№ 26. 1660 г., июня 15. Сказка, поданная на собор старцем Епифанием Славинецким, в которой отрицается от данного им согласия на лишение Никона архиерейства, потому что он (Епифаний), рассмотрев подлинный греческий Номоканон, не нашёл в нём слов, составляющих якобы правило 16 первого и второго соборов: «Безумно бо есть епископства отрещися, держати же священства?» При чём Епифаний просит дать ему соборное деяние, для составления слова об избрании нового патриарха (сей акт, на обороте по склейкам, скреплён собственноручно старцем Епифанием). В конце перевод правила 16 первого и второго соборов и толкование на них

168 г., Июня в 15 день, сказал старец Епифаний. Матфей учит, яко детище в нужде, не сущу иерею, от мирского человека крещено быти не может и не твёрдо крещение таково.

Сие его учение противное есть греческим творцам. Первое противно есть Гавриилу Филадельфийскому; второе Николаю Кавасилу; третье Никифору во святых патриарху Константинопольскому, иже в правиле своём 16-м сице глаголет: не сущу иерею простой монах крестит; сему ж не сущу крестит отец своё детище. А про Матвееву книгу он Епифаний сказал, что приемлю я Матвееву книгу, что согласно с правилами святых отец (а что не по правилам святых отец, и того не приемлет)²⁷ и (с) святыми отцами с греческими то приемлю; а которое не согласно, того не приемлю. А что о возведении ново патриарха по деяниям соборов вселенских и поместных на престол отрёкшегося патриарха нового возводить, таж новый поставленный патриарх, яко престольный, имать власть совершенную бывшему патриарху, аще ему не покорится и без благословения его архиерейское дерзнёт действовать, запретить оного вязать и решать, по правилам святых отец. А о Евстафии правило прилично есть бывшему патриарху Никону. А будет бывшей Никон патриарх у новопоставленного патриарха начнёт просить благословения, на еже архиерейское действовать, и ему, яко Евстафию, дастся благословение; а будет непокорен, и ему запретить, по правилам святых отец, может. А правило 16-е первого и второго собора глаголет о епископе, иже во своей чести епископской состоя отходит и о пастве не печётся вящше шестимесячного времени, чести и сана отчуждается. Никон же, бывшей патриарх, в своей чести не состоит патриаршеской, ибо оную оставил, ниже должен есть пещся о стаде, еже оставил, и то правило не к тому лицу.

Старец Епифаний сказал:

Грекове на соборе из своей книги греческой сия речения прочтоша: безумно убо есть епископства отрещися, держати ж священства. И рекоша сия речения быти правило шестьнадесятое первого и второго собора. И аз разумех истинное быти правило первого и второго собора не дерзнух прекословити и изволение мое дах на низвержение Никона, бывшего патриарха. Но сия сотворих сего ради, яко прелстихся греческим речением, яже и в словенских ни в греческих правилах не обретается. Сего ради, понеже истинное правило греческое прочтох и сих речений, безумно бо есть епископства отрещися, держати же священство, не обретох, изволения моего на низвержение Никона, бывшего патриарха, отрицаюся, яко неправедного и неправильного, и каюся. Убо понеже кто кается, той и прощается. И аз о изволении моём неправильно каясь, у пресветлого величества вашего смиренно прощения прошу, и глаголю: яко новопоставленный патриарх имать власть Никону, бывшему патриарху, или благословит, да он в монастыри, в нём же по повелению пресветлого величества вашего жить будет, архиерействует, или запретить да не архиерействует. Также низврещи, аще вины в нём низвержения достойные обрящутся, аще новопоставленному патриарху не поклонится и без благословения его дерзнёт архиерействовать от него запретится, и аще запрещения преслушает, низвержется. Бысть пресветлого величества вашего царского повеления, да аз слово соборное составлю. Убо готов есм сие сотворити о избрании и поставлении нового патриарха. Сие бо есть праведно благополезно и правильно. О низвержении же Никона, бывшего патриарха, не дерзаю писать сего ради, яко не обретох сицевого правила, еже бы архиерея, оставившего убо престол свой, архиерейства же не отрёкшегося, низвергало и чуждо творило архиерейства. Таже пресветлого величества вашего царского молю, да повелит дать мне деяние соборное на составление слова соборного.

Правило 16 первого и второго собора из греческого на словенский язык переведено.

Ради любопрений же и мятежей, в Божии церкви случающихся, и сие определить нужно есть. Ни единым образом епископу поставитися в церкви, ея же еще предстатель живёт и в свойственной состоит чести, разве сам вольно епископства отречётся. Подобает бо первие вину будущего епископства изгнатися; правильно истязуемую в конец привести. Таж тако о его низвержении иному вместо того на епископство провозвестися. Аще ж кто епископов во свойственной состояй чести, ниже отврещися хочет, ниже свой хочет паствовати люд, но своего отступив епископства паче шестомесечия во ином закоснети месте, ниже царским повелением содержим, ниже своего патриарха служением служа, ниже убо от недуга стужатися и недвижение творящего всеконечное содержим. Сицевый убо по ни единому реченных изветов возбраняемый своего отступая епископства и паче шестимесячного времени во ином месте временно косня, епископской чести же и достоинства отчуждится всеконечно.

На обороте: «Старец Епифаний руку приложи».

Соборное освященного и благодатию Духа Всесвятого собравшагося богоугоднии собора есть сугубое изволение. Первое, убо яко ему по священным апостольским соборным и святых отец правилом изволися, да богопоспешным пастыреначалника Христа Бога нашего содействием, новый пастырь верховный, святейший патриарх Московский, изберется, и благодатию Духа Святого на престол патриаршеский возведется. Сие есть богоугодное правильное и благополезное, ово убо да преукрашенная Невеста Христова, вдовствующая соборная апостольская церковь, богоизбранному видимому мужу, святейшему новому патриарху, обручится, престол патриаршеский от первопрестольного архиерея прави правится и словесное стадо Христово от пастыря верховного добре паствуется. Ово же яко многим патриархом греческим, самовольно престол свой оставльшим, абие соборно иные избираемы поставляеми и на престол патриаршеский возводимы бываху, яко и свиток мню, прежде по благощасливому пресветлого царского величества повелению написанный, являет.

Второе же, яко освященному и богоизбранному собору изволися, да Никон, бывший патриарх Московский, низвержется, сана архиерейского лишится, и не точию архиерейства, но и священства чужд будет. Сие изволение соборное дебелому уму моему несть достижно.

Первое, яко святый собор вселенский вторый святого Григория Богослова, самовольно престол свой Константинопольский оставльшего, не низверже, священство его чуждо не сотвори, сана архиерейского не лиши и власти архиерейской оному не отъяше. Святый бо Григорий Богослов поеже самовольно престол свой Константинопольский оставити, пришед во Назыанз, архиерейская священнодействова, мужа благоговейного, именем Евлалия хиротониса и того епископа постави, яко Григорий пресвитер, жития его описатель, свидетельствует.

Второе, понеже яко оставление престола, тако и отречение архиерейства несть правильное. Аще убо кто, душевредных грехов своих ради, архиерейства отречеся, сицевый и прежде отречения не бе достоин архиерейское священнодействовать. Аще же кто, душеполезного смиренномудрия ради, архиерейства отречеся, сицевый и по отречении достоин и должен есть архиерейское священнодействовать. По второму правилу святого Кирила Александрийского в послании к Домну сице глаголющу: чрез церковные есть уставы книжицы отреченный приносити неким священнодетелем. Аще убо достойны, да литоргисуют, аще же ни, да не отрицаются, но яко осуждённые да отходят.

Сего ради Феодул, епископ Макриский, писание архиерейского сана отрёкшийся, паки егда прочетшаяся отречение его не греха, но смиреномудрия ради бывшее быти явися, от святейшего патриарха Константинопольского Михаила Агхиала сана архиерейского наслаждатися, архиерейское действовать, и яко достойный епископ быть удостоился. Яко Арменопул свидетельствует в книге первой.

Сего ради Евстафий епископ, письменно епископства отрёкшийся, от святого третьего вселенского собора сие получить сподобился. Первое: да чести архиерейской наслаждается; второе, да по соизволению престольного епископа диаконов хиротонисует, иерея поставляет и прочее архиерейское священнодействует; третье, да в церковь вдовствующую и престольного епископа не имущую введётся. Яко свидетельствует третьего вселенского собора послание, ко собору Памфилийскому написанное.

Сего ради иерей Вианор, иерейства отрёкшийся, паки от святого и богомудрого Великого Василия иерейское священнодействовать сподобился.

Третье, яко епископы не могут епископа низложить без первого их епископа, по девятому правилу Антиохийского собора, так глаголющему: без первого их епископа, да ничтоже творят епископы. Как же возмогут низложить митрополиты патриарха своего без иного патриарха или его экзарха? Не бо лепотствует сыновьям отца своего чести лишать, овцам пастырю своему власть пастырскую восхищать и подчинённым архиереям чиноначального архиерея низлагать и того архиерейства же и священства чужда творить. Аще бо епископу, со своим митрополитом прящуся, годствует судитися пред патриархом Константинопольским, по девятому правилу четвёртого собора вселенского, так глаголющему: аще же какой епископ или клирик со митрополитом прется, да пред Константинопольским судится, колми паче митрополитам со своим патриархом прю имущим и того низложить хотящим пред Константинопольским патриархом судиться и от того на низвержение своего патриарха суда и изречения правильного просить подобает.

Но речет кто, яко иеромонах Матфей Властарый глаголет имя без вещи не бывает; убо кто остави епископство, сей несть епископ, последовательно же ниже архиерей. На сие глаголание Матфеево сице отвещаю: яко ино есть епископство, ино же архиерейство.

1-е. Яко всяк епископ есть архиерей, но не всяк архиерей есть епископ. Архиепископ бо есть архиерей, но несть епископ, архиепископ бо есть; митрополит есть архиерей, но несть епископ, митрополит бо есть; патриарх есть архиерей, но несть епископ, патриарх бо есть. Убо ино есть епископство, ино же архиерейство.

2-е. Яко власть епископская нарицается, меньшая бо есть власть епископская: тии бо точию иерея подчиняются. Бо́льшая есть власть архиепископская, или митрополичья: тии бо не точию иерея, но и сами епископы подчиняются. Величайшая есть власть патриаршеская: Тии бо не точию иереи и епископы, но и сами митрополиты подчиняются; архиерейство же не наляцается. Вси бо архиереи по архиерейству суть равны: таков бо епископ есть архиерей, яко ж архиепископ есть архиерей, и таков архиепископ есть архиерей, яко ж патриарх есть архиерей.

3-е. Яко вещь и дело есть сугубое архиерейское. Первое есть еже запрещать от общения отлучать, низлагать, и паству себе вручённую паствовать. И сие дело от епископа яко епископа действуется. Второе ж дело есть еже священнодействовать, диаконов хиротонисать, и иереев поставлять. И сие дело от епископа яко от архиерея действуется; убо понеже ино есть епископство, ино же архиерейство; может архиерей епископство убо и его дело первое оставить, архиерейство же держать, и второе дело архиерейское действовать.

4-е. Яко глаголание Матфеево предложенное не точию есть неблагословное, но и весьма есть нетвёрдо, понеже не единым правилом или деянием соборным утвердися.

Сие написах не яко прекословя освященному богоизбранному и благодатию Духа Святого соборное деяние правильно действующему собору. Мне бо паче благочинно молчать, нежель бесчинно и прекословно глаголать без вопрошания подобает, ниже писание от преосвященных архиереев греческих и богомудрого Дионисия архимандрита написанное охуждая. Кто бо чуждые писания охуждает, тот сам охуждаем бывает. Но мнение моё, от худого ума моего исходящее, проявляя, еже аще благословно освященному собору возомнится быти, да приемлется; аще же ни, да отмещется. И аже у имущих власть прощати, смиренно прощения прошу.

На обороте: «Старец Епифаний руку приложи». А в другом месте: К сему писанию старец Епифаний руку приложи». Там же, помета: 168, Мая.