№ 117. 1657 г., декабря 1. Грамота (в списке) патриарха Никона Валахскому воеводе Стефану, утешительная, по поводу убиения турками Константинопольского патриарха и нескольких греческих архиепископов и епископов, а также о данном дозволении Газскому митрополиту Паисию приехать в Россию, с просьбой оказать ему вспоможение со стороны воеводы Стефана и сообщить известие о вселенских патриархах

Никон, Божьей милостью великий господин и государь, архиепископ царствующего великого града Москвы и всея Великой и Малой и Белой Росии и всея северной страны и поморья и многих государств патриарх.

Благочестивейший христианнейший богопочтенный Стефане, воевода и владетель Молдавской земли победоносче славный, во Святом Духе сыне возлюбленный нашего смирения, благодать, мир, милость, благополучие, долгоденствие, победа на враги, видимые и невидимые и все аще что благо и спасительно от Отца и Сына и Святого Духа истинного Бога нашего, иже в Духе отец твой, благословлю тя вкупе со всем твоим воинством, сказуя яко и мы щедротами Вышнего и покровом Богородицы здравствуем. Настоящей сей нашей грамотой являем, яко чрез писаниепатриарха Константинопольского со иными многими архиепископы и епископы, литургию Святую празднующими, в самый день Благовещения Пресвятой Богородицы нечестивии Агаряне от престола взяша и прямо святые церкви на древе повесиша, от супостатов поляков на се поущенни; тем же жалостно прослезихомся, слышаще поганых руками тако святых и великих мужей умученных; но убо сия смерть временная оным святых архиереям вечной жизни виновна, по священному слову: веруй бо, рече, в Мя, аще и умрет, жив будет; убийцам же сих агарянам и на се поустителем Ляхом вечному томлению ходатайственна, иже купно яко ненавидящии Сиона Святые восточныя церкве от Господа посрамятся. Мы же яко за прочих всех православных христиан, сице и о вас Господа Бога Вседержителя молим, да крепкой своею десницею яко вас, тако и всех правоверных в мире, тишине и благоденствии соблюдет. Сопротивников же Агарян, в гордости своей хвалящихся и на Святую Восточную церковь и на сынов ея возстающих, да сокрушит и умертвит, яко же древле при Исаии пророце ангелом полки Ассириян, а да сотворит им яко Мадиаму и Сисаре, и да разрушит мысль их, аки Ахитофелю, да всяк православный, видя поганых Агарян, Богом сокрушенных, восхвалит высокую его десницу, христианский род защищающую. Вы же возлюбленнии, яко чада Божия непорочна посреди рода строптива и развращенна, стойте во благом своём обещании, им же к великому государю нашему царю и великому князю Алексею Михайловичу, всея Великой и Малой и Белой Росии самодержцу и многих государств Государю и обладателю обещастеся, неподвижно: и Бог Всемогущий, яко Отец милосердый, присная благополучения роду христианскому даровати не отречется. Еще зде назнаменуем, яко Паисий, митрополит Газский, в Мутьянской земле пребываяй, восхоте в царствующий град Москву путешествовать, к нему же и грамоту нашу послахом, и когда он тое путешествие начнёт, да сотворит ему пресветлость ваша в потребных вспоможение и да отпустит его к нам с любовью.

Еще хощем да отпустит пресветлость ваша и да отпишет с ним к нам светлость ваша к нам особного аще есть у вашея твоего посланца пресветлости ведомость, како ныне вселенстии патриархи пребывают, и не зельные ли им пакости нечестивии наносят, и вси ли на своих суть престолах, и несть ли каковаго агарянского новоумышленого на христиан беснования, еже да разрушит Бог крепкою своею и сильною десницею. Еще хощем да пришлёт пресветлость ваша к нам, великому государю, с твоим же со оным же Паисием или с особным пресветлости вашея посланием, к неделе Ваий катыря, на нем же действо по образу Христа Бога нашего обыче действоватися.

К сим молим, да творит пресветлость ваша грамотоносцу греку Мануилу Константинову должное милосердие; его же Мануила, яко чадо наше по духу возлюбленное, с сими нашими письмены к пресветлости вашей послахом, еже все сотворив, присно во благих здравствуй и благодать Господа нашего Иисуса Христа и любы Бога Отца и причастие Святого Духа да будет со всеми вами.

Дан в царствующем великом граде Москве, в дому преславной Царицы Богородицы, в лето от воплощения Бога Слова 1657, месяца Декабря дня 1.