№ 52. 1666 г. Выписка из византийской церковной истории, с исчислением:
а) патриархов, по собственной воле оставивших свои престолы безвозвратно;
б) патриархов и архиереев, оставивших свои престолы, но потом возвратившихся на оные,
бб) архиереев, самовольно архиерейства отрёкшихся, и паки архиерействовать сподобившихся,
в) патриархов и архиереев, удалившихся от епархий, на места которых избраны были новые,
вв) епископов, самовольно престол свой оставивших, живим сущим, ин епископ поставляется,
г) патриархов, самовольно оставивших престол, но от архиерейства не отрёкшихся
а) Патриархи самовольно престол свой оставльши и паки не возвратившися на престол свой
Во святых Григорий Богослов, иже от святого вселенского константинопольского собора на престоле константинопольском впрестолен бысть, оставил престол самовольно, паки не возвратися, яко явленно есть от жития его, презвитером Григорием списанного.
О самовольном его оставлении престола свидетельствует Арменопол в книге 4-й, сице глаголя: Григорий Богослов первие Сасимский быв епископ, при Федосии Великом константинопольский наречён бысть. Утвердившеся ему престолу от собора, яко много трудившуся и среди ересей церковь свободившему, якоже Никея из Египта архиерея увиди блаженнейший делу завиствовавшия соборное изложи слово и вольно царственницы престола отступает, лет 12 архиерействовал.
Святейший патриарх константинопольский Григорий Мамма, иже сый муж богодухновен, яко град Константинополь от Агарян пленен будет, прорече, оставив самовольно престол свой, паки не возвратися.
О самовольном его оставлении престола даше свидетельство клирицы константинопольские Мехемету салтану, тому бо рекшу: где есть патриарх, Вскую не прииде поклонитись мне, яко царю? Отвещаше: от многого времени патриарха не имамы, яко патриарх, иже бяше вольно живущу, остави престол свой, яко во истории церковной повествует Мануил Малакс.
Святейший патриарх Иоанн самовольно остави престол свой, паки не возвратися. Сей святейший патриарх, оставляя престол свой, ко царю Андроннику Палеологу и архиереем сия словеса рече: владыко мой святый царю, и вы, владыкове мои святыи архиереи, аз первого грешника видя мя самого, вся деях о еже греха избавитися мне. Яко Георгий Пахимер во книге 10, в главе 9, свидетельствует.
Святейший патриарх константинопольский Трифон самовольно оставил престол свой, п Святейший патриарх константинопольский Генадий Схоляр самовольно оставил престол свой, паки не возвратися. О самовольном его оставлении престола и оставлении Феодосий Зыгомала, протонотарий патриаршеский во истории градской свидетельствует, сице глаголя: патриарх же святейший Генадий патриаршествовал лет пять, и паствовал добрей господин люди. И послежеде любезное лобзал безмолвие. Созва собор архиереев, сотвори отречение. Архиерея же молиша его и клирицы и весь люд, да пребудет; но не восхоте же конечно слушати, точию написа отречение своё в книгу великие церкви и прием вещи свои, яже имяше, отиде в монастырь божественного Предотечи, и тамо умре мирно.
Святейший патриарх константинопольский Митрофан самовольно оставив престол свой, паки не возвратися. Сей бо патриарх не точию престола, но и архиерейства отречеся, яко Мануил Малакс во истории церковной свидетельствует, глаголя: обаче сей патриарх, сотворив отречение, написа ни патриаршеского престола и архиерейства.
б) Патриархи, самовольно оставившие престол свой и паки возвращённые на престол свой
Святейший патриарх константинопольский Пирр самовольно оставил престол свой, паки по бывшем по нём Павле патриархе 12 лет патриаршествовавшем, возвращён был на престол свой, патриаршествовав месяца 4, как в книге 4-й свидетельствует Арменопол, иже о оставлении престола его сице глаголет: Пирр пресвитер той церкви моног и началник монастырей и игумен Хрисопольский, крамоли бывшей, отречеся, архиерействовав лета 2, и месяцев 9, и дней 9. Инше глаголет: Пирр паки возпоставися.
Святейший патриарх константинопольский Дионисий самовольно оставил престол свой. Паки, по бывшем по нём патриархе Симеоне, преставльшемся, молением соборным и царским повелением возвращён бысть на престол свой с великим миром церковным. Патриаршествовал, яко Мануил Малакс во истории церковной свидетельствует, глаголя: пришедши же тому господину Дионисию в великую церковь, и патриаршеский престол второе преемшу, притекоша архиерея, клирицы и всяк священный началницы общий люд и поклонишася ему, и молитву и благословение от него прияша, и бе велий мир в церкви Христовой.
Сей святейший патриарх Дионисий от лукавых клириков оклеветан бысть, о еже ему от Турков обрезану быть. Но когда собору на истязание сея клеветы сотекшуся, Дионисий патриарх, подъём ризы свои, показа себе необрезана быти. Тогда клеветницы убо постыждены прощения просяху, весь же собор ноги его лобызая, дабы патриаршествовал, зело моляше. Но он молением соборным не умолен: епитрахиль и омофор с себе изверже, престол свой остави, и в монастырь отъиде. Таже поне патриархом по нем бывшем Симеону убо преставльшуся, Нифанту же изгнану бывшу, престол константинопольский патриарха не имяше; собор, иже воеже поставити патриарха нового сотечеся, помянув предреченного Дионисия, моляше салтана, дабы повелел оному, яко патриаршествовати достойному, престол патриаршеский прияти. Убо святейший патриарх Дионисий, по повелению салтанову, ради и соборного моления бывшему, паки престол константинопольский прием, богоугодно патриаршествова.
бб) Архиереи, самовольно архиерейства отрёкшиеся, и паки архиерействовать сподобившиеся
Николай Музолон, кипрский архиепископ, самовольно архиерейства отрёкся, паки архиерействовати сподобился, ибо на престол константинопольский по 37 летах отречения своего возведённый, патриаршествовал лета 3 и месяца 4, как в книге 4-й свидетельствует, сице глаголет Николай моног Музолон, иже бо первый кипрский архиепископ, и отрёкся, яко мнози убо глаголаху и архиерейства самого; мнози же точию строения вещей, и в лета в 37 праздновав, таже возведеся на престол константинопольский и сотворив лета 3 и месяца 4.
Феодул, епископ макрский, самовольно архиерейского сана писано отрёкся, паки архиерействовать сподобился; ибо, раскаялся, притече ко святейшему патриарху Михаилу Агхиалалу и того моли еже отречении его изявленну быти, убо понеже его отреченье не греха и порока, но смиренномудрая ради бывшее явися. Предреченный святейший патриарх рассудил неприятно быть отреченье сицево, яко Арменопол во книге 1-ой глаголет: Архиерей бо архиерействовать достоин. Аще архиерейства отрицается, неправильно отрицается, по 2-му правилу святого Кирила, архиепископа Александрийского, сице глаголящу: чрез церковные есть уставы еже книжицы отречены приносити неким священнодетелей. Аще бо достойны да ви литургисуют; аще же ни, да не отрицаютца, но яко осуждённый да отходят.
Евстафий, епископ Памфилийский самовольно епископства писано отрёкся, паки епископской чести наслаждаться сподобился; ибо когда раскаялся, со слезами притече ко святому третьему вселенскому собору и моли того, еже ему честь епископскую иметь святому собору изволилися, да предреченный Евстафий первое честь епископскую имати и епископ именуется; 2-е, да по соизволению престольного епископа архиерейское в церкви действует, пресвитеров и диаконов поставляет; 3-е, да ещё собору памфилийскому изволится в праздную церковь, епископа не имущую, введётся, яко толк 9 правила вселенского 3 собора глаголет.
в) Патриарху, самовольно престол свой оставившему, ин патриарх поставляется
Святому Григорию Богослову самовольно престол свой оставившему, живу сущу, ин патриарх константинопольский Нектарий от святого вселенского второго собора поставился, яко явлено есть в житии его, Григорием пресвитером списанным.
Святейшему патриарху константинопольскому Генадию, самовольно престол свой оставившему, живу сущу, ин патриарх константинопольский Исидор иеромонах поставился, как в истории городской Феодосий Зыгомало, патриаршеский протонотарий, свидетельствует, глаголя: патриарх же святейший Генадий патриаршествовал пять лет и паствовав добрый господин люди, и последиже любезное лобызав безмолвие, созвав собор архиереев, сотвори отречение и возведён на патриаршеский престол господин Исидор святой духовный, егоже глаголаху общего благого отца в городе.
Святейшему патриарху константинопольскому Пирру, самовольно престол свой оставившему, живу сущу, ин патриарх константинопольский Павел поставлен, яко Арменопол являет в книге четвёртой. По сем бо патриархе Павле, паки Пирр патриаршествоваше.
Святейшему патриарху константинопольскому Дионисию, самовольно престол свой оставившему, живу сущу, ин патриарх константинопольский поставился: первый Семион трапезонтый, второй – Рафаил Сервы, третий – Максим Логий четвёртый – Нифонт, по них же предреченный святейший патриарх Дионисий паки патриаршествовал, как свидетельствует Мануил Малакс в истории церковной.
вв) Епископу, самовольно престол свой оставившему, живу сущу, ин епископ поставляется
Епископу бо панфилийскому Евстафию самовольно престол свой оставившему, живу су Епископу, живу сущу на престоле своём сидящу и чести епископской наслаждающемуся, ин епископ не поставляется; возбранися бо сие 16-м правилом первого и второго собора в церкви святых Апостол бывшего, сице глаголющим: епископ да ни единым образом в церкви бывает, еяже предстатель ещё живёт и свойственной наслаждается чести, аще напервие сам епископства отречется, подобает бо первие правильно со истязанием епископу низложитись, и тако иному вместо того поставиться.
Патриарху и всякому архиерею, самовольно престол свой оставлшу и клявшуся, яко на престол свой не имать паки возвратитися, немошно возвратитися; аще бо бы возвратился, был бы клятвопреступник, клятвопреступника же изврещи повелевает 24-е правило и 25-е апостольское правило, сице глаголяще: епископ или презвитер или дьякон в блуде, или прерочении, или татьбы ят, да низвержетца.
Тем же всяк, или патриарх, или архиепископ, или епископ, иже самовольно точию престола своего отречеся и убо не клятца, яко на престол свой паки не возвратитца, может на престол свой сугубо возвратитися. Первое, аще собор такового архиерея, яко мужа благонравна, смиреннамудра, по духу, не по похотем своим ходяща и суща пастыря добра молити будет, дабы паки на престол свой возвратился, может, аще восхощет, возвратиться честно. Второе, аще сицев архиерей сам раскаевся к собору притечет и того помолит, дабы паки прежние чести наслаждался, может, аще каков порок не возбранит, по соборному изволении, паки на престол свой возвратиться.
г) Патриарх, самовольно точию убо престол свой оставив, архиерейства же не отрекся, архиерейское действует
Во святых Григорий Богослов по еже константинопольский престол свой оставити, пришед во Назыанз архиерейская действоваше, тамо бо некоего благоговенного мужа, именем Евлалия, хиротонисав, пастыря назыанского постави, яко в житии его свидетельствует Григорий пресвитер, глаголя: и некоего Евлалия, назыанского пастыря, постави, егоже имяше зело в честных.
Архиерей, самовольно престол свой оставив, и самовольно монашеский смирения образ приняв, архиерейское действовать не может; сицевому бо архиерейская действовать возбрани второе правило собора церкви святой Софии сошедшегося, глаголящее: Архиерей во покаявающихся место себе да не изводит; низведе да не ктому архиерейскую притворяет честь, монашескии бо обеты покорением имут словеса и ученичества, а не учительства ни первопрестольства, ни паствовати; но паствуему быти обещеватися.
Подобающее и предел патриарха от законной книги Василия Константина Леона, от 2-е титл, глава 1-я.
Патриарх есть образ Христов одушевлен делы и словесы в себе образующ истинный.
Смотрения патриарху первое убо еже от Бога прияша во благочестии и честности жития сохранити; таже и вся еретики по можному (по силам) ему ко православии и единению церкви навращати; еретицы же законами и правилы зовутца кафоличестии не общащейся церкви, еще же и неверным светлым и приявственнейшим и чудесным своим деянием удивляя подражателя сотворити веры.
Конец патриарху во вверенных ему душ спасение и еже жити убо Христу, укрествоватися же миру.
Свойственная патриарху еже быти учительну ко всем высоким же и смиренным не тесными местами изровнятись и кротку убо быти ко всем приходящим и во учениих, обличительну же к непокорящимся, о истина же и соблюдении праведного и благочестии глаголати пред царем и не стыждатись.
Гражданству, из частей и частицы возсловно человеку составляющуся, величайшия и нужнейшая части царь есть и патриарх, тем же и по душе и телу послушливых мир и благополучество царства есть и архиерейства во всяком единомудрии согласие.