ПАМЯТОВАНИЕ О БОГЕ

Что ни делаешь, помни о вездеприсутствии Божием

Аще делаеши что, или говориши, или мыслиши, или яси и пиеши, или дома седиши, или путем идеши, или продаеши, или купуеши, или молчиши, или с кем беседуеши, или молишися, или поеши Господа твоего: да обращается Он всегда пред умными очами твоими, якоже почитаешь присутствующего царя. Аще же в чем проступишися и погрешиши пред Ним, яко человек: не медли, но тотчас падай пред Ним со СМИРЕНИЕМ, и проси прощения: «согреших, Господи, помилуй мя!» и отпустится тебе согрешение твое: милостив бо Он и человеколюбив есть, и знает нашу НЕМОЩЬ (4:130).

Когда слепый хотя и не видит человека при себе имеющагося, но точно знает, что при нем находится человек, бережется делать непристойное: тако Христианин, верою просвещенный, хотя и не видит Бога присутствующего (и видети бо Его невозможно), однакож видит Его внутренним веры оком, и Невидимаго, яко видимаго, зрит пред собою. Тако глаголет Псаломник о себе, верою и Духом Святым просвещенный: «предзрех Господа предо мною выну» (Пс. 15, 8). Тако пишется о Моисее Пророке: «Невидимаго яко видя терпяше» (Евр. 11, 27) (4:167–168).