31-й день

Преподо́бный ма́тере на́шея Мела́нии Ри́мляныни

Предписася же слу́жба ея́ в 30-й день, занеже пра́здник отдается в 31-й день, и поется вся слу́жба пра́здника еди́наго.

Вечер обы́чная кафизма. на Го́споди, воззва́х: стихи́ры на 6, поемыя на самый пра́здник.

Сла́ва, и ны́не, самогла́сна: Августу единонача́льствующу:

Проки́мен дне. Входа несть. Паремии́ не чтем. Та́же:

Сподо́би, Го́споди: и ектения́: Испо́лним:

На стихо́вне стихи́ры пра́здника со стихи их. Сла́ва, и ны́не, пра́здника. По Ны́не отпуща́еши: и по трисвято́м тропа́рь пра́здника. Также ектения́: Поми́луй: и отпу́ст. Свята́го же, и́же на ряду, помина́ем на отпу́сте.

Полунощницу поем по обы́чаю с кафизмою, и тропари глаго́лем рядовыя, и моли́тву: Помяни́, Го́споди, в наде́жди воскресе́ния: и отпу́ст.

На у́трени, на Бог Госпо́дь: тропа́рь пра́здника трижды. По кафизмах седа́льны пра́здника и чте́ние пра́здника. Кано́н первый со ирмосо́м на 8. Други́й кано́н со ирмосо́м на 6, ирмосы́ обою́ кано́нов по два́жды. Катава́сия, ирмо́с перваго кано́на, на сходе. По 3-й пе́сни ипакои́, глас 8: Нача́ток язы́ков: По 6-й пе́сни конда́к пра́здника и и́кос. На 9-й пе́сни Честне́йшую: не поем, но поем припевы пра́здника, я́коже и на самый пра́здник. Свети́лен пра́здника еди́ножды. Сла́ва, и ны́не, то́йже. На хва́литех стихи́ры пра́здника на 4. Сла́ва, глас 6: Егда́ время: И ны́не, глас 2: Днесь: И славосло́вие вели́кое. По трисвято́м тропа́рь пра́здника. Ектении́, и отпу́ст, и обы́чное исхождение в притвор. И час 1-й. Тропа́рь и конда́к пра́здника.

НА ЛИТУРГИ́И:

Блаже́нны обои́х кано́нов песнь 9-я на 8. Антифо́нов же пра́здника не глаго́лем. По входе тропа́рь пра́здника. Сла́ва, и ны́не, конда́к пра́здника. Та́же, трисвято́е. Проки́мен, аллилу́ия и прича́стен пра́здника. Апо́стол и Ева́нгелие дне.

А́ще ли случи́тся отдание Рождества́ Христо́ва в Неде́лю. На ма́лой вече́рни стихи́ры воскресны и Богоро́дицы по обы́чаю.

На вели́цей вече́рни: кафизма 1: Блаже́н муж: на Го́споди, воззва́х: стихи́ры воскресны 3 и пра́здника 4, глас 2: Прииди́те, возра́дуемся Го́сподеви: и святы́х 3. Сла́ва, святы́х, глас 6: Па́мять соверша́ем: И ны́не, пра́здника, глас 2: Августу единонача́льствующу на земли́: Вход, проки́мен дне. На лити́и стихи́ры пра́здника. Сла́ва, глас 5: Волсви́ перси́дстии: И ны́не, глас 6: Лику́ют А́нгели: На стихо́вне стихи́ры воскресны. Сла́ва, святы́х, глас 6: Свяще́нных па́мять: И ны́не, пра́здника. На благослове́нии хлебов тропа́рь: Богоро́дице: два́жды и святы́х еди́ножды: Благовествуй, та́же чте́ние в Посла́ниих апо́стольских.

На у́трени на Бог Госпо́дь: тропа́рь воскресе́н, два́жды. Сла́ва, святы́х. И ны́не, пра́здника. По кафизмах седа́льны воскресны, и Богоро́дичны их, и чте́ние во Ева́нгелии толково́м, Неде́ля по Рождестве́ Христо́ве, та́же непоро́чны, с тропари их, ипакои́ гла́са и чте́ние пра́здника. Степе́нна, и проки́мен гла́са, и Вся́кое дыха́ние: Ева́нгелие воскресно и Воскресе́ние Христо́во: По 50-м псалме́ стихи́ра воскресна. Кано́н воскресе́н со ирмосо́м на 4, и святы́х на 4, и пра́здника, оба кано́на на 6. Катава́сия пра́здника, ирмо́с перваго кано́на. По 3-й пе́сни конда́к святы́х, и и́кос, и седа́лен их. Сла́ва, и ны́не, пра́здника. И чте́ние. По 6-й пе́сни конда́к пра́здника и и́кос. На 9-й пе́сни поем Честне́йшую: Свети́лен воскресе́н. Сла́ва, святы́х. И ны́не пра́здника. На хва́литех стихи́ры воскресны 4 и пра́здника самогла́сны 4, глас 4: Весели́теся, пра́веднии: с припевы. Сла́ва, святы́х, глас 8: Кровь и огнь: И ны́не: Преблагослове́нна еси́: Славосло́вие вели́кое. По трисвято́м тропа́рь воскресе́н, ектении и отпу́ст. И оглашение Студи́тово. И обы́чное исхождение. И поем: Сла́ва, и ны́не: стихи́ру Ева́нгельскую и час первый в притворе. На 1-м часе тропа́рь воскресе́н. Сла́ва, пра́здника. И ны́не, Богоро́дичен часов. По О́тче наш: конда́к пра́здника. На 3-м часе тропа́рь воскресе́н. Сла́ва, святы́х. И ны́не, Богоро́дичен часов. Конда́к пра́здника и святы́х, пременя́юще, глаго́лем.

НА ЛИТУРГИ́И:

Блаже́нны гла́са на 4 и пра́здника 1-го кано́на, песнь 9-я на 4, и святы́х, песнь 6-я на 4. По входе тропа́рь воскресе́н, и пра́здника, и святы́х.Сла́ва, конда́к святы́х. И ны́не, пра́здника. Проки́мен пра́здника и святы́х: Ди́вен Бог во святы́х Свои́х: Апо́стол к Гала́том, зача́ло 200. Аллилу́ия, пра́здника. Ева́нгелие от Матфе́я, зача́ло 4. Прича́стен: Хвали́те Го́спода: Други́й, пра́здника.

А́ще ли случи́тся попра́зднство или́ отда́ние Рождества́ Христо́ва в суббо́ту.

В пяток ве́чера, на Го́споди, воззва́х: Сла́ва, и ны́не, пра́здника, а Богоро́дичен 1-й настоя́щаго гла́са не поем.