Служба Пустозерским мученикам старообрядческого епископа Иннокентия (Усова)
Подготовка текста и комментарии Н.В. Понырко
Месяца апрелия, в 14 день. Святых священномученик и исповедник протопопа Аввакума, иерея Лазаря, диякона Феодора и инока Епифания, иже в пустозерске сожженных. Аще хощет настоятель, творит бдение1578
На малей вечерни. На «Господи возвах» стихеры на 4, глас 4, подобен: «Яко добля».1579
Яко солнце восия нам пресветлая память ваша, исповедницы божественнии, евангельским учением насыщении; превозмогосте еретическая смущения премудростию словес своих и силою Духа Святаго, Господа истиннаго, егоже славим со Отцем и Сыном.
Аввакума богомудраго, Лазаря пречюднаго и Епифания всехвальнаго с дивным Феодором да воспевают днесь вси людие; тии бо победиша насилие вражие безмерным терпением и мужеством и кончиною мученическою во пламени огненнем.
Громогласным ти языком сокрушил еси еретическия твердыни, богодухновенне Аввакуме, с пострадавшими с тобою необоримыми мученики; с нимиже предстояще престолу Господню, молися присно о мире всего мира и о спасении душ наших.
Слава, глас 6. Торжествуйте ныне вси концы землении, в память великих исповедник, иже вся славная мира сего презреша, да Христа приобрящут и да вседушно Ему работают, и просиявше славою мученическою, молятся Ему помиловати душя нашя.
И ныне. Богородичен.
На стиховне, стихеры,1580 глас 2, подобен: «Доме Евфрафов».
Да веселится Церкви Божия, лобызающи честная страдания священномученик и исповедник, подающих исцеления молитвами своими.
Стих: Возваша праведнии, и Господь услыша их.1581
Прославляя своя угодники Господь, прославил есть Аввакума, Лазаря, Феодора и Епифания, ихже молитвами богоуслышными спасаемся от бед и напастей.
Стих: Многи скорби праведным, и от всех их избавит я Господь.1582
Столпы четверочисленнии явистеся Церкви Божии, на нихже утвержающеся, славим Троицу единосущную во веки веком.
Слава, и ныне. Богородичен, глас и подобен той же.
С вышними силами воспевающе Тя, Богомати, величаем Прошедшаго из Тебе, Исуса Сына Божия, единаго Человеколюбца.
Таже1583«Ныне отпущаеши», трисвятое, и по «Отче наш» тропарь, глас 6, писан в велицей вечерни, Слава, и ныне, богородичен воскресен.
На велицей вечерни. Стихологисуем «Блажен муж», 1-ю славу.1584
На «Господи возвах» стихеры на 8, глас 4, подобен: «Иже зван свыше быв».
Егда божественное найде на вас звание, Аввакуме, Лазаре, Феодоре и Епифание, тогда огнепальною ревностию разжегшеся, обличаете заблуждения Писании Священными, и утвержасте люди в вере истинней, славяще Христа Бога, егоже молите спасти и просветити душя нашя.
Егда обольщением и прещением1585 понужаху вас отврещися апостольских предании, тогда Духа Святаго исполнившеся, добропобеднии мученицы, глаголасте к мучителем: Ничтоже нас отторгнет от Церкви Божия и от веры истинныя, еяже ради готовы есмы страдати, Господу поспешествующу1586. егоже ныне молите, умирити мир и просветити душя наши.
Егда отступницы предаша святых градским казнениям, тогда иерею Лазарю, диякону Феодору и преподобному Епифанию языки отрезаша, и с протопопом Аввакумом сослаша в заточение, идеже в смрадных темницах, гладом и нуждею удручаеми, пребыша до кончины в вере истинней, и ныне молятся Христови, спасти и просветити душя нашя.
Егда ни муками, ни заточении еретицы не возмогоша отлучити вас от Церкви Христовы, непобедимии страстотерпцы, тогда осудиша вас живы сожещи огнем, и соделаша сруб древян; вы же, простившеся друг со другом, мужественно внидосте1587 во нь, и сгоресте убо телесы, душя же своя предаете в руце Божии, егоже возлюбисте.
Иже свыше приемше священное звание, доблемудрии исповедницы, и любовию к Богу распалаеми, наставляете люди на путь спасения учении божественными и чюдес множеством; и по мученичестей кончине, водворяющеся в Вышнем Царствии, сохраняете нас невреждены, молящеся Христови умирити мир и спасти душя наша.
Чада суще Евангелия, блажени вы, мученицы, яко изгнани бысте правды ради;1588 блажени вы, исповедницы, яко умиротворяете Церковь Христову, блажени вы, святии, яко, чисти сущи сердцем, узресте Бога;1589 вы бо соль земли необуявшая,1590 последовасте Христу тесным путем,1591 внидосте в радость Господа своего,1592 яко умножившии вручении вам таланты.
Слава, глас 8. Мученицы божественныи, кая1593 мучения не подъясте, и в темницех заключаема и узами железными связуеми, и биеми болезненне, и гладом томими бысте; и языки вам отрезаху, и руки отсекаху, вы же с радостию вся сия терпесте, веры ради и любви, яже ко Христу Богу, Спасу душам нашим.
И ныне. Богородичен «Царь Небесныи». Выход.1594 Прокимен1595 дню, и чтения три, исповедническия.1596
На литии. 1597 Стихеры, глас 3, самогласны.1598
Да радуется с нами небо и земля в пресветлую память исповедник Господних, Аввакума, Лазаря, Феодора и Епифания, иже претерпеша мучения многая и в пламени сожжение, веры ради християнския; и ныне предстояще престолу Господню, молят спастися душам нашим.
Дивна дела Твоя, Господи, ихже Ты являеши рабом твоим; Лазарю бо, Феодору и Епифанию мучители отрезаша языки, и чюдесне израстоша; и паки отрезаша их и руки отсекоша, и паки чюдесне израстоша; и глаголаша святии ясно,1599 проповедающе Тя Спаса душам нашим.
Ревностию божественною подвизаем, и благодатию Духа Святаго укрепляем, священномучениче Аввакуме, исполнил еси мир писании спасительными и чюдес множеством, и явился еси столп крепости от лица вражия; и ныне с пострадавшими с тобою молишися Христу Богу, да спасет душя нашя.
Яко гроздие истиннаго винограда Христова, обрезаны быша уды1600 телес ваших, и яко жертва всесожжения богоприятна, сожжени бысте во огни, и яко пастырие и учителие непреложнии, и из пламени огненнаго утвержаете християны, показующе истинное креста знамение.
Слава, глас той же. Кто исповесть ваши подвиги и страдания, ихже подъясте ради благочестия; кто изочтет вашя чюдеса и исцеления, ихже совершисте благодатию Божиею яко в животе, тако и по преставлении, святии мученицы; исцелите нашя болезни, душевныя и телесныя, молитвами своими.
И ныне. Богородичен «Без семени от божественнаго».
На стнховне. Стихеры, глас 5, подобен: «Радуйся, Живоносныи Кресте».
Радуйся, Аввакуме богоглаголиве, благочестия свеще неугасимая, иже огнем богодухновенных ти словес пожегл еси плевелы еретических мудровании; радуйся и Лазаре преблаженныи, с Феодором славным, и Епифанием преподобным, претерпевшии двократное язык урезание и рук отсечение; исповедницы непобедимии, столпы церковнии незыблемии, Христови молитеся, даровати душам нашим мир и велию милость.
Стих: Возваша праведнии, и Господь услыша их.
Радуйтеся, мученицы доброхвалнии, иже Христа ради вся красная мира сего ни во чтоже вменившии, разлучаеми от друзей и ужик1601и ссылаеми в страны дальния, в острог Пустозерскии, идеже заключени бысте в темницы подземныя,1602 но не престасте утвержати верных Писании Божественными, тем1603 живы сожжении бысте, моляшеся за мучителей своих, яко ученицы Христовы истиннии, да получат вси мир и велию милость.
Стих: Многи скорби праведным, и от всех их избавит я Господь.
Радуйся, великая Земле русская, яко в тебе возсияша светильницы немерцаюшии, преславнии священномученицы, Аввакум, Лазарь и Феодор, с дивным преподобномучеником Епифанием, иже разгоняют тму еретическую учении православными и чюдес множеством, и святою кончиною страстотерпческою, и молятся Христови, подающему мирови велию милость.
Слава, глас 1. Подобаше хладней северней стране согреятися благодатными светлостьми мученик Господних; и сослани быша в ню1604 четверочислениии исповедницы, и сожжени во пламени, согревают оледеневшая грехми сердца теплотою молитв своих.
И ныне. Богородичен «Се исполнися».
На благословение хлебом. 1605 Тропарь, глас 6. Яко апостолом подобницы, и священником наставницы, и яко путеводителие заблуждьшим, и пастыри добрыи, положившии душя своя о спасении словесных овец Христовых, молитеся о нас единому Человеколюбцу Богу. Дважды. И «Богородице Дево радуйся», единощи. Сице глаголем тропарь, аще всенощное поем. А идеже не бывает всенощное, малыя вечерни не поем. На велнцей вечерни тропарь глаголем единою. Слава, и ныне. Богородичен «Иже благословенную нарекии».
На утрени. На «Бог Господь» тропарь 2-жды. Слава, и ныне. Богородичен.
По 1 стихологии. 1606 Седален,1607 глас 1, подобен: «Лик ангельский».
Кротость и мужество ваше удиви мучителей, противистеся бо им терпением мук и побеждаете силою словес своих, ихже внуши вам Дух Святый, тем днесь празднующе святую память мучении ваших, исповедницы премилостивии, просим грехов всех оставления. Дважды. Слава, и ныне. Богородичен. Пристанище тихое и наставнице заблуждьшим, Владычице, направи мя на путь спасения, вдающагося1608 в мори житейстем, обуреваемаго напастьми вражиими и потопляемаго волнами страстей и зол лютых, и спаси мя молитвами своими.
По 2 стихологии. Сдален, глас 8, подобен: «Премудрости».
Благодатию Духа Святаго насыщени, священномученицы пребогатии, питаете пищею духовною верных и отгоняете пагубныя волки от стада словесных овец пращею слова Божия, и пострадаете мужественно, взывающе пастыреначалнику Христу: Иного разве Тебе Бога не знаем.1609 Дважды. Слава, и ныне. Богородичен. Постигнути никакоже может ум человеческий и ангельский Твоего преестественнаго рожества таинство, Пречистая Богородице, како без мужа воплотися от Тебе Бог Слово и ключа девства не руши, но верою несумненною сие приемлем, Богу бо достойна суть преславная, еже на Тебе содеяся, на спасение человеком.
Величание. Величаем вас, страстотерпцы Христовы, Аввакуме, Лазаре, Феодоре и Епифание, и чтем честная страдания ваша, вы бо молите за нас Христа Бога нашего.
Псалом избранный: «Бог нам прибежище и сила».1610
По полиелеосе. 1611 Седален, глас 1, подобен: «Гроб Твой».
Яко четыре реки райския, напояющия души, жаждущия правды, и омывающия скверны греховныя, явистеся, Аввакуме, Лазаре, Феодоре и Епифание, и волнами своих мучении потопившии гнилостную ладию ересей, и прославистеся на небеси и на земли, яко велиции священномученицы. Дважды. Слава, и ныне. Богородичен. Богоневестная Дево, рождьшая истинное солнце правды Христа, разсей моих грехов тму душетленную, и настави мя на путь покаяния, и спаси мя покланяющагося верою рожеству твоему.
Степенна,1612 4-го гласа. Антифон1613 1. Прокимен: Честна пред Господем смерть преподобных Его.1614
Стих: Что воздам Господеви о всех, ихже воздаст ми.1615
Таже: «Всяко дыхание». Евангелие от Матфея, зачало1616 36.
По 50-м псалме, стихера, глас 6.
Благочестия истиннаго проповедницы, сожженнии во пламени огненнем, водрузистеся на тверди церковней, яко звезды светосиятельныя, и освещаете темную нощь неверия, и озаряете сердца верных учении божественными и предивными чюдотворении, мученицы достохвальный, молитвенницы о душах наших.
Канон Богородице, со ирмосом на 6, и священномучеником оба канона на 8.
Канон священномучеником, глас 1.
Песнь 1. Ирмос:1617 Твоя победительная десница.
Запев: Святии священномученицы и исповедницы, молите Бога о нас.
Ваши победительныя десницы отсечены, и языки отрезаны быша, Лазаре, Феодоре и Епифание, вы же не престасте, купно с Аввакумом, евангельское учение проповедати.
О, чюдо предивное, мучители изнемогоша, мучаще святых, мученицы же никакоже ослабеша, укрепляеми бо быша божественною благодатию.
Истиннии подражателие Христу, уподобистеся Ему временем кончины, в самый бо день страстей Его, в Великии пяток, живы сожжени бысте.1618
Богородичен. Древле убо Моисей созда киот Завета Ветхаго,1619 Ты же, Пресвятая, явися одушевлен киот Новаго Завета, рождши Господа обоих Заветов.
Другии канон, священномученику Аввакуму единому, имыи кранегранесне:1620 «Аввакума славите, вернии вси».
Канон, глас 5.
Песнь 1. Ирмос: Коня и всадники.
Запев: Святый священномучениче Аввакуме, моли Бога о нас.
Аввакума великаго страстотерпца труды и подвиги како возмогу воспети, недостойный аз, но дерзаю на сие, надеяся, Христе, на Твою всесилную помощь.
Веселятся небеса, и радуется земля в память исповедника Господня, победившаго противныя1621 безмерною любовию к Богу и мучением ради славы Его.
Возлюбил еси измлада Христа Бога, егоже заповеди соблюдая, спасл еси дщерь вдовицы от насильства болярина,1622 не щадя живота своего, Аввакуме благодерзновенне.
Богородичен. Сын Божии сын человеческии бысть Тобою, Пресвятая, да нас, сынов человеческих, сотворит сыны Божия по благодати, темже Тя с любовию славословим.
Песнь 3. Ирмос: Едине сведыи земных.
Едине сведыи мученик страдания неизреченныя и нашу немощь греховную, спаси нас, Милосерде, молитвами страстотерпец Твоих.
Подвигоположник Спас не остави вашя подвиги и труды без праведнаго воздаяния, но яко добропобедных мученик славою и честию венчал вы есть.
Стариы и юноши, иноци и простии, и святители со иереи, и вси людие. воспойте днесь святых мученик, Аввакума, Лазаря, Феодора и Епифания, присно бо молятся о нас Господеви.
Богородичен. Радости всяческий исполнишеся, отнележе1623, Пречистая, услышала еси радость от ангела, и родила еси Христа, источника истинныя радости.
Ин ирмос: Утвержеи ни на чимже землю.
Агньцу Божию, вземлющему грехи мира, подобяся, яко агнец в жертву принесеся, святе, жив сожжен от злочестивых, веры ради и любве християнския.
Кая темница не име тебе узника, кая ли область не име тебе благовестника, от запада бо до востока и от востока до запада прехождаше,1624 утвержая верных.
Ум огненныи имея, священномучениче, попалил еси терние ересей учении православными, и чюдесы преславными, и житием воистину богоугодным.
Богородичен. В чюждую Египетскую страну избегшая с предвечным Младенцем от Ирода, Богородице, сохрани избегших от злых гонителей, покрывая их покровом милости своея.
Сдален, глас 3, подобен: «Красоте девства».
Мученицы добропобеднии, Феодоре дияконе богогласныи, и иерею Лазаре досточюдныи, с протопопом Аввакумом премудрым, обличивший козни сопостата, и преподобный Епифании, ясно исповедавшии Троицу нераздельную, единомудрствующе купно, от напастей нас избавите.
Слава, и ныне. Богородичен. Божественное проречение, еже семя жены сотрет главу змия,1625 исполнися на Тебе, Приснодево, воплотивыися бо от Тебе без мужескаго семени Христос сотре главу злоначальнаго змия, и спасе род человеческий от прародительнаго греха, и рая жители сотвори нас.
Песнь 4. Ирмос: Гору Тя, благодатию Божиею присенну1626.
Мняху1627 ересеначальницы, яко лишиша вас санов священных, но Господь сохрани на вас священство и честь, и славою мученичества венчал вы есть.
Огненным пламенем сожженнии, святии исповедницы, сохраните жилища наша от огненнаго запаления и души нашя от огня вечнаго.
Приясте Царствие благолепия и венец доброты от руки Господни, славнии мученицы, и небесною красотою облистаете вселенную всю.
Богородичен. Ни разум мудрец, ни витий хитрословесие не возмогут постигнути и воспети девственное Ти рожество, Мати Бога Вышняго.
Ин ирмос: Божественное Твое разумев смотрение1628.
Мысль свою вперив к Богу и очистив душу от тины греховныя, явился еси сосуд благодати Божия, священномучениче, молися, да не явимся сосуды гнева Божия.
Аще и предаша тя еретицы озлоблениям1629 лютым, но не поколебаша духа твоего силу, Духа бо Святаго исполнен был еси обильно.
Славит тя вся Русская страна, и вернии тобою укрепляются, Церкви же Божия веселится, Аввакуме, прославляя твоя страдания безчисленная.
Богороднчен. Чюдо дивное, яко носяи всю тварь рукою своею, рукама Девыя носим явися яко младенец, да спасет человека, младенствующа грехом.
Песнь 5. Ирмос: Просвещеи сиянием пришествия.
Отсеченная десница иерея Лазаря чюдесне сама сложи персты по святоцерковному преданию двоеперстно,1630 на обличение отступник.
Благодатная отрасль святыя обители Соловецкия, преподобный Епифание,1631 и по втором ти отрезании языка Христос яве дарова тебе язык правоверно хвалити Его.1632
Аще и поколебася Феодор диякон во благочестии,1633 но вскоре исправи свое падение, претерпев двократное отрезание языка, и руки отсечения, и смерть огненную.
Богороднчен. Избави страну нашу от междоусобныя брани и мятежей, и даруй мир мирови, и спаси нас своим заступлением, Всенепорочная Владычице.
Ин ирмос: Одеяися светом яко ризою.
Люди и скоты исцеляше и бесы прогоняше,1634 чюдеса многа сотворяя в славу Христа Бога нашего яко служитель Его и угодник великии.
Апостольскими труды и подвиги украсился еси, и язык богогласен стяжал еси, священномучениче Аввакуме, благочестия светом просвещаше люди.
Витийства суемудренных посрамил еси простотою словес,1635 чюдесы божественными и молитвою благоприятною, еюже и ныне сохрани нас от всех искушении.
Богороднчен. Вся, яже на Тебе бывшая таинства, непостижима суть, прежде бо рожества Дева, и в рожестве Дева, и по рожестве паки Девою пребывавши, Мати Христа Бога.
Песнь 6. Ирмос: Обыде нас последняя бездна.
Елико ты нас боле мучиши, толико мы боле любим тя, – взываете святии к царю мучителю, яко истиннии блюстители заповедей евангельских.
Ужаснися, небо, и устрашися, земля, зряще праведник, живы сожигаемы от своих единоплеменник за отеческое благочестие, сердца же еретик нечювственни пребываху.
Лики святых с нами невидимо молятся в праздник страстотерпец Аввакума, Лазаря, Феодора и Епифания, иже древним мучеником уподобишася и с ними ликовствуют.
Богородичен. Создатель создася плотию в Тебе, Всенепорочная, да создание Свое, истлевшее грехом, возведет в первое достояние, от негоже древле испадохом.
Ин ирмос: Волнящееся бурею.
И восток дальнии, и север хладныи, и вся Русская страна освятишася стопами ног твоих, обтекл бо еси апостольски землю, просвещая люди светом Евангелия.
Тя славят святители со иереи, и весь собор благочестивых, в животе бо сиял еси чюдесы предивными, и ныне не оставлявши нас своею помощию.
Евангельскою простотою и святостию крепко оградився, Аввакуме, и на нечестие ополчився, крепость ересей низверг, твердый проповедник явися.
Богородичен. Ходатаицу приводим Ти Матерь Твою, Христе, воззри милостивым си оком на достояние Свое и сохрани нас от страха и бедствий, грядущих на вселенную.
Кондак, глас 2, подобен: «Твердыя».
Богодухновенных исповедник, Аввакума, Лазаря, Феодора и Епифания, претерпевших муки лютыя и живыми сожженных, приял еси, Господи, яко жертву непорочну, един сый прославляяи святых Своих.
Икос. Озари омрачение ума моего, Христе, яко да дерзновенно отверзу уста воспети труды и страдания четверочисленных мученик Твоих, ихъже подвигом и терпению удивишася видимая же с невидимыми, защищаху бо обидимых от руки обидящих, не бояся лица силных, и искореняху языческия обычаи и кощуны,1636 обличаху ереси и утвержаху православие, и претерпеша узы, темницы, биения, раны, отсечения удов, глад, и мраз, и смерть во пламени огненнем; и прославил еси их по всей земли, един сый прославляли святых Своих.
Песнь 7. Ирмос: Тебе мысленную, Богородице, пещь.
В онь же день июдеи предаша Христа смерти крестней, в Пяток великии, еретицы предаша святых смерти огненней,1637 поющих: Отцем Бог, благословен еси.1638
От пепла сожженных мученик, возникоша тмы верующих, по проречению священномученика Аввакума, егоже славим с Лазарем, Феодором и Епифанием.
Процветосте, праведницы, яко финик,1639 украшающе живоносныи сад церковный, в немже прохлаждающеся взываем: Отцем Бог, благословен еси.
Богородичен. Истребившая прародителями грех рождьшимся из Тебе, Мати Божия, истреби грехи моя многия ходатайством си1640.
Ин ирмос: Превозносимыи отцем Господь.
В стране Сибирстей многолетно странствуя в полку воеводы свирепаго,1641 терпел еси глад и мраз и истязания многая за правду божественную, поя: Боже, благословен еси.
Еретическая ополчения и козни бесовския сокрушил еси силою крестною и мученическими подвиги, и явися необоримая крепость Церкви Христовы.
Ревностию и любовию Божиею подвизаем, обличаше злодейства боляр и воевод, защищая неповинных, яко обидимым заступник и нищим помощник.
Богородичен. Да посрамятся не исповедующии Тя истинную Богородицу, и да веселятся вси вернии, имуще Тя молитвенницу неусыпную ко Христу Богу.
Песнь 8. Ирмос: В пещи дети израилевы.
Язык исчести не может ваших подвиг и чюдес неизмеримую пучину, мученицы Господни, пастырие словесных овец, Русстей земли украшение, Церкви святей слава.
Нечестия обуздатели и благочестия насадители бысте, исповедницы, насыщая верных учении правыми и просвещая вселенную молитвами своими.
Ни щит, ни мечь, но крест Христов вземше, оружие непобедимое, мученицы, поразисте силу вражию и научисте глаголати: Пойте и превозносите Бога во веки.1642
Богородичен. Исполняя Твое проречение, ныне блажим Тя, вси роди1643 християнстии, Тобою бо блаженства неизглаголаннаго наследницы явихомся.
Ин ирмос: Тебе Вседетелю.
На судищи неправеднем дерзновенно защищаше предания апостольскии,1644 еже не терпяще, отступницы изгнаша тя в заточение и во огни сожгоша.
И Даурская страна, и град стольный Москва, и Сибирская тайга, и Поволжский веси, и области моря Студенаго имяху тя пастыря и учителя1645 и наставника на путь спасения.
Изволил еси приметатися к Церкви Божии, неже сообщатися со отступники,1646 иже ссылаху тя и на восток, и на север, жестоце истязующе, исповедниче Аввакуме.
Богородичен. Умоли Сына своего, Христа Бога нашего, просветити одержимых тмою неверия, утвердити православие и спасти душя наши.
Песнь 9. Ирмос: Образ чистаго рожества Твоего.
Четырьмя времени круг лету венчавыи Господь, яви четырех мученик, Аввакума, Лазаря, Феодора и Епифания, украшение Церкви своей, ихже величаем.
Простистеся друг со другом, идуще на огненное сожжение, молитеся о всем мире, святии, простите нам грехи наши и молитеся о нас, да вас непрестанно величаем.
Предстояще престолу Божества со всеми святыми, мученицы Господни, молитеся в мире сохранитися Церкви святей и спастися любовию вас величающих.
Богородичен. Солнце мысленное восия из Тебе Христос Бог и лучами милости своея освети вселенную, и спасе всех, Тя, Богородице, непрестанно величающих.
Ин ирмос: Исайе, ликуй, Девая бо име во чреве и породи Сына Еммануила, Бога же и человека, Восток имя ему, егоже величающе, Тебе, Дево, ублажаем.
Волю Божию исполняя присно, псаломски глаголал еси правду и пред цари небоязненно, яко иерей истинный, того ради жива сожгоша тя.
Святую Троицу единосущную исповедал еси ясно, яко словесы, тако и писании, Ейже поклоняющеся, тя, священномученнче, ублажаем.
Истнил1647 еси яко исполин еретическия ополчения, и попрал еси козни вражия ногама трудов и подвиг мученических, и молишися о всех тя верно ублажающих.
Богородичен. Предстательнице теплая, ходатаице неусыпная, Богородице милосердая, молися о нас Господеви со святым исповедником Аввакумом, егоже славя, песнь скончаваю.
Светилен,1648 подобен: «Духом предзря».
Свет пламени, имже сожжени бысте, Аввакуме, Лазаре, Феодоре и Епифание, освещает поднебесную паче солнечных луч и согревает душя верных, направляя на путь правый. Дважды.
Богородичен. Жилище света истиннаго Ты бысть, Приснодево, из Тебе бо Христос восия плотски и просвети мир светом боговедения, разгоняя тму многобожия и безбожия, яко милосерд.
На хвалитех стихеры,1649 на 4, глас 8, подобен: «Что вы наречем».
Что вас наречем, святии: мученик ли, яко пострадаете за имя Христово; исповедник ли, яко мучими бысте от еретик; пастырей, упасосте бо верных; учителей црковных, участе1650 бо вере истинней и любви нелицемерней; и молитеся спастися душам нашим.
Что вас нареку, божественнии: реки ли, исходящий из Едема и напаяющая сердца верных и орошающая сады церковнии; столпы премудрости, сосуды благодати Божия, ангелом сограждение, молите спастися душам нашим.
Егда зима еретическая хотяще оледенети Церковь Божию, тогда, исповедниче Аввакуме, разгнал еси мразную мглу смущении, темже сожжен был еси, с Лазарем, Феодором и Епифанием, и согреете душя благочестивых, и молите спастися душам нашим.
Слава, глас 5. придите, христолюбивии народи, почтем с любовию мученик всехвальных, Аввакума, Лазаря, Феодора и Епифания, иже победиша ярость мучителей и упразднише тму еретическую, претерпевше муки лютыя, и явишася обители Святыя Троицы, Ейже ныне предстояще, молятся о душах наших.
И ныне. Богородичеи.
Славословие великое. И отпуст.1651
На литургии. Блаженна:1652 песнь 3 перваго и песнь 6 втораго канона. Прокимен, глас 4. Святым, иже суть на земли Его, удиви Господь вся воля своя в них.1653 Стих: Предзрех Господа предо мною выну, яко одесную мене есть, да ся не подвижу.1654 Апостол: К евреом, зачало 334. Аллилуия. Евангелие: От Луки, зачало 77 «Рече Господь: Не бойся, малое стадо».1655 Причастен:1656 «Радуйтеся, праведнии, о Господе».
* * *
…творит бдение. – Т. е. совершает бденную службу, праздничную службу со всенощным бдением.
...На «Господи возвах» стихеры на 4, глас 4, подобен: «Яко добля». – «Господи, воззвах» – так называется группа псалмов (140, 141, 129 и 116), которые вместе с присоединяемыми к ним стихерами составляют одну нз основных частей вечерни. Называются так по начальным словам 140-го псалма: «Гсподи, воззвах к Тебе, услыши мя...». «Стихеры на 4» – традиционная форма уставного указания; глас – один из восьми напевов в системе осьмогласия, составляющей основу знаменной музыки. Подобнами называются песнопения, которые следует использовать как музыкально-ритмический образец при исполнении той или иной стихеры или тропаря.
....На стиховне стихеры... – «Стихеры на стиховне» составляют заключительный ряд песнопений вечерни; называются так потому, что присоединяются к особым стихам, избранным из различных псалмов.
Затем;
...Стихологисуем «Блажен муж», 1-ю славу. – Речь идет о чтении (стихологисании) 1-й кафизмы Псалтыри, начинающейся словами 1-го псалма: «Блажен муж, иже не иде на совет нечестивых...». В богослужебной Псалтыри каждая из кафизм разделяется на три «славы», т. е. части (после чтения каждой из частей чтец возглашает: «Слава Отцу и Сыну и Святому Духу...»).
угрозою;
с помощью Господа;
вошли;
...тесным путем... – См. Мф.7:13–14.
...внидосте в радость Господа своего... – См.: Огласительное слово на Пасху Иоанна Златоуста («...все войдите в радость Господа своего»).
какие;
...Выход. – Здесь имеется в виду так называемый малый выход (вход) священнослужителей из алтаря через северные дверн иконостаса и вхождение их в алтарь Царскими вратами.
Прокимен – стих из псалма, предваряющий чтение Евангелия, Апостола, Паремий.
...и чтения три, исповедническая. – Имеется в виду чтение Паремий, отрывков из Священного Писания. При службах святым исповедникам, подвиг которых заключается в исповедании веры, читаются специально предназначенные для этого случая Паремии.
Лития – часть всенощного бдения, совершаемая в притворе или же в той части храма, которая ближе всего к притвору.
...Стихеры... самогласны. – Самогласными называются стихеры, имеющие оригинальный напев, предназначенный только для данной стихеры.
...Лазарю бо, Феодору и Епифанию мучители отрезаша языки, и чюдесне израстоша; и паки отрезаша их и руки отсекоша, и паки чюдесне израстоша; и глаголаша святии ясно... – Священника Лазаря, дьякона Феодора и инока Епифания «казнили» урезанием языков в первый раз еще в Москве вскоре после собора 1667 г., предавшего старообрядцев анафеме; затем, в 1670 г., уже в пустозерском заточении, их вновь подвергли гражданской «казни»: на этот раз, кроме повторного вырезания языков, им отсекли кисти правых рук, Лазарю – полностью, Феодору – до половины ладони, Епифанию – только персты (см. Житие протопопа Аввакума, им самим написанное: наст. изд. Т. 17).
члены, части;
близких;
...ссылаема в страны дальния, в острог Пустозерскии, идеже заключена бысте в темницы подземныя... – После Московского собора 1667 г. протопоп Аввакум, священник Лазарь, дьякон Феодор и инок Епифаний были отправлены в заключение в Пустозерский острог, располагавшийся за Полярным кругом в дельте реки Печоры (20 км от современного города Нарьян-Мара), там для них специально была построена тюрьма, представлявшая собой четыре отдельных деревянных сруба, засыпанных землей и обнесенных дополнительным общим острогом.
потому, из-за того;
в нее;
...На благословение хлебом. – Благословение хлебов (а также пшеницы, вина и елея) – особый чин, совершаемый на средние храма во время всенощного бдения в память о том, как Христос насытил пятью хлебами 5000 человек (см. Мф.14:14–21, 6:32–44; Лк.9:10–17).
...По 1 стихологии. – Т. е. после чтения (стихологисания) первой из назначенных по уставу на этот день кафизм.
...Седален – богослужебное песнопение, исполняемое после каждой из кафизм, читаемых на утрени.
сотрясаемого, мятущегося.
...Иного разве Тебе Бога не знаем. – Слова из воскресного песнопения «Воскресение Христово видевше...».
....Псалом избранный: «Бог нам прибежище и сила». – Избранные псалмы читаются во время полиелея (см. следующий коммент.). Их текст входит в богослужебную Псалтырь.
...По полиелеосе... – Полиелеос, или полиелей (иначе – «многомилостивое», от многократного повторения слов 135-го псалма «...яко в век милость Его») – часть праздничной утрени, состоящая из исполнения 134-го и 135-го псалмов, завершается чтением избранного псалма.
...Степенна... – Степенна, или степенны антифоны – песнопения, исполняемые на праздничной утрени; составлены применительно к 15 псалмам (с 119-го по 133-й), называемым «песнями степеней», так как в Ветхом Завете они предназначались для пения на ступенях Иерусалимского храма.
Антифон – песнопение, исполняемое попеременно обоими клиросами.
Зачало – название особым образом пронумерованных отделов Евангелия и Апостола, предназначенных для чтения их за богослужением.
Ирмос – первая строфа в каждой из девяти песней канона, служит мелодико-метрическим образцом для последующих тропарей песни.
...в Великии пяток, живы сожжени бысте. – Смертная казнь пустозерских узников путем сожжения их на костре состоялась 14 апреля 1682 года в Страстную пятницу.
...Моисей созда киот Завета Ветхаго... – Киот, или ковчег Завета, – переносной ящик, в котором хранились каменные Скрижали Завета с десятью заповедями, данными Богом Моисею на горе Синай, а также сосуд с манной и посох Аарона (см. Исх.25:10–14; Втор.10:2; Евр.9:4).
Кранегранесие – краестрочие, акростих – текст, сложенный из начальных букв тропарей канона.
врагов, противников.
...спасл еси дщерь вдовицы от насильства болярина... – В своем Житии протопоп Аввакум рассказывает о том, как в самом начале своего священнического поприща ему пришлось воевать с неким «начальником» за дочь «вдовицы» (см. наст. изд. Т. 17).
с тех пор, как;
...от запада бо до востока и от востока до запада прехождаше... – Имеются в виду скитания Аввакума во времена его десятилетней ссылки в Сибирь: сначала из Москвы в Тобольск, потом – в Енисейск, и далее, вместе с отрядом землепроходцев под предводительством воеводы Афанасия Пашкова. – в Даурию; а затем возвращение через ту же Сибирь в Москву (см. наст. изд. Т. 17).
Божественное проречение, еже семя жены сотрет главу змия... – См. Быт.3:14–15 («И рече Господь Бог змию... вражду положу между тобою и между женою, и между семенем твоим и семенем тоя, той блюсти будет главу твою...»).
осененную;
думали, мнили;
промысел, провидение;
страданиям, мучениям;
Отсеченная десница иерея Лазаря чюдесне сама сложи персты по святоцерковному преданию двоеперстно... – В своем Житии протопоп Аввакум пишет об этом так: «Посем Лазаря-священника взяли, и язык весь вырезали из горла (...). Таже, положа правую руку на плаху, по запястье отсекли, и рука отсеченая, на земле лежа, сложила сама персты по преданию и долго лежала так пред народы: исповедала, бедная, и по смерти знамение Спасителево неизменно» (см. наст. изд. Т. 17).
...отрасль святыя обители Соловецких, преподобный Епифание... – Инок Епифаний был пострижеником Соловецкого монастыря, о чем сам написал в собственном Житии (см. наст. изд. Т. 17).
...и по втором ти отрезании языка Христос яве дарова тебе язык правоверно хвалити Его... – См. в Житии протопопа Аввакума; «Посем взяли соловецкаго пустынника, инока-схимника Епифания старца, и язык вырезали весь же; у руки отсекли четыре перста. И сперва говорил гугниво. Посем молил Пречистую Богоматерь, и показаны ему оба языки, московской и здешней, на воздухе. Он же, един взяв, положил в рот свой и с тех мест стал говорить чисто и ясно, и язык совершен обретеся во рте» (наст. изд. Т. 17).
Аще и поколебася Феодор диякон во благочестии... – На соборе 1667 г. дьякон Феодор принес покаяние за неприятие никоновой реформы, но вскоре отказался от него, за что был подвергнут первому отсечению языка ещё в Москве, до высылки в Пустозерск.
Люди и скоты исцеляше и бесы прогоняше... – О многочисленных примерах своего целительства по отношению к людям и животным протопоп Аввакум рассказывает в своем Житии (см. рассказы об исцелении младшего брата Аввакума Евфимия, выменявшего книгу Ефрема Сирина на лошадь, о кумычке Анне, жившей у Аввакума в Сибири, о бесноватых, с которыми протопоп сталкивался многократно в своей жизни, и др.) (см. наст. изд. Т. 17).
Витийства суемудренных посрамил еси простотою словес... – Скорее всего, здесь имеется в виду тот эпизод Жития протопопа Аввакума, в котором автор рассказывает о допросе его вселенскими и русскими архиереями на соборе 1667 г., когда Аввакум «от Писания с патриархами говорил много: Бог отверзл грешные мое уста и посрамил их Христос» (см. наст изд Т. 17).
...и искореняху языческия обычаи и кощуны... – О своих столкновениях со скоморохами и преследовании им скоморошьих игрищ, представлявшихся ему проявлением язычества, Аввакум написал в своем Житии (см. наст. изд Т. 17).
…в Пяток великии, еретицы предаша святых смерти огненней...– См. примеч. 1213.
своим;
В стране Сибирстей многолетно странствуя в полку воеводы свирепого – Протопоп Аввакум с семьей был включен как священник в отряд казаков-землепроходцев под предводительством воеводы Афанасия Пашкова, отправленный на окончательное приведение Даурской земли под власть русского царя. Летом 1656 г. отряд выступил из Енисейска. Весь тяжкий путь от Енисейска до Даурии Аввакум прошел вместе с казаками. В 1662 г. Афанасий Пашков был отозван из Даурии в Москву. Вслед за тем пришел указ и о возвращении протопопа Аввакума в столицу О своих постоянных мучительных конфликтах с жестоким воеводой Пашковым Аввакум много рассказывает на страницах Жития.
Пойте и превозносите Бога во веки. – См. Дан.3:57–90.
Исполняя Твое проречение, ныне блажим Тя, вси роди... – Имеются в виду слова Богородицы «...отныне блажат мя вси роди», сказанные Ею при встрече с Елизаветой, матерью Иоанна Предтечи (см. Лк.1:46–55).
На судищи неправеднем дерзновенно защищаше предания апостольская ... – О прениях со сторонниками никоновых реформ как в 1653 г. перед сибирской ссылкой, так и на московских соборах 1666–1667 гг. перед пустозерским заточением. Аввакум рассказывает в своем Житии.
...и Поволжския веси, и области моря Студенаго имяху тя пастыря и учителя – В нижегородских землях, расположенных в Поволжье, прошло детство Аввакума и первые годы его дьяконского и священнического служения; море Студеное – древнерусское название Северного Ледовитого океана, вблизи которого находился Пустозерский острог, место заточения Аввакума.
Сокрушил в прах;
Светилен – песнопение, исполняемое в заключительной части утрени после 9-й песни канона.
На хвалитех стихеры...– Стихеры, которые поются на утрене после канона, чередуясь со стихами так называемых хвалитных 148, 149, 150-го псалмов, начинающихся словами 148-го псалма «Хвалите Господа с небес...».
учили.
Отпуст – краткая молитва, произносимая священником после окончания службы и благословляющая молящихся на выход из храма.
Блаженна– тропари, припеваемые на литургии к стихам Евангелия, заключающим в себе заповеди блаженств (Мф.5:3–32).
Причастен – песнопение, которое поется на литургии перед причащением верующих, во время причащения священнослужителей в алтаре.