Приложения

Каноⷩⷩ творенї кирила ѳїлософа иже сложи рꙋскꙋю грамотꙋ з гречесїа пѣваемъ по всѧ лнм глаⷵ ѕ҃ (№ 596, лл. 6об.–13)⁷.

пѣⷵ а҃ їрмоⷵ. Моїсеѡву поминающее дꙋше моѧ десницꙋ бѣжи грѣхолюбиваго егѵпта ї разꙋмнаго фараѡна ѿврьзисѧ работы да кртⷵнꙋю прїимеши палицоꙶ страстгле преидеши море. смиренїемъ въпїющи Гв҃и поемъ славно бо прослависѧꙵ.

Чего ѡжидаю и что на время взираю. мимошеⷣшаѧ лѣта помышлѧю и разѵмѣю множество ѕолъ моихъ. ѿ нихⸯже ѡʼбрати мѧ х҃е да пїю судебъ твоиⷯ пелынь. на прогнанїе грѣховнаго вреда, даже на затворѧтся двери покаѧнїа ї ѡбличатсѧ таины ї испытаютсѧ дѣла ї мысли ї судѧтсѧ грѣшници ꙵ.

Хощꙋ ни҃ѣ из‘гл҃ати предⷣ ѡбразомъ твоего подобїа хе҃ дш҃а моеѧ всю горесть и нерадсⸯтво и слабость тѣла моего. аще бо грѣси мои прѣтѧтъ ми молчати но ѿ болѣзни срцⷣа і̑сповѣдаютиⷵ їбо дѣлатель погꙋбивъ сѣмена не ѡста роліи и кꙋпець жаѧ заимъ стражетъ покаѧнїа радї ги҃ спс҃и мѧ».

Времѧ живота моего мало и полⸯно трꙋда дѣлъ ѕолъ моиꙷ. не сътꙷвори бо сѧ вꙷ житїи ѕлоьа ни грѣхъ весь. егоже а̑зъ сп҃се не съгрѣшихⸯ словомъ и дѣломъ и помысломъ, любовїю и видѣнїемъ и похотїю и̑ до ин҃ѣ раздражаю тѧ. сп҃си мѧ ѿ ѕлыхъ мыслеи свершенїа да не послѣднїи ми грѣхъ горѣе перⸯваго бꙋдетьꙵ.

воꙷ̑. Дв҃о мр҃їе мт҃и живота моего і невѣдѣнїю направленїе болѣзнемъ ѡ̑блегьчанїе ї напастемъ претворенїе спнⷵію надежа. оуꙵслыши моленїе моѐ и̑ сконⸯчаі̑ ми жади моѐ помышленїе імаши бо хотѣнїю помаганїе ꙵ.

пѣⷵ в҃. і̑рмоⷵ. Вънми нб҃о рече моі̑сей втораго написаѧ закона. прьваго преступивⸯшимъ есть судѧи пра́ведно. и въздаѧ кому́жоⷣ по дѣлоⷨ.

Адамⸯскаѧ помысливъ вⸯ бѣсов҅скаѧ в҅падохъ позаконⸯнаѧ е̑мсѧ вⸯ безаконⸯнаѧ оуклонихсѧ свѣтъ възненавидѣхⸯ въ тмѣ грѣховнеꙵ заблудїлъ е̑смь ⷰ.

Аще и мудра бѣ ѕмїа но немалу пагꙋбу а̑даму сътвори. тѣмж꙳ высокомыслїа гадомъ ї азъ прелⸯщенъ быхъ и бж҃їа блгтⷣи дара ѿпадохъꙵ.

Бесѣдꙋѧ е̑вжⸯин́ски съ плотьскими похотⸯми. ꙗко беⸯсловеснымъ гадомъ прелⸯщенъ быⷯ.

боⷢ̑. Ꙗко всѣхъ сыи̑ грѣшⸯнее на нⸯбо възрѣти не достоинъ есмь н̑о к тебѣ мати бж҃їа прчⷵтаѧ дрьзаю̀ на моленїе оумилосердїсѧ на мѧ їзбави вѣчнаго мучеⷩѧꙵ.

пѣⷵ. г҃. їрмоⷵ. Ꙗко бг҃ъ всесиленъ и̑знемогьшую грѣхⸯми дш҃ѵ мою̀ и срцⷣе ѕлыми запѵстѣнїи. все доброплодно сътвори. да дх҃омъ съкрѵшеномъ мл҃твꙋ ти принесуꙵ.

Ѿ пеленъ враги вⸯ плѣнъ веденъ быхⸯ и̑ бѣсовⸯскимъ запаленъ ѡгнемъ. безаконїемъ кипѧ всѧкъ грѣхъ съврьшаю̀. нимало не болю покаѧнїемъ но погибаю̀ величаꙗсѧ. хе҃ мои спс̑и мѧ ѿчаанⸯнагоꙵ.

В ю̑ности безаконїа вⸯ возрастѣ нечистыѧ похоти. въ старости стыдⸯкаѧ дѣла и̑ чрезъесⸯтвеныѧ грѣхи. и доселѣ не ѡстахъ скверны дїаволомⸯ аⸯстимъ. н̑о ѿнынѣ ги҃ каюсѧ їзбави мѧ вѣчныа̀ мукиꙵ.

Лютъ томитель имѣ́ю ѿ юности, ѕлыи ѡбычаи грѣховныѝ. и малоеⸯ ми ѡ̑но бысть пропасть велика. оу̑же бо съдоленъ вижусѧ грѣхомъ. но̑ на твоⷻ хе҃ взираю ми́лость не ѿчаю себеꙵ.

Ѿ тебе рождьшагосѧ ѿроковице бц҃е. їспрѡ́си ми ѿпуста веселитьбосѧ прошенїемъ тво́мⸯ. и̑ радꙋетсѧ оутѣшенїемъ не ѿлагае̑тъ на и̑сполненїе. свою̀ бо мнить сла́вꙋ твою̀, сн҃ве ти тобою радѵютсѧꙵ.

сѣⷣ. глаⷵ и҃. Никⸯто же ѿ скверны чистъ і̑ никтоже безвинны ѿ и̑нудь вⸯ члцѣхⸯ. аще ї едїнъ дн҃ь животъ ег. Токⸯмо ты едїнъ ѡблъкїисѧ вⸯ плоть наⷵ радї. ѿ дв҃ы мр҃їа вⸯзимаѧ грѣхи всего мира. многомлⷵтиве хотѧѝ всѧ чл҃ки спасти. бл҃гїи дш҃елюбць ѿць сиротамъ. бгъ каю̑щихся вра́чь дшаⷨꙸ нашимъ и тѣломⸯ. сп҃съ члкомъ и к тебѣ прибѣжимъ. да оу̑лучимъ спⷵнїеꙵ.

пѣⷵ д҃. їрмоⷵ. Провидѧ дх҃омъ авⸯвакумъ еже до мⷪеѧ нищеты твое х҃е схоженїе оукрѣплѧа смотрено въпїаше. ꙗ̑ростїю напрѧзи на враги лꙋкъ своѝ. і̑збавлѧа ѿ плѣна немлъчно въпїющаѧ̀. слава силѣ твоеꙵи гиⷵ.

Ѳилосѡѳъ хитрорѣчїа и вѣнець доброгласїа ѿ юности не навыкохⸯ. но грѣхомъ прилежа весь скверненъ сведесѧ. млтⷪ҇ве гиⷵ прїими мою мл҃твꙋ. не хитростїю слагаему, но ѿ горести дш҃а. ѡ грѣсехъ приносимуꙵ.

Хитро гл҃иво сло́во ї оувѣтлива оу̑ста. быстро стрѵжꙋщь рѣчїю ꙗ̑зы́къ. не и̑збавиꙶ мене ѿ муки ѕломыслено имуща срцⷣе. ѡскⸯвернѧющеми в похотѣхⸯ дш҃у ї въ глꙋбинꙸ страстнѣй погрꙋжаемъ ѡ млтивы спсе даи же ми времѧ покаѧнїюꙵ.

Притⸯчю смокве внимаю всуе хвалюсѧ. много словⸯнымъ листвїемъ плодъ добрыⷯ дѣлъ не творѧще ї вѣрꙋю въ ха҃ сн҃а бж҃їа тои бѣ́си вѣрꙋють, но҅ сꙋднаго дн҃и трепещꙋть. вонⸯже по дѣломъ чть и мука покаѧнїа радї ги҃ сп҃си мѧꙵ.

Боⷢ҇. Ꙗвленыхъ и неꙗвленыхъ вѣ́домыхъ и невѣдомыⷯ. ї чрезъественыхⸯ безаконїи ꙗкѡ бг҃ъ прости ми. мл҃твами бц҃а иже за всѧ молитсѧ. х҃е многомлтве тоѧ радї въ. зведї мѧ їз безⷣны грѣховны^а ꙵ.

Пѣ. е҃. і̑рмоⷵⷵ. Огненыи оумъ їсаиѧ дх҃омъ движимъ. провозглашаше оутренюѧ бг҃ꙋ молѧшесѧ. Приложити здл нечестивымъ. понеже истины не сътвориша на земли, тѣмъ възникии дш҃е моѧ ѿ мрака грѣховнаго ї ѡ̑за рисѧ свѣтомъ покаѧнїаꙵ.

Ѕлодеи врагъ бе^з студа нападе на м^ѧ ї въскрежета зѵбы завистїю, много браⷯсѧ и преможе мѧ вⸯпадохъ в сѣти его. ꙗко звѣрⸯь на оубїенїе оулови мѧ ї стрелою безаконїа оустрѣли мѧ. ї мечемъ грѣха ѕлѣ порази мѧ. і̑с҃е всѣхъ врачю исцѣли мѧ.

І̂скусникъ моеѧ вѣры преже на ѕло постречеть мѧ. его же а҃зъ ненавижу но любовными мно. вещьми. а̑ки оу̑зами свѧзанъ и̑ вⸯ прочаѧ влечеть мѧ грѣхи, и̑ хвалитсѧ ѡ̑ моӗи погибели, но̑ кающасѧ прїими мѧ хе҃ꙵ.

І̂зы́ди бѣжащи неѡбратно ѿ грѣховнаго дш҃е мѣста. і̑бо несѵщу на древѣ ѡвощꙋ нечасто похотію приходїть въ ѡ̑градꙋ. луче бо скитатисѧ га҃ радї. неже бо̀ вⸯ видї мом ꙋвѧзнути прꙋглѣ. да не бужеши съзидаа и̑ разорѧа дѣло гн҃ӗ.

Боⷢ҇. Мт҃и члк҃олюбцⸯа бг҃а е̑гда мл҃твы приносиши к сн҃у. за рѡ́дъ хртⷵїанⸯскїи. помѧни и мене грѣшнаго да не препрꙸнъ будꙋ. въздꙋшными мытари. да не ѡⷢтѧгъчаюⷢть грѣси моиⷢ вⷢ мѣрилѣⷯ на въздꙋсѣ но̑ свѣтоличнымъ а̑гг҃ломъ предаи мѧ̏.

Пѣ. ѕ҃. і̑рмоⷵ. Ꙗко їѡ̑на въпїю ти хе̑ вⷢ китѣ ѕⷢолъ моихъ ѡ̑дръжимъ. Їз глубины възведї мѧ҃ грѣховныѧ̀. даже не сконⸯчаетьⷵ дш҃а моѧ вⸯ цр҃квь ст҃ую твою̀ прїими мою млт҃вуꙵ.

Ревную̀ дшею̀ в дѣло гн҃е а тѣломъ низъпадаю въ грѣхⸯ. съдрьжимъ ѿ едїнаго срⷣьчнаго корене. аки древѵ мнѡги вѣтви помышленїа ѿ нихⸯже хе҃ сꙋщаѧ істреби грѣховныѧ гл҃ю похоти. да не с ними въ ѡгнь вⸯверженъ будꙋꙵ.

Щаденъ быхъ ї дони҃ѣ ꙗкѡ древо въ ѡ̑градѣ закона хв҃а. никогда же не сътвориⷯ блг҃оплѡдїа. моему блцⷣѣ ї блг҃одателю. трепещу прѡклѧтїа с посѣченїемъ. а̑ще покаанїѧ плода на ѡ̑но лѣто слезами не принесуꙵ.

В ро́въ погибелный мнѡгими съблазны безаконїи мои̑хъ л̑зъ ѡ̑каѧнныи вринꙋхсѧ нечаѧнїемъ ѡ̑дрьжимъ. ї потвихсѧ а̑ки каи̑нъ оубивъ мнѡ́гими грѣхи дш҃у моⷻ но̑ ты ги̑҇ ꙗко же хощеши. строенїемъ судебъ твоиⷯ сп҃си мѧꙵ.

Землѧ оукрашаетсѧ цаѣты. древо хва́лимо пло́а ради азъ же различными грѣхи ѡсквернихсѧ. тѣми съ владомъ. ѡ꙾҇ благ҃го цр҃ѧ мт҃и ты владѣеши всѣмъ і̑збавленїемъб млт꙼҇ь свою̀ їзлеи на мѧ ѡ̑стр꙼҇ирванⸯнаго. ты бо ꙋпова́нїе мое дрьжавноеꙵ.

Коⷣ гл꙼҇. в꙼҇. поⷣ. ꙗко начатⸯки. Дш҃евнаго паденїа по вс^ѧ часы еⷡв себѣ видѧ ї твое длъготрьпѣнїе слове прѡ̑бидѧ, всъⷯ бл҃гихъ лишиⷯсѧ ї всⷯцѣи муцѣ повиненъ быⷯ. но възведи мѧ уⷪже ѿчаꙗнⸯнаго. бц҃а радї мнѡгомл꙼҇тиве.

Пѣⷭ. з҃. їрмо꙼҇. Агг҃ломъ ѡ̑троки съхранивъ. вⸯкипѧщен̀ пламенемъ пещи. і̑ мучителѧ ѡ̑паливъ посра́ми. ꙗко бг҃ъ извѣстуѧ силу свою. е̑го же пою̑ще зовемъ блг꙼҇внъ бг҃ъ ѡ҆ц҃ь нашихⸯ.

Чюжихъ грѣⷯ испытникⸯ а своего безаконїа хранитель ѡправдаю꙼҇ ꙗзыкомъ а дѣлы горѣѐ невꙗрныⷯ, а̑зъ ѡ̑каа́ннⸯыѝ сведесѧ. инѣмъ треску въ ѡцѣ вид^ѧ а себѣ клады не чюж ѡ млт꙼҇ве ги҃ і̑ми же вѣси судомъ и̑ сп҃си мѧꙵ.

Инѣхъ ст҃ое житїе хвалю, а своиⷯ ѕо́лъ не ѡ̑стаю̑сѧ. ꙗ̑ко и̑нѣмъ подаѧ̀ зако́нъ. н̑о паче всѣⷯ безаконⸯноваⷯ. і̑ самѣхъ хо҃оу̑бїиць горѣє̀ быхъ. даныи ми таланⸯтъ ѕлѣ погꙋбиⷯ. аще ты х҃е взꙿигнеши мене суетно во сп꙼҇нїе члч꙼҇коꙵ.

Не могꙋ изъѡбрѣсти ѿ вѣ́ка подо́бна мнѣ грѣшника. і̑ того радї ѡ̑бїа́тъ тугою̀ нечт꙼҇и^ва себе нарицаю̀. лицѣмѣръ прⷣ чл҃ки а предⷣ бг҃омъ безаконикъ. ѡ̑ чемъ прьвїе покаю́сѧ аще не ты хе҃ бж҃е мои млт꙼҇їю сп҃сешї мѧꙵ.

Бѡⷢ҇. Бесѣдꙋѧ евⸯжинⸯски съ плотьскими похотьми. аки бесловеснымъ гадоⷨ прелⸯщенъ быхъ лютѣ. і̑ мно́га добра лишихсѧ. защитнице страшнаѧ преславнаѧ бц҃е мр҃їе. їзба́ви мѧ брани дїаволаꙵ.

пѣ꙼҇. и҃. і̑рмоⷵ. Цр҃ьскихъ дѣтеи млт҃ва пещьныѝ пла́мень прохладіꙵ. іꙵ ꙗ̑рость мучетелеву побѣди ꙗ̑ко в черⸯтозѣ пою̑ще гл҃ахꙋ. блгⷵвите всѧ дѣла гнⷵѧ га҃. пои̑те и̑ превъзносите є̑го въ вѣкиꙵ.

Никїи же мира сего санъ ѿ вѣчныа̀ муки и̑збавить, преступающиⷯ Бж҃їа заповѣдї. не лѡ́жь бо е̑сть не судѧѝ на лица, но̀ тебѣ молюсѧ влⷣко ѡчтⷵи мѧ преже конⸯца ї сп҃си мѧꙵ.

І̂ мало и̑ мно́го здѣ поживⸯше никакоже ихбыти смр҃ти. понеже и̑спытанїе дѣломъ здѣ Бж҃е прости ми да не ꙗко безⸯбоженъ, тамо мꙋченъ будуꙵ.

Блгвⷵимъ ѡ̑ц҃а и сн҃а и̑ ст҃го дх҃а га҃. Оуже времѧ коротитсѧ и сапогꙋ́ не ѿрѣшена въ стꙋгу въ е̑же е̑сть телесныѧ мои̑хъ раздрѣши ми хе҃ съзꙋзы грѣховныѧꙵ.

Боⷢ҇. Бц҃е дв҃о ѿрѣши ми ꙗ̑звы лютѣ гнию̑ща неꙗвленїемъ. маслоⷨ слезнымъ ѡⷢмывъ: і̑ платомъ покаѧнїа ѡбѧжи. и зрⷣава мѧ сътвори і̑ со ѡ̑дра нечаѧнїа въстави̑.

Хвалимъ блгⷵвимъ кланѧемсѧ гв҃и. поклонъ едїнъ до землѧ. їрмоⷵ и̑ – ѧ пѣⷵнꙵ.

Пѣнⷵь Бц҃и. Величить дш҃а моѧ га҃ і̑ възрадовасѧ дх҃ъ моѝ ѡ̑ вз҃ѣ сп҃се мое̑мⸯ. чтⷵнѣишу херꙋвимъ. поклоⷩ.

Ꙗко призрѣ. на смиренїе рабы своеѧ̈ се бо ѿни҃ѣ блж҃ать мѧ вси рѡ́дї. чтнⷵѣишу херꙋвимⸯ. поклонъ.

Ѧко призрѣ. на смиренїе рабы своеѧⷩ се бо ѿни҃ѣ блж҃ать мѧ вси рѡ́дї. чтнⷵѣишу херꙋвимⸯ. поклонъ.

Ѧко сътвори мнѣ величїе сильныѝ. іⷩ ст҃о имѧ є̑го и̑ млⷵть е̑го в рѡдъ и ро́дъ на боꙗщиⷯсѧ его. чтⷵнѣйшу херꙋвимъ. поклонъ.

Сътвори дерⸯжаву мышⸯцею своею. расточи горⸯдыѧ мысли срцⷣца иⷯ. чтнⷵѣйшу херѵвимⸯ поклонⸯ.

Низложи силныѧ̀ съ пртⷵлъ і̑ възнесе смиренⸯныа̑ а҆лⸯчющаѧ і̑сполⸯни бл҃гъ і̑ богатѧщаꙗсѧ ѿпусти тщⸯа. чтⷵнѣйшу херꙋ́вимъ. поклонъ.

Въспрїатъ і̑и҃лѧ ѿрока своего, помѧнꙋти мїлости. ꙗкоже гл҃а къ ѡ̑цм҃ъ нашимъ. а̑враа̑м^ѵ и̑ сѣмени еѣмени е̑го до вѣкаꙵ. чтⷵнѣишѵ херꙋвимъ. поклонъ до землѧ.

Пѣⷵ. ѳ҃. їрмоⷵ. Тѧ па́че оума єⷵственѵю дв҃у и̑ паче еⷵства бг҃а рожⷣьши. е̑вⸯжїну клѧтву потребивⸯшаго і̑ адама ѿ оу̑зъ їзб^авльшаго. е̑го же ин҃ѣ моли подати ми грѣховⸯ ѡ̑ставленїе. да тѧ бц҃е ра́достнымъ срцⷣемъ православно величаемъꙵ.

Взѧхъ кртⷵъ хвⷵъ его же до конⸯца не понесохⸯ. Како ли хртⷵїаниⷩ нарекꙋсѧ. ни е҆дїнаго ѡ҆бѣта чтⷵо несъхранихⸯ при всемъ сълⸯгахъ влцⷣе моѐму хꙋ҃. бѣжить пьтица борзо ѿ о̑рла. а̑зъ же скореє скачю къ грѣхꙋ. а̑ки рабы пожеръ оудїцꙋ. цѣпитⸯ мѧ мно́жество ѕо́лъ моихⸯ, ги҃ млт҃їю си їзбави мѧꙵ.

Хвⷵо легькоѐ и́го ѿврьгохъ, і҆ во сво^а волѧ навыко ходїти і̑ ді^аволь жажель на дш҃евнꙋю выю възложихⸯ. а̑ки ра́къ напреⷣⸯ нужею і̑дꙋ, а̑ назадь къ грѣхꙋ ꙗ̑ко ѻ̑нъ скоро текїи. оу̑добь врагомъ оуло́вленъ бывъ, а̑ки козлище въсхищенъ быкаю. і̑зми мѧ хе҃ да не ^оътренⸯ бꙋду а̑дьскими зубыꙵ.

Цр҃ьскимъ правыⷩ пꙋтемъ, хв҃а закона не і҆зволиⷯ хранити. оꙶклонихсѧ въ стѧзѧ неблаги. на грѣховноѐ настꙋпихъ тернїе, і тѣми сноженъ быхъ лютее но кⸯ тебѣ хе҃ въпїю даїже ми слезы покаѧ́нїа. іⷩ ѡ̑мыи̑ ми дш҃евныѝ гноѝ. и̑ сътвори мѧ сп^асе неи̑муща сквеныꙵ.

Боⷢ҇. Едїнъ ѿ трⷪ҇ца хс҃ и̑стинⸯныи бг҃ъ нашь млт҃вами ст҃ыа бц҃а пртⷣча і̑ нбнⷵыхъ силъ, а̑пⷵлъ же пррⷪ҇къ і̑ мчн҃кⸯ ст҃ль же и̑ прпⷣбныхъ посреди всѣхъ ст҃ыхъ достохвалⸯныхъ і̑спꙋсти ми глаⷵ ѿпущаюꙶтисѧ грѣси твоѝ идї в вѣчны миръꙵ.

Бж҃е вѣчныи. ц҃рю славы всего мира. сл҃нце праведное. свѣтъ истинныи. иже въс^аїавыи въ срⷣцѣхь боѧщихсѧ тебѣ ги҃. иже непостижимаго нераздѣлимаго ѡц҃ь плоды стократицею примы авелевы дары. моисѣевы ї ароновы и сщ҃енїе самꙋила и мирное ї авраама исаака иакова пре(д)ложение иже в пѫстыни ѿ (пѧ)ти хлѣбъ. и двою рыбѫ е нароⷣ насытивыи избыткы оукроухъ. в҃і. коша исполънивъ. и вшедъ в дѡмъ затхѣевъ и̑ рекъ днⷵь сп҃сенїе домоу семоу бысть і̑ авивыисѧ ст҃ымъ своимъ ꙋчика ї (омь)плⷵѡмь по въскр҃сенїи миръ дарова и̑мъ. тои^ж миръ. тоже сщ҃нїе тоже и блг҃венїе посли ги҃ бж҃е на(шъ) блгⷵвенїе на домы сїа и на плоды сїꙗ и на начаткы сїа и спѡⷣⷪби поємлющиⷯ ѿ емхъ на зⷣравїе и на спс҃енїе дшамь и̑ тѣломь нашимь на исцеленїе болѣзнемь и҆ просѧщимъ мьзоⷣу нбнⷵѫю, подаи г҃и в чтⷪь и в славꙋ тобѣ бг҃ѫ ѿц҃ꙋ млт҃вами и моленїемь пречт҃ыа его мт҃ре и силою чтⷵнаго и животворѧщаго кртⷵа ст҃ыⷯ и всехвалнихъ его празⷣникъ. бл҃говещені́а ржⷵтва гнⷵѧ ѡбрѣзанїа гнⷵѧ бг҃оꙗвленїа гнⷵѧ ꙋсрѣтенїа и вхѡⷣ въ і̑ерлⷵмъ преѡбраженїа гнⷵѧ распѧтїа гнⷵѧ снѧтїа съ кртⷵа положенїа въ гробъ испытанїа ребръ гнⷵихъ копїю и гѫбѣ и трости и гвоздеꙵ вонзеныхъ в рѫцѣ и вⸯ нозѣ гнⷵи ст҃го и҆ свѣтлаго и триꙵдн҃евнаго въскрⷵнїа га҃ нашего і̑с҃ ха҃ препловленїа празнⷣика влчⷣнѧ възнесенїа гнⷵѧ къ ѡ҆ц҃ѫ нбс҃а съшествїе ст҃го дх҃а на ст҃ыа а̑плы въ дн҃ь. и҃ и ст҃ыа̀ трⷪца неразделимаго бжтⷵва ѡ҆ц҃а и сн҃а и ст҃го дх҃а и ст҃го възⷣвиженїа чтⷵнаго и животворѧщего кртⷵа гнⷵѧ и всѣⷯ г҃ьскыⷯ празⷣникъ и҆ ст҃ыⷯ празⷣникъ влчⷣца нашеа бц҃а прⷵно двц҃а марїа блг҃овѣщенїа зачатіа введѣнїа въ ст҃аа̀ ст҃ыхъ. г҃. лѣтъ сѫщихъ покр҃ова знаменїа положенїа̀ ризы и поꙗса оуспенїа̀ и̑ похвалы и̑ всѣхъ еѧ чтнⷵы(хъ) празникъ и ст҃ыⷯ нбнⷵыⷯ сїлъ михаила и гаврила оурїила и арафаѝла и всего чинꙋ аггл҃ьскаго ї̑ архангильскаго и̑ ст҃го славнаго пррⷪка и пре^дитечи кртⷵлѧ гнⷵѧ і̑ѡанна чтнаго его зачатїа роⷤства оусѣкновенїа треꙶєе ѡбрѣтенїе чтⷵныа его главы и скора и всѣⷯ его чтⷵныⷯ празⷣникъ и҆ стыⷯ веⷬ҇ховныⷯ а҆пⷵлъ петра и҆ павла и҆ ст҃го а҆плⷵа а҆нⷣрѣа̀ и҆ стыⷯ. д҃ еѵⷢ҇листъ лоукꙋ матфѣа̀ марка і̑ѡана и̑ ѡ̑боюнадесѧть а̑пⷵлъ стыⷯ. о҃. апⷵлъ и̑ ст҃ыⷯ и̑ оу̑чителей црк҃овныⷯ василїа̀ великаго григорїа̀ бг҃ослова і̑ѡ̑а̑нⷬна злаꙶустаго і̑ѡ̑аⷩ҇ млтⷵиваго а̑фанасїа̀ и кѷрила николꙋ і̑а̑кова по плѡти брата гнⷵѧ аберкїа̀ ѐрапольскаго василїа климента е҆ѵ̑патїа селивестра петра новаго оу̑чителѧ рѫскїа земли и всѣⷯ ст҃ль ст҃го семѷѡ̑на бг҃опрїи̑мца и̑ анны пррⷪчицѣ и̑ ст҃ыхъ пррⷪкъ ильѝ і̑е̑лисѣа̀ е̑ноха двд҃а езе. кїилѧ є҆ремѣа̀ и ст҃го пррⷪка моѝсѣа̀ а҆моса и̑саі̑а̀ данила и̑ ст҃ыⷯ. г҃. ѡ̑трокъ анаанїи а̑заарїи мисаила и всѣⷯ ст҃хъ пррⷪкъ и ст҃ыхъ мчн҃къ пръвого мчн҃ка стефана і҆ а̑рхїдїа. кона геѡ́ргїа феѡдора стратилата дмитрїа̀ нестера прокофїа меркꙋрїа̀ никиты и҆ всѣхъ мчн҃къ и ст҃ыⷯ мⷱ҇. м҃. иⷤ б҆ севастїи и҆ ст҃ꙋю новоꙗ̀вⸯленꙋю мчн҃кꙋ бориса и҆ глѣба застѫпника рѫⷵскїа̀ земли и ст҃ыхъ безмѣзⷣникъ чюдоа творець козмы и дамїана флора и лавра кѵра і҆ и̑ѡ̑а̑нⸯна пантелѣи̑мона е̑рмолы самсона дїѡмида серⸯгѣа̀ и і̑ваⷦ҇ха и̑ всѣⷯ ст҃ыⷯ безмѣзⷣникъ ст҃ыхъ столпⸯникъ семѷѡ̑на данила давыда лукоу алѷмпїꙗ и всѣⷯ ст҃ыⷯ столⸯпникъ и̑ стго семѵона иⷤ на дивнѣѝ горѣ прпⷣбныⷯ и̑ бг҃оносныхъ ѡ̑ц҃ь нашихъ пꙋ́стынникъ антонїа арсѣнїа савы ларїѡ̑на макарїа̀ е́ѵ̑фимїа̀ а̑фанасїа̀ о̑ѳоньскаго варламїа̀ і҆ а̑саф феѡⷣⷪсїа̀ общежителѧ і̑ѡ̑ана лѣствинⷱ҇ика і̑ѡ̑ана а̑нтонїа феѡⷣⷪсїа̀ печерскаго и̑ всѣⷯ ст҃ыхъ прпⷣбьныхъ и̑ ст҃ыхъ ст҃ль и̑ чюдотворець петра митрополита московьскаго и̑ левонⸯтѣа̀ ростовьскаⷢ҇ и̑ всѣⷯ стыⷯ ст҃ль и̑ прпⷣбныⷯ чюдотворець кѷрила бѣлозерьскаго мартьмьꙗ̑на бѣлогоросⷣкаго дмитрїа̀ вологоⷣцкаго и всⷯ прпⷣбныⷯ чюдотворець и ст҃ыхъ исповѣⷣникъ гꙋрьа̀ самона і̑ савива дьꙗкона павла макѯима кѵрика їоулиты и всѣⷯ ст҃хъ исповѣⷣникъ и ст҃го правовѣрꙵнаго и̑ равнаа̑пⷵлѡⷨ цр҃ѧ кѡ́ньст҃ѧнтина и̑ мт҃ре еⷢ єлѣны и̑ ст҃го равⸯнаа̑плⷵѡмъ блг҃овѣрнаго кн҃зѧ во лодимера нареченⸯнаго въ ст҃мъ кр҃щенїи василїа̀ и ст҃го кн҃зѧ михаи̑ла черниговьскаго и̑ феѡⷣⷪра вое̑воды є̑го и̑ ст҃ыⷯ ѡ̑ц҃ь и праѡ̑ц҃ь а̑враа́ма и̑саака і̑а̑кова и̑ ст҃ыⷯ бгоѡ̑ц҃ь а̑кѷма и̑ а̑ннⸯыѝ и̑ ст҃го а̑лекѯѣа̀ члк҃а бж҃їа̀ и̑ ст҃го четверодне̑внаго въскрⷵнїа̀ дроуга хваⷵ лазарѧ и сестры є̑го марфы и марїи и ст҃ыⷯ женъ мѷроносиць и̑ ст҃ыⷯ ѻ̑ц҃ь. хл҃. і̑же в҅ халкидонѣ събора и̑ ст҃ыхъ ѡ̑ц҃ь. т҃иї. и҆же в҃ никїи събора. і҅ ст҃ыхъ ѡц҃ь. з҃ соборъ и̑же оу̑тверⸯдившихъ правовѣрнѫю̑ вѣрѫ и̑ ст҃ѫю҅ трⷪцѫ проповѣдаша и̑ ст҃ыⷯ женъ и дв҃ь пръвомчнц҃и феклы варвары е̑катерины еѷфимїѝ пелагїи и҆ринїѝ ꙋльа҆ны настасїѝ и҆ ст҃ыхъ женъ вѣры и любы и҆ надѣжи и҆ мт҃ри и̑хъ соѳїи парасковгїи нареченныа̀ пѧтница ст҃ыа̀ мчн҃цѣ неѡ̑нилы и̑ ст҃ыⷯ пррⷪкъ і̑ апⷵлъ и̑ мчн҃къ и̑ мчн҃ць постникъ и̑ постницъь пꙋстынниⷦ҇ и̑ пꙋстынниць стлъпникъ и столпниць и̑же въ всемь мирѣ страсти и̑ мѫкы претерпѣвше і҆ стаⷢ҇ града і̑ералⷵима і̑же въ і̑ерлⷵимѣ и ѻкрⷵтъ і̑ерлⷵима мѣсеъ чтнⷵыⷯ и̑ ст҃ыа софїа̀ премⷣрости бж҃їа̀ в неиⷤ вси ст҃і́и почитаеми соуть и̑ ст҃го їмр҃кь єгоⷤ рѡⷣ хртⷵїа̀ньскїѝ памѧть творить и празⷣнꙋеть ꙗко си соуть приношенїа преⷣ тѧ ги҃ подайже приносѧщимъ ги҃ вѣчныхъ бл҃гъ наслажеⷣнїе̑ ꙗ̑ко ты е̑си самъ истоⷱникъ и̑ блг҃остыни податель. тебѣ славꙋ́ всыла̀емъ ѡ̑цоу и̑ сн҃оу и̑ ст҃мꙋ дх҃оу и̑ ни҃ѣ.