Чи́нъ, быва́емый на произведе́нїе а҆рхїмандрі́та

Име́яй произвести́ся архимандри́т приводи́мь бывает протодиаконом или двема́ диаконы ко архиерею среди церкве, иде́же архиерей стои́т во время входа со Евангелием, аще сам архиерей литургиса́ет. Аще же ни, приносят архиерею епитрахилий, нарукавницы и омофорий, и облачи́тся, стоя́ на месте. Производимый же архимандрит приводится к месту его и покланяется архиерею до пояса, три́щи, и приклоняет главу. Архиерей же, седя́, зна́менует его рукою по главе, трищи.

И аще производимый архимандрит не бысть игумен, глаголет архиерей над ним молитвы, я́же над игуменом.

Аще же бысть пе́рвее игумен, молитвы игумена над архимандритом не глаголются, то́кмо глаголет протодиакон велегласно: Повели́, Влады́ко.

Архиерей же возглашает велегласно:

Бл҃года́ть всест҃а́гѡ дх҃а чрез̾ мѣ́рность на́шꙋ произво́дитъ тѧ̀ а҆рхїмандрі́та чⷵтны́ѧ ѻ҆би́тели гдⷵа бг҃а и҆ сп҃са на́шегѡ і҆и҃са хрⷵта̀, имⷬ҇къ, є҆гѡ́же єсть хра́мъ и҆лѝ: прест҃ы́ѧ влⷣчцы на́шеѧ бцⷣы, имⷬ҇къ, є҆ѧ́же єсть хра́мъ, и҆лѝ: ст҃а́гѡ, имⷬ҇къ, є҆гѡ́же єсть хра́мъ

Таже возложа́ руку архиерей на главу производимаго, возглашает: Аѯїосъ, три́щи. И певцы поют: Аксиос, трищи.

И аще дается шапка архимандриту, [тогда по изшествии из олтаря́ со Евангелием на Божественней литургии приводи́мь, бывает архимандрит ко архиерею. Архиерей же молитв не глаголет, то́кмо благословит того́ архимандрита рукою.] он же целует архиереову руку и шапку, и возлагают на архимандрита шапку. И отводи́мь поставляется со архимандриты и игумены по-степе́нно, и и́дут во олтарь царскими две́рьми, и действует со служа́щими по чину.

По совершении литургии, подая́ архиерей жезл архимандриту, [или игумену,] глаголет:

Прїимѝ се́й же́злъ, имже ѹ҆твѣржде́й па́ствꙋ твою̀ да пра́виши, ꙗкѡ и҆ сло́во имаши ѿда́ти за ню̀ на́шемꙋ бг҃ꙋ во днѝ сꙋда̀.

Таже глаголет поучение.