Архиерейский чиновник. Книга 2

(По чину, изданному Святейшим Синодом в 1910 году ¹, и по современной

практике Русской Православной Церкви)

Егда время случится избрати архиереа на кий-либо архиерейский престол, тогда во Священном Синоде разсуждают, кто доволен на таковое достоинство.

И определенному во архиереа бывает наречение сицевым образом.

Времени наставшу, призываеми бывают архиерее во Священный Синод или во храм, и, собравшымся им, первенствуяй архиерей возлагает на ся мантию, епитрахи́ль, поручи и малый омофор, прочии же архиерее мантии. Поставляется же столец, на немже полагается Святое Евангелие. Два иеромонаха в фелонех держат един у́бо Святый Крест на блюде с возду́хом, други́й – сосуд со святою водою и кропилом. Приводят же архимандрити два в ма́нтиях избра́ннаго пред архиереи.

По сих бывает избранному обьявление тако:

Честны́й отец архимандрит [или: иеромонах] , имярек, Святейший Патриарх Московский и всея Руси   и Священный Синод Русской Православной Церкви благословляют твою святыню быть епископом богоспасаемого (ых) града (о́в) , имярек.

Избра́нный же на сие отвещает:

Благословение Святейшего Патриарха Московского и всея Руси   и Священного Синода Русской Православной Церкви быть мне епископом богоспасаемого (ых) града (о́в) , имярек, со благодарением приемлю и нима́ло вопреки глаголю.

И первенствуяй архиерей начинает:

Бл҃гослове́нъ бг҃ъ на́шъ, всегда̀, ны́нѣ и҆ при́снѡ и҆ во вѣ́ки вѣкѡ́въ.

Прочии глаголют: Царю́ Небе́сный: Трисвятое, по Отче наш :

Первый архиерей глаголет:

Ꙗкѡ твоѐ єсть црⷵтво, и҆ си́ла, и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ.

Прочии глаголют тропарь:

Благослоне́н еси́, Христе́ Бо́же наш, Иже прему́дры ловцы́ явле́й, низпосла́в им Ду́ха Свята́го, и те́ми уловле́й вселе́нную. Человеколю́бче, слава Тебе́.

Слава, и ныне, кондак:

Егда́ снизше́д язы́ки слия́, разделя́ше язы́ки Вы́шний, егда́ же о́гненныя язы́ки раздая́ше, в соедине́ние вся призва́, и согла́сно сла́вим Всесвята́го Ду́ха.

Посем первый архиерей глаголет ектению сию:

Поми́лꙋй на́съ, бж҃е, по вели́цѣй млⷵти твое́й, мо́лимъ тѝ сѧ̀, гдⷵи, ѹ҆слыши и҆ поми́лꙋй.

Прочии отвещавают: Го́споди, поми́луй (трижды).

Е҆ще́ мо́лимсѧ ѡ҆ вели́комъ господи́нѣ и҆ ѻ҆тцѣ̀ на́шемъ свѧтѣ́йшемъ патрїа́рсѣ моско́встѣмъ и҆ всеѧ̀ рꙋсѝ и҆ все́й во     хрⷵтѣ̀ бра́тїи нашей.

Аще Патриарх, глаголет:

Е҆ще́ мо́лимсѧ ѡ҆ свѧтѣ́йшихъ вселе́нскихъ патрїа́рсѣхъ и҆ ѡ҆ всѧ́комъ є҆пі́скопстбѣ правосла́вных.

Е҆ще́ мо́лимсѧ ѡ҆ бг҃охрани́мѣй странѣ̀ на́шей, властѣ́хъ и҆ во́инствѣ є҆ѧ̀.

Е҆ще́ мо́лимсѧ ѡ҆ всечестнѣ́мъ а҆рхїмандрі́тѣ [ и҆ли: і҆еромона́сѣ], имⷬ҇къ , новои҆збра́ннѣмъ во є҆пі́скопа бг҃оспаса́емаго [ыхъ] гра́да [ѡ́въ], имⷬ҇къ .

Е҆ще́ мо́лимсѧ за всю̑ бра́тїю и҆ за всѧ̑ правосла́вныѧ хрїстїа́ны.

Возглас:

Ꙗкѡ млⷵтивъ и҆ человѣколю́бецъ бг҃ъ є҆сѝ:

Премудрость. Честне́йшую Херувим: Слава, и ныне: Го́споди, поми́луй (трижды). Вла́дыко, благослови́.

Отпу́ст:

И҆же бъ видѣ́нїи ѻгненныхъ ѧ҆зы́къ съ нб҃сѐ низпосла́вый пресвѧта́гѡ дх҃а на ст҃ы́ѧ своѧ̀ ѹ҆ченикѝ и҆ а҆пⷵлы хрⷵто́съ, истинный бг҃ъ на́шъ, моли́твами пречⷵтыѧ своеѧ̀ мт҃ре, чтⷵна́гѡ сла́внагѡ проро́ка, прⷣте́чи и҆ крⷵти́телѧ і҆ѡа́нна и҆ ст҃а́гѡ [имⷬ҇къ, є҆гѡ́же єсть де́нь,] и҆ всѣ́хъ ст҃ы́хъ, поми́лꙋетъ и҆ спасе́тъ на́съ, ꙗкѡ бла́гъ и҆ человѣколю́бецъ.

По отпу́сте нарече́нный произносит речь.

Посем поют многолетия Святейшему Патриарху, присутствующым архиереем и нареченному.

Сим скончавшымся. благословляет первснствуяй архиерей нареченнаго Крестом и окропляет святою водою, и отходят ки́йждо во своя́.

В день, в о́ньже подоба́ет быти поставлению, бывает ко всено́щному бдению бла́говест по Уставу, а на 9-й песни бла́говсстят в большой колокол.

А к поставлению. 1-го часа́ дне, вполы́, бывает благовест в воло́выя, си́речь с перезвоном.

И собираются архиерее и прочии в соборную церковь и, облекшеся по Уставу, восходят на амвон (кафе́дру), предстоя́щым архимандритом, игуменом и протопресвитером и всему клиру. Ве́стно да будет, яко на кафе́дре облачается во святительския одежды в день поставления токмо первенствуяй епископ, прочии же архиерее облачаются во олтари́. Такожде и встреча бывает точию первенствующему. Нареченный выходит на встречу облаченный в подризник. епитрахи́ль, по́ручи, пояс и па́лицу, име́яй поверх сего рясу, крест, ма́нтию и клобу́к. На входных молитвах прикладывается к иконам после архиереа. По входных молитвах, приемь благословение архиереа, нареченный с прочими иереи входит во олтарь, иде́же снемлет рясу, ма́нтию и клобу́к, облачается же в фело́нь и надевает митру.

Среди же церкве, близ амвона, на помо́сте церковнем, полагается изображение орла единоглавна, крыла́ просте́рта иму́ща, на ногах право стоя́ща, под ногами же его град со забра́лы и столпа́ми, орлу́ же яко наступившу на столпы́ о́ны. И стрегу́т, е́же никомуже наступи́ти на орла́.

Архиерей первснствуяй повелевает протопресвитеру и протодиакону призвати иму́щаго хиротониса́тися. Они же, поклоньшеся и целовавше руки архиереа, вземлют имущаго хиротонисатися во олтари́, оде́яна во священныя одежды, и проводят до нижняго края орла, и покланяется той трижды.

Протодиакон же творит первое приведение избра́ннаго, проповедая и глаголя ясным гласом:

Приводится боголюбе́знейший, избра́нный и утвержде́нный архимандри́т [или: иеромонах] , имярек, хиротониса́тися во епи́скопа богоспаса́емаго (ых) града (о́в), имярек.

Избранный же держи́т в рука́х своих священная написания православныя веры, и глаголет ему первенствуяй архиерей:

Чесѡ̀ ра́ди прише́лъ є҆сѝ и҆ ѿ на́шеѧ мѣ́рности чесогѡ̀ про́сиши;

Отвечает избранный, глаголя:

Хїрото́нїю а҆рхїере́йскїѧ бл҃года́ти, преѡсвѧще́нѣйшїи.

И вопрошает его первенствуяй архиерей, глаголя:

И҆ка́кѡ вѣ́рꙋеши;

Избранный же глаголет велегласно святый Символ:

Вѣ́рꙋю во є҆ди́наго бг҃а ѻ҆ц҃а̀, вседержи́телѧ, творца̀ нб҃ꙋ и҆ зеемлѝ, ви̑димымъ же всѣ̑мъ и҆ неви̑димымъ. И҆ во є҆ди́наго гдⷵа і҆и҃са хрⷵта̀, сн҃а бж҃їѧ, є҆диноро́днаго, иже ѿ ѻ҆ц҃а̀ рожденнаго пре́жде всѣ́хъ вѣ̑къ. Свѣ́та ѿ свѣ́та, бг҃а истинна ѿ бг҃а истинна, рожде́нна, не сотворе́нна, є҆диносꙋ́щна ѻ҆ц҃ꙋ̀, имже всѧ̑ бы́ша. На́съ ра́ди, человѣ̑къ, и҆ на́шегѡ ра́ди сп҃се́нїѧ сше́дшаго съ нб҃съ, и҆ воплоти́вшагосѧ ѿ дх҃а ст҃а и҆ мр҃і́и дв҃ы, и҆ вочеловѣ́чшасѧ. Распѧ́таго же за ны̀ при понті́йстѣмъ пїла́тѣ, и҆ страда́вша, и҆ погребе́нна. И҆ воскре́сшаго въ тре́тїй де́нь, по писа́нїємъ. И҆ возше́дшаго на нб҃са̀, и҆ сѣдѧ́ща ѡ҆деснꙋ́ю ѻ҆ц҃а̀. И҆ па́ки грѧдꙋ́щаго со сла́вою, сꙋди́ти живы̑мъ и҆ мє́ртвымъ, є҆гѡ́же црⷵтвїю не бꙋ́детъ конца̀. И҆ въ дх҃а ст҃а́го, гдⷵа, животворѧ́щаго, иже ѿ ѻ҆ц҃а̀ и҆сходѧ́щаго, иже со ѻ҆ц҃е́мъ и҆ сн҃омъ спокланѧ́ема и҆ ссла́вима, глаго́лавшаго прⷪ҇рѡ́ки. Во є҆ди́нꙋ ст҃ꙋ́ю, собо́рнꙋю и҆ а҆пⷵльскꙋю цр҃ковь. И҆сповѣ́дꙋю є҆ди́но кр҃ще́нїе во ѡ҆ставле́нїе грѣхѡ́въ. Ча́ю воскрⷵнїѧ ме́ртвыхъ. И҆ жи́зни бꙋ́дꙋщагѡ вѣ́ка. А҆ ми́нь.

По изглаголании же сего первенствуяй архиерей, благословляя его крестовидно, глаголет:

Бл҃года́ть бг҃а ѻ҆ц҃а̀ и҆ гдⷵа на́шегѡ і҆и҃са хрⷵта̀ и҆ ст҃а́гѡ дх҃а да бꙋ́детъ съ тобо́ю.

И приводится избранный и до среды́ орла, протодиакону пропове́дающу привождение его, якоже изъяви́ся выше:

Приво́дится боголюбе́знейший:  и прочая.

И ставшу избранному на средние орла, первенствуяй архиерей обращает к нему слово и глаголет:

Ꙗ҆вѝ на́мъ є҆щѐ, ка́кѡ и҆сповѣ́дꙋеши ѡ҆ сво́йствахъ трїе́хъ ѵ҆поста́сей непостижи́магѡ божества̀ и҆ ꙗже ѡ҆ вочеловѣ́ченїи ѵ҆поста́снагѡ сн҃а и҆ сло́ва бж҃їѧ.

Избранный же ясным и великим гласом, во услышание всех, чтет второе исповедание, си́це:

Вѣ́рꙋю во є҆ди́наго бг҃а ѻ҆ц҃а̀, вседережи́телѧ, творца̀ нб҃а и҆ землѝ, ви́димыхъ же всѣ́хъ и҆ неви́димыхъ, безнача́льнаго ѹбѡ и҆ нерожде́ннаго и҆ безвино́внаго, нача́ло же є҆сте́ственное и҆ винꙋ̀ сн҃а и҆ дх҃а. Вѣ́рꙋю и҆ въ є҆диноро́днаго є҆гѡ̀ сн҃а, неисте́чнѡ и҆ безвре́меннѡ и҆з̾ негѡ̀ рожде́ннаго, є҆диносꙋ́щна є҆мꙋ̀, имже всѧ̑ бы́ша. Вѣ́рꙋю и҆ въ дх҃а ст҃а́го, и҆з̾ тогѡ́жде ѻ҆ц҃а̀ и҆сходѧ́щаго и҆ сосла́вимаго, ꙗкѡ соприсносꙋ́щнаго, и҆ сопресто́льнаго, и҆ є҆диносꙋ́щнаго, и҆ равносла́внаго, и҆ тва́ри содѣ́телѧ. Вѣ́рꙋю, ꙗкѡ є҆дни́нъ ѿ тоѧ́жде прсꙋ́щественныѧ и҆ живонача́льныѧ трⷪ҇цы, є҆диноро́дное сло́во, снизше́дъ съ нб҃съ, на́съ ра́ди, человѣ̑къ, и҆ на́шегѡ ра́ди сп҃се́нїѧ, воплоти́сѧ ѿ дх҃а ст҃а и҆ мр҃і́и дв҃ы, и҆ вочеловѣ́чисѧ, си́рѣчь соверше́ный человѣ́къ бы́сть, пребыва́ѧ бг҃ъ и҆ нчито́же премѣни́въ ѿ бж҃ескагѡ сꙋщества̀ прїѻбще́нїемъ къ пло́ти, и҆лѝ во и҆но́е преврати́въ, но, без̾ преложе́нїѧ воспрїемъ человѣ́ка, въ не́мъ страда́нїе и҆ сме́рть претерпѣ̀, ѿ всѧ́кагѡ страда́нїѧ по бж҃ескомꙋ є҆стествꙋ̀ свобо́дный, и҆ воскре́се въ тре́тїй де́нь и҆з̾ ме́ртвыхъ, и҆ возше́дъ на нб҃са̀, возсѣ́де ѡ҆деснꙋ́ю бг҃а и҆ ѻ҆ц҃а̀. Е҆ще́ же воплоти́вшагѡсѧ сло́ва є҆ди́нꙋ ѵ҆поста́сь и҆сповѣ́дꙋю, и҆ вѣ́рꙋю и҆ проповѣ́дꙋю, ꙗкѡ є҆ди́нъ и҆ то́йжде єсть хрⷵто́съ въ двꙋ́хъ по воплоще́нїи є҆стества́хъ, сохранѧ́ѧ въ ни́хже и҆ и҆з̾ ни́хже бѣ̀. Послѣ́довательнѣ же и҆ двѣ̀ вѡ́ли чтꙋ̀, коемꙋ́ждо є҆стествꙋ̀ сохранѧ́ющꙋ со́бственнꙋю во́лю и҆ со́бственное дѣ́йствїе. Вѣ́рꙋю и҆ ꙗже ѡ҆ бз҃ѣ и҆ бж҃е́ственныхъ є҆ди́ныѧ каѳолі́чекїѧ и҆ а҆пⷵльскїѧ цр҃кве преда́нїємъ и҆ сказа́нїємъ. Покланѧ́юсѧ ѿнси́тельнѡ, а҆ не бг҃ослꙋже́бнѡ, бж҃е́ствєннымъ и҆ досточти̑мымъ і҆кѡ́намъ самогѡ̀ хрⷵта̀ и҆ пречⷵтыѧ бг҃омт҃ре и҆ всѣ́хъ ст҃ы́хъ, че́сть пред̾ ни́ми ꙗ҆влѧ́емꙋю, преносѧ̀ на первоѡбра́зное.

И҆на́кѡ же ѡ҆ се́мъ мꙋ́дрствꙋющихъ, ꙗкѡ чꙋждемꙋдрствꙋющихъ, ѿмета́ю и҆ а҆наѳема́тствꙋю.

Влчцꙋ на́шꙋ бцⷣꙋ мр҃і́ю сво́йственнѡ и҆ истиннѡ и҆сповѣ́дꙋю, ꙗкѡ ро́ждшꙋю пло́тїю є҆ди́наго

ѿ трⷪ҇цы хрⷵта̀ бг҃а на́шего, ꙗже да бꙋ́детъ мѝ помо́щница покро́въ и҆ застꙋпле́нїе во всѧ̑ дни̑ жи́зни моеѧ̀. А҆ ми́нь.

И глаголет первенствуяй архиерей, крестовидно благословляя рукополагаемаго:

Бл҃года́ть ст҃а́гѡ дх҃а да бꙋ́детъ съ тобо́ю, просвѣща́ющаѧ, ѹ҆крѣплѧ́ющаѧ и҆ вразꙋмлѧ́ющаѧ тѧ̀ во всѧ̑ дни̑ жи́зни твоеѧ̀.

Посем избранный приводится до главы орла, проповедающу протодиакону приведеиие его, якоже выше явися. Ставшу же избранному на главе орла, глаголет ему первенствуяй архиерей:

Ꙗ҆вѝ намъ и҆ є҆ще́ ка́кѡ содержи́ши канѡ́ны ст҃ы́хъ а҆пⷵлъ и҆ ст҃ы́хъ ѻ҆тє́цъ, и҆ преда̑нїѧ и҆  ѹ҆становлє́нїѧ цр҃кѡ́наѧ.

Избранный же велегласно глаголет:

Къ семꙋ̀ моемꙋ̀ ст҃ы́ѧ вѣ́ры и҆сповѣ́данїю ѡ҆бѣща́юсѧ канѡ́ны ст҃ы́хъ а҆пⷵлъ, седмѝ вселе́нскихъ и҆ бл҃гочести́выхъ помѣ́стныхъ собо́рѡвъ и҆ пра̑вила ст҃ы́хъ ѻ҆тє́цъ храни́ти и҆ соблюда́ти. Всѧ̑, ꙗже ті́и прїѧ́ша, и҆ азъ прїе́млю, и҆ ихже ті́и ѿврати́шасѧ, и҆ азъ ѿвраща́юсѧ.

Е҆ще́ же ѡ҆бѣщава́юсѧ преда̑нїѧ цр҃кѡ́внаѧ, ѹ҆ста́вы ст҃ы̑ѧ и҆ чи́ны всѧ̑ каѳолі́ческїѧ восто́чныѧ правосла́вныѧ цр҃кве храни́ти неизмѣ́ннѡ.

Ѡ҆бѣща́юсѧ и҆ цр҃ко́вный ми́ръ соблюда́ти и҆ тве́рдѡ держа́ти, и҆ ни є҆ди́нымъ ѹ҆бѡ нра́вомъ въ чесо́мъ проти̑внаѧ правосла́внѣй каѳолі́честѣй, восто́чнѣй хрⷵтїа́нстѣй вѣ́рѣ мꙋ́дрствовати во всѧ̑ дни̑ жи́зни моеѧ̀, и҆ послѣ́дствовати мѝ во все́мъ и҆ повинова́тисѧ всегда̀ вели́комꙋ господи́нꙋ и҆ ѻ҆ц҃ꙋ̀ на́шемꙋ свѧтѣ́йшемꙋ патрїа́рхꙋ моско́вскомꙋ и҆ всеѧ̀ рꙋсѝ, и҆ сщ҃є́нномꙋ сѷно́дꙋ, и҆ преѡсвѧщє́ннымъ митрополі́тѡмъ, а҆рхїепі́скопѡмъ и҆ є҆пі́скопѡмъ, бра́тїи мое́й, во все́мъ согла́снꙋ бы́ти и҆ кꙋпночи́ннꙋ по бж҃е́ствєннымъ зако́нѡмъ и҆ сщ҃є́ннымъ пра́вилѡмъ ст҃ы́хъ а҆пⷵлъ и҆ ст҃ы́хъ ѻ҆тє́цъ, и҆ любо́вь дꙋхо́внꙋю вседꙋ́шнѡ къ ни̑мъ и҆мѣ́ти и҆ ꙗкѡ бра́тїю почита́ти.

Ѡ҆бѣща́ю же сѧ во стра́сѣ бж҃їи и҆ бг҃олюби́вымъ нра́воомъ ввѣ́ренное мѝ ста́до ѹ҆правлѧ́ти и҆ ѹ҆се́рднѡ ѹ҆чи́ти и҆ ѿ всѣ́хъ єресей сохранѧ́ти, со всѧ́кимъ ѹ҆се́рднымъ тща́нїемъ.

Е҆ще́ же и҆ въ то́мъ и҆сповѣ́даюсѧ, ꙗкѡ не зла́та и҆лѝ сребра̀ ѡ҆бѣща́нїемъ и҆ даѧ́нїемъ на сїѐ слꙋже́нїе прихождꙋ̀, но тꙋ́не, и҆збра́нїемъ свѧтѣ́йшагѡ патрїа́рха и҆ свѧщє́ннагѡ сѷно́да.

Къ си̑мъ же ѡ҆бѣща́юсѧ ничто́же твори́ти мѝ по нꙋ́ждѣ, аще и҆ ѿ си́льныхъ ли́цъ и҆лѝ ѿ мно́жества наро́да нꙋ́димꙋ, аще и҆ сме́ртїю мѝ воспретѧ́тъ, велѧ́ще что̀ сотвори́ти мѝ вопрекѝ бж҃е́ствєннымъ и҆ сщ҃є́ннымъ пра́вилѡмъ, нижѐ въ

чꙋжде́й є҆па́рхїи лїтꙋргиса́ти, и҆лѝ ино что̀ сщ҃е́нныхъ дѣ́ѧти без̾ во́ли є҆па́рхїи ѻныѧ а҆рхїере́а, та́кожде не рꙋкополага́ти мѝ нижѐ і҆ере́а, нижѐ дїа́кона, нижѐ и҆на́го какова́го кли́рїка чꙋжды́ѧ є҆па́рхїи, нижѐ прїима́ти ихъ въ мою̀ є҆па́рхїю без̾ ѿпꙋскныхъ гра́мотъ свои́хъ имъ а҆рхїере́євъ.

Ѡ҆бѣща́юсѧ врꙋче́ннꙋю мѝ па́ствꙋ по ѡ҆бы́чаю а҆пⷵлъ посѣща́ти и҆ назира́ти: ка́кѡ пребыва́ютъ вѣ́рнїи въ вѣ́рѣ и҆ во и҆справле́нїи дѣ́лъ бл҃ги́хъ, а҆ наипа́че і҆ере́є, и҆ смотри́ти съ прилѣжа́нїемъ, ѹ҆чи́ти и҆ запреща́ти, дабы̀ раско́лы, сꙋевѣ̑рїѧ и҆ єрєси не ѹ҆множа́лисѧ, и҆ дабы̀ проти́внїи хрⷵтїа́нскомꙋ бл҃гоче́стїю и҆ бл҃гонра́вїю ѡ҆бы̑чаи не поврежда́ли хрⷵтїа́нскагѡ житїѧ̀.

Съ проти́вными цр҃кви ст҃ѣ́й съ ра́зꙋмомъ и҆ кро́тостїю постꙋпа́ти, по а҆пⷵлꙋ па́ѵлꙋ, ꙗкѡ рабꙋ̀ гдⷵню не подоба́етъ сва́ритисѧ, но ти́хꙋ бы́ти ко всѣ̑мъ, ѹ҆чи́тельнꙋ, неѕло́бивꙋ, съ кро́тостїю наказꙋ́ющꙋ проти̑вныѧ, є҆да̀ ка́кѡ да́стъ имъ бг҃ъ покаѧ́нїе въ ра́зꙋмъ истины.

Е҆ще́ же, по за́повѣди гдⷵней: воздади́те ке́сарєва ке́сареви и҆ бж҃їѧ бг҃ови, ѡ҆бѣщава́юсѧ бы́ти в́ѣренъ властѣ́мъ бг҃охрани́мыѧ стра́ны на́шеѧ рѡссі́йскїѧ.

Всѧ̑ же та̑, ꙗкоже дне́сь ѡ҆бѣща́хсѧ, до послѣ́днѧгѡ и҆здыха́нїѧ, ра́ди бꙋ́дꙋщихъ бл҃гъ, и҆сполнѧ́ти ѡ҆бѣщава́юсѧ. Бꙋ́ди мѝ сердцевѣ́децъ бг҃ъ ѡ҆бѣща́нїѧ моегѡ̀ свидѣ́тель.

Во истиннѣмъ же и҆ ѹ҆се́рднѣмъ мое́мъ правле́нїи и҆ дѣ́йствїи да бꙋ́детх са́мъ то́й сп҃си́тель на́шъ і҆и҃съ хрⷵто́съ мѝ помо́щникъ, є҆мꙋ́же кꙋ́пнѡ со ѻ҆ц҃е́мъ и҆ дх҃омъ ст҃ы́мъ да бꙋ́детъ сла́ва и҆ держа́ва, че́сть и҆ поклоне́нїе, ны́нѣ и҆ при́снѡ и҆ во вѣ́ки вѣкѡ́въ. А҆ ми́нь.

И сему исполнившуся, благословляет его первенствующий архиерей, глаголя:

Бл҃года́ть ст҃а́гѡ дх҃а, чрез̾ на́шꙋ мѣ́рность, произво́дитъ тѧ, бг҃олюбе́знѣйшаго а҆рхїмандрі́та [ и҆лѝ: і҆еромона́ха], имⷬ҇къ , и҆збра́ннаго є҆епі́скопа б҃госпаса́емагѡ [ыхъ] грддд [ѡвъ], имⷬ҇къ .

Избранный же покланяется архиереем трижды, и протодиакон приводит его ко архиереем, и той, вручив первому архиерею начертание исповедания и обещания, целует десны́я ру́ки архиереев. И сходит со амвона и паки покланяется архиереем. Первый же архиерей, знаменуя его рукою крестообразно, глаголет:

Бл҃года́ть прест҃а́гѡ дх҃а да бꙋ́детъ съ тобо́ю.

Потом отводят его на орлец, и протодиакон возглашает многолетия Святейшему Патриарху, и присутствующым архиереем, и новоизбранному. Нареченный при пении: Мно́гая ле́та кланяется первенствующему архиерею, архиереем одесную и ошу́юю, а при последнем многолетии – народу на три страны, затем приемлет благословение от коего́ждо архиереа, и вторый протоиерей и вторый диакон отводят его во олтарь.

И бывает литургия по чину. И стоит хиротонисуемый на учине́нном месте во олтари́.

И по трисвятом пении приводится протопресвитером и протодиаконом хиротонису́емый пред святыя двери, и приемлется архиереами во святый олтарь, пред святую трапезу, и абие преклоняет колена своя пред святою трапезою, между́ архиереами. И вземлют Святое Евангелие и, разгну́вше, полагают е́, превра́щше, пи́смяны на главу его, придержаще отсю́ду и отону́ду.

Глаголет же первенствуяй архиерей в слух всех:

И҆збра́нїемъ и҆ и҆скꙋ́сомъ боголюбе́знѣйшихъ а҆рхїере́євъ и҆ всегѡ̀ ѡ҆свѧщє́ннагѡ собо́ра, бж҃е́ствєннаѧ бл҃года́ть, всегда̀ немощна́ѧ врачꙋ́ющи и҆ ѡ҆скꙋдѣва́ющаѧ восполнѧ́ющи, прорꙋчествꙋ́етъ бг҃олюбе́знѣйшаго а҆рхїмандрі́та [ и҆лѝ: і҆еромона́ха],

имⷬ҇къ, и҆збра́ннагѡ во є҆пі́скопа бг҃оспаса́емаго [ыхъ] гра́да[ѡвъ], имⷬ҇къ . Помо́лимсѧ ѹбѡ ѡ҆ немъ, да прїи́детъ на негѡ̀ благода́ть всест҃а́гѡ дх҃а.

И глаголют вси во олтари: Го́споди, поми́луи (трижды).

Архиереем придержащым Евангелие, первенствуяй творит над главою рукополагаемаго кресты три, благословляя его, и глаголет:

Во имѧ ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ.

И архиереем, положшым десны́я руки на главе рукополагаемаго, первенствуяй молится си́це:

Влады́ко гдⷵи, бж҃е на́шъ, законоположи́вый на́мъ чре́зъ всехва́льнаго твоего̀ а҆по́стола па́вла степе́ней и҆ чинѡ́въ чи́нъ, во єже слꙋжи́ти и҆ лїтꙋргиса́ти честны́мъ и҆ пречи́стымъ твои́мъ та́йнамъ во свѧте́мъ твое́мъ ж́ертвенницѣ, пе́рвое а҆по́столы, второ́е проро́ки, тре́тїе ѹ҆чи́тели, са́мъ, влады́ко всѣ́хъ, и҆ сего̀, и҆збра́ннаго и҆ сподо́бльшсѧ под̾итѝ є҆ѵа́нгельскомꙋ игꙋ и҆ а҆рхїере́йскомꙋ досто́инствꙋ, чре́зъ рꙋкоположе́нїе на́съ, соприсꙋ́тствꙋющихъ здѣ̀ соєпі́скопѡбъ, наше́ствїемъ и҆ си́лою и҆ благода́тїю свѧта́гѡ твоегѡ̀ дх҃а ѹ҆крѣ́пѝ, ꙗкѡ ѹ҆крѣпи́лъ є҆сѝ свѧты́ѧ а҆по́столы и҆ проро́ки, ꙗкѡ пома́залъ є҆сѝ царѝ, ꙗкѡ ѡ҆свѧти́лъ є҆сѝ а҆рхїере́и, и҆ непоро́чнѡ є҆гѡ а҆рхїере́йство покажѝ и҆, всѧ́кою че́стностїю ѹ҆кра́сивъ, свѧ́та предста́ви, во єже досто́йнꙋ бы́ти проси́ти є҆мꙋ̀ ꙗже ко спасе́нїю наро́да, и҆ послꙋ́шати тебѣ̀ є҆го̀. Ꙗкѡ свѧти́сѧ твоѐ имѧ, и҆ просла́висѧ твоѐ ца́рство, ѻ҆тца̀ и҆ сы́на и҆ свѧта́го дꙋ́ха, ны́нѣ и҆ при́снѡ и҆ во вѣ́ки вѣкѡ́въ. А҆ ми́нь.

Посем глаголет от сохиротонису́ющих архиереев един тихим гласом, елико слышати соприсутствующым архиереем и отвещати, диаконства сия:

Ми́ромъ гдⷵꙋ помо́лимсѧ.

И отвещают: Го́споди, поми́луй (единожды).

Ѡ҆свы́шнемъ ми́рѣ, и҆ спасе́нїи дꙋ́шъ на́шихъ гдⷵꙋ помолимсѧ.

Ѡ҆ми́рѣ всегѡ̀ мі́ра, бл҃гостоѧ́нїи ст҃ы́хъ бж҃їихъ цр҃кве́й и҆ соедине́нїи всѣ́хъ гдⷵꙋ помо́лимсѧ.

Ѡ҆ст҃ѣ́мъ хра́мѣ се҆мъ и҆ съ вѣ́рою, бл҃гоговѣ́нїемъ и҆ стра́хомъ бж҃їимъ входѧ́щихъ въ ѻнь гдⷵꙋ помо́лимсѧ.

Ѡ҆вели́комъ господи́нѣ и҆ ѻ҆ц҃ѣ̀ на́шемъ свѧтѣ́йшемъ патрїа́рсѣ моско́встемъ и҆ всеѧ̀ рꙋсѝ пі́менѣ, и҆ сщ҃е́номъ сѷно́дѣ рꙋ́сскїѧ православныѧ цр҃кве, свѧще́нствѣ, защище́нїи, пребыванїи, мі́рѣ, здра́вїи и҆ спасе́нїи ихъ, и҆ дѣ́лѣ рꙋ́къ ихъ гдⷵꙋ помо́лимсѧ.

Ѡ҆рабѣ̀ бж҃їемъ, имⷬ҇къ , ны́нѣ прорꙋчествꙋ́емомъ є҆пі́скопѣ, и҆ сп҃се́нїи є҆гѡ̀ гдⷵꙋ помо́лимсѧ.

Ꙗкѡ да человѣколю́бецъ бг҃ъ несквѣ́рнѡ и҆ непоро́чнѡ є҆мꙋ̀ а҆рхїере́йствѡ да́рꙋетъ гдⷵꙋ помо́лимсѧ.

Ѡ҆бг҃охрани́мѣ́й странѣ̀ на́шей, властѣ́хъ и҆ во́инствѣ є҆ѧ̀ гдⷵꙋ помо́лимсѧ.

Ѡ҆гра́дѣ се́мъ, всѧ́комъ гра́дѣ, странѣ̀ и҆ ѡ҆ всѣ́хъ тре́бꙋющихъ ѿ бг҃а помощи и҆ защище́нїѧ гдⷵꙋ помо́лимсѧ.

Ѡ҆и҆зба́витисѧ на́мъ ѿ всѧ́кїѧ ско́рби, гнѣ́ва и҆ нꙋ́жды, гдⷵꙋ помо́лимсѧ.

Застꙋпѝ, спасѝ, поми́лꙋй и҆ сохранѝ на́съ бж҃е, твое́ю бл҃года́тїю.

Прест҃ꙋ́ю, пречⷵтꙋю, пребл҃гослове́ннꙋю, сла́внꙋю влⷣчцꙋ на́шꙋ бцⷣꙋ и҆ приснодв҃ꙋ мр҃і́ю со всѣ́ми ст҃ы́ми помѧнꙋ́вше, са́ми себѐ, и҆ дрꙋ́гъ дрꙋ́га, и҆ ве́сь живо́тъ на́шъ хрⷵтꙋ̀ бг҃ꙋ предади́мъ.

Отвещавают: Тебе, Господи .

Ектении глаголемой, первенствуяй архиерей, имеяй руку на версе́ хиротонисуемаго наложену, молится сице:

Гдⷵи бж҃е на́шъ, поне́же невозмо́жнѡ человѣ́ческомꙋ є҆стествꙋ̀ бж҃е́ственнагѡ понестѝ сꙋщества̀, твои́мъ строе́нїемъ подобостра́стны на́мъ ѹ҆чи́тели поста́вивый, тво́й содержа́щыѧ престо́лъ, во єже возноси́ти тебѣ̀ же́ртвꙋ и҆ приноше́нїе ѡ҆ всѣ́хъ лю́дехъ твои́хъ, ты̀, гдⷵи, и҆ сегѡ̀ ꙗ҆вле́ннагѡ строи́телѧ а҆рхїере́йскїѧ благода́ти сотворѝ бы́ти подража́телѧ тебѣ̀, истиннагѡ па́стырѧ, положи́вшагѡ дꙋ́шꙋ твою̀ за ѻвцы твоѧ̀, пꙋтевождѧ̀ слѣпы́хъ, свѣ́тъ сꙋ́щихъ во тьмѣ̀, наказа́телѧ немꙋ́дрыхъ, ѹ҆чи́телѧ младе́нцєвъ, свѣти́льника въ мі́рѣ, да соверши́въ дꙋ́шы, ввѣ́рєнныѧ є҆мꙋ̀ въ настоѧ́щей жи́зни, предста́нетъ престо́лꙋ твоемꙋ̀ непосты́днѡ и҆ вели́кꙋю мздꙋ̀ прїи́метъ, юже ѹ҆гото́валъ є҆сѝ пострада́вшимъ за проповѣдь є҆ѵанге́лїѧ твоегѡ̀.

Твоѐ бо є҆сть єже ми́ловати и҆ спаса́ти ны̀, бж҃е на́шъ, и҆ тебѣ̀ сла́вꙋ возсыла́емъ ѻ҆ц҃ꙋ̀ и҆ сн҃ꙋ и҆ свѧто́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ. А҆ ми́нь.

Посем полагают Евангелие на святей трапе́зе, и налагают хиротонисуемому саккос и прочыя одежды, глаголюще: Аксиос .

Подобно и клир глаголет тожде, и певцы.

Потом хиротонисуемаго целуют архиерее, и обычней похвале́ (на Трисвятом – аще патриарх служение возглавляет) совершившейся, входят в сопресто́лие (на горнее место), и хиротониса́нный архиерей ми́рствует ко Апостолу, и совершают святую литургию.

Аще имеются ста́вленницы, хиротонисанный архиерей рукополагает их.

И по совершении Божественныя литургии, изъодея́ются архиерее во святем олтари́, и приводят хиротонисаннаго к первому архиерею, и возлагает той на него с благословением рукою архиерейскую рясу, панагию, мантию и клобу́к и дает ему ве́рвицу (четки). Потом исходят арххиерее из олтаря и восходят на угото́ванный амвон, и протопресвитер и протодиакон приводят хиротонисаннаго ко амвону, и вручается хиротонисанному жезл архипастырский со увещательным поучением.

Прежде у́бо повелевает архиерей ключарю́ или священнику, ему́же вве́рена церковная служба, на сие́ иску́с иму́щу, да приуготовля́ет потре́бная, си́речь да повели́т сшити влага́лище под антими́нс, на верхней стране́, посреди́. [Аще соизво́лит архиерей и мно́зи антими́нсы освящати, ели́ко архиерей повели́т, на ко́емждо антиминсе, вшивает посреди верхняго кра́я по влагалищу, иде́же положи́ти святыя мощи.] И, егда́ угото́вят, полагает на блюде и приносит во церковь, и поставит на святей трапе́зе, верху́ инди́тии. Та́же уготовля́ет воскомасти́х, и му́ченическия святыя мощи, и сосуд с родоста́мою (розовою водою), [аще несть родоста́мы, вино церковное доброе,] и святое миро в сосуде, и спичку, е́юже помазывати святым миром антиминсы.

О составле́нии воскома́стиха

Воскомасти́х составляется си́це: воск и масти́х толче́н, и ла́дан толчен, [аще несть масти́ха, вместо его белый ладан довле́ет,] и росны́й ладан толчеи же, и ало́й толчеи же [аще ли несть алоя (алекси́ра), вместо его сера белая (смола́)], и полагают прежде воск в горне́ц новый, проти́ву ме́ры вещей. И егда́ растопи́тся воск, полагают и вышеписанныя ве́щи. И мешают я́ в горнце́ спичкою опасно (со опасением), чтобы от воскипения не прелило́ся во огнь, и по малом кипении отставляют от огня во страну́.

Поставляются же и святыя мощи, три ча́стицы, на святый дискос, и над дискосом звезди́ца: и покрыва́ет я́ покровцем, и полагаются на предложение, и вжигают две свещи́ пред ними [аще у́бо суть антиминсы многия на освящение угото́влены, полагаются на святый дискос ча́стицы от святых мощей по числу антиминсов].

И приспе́вшу времени святыя литургии, облачается архиерей во архиерейская облачения вся. И верху́ архиерейских одежд возлагается ле́нтион, и обя́жется спреди́ у́бо от груде́й, даже до ног доставая, и созади́ под па́зухи ко хребту́, обои́ми концы́ стя́гнуто, и совокуплено́ связу́емо. Поперек же поясом препоясу́ется. Возлагаются на ку́юждо руку архиерею по единому убру́су, и поясом привязу́ются.

И тако укра́шен святитель, входит во святый олтарь, и сущии священницы, и диакони с ним. От прочих же людей никому́же во святый олтарь вни́ти, ниже́ стояти, кроме́ архиереа, и священников, и диаконов.

Таже протодиакону рекшу: Го́споду помо́лимся. И архиерей молится пред святою трапезою над антиминсы, во услышание всем: ²

Гдⷵи бж҃е сп҃си́телю на́шъ, иже всѧ̑ творѧ́й и҆ стро́ѧй ѡ҆ спасе́нїи ро́да человѣ́ческагѡ: прїимѝ моли́твꙋ на́шꙋ, недосто́йныхъ ра̑бъ твои́хъ, и҆ ѹ҆довлѝ на́съ въ настоѧ́щїй ча́съ, во єже неѡсꙋжде́ннѡ слꙋже́нїе соверши́ти же́ртвенником̆ъ си́м̆ъ, иже ко твоемꙋ̀ славосло́вїю ѡ҆сщ҃а́емым̆ъ, во имѧ твоѐ ст҃о́е, и҆ ст҃а́гѡ, имⷬ҇къ [и҆лѝ: ст҃ы́ѧ, имⷬ҇къ] , и҆ воздвиже́нїе єже въ ни́хъ сотвори́тисѧ трапезамъ.

Возгла́с:

Ꙗкѡ подоба́етъ тебѣ̀ всѧ́каѧ сла́ва, че́сть и҆ поклоне́нїе, ѻ҆ц҃ꙋ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ. А҆ ми́нь.

И а́бие ковер нов простирается пред святыми две́рьми, и на нем поставляется возгла́вие.

И архиерею изшедшу из олтаря́ и ставшу на ковре, протодиакон глаголет: Па́ки и па́ки, прикло́ньше коле́на, Го́споду помо́лимся .

И архиерей, колена приклони́в на возглавие, и сущии с ним иерее, и диакони во олтари, та́коже приклоняют колена.

Архиерей же молится емце:

Бж҃е безнача́льный и҆ присносꙋ́щный, иже ѿ несꙋ́щихъ въ бытїѐ всѧ̑ приведы́й, иже во свѣ́тѣ живы́й непристꙋ́пнѣ и прⷵто́лъ ̆и҆мы́й ̆ нб҃о, зе́млю же подно́жїе: иже мѡѷсе́ови повелѣ́нїе да́вый и҆ подписа́нїе: веселеи́лꙋ же дх҃ъ премꙋ́дрости вложи́вый, и҆ ѹ҆довли́въ ихъ къ соверше́нїю свидѣ́тельства ски́нїи, въ не́йже слꙋжє́нїѧ и҆ ѡ҆правда̑нїѧ бѧ́хꙋ, истины ѻбразы и҆ предначерта̑нїѧ, иже соломѡ́нꙋ широтꙋ̀ и҆ простра́нство се́рдца дарова́вый и҆ тѣ́мъ [иже] и҆ногда̀ дре́внїй хра́мъ возста́вивъ, ст҃ы́мъ же и҆ всехва́льнымъ твои́мъ а҆пⷵлѡмъ юже въ дс҃ѣ слꙋ́жбы, и҆ ски́нїи истинныѧ ѡ҆бновле́й бл҃годать и҆ тѣ́ми ст҃ы̑ѧ цр҃кви и҆ же́ртвенники твоѧ̑ гдⷵи си́лъ, во все́й землѝ насади́лъ є҆сѝ, во єже приноси́тисѧ тебѣ̀ мы́слєннымъ и҆ безкро́внымъ же́ртвамъ, иже и҆ с̆емꙋ̀ ны́нѣ же́ртвенник̆ꙋ благоволи́лъ є҆сѝ ѡ҆ст҃и́тисѧ, ко сла́вѣ твое́й, и҆ є҆диноро́днагѡ твоегѡ̀ сн҃а, и҆ ст҃а́гѡ твоегѡ̀ дх҃а: са́мъ безсме́ртне и҆ великодарови́тый цр҃ю̀, помѧнѝ щедрѡ́ты твоѧ̑, и҆ ми́лѡсти твоѧ̑, ꙗкѡ ѿ вѣ́ка сꙋ́ть: и҆ да не возгнꙋси́шисѧ на́съ, мно́жествомъ ѡ҆скверне́ныхъ грѣхѡ́въ: нижѐ да разрꙋши́ши завѣ́та твоегѡ̀ на́шеѧ ра́ди нечистоты̀. но пре́зри ны́нѣ прегрѣшє́нїѧ наша, и҆ ѹ҆крѣпѝ на́съ, и҆ ѹ҆довлѝ благода́тїю и҆ прише́ствїемъ животворѧ́щагѡ и҆ ст҃а́гѡ твоегѡ̀ дх҃а, соверши́ти без̾ ѡ҆сꙋжде́нїѧ ѡ҆сщ҃е́нїе же́ртвенникӑ с̆егѡ̀: да и҆ въ с̆е́мъ бл҃гослови́мъ тѧ ѱалмы̀, и҆ пѣ́сньми, и҆ та́йными слꙋ́жбами, и҆ твоѐ бл҃гоꙋтро́бїе вы́нꙋ велича́емъ. єй влⷣко гдⷵи бж҃е сп҃се на́шъ, ѹ҆пова́нїе всѣ́хъ конце́въ землѝ, ѹ҆слы́ши на́съ грѣ́шныхъ молѧ́щихсѧ тебѣ̀: и҆ низпослѝ прест҃а́го твоего̀, и҆ поклонѧ́емаго, и҆ всеси́льнаго дх҃а, и҆ ѡ҆ст҃ѝ же́ртвенник̆ъ се́й,̆ и҆спо́лни є҆г̆о̀ свѣ́та присносꙋ́щнагѡ. и҆зберѝ є҆г̆о̀ въ жили́ще себѣ̀: сотворѝ є҆г̆о̀ селе́нїе сла́вы твоеѧ̀: ѹ҆красѝ є҆г̆о̀ бжⷵтвенными дарова́ньми: ѹ҆ста́ви є҆г̆о̀ приста́нище ѡ҆бꙋрева́емыхъ, врачсвства̀ страсте́й, прибѣ́жище немощны́хъ, бѣсѡ́въ прогоне́нїе во єже бы́ти ѻ҆чи́ма твои́ма ѿве́рстома на н̆его̀ де́нь и҆ но́щь, и҆ ѹши твоѝ вне́млющѣ въ моли́твꙋ иже стра́хомъ твои́мъ и҆ бл҃гоговѣ́инствомъ въ т̆ой входѧ́щымъ и҆ призыва́ющымъ всечестно́е и҆ поклонѧ́емое имѧ твоѐ. ꙗкѡ ѹбѡ да в̆оспро́сѧтъ̆ ѹ҆ тебѐ, и҆ ты̀ ѹ҆слы́шиши на нб҃сѝ горѣ̀, и҆ сотвори́ши, и҆ млⷵтивъ бꙋ́деши. Сохранѝ є҆г̆о̀ да́же до сконча́нїѧ вѣ́ка непоколеби́мӑ. Же́ртвенник̆ъ с̆е́й ст҃ӑ ст҃ы́хъ покажѝ, си́лою и҆ дѣ́йствомъ ст҃а́гѡ твоегѡ̀ дх҃а. Просла́ви є҆г̆о̀ па́че иже по зако́нꙋ ѡ҆чисти́лища, ꙗкѡ да ꙗже въ н̆е́мъ соверша́єаѧ свѧщеннодѣ́йства на ст҃ы́й, и҆ пренбⷵный, и҆ мы́сленный тво́й же́ртвенникъ достиза́ти, и҆ бл҃года́ть на́мъ твоегѡ̀ пречⷵтагѡ припоси́ти ѡ҆сѣне́нїѧ: дерза́емъ бо не на на́шихъ недосто́йныхъ рꙋ́къ слꙋже́нїе, но на твою̀ неизрече́ннꙋю бл҃госты́ню.

И по совершении молитвы востает архиерей и и́дет во олтарь ко святей трапе́зе, и затворяется святый олтарь, и протодиакон глаголет внутрь святаго олтаря́: Заступи́, спаси́, поми́луй, возста́ви и сохрани́ нас, Бо́же, Твое́ю благода́тию.

О свы́шнем ми́ре и о спасе́нии душ на́ших Го́споду помо́лимся.

О ми́ре всего́ ми́ра и благостоя́нии Святы́х:

О Вели́ком Господи́не и Отце́ на́шем Святе́йшем Патрна́рсе Пи́мене, и о Господи́не на́шем Преосвяще́ннейшем митрополи́те [или: архиепи́сконе, или: епи́скопе] [имярек] и де́лех руку́ его́, и и́же с ни́м свяще́нницех, Го́споду помо́лимся.

О е́же освяти́тися же́ртвеннику (ком) сему́ (сим) прише́ствием и де́йством Свята́го Ду́ха, Го́споду помо́лимся.

О Богохрани́мей стране́ на́шей:

О гра́де сем и вся́ком гра́де:

О изба́витися нам:

Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Марию [и святаго, егоже есть освящаемый жертвенник] со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м. Возгла́с:

Ꙗкѡ ст҃ъ є҆сѝ бж҃е на́шъ, иже п̆о̆ тебѣ̀ пострада́вшихъ, въ чⷵтны́хъ мꙋ́ченицѣхъ почива́еши, и҆ тебѣ̀ сла́вꙋ возсыла́емъ, ѻ҆ц҃ꙋ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ.

И глаго́лему: Ами́нь, архиерей, приклони́в главу́, мо́лится молитвою сею, над родоста́мою, диакону ре́кшу: Го́споду помо́лимся .

Гдⷵи бж҃е на́шъ, ѡ҆свѧти́вый стрꙋи̑ і҆ѻрда̑нскїѧ сп҃си́тельнымъ твои́м̾ ꙗ҆вле́нїемъ: са́мъ и҆ ны́нѣ низпослѝ бл҃года́ть ст҃а́гѡ твоегѡ̀ дх҃а и҆ блгⷵвѝ во́дꙋ сїю̀, ко ѡ҆сщ҃е́нїю и҆ соверше́нїю же́ртвенникӑ твоӗгѡ̀ сег̆ѡ̀, ꙗкѡ бл҃гослове́нъ є҆сѝ во вѣ́ки вѣкѡ́въ. А҆ ми́нь.

Та́же зна́менует родоста́му трижды, и е́млет архиерей сосуд с родоста́мою (розовою водою), и поливает на антиминсы, крестообразно, трижды, глаголя:

Во имѧ ѻ҆ц҃а̀, и҆ сн҃а, и҆ ст҃а́гѡ дх҃а.

Ѡ҆кропи́ши мѧ̀ ѵ҆ссѡ́помъ, и҆ ѡ҆чи́щꙋсѧ: ѡ҆мы́еши мѧ̀, и҆ па́че́ снѣ́га ѹ҆бѣлю́сѧ.

Сие́ же трижды изглаго́лав, прирече́т и про́чая псалма́, до конца. И, сла́вя, глаго́лет:

Бл҃гослове́нъ бг҃ъ на́шъ всегда̀, ны́нѣ и҆ при́снѡ и҆ во вѣ́ки вѣкѡ́въ А҆ ми́нь.

Та́же прие́м сосуд великаго мира, и диакону ре́кшу: Во́нмем, архиерею же поющу: Аллилу́иа, трижды, творит три кресты́, спичкою на антиминсе, со святым миром: един посреде́, и по о́бе стране́ два, глаго́лему и 132 псалму: Се что́ добро́, или что́ красно́: до конца.

И, славя, глаголет архиерей:

Сла́ва тебѣ̀ ст҃а́ѧ трⷪ҇це, бж҃е на́шъ, во вѣ́ки.

И а́ще суть мно́зи антиминсы, творит на ки́йждо антиминс та́кожде.

И глаголют псалом 131: Помяни́, Го́споди, Дави́да :

Таже и́дет архиерей во предложение со священники, и диаконы, и с лампадами: и, став пред святыми мощьми́, глаголет сию́ молитву, диакону ре́кшу: Го́споду помо́лимся .

Архиерей:

Гдⷵи бж҃е на́шъ, вѣ́рный во словесѣ́хъ твои́хъ и҆ нело́жный во ѡ҆бѣща́нїихъ твои́хъ. дарова́вый ст҃ы̑мъ твои̑мъ мч҃нкѡмъ по́двигомъ до́брымъ подвиза́тисѧ и҆ тече́нїе бл҃гоче́стїѧ соверши́ти и҆ вѣ́рꙋ истиннагѡ и҆сповѣ́данїѧ сохрани́ти: са́мъ влⷣко прест҃ы́й, тѣ́хъ моле́нїемъ ѹ҆моле́нъ бꙋ́ди и҆ да́рꙋй на́мъ недостѡ́йнымъ твои̑мъ рабѡ́мъ ча́сть и҆ наслѣ́дїе и҆мѣ́ти съ ни́ми. да подража́телїе тѣ́хъ бы́вше, сподо́бимсѧ и҆ предлежа́щихъ тѣ́хъ бл҃ги́хъ.

Возгла́с:

Млⷵтїю и҆ щедро́тами и҆ чл҃вѣколю́бїемъ є҆диноро́днагѡ сн҃а твоегѡ̀, съ ни́мже бл҃гослове́нъ є҆сѝ, со прест҃ы́мъ, и҆ бл҃ги́мъ, и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ. А҆ ми́нь.

Та́же:

Ми́ръ всѣ̑мъ.

И диакон: Главы́ ва́шя:

Архиерей:

Гдⷵи бж҃е на́шъ, мл҃твами прест҃ы́ѧ влⷣчцы на́шеѧ бцⷣы и҆ всѣ́хъ ст҃ы́хъ твои́хъ, дѣла̀ рꙋ́къ на́шихъ недосто́йныхъ ра̑бъ твои́хъ наира́вн и҆ во всѣ́хъ ѹ҆гожда́ти на́с̾ твое́й блгⷵти сподо́би.

Возгла́с:

Бꙋ́ди держа́ва црⷵтвїѧ твоегѡ̀ бл҃гослове́на и҆ препросла́влена, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ. А҆ ми́нь.

И по совершении молитвы приемлет архиерей святый дискос со святыми мощьми́, покрове́н ае́ром, и прложи́т его на главу́ свою, и творит вход северными две́рьми, со священники и диаконы, с лампадами и рипидами. Предхо́дят у́бо с лампадами и диаконы с кадильницами, кадя́ще по чину, и и́дет даже до святых две́рей.

И егда́ вхо́дит, поют тропарь: И́же на ка́мени ве́ры созда́вый Це́рковь Твою́, Бла́же, в той испра́ви моле́ния на́ша и приими́ лю́ди, ве́рою вопию́щих Тебе́: спаси́ ны, Бо́же наш, спаси́ ны .

И пред святыми две́рьми глаголет архиерей:

Возми́те, врата̀, кн҃зи ва́ша, велегласно:

И отворяемым две́рем, внидет архиерей внутрь святаго олтаря и обходит о́крест святую трапезу, поя: Святи́и му́ченицы: и: Сла́ва Тебе́, Христе Бо́же, апо́столов похвало́: И поставит святый дискос на святую трапезу.

Таже дается архиерею кадильница, и, кадя́ о́крест святыя трапезы, глаголет псалом 25: Суди́ ми. Го́споди, я́ко аз незло́бою мое́ю ходи́х: до конца. Таже диакону рекшу: Го́споду помо́лимся .

И архиерей молится сице:

Гдⷵи нб҃сѐ и҆ землѝ, иже ст҃ꙋ́ю твою̀ цр҃ковь неизрече́нною премꙋ́дростїю ѡ҆снова́вый и҆ во ѻбразъ єже на нб҃сѝ  ̆агг҃льскомꙋ слꙋже́нїю̆ свѧще́нничества чи́нъ на землѝ составле́й, ты̀ влⷣко великода́рне, прїимѝ и҆ нн҃ѣ молѧ́щихсѧ на́съ, не ꙗкѡ досто́йныхъ сꙋ́щихъ ѡ҆ толи́кихъ проси́ти: но да премно́гое пока́жетсѧ твоеѧ̀ бла́гости: не бо̀ преста́лъ є҆сѝ ч̆л҃вѣ́ческїй р̆о́дъ многоѻбра́знѣ бл҃годѣ́ѧ, глави́знꙋ же на́мъ дарова́лъ є҆сѝ твои́хъ бл҃годѣѧ́нїй, єже во пло́ти є҆диноро́днагѡ твоегѡ̀ сн҃а прише́ствїе, иже на землѝ ꙗвльсѧ и҆ возсїѧ́въ сꙋ́щымъ во тмѣ̀ свѣ́тъ спасе́нїѧ, в̆озне́с̆ъ себѐ ѡ҆ на́съ же́ртвꙋ, и҆ бы́сть мі́рови всемꙋ̀ ѡ҆чисти́лище, ѻбщники на́съ своегѡ̀ воскресе́нїѧ сотвори́въ, и҆ вознесе́сѧ на нб҃са̀, ѡ҆блечѐ своѧ̀ ѹ҆ч҃нкѝ и҆ а҆пⷵлы, ꙗкоже ѡ҆бѣща́сѧ си́лою свы́ше, ꙗже єсть дх҃ъ ст҃ы́й, покланѧ́емый и҆ всеси́льный, иже ѿ тебѐ бг҃а и҆ ѻ҆ц҃а̀ и҆сходѧ́щь, имже бы́ша си́льнїи дѣ́ломъ и҆ сло́вомъ, кр҃ще́нїе преда́ша сн҃оположе́нїѧ, цр҃кви с̆оста́вишӑ, ѹ҆тверди́ша же́ртвенники, сщ҃є́нства, положи́ша пра̑вила и҆ зако́ны, ихже мы̀ грѣ́шнїи держа́ще преда́нїе, припа́даемъ тѝ вѣ́чномꙋ бг҃ꙋ и҆ мо́лимсѧ тѝ бл҃гоꙋтро́бне, иже къ твоемꙋ̀ пѣснопѣ́нїю созда́ннаго хра́ма бж҃е́ственныѧ твоеѧ̀ и҆спо́лни сла́вы и҆ с̆его̀ же́ртвенникӑ ст҃а́го̆ ст҃ы́хъ покажѝ, ꙗкоже на́мъ предстоѧ́щымъ є҆мꙋ̀, ꙗкѡ стра́шномꙋ црⷵтвїѧ твоегѡ̀ прⷵто́лꙋ неѡсꙋжде́ннѡ слꙋжи́ти, мольбы̑ ѡ҆ на́съ и҆ ѡ҆ лю́дехъ твои́хъ всѣ́хъ возпосыла́ющихъ, и҆ безкро́внꙋю же́ртв̀ твое́й приносѧ́щихъ бл҃гости, ѡ҆ во́льныхъ и҆ нево́льныхъ грѣсѣ́хъ въ проще́нїе, во ̆ѡ҆кормле́нїӗ житїѧ̀, во и҆справле́нїе бл҃га́гѡ жи́тельства, во и҆сполне́нїе всѧ́кїѧ пра́вды.

Ꙗкѡ бл҃гослови́сѧ твоѐ прест҃о́е имѧ, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ. А҆ ми́нь

Таже:

Ми́ръ всѣ̑мъ.

Диакон: Главы́ ва́шя Го́сподеви приклони́те .

И архиерей глаголет молитву:

Бл҃годари́мъ тѧ̀ гдⷵи бж҃е си́лъ, ꙗкѡ юже и҆злїѧ́лъ є҆сѝ, бл҃ггода́ть на ст҃ы́ѧ твоѧ̀ а҆пⷵлы и҆ на прпⷣбныѧ на́ши ѻ҆ц҃ы̀ сподо́билъ є҆сѝ мно́гагѡ ра́ди твоегѡ̀ чл҃вѣколю́бїѧ и҆ да́же до на́съ грѣ́шныхъ и҆ непотре́бныхъ ра̑бъ твои́хъ простре́ти. тѣ́мже мо́лимсѧ тебѣ̀ влⷣко многомлⷵтиве, и҆спо́лни сла́вы, и҆ ст҃ы́ни, и҆ бл҃тода́ти, же́ртвенник̆ъ т̆во́й с̆е́й, ꙗкоже претворѧ́тисѧ єже въ н̆е́мъ приноси́мымъ тебѣ̀ безкро́внымъ же́ртвамъ въ пречⷵтое тѣ́ло, и҆ чⷵтнꙋ́ю кро́вь вели́кагѡ бг҃а и҆ сп҃са на́шегѡ і҆и҃са хрⷵта̀, є҆диноро́днагѡ твоегѡ̀ сн҃а, ко спасе́нїю всѣ́хъ люде́й твои́хъ и҆ на́шегѡ недосто́инства.

Возгла́с:

Ты бо є҆сѝ бг҃ъ на́шъ, бг҃ъ ми́ловати и҆ спаса́ти, и҆ тебѣ̀ сла́вꙋ возсыла́емъ, ѻ҆ц҃ꙋ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ.

И по совершении молитвы приемлет архиерей воскомасти́х и положи́т во угото́вленом влагалище, си́речь и меше́чик, под антиминсом. Та́же е́млет святых моще́й три ча́стицы и положи́т я́ в воскомасти́х, и возлива́ет на них святое великое миро, и укрепи́в до́бре с воскомасти́хом.

Таже диакон глаголет: Го́споду помоли́мся .

И архиерей молитву сию́:

Гдⷵи бж҃е на́шъ, иже и҆ сїю̀ сла́вꙋ ѡ҆ тебѣ̀ пострада́вшымъ ст҃ы́мъ мꙋ́ченикѡмъ дарова́вый, єже сѣ́ѧтисѧ в̆о̆ все́й землѝ мощє́мъ ихъ, во ст҃ы́хъ хра́мѣхъ твои́хъ, и҆ плоды̀ и҆сцѣле́нїй прозѧба́ти: са́мъ влⷣко, всѣ́хъ бл҃ги́хъ пода́тель сы́й, мл҃твами ст҃ы́хъ, ихже бл҃гоизво́лилъ є҆сѝ положе́нїе моще́й въ се́м̆ъ честнѣ́м̆ъ же́ртвенниц̆ѣ твое́м̆ъ бы́тн, сподо́би на́съ неѡсꙋжде́ннѣ безкро́внꙋю тебѣ̀ въ не́м̆ъ приноси́ти же́ртвꙋ и҆ да́рꙋй на́мъ всѧ̀ ꙗже ко спасе́нїю̀ прошє́нїѧ, возме́здїе подаѧ́й и҆ въ се́мъ пострада́вшымъ за ст҃о́е имѧ твоѐ єже чꙋдодѣ́йствовати тѣ́ми къ на́шемꙋ спасе́нїю.

Возгла́с:

Ꙗкѡ твоѐ єсть црⷵтво, и҆ си́ла, и҆ сла́ва, ѻ҆ц҃а̀ и҆ сн҃а и҆ ст҃агѡ дх҃а, ны́нѣ и҆ при́снѡ и҆ во вѣ́ки вѣкѡ́въ.

И по совершении извлача́ется архиерей обяза́ния, пред святою трапезою.

Таже глаголет:

Съ ми́ромъ и҆зъи́демъ.

И исходит из олтаря. и стои́т на своем обычном месте.

И начинаются часы, и Божественная литургиа по чину. Антиминсы же лежат на престоле седмь дний, Божественней службе совершаемей на всяк день.

Ве́домо бу́ди, яко сие́ де́йство бывает пред Божественною литурги́ею. Бывает же и в Божественней литургии, по возгла́се: Да и ти́и с на́ми сла́вят: я́коже выше писано.

Оба́че же Чино́вники и Уставы па́че повелевают [и ле́по есть] быти пред Божественною литургиею, по сему́ чину, якоже напеча́тася зде, яко да не будет препо́на и медление между́ Божественною литургиею.

Поему великому славословию, облачится предстоятель во всю священную одежду и приемлет кадильницу с фимиамом, и приходит ко святей трапе́зе, и кадит Честны́й Крест крестообразно, и взимает его на главу, и исходит от олтаря северными две́рьми, предъиду́щым ему со двема́ лампадами даже до царских врат, и, тамо став, ожидает конца славословия и Трисвятаго. Сему же скончану, возглашает предстоятель велегласно:

Премꙋ́дрость, про́сти.

Мы же начинаем тропарь: Спаси́, Го́споди, лю́ди Твоя́ и благослови: трижды. И приходит предстоятель, нося на главе Честный Крест до среды́ церкве пред святыя царския двери: тамо у́бо угото́вану анало́гию, полагает верху́ его Честный Крест и кадит крестообразно. Таже творит поклоны три до земли, в кийлибо бу́ди день, и взем Честный Крест со благово́нными василька́ми, на подножие Креста обложе́нными, станет пред аналогием зря к восто́ком. И протодиакон возглашает велегласно во услышание всех: Поми́луй нас, Бо́же, по вели́цей ми́лости Твое́й, мо́лимся Тебе́, услы́ши нас, Го́споди, и поми́луй, рцем вси. И начинаем первую со́тницу, Го́споди, поми́луй, 50: зна́менающу предстоятелю в начале Честным Крестом, трижды. Таже преклоняет главу, ели́ко пя́дию отстояти главе от земли, и помалу воздвизается горе́ даже до скончания втораго, 50, Го́споди, поми́луй. Егда же доспе́ет до 97, Го́споди, поми́луй, возвышает глас свой екклисиа́рх, предстоятель же, прямо стоя́ и конца сотницы ожидая, зна́менует Крестом паки трижды. Таже обращается к западной стране. И глаголет протодиакон: Еще́ мо́лимся о ми́лости, жи́зни и оставле́нии грехо́в Вели́каго Господи́на и Отца́ на́шего Святе́йшаго Патриа́рха Пи́мена и всего́ о Христе́ братства на́шего, о здра́вии и о спасе́нии, рцем вси. И начинаем вторую сотницу, Го́споди, поми́луй. И творит предстоятель второе воздвижеиие, якоже преднаписася. Таже обращается к полуденной стране. И глаголет протодиакон: Еще́ мо́лимся о Богохрани́мей стране́ Росси́йстей, о власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́. И начинаем третию сотницу. Го́споди, поми́луй. Скончаваемей же той, обращается предстоятель к северной стране. И глаголет протодиакон: Еще́ мо́лимся о вся́кой души́ хрисгиа́нстей, скорбя́щей же и озло́бленней, здра́вия, спасе́ния и оставле́ния грехо́в тре́бующей, рцем вси. И бывает четвертое воздвиженнс. И обращается предстоятель к восто́ком. И глаголет протодиакон: Еще́ мо́лимся о всех служа́щих и послужи́вших во святе́м хра́ме сем [или: во святе́й обители сей] , оте́ц и бра́тий на́ших, о здра́вии и о спасе́нии, и оставле́нии грехо́в их, рцем вси. И начинаем пятую сотницу. По пятом же воздвижении поем: Сла́ва, и ны́не, кондак: Вознесы́йся на Крест во́лею: Пое́му же сему́, полагает предстоятель Честно́е древо Креста на аналогии, и поет тропарь сей во глас 6:

Крⷵтꙋ̀ твоемꙋ̀ покланѧ́емсѧ влады́ко, и҆ ст҃о́е воскрⷵнїе твоѐ пое́мъ и҆ сла́вимъ. Трижды. Поющим же и братиям то́йже тропарь, начинает кланятися предстоятель, и творит метания два пред Честным Крестом, таже целует его. По целовании же творит паки едино метание, та́кожде и на оба лика по единому метанию. Посем приходят братия вся от десны́я и левыя страны два два, по чину покланяются и целуют Честный Крест. Поем же и стихиры самогласны, до́ндеже совершится целование.

Стихиры Креста, глас 2: Прииди́те, ве́рнии: глас 5: Прииди́те, лю́дие, пресла́вное чу́до ви́дяще: Глас то́йже: Глас проро́ков Твои́х: глас 6: Четвероконе́чный мир: Проро́ков гла́си: Глас 8: Глас проро́ка Твоего́ Моисе́а, Бо́же: Днесь Влады́ка тва́ри: Сла́ва, и ны́не: Днесь неприкоснове́нный сушество́м: И по скончании целования Честнаго Креста поставляется аналогий с Честным Крестом одесну́ю страну царских двере́й и тамо стои́т, до́ндеже праздник отдается.

Аще ли же не в соборных храмех, и воздвижение Креста не бывает, то́чию поклонение Кресту, якоже указано в Неделю третию Святых постов.

По е́же рещи́ свяще́ннику заамво́нную моли́тву, исхо́дим вси ко крестильнице, предъиду́щым свещеносцем, по них же диаконом и священником, со Евангелием и кадилом, братии поющым настоящыя тропари:

Глас 8: Глас Госпо́день на вода́х вопие́т, глаго́ля: прииди́те, приими́те вси Ду́ха прему́дрости, Ду́ха ра́зума, Ду́ха стра́ха Бо́жия, я́вльшагося Христа́ . [Трижды.]

Днесь вод освяща́ется естество́, и разделя́ется Иорда́н, и свои́х вод возвращае́т струи́, Влады́ку зря креща́ема . [Дважды.]

Яко челове́к на реку́ прише́л еси́, Христе́ Царю́, и ра́бское креще́ние прия́ти тщи́шися, Бла́же, от Предте́чеву руку́, грех ра́ди на́ших, Человеколю́бче . [Дважды.]

Слава, и ныне , глас тойже:

Ко гла́су вопию́щаго в пусты́ни: угото́вайте путъ Госпо́день, прише́л еси́, Го́споди, зрак ра́бий прии́м, креще́ния прося́, не ве́дый греха́. Ви́деша Тя во́ды, и убоя́шася. Тре́тетен бысть Предте́ча и возопи́ глаго́ля: ка́ко просвети́т свети́льник Све́та? Ка́ко ру́ку положи́т раб на Влады́ку? Освяти́ мене́ и во́ды, Спа́се, взе́мляй ми́ра грех .

И абие, став у крестильницы, глаголет протодиакон: Прему́дрость. И чтец: Проро́чества Иса́иина чте́ние [глава 35]. Та́ко глаго́лет Госпо́дь: да возвесели́тся пусты́ня жа́ждущая: Конец: и весе́лие пости́гнет их, отбеже́ боле́знь и печа́ль, и воздыха́ние .

Проро́чество Иса́иина чте́ние [глава 55]. Та́ко глаго́лет Госпо́дь: жа́ждущии, на воду́ иди́те: Конец: и бу́дет Госпо́дь во и́мя и в зна́мение ве́чное, и не оскуде́ет .

Проро́чества Иса́иина чте́ние [глава 12]. Та́ко глаголет Госпо́дь: почерпи́те во́ду с весе́лием от исто́чник спасе́ния: Конец: Яко вознесе́ся Святы́й Изра́илев посреде́ его .

Протодиакон: Прему́дрость .

Чтец: Проки́мен, глас 3: Госпо́дь просве́щение мое и Спаситель мой. Кого́ убоюся?

Стих: Госпо́дь Защи́титель живота́ моего́. От кого́ устрашу́ся?

апостол к коринфяном [зачало 143, от полу)

Братие, не хощу́ вас не ве́дети, я́ко отцы́ на́ши вси под о́блаком бы́ша, и вси сквозе́ мо́ре проидо́ша. И вси в Моисе́а крсети́шася, во о́блаце и в мо́ри. И вси то́жде бра́шно духо́вное ядо́ша. И вси то́жде пи́во духо́вное пи́ша: пи́яху бо от духо́внаго после́дующаго ка́мене, ка́мень же бе Христо́с .

Аллилуиа, глас 4.

Стих: Глас Госпо́день на вода́х, Бог сла́вы возгреме́, Госпо́дь на вода́х мно́гих .

Евангелие от Марка [зачало 2

Во вре́мя о́но, прии́де Иису́с от Назаре́та Галиле́йскаго и крести́ся от Иоа́нна во Иорда́не. И а́бие восходя́ от воды́, ви́де разводя́щася небеса́, и Дух я́ко го́лубь сходя́щь Нань. И глас бысть с Небесе́: Ты еси́ Сын Мой Возлю́бленный, о Не́мже благоволи́х.

Протодиакон же глаголет ектению:

Ми́ром Го́споду помо́лимся.

О свы́шнем ми́ре:

О ми́ре всего ми́ра:

О святе́м хра́ме сем:

О Вели́ком Господи́не:

О Богохрани́мей стра́не на́шей, власте́х и во́инстве ея́:

О граде сем: [а́ще в монастыри́: О святе́й оби́тели сей] :

О благорастворе́нии возду́хов:

О пла́вающих, путеше́ствующих:

О е́же освяти́тися вода́м сим си́лою и де́йствием, и наи́тием Свята́го Ду́ха Го́споду помо́лимся.

О е́же снизходи́ти на во́ды сия́ очисти́тельному Пресу́щныя Тро́ицы де́йству Го́споду помо́лимся.

О е́же дарова́тися им благода́ти избавле́ния, благослове́нию Иорда́нову си́лою и де́йством, и наи́тием Свята́го Ду́ха Го́споду помо́лимся.

О е́же сокруши́тися сатане́ под нога́ма на́шима вско́ре и разори́тися вся́кому сове́ту лука́вому, дви́жимому на ны, Го́споду помо́лимся.

Яко да Госпо́дь Бог и́змет нас от вся́каго наве́та и искуше́ния сопроти́вннка и досто́йны соде́лает обеща́нных благ Го́споду помо́лимся.

О е́же просвети́тися нам просвеще́нием ра́зума и благоче́стия наи́тием Свята́го Ду́ха Го́споду помо́лимся.

О е́же низпосла́ти Го́споду Бо́гу благослове́ние Иорда́ново и освяти́ти во́ды сия́ Го́споду помо́лимся.

О е́же бы́ти воде́ сей освяще́ния да́ру, грехо́в избавле́нию, во исцеле́ние души́ и те́ла и на вся́кую по́льзу изря́дную Го́споду помо́лимся.

О е́же бы́ти воде́ сей приводя́щей в жизнь ве́чную Го́споду помо́лимся.

О е́же яви́тися сей отгна́нию вся́каго наве́та ви́димых и неви́димых враг Го́споду помо́лимся.

О че́рплющих и е́млющих ю́ во освяще́ние домо́в Го́споду помо́лимся.

О е́же бы́ти сей во очище́ние душ и теле́с, всем ве́рою че́рплющым же и причаща́ющымся от нея́ Го́споду помо́лимся.

О е́же сподо́битися нам испо́лнитися освяще́ния вод сих причаще́нием, неви́димым явле́нием Свята́го Ду́ха Го́споду помо́лимся.

О е́же услы́шати Го́споду Бо́гу глас моле́ния нас, гре́шных, и поми́ловати нас Го́споду помо́лимся.

О изба́витися нам от вся́кия ско́рби:

Заступи́, спаси́, поми́луй:

Пресвяту́ю, Пречи́стую, Преблагослове́нную:

Сим глаголемым, архиерей тайно молитву сию глаголет:

Гдⷵи і҆и҃се хрⷵтѐ, є҆диноро́дный сн҃е, сы́й въ нѣ́дрѣ ѻч҃и, истинный бж҃е, и҆сто́чниче жи́зни и҆ безсме́ртїѧ, свѣ́те ѿ свѣ́та, прише́дый въ мі́ръ, єже просвѣти́ти є҆го̀! Ѡ҆зарѝ на́шꙋ мы́сль ст҃ы́мъ твои́мъ дх҃омъ, и҆ прїимѝ на́съ, вели́чество и҆ бл҃годаре́нїе тебѣ̀ приносѧ́щихъ, ѡ҆ ꙗже ѿ вѣ́ка ди́вныхъ твои́хъ великодѣ́йствїихъ, и҆ єже въ послѣ̑днїѧ вѣ́ки сп҃си́тельномъ твое́мъ смотре́нїи, въ не́мже въ на́ше немощно́е и҆ ни́щее ѡ҆дѣ́ѧвсѧ смѣше́нїе, и҆ рабѡ́тнымъ мѣ́рамъ снизше́дый, иже всѣ́хъ цр҃ю̀, є҆щѐ и҆ ра́бскою рꙋко́ю во і҆орда́нѣ крести́тисѧ претерпѣ́лъ є҆сѝ, да водно́е є҆стество̀ ѡ҆ст҃и́въ, безгрѣ́шне, пꙋтесотвори́ши на́мъ єже водо́ю и҆ дх҃омъ па́ки рожде́нїе, и҆ къ пе́рвомꙋ на́съ ѹ҆стро́иши свобожде́нїю. Е҆гѡ́же бж҃е́ственнагѡ та́инства воспомина́нїе пра́зднꙋюще, мо́лимсѧ тебѣ̀, влⷣко чл҃вѣколю́бче: воскропѝ и҆ на ны̀ недостѡ́йныѧ рабы̑ твоѧ̑, по бж҃е́ственномꙋ твоемꙋ̀ ѡ҆бѣща́нїю, во́дꙋ чи́стꙋ, твоегѡ̀ ̆бл҃госе́рдїѧ̆ да́ръ, во єже над̾ водо́ю се́ю проте́нїю на́съ грѣ́шныхъ бл҃гопрїѧ́тнꙋ бы́ти твое́ю бл҃гостїю, и҆ бл҃гослове́нїю твоемꙋ̀ єй на́мъ же и҆ всѣ̑мъ вѣ̑рнымъ лю́демъ твои̑мъ дарова́тисѧ, во сла́вꙋ ст҃а́гѡ и҆ покланѧ́емагѡ твоегѡ̀ имене. Ꙗкѡ подоба́етъ тебѣ̀ всѧ́клѧ сла́ва, че́сть и҆ поклоне́нїе, со безнача́льнымъ твои́мъ ѻ҆це́мъ, и҆ прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ.

И рек в себе:

А҆ми́нь.

Протодиакону же исполньшу ектению, начинает архиерей велегласно молитву сию:

Ве́лїй є҆сѝ, гдⷵи, и҆ чꙋ̑дна дѣла̀ твоѧ̑, и҆ ни є҆ди́но же сло́во дово́льно бꙋ́детъ къ пѣ́нїю чꙋде́съ твои́хъ. Трижды.

Ты́ бо, хотѣ́нїемъ ѿ не сꙋ́щихъ во єже бы́ти приведы́й всѧ́чєскаѧ, твое́ю держа́вою содержи́ши тва́рь, и҆ твои́мъ про́мысломъ стро́иши мі́ръ. Ты̀, ѿ четы́рехъ стїхі́й тва́рь сочини́вый, четы́рьми времены̀ крꙋ́гъ лѣ́та вѣнча́лъ є҆сѝ. Тебє̀ трепе́щꙋтъ ѹмныѧ всѧ̑ си̑лы: тебѐ пое́тъ со́лнце, тебѐ сла́витъ лꙋна̀, тебѣ̀ присꙋ́тствꙋютъ ѕвѣ́зды: тебѐ слꙋ́шаетъ свѣ́тъ, тебє̀ трепе́щꙋтъ бє́здны, тебѣ̀ рабо́таютъ и҆сто́чницы. Ты̀ просте́рлъ є҆сѝ не́бо ꙗкѡ ко́жꙋ: ты̀ ѹ҆тверди́лъ є҆сѝ зе́млю на вода́хъ: ты̀ ѡ҆гради́лъ є҆сѝ мо́ре песко́мъ: ты̀ ко ѿдыха́нїєм̾ воздꙋ́хъ и҆злїѧ́лъ є҆сѝ. Агг҃льскїѧ си̑лы тебѣ̀ слꙋ́жатъ, а҆рха́гг҃льстїи ли́цы тебѣ̀ кла́нѧютсѧ: многоѻчи́тїи херꙋві́ми и҆ шестокрила́тїи серафі́ми, ѡкрестъ стоѧ́ще и҆ ѡ҆блета́юще, стра́хомъ непристꙋ́пныѧ сла́вы твоеѧ̀ покрыва́ютсѧ. Ты̀ бо, бг҃ъ сы́й неѡпи́санный, безнача́льный же и҆ неизглаго́ланный, прише́лъ є҆сѝ на зе́млю, зра́къ раба̀ прїи́мъ, въ подо́бїи человѣ́честѣмъ бы́въ: не бо̀ терпѣ́лъ є҆сѝ, влⷣко, милосе́рдїѧ ра́ди млⷵти твоеѧ̀, зрѣ́ти ѿ дїа́вола мꙋ́чима ро́да человѣ́ча, но прише́лъ є҆сѝ и҆ сп҃слъ є҆сѝ на́съ. И҆сповѣ́дꙋемъ бл҃года́ть, проповѣ́дꙋемъ млⷵть, не таи́мъ бл҃годѣѧ́нїѧ: є҆стества̀ на́шегѡ ро́ды свободи́лъ є҆сѝ, дѣ́вственнꙋю ѡ҆ст҃и́лъ є҆сѝ ѹ҆тро́бꙋ ржⷵтво́мъ твои́мъ: всѧ̀ тва́рь воспѣва́етъ тѧ̀ ꙗвльшагосѧ. Ты́ бо бг҃ъ на́шъ, на землѝ ꙗ҆ви́лсѧ є҆сй и҆ съ человѣ̑ки пожи́лъ є҆сѝ: ты̀ и҆ і҆орда̑нскїѧ стрꙋи̑ ѡ҆ст҃и́лъ є҆сѝ, съ нб҃сѐ низпосла́вый ст҃а́го твоего̀ дх҃а, и҆ главы̑ та́мѡ гнѣздѧ́щихсѧ сокрꙋши́лъ є҆сѝ ѕмїє́въ.

И сие убо архиерей глаголя трижды, и воду рукою благословляет на кийждо стих:

Самъ ѹбо, чл҃вѣколю́бче цр҃ю̀, прїидѝ и҆ ны́нѣ наи́тїемъ ст҃а́гѡ твоегѡ̀ дх҃а, и҆ ѡ҆свѧтѝ во́дꙋ сїю̀.

И҆да́ждь єй бл҃года́ть и҆збавле́нїѧ, бл҃гослове́нїе і҆орда́ново: сотворѝ ю нетлѣ́нїѧ и҆сто́чникъ, ѡ҆сщ҃е́нїѧ да́ръ, грѣхѡ́въ разрѣше́нїе, недꙋ́гѡвъ и҆сцѣле́нїе, де́монѡмъ гꙋби́тельнꙋ, сопроти̑внымъ си́ламъ непристꙋ́пнꙋ, агг҃льскїѧ крѣ́пости и҆спо́лненꙋ: да всѝ почерпа́ющїи и҆ причаща́ющїисѧ и҆мѣ́ютъ ю ко ѡ҆чище́нїю дꙋ́шъ и҆ тѣле́съ, ко и҆сцѣле́нїю страсте́й, ко ѡ҆сщ҃е́нїю домѡ́въ, и҆ ко всѧ́кой по́льзѣ и҆зрѧ́днꙋ. Ты́ бо є҆сѝ бг҃ъ на́шъ, иже водо́ю и҆ дх҃омъ ѡ҆бнови́вый ѡ҆бетша́вшее грѣхо́мъ є҆стество̀ на́ше: ты̀ є҆сѝ бг҃ъ на́шъ, водо́ю потопи́вый при нѡ́и грѣ́хъ: ты̀ є҆сѝ бг҃ъ на́шъ, иже мо́ремъ свободи́вый ѿ рабо́ты фараѡ́ни мѡѷсе́омъ ро́дъ є҆вре́йскїй: ты́ бо є҆сѝ бг҃ъ на́шъ, разрази́вый ка́мень въ пꙋсты́ни, и҆ потеко́ша во́ды, и҆ пото́цы наводни́шасѧ, и҆ жа́ждꙋщыѧ лю́ди твоѧ̑ насы́тивый. ты̀ є҆сѝ бг҃ъ на́шъ, иже водо́ю и҆ ѻ҆гне́мъ премѣни́вый и҆лїе́ю і҆и҃лѧ ѿ пре́лести ваа́ловы.

Са́мъ и҆ ны́нѣ, влⷣко, ѡ҆ст҃ѝ во́дꙋ сїю̀ дх҃омъ твои́мъ ст҃ымъ. Трижды.

Да́ждь же всѣ̑мъ прикасающымсѧ єй и҆ причаща́ющымсѧ и҆ ма́жꙋщымсѧ єю ѡ҆сщ҃е́нїе, здра́вїе, ѡ҆чище́нїе и҆ бл҃гослове́нїе.

Сп҃сѝ, гдⷵи, и҆ поми́лꙋй вели́каго господи́на и҆ ѻ҆ц҃а̀ на́шего, свѧтѣ́йшаго патрїа́рха моско́вскаго и҆ всеѧ̀ рꙋсѝ, преѡсвѧще̑нныѧ митрополі́ты, а҆рхїепі́скопы и҆ є҆пі́скопы правосла̑вныѧ, ве́сь сщ҃нническїй и҆ мона́шескїй чи́нъ и҆ всѧ̑ правосла̑вныѧ хрⷵтїа́ны.

И҆сохранѝ ихъ под̾ кро́вомъ твои́мъ въ ми́рѣ, да́рꙋй имъ всѧ̑ ꙗже ко сп҃се́нїю прошє́нїѧ и҆ жи́знь вѣ́чнꙋю: да и҆ стїхі́ами, и҆ человѣ̑ки, и҆ агг҃лы, и҆ ви́димыми и҆ неви́димыми, сла́витсѧ твоѐ прест҃о́е имѧ, со ѻ҆ц҃е́мъ и҆ ст҃ы́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ.

Лик: Ами́нь. Архиерей:

Мі́ръ всѣ̑мъ.

Лик: И ду́хови твоему́ .

Протодиакон: Главы́ ва́шя Го́сподеви приклони́те .

Лик: Тебе, Го́споди .

Архиерей, приклонься, молится:

Приклонѝ, гдⷵи, ѹхо твоѐ, и҆ ѹ҆слы́ши ны̀, иже во і҆орда́нѣ крести́тисѧ и҆зво́ливый и҆ ѡ҆ст҃и́вый во́ды: и҆ бл҃гословѝ всѣ́хъ на́съ, иже преклоне́нїемъ своеѧ̀ вы́и назна́менающихъ рабо́тное воѡбраже́нїе: и҆ сподо́би на́съ и҆спо́лнитисѧ ѡ҆сщ҃е́нїѧ твоегѡ̀, воды̀ сеѧ̀ причаще́нїемъ: и҆ да бꙋ́детъ на́мъ, гдⷵи, во здра́вїе дꙋшѝ и҆ тѣ́ла.

Возглашсние:

Ты́ бо є҆сѝ ѡ҆сщ҃е́нїе на́ше, и҆ тебѣ̀ сла́вꙋ и҆ бл҃годаре́нїе и҆ поклоне́нїе возсыла́емъ, со безнача́льнымъ твои́мъ ѻ҆ц҃е́мъ, и҆ прест҃ымъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ.

Лик: Ами́нь .

И абие благословляя воду крестовидно Честны́м Крестом, погружает и́ архиерей право (прямо), низводя в воду и возводя, держа его обема рукама, поя настояіций тропарь, во глас 1:

Во Иорда́не креща́ющуся Тебе́, Го́споди, Тро́ическое яви́ся поклоне́ние: Роди́телев бо глас свиде́тельствоваше Тебе́, Возлю́бленнаго Тя Сы́на имену́я, и Дух в ви́де голуби́не изве́ствоваше Словесе́ утвержде́ние. Явле́йся, Христе́ Бо́же, и мир просвсще́й, сла́ва Тебе́. Певце́м то́жде поющым.

Паки второе такожде Крестом знаменует воды.

И третие такожде.

И взем архиерей священную воду на блюдо, обратится на запад лицем, в левой руце держа Крест, в правой же васильки́. И приходят, целующе Честный Крест, и знаменует их архиерей или священник по лицу васильком со священною водою.

Поется же тогда тропарь: Во Иорда́не креща́ющся Тебе, Господи: мно́гащи, до́ндеже освятятся вся братия водны́м кроплением.

И абие входим во храм, поюще самогласен, глас 6: Воспои́м, ве́рнии, е́же о нас Бо́жия благодея́ния вели́чество: о на́шем бо прегреше́нии быв Челове́к, на́шим очище́нием очища́ется во Иорда́не, Еди́н Чи́стый и Нетле́нный, освяща́яй мене́ и во́ды, и главы́ змие́в сокруша́яй в воде́. Почерпе́м у́бо во́ду с весе́лием, бра́тие: благода́ть бо Ду́ха ве́рно почерпа́ющым неви́димо подава́ется от Христа́ Бо́га и Спа́са душ на́ших.

Таже: Бу́ди и́мя Госпо́дне благослове́но: [трижды], и псалом 33: Благословлю́ Го́спода на вся́кое время :

И прежде пивше освященную воду, вземлем от священника анти́дор.

И бываст совершенный отпу́ст:

Иже во Иорда́не крести́тися изво́ливый от Иоа́нна на́шего ра́ди спасе́ния Христо́с, и́стинный Бог наш, моли́твами Пречи́стыя Своея́ Ма́тере и всех святы́х, поми́лует и спасе́т нас, я́ко благ и Человеколю́бец.

Яже архиерей или́ священник своим пасомым к понедельник первый Святаго Великаго поста, или́ во ины́й день первыя по́стныя седмицы, в церкви по утрени, или́ по часе́х, взем на себе́ епитрахиль, архиерей же и омофор малый и мантию, чтет молитвы сия со всяким умилением.

Моли́тва а҃

Гдⷵꙋ помо́лимсѧ.

Надѣ́ѧнїе всѣ̑мъ концє́мъ землѝ, и҆ сꙋ́щымъ въ мо́ри дале́че, бж҃е, пронарекі́й ст҃ы́ѧ дни̑ сїѧ̑ пѡ́стныѧ зако́номъ и҆ прⷪ҇ро́ки, и҆ є҆ѵⷢ҇лі́сты, сподо́би всѣ́хъ въ чистотѣ̀ тече́нїе по́стное прейтѝ, вѣ́рꙋ неразлꙋ́чнꙋ соблюстѝ, и҆ за́пѡвѣди твоѧ̑ сохрани́ти во всѧ̑ дни̑ живота̀ на́шегѡ. Агг҃лꙋ ми́рнꙋ заповѣ́ждь соблюда́ти вхо́ды на́шѧ и҆ и҆сходы на всѧ́кос дѣ́ло бл҃го́е и҆ спослꙋ́шающꙋ, и҆ соꙋгожда́ющꙋ къ соверше́нномꙋ причаще́нїю пречи́стых твои́хъ та̑инъ. Прїими́ жѐ влⷣко, колѣ́нное поклоне́нїе и҆ по́стъ рабѡ́въ твои́хъ подаѧ̀ имъ бл҃гослове́нїе дх҃о́вное, и҆ всѣ́мъ на́мъ, ѡ҆ хрⷵтѣ̀ і҆и҃сѣ гдⷵѣ на́шемъ: съ ни́мже блгословенъ є҆сѝ, съ прест҃ы́мъ, и҆ бл҃ги́мъ и҆ животворѧ́щимъ твои́мъ дх҃омх, ны́нѣ и҆ приснѡ и҆ во вѣ́ки вѣкѡ́въ. А҆ ми́нь.

Моли́тва в҃

Гдⷵꙋ помо́лимсѧ.

Бл҃гослове́нъ є҆сѝ, гдⷵи вседержи́телю, бж҃е ѻ҆ц҃ъ на́шихъ а҆враа́мовъ и҆ і҆саа́ковъ и҆ і҆а́кѡвль, сотвори́вый не́бо и҆ зе́млю, мо́ре и҆ всѧ̑ сꙋ̑щаѧ въ ни́хъ, положи́вый человѣ́кѡмъ покаѧ́нїе во спасе́нїе, и҆ презира́ѧй ихъ прегрѣшє́нїѧ: прїимы́й сле́зы раба̀ твоегѡ̀ дв҃да проро́ка, и҆ да́вый є҆мꙋ̀ ѡ҆ставле́нїе грѣхѡ́въ ка́ющемꙋсѧ: манассі́ю ѹзами желѣ́зными свѧ́заннаго, покаѧ́нїемъ же и҆сповѣ́давшагѡса тебѣ̀ моли́твꙋ прїимы́й, и҆ грѣхѝ є҆гѡ̀ ѡ҆ста́вивый: блꙋдни́цꙋ позна́вшꙋю ми́лость твою̀, и҆ схо́дники прїи́мшꙋю, и҆ съ ми́ромъ пꙋсти́вшꙋю, спасы́й: ѹ҆слы́ши ны́нѣ моле́нїе менє̀ недосто́йнагѡ раба̀ твоегѡ̀, и҆ пре́зри всѧ̑ согрѣшє́нїѧ си́хъ рабѡ́въ твои́хъ, въ покаѧ́нїи къ тебѣ̀ прибѣга́ющихъ: и҆ да́ждь имъ серде́чное сокрꙋше́нїе, и҆ болѣ́знь ѡ҆ грѣсѣ́хъ, имиже тебѐ творца̀ своего̀ прогнѣ́ваша, могꙋ́щꙋю ихъ ѿ грѣхѡ́въ ѡ҆чи́стити. Да́ждь имъ бл҃года́ть твою̀, ꙗкѡ да то́ю возбꙋжда́еми и҆ подкрѣплѧ́еми, въ па́мѧть ѕла̑ѧ своѧ̑ дѣла̀ приведꙋ́тъ, и҆ сїѧ̑ всѧ̑ во стра́сѣ твое́мъ дꙋхо́вномꙋ своемꙋ̀ ѻ҆тцꙋ̀, ѿ тебє́ же ѹ҆ста́вленномꙋ сꙋдїѝ, истиннѡ и҆сповѣ́дѧтъ: и҆ са́ми на себѐ ꙗкѡ на ви́нныхъ въ се́рдцѣ сокрꙋше́нномъ и҆ смире́нномъ пои́мствовати, и҆ ка́ѧтисѧ, и҆ жалѣ́ти себѐ ѡ҆ ни́хъ, и҆ соверше́ннагѡ проще́нїѧ, и҆ ѿ ни́хъ разрѣше́нїѧ твои́мъ млⷵрдїемъ чрез̾ ихъ дꙋовника̀, твоего́ же сꙋдїю̀, по нело́жномꙋ твоемꙋ̀ ѡ҆бѣща́нїю сподо́би. Ты́ бо ре́клъ є҆сѝ: єже аще разрѣши́те на землѝ, бꙋ́детъ разрѣше́но на нб҃сѣ́хъ. Ей, влⷣко гдⷵи і҆и҃се хрⷵтѐ бж҃е на́шъ, прїимѝ рабы̑ твоѧ̑, ка́ющыѧсѧ ѡ҆ свои́хъ грѣсѣ́хъ вѣ́домыхъ и҆ невѣ́домыхъ, во́лвныхъ и҆ нево́льныхъ: и҆ сїѧ̑ и҆сповѣ́дати по твоемꙋ̀ повелѣ́нїю предложи́вшихъ, и҆ твое́ю си́лою и҆ бл҃года́тїю прїе́мъ ихъ млⷵтивнѡ, ѹ҆крѣпѝ, єже ктомꙋ̀ не возврати́тисѧ имъ ко грѣхꙋ̀, и҆ къ ѕлы̑мъ и҆ неподѡ́бнымъ дѣлѡ́мъ, въ ни́хже мно́гажды впадо́ша: но воздви́гни и҆ застꙋпѝ ихъ ѿ ко́зней дїа́вольскихъ, и҆ ѿ всѣ́хъ сѣ́тей непрїѧзненныхъ: ꙗкѡ да без̾ препѧ́тїѧ послꙋ́жатъ тѝ въ преподо́бїи и҆ правдѣ во всѧ̑ дни̑ живота̀ своегѡ̀. Ты́ бо є҆сѝ бг҃ъ на́шъ, въ мі́ръ прише́дый, не првⷣныхъ призва́ти, но грѣ́шныхъ на покаѧ́нїе: и҆ се́дмьдесѧтъ кра́тъ седмеери́цею впа́дающымъ во грѣ́хъ ѡ҆ставлѧ́ти согрѣшє́нїѧ повелѣ́вый. Ꙗкоже ѹбѡ женꙋ̀ въ прелюбодѣѧ́нїи ꙗтꙋю, фарїсе́йми и҆скꙋша́ющими тѧ̀ приведе́ннꙋю не ѡ҆сꙋди́лъ є҆сѝ, но млⷵтивнѡ ре́клъ є҆сѝ: и҆дѝ, и҆ ѿсе́лѣ ктомꙋ̀ не согрѣша́й: и҆ си́хъ не ѡ҆сꙋжда́й, но чл҃вѣколю́бнѡ поми́лꙋй. И҆ ꙗкоже и҆ дрꙋгꙋ́ю блꙋдни́цꙋ пла́чꙋщꙋюсѧ, и҆ слеза́ми но́зѣ твоѝ ѡ҆мы́вшꙋю, и҆ главы̀ сбоеѧ̀ власы̀ ѡ҆те́ршꙋю, поми́ловалъ є҆сѝ млⷵти твоеѧ̀ ра́ди, пода́ждь и҆ си̑мъ рабѡ́мъ твои̑мъ невозбра̑нныѧ и҆ тє́плыѧ во истииномъ покаѧ́нїи сле́зы. Ѹ҆твердѝ ихъ ѹмъ и҆ се́рдце, зна́ти тебѐ є҆ди́наго истиннаго сн҃а бж҃їѧ, взе́млющаго грѣхѝ мі́ра. Прїимѝ ихъ ꙗкоже петра ѿве́ргшагосѧ тебє̀ и҆ покаѧ́нїемъ и҆ го́рькими слеза́ми ѡ҆бра́щшагосѧ, прїѧ́лъ є҆сѝ: прострѝ десни́цꙋ твою̀, и҆ прїимѝ ихъ, ꙗкоже того̀ въ мо́ри ѹ҆топа́ющаго прїѧ́лъ є҆сѝ, и҆ ѹ҆крѣпѝ ихъ на борю́щаго ихъ дїа́вола: ѡ҆чи́сти ихъ дꙋ́шꙋ и҆ тѣ́ло ѿ всѧ́кїѧ скве́рны. Са́мъ бо ре́клъ є҆сѝ, бл҃гі́й гдⷵи, не тре́бовати здра̑вымъ врача̀, но болѧ́щымъ: и҆ прише́лъ є҆сѝ не сп҃са́емыхъ сп҃стѝ, но погиба́ющихъ. Да́ждь ѹбо, гдⷵи і҆и҃се хрⷵтѐ бж҃е на́шъ, рабѡ́мъ твои̑мъ си̑мъ, сконча́ти без̾ поро́ка нача́тый се́й ст҃ы́й по́стъ, и҆ въ не́мъ твоѧ̑ за́пѡвѣди и҆сполнѧ́ти, въ мл҃твахъ же прилежа́ти и҆ всѣ́ми добродѣ́тельми тебѣ̀ во всѧ̑ днѝ живота̀ своегѡ̀ бл҃гоꙋгожда́ти: ꙗкѡ да въ чи́стой со́вѣсти причасти́тисѧ неѡсꙋжде́ннѡ твоемꙋ̀ бж҃е́ственномꙋ тѣ́лꙋ, и҆ животворѧ́щей кро́ви и҆злїѧ́нной за ве́сь мі́ръ во ѡ҆ставле́нїе грѣхѡ́въ, сподо́бѧтсѧ, и҆ да побѣдѧ́тъ и҆ посра́мѧтъ дїа́вола на ни́хъ вою́ющаго. Ты́ бо є҆сѝ, бж҃е, бг҃ъ ка́ющихсѧ, не хотѧ́й сме́ртн грѣ́шнагѡ, но єже ѡ҆брати́тисѧ, и҆ жи́вꙋ бы́ти є҆мꙋ̀. Не хо́щеши бо, влⷣко, созда́нїе твои́хъ рꙋ́къ погꙋби́ти, нижѐ бл҃говоли́ши ѡ҆ поги́бели человѣ́честѣй: но хо́щеши всѣ̑мъ сп҃сти́сѧ, и҆ въ ра́зꙋмъ истинный прїитѝ. тѣ́мже и҆ ны́нѣ, влⷣко, не ѿвратѝ лица̀ твоегѡ̀ ѿ ра̑бъ твои́хъ си́хъ, но да́ждь имъ истинное ѿ грѣхѡ́въ къ тебѣ̀ ѡ҆браще́нїе, и҆ ѿ всѣ́хъ дѣ́лъ лꙋка́выхъ и҆збавле́нїе: и҆ сподо́би всѣ́хъ на́съ

въ ми́рѣ и҆спо́лненныхъ дѣ́лъ бл҃ги́хъ доитѝ, и҆ поклони́тисѧ сп҃си́тєльнымъ твои̑мъ стрⷵте́мъ, и҆ ст҃о́мꙋ воскрⷵнїю, и҆ на кончи́нѣ живота̀ на́шегѡ ра́дости вѣ́чныѧ со всѣ́ми тебѣ̀ бл҃гоꙋгоди́вшими полꙋчи́ти, въ тебѣ̀ бз҃ѣ и҆ сп҃си́телѣ на́шемъ. Ты́ бо є҆сѝ бг҃ъ млⷵтей и҆ щедро́тъ, и҆ чл҃вѣколю́бїѧ, и҆ тебѣ̀ сла́вꙋ возсыла́емъ, со безнача́льнымъ твои́мъ ѻ҆тце́мъ и҆ съ прест҃ы́мъ и҆ бл҃ги́мъ, и҆ животворѧ́щимъ      твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ. А҆ ми́нь.

Посем благословляет их десницею, глаголя:

Бл҃гослове́нїе гдⷵне на ва́съ, тогѡ̀ бл҃года́тїю и҆ щедро́тами, и҆ человѣколюбїемъ, всегда̀, ны́нѣ и҆ при́снѡ и҆ во вѣ́ки вѣкѡ́въ. А҆ ми́нь.

сі́есть кꙋтїѝ, и҆лѝ варе́ныѧ пшени́цы съ ме́домъ смѣ́шенныѧ и҆ разли́чными сла́дкими ѻ҆вощьми ѹ҆кра́шенныѧ, и҆ въ че́сть и҆ па́мѧть, гдⷵьскихъ пра́здинкѡвъ, и҆лѝ ст҃ы́хъ бж҃їихъ въ цр҃ковь приноси́мыѧ.

Принесе́ну бы́вшу ко́ливу в церковь, а́ще на вече́рни, по Ны́не отпуща́еши: Трисвятое. По Отче наш: тропарь. Слава, и ны́не, Богородичен по гласу тропаря святаго.

Аще же на литургии, по заамвонней молитве поется тропарь и кондак святаго.

Протодиакон, покади́в, глаголет: Го́споду помо́лимся .

Лик: Го́споди поми́луй .

Архиерей, став над ко́ливом, глаголет молитву сию:

Всѧ̑ соверши́вый сло́вомъ твои́мъ гдⷵи, и҆ повелѣ́вый землѝ многоразли́чныѧ прозѧба́ти плоды̀, въ наслажде́нїе и҆ пи́щꙋ на́шꙋ, иже сѣ́менми трѝ ѻтроки и҆ данїил́а, сꙋ́щыѧ въ вавѷлѡ́нѣ, сластнопита́нныхъ свѣ́тльшыѧ показа́вый: са́мъ всекб҃гі́й цр҃ю̀, и҆ сѣ́мена сїѧ̀ съ разли́чными плоды̀ бл҃гословѝ и҆ ѿ ни́хъ вкꙋша́юшыѧ ѡ҆ст҃ѝ, ꙗкѡ въ сла́вꙋ твою̀, и҆ въ че́сть ст҃а́гѡ, имⷬ҇къ , сїѧ̑ предложи́шасѧ ѿ твои́хъ рабѡ́въ и҆ въ па́мѧть бо бл҃гочести́вой вѣ́рѣ сконча́вшихсѧ. пода́ждь же бл҃же, бл҃гоꙋкраси́вшымъ сїѧ̑ и҆ па́мѧть соверша́ющымъ всѧ̑ ꙗже ко спасе́нїю прошє́нїѧ и҆ вѣ́чныхъ твои́хъ бл҃гъ наслажде́нїе, моли́твами пречⷵтыѧ влⷣчцы на́шеѧ бцⷣы и҆ прⷵнодв҃ы марі́и и҆ ст҃а́гѡ, имⷬ҇къ , є҆гѡ́же и҆ па́мѧть соверша́емъ, и҆ всѣ́хъ ст҃ы́хъ твои́хъ: ꙗкѡ ты́ є҆си бл҃гословлѧ́ѧй и҆ ѡ҆сщ҃а́ѧй всѧ́чєскаѧ бж҃е на́шъ, и҆ тебѣ̀ сла́вꙋ возсыла́емъ, безнача́льномꙋ ѻ҆ц҃ꙋ, со є҆диноро́днымъ твои́мъ сн҃омъ, и҆ прест҃ы́мъ, и҆ бл҃ги́мъ, и҆ животворѧ́щимъ твои́мъ дх҃омъ, ны́нѣ и҆ приснѡ и҆ во вѣ́ки вѣкѡ́въ.

Лик: Ами́нь .

По литургии архиерей и весь собор духовенства из алтаря исходят на середину храма. Иконы Спасителя и Богоматери полагаюг на аналое посреди церкви.

Протодиакон: Благослови́, Влады́ко .

Архиерей:

Блгⷵве́нъ бг҃ъ на́шъ:

Певцы: Ами́нь. И поют: Царю́ Небесный: Чтец: Трисвято́е, по Отче наш: Архиерей:

Ꙗко твоѐ єств црⷵтво:

Го́споди, поми́луй (12). ІІрииди́те, поклони́мся: (трижды). Псалом 74-й: Испове́мыся Тебе́, Бо́же :

Протодиакон глаголет великую ектению и по прошении: О пла́вающих: прилагает сии прошения:

О е́же милостмвым о́ком призре́те на Святу́ю Свою́ Це́рковь и соблюсти́ ю́ невреди́му и непреобори́му от ересе́й и суеве́рий и ми́ром Свои́м огради́ти Го́споду помо́лимся.

О е́же утиши́те раздира́ния ея́ и си́лою Свята́го Ду́ха обрати́ти всех отступи́вших к позна́нию и́стины и сопричести́ ко избра́нному Своему́ ста́ду Го́споду помо́лимся.

О е́же просвети́ти вся све́том Своего́ богоразу́мия, ве́рных же Свои́х укрепи́ти и непоколеби́мых в правове́рии соблюсти́ Го́споду помо́лимся.

О избавитися нам:

Певцы: Бог – Госпо́дь, и яви́ся нам :

Тропарь, глас 4-й:

Благода́рны су́ще нсдосто́йнии раби́ Твои́, Го́споди, о Твои́х вели́ких благодея́ниих, на нас бы́вших, сла́вяще Тя хва́лим, благослови́м, благодари́м, пое́м и велича́ем Твое́ благоутро́бие, и ра́бски любо́вию вопие́м Ти: Блаюде́телю, Спа́се наш, сла́ва Тебе́.

Слава , глас 3-й: Твои́х благодея́ний и даро́в ту́не, я́ко раби́ непотребнии, сподо́бльшеся, Влады́ко, к Тебе́ усе́рдно притека́юще благодаре́ние по си́ле прино́сим, и Тебе́, я́ко Благоде́теля и Творца́ сла́вяще, вопие́м: Сла́ва Тебе́, Бо́же преще́дрый .

И ныне , глас 4-й: Якоже вы́шния тве́рди благоле́пие, и ни́жнюю споказа́л еси́ красоту́ свята́го селе́ния сла́вы Твоея́, Го́споди, утверди́ сие́ во век ве́ка и приими́ на́ша в нем непреста́нно приноси́мая Тебе́ моле́ния Богоро́дицею, всех Животе́ и Воскресе́ние .

Протодиакон: Во́нмем .

Архиерей:

Мі́ръ всѣ̑мъ.

Чтец: И ду́хови твоему́ .

Протодиакон: Прему́дрость, во́нмем .

Чтец: Проки́мен, глас 4-й: Насажде́ни в дому Госпо́дни: Апостол к Римляном, зач. 121. Евангелие от Матфея, зач. 75. На сугубой ектении, прибавляются прошения:

Не хотя́й сме́рти грешных, но ожида́яй обраще́ния и покая́ния, соедини́ всех во Святе́й Твое́й Це́ркви, мо́лим Ти ся, Милосердый Господи, услыши и помилуй.

Устро́ивый мир сей в славу Твою, сотвори, яко да истинною верою и благочестием Тебе, Бога нашего, прославят, молим Ти ся, Всесильный Творче, услыши и помилуй.

Да́вый за́поведь Твою́ нам, е́же люби́ти Тебе́, Бо́га на́шего, и бли́жняго своего́, сотвори́, да не́нависти, вражды́, оби́ды и про́чия беззако́ния прекратя́тся, и́стинная же любовь да ца́рствует в сердца́х наших, мо́лим Ти ся, Спаси́телю наш, услы́ши и ми́лостивно поми́луй.

Архиерей глаголет возгла́с:

Ѹ҆слыши ны, бж҃е, спаси́телю на́шъ:

Певцы: Аминь. Протодиакон: Го́споду помо́лимся. Певцы: Го́споди, поми́луй .

Архиерей глаголет молитву:

Всевы́шнїй бж҃е, влⷣко и҆ содѣ́телю всеѧ̀ тва́ри, наполнѧ́ѧй всѧ̑ вели́чествомъ твои́мъ и҆ содержа́й си́лою твое́ю! Тебѣ̀, вседарови́томꙋ гдⷵꙋ на́шемꙋ мы̀ недосто́йнїи бл҃годаре́нїе прино́симъ, ꙗкѡ не ѿвраща́ешисѧ на́съ беззако́нїй ра́ди на́шихъ, но па́че предварѧ́еши ны̀ щедро́тами твои́ми. Ты̀ ко и҆збавле́нїю на́шемꙋ посла́лъ є҆сѝ є҆диноро́днаго твоего̀ сн҃а, и҆ бл҃говѣсти́лъ безмѣ́рное твоѐ къ ро́дꙋ человѣ́ческомꙋ снизхожде́нїе: ꙗкѡ хотѣ́нїемъ хо́щеши и҆ ѡ҆жида́еши, єже ѡ҆брати́тисѧ на́мъ къ тебѣ̀ и҆ сп҃сє́нымъ бы́ти: ты̀, снизходѧ̀ къ не́мощи на́шегѡ є҆стества̀, ѹ҆крѣплѧ́еши на́съ всеси́льною ст҃а́гѡ твоегѡ̀ дх҃а бл҃года́тїю, ѹ҆тѣша́еши сп҃си́тельною вѣ́рою и҆ соверше́нною наде́ждою вѣ́чныхъ бл҃гъ и҆, рꙋково́дствꙋѧ и҆збра́нныхъ твои́хъ въ го́рнїй сїѡ́нъ, соблюда́еши ꙗкѡ зѣ́ницꙋ ѻка. И҆сповѣ́дꙋемъ, гдⷵи, вели́кое твоѐ и҆ безприкла́дное чл҃вѣколю́бїе и҆ милосе́рдїе. Но ви́дѧще мно́гихъ поползновє́нїѧ, приле́жнѡ тѧ̀, всебл҃гі́й гдⷵи, мо́лимъ: при́зри на цр҃ковь твою̀ и҆ ви́ждь, ꙗкѡ твоѐ сп҃си́тельное бл҃говѣ́стїе аще и҆ ра́досгнѡ прїѧ́хомъ, но те́рнїе сꙋеты̀ и҆ страсте́й твори́тъ ѻное въ нѣ́кїихъ малопло́дно, въ нѣ́кїихъ же и҆ безпло́дно, и҆ по ѹ҆множе́нїю беззако́нїй ѻвїи є҆ресьмѝ, ѻвїи раско́ломъ проти́вѧщесѧ є҆ѵⷢ҇льской твое́й истинѣ, ѿстꙋпа́ютъ ѿ достоѧ́нїѧ твоегѡ̀, ѿрѣва́ютъ твою̀ бл҃года́ть и҆ поверга́ютъ себѐ сꙋдꙋ̀ твоегѡ̀ прест҃а́гѡ сло́ва. Премилосе́рдый и҆ всеси́льный, не до конца гнѣ́ваѧйсѧ, гдⷵи! бꙋ́ди млⷵтивъ, мо́литъ тѧ̀ твоѧ̀ цр҃ковь, представлѧ́ющи тебѣ̀ нача́льника и҆ соверши́телѧ сп҃се́нїѧ на́шегѡ і҆и҃са хрⷵта̀, бꙋ́ди млⷵтивъ на́мъ, ѹ҆крѣпѝ на́съ въ правовѣ́рїи си́лою твое́ю, заблꙋжда́ющымъ же просвѣтѝ разꙋ̑мныѧ ѻчи свѣ́томъ твои́мъ бж҃е́ственнымъ, да ѹ҆разꙋмѣ́ютъ твою̀ истинꙋ: ѹ҆мѧгчѝ ихъ ѡ҆жесточе́нїе и҆ ѿве́рзи слꙋ́хъ, да позна́ютъ гла́съ тво́й и҆ ѡ҆братѧ́тсѧ къ тебѣ̀, сп҃си́телю на́шемꙋ. И҆спра́ви, гдⷵи, и҆ны́хъ развраще́нїе и҆ жи́знь несогла́снꙋю хрⷵтїа́нскомꙋ бл҃гоче́стїю: сотворѝ, да всѝ свѧ́тѡ и҆ непоро́чнѡ поживе́мъ: и҆ та́кѡ сп҃си́тельнаѧ вѣ́ра ѹ҆корени́тсѧ и҆ плодоно́сна въ сердца́хъ на́шихъ пребꙋ́детъ. Не ѿвратѝ лица̀ твоегѡ̀ ѿ на́съ, гдⷵи, возда́ждь на́мъ ра́дость сп҃се́нїѧ твоегѡ̀: пода́ждь, гдⷵи, и҆ па́стырємъ цр҃кве твоеѧ̀ ст҃ꙋ́ю ре́вность, и҆ ѡ҆ сп҃се́нїи и҆ ѡ҆браще́нїи заблꙋжда́ющихъ попече́нїе ихъ, дꙋ́хомъ є҆ѵⷢ҇льскимъ растворѝ: да тобо́ю всѝ рꙋководи́ми, дости́гнемъ, и҆дѣ́же соверше́нїе вѣ́ры, и҆сполне́нїе наде́жды и҆ истиннаѧ любо́вь, и҆ та́мѡ съ ли̑ки чистѣ́йшихъ нбⷵныхъ си́лъ просла́вимъ тебѐ гдⷵа на́шего, ѻ҆ц҃а̀ и҆ сн҃а и҆ ст҃а́го дх҃а, во вѣ́ки вѣкѡ́въ. Лик: Ами́нь .             

Посем протодиакон, став на уготованном месте, возглашает: Кто Бог ве́лий, я́ко Бог наш, Ты еси́ Бог, творя́й чудеса́ Един .

Потом высшим гласом: Кто Бог ве́лий, я́ко Бог наш :

И паки высочайшим гласом: Кто Бог велий :

И продолжает протодиакон: Правосла́вия день пра́зднующе, правосла́внии лю́дие, наипа́че просла́вим Вино́вника всех благ Бо́га, Иже Сый благослове́н во ве́ки. Сей Бог наш, промышля́я и утвержда́я возлю́бленное Свое́ достоя́ние – Святу́ю Це́рковь, пра́отцев, преступле́нием отпа́дших, утеша́я нело́жным Свои́м сло́вом, еще́ в раи́ основа́ние ей положи́. Сей Бог наш, руково́дствуя ко о́ному спаси́тельному обетова́нию, не прикрове́нна Себе́ оста́ви, но хотя́щее бы́ти спасе́ние провозвести́ пе́рвее чрез отце́в и проро́ков, живописа́ разли́чными о́бразы. Сей Бог наш, многоча́стне и многообра́зне дре́вле глаго́лавый отце́м во проро́цех, в после́док дний сих глаго́ла нам в Сы́не, Имже и ве́ки сотвори́. Иже возвести́ Отчее о нас благоволе́ние, откры́ та́инства небе́сная, уве́ри си́лою Свята́го Ду́ха о и́стине благове́стия, посла́ апо́столы во весь мир пропове́дати Ева́нгелие Ца́рствия, утверди́ о́ное разли́чными си́лами и чудесы́. Сему́ спаси́тельному открове́нию после́дующе, сего́ благове́стия держа́щеся .

Ве́руем во Еди́наго Бога Отца, Вседержи́теля, Творца́ не́бу и земли́, ви́димым же всем и неви́димым. И во Еди́наго Го́спода Иису́са Христа́, Сы́на Бо́жия, Единоро́днаго, Иже от Отца́ рожде́ннаго пре́жде всех век: Све́та от Све́та, Бога и́стинна от Бога и́стинна, рожде́нна, несотноре́нна, Единосу́щна Отцу́, Имже вся бы́ша. Нас ра́ди, челове́к, и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы, и вочелове́чшася. Распя́таго же за ны при ІІонти́йстем ІІила́те и страда́вша, и погребе́нна. И воскре́сшаго в тре́тий день, по Писа́нием. И возше́дшаго на небеса́, и седя́ща одесну́ю Отца́. И па́ки гряду́щаго со сла́вою, суди́ти живы́м и ме́ртвым, егоже Ца́рствию не бу́дет конца́. И в Ду́ха Свята́го, Го́спода, Животворя́щаго, Иже от Отца́ исходя́щаго, Иже со Отце́м и Сы́ном спокланя́ема и ссла́вима, глаго́лавшаго проро́ки. Во Еди́ну Святу́ю Собо́рную и Апо́стольскую Це́рковь. Испове́дуем еди́но креще́ние во оставле́ние грехо́в. Ча́ем воскресе́ния ме́ртвых. И жи́зни бу́дущаго ве́ка. Ами́нь.

Сия́ ве́ра апо́стольская, си́я ве́ра оте́ческая, сия́ ве́ра правосла́вная, сия́ ве́ра вселе́нную утверди́.

Еще́ же Собо́ры святы́х отец и их преда́ния и писа́ния, Боже́ственному Открове́нию согла́сная, прие́млем и утвержда́ем.

Всем же о Правосла́вии подвиза́вшимся словесы́, писа́нии, уче́нии, страда́нии и богоуго́дным житие́м, я́ко защи́тникам и посо́бникам о́наго, Христо́ва Це́рковь, ны́неншее воспомина́ние творя́щи, восклица́ет:

Святе́йшим правосла́вным патриа́рхом Константинопо́льским, Александри́йским, Антиохи́йским, Иерусали́мским и Всеросси́йским и про́чым Преосвяще́нным митрополи́том, архиепи́скопом и епи́скопом правосла́вным: ве́чная па́мятъ . [Певцы зде и далее поют: Вечная память, трижды.]

Святы́м равноапо́стольным царю́ Константи́ну и ма́тери его Еле́не, ве́чная па́мять.

Благове́рному и равноапо́стольному вели́кому кня́зю Влади́миру и благове́рной вели́кой княги́не Ольге, ве́чная намять.

Пострада́вшым и убие́нным в разли́чных похо́дех за правосла́вную ве́ру и Оте́чество вожде́м и во́ином, и всем правосла́вным хрнстиа́ном, в и́стинней ве́ре и благоче́стии и в наде́жди воскресе́ння сконча́вшымся: ве́чная па́мять.

Правосла́вная Христо́ва Це́рковь, торже́ственно воспомина́ющи подвиза́вшихся во благоче́стии и сие́ всем свои́м христоимени́тым ча́дом к подража́нию представля́ющи, восхваля́ет по́двиги сих, и́же и ны́не, спаси́тельною ве́рою и доброде́телию приуговля́юще себе́ к ве́чному блаже́нству, утвержда́ют Правосла́вие.

Посем возглашает протодиакон:

Вели́кому Господи́ну и Отцу на́шему    , Святе́йшему Патриа́рху Моско́вскому и все́я Руси́, мно́гая ле́та . [Певцы зде и далее поют: Многая лета, трижды.]

Святе́йшым правосла́вный патриа́рхом Константинопо́льскому, Александри́йскому, Антиохи́йскому, Иерусали́мскому и про́чым Святе́йшым правосла́вным Предстоя́телем мно́гая ле́та.

Господи́ну на́шему Преосвяще́ннейшему [имярек], митрополи́ту [или: архиепи́скопу, или: епи́скопу] егоже есть область, мно́гая ле́та .

Преосвяще́нным правосла́вным митрополи́том, архиепи́скопом и епи́скопом и всему́ освяще́нному при́чту многая лета.

Богохрани́мей стране́ на́шей. власте́м и во́инству ея́, мно́гая ле́та.

Всем правосла́вным христиа́ном, пра́во содержа́щым спаси́тельную ве́ру и повину́ющымся Христо́вей Це́ркви, пода́ждь, Го́споди, мир, благоде́нствие, изоби́лие плодо́в земны́х и многая лета.

Архиерей глаголет молитву:

Свѧта́ѧ тро́ице, си́хъ просла́ви и҆ ѹ҆твердѝ да́же до конца̀ въ правовѣ́рїи, ѿвраща́ющыѧжесѧ ст҃ы́ѧ и҆ спаси́тельныѧ правосла́вныѧ вѣ́ры и҆ хрⷵто́вы цр҃кве ѡ҆братѝ и҆ сотворѝ, да всѝ прїи́дꙋтъ въ позна́нїе вѣ́чныѧ твоеѧ̀ истины, мл҃твами прест҃ы́ѧ влⷣчцы на́шеѧ бцⷣы и҆ прⷵнодв҃ы мр҃і́и и҆ всѣ́хъ свѧты́хъ. А҆ минь.

Посем архиерей глаголет:

Сла́ва тебѣ̀, бг҃ꙋ, бл҃года́телю на́шемꙋ, во вѣ́ки вѣкѡ́въ.

Певцы: Ами́нь. И поют песнь святаго Амвросия: Тебе́, Бо́га, хва́лим :

Во время пения архиерей и весь священный собор целуют святые иконы на аналоях.

Архиерей, взем кадило, кадит ваиа [вербы] крестообразно.

Гдⷵи бж҃е на́шъ, сѣдѧ́й на херꙋві́мѣхъ, возста́вивый си́лꙋ и҆ посла́вый є҆диноро́днаго твоего̀ сн҃а, гдⷵа на́шего і҆и҃са хрⷵта̀, да сп҃се́тъ мі́ръ крⷵто́мъ и҆ погребе́нїемъ и҆ воскрⷵнїемъ свои́мъ: є҆гѡ́же ны́нѣ прише́дша во і҆ерⷵли́мъ на во́льнꙋю стрⷵть, лю́дїе сѣдѧ́щїи во тьмѣ̀ и҆ сѣ́ни сме́ртнѣй, прїе́мше зна́мєнїѧ побѣ́ды, вѣ̑тви древе́съ и҆ ва̑їй фі̑нїкъ, воскрⷵнїе предвозвѣсти́ша! Са́мъ, влⷣко, и҆ на́съ, по подража́нїю ѻнѣмъ въ предпра́зднственный се́й день ва̑їа и҆ вѣ̑тви древе́съ въ рꙋка́хъ носѧ́щихъ, соблюдѝ и҆, ꙗкоже ѻнїи наро́ди и дѣ́ти, ѡ҆са́нна тебѣ̀ приносѧ́щихъ, сохранѝ: ꙗкѡ да и҆ мы̀ въ пѣ́снехъ и҆ пѣ́нїихъ дх҃о́вныхъ сподо́бимсѧ дости́гнꙋти животворѧ́щагѡ и҆ тридне́внагѡ воскрⷵнїѧ, во хрт҃ѣ̀ і҆и҃сѣ гдⷵѣ на́шемъ, съ ни́мже бл҃гослове́нъ є҆сѝ, со прест҃ы́мъ и҆ бл҃гимъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ.

Бывает литурги́а Великаго Василиа, во свое время по чину.

По заамвонной же молитве архиерей омывает но́зе по чину си́це.

Исходит царскими две́рьми из олтаря́ на архиерейское, иде́же облача́ется, место, ники́м поддержи́мь, без посоха, а пред ним несет диакон Святое Евангелие да два диакона несут лаха́нь и рукомо́йник сре́бряныя: и диакон полагает Святое Евангелие на анало́гии, между́ пре́дних столпо́в поста́вленном. А в то время глаголют протопо́п со священники псалом 50: Поми́луй мя, Боже, по стихо́м, ко́сно: а на месте поставляют иподиакони кресла, а не кафе́дру.

Архиерей же возше́д на место, сядет в кре́слах, и поставляют пред ним скаме́йку, покрыту червча́тым сукно́м, а на скамейку ставят лахань с рукомойником, по́лным воды, на котором положе́н за́пон кисе́йный да ле́нтион. А власти, ко́им быти в чину́ омовения, сидя́т во олтаре́ по своим места́м по-степе́нно.

И ко архиерею приходят протодиакон да диакон и прие́млют благословение, и из олтаря́ выводят по два архимандрйта, или́ по два иере́а (архимандриты же покланя́ются архиерею по чину) и посажда́ют на угото́ванном месте по степе́нем. А в то время певцы поют пятую песнь канона Великаго Четвертка́.

Песнь 5, ирмос: Сою́зом любве́ связу́еми апо́столи, Влады́чествующему все́ми, себе́ Христу́ возло́жше, кра́сны но́ги очища́ху, благовеству́юще всем мир .

Неодержи́мую держа́щая и превы́спреннюю на возду́се во́ду, бе́здны обуздава́ющая и моря́ востязу́ющая Бо́жия Прему́дрость во́ду во умыва́льницу влива́ет, но́ги же омыва́ет рабо́в Влады́ка.

Ученико́м показу́ет смире́ния о́браз Влады́ка, о́блаки облага́яй не́бо, препоясу́ется ле́нтием и приклоня́ет коле́но, рабо́в омыва́ти но́ги, в Его́же руце́ дыха́ние все́х су́щих.

Та́же стихиры самогла́сны, умове́ния.

Глас 1: Ле́нтием препоя́савыйся и омы́вый но́ги ученико́в, Христе́ Бо́же, омы́й души́ на́шея по́мысл и опоя́ши нас сою́зом духо́вным, е́же твори́ти за́поведи Твоея́ бла́гости.

Глас 2: Вели́кое благоде́тельство прия́ти хотя́ще, ве́рнии, благогове́йно честно́му умове́нию притеце́м, не плотску́ю скве́рну омыва́юще, но ду́шы же та́йно освяща́юще. Христо́с бо Спас наш, призира́яй на зе́млю и творя́й ю́ трясти́ся, приклоня́ет Самаго́ Себе́ и следам каса́ется бре́нным, на вся́кую сопроти́вную силу тве́рдое да́руя нахожде́ние. Тому́ благода́рно возопие́м: изря́дный возвыше́ния путь показа́вый нам – смире́ние, спаси́ нас, Бла́же, я́ко Человеколю́бец.

Глас 3: Петр благогове́яше омы́тися нога́м от ІІречи́стых рук, и́миже со́здан быстъ Ада́м: услы́ша же: Аще не умы́ю тебе́, не и́маши ча́сти со Мно́ю. Тре́петом мно́гим содержи́мь, вопия́ше Тебе, Господи: не то́кмо но́зе мои́ умы́еши, но и ру́це и главу́. О великих Влады́чных даро́в! Общники твори́т благода́ти Своя́ ученики́ и часть име́ти с ними обещава́ет в неизрече́нней сла́ве, я́коже и в Та́йной Ча́ши рече́, но́вую си́ю пи́ти с ни́ми в Царствии Небе́снем, еяжс и на́с сподо́би, я́ко ми́лостив и Человеколю́бец.

Глас 8: Дне́сь Непристу́пный существо́м де́ло раба́ восприя́т, ле́нтием препоя́сася, одева́яй не́бо о́блаки. Во́ду влива́ет во умыва́льницу, мо́ре Чермно́е пресеки́й. И прикло́нь коле́на, нача́т омыва́ти но́ги ученико́в и отира́ти ле́нтием, и́мже бе препоя́сан. Егда́ у́бо умы́ но́ги ученико́в, рече́ им: вы чи́сти есте́, но не вси, зна́менуя предаю́щаго Его.

Уне тебе бя́ше, Иу́до, а́ще не бы зача́лся еси́ во утро́бе ма́терни: у́не тебе бя́ше, преда́телю, аще не бы роди́лся еси́, отчужде́ние Сы́на Бо́жия: тебе ра́ди растерза́ся собра́ние учени́к Христо́вых и и́стинный виногра́д объе́млет разбо́йник распина́емь: тобо́ю пресече́ся граде́ж, и храм нерукотворе́нный разоря́ют беззако́нницы. Да а́ще ми́ро гре́шныя почита́л еси́, я́ко многоце́нное, ка́ко Пра́веднаго кровь рука́ма беззако́нных преда́ти не ужасну́лся еси? Уне ти бя́ше, преда́телю, а́ще не бы роди́лся еси́, отчужде́нне Сы́на Бо́жия.

Слава, и ныне: Дрема́нием диа́вольским содержи́мь Иу́да, усну́ в смерть. Вре́мя бо́дрствовати, вре́мя трезви́тися: да стене́т се́рдце, да слезя́т ве́жди: псало́м да пое́тся. Ве́лия бо кре́пость Креста́. Христо́с при две́рех, жре́мая Па́сха прии́де. Сла́ва Тебе́, Го́споди, сла́ва Тебе́.

И егда исполнится число дванадесяти учеников, архиерей повелевает единому диакону близ себе на месте стоя́ на правой стране глаголати ектению:

Ми́ром Го́споду помо́лимся.

О свы́шнем ми́ре: О ми́ре всего́ ми́ра:

О святе́м хра́ме сем: О Вели́ком Господи́не:

О Богохрани́мей стране́: О гра́де сем:

О благорастворе́нии возду́хов: О пла́вающих:

О е́же благослови́тися и освяти́тися умове́нию сему́ си́лою и де́йством и наи́тием Свята́го Ду́ха Го́споду помо́лимся.

О е́же бы́ти е́му на омове́ние скве́рны согреше́ний на́ших Го́споду помо́лимся.

О изба́вится нам:

Заступи́, спаси́:

Пресвяту́ю, Пречи́стую:

Возглашает архиерей:

Ꙗкѡ ты̀ є҆сѝ ѡ҆чище́нїе дꙋ́шъ на́шихъ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ.

Клирицы же: Ами́нь .

Во время чтения вышеписанныя ектении архиерей и власти седят на своих местех.

Потом востав един токмо архиерей велегласно глаголет молитву сию:

Бж҃е пребл҃гі́й, непристꙋ́пный бж҃ество́мъ, иже во зра́цѣ ра́бїи слꙋжи́телѧ ѡбразъ воспрїе́мый и҆, во и҆з̾ѡбраже́нїе сп҃си́тельнагѡ смире́нїѧ, ѹ҆чн҃кѡ́въ твои́хъ но́ги пречи́стыма рꙋка́ма твои́ма ѡ҆мы́вый и҆ ле́нтїемъ ѡ҆тры́й! При́зри и҆ ны́нѣ на на́съ недосто́йныхъ ра̑бъ твои́хъ, толи́кагѡ твоегѡ̀ снизхожде́нїѧ подража́ющихъ пресла̑внаѧ, и҆ сподо́би плотски́хъ скве́рн̾ и҆змы́тисѧ на́мъ и҆ дꙋше́вныѧ нечистоты̀, воды̀ сеѧ̀ прикоснове́нїемъ. Да́рꙋй на́мъ прест҃а́гѡ дх҃а неви́димое наи́тїе, ѹ҆твердѝ на́съ ѿ блюдꙋ́щагѡ на́шꙋ пѧ́тꙋ ѕмі́ѧ льсти́вагѡ, да чи́сти бы́вше, послꙋ́жимъ бл҃гопрїѧ́тнѡ тебѣ̀, верхꙋ̀ ѕмїє́въ и҆ скорпі́й и҆ всеѧ̀ си́лы вра́жїѧ преходѧ́ще.

Ꙗкѡ подоба́етъ тебѣ̀ всѧ́каѧ сла́ва, че́сть и҆ поклоне́нїе, ны́нѣ и҆ при́снѡ и҆ во вѣ́ки вѣкѡ́въ.

Клирицы: Ами́нь .

Архиерей глаголет:

Ми́ръ всѣ̑мъ.

Протодиакон же: Главы́ вашя Го́сподеви приклони́те .

Архиерей глаголет тайно молитву сию:

Гдⷵи бж҃е на́шъ, показа́вый на́мъ мѣ̑ры смире́нїѧ въ твое́мъ превысо́комъ снизхожде́нїи, и҆ послѣ́днѧго и҆зволе́нїемъ пе́рваго наре́къ, ѡ҆бл҃годатѝ на́съ въ слꙋже́нїи дрꙋ́гъ дрꙋ́гꙋ, вознесѝ на́съ бж҃е́ственнымъ смире́нїемъ, соблюди́ ны несквє́рны, ѡ҆мыва́ємыѧ при́снѡ слеза́ми, ѡ҆чища́ємы просвѣще́нїемъ чисти́тельныѧ твоеѧ̀ бл҃года́ти: да истиною къ тебѣ̀ всегда̀ припа́дающе, ѡ҆брѧ́щемъ млⷵть и҆ щедрѡ́ты на стра́шнѣмъ твое́мъ сꙋди́щи.

Возглас:

Ꙗкѡ млⷵтивъ и҆ чл҃вѣколю́бецъ бг҃ъ є҆сѝ, и҆ тебѣ̀ сла́вꙋ возсыла́емъ, со безнача́льнымъ твои́мъ ѻ҆ц҃е́мъ, и҆ всест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ.

Клирицы же: Ами́нь .

Посем архиерей сядет в кресла своя, протодиакон же, ириняв благословение у архиереа, сходит с места и, став проти́во архиереа, возглашает тако:

И о сподо́битися нам слы́шания Свята́го Ева́нгелиа Го́спода Бо́га мо́лим.

Клирицы: Го́споди, поми́луй. [Трижды.]

Паки возглашает протодиакон: Прему́дрость, про́сти, услы́шим Свята́го Ева́нгелиа .

Архиерей глаголет:

Мі́ръ всѣ̑мъ.

Клирицы: И ду́хови твоему́ .

Протодиакон начинает чести́ Святое Евангелие тако:

От Иоа́нна Свята́го Ева́нгелиа чте́ние.

Клирицы: Сла́ва Тебе́, Го́споди, слава Тебе́. Протодиакон: Во́нмем. Архиерей же и власти вси седят. Протодиакон чтет:

Во вре́мя оно, ве́дый Иису́с, я́ко вся даст Ему́ Оте́ц в ру́це, и я́ко от Бога изы́де, и к Бо́гу гряде́т, воста́в с ве́чери [сию речь трижды глаголет] и архиерей востает. Протодиакон глаголет: И положи́ ри́зы Своя́ .

Архиерей же сам сиимает с себе шапку и отдает диакону, потом снимает панагию и крест, и кладет на кресла, таже омофорий и саккос или ри́зу и поли́цу, и кладет на кресла, и никто ему не помогает. Протодиакон же чтет все сднну речь: И положи́ ри́зы Своя́, многажды, до́ндеже разоблачится: а диакони стоят у места на нижнем степе́ни. По́яса же, по́ручей и епитрахилиа и подризника не снимает. И взем у диакона шапку, возлагаст на главу сам. И прием за́пон, утверждает сопреди́ един конец за по́яс, а други́й опускает до ног. Та́же приемлет ле́нтион: а протодиакон в то время чтет: И прие́м ле́нтион, препоя́сася. И архиерей препоясу́ется, от левыя руки един конец мало опускает, а другий конец прекидывает от левыя же руки чрез спину на правое рамо, и конец лентиа полагает на левую ру́ку. Протодиакон же чтет все едину речь: И прие́м ле́нтион, препоясася, дóндеже архиерей препояшется. Та́же протодиакон чтет: Пото́мже влия́ во́ду во умыва́льницу. Архиерей же, взяв рукомойник с водою теплою, вливает в лаха́нь крестообразно, малую часть, глаголя втай:

Во имѧ ѻ҆ц҃а̀ и҆ сн҃а и҆ ст҃а́гѡ дх҃а. А҆ ми́нь.

Протодиакон чтет вторично ту́южде речь: Пото́мже влия́ во́ду во умыва́льницу. Архиерей же паки лие́т крестообразно. Та́же протодиакон чтет трети́чно ту́южде речь: Пото́мже влия́ во́ду во умыва́льницу. Архиерей же лиет третие крестообразно.

Протодиакон чтет: И нача́т умыва́ти но́ги ученико́м и отира́ти ле́нтием, и́мже бе препоя́сан .

Архиерей и́дет с места своего ники́м поддержи́мь, а лаха́нь вземлют два диакона и несут пред ним: и начинает умывати ноги с начала от своего места сущих по левую страну́ до царских двере́й, и от царских дверей рядом по правую страну́ до Симона Петра, преклоня́яся на землю на одно правое колено, возливая воду из лахани своею рукою на но́гу трижды, омывает и отирает лентием. И у котораго умы́ет ногу, тот целует архиереа в шапку и в ру́ку. А архиерей того в ру́ку же. Архимандриты же седят в шапках. В то время протодиакон чтет все сдину речь: И нача́т умыва́ти но́ги ученико́м и отира́ти ле́нтием, и́мже бе препоя́сан .

И егда́ архиерей умы́ет трие́м но́ги, протодиакон чтет: Пото́м влия́ во́ду во умыва́льницу. Архиерей паки вземлет рукомойник и лиет воду в лахань по прежнему трижды крестообразно. Протодиакон чтет, якоже и прежде: И нача́т умыва́ти но́ги ученико́м и отира́ти ле́нтием, и́мже бе препоя́сан. Архиерей же паки умывает ноги еще трие́м. Сие бывает на четыри статии́.

Егда́ умыет ноги единона́десяти, тогда приходит к первому архимандриту: и протодиакон чтет: Прии́де же к Си́мону Петру́, и глагола́ ему той: Архимандрит, воста́в, глаго́лет: Го́споди, Ты ли мои́ умы́еши но́зе? Протодиакон чтет: Отвеща́ Иису́с и рече́ ему́: Архиерей глаголет:

Еже азъ творю̀ ты̀ не вѣ́си ны́нѣ, разꙋмѣ́еши же по си́хъ.

Протодиакон чтет: Глаго́ла Ему́ Петр: Архимандрит глаголет: Не умы́еши но́гу мое́ю во ве́ки. Протодиакон чтет: Отвеща́ ему́ Иису́с :

Архиерей отвещает:

Аще не ѹ҆мы́ю тебѐ, не имаши ча́сти со мно́ю.

Протодиакон чтет: Глаго́ла Ему́ Си́мон Петр: Архимандрит глаголет: Господи, не но́зе мои́ то́кмо, показуя свои руки: но и ру́це, паки показуя рукою своею на главу: и главу́ , и сядет архимандрит.

Протодиакон чтет: Глаго́ла ему́ Иису́с :

Архиерей отвещает:

И҆змове́ный не требꙋетъ то́кмѡ но́зѣ ѹ҆мы́ти: єсть бо ве́сь чи́стъ, и҆ вы̀ чи́сти є҆стѐ, но не всѝ.

И омывает ноги архимандриту.

По умовении же ног восходит архиерей на прежнее место, где разоблачашеся, ники́м поддержи́мь, а диакони пред ним несут лахань с водою и поставляют на прежнем месте, на угото́ванной скамии. Возшед же на место, снимает с себе лентион и за́пон, а протодиакон дочитает Святое Евангелие си́це: Ве́дяше бо предаю́щаго Его́, сего́ ра́ди рече́: я́ко не вси чи́сти есте́. Клирицы: Сла́ва Тебе́, Го́споди, сла́ва Тебе́ .

Паки начинает протодиакон: Прему́дрость, про́сти, услы́шим Свята́го Ева́нгелиа, и: От Иоа́нна Свята́го Ева́нгелиа чте́ние, и: Во́нмем , и чтет: Во вре́мя о́но, егда́ умы́ Иису́с но́зе ученико́м, прия́т ри́зы Своя́: Архиерей же облачается сам во все облачение прежнее, и никто ему не подает, а протодиакон чтет едину речь, прия́т ри́зы Своя́, многажды, дóндеже облачится. Таже протодиакон чтет: Возле́г па́ки. Архиерей сядет в креслах. Протодиакон чтет: Рече им: и подносит ко архиерею Святое Евангелие. Архиерей же, седя́ в креслах, дочитает Евангелие, власте́м всем в то время стоящым:

Вѣ́сте ли что̀ сотвори́хъ ва́мъ; вы глаша́ете мѧ̀ ѹ҆чи́телѧ и҆ гдⷵа: и҆ до́брѣ гл҃ете, єсмь бо. Аще ѹбѡ азъ ѹ҆мы́хъ ва́шшы но́зѣ, гдⷵъ и҆ ѹ҆чи́тель: и҆ вы̀ до́лжни є҆стѐ дрꙋ́гъ дрꙋ́гꙋ ѹ҆мыва́ти но́зѣ. Ѻбразъ бо да́хъ ва́мъ, да ꙗкоже азъ сотвори́хъ ва́мъ, и҆ вы̀ твори́тѣ. А҆ми́нь, а҆ми́нь, гл҃ю ва́мъ: нѣ́сть ра́бъ бо́лїй гдⷵа своего̀, ни посла́нникъ бо́лїй посла́вшаго є҆го̀. Аще сїѧ̑ вѣ́сте, бл҃же́ни є҆стѐ, аще твори́те ѧ.

И, прочет, востает и глаголет во услышание всем молитву сию:

Гдⷵи бж҃е на́шъ, иже по мно́зѣй млⷵти твое́й и҆стощи́вый себѐ и҆ зра́къ раба̀ прїе́мый, иже во вре́мѧ сп҃си́тельныѧ и҆ животворѧ́щїѧ и҆ во́льныѧ твоеѧ̀ стрⷵти вечерѧ́ти и҆зво́ливый со ст҃ы́ми твои́ми ѹ҆чн҃ки̑ и҆ а҆пⷵлы, и҆ посе́мъ ле́нтїемъ препоѧ́савый себѐ и҆ ѡ҆мы́вый но́ги ѹ҆чн҃кѡ́въ, ѡбразъ да́въ имъ смиреномꙋ́дрїѧ и҆ любвѐ єже дрꙋ́гъ ко дрꙋ́гꙋ, и҆ рекі́й: ꙗкоже сотвори́хъ ва́мъ, та́кожде и҆ вы̀ твори́те дрꙋ́гъ дрꙋ́гꙋ! Са́мъ и҆ ны́нѣ, влⷣко, посредѣ̀ недосто́йныхъ рабѡ́въ твои́хъ, иже твоемꙋ̀ ѡбразꙋ послѣ́дꙋющихъ, прише́дъ ѡ҆мы́й всѧ́кꙋю скве́рнꙋ и҆ нечистотꙋ̀ дꙋ́шъ на́шихъ, да ѿмы́вше прилѣпи́вшїйсѧ на́мъ ѿ согрѣше́нїй пра́хъ и҆ ле́нтїемъ любвѐ дрꙋ́гъ дрꙋ́га ѡ҆те́рше, возмо́жемъ бл҃гоꙋгоди́ти тебѣ̀ всѧ̑ дни̑ живота̀ на́шегѡ и҆ ѡ҆брѣстѝ бл҃года́ть пред̾ тобо́ю.

Ꙗкѡ ты̀ є҆сѝ бл҃гословлѧ́ѧй и҆ ѡ҆сщ҃а́ѧй всѧ́чєскаѧ, хрⷵтѐ бж҃е на́шъ, и҆ тебѣ̀ сла́вꙋ возсыла́емъ, со безнача́льнымъ твои́мъ ѻ҆ц҃е́мъ, и҆ всест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ. А҆ ми́нь.

Та́же архиерей входит во святый олтарь, и совершается служба по чину.

Аще кто̀ благочести́въ, и҆ бг҃олюби́въ, да наслади́тса сегѡ̀ до́брагѡ и҆ свѣ́тлагѡ торжества̀. аще кто̀ ра́бъ благоразꙋ́мный, да вни́детъ ра́дꙋѧсѧ въ радость гдⷵа своегѡ̀. аще кто̀ потрꙋди́сѧ постѧ́сѧ, да воспрїи́метъ ны́нѣ дїнарїй. аще кто̀ ѿ пе́рвагѡ часа̀ дѣ́лалъ єсть, да прїи́метъ дне́сь пра́ведный до́лгъ. аще кто̀ по тре́тїемъ часѣ̀ прїи́де, благодарѧ̀ да пра́зднꙋетъ. аще кто̀ по шесто́мъ часѣ̀ дости́же, ничто́же да сꙋмни́тсѧ, ибо ничи́мже ѿтщетѣва́етсѧ. аще кто̀ лиши́сѧ и҆ девѧ́тагѡ часа̀, да пристꙋ́питъ ничто́же сꙋмнѧ́сѧ, ничто́же боѧ́сѧ. аще кто̀ то́чїю дости́же и҆ во є҆динонадесѧ́тый ча́съ, да не ѹ҆страши́тсѧ замедлѣ́ніѧ: любочести́въ бо сы́й влⷣка, прїе́млетъ послѣ́днѧго, ꙗкоже и҆ пе́рваго: ѹ҆покоева́етъ во є҆динондаесѧ́тый ча́съ прише́дшаго, ꙗкоже дѣ́лавшаго ѿ пе́рвагѡ часа̀: и҆ послѣ́днѧго ми́лꙋетъ, и҆ пе́рвомꙋ ѹ҆гожда́етъ: и҆ ѻномꙋ дае́тъ, и҆ семꙋ̀ да́рствꙋетъ: и҆ дѣла̀ прїе́млетъ, и҆ намѣ́ренїе цѣлꙋ́етъ: и҆ дѣѧ́нїе почита́етъ, и҆ предложе́нїе хва́литъ. Тѣ́мже ѹбѡ вни́дите всѝ въ ра́дость гдⷵа своегѡ̀. и҆ пе́рвїи и҆ вторі́и мздꙋ̀ прїимаи́те. бога́тїи и҆ ѹ҆бо́зїи дрꙋ́гъ со дрꙋ́гомъ ликꙋ́йте. возде́ржницы и҆ лѣни́вїи де́нь почти́те. пости́вшїисѧ и҆ непости́вшїисѧ возвесели́тесѧ дне́сь. Трапе́за и҆спо́лнена, наслади́тесѧ всѝ: теле́цъ ѹ҆пита́нный, никто́же да и҆зы́детъ алчай, всѝ наслади́теса пи́ра вѣ́ры: всѝ воспрїими́те бога́тство бла́гости: никто́же да рыда́етъ ѹ҆бо́жества, ꙗ҆ви́ бо сѧ ѻбщее црⷵтво. никто́же да пла́четъ прегрѣше́нїй, проще́нїе бо ѿ гро́ба возсїѧ̀. никто́же да ѹ҆бои́тсѧ сме́рти, свободи́ бо на́съ сп҃сова сме́рть: ѹ҆га̀си ю, иже ѿ неѧ̀ держи́мый: плѣнѝ ада, сше́дый во адъ: ѡ҆горчѝ є҆го̀, вкꙋси́вша пло́ти є҆гѡ̀. и҆ сїѐ предпрїе́мый и҆са́їа возопѝ: адъ, глаго́летъ, ѡ҆горчи́сѧ, срѣ́тъ тѧ̀ до́лѣ. ѡ҆горчи́сѧ, ибо ѹ҆праздни́сѧ. ѡ҆горчи́сѧ, ибо порꙋ́ганъ бы́сть. ѡ҆горчи́сѧ, ибо ѹ҆мертви́сѧ. ѡ҆горчи́сѧ, ибо низложи́сѧ. ѡ҆горчи́сѧ, ибо свѧза́сѧ. прїѧтъ тѣ́ло, и҆ бг҃ꙋ приразисѧ. прїѧ́тъ зе́млю, и҆ срѣ́те нб҃о. прїѧ́тъ єже ви́дѧше, и҆ впадѐ во єже не ви́дѧше. гдѣ̀ твоѐ, сме́рте, жа́ло, гдѣ̀ твоѧ̀, аде, побѣ́да; воскре́се хрⷵто́съ, и҆ ты̀ низве́рглсz є҆сѝ. воскре́се хрⷵто́съ, и҆ падо́ша де́мѡни. воскре́се хрⷵто́съ, и҆ ра́дꙋютсѧ агг҃ли. воскре́се хрⷵто́съ, и҆ жи́знь жи́тельствꙋетъ. воскре́се хрⷵто́съ, и҆ ме́ртвый ни є́ди́нъ во гро́бѣ: хрⷵто́съ бо воста́въ ѿ ме́ртвыхъ, нача́токъ ѹ҆со́пшихъ бы́сть. томꙋ̀ сла́ва и҆ держа́ва, во вѣ́ки вѣ́кѡ́въ. а҆ми́нь. 

Принесе́н быва́ет а́ртос, си́есть хлеб на сие́ приугото́вленный, и на нем Крест, напи́санный обы́чно, к иере́ю в олтарь. По соверше́нии Боже́ственныя литурге́и и по заамво́нной моли́тне, ре́кшу протодиа́кону: Го́споду помо́лимся , и кли́ру: Го́споди, поми́луй , чте́т над ним архиере́й моли́тву сию:

Бж҃е всеси́льный и҆ гдⷵи вседержи́телю, иже рабо́мъ твои́мъ мѡѷсе́омъ во и҆схо́дѣ і҆и҃левѣ ѿ є҆гѵ́пта и҆ во ѡ҆свобожде́нїи люде́й твои́хъ ѿ го́рькїѧ рабо́ты фараѡ́новы агнца закла́ти повелѣ́лъ є҆сѝ, проѡбразꙋ́ѧ на крⷵтѣ̀ закла́ннаго во́лею на́съ дѣ́лѧ агнца, взе́млющаго всегѡ̀ мі́ра грѣхѝ, возлю́бленнаго сн҃а твоего̀, гдⷵа на́шего і҆и҃са хрⷵта̀! Ты и҆ ны́нѣ, смире́ннѡ мо́лимъ тѧ̀, при́зри на хлѣ́бъ се́й, и҆ бл҃гослови и҆ ѡ҆ст҃ѝ є҆го̀: ибо и҆ мы̀ рабѝ твоѝ въ че́сть и҆ сла́вꙋ и҆ въ воспомина́нїе сла́внагѡ воскрⷵнїѧ тогѡ́жде сн҃а твоегѡ̀ гдⷵа на́шегѡ і҆и҃са хрⷵта̀, имже ѿ вѣ́чныѧ рабо́ты вражїѧ и҆ ѿ адовыхъ нерѣши́мыхъ ѹзъ разрѣше́нїе, свобо́дꙋ и҆ преведе́нїе полꙋчи́хомъ, пред̾ твои́мъ вели́чествомъ ны́нѣ во всесвѣ́тлый се́й, пресла́вный и҆ сп҃си́тельный де́нь па́схи се́й прино́симъ: на́съ же, сего̀ приносѧ́щихъ, и҆ того̀ лобза́ющихъ, и҆ ѿ негѡ̀ вкꙋша́ющихъ, твоемꙋ̀ нбⷵномꙋ бл҃гослове́нїю прича́стники бы́ти сотворѝ и҆ всѧ́кꙋю болѣ́знь и҆ недꙋ́гъ ѿ на́съ твое́ю си́лою ѿженѝ, здра́вїе всѣ̑мъ подава́ѧ. Ты́ бо є҆сѝ и҆сто́чникъ бл҃гослове́нїѧ и҆ цѣльба́мъ пода́тель, и҆ тебѣ̀ сла́вꙋ возсыла́емъ, безнача́льномꙋ ѻ҆ц҃ꙋ̀, со є҆диноро́днымъ твои́мъ сн҃омъ, и҆ прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ.

Лик: Ами́нь .

Абие же кропит артос священною водою, глаголя:

Бл҃гословлѧ́етсѧ и҆ ѡ҆сщ҃а́етсѧ артосъ се́й, ѡ҆кропле́нїемъ воды̀ сеѧ̀ сщ҃е́нныѧ, во имѧ ѻ҆ц҃а̀ и҆ сн҃а и҆ ст҃а́гѡ дх҃а. А҆ ми́нь. Трижды.

И посем исходит, и полагает его на анало́гии, лю́дие же, приемлюще антидор, лобзают артос.

По Божественной литургии, принесе́ну бывшу а́ртосу обы́чно в трапе́зу, и отпевше, Христо́с воскре́се, три́жды, с поклоне́нием, проче́тшу, Отче наш: [и трапе́зу благослови́вшу обычно,] протодиа́кон глаго́лет: Го́споду помо́лимся, и братия: Го́споди, поми́луй. Архиерей глаго́лет молитву сию над артосом:

Гдⷵи і҆и҃се хрⷵтѐ, бж҃е на́шъ, хлѣ́бе агг҃льскїй, хлѣ́бе жи́зни вѣ́чныѧ, соше́дый съ нб҃сѐ, напи́тавый насъ во всесвѣ̑тлыѧ сїѧ̑ дни̑ пи́щею дх҃о́вною твои́хъ бж҃е́ственныхъ бл҃годѣѧ́нїй, тридне́внагѡ ра́ди и҆ сп҃си́тельнагѡ воскрⷵнїѧ! При́зри и҆ ны́нѣ, смире́ннѡ мо́лимъ тѧ̀, на мѡльбы̀ и҆ бл҃годарє́нїѧ на̑ша, и҆ ꙗкоже бл҃гослови́лъ є҆сѝ пѧ́ть хлѣ́бѡвъ въ пꙋсты́ни, и҆ ны́нѣ бл҃гословѝ хлѣ́бъ се́й, ꙗкѡ да всѝ, вкꙋша́ющїи ѿ негѡ̀, тѣле́снагѡ и҆ дꙋше́внагѡ бл҃гослове́нїѧ и҆ здра́вїѧ сподо́бѧтсѧ, бл҃года́тїю и҆ щедро́тами твоегѡ̀ чл҃вѣколю́бїѧ. Ты́ бо є҆сѝ ѡ҆сщ҃е́нїе на́ше, и҆ тебѣ̀ сла́вꙋ возсыла́емъ, со безнача́льнымъ твои́мъ ѻ҆ц҃е́мъ, и҆ всест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ.

Братия: Аминь .

Раздробив же артос обычно, раздает всем прежде обеда.

Может же раздробити его и на литургии по заамвонной молитве и раздавати верующым вместо антидора.

Пречи́сте, нескве́рне, безнача́льне, неви́диме, непостижи́ме, неизслѣ́диме, неизмѣ́нне, непобѣди́ме, неисче́тне, неѕло́биве гдⷵи, є҆ди́не и҆мѣ́ѧй безсме́ртїе, во свѣ́тѣ живы́й непристꙋ́пнѣмъ: сотвори́вый нб҃о и҆ зе́млю и҆ мо́ре, и҆ всѧ̑ созда̑ннаѧ въ ни́хъ: пре́жде не́же проси́ти, всѣ̑мъ прошє́нїѧ подава́ѧй! Тебѣ мо́лимсѧ и҆ тебѐ про́симъ, влⷣко чл҃вѣколюбче, ѻ҆ц҃а̀ гдⷵа и҆ бг҃а и҆ сп҃са на́шегѡ і҆и҃са хрⷵта̀, на́съ ра́ди человѣ́кѡвъ и҆ на́шегѡ ра́ди сп́се́нїѧ сше́дшагѡ съ нб҃съ, и҆ воплоти́вшагѡсѧ ѿ дх҃а ст҃а́гѡ и҆ мр҃і́и приснодв҃ы и҆ пресла́вныѧ бцⷣы: иже пе́рвѣе ѹбѡ словесы̀ ѹ҆чѧ̀, послѣди́ же и҆ дѣ́лы показꙋ́ѧ, є҆гда̀ сп҃си́тельнꙋю стрⷵть претерпѣ̀, дадѐ на́мъ, смирє́ннымъ и грѣ̑шнымъ и҆ недостѡ́йнымъ рабѡ́мъ твои̑мъ, ѡбразъ приноси́ти тебѣ̀ мѡльбы̀ въ вы́и и҆ колѣ́нъ преклоне́нїихъ ѡ҆ свои́хъ грѣсѣ́хъ и ѡ҆ людски́хъ невѣ́дѣнїихъ: са́мъ, многомлⷵтиве и҆ чл҃вѣколюбче, ѹ҆слы́ши на́съ, в о́ньже аще де́нь призове́мъ тѧ̀, и҆зрѧ́днѣе же въ се́й де́нь пѧтдесѧ́тницы, во́ньже гдⷵь на́шъ і҆и҃съ хрⷵто́съ, по вознесе́нїи на нб҃са̀ и҆ сѣдѣ́нїи ѡ҆деснꙋ́ю тебє̀ бг҃а и҆ ѻ҆ц҃а̀, низиосла̀ ст҃а́го дх҃а на ст҃ы̑ѧ своѧ̑ ѹ҆ч҃нкѝ и҆ а҆пⷵлы, иже и҆ сѣ́де на є҆ди́номъ коегѡ́ждо ихъ, и҆ и҆спо́лнишасѧ веѝ неистощи́мыѧ бл҃года́ти є҆гѡ̀, и҆ глаго́лаша ѧ҆зы̑ки и҆ны́ми вели̑чїѧ твоѧ̑, и҆ прореко́ша. Ны́нѣ ѹбо ѹ҆слы́ши ны̀ молѧ́щыѧсѧ тебѣ̀, помѧни́ ны смирє́нныѧ и҆ ѡ҆сꙋждє́нныѧ, и҆ возвратѝ плѣне́нїе дꙋ́шъ на́шихъ, твоѐ сострада́нїе и҆мѣ́ѧ ѡ҆ на́съ молѧ́щеесѧ. Прїимѝ ны̀ припа́дающыѧ тебѣ̀ и҆ попїю́щыѧ: согрѣши́хомъ! Къ тебѣ̀ приве́ржени є҆смы ѿ ѹ҆тро́бы, ѿ чре́ва ма́тере на́шеѧ ты̀ є҆сѝ бг҃ъ на́шъ: но ꙗкѡ и҆счезо́ша въ сꙋетѣ̀ дні́е на́ши, ѡ҆бнажи́хомсѧ твоеѧ̀ по́мощи, лиши́хомсѧ всѧ́кагѡ ѿвѣ́та. Но дерза́юще на щедро́ты твоѧ̑, зове́мъ: грѣхѡ́въ юности на́шеѧ и҆ невѣ́дѣнїѧ не помѧнѝ, и҆ ѿ та́йныхъ на́шихъ ѡ҆чи́сти на́съ, и҆ не ѿрини на́съ во вре́мѧ ста́рости: внегда̀ ѡ҆скꙋдѣ́ти крѣ́пости на́шей, не ѡ҆ста́ви на́съ: пре́жде не́же въ зе́млю возврати́мсѧ, сподо́би на́съ къ тебѣ̀ ѡ҆брати́тисѧ, и҆ вонмѝ на́мъ бл҃гопрїѧ́тїемъ и҆ бл҃года́тїю: возмѣ́ри беззакѡ́нїѧ на̑ша щедро́тами твои́ми: мно́жествꙋ согрѣше́нїй на́шихъ сопроти́въ поста́ви бе́зднѣ щедро́тъ твои́хъ. При́зри съ высоты̀ ст҃ыѧ ткоеѧ̀, гдⷵи, на предстоѧ́щыѧ лю́ди твоѧ̑ и҆ ча́ющыѧ ѿ тебє̀ бога́тыѧ млⷵти: посѣтѝ насъ бл҃гостїю твое́ю, и҆зба́ви на́съ ѿ наси́льства дїа́волѧ: ѹ҆твердѝ жи́знь на́шꙋ ст҃ы́ми твои́ми и҆ сщ҃е́нными закѡ́ны. Агг҃ла вѣ́рна храни́телѧ приста́ви лю́демъ твои̑мъ, всѧ̑ ны̀ соберѝ въ твоѐ црⷵтвїе: да́ждь проще́нїе ѹ҆пова́ющымъ на тѧ̀, ѡ҆ста́ви имъ и҆ на́мъ грѣхѝ: ѡ҆чи́сти на́съ дѣ́йствомъ ст҃а́гѡ твоегѡ̀ дх҃а: разрꙋшѝ вра̑жїѧ на на́съ кѡ́зни.

Присовокупляет же и сию молитву:

Бл҃гослове́нъ є҆сѝ, гдⷵи влⷣко вседержи́телю, просвѣти́вый де́нь свѣ́томъ со́лнечнымъ и҆ но́щь ѹ҆ѧсни́вый зарѧ́ми ѻгненными, долготꙋ̀ дневнꙋ́ю прейтѝ на́мъ сподо́бивый и҆ прибли́житисѧ нача́лѡмъ но́щи! Ѹ҆слы́ши моле́нїе на́ше и҆ всѣ́хъ люде́й твои́хъ, и҆, всѣ̑мъ на́мъ прости́въ вѡ́льныѧ и҆ невѡ́льныѧ грѣхѝ,

прїимѝ вечє́рнѧѧ на̑ша молє́нїѧ, и҆ низпослѝ мно́жество млⷵти твоеѧ̀ и҆ щедро́тъ твои́хъ на достоѧ́нїе твоѐ: ѡ҆стѣнѝ на́съ ст҃ы́ми агг҃лы твои́ми, воѡрꙋжѝ на́съ ѡ҆рꙋ́жїемъ пра́вды твоеѧ̀, ѡ҆градѝ на́съ истиною твое́ю, соблюдѝ на́съ си́лою твое́ю, и҆зба́ви на́съ ѿ всѧ́кагѡ ѡ҆бстоѧнїѧ и҆ всѧ́кагѡ навѣ́та сопроти́вника: пода́ждь же на́мъ и҆ настоѧ́щїй ве́черъ съ приходѧ́щею но́щїю соверше́нъ, ст҃ъ, ми́ренъ, безгрѣ́шенъ, безсобла́зненъ, безмечт́аненъ, и҆ всѧ̑ дни̑ жи́зни на́шеѧ, мл҃твами ст҃ы́ѧ бцⷣы и҆ всѣ́хъ ст҃ы́хъ, ѿ вѣ́ка тебѣ̀ бл҃гоꙋгоди́вшихъ.

По скончании ектении возглас:

Твое́ бо єсть єже ми́ловати и҆ сп҃са́ти ны̀, бж҃е на́шъ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ.

Гди і҆и҃се хрⷵтѐ, бж҃е на́шъ, ми́ръ твой пода́вый человѣ́кѡмъ, є҆щѐ и҆ са́мъ въ житїѝ съ на́ми сы́й, прест҃а́гѡ дх҃а да́ръ въ наслѣ́дїе неѿе́млемое вѣ̑рнымъ при́снѡ подава́ѧй: ꙗ҆вле́ннѣйше же дне́сь сїю̀ бл҃года́ть твои̑мъ ѹ҆ч҃нкѡ́мъ и҆ а҆пⷵлѡмъ низпосла́вый и҆ си́хъ ѹ҆тнѣ̀ ѹ҆тверди́вый ѻгненными ѧ҆зы̑ки, имиже ве́сь ро́дъ человѣ́ческїй бг҃овѣ́дѣнїе свои́мъ ѧ҆зы́комъ въ слꙋ́хъ ѹха прїи́мше, свѣ́томъ дх҃а просвѣти́хомсѧ, и҆ ѿ пре́лести ꙗкоже ѿ тьмы̀ и҆зба́вихомсѧ, и҆ раздаѧ́нїемъ чꙋ́вственныхъ и҆ ѻгненныхъ ѧ҆зы̑къ и҆ преесте́ственнымъ дѣ́йствомъ вѣ́рѣ къ тѧ̀ наꙋчи́хомсѧ, и҆ тѧ̀ со ѻ҆ц҃е́мъ и҆ ст҃ы́мъ дх҃омъ во є҆ди́номъ бж҃ествѣ̀ и҆ си́лѣ и҆ вла́сти бг҃осло́вити ѡ҆зари́хомсѧ! Ты̀ ѹбо, ѻтчее сїѧ́нїе, сꙋщества̀ и҆ є҆стества̀ є҆гѡ неизмѣ́нное и҆ недви́жимое начерта́нїе, и҆сточниче премꙋ́дрости и҆ бл҃года́ти, ѿтве́рзи и҆ мнѣ̀ грѣ́шномꙋ ѹ҆стнѣ̀ и҆ наꙋчи́ мѧ, ка́кѡ досто́итъ и҆ ѡ҆ чесо́мъ потре́ба моли́тнсѧ: ты́ бо є҆сѝ вѣ́дый мно́гое грѣхѡ́въ мои́хъ мно́жество, но твоѐ бл҃госе́рдїе побѣди́тъ си́хъ безмѣ́рїе: се́ бо со стра́хомъ предстою́ ти, въ пꙋчи́нꙋ; млⷵти твоеѧ̀ ѿча́ѧнїе дꙋшѝ моеѧ̀ повергъ. Ѹ҆пра́ви жи́знь мою̀, ѹ҆правлѧ́ѧй сло́вомъ всю̀ тва́рь неизрече́нною премꙋ́дрости си́лою, ти́хое ѡ҆бꙋрева́емыхъ приста́нище, и҆ скажи́ ми пꙋ́ть, во́ньже пойдꙋ̀. Дх҃ъ премꙋ́дрости твоеѧ̀ мои̑мъ пода́ждь помышле́нїємъ, дх҃ъ ра́зꙋма безꙋ́мїю моемꙋ да́рꙋѧй: дх҃омъ стра́ха твоегѡ̀ моѧ̑ ѡ҆сѣнѝ дѣла̀, и҆ дх҃ъ пра́вый ѡ҆бновѝ во ѹ҆тро́бѣ мое́й, и҆ дх҃омъ влⷣчнимъ мы́слей мои́хъ поползнове́нїе ѹ҆твердѝ: да на всѧ́къ де́нь дх҃омъ твои́мъ бл҃ги́мъ къ поле́зномꙋ наставлѧ́емь, сподо́блюсѧ твори́ти за́пѡвѣди твоѧ̑ и҆ при́снѡ па́мѧтствовати твоѐ сла́вное прише́ствїе, є҆гда̀ и҆стѧ́жеши содѣ̑ѧннаѧ на́ми. Не пре́зри мѧ̀ прельща́тисѧ тлѣ́нными мі́ра сегѡ̀ кра́сными, но воспрїѧ́тїѧ бꙋ́дꙋщихъ сокро́вищъ жела́ти ѹ҆крѣпѝ. Ты бо ре́клъ є҆сѝ, влⷣко, ꙗкѡ, є҆ли̑ка кто̀ про́ситъ ѡ҆ твое́мъ имени, невозбра́ннѡ прїе́млетъ ѿ твоегѡ̀ соприсносꙋ́щнагѡ бг҃а и҆ ѻ҆ц҃а̀. Тѣ́мже и҆ азъ грѣ́шный, въ прише́ствїи ст҃а́гѡ твоегѡ̀ дх҃а, молю̀ твою̀ бл҃гость: є҆ли̑ка проси́хъ, возда́ждь мѝ во сп҃се́нїе. Ей, гдⷵи, всѧ́кагѡ бл҃годѣѧ́нїѧ бога́тый да́телю и҆ пода́телю бл҃гі́й, ꙗкѡ ты̀ преи́злиха подае́ши, ихже про́симъ! ты̀ є҆сѝ сострада́теленъ и҆ млⷵтивъ, бы́вый безгрѣ́шнѡ пло́ти на́шеѧ ѻбщникъ и҆ преклонѧ́ющымъ пред̾ тобо́ю колѣ́на приклонѧ́ѧйсѧ любобл҃госе́рднѣ, бы́вый и҆ ѡ҆чище́нїе грѣхѡ́въ на́шихъ. Да́ждь ѹбо, гдⷵи, лю́демъ твои̑мъ щедрѡ́ты твоѧ̑: ѹ҆слыши на́съ съ нб҃сѐ ст҃а́гѡ твоегѡ̀: ѡ҆ст҃ѝ на́съ си́лою сп҃си́тельныѧ десни́цы твоеѧ̀: покры́й на́съ кро́вомъ крилꙋ̑ твоє́ю: не пре́зри дѣ́лъ рꙋкꙋ̀ твоє́ю. Тебѣ̀ є҆ди́номꙋ согрѣша́емъ, но и҆ тебѣ̀ є҆ди́номꙋ слꙋ́жимъ: не вѣ́мы кла́нѧтисѧ богꙋ чꙋжде́мꙋ, нижѐ простира́ти рꙋ́ки на́шѧ, влⷣко, къ бо́гꙋ и҆но́мꙋ. Ѡ҆ста́ви на́мъ согрѣшє́нїѧ и҆, прїи́мъ на̑ша колѣнопреклѡ́ннаѧ молє́нїѧ, прострѝ всѣ̑мъ на́мъ рꙋ́кꙋ по́мощи: прїимѝ моли́твꙋ всѣ́хъ ꙗкѡ ѳѷмїа́мъ прїѧ́тный, возносѧ́щїйсѧ пред̾ твоѐ пребл҃го́е црⷵтво.

Присовокупляет же и сию:

Гдⷵи, гдⷵи, и҆збавивый на́съ ѿ всѧ́кїѧ стрѣлы̀, летѧ́щїѧ во днѝ, и҆зба́ви на́съ и҆ ѿ всѧ́кїѧ ве́щи, во тьмѣ̀ преходѧ́щїѧ. Прїимѝ же́ртвꙋ вече́рнюю, рꙋ́къ на́шихъ воздѣѧ̑нїе. Сподоби же на́съ и҆ нощно́е по́прище без̾ поро́ка прейтѝ, неискꙋшє́ны ѿ ѕлы́хъ: и҆ и҆зба́ви на́съ ѿ всѧ́кагѡ смꙋще́нїѧ и҆ боѧ́зни, ѿ дїа́вола на́мъ прибыва́ющїѧ. Да́рꙋй дꙋша́мъ на́шымъ ѹ҆миле́нїе и҆ помыслѡ́мъ на́шымъ попече́нїе ѡ҆ и҆спыта́нїи на стра́шнѣмъ и҆ пра́веднѣмъ твое́мъ сꙋдѣ̀. Пригвоздѝ стра́хомъ твои́мъ плѡ́ти на́шѧ и҆ ѹ҆мертвѝ ѹды на́шѧ, сꙋ́щыѧ на землѝ, да и҆ въ со́ннѣмъ безмо́лвїи просвѣти́мсѧ зрѣ́нїемъ сꙋде́бъ твои́хъ. Ѿими́ же ѿ на́съ всѧ́кое мечта́нїе неподо́бное и҆ по́хоть вре́днꙋю: возста́ви же на́съ во вре́мѧ мл҃твы ѹ҆тверждє́ны въ вѣ́рѣ и҆ преспѣва́ющѧ въ за́повѣдехъ твои́хъ.

По скончании ектении возглас:

Бл҃говоле́нїемъ и҆ бл҃гостїю є҆дино́роднагѡ сн҃а твоегѡ̀, съ ни́мже бл҃гослове́нъ є҆сѝ, со прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ.

Приснотекꙋ́щїй, животво́рный и҆ просвѣти́тельный и҆сто̀чниче, соприсносꙋ́щнаѧ ѻ҆ц҃ꙋ̀ содѣ́тельнаѧ си́ло, всѐ смотре́нїе ѡ҆ сп҃се́нїи человѣ́честѣмъ прекра́снѣ и҆спо́лнивый, хрⷵтѐ бж҃е на̀шъ, сме́рти ѹзы неразрѣши̑мыѧ и҆ закле́ы адѡвы расто́ргнꙋвый и҆ лꙋка́выхъ дꙋхѡ́въ мно́жєства попра́вый: приведы́йсѧ за на́съ непоро́чное заколе́нїе и҆ да́вый въ же́ртвꙋ тѣ́ло пречⷵтое, всѧ́комꙋ грѣхꙋ̀ неприкоснове́нное и҆ непристꙋ́пное, и҆ стра́шнымъ си́мъ и҆ неисповѣди́мымъ сщ҃еннодѣ́йствїемъ жи́знь на́мъ вѣ́чнꙋю дарова́вый: во адъ соше́дый и҆ верєѝ вѣ̑чныѧ сокрꙋши́вый и҆ во тьмѣ̀ сѣдѧ́щымъ восхо́дъ показа́вый: ѕлонача́льника же и҆ глꙋби́ннагѡ ѕмі́ѧ бг҃омꙋ́дростнымъ льще́нїемъ ѹ҆лови́вый, и҆ свѧза́вый вери́гами мра́ка въ та́ртарѣ и҆ ѻ҆гнѝ негаси́мѣмъ, и҆ во тьмѣ̀ кромѣ́шней затверди́вый неисчетноси́льною твое́ю крѣ́постїю, великоимени́таѧ премꙋ́дросте ѻч҃аѧ, напа́ствꙋємымъ велѝкїй помо́щникъ ꙗ҆ви́выйсѧ и҆ просвѣти́вый сѣдѧ́щыѧ во тьмѣ̀ и҆ сѣ́ни сме́ртнѣй! Ты̀, сла́вы вѣ́чныѧ гдⷵи и҆ ѻ҆ц҃а̀ вы́шнѧгѡ сн҃е возлю́бленный, прнсносꙋ́щный свѣ́те ѿ присносꙋ́щнагѡ свѣ́та, сл҃нце пра́вды, ѹ҆слы́ши ны̀, молѧ́щыѧсѧ тебѣ̀, и҆ ѹ҆поко́й дꙋ́шы рабѡ́въ твои́х, пре́жде ѹ҆спо́шихъ ѻ҆тє́цъ и҆ бра́тїй на́шихъ и҆ про́чихъ срѡ́дникъ по пло́ти, и҆ всѣхъ с вои́хъ въ вѣ́рѣ, ѡ҆ ни́хже и҆ па́мѧть твори́мъ ны́нѣ: ꙗкѡ ѹ҆ тебє̀ всѣ́хъ держа́ва, и҆ въ рꙋцѣ̀ твое́й содержи́ши всѧ̑ концы̀ землѝ. Влⷣко вседержи́телю, бж҃е ѻ҆тє́цъ и҆ гдⷵи млⷵти, содѣ́телю ро́да сме́ртнагѡ и҆ безсме́ртнагѡ и҆ всегѡ̀ є҆стества̀ человѣ́ческагѡ, составлѧ́емагѡ и҆ па́ки разрѣша́емагѡ, жи́зни и҆ сконча́нїѧ, здѣ̀ пребыва́нїѧ и҆ та́мѡ преставле́нїѧ: лѣ̑та и҆змѣрѧ́ѧй живы̑мъ и҆ времена̀ ѹ҆ставлѧ́ѧй сме́рти, низводѧ́й во адъ и҆ возводѧ́й, свѧзꙋ́ѧй въ не́мощи и҆ ѿпꙋща́ѧй въ си́лѣ, настоѧ̑щаѧ потре́бнѣ стро́ѧй и҆ бꙋ̑дꙋщаѧ поле́знѡ ѹ҆правлѧ́ѧй, сме́рти жа́ломъ ѹ҆ѧзвлєнныѧ ѡ҆живлѧ́ѧй воскрⷵнїѧ наде́ждами! Са́мъ, влⷣко всѣ́хъ, бж҃е сп҃си́телю на́шъ, наде́ждо всѣ́хъ концє́въ землѝ и҆ сꙋ́щихъ въ мо́ри дале́че, показа́вый на̀мъ и҆ въ се́й послѣ́днїй и҆ вели́кїй сп҃сительный де́нь пѧтьдесѧ́тницы та́йнꙋ ст҃ы́ѧ и҆ є҆диносꙋ́щныѧ и҆ соприсносꙋ́щныѧ и҆ нераздѣли́мыѧ и҆ неслїѧ́нныѧ трⷪ҇цы, и҆ наи́тїе и҆ прише́ствїе ст҃а́гѡ и҆ животворѧ́щагѡ твоегѡ̀ дх҃а въ ви́дѣ ѻгненныхъ ѧ҆зы́кѡвъ на ст҃ы̑ѧ твоѧ̑ а҆пⷵлы и҆злїѧ́вый, и҆ поста́вивый тѣ́хъ бл҃гобѣ́стники бл҃гочести́выѧ на́шеѧ вѣ́ры и҆ показа́вый и҆сповѣ́дники и҆ проповѣ́дники истиннагѡ бг҃осло́вїѧ: сподо́бивый и҆ въ се́й всесоверше́нный и҆ сп҃си́тельный пра́здникъ ѹ҆миилостивлє́нїѧ моли́твєннаѧ ѡ҆ держи́мыхъ во адѣ прїима́ти и҆ подава́ѧй на́мъ вели̑кїѧ надє́жды, ꙗкѡ ты̀ низпо́слеши ѿше́дшымъ ѡ҆слабле́нїе ѿ содержа́щихъ ѧ скве́рнъ и҆ ѹ҆тѣше́нїе: ѹ҆слы́ши ны смирє́нныѧ и҆ недостѡ́йныѧ, молѧ́щыѧсѧ тебѣ̀, и҆ ѹ҆поко́й дꙋ́шы рабѡ́въ твои́хъ, пре́жде ѹ҆о́пшихъ, въ мѣ́стѣ свѣ́тлѣ, въ мѣ́стѣ ѕла́чнѣ, въ мѣ́стѣ прохлажде́нїѧ, ѿѻнꙋ́дꙋже ѿбѣжѐ всѧ́каѧ болѣ́знь, печа́ль и҆ воздыха́нїе, и҆ ѹ҆чинѝ дꙋ́хи ихъ въ селе́нїихъ пра́ведныхъ и҆ ми́ра и҆ ѡ҆слабле́нїѧ сподо́би ихъ: ꙗкѡ не ме́ртвїи восхва́лѧтъ тѧ̀, гдⷵи, нижѐ сꙋ́щїи во адѣ и҆сповѣ́данїе дерзнꙋ́тъ принестѝ тебѣ̀: но мы̀ живі́и бл҃гослови́мъ тѧ̀ и҆ мо́лимъ и҆ ѹ҆милостиви́тєльныѧ моли̑твы и҆ жє́ртвы прино́симъ тебѣ̀ ѡ҆ дꙋша́хъ ихъ.

Присовокупляет же и сию:

Бж҃е вели́кїй и҆ вѣ́чный, ст҃ы́й и҆ чл҃вѣколюби́вый, сподо́бивый на́съ и҆ въ се́й ча́съ ста́ти пред̾ непристꙋ́пною твое́ю сла́вою на пѣ́нїе и҆ хвалꙋ̀ чꙋде́съ твои́хъ! Млⷵтивъ бꙋ́ди на́мъ недостѡ́йнымъ рабѡ́мъ твои̑мъ и҆ пода́ждь бл҃годать сокрꙋше́ннымъ се́рдцемъ невозноси́тельнѡ приноси́ти тебѣ̀ трист҃о́е славосло́вїе и҆ бл҃года́ренїе ѡ҆ вели́кихъ твои́хъ дарѣ́хъ, ꙗже сотвори́лъ є҆сѝ и҆ всегда̀ твори́ши на́мъ. Помѧнѝ, гдⷵи, не́мощь на́шꙋ, и҆ не погꙋбѝ на́съ со беззакѡ́нїи на́шими: но сотворѝ вели́кꙋю млⷵть со смире́нїемъ на́шимъ, да грѣхо́вныѧ тьмы̀ и҆збѣжа́вше, во дни пра́вды ходи́ти бꙋ́демъ и҆, ѡ҆дѣ́ѧвшесѧ ѡ҆рꙋ́жїемъ свѣ́та, ненавѣ́тнѡ пребꙋ́демъ ѿ всѧ́кїѧ ко́зни лꙋка́вагѡ и҆ со дерзнове́нїемъ за всѧ̑ просла́вимъ тѧ̀, є҆ди́наго истиннаго и҆ чл҃вѣколю́цца бг҃а. Твое́ бо вои́стиннꙋ єсть, влⷣко всѣ́хъ и҆ тво́рче, и҆ истиннѡ вели́кое та́инство – вре́менное разрѣше́нїе твои́хъ тва́рей, и҆ по сихъ соедине́нїе, и҆ ѹ҆покое́нїе во вѣ́ки. Твою̀ бл҃года́ть во всѣ́хъ и҆сповѣ́дꙋемъ, во вхо́дѣхъ на́шихъ въ мі́ръ се́й и҆ и҆схо́дѣхъ, иже пред̾ѡбрꙋча́ютъ на́мъ наде́ждꙋ воскрⷵнїѧ и҆ жи́зни нетлѣ́нныѧ, юже по твоемꙋ̀ нело́жномꙋ ѡ҆бѣща́нїю воспрїи́мемъ въ бꙋ́дꙋщемъ второ́мъ прише́ствїи твое́мъ: ты́ бо є҆сѝ и҆ воскрⷵнїѧ на́шегѡ нача́льникъ, и҆ пожи́вшихъ неподкꙋ́пный и҆ чл҃вѣколюби́вый сꙋдїѧ̀, и҆ мздовоздаѧ́нїѧ влⷣка и҆ гдⷵь: ты̀ и҆ прїѻбщи́лсѧ є҆сѝ на́мъ прїи́скреннѡ пло́ти и҆ кро́ве, сниздожде́нїѧ ра́ди кра́йнѧгѡ: и҆ на́шѧ стра̑сти неѿмє́тныѧ прїѧ́лъ є҆сѝ по милосе́рдїю щедро́тъ, внегда̀ во́лею и҆скꙋше́нъ бы́лъ є҆сѝ, и҆ въ не́мже, са́мъ и҆скꙋси́всѧ, пострада́лъ є҆сѝ, и҆скꙋша́ємымъ на́мъ бы́лъ є҆сѝ самоѡбѣща́нный помо́щникъ: тѣ́мже и҆ совозве́лъ є҆сѝ на́съ во твоѐ безстра́стїе. Прїимѝ ѹбо, влⷣко, мѡльбы̀ и҆ молє́нїѧ на̑ша и҆ ѹ҆поко́й всѧ̑ ѻ҆тцы̀ коегѡ́ждо, и҆ ма́тєри, и҆ бра́тїю, и҆ сестры̀, и҆ ча̑да, и҆ и҆ны̑ѧ сро́дники и҆ соплеме́нники, ҆ всѧ дꙋ́шы, въ наде́ждѣ воскрⷵнїѧ жи́зни вѣ́чныѧ пр́ежде почи́вшыѧ: и҆ ѹ҆чинѝ дꙋ́хи ихъ и҆ и҆мена̀ въ кни́зѣ жи́зни, въ нѣ́дрѣхъ а҆враа́ма и҆ і҆саа́ка и҆ і҆а́кѡва, во странѣ̀ живы́хъ, во црⷵтвїи нбⷵнѣмъ, въ раѝ сла́дости, свѣ́тлыми агг҃лы твои́ми вводѧ̀ всѧ̑ во ст҃ыѧ̑ твоѧ̑ ѡ҆би́тєли: совоздви́гни и҆ тѣлеса̀ на̑ша въ де́нь, во́ньже ѡ҆предѣли́лъ є҆сѝ по ст҃ы̑мъ твои̑мъ и҆ нелѡ́жнымъ ѡ҆бѣтова́нїємъ. Нѣ́сть ѹбо, гдⷵи, рабѡ́мъ твои̑мъ сме́рть, внегда̀ и҆сходи́ти на́мъ ѿ тѣ́ла и҆ къ тебѣ̀ бг҃ꙋ на́шемꙋ приходи́ти, но преставле́нїе ѿ печа́льнѣйшихъ на полє́знѣйшаѧ и҆ на сла́дотстнѣйшаѧ, и҆ ѹ҆покое́нїе, и҆ ра́дость. Аще же и҆ что̀ согрѣши́хомъ пред̾ тобо́ю, млⷵтивъ бꙋ́ди и҆ на́мъ и҆ тѣ̑мъ, занѐ ни є҆ди́нъ єсть чи́стъ пред̾ тобо́ю ѿ скве́рнъ, нижѐ аще є҆ди́нъ де́нь житїѧ̀ є҆гѡ̀ єсть, ра́звѣ ты̀ то́чїію є҆ди́нъ, на землѝ ꙗ҆ви́выйсѧ безгрѣ́шенъ гдⷵь на́шъ і҆и҃съ хрⷵтосъ, имже всѝ ѹ҆пова́емъ млⷵть полꙋчи́ти и҆ ѡ҆ставле́нїе грѣхѡ́въ. Сегѡ̀ ра́ди и҆ на́мъ и҆ ѻнѣмъ, ꙗкѡ бл҃гъ и҆ чл҃вѣколю́бецъ бг҃ъ, ѡ҆сла́би, ѡ҆ста́ви, простѝ грѣхопадє́нїѧ на̑ша, вѡ́льнаѧ и҆ невѡ́льнаѧ, въ вѣ́дѣнїи и҆ не въ вѣ́дѣнїи, ꙗвнаѧ и҆ сокровє́ннаѧ, въ дѣѧ́нїи, въ помышле́нїи, въ словесѝ, во всѣ́хъ на́шихъ ѡ҆браще́нїихъ и҆ движе́нїихъ. И҆ ѿшѐдшымъ ѹбѡ свобо́дꙋ и҆ ѡ҆са́бꙋ да́рꙋй, на́съ же сꙋ́щихъ здѣ̀ бл҃гословѝ, коне́цъ бл҃гі́й и҆ ми́рный да́рꙋѧ на́мъ и҆ всѣ̑мъ лю́демъ твои̑мъ, и҆ млⷵти и҆ чл҃вѣколю́бїѧ ѹ҆тробꙋ ѿверза́ѧй на́мъ на стра́шнѣмъ и҆ ѹ҆жа́снѣмъ твое́мъ прише́ствїи, и҆ црⷵтвїѧ твоегѡ̀ досто́йныхъ на́съ сотворѝ.

Присовокупляет же и сию молитву:

Бж҃е вели́кїй и҆ вы́шнїй, є҆ди́не и҆мѣ́ѧй безсме́ртїе, во свѣ́тѣ живы́й непристꙋ́пнѣмъ, всю̀ тва́рь премꙋ́дростїю созда́вый, раздѣли́вый посредѣ̀ свѣ́та и҆ посредѣ̀ тьмы̀ и҆ со́лнце положи́вый во ѡбласть днѐ, лꙋнꙋ́ же и҆ ѕвѣ́зды во ѡбласть но́щи, сподо́бивый на́съ грѣ́шныхъ и҆ въ настоѧщїй де́нь предвари́ти лицѐ твоѐ во и҆сповѣ́данїи и҆ вече́рнюю тебѣ̀ слꙋ́жбꙋ принестѝ! Са́мъ, чл҃вѣ́колюбче гдⷵи, и҆спра́ви мл҃твꙋ на́шꙋ, ꙗкот ѳѷмїа́мъ, пред̾ тобо́ю и҆ прїими ю въ воню̀ бл҃гоꙋха́нїѧ. Пода́ждь же на́мъ настоѧ́щїй ве́черъ и҆ приходѧ́щꙋю но́щь ми́рнꙋ: ѡ҆лецы́ ны ѡ҆рꙋ́жїемъ свѣ́та, и҆зба́ви на́съ ѿ стра́ха нощна́гѡ и҆ ѿ всѧ́кїѧ ве́щи, во тьмѣ̀ преходѧ́щїѧ: и҆ да́рꙋй на́мъ со́нъ, є҆го́же во ѹ҆покое́нїе не́мощи на́шей да́ровалъ є҆сѝ, ѿ всѧ́кагѡ дїа́вольскагѡ мечта́нїѧ и҆зба́вленъ. Ей, влⷣко, всѣ́хъ бл҃ги́хъ пода́телю, ꙗкѡ да и҆ на ло́жахъ на́шихъ ѹ҆милѧ́ющесѧ, воспомѧ́немъ и҆ въ нощѝ прест҃о́е имѧ твоѐ: и҆ поꙋче́нїемъ твои́хъ за́повѣдей ѡ҆зарѧ́еми, въ ра́дости дꙋше́внѣй воста́немъ ко славосло́вїю твоеѧ̀ бл҃гости, мл҃твы и҆ молє́нїѧ твоемꙋ̀ бл҃госе́рдїю приносѧ́ще ѡ҆ свои́хъ грѣсѣ́хъ и҆ ѡ҆ всѣ́хъ

лю́дехъ твои́хъ, ꙗже мл҃твами прест҃ыѧ бцⷣы въ млⷵти посѣтѝ.

По скончании ектении возглас:

Ты́ бо є҆сѝ ѹ҆покое́нїе дꙋ́шъ и҆ тѣле́съ на́шихъ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ.

Бл҃гословѝ, гдⷵи, пло́дъ се́й ло́зный но́вый, иже бл҃горастворенїемъ воздꙋ́шнымъ, и҆ ка́плѧми дожде́вными, и҆ тишино́ю вре́менною въ се́й зрѣ́лѣйшїй прїитѝ ча́съ бл҃говоли́вый: да бꙋ́детъ въ на́съ ѿ тогѡ̀ рожде́нїѧ ло́знагѡ причаща́ющихсѧ въ весе́лїе, и҆ приноси́ти тебѣ̀ да́ръ во ѡ҆чище́нїе грѣхѡ́въ, сщ҃е́ннымъ и҆ ст҃ы́мъ тѣ́ломъ хрⷵта̀ твоегѡ̀, съ ни́мже бл҃гослове́нъ є҆сѝ, со прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ. А ми́нь.

Влⷣко гдⷵи бж҃е на́шъ, твоѧ̑ ѿ твоихъ приноси́ти тебѣ̀ по предложе́нїю комꙋ́ждо повелѣ́вый, и҆ вѣ́чныхъ твои́хъ бла́гъ воздаѧ́нїе си̑мъ да́рꙋѧй, иже вдовы̀ по си́лѣ приношенїе бл҃агоꙋго́дно прїе́мый, прїимѝ и҆ ны́нѣ принесє́ннаѧ ѿ раба̀ твоегѡ̀ имⷬ҇къ , и҆ въ вѣ́чныхъ твои́хъ сокро́вищахъ возложи́тисѧ си̑мъ сподо́би: да́рꙋй є҆мꙋ̀ и҆ мїрски́хъ твои́хъ бла́гъ ѡ҆би́льное воспрїѧ́тїе, со всѣ́ми поле́зными є҆мꙋ̀.

Ꙗкѡ бл҃госло́висѧ твоѐ имѧ, и҆ просла́висѧ твоѐ црⷵтво, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ. А҆ ми́нь.

Храму совершену бы́вшу, приходит от архиереа по́сланный, емуже повелит, прежде единаго дне или́ больши, и предуготовляет потребная к освящению, как внутрь олтаря, так и во всем храме, а наипа́че дабы́ престол был на четы́рех столпа́х, пятый столпе́ц посреди с ящиком: ящик бы был посреде под престолом, вышиною пол-аршина: престол высотою аршина, и шести вершков, а широтою по мере олтаря: дска напрестольная по мере престола, жертвенник такой же высоты, ширина и длина по мере олтаря. Ца верху у столпов престольных вы́нять ящики на четверть вершка, где_быть воскрмасти́ху: на техже столпах, от полу уступя вершка с два, вырезать зазубриной для утверждения ве́рви: а вкруг престольной дски вырезать же на четверть вершка, где быть верви: на дсках, на престольной и на жертвенной, по углам чтобы было прове́рчено, где быть гвоздям, и сделать гнездышка, где будут гвозди́нныя шляпки, чтоб гвоздинныя шляпки были в равенстве со престольною дскою, також и на столпах, наверте́ть, чтоб гвозди шли прямо: к утверждению престола четыре гвоздя, а к жертвеннику сколько надобно: цетыре камня, ко́ими прибиваются гвозди: срачи́ца на одеяние престола, и другая на жертвенник. На обязание престола вервь в шестьдесят аршин, и верхнее одеяние на престол и на жертвенник: пелены́, чтоб покрыть престол и жертвенник, возду́хи, платы, которыми прертол отирать: занавес к царским дверем, два илитона на престол и на жертвенник: воды розовой, и вина церковнаго по сткля́нице: кропи́ло, коим кропить: святое ми́ро и струче́ц: четыре гу́бы, отирать ими престол: гу́ба во антиминс, гу́ба во святую чашу: ящичек оловянный на святыя мощи под престол: архиерею свеща́, и свещы́ на роздачу прочым духовным, и миряном: ла́дон росно́й и простой: две свещи вы́носныя большыя: хоругви, аще суть: вкруг церкви чтоб было чисто.

Таже снимается дска со столпов, и поставляется на десней стране к стене, и замечается, как ей быть по прежнему на столпах престольных.

Потом пред царския врата́ поставляется стол, и постилается скатерть: поверх скатерти постилается пелена, и полагается святое Евангелие, и честный крест, и поставляются святые сосуды, лжицы, копие́, пелены́, возду́хи, вервь и одеяние на престол и на жертпенник, гвозди, гу́бы, и покрываются пеленою и поставляются по углам четыре подсвещника: а другой столе́ц поставляется в олтаре к горнему месту, и стелется пелена, и поставляется на столе́ц святое миро, вино церковное, вода розовая в сткля́ницах, струче́ц, кропило, ка́мение, которыми гвозди прибивать.

А мощи святыя поставляются на дискосе, покрове́ны звездою и возду́хом, в на́вечерии освящения на аналогии пред образом Спаснтелевым, у царских врат в томже храме, и поется вне олтаря всено́щное бдение обнонлению и храму, кому от архиереа повелено будет. Пред водоосвящением же износятся мощи с благоговением в близ сущий храм после ранней литургии, и поставляются на святе́м престоле, а святое Евангелие поставляется от востока над мощьми́: и ставится подсвещник пред святыми мощьми́. Буде же нет в близости другаго храма, то стоят до времени приятия своего на томже месте.

О составлении воскомасти́ха : во утрие прежде пришествия архиерейскаго, воскомастих составляется си́це: воск и мастих толче́н, и ладон толчен, [аще несть мастиха, вместо его белый ладон довлеет,] и росной ладон толчен же, и алой толче́н же, аще же несть алоя, вместо его сера белая: и полагают прежде воск в горне́ц новый, проти́ву меры вещей. И егда расто́пится воск, полагают и вышеписанныя вещи, и мешают я в горнце стручце́м опасно, чтобы от воскипения не прелило́ся во огнь: и по малом кипении, отставляют от огня во страну: аще же соизволится примеша́ти и иныя благовонныя приличныя вещи, и сие́ невозбранно есть.

Начало освящения : приспевшу времени святыя литургии, и прибывшу архиерею во освящаемый храм, облачается во вся архиерейская облачения, и верху́ архиерейских одежд возлагается ктому́ наро́читая срачи́ца или за́пон. И тако украшен входит во святый олтарь: преди́ же архиереа вносят сослужащии священницы, такожде сверх священнических одежд имеющии возложе́нныя срачи́цы, в царская врата стол угото́ванный со всякою потребою, яже суть прилична ко освящению, и поставляют одесную страну. Архиерей же, отдав посох у царских врат по́дьяку, входит во олтарь, и помоляся осеняет сослужащих на обе страны ³. В то время диакои подносит архиерею святую воду: архиерей же приняв кропи́ло, кропи́т святою водою столпы́. Потом приносит ключарь воскомасти́х кипящ, архиерей кропит святою водою воскомастих, и приемлет горне́ц с воскомасти́хом, и возливает сам на столпы крестообразно проти́в меры, обходя круго́м, и отдаст горне́ц, потом паки кропит святою водою на столпцы, чтобы скоро устыл воскомасти́х: а священницы подувают на столпцы, иде́же воскомасти́х, до́ндеже усты́нет.

По исполнении онаго, протодиакон глаголет: Господу помолимся.

Священницы: Господи, помилуй .

Архиерей же чтет молитву во услышание всем:

Молитва первая

Гдⷵи бж҃е сп҃си́телю на́шъ, всѧ̑ творѧ́й и҆ стро́ѧй ѡ҆ сп҃се́нїи ро́да человѣ́ческагѡ, прїимѝ моли́твѣ на́съ, недосто́йныхъ ра̑бъ твои́хъ, и҆ ѹ҆довлѝ на́съ въ нлстоѧ́щїй ча́съ, во єже неѡсꙋжде́ннѡ ѡ҆сщ҃е́нїе соверши́ти хра́ма сегѡ̀, ко твоемꙋ̀ славосло́вїю созда́ннагѡ, во имѧ ст҃а́гѡ, имⷬ҇къ, [и҆лѝ ст҃ы́ѧ, имⷬ҇къ] и҆ воздви́женїе въ не́мъ сотвори́ти трапе́зы.

Возгла́с:

Ꙗкѡ подоба́етъ тебѣ̀ всѧ́каѧ сла́ва, че́сть, и҆ поклоне́нїе, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ.

Священницы: Аминь .

Пото́м прино́сят священницы трапе́зную дску, н кропи́тся дска от архиереа с обоих стран, и полагается на столпцах престольных.

В то время поется псалом 144:

Вознесу́ Тя, Боже мой, Царю мой, и благословлю́ Имя Тное в век и в век ве́ка. На всяк день благословлю́ Тя, и восхвалю́ Имя Твое в век, и в век ве́ка. Ве́лий Господь и хва́лен зело́, и вели́чию Его несть конца́. Род и род восхва́лят дела́ Твоя́, и си́лу Твою́ возвестя́т. Великоле́пие славы святыни Твоея́ возглаго́лют и чудеса Твоя пове́дят: И си́лу стра́шных Твоих реку́т, и вели́чие Твое́ пове́дят. Па́мять мно́жества бла́гости Твоея́ отры́гнут, и пра́вдою Твое́ю возра́дуются. ІЦедр и ми́лостив Господь, долготерпели́в и многоми́лостив: Благ Господь вся́ческим, и щедро́ты Его на всех де́лех Его. Да испове́дятся Тебе, Господи, вся дела́ Твоя, и преподо́бнии Твои да благословя́т Тя: Сла́ву Ца́рствия Твое́го реку́т, и си́лу Твою возглаго́лют: Сказа́ти сыново́м челове́ческим си́лу Твою, и сла́ву великоле́пия Ца́рствия Твоего́. Ца́рство Твое́, Ца́рство всех веко́в, и влады́чество Твое́ во вся́ком ро́де и ро́де: верен Господь во всех словесе́х Своих, и преподо́бен во всех де́лех Своих. Утверждает Господь вся низпа́дающыя, и возставля́ет вся низве́рженныя. Очи всех на Тя уповают, и Ты дае́ши им пищу во благовре́мении: Отверза́еши Ты руку Твою, и исполня́еши вся́кое живо́тно благоволе́ния. Праведен Господь во всех путе́х Свои́х, и преподо́бен во всех де́лех Своих. Близ Господь всем призыва́ющим Его, всем призыва́ющим Его во и́стине. Во́лю боя́щихся Его сотвори́т, и моли́тву их услы́шит, и спасе́т я. Хранит Господь вся лю́бящия Его, и вся гре́шники потреби́т. Хвалу́ Госпо́дню возглаго́лют уста́ моя: и да благослови́т вся́ка плоть Имя свято́е Его в век и в век ве́ка.

По скончании же псалма глаголет архиерей:

Бг҃ослове́нъ бг҃ъ на́шъ, всегда̀, ны́нѣ и҆ при́снот и҆ во вѣ́ки вѣкѡ́въ.

Сте́кшу же воскомасти́ху, и очишаемым мсстом, на нихже истече.

Паки глаголют псалом 22:

Господь пасе́т мя, и ничто́же мя лиши́т. На ме́сте зла́чне, та́мо всели́ мя: на воде́ поко́йне воспита́ мя. Ду́шу мою обрати́, наста́ви мя на стези́ пра́вды, и́мене ра́ди своего́. А́ще бо и пойду́ посреде́ се́ни сме́ртныя, не убою́ся зла, яко Ты со мною еси: жезл Твой и па́лица Твоя, та мя уте́шиста. Угото́вал еси предо́ мно́ю трапе́зу сопроти́в стужа́ющым мне: ума́стил еси еле́ом главу́ мою, и ча́ша Твоя упоява́ющи мя я́ко держа́вна. И ми́лость Твоя пожене́т мя вся́ дни живота́ моего́, и еже всели́ти ми ся в дом Госпо́день, в долготу́ дней.

Таже архиерей:

Бл҃гослове́нъ бг҃ъ на́шъ, всегда̀, ны́нѣ и҆ при́снѡ и҆ во вѣ́ки вѣкѡ́къ.

Священницы: Аминь .

Таже приносит ключарь четыре гвоздя, и полагает на трапе́зе: архиерей же кропит святою водою, и влагает их в столпы́. ІІаки приносит ключарь четыре камня: взяв же архиерей един камень, и прочии священнослужители, утверждают трапе́зу. По внегда же утвердитися трапе́зе, кове́р абие пред святыми дверьми постилается; и возглавие полагается (Царские врата отверсти), и изшед архиерей из олтаря, протодиакону возгласившу: Па́ки и па́ки, прекло́ньше колена, Господу помо́лимся .

Священником же внутрь олтаря поющым: Господи, поми́луй, трижды.

Преклоняет колена, и чтет молитву сию велегласно:

Бж҃е безнача́льный, и҆ присносꙋ́щный, иже ѿ не сꙋ́щихъ въ бытїѐ всѧ̑ приведы́й, иже во свѣ́тѣ живы́й непристꙋ́пнѣмъ, и҆ прⷵто́лъ и҆мѣ́ѧй нб҃о, зе́млю же подно́жїе: иже мѡѷсе́ови повелѣ́нїе да́вый и҆ начерта̑нїѧ, веселеи́лꙋ же дх҃ъ премꙋ́дрости вложи́вый. и҆ ѹ҆довли́въ ихъ къ соверше́нїю свидѣ́нїѧ ски́нїи, въ не́й же слꙋжє́нїѧ ѡ҆правда́нїѧ бѧхꙋ истины ѡбразы и҆ предначерта̑нїѧ. иже соломѡ́нꙋ широтꙋ̀ и҆ простра́нство се́рдца дарова́вый, и҆ тѣ́мъ дре́внїй хра́мъ возста́вивый: ст҃ы̑мъ же всехва̑льнымъ а҆пⷵлѡмъ, въ дꙋ́сѣ слꙋ́жбꙋ, и҆ ски́нїи истинныѧ ѡ҆бнови́вый бл҃года́ть: и҆ тѣ́ми ст҃ы̑ѧ твоѧ̑ цр҃кви, и҆ же́ртвенники твоѧ̑, гдⷵи си́лъ, во все́й землѝ насади́вый, во єже приноси́тисѧ тебѣ̀ сщ҃є́ннымъ и҆ безкрѡ́внымъ же́ртвамъ: иже и҆ семꙋ̀ хра́мꙋ ны́нѣ бл҃говоли́лъ є҆сѝ во имѧ созда́тисѧ ст҃а́гѡ, [и҆лѝ ст҃ы́ѧ, имⷬ҇къ,] ко сла́вѣ твое́й и҆ є҆диноро́днагѡ твоегѡ̀ сн҃а, и҆ всест҃а́гѡ твоегѡ̀ дх҃а: са́мъ безсме́ртне и҆ великодарови́тый цр҃ю̀, помѧнѝ щедрѡ́ты твоѧ̑, и҆ млⷵти твоѧ̑, ꙗкѡ ѿ вѣ́ка сꙋ́ть: и҆ да не возгнꙋша́ешисѧ на́съ, мно́жествомъ ѡ҆скверне́нныхъ грѣхѡ́въ, нижѐ да разрꙋши́ши завѣ́та твоегѡ̀ на́шеѧ ра́ди нечистоты̀. но пре́зри и҆ ны́нѣ прегрѣшє́нїѧ на̑ша, и҆ ѹ҆крѣпѝ на́съ, и҆ ѹ҆довлѝ бл҃года́тїю и҆ прише́ствїемъ животворѧ́щагѡ и҆ ста́гѡ твоегѡ̀ дх҃а, соверши́ти без̾ ѡ҆сꙋжде́нїѧ ѡ҆бновле́нїе хра́ма сегѡ̀, и҆ иже въ не́мъ же́ртвенника [же́ртвенникѡвъ], сотвори́ти ѡ҆сщ҃е́нїе: да и҆ на се́мъ [и҆ на си́хъ] бл҃гослови́мъ тѧ̀ ѱалмы̑, и҆ пѣ́сньми, и҆ та́йными слꙋ́жбами, и҆ твоѐ бл҃гоꙋтро́бїе вы́нꙋ велича́емъ. єй влⷣко гдⷵи бж҃е на́шъ, ѹ҆пова́нїе всѣ́хъ концє́въ землѝ, ѹ҆слы́ши на́съ грѣ́шныхъ молѧ́щихсѧ тебѣ̀: и҆ низпослѝ прест҃а́го твоего̀ и҆ поклонѧ́емаго и҆ всеси́льнаго дх҃а, и҆ ѡ҆ст҃ѝ хра́мъ се́й, и҆ же́ртвенникъ се́й, [и҆ же́ртвенники сїѧ̑] и҆спо́лни є҆го̀ [ѧ] свѣ́та присносꙋ́щнагѡ, и҆зберѝ є҆го̀ [ѧ] въ жили́ще твоѐ: сотворѝ є҆го̀ [ѧ] мѣ́сто селе́нїѧ сла́вы твоеѧ̀: ѹ҆красѝ є҆го̀ [ѧ] бж҃е́ственными твои́ми и҆ премі́рными дарова́ньми: ѹ҆ста́ви є҆го̀ [ѧ] приста́нище ѡ҆бꙋрева́емыхъ, врачевство̀ страсте́й, прибѣ́жище немощны́хъ, бѣсѡ́въ прогоне́нїе: во єже бы́ти ѻ҆чеса́мъ твои̑мъ ѿвє́рстымъ на́нь [на ни́хъ] де́нь и҆ но́щь, и҆ ѹ҆шеса́мъ твои̑мъ вне́млющымъ въ мл҃твꙋ, со стра́хомъ твои́мъ и҆ бл҃гоговѣ́инстбомъ въ него̀ приходѧ́щихъ [къ ни̑мъ приходѧ́щихъ], и҆ призыва́ющихъ всечⷵтно́е и҆ покланѧ́емое имѧ твоѐ: да є҆ли̑ка воспро́сѧтъ ѹ҆ тебѐ, и҆ ты̀ ѹ҆слы́шиши на нб҃сѝ горѣ̀, и҆ сотвори́ши млⷵть, и҆ млⷵтивъ бꙋ́деши: сохранѝ є҆го̀ да́же до сконча́нїѧ вѣ́ка непоколеби́ма, и҆ иже въ не́мъ же́ртвенникъ ст҃ы́й [же́ртвенники ст҃ы̑ѧ] ст҃ы́хъ покажѝ, си́лою и҆ дѣ́йством ст҃а́гѡ твоегѡ̀ дх҃а, просла́ви є҆го̀ [ѧ] па́че єже по зако́нꙋ ѡ҆чисти́лища: ꙗкѡ да ꙗже на не́мъ [на ни́хъ] соверша́ємаѧ сщ҃еннодѣ̑йства во ст҃ы́й и҆ пренбⷵный, и҆ мы́сленный тво́й же́ртвенникъ достиза́ютъ, и҆ бл҃года́ть на́мъ твоегѡ̀ пречⷵтагѡ прино́сѧтъ ѡ҆сѣне́нїѧ: дерза́емъ бо не на на́шихъ рꙋ́къ слꙋже́нїе, но на твою̀ неизрече́ннꙋю бл҃госты́ню.

И по совершении молитвы востанет архиерей, и и́дет во олтарь ко святей трапе́зе, а протодиакон внутрь святаго олтаря глаголет (Царские врата затворити):

Заступи́, спаси́, поми́луй, возста́ви и сохрани́ нас, Боже, Твое́ю благода́тию.

Священницы: Го́споди, поми́луй .

О свы́шнем ми́ре, и о спасе́нии ду́ш на́ших, Го́споду помо́лимся.

О мире всего мира, благостоя́нии святы́х Бо́жиих:

О великом господи́не и отце на́шем Пи́меие, Святе́йшем Патриа́рхе Моско́вской и всея́ Руси, и господи́не на́шем ІІреосвяще́ннейшем , и́мирек, епи́скопе [или: архиепи́скопе, или: митрополи́те] [ти́тул] и де́лех ру́ку его, и иже с ним свяще́нницех и диа́конех, Го́споду помо́лимся .

О е́же освяти́тися хра́му сему́, и иже в нем же́ртвеннику сему́ , [же́ртвенником сим] прише́ствием и си́лою Свята́го Ду́ха, Го́споду помо́лимся .

О Богохрани́мей стране́ на́шей, власте́х и во́инстве ея́ Го́споду помо́лимся.

О гра́де сем, и вся́ком гра́де:

О изба́витися нам:

Пресвяту́ю, Пречи́стую, Проблагослове́нную, Сла́вную Влады́чицу нашу Богоро́дицу, и ІІрисноде́ву Марию : [и свята́го, его́же есть освяща́емый храм], со все́ми святы́ми помяну́вше, са́ми себе́, и друг друга, и весь живо́т наш Христу Богу предади́м .

Возгла́с:

Ꙗкѡ ст҃ъ є҆сѝ бж҃е на́шъ, иже на пострада́вшихъ по тебѣ̀ чⷵтны́хъ мꙋ́ченицѣхъ почива́еши, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃омꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ.

Священницы: Аминь .

Таже приносится возливальник с теплою водою, и вино красное, и розовая вода.

Протолиакон глаголет: Го́споду помо́лимся .

Архиерей, преклонив главу, глаголет молитву сию над вода́ми и вином тайно:

Гдⷵи бж҃е на́шъ, ѡ҆ст҃и́вый стрꙋи̑ і҆ѻрда̑нскїѧ сп҃си́тельнымъ твои́мъ ꙗ҆вле́нїемъ: са́мъ и҆ ны́нѣ низпослѝ бл҃года́ть ст҃а́гѡ̀ твоегѡ̀ дх҃а, и҆ бл҃гословѝ во́ды сїѧ̑ [и҆ вїно̀] ко ѡ҆сщ҃е́нїю и҆ соверше́нїю же́ртвенника твоегѡ̀ сегѡ̀ [же́ртвенникѡвъ твои́хъ си́хъ], ꙗкѡ бл҃гослове́нъ є҆сѝ во вѣ́ки вѣкѡ́въ. А҆ ми́нь.

И по молитве возливает на трапе́зу трижды от теплыя воды́, глаголя:

Во имѧ ѻ҆ц҃а̀ и҆ сн҃а и҆ ст҃а́гѡ дх҃а. А҆ ми́нь.

А вино красное с розовою водою смешивается во едином сосуде.

Таже ключарь приносит четыре плата. Архиерей же приняв един плат, прочыя благословляет прияти сослужащым, и отирают ими трапе́зу.

Внегда же сия совершаются, глаголется псалом 83:

Коль возлю́бленна селе́ния Твоя, Го́споди сил! Жела́ет и скончава́ется душа́ моя во дворы Госпо́дни: се́рдце мое́ и плоть моя возра́довастася о Бо́зе жи́ве. И́бо пти́ца обре́те себе хра́мину, и го́рлица гнездо́ себе́, иде́же положи́т птенцы́ своя́: олтари́ Твоя́, Го́споди сил, Царю мой и Боже мой. Блаже́нни живу́щии в дому́ Твое́м: в ве́ки веко́в восхва́лят Тя. Блаже́н муж, ему́же есть заступле́ние его у Тебе: восхожде́ния в се́рдце свое́м положи́. Во юдо́ль плаче́вную, в ме́сто, е́же положи́: и́бо благослове́ние даст законополага́яй. ІІо́йдут от силы в силу, яви́тся Бог богов в Сио́не. Господи Боже сил, услы́ши моли́тву мою́, внуши́, Боже Иаковль. Защи́тниче наш виждь, Бо́же, и при́зри на лице Христа твоего́. Яко лучше день еди́н во дво́рех Твоих, па́че ты́сящь: изво́лих примета́тися в дому́ Бога моего́ па́че, не́же жи́ти ми в селе́ниих гре́шничих. Я́ко ми́лость и и́стину лю́бит Госпо́дь, Бог благода́ть и сла́ву даст, Госпо́дь не лишит благи́х, ходя́щих незло́бием. Го́споди Бо́же сил, блажен челове́к упова́яй на Тя.

И по совершенном омовении трапе́зном и отирании, глаголет архиерей:

Сла́ва бг҃ꙋ на́шемꙋ во вѣ́ки вѣкѡ́въ.

Священницы: Аминь .

Приемлет архиерей у ключаря вино красное, с водою розовою смешенное, и возливает на трапе́зу трижды, крестовидно, довольно, и напаяют трапезу, растираюше руками: и кропит архиерей тем же смешением освящаемыя антиминсы прочыя. Егда же сие деется, глаголет на всяком кроплеиии:

Ѡ҆кропи́ши мѧ̀ ѵ҆ссѡ́помъ, и҆ ѡ҆чи́щꙋсѧ: ѡ҆мы́еши мѧ̀, и҆ па́че снѣ́га ѹ҆бѣлю́сѧ.

А по окроплении престола и антиминсов присовокупляет и последующее:

Слꙋ́хꙋ моемꙋ̀ да́си ра́дость и҆ весе́лїе, возра́дꙋютсѧ кѡ́сти смирє́нныѧ. Ѿвратѝ лицѐ твоѐ ѿ грѣ̑хъ мои́хъ, и҆ всѧ̑ беззакѡ́нїѧ моѧ̑ ѡ҆чи́сти. Се́рдце чи́сто сози́жди во мнѣ̀ бж҃е, и҆ дх҃ъ пра́въ ѡ҆бновѝ во ѹ҆тро́бѣ мое́й. Не ѿве́ржи менѐ ѿ лица̀ твоегѡ̀, и҆ дх҃а твоегѡ̀ ст҃а́гѡ не ѿимѝ ѿ менѐ. Возда́ждь мѝ ра́дость сп҃се́нїѧ твоегѡ̀, и҆ дх҃омъ влⷣчнимъ ѹ҆твердѝ мѧ̀. Наꙋчꙋ̀ беззакѡ́нныѧ пꙋтє́мъ твои̑мъ, и҆ нечести́вїи къ тебѣ̀ ѡ҆братѧ́тсѧ. И҆зба́ви мѧ̀ ѿ крове́й бж҃е, бж҃е сп҃се́нїѧ моегѡ̀, возра́дꙋетсѧ ѧ҆зы́къ мо́й пра́вдѣ твое́й. Гдⷵи, ѹ҆стнѣ̀ моѝ ѿве́рзеши, и҆ ѹ҆ста̀ моѧ̑ возвѣстѧ́тъ хвалꙋ̀ твою̀. Ꙗкѡ аще бы восхотѣ́лъ є҆сѝ же́ртвы, да́лъ бы́хъ ѹбѡ, всесожже́нїѧ не бл҃говоли́ши. Же́ртва бг҃ꙋ дꙋ́хъ сокрꙋше́нъ, се́рдце сокрꙋше́нно и҆ смире́нно бг҃ъ не ѹ҆ничижи́тъ. Ѹ҆блажѝ гдⷵи, бл҃говоле́нїемъ твои́мъ сїѡ́на, и҆ да сози́ждꙋтсѧ стѣ́ны і҆ерⷵли̑мскїѧ. Тогда̀ бл҃говоли́ши же́ртвꙋ пра́вды, возноше́нїе и҆ всесожега́ємаѧ: тогда̀ возложа́тъ на ѻ҆лта́рь тво́й тельцы̀.

Потом ключарь прино́сит гу́бы. Архиерей приемлет едину гу́бу, а прочыя друзи́и сослужащии, и отирают гу́бами трапе́зу. ІІотом полагается антиминс [или антиминсы] на трапезу горе́.

Таже глаголет архиерей:

Бл҃гослове́нъ бг҃ъ на́шъ, всегда̀, ны́нѣ и҆ при́снѡ и҆ во вѣ́ки вѣкѡ́въ.

Священницы: Аминь .

Потом приносит ключарь святое миро. Архиерей, приняв струче́ц, помазу́ет на трапе́зе крестообразно. Протодиакону глаголюше к престолу и ко [всякому] антиминсу: Во́нмем: Архиерей творит на трапе́зе три кресты, един среди, а два по обою́ страну́ мало пониже, глаголя:

Аллилꙋїа, по трижды.

Помазует же и на столпех престольных с дву стран, и на среде, и на ре́брех . Посем священницы приемлют антиминс [антиминсы] и полагает и [я] на престоле, един по единому, ниже крестов, идеже назна́менаны святым миром, для того, чтоб те кресты не сотре́ны были. Архиерей творит три креста на всяком антиминсе миром, якоже и на престоле. Егда же сие́ совершится, глаголется псалом 132:

Се что добро́, или́ что красно́, но е́же жи́ти бра́тии вку́пе: Я́ко ми́ро на главе́, сходя́щее на браду́, браду́ Ааро́ню, сходя́щее на оме́ты оде́жды его: Я́ко роса́ аермо́нская, сходя́щая на го́ры Сио́нския. Я́ко та́мо запове́да Госпо́дь благослове́ние и живо́т до ве́ка.

Таже архиерей глаголет:

Сла́ва тебѣ̀ ст҃а́ѧ трⷪ҇це бж҃е на́шъ во вѣ́ки вѣкѡ́въ.

Священницы: Аминь .

И отлагается антиминс [антнмннсы] на блюдо. ІІосем священницы приносят срачи́цу: архиерей кропит святою водою внутрь и вне, и надевают на трапе́зу. ІІотом приносится вервь Архиерей кропит вервь, и обязуют престол, обязуется же си́це:   

От правыя страны, у перваго столпа архиерей держит конец верви, и и́дут по верви кругом до втораго столпа к востоку: от втораго же столпа сносится на низ к третиему столпу, и и́дет по низу до четвертаго столпа, и паки возносится к первому столпу сопреди́, и связуется с концем, идеже архиерей держи́т; и паки сносится вниз ко второму столпу, и и́дет низом до третияго столпа, взносится в верх к четвертому столпу, от четвертаго же столпа сносится вниз к первому столпу, и тако будет крест сопреди́. От перваго же столпа по низу идет круго́м до втораго столпа, от вторагго же столпа взносит в верх к третиему столпу, и тако будет крест к востоку. От третияго же столпа сносит на низ к четвертому столпу, и тако будет крест на северней стране; от четвертаго же столпа, и́дет по низу круго́м до перваго столпа. От перваго же столпа снизу идет в верх ко второму столпу; и тако будет крест на южной стране, и обходит круго́м, чтоб было три верви по верху, вторый же конец верви связуется с первым концем у перваго столпа.

Егдаже сия совершаются, то есть, одевается трапе́за срачи́цею, и опоясу́ется ве́рвию, глаго́лется еди́ножды, дважды_и трижды псалом 131:

Помяни́, Го́споди, Дави́да, и всю кро́тость его. Яко кля́тся Го́сподеви, обеща́ся Богу Иа́ковлю: а́ще вни́ду в селе́ние до́му моего, или́ взы́ду на одр посте́ли моея́: А́ще дам сон очи́ма мои́ма, и ве́ждома мои́ма дрема́ние, и поко́й скраниа́ма мои́ма. До́ндеже обря́щу ме́сто Го́сподеви, селе́ние Бо́гу Иа́ковлю. Се слы́шахом я во Енфра́фе, обрето́хом я в поля́х дубра́вы: Вни́дем в селе́ния Его, поклони́мся на ме́сто, иде́же стоя́сте но́зе Его. Воскресни́, Господи, в поко́й Тво́й, Ты и киво́т святы́ни Твоея́. Свяще́нницы Твои́ облеку́тся пра́вдою, и пренодо́бнии Твои возра́дуются. Дави́да ра́ди раба́ Твоего́, не отврати́ лице́ пома́заннаго Твоего́. Кля́тся Госпо́дь Дави́ду и́стиною, и не отве́ржется ея: от плода́ чре́ва Твоего́ посажду́ на престо́ле Твое́м. А́ще сохраня́т сы́нове твои́ завет Мой, и свиде́ния Моя сия, и́мже научу́ я, и сы́нове их до ве́ка ся́дут на престо́ле Твое́м. Я́ко избра́ Госпо́дь Сио́на, изво́ли и в жили́ще себе́. Сей поко́й мой во век ве́ка, зде вселю́ся, я́ко изво́лих и: лови́тву его благословля́яй благословлю́, ни́щыя его насыщу́ хле́бы, свяще́нники его облеку́ во спасе́ние, и преподо́бнии его ра́достию возра́дуются. Тамо возращу́ рог Дави́дови, угото́вах свети́льник пома́занному моему́. Враги́ его облеку́ студо́м, на не́мже процвете́т святы́ня моя́.

По совершении же глаголет архиерей:

Сла́ва бг҃ꙋ на́шемꙋ во вѣ́ки вѣкѡ́въ.

Потом приносят священницы инди́тию, си́есть, верхнее одеяние.

Архиерей кропит святою водою внутрь и вне, и одевают ею святый престол, и полагают илито́н, а на илитоне антиминс [антиминсы] и святое Евангелие на престоле, и честный крест, покрываются пеленою: вся же сия кропятся святою водою.

Сим же совершившимся, глаголется псалом 92:

Госпо́дь воцари́ся, в ле́поту облече́ся: облече́ся Госпо́дь в си́лу, и препоя́сася: и́бо утверди́ вселе́нную, я́же не подви́жится. Гото́в престо́л Твой отто́ле: от ве́ка Ты еси́. Воздвиго́ша ре́ки, Го́споди, воздвиго́ша ре́ки гла́сы своя́: Во́змут ре́ки сотре́ния своя́ от гласо́в вод мно́гих. Дивны высо́ты морски́я, ди́вен в высо́ких Госпо́дь. Свиде́ния Твоя́ уве́ришася зело́: до́му Твоему́ подоба́ет святы́ня, Го́споди, в долгот́у дний.

По псалме глаголет архиерей:

Бл҃гослове́нъ бг҃ъ на́шъ:

Таже повелит архиерей начальствующему из сослужа́щих украшати предложение со окроплением святыя воды́, и поставляются сосуды, и покро́вы, и пеленою покрываются ничтоже глаголя, токмо водою святою кропя. ІІосем снимается с архиереа за́пон, а протодиакон приносит архиерею кадило (царские врата отверсти). Архиерей же кадит кругом престол и жертвенник и весь олтарь: а протодиакон предходит со свещею, и глаголется псалом 25: (Многажды, дóндеже окадит олтарь и всю церковыю обычаю.)

Суди́ ми, Го́споди, я́ко аз незло́бою мое́ю ходи́х: и на Го́спода упова́я не изнемогу́: Искуси́ мя, Го́споди, и испыта́й мя, разжзи́ утро́бы моя и се́рдце мое́: Я́ко ми́лость Твоя́ пред очи́ма мои́ма есть, и благоугоди́х во и́стине Твое́й, Не седо́х с со́нмом су́етным, и со законопресту́пными не вни́ду. Возненави́дех це́рковь лука́внующих, и с нечести́выми не ся́ду. Умы́ю в непови́нных ру́це мои́, и обы́ду же́ртвенник Твой, Го́споди: Е́же услы́шати ми глас хвалы́ Твоея́, и пове́дати вся чудеса́ Твоя́. Го́споди, возлюби́х благоле́пие до́му Твоего́, и ме́сто селе́ния сла́вы Твоея́. Да не погуби́ши с нечести́выми ду́шу мою́, и с му́жи крове́й живо́т мой: И́же в руку́ беззако́ниа, десни́ца их испо́лнися мзды. Аз же незло́бою мое́ю ходи́х, изба́ви мя, Го́споди, и поми́луй мя. Нога́ моя́ ста на правоте́: в церква́х благословлю́ Тя, Го́споди.

Внегда́ же, архиерей кадит, последуют пр нем двое архимандритов, или игуменов, или священников: един кропит стены святою водою, а вторый, держа сосуд мира, помазу́ет стручце́м, обмоча в миро, крестообразно, первее во олтаре над горним местом над окном: таже над церковными враты, яже к западу церкве: таже на южной стране, и на северной над две́рьми, или над окном на стенах, аще же вы́соко, приставляется лествица.

Совершившу же ся каждению и псалму, и́дет архиерей во олтарь и глаголет:

Сла́ва ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ. А҆ ми́нь.

И приемлет протодиакон кадило, и кадит архиереа трижды.

Потом глаголет ектению малую: Па́ки и па́ки: пред престолом, по левую страну архиереа.

Возгла́са же архиерей не глаголет, но протодиакон: Го́споду помо́лимся, и снимается митра. Архиерей же пред святым престолом глаголет молитву велегласно:

Гдⷵи нб҃сѐ и҆ землѝ, иже ст҃ꙋ́ю твою̀ цр҃ковь неизрече́нною премꙋ́дростїю ѡ҆снова́вый, и҆ во ѡбразъ агг҃льскагѡ на нб҃сѝ слꙋже́нїѧ, сщ҃е́нничества чи́нъ на землѝ соста́вивый: ты̀ влⷣко великода́рне, прїимѝ и҆ ны́нѣ молѧ́щихсѧ на́съ, не ꙗкѡ досто́йныхъ сꙋ́щихъ ѡ҆ толи́кихъ проси́ти, но да превосхо́дство пока́жетсѧ твоеѧ̀ бл҃гости: не бо̀ преста́лъ є҆сѝ человѣ́ческомꙋ ро́дꙋ, многоѡбра́знѣ бл҃годѣ́ѧ. глави́знꙋ же на́мъ дарова́лъ є҆сѝ бл҃годѣѧ́нїй, єже во пло́ти є҆диноро́днагѡ твоегѡ̀ сн҃а прише́ствїе, иже на землѝ ꙗвльсѧ, и҆ возсїѧ́въ сꙋ́щымъ во тьмѣ̀ свѣ́тъ сп҃се́нїѧ, принесѐ себѐ ѡ҆ на́съ же́ртвꙋ, и҆ бы́сть мі́рови всемꙋ̀ ѡ҆чисти́лище, ѻбщники на́съ своегѡ̀ воскрⷵнїѧ сотвори́въ, и҆ вознесы́йсѧ на нб҃са̀, ѡ҆блечѐ своѧ̑ ѹ҆ч҃нкѝ и҆ а҆пⷵлы, ꙗкоже ѡ҆бѣща́сѧ, си́лою свы́ше, ꙗже єсть дх҃ъ ст҃ы́й, покланѧ́емый и҆ всеси́льный, иже ѿ тебѐ бг҃а и҆ ѻ҆ц҃а̀ и҆сходѧ́щь: имже бы́вше сиїльнїи дѣ́ломъ и҆ сло́вомъ, креще́нїе преда́ша сыноположе́нїѧ: цр҃кви воздвиго́ша, ѹ҆тверди́ша же́ртвенники, сщ҃е́нства положи́ша пра̑вила и҆ зако́ны, ихже мы̀ грѣ́шнїи держа́ще преда́нїе, припа́даемъ тѝ вѣ́чномꙋ бг҃ꙋ, и҆ мо́лимсѧ тѝ бл҃гоꙋтро́бне: къ твоемꙋ̀ пѣснопѣ́нїю со́зданный се́й хра́мъ бж҃е́ственныѧ твоеѧ̀ и҆спо́лни сла́вы: и҆ въ не́мъ воздви́женный же́ртвенникъ ст҃ы́й [и҆ предложє́нныѧ же́ртвенники ст҃ы̑ѧ] ст҃ы́хъ покажѝ, ꙗкѡ на́мъ предстоѧ́щымъ [имъ] ꙗкѡ стра́шномꙋ црⷵтвїѧ твоегѡ̀ прⷵто́лꙋ, неѡсꙋжде́ннѡ слꙋжи́ти тебѣ̀, мольбы̑ ѡ҆ на́съ и҆ ѡ҆ лю́дехъ всѣ́хъ возпосыла́ющымъ и҆ безкро́внꙋю же́ртвꙋ твое́й приносѧ́щымъ бл҃гости, ѡ҆ во́льныхъ и҆ нево́льныхъ грѣсѣ́хъ въ проще́нїе, во ѹ҆правле́нїе житїѧ̀, во и҆справле́нїе бл҃га́гѡ жи́тельства, во и҆сполне́нїе всѧ́кїѧ пра́вды.

Ꙗкѡ бл҃гослови́сѧ твоѐ прест҃о́е и҆мѧ ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ.

Священницы: Аминь .

Архиерей же глаголет:

Ми́ръ всѣ̑мъ.

Протодиакон: Главы́ ва́ша Го́сподеви приклони́те .

Архиерей глаголет молитву тайно:

Бл҃годари́мъ тѧ̀ гдⷵи бж҃е си́лъ, ꙗкѡ юже и҆злїѧлъ є҆сѝ бл҃года́ть на ст҃ы̑ѧ твоѧ̑ а҆пⷵлы, и҆ на прпⷣбныѧ на́ши ѻ҆тцы̀, сподо́билъ є҆сѝ мно́гагѡ ра́ди твоегѡ̀ чл҃вѣколю́бїѧ, и҆ да́же до на́съ грѣ́шныхъ и҆ непотре́бныхъ ра̑бъ твои́хъ ѻнꙋю простре́ти: и҆ мо́лимсѧ тебѣ̀, влады́ко многомлⷵтиве, и҆спо́лни сла́вы, и҆ ст҃ы́ни, и҆ бл҃года́ти же́ртвенникъ се́й [же́ртвенники сїѧ̑], ꙗкоже претворѧ́тисѧ ꙗже на не́мъ [на ни́хъ] приноси̑мымъ тебѣ̀ безкрѡ́внымъ же́ртвамъ, въ пречⷵтое тѣ́ло, и҆ чⷵтнꙋ́ю кро́вь є҆днноро́днагѡ твоегѡ̀ сн҃а, и҆ гдⷵа и҆ бг҃а и҆ сп҃са на́шегѡ і҆и҃са хрⷵта̀, ко спасе́нїю всѣ́хъ люде́й твои́хъ, и҆ на́шегѡ недосто́инства.

Возглас:

Ты́ бо є҆сѝ бг҃ъ на́шъ, бг҃ъ ми́ловати и҆ сп҃са́ти, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ ны́нѣ и҆ при́снѡ и҆ во вѣ́ки вѣкѡ́въ.

Священницы: Аминь .

* ⁴По совершении сего приносится архиерею све́щник с невозжженною новою свеще́ю, юже возжег архиерей своими руками, поставляют на горнем местс возле престола.

Посем ключарь управляет, како идти по мо́щи в иную церковь со кресты: архиерей же отдает Евангелие и крест священникам, и свещы в олтаре раздает предстоящым, а вышед из олтаря на амвоне мирским людем. Потом входит архиерей в олтарь, а из олтаря предидущым священником, идет архиерей царскими враты по мощи, прияв посох у царских врат у подьяка, и глаголет:

Съ ми́ромъ и҆зы́демъ.

И тако и́дут по святыя мощи по чину: напреди́ же и́дут с хоругви и со иконы, якоже обычай ходу бывати со кресты. Архиереа же поддержат два диакона. Священники же идут со Евангелием и крестом напреди́ архиереа, а протодиакон со диаконом калят.

Певчие поют тропарь, глас 4:

И́же во всем ми́ре му́ченик Твои́х, я́ко багряни́цею и ви́ссом, кровьми́ Це́рковь Твоя́ украси́вшися, те́ми воние́т Ти, Христе́ Бо́же: лю́дем Твои́м щедро́ты Твоя́ низносли́, мир жи́тельству Твоему́ да́руй, и душа́м на́шым ве́лию ми́лость.

Слава, и ныне. глас 8:

Я́ко нача́тки естества́ насади́телю тва́ри, вселе́нная прино́сит Ти, Го́споди, Богоно́сныя му́ченики: тех моли́твами, в мире глубо́це Це́рковь Твою́, жи́тельство Твое́, Богоро́дицею соблюди́, Многоми́лостиве.

И, пришед архиерей во храм, идеже поставлены мощи, входит во олтарь царскими враты, с двумя предстоящими сослужители: посох же отдает у царских врат по́дьяку. и покланяются святым мощем, и осеняет предстоящих ту.

Протодиакон же глаголет ектению́ малую: ІІа́ки и па́ки: пред царскими враты. Священницы: Го́споди, поми́луй: вне олтаря.

По ектении́ же архиерей говорит возгла́с пред престолом:

Ꙗкѡ ст҃ъ є҆сѝ бж҃е на́шъ, иже на пострада́вшихъ по тебѣ̀ чⷵтны́хъ мꙋ́ченицѣхъ почива́еши, и҆ тебѣ̀ сла́ꙋв возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ.

Певчие: Аминь. И поют Трисвятое.

Потом протодиакон: Го́споду помо́лимся .

Певчие: Го́споди, поми́луй .

И снимается с архиереа митра, и кладется на блюдо. Архиерей же глаголет молитву:

Гдⷵи бж҃е на́шъ, вѣ́рный во словесѣ́хъ твои́хъ, и҆ нело́жный во ѡ҆бѣща́нїихъ твои́хъ, дарова́вый ст҃ы̑мъ твои̑мъ мꙋ́ченикѡмъ, под́вигомъ до́брымъ подвиза́тисѧ, и҆ тече́нїе бл҃гоче́стїѧ соверши́ти, и҆ вѣ́рꙋ истиннагѡ и҆сповѣ́данїѧ сохрани́ти: са́мъ влⷣко прест҃ы́й, тѣ́хъ моле́нїемъ ѹ҆моле́нъ бꙋ́ди, и҆ да́рꙋй на́мъ недостѡ́йнымъ твои̑ъ рабѡ́мъ ча́сть и҆ наслѣ́дїе и҆мѣ́ти съ ни́ми, да подража́телїе тѣ́хъ бы́вше, сподо́бимсѧ и҆ предлежа́щихъ тѣ̑мъ бл҃ги́хъ.

Возглас:

Млⷵтїю и҆ чл҃вѣколю́бїемъ є҆диноро́днагѡ сн҃а твоегѡ̀: съ ни́мже благослове́нъ є҆сѝ со прест҃ы́мъ, и҆ б҃лги́мъ, и҆ животворѧ́щимъ твои́мъ дꙋ́хомъ, ны́нѣ и҆ при́снѡ и҆ во вѣ́ки вѣкѡ́въ.

Певчие: Аминь .

Таже:

Ми́ръ всѣ̑мъ.

Протодиакон: Главы́ ва́шя :

Архиерей же глаголет молитву тайно:

Гдⷵи бж҃е на́шъ, мл҃твами прест҃ы́ѧ влⷣчцы на́шеѧ бцⷣы, и҆ всѣ́хъ ст҃ы́хъ твои́хъ, дѣла̀ рꙋ́къ на́шихъ недосто́йныхъ ра̑бъ твои́хъ напра́ви, и҆ во всѣ́хъ ѹ҆гожда́ти на́съ твое́й бл҃гости сподо́би.

Возглас:

Бꙋ́ди держа́ва црⷵтвїѧ твоегѡ̀ благослове́на и҆ препросла́влена, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ.

Певчие: Аминь .

Архиерей приемлет кадило у протодиакона и кадит святыя мощи трижды, по трижды: и отдав кадило, и прием святый дискос со святыми мощьми, покрове́н возду́хом по звезде, поставляет на главу свою и и́дет царскими враты, поддержимь первосвященнослужительми: дискос же держит сам архиерей обе́ма рука́ма, и тако и́дут по чину. Напреди же идут с хоругви и иконы храма: пред иконою и́дут певчие, таже идут священницы, потом лампадчик с посошнико́м, посреди же с митрою. Таже протодиакон с диаконом с кадилы, и кадят мощи и архиереа: над дискосом же несут диаконы две рипиды или четыре: пред архиереом иподиаконы несут трикирий и дикирий.

Певчие поют тропарь, глас 3:

Иже на ка́мени ве́ры созда́вый Це́рковь Твою́, Бла́же, в той испра́ви моле́ния на́ша, и приими́ лю́ди в ве́ре вопию́щыя Тебе́: спаси́ ны, Бо́же наш, спаси́ ны.

Аще же достанет время, поются и следующии ирмосы, глас 3. Песнь 3.

Утвержде́ние на Тя наде́ющихся, утверди́, Го́споди, Це́рковь, ю́же стяжа́л еси́ Честно́ю Твое́ю Кро́вию.

Глас 8. Песнь 3:

Небе́снаго кру́га Верхотво́рче Го́споди, и Це́ркве Зижди́телю, Ты мене́ утверди́ в любви́ Твое́й, жела́ний кра́ю, ве́рных утвержде́ние, еди́не Челоноколю́бче.

Глас 5. Песнь 3:

Водрузи́вмй на ничесо́мже зе́млю повеле́нием Твои́м, и пове́сивый неодержи́мо тяготе́ющую, на недви́жимем, Христе́, ка́мени за́поведей Твои́х, Це́рковь Твою́ утверди́, еди́не Бла́же и Человеколю́бче.

Егда до́йдут до освящаемаго храма, обходят его от западных дверей на южную страну, к востоку вкруг: а священник предходя кропит святою водою стены храма.

Егда же приидут пред церковная великая врата, певчие поют тропари, на глас 7:

Святии́ му́ченицы, и́же до́бро страда́вше и венча́вшеся, моли́тися ко Го́споду спасти́ся душа́м на́шым . Дважды.

Сла́ва Тебе, Христе Боже, апо́столов похвало́, и му́чеников весе́лие, и́хже про́поведь Тро́ица Единосу́щная . Единожды.

Архиерей снимает со главы своея дискос с мощьми, и постапляет его на уготованном столе пред церковными враты́, и покланяется святым мощем трижды, и налагается митра: и осеняет священников на обе страны.

Егда же певчие пропоют тропари, и́дут внутрь храма.

Архиерей же стоя́ пред святыми мощьми, глаголет:

Бл҃гослове́нъ є҆сѝ хрⷵтѐ бж҃е на́шъ, всегда̀, ны́нѣ и҆ при́снѡ и҆ во вѣ́ки вѣкѡ́въ.

Певчие отвещают внутрь храма: Аминь .

Архиерей глаголет:

Возми́те врата̀ кнѧ́зи ва́шѧ, и҆ возми́тесѧ врата̀ вѣ̑чнаѧ, и҆ вни́детъ цр҃ь сла́вы.

Певчие же поют внутрь храма: Кто е́сть сей ца́рь сла́вы ;

А протодиакон подносит архиерею кадило. Архиерей же, приняв, кадит святый дискос трижды, по трижды, таже святое Евангелие и крест, и иконы, правую и левую страну, таже священнослужителей.

Вратам же затворенным, или́ за́навесом заве́шенным, со иконами, со Евангелием и со кресты, стоят священницы за столом пред две́рьми, обратя́ся на запад, на столе же постлана́ пелена, по углам стола четыре подсвещника, или́ два: а диаконы рипиды держа́т над святыми мощьми.

По каждении же приемлет протодиакон у архиереа кадило, и кадит архиереа трижды.

Егда певчие пропоют первое: Кто́ есть сей царь сла́вы ; паки архиерей глаголет второе:

Возми́те врата̀ кнѧ́зи ва́шѧ, и҆ возми́тесѧ врата̀ вѣ̑чнаѧ, и҆ вни́детъ цр҃ь сла́вы.

Певчие поют: Кто есть сей ца́рь сла́вы ;

Посем протодиакон: Го́споду помо́лимся .

Певчие: Го́споди, поми́луй .

С архиереа отлагается митра, и глаголет молитву велегласно:

Бж҃е и҆ ѻч҃е гдⷵа на́шегѡ і҆и҃са хрⷵта̀, сы́й бл҃гослове́нъ во вѣ́ки, иже завѣ́сою пло́ти є҆гѡ̀ ѡ҆бнови́лъ є҆сѝ на́мъ въ перворо́дныхъ цр҃ковь на нб҃сѣ́хъ впи́санныхъ вхо́дъ, и҆дѣ́же жи́тельство пра́зднꙋющихъ и҆ гла́съ ра́дованїѧ. са́мъ, чл҃вѣколю́бче влⷣко, при́зри на ны̀ грѣ̑шныѧ, и҆ недостѡ́йныѧ рабы̑ твоѧ̑, ѡ҆бновле́нїе пра́зднꙋющыѧ чⷵтна́гѡ хра́ма, [имⷬ҇къ,] во ѡбразъ ст҃ѣ́йшїѧ твоеѧ̀ цр҃кве, си́рѣчь, са́магѡ тѣлесѐ на́шегѡ, єже ѹбѡ и҆ хра́мъ тво́й, [и҆ ѹды хрⷵта̀ твоегѡ̀] всехва́льнымъ а҆пⷵломъ па́ѵломъ и҆менова́ти сподо́билъ є҆сѝ: и҆ ѹ҆твердѝ є҆го̀ до сконча́нїѧ вѣ́ка непоколеби́ма, и҆ просла́влена въ тебѣ̀: и҆ сподо́би на́съ въ не́мъ хвалы̑ и҆ славослѡ́вїѧ незазѡ́рна приноси́ти сла́вѣ твое́й, и҆ є҆диноро́дномꙋ твоемꙋ̀ сн҃ꙋ, гдⷵꙋ на́шемꙋ і҆и҃сꙋ хрⷵтꙋ̀, и҆ ст҃о́мꙋ твоемꙋ̀ дх҃ꙋ, въ ра́зꙋмѣ и҆ всѧ́комъ чꙋ́вствѣ, покланѧ́ющымсѧ чебѣ̀ во стра́сѣ твое́мъ, бж҃е́ственныхъ щедро́тъ достѡ́йнымъ показа́тисѧ: и҆ благопрїѧ̑тнымъ твое́й бл҃гости бы́ти мольба́мъ си̑мъ, ѡ҆ на́съ и҆ всѣ́хъ лю́дехъ ткои́хъ неизрече́нномꙋ твоемꙋ̀ бл҃гоꙋтро́бїю приноси̑мымъ: моли́твами пречⷵтыѧ влⷣчцы на́шеѧ бцⷣы, и҆ приснодв҃ы мр҃і́и.

Возгла́с:

Ꙗкѡ ст҃ъ є҆сѝ бж҃е на́шъ, и҆ на ст҃ы́хъ почива́еши, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ.

Певчие: Аминь .

Архиерей:

Ми́ръ всѣ̑мъ.

Протодиакон: Главы́ ва́ша Го́сподеви приклони́те .

Певчие: Тебе, Го́споди .

Архиерей чтет молитву входа тайно:

Влⷣко гдⷵи бж҃е на́шъ, ѹ҆ста́вивый на нб҃сѣ́хъ чи́ны и҆ вѡ́инства агг҃лъ, и҆ а҆рха̑гг҃лъ, во слꙋже́нїе твоеѧ̀ сла́вы: сотворѝ со вхо́домъ на́шимъ, вхо́дꙋ ст҃ы́хъ агг҃лѡвъ бы́ти, сослꙋжа́щихъ на́мъ, и҆ сославосло́вѧщихъ твою̀ бл҃гость.

Возгла́с:

Ꙗкѡ подоба́етъ тебѣ̀ всѧ́каѧ сла́ва, че́сть и҆ поклоне́нїе, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ.

Певчие: Аминь .

Таже архиерей приемлет дискос со святыми мощьми, и зна́менает врата храма крестообразно, и глаголет:

Гдⷵь си́лъ, то́й єсть цр҃ь сла́вы.

Певчие поют такожде: Госпо́дь си́л, той есть ца́рь сла́вы .

Егда певчие запоют последнее: Господь сил, то́й е́сть царь сла́вы: в то время отъемлется стол, а архиерей поставляет дискос с мощьми на главу свою и идут во храм. В то время певчие поют тропарь, глас 4:

Я́коже вы́шния тве́рди благоле́пие, и ни́жнюю споказа́л еси́ красоту́ свята́го селе́ния сла́вы Твоея́, Го́споди: утверди́ сие́ во век ве́ка, приими́ на́ша в нем непреста́нно приноси́мая Тебе́ моле́ния Богоро́дицею, всех животе́ и воскресе́ние.

Архиерей же входит во святый олтарь царскими враты: и поставляет дискос со святыми мощьми на святем престоле, и покланяется святым мощем, и налагается на архиереа митра. А протодиакон подносит архиерею кадило, и прием архиерей кадит святыя мощи трижды, по трижды, и на обе страны сослужителей: протодиакон же, приняв у архиереа кадило, кадит архиереа трижды. Архиерей же помоляся осеняет сослужащих, и отлагает с дискоса возду́х и звезду́, а ключарь подносит святое миро и ящичек для святых мощей, что под престол: по нем подносит иподиакон воскомасти́х несколько приустыл. И приемлет архиерей святыя мощи, развернув из бумажек, в которых заве́рнуто по три частицы, облепленныя воском, кладет, напредь миром пома́зав, в» ящичек оныя, и заливает воскомасти́хом, и отдает ключарю.

Ключарь же, приняв и целовав архиерейскую руку, закрывает ящичек, и полагает под престолом в среднем столпе́.

Зри: Егда близ освящаемаго храма другой церкви несть, тогда святыя мощи поставляются такожде с вечера на аналогии пред образом Спасителевым, что у царских врат на правой стране, в томже храме, егоже освящать. Егда же приидет время по мощи идти, выходит архиерей царскимиж враты, и становится проти́во мощей на орлеце́, и помоляся осеняет сослужащих, и приемлет архиерей кадило, и кадит святыя мощи, трижды по трижды: а певчие поют вышеписанный тропарь: Иже во всем ми́ре му́ченик Твои́х :

Слава, и ныне, кондак: Я́ко нача́тки естества́ :

А как пропоют певчие, протодиакон глаголет ектению малую: Па́ки и па́ки: пред мощьми, и все бывает по чину, якоже предписася выше сего. И приемлет архиерей святыя мощи на главу, и идут со кресты вкруг церкви по чину. А егда не возможно нико́ими меры вокруг храма с мощьми ходити: то пред церковная великая врата выходят, и поставляет архиерей святыя мощи на уготованном столе, и покланяется святым мощем, и приемлет у протодиакона калило, и кадит святыя мощи, трижды по трижды, и бывает все по предписанному чину. По исполнении всего приемлет архиерей святыя мощи на главу́ свою и, зна́меновав оными церковная великая врата, паки поставляет на главу́ свою. И́дет во олтарь царскими враты по обычаю: и вшед во олтарь, обходит со святыми мощьми вокруг престола единожды, вместо того, еже что идти было вкруг храма, и поставляет святыя мощи на святей трапе́зе, и влагает о́ныя в ящичек, и в антиминсы, и прочее действует по чину выше показанному.

Таже архиерей и в антиминс [или́ в антиминсы], помазав первее в мешечке святым миром, влагает приуготовленныя частицы, и укрепляет воскомасти́хом же нарочитою лопаточкою.

По исполнении того, протодиакон глаголет: Го́споду помо́лимся.

Священницы: Го́споди, поми́луй .

Архиерей глаголет молитву:

Гдⷵи бж҃е на́шъ, иже и҆ сїю̀ сла́вꙋ, ѡ҆ тебѣ̀ пострада́вшымъ ст҃ы̑мъ мч҃нкѡмъ дарова́вый, єже сѣ́ѧтисѧ по все́й землѝ моще́мъ ихъ, во ст҃ы́хъ хра́мѣхъ твои́хъ, и҆ плоды̀ и҆сцѣле́нїй прозѧба́ти: са́мъ влⷣко, всѣ́хъ бл҃ги́хъ пода́тель сы́й, мл҃твами ст҃ы́хъ, ихже благоизво́лилъ є҆сѝ положе́нїю моще́й къ се́мъ чⷵтнѣ́мъ же́ртвенницѣ твое́мъ [въ си́хъ чⷵтны́хъ же́ртвенницѣхъ твои́хъ] бы́ти: сподо́би на́съ неѡсꙋжде́ннѡ безкро́внꙋю тебѣ̀ на не́мъ [на ни́хъ] приноси́ти же́ртвꙋ, и҆ да́рꙋй на́мъ всѧ̑ ꙗже ко сп҃се́нїю прошє́нїѧ, возме́здїе подаѧ́й и҆ въ се́мъ пострада́вшымъ за ст҃о́е имѧ твоѐ, єже чꙋдодѣ́йствовати тѣ́ми къ на́шемꙋ сп҃се́нїю.

Возгла́с:

Ꙗкѡ твоѐ єсть црⷵтво, и҆ си́ла и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ.

Священницы: Аминь .

Посем протодиакону ре́кшу: Па́ки и па́ки, прекло́ньше коле́на, Го́споду помо́лимся .

Архиерей, преклонив колена своя [такожде и народ стоящий во храме преклоняет колена своя], чтет сию молитву во услышание всем:

Гдⷵи бж҃е на́шъ, иже тва́рь є҆ди́нымъ сло́вомъ созда́вый, и҆ во єже бы́ти приведы́й, неизрече́нными же ѡбразы, разли́чнѡ сїю̀ ѹ҆краси́вый, иже надноси́мый на ню̀ тво́й дх҃ъ собра́вый, и҆ со́лнечный се́й свѣ́тъ на ню̀ и҆злїѧ́вый во ѡ҆бновле́нїе є҆ѧ̀, иже ѹ҆годникꙋ твоемꙋ̀ мѡѷсе́ю вдохнꙋ́вый хвалꙋ̀ нѣ́кꙋю и҆зрѧ́днꙋ, приложи́ти добрѣ́йшемꙋ твоемꙋ̀ созда́нїю, и҆ рещѝ: ви́дѣти тебѐ свѣ́тъ ꙗкѡ до́брый, и҆ дне́мъ нарещѝ се́й. є҆го́же ѹбѡ и҆ мы̀ ви́дѧще, и҆ свѣтлѣ́йшее сїѐ со́лнце, ѡ҆бновлѧ́ющее на всѧ́къ де́нь тва́рь, тѧ̀ истиннагѡ днѐ сла́вимъ сл҃нце, и҆ свѣ́тъ тво́й невече́рнїй: иже сн҃омъ твои́мъ на́мъ заповѣ́давый ѡ҆бнови́тисѧ на́шемꙋ є҆стествꙋ̀ ст҃ы́мъ твои́мъ дх҃омъ, ꙗкѡ и҆ по да́рꙋ семꙋ̀, првⷣнымъ возсїѧ́ти ꙗкѡ со́лнцꙋ: тебѣ̀ мо́лимсѧ, и҆ тебѐ про́симъ, ѻ҆ц҃а̀ сло́ва, гдⷵа и҆ бг҃а на́шего: [поне́же неизрече́ннымъ твои́мъ чл҃вѣколю́бїемъ, и҆ безмѣ́рною твое́ю млⷵтїю, тва́рь и҆ дре́внїй зако́нъ во ѡбразъ но́вагот завѣ́та, во твое́мъ бг҃овидѣ́нїи ѹ҆ сїна́йскїѧ горы̀, и҆ въ кꙋпинѣ̀ ѻной ди́вной, и҆ въ сѣ́ни свидѣ́нїѧ, и҆ въ предобрѣ́йшемъ хра́мѣ соломѡ́на ѻнагѡ ѡ҆бновле́нїе прїѧ̀] млⷵтивнымъ ѻкомъ при́зри на ны̀ грѣ̑шныѧ и҆ недостѡ́йныѧ рабы̑ твоѧ̑, пребыва́ющыѧ въ се́мъ домꙋ̀ нб҃оподо́бномъ, вселе́нныѧ похвалѣ̀, же́ртвенницѣ истинномъ неизрече́нныѧ твоеѧ̀ сла́вы, и҆ низпослѝ прест҃а́го твоего̀ дх҃а на ны̀, и҆ на наслѣ́дїе твоѐ. И҆ по бж҃е́ственномꙋ дв҃дꙋ, ѡ҆бновѝ въ сердца́хъ на́шихъ дꙋ́хъ пра́вый, и҆ дх҃омъ влⷣчнимъ ѹ҆твердѝ на́съ: да́рꙋй же на́мъ є҆диномы́слїе и҆ ми́ръ. Сотво́ршымъ же зда́нїе сїѐ, и҆ хра́ма ѡ҆сщ҃е́нїе, по любвѝ къ тебѣ̀ бг҃ꙋ тща́тельнѡ, ѡ҆ставле́нїе согрѣше́нїй пода́ждь: да́рꙋй имъ ꙗже ко сп҃се́нїю прошє́нїѧ: воздви́гни ѧ къ дѣ́ланїю за́повѣдей твои́хъ: да́рꙋй имъ ѡ҆бновле́нїе да́ра ст҃а́гѡ твоегѡ̀ дх҃а: да неѡсꙋжде́ннѡ покло́нѧтсѧ тебѣ̀ є҆ди́номꙋ истинномꙋ бг҃ꙋ, и҆ є҆го́же посла́лъ є҆сѝ, і҆и҃сꙋ̀ хрⷵтꙋ̀, мл҃твами бцⷣы, [и҆ є҆гѡ́же єсть хра́мъ] и҆ всѣ́хъ ст҃ы́хъ твои́хъ. А҆ ми́нь.

И по молитве востав архиерей и прочии, протодиакон глаголет:

Заступи́, спаси́, поми́луй, возста́ви и сохрани́ нас, Бо́же, Твое́ю благода́тию.

Пресвяту́ю, ІІречи́стую : и прочая.

Архиерей возгла́с:

Ꙗкѡ ст҃ъ є҆сѝ бж҃е на́шъ, и҆ на ст҃ы́хъ по тебѣ̀ пострада́вшихъ, чⷵтны́хъ мч҃нцѣхъ почива́еши, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ.

Лик: Аминь .

Таже архиерей и́дет на облачальное свое место, аще есть, с посохом: аще нет облачальнаго места, становится на предолтарном амвоне, а священницы становятся на обе страны по чину. Архиерей же, став и помоляся, осеняет предстоящих.                         

Протодиакон глаголет ектению: Помилуй нас, Боже, по великой милости Твоей, молим Ти ся, услыши и помилуй .

Певчие: Го́споди, поми́луй: трижды.

О вели́ком господи́не и отце́ на́шем Пи́мене, Святе́йшем Патриа́рхе Моско́вском и всея́ Руси́, и господи́не нашем Преосвяще́ннейшем , и́мярек, епи́скопе [или́: архиепи́скопе, или́: митрополи́те] [тйтул], и де́лех руку́ его́, и и́же с ним свяще́нницех и диа́конех. Го́споду помо́лимся .

Еще́ мо́лимся о богохрани́мей стра́не на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Еще́ мо́лимся о блаже́нных и приснопа́мятных созда́телех свята́го хра́ма сего́.

Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии на́шея.

Еще́ мо́лимся о плодонося́щих и доброде́ющих во свя́тем и всечестне́м хра́ме се́м, тружда́юшихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Архиерей глаголет возгла́с:

Ꙗкѡ млⷵтивъ и҆ чл҃вѣколю́бецъ бг҃ъ є҆сѝ, и҆ тебѣ̀ сла́вꙋ возсыла́емъ, ѻ҆ц҃ꙋ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ.

Певчие: Аминь .

Ключарь подносит архиерею крест на блюде. Архиерей приим крест, на томже облачальном месте [или́ на предолтарном амвоне] стоя, осеняет крестом по трижды на четыре страны: на восток, на запад, на юг и на север. А протодиакон кадит проти́во креста по трижды, и преходя глаголет: Го́споду помо́лимся, рцем вси .

Певчие: Го́споди, поми́луй. По трижды.

По осенении, протодиакон: Прему́дрость .

Архиерей же, положив крест ключарю на блюдо, и́дет [аще ли стоял на облачальном месте], на предолтарный амвон с посохом, глаголя:

Прест҃а́ѧ бцⷣе, сп҃сѝ на́съ.

Певчие: Честне́йшую Херуви́м :

Архиерей:

Сла́ва тебѣ̀ хрⷵтѐ бж҃е, ѹ҆пова́нїе на́ше:

Певчие: Сла́ва, и ны́не: Го́споди, поми́луй. Трижды: Влады́ко, благослови́ .

Архиерей, возшед на амнон и отдав посох, паки приемлет крест, и глаголет отпу́ст со крестом. По отпу́сте возглашает протодиакон Святейшему Патриарху многолетствие.

По многолетствии же диакои подносит архиерею святую воду: архиерей кропит святою водою сень, запад, север и юг. По окроплении сам архиерей целует честны́й крест, по немже и прочии священнослужителие и людие, и кропит их каждаго святою водою.

А певчие, дóндеже прикладываются людие, поют: Мно́гая ле́та .

По пропетии же многолетия, начинают часы.

На литургии прокимен освящению, и храму, апостол к Евреям, зачало 320, и храму. Евангелие от Иоанна, зачало 36 от полу́, и храму.