Житие преподобного Стефана Комельского

Житие Стефана Комельского было сравнительно мало распространено в нашей древней письменности и осталось неизвестным исследователю древнерусских житий, проф. В. О. Ключевскому. Один из списков сего жития, неизвестного времени, находился в библиотеке Царского и им пользовался архиеп. Филарет при передаче содержания Жития преподобного¹. Правда, в Описании рукописей Царского нет указания на это житие, но так как в каталог Строева вошли не все рукописи, а с другой стороны собрание Царского целиком перешло в собственность Гр. А. С. Уварова, то надеемся со временем найти этот список при посредстве Описания Уваровских рукописей, приготовленного к печати покойным архимандритом Леонидом. Второй список, вместе со службою преподобному Стефану, нового письма, находится в библиотеке проф. Н. С. Тихонравова и положен здесь в основу издания; третий, XVII века (Q. СХСVІII), принадлежит Императорскому Обществу Любителей Древней Письменности и послужил при издании для вариантов (список довольно неисправный); наконец четвертый, XVII века, в сборнике в лист, находится в продажном рукописном собрании г. Яковлева; но, как мне сообщено, сею рукописью нельзя воспользоваться. – В издании раскрыты титла и слова переданы в большинстве случаев по современному правописанию и по всей полноте их букв.

Велий Господь и хвален зело и велия крепость его и разуму его несть числа; якоже удиви Господь святыя своя угодники³; мученицы убо Быша в первая лета, тии духом святым наставляема бысть⁴, Христа ради мучением⁵ конец прияша, сии кровно крестишася, кровию и спасошася; а иже самоволнии мученицы именуются, сии⁶ самоволнии мученицы, иже мира отвергошася⁷ и всего яже в мире суть, и облецыся во святый ангельский образ и терпяше всяку страсть, Христа ради тесный убо и прискорбный путь шествовавы небесного ради царствия, алканием и жаждею души своя томиша, и брашася постом и молитвою с невидимыми враги. Писано бо есть: Праведник от ловитвы избегнет, и Память праведнаго с похвалами, и Благословение Господне на главе его, От уст праведнаго каплет премудрость. Сам Господь к своим учеником и апостолом рече: Вы есте свет миру; свет же, рече, не огня вещественнаго, иже пожигает, но свет ума невещественнаго же от Бога и Господа нашего Иисуса Христа благодати, и боготворивый дар прияша. Аз же многогрешный ревностию яко неким жалом душу любящаго благих дел житие уязвити и на благочестивое житие протчая привести, всяк бо писаше писание а слагая в нем живет дух святый, оному же пишущу, а духу святому умудряющу благое написовати и благоугодное, а не злое, якоже ны наречеся, рече Бог, о преподобнем отце нашем Стефане, игумене и строителе монастыря святаго Николы, иже есть на озере Комельском. Но како и коим писаниемъ простру слово, якоже⁸ о святом, но положу упование всегда на Господа Бога и на тое⁹ рождшую Богоматерь, но той¹⁰ подаст ми ум благ и просветит разум и отверзет очи сердечныя и да пишу¹¹ о святем, еже малу речь слышах о нем.

Слышах убо о святом Стефане от нецых, яко рождение имый и воспитание во области вологоцкой, веси же и¹² села не познахом, но наречием слышахом, яко отец его живяше у некия княгини во дворе, ей¹³ же убо вдовство имеюще, и глаголют же ю благочестивая Софья Брадатых. Мню же, яко благочестив¹⁴ сы быст и муж той, от негоже произыде си отрок святый Стефан. Сей же отрок извыче божественнаго писания и разсмотрив суету света сего и не¹⁵ изволи жити в мире сем; и иде во един от монастырей¹⁶ во обитель Покрова пресвятыя Богородицы, иже есть на реце на Глушице, во ограду преподобных отец Дионисия и Амфилохия Глушицких чудотворцев, и ту пострижете восприят от ту сущаго игумена, и многа лета пребысть в монастыре том, труждашеся во всяких службах монастыря того; пост же и молитву его кто исповесть? единому Богу сведущу¹⁷. И по сем паки изыде из монастыря того и хождаше по многим обителем, труждашеся Бога ради. И пребысть¹⁸ многое время в монастыре пречистыя¹⁹ Богородицы²⁰, иже есть на Тифине; преходя бо из обители во обитель, искаше себе места пустыннаго, где бы ему пустыню составити; но идеже Господь Бог изволит на коем месте прославитися имени его святому, той на то место и приведет Господь любящая его. Последи же прииде паки, духом святым наставляем и водим, преподобный старец Стефан в пустыню сию, в ней же бе ныне монастырь святаго Николы архиепископа града мир Ликийских чудотворца²¹.

Преподобный же истинный²² старец Стефан потрудися во многих обителех и не изволи в них²³ до кончины века своего²⁴ пребывати, паче же реку: Богу тако изволившу. И паки поиде святый по пустыням и по непроходимым местам по многих странах²⁵, преходя многие места, последи же прииде, Богом наставляем, на место то, идеже есть ныне монастырь стоит во имя святаго Николы на озере Комельскомъ. Место же оно не²⁶ вельми красно, паче же реку: и унывно²⁷; страну убо озеро Комельское, вскрай же озера место равно суть, идеже преподобный вселися, древеса бо сосны превеликие, ели убо и березник угодны суть к²⁸ строению церковному и никомуже прежде тут от человек живущи. И возлюби е святый и рече: Се покой мой в веке века; зде вселюся. И паки рек: Яко Господеви Богу годе, тако и будет. Имяше же с собою в пустыне пособника, милость Божию, образ пречистыя Богородицы и святаго Николы чудотворца, и мало в кошнице²⁹ воды и хлебец не мощи ради телесныя, и едину сикеру. И так себе от малых древес сотвори хижицу малу, пред нею же и прус рекше сенцы³⁰, и всегдашняя молитвы в ней пред образом Матери Божии возсылающе. И тако един с Богом в пустыни безмолвствуя.

Не престаяше бо враг сы демон³² всегда творяше пакость человеком, паче же искушения много наводя на боящихся Бога; превращаяся убо враг сы демон во зверское видение в медведя и волки, и притече³³ нощию к келии святаго Стефана и рыкающе и зубы скрегчюще, хотя святаго устрашити и сим из пустыни изгнати. Сему же многажды бывающу. Святый же Стефан, стоя на молитве пред образом пречистыя³⁴ Богоматере и глаголюще молитву Иисусову, и паки нача глаголати молитву кресту Христову: Крест хранитель всей вселенней³⁵, и прочая; Да воскреснет Бог и разыдутся врази его и да бежат от лица его вси³⁶ ненавидящи его, яко исчезает дым да исчезнут, яко тает воск от лица огню, тако да погибнут³⁷ беси от лица любящих Бога, и рек: аминь. И абе нечистии дуси вси без вестии Быша, твердаго же столпа не поколебаша, но паки сами сострашились³⁸.

Преподобному же отцу нашему⁴⁰ и святому старцу Стефану пребывающу во внутренней своей пустыни, бдящу убо ему и молящуся Господу Богу и пречистой Богородице и всегда в молитве призывая в помощь великаго святителя Николу. По⁴¹трилетное убо годище по пришествии его в пустыню на озеро Комельское, во время летнее изшедшу преподобному Стефану из келии своея в часовню помолитися, – бе бо у него часовня в пустыне во имя святаго Николы. Дню же бывшу светлу и солнечну, и яко молящуся святому старцу, и абие свет дневный пременись и бысть свет, явися светлее дневнаго света, якоже рече пророк: Свет возсия праведнику. Святому⁴² зрящу семо и овамо, изыде из часовни и абие явися милость Божия неизреченная Господа Бога нашего: на нем зрит преподобный пречистую Богородицу, грядущу прямо к часовне, с нею же великаго святителя Николу⁴³. Святый же, не моги зрети нестерпимаго света зарю, паде пред Богородицею и моча землю слезами. Близ же его ста Никола⁴⁴ чудотворец и нача умоляти пречистую Богородицу о святем, да благословит место оно. Всепетая же Мати Христа Бога нашего рече ко святому: Возлюбленне, возстани и воздвигни на сем месте церковь во имя архиерея⁴⁵ Николы и монастырь устрой; ты же буди строитель и игумен месту сему. И абие со гласом онем и невидимы бысть⁴⁶. Преподобному же возставшу от земля радующеся⁴⁷ сердцем, паче же веселящуся духомъ о Господе и о сем благодарныя молитвы Господеви принесе, яко пречистая не презре моления его. Писано бо есть: Благословение Господне на главе праведнаго и вся дела смиреннаго явленна пред Богом. И паки сам бо истинно Христос глаголет: Не вжигаютъ светильника под спудом ни⁴⁸ под одром поставляют, но на свещнице, да светит всем, иже во храмине суть⁴⁹.

И по⁵⁰ строению Господню приидоша ко преподобному Стефану некия два мужа христиана и добронравна сердцем, лесни⁵¹ имуще⁵² промыслъ, бе бо ходиша по пустыни зверина ради добытка⁵³; и узреша хижицу и уразумеша я ко неки муж пребывает в ней пустыннолюбитель, и скоро пришедше к хижице и молитву сотворшу⁵⁴ Иисусову. Старец же изыде к ним; они же благословишася от⁵⁵ него; он же рече: Бог да благословит ваю, чада⁵⁶. И побеседоваста со святым. Он же рече к ним. Далече ли, чада, от сея пустыни до жилищ⁵⁷ человеческих; хотел бы их⁵⁸ аз убогий ведети путь до жилищ человеческих. Они же рекуще⁵⁹: Поидем, честный отче, мы тебе путь покажем до жилищ человеческих⁶⁰. Старец же иде с ними; они же указаша ему стезицу⁶¹ малу до жилищ человеческих, до Белоселко(в)ской⁶² дороги, до государьских деревень волостных, бе бо из волостей едина стезица мала бысть летняя и до пустыни святаго. Святый же, благодаря Бога, и рек има: Мир вама, идета⁶³ в домы своя. И паки ти боголюбцы они⁶⁴ два мужа приидоша вскоре ко святому, принесше хлебы печены и соли и от пчел сота⁶⁵. Старец же⁶⁶ от них с радостно приим. Посем же и мнози уведаша о святом и начаша к нему благовернии людие приходити и благодарнии⁶⁷ бьша от него, бе бо не имы тогда священническаго сана.

Ненаказании⁶⁹ же и злонравнии человецы, паучаеми⁷⁰ дияволом, бе бо злый враг подстрекая сердца их окрест пустыни святаго живущи, в ближних весех и⁷¹ селех приходяще на озеро Комельское рыбы ловити, приходяще⁷² к келии святаго, многу покасть⁷³ творяще⁷⁴ и святому старцу Стефану, ругающеся и смеющеся ему, бесовския песни поюще и бранящу⁷⁵ ему и глаголаху: Изыди из пустыни сея, яко угодие наше есть, да не зле⁷⁶ умреши. Многажды⁷⁷ не дающе старцу на озере рыбы ловити, а иногда же со озера приидоша нощию в летнее время, хотяху святаго убити, рекуще. Яко ничем его не можем отъ места отгнати. Преподобному же в то время стоящу на молитве, Богу молящуся яко же речеся инде в писании: И бе⁷⁸ рука моя поможет ему и мышца моя защитит. И нападе на злонравных человек ужас велий и страх мног, и Быша отгоними от келии святаго Божиею силою. И паки речеся: Многи скорби праведных, от всех их избавить их Господь. Тем же глаголет Господь: Гордым противится⁷⁹, смиренным же дает благодать.

Но строению же Божию и Духа святаго действеем снидошася ко преподобному отцу Стефану в пустыню неколико братства. И начата со⁸⁰ святымъ в пустыни⁸¹ жительствовати, ревнующе его житию, терпяще Бога ради пустынное пребывание. И бе пустыни далече от жилищ человеческих и от церквей Божиихъ. И начаша со старцем размышляти, како бы им и коим образом въ пустыни⁸² церьковь малу. И возложше⁸³ свое упование на Господа Бога и на святаго Николу чудотворца, рекуще: Яко той умолит Бога о⁸⁴ нас сирих, Бог не презрит в пустыни сей.

Преподобный же отец наш Стефан созва всю яже о Христе братию, иже с ним в пустыни жительствуют. Сии вси снидошася⁸⁶, идоша во храм молитвенный, иже есть в часовню святаго Николы и начаша советовати о поставлении церкви, како бы имъ в пустыни воздвигнути церковь и кого им избрати наставника⁸⁷ себе, и все упование возложше⁸⁸ на Бога и рекуще вси братия: Отче Стефане, ты первие всех, Богом наставляемый, прииде в сию пустыню, ты убо и первый наставник нам буди, иного, разве тебе, не⁸⁹ имам⁹⁰ избрати. И тако совет возложше⁹¹. Писано бо есть: Возваша праведнии и Господь услыши⁹² их, Призываху Господа и той послушаше их. И тако старец Стефан поиме с собою единого от братии, а другаго от мирских тружающагося с ним, и поидоша в богоспасаемый град Москву⁹³ князю Василию, и ко преосвященному митрополиту Даниилу, Киевскому и Московскому и всея Русии о пустыни⁹⁴; яко да великий князь даст им землю в пустыню под манастырь, к митрополиту же, яко да благословит и повелит ему⁹⁵ в пустыни церковь воздвигнути во имя святаго Николы. И тако Богом наставляеми приидоша в царьствующий⁹⁶ град Москву. И видеша митрополита Даниила, и благословишася у него. Он же видех⁹⁷ и благослови, и вопроси Стефана: кто еси ты чернец, и что есть имя твое, и что требуеши от мене? Святый же ко святителю глагола: Великий святителю Данииле, аз есмь убогий чернец, раб многогрешный, господь си⁹⁸ твой нищий богомолец, а имя мое Стефан грешный; приидох ко твоей святыни благословитися у тебя: прошу милости у Бога, и у тебя благословения. Есть, владыко, во области града Вологды, на озере Комельском местцо пустынно, точию лес великий, и блата⁹⁹ непроходимы, и мхи. Азъ же грешный приидох в та места, и неколико есть братии со мною в той в пустыни, и да благословит твое святительство, и повелеша¹⁰⁰ нам грешным на том¹⁰¹ местце церковь создати святаго Николы. Святитель же Даниил митрополит, вня си слово во ум и усумнеся, и повел старцу Стефану, иже¹⁰² с ним пребыти у себя во двор митрополич хлебне, яко же рече святый апостол: Братие, невем¹⁰³ яко любящим Бога¹⁰⁴ вся поспешествуют во благо. И по сем паки немедленно повел святитель Даниил митрополит, старца Стефана взяти к себе в келию, и вопроси его паки: Где бо и камо пустыни сия, еже, рече, хощеши ли¹⁰⁵ обитель строити. Старец же Стефан вся сия поведа подробну святителю; святитель же благослови его и рек: Яко на всяком месте владычества¹⁰⁶ его, яко Господеви¹⁰⁷ угоде, тако и будет. И посем святитель Даниил иде к великому князю Василию, в его княжняя¹⁰⁸ полаты, и возвести великому князю о старце Стефане, рек: Яко прииде старец из твоея отчины, из предел Вологодских, и бьет челом тебе, государю, о пустынке; есть де в краи озера Комельскаго пусто место, точию лесы и блата, и многия мхи, и о сем како¹⁰⁹ повелит твоя держава. Сия же от святителя слышав великий князь Василий Иванович¹¹⁰ о старце, и рече: Постави ми¹¹¹ его семо. Скоро же его¹¹² и пред великаго князя постави; и виде старца князь и вопроси его о всем; оному же вся поведающу¹¹³ великому князю, вся подробну, яко же есть выше писахом. И сия слыша великий князь и похвали старца о сем,– бе бо тепле верою к боголюбивым мнихом, яко же и Господь рече: Веруя в мя, а дела аз творю. И даде¹¹⁴строитъ в пустыне манастырец, его же хощет во имя, и грамоту даде; повел же отписати и во отчину свою во град Вологду, к державцу града, яко да оберегает старца¹¹⁵ , и пустыню снабдевает от злонравных человек, близ живущих в пустыни, и озера даст и¹¹⁶ пустыне. Даде же старцу Стефану князь великий на сооружение церкве сребра и иных потребных, и тако отпусти его¹¹⁷. Тако же и великий святитель¹¹⁸ Даниил, митрополит всея Русии даде старцу Стефану благословеную грамоту, во еже в пустыни воздвигнуты храм во имя святаго Николы чудотворца¹¹⁹, монастырь строити. Вдаде ж ему и антимис, еще же даст апостол и евангелие, ина ким¹²⁰ ризам¹²¹ и сосуды церковныя, и сребра на сограждение церковное, и прочая. Сподоби же его и священства сана прияти, и соворши¹²² его игуменом; и удержа его у себе неколико дней, наказуя и уча его о ползе душевней: Братие¹²³, плод духовный: любы, радость, мир, долготерпение, и ина от божественнаго писания, и¹²⁴ правил святых отец, и прочая. И отпусти его святитель во свою ему пустыню¹²⁵. О сем тако есть.

Елма же Богу помогающу, прииде святый Стефан¹²⁶ во своя ему пустыню. Его же видящии¹²⁷ братия и вси тружающиися в пустыни, текше во сретение его, и вси благословишася от него. Он же всех благословению сподоби, несый с собою великаго князя грамоту, данную на пустыню Стефану с братиею, и еже по нем, и другую от митрополита, яко да церковь поставить и монастырь строить. И немедленно вниде во храм молитвенный, рекше в часовню святаго Николы, и молебная сотвори за великаго князя, и о плоду чрева его, таж и за святителя, и зад вся христианы. Сам служаше с братию. И тако вси касашеся темины ко святому евангелию и честным крестом оградими Быша от руку святаго игумена Стефана, пастыря¹²⁸ Христова стада словесных овец, во своей ему пустыни. Оттоле же преподобный весь предается¹²⁹ Богови, начать отребляти место и монастырь распространяти и от монастыря отсекати лес и подолие расчищати покосу¹³⁰ ради, даже до озера; тако же и нивы насевати. Писано бо есть Благословение Господне на главе праведнаго, и Вся дела смиренаго явлена пред Богом. К сему же и мнози человецы¹³¹ к нему приходити, и тии зряху его тружающася, вси в трудех помогающе святому¹³² пустыню распространяти, вси купно работая кождо их по своему обету, якоже¹³³ святому Николе.

Посем преподобный игумен и строитель Стефан посла единаго брата в веси жилищ человеческих, да аще есть древодел¹³⁴, да приидут в пустыню и возмутъ мзду трудов своих и соградиша¹³⁵ церковь малу храм клинчать, зело¹³⁶ невелик. Стефан виде, яко уже год освященье¹³⁷, и посла в веси¹³⁸, села жилищ человеческих некиих от братии, да шед возвестят о священии церкви святаго Николы, иже на озере Комельском. Они же идоша и возвестиша сия и день уреченный поведаша, в он же священье¹³⁹. И тако многое множество народа съехавшеся и снидошася и навезше¹⁴⁰ святому многое потребных всякого обилия и пищи, и дающе много на строение церкви и монастырю и на препитание братиям, и оттоле прослы он монастырь Никола на озере даже и до сего дне. Стефаново же имя имяновашеся, яко Стефан строитель монастыря того¹⁴¹ святаго Николы, иже на озере. По сем убо преподобный Стефан нача строити монастырь четвероуголен и келии постави многи¹⁴² по чину, постави же и хлебню, содела же и гостинницу, в ней же сам и вся братия приходяще и гости хлебствующе. Пост же его¹⁴³ кто можетъ исповедати, или труды и коленное поклонение кто испытати возможет?–токмо вся сия единому Богу ведома. На даяни же боголюбивых християн купи святый три колокола. Прииде же ему некий брат¹⁴⁴, имея он художество иконное писание, именем Гурей; сей многия труды показа, многия иконы написа и вся строя церковная преписа, якоже бысть прежде во Андроникове монастыре, иже на Москве: игумену Александру строящу церковь каменну святаго Спаса Нерукотвореннаго, а старцу Андрею иконы пишущу, сему же подобно и зде: Стефану строящу, а Гурию пишущу. Устави же преподобный келаря и казначея и пономаря¹⁴⁵ и прочая службы разряди: оваго в пекарню, таже и прочая¹⁴⁶ трудом и ни есть ни единаго ж бы не тружатися. Сего же не вмы, в кая времена и лета прииде святый¹⁴⁷ в пустыню и колико лет потрудися; мню яко много лет потрудися и многа знамения во имя Христово и чудеса сотвори, но писанию не¹⁴⁸ предашася. Бе бо многа времена пройде и многа бысть в Русии нестроения и мятеж, паче же бысть многое нашествие от безбожныхъ Татар и от Черемисы на град Вологду и на вся пределы его; и быв тыя времена многие монастыри велие разорение прияша; великому ¹⁴⁹ князю Василию Ивановичу¹⁵⁰ преставльшуся в вечный покой, боляры же и сановники и вся вельможи прияша самовластие и не радеша о церкве¹⁵¹ даже до великаго князя Ивана Васильевича, иже Богом венчан царь бысть всея Русии. Но мы же о сем слово сокративше¹⁵², многа ина повести достойна святаго преминухом множества ради лет, яже проидоша земли убо широта и моря глубина, и святых чудеса не изочтенна суть: един Бог вся сия веды. Сия же дерзнух написати, яко¹⁵³ что ми¹⁵⁴ будет памяти ради святаго. Но, о великий угодниче святый Стефане, милостиваго еси Бога Господа раб, милостивъ буди мне грешному слагателю житие твое святое¹⁵⁵, яко от верна раба. Святче Божий, помилуй мя грешнаго во веки века¹⁵⁶, смыслу моему разумение даровася от Бога. Дух убо святый действуя¹⁵⁷ усты человеческими, а не злое и отрыгая от сердца человеча слово богохвално¹⁵⁸ а не богохулно¹⁵⁹.

По смотрению¹⁶⁰ Божию преподобный отец наш Стефан поживе многа лета на земли в доблем своем труде и в посте¹⁶¹ и в настоятельстве и во многих исправлениях же к Богу¹⁶², и честными сединами просия, и от старости изнемог бе, понеже, реку, прииде звание Божие от здешных на небесная. И тако в недуг телесный впаде и скорбию земною¹⁶³ объят бысть, и возлеже на одре, уже не моги ходити. Братя ж видяще его болна суща, беспрестани посещающе его¹⁶⁴ и святаго вси вкупе и глаголюще¹⁶⁵: Отче честный, оставляеши нас сирых в пустыни сей. Святый же, утешая их, глаголаше: Не скорбите, братие, живущи в пустыни сей; сия бо есть пустыни на спасене душам нашим; оставляю же вас въ руце всех Бога и того рождьшие Богоматере и святому Николе; не имать Господь вас презрети на месте сем¹⁶⁶ святем сирых и от всех враг избавит и спасетъ вас¹⁶⁷, вы же имейте межю собою любовь нелицемерну друг ко другу, наставника почитайте и во всем повинуйтеся ему, простоту ж возлюбите и смирение, злонравие же и злосердечие далече отрините¹⁶⁸; строение же монастырское держите яко при моем живот бысть. Прирек же и сие слово: Брате, о сем разумно вам да будет, аще будет обреты¹⁶⁹ благодать пред Богом, то монастырь сей и по моем преставлении не оскудеет, но паче распространится; аще и телесно¹⁷⁰ отхожду от вас, но духом с вами не отступен буду, аще будете имете¹⁷¹ между собою любовь. Многа же¹⁷² сему прочая поучив их о всем. И уже седмица дней прииде яко ему болящу, и виде святый свое отшествие к Богу¹⁷³, и повеле себе внести ризы своя погребателная¹⁷⁴, бе бо у него на то уготованы старыя и¹⁷⁵ ветхия, иже¹⁷⁶ ношаше, и тако учеником¹⁷⁷ подкрепляем рукама, облечеся в них и вниде в церковь святаго Николы, учеником же ведом бысть¹⁷⁸, и причастися от руку священника, служащаго святую литоргию, вкуси тело и кровь Господа Нашего Иисуса Христа, спутника животнаго, и вниде в келию июня 12 день, осветающу дневию а¹⁷⁹ божественому словословию утренему но¹⁸⁰ отпусте, предастъ святую свою душу в руце всех Бога. Братия же из церкви исшедше по отпении¹⁸¹, внидоша ко святому, мнеша его жива, и видеша преподобнаго уже о Господе скончавшася и падше к телеси, плачющеся многими слезами. И тако вся братия¹⁸² с ними трудившеся вси у телеси его простишася и не бе видети, яко умре святый, но зрети, яко на сон преложися; лице же его наипаче просветися живаго. И учиниша гроб в древе соснове¹⁸³ и вложиша в не¹⁸⁴ святое тело и внесше в церковь святаго¹⁸⁵ Николы, надгробными песньми и псалмопением преподобнаго почтоша¹⁸⁶, земли предаша. Погребоша его близ олтаря святаго Николы входя в церковь с десныя страны¹⁸⁷, в лето 7050 год, месяца июня 12 день, на память святых¹⁸⁸ отец Онофрия¹⁸⁹ Великаго и Петра Афонскаго. Сицевы отца труды и потове, сицевы подвиги и терпение, сице¹⁹⁰ бысть в пустыни пребывание¹⁹¹ и строение. И тако братия учиниша над ним часовенку малу памяти ради, яко ту есть погребен первый игумен и первый начальник сему месту и строитель святый Стефан. И сие до зде слово да скратим; подобающее же¹⁹² приложится зде.

Лету же единому прошедшу или мнее по преставлении святаго Стефана, видеша нецыи от братии боголюбивы мнихи не по едины нощи¹⁹³ и над гробом святаго свещи¹⁹⁴ горящу; и сего бысть многажды видящим и сие поведаста между собою видение, и мнозем уразумеша¹⁹⁵ сие, яко же рече псаломшик¹⁹⁶: свет восия праведнику. И призваша писаря иконам и повелеша святаго Стефана образ написати, еже и бысть: разсказаша бо ему, каков бе подобеем, он же по разказу их вся подробну написа образ святаго¹⁹⁷, и положиша образ на гроб святаго. И тако же и другий написаша образ и внесоша в церковь, покланяющеся ему. И оттоле начаша бывати многа чудеса от гроба его святого¹⁹⁸.

В богоспасаемом граде Вологде человек некий, именем Гавриил, сей куплю дея, яко же есть обычай градским человеком¹⁹⁹, и от сего прибыточная домови своему творяше и челядь свою питаше, бе бо правдив человек той и правдою куплю творяше и от сего подая²⁰⁰ нищим и скорбным Бога ради. И по некоем убо времени прилучися ему²⁰¹ быти в монастыре святаго Николы, иже на озере Комельском, его же Стефану строящу, таже и благословен бысть от игумена Стефана. И бывши ему в келии у преподобнаго и беседоваста много о ползе духовней от божественных писаниих, вда же он человек в руц святому сребра на строение церкви святаго Николы и отъиде во свояси, и оттоле нача велию веру держати к монастырю святаго Николы, ко святому²⁰² Стефану многу любовь и соузъ духовный, по вся лета присылаше²⁰³ ко святому в монастырь рогозу овогда и две и соли, такоже и от рыбы²⁰⁴ снедных и ина потребная на препитание братиям²⁰⁵, часто же и сам приезжаше любве ради духовныя²⁰⁶ молитвы ко святому Стефану. По преставлении же преподобнаго отца нашего игумена и строителя Стефана, по некоем времени бывшу ему на море, куплю деющу, и отплывшу в ладьи от берега далече, и се внезапу бысть буря ветренняя велика зело²⁰⁷, яко и ладью²⁰⁸ его сокрушитися от волн великих; людем же всем отчаявшимся живота, оному же мужу молящуся Богу и пречистой Богородице и многим святым²⁰⁹ призываше си в молитве на помощь и не бысть ему помощи, и се он воспомяну преподобнаго Стефана, игумена и строителя²¹⁰ святаго Николы, иже на озере Комельском, и рече: О преподобне отче Стефане, вем тя пред Богом велика, помяни, святе, колику любовь имел еси к моему художеству²¹¹; еще жив си²¹², вем, яко и ныне на небесех предстоиши престолу Христову, помолися, святе, ко Господу, яко да избудем от сея страшныя смерти. И се абие видит на ладьи старца святолепна и сединами украшена и глаголаше²¹³: Не бойся, сыну смирения, се бо Господь услыша моление твое и посла мя избавити тя от потопления. Оному же мужу вопросиша²¹⁴ его: Отче святый, кто еси ты, бе бо от страха морскаго усумнеся. Святый же рече: То не веси ли, Гаврииле, колико²¹⁵ подал в монастырь святаго Николы и мне смиренному: аз бо есмь Стефан, строитель святаго Николы монастыря, иже на озере. И абие невидим бысть. И тако буря преста и волны²¹⁶ пременишася на тихость и бысть ему плавание благополучно ко пристанищу брега, и ко брегу преста. Таже²¹⁷ и в дом свой прииде и немедленно скоро приходит в монастырь святаго Николы и ко гробу святаго Стефана чудотворца припаде, и сия вся исповеда игумену и братии. И тако²¹⁸ Николе молебная совершив и у гроба Стефана понахиду²¹⁹ пев и на гробе святаго положи²²⁰ покров и вниде²²¹ в дом свой радуяся.

Кто бо слыша не удивится безмерному твоему смирению и терпению и еже к нищим милование, к скорбящим утешение.

Не остави нас, яко же обещася, твое Богом собранное стадо, избави нашествия супротивных.

Яко ангел во плоти пожив житие и чудотворения дар прият от Бога: бесныя и прокаженныя исцеляти и очищати человеком различныя недуги.Темже и ныне мы твою всечестную окружающе раку: молись Христу Богу, святе, подати и державному царю нашему²²² на враги победительная.

Молися Христу Богу о чадех паствы и о притекающих с верою к раце мощей твоих.

Волнам, преподобне, именем Господним запретив и озеро укротив, люди от истопления спасл еси молитвами си.

Оставил еси отечество и страну свою и вся вещи, вреждающия тебе, и поиде радуяся во внютреннюю непроходимую пустыню, яко во вселен град, ко озеру Комельскому, и тамо претерпел еси многия скорби от бесовских коварств и от зверей стремления и от ненаказанных человек гонения и многим путь бывъ ко спасению, и державному²²³ царю на супротивныя победы и утвержение.

Вся яже в мире сладкая и красная возненавидев и последовав Христу. Тем же от всех слышиши: Радуйся, святе, отшед от сродник своих и устремися на западныя страны; радуйся, в непроходимую и внутреннюю пустыню вселився и устроив яко град пустыню при водах Комельскаго озера..., радуйся, от своего чпага ценою многа селища искупив, напитая трудившихся в ней Бога ради.., радуйся, святое и многотрудное твое тело ученицы твои погребоша; радуйся, преславному граду Вологде и от отец твоих похвала и утвержение; радуйся, преподобие: на мори окияне верным явися человеком в потоплении великий правитель; радуйся от мног лет и пожаров во время солнечнаго зноя гроб твои ученицы обретоша хладен яко в зиму...; радуйся, державному царю нашему²²⁴ на супротивныя победы и утвержение.

В пустыню, якоже древний Ануфрий, вселился еси, и в ней великаго Кирилла слезами и постом подражал еси.

Рукою моею недостойною приносимое тебе трудом от усердия хваление приими, богоблаженне ныне Стефане.