ Госпо́дь, Кре́пость немощству́ющих, да́рует им избавле́ние.

Богоро́дичен: Це́рковь на́шу во дни го́нений/ и страну́ Росси́йскую во дни нестрое́ний/ держа́вою Твое́ю сохрани́ла еси, Ма́ти Де́во./ Сего́ ра́ди и на бу́дущее вре́мя от враг ви́димых и неви́димых/ бу́ди нам при́сная Засту́пница.

Кондак, глас 2:

Печа́льнику земли́ Росси́йский, преподо́бному Се́ргию,/ от ю́ности после́довал еси́, свя́те Варна́во,/ и заве́т ста́рца твоего́, си́це ре́кшего:/ тако хо́щет Бог:/ сло́вом и хле́бом пита́й а́лчущих, –/ пои́стине до конца́ испо́лнил еси́./ Сего́ ра́ди и ны́не мо́лим тя,/ не оста́ви нас, уте́шительный о́тче,/ Небе́сною любо́вию твое́ю.

Икос:

Возлюби́в, преподо́бне, Христо́вы Боже́ственныя за́поведи/ и возненави́дев ми́ра сего́ наслажде́ние,/ прише́л еси́ усе́рдно к Тому́/ и был еси свети́льник, просвеща́я концы́ блиста́нием духо́вным./ Тем припа́дая молю́ тя:/ просвети́ мои́ о́чи душе́вней/ воспе́ти твоя́ по́двиги, поще́ние, и бде́ние, и сле́зы, боле́зни, и изможде́ние те́ла,/ блаже́нныя ра́ди бу́дущия жи́зни,/ ея́же ны́не наслажда́ешися;/ моли́ непреста́нно о всех нас.

Песнь 7

Ирмо́с: Тебе́ у́мную, Богоро́дице, пещь рассмотря́ем ве́рнии:/ я́коже бо о́троки спасе́ три Превозноси́мый,/ мир обнови́ во чре́ве Твое́м всеце́л/ хва́льный отце́в Бог и препросла́влен.

Ду́хом кро́тости врачу́я душе́вныя неду́ги, преподо́бне,/ приходя́щия к тебе́ приводи́л еси́ к покая́нию/ и ева́нгельским за́поведем науча́л еси́.

Словесе́м твои́м и наставле́нием после́дующе, преподо́бне о́тче Варна́во,/ ве́рнии лю́дие Оте́чества твоего́ мир мног стяжава́ху/ и та́ко житие́ свое́ во сла́ву Бо́жию устроя́ху.

Да́ром врачева́ния обогати́ тя Госпо́дь, преподо́бне о́тче Варна́во,/ те́мже и сло́вом твои́м смире́нным во сла́ву Бо́жию неду́жныя цели́л еси́.

Богоро́дичен: Боле́зни на́ша душе́вныя и теле́сныя заступле́нием Твои́м уврачу́й, Пречи́стая,/ и от сме́рти духо́вныя изба́ви нас.

Песнь 8

Ирмо́с: В пещи́ о́троцы Изра́илевы,/ я́коже в горни́ле,/ добро́тою благоче́стия чисте́е зла́та блеща́хуся, глаго́люще:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Ве́ра кре́пкая, любы́ нелице́мерная и упова́ние тве́рдое/ чисте́е зла́та блеща́хуся в тебе́, преподо́бне о́тче./ Сего́ ра́ди от Бо́га дар рассужде́ния и прозре́ния прия́ти сподо́бился еси́./ Те́мже мно́зи, взыску́ющий во́лю Бо́жию, к тебе́ притека́ху.

Печа́льник и наста́вник был еси́, преподо́бне о́тче,/ не то́чию просты́м, но и во вла́сти су́щим./ Те́мже и Вели́кого Госуда́ря Всеросси́йского в ке́ллии твое́й духо́вне утеша́л еси́,/ гряду́щая страда́ния и смерть му́ченическую того́ предузрева́я.

Помаза́ннику Бо́жию проре́кл еси́, преподо́бне Варна́во,/ претерпе́ти страда́ния во сла́ву Бо́жию:/ той бо яви́ся же́ртва за грехи́ на́ша,/ посрамле́ние губи́телей земли́ Росси́йския и сла́ва Це́ркве.

Богоро́дичен: Оби́тели мно́ги, во и́мя Твое́, Пречи́стая, на Святе́й Руси́ воздви́гнутыя,/ оба́че за грехи́ на́ша от безбо́жных поруга́нныя,/ ны́не же со усе́рдием ве́рными восставля́емыя,/ ми́лостию Твое́ю не оста́ви/ и в них живу́щия от вся́ческих напа́стей и злых обстоя́ний сохрани́.

Песнь 9

Ирмо́с: О́браз чи́стого Рождества́ Твоего́/ огнепали́мая купина́ показа́ неопа́льная;/ и ны́не на нас напа́стей свире́пеющую угаси́ти мо́лимся пещь,/ да Тя, Богоро́дице,/ непреста́нно велича́ем.

Веле́ние ста́рца, е́же пита́ти ча́да Бо́жия хле́бом и сло́вом,/ да́же до часа́ сме́ртного со тща́нием соблюда́я,/ во́лю Бо́жию испо́лнил еси, о́тче Варна́во./ Те́мже и сподо́бися у олтаря́ ми́рне дух твой Го́споду преда́ти.

За́поведь Христо́ву, – да лю́бите друг дру́га, –/ потща́лся еси́ испо́лнити до конца́, преподо́бне Варна́во,/ и сего́ ра́ди в черто́ги Небе́сныя я́ко возлю́бленный и благослове́нный Бо́гом возше́л еси́.

Живя́ во сла́ву Бо́жию, моли́твою я́ко Серафи́м, дея́нием я́ко Херуви́м,/ служе́нием же я́ко А́нгел был еси́, преподо́бне о́тче Варна́во./ Сего́ ра́ди и ны́не с ли́ки Небе́сными Бо́га ра́достне прославля́вши.

Богоро́дичен: Строи́теля оби́тели И́верския, преподо́бного Варна́ву,/ хода́тая пред Тобо́ю и́мамы, Пречи́стая Ма́ти Де́во,/ с ни́мже сподо́би и нас досто́йно взыва́ти Тебе́:/ ра́дуйся, Блага́я Врата́рнице, две́ри ра́йския ве́рным отверза́ющая.

Светилен:

Свети́льника ве́ры и о́браз благоче́стия яви́л еси́ нам, Го́споди, Варна́ву преподо́бного./ Сей бо, пра́ведно пожи́в, мно́гия лю́ди к покая́нию приведе́/ и све́том ева́нгельским просвети́./ Его́же моли́твами, Христе́ Бо́же, да́руй нам ве́лию ми́лость.

Слава, и ныне, Богоро́дичен:

Просвети́ нас све́том Сы́на Твоего́, благослове́нная Влады́чице,/ к не́мощем на́шим милосе́рдна бу́ди,/ про́чее вре́мя живота́ на́шего в ми́ре и покая́нии сподо́би сконча́ти/ и на Стра́шнем Суди́щи Христо́ве Хода́таица неотсту́пна яви́ся.

Стихи́ры на хвали́тех, глас 2.

Подо́бен: До́ме Евфра́фов:

О́тче преподо́бне,/ Варна́во преди́вный,/ наста́вниче прему́дрый,/ научи́ и нас/ путе́м Христо́вым неле́ностно ше́ствовати.

О́тче преподо́бне,/ Варна́во пречу́дный,/ уте́шителю кро́ткий,/ помози́ нам, в печа́ли су́щим,/ во благоду́шии пребыва́ти.

О́тче преподо́бне,/ Варна́во пресла́вный,/ избра́нниче Бо́жий,/ моли́ся ко Го́споду/ душа́м на́шим спасти́ся.

Слава, глас 8:

Ублажа́ем тя, преподо́бне о́тче Варна́во,/ ду́шу бо твою́ о лю́дех боле́знующих полага́л еси́,/ та́же сло́вом ми́лостивым и уте́шительным сих наставля́л еси́,/ еще́ же неду́гующих и немощству́ющих врачева́л еси́ о Христе́ Иису́се,/ Его́же моли́ спасти́ ду́ши на́ша.

И ны́не, Богоро́дичен, глас то́йже: Влады́чице, приими́:

На Литурги́и слу́жба преподо́бническая.

Моли́тва

О преподо́бне о́тче Варна́во, па́стырю наш кро́ткий и уте́шительный, ми́лостивый помо́щниче и те́плый о нас моли́твенниче! Ты, измла́да ча́до благослове́ния Бо́жия быв, о́браз послуша́ния роди́телем, повинове́ния господе́м и служе́ния бли́жним показа́л еси. За́поведи Госпо́дни возлюби́в, в Ла́вру преподо́бного Се́ргия прите́кл еси́ и того́ ве́рный учени́к яви́лся еси́. Во оби́тели же Бо́жия Ма́тере повеле́нием настоя́теля а́ввы Анто́ния пребыва́я, дух смиренному́дрия, кро́тости и терпе́ния стяжа́л еси́ и дар рассужде́ния и прозре́ния помышле́ний душе́вных от Бо́га прия́л еси. Сего́ ра́ди мона́шествующим духо́вный наста́вник, и́нокиням созида́тель оби́тели И́верския на Вы́ксе реце́ и всем стра́ждущим и боле́знующим цели́тель и попечи́тель ми́лостивый да́же до часа́ сме́ртного был еси́. По преставле́нии же твое́м Бог мно́гия ми́лости почита́ющим па́мять твою́ яви́ и и́ноком учи́теля тя ве́рна дарова́. Те́мже мо́лим тя, пра́ведный о́тче, я́коже и пре́жде, хода́тайствуй пред Бо́гом моли́твами твои́ми всем лю́дем во вся́цем зва́нии дух уте́шительный стяжа́ти и коему́ждо потре́бная обрести́: ю́ным – послуша́ние и целому́дрие стра́хом Бо́жиим сохрани́ти; в во́зрасте су́щим – любо́вь Бо́жию и согла́сие стяжа́ти; а́лчущим – не то́кмо хле́бом насу́щным, но и наипа́че сло́вом Бо́жиим насы́титися; пла́чущим – уте́шитися; изгна́нником и стра́нником – приста́нище обрести́; в темни́це су́щим – от уз свободи́тися; благочести́вым – в Ду́се Бо́жием возраста́ти и смиренному́дрия дости́гнути. Сше́ствуй нам во всех путе́х жи́зни на́шея, па́че же умоли́ Го́спода на́шего о проще́нии прегреше́ний и непра́вд на́ших и к све́ту за́поведей Бо́жиих стопы́ на́ша напра́ви, да еди́ным се́рдцем и усты́ сла́вим Пресвяту́ю Тро́ицу, Отца́ и Сы́на и Свята́го Ду́ха, во ве́ки веко́в. Ами́нь.

Преподобный Варнава Гефсиманский (в миру – Василий Ильич Меркулов) родился 24 января 1831 года в селе Прудищи Тульской губернии в семье крепостных крестьян Илии и Дарий Меркуловых. Вскоре его родители переселились в Наро-Фоминск, где и прошли юные годы Василия. Благочестивый юноша часто посещал отшельника Геронтия (в схиме Григория), жившего вблизи ТроицеОдигитриевой Зосимовой пустыни. Духовным окормлением этого святого мужа он пользовался до конца жизни схимника.

В 1851 году Василий поступил в Свято-Троицкую Сергиеву Лавру. Через шесть лет его зачислили послушником в Гефсиманский скит, а затем перевели в Пещерное отделение, которое являлось центром Московского старчества. В 1866 году послушник Василий был пострижен в монашество с именем Варнава в честь апостола Варнавы. Монаха Варнаву рукополагают в иеродиаконы, а в 1872 году – в иеромонахи. В 1873 году иеромонах Варнава был назначен народным духовником Гефсиманского скита, а в 1880 году был избран духовником скитских старцев. Его называли «мудрый простец». Всех приходящих отец Варнава называл «сынками» и «дочками» и ко всем обращался на «ты». Среди «сынков» батюшки был Российский Император Николай II, пришедший с покаянием к старцу в 1905 году. Отец Варнава предсказал Государю мученическую кончину и благословил его на этот подвиг.

Почти двадцать лет под духовным окормлением старца Варнавы находился преподобный Серафим Вырицкий, и благодаря мудрому руководству произошло возрастание иеромонаха Серафима в великого угодника Бо́жия. Отец Варнава устроил в Нижегородской губернии Иверский Выксунский женский монастырь и был духовным руководителем сестер этой обители.

Преподобный Варнава в течение всей своей скитской жизни пребывал в непрестанной Иисусовой молитве и подвиге покаяния и поста, но тщательно скрывал это от мира. Старец врачевал телесные болезни, имел дух кротости, обладал даром прозорливости. Он предсказал будущие гонения за веру, разрушение, а затем восстановление храмов, небывалый расцвет Церкви Христовой: «Преследования против веры будут постоянно увеличиваться. Неслыханные доныне горе и мрак охватят все и вся, и храмы будут закрыты. Но когда уже невмоготу станет терпеть, то наступит освобождение. И настанет время расцвета. Храмы опять начнут воздвигаться. Перед концом будет расцвет».

Преподобный старец Варнава скончался 17 февраля 1906 года после совершения им таинства Исповеди, в алтаре у престола Бо́жия. Погребен он был в пещерах Гефсиманского скита, в котором ныне почивают его святые мощи. В 1995 году иеромонах Варнава (Меркулов) прославлен как местночтимый святой. Память его празднуется 17 февраля, а также б июля – в Соборе Радонежских святых.