4. Важнейшие библейские тексты о седми таинствах православной церкви²³¹

I. О таинстве крещения. «Аминь, аминь глаголю тебе: аще кто не родится водою и Духом, не может внити во царствие Божие» (Ин. 3:5). – «Шедше убо научите вся языки, крестяще их во имя Отца и Сына и Святаго Духа» (Мф. 28:19). – «Иже веру имет и крестится, спасен будет» (Мк. 16:16).

II. О таинстве миропомазания. «Извествуяй... нас с вами во Христа и помазавый нас, Бог, иже и запечатле нас, и даде обручение Духа в сердца наша» (2Кор. 1:21, 22). – «И вы помазание имате от Святаго» (1Ин. 2:20).

III. О таинстве причащения.

а) Установление таинства причащения. «Прием Иисус хлеб и благословив преломи, и даяше учеником, и рече: приимите, ядите: сие есть Тело Мое. И прием чашу... хвалу воздав, даде им, глаголя: пийте от нея вси: сия бо есть Кровь Моя, новаго завета, яже за многия изливаемая во оставление грехов» (Мф. 26:26–28. Снес. Лк. 22:17, 19).

б) Таинство причащения составляет сущность (необходимую принадлежность) Нового Завета. «Господь Иисус Христос в нощь, в нюже предан бываше, прием хлеб, и благодарив преломи, и рече: приимите, ядите: сие есть Тело Мое, еже за вы ломимое: сие творите в Мое воспоминание. Такожде и чашу по вечери, глаголя: сия чаша новый завет есть в Моей крови: сие творите, елижды аще пиете, в Мое воспоминание» (1Кор. 11:23–25). – «Сия чаша новый завет Моею кровию» (Лк. 22:20).

в) Причащение необходимо для спасения. «Рече... Иисус: аминь, аминь глаголю вам: аще не снесте плоти Сына человеческого, ни пиете крови Его, живота не имате в себе. ядый Мою плоть и пияй Мою кровь имать живот вечный» (Ин. 6:53, 54).

«Имуще убо дерзновение, братие, входити во святая кровию Иисус Христовою, путем новым и живым, егоже обновил есть нам завесою, сиречь плотию Своею» (Евр. 10:19, 20), «да приступаем с истинным сердцем во извещении веры» (Евр. 10:22).

«Отверглся кто закона Моисеова, без милосердия при двоих или триех свидетелех умирает: колико мните горшия сподобится муки, иже Сына Божия поправый, и кровь заветную скверну возмнив, еюже освятися, и Духа благодати укоривый?» (Евр. 10:28, 29):

г) Церковь Божия там, где таинство причащения. «Да искушает же человек себе, и тако от Хлеба да ясть и от Чаши да пиет» (1Кор. 11:28). – «Вы... есте церкви Бога жива» (2Кор. 6:16).

IV. О таинстве покаяния. «Приступиша ученицы ко Иисусу... и рече» (Мф. 18:1, 3): «Аминь глаголю вам: елика аще свяжете на земли, будут связана на небеси: и елика аще разрешите на земли, будут разрешена на небесех» (Мф. 18:18).

«Возрадовашася... ученицы, видевше Господа» (Ин. 20:20). «И глагола им: приимите Дух Свят: имже отпустите грехи, отпустятся им: и имже держите, держатся» (Ин. 20:22, 23).

V. О таинстве священства.

а) Установление таинства Священства.

«Ових убо положи Бог в церкви первее апостолов, второе пророков, третие учителей» (1Кор. 12:28).

«Еда вси апостоли? еда вси пророцы? еда вси учители?" (1Кор. 12:29).

«Тако нас да непщует человек, яко слуг Христовых и строителей таин Божиих» (1Кор. 4:1).

б) Три cтепени священства. «Внимайте убо себе и всему стаду, в немже вас Дух Святый постави епископы, пасти церковь Господа и Бога» (Деян. 20:28).

«Сего ради оставих тя в Крите, да недокончанная исправиши и устроиши по всем градом пресвитеры» (Тит. 1:5).

«Павел и Тимофей, раби Иисус Христовы, всем святым о Христе Иисусе сущым в Филиппех, со епископы и диаконы» (Флп. 1:1).

в) Таинство свяшенства преподается через рукоположение. «Рече Дух Святый: отделите Ми Варнаву и Савла на дело, на неже призвах их. Тогда постившеся и помолившеся и возложше руки на ня, отпустиша их» (Деян. 13:2, 3).

«Утверждающа душы учеников, моляще пребыти в вере... Рукоположша же им пресвитеры на вся церкви и помолившася с постом, предаста их Господеви» (Деян. 14:22, 23).

«Руки скоро не возлагай ни на когоже» (1Тим. 5:22).

«Воспоминаю тебе возгревати дар Божий живущий в тебе возложением руку моею» (2Тим. 1:6).

г) Таинство священства будет продолжаться до скончания века. "Той (Господь Бог) дал есть овы убо апостолы, овы же пророки, овы же благовестники, овы же пастыри и учители, к совершению святых, в дело служения, в созидание тела Христова, дóндеже достигнем вси в соединение веры и познания Сына Божия, в мужа совершенна, в меру возраста исполнения Христова» (Еф. 4:11–13).

VI. О таинстве брака. «Оставить человек отца своего и матерь, и прилепится к жене своей, и будета два в плоть едину. Тайна сия велика есть: аз же глаголю во Христа и во церковь» (Еф. 5:31, 32).

VII. О таинстве елеосвящения. «Болит ли кто в вас, да призовет пресвитеры церковные, и да молитву сотворят над ним, помазавше его елеем во имя Господне: и молитва веры спасет болящего, и воздвигнет его Господь: и аще грехи сотворил есть, отпустятся ему» (Иак. 5:14, 15).