Чи́нъ, быва́емый на произведе́нїе архїдїа́кона и҆ прѡтодїа́кона

Име́яй произвести́ся архидиакон, приводи́мь бывает протодиаконом и диаконом ко Преосвяще́ннейшему архиерею среди церкве, иде́же архиерей стои́т, во время входа со Евангелием, и покланяется архиерею до пояса три́щи, и приклоняет главу. Архиерей же, седя́, зна́менует крестовидно рукою по главе его три́щи. И, востав, полагает на главу его руку, диакону ре́кшу: Го́споду помо́лимся.

Архиерей глаголет молитву сию:

Влⷣко гдⷵи бж҃е на́шъ, а҆рхїдїа́конство ро́дꙋ на́шемꙋ неизрече́ннымъ твои́мъ провидѣ́нїемъ дарова́вый си́мъ ѡ҆дѣ́ѧвшымсѧ, и҆ повелѣва́ти и҆ слꙋжи́ти въ ни́зшихъ подслꙋжи́телехъ бж҃е́ственнымъ твои̑мъ та́йнамъ! Са́мъ ѡ҆дѣ́й бл҃года́тїю се́ю а҆рхїдїа́конства присꙋ́щаго раба̀ твоего̀, имⷬ҇къ, и҆ ѹ҆красѝ є҆го̀ че́стностїю твое́ю, въ нача́лѣ стоѧ́ти дїа́конѡвъ лю́да твоегѡ̀ и҆ ѡбразъ до́бръ є҆го̀ бы́ти сꙋ́щымъ по се́мъ. сотворѝ и҆ во ста́рости масти́тѣй дости́гнꙋти, сла́вити твоѐ великолѣ́пое имѧ, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ. А҆ми́нь.

Таже архиерей зна́менует по главе его крестовидно, глаголя:

Бл҃гослове́нъ гдⷵь! сѐ бы́сть ра́бъ бж҃їй, имⷬ҇къ, а҆рхїдїа́конъ, и҆лѝ: прѡтодїа́конъ во имѧ ѻ҆ц҃а̀ и҆ сн҃а и҆ ст҃а́гѡ дх҃а.

И возложа́ руку архиерей на главу его, возгласит: Аѯїосъ. три́щи. И певцы поют: Аксиос, три́щи. и и́дут во олтарь по чину.