26-й день

И́же во святы́х отца́ на́шего Стефа́на, епи́скопа Пе́рмскаго

Святитель Стефан, епископ Великопермский

Свята́го священному́ченика Васи́лия, епи́скопа Амаси́йскаго

Священномученик Василий, епископ Амасийский

Преподо́бнаго Иоанни́кия Деви́ченскаго

Преподобный Иоанникий Девиченский

На Го́споди, воззва́х: стихи́ры, глас 4.

Подо́бен: Зва́нный свы́ше:

Егда́ Боже́ственное раче́ние/ прии́де на тя, прему́дре Стефа́не,/ тогда́ вся, я́же во пло́ти, мудрова́ния оста́вив,/ невозвра́тно Христу́ после́довал еси́,/ и, апо́столом подо́бяся,/ в да́льних страна́х неве́дущим Бо́га пропове́дал еси́,/ и от тьмы тех к свету Богоразу́мия/ вся наста́вил еси́./ Те́мже и венцы́ Небе́сными Христо́с,/ Ему́же порабо́тал еси́, венча́ тя,/ Его́же моли́/ спасти́ и просвети́ти ду́ши на́ша.

Егда́ Боже́ственное жела́ние/ на́йде на тя, святи́телю,/ тогда́ вся преле́стная,/ я́же в ми́ре, мудрова́ния оста́вль,/ и, к Вы́шним жела́я, Вы́шних взыска́л еси́;/ отону́дуже и прему́дрость не от челове́к, ни челове́ком,/ но от Вы́шняго Про́мысла прие́мь/ писа́ния но́вая ко Христо́ву позна́нию изложи́л еси́,/ и неве́дущим лю́дем Бог тобо́ю позна́н бысть./ Его́же моли́, Стефа́не прему́дре,/ спасти́ и просвети́ти ду́ши на́ша.

Егда́ Боже́ственное зва́ние/ прии́де на тя, святи́телю Стефа́не,/ тогда́, Святы́м Ду́хом дви́жим/ прише́л еси́ просвети́ти/ дре́вле во тьме лю́ди неве́рия лежа́щия/ к све́ту Богоразу́мия,/ просвети́в, воздви́гл еси́/ и всех научи́л еси́/ ве́ровати в Тро́ицу Единосу́щную/ во Еди́ном Божестве́./ Ю́же о нас моли́, святи́телю пречу́дне,/ спасти́ и просвети́ти ду́ши на́ша.

Ины стихи́ры, глас 1.

Подо́бен: Небесных чино́в:

И́же дре́вле олядене́вшая неве́рных люде́й сердца́,/ уче́нием твои́м, блаже́нне Стефа́не, возде́лал еси́,/ се́мя ве́ры в них насади́в./ Те́мже тя я́ко учи́теля/ и наста́вника благоче́стия/ попремно́гу, вси ве́рнии, ублажа́ем.

Бысть язы́к твой, святи́телю, трость живопи́сца,/ Бо́жия вели́чия всем изъясни́в,/ в позна́ние Бо́жие приве́л еси́/ и зло́бы мудреца́, пансо́тника, смехо́м наруга́ема, яви́л еси́./ Те́мже твое́ успе́ние,/ духо́вне соше́дшеся, почита́ем.

Хра́мы и́дольския, святи́телю прему́дре, низложи́в,/ всеконе́чней поги́бели пре́дал еси́/ и це́ркви во Христо́во позна́ние освяти́л еси./ Те́мже, духо́вная твоя́ ча́да,/ я́ко наста́вника тя благоче́стия/ любо́вию воспева́ем и мо́лимся:/ моли́ спасти́ся душа́м на́шим.

Сла́ва, глас 6:

Прему́дрости твое́й и сло́ву разу́мному,/ вси и́дольстии служи́тели удиви́шася,/ и свою́ су́етную ве́ру я́ко безбо́жну оплева́ша,/ и тобо́ю пропове́даемому Христу́ от души́ ве́роваша:/ Его́же моли́, прему́дре Стефа́не,/ спасти́ся всем, свяще́нное твое́ торжество́ соверша́ющим,/ и ве́рою чту́щим всечестну́ю па́мять твою́.

И ны́не, пра́здника.

Вход. Проки́мен дне, чте́ния три.

При́тчей чте́ние (гла́вы 10, 3 и 8):

Па́мять пра́веднаго с похвала́ми,/ и благослове́ние Госпо́дне на главе́ его́./ Блаже́н челове́к, и́же обре́те прему́дрость,/ и сме́ртен, и́же уве́де ра́зум./ Лу́чше бо сию́ купова́ти,/ не́жели зла́та и сребра́ сокро́вища./ Честне́йшая же есть ка́мений многоце́нных,/ все же честно́е недосто́йно ея́ есть./ Долгота́ бо дней и ле́та живота́ в десни́це ея́,/ в шу́йце же ея́ бога́тство и сла́ва;/ от уст ея́ исхо́дит пра́вда, зако́н же и ми́лость на язы́це но́сит./ Послу́шайте у́бо мене́, о ча́да!/ честна́я бо реку́,/ и блаже́н челове́к, и́же пути́ моя́ сохрани́т,/ исхо́ди бо мои́ – исхо́ди живота́,/ и уготовля́ется хоте́ние от Го́спода./ Сего́ ра́ди молю́ вас/ и предлага́ю мой глас сыново́м челове́ческим,/ я́ко аз, прему́дрость, устро́их сове́т/ и ра́зум и смысл аз призва́х./ Мой сове́т и утвержде́ние,/ мой ра́зум, моя́ же кре́пость./ Аз мене́ лю́бящия люблю́,/ и́щущии же мене́ обря́щут благода́ть./ Разуме́йте у́бо, незло́бивии, кова́рство,/ ненака́заннии же, прилага́йте сердца́./ Послу́шайте мене́ и па́ки, честна́я бо реку́,/ и отве́рзу от усте́н пра́вая,/ я́ко и́стине поучи́тся горта́нь мой,/ ме́рзски же предо мно́ю устны́ лжи́выя./ С пра́вдою в си глаго́лы уст мои́х,/ ничто́же в них стро́потно, ниже́ развраще́нно./ Вся пра́ва суть разумева́ющим,/ и про́ста обрета́ющим ра́зум./ Науча́ю бо вас и́стине,/ да бу́дет о Го́споде наде́жда ва́ша,/ и испо́лнитеся Ду́ха.

Прему́дрости Соломо́новы чте́ние (главы 10, 6, 8, и 9):

Уста́ пра́веднаго ка́плют прему́дрость,/ устне́ же муже́й му́дрых ве́дят благода́ть./ Уста́ му́дрых поуча́тся прему́дрости,/ пра́вда же избавля́ет их от сме́рти./ Сконча́вшуся му́жу пра́ведну, не поги́бнет наде́жда./ Сын бо пра́веден ражда́ется в живо́т/ и во благи́х свои́х плод пра́вды обы́мет./ Свет пра́ведным всегда́/ и от Го́спода обря́щут благода́ть и сла́ву./ Язы́к му́дрых до́брая свесть,/ и в се́рдце их почи́ет му́дрость./ Лю́бит Госпо́дь преподо́бная сердца́,/ прия́тни же Ему́ вси непоро́чнии в пути́./ Му́дрость Госпо́дня просвеща́ет лице́ разу́мнаго./ Постига́ет бо жела́ющия ю,/ пре́жде да́же разуме́ти ю,/ и удо́бь у́зрится от лю́бящих ю./ У́треневавый к ней не утру́дится,/ и бдяй ея́ ра́ди вско́ре без печа́ли бу́дет./ Я́ко досто́йных ея́ сама́ обхо́дит, и́щущи,/ и во стезя́х ея́ явля́ется им благоприе́мне./ Му́дрости никогда́же одоле́ет зло́ба./ Сих ра́ди и рачи́тель бых добро́ты ея́,/ и возлюби́х ю, и поиска́х от ю́ности моея́./ И взыска́х неве́сту привести́ себе́,/ я́ко всех Влады́ка возлюби́ ю,/ таи́бница бо есть Бо́жия хи́трости/ и обрета́тельница дел Его́./ Труды́ ея́ суть доброде́тели,/ целому́дрию же и ра́зуму та учи́т,/ пра́вде и му́жеству,/ и́хже потре́бне ничто́же есть в житии́ челове́ком./ А́ще же и мно́гаго иску́сства жела́ет кто,/ весть дре́вняя и бы́ти хотя́щая разсмо́трит./ Свесть изви́тия слове́с и разреше́ния гада́ний,/ зна́мения и чудеса́ проразуме́ет и сбытия́ време́н и лет,/ и всем сове́тник есть благ,/ яко безсме́ртие есть в ней/ и благосла́вие во обще́нии слове́с ея́./ Сего́ ра́ди бесе́довах ко Го́споду,/ и помоли́хся Ему́,/ и рех от всего́ се́рдца моего́:/ Бо́же отце́в и Го́споди ми́лости,/ сотвори́вый вся сло́вом Твои́м/ и му́дростию Твое́ю устро́ивый челове́ка,/ да владе́ет бы́вшими от Тебе́ тварьми́/ и да управля́ет мир в преподо́бии и пра́вде./ Даждь ми Твои́х престо́лов приседя́щую прему́дрость/ и не отлучи́ мене́ от о́трок Твои́х,/ я́ко аз раб Твой и сын рабы́ни Твоея́./ Посли́ ю с Небе́с от свята́го жили́ща Твоего́/ и от престо́ла сла́вы Твоея́,/ да, су́щи со мно́ю, научи́т мя,/ что́ благоуго́дно есть пред Тобо́ю./ И наставит мя в ра́зум,/ и сохрани́т мя в сла́ве свое́й./ Помышле́ния бо сме́ртных вся боязли́ва/ и погреши́тельна умышле́ния их.

Прему́дрости Соломо́новы чте́ние (гла́вы 4, 6, 7 и 2):

Похваля́ему пра́веднику возвеселя́тся лю́дие:/ безсме́ртие бо есть па́мять его́,/ я́ко от Го́спода познава́ется и от челове́к,/ и уго́дна Го́сподеви душа́ его́./ Возлюби́те у́бо, о му́жие, му́дрость и поживете́,/ восхощи́те ея́ и нака́зани бу́дете./ Нача́ло бо ея́ любы́ и соблюде́ние зако́на,/ почти́те прему́дрость, да во ве́ки ца́рствуете./ Возве́щу вам и не скры́ю от вас та́ин Бо́жиих,/ я́ко Той му́дрости Наста́вник есть,/ и му́дрых Испра́витель,/ и вся́кому смы́слу и де́лу Хитре́ц./ И всем смы́слом научи́т му́дрость,/ есть бо в ней Дух Разу́мен и Свят,/ и сия́ние Све́та Присносу́щнаго,/ и о́браз бла́гости Бо́жия./ Та дру́ги Бо́жия и проро́ки устроя́ет,/ благоле́пнейши же есть со́лнца/ и па́че вся́каго сотворе́ния звезд,/ све́ту сосужда́ема, обрета́ется пе́рвейши./ Та угожда́ющих ей от боле́зней изба́ви/ и наста́ви на стези́ пра́выя./ Даде́ им ра́зум име́ти свят,/ и сохрани́ я от ловя́щих,/ и по́двиг кре́пок подаде́ им./ Да разуме́ют вси, я́ко си́льнейши всего́ есть благоче́стие,/ и никогда́же премо́жет зло́ба му́дрости,/ ни́же пре́йдет злы́я, облича́ющи суд./ Реко́ша же в себе́, помы́сливше непра́ведно:/ наси́льствуем пра́ведному,/ не пощади́м преподо́бства его́,/ ни усрами́мся седи́н ста́рости многоле́тны./ Бу́дет бо нам кре́пость зако́н,/ и улови́м пра́веднаго,/ я́ко неуго́ден нам есть,/ и проти́вится дело́м на́шим,/ и поно́сит нам отпаде́ние зако́на,/ и облича́ет нам согреше́ния наказа́ния на́шего./ Возвеща́ет нам ра́зум име́ти Бо́жий/ и о́трока Госпо́дня себе́ имену́ет./ Бысть нам на обличе́ние помышле́нием на́шим,/ и тя́жек нам есть,/ и ви́дим, я́ко неподо́бно ины́м житие́ его́/ и измене́ны стези́ его́./ В поруга́ние вмени́хомся ему́,/ и удаля́ется от путе́й на́ших,/ я́ко от нечисто́т, и блажи́т после́дняя пра́ведных./ Ви́дим у́бо, а́ще словеса́ его́ и́стинна суть,/ иску́сим, я́же сбыва́ются ему́./ Руга́нием и му́кою истя́жем его́,/ да разуме́ем кро́тость его́ и иску́сим беззло́бство его́,/ сме́ртию безобра́зною осу́дим его́,/ бу́дет бо посеще́ние от слове́с его́./ Сия́ помы́слиша и прельсти́шася,/ ослепи́ бо я зло́ба их,/ и не разуме́ша та́ин Бо́жиих,/ и не разсуди́ша, я́ко Ты еси́ Бог Еди́н,/ живота́ име́яй и сме́рти власть,/ и спаса́яй во вре́мя ско́рби,/ и избавля́яй от вся́каго зла./ Щедр, и ми́лостив,/ и дая́й преподо́бным Свои́м благода́ть,/ и Свое́ю мы́шцею го́рдым противля́яйся.

На лити́и стихи́ра хра́ма.

Сла́ва, глас 2:

Апо́стольски вся научи́л еси́/ ве́ровати в Тро́ицу Единосу́щную во Еди́ном Божестве́./ Те́мже тя вси, я́ко духо́внаго отца́,/ и ревни́теля апо́столом, и святи́телем единокро́вна,/ по до́лгу почита́юще, ублажа́ем и мо́лимся:/ моли́ спасти́ся всем,/ свяще́нную па́мять твою́ почита́ющим.

И ны́не, пра́здника.

На стихо́вне стихи́ры, глас 2.

Подо́бен: До́ме Евфра́фов:

Дом и жили́ще/ Ду́ха Пресвята́го,/ прему́дре Стефа́не, был еси́:/ те́мже и нас дом Тому́ соде́лай,/ свяще́нную твою́ па́мять почита́ющих.

Стих: Свяще́нницы Твои́ облеку́тся в пра́вду,/ и преподо́бнии Твои́ возра́дуются.

Житие́ твое́, я́ко со́лнце,/ в сердца́ неве́рных возсия́,/ зарю́ уче́ния испуща́я;/ те́мже и нас све́том невече́рним озари́,/ свяще́нную твою́ па́мять почита́ющих.

Стих: Восхва́лятся преподо́бнии во сла́ве/ и возра́дуются на ло́жах свои́х.

Не преста́й, Стефа́не, моля́ся/ о духо́вных твои́х ча́дех,/ и́хже креще́нием породи́л еси́,/ да вси честно́е твое́/ успе́ние почита́ем.

Сла́ва, глас 4:

Прему́дрости сокро́вище быв, святи́телю Стефа́не,/ сердца́ неве́рных люде́й уче́нием твои́м просвети́л еси́,/ благоче́стия се́мена насади́в./ Те́мже тя вси, я́ко учи́теля прему́дра,/ достодо́лжно по досто́инству ублажа́ем и мо́лимся:/ моли́ся Христу́, Ему́же от ю́ности порабо́тал еси́,/ изба́вити нас наве́т вра́жиих/ и спасти́ся душа́м на́шим.

И ны́не, пра́здника.

Тропа́рь, глас 4:

Божественным жела́нием,/ от ю́наго во́зраста, Стефа́не прему́дре, разже́гся,/ яре́м Христо́в взял еси́/ и люде́й олядене́вшая дре́вле неве́рием сердца́,/ Боже́ственное се́мя в них се́яв,/ ева́нгельски духо́вне породи́л еси́./ Те́мже пресла́вную твою́ па́мять почита́юще, мо́лим тя:/ моли́, Его́же пропове́дал еси́,/ да спасе́т ду́ши на́ша.

Сла́ва, и ны́не, пра́здника.

НА У́ТРЕНИ

На Бог Госпо́дь: тропа́рь то́йже.

По 1-й стихоло́гии седа́лен, глас 1.

Подо́бен: Ка́мени запеча́тану:

Я́ко врача́ тя преизря́дна душе́вных страсте́й,/ святи́телю Стефа́не, ве́дуще, мо́лим:/ моли́ся утоли́ти от нас томи́тельныя стра́сти,/ да тебе́ вси, я́ко вину́ всех благи́х обре́тше, возопие́м:/ сла́ва Да́вшему ти прему́дрость,/ сла́ва Венча́вшему тя,/ сла́ва Даю́щему тобо́ю всем просвеще́ние.

Сла́ва, и ны́не, пра́здника.

По 2-й стихоло́гии седа́лен, глас 4.

Подо́бен: Вознесы́йся:

От младе́нства доброде́тели прилежа́в,/ сосу́д Духа Свята́го, святи́телю Стефа́не, был еси́,/ от Него́же и прему́дрости навы́к,/ научи́л еси́ челове́ки и́долы преобидети и Христу́ ве́ровати:/ Его́же моли́ спасти́ всех, любо́вию тя почита́ющих.

Сла́ва и ны́не, пра́здника, или Богоро́дичен:

Грехолюби́в сый, молю́ Тя, безгре́шнаго Бо́га ро́ждшую,/ взе́млющаго грехи́ ми́ра, Пречи́стая,/ многогре́шную ду́шу мою́ уще́дрити/ и грехи́ моя́ мно́гия очи́стити:/ гре́шных бо Ты еси́ очище́ние,/ и спасе́ние ве́рных, и заступле́ние.

По полиеле́и седа́лен, глас 8.

Подо́бен: Прему́дрости:

Прему́дрости свы́ше науче́н был еси́,/ Бо́гу соедини́вся, ева́нгельски мир оста́вил еси́/ и в да́льних ме́стех, прише́д, креще́нием ко Христо́ву позна́нию всех приве́л еси́./ Те́мже и всем вопия́л еси́:/ позна́йте Бо́га и обря́щете благода́ть./ Святи́телю прему́дре Стефа́не, моли́ Христа́ Бо́га, грехо́в оставле́ние дарова́ти/ почита́ющим любо́вию всечестну́ю па́мять твою́.

Сла́ва, и ны́не, пра́здника, или́ Богоро́дичен:

Я́ко Де́ву и еди́ну в жена́х, Тя, без се́мене ро́ждшую Бо́га пло́тию,/ вси ублажа́ем, ро́ди челове́честии,/ Огнь бо всели́ся в Тя Божества́,/ и я́ко Младе́нца млеко́м пита́еши Зижди́теля и Го́спода./ Тем, А́нгельский и человече́ский род, досто́йно сла́вим пресвято́е рождество́ Твое́/ и согла́сно вопие́м Ти:/ моли́ Христа́ Бо́га согреше́ний оставле́ние дарова́ти/ покланя́ющимся ве́рою пресвято́му рождеству́ Твоему́.

Та́же, степе́нна, 1-й антифо́н 4-го гла́са. Проки́мен: Уста́ моя́ возглаго́лют прему́дрость,/ и поуче́ние се́рдца моего́ ра́зум. Стих: Услы́шите сия́, вси язы́цы, внуши́те, вси, живу́щии по вселе́нней. Вся́кое дыха́ние: Ева́нгелие от Иоа́нна, зача́ло 35 от полу́. По 50-м псалме́ стихи́ра, глас 6: Прему́дрости Твое́й: пи́сана на вече́рни (зри выше).

Кано́н пра́здника со ирмосо́м на 6, и свята́го два, на 8. Кано́н свята́го, глас 4.

Песнь 1

Ирмо́с: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,/ и воспою́, ра́дуяся, Тоя́ чудеса́.

Свяще́ннаго ты Писа́ния от младе́нства научи́вся, Богоно́се Стефа́не,/ в да́льняя места́ прише́л еси́,/ и неве́дущим Бог тобо́ю позна́ся.

Иде́же пре́лесть почита́ема бя́ше,/ та́мо же ны́не тобо́ю Бог неве́дущим, святи́телю Стефа́не, позна́ся./ Те́мже свяще́нную Твою́ па́мять достодо́лжно ублажа́ем.

Богодохнове́нным твои́м уче́нием научи́л еси́ лю́ди ве́ровати во Христа́/ и от и́дольския пре́лести уклоня́тися./ Сего́ ра́ди тя вси, я́ко единоревни́теля апо́столом, пе́сньми почита́ем.

Богородичен: Ты Еди́наго, Богоневе́сто, в Вы́шних седя́щаго,/ на руку́ носи́ла еси́, плоть бы́вша:/ Ты бо была́ еси́ избра́нна от всех век,/ прия́телище досто́йно Вседержи́теля.

Други́й кано́н, глас 8.

Песнь 1

Ирмо́с: Во́ду проше́д, я́ко су́шу,/ и еги́петскаго зла избежа́в,/ изра́ильтянин вопия́ше:/ Изба́вителю и Бо́гу на́шему пои́м.

Пермь я́ко дости́гл еси́, святи́телю,/ и та́мо возвы́шенную пре́лесть, прему́дре Стефа́не, смири́л еси́,/ и лю́таго чароде́я прему́дрыми твои́ми уче́нии посрами́л еси́.

Бесо́вская ору́жия кре́пко, святи́телю, притупи́л еси́, и, тех победи́в Бо́жиею си́лою,/ всем Хри́ста, и́стиннаго Бо́га, Того́ испове́дал еси́,/ те́мже и вене́ц от Него́ прия́л еси́, Стефа́не.

Боже́ственною любо́вию, о́тче, распала́емь,/ не убоя́лся еси́ долготы́ пу́тныя, ниже́ та́мо нечести́вых челове́к сопротивле́ния,/ но вся претерпе́л еси́ и всех Бо́гу приве́л еси́.

Богоро́дичен: Из ко́рене ца́рскаго прозябла́ еси́, Царя́ Христа́, Бо́жие Сло́во,/ па́че ума́ и смы́сла родила́ еси́ из чи́стых крове́й Твои́х,/ сугу́ба естество́м явля́ема и еди́нствующа Ипоста́сию.

Катава́сия пра́здника.

Песнь 3

Ирмо́с: Твоя́ песносло́вцы, Богоро́дице,/ живы́й и незави́стный исто́чниче,/ лик себе́ совоку́пльшия, духо́вно утверди́,/ в Боже́ственней Твое́й сла́ве/ венце́в сла́вы сподо́би.

Не убоя́лся еси́, святи́телю, люде́й тогда́ нече́ствующих,/ но тех дерзнове́нно куми́рницу со и́долы огню́ пре́дал еси́/ и всех научи́л еси́ вопи́ти:/ несть свят, па́че Тебе́, Го́споди.

Тезоимени́тым му́жеством и смире́ния нра́вом/ на о́вчу кро́тость уби́йц преложи́л еси́,/ сего́ ра́ди и венцы́ венча́лся еси́, святи́телю Стефа́не.

Богоро́дичен: Тя, заступле́ние небла́зненно, Богома́ти, стяжа́вше/ и упова́ние на Тя возлага́юще, спаса́емся/ и, к Тебе́ прибега́юще, сохраня́емся вси.

Ин

Ирмо́с: Небе́снаго кру́га Верхотво́рче, Го́споди,/ и Це́ркве Зижди́телю,/ Ты мене́ утверди́ в любви́ Твое́й,/ жела́ний кра́ю, ве́рных утвержде́ние,/ еди́не Человеколю́бче.

Я́ко мудр и смы́слен споспе́шник,/ душе́вное благоро́дие па́че плотски́х сласте́й предпоче́т,/ я́ко пре́мудрая уче́ния всем явля́еши/ и в Бо́жие позна́ние но́выя лю́ди, о́тче, приве́л еси́.

Очи́стив твой ум от страстна́го треволне́ния,/ Христу́ подо́бяся, взыска́ти заблу́ждших прише́л еси́,/ и́хже обре́т, с ни́ми Тому́ пое́ши:/ несть свят, па́че Тебе́, Го́споди.

Богоглаго́ливый язы́к я́ко стяжа́в, святи́телю,/ та́инством Богосло́вия научи́л еси́ лю́ди ве́ровати в Тро́ицу, Еди́но Божество́,/ Е́йже о нас, Стефа́не, моли́ся.

Богородичен: Жезл, прозя́бший Христа́, цвет нетле́нный,/ злату́ю кади́льницу, вси Тя ве́мы, Чи́стая,/ Боже́ственнаго Существа́ нося́щи на руку́ угль, Богоблаже́нная.

Седа́лен, глас 4.

Подо́бен: Ско́ро предвари́:

Ума́ пречу́днаго и бо́дреннаго учи́теля, священноде́йствы Це́рковь украси́вша,/ и му́тным уче́нием волхва́, я́ко возбесне́вша во́лка, от Христо́вых ове́ц словесы́ свои́ми отгна́вша,/ и невре́дно духо́вная своя́ ча́да сохра́нша,/ восхва́лим, ве́рнии, Стефа́на прехва́льнаго, глаго́люще:/ моли́ Христа́ Бо́га спасти́ся душа́м на́шим.

Сла́ва, и ны́не, пра́здника.

Песнь 4

Ирмос: Седя́й в сла́ве на престо́ле Божества́/ во о́блаце ле́гце,/ прии́де Иису́с Пребоже́ственный/ Нетле́нною Дла́нию и спасе́ зову́щия:/ сла́ва, Христе́, си́ле Твое́й.

Я́ко со́лнце, чи́стое житие́ твое́ возсия́, святи́телю,/ тьму идолобе́сия от люде́й твои́х отгна́в, всех научи́л еси́ взыва́ти:/ сла́ва си́ле Твое́й, Го́споди.

Волше́бная буесло́вия, я́ко прему́др, посрами́л еси́,/ и сих от Христо́ва ста́да словесы́ твои́ми, я́ко пра́щею, отгна́л еси́,/ и зва́ти всех научи́л еси́:/ сла́ва си́ле Твое́й, Го́споди.

Я́ко и́стинный святи́тель тих и кро́ток, о́тче, был еси́/ и столп благоче́стия Це́ркве яви́лся еси́,/ лю́ди твоя́ благоче́стию научи́в вопи́ти Христу́:/ сла́ва си́ле Твое́й, Го́споди.

Богоро́дичен: Тя ору́жие на враги́ предлага́ем,/ ско́рби вся́кия лю́тых обстоя́ний отрева́ем,/ и возмуще́ния ерети́ческаго, Ма́ти Бо́жия, избега́ем.

Ин

Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Спасти́ся моли́ лю́дем,/ и́хже уче́нием твои́м просвети́л еси́ и научи́л еси́ вопи́ти:/ сла́ва си́ле Твое́й, Человеколю́бче.

От Бо́га прие́м свяще́нства избра́ние, Боже́ственною си́лою свы́ше оде́ян,/ апо́стольски лю́ди от тьмы и́дольския просвети́л еси́ и научи́л еси́ вопи́ти:/ си́ле Твое́й сла́ва, Человеколю́бче.

Богоро́дичен: Ковче́г Тя издале́ча прообразова́ прие́мший зако́н Богонапи́санный,/ во чре́ве Сло́во Бо́жие заче́ншую несказа́нно, Всенепоро́чная,/ пита́ющее бога́тно ду́ши вопию́щих:/ сла́ва си́ле Твое́й, Го́споди.

Песнь 5

Ирмо́с: Ужасо́шася вся́ческая/ о Боже́ственней сла́ве Твое́й:/ Ты бо, Неискусобра́чная Де́во,/ име́ла еси́ во утро́бе над все́ми Бо́га/ и родила́ еси́ Безле́тнаго Сы́на,/ всем воспева́ющим Тя/ мир подава́ющая.

Воздви́гл еси́ уче́нием твои́м дре́вле во тьме неве́дения лю́ди лежа́щия,/ ча́да Бо́жия и све́та показа́л еси́ насле́дники,/ отону́дуже тя, святи́телю, вси любому́дренно почита́ем.

Прему́дрость Ду́ха Свята́го благода́тию во устна́х твои́х излия́вшися самотвори́тельно/ и ко Христо́ву позна́нию приведе́ лю́ди, святи́телю.

Све́ту вели́кому я́ко вене́чник ны́не, святи́телю, предстои́ши,/ помина́й изря́дное твое́ достоя́ние, е́же мно́гими труды́, о́тче, стяжа́л еси́,/ да вси тя ублажа́ем.

Богородичен: Возсия́ из Тебе́ мы́сленное Со́лнце/ и све́тлыя лучи́ Своего́ Божества́ всем простре́, Богоро́дице Влады́чице,/ тем Тя вси сла́вим.

Ин

Ирмо́с: Просвети́ нас повеле́нии Твои́ми, Го́споди,/ и мы́шцею Твое́ю высо́кою/ Твой мир пода́ждь нам,/ Человеколю́бче.

Боже́ственною ре́вностию, святи́телю, разжиза́емь,/ су́етныя и́долы па́губы коне́чныя огню́ пре́дал еси́/ и, неве́рныя в ве́ру приве́д,/ всех научи́л еси́ в Трех Ли́цех Еди́но Божество́ ве́ровати.

Постыде́ся окая́нный волхв,/ хотя́ Христо́вы лю́ди отврати́ти от ве́ры,/ Бо́гу, тя прославля́ющу, свяще́ннейший Стефа́не прему́дре.

Богородичен: Украси́лася еси́ де́вства добро́тами,/ Е́вин покры́ла еси́ студ злообра́зный, Христа́ ро́ждшая,/ одея́ние безсме́ртия да́рующаго Тебе́ чту́щим.

Песнь 6

Ирмос: Боже́ственное сие́ и всечестно́е/ соверша́юще пра́зднество,/ Богому́дрии, Богома́тере,/ прииди́те, рука́ми воспле́щим,/ от Нея́ ро́ждшагося Бо́га сла́вим.

Ра́лом слове́с твои́х олядене́вшая люде́й сердца́ возде́лал еси́,/ Боже́ственное се́мя в них все́яв,/ плод кра́сный Христу́, святи́телю, приве́л еси́.

Быстрина́ми твои́х уче́ний и́дольская разжже́ния, прему́дре Стефа́не, угаси́в,/ Боже́ственными твои́ми словесы́ ве́рных сердца́ утверди́л еси́.

Во Единосу́щную Тро́ицу ве́ровати лю́ди научи́в, прему́дре Стефа́не,/ от скве́рны и́дольския к Живо́му Бо́гу приве́л еси́.

Богоро́дичен: Расто́ргни мои́х согреше́ний рукописа́ние,/ одержа́щих мя печа́лей и страсте́й разреше́ние да́руя,/ и соблюди́ мя неврежде́нна, Влады́чице.

Ин

Ирмо́с: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися/ и живо́т мой а́ду прибли́жися,/ и молю́ся, я́ко Ио́на:/ от тли, Бо́же, возведи́ мя.

Па́стырский жезл прие́м, святи́телю,/ но́вым лю́дем учи́тель был еси́, пресла́вне Стефа́не,/ по апо́столу, всем всяк быв, да всех ко Христу́ приведе́ши, пресла́вне.

Меч обою́ду остр язы́к твой на лука́ваго волхва́ бысть, святи́телю,/ пресека́я того́ му́тное уче́ние;/ те́мже тя свяще́нными пе́сньми прославля́ем.

Богоро́дичен: На́йде Вседе́тельный Дух на Тя, Всенепоро́чная,/ и Сло́во Бо́жие в Тя всели́ся,/ и плоть бысть неизрече́нно, и пребы́сть неизме́нен.

Конда́к, глас 8.

Подо́бен: Взбра́нной:

Самозва́нен не и́щущим тебе́, святи́телю, обре́лся еси́,/ лю́ди, от и́дольския ле́сти свободи́в, ко Христо́ве ве́ре приве́л еси́/ и волхва́ пансо́тника посрами́л еси́,/ те́мже и пе́рвый епи́скоп и учи́тель Пе́рми был еси́./ Сего́ ра́ди духо́вная твоя́ ча́да,/ я́ко тобо́ю изба́вльшеся от и́дол, благода́рная тебе́ возопие́м:/ ра́дуйся, Стефа́не, учи́телю прему́дрый.

И́кос:

Вся́каго мирска́го пристра́стия кроме́, о́тче, быв,/ от ю́ности прилежа́л еси́ прему́дрости и де́тельное худо́жество дости́гл еси́ Богосло́вия./ И в да́льния страны́ прише́д,/ иде́же весьма́ Бог не познава́шеся, но пре́лесть бесо́вская почита́шеся,/ та́мо апо́стольски лю́ди научи́л еси́ ве́ровати во Христа́,/ и́долы сокруши́в и волхва́ посрами́в, святи́тель тем был еси́,/ Те́мже духо́вная твоя́ ча́да,/ я́ко тобо́ю изба́вльшеся от и́дол, благода́рная тебе́ зове́м:/ ра́дуйся, Стефа́не, учи́телю прему́дрый.

Песнь 7

Ирмо́с: Не послужи́ша тва́ри Богому́дрии/ па́че Созда́вшаго,/ но о́гненное преще́ние му́жески попра́вше,/ ра́довахуся, пою́ще:/ препе́тый отце́в Госпо́дь и Бог, благослове́н еси́.

Злочести́вый он чароде́й, и́же на благоче́стие хулу́ глаго́лавый,/ тобо́ю, прему́дре, я́ко беззако́нен, от Христо́ва ста́да но́вых люде́й отгони́м быва́ет./ Мы же Христу́ зове́м:/ благослове́н Бог оте́ц на́ших.

Пресла́вно я́ко преше́д от ми́ра к преми́рным, святи́телю, жили́щем/ и прича́стием Бо́гу прибли́жився, воспева́еши:/ благослове́н Бог оте́ц на́ших.

Богородичен: Изба́вльшеся Тобо́ю пе́рвыя кля́твы, к присносу́щней Жи́зни преше́дше,/ ра́дуйся, зове́м Ти, пресла́вная Влады́чице,/ Я́же Бо́га нам ро́ждшая.

Ин

Ирмо́с: От Иуде́и, доше́дше, о́троцы/ в Вавило́не иногда́/ ве́рою Тро́йческою пла́мень пе́щный попра́ша, пою́ще:/ отце́в Бо́же, благослове́н еси́.

Бе́гает у́бо, побежде́н быв тобо́ю, преблаже́нне Стефа́не, злочести́вый волхв,/ его́же мудрова́ния и зло́бы вси избавля́емся, Христу́ вопию́ще:/ благослове́н Бог оте́ц на́ших.

И́же тобо́ю дре́вле просвеще́ннии лю́дие,/ пречу́дне святи́телю Стефа́не, я́ко к жи́ву, глаго́лем:/ не оста́ви нас, твои́х чад, я́коже обеща́лся еси́,/ да вси с тобо́ю Христу́ зове́м:/ благослове́н Бог оте́ц на́ших.

Еле́ем Боже́ственнаго ра́дования я́ко святи́тель пома́зан быв,/ но́выя лю́ди ко Христо́ву позна́нию приве́л еси́/ и всех научи́л еси́ Христу́ взыва́ти:/ благослове́н Бог оте́ц на́ших.

Богоро́дичен: Ны́не вся испо́лнишася све́та Боже́ственнаго Тобо́ю, Пречи́стая,/ Ты бо дверь яви́лася еси́,/ е́юже ми́ру Бог бесе́дова, просвеща́я ве́рою зову́щия:/ благослове́н, Пречи́стая, Плод чре́ва Твоего́.

Песнь 8

Ирмо́с: О́троки благочести́выя в пещи́/ Рождество́ Богоро́дичо спасло́ есть./ Тогда́ у́бо образу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,/ и превозноси́те Его́ во вся веки.

Словесы́ твои́ми наставля́ема ча́да твоя́, святи́телю,/ от тьмы и́дольския к све́ту Богоразу́мия преше́дше,/ единогла́сно Христу́ вопие́м:/ благослови́те, вся дела́ Госпо́дня, Го́спода и превозноси́те Его́ во ве́ки.

Свет трисо́лнечныя Тро́ицы, всели́вся в Боже́ственное твое́ се́рдце,/ лю́ди вся просвети́ святы́м креще́нием и научи́ Творцу́ Изба́вителю вопи́ти:/ благослови́те, вся дела́ Госпо́дня, Го́спода и превозноси́те Его́ во ве́ки.

Богоро́дичен: Усты́ и ра́зумом Богоро́дицу Тя му́дрствующе, песносло́вим Тя, Пренепоро́чная:/ родила́ бо еси́, Пречи́стая, пло́тию обложе́на Бо́га и Го́спода./ Тем Тя, Де́во, пое́м и превозно́сим во ве́ки.

Ин

Ирмос: Царя́ Небе́снаго,/ Его́же пою́т во́и А́нгельстии,/ хвали́те и превозноси́те во вся ве́ки.

Я́коже не́кий хра́брый воево́да яви́лся еси́, преблаже́нне, и́дольския хра́мы искореня́я,/ и, лю́ди от тех пре́лести изба́вив,/ научи́л еси́ от души́ Христу́ вопи́ти: благослови́те, вся дела́, Го́спода и превозноси́те Его́ во ве́ки.

Во глубину́ Ду́ха Свята́го прини́кнув, ра́зум Боже́ственный отту́ду поче́рпл еси́./ Те́мже и Це́рковь правосла́вием обогати́л еси́/ Творцу́ Изба́вителю вопи́ти:/ благослови́те, вся дела́, Го́спода и превозноси́те Его́ во ве́ки.

Во Христо́во посо́бие обо́лкся, лука́выя бе́сы от челове́к отгна́л еси́./ Тем и Небе́сное насле́дие, о́тче, со святи́тели прия́л еси́/ и с ни́ми Христу́ вопие́ши:/ благослови́те, вся дела́, Го́спода и превозноси́те Его́ во ве́ки.

Богоро́дичен: Е́ва у́бо дре́ва живо́тнаго изгна́на бысть, возбраня́ема причаще́ния;/ Ты же, Де́во Богоро́дице, Живо́т ве́чный источи́ла еси́ ми́ру,/ живоно́сное де́йство да́рующий ве́рным.

Песнь 9

Ирмо́с: Всяк земноро́дный/ да взыгра́ется, Ду́хом просвеща́емь,/ да торжеству́ет же Безпло́тных умо́в естество́,/ почита́ющее свяще́нное торжество́ Богома́тере,/ и да вопие́т:/ ра́дуйся, Всеблаже́нная Богоро́дице,/ Чи́стая Присноде́во.

Твои́ми труды́, святи́телю, я́же на земли́, Небе́сный поко́й прия́т,/ иде́же святы́х ли́кове и пра́ведных всесве́тлое торжество́./ Отону́дуже и нас помина́й, па́мять твою́ при́сно сла́вящих.

Ве́чных и нетле́нных улучи́ти жела́я, святи́телю,/ и я́же в ми́ре мня́щихся сла́дких оста́вив, Христу́ после́довал еси́./ Те́мже и ли́ку архиере́йскому сочета́лся еси́, пресла́вне.

Догма́том благоче́стия научи́в вся, прему́дре святи́телю,/ апо́столом ревни́тель был еси́ и и́дольскую пре́лесть низложи́л еси́./ Те́мже твою́ па́мять досто́йно ублажа́ем.

Богоро́дичен: Плоть прия́ти восхоте́в, в Тя всели́ся,/ еди́ну святе́йшу всех обре́т Богоро́дицу, вои́стинну яви́ Ма́терь Де́ву.

Ин

Ирмо́с: Вои́стинну Богоро́дицу,/ Тя испове́дуем,/ спасе́ннии Тобо́ю, Де́во Чи́стая,/ с Безпло́тными ли́ки Тя велича́юще.

Боже́ственным жела́нием всегда́ подвиза́емь,/ му́дрости и ра́зума извы́к, по апо́столу, люде́й от пре́лести отврати́л еси́,/ и Бо́гу Жи́ву ве́ровати научи́л еси́, святи́телю прехва́льне.

Всем благи́м о́браз дово́лен был еси́,/ к Вы́шнему житию́ веду́щ, смире́нием и кро́тостию./ Те́мже отсю́ду Христо́с па́стыря тя люде́й Свои́х устроя́ет,/ Его́же моли́ спасти́ всех, пою́щих тя.

И́же к Бо́гу жела́нием страсте́й успи́л еси́ воста́ние,/ всено́щным стоя́нием дарова́ния восприя́л еси́/ ви́дети су́щия та́мо неизрече́нныя добро́ты, Стефа́не.

Богоро́дичен: Яви́лася еси́, Де́во, Ма́ти Бо́жия, па́че естества́ ро́ждшая Бо́жие Сло́во,/ Его́же Оте́ц отры́гну пре́жде всех век, я́ко Благ;/ Его́же ны́не и теле́с вы́шше разумева́ем,/ а́ще и в те́ло оде́яся.

Свети́лен свята́го:

Ни челове́ком, ни от челове́к, но от Бо́га избра́ние святи́тельства прии́м,/ и́же пре́жде тьмы сы́ны, ны́не же ча́да и насле́дники Све́та,/ твои́м уче́нием сотвори́л еси́, прему́дре Стефа́не.

Сла́ва, и ны́не, пра́здника.

На хвали́тех стихи́ры, глас 1.

Подо́бен: Небе́сных чино́в:

Лю́таго и зла́го пансо́тника су́етное буесло́вие,/ я́ко прему́др, отрази́л еси́,/ и того́, я́ко во́лка, от Христо́ва ста́да отгна́л еси́,/ и лю́ди Бо́жия апо́стольски научи́л еси́./ Те́мже днесь, любому́дренно соше́дшеся,/ честну́ю па́мять твою́ пресла́вно почита́ем, святи́телю.

И́же свы́ше дарова́нным твои́м ра́зумом/ до́бре разсуди́в настоя́щих,/ и к Бо́гу веду́щих жела́ние прие́м,/ и, я́ко еле́нь, на и́сточники водны́я поте́кл еси́:/ и́же дре́вле неве́рием во тьме лежа́щия лю́ди/ креще́нием сы́ны Све́та и насле́дники сотвори́л еси́,/ о ни́хже ны́не, Стефа́не, непреста́нно моли́ся.

Ни сла́вы, ни бога́тства, святи́телю, возжела́в,/ но духо́вное худо́жество взыска́л еси́/ жела́нием, е́же мно́гих собо́ю испра́вити и ко Христу́ привести́,/ е́же и получи́л еси́./ Те́мже до конца́, не оскудева́я, моли́ся Христу́ Бо́гу,/ спасти́ всех, честну́ю па́мять твою́ почита́ющих.

Сла́ва, глас 2:

Прииди́те, ны́не благоче́стно соше́дшеся,/ новопросвеще́ннии свяще́нных собо́ри,/ псалмы́ и хвала́ми досто́йную честь/ я́ко отцу́ и благоде́телю воздаю́ще,/ духо́вне нас креще́нием в пакибытие́ породи́вшему/ и от тьмы на свет произве́дшему,/ возопие́м, глаго́люще:/ Го́споди, моли́твами Твоего́ уго́дника Стефа́на/ спаси́ и уще́дри всех,/ благоче́стно от души́ пою́щих Тя.

И ны́не, пра́здника.

Славосло́вие вели́кое. И час 1-й. И отпу́ст.

НА ЛИТУРГИ́И

Блаже́нны 1-го кано́на песнь 3-я, на 4, и 2-го кано́на песнь 6-я, на 4. Проки́мен, глас 1: Уста́ моя́ возглаго́лют прему́дрость,/ и поуче́ние се́рдца моего́ ра́зум. Стих: Услы́шите сия́, вси язы́цы, внуши́те, вси, живу́щии по вселе́нней. Апо́стол ко Евре́ем, зача́ло 318. Аллилу́ия, глас 2: Уста́ пра́веднаго поуча́тся прему́дрости, и язы́к его́ возглаго́лет суд. Ева́нгелие от Луки́, зача́ло 24. Прича́стен: В па́мять ве́чную бу́дет пра́ведник:

МОЛИ́ТВА

О Богоосвяще́нный и равноапо́стольный Стефа́не, но́вый Богове́дения пропове́дниче и просвети́телю Креще́нием святы́м великопе́рмских, во идолопокло́нстве живу́щих люди́й, ко и́стинному Ева́нгельскому све́ту путеводи́телю, па́стырю до́брый и учи́телю прему́дрый, Ду́ха Свята́го сосу́де избра́нный, Христоподража́тельный в Небе́сный Сио́н наста́вниче и руководи́телю, о́браз благонра́вия всем, благоче́стно жи́ти жела́ющим, благоиску́сный мы́сленнаго корабля́, чрез мо́ре ми́ра сего́ к Небе́сному приста́нищу пла́вающего, прави́телю, ди́вный во иера́рсех, уве́нчанный Боже́ственною благода́тию, всеросси́йский свети́льниче, вели́кий чудотво́рче и моли́твенниче те́плый! К тебе́ во умиле́нии се́рдца моего́, аз, окая́нный и гре́шный, благонаде́жно притека́ю и вопию́, прося́, смире́нный, по́мощи твоея́ и те́плаго ко Преблаго́му Бо́гу хода́тайства, да твои́ми Богоприя́тными моли́твами испро́сиши ми от Него́ человеколю́бную ми́лость, оставле́ние мно́гих мои́х согре́шений, души́ и телеси́ здра́вие со спасе́нием, и я́ко Благ и Человеколю́бец да благоволи́т безбе́дно в ми́ре сем ходи́ти ми до сконча́ния живота́ моего́, во вре́мя же разлуче́ния моего́ от жи́зни сея́, дух мой в покая́нии и ми́ре А́нгелом Свои́м святы́м ми́лостивно прия́ти, да даст ми мимо мра́чных, и злокова́рных, и лю́тых духо́в де́монских на возду́се проити́ невозбра́нно, и к Нему́ непосты́дно предста́ти поклони́тися, и безсме́ртныя и блаже́нныя жи́зни сподо́битися со всеми святы́ми во ве́ки. Ами́нь.

Святитель Стефан, епископ Великопермский родился около 1346 года в Великом Устюге. Его отец Симеон служил причетчиком соборной церкви. О матери святого известно предание, согласно которому ее, трехлетнюю девочку, однажды встретил на церковной паперти святой старец Прокопий Устюжский. Поклонившись ей до земли, он сказал: «Вот идет мать Стефана, епископа Пермского, который будет великим между слугами Божьими». В детские годы святой Стефан был научен молитве и послушанию. Отданный в «научение книжное», он удивлял своими способностями. Свободное от занятий время мальчик любил посвящать чтению Священного Писания. Через год он стал чтецом в соборной церкви. Как и многие северные русские города, Великий Устюг был в то время богатым торговым городом.

Вокруг него в густых лесах были расположены поселения, в которых жили языческие племена зырян или западных пермяков. «Пермская страна», обширная территория между реками Печорою и Двиною, в верховьях Камы и Вычегды, находилась в зависимости от Новгорода Великого, а по мере усиления Московского княжества – от Москвы. Занимаясь охотой, зыряне жили довольно обособленно, но вели оживленную торговлю с русскими городами, в особенности с Великим Устюгом. Общаясь с зырянами, юный Стефан в совершенстве овладел их языком. К этому времени юноша окончательно решил оставить мирскую жизнь и посвятить себя служению Богу. Родители со слезами радости отпустили сына. По благословению Ростовского епископа Парфения, в монастыре во имя святителя Григория Богослова, славившемся своими образованными монахами, в 1365 году был совершен монашеский постриг молодого послушника с наречением ему имени Стефан.

С усердием углубился инок в изучение Священного Писания. Частые беседы с кем-либо из духовно опытных, умудренных книжной ученостью монахов, занятия греческим языком, который он вскоре достаточно хорошо усвоил, помогли святому Стефану в его духовном возрастании и богословском образовании. Преподобный Епифаний Премудрый, будущий жизнеописатель святого Стефана, а в то время его собрат по монастырю, повествует о постоянных совместных беседах, посвященных толкованию Священного Писания и изъяснению творений святых отцов. В монастыре святой Стефан написал несколько произведений, свидетельствовавших о любви к богомыслию и глубоких знаниях автора (до наших дней не сохранились). Первым приходил святой Стефан к богослужению в храм и позже всех покидал его, подолгу молился, все более и более восходил в подвигах иноческого жития, преуспевая в добродетелях, смирении и любви.

Стремление просветить светом Христовой истины язычников-зырян, с детства жившее в его сердце, воодушевило святого Стефана на особый подвиг. Он создал для зырян письменность, которой они не имели, в качестве алфавита используя зырянские знаки на дереве, посредством которых охотники вели свою торговлю. С помощью созданной азбуки (состоявшей из 24 букв) святой Стефан перевел на зырянский язык богослужебные книги и частично Священное Писание. К концу своего десятилетнего пребывания в монастыре (около 1375 года), чувствуя себя уже достаточно подготовленным к делу Евангельской проповеди, святой Стефан отправился в Москву за благословением. К тому времени святителя Алексия, Митрополита Московского, особенно заботившегося о распространении Христовой веры среди народов отдаленных окраин Руси, уже не было в живых. Управителем митрополии был архимандрит Симонова монастыря Михаил (Митяй). Поняв важность задуманного молодым иеродиаконом просветительского дела, он испросил у великого князя охранные грамоты для святого Стефана и направил его к епископу Коломенскому Герасиму. После долгих бесед со Стефаном Преосвященный Герасим рукоположил его во иеромонаха и благословил на миссионерское служение. Снабженный антиминсами, миром, частицами святых мощей, а также необходимой для богослужения церковной утварью, святой Стефан отправился на родину, чтобы проститься с родителями. Осенью 1379 года святой Стефан отправился в Пермскую землю. Язычники-зыряне поклонялись стихиям (воде и огню), зверям и деревьям; главным их божеством была «Золотая баба» – каменный идол, которому приносилась в жертву лучшая часть добычи. Особым влиянием у зырян пользовались жрецы или волхвы, державшие в страхе и подчинении народ. Смерть ожидала каждого, кто осмелился бы коснуться их языческих верований. Положение для проповедника осложнялось еще и тем, что алчные великокняжеские сборщики дани озлобили зырян, поэтому все, что исходило из Москвы, казалось зырянам враждебным. Пырас (ныне город Котлас) стал первым селением, в котором святой Стефан начал свою проповедь. Жители его чаще бывали в Устюге и общались с русскими. Когда они услышали, что инородец прекрасно говорит на их родном языке, то оказали ему гостеприимство.

Поначалу миссионерство святого Стефана не имело успеха. Непривычно и страшно было слышать зырянам, что их боги – ложные и бесполезные истуканы, созданные людьми, и что есть лишь один истинный Бог – Творец всего сущего, воплотившийся на земле, Имя Которому – Христос. Жители селения всячески старались помешать святому Стефану, а однажды, по наущению волхвов, предприняли даже попытку сжечь его. Но кротость, терпение и любовь, а также всецелая преданность воле Божией, с которыми выносил святой Стефан все испытания, тронула наконец их сердца. Покоренные его личностью, убедительностью и простотой доводов в пользу новой веры, почти все жители Пыраса, кроме нескольких наиболее упорных язычников, приняли Святое Крещение.

Святой Стефан выбрал себе из новокрещенных зырян нескольких спутников и отправился с ними далее вверх по течению Вычегды. В каждом из селений, где останавливался и проповедовал святой Стефан, он приводил язычников к вере Христовой. За короткое время святой Стефан крестил жителей селений от Пыраса до Усть-Гама и везде ставил кресты и часовни, как самые понятные для новообращенных символы. В Усть-Гаме, большом зырянском селении, где находилась главная кумирница с особо почитавшимися идолами и где преимущественно жили жрецы, святой Стефан подвергся наибольшей опасности. Испуганные успехами его проповеди, в которой усматривали угрозу своему могуществу, жрецы возбудили в народе вражду к святому. Как только святой Стефан появился в селении, навстречу ему бросилась разъяренная толпа. Но кроткое лицо и дружелюбная речь на их родном языке обезоружили нападавших, и они невольно стали слушать, что говорил им пришелец. Святой Стефан знал, что, поклоняясь идолам, зыряне верили в существование некоего могущественного духа, который все сотворил, но которому они недостойны поклоняться. Это неясное верование использовал святой Стефан, чтобы как можно доходчивее объяснить зырянам основы Христовой веры. Считая, что лучшим доказательством бессилия языческих богов будет уничтожение идолов и кумирниц, он поджег кумирню, где стояла так называемая «Золотая баба».

Когда жители Усть-Гама с топорами и кольями бросились на святого Стефана, он, подняв руки к небу, со слезами молился о прозрении заблудших. Никто из зырян не решился напасть на него. Природная кротость этих людей отмечена иноком Епифанием Премудрым: «Обычай лих имать не творить начало бою». Так, сопровождаемый трудностями и опасностями, продвигался святой Стефан в глубь Пермской земли, убеждая словом, сокрушая идолов и кумирни, все новых и новых язычников обращая в христианство. Решающим моментом его миссионерской деятельности явилось столкновение с Памой, главным зырянским жрецом. Пытаясь поколебать у своих подопечных уважение к святому Стефану, Пама предложил ему пройти сквозь огонь и тем доказать на деле существование проповедуемого им Бога. Когда же смиренный инок, помолившись, решился подвергнуть себя жестокому испытанию и предложил Паме последовать за ним, то Пама проявил малодушие и в страхе отступил. После этого началось обращение многочисленных зырян ко Христу: реки Вымь и Вычегда ежедневно становились купелью для множества крещаемых.

Неоценимы заслуги святого Стефана в строительстве Божиих храмов на Пермской земле. Первой построенной им церковью стал храм в честь Благовещения Пресвятой Богородицы в устье реки Выми. Затем в селе Усть-Выми были построены еще два храма во имя Святителя Николая Чудотворца и во имя Архангела Михаила. Храмы обыкновенно возводились святым Стефаном на тех местах, где ранее стояли языческие идолы и кумирни. Придавая большое значение благолепию храмов, святой Стефан украшал их иконами, часть которых была написана им самим. Во всех построенных им храмах богослужение совершалось на зырянском языке. Святой Стефан учил крещеных созданной им грамоте, с помощью которой они читали Евангелие, Псалтирь, Часослов и другие переведенные на зырянский язык книги. При храме Благовещения было учреждено училище, где занимались будущие пастыри – зыряне. Таким образом, вместе со светом Христова учения местные жители приобщались к культуре и просвещению. Жители Великого Устюга, узнав об успехах апостольской проповеди их земляка, вкладывали пожертвования на строительство храмов, а некоторые священнослужители становились помощниками пермского просветителя. По истечении четырех лет миссионерской деятельности иеромонах Стефан отправился в Москву, чтобы решить вопрос о епископе для зырян.

Собор русских архипастырей и великий князь Димитрий Иоаннович Донской († 1389) постановили, что первым архиереем новообращенной Пермской земли должен стать сам святой Стефан. Зимой 1383 года во Владимире-на-Клязьме митрополитом Пименом была совершена епископская хиротония святого Стефана. Возвратившись в Усть-Вымь, святитель Стефан учредил при соборном храме Благовещения архиерейскую кафедру и первый в тех краях монастырь, получивший название Архангельского. Впоследствии им были построены еще три монастыря и несколько странноприимных домов. Своей епископской властью святитель Стефан защищал местное население от частых нашествии новгородских «ушкуйников». В 1386 году он предпринял поездку в Новгород, где содействовал прекращению нападений на зырян. Спустя четыре года святитель Стефан вновь отправился в Москву, где получил у великого князя Василия Димитриевича льготы для Пермской земли, пострадавшей от неурожая.

Святителя Стефана связывала духовная дружба с Преподобным Сергием Радонежским. Святитель Стефан с благоговением относился к Радонежскому подвижнику и очень желал повидаться с ним на пути из Пермской земли, но не смог исполнить своего желания из-за недостатка времени. Находясь в 10-ти верстах от монастыря Преподобного Сергия, святитель Стефан обратился в сторону обители и с молитвой и поклоном произнес: «Мир тебе, духовный брате!» Преподобный Сергий, сидевший вместе с братией за трапезой, встал, помолился и, поклонившись в ту сторону, где проезжал святитель, ответил: «Радуйся и ты, пастырю стада Христова, и мир Божий да пребывает с тобой!» Об этой глубокой духовной связи святителя Стефана Пермского и Преподобного Сергия Радонежского свидетельствует совершаемая и ныне особая повседневная молитва к ним на братской трапезе в Троице-Сергиевой Лавре. Богословская образованность Пермского епископа и его выдающиеся личные качества создали ему высокий авторитет в Русской Православной Церкви. Несмотря на отдаленность его епархии, великие князья и митрополиты часто вызывали его в Москву для совета или участия в церковных Соборах. В начале 1396 года, по приглашению святого митрополита Московского Киприана, святитель Стефан вновь отправился в Москву. Здесь он заболел: здоровье его было подломлено 18-летними изнурительными трудами и подвигами, и хотя ему было всего пятьдесят лет, выглядел он значительно старше своего возраста. 26 апреля 1396 года святитель Стефан мирно скончался. Он был погребен в кремлевской великокняжеской обители, в соборе Спаса на Бору. В XVI столетии Русская Православная Церковь причислила епископа Пермского Стефана к лику святых.

На Го́споди, воззва́х: стихи́ры, глас 4.

Подо́бен: Я́ко до́бля:

Над все́ми, блаже́нне, страстьми́/ ца́рствовал еси́,/ зако́ном Боже́ственным, сла́вне, утвержда́емь/ и, по́мысл я́сно самоде́ржца сотво́рь/ и быв Бо́жий предста́тель,/ по достоя́нию пома́зание свя́то прия́л еси́/ и ста́ду вождь был еси́ слове́сному,/ святи́телем и страда́льцем удобре́ние.

Я́ко овна́ от ста́да, тя,/ Васи́лие преблаже́нне,/ царь беззако́нный отлучи́/ и, Царя́ пропове́дающа, Христа́ Бо́га на́шего,/ пожре́наго я́ко А́гня,/ закала́ет тя непра́ведно/ и повелева́ет тя в мо́ре воврещи́,/ хода́тайствуя тебе́ Небе́сное Ца́рство/ и ве́чнующую сла́ву.

В вода́х стези́ твоя́ пресла́вно сотвори́л еси́,/ Васи́лие сла́вне,/ по кончи́не бо вве́ржен быв,/ я́коже предре́кл еси́,/ кре́пко преплы́в/ и гра́ду твоему́ себе́ Амаси́йскому/ отда́в бре́мя че́стно/ непосты́дна моли́твенника,/ исцеле́ний реку́/ и неду́гов разли́чных очисти́лище.

Сла́ва, и ны́не, пра́здника, или́ Богоро́дичен:

Я́же Бо́га Невмести́маго/ во чре́ве Твое́м вмести́вшая,/ человеколю́бно Челове́ка бы́вша,/ и на́ше смеше́ние из Тебе́ прии́мша,/ и обожи́вша я́ве,/ не пре́зри мене́, Всечи́стая, ны́не скорбя́ща,/ но уще́дри ско́ро/ и разли́чныя вражды́ же/ и вре́да лука́ваго свободи́.

Крестобогоро́дичен:

А́гнца и Па́стыря, Тя/ на Дре́ве я́ко ви́де,/ А́гница ро́ждшая рыда́ше/ и ма́терски Ти веща́ше:/ Сы́не возжеле́нне,/ ка́ко на дре́ве Кре́стнем пове́шен еси́, Долготерпели́ве?/ Ка́ко ру́це и но́зе Твои́, Сло́ве,/ пригвозди́шася от беззако́нных,/ и кровь Твою́ излия́л еси́, Влады́ко?

Кано́н, глас 4.

Песнь 1

Ирмо́с: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,/ и воспою́, ра́дуяся, Тоя́ чудеса́.

Пе́ти тя, сла́вне, усе́рдствующу,/ прему́дрость ми пода́ждь и ра́зума сло́во/ моли́твами твои́ми Боже́ственныя по́двиги твоя́ восхвали́ти/ Христо́вы ра́ди любве́, ю́же показа́л еси́ кре́пко.

Ми́ром благода́ти святи́тель яви́лся еси́, пома́зався, свяще́нне,/ Христу́ досто́йно сам ся, я́ко же́ртва, муче́нием чиста́,/ и безкро́вныя же́ртвы принося́.

Побе́дною укра́шен багряни́цею страда́ний твои́х/ и кро́ви венце́м удобре́н, царь страсте́й показа́лся еси́, святи́телю,/ разгна́в же пре́лесть, ца́рствуеши со Христо́м.

Богоро́дичен: Созда́вый челове́ка пе́рвее от земли́/ во чре́ве Твое́м воплоща́ется/ и Челове́к соверше́н быва́ет./ Те́мже во двою́ существу́, Богоро́дице, соверше́нна зна́ем Его́, Пренепоро́чная.

Песнь 3

Ирмо́с: Не му́дростию, и си́лою,/ и бога́тством хва́лимся,/ но Тобо́ю, О́тчею Ипоста́сною Му́дростию, Христе́:/ несть бо свят, па́че Тебе́,/ Человеколю́бче.

Же́ртва ты Христу́ сам приве́лся еси́ я́коже непоро́чна,/ огне́м твоея́, му́дре, со́вести страда́нием всесожже́н.

Прему́дрости сло́вом, основа́нием Христо́с утверди́ на ка́мени,/ непрекло́нно возведе́ тя, Васи́лие сла́вне,/ я́коже па́стыря му́дра.

Богоро́дичен: Род земны́й рождество́м Твои́м, Пречи́стая, разреши́ся дре́вния вои́стинну кля́твы,/ те́мже Боже́ственнаго Твоего́ зра́ка подо́бие почита́ем, Влады́чице.

Седа́лен, глас 3:

Подо́бен: Бо́жественныя ве́ры:

Боже́ственным Ду́хом просвеще́н,/ горды́ню мучи́теля со дерзнове́нием па́стырским велему́дренно посрами́л еси́/ и, преше́д пре́лести пучи́ну, ко приста́нищу Боже́ственному дости́гл еси́./ О́тче преподо́бне, Христа́ Бо́га моли́ дарова́ти нам ве́лию ми́лость.

Сла́ва, и ны́не, Богоро́дичен:

Боже́ственная ски́ния была́ еси́, Сло́ва, еди́на Пречи́стая Ма́ти Де́во,/ чистото́ю А́нгелы превозше́дшая,/ па́че всех мене́, персть бы́вша, оскверне́на плотски́ми прегреше́ньми,/ очи́сти моли́тв Твои́х Боже́ственными вода́ми,/ подаю́щи, Чи́стая, ве́лию ми́лость.

Крестобогоро́дичен:

Нескве́рная А́гница Сло́ва, нетле́нная Де́ва Ма́ти,/ на Кресте́ зря́щи пове́шена из Нея́ без боле́зни прозя́бшаго,/ ма́терски подо́бно рыда́ющи, вопия́ше:/ у́вы Мне, Ча́до Мое́, како стра́ждеши во́лею,/ хотя́ изба́вити от страсте́й безче́стия челове́ка?

Песнь 4

Ирмо́с: Неизсле́дный Бо́жий сове́т,/ е́же от Де́вы воплоще́ния, Тебе́, Вы́шняго,/ проро́к Авваку́м усмотря́я, зовя́ше:/ сла́ва си́ле Твое́й, Го́споди.

На жи́зненней воде́ Боже́ственных исто́чник, о́тче,/ на траве́ же ве́ры па́лицею уче́ний твои́х, му́дре,/ Христо́во наста́вил еси́ ста́до, Васи́лие преблаже́нне.

Глаго́лы Богому́дрыми, му́чениче Христо́в, беззако́ннаго обличи́л еси́/ и злоимени́таго Ликини́я благодерзнове́ние богоме́рзское безу́мие,/ побе́дою же по́чести венча́лся еси́.

Неразседа́емое основа́ние водрузи́л еси́, му́дре, ты на ка́мени ве́ры,/ треволне́ния, священному́чениче, кре́пко ле́сти и́дольския претерпе́л еси́,/ сию разоря́я си́лою Христо́вою.

Богоро́дичен: Исцели́ сокруше́ние, Ма́ти Бо́жия, естества́ челове́ческаго,/ Безнача́льное Сло́во во двою́ ро́ждши существу́ неразде́льно, Всенепоро́чная,/ пло́ти почита́ем подо́бие.

Песнь 5

Ирмо́с: Ужасо́шася вся́ческая/ о Боже́ственней сла́ве Твое́й:/ Ты бо, Неискусобра́чная Де́во,/ имела еси́ во утро́бе над все́ми Бо́га/ и родила́ еси́ Безле́тнаго Сы́на,/ всем воспева́ющим Тя/ мир подава́ющая.

Укрепля́емь, сла́вне, от Христа́ обличи́л еси́ лесть и́дольскую, святи́телю,/ нача́льнику же сея́, я́коже худе́й пти́це, наруга́лся еси́,/ кре́пко, му́чениче, ве́ры тече́ние преше́д, му́дре.

Я́коже други́й Моисе́й, мо́ре нече́стия я́ве ве́ры жезло́м раздели́л еси́,/ но́ваго, преблаже́нне Васи́лие, Изра́иля, я́ко во обетова́нную зе́млю,/ прове́л еси́ к све́ту Богоразу́мия.

Богоро́дичен: Боже́ственное подо́бие зра́ка Твоего́, Богоро́дице Чи́стая,/ вси о́бразно в поклоне́ние иму́ще, собо́р ерети́чествующих при́сно слове́сно отгоня́ем,/ и́же Твои́ми богатя́щиися мольба́ми и по́мощию, Пренепоро́чная.

Песнь 6

Ирмо́с: Возопи́, прообразу́я погребе́ние тридне́вное,/ проро́к Ио́на, в ки́те моля́ся:/ от тли изба́ви мя, Иису́се Царю́ сил.

Не терпя́ше лю́тый и беззако́нный мучи́тель/ е́же в словесе́х дерзнове́ния твоего́, му́чениче,/ и диа́вол лю́то вооружа́ет на тя Ликини́я, сла́вне.

Мнев твою́ тве́рдость и де́рзость, свя́те, умягчи́ти ласка́ньми,/ злоде́й томи́тель наде́жды, му́чениче, погреши́,/ нога́ми твои́ми сокруши́вся держа́вно.

Богоро́дичен: Твои́м рождество́м боле́зней Е́ва изба́вися, Богоро́дице,/ Изба́вителя бо ро́ду родила́ еси́ челове́ческому,/ еди́на удобре́ние, Пречи́стая Влады́чице.

Конда́к, глас 4.

Подо́бен: Яви́лся еси́ днесь:

Царе́во повеле́ние преоби́дев,/ Ца́рство Небе́сное получи́л еси́, Васи́лие,/ в не́мже лику́я,/ помина́й нас, чту́щих па́мять твою́,/ священному́чениче.

Песнь 7

Ирмо́с: Спасы́й во огни́ Авраа́мския Твоя́ о́троки/ и халде́и уби́в,/ я́же пра́вда пра́ведно уловля́ше,/ препе́тый Го́споди, Бо́же оте́ц на́ших,/ благослове́н еси́.

Го́рдый враг и вельми́ хваля́йся, я́ко птенца́, разори́ти зе́млю,/ сопротивле́нием твои́м победи́ся держа́вно/ и я́ве ни́зу паде́ся под но́зе твои́ свяще́ннеи, священному́чениче.

Све́том ве́ры я́ве и́дольское омраче́ние ты отгна́л еси́, му́дре,/ Христу́ хвала́ми, блаже́нне,/ поя́, я́коже о́троцы пе́рвее:/ Бо́же оте́ц на́ших, благослове́н еси́.

Ни ласка́нии тве́рдость, ни проще́нии, святи́телю, мучи́телей, Васи́лие,/ не осла́бил еси́ отню́д, сла́вне, душе́вную кре́пость,/ но не уя́звен, я́коже цве́ты, искуше́ния ты претерпе́л еси́.

Богоро́дичен: Зако́ны, Чи́стая, рождества́ превозшла́ еси́,/ Зижди́теля ро́ждши я́ве всея́ тва́ри./ Те́мже и́стинную Тя Богоро́дицу, Всепе́тая, ве́рнии,/ преблагоче́стно ны́не испове́дуем.

Песнь 8

Ирмо́с: О́троки благочести́выя в пещи́/ Рождество́ Богоро́дичо спасло́ есть./ Тогда́ у́бо образу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,/ и превозноси́те Его́ во вся ве́ки.

Стрела́ми прему́дрости, святи́телю, низло́ж под но́зе лесть, преблаже́нне,/ венцы́ венча́лся еси́ побе́дными я́ко побо́рник пресла́вен ве́ры Боже́ственным Ду́хом,/ Го́спода,– зовы́й,– воспева́йте, дела́, и превозноси́те Его́ во вся ве́ки.

Вы́ю пре́лести, святи́телю, мече́м ве́ры посе́кл еси́,/ усе́чен быв во главу́ твою́, сла́вне,/ и от Христа́ вене́ц побе́ды прия́л еси́, вопия́:/ благослови́те, вся дела́, Го́спода и превозноси́те Его́ во вся ве́ки.

Совокупи́ся телеси́ твоему́, блаже́нне, глава́ по отсече́нии,/ е́же пресла́вно и безме́рная пучи́на принесе́ окормле́нием, свя́те, Боже́ственнаго Ду́ха./ И ны́не, со А́нгелы лику́я, со Отце́м сла́виши Сы́на и Боже́ственнаго Ду́ха.

Богоро́дичен: Яд змии́н, Де́во, Е́вин отсе́кла еси́ рождество́м Твои́м,/ Сло́во я́ко ро́ждши пло́тию Ипоста́сное,/ во утро́бе, Пречи́стая, Твое́й совокупле́на стра́шно Отцу́ Ипоста́сное Сло́во,/ Его́же плотско́е подо́бие почита́ем.

Песнь 9

Ирмо́с: Е́ва у́бо неду́гом преслуша́ния кля́тву всели́ла есть;/ Ты же, Де́во Богоро́дице,/ прозябе́нием чревоноше́ния/ ми́рови благослове́ние процвела́ еси́./ Тем Тя вси велича́ем.

В приста́нище я́ве устреми́вся, пресла́вне,/ треволне́ния бу́ри и́дольския преше́л еси́ Боже́ственным окормле́нием Ду́ха,/ с Вы́шними лику́я си́лами./ Помяни́, блаже́нне, чту́щия тя.

Боже́ственне лику́я, Васи́лие сла́вне, со А́нгелы/ побе́дная у Престо́ла всех Бо́га же и Влады́ки,/ ра́дуяся, ми́лостивно назира́еши нас/ я́ко па́стырь и святи́тель, пою́щия тя.

Богоро́дичен: Безсе́менно Безнача́льнаго Сы́на ро́ждши, Бо́га Сло́ва, Ма́ти Де́во,/ все обнови́ла еси́ естество́ на́ше, обетша́вшее прегреше́нием преступле́ния./ Те́мже Тя, Влады́чице, непреста́нно велича́ем.

Священномученик Василий, епископ Амасийский (город на севере Малой Азии, столица провинции Понт; ныне г. Амасья на территории Турции), пострадал около 323 года в период гонений, воздвигнутых на христиан императором Ликинием (320–323). Святитель Василий был весьма деятельным иерархом – заботился о построении новых храмов, об устроении христианских школ, о благотворном влиянии Святой Церкви на общественную жизнь. Одновременно он содействовал духовному устроению Церкви, очищению ее от арианской ереси, участвовал в двух Поместных Соборах, где твердо отстаивал православие (труды святителя Василия Амасийского не сохранились, но его православные воззрения излагает святитель Афанасий Великий в своей Первой речи против ариан).

Церковное предание сохранило в подробностях историю мученичества святителя Василия Амасийского. Император Лициний, обратившийся к идолопоклонству, стал на путь нравственной разнузданности и разврата.

Он отнимал жен у богатых и знатных людей и брал их себе в наложницы или отдавал на поругание своим рабам. В числе придворных его жены императрицы Констанции (единокровной сестры императора Константина Великого) была знатная и благочестивая девушка-христианка, родом из Италии, по имени Глафира. Когда Лициний хотел посягнуть на ее невинность, она рассказала об этом императрице, которая также была христианкой. Констанция отнеслась к ней с участием и, снабдив деньгами, отослала в Амасию. Здесь Глафира познакомилась с епископом Василием, а свои деньги пожертвовала на построение нового храма. Вскоре она послала письмо императрице, уведомляя о себе, и просила средств на строительство храма. Письмо было перехвачено и представлено Лицинию, который распорядился схватить и привести к себе Глафиру и епископа Василия. По воле Божией, блаженная дева Глафира скончалась в Амасии еще раньше, чем было получено императорское повеление. Святитель Василий был приведен стражей к императору, за ним следовали два его ученика, диаконы Парфений и Феотим. Он был обвинен в помощи Глафире, а главное преступление святителя Василия, по мнению Лициния, заключалось в служении Христу Богу. Святого заключили в темницу, а его диаконы нашли приют у благочестивого никомидийского христианина Елпидифора. Стражники за деньги позволяли им посещать, вместе с Елпидифором, своего епископа и проводить с ним длительное время. Святитель Василий знал, что его ожидает мученическая смерть, и последнее попечение его было о Церкви; он назначил себе преемника на Амасийской кафедре, преподал последние наставления своим ученикам и завещал Елпидифору быть с ними и поддерживать их. Он предсказал, что тело его вернется в родной город Амасию; предсказал он и род своей смерти, ибо, когда пел псалмы, то слова: «Аще вселюся в последних моря, и тамо рука Твоя наставит мя, и удержит мя десница Твоя» (Пс. 138:9–10),– он повторил трижды со слезами. Действительно впоследствии Лициний приказал разрезать их тела на куски и бросить в море на съедение рыбам (Евсевий Памфил, епископ Кесарийский. «Церковная история»). Через некоторое время святителя Василия привели на допрос к императору. По делу девицы Глафиры он легко мог оправдаться – все его преступление состояло в том, что он не донес на нее. Но Лициний велел вновь заключить его в темницу, пытался уговорить его отречься от Христа. С этой целью он послал к нему одного из своих военачальников, предлагая в награду за отречение закрыть дело о Глафире и сделать его верховным жрецом Никомидии. Святитель Василий отверг посулы Лициния и советовал императору, пока не поздно, покаяться и возвратиться ко Христу. Когда Лицинию был передан ответ святителя, он сразу стал угрожать смертью, однако святитель с радостью избрал этот скорбный путь. Священномученика Василия повели на казнь, за ним шли Елпидифор с двумя диаконами и еще несколько христиан. Перед казнью Елпидифор дал денег воинам, которые позволили епископу в последний раз побеседовать с ближними. Святитель Василий преклонил колена и молился Господу о сохранении и умножении стада церковного, а также о единодушии в Церкви. Наконец, с любовью простился с Елпидифором и учениками своими. Затем обратился к спекулятору (надзирателю за казнью) со словами: «Друг, делай, что тебе приказано», спокойно стал под удар меча и принял венец жизни вечной.

Когда казнь совершилась, Елпидифор просил тело святого, но получил отказ. Тело святого и его усеченную главу положили в рыбачью лодку, отплыли от берега и бросили в море. Среди христиан, бывших свидетелями подвига мученика, был и никомидийский пресвитер Иоанн, впоследствии написавший его житие. В ту же ночь Елпидифору во сне явился Ангел и сказал: «Епископ Василий пришел в Синоп и там вас ожидает». Это сновидение повторилось в течение одной ночи трижды. Пробудившийся Елпидифор расспросил, где находится Синоп (город в Малой Азии, на берегу Черного моря, мыс Инджебурун). Вместе с диаконами Парфением и Феотимом он нанял корабль и приплыл в Синоп, здесь Елпидифору вновь явился во сне Ангел и указал: «Справа от города закиньте сети, и обретете искомую вами жемчужину». Так была найдена глава святителя, чудесным образом сросшаяся с телом, о чем свидетельствовал оставшийся шрам. Мощи святителя Василия были перевезены в Амасию и погребены в построенном им храме.

Литература:

1. Евсевий Памфил, епископ Кесарийский. Сочинения. 2-е изд., т. 1, СПб., 1858.

2. Лактанций. Творения. Пер. Е. Карнеева, Т. 2. СПб., 1848.

3. Федорова Е. В. Императорский Рим в лицах. М., МГУ, 1979.

(Службу зри 2 декабря)

Тропа́рь, глас 1:

Поще́нием, моли́твами и благода́тию Боже́ственною просвети́вся,/ земны́я концы́ све́тло озаря́еши благоче́стно,/ чуде́с благода́ть от Бо́га прие́м,/ исцеля́еши неду́ги, ду́хи же лука́выя от челове́ков отгоня́еши,/ и́же с ве́рою притека́ют к ра́це моще́й твои́х святы́х,/ преподо́бне о́тче наш Иоанни́кие./ Сла́ва Да́вшему ти благода́ть,/ сла́ва Укрепи́вшему тя,/ сла́ва Де́йствующему тобо́ю всем исцеле́ния.

Конда́к, глас 8.

Подо́бен: Взбра́нной Воево́де:

От ю́ности, Богому́дре, возлюби́в а́нгельское житие́,/ вся кра́сная оста́вил еси́,/ за́йде бо, я́коже звезда́ от ми́ра,/ восте́к к разу́мному и пра́ведному со́лнцу, Христу́,/ от Него́ же прие́мь благода́ть исцеле́ния,/ разли́чныя неду́ги врачу́еши притека́ющих к свяще́нней ра́це твое́й./ Те́мже и мы, соверша́юще любо́вию всечестну́ю твою́ па́мять, вопие́м ти:/ ра́дуйся, о́тче Иоанни́кие.

Преподобный Иоанникий Девиченский (или Девичский) родился в Диоклетии Фотинской (Черногорское Приморье, Сербия). С юных лет он удалился в пустынное место на реке Ибре, где начал свои монашеские подвиги. Здесь он вместе с другими монахами-подвижниками вел суровую иноческую жизнь в пустынных горах. В строгости своей жизни святой Иоанникий подражал и следовал преподобному Антонию Великому, не давая сна своим очам, пока не освободил душу и тело от страстей. К преподобному Иоанникию стекались многие подвижники, им был создан монастырь на Черной Горе, но сам он удалился в одну из пещер Девичской пустыни (в области Дреницы, западное Косово) для совершенного безмолвия. Сербский деспот (правитель) Юрий Бранкович (1427–1456), узнав о подвигах преподобного, вместе с ним создал в пустыни церковь в честь Введения во храм Пресвятой Богородицы. В тяжелые для Сербии и всего православного Востока времена, когда турки захватили Константинополь и независимое Сербское государство пало, святой Иоанникий явил собой образец христианского подвижничества, стал «украшением постников, светилом светильников и Церкви своей утверждением непоколебимым». Скончался преподобный в глубокой старости, вероятно, в 1440 году и был погребен в созданном им монастыре. Здесь сохранилась фреска, изображающая его блаженную кончину. Вскоре после преставления преподобного были составлены служба ему и краткое житие. В середине XVIII века служба преподобному Иоанникию была переложена на церковнославянский язык.

Литература

1. Служба (на сербск. яз.). – В кн.: «Србльак. Службы. Канони. Акатисти. Т. 2. Београд, 1970, с. 365–407.

2. Милошевиħ Д. Срби светительи у старом сликарству. – В кн.: «О Србльаку». Студиjе. Београд, 1970, с. 222.

3. Радоjичиħ Б. Сп. Jаниħиjе Девички. – «Гласник Етнографского института САНУ», 1, 1–2, 1952, с. 173–178.

4. Голубинский Е. Е. Краткий очерк истории Православных Церквей. М., 1871, с. 671.

5. Филарет (Гумилевский), архиепископ. Святые южных славян. Чернигов, 1865, с. 66–68.