28-й день

Святы́х апо́стол Иа́сона и Сосипа́тра и святы́х му́ченик Да́ды, Макси́ма и Кинтилиа́на

Апостолы Иасон и Сосипатр

Святые мученики Дада, Максим и Квинтилиан

Святи́теля Кири́лла, епи́скопа Ту́ровскаго

Святитель Кирилл, епископ Туровский

На Го́споди, воззва́х: стихи́ры апо́столов, глас 8.

Подо́бен: Му́ченицы Твои́, Го́споди:

Иа́сон блаже́нный, струя́ спаси́тельная,/ я́коже теку́щи земли́ исполне́ния,/ сердца́, жже́нием держи́ма злым, напои́ и ве́рою ороси́,/ те́мже по кончи́не ублажа́ется./ Того́ моли́твами, Го́споди,/ всем пода́ждь ве́лию ми́лость.

Иа́сон Богодухнове́нный/ ле́ствица бысть, до Небе́с дося́жущая,/ ве́рныя возводя́щая уче́нием к Небе́сней жи́зни,/ живе́т же по кончи́не/ и предстои́т, ра́дуяся, Тро́ице сла́вный./ Того́ моли́твами, Го́споди,/ всем пода́ждь ве́лию ми́лость.

Иа́сон пребога́тый/ исцеле́ния всегда́ источа́ет приходя́щим к ра́це его́,/ и уставля́ет неду́ги душа́м,/ и отгоня́ет преле́стныя ду́хи,/ и утиша́ет бу́ри./ Того́ моли́твами, Го́споди,/ всем пода́ждь ве́лию ми́лость.

И́ны стихи́ры святы́х му́ченик, глас 1.

Подо́бен: Всехва́льнии му́ченицы:

Тро́ицу несозда́нную,/ трие́ на суди́щи святи́и,/ испове́давше, му́ченицы,/ уморе́ни бы́сте/ и жи́зни нестаре́емей ны́не сподо́бистеся,/ пото́ка пи́щу насле́довасте./ Те́мже моли́теся/ дарова́ти душа́м на́шим/ мир и ве́лию ми́лость.

Непобеди́мии му́ченицы,/ то́ками излия́вшияся кро́ве/ пре́лести изсуши́сте тече́ния,/ ту́чи излива́ете исцеле́ний всем,/ ве́рою притека́ющим,/ и си́лу неду́гов отъе́млете./ Те́мже моли́теся/ дарова́ти душа́м на́шим/ мир и ве́лию ми́лость.

Вси почти́м, ве́рнии, пе́сньми днесь/ Да́да Боже́ственнаго,/ и Макси́ма и Кинтилиа́на,/ тве́рдыя ору́жники,/ прему́дрыя му́ченики,/ су́щия рая́ жи́тели,/ ны́не моля́щияся/ дарова́ти душа́м на́шим/ мир и ве́лию ми́лость.

Сла́ва, и ны́не, пра́здника, или́ Богоро́дичен:

Всепе́тая Влады́чице,/ наде́жде ве́рных и утвержде́ние,/ прибе́жище и по́мощь,/ Тя мо́лим:/ от вся́кия беды́ рабы́ Твоя́ сохрани́,/ ве́рою покланя́ющияся Рождеству́ Твоему́,/ Его́же моли́/ дарова́ти душа́м на́шим/ мир и ве́лию ми́лость.

Крестобогоро́дичен:

Своего́ А́гнца/ А́гница и Непоро́чная Влады́чица/ на Кресте́ я́ко ви́де, зра́ка не иму́ща, ниже́ добро́ты:/ увы́ Мне,– рыда́ющи, глаго́лаше,–/ где добро́та Твоя́ за́йде, Сладча́йший?/ где благоле́пие?/ где благода́ть блиста́ющая/ о́браза Твоего́,/ Сы́не Мой любе́знейший?

Тропа́рь, глас 3:

Апо́столи святи́и,/ моли́те Ми́лостиваго Бо́га,/ да прегреше́ний оставле́ние/ пода́ст душа́м на́шим.

Кано́н, творе́ние Ио́сифово. Глас 8.

Песнь 1

Ирмо́с: Посе́ченый несеко́маго пресече́,/ и ви́де со́лнце зе́млю, ю́же не ви́де;/ лю́таго врага́ вода́ потопи́,/ и непроходи́мое про́йде Изра́иль./ Песнь же воспева́шеся:/ Го́сподеви пои́м, сла́вно бо просла́вися.

Со А́нгельскими живы́й ли́ки, и невече́рняго Све́та всегда́ исполня́емь,/ и прича́стием и́стинным обожа́емь, пребога́те,/ любо́вию пра́зднующия твою́ святу́ю па́мять просвети́, Го́сподеви пою́щия:/ сла́вно бо просла́вися.

Боже́ственное тя отню́д распали́, Иа́соне, жела́ние те́плое,/ те́мже после́довал еси́ огнь на зе́млю воврещи́ Прише́дшему, сла́вне,/ от Него́же просвеща́емь, све́тло взыва́л еси́:/ Го́сподеви пои́м, сла́вно бо просла́вися.

Умо́м невеще́ственным нра́вом подо́бяся,/ на земли́ нас ра́ди ве́щию, блаже́нне, те́ла Я́вльшемуся ми́лостивно, преблаже́нне, служи́л еси́;/ служи́тель же Сего́ свяще́нен, зовы́й, был еси́:/ Го́сподеви пои́м, сла́вно бо просла́вися.

Богоро́дичен: От Де́вы безму́жны ви́ден бысть, воплоща́емь за милосе́рдие мно́гое, Недоуме́нный,/ страстьми́ те́ла окая́нно пони́кших,/ возводя́ к безстра́стию я́ве стра́стию пло́ти Свое́я,/ Ему́же обы́чно пои́м:/ сла́вно бо просла́вися.

Ин кано́н му́чеников. Ио́сифово. Глас 1.

Песнь 1

Ирмо́с: Пе́снь побе́дную пои́м вси Бо́гу,/ сотво́ршему ди́вная чудеса́ мы́шцею высо́кою и спа́сшему Изра́иля,/ я́ко просла́вися.

Бо́гу Вседержи́телю со дерзнове́нием, добропобе́днии му́ченицы, предстоя́ще всегда́,/ моли́те согреше́ний очище́ние посла́ти нам.

Венча́стеся, му́ченицы, добро́тою Боже́ственною, по́двиг сконча́вше/ и многоко́зненнаго врага́ победи́вше./ Те́мже вас обра́дованно пе́сненно славосло́вим при́сно.

Кре́постию Ду́ха Пресвята́го, кре́пость погуби́сте льсти́ваго зми́я, Богоблаже́ннии,/ и безсме́ртных даро́в ны́не наслажда́етеся.

Богоро́дичен: По́лный истощи́ся за милосе́рдие и плоть бысть,/ возводя́, Чи́стая, к пе́рвой нас добро́те,/ и́же ве́рою на земли́ восхваля́ющия Тя.

Песнь 3

Ирмо́с: Ты еси́ утвержде́ние/ притека́ющих к Тебе́, Го́споди,/ Ты еси́ свет омраче́нных,/ и пое́т Тя дух мой.

Цевни́ца яви́лся еси́ Ду́ха,/ возглаша́я нам уче́ния Богокра́сная,/ отрева́я прелука́вая пе́ния.

Источи́ язы́к твой, я́коже река́, жи́зни исто́чники/ и го́рькия во́ды преле́стныя, изсуши́, сла́вне.

Исцеле́ния то́чат свяще́нныя твоя́, му́дре, мо́щи разли́чная,/ Ду́ха Свята́го де́йством и благода́тию.

Богоро́дичен: Умертви́, Пречи́стая, живопода́тельною мольбо́ю Твое́ю/ во мне живу́щий грех,/ Я́же Живо́т ро́ждшая.

Ин

Ирмо́с: Да утверди́тся се́рдце мое́ в во́ли Твое́й, Христе́ Бо́же,/ И́же над вода́ми не́бо утвержде́й второ́е/ и основа́вый на вода́х зе́млю, Всеси́льне.

Веде́нием ну́ждным, святи́и, за Христа́ у́зницы бы́вше,/ соу́зу пре́лести злу́ю разреши́сте благода́тию,/ разре́шше же ся от пло́ти, к жи́зни преста́вистеся.

Ви́дети Бо́жию красоту́, страда́льцы, жела́юще, прехва́льнии,/ ра́ны, и вяза́ния, и ну́ждную смерть претерпе́сте,/ тве́рдостию ума́ крася́щеся.

Зако́нно, му́ченицы прехва́льнии, Стра́ждуща нра́ва кре́постию, оде́ястеся,/ вку́пе побе́дным венце́м,/ и Тро́ице Честне́й ра́достно ны́не предстоите́.

Богоро́дичен: И́же естество́м неопи́санный,/ вопло́щся из Тебе́, опису́ется, Богора́дованная Чи́стая,/ Его́же непреста́нно моли́ уще́дрити и спасти́ пою́щия Тя.

Седа́лен, глас 8.

Подо́бен: Прему́дрости:

Светосия́нными заря́ми слове́с честны́х, просвети́л еси́ всех богоподо́бно, Иа́соне апо́столе,/ и тьму отгна́л еси́,/ и, пострада́в, блаже́нне, источа́еши исцеле́ния,/ и теле́с уставля́еши лю́тыя боле́зни./ Тем, соше́дшеся, свято́е твое́ вси твори́м торжество́, Спа́са сла́вяще,/ и ве́рно вопие́м ти:/ моли́ Христа́ Бо́га грехо́в оставле́ние пода́ти/ чту́щим любо́вию святу́ю па́мять твою́.

Сла́ва, глас 1.

Подо́бен: Гроб Твой:

Тве́рдостию души́ прибли́жившеся боле́знем,/ непобеди́ми мно́гими козньми́ льсти́ваго, яви́стеся, му́ченицы, А́нгелом равноче́стни./ Те́мже вся вселе́нная почита́ет боре́ния и честна́я ва́ша страда́ния,/ и́миже просла́вистеся.

И ны́не, пра́здника, или́ Богоро́дичен:

Упова́ние христиа́н, Пресвята́я Де́во,/ Его́же родила́ еси́, Бо́га, па́че ума́ же и сло́ва,/ непреста́нно моли́ с Вы́шними си́лами/ пода́ти оставле́ние грехо́в на́ших всех и исправле́ние жития́ ве́рою и любо́вию при́сно Тя сла́вящим.

Крестобогоро́дичен:

Нескве́рная А́гница, А́гнца и Па́стыря, пове́шена на Дре́ве, ме́ртва зря́щи,/ пла́чущи, веща́ше, ма́терски восклица́ющи:/ ка́ко претерплю́ Твое́, е́же па́че сло́ва, Сы́не Мой, сни́тие/ и во́льныя стра́сти, Бо́же Преблаги́й?

Песнь 4

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Учени́к был еси́ Па́влу, прему́дрому священнопропове́днику,/ подо́бник же Христу́, сла́вне,/ Того́ повину́яся Боже́ственным манове́нием.

Черто́га оде́ждею укра́шен был еси́ Боже́ственныя Це́ркве,/ сей Ду́хом, Богоно́се, обручи́вся сла́дким сло́вом му́дрости твоея́.

Врач преиску́сен злоотгони́тельными Боже́ственными дла́ньми твои́ми неду́гующих был еси́,/ исцеля́я стра́сти прелю́тыя.

Богоро́дичен: Неискусобра́чная Влады́чице,/ спаси́ мя, Спа́са Сло́ва ро́ждшая,/ и бед свободи́, и ве́чнующаго осужде́ния.

Ин

Ирмо́с: Услы́шах, Го́споди, слух Твой, и убоя́хся,/ разуме́х дела́ Твоя́, проро́к глаго́лаше,/ и просла́вих си́лу Твою́.

Зако́н Боже́ственный утвержда́юще,/ беззако́ние страда́льцы безбо́жных отри́нуша,/ благоче́стно пострада́вше и Го́сподеви благоугоди́вше.

Ублажи́м днесь Да́да и Макси́ма до́блия, зако́нно пострада́вшия,/ и хвала́ми венча́ем Кинтилиа́на всечестна́го.

Непрело́жни, святи́и, во вре́мя страда́ния бы́вше,/ вся́ку лесть низложи́сте/ и побе́дный вене́ц от Бо́га Спа́са прия́сте.

Богоро́дичен: Уны́нием одержи́маго, Богороди́тельнице,/ воздви́гни мя твори́ти Боже́ственное хоте́ние,/ я́ко да ублажу́ Тя, Предста́тельнице всех неусы́пная.

Песнь 5

Ирмос: От но́щи неве́дения/ по душелови́тельному пути́ при́сно блудя́щаго,/ све́том ра́зума Твоего́, Го́споди, преднаставля́я мя,/ на стезю́ за́поведей Твои́х напра́ви.

Содержи́мыя ле́стию и па́губе безу́мно рабо́тающия челове́ки, преблаже́нне,/ Боже́ственными уче́нии свободи́л еси.

Я́коже не́кое свети́ло, на высоте́ Богоразу́мия, Иа́соне предлежа́,/ привле́кл еси́ ко приста́нищу Боже́ственному лю́те потопля́емыя.

Умерщвле́нныя дре́вле су́щия змии́ным угрызе́нием,/ живото́чным твои́м сло́вом, блаже́нне, удиви́в, оживи́л еси́.

Богоро́дичен: Святе́йши яви́лася еси́ Херуви́м,/ на земли́ вопло́щши всех Влады́ку,/ Чи́стая Всенепоро́чная Влады́чице.

Ин

Ирмо́с: Све́тлый нам возсия́й Свет присносу́щный,/ у́тренюющим о судьба́х за́поведей Твои́х,/ Влады́ко Человеколю́бче, Христе́ Бо́же наш.

Боже́ственное И́мя и спаси́тельное испове́давше пред мучи́тели, святи́и,/ мно́гих мук иску́с претерпе́сте, и смерть непра́ведную.

Благода́тию укрепля́еми Боже́ственнаго Ду́ха,/ не убоя́стеся муче́ний теле́сных,/ ни истука́нным че́сти принесо́сте, добропобе́днии му́ченицы.

Вене́ц неувяда́емый прие́мше, святи́и му́ченицы,/ Тро́ице ны́не предстоите́ трие́,/ незаходи́мому сия́нию сподо́блени, и ны́не ублажа́етеся.

Богоро́дичен: Исцели́, Влады́чице Всенепоро́чная,/ се́рдца моего́, молю́ Тя, стра́сти неисце́льныя/ и ума́ моего́ тьму тя́жкую отжени́, Пречи́стая.

Песнь 6

Ирмо́с: Я́коже проро́ка/ изба́вил еси́ из глубины́ преиспо́дния, Христе́ Бо́же,/ и мене́ от грехо́в мои́х изба́ви, я́ко Человеколю́бец,/ и упра́ви живо́т мой, молю́ся.

Преуди́влься добро́те за милосе́рдие нам Прибли́жшагося, Иа́соне апо́столе,/ сему́ после́довал еси́/ и оста́вил еси́ жите́йскую красоту́.

Научи́вся Боже́ственным,/ научи́л еси́ благода́тию, сла́вне, Тро́йческому сия́нию/ дре́вле слепоту́ обнося́щия неразу́мия безу́мие.

Неду́ги отгоня́ разли́чныя и прогоня́ зло́бныя ду́хи,/ лю́ди к позна́нию Госпо́дню обрати́л еси́,/ изба́вль от пре́лести лука́ваго.

Богоро́дичен: Я́ко дождь на руно́, спаси́тельное Сло́во в ложесна́ Твоя́ сни́де,/ и Челове́к из Тебе́ бысть,/ спаса́я мя, Отрокови́це, хода́тайством Твои́м.

Ин

Ирмо́с: Я́ко Ио́ну проро́ка,/ возведи́, Христе́ Бо́же, живо́т мой от тли,/ вопию́ Ти, Человеколю́бче,/ я́ко жизнь у тебе́ есть,/ и нетле́ние, и си́ла.

Новоявле́нно, я́коже зве́зды, зри́ми,/ просвеща́ете земны́й мир, всехва́льнии му́ченицы,/ помраче́ние отгоня́ще безбо́жия благода́тию.

Законоположе́ния безбо́жных до конца́ отри́нувше,/ и зако́ном Госпо́дним я́ве утвержда́еми,/ зако́нно, святи́и му́ченицы, за Христа́ пострада́сте.

Высоча́йшими ра́зумы и де́лы пока́зани до́бре,/ с высоты́ спа́дшаго под но́ги покори́сте,/ укра́шеныя в добро́тах муче́ния, прехва́льнии.

Богоро́дичен: Зако́н есте́ственных кроме́,/ Творца́ естеству́ воплоти́ла еси́, Отрокови́це, па́че ума́, Всенепоро́чная,/ Его́же добропобе́днии му́ченицы испове́дающе, пострада́ша.

Конда́к апо́столов, глас 4.

Подо́бен: Яви́лся еси́:

Яви́стеся, я́ко зве́зды пресве́тлыя,/ просвеща́юще всю вселе́нную све́том пропове́дания,/ апо́столи Боже́ственнии/ Иа́соне и Сосипа́тре,/ спаса́йте ве́рою чту́щих вас.

Песнь 7

Ирмо́с: О́троцы благочести́вии в Вавило́не/ о́бразу злато́му не поклони́шася,/ но посреде́ пе́щи о́гненныя, ороша́еми,/ песнь воспева́ху, глаго́люще:/ превозноси́мый отце́в и нас Бо́же, благослове́н еси́.

Боле́знем приближа́яся непреста́нным,/ боле́зни, Иа́соне, облегчи́л еси́ ве́рным/ и к неболе́зненному прия́тию наста́вил еси́ благоче́стно воспева́ющия:/ благослове́н Бог о́тец на́ших.

Тле́ние уста́вил еси́ зло́бы, блаже́нне,/ и ра́зум насади́л еси́ спаси́тельный в мы́сли челове́ческия,/ и́мже просвеща́емь, Влады́це всех взыва́л еси́:/ благослове́н Бог оте́ц на́ших.

Богоро́дичен: Нося́щи Христа́ на руку́, я́ко престо́л огнезра́чен, Всенепоро́чная,/ моли́ Его́, я́ко Сы́на Твоего́ и Го́спода, умири́ти мир, зову́щи:/ благослове́н Бог оте́ц на́ших.

Ин

Ирмо́с: Су́щим в пещи́ отроко́м Твои́м, Спа́се,/ не прикосну́ся, ниже́ стужи́ огнь./ Тогда́ трие́, я́ко еди́неми усты́, поя́ху/ и благословля́ху, глаго́люще:/ благослове́н Бог оте́ц на́ших.

Огне́м Боже́ственнаго стра́ха ду́шу распала́юще,/ вся́ку попали́сте, му́дрии, вещь го́рькую многобо́жия/ и к сия́нию взя́стеся невече́рнему,/ согреше́нием на́шим разреше́ние подаю́ще.

Струя́ми крове́й угаси́вше запале́ние, блаже́ннии, многобо́жия вои́стинну,/ ту́чу нам источа́ете чуде́с,/ ве́рою притека́ющим к ра́це моще́й ва́ших всегда́.

Дом я́вльшеся Ду́ха, му́дрии добропобе́днии му́ченицы,/ храм, в не́мже ны́не лежите́, исто́чник содева́ет чуде́с:/ во́ньже прибега́юще, от вся́кия скве́рны страсте́й избавля́емся.

Богоро́дичен: Воплоще́нно родила́ еси́ нам, Пренепоро́чная, Сло́во,/ Единосу́щно Отцу́ и Ду́ху, Богороди́тельнице,/ Его́же моли́ спасти́ пою́щия Тя от всех страсте́й и обстоя́ния.

Песнь 8

Ирмо́с: Богоглаго́ливии о́троцы в пещи́,/ со огне́м пла́мень попира́юще, поя́ху:/ благослови́те, дела́ Госпо́дня, Го́спода.

Искорени́л еси́ те́рние злохуле́ния се́менем Сло́ва, Иа́соне:/ стори́чествующий клас, спа́сшихся мно́жество, возде́лал еси́.

Просвеще́ние су́щих во тьме тя свети́льника Та́рсу поставля́ет, блаже́нне,/ и́же сего́ престо́л стро́яща свяще́нно и преподо́бно, Иа́соне апо́столе.

Зако́нен был еси́ учи́тель/ су́етней повину́вшимся ле́сти Еди́наго Бо́га чести́ несозда́ннаго,/ и́же тва́рем че́сти принося́щия спасл еси́.

Богоро́дичен: Воплоще́нна ро́ждши Бо́га Сло́ва,/ пло́ти на́шея стра́сти и душе́вныя, Отрокови́це, исцели́,/ да ве́рою Тя вси и любо́вию сла́вим.

Ин

Ирмо́с: Его́же ужаса́ются А́нгели/ и вся во́инства, я́ко Творца́ и Го́спода,/ по́йте, свяще́нницы, просла́вите, о́троцы,/ благослови́те, лю́дие,/ и превозноси́те во вся ве́ки.

Лю́бяще Го́спода от всея́ души́, я́ко а́гнцы, закла́ни бы́сте,/ па́стырю слове́сному и Боже́ственней трапе́зе принесо́стеся/ и в кро́вех пе́рвенец живете́.

Ве́рою почти́м Кинтилиа́на, и Да́ду, и Макси́ма, му́ченики Христо́вы,/ Боже́ственныя зве́зды, просвеща́ющия всех сердца́ чуде́сными луча́ми.

Глаго́лы преоби́деша безбо́жных и злочести́вых/ и, ра́дующеся, пострада́вше, му́ченицы Христо́вы,/ и су́щим от ве́ка причто́шася Боже́ственным страстоте́рпцем,/ с ни́миже при́сно почита́ются.

Богоро́дичен: Я́ко престо́л огнезра́чен носи́ла еси́ Христа́,/ нам приме́шшася дебельство́м пло́ти./ Того́ моли́, Богоро́дице Чи́стая, уще́дрити и спасти́ любо́вию чту́щия Тя.

Песнь 9

Ирмо́с: Уста́вы прешла́ еси́ естества́,/ Соде́теля заче́нши и Го́спода,/ и дверь спасе́ния ми́рови была́ еси́:/ тем Тя, Богоро́дице,/ непреста́нно велича́ем.

Свяще́нныя соста́вим вси ли́ки, свяще́нно блажа́ще Иа́сона, вели́каго Христо́ва апо́стола,/ с ли́ки безпло́тными всегда́ веселя́щася.

Игра́ет тварь, лику́ющи ны́не в честне́м торжестве́ твое́м, сла́вне,/ апо́столи, проро́цы и вси му́ченицы ра́дуются, Иа́соне:/ с ни́миже тя ве́рою велича́ем.

Ра́ка, иде́же лежи́т терпели́вое и многострада́льное те́ло твое́,/ сла́вне Иа́соне, зари́ испуща́ет всегда́/ и тьму боле́зней разоря́ет, пребла́женне.

Богоро́дичен: Я́вльшися Ма́ти Всенепоро́чная Емману́ила,/ воплоще́ннаго из ложе́сн Твои́х, обожи́вшаго естество́ челове́ческое,/ те́мже Тя, Пресвята́я Богороди́тельнице, ублажа́ем.

Ин

Ирмо́с: Светоно́сный о́блак, во́ньже всех Влады́ка,/ я́ко дождь с небесе́ на руно́, сни́де/ и воплоти́ся нас ра́ди,/ быв Челове́к, Безнача́льный,/ велича́ем вси я́ко Ма́терь Бо́га на́шего Чи́стую.

После́дующе стра́сти Безстра́стнаго, страстоте́рпцы,/ искуше́ние подъя́сте вку́пе многоплете́нных мук/ и сме́ртию жизнь насле́довасте, пребыва́юще в век ве́ка;/ сего́ ра́ди блажи́ми есте́ при́сно.

Красно́ стезю́ муче́ния уве́девше/ и ше́ствовавше до́бре в пути́, веду́щия к поко́ищем у́мным, сла́внии му́ченицы,/ прия́сте кончи́ну мече́м и со А́нгелы лику́ете при́сно.

Ста́нем во хра́ме Госпо́дни и ублажи́м Да́ду, Макси́ма и Кинтилиа́на,/ до́блия ору́жники и погуби́вшия враги́, и ве́рою вопие́м:/ Человеколю́бче, тех моли́твами изба́ви всех многоплете́нныя напа́сти.

Свяще́нная ва́ша па́мять, пресла́внии победоно́сцы, я́коже со́лнце, све́тло озаря́ет тварь,/ ю́же творя́щия, омраче́ния страсте́й ны изба́вите, мо́лимся,/ свяще́нными хода́тайствы, страстоте́рпцы Спа́са и Бо́га.

Богоро́дичен: Грехолюби́в сый, покая́нием припа́даю щедро́там Твои́м, Бо́же,/ и ве́рно взыва́ю:/ мольба́ми чи́сто ро́ждшия Тя на земли́, уще́дри мя/ и мук изба́ви ве́чных, Преблаги́й Христе́.

Апостол Иасон происходил из Тарса (Малая Азия). Он был первым христианином в городе. Апостол Сосипатр был родом из Ахаии. Оба они стали учениками апостола Павла, который даже назвал их своими «сродниками» (Рим. 16:21). Святой Иасон был поставлен епископом в родном городе Тарсе, а святой Сосипатр – в Иконии. С Евангельской проповедью они отправились на запад и в 63 году достигли острова Керкиры в Ионическом море, близ Греции. Там они построили церковь во имя первомученика Стефана и многих крестили. Правитель острова узнал об этом и заключил их в темницу, где сидели семь разбойников: Саторний, Иакисхол, Фавстиан, Ианнуарий, Марсалий, Евфрасий и Маммий. Апостолы обратили их ко Христу. За исповедание Христа семь узников мученически скончались в котле с растопленной смолой, серой и воском. Тюремный сторож, видя их мученический подвиг, объявил себя христианином. За это ему отрубили левую руку, потом обе ноги и затем голову. Апостолов Иасона и Сосипатра правитель приказал бить кнутом и снова заключить в тюрьму. Когда дочь правителя, девица Керкира, узнала, как мученики страдают за Христа, она объявила себя христианкой и раздала все свои украшения нищим. Взбешенный правитель пытался уговорить дочь отречься от Христа, но святая Керкира твердо стояла и против уговоров, и против угроз. Тогда озлобленный отец придумал ужасное наказание дочери: он приказал поместить ее в отдельной темнице и впустить к ней разбойника и блудника Мурина, чтобы тот обесчестил невесту Христову. Но когда разбойник подошел к двери тюрьмы, на него напал медведь. Святая Керкира услышала шум и Именем Христовым отогнала зверя, а затем молитвой исцелила раны Мурина.

После этого святая Керкира просветила его Христовой верой, святой Мурин объявил себя христианином и тут же был казнен. Правитель приказал поджечь тюрьму, но святая девица осталась жива. Тогда, по приказу злобствующего отца, она была повешена на дерево, удушена едким дымом и расстреляна стрелами. После ее кончины правитель решил казнить всех христиан на острове Керкире.

Мученики Зинон, Евсевий, Неон и Виталий, просвещенные апостолами Иасоном и Сосипатром, были сожжены. Жители Керкиры, спасаясь от гонения, переправились на соседний остров. Правитель с отрядом воинов поплыл, но был поглощен волнами. Сменивший его правитель приказал бросить апостолов Иасона и Сосипатра в котел с кипящей смолой, но когда увидел их невредимыми, со слезами воскликнул: «Боже Иасонов и Сосипатров, помилуй меня!»

Освобожденные апостолы крестили правителя и дали ему имя Севастиан. С его помощью апостолы Иасон и Сосипатр построили на острове несколько церквей и, дожив там до глубокой старости, своей проповедью приумножили стадо Христово.

Святые мученики Дада, Максим и Квинтилиан пострадали при императоре Диоклитиане (284–305), когда вышло повеление приносить на торжественных празднествах жертвы языческим богам, а христиан предавать смерти.

Наместники императора Тарквиний и Гавиний в городе Доростоле устроили пышное торжество, на котором присутствовали жители не только города, но и окрестных сел.

Когда празднество закончилось, кто-то донес императору, что три брата – Дада, Максим и Квинтилиан не подчинились приказу императора и ушли к себе в деревню Озовию. За ними были посланы воины, которые застали святых братьев за молитвой и отвели их на суд.

Правители допросили братьев, которые исповедали себя христианами. Тогда Тарквиний предложил святому Максиму стать жрецом бога Зевса. Но тот назвал Зевса скверным прелюбодеем и снова исповедал Истинного Бога.

Тарквиний пытался уговорить святых Даду и Квинтилиана. Они сказали, что их брат Максим хорошо знает Священное Писание и они во всем следуют ему. Мучеников отправили в темницу, но и там они помышляли только о спасении своих душ. В полночь, когда святые уснули, им явился диавол, ополчившийся на них с оружием. Но когда мученики проснулись, они увидели Ангела, который сказал: «Не бойтесь, Бог, ваша надежда, примет вас к Себе. Он недалеко от вас и поможет вам». Наутро Тарквиний сказал братьям, что боги объявили ему во сне свою волю: предать их смерти, если они не принесут жертвы. Мученики ответили, что им Господь приказал претерпеть мучения за Его Святое Имя. Несколько дней пытки и допросы продолжались непрерывно с утра до вечера. Наконец мученикам вынесли смертный приговор, отвели под стражей в их деревню и там усекли мечом († 286). Они без страха приняли смерть во имя вечной жизни.

Тропа́рь, глас 4:

Благоче́стия ревни́телю и рачи́телю,/ и́ноков и сто́лпников похва́ло,/ святи́телю Ту́ровския па́ствы, пресла́вне,/ златослове́сный учи́телю,/ све́тлым уче́нием Богоразу́мия своего́ просвети́вый концы́ ру́сския,/ в моли́тве к Бо́гу благода́тный гре́шников споспе́шниче,/ Кири́лле Богому́дре, моли́ Христа́ Бо́га/ утверди́тися нам, сооте́чественником твои́м,/ во Правосла́вии, благоче́стии и единомы́слии.

Велича́ние:

Велича́ем тя,/ Ту́ровский подви́жниче и святи́телю Кири́лле,/ златослове́сный Росси́йский учи́телю,/ и чтим святу́ю па́мять твою́,/ ты бо еси́ усе́рдный пред Бо́гом предста́тель за род наш/ и те́плый моли́твенник о спасе́нии душ на́ших.

МОЛИ́ТВА

О преди́вный подви́жниче, пресла́вный святи́телю, златослове́сный Росси́йския земли́ учи́телю, вели́кий уго́дниче Бо́жий, Кири́лле! Измла́да Вы́шних благ взыску́я, зна́тность ро́да и земна́я бога́тства, я́ко уме́ты, вмени́л еси́, блаже́нне, возлюби́л же еси́ всем се́рдцем нищету́, бде́ние, поще́ние, смире́ние, скорбь и тесноту́ и́ночества, еще́ же и вя́щший Христа́ ра́ди по́двиг подъя́л еси́, восше́д на столп, досточу́дне! Му́дрствуя Го́рняя, испыту́я, что есть во́ля Бо́жия, блага́я, уго́дная и соверше́нная, непреста́нно ду́шу и се́рдце пита́л еси́ Боже́ственными уче́ньми. Умоле́н быв архипа́стырем бы́ти, вои́стинну до́бре упа́сл еси́ Ту́ровскую па́ству твою́, пита́я ее́ здра́выми уче́ньми Правосла́вныя ве́ры и приводя́ к Ца́рствию Небе́сному. Те́мже яви́лся еси́ и́ноков вождь, подви́жников сла́ва, Правосла́вия столп, Це́ркви росси́йския свети́ло, па́стырем и архипа́стырем о́браз, всем ве́рным до́брый руководи́тель к и́стине и пра́вде. Ве́лиим показа́лся еси́ в Ца́рствии Бо́жием, вся бо запове́данная Бо́гом сам неле́ностно сотвори́в, и пре́дков на́ших научи́л еси́ твори́ти. Сего́ ра́ди, к тебе́, Богому́дре Кири́лле, воспева́я просла́вльшагося в тебе́ Бо́га, прибега́ем и, чту́ще твою́ па́мять, мо́лимся: бу́ди хода́тай за нас, недосто́йных, пред Го́сподом Бо́гом. Твои́ми моли́твами и заступле́нием да утверди́тся в нас и́стинный дух живо́й ве́ры и свята́го благоче́стия, да сохрани́мся все мы благода́тию Бо́жиею от неве́рия, неправове́рия и суеве́рия, от нра́вственнаго шата́ния и духо́вной не́мощи.

Вели́кий уго́дниче подви́жниче Христо́в! Моли́ Ми́лостиваго Бо́га, да издре́вле изоби́льно обита́вшия в Росси́и стремле́ние к вы́сшему нра́вственному соверше́нству, любо́вь к и́ночеству, забо́та о благосостоя́нии церкве́й и благоле́пии хра́мов, ре́вность о благочи́нии богослуже́ния церко́внаго вы́ну пребыва́ют достоя́нием на́шим не ослабева́я, не умаля́ясь, но укрепля́ясь, возраста́я и преуспева́я.

Святи́телю Кири́лле! Да бу́дут моли́твами твои́ми в оте́честве твое́м па́стыри слове́снаго ста́да Христо́ва ду́хом горя́щии, Го́сподеви рабо́тающии, а не себе́ угожда́ющии, па́ству, а не себе́ пасу́щии. Да бу́дут они́ до́брыми па́стырями, ду́шу свою́ полага́ющими за о́вцы па́ствы своея́, а не нае́мниками, небрегу́щими о овца́х и при ви́де во́лка бе́гающими и оставля́ющими о́вцы на расхище́ние. Ты, блаже́нне Кири́лле, и сло́вом и писа́нием учи́л еси́ дре́вле князе́й и всех люде́й Росси́йския земли́ ходи́ти досто́йно зва́ния своего́. При́зри и на нас, пото́мков твои́х, чад и ученико́в, и умоли́ Бо́га, да низпошле́т стране́ на́шей тве́рдость и благоустрое́ние, зако́нам на́шим свя́тость и си́лу, прави́телем и судия́м му́дрость, усе́рдие, безкоры́стие и нелицеприя́тие. Испроси́ у Всеще́драго Бо́га всем нам и коему́ждо поро́знь благопотре́бная, я́же к животу́ и благоче́стию: не́мощным в ве́ре и до́брых де́лех укрепле́ние, па́дшим восста́ние, подвиза́ющимся до́бре преуспе́яние. Да не оскудева́ют в роди́телех согла́сие, любо́вь, взаи́мное уваже́ние, друг о дру́ге благопопече́ние, в рожде́нии чад Бо́жие благослове́ние. Ча́да, воспита́нныя в стра́хе Госпо́днем, да уразуме́ют прему́дрость Бо́жию и да младе́нствуют зло́бою, а не умо́м. Детоводи́тели и наста́вники да избы́точествуют в ве́дении и во вся́ком чу́встве, па́че же да изоби́луют благоче́стием и о бла́ге и́стиннем дете́й попече́нием.

Пречу́дный святи́телю Кири́лле! Сам зри́ши страну́, в не́йже роди́лся еси́ и в не́йже мно́го потруди́лся еси́; зри́ши наро́д, его́же дре́вле просвети́л еси́. Сам ве́си, я́же тре́буем, ве́си на́ша не́мощи и согреше́ния. Бу́ди же нам помо́щник, покрови́тель, засту́пник и управи́тель жи́зни на́шея. Да под твои́м покро́вом и заступле́нием досто́йно бу́дем сла́вить Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Святитель Кирилл, епископ Туровский, родился в 30-х годах XII века в городе Турове на реке Припяти у богатых родителей. С малых лет святой Кирилл с усердием читал Священные книги и достиг глубокого понимания их. Он учился не только у русских, но и у греков. В зрелом возрасте святой Кирилл отказался от наследства и принял постриг в Туровском Борисоглебском монастыре. Он много подвизался в посте и молитве и учил иноков полному послушанию игумену: инок, который не находится в послушании у игумена, не исполняет своего обета и потому не может спастись. Сохранилось три сочинения святого Кирилла об иноческой жизни, одно из которых – «Сказание о черноризском чине от Ветхого Закона и от Нового» – может быть отнесено ко времени пребывания его в монастыре. Через некоторое время святой Кирилл удалился в затвор на столп, где еще более усилил подвиги и «многа Божественна Писания изложи». Многие обращались к нему за советом в духовной жизни. Святость жизни и высокая просвещенность святого Кирилла обратили на него всеобщее внимание, и его избрали на Туровскую кафедру. В 1169 году святитель Кирилл принимал участие в соборе, осудившем епископа Феодора, который занял Владимиро-Суздальскую кафедру и пытался отделиться от Киевской митрополии. Святитель Кирилл обличил ересь Феодора и составил много посланий к святому князю Андрею Боголюбскому (память 4 июля), в которых поучал его и наставлял по поводу церковных нестроений в Ростовской земле. По любви к уединению святитель Кирилл оставил кафедру (до 1182 года, под которым упоминается уже епископ Туровский Лаврентий) и полностью посвятил себя писанию духовных сочинений. Он составил, вероятно, слова на весь годичный круг Господских праздников, но не все они сохранились. Поучения святителя Кирилла помещались в сборниках наряду с древними святоотеческими творениями. Наиболее полное собрание сочинений святителя Кирилла Туровского, изданное Туровским епископом Евгением в 1880 году, включает: 1) Слово в Неделю Цветоносную, от сказания Евангельского; 2) Слово на Святую Пасху в светоносный день Воскресения Христова, от пророческих сказаний; 3) Слово в новую Неделю по Пасце, о поновлении Воскресения, и о артосе, и о Фомине испытании ребр Господних; 4) Слово о снятии тела Христова и о мироносицех, от сказания Евангельского, и похвала Иосифа, в Неделю 3-ю по Пасце; 5) Слово о расслабленном от Бытия и от сказания Евангельского, в Неделю 4-ю по Пасце; 6) Слово о слепце и о зависти жидов, от сказания Евангельского, в Неделю 5-ю по Пасце; 7) Слово на Вознесение Господне, в четверток 6-й Недели по Пасце; от пророческих указаний и о воскрешении всеродна Адама из ада; 8) Слово на святых отец 318, от Святых книг, указание о Христе, Сыне Божием, и похвала отцем святого Никейского Собора, в Неделю прежде Пентикостии; 9) Притча о слепом и хромом; 10) Притча о человечестей душе, и о телеси, и преступлении Божиих заповедей, и о воскресении тела человека, и о будущем суде, и о муке; 11) Сказания о черноризьчьстем чину, от Ветхого Завета и Нового, оного образ носяща, а сего делы свершающа; 12) Повесть к Василию игумену: притча о белоризце человеце, и о монашестве, и о души, и о покаянии; 13) Послание некоего старца к богоблаженному Василию архимандриту о схиме; 14) четыре молитвы на день воскресный (после утрени, часов и 2 после вечерни); 15) четыре молитвы на понедельник; 16) четыре молитвы на вторник; 17) пять молитв на среду (после утрени, часов и 3 после вечерни); 18) три молитвы на четверг (после утрени, часов, вечерни); 19) четыре молитвы на пятницу (после утрени, часов и 2 после вечерни); 20) шесть молитв на субботу (2 после утрени, 1 после часов и 3 после вечерни); 21) канон молебный; 22) исповедание и поминовение. Впоследствии было открыто «Слово на Просвещение Господа нашего Иисуса Христа». Известно, что святитель составил также «Канон великий о покаянии ко Господу по главам азбуки». Как богослов святитель Кирилл Туровский свою задачу усматривал в том, чтобы вскрыть истинный, сокровенный замысл того или иного текста Священного Писания. Скончался святитель Кирилл 28 апреля около 1183 года. От современников он получил именование русского Златоуста. Сам святитель о себе смиренно говорил: «Я не жнец, а собираю колосья; я не художник в книжных делах»,– всегда, однако, сознавая высоту святительского служения, на которое поставил его Господь: «Если бы говорил я от себя, вы делали бы хорошо, не приходя в храм. Но я возвещаю вам Слово Господа, читаю вам грамоту Христову... Я раздаю слова Божии, лучшие золота и дорогих каменьев, более сладкие, чем мед и сот, и вы лишаетесь их, не приходя в церковь... но вас, приходящих, хвалю и благословляю».

Литература:

Еремин И. П. Литературное наследие Кирилла Туровского. – Труды Отдела древнерусской литературы. М.–Л., 1955, т. 11; 1956; т. 12; 1957, т. 13; 1958, т. 15.