Чинопоследование Святого елея (Соборование)

Священник: Благослове́н Бог наш:

Чтец: Ами́нь.

Трисвятое. По О́тче наш: Го́споди, поми́луй (12 раз).

Сла́ва: И ны́не: Прииди́те поклони́мся: (трижды).

Псалом 142

Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя в пра́вде Твое́й, и не вни́ди в суд с рабо́м Твои́м, я́ко не оправди́тся пред Тобо́ю всяк живы́й. Я́ко погна́ враг ду́шу мою́, смири́л есть в зе́млю живо́т мой, посади́л мя есть в те́мных, я́ко ме́ртвыя ве́ка. И уны́ во мне дух мой, во мне смяте́ся се́рдце мое́. Помяну́х дни дре́вния, поучи́хся во всех де́лех Твои́х, в творе́ниих руку́ Твое́ю поуча́хся. Возде́х к Тебе́ ру́це мои́, душа́ моя́, я́ко земля́ безво́дная Тебе́. Ско́ро услы́ши мя, Го́споди, исчезе́ дух мой, не отврати́ лица́ Твоего́ от Мене́, и уподо́блюся низходя́щим в ров. Слы́шану сотвори́ мне зау́тра ми́лость Твою́, я́ко на Тя упова́х. Скажи́ мне, Го́споди, путь во́ньже пойду́, я́ко к Тебе́ взях ду́шу мою́. Изми́ мя от враг мои́х, Го́споди, к Тебе́ прибего́х. Научи́ мя твори́ти во́лю Твою́, я́ко Ты еси́ Бог мой. Дух Твой Благи́й наста́вит мя на зе́млю пра́ву. И́мене Твоего́ ра́ди, Го́споди, живи́ши мя; пра́вдою Твое́ю изведе́ши от печа́ли ду́шу мою́. И ми́лостию Твое́ю потреби́ши враги́ моя́ и погуби́ши вся стужа́ющия души́ мое́й: я́ко аз раб Твой есмь.

Сла́ва: И ны́не: Аллилу́ия, аллилу́ия, аллилу́ия, сла́ва Te6é, Бо́же (трижды).

Ектения малая.

Аллилу́ия: на глас 6.

Стих 1: Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́.

Стих 2: Поми́луй мя, Го́споди, я́ко не́мощен есмь.

Тропари покаянные, глас тот же:

Поми́луй нас, Го́споди, поми́луй нас; вся́каго бо отве́та недоуме́юще, сию́ Ти моли́тву я́ко Влады́це гре́шнии прино́сим: поми́луй нас.

Сла́ва:

Го́споди, поми́луй нас, на Тя бо упова́хом; не прогне́вайся на ны зело́, ниже́ помяни́ беззако́ний на́ших, но при́зри и ны́не я́ко Благоутро́бен, и изба́ви ны от враг на́ших: Ты бо еси́ Бог наш, и мы – лю́дие Твои́, вси дела́ – руку́ Твое́ю, и и́мя Твое́ призыва́ем.

И ны́не:

Милосе́рдия две́ри отве́рзи нам, благослове́нная Богоро́дице; наде́ющиися на Тя да не поги́бнем, но да изба́вимся Тобо́ю от бед: Ты бо еси́ Спасе́ние ро́да христиа́нскаго.

Псалом 50

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя. Я́ко беззако́ние мое́ аз зна́ю, и грех мой пре́до мно́ю есть вы́ну. Тебе́ еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х и победи́ши, внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́, безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся, омы́еши мя, и па́че сне́га убелю́ся. Слу́ху моему́ да́си ра́дость и весе́лие: возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́, и Ду́ха Твоего́ Свята́го не отыми́ от мeне́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́, возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу – дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на олта́рь Твой тельцы́.

Канон

Глас 4

Песнь 1

Ирмо́с: Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зныма Моисе́овыма рука́ма Амали́кову си́лу в пусты́ни победи́л есть.

Припе́в: Поми́луй мя, Го́споди, я́ко не́мощен есмь.

Еле́ем благоутро́бия, Влады́ко, утеша́яй при́сно ду́ши, ку́пно и телеса́ челове́ческая, и храня́й еле́ем ве́рныя. Сам и ны́не уще́дри еле́ем приступа́ющия к Тебе́.

Припе́в: Исцели́ мя, я́ко смято́шася ко́сти моя́.

Твоея́ ми́лости, Влады́ко, полна́ есть вся земля́: те́мже еле́ем боже́ственным Твои́м честны́м помазу́еми днесь, е́же па́че ума́ Твое́й ми́лости ве́рно про́сим Тя пода́тися нам.

Сла́ва:

Пома́зание свяще́нное Твое́, Человеколю́бче, апо́столом Твои́м на немощству́ющия рабы́ Твоя́ соверша́ти ми́лостивно запове́давый, тех мольба́ми вся печа́тию Твое́ю поми́луй.

И ны́не:

Еди́на ми́ра Пучи́ну Чи́стая ро́ждшая, я́же к Бо́гу моли́твами Твои́ми при́сно неду́гов и скорбе́й Твоя́ рабы́ изба́ви, я́ко да непреста́нно возвели́чат Тя.

Песнь 3

Ирмо́с: Весели́тся о Тебе́ Це́рковь Твоя́, Христе́, зову́щи: Ты моя́ Кре́пость, Го́споди, и Прибе́жище и Утвержде́ние.

Припе́в: Поми́луй мя, Го́споди, я́ко не́мощен есмь.

Ты еди́н сый ди́вный в челове́цех ве́рных Ми́лостивый: боля́щим лю́те даждь, Христе́, благода́ть Твою́ свы́ше.

Припе́в: Исцели́ мя, я́ко смято́шася ко́сти моя́.

Еле́йный суче́ц иногда́ ко умале́нию пото́па Боже́ственным Твои́м показа́вый манове́нием, Го́споди, спаси́ ми́лостию стра́ждущия.

Сла́ва:

Свеще́ю Боже́ственнаго Све́та в ми́лости Твое́й, Христе́, просвети́ пома́занием и ны́не ве́рою к ми́лости Твое́й тща́щияся.

И ны́не:

При́зри благоприя́тно, Ма́ти всех Творца́, свы́ше, и го́рькое озлобле́ние разреши́ неду́гующих моли́твами Твои́ми.

Седален, глас 8:

Я́ко Боже́ственная река́ ми́лости сый, я́ко бе́здна мно́гаго милосе́рдия, Ще́дре, покажи́ Твоея́ ми́лости Боже́ственныя струи́, и всех исцели́; источи́ чуде́с исто́чники незави́стно, и омы́й всех: к Тебе́ бо при́сно притека́юще, те́пле благода́ть испроша́ем.

Другой седален, глас 4:

Врачу́ и Помо́щниче су́щих в боле́знех, Изба́вителю же и Спа́се су́щих в неду́зех, Сам всех Влады́ко и Го́споди, да́руй исцеле́ние неду́гующим рабо́м Твои́м, уще́дри, поми́луй многопрегреши́вшия, и прегреше́ний изба́ви, Христе́, я́ко да сла́вят Боже́ственную Си́лу Твою́.

Песнь 4

Ирмо́с: Вознесе́на Тя ви́девши Це́рковь на Кресте́, Со́лнце Пра́ведное, ста в чи́не свое́м, досто́йно взыва́ющи: сла́ва Си́ле Твое́й, Го́споди.

Припе́в: Поми́луй мя, Го́споди, я́ко не́мощен есмь.

Я́ко нетле́нное Ми́ро, Спа́се, сый, истощи́вшееся Твое́ю благода́тию, и мир очища́ющее, уще́дри и поми́луй, Боже́ственне, ве́рою стру́пы теле́сныя помазу́ющия.

Припе́в: Исцели́ мя, я́ко смято́шася ко́сти моя́.

Ти́хостию печа́ти Твоея́ ми́лости ны́не чу́вствия, Влады́ко, зна́менав Твои́х рабо́в, непроходи́м, непристу́пен вход сотвори́ всем сопроти́вным си́лам.

Сла́ва:

Призыва́ти Повелева́яй немощству́ющим священноде́йствители боже́ственныя Твоя́, и сих моли́твою и пома́занием еле́я Твоего́, Человеколю́бче, спаса́тися, спаси́ Твое́ю ми́лостию стра́ждущия.

И ны́не:

Богоро́дице Присноде́во Пресвята́я, Покро́ве кре́пкий и Храни́тельнице, Приста́нище же и Стено́, Ле́ствице и Предгра́дие, поми́луй, уще́дри боля́щия, к Тебе́ бо и еди́ной прибего́ша.

Песнь 5

Ирмо́с: Ты, Го́споди мой, Свет в мир прише́л еси́, Свет Святы́й, обраща́яй из мра́чна неве́дения ве́рою воспева́ющия Тя.

Припе́в: Поми́луй мя, Го́споди, я́ко не́мощен есмь.

Сый, Бла́же, ми́лости Бе́здна, поми́луй, Ми́лостиве, Твое́ю Боже́ственною ми́лостию стра́ждущия, я́ко Благоутро́бен.

Припе́в: Исцели́ мя, я́ко смято́шася ко́сти моя́.

Ду́ши на́ша, Христе́, и телеса́ свы́ше печа́ти Твоея́ Боже́ственным воображе́нием освяти́в несказа́нно, руко́ю Твое́ю всех исцели́.

Сла́ва:

Неизрече́нною Твое́ю любо́вию, Преблаги́й Го́споди, прии́мый блудни́цею су́щее от ми́ра пома́зание, уще́дри рабы́ Твоя́.

И ны́не:

Всепе́тая, Чи́стая, Преблага́я Влады́чице, поми́луй боже́ственным помазу́ющихся еле́ем, и спаси́ рабы́ Твоя́.

Песнь 6

Ирмо́с: Пожру́ Ти со гла́сом хвале́ния, Го́споди, Це́рковь вопие́т Ти, от бесо́вския кро́ве очи́щшися ра́ди ми́лости от ребр Твои́х исте́кшею кро́вию.

Припе́в: Поми́луй мя, Го́споди, я́ко не́мощен есмь.

Словесы́ Твои́ми еле́ем показа́вый, Человеколю́бче, в царе́х пома́зание, и архиере́и сие́ соверши́вый, печа́тию Твое́ю и стра́ждущия спаси́, я́ко Благоутро́бен.

Припе́в: Исцели́ мя, я́ко смято́шася ко́сти моя́.

Приобще́ние да не от го́рьких бесо́в прико́снется пома́занием боже́ственным зна́менаным, Спа́се, чу́вствы; но покро́вом обстени́ сих Сла́вы Твоея́.

Сла́ва:

Пода́ждь ру́ку Твою́ с высоты́, Человеколю́бче, и Твой еле́й, Спа́се, освяти́в, пода́ждь рабо́м Твои́м на здра́вие, и неду́гов всех на избавле́ние.

И ны́не:

Яви́лася еси́ в боже́ственном Твое́м хра́ме плодови́тая, Ма́ти Творца́, масли́на, Е́юже испо́лнен яви́ся мир ми́лости: те́мже спаса́й моли́твами осяза́ния Твоего́ стра́ждущия.

Кондак, глас 2:

Ми́лости Исто́чник сый Преблаги́й, ве́рою те́плою к ми́лости неизрече́нной Твое́й припа́дающия, Благоутро́бне, от вся́каго изба́ви озлобле́ния, и тех неду́ги взем, пода́ждь Боже́ственную благода́ть свы́ше.

Песнь 7

Ирмо́с: В пещи́ авраа́мстии о́троцы перси́дстей любо́вию благоче́стия па́че, не́жели пла́менем опаля́еми, взыва́ху: благослове́н еси́ в хра́ме Сла́вы Твоея́, Го́споди.

Припе́в: Поми́луй мя, Го́споди, я́ко не́мощен есмь.

Ты в ми́лости и щедро́тах Твои́х, Спа́се, Еди́не Бо́же, всех исцеля́яй, стра́сти же душе́вныя, и теле́сная сокруше́ния, и сия в неду́зех стра́ждущия Сам исцеля́я уврачу́й.

Припе́в: Исцели́ мя, я́ко смято́шася ко́сти моя́.

Внегда́ пома́затися еле́ем пома́зания всех глава́м, пода́ждь сим весе́лия ра́дость, ми́лость и́щущим Твоего́ избавле́ния, Христе́, бога́тою Твое́ю ми́лостию, да́руй, Го́споди.

Сла́ва:

Меч есть над де́моны, Спа́се, Твоя́ печа́ть; огнь же попаля́яй стра́сти душе́вныя – свяще́нников мольбы́. Те́мже ве́рно пое́м Тя прие́млющии исцеле́ние.

И ны́не:

Ты Держа́щаго го́рстию вся, Ма́ти Бо́жия, внутрь во чре́ве прии́мши боголе́пно, и неизрече́нно воплоти́вши, о стра́ждущих уми́лостивити Сего́ про́сим.

Песнь 8

Ирмо́с: Ру́це распросте́р Дании́л, льво́в зия́ния в ро́ве затче́; о́гненную же си́лу угаси́ша, доброде́телию препоя́савшеся, благоче́стия рачи́тели о́троцы взыва́юще: благослови́те, вся дела́ Госпо́дня, Го́спода.

Припе́в: Поми́луй мя, Го́споди, я́ко не́мощен есмь.

Вся поми́луй, Спа́се, по вели́цей Твое́й и Боже́ственней ми́лости; сего́ ра́ди собра́хомся вси, та́йно вообразу́юще щедро́т Твои́х приклоне́ние, пома́зание принося́ще еле́ем ве́рою Твои́м рабо́м, и́хже и посети́.

Припе́в: Исцели́ мя, я́ко смято́шася ко́сти моя́.

Струя́ми ми́лости Твоея́, Христе́, и пома́зании свяще́нников Твои́х омы́й я́ко Благоутро́бен, Го́споди, боле́зни, и озлобле́ние, и боле́зней наше́ствия в ну́ждах страсте́й мучи́мых, я́ко да сла́вят Тя спа́сшеся благода́рственно.

Сла́ва:

Зна́мение е́же свы́ше приклоне́ния и ти́хости ми́лость боже́ственную² нам припису́ющим, Влады́ко, не удали́ Твоея́ ми́лости, ниже́ пре́зри ве́рою при́сно зову́щия: благослови́те, вся дела́ Госпо́дня, Го́спода.

И ны́не:

Пресла́вное я́ко вене́ц, Чи́стая, естество́ прия́т Боже́ственное Твое́ Рождество́, враго́в сокруша́ющее ополче́ния, и побеждаю́щее держа́вно тех; сего́ ра́ди благода́тей Твои́х ра́достными венча́еми светлостьми́, Тебе́ воспева́ем, Препе́тая Влады́чице.

Песнь 9

Ирмо́с: Ка́мень нерукосе́чный от несеко́мыя горы́ – Тебе́, Де́во, краеуго́льный отсече́ся – Христо́с, совокупи́вый разстоя́щаяся естества́: тем веселя́щеся Тя, Богоро́дице, велича́ем.

Припе́в: Поми́луй мя, Го́споди, я́ко не́мощен есмь.

При́зри с небесе́, Ще́дре, покажи́ Твою́ ми́лость всем, даждь ны́не заступле́ние Твое́ и кре́пость Твою́ приступа́ющим к Тебе́ боже́ственным пома́занием свяще́нников Твои́х, Человеколю́бче.

Припе́в: Исцели́ мя, я́ко смято́шася ко́сти моя́.

Ви́дехом, Преблаги́й Спа́се, ра́дующеся боже́ственный еле́й приклоне́нием Твои́м Боже́ственным па́че прича́стников, его́же прия́л еси́, и изобрази́тельно препо́дал еси́ ба́ни боже́ственныя причаща́ющимся.

Сла́ва:

Уще́дри, поми́луй, Спа́се, изба́ви от лю́тых и боле́зней; изба́ви от стрел лука́ваго Твои́х рабо́в ду́ши и телеса́, я́ко ми́лостивый Го́сподь, пома́занием боже́ственным исцелева́яй.

И ны́не:

Пе́ния и мольбы́, Де́во, прие́млющи Твои́х рабо́в, изба́ви лю́тых страсте́й и боле́зней, моли́твами Твои́ми, на́ми, Пречи́стая, боже́ственному Твоему́ кро́ву притека́ющия.

Досто́йно есть, я́ко вои́стинну:

Светилен:

В ми́лости, Бла́же, при́зри Твои́м о́ком на моле́ние нас, сше́дшихся в храм Твой святы́й днесь, пома́зати боже́ственным еле́ем неду́гующия рабы́ Твоя́.

Затем поются стихиры, глас 4:

Дал еси́ благода́ть Твою́ Твои́ми, Благопремени́телю, апо́столы, Человеколю́бче, еле́ем святы́м Твои́м цели́ти всех я́звы же и неду́ги; те́мже к еле́ю Твоему́ ве́рно приступа́ющия и ны́не я́ко благоутро́бен освяти́, поми́луй, от вся́каго неду́га очи́сти, и пи́щи нетле́нныя Твоея́ сподо́би, Го́споди.

При́зри, Непостижи́ме, с Небесе́ я́ко Благоутро́бен, руко́ю неви́димою Твое́ю зна́менав, Человеколю́бче, на́ша чу́вства, еле́ем Твои́м боже́ственным, притека́ющим к Тебе́ ве́рно, и прося́щим прегреше́ний оставле́ние да́руй, и исцеле́ние душа́м и телесе́м, да любо́вию просла́вят Тя, велича́юще держа́ву Твою́.

Пома́занием еле́я Твоего́ и свяще́нников, Человеколю́бче, осяза́нием рабы́ Твоя́ освяти́ свы́ше, неду́гов свободи́, душе́вныя же скве́рны очи́сти, омы́й, Спа́се, и многоплете́нных собла́знов изба́ви; боле́зни утиши́, обстоя́ние отжени́ и ско́рби потреби́ я́ко Щедр и Благоутро́бен.

Сла́ва: И ны́не: Богородичен, глас тот же:

Тебе́ чисте́йшую Царе́ву Пала́ту молю́, Многопе́тая, ум мой очи́сти оскверне́нный вся́кими греха́ми, и жили́ще кра́сное Пребоже́ственныя Тро́ицы сотвори́, я́ко да си́лу Твою́ и безме́рную ми́лость велича́ю спаса́емый, непотре́бный раб Твой.Трисвятое. По О́тче наш:

Тропарь о болящих, глас 4:

Ско́pый в заступле́нии еди́н сый, Хpисте́, ско́pое свы́ше покажи́ посеще́ние стра́ждущим рабо́м Твои́м, изба́ви неду́гов и го́pьких боле́зней; воздви́гни во е́же пе́ти Тя и сла́вити непpеста́нно, моли́твами Богоpо́дицы, Еди́не Человеколю́бче.

Освящение елея

Ектения мирная с особыми прошениями:

О е́же благослови́тися еле́ю сему́ си́лою и де́йством и наи́тием Свята́го Ду́ха, Го́споду помо́лимся.

О рабе́х Бо́жиих (имярек)³, и о е́же в Бо́зе посеще́нии их, и е́же приити́ на них благода́ти Свята́го Ду́ха, Го́споду помо́лимся.

О е́же изба́витися им и нам от вся́кия ско́рби, гне́ва и ну́жды, Го́споду помо́лимся.

Заступи́, спаси́, поми́луй, и сохрани́ их и нас, Бо́же, Твое́ю благода́тию.

Пресвяту́ю, Пречи́стую, Преблагослове́нную:

Молитва освящения елея (читается поочередно всеми священниками):

Го́споди, ми́лостию и щедро́тами Твои́ми исцеля́яй сокруше́ния душ и теле́с на́ших, Сам, Влады́ко, освяти́ еле́й сей, я́коже бы́ти помазу́ющимся от него́ во исцеле́ние и в премене́ние вся́кия стра́сти, скве́рны пло́ти и ду́ха, и вся́каго зла: да и в сем просла́вится Твое́ Пресвято́е и́мя, Отца́ и Сы́на и Свята́го Ду́ха, ны́не, и при́сно, и во ве́ки веко́в. Ами́нь.

Во время чтения молитвы поются тропари:

Глас 4:

Ско́pый в заступле́нии еди́н сый, Хpисте́, ско́pое свы́ше покажи́ посеще́ние стра́ждущим рабо́м Твои́м, изба́ви неду́гов и го́pьких боле́зней; воздви́гни во е́же пе́ти Тя и сла́вити непpеста́нно, моли́твами Богоpо́дицы, Еди́не Человеколю́бче.

Душе́вныма очи́ма ослепле́н, к Тебе́, Христе́, прихожду́, я́коже слепы́й от рожде́ния, в покая́нии зову́ Тебе́: ми́лостив ми бу́ди, Еди́не Благопремени́телю.

Глас 3:

Ду́шу мою́, Го́споди, во гресе́х вся́ческих и безме́стными дея́ньми лю́те разсла́бленную, воздви́гни Боже́ственным Твои́м предста́тельством, я́коже и разсла́бленнаго воздви́гл еси́ дре́вле, да зову́ Ти спаса́емь: Ще́дрый, даждь ми, Христе́, исцеле́ние.

Глас 2:

Я́ко Госпо́день учени́к восприя́л еси́, пра́ведне, Ева́нгелие; я́ко му́ченик и́маши е́же неопи́санное; дерзнове́ние, я́ко бра́т Бо́жий; е́же моли́тися я́ко иера́рх. Моли́ Христа́ Бо́га спасти́ся душа́м на́шим.

Глас 4:

О́тчее Единоро́дное Бог Сло́во, прише́дшее к нам в после́дняя дни, Иа́кове боже́ственне, пе́рваго тя показа́ Иерусали́мляном па́стыря, и учи́теля, и ве́рнаго строи́теля та́инств духо́вных: те́мже тя вси́ чти́м, апо́столе.

Глас 3:

В Ми́рех, свя́те, священноде́йствитель показа́лся еси́: Христо́во бо, преподо́бне, Ева́нгелие испо́лнив, положи́л еси́ ду́шу твою́ о лю́дех твои́х, и спасл еси́ непови́нныя от сме́рти; сего́ ра́ди освяти́лся еси́, я́ко вели́кий таи́нник Бо́жия благода́ти.

Глас тот же:

Вели́ка обре́те в беда́х тя побо́рника вселе́нная, страстоте́рпче, язы́ки побежда́юща; я́коже у́бо Ли́еву низложи́л еси горды́ню, и на по́двиг дерзнове́нна сотвори́в Не́стора: та́ко, свя́те Дими́трие, Христу́ Бо́гу моли́ся, дарова́ти нам ве́лию ми́лость.

Глас тот же:

Страстоте́рпче святы́й и целе́бниче Пантелеи́моне, моли́ Ми́лостиваго Бо́га, да прегреше́ний оставле́ние пода́ст душа́м на́шим.

Глас 8:

Святи́и безсре́бреницы и чудотво́рцы, посети́те не́мощи на́ша: ту́не прия́сте, ту́не дади́те нам.

Глас 2:

Вели́чия твоя́, де́вственниче, кто пове́сть? То́чиши бо чудеса́, и излива́еши исцеле́ния, и мо́лишися о душа́х на́ших, я́ко Богосло́в и друг Христо́в.

Богородичен, глас тот же:

Моле́ние те́плое и стена́ необори́мая, ми́лости исто́чниче, ми́рови прибе́жище, приле́жно вопие́м Ти: Богоро́дице Влады́чице, предвари́, и от бед изба́ви нас, еди́на вско́ре предста́тельствующая.

Первое помазание

Прокимен, глас 1:

Бу́ди, Го́споди, ми́лость Твоя́ на нас, я́коже упова́хом на Тя.

Стих: Ра́дуйтеся, пра́веднии, о Го́споде, пра́вым подоба́ет похвала́.

Чтения из Священного Писания:

Из Соборного Послания ап. Иакова, зач. 57 (Иак.5:10–16)

Бра́тие, о́браз приими́те злострада́ния и долготерпе́ния – проро́ки, и́же глаго́лаша и́менем Госпо́дним. Се блажи́м терпя́щия: терпе́ние И́овле слы́шасте, и кончи́ну Госпо́дню ви́десте, я́ко Многоми́лостив есть Госпо́дь и Щедр. Пре́жде же всех, бра́тие моя́, не клени́теся ни не́бом, ни земле́ю, ни ино́ю ко́ею кля́твою; бу́ди же вам е́же ей, ей и е́же ни, ни: да не в лицеме́рие впаде́те. Злостра́ждет ли кто в вас: да моли́тву де́ет. Благоду́шествует ли кто: да пое́т. Боли́т ли кто в вас: да призове́т пресви́теры церко́вныя, и да моли́тву сотворя́т над ним, пома́завше его еле́ем во и́мя Госпо́дне. И моли́тва ве́ры спасе́т боля́щаго, и воздви́гнет его́ Госпо́дь; и а́ще грехи́ бу́дет сотвори́л, отпу́стятся ему́. Испове́дайте у́6o друг дру́гу согреше́ния, и моли́теся друг за дру́га, я́ко да исцеле́ете: мно́го бо мо́жет моли́тва пра́веднаго поспешеству́ема.

Аллилу́ия: глас 8.

Стих: Ми́лость и суд воспо́ю Тебе́, Го́споди.

Из Евангелия от Луки, зач. 53 (Лк.10:25–37)

Во вре́мя о́но, зако́нник не́кий приступи́ ко Иису́су, искуша́я Его́, и глаго́ля: Учи́телю, что сотвори́в живо́т ве́чный насле́дую? Он же рече́ к нему́: в зако́не что пи́сано есть, ка́ко чте́ши? Он же отвеща́в рече́: возлю́биши Го́спода Бо́га твоего́ от всего́ се́рдца твоего́, и от всея́ души́ твоея́, и все́ю кре́постию твое́ю, и всем помышле́нием твои́м; и бли́жняго своего́ я́ко сам себе́. Рече́ же ему́: пра́во отвеща́; сие́ сотвори́, и жив бу́деши. Он же хотя́ оправди́тися сам, рече́ ко Иису́су: и кто есть бли́жний мой? Отвеща́в же Иису́с рече́: челове́к не́кий схожда́ше от Иерусали́ма во Иерихо́н, и в разбо́йники впаде́, и́же совле́кше его́ и я́звы возло́жше отыдо́ша, оста́вльше е́ле жи́ва су́ща. По слу́чаю же свяще́нник не́кий схожда́ше путе́м тем; и ви́дев его́, мимои́де. Та́кожде же и леви́т, быв на том ме́сте, прише́д и ви́дев, мимои́де. Самаряни́н же не́кто гряды́й, прии́де над него́, и ви́дев его́, милосе́рдова; и присту́пль обвяза́ стру́пы его́, возлива́я ма́сло и вино́; всади́в же его́ на свой скот, приведе́ его́ в гости́нницу, и прилежа́ ему́. И нау́трия изше́д, изъе́м два сре́бреника, даде́ гости́ннику, и рече́ ему́: прилежи́ ему́, и е́же а́ще прииждиве́ши, аз, егда́ возвращу́ся, возда́м ти. Кто у́бо от тех трие́х бли́жний мнит ти ся бы́ти впа́дшему в разбо́йники? Он же рече́: сотвори́вый ми́лость с ним. Рече́ же ему́ Иису́с: иди́ и ты твори́ та́кожде.

Ектения сугубая о болящих.

Молитва 1-я

Безнача́льне, Ве́чне, Свя́те свя́тых, Единоро́днаго Твоего́ Сы́на низпосла́вый, исцеля́ющаго вся́кий неду́г, и вся́ку я́зю душ и теле́с на́ших, низпосли́ Свята́го Твоего́ Ду́ха и освяти́ еле́й сей, и сотвори́ и помазу́ющимся Твои́м рабо́м (имярек) в соверше́нное избавле́ние грехо́в их, в насле́дие Ца́рствия Небе́снаго.

Ты бо еси́ Бог ве́лий и ди́вен, храня́й заве́т Твой и ми́лость Твою́ лю́бящим Тя, дая́й избавле́ние грехо́в Святы́м Твои́м О́троком Иису́сом Христо́м; па́ки рожде́й нас от греха́; просвеща́яй слепы́я, исправля́яй низве́рженныя, любя́й пра́ведныя и гре́шныя ми́луяй; па́ки изведы́й нас от тьмы и се́ни сме́ртныя, глаго́ляй су́щим во у́зах: изы́дите, и су́щим во тьме: откры́йтеся. Возсия́ бо в сердца́х на́ших свет ве́дения лица́ Его́, отне́лиже нас ра́ди на земли́ яви́лся есть, и с челове́ки поживе́; прие́мшим Тя дал есть власть ча́дом Бо́жиим бы́ти, ба́нею пакибыти́я сыноположе́ние нам дарова́л есть, и неприча́стны нас сотвори́л есть от наси́льства диа́воля; поне́же не благоволи́л еси́ κρо́вию очи́ститися, но еле́ем святы́м дал еси́ о́браз Креста́ Его́, во е́же бы́ти нам Христо́ву ста́ду, ца́рскому свяще́нию, язы́ку свято́му, и очи́стивый ны водо́ю, и освяти́вый Ду́хом Твои́м Святы́м. Сам, Влады́ко Го́споди, даждь благода́ть нам в служе́ние Твое́ сие́, я́коже дал еси́ Моисе́ю уго́днику Твоему́, и Самуи́лу возлю́бленному Твоему́, и Иоа́нну избра́нному Твоему́, и всем во вся́ком ро́де и ро́де благоугоди́вшим Тебе́; си́це сотвори́ и нас бы́ти служи́телей Но́ваго Твоего́ Заве́та над еле́ем сим, его́же усво́ил еси́ Честно́ю Кро́вию Христа́ Твоего́; да совле́кшеся мирски́х похоте́й, у́мрем греху́, и поживе́м пра́вде, обле́кшеся в Него́ пома́занием освяще́ния хотя́щаго еле́я навести́ся. Бу́ди, Го́споди, еле́й сей – еле́й ра́дования, еле́й освяще́ния, оде́жда ца́рская, броня́ си́лы, вся́каго диа́вольскаго де́йства отгна́ние, печа́ть ненаве́тная, ра́дование се́рдца, весе́лие ве́чное. Да и сим помазу́емии па́ки рожде́ния стра́шни бу́дут сопроти́вным, и возсия́ют во све́тлостех Святы́х Твои́х, не иму́ще скве́рны или́ вра́ски; и да прии́мутся в ве́чная Твоя́ упокое́ния, и восприи́мут по́честь го́рняго зва́ния.

Твое́ бо есть, е́же ми́ловати и спаса́ти ны, Бо́же наш: и Тебе́ сла́ву возсыла́ем со Единоро́дным Твои́м Сы́ном и Пресвяты́м, и Благи́м, и Животворя́щим Твои́м Ду́хом, ны́не, и при́сно, и во ве́ки веко́в. Ами́нь.

Молитва помазания (читается во время помазания):

О́тче Святы́й, Врачу́ душ и теле́с, посла́вый Единоро́днаго Твоего́ Сы́на, Го́спода на́шего Иису́са Христа́, вся́кий неду́г исцеля́ющаго, и от сме́рти избавля́ющаго, исцели́ и рабы́ Твоя́ (имярек) от обдержа́щия их теле́сныя и душе́вныя не́мощи, и оживотвори́ их благода́тию Христа́ Твоего́; моли́твами Пресвяты́я Влады́чицы на́шея Богоро́дицы и Присноде́вы Мари́и; предста́тельствы честны́х Небе́сных Сил безпло́тных; си́лою Честна́го и Животворя́щаго Креста́; честна́го сла́внаго проро́ка, Предте́чи и Крести́теля Иоа́нна; святы́х сла́вных и всехва́льных апо́столов; святы́х сла́вных и добропобе́дных му́чеников; препо́добных и богоно́сных оте́ц на́ших; святы́х и исцели́телей безсре́бреников Космы́ и Дамиа́на, Ки́ра и Иоа́нна, Пантелеи́мона и Ермола́я, Сампсо́на и Диоми́да, Фо́тия и Аники́ты; святы́х и пра́ведных богооте́ц Иоаки́ма и А́нны, и всех святы́х. Я́ко Ты еси́ Источни́к исцеле́ний, Бо́же наш, и Тебе́ сла́ву возсыла́ем со Единоро́дным Твои́м Сы́ном и Единосу́щным Твои́м Ду́хом, ны́не, и при́сно, и во ве́ки веко́в. Ами́нь.

Помазание второе

Прокимен, глас 2:

Кре́пость моя́ и пе́ние мое́ Госпо́дь, и бысть мне во спасе́ние.

Стих: Наказу́я наказа́ мя Госпо́дь, сме́рти же не предаде́ мя.

Чтения из Священного Писания:

Из Послания к Римлянам св. апостола Павла, зач. 116 (Рим.15:1–7)

Бра́тие, до́лжни есмы́ мы си́льнии не́мощи немощны́х носи́ти, и не себе́ угожда́ти. Ки́йждо же вас бли́жнему да угожда́ет во благо́е к созида́нию. И́бо и Христо́с не Себе́ угоди́, но я́коже есть пи́сано: поноше́ния понося́щих Тебе́ нападо́ша на Мя. Ели́ка бо преднапи́сана бы́ша, в на́ше наказа́ние преднаписа́шася, да терпе́нием и утеше́нием Писа́ний упова́ние и́мамы. Бог же терпе́ния и утеше́ния да даст вам то́жде му́дрствовати друг ко дру́гу о Христе́ Иису́се; да единоду́шно еди́ными усты́ сла́вите Бо́га и Отца́ Го́спода на́шего Иису́са Христа́. Те́мже прие́млите друг дру́га, я́коже и Христо́с прия́т вас во сла́ву Бо́жию.

Аллилу́ия: глас 5.

Стих: Ми́лости Твоя́, Го́споди, во век воспою́.

Из Евангелия от Луки, зач. 94 (Лк.19:1–10)

Во вре́мя о́но, прии́де Иису́с во Иерихо́н. И се муж нарица́емый Закхе́й; и сей бе ста́рей мытаре́м, и той бе бога́т. И иска́ше ви́дети Иису́са, Кто есть; и не можа́ше от наро́да, яко во́зрастом мал бе. И предыте́к, возле́зе на я́годичину, да ви́дит: я́ко хотя́ше ми́мо ея́ проити́. И я́ко прии́де на ме́сто, воззре́в Иису́с, ви́дев его́, и рече́ к нему́: Закхе́е, потща́вся сле́зи, днесь бо в дому́ твое́м подоба́ет Ми бы́ти. И потща́вся сле́зе, и прия́т Его́ ра́дуяся. И ви́девше вси ропта́ху, глаго́люще, я́ко ко гре́шну му́жу вни́де вита́ти. Став же Закхе́й, рече́ ко Го́споду: се, пол име́ния моего́, Го́споди, дам ни́щим, и а́ще кого́ чим оби́дех, возвращу́ четвери́цею. Рече́ же к нему́ Иису́с: я́ко днесь спасе́ние дому сему́ бысть; зане́ и сей сын Авраа́мль есть. Прии́де бо Сын Челове́чь взыска́ти и спасти́ поги́бшаго.

Ектения сугубая о болящих.

Молитва 2-я:

Бо́же Вели́кий и Вы́шний, от всея́ тва́ри покланя́емый, прему́дрости Исто́чниче, бла́гости вои́стинну неизсле́димая Бе́здно и благоутро́бия неопределя́емая пучи́но; Сам, Человеколю́бче Влады́ко, преве́чных и ди́вных Бо́же, Его́же никто́же от челове́к помышля́яй мо́жет пости́гнути, при́зри, услы́ши нас недосто́йных рабо́в Твои́х, и иде́же о вели́цем и́мени Твое́м еле́й сей прино́сим, низпосли́ Твоего́ да́ра исцеле́ния, и оставле́ние грехо́в; и исцели́ я во мно́жестве ми́лости Твоея́. Ей, Го́споди Благопремени́телю, Еди́не Ми́лостиве и Человеколю́бче, ка́яйся о зло́бах на́ших; ве́дый, я́ко належи́т по́мысл челове́ка на лука́вая от ю́ности его́; не хотя́й сме́рти гре́шника, но я́ко обрати́тися и жи́ву бы́ти ему́; гре́шных ра́ди спасе́ния вочелове́чивыйся Бог сый, и созда́выйся за созда́ние Твое́. Ты еси́ реки́й: не приидо́х призва́ти пра́ведныя, но гре́шныя в покая́ние; Ты еси́, овча́ взыска́вый заблу́ждшее; Ты еси́, поги́бшую дра́хму приле́жно взыска́вый и обреты́й. Ты еси́ реки́й, я́ко гряду́щаго ко Мне не изжену́ вон; Ты еси́, И́же блудни́цы честне́и Твои́ но́зе слеза́ми омочи́вшия не возгнуша́выйся; Ты еси́ реки́й: ели́жды а́ще паде́ши, воста́ни, и спасе́шися; Ты еси́ реки́й: я́ко ра́дость быва́ет на небеси́ о еди́ном гре́шнице ка́ющемся. Сам при́зри, благоутро́бный Влады́ко, с высоты́ святы́я Твоея́, соосени́в нас гре́шных и недосто́йных рабо́в Твои́х благода́тию Свята́го Ду́ха в час сей, и всели́ в рабы́ Твоя́ (имярек), позна́вшия своя́ согреше́ния, и присту́пльшия к Тебе́ ве́рою; и прии́м Свои́м Ти человеколю́бием, а́ще что согреши́ли суть сло́вом, или́ де́лом, или́ помышле́нием, прости́в очи́сти я и чи́сты сотвори́ от вся́каго греха́, и при́сно спребыва́я им, сохрани́ про́чее ле́то живота́ их ходя́щих во оправда́ниих Твои́х, во е́же не ктому́ бы́ти им посмея́ние диа́волу: я́ко да и в них просла́вится Пресвято́е и́мя Твое́.

Твое́ бо есть, е́же ми́ловати и спаса́ти ны, Христе́ Бо́же, и Тебе́ сла́ву возсыла́ем со Безнача́льным Твои́м Отце́м и Пресвяты́м, и Благи́м, и Животворя́щим Твои́м Ду́хом, ны́не, и при́сно, и во ве́ки веко́в. Ами́нь.

И молитва помазания: О́тче Святы́й, Врачу́ душ и теле́с:

Помазание третье

Прокимен, глас 3:

Госпо́дь Просвеще́ние мое́ и Спаси́тель мой, ко́го убою́ся?

Стих: Госпо́дь Защи́титель живота́ моего́, от кого́ устрашу́ся?

Чтения из Священного Писания:

Из Послания к Коринфянам св. апостола Павла, зач. 153 (1Кор.12:27 – 13:8)

Бра́тие, вы есте́ Те́ло Христо́во, и у́ди от ча́сти. И о́вы у́бо положи́ Бог в Це́ркви пе́рвее апо́столы, второ́е проро́ки, тре́тие учи́тели; пото́м же си́лы, та́же дарова́ния исцеле́ний, заступле́ния, правле́ния, ро́ди язы́ков. Еда́ вси апо́столи? еда́ вси пρορо́цы? еда́ вси учи́тели? еда́ вси си́лы? еда́ вси дарова́ния и́мут исцеле́ний? еда́ вси язы́ки глаго́лют? еда́ вси сказу́ют? Ревну́йте же дарова́ний бо́льших; и еще́ по превосхожде́нию путь вам показу́ю. А́ще язы́ки челове́ческими глаго́лю и а́нгельскими, любве́ же не и́мам, бых я́ко медь звеня́щи, или́ кимва́л звяца́яй. И а́ще и́мам проро́чество и вем та́йны вся, и весь ра́зум; и а́ще и́мам всю ве́ру, я́ко и го́ры преставля́ти, любве́ же не и́мам, ничто́же есмь. И а́ще разда́м вся име́ния моя́, и а́ще преда́м те́ло мое́, во е́же сжещи́ е, любве́ же не и́мам, ника́я по́льза ми есть. Любы́ долготе́рпит, милосе́рдствует; любы́ не зави́дит; любы́ не превозно́сится, не горди́тся; не безчи́нствует, не и́щет своя́ си, не раздража́ется, не мы́слит зла; не ра́дуется о непра́вде, ра́дуется же о и́стине; вся лю́бит, всему́ ве́ру е́млет, вся упова́ет, вся терпи́т; любы́ николи́же отпада́ет.

Аллилу́ия: глас 2.

Стих: На Тя, Го́споди, упова́х, да не постыжу́ся во век.

Из Евангелия от Матфея, зач. 34 (Мф.10:1, 5–8)

Во вре́мя о́но, призва́в Иису́с обана́десять ученики́ Своя́, даде́ им власть на ду́сех нечи́стых, я́ко да изго́нят их, и цели́ти всяк неду́г и вся́ку боле́знь. Сия́ обана́десять посла́ Иису́с, запове́да им, глаго́ля: на путь язык не иди́те, и во град самаря́нский не вни́дите. Иди́те же па́че ко овца́м поги́бшим до́му Изра́илева. Ходя́ще же пропове́дуйте, глаго́люще: я́ко прибли́жися Ца́рствие Небе́сное. Боля́щия исцеля́йте, прокаже́нныя очища́йте, ме́ртвыя воскреша́йте, бе́сы изгоня́йте; ту́не прия́сте, ту́не дади́те.

Ектения сугубая о болящих.

Молитва 3-я:

Влады́ко Вседержи́телю, Святы́й Царю́, наказу́яй и не умерщвля́яй, утвержда́яй низпа́дающия, и возводя́й низве́рженныя, теле́сныя ско́рби исправля́яй челове́ков; мо́лимся Тебе́, Бо́же наш, я́ко да наведе́ши ми́лость Твою́ на еле́й сей и на помазую́щихся от него́ во и́мя Твое́: да бу́дет им во исцеле́ние души́ же и те́ла, и во очище́ние и измене́ние вся́кия стра́сти, и вся́каго неду́га, и я́зи, и вся́кия скве́рны пло́ти и ду́ха. Ей, Го́споди, враче́бную Твою́ си́лу с Небесе́ низпосли́, прикосни́ся телеси́, угаси́ огне́вицу, укроти́ стра́сть, и вся́кую не́мощь тая́щуюся. Бу́ди врач раб Твои́х (имярек), воздви́гни их от одра́ боле́зненнаго, и от ло́жа озлобле́ния це́лых и всесоверше́нных, да́руй их Це́ркви Твое́й благоугожда́ющих и творя́щих во́лю Твою́.

Твое́ бо есть, е́же ми́ловати и спаса́ти ны, Бо́же наш: и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не, и при́сно, и во ве́ки веко́в. Ами́нь.

И молитва помазания: О́тче Святы́й, Врачу́ душ и теле́с:

Помазание четвертое

Прокимен, глас 4:

Во́ньже а́ще день призову́ Тя, ско́ро услы́ши мя.

Стих: Го́споди, услы́ши моли́тву мою́ и вопль мой.

Чтения из Священного Писания:

Из Послания к Коринфянам св. апостола Павла, эач. 182 с середины (2Кор.6:16 – 7:1)

Бра́тие, вы есте́ це́ркви Бо́га Жи́ва, я́коже рече́ Бог, я́ко вселю́ся в них и похожду́, и бу́ду им Бог, и ти́и бу́дут Мне лю́дие. Те́мже изыди́те от среды́ их, и отлучи́теся, глаго́лет Госпо́дь, и нечистоте́ не прикаса́йтеся, и Аз прииму́ вы. И бу́ду вам во Отца́, и вы бу́дете Мне в сы́ны и дще́ри, глаго́лет Госпо́дь Вседержи́тель. Сицева́ у́бо иму́ще обетова́ния, о возлю́бленнии, очи́стим себе́ от вся́кия скве́рны пло́ти и ду́ха, творя́ще святы́ню в стра́се Бо́жии.

Аллилу́ия: глас 2.

Стих: Терпя́ потерпе́х Го́спода, и внят ми.

Из Евангелия от Матфея, зач. 26 (Мф.8:14–23)

Во вре́мя о́но, прише́д Иису́с в дом Петро́в, ви́де те́щу его́ лежа́щу и огне́м жего́му. И прикосну́ся руце́ ея́, и оста́ви ю огнь; и воста́, и служа́ше Ему́. По́зде же бы́вшу, приведо́ша к Нему́ бе́сны мно́ги, и изгна́ ду́хи сло́вом, и вся боля́щия исцели́. Да сбу́дется рече́нное Иса́ием проро́ком глаго́лющим: Той неду́ги на́ша прия́т, и боле́зни понесе́. Ви́дев же Иису́с мно́ги наро́ды о́крест Себе́, повеле́ ити́ на он пол. И присту́пль еди́н кн́жник, рече́ Ему́: Учи́телю, иду́ по Тебе́, а́може а́ще и́деши. Глаго́ла ему́ Иису́с: ли́си я́звины и́мут, и пти́цы небе́сныя гне́зда; Сын же Челове́ческий не и́мать где главы́ подклони́ти. Други́й же от учени́к Его́ рече́ Ему́: Го́споди, повели́ ми пре́жде ити́ и погребсти́ отца́ моего́. Иису́с же рече́ ему́: гряди́ по Мне, и оста́ви ме́ртвых погребсти́ своя́ мертвецы́. И вле́зшу Ему́ в кора́бль, по Нем идо́ша ученицы́ Его́.

Ектения сугубая о болящих.

Молитва 4-я:

Бла́же и Человеколю́бче, благоутро́бне и многоми́лостиве Го́споди, мно́гий в ми́лости, и бога́тый в благосты́ни, О́тче щедро́т, и Бо́же вся́каго утеше́ния, укрепи́вый ны святы́ми Твои́ми апо́столами еле́ем с моли́твою не́мощи люде́й цели́ти; Сам и еле́й сей вчини́ в цельбу́ от него́ помазу́ющимся, в премене́ние вся́каго неду́га и вся́кия я́зи, во избавле́ние зол ча́ющим е́же от Тебе́ спасе́ния. Ей, Влады́ко, Го́споди Бо́же наш, мо́лим Ти ся, Всеси́льне, е́же спасти́ вся ны, Еди́не душ же и теле́с Врачу́, освяти́ вся ны; всяк неду́г исцеля́яй, исцели́ и рабо́в Твои́х (имярек), воздви́гни их от одра́ боле́зненнаго ми́лостию Твоея́ бла́гости, посети́ их ми́лостию и щедро́тами Твои́ми; отжени́ от них вся́кую боле́знь и не́мощь, я́ко да воста́вше руко́ю Твое́ю кре́пкою, порабо́тают Тебе́ со вся́ким благодаре́нием; я́ко да и ны́не причаща́ющеся Твоего́ неизглаго́ланнаго человеколю́бия, пое́м и сла́вим Тя, творя́щаго вели́кая и чу́дная, сла́вная же и изря́дная.

Твое́ бо есть, е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не, и при́сно, и во ве́ки веко́в. Ами́нь.

И молитва помазания: О́тче Святы́й, Врачу́ душ и теле́с:

Помазание пятое

Прокимен, глас 5:

Ты, Го́споди, сохрани́ши ны и соблюде́ши ны от ро́да сего́ и во век.

Стих: Спаси́ мя, Го́споди, я́ко оскуде́ преподо́бный.

Чтения из Священного Писания:

Из Послания к Коринфянам св. апостола Павла, зач. 168 (2Кор.1:8–11)

Бра́тие, не хощу́ вас не ве́дети о ско́рби на́шей, бы́вшей нам во Аси́и, я́ко попремно́гу и па́че си́лы отяготи́хомся, я́ко не наде́ятися нам и жи́ти. Но са́ми в себе́ осужде́ние сме́рти име́хом; да не наде́ющеся бу́дем на ся, но на Бо́га возставля́ющаго ме́ртвыя; И́же от толи́кия сме́рти изба́вил ны есть, и избавля́ет; На́ньже и упова́хом, я́ко и еще́ изба́вит; поспеша́ющим и вам по нас моли́твою; да от мног лиц е́же в нас дарова́ние мно́гими благодари́тся о вас.

Аллилу́ия: глас 6.

Стих: Ми́лости Твоя́, Го́споди, во век воспою́.

Из Евангелия от Матфея, зач. 104 (Мф.25:1–13)

Рече́ Госпо́дь при́тчу сию́: уподо́бися Ца́рствие Небе́сное десяти́м де́вам, я́же прия́ша свети́льники своя́, и изыдо́ша в сре́тение жениху́. Пять же бе от них мудры́, и пять юро́дивы. Юро́дивыя же, прие́мше свети́льники своя́, не взя́ша с собо́ю еле́я. Му́дрыя же прия́ша еле́й в сосу́дех, со свети́льники свои́ми. Косня́щу же жениху́, воздрема́шася вся, и спа́ху. Полу́нощи же вопль бысть: се, жени́х гряде́т, исходи́те в сре́тение его́. Тогда́ возста́вше вся де́вы ты́я, и украси́ша свети́льники своя́. Юро́дивыя же му́дрым ре́ша: дади́те нам от еле́я ва́шего, я́ко свети́льницы на́ши угаса́ют. Отвеща́ша же му́дрыя, глаго́люще: еда́ ка́ко не доста́нет нам и вам? иди́те же па́че к продаю́щим и купи́те себе́. Иду́щим же им купи́ти, прии́де жени́х и гото́выя внидо́ша с ним на бра́ки; и затворе́ны бы́ша две́ри. Последи́ же приидо́ша и про́чия де́вы, глаго́люще: Го́споди, Го́споди, отве́рзи нам. Он же отвеща́в, рече́ им: ами́нь глаго́лю вам, не вем вас. Бди́те у́бо, я́ко не ве́сте дне, ни часа́, во́ньже Сын Челове́ческий прии́дет.

Ектения сугубая о болящих.

Молитва 5-я:

Го́споди Бо́же наш, наказу́яй и па́ки исцеля́яй, воздвиза́яй от земли́ ни́ща и от гно́ища возвыша́яй убо́гаго; сиро́т О́тче, и обурева́емых Приста́нище, и неду́гующих Врачу́; не́мощи на́ша боле́зненно нося́й, и неду́ги на́ша прие́мляй; в ти́хости ми́луяй, превосходя́й беззако́ния, и изыма́яй непра́вды, ско́рый в по́мощь, и ко́сный во гнев; ду́нувый на Своя́ ученики́, и реки́й: приими́те Ду́ха Свята́го; и́мже а́ще оста́вите грехи́, оста́вятся им; прие́мляй гре́шных покая́ние, и власть име́яй проща́ти грехи́ мно́гия и лю́тыя; и исцеле́ние подава́я всем, в не́мощи и долгонеду́жии пребыва́ющим; и́же мене́ смире́ннаго и гре́шнаго и недосто́йнаго раба́ Твоего́, во мно́зех гресе́х сплете́ннаго и страстьми́ сласте́й валя́ющагося, призва́вый во святы́й и превелича́йший сте́пень свяще́нства, и вни́ти во вну́треннее заве́сы, во Свята́я Святы́х, иде́же прини́кнути святи́и А́нгели жела́ют, и слы́шати ева́нгельский глас Го́спода Бо́га, и зре́ти самозра́чне лице́ Свята́го Возноше́ния, и наслажда́тися боже́ственныя и свяще́нныя Литурги́и. Сподо́бивый мя священноде́йствовати Пренебе́сныя Твоя́ Та́йны, и приноси́ти Тебе́ да́ры же и же́ртвы о на́ших гресе́х и людски́х неве́жествиих, и хода́тайствовати о слове́сных Твои́х овца́х, да мно́гим и неизрече́нным Твои́м человеколю́бием прегреше́ния их очи́стиши. Сам, Преблаги́й Царю́, внуши́ моли́тву мою́ в сей час же и святы́й день, и на вся́кое вре́мя и ме́сто; и вонми́ гла́су моле́ния моего́, и рабо́м Твои́м (имярек), в не́мощи душе́вной и теле́сной су́щим, исцеле́ние да́руй, подая́ им оставле́ние грехо́в, и проще́ние согреше́ний во́льных же и нево́льных; уврачу́й их я́звы неисце́льныя, вся́кий же неду́г и вся́кую я́зю, да́руй им душе́вное исцеле́ние. Прикосну́выйся те́щи Петро́ве, и оста́ви ю огне́вица, и воста́ и cлyжа́шe Тебе́: Сам, Влады́ко, и рабо́м Твои́м (имярек) пода́ждь врачева́ние, и премене́ние вся́кия тлетво́рныя боле́зни, и помяни́ бога́тыя Твоя́ щедро́ты, и ми́лость Твою́. Помяни́, я́ко приле́жно належи́т помышле́ние челове́ка на лука́вая от ю́ности его́, и ни еди́н обрета́ется безгре́шен на земли́; Ты бо Еди́н кроме́ греха́ еси́, прише́дый и спасы́й челове́ческий род, и свободи́вый нас от рабо́ты вра́жия. А́ще бо в суд вни́деши с рабы́ Твои́ми, никто́же обря́щется чист от скве́рны; но вся́кая уста́ заградя́тся, не иму́щая что отвеща́ти, зане́ я́коже руб пове́рженный, вся́кая пра́вда на́ша пред Тобо́ю. Сего́ ра́ди грехи́ ю́ности на́шея не помяни́, Го́споди.

Ты бо еси́ Наде́жда ненаде́ющихся, и Упокое́ние тружда́ющихся и обремене́нных в беззако́ниих, и Тебе́ сла́ву возсыла́ем со Безнача́льным Твои́м Отце́м и Пресвяты́м, и Благи́м, и Животворя́щим Твои́м Ду́хом, ны́не, и при́сно, и во ве́ки веко́в. Ами́нь.

И молитва помазания: О́тче Святы́й, Врачу́ душ и теле́с:

Помазание шестое

Прокимен, глас 6:

Поми́луй мя, Бо́же, по вели́цей ми́лости Твое́й.

Стих: Се́рдце чи́сто сози́жди во мне, Бо́же, и дух прав обнови́ во утро́бе мое́й.

Чтения из Священного Писания:

Из Послания к Галатам св. апостола Павла, зач. 213 (Гал.5:22 – 6:2)

Бра́тие, плод духо́вный есть: любы́, ра́дость, мир, долготерпе́ние, бла́гость, милосе́рдие, ве́ра, кро́тость, воздержа́ние; на таковы́х несть зако́на. А и́же Христо́вы суть, плоть распя́ша со страстьми́ и похотьми́. А́ще живе́м ду́хом, ду́хом и да хо́дим. Не быва́им тщесла́вни, друг дру́га раздража́юще, друг дру́гу зави́дяще. Бра́тие, а́ще и впаде́т челове́к в не́кое прегреше́ние, вы духо́внии исправля́йте такова́го ду́хом кро́тости; блюды́й себе́, да не и ты искуше́н бу́деши. Друг дру́га тяготы́ носи́те, и та́ко испо́лните зако́н Христо́в.

Аллилу́ия: глас 6.

Стих: Блаже́н муж боя́йся Го́спода, в за́поведех Его́ восхо́щет зело́.

Из Евангелия от Матфея, зач. 62 (Мф.15:21–28)

Во вре́мя о́но, вни́де Иису́с во страны́ Ти́рския и Сидо́нския. И се, жена́ Ханане́йска от преде́л тех изши́дши, возопи́ к Нему́, глаго́лющи: поми́луй мя, Го́споди, Сы́не Дави́дов: дщи моя́ зле бесну́ется. Он же не отвеща́ ей словесе́. И присту́пльше ученицы́ Его́, моля́ху Его́, глаго́люще: отпусти́ ю, я́ко вопие́т в след нас. Он же отвеща́в рече́: несмь по́слан, то́кмо ко овца́м поги́бшим до́му Изра́илева. Она́ же прише́дши поклони́ся Ему́, глаго́лющи: Го́споди, помози́ ми. Он же отвеща́в рече́: несть добро́ отъя́ти хле́ба ча́дом, и поврещи́ псом. Она́ же рече́: ей, Го́споди, и́бо и пси ядя́т от крупи́ц па́дающих от трапе́зы господе́й свои́х. Тогда́ отвеща́в Иису́с, рече́ ей: о, же́но, ве́лия ве́ра твоя́, бу́ди тебе́, я́коже хо́щеши. И исцеле́ дщи ея́ от того́ часа́.

Ектения сугубая о болящих.

Молитва 6-я:

Благодари́м Тя, Го́споди Боже наш, благи́й Человеколю́бче и Врачу́ душ и теле́с на́ших, неду́ги на́ша неболе́зненно нося́й, Его́же я́звою вси исцеле́хом; Па́стырю до́брый, на взыска́ние прише́дый заблу́ждшаго овча́те; малоду́шным дая́й утеше́ние, и живо́т сокруше́нным; исто́чник кровоточи́выя дванадесятоле́тен бы́вший исцели́вый; дщерь Ханане́ину от лю́таго де́мона свободи́вый; долг дарова́вый двема́ должнико́ма, и гре́шной жене́ оставле́ние да́вый; исцеле́ние разсла́бленному дарова́вый, со оставле́нием грехо́в его́; мытаря́ сло́вом оправда́вый, и разбо́йника в после́днем его́ испове́дании прие́мый; грехи́ ми́ра взе́мый, и на Кресте́ пригвозди́вый; Тебе́ мо́лимся и Тебе́ про́сим: в бла́гости Твое́й Сам осла́би, оста́ви, прости́, Бо́же, беззако́ния, и грехи́ раб Твои́х (имярек), согреше́ния их во́льная и нево́льная, я́же в ве́дении и не в ве́дении, я́же в преступле́нии, и в преслуша́нии, я́же в нощи́ и во дни; или́ в кля́тве свяще́нничестей, или́ о́тчи, или́ ма́терии бы́ша; или́ очи́ма воззре́нием, или́ ве́ждома помава́нием; или́ прилежа́нием любоде́йства, или́ вкуше́нием блуда́; или́ в ко́ем-лю́бо движе́нии пло́ти и ду́ха, отчужди́шася хоте́ния Твоего́, и Твоея́ Святы́ни. А́ще же согреши́ша ти́и же и мы, я́ко Благ и Непамятозло́бивый Бог и Человеколю́бец прости́, не оставля́я их и нас в скве́рное житие́ впа́сти, ниже́ в па́губныя пути́ тещи́. Ей, Влады́ко Го́споди, услы́ши мя гре́шнаго в час сей за рабо́в Твои́х (имярек), и пре́зри я́ко непамятозло́бивый Бог согреше́ния их вся; свободи́ их от ве́чныя му́ки; уста́ их Твоего́ хвале́ния испо́лни; устне́ их отве́рзи к славосло́вию и́мене Твоего́; ру́це их простри́ к де́ланию за́поведей Твои́х; но́зе их к тече́нию благовествова́ния Твоего́ испра́ви; вся их у́ды и мы́сли Твое́ю укрепля́я благода́тию. Ты бо еси́ Бог наш, святы́ми Твои́ми апо́столы запове́давый нам, глаго́ля: ели́ка а́ще свя́жете на земли́, бу́дут свя́зана на небесе́х; и ели́ка а́ще разрешите́ на земли́, буду́т разреше́на на небесе́х. И па́ки: и́хже а́ще оста́вите грехи́, оставя́тся им, и́хже а́ще держите́, удержа́тся. И я́коже услы́шал еси́ Езеки́ю в ско́рби души́ его́, в час сме́рти его́, и не презре́л еси́ моле́ния его́; та́кожде и мене́ смире́ннаго и гре́шнаго и недосто́йнаго раба́ Твоего́ услы́ши в час сей!

Ты бо еси́, Го́споди Иису́се Христе́, се́дмьдесят крат седмери́цею оставля́ти па́дающим в грехи́ повеле́вый, Твое́ю бла́гостию и человеколю́бием; и ка́яйся о зло́бах на́ших, и ра́дуяйся о обраще́нии заблужде́нных; зане́ я́ко вели́чество Твое́, та́ко и ми́лость Твоя́: и Тебе́ сла́ву возсыла́ем со Безнача́льным Твои́м Отце́м и Пресвяты́м, и Благи́м, и Животворя́щим Твои́м Ду́хом, ны́не, и при́сно, и во ве́ки веко́в. Ами́нь.

И молитва помазания: О́тче Святы́й, Врачу́ душ и теле́с:

Помазание седьмое

Прокимен, глас 7:

Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́.

Стих: Поми́луй мя, Го́споди, я́ко не́мощен есмь.

Чтения из Священного Писания:

Из Послания к Солунянам св. апостола Павла, зач. 273 (1Фес.5:14–23)

Бра́тие, мо́лим вы, вразумля́йте безчи́нныя, утеша́йте малоду́шныя, заступа́йте немощны́я, долготерпи́те ко всем. Блюди́те, да никто́же зла за зло кому́ возда́ст; но всегда́ до́брое гони́те, и друг ко дру́гу, и ко всем. Всегда́ ра́дуйтеся; непреста́нно моли́теся. О всем благодари́те: сия́ бо есть во́ля Бо́жия о Христе́ Иису́се в вас. Ду́ха не угаша́йте; проро́чествия не уничижа́йте. Вся́ же искуша́юще, до́брая держи́те; от вся́кия ве́щи злы́я отгреба́йтеся. Сам же Бог ми́ра да освяти́т вы всесоверше́нны о всем, и всесоверше́н ваш дух, и душа́, и те́ло непоро́чно в прише́ствие Го́спода на́шего Иисуса́ Христа́ да сохрани́тся.

Аллилу́ия: глас 7.

Стих: Услы́шит тя Госпо́дь в день печа́ли, защи́тит тя и́мя Бо́га Иа́ковля.

Из Евангелия от Матфея, зач. 30 (Мф.9:9–13)

Во вре́мя о́но, преходя́ Ииcу́c, ви́де челове́ка седя́ща на мы́тнице, Матфе́я глаго́лема, и глаго́ла ему́: по Мне гряди́. И воста́в по Нем и́де. И бысть Ему́ возле́жащу в дому́, и се, мно́зи мытари́ и гре́шницы прише́дше возлежа́ху со Иису́сом, и со ученики́ Его́. И ви́девше фарисе́е, глаго́лаху ученико́м Его́: почто́ с мытари́ и гре́шники Учи́тель ваш яст и пие́т? Иису́с же слы́шав рече́ им: не тре́буют здра́вии врача́, но боля́щии. Ше́дше же научи́теся, что есть: ми́лости хощу́, а не же́ртвы; не приидо́х бо призва́ти пра́ведники, но гре́шники на покая́ние.

Ектения сугубая о болящих.

Молитва 7-я:

Влады́ко Го́споди Бо́же наш, Врачу́ душ и теле́с, вре́менныя стра́сти уврачева́вый, исцеля́яй всяк неду́г и вся́кую я́зю в лю́дех, хотя́й всем челове́ком спасти́ся, и в позна́ние и́стины приити́, не хотя́й сме́рти гре́шника, но я́ко обрати́тися, и жи́ву бы́ти ему́. Ты бо, Го́споди, в Ве́тхом Заве́те положи́л еси́ покая́ние гре́шным, Дави́ду, и Ниневи́тяном, и пре́жде тех бы́вшим; но и во прише́ствии плотска́го Твоего́ смотре́ния не призва́л еси́ пра́ведныя, но гре́шныя в покая́ние; я́коже мытаря́, якоже блудни́цу, разбо́йника, и ху́льнаго гони́теля, вели́каго Па́вла покая́нием прие́мый. Петра́ верхо́внаго и апо́стола Твоего́, отве́ргшагося Тебе́ три́жды, покая́нием прия́л еси́, и обеща́л еси́ ему́, глаго́ля: ты еси́ Петр, и на сем ка́мени сози́жду Це́рковь Мою́, и врата́ а́дова не одоле́ют ей, и дам тебе́ ключи́ Ца́рствия Небе́снаго. Сего́ ра́ди и мы, Бла́же и Человеколю́бче, по нело́жным Твои́м обеща́нием дерза́юще, мо́лимся Тебе́, и про́сим в час сей: услы́ши моле́ние на́ше, и приими́ е, я́коже кади́ло приноси́мое Тебе́, и посети́ рабо́в Твои́х (имярек), и а́ще что согреши́ша сло́вом, или́ де́лом, или́ помышле́нием, или́ в нощи́, или́ во дни; или́ под кля́тву свяще́нническую, или́ своему́ прокля́тию подпадо́ша; или́ кля́твою огорчи́шася, и прокля́ша себе́; Тебе́ про́сим, и Тебе́ мо́лимся: оста́ви, прости́ им, Бо́же, презира́я беззако́ния их и грехи́, и я́же в ве́дении и не в ве́дении бы́вшая от них. И а́ще что от за́поведей Твои́х преступи́ша, или́ согреши́ша, я́ко плоть нося́ще, и в ми́ре живу́ще, или́ от де́йства диа́вольскаго; Сам я́ко благ и Человеколю́бец Бог прости́; яко несть челове́ка, и́же поживе́т, и не согреши́т.

Ты бо Еди́н еси́ безгре́шен; пра́вда Твоя́ пра́вда в век и сло́во Твое́ и́стина. Не бо созда́л еси́ челове́ка в поги́бель, но в снабде́ние за́поведей Твои́х, и живота́ нетле́ннаго насле́дие: и Тебе́ сла́ву возсыла́ем со Отце́м и Святы́м Ду́хом, ны́не, и при́сно, и во ве́ки веко́в. Ами́нь.

И молитва помазания: О́тче Святы́й, Врачу́ душ и теле́с:

Молитва разрешительная (произносится с возложением или осенением Евангелия над головами болящих)

Царю́ Святы́й, благоутро́бне и многоми́лостиве Го́споди Иису́се Христе́, Сы́не и Сло́ве Бо́га Жива́го, не хотя́й сме́рти гре́шника, но я́ко обрати́тися, и жи́ву бы́ти ему́; не полага́ю ру́ку мою́ гре́шную на глава́х прише́дших к Тебе́ во гресе́х, и прося́щих у Тебе́ на́ми оставле́ние грехо́в; но Твою́ ру́ку кре́пкую и си́льную, я́же во свято́м Ева́нгелии сем, е́же сослужи́тели мои́ держа́т на глава́х рабо́в Твои́х (имярек), и молю́ся с ни́ми, и прошу́ ми́лостивное и непамятозло́бное человеколю́бие Твое́, Бо́же, Спаси́телю наш, проро́ком Твои́м Нафа́ном, пока́явшемуся Дави́ду о свои́х си согреше́ниих оставле́ние дарова́вый, и Манасси́ину е́же о покая́нии моли́тву прие́мый; Сам и рабо́в Твои́х (имярек), ка́ющихся о свои́х согреше́ниих, приими́ обы́чным Твои́м человеколю́бием, презира́яй вся их прегреше́ния. Ты бо еси́ Бог наш, И́же и се́дмьдесят крат седмери́цею оставля́ти повеле́вый па́дающим в грехи́; зане́ я́ко вели́чество Твое́, та́ко и ми́лость Твоя́, и Тебе́ подоба́ет вся́кая сла́ва, честь и поклоне́ние, ны́не, и при́сно, и во ве́ки веко́в. Ами́нь.

После этого болящие целуют Евангелие.

Ектения сугубая о болящих.

Затем оканчивается служба о болящих:

Сла́ва: глас 4:

Исто́чник исцеле́ний иму́ще святи́и безсре́бреницы, исцеле́ния подава́ете всем тре́бующим, я́ко преве́лиих дарова́ний сподо́бльшиися от приснотеку́щаго Исто́чника Спа́са на́шего. Глаго́лет бо к вам Госпо́дь, я́ко единоревни́телем апо́стольским: се дах вам власть на ду́хи нечи́стыя, я́коже тех изгони́ти, и цели́ти всяк неду́г, и вся́ку я́зю; те́мже в повеле́ниих Его́ до́бре жи́тельствовавше, ту́не прия́сте, ту́не подава́ете, исцеля́юще стра́сти душ и теле́с на́ших.

И ны́не: глас тот же:

При́зри на моле́ния Твои́х раб, Всенепоро́чная, утоля́ющи лю́тая на ны воста́ния, вся́кия ско́рби нас изменя́ющи; Тя бо Еди́ну тве́рдое и изве́стное утвержде́ние и́мамы, и Твое предста́тельство стяжа́хом, да не постыди́мся, Влады́чице, Тя призыва́ющии. Потщи́ся на умоле́ние, Тебе́ ве́рно вопию́щих: ра́дуйся, Влады́чице, всех По́моще, Ра́досте и Покро́ве, и Спасе́ние душ на́ших.

Сла́ва: И ны́не: Го́споди, поми́луй (трижды). Благослови́.

Отпуст:

Христо́с, и́стинный Бог наш, моли́твами Пречи́стыя Своея́ Ма́тере; си́лою Честна́го и Животворя́щаго Креста́; свята́го сла́внаго и всехва́льнаго апо́стола Иа́кова и пе́рваго архиере́я Иерусали́мскаго, бра́та Бо́жия, и всех святы́х, спасе́т и поми́лует нас, я́ко Благ и Человеколю́бец.

Затем больные испрашивают прощения у священников и, получив благословение, уходят.

Священник, облаченный в епитрахиль и по́ручи (если возможно, то и в фелонь), начинает: Благослове́н Бог наш всегда́, ны́не и при́сно и во ве́ки веко́в.

Начало обычное.

Аллилу́ия: глас 6.

Стих 1: Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́.

Стих 2: Поми́луй мя, Го́споди, я́ко не́мощен есмь.

И тропарь, глас 4:

Ско́pый в заступле́нии еди́н сый, Хpисте́, ско́pое свы́ше покажи́ посеще́ние стра́ждущему рабу́ Твоему́ (или: стра́ждущей рабе́ Твое́й), изба́ви неду́гов, и го́pьких боле́зней; воздви́гни во е́же пе́ти Тя и сла́вити непpеста́нно, моли́твами Богоpо́дицы, Еди́не Человеколю́бче.

Таже:

Ми́ром Го́споду помо́лимся.

Го́споди, поми́луй.

О свы́шнем ми́ре и спасе́нии душ на́ших, Го́споду помо́лимся.

Го́споди, поми́луй.

О ми́ре всего́ ми́pa, благостоя́нии святы́х Бо́жиих церкве́й и соедине́нии всех, Го́споду помо́лимся.

Го́споди, поми́луй.

О Вели́ком господи́не и отце́ на́шем Святе́йшем Патриа́рсе Кири́лле, и о господи́не на́шем (высо́ко-)преосвяще́ннейшем митрополи́те (или: архиепи́скопе, или: епи́скопе) имярек, честне́м пресви́терстве, во Христе́ диа́констве, и о всем при́чте и лю́дех, Го́споду помо́лимся.

Го́споди, поми́луй.

О е́же благослови́тися еле́ю сему́ си́лою и де́йством, и наи́тием Свята́го Ду́ха, Го́споду помо́лимся.

Го́споди, поми́луй.

О рабе́ Бо́жии (или: рабе́ Бо́жией), имярек, и о е́же в Бо́зе посеще́нии его́ (или: ея́), и е́же приити́ на него́ (или: на ню) благода́ти Свята́го Ду́ха, Го́споду помо́лимся.

Го́споди, поми́луй.

О е́же изба́витися ему́ (или: ей) и нам от вся́кия ско́рби, гне́ва и ну́жды, Го́споду помо́лимся.

Го́споди, поми́луй.

Заступи́, спаси́, поми́луй, и сохрани́ его́ (или: ю) и нас, Бо́же, Твое́ю благода́тию.

Го́споди, поми́луй.

Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Тебе́, Го́споди.

И тотчас священник вливает вино (или воду) в елей, благословляет его и произносит молитву:

Го́споди, ми́лостию и щедро́тами Твои́ми исцеля́яй сокруше́ния душ и теле́с на́ших, Сам, Влады́ко, освяти́ еле́й сей, я́коже бы́ти помазу́ющимся от него́ во исцеле́ние, и в премене́ние вся́кия стра́сти, скве́рны пло́ти и ду́ха, и вся́каго зла, да и в сем просла́вится Твое́ Пресвято́е и́мя, Отца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.

Прокимен Апостола, глас 1:

Бу́ди, Го́споди, ми́лость Твоя́ на нас, я́коже упова́хом на Тя.

Стих: Ра́дуйтеся, пра́веднии, о Го́споде, пра́вым подоба́ет похвала́.

Чтения из Священного Писания:

Из Соборного Послания ап. Иакова, зач. 57 (Иак.5:10–16)

Бра́тие, о́браз приими́те злострада́ния и долготерпе́ния, проро́ки, и́же глаго́лаша и́менем Госпо́дним. Се блажи́м терпя́щия: терпе́ние И́овле слы́шасте и кончи́ну Госпо́дню ви́десте, я́ко многоми́лостив есть Госпо́дь и щедр. Пре́жде же всех, бра́тие моя́, не клени́теся ни не́бом, ни земле́ю, ни ино́ю ко́ею кля́твою: бу́ди же вам е́же ей, ей и е́же ни, ни, да не в лицеме́рие впаде́те. Злостра́ждет ли кто в вас, да моли́тву де́ет; благоду́шествует ли кто, да пое́т. Боли́т ли кто в вас, да призове́т пресви́теры церко́вныя, и да моли́тву сотворя́т над ним, пома́завше его еле́ем во и́мя Госпо́дне. И моли́тва ве́ры спасе́т боля́щаго, и воздви́гнет его́ Госпо́дь, и а́ще грехи́ бу́дет сотвори́л, отпу́стятся ему́. Испове́дайте у́6o друг дру́гу согреше́ния и моли́теся друг за дру́га, я́ко да исцеле́ете: мно́го бо мо́жет моли́тва пра́веднаго поспешеству́ема.

Аллилу́ия: глас 8.

Стих: Ми́лость и суд воспо́ю Тебе́, Го́споди.

Из Евангелия от Марка, зач. 23 (Мк.6:7–13)

Во вре́мя о́но, призва́ Иису́с обана́десяте, и нача́т их посыла́ти два два: и дая́ше им власть над ду́хи нечи́стыми. И запове́да им, да ничесо́же во́змут на путь, то́кмо жезл еди́н: ни пи́ры, ни хле́ба, ни при по́ясе ме́ди: но обуве́ни в санда́лия, и не облачи́тися в две ри́зе. И глаго́лаше им: иде́же а́ще вни́дете в дом, ту пребыва́йте, до́ндеже изы́дете отту́ду. И ели́цы а́ще не прии́мут вы, ниже́ послу́шают вас, исходя́ще отту́ду, оттряси́те прах, и́же под нога́ми ва́шими, во свиде́тельство им. Ами́нь глаго́лю вам: отра́днее бу́дет Содо́мом и Гомо́рром в день су́дный, не́же гра́ду тому́. И изше́дше пропове́даху, да пока́ются: и бе́сы мно́ги изгоня́ху. И ма́заху ма́слом мно́ги неду́жныя, и исцелева́ху.

Ектения сугубая о болящих:

Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Го́споди, поми́луй (трижды).

Еще́ мо́лимся о ми́лости, жи́зни, ми́ре, здра́вии, спасе́нии, посеще́нии и оставле́нии грехо́в раба́ Бо́жия (или: рабы́ Божия) имярек.

Го́споди, поми́луй (трижды).

О е́же прости́тися ему́ (или: ей) вся́кому согреше́нию, во́льному и нево́льному, Го́споду помо́лимся.

Го́споди, поми́луй (трижды).

Я́ко ми́лостив и Человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Ами́нь.

И молитва:

Влады́ко Вседержи́телю, Святы́й Царю́, наказу́яй и не умерщвля́яй, утвержда́яй низпа́дающия, и возводя́й низве́рженныя, теле́сныя ско́рби исправля́яй челове́ков; мо́лимся Тебе́, Бо́же наш, я́ко да наведе́ши ми́лость Твою́ на еле́й сей и на помазую́щияся от него́ во и́мя Твое́: да бу́дет им во исцеле́ние души́ же и те́ла, и во очище́ние и измене́ние вся́кия стра́сти, и вся́каго неду́га, и я́зи, и вся́кия скве́рны пло́ти и ду́ха. Ей, Го́споди, враче́бную Твою́ си́лу с Небесе́ низпосли́, прикосни́ся телеси́, угаси́ огне́вицу, укроти́ стра́сть, и вся́кую не́мощь тая́щуюся. Бу́ди врач раба́ Твоего́ (или: рабы́ Твоея́) имярек, воздви́гни его́ (или: ю) от одра́ боле́зненнаго и от ло́жа озлобле́ния це́ла и всесоверше́нна (или: це́лу и всесоверше́нну), да́руй его́ (или: ю) Це́ркви Твое́й благоугожда́юща и творя́ща (или: благоугожда́ющу и творя́щу) во́лю Твою́.

Твое́ бо есть, е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

И после молитвы священник берет стручец и, погрузив его в освященный елей, крестообразно помазывает больному лоб, ноздри, щеки, уста, грудь и с обеих сторон руки, произнося следующую молитву:

О́тче Святы́й, Врачу́ душ и теле́с, посла́вый Единоро́днаго Твоего́ Сы́на, Го́спода на́шего Иису́са Христа́, вся́кий неду́г исцеля́ющаго и от сме́рти избавля́ющаго, исцели́ и раба́ Твоего́ (или: рабу́ Твою́) имярек, от обдержа́щия его́ (или: ю) теле́сныя и душе́вныя не́мощи, и оживотвори́ его́ (или: ю) благода́тию Христа́ Твоего́; моли́твами Пресвяты́я Влады́чицы на́шея Богоро́дицы и Присноде́вы Мари́и; предста́тельствы честны́х Небе́сных Сил Безпло́тных; си́лою Честна́го и Животворя́щаго Креста́; честна́го сла́внаго проро́ка, Предте́чи и Крести́теля Иоа́нна; святы́х сла́вных и всехва́льных апо́столов; святы́х сла́вных и добропобе́дных му́чеников; препо́добных и богоно́сных оте́ц на́ших; святы́х и исцели́телей безсре́бреников Космы́ и Дамиа́на, Ки́ра и Иоа́нна, Пантелеи́мона и Ермола́я, Сампсо́на и Диоми́да, Фо́тия и Аники́ты; святы́х и пра́ведных богооте́ц Иоаки́ма и А́нны, и всех святы́х.

Я́ко Ты еси́ Источни́к исцеле́ний, Бо́же наш, и Тебе́ сла́ву возсыла́ем со Единоро́дным Твои́м Сы́ном, и Единосу́щным Твои́м Ду́хом, ны́не и при́сно, и во ве́ки веко́в. Ами́нь.

По окончании же помазания священник, взяв Святое Евангелие и раскрыв его, возлагает письменами на голову больного⁵ и произносит следующую молитву:

Царю́ Святы́й, благоутро́бне и многоми́лостиве Го́споди Иису́се Христе́, Сы́не и Сло́ве Бо́га Жива́го, не хотя́й сме́рти гре́шника, но я́ко обрати́тися, и жи́ву бы́ти ему́: не полага́ю ру́ку мою́ гре́шную на главу́ прише́дшаго (или: прише́дшия) к Тебе́ во гресе́х, и прося́щаго (или: прося́щия) у Тебе́ на́ми оставле́ние грехо́в; но Твою́ ру́ку кре́пкую и си́льную, я́же во свято́м Ева́нгелии сем, е́же сослужи́тели мои́ держа́т на главе́ раба́ Твоего́ (или: рабы́ Твоея́) имярек, и молю́ся с ни́ми, и прошу́ ми́лостивное и непамятозло́бное человеколю́бие Твое́, Бо́же, Спаси́телю наш, проро́ком Твои́м Нафа́ном, пока́явшемуся Дави́ду о свои́х си согреше́ниих оставле́ние дарова́вый, и Манасси́ину е́же о покая́нии моли́тву прие́мый; Сам и раба́ Твоего́ (или: рабу́ Твою́) имярек, ка́ющагося (или: ка́ющуюся) о свои́х согреше́ниих, приими́ обы́чным Твои́м человеколю́бием, презира́яй вся его́ (или: ея́) прегреше́ния. Ты бо еси́ Бог наш, И́же и се́дмьдесят крат седмери́цею оставля́ти повеле́вый па́дающим в грехи́; зане́ я́ко вели́чество Твое́, та́ко и ми́лость Твоя́, и Тебе́ подоба́ет вся́кая сла́ва, честь и поклоне́ние, ны́не и при́сно, и во ве́ки веко́в. Ами́нь.

Сняв же Евангелие с головы больного, дает ему поцеловать его.

И начинает последование, положенное на случай, если доведется немедленно преподать Св. Причастие тяжелобольному.

Если же нет, то: Сла́ва: И ны́не: Го́споди, поми́луй (трижды). Благослови́.

И отпуст:

Христо́с, и́стинный Бог наш, моли́твами Пречи́стыя Своея́ Ма́тере; си́лою Честна́го и Животворя́щаго Креста́; свята́го сла́внаго и всехва́льнаго апо́стола Иа́кова и пе́рваго архиере́я Иерусали́мскаго, бра́та Бо́жия, и всех святы́х, спасе́т и поми́лует нас, я́ко Благ и Человеколю́бец.

Согласно определению составленного святителем Филаретом Московским Катехизиса, «Елеосвящение есть таинство, в котором при помазании тела елеем призывается на больного благодать Божия, исцеляющая немощи душевные и телесные». По словам святителя Симеона Солунского, «елей [таинства] есть елей святой по силе священнодействия и исполнен божественной силы, и вместе с тем как умащает чувственно, он просвещает и освящает и души, укрепляет силы, как телесные, так и духовные, исцеляет раны, уничтожает болезни, очищает от нечистоты греховной и имеет силу подавать нам милость Божию и умилостивлять Его».

В древности елей, то есть масло оливкового дерева, использовался очень широко. В Ветхом Завете о нем говорится и как о важнейшем продукте питания, и как о неотъемлемой принадлежности храмового богослужения (хлеб, входивший в состав жертвоприношений, изготовлялся с добавлением елея, елей горел в лампадах Храма, им помазывались священники при их поставлении, а также жертвенники и принадлежности Храма и т.д.), и, наконец, как о лекарстве (см., напр., Ис.1:6). Помимо того, елей наделялся символическим значением – как знак милости Божией и радости о жизни по заповедям. В культуре античности елей также занимал важное место, особенно в медицинской практике.

Именно елей, а также вино, описаны как врачебное средство в притче Господа нашего Иисуса Христа о милосердном самарянине: «Некоторый человек шел из Иерусалима в Иерихон и попался разбойникам, которые сняли с него одежду, изранили его и ушли, оставив его едва живым... Самарянин же некто, проезжая, нашел на него и, увидев его, сжалился и, подойдя, перевязал ему раны, возливая масло и вино» (Лк.10:30, 33–34). Итак, с внешней стороны таинство Елеосвящения тесно связано с древней практикой врачевания ран и болезней при помощи помазания елеем. Но церковное таинство к этой практике отнюдь не сводится. Согласно Евангелию, апостолы, по повелению Христову, «многих больных мазали маслом и исцеляли» (Мк.6:13). Очевидно, что эти исцеления совершались не просто благодаря медицинским свойствам елея, но благодатью Божией, так как апостолы исцеляли силой и властью, полученной от Самого Христа.

Об исцелении через Елеосвящение пишет апостол Иаков, брат Господень: «Болен ли кто из вас, пусть призовет пресвитеров Церкви, и пусть помолятся над ним, помазав его елеем во имя Господне. И молитва веры исцелит болящего, и восставит его Господь; и если он соделал грехи, простятся ему» (Иак.5:14–15). Это свидетельство лежит в основе церковного таинства Елеосвящения. Болящего в таинстве исцеляет не елей как таковой, а молитва веры, и восставляет больного Сам Господь. Помазание служит лишь внешним знаком, указывающим на внутреннее содержание таинства – молитву веры и отпущение грехов.

Отпущение грехов является неотъемлемым аспектом таинства Елеосвящения. Болезнь и грех связаны между собой – об этой связи пишет сам апостол Иаков в начале своего Послания: «Сделанный грех рождает смерть» (Иак.1:15). Как смерть и тленность человеческой природы есть следствие грехопадения, так и личные грехи человека могут быть причиной усугубления болезни. Это соотносит Елеосвящение с таинством Покаяния – первое восполняет второе, особенно для тяжелобольных, но не отменяет его. Согласно церковной традиции, Елеосвящение предпочтительно совершать вместе с исповедью. В некоторых случаях преподание больному таинства Покаяния может оказаться и вовсе невозможным, и тогда Елеосвящение остается единственным средством разрешения его от грехов.

Но если прощение грехов также составляет содержание таинства Елеосвящения, то позволительно ли прибегнуть к нему и тем, кто не является тяжелобольным? Церковное Предание свидетельствует в пользу подобной практики, хотя и с оговорками. По причине благодатного действия таинства не на тело лишь, но и на душу человека, отцы Церкви находили возможным совершать его не только над страждущими телесными недугами.

По свидетельству отцов и учителей Церкви, уже с первых веков христианства это таинство совершалось над кающимися и было одним из средств присоединения к Церкви тех, кто отпал от нее по причине тяжести своих грехов. Как писал еще в III веке Ориген, «существует отпущение грехов... через покаяние, когда грешник омывает слезами ложе свое... В этом исполняется то, что говорит апостол: Болит ли кто в вас, да призовет пресвитеры церковныя...» (Гомилии на Книгу Левит, II. 4). По словам святителя Иоанна Златоуста, священники «не только возрождают нас [в Крещении], но и имеют власть прощать грехи, сделанные после того: Болит ли кто в вас, – сказано, – да призовет пресвитеры церковныя...» (О священстве III. 6). Святитель Симеон Солунский свидетельствует, что в его эпоху – начало XV века – в Византии «всякому, впавшему в грехи и исполнившему правило покаяния, готовящемуся к приобщению [Святых Таин] и получившему прощение от [духовного] отца», грехи оставлялись «через священнодействие и помазание Елеосвящения, как пишет [Иаков,] брат Господень» (Вопросоответы Гавриилу Пентапольскому, 72). Именно этим обусловлено совершение общего Елеосвящения над всеми желающими накануне праздника Пасхи, когда Церковь особенно призывала грешников примириться с ней.

Истоки чина Елеосвящения – в апостольской практике помазывать больных освященным елеем, совершая усиленную молитву о них. В ранней Церкви освящение елея обычно происходило во время Евхаристии. В рукописях древних редакций богослужебных книг сохранился целый ряд молитв над «елеем больных», освящаемым на литургии или вне ее. Нередко елей предписывалось освящать вместе с водой. Еще одним священнодействием, совершавшимся над болящими, было возложение рук епископа или священника (см. Мк.16:18 «...возложат руки на больных, и они будут здоровы»; ср. Деян.28:8). Существовало также множество отдельных молитв о больных – в том числе предназначенных для чтения в той или иной конкретной болезни. Все эти элементы легли в основу чинопоследования Елеосвящения.

В византийских рукописях с X–XI вв. постепенно получает распространение развернутый чин, предполагающий совершение семи Божественных литургий – целую неделю подряд или же одновременно в нескольких храмах. На проскомидии этих литургий освящался елей, а в конце службы совершалось помазание болящего. Впоследствии семь литургий были заменены семью помазаниями, предваряемыми – как на литургии – чтением Апостола и Евангелия с сугубой ектенией. Для семи помазаний были выбраны семь молитв, взятых из числа либо молитв о болящих и освящения елея для них, либо из чинов таинства Покаяния. Кроме того, при каждом помазании читалась имеющая древнее происхождение молитва «Отче святый, Врачу душ и телес...», а цикл всех помазаний увенчивало возложение на больного Евангелия. Этот чин предварялся вечерней и утреней, на которых вместо рядовых песнопений пелись особые – о болящем. В такой форме чин получил широкое распространение – в том числе на Руси, где он с конца XIV века вытеснил собой более древнюю традицию, где Елеосвящение состояло лишь из одной-двух молитв над елеем, к которым могли присоединяться молитвы в той или иной болезни.

С XV века особые песнопения Елеосвящения отделились от специальных вечерни и утрени и образовали начальную часть чинопоследования, которое окончательно приобрело свой современный вид: 1) серия псалмов и песнопений о болящем; 2) молитва освящения елея; 3) цикл из семи помазаний с молитвой «Отче Святый...», предваряемых чтением Апостола и Евангелия (которые, как на литургии, обрамлены прокимном, аллилуиарием и сугубой ектенией) и очередной молитвой; 4) возложение Евангелия на голову больного с чтением молитвы и отпуст. При этом выбор конкретных молитв и чтений из Апостола и Евангелия был предметом постоянных изменений, вплоть до наступления эпохи печатных изданий.

Чин Елеосвящения, представленный в современном Требнике, должен совершаться без сокращений и с благоговением. Следует обратить особое внимание на качество елея, используемого в таинстве. По той причине, что символизм этого вещества в Священном Писании и у святых отцов Церкви связан только и исключительно с плодом масличного дерева, а не других растений, масло Елеосвящения должно быть оливковым. Смешение его с маслами, полученными из иных растений, а тем более замена оливкового масла иным допускается лишь в крайнем случае. Елей в таинстве смешивается, согласно традиции ранней Церкви, с водой – или, как указано в Требнике, с вином, вытеснившим в византийской практике воду в чине Елеосвящения.

По Требнику, чин Елеосвящения совершается над больным возле его одра. Весьма желательно совершение чина Елеосвящения, или Соборования, собором пресвитеров, то есть несколькими (в идеале – семью) священниками вместе. Согласно церковной традиции, принимать Елеосвящение можно только один раз в течение одного заболевания. Более одного раза в одной и той же болезни Елеосвящение может быть преподано лишь в виде исключения – если та приняла особенно затяжной характер.

В пастырской практике встречаются случаи невозможности совершить над больным полный чин Елеосвящения – например, в условиях реанимационного отделения. В связи с этим Священный Синод благословляет совершение в таких случаях сокращенного чина Елеосвящения, в котором канон и прочие песнопения, некогда входившие в совершавшиеся отдельно вечерню и утреню о болящем, прочитываются священником заранее (или же опускаются), а цикл из семи помазаний, восходящих к практике совершения семи литургий, заменяется одним.

Поскольку существенной стороной таинства Елеосвящения является отпущение грехов, при решении вопроса об участии в этом таинстве детей следует руководствоваться теми же правилами, какие относятся к таинству Покаяния. В частности, таинство Елеосвящения не должно преподаваться детям младше семилетнего возраста без особой необходимости.

В соответствии с Требником, чин Елеосвящения совершается над единственным человеком, пребывающим в телесной болезни или немощи. Однако в Православной Церкви широко распространена практика совершения общего Елеосвящения над многими молящимися, в том числе здоровыми.

В современной греческой традиции общее Елеосвящение совершается лишь раз или два в году: после утрени Великого Четверга, а также, как правило, в навечерие Рождества Христова. Оно отличается от обычного порядка Елеосвящения тем, что, поскольку в нем могут участвовать все верные, а не только тяжело больные, оно происходит в храме, и во время него седмеричный цикл Апостолов, Евангелий и молитв не сопровождается помазаниями, но помазание бывает лишь одно: в конце чина все молящиеся поочередно подходят к Евангелию для целования, и тогда предстоятель однократно помазывает им лоб и руки.

Сходная практика совершения общего Елеосвящения – с однократным помазанием вместо семикратного – была широко распространена на Руси до середины XVII века. Правом совершать общее Елеосвящение обладали только архиереи и игумены важнейших монастырей. После XVII века общее Елеосвящение стало особенностью богослужения крупнейших соборов – например, Успенского собора Московского Кремля, – где это священнодействие вплоть до 1917 года продолжало совершаться раз в году, в Великий Четверг. Практика совершения общего Елеосвящения только единожды в году, после утрени Великого Четверга – обычно вечером в Великую Среду – сохранилась и в зарубежных приходах русской традиции, а также в некоторых храмах в России. В частности, в храмах РПЦЗ общее Елеосвящение сохранило характер исключительно архиерейского священнодействия. Однако во 2-й половине XX века в Русской Православной Церкви широко распространился новый обычай совершения общего Елеосвящения не только на Страстной седмице, но и на других седмицах Великого поста, причем общее Елеосвящение стало совершаться не с одним, а с семью помазаниями.

В свете сказанного о русской дореволюционной и современной греческой традициях допускается совершение общего Елеосвящения с прочтением всех положенных по чину Апостолов, Евангелий и молитв без сопровождения их помазаниями, но с совершением каждым из участвующих в чине иереев однократного помазания молящихся в конце последования. Учитывая тесную связь общего Елеосвящения с празднованием Пасхи, совершение этого чина дозволяется только в период Великого поста или, в случае обоснованной пастырской необходимости (множество желающих) и в виде особого исключения, в дни предпразднства Рождества Христова, когда устав предписывает особенно строгий пост, – но не в прочие посты и обычные дни года.

Принимать общее Елеосвящение можно не более одного раза в год.

Исцеление – неотъемлемая часть христианского благовестия. Согласно Евангелию, оно является знамением, сопровождающим проповедь о Христе по всему миру (Мк.16:17–18). Поэтому Елеосвящение, в какой бы форме оно ни совершалось, служит и будет служить к созиданию Церкви Христовой и спасению отдельных ее членов.