Таинства

1. О таинстве крещения: Аминь, аминь глаголю тебе [говорит Иисус Христос Никодиму], аще кто не родится водою и духом, не может внити в царствие Божие (Ин.3:5). Шедше убо научите вся языки, крестяще их во имя Отца и Сына и Святаго Духа (Мф.28:19). Иже веру имет и крестится, спасен будет. (Мк.16:16).

2. О таинстве миропомазания: Извествуяй нас с вами во Христа, и помазавый нас, Бог: Иже и запечатле нас, и даде обручение Духа в сердца наша (2Кор.1:21,22). И вы помазание имате от Святаго (1Ин.2:20).

3. О таинстве причащения:

а) Установление таинства причащения: Прием Иисус хлеб и, благословив, преломи, и даяше учеником, и рече: приимите, ядите: сие есть Тело Мое. И прием чашу, хвалу воздав, даде им, глаголя: пийте от нея вси: сия бо есть Кровь Моя нового завета, яже за многия изливаемая во оставление грехов (Мф.26:27–28, сн. Лк.22:17,19).

б) Таинство причащения составляет сущность (необходимую принадлежность) нового завета: Господь Иисус Христос в нощь, в тоже предан бываше, прием хлеб, и благодарив, преломи и рече: примите, ядите: сие есть тело Мое, еже за вы ломимое: сие творите в Мое воспоминание. Такожде и чашу, по вечери, глаголя: сия чаша новый завет есть в Моей крови: сие творите, елижды аще пьете, в Мое воспоминание (1Кор.11:23–25). Сия чаша новый завет Моею кровию (Лк.22:20).

в) Причащение необходимо для спасения: Рече… Иисус: аминь, аминь глаголю вам, аще не снесте плоти Сына человеческого, ни пьете крови Его, живота не имате в себе. ядый Мою плоть и пияй Мою кровь имать живот вечный (Ин.6:53–54). Имуще убо дерзновение, братие, входити во святая кровью Иисус Христовою, путем новым и живым, его же обновил есть нам завесою, спречь плотью Своею (Евр.10:19–20). Да приступаем с истинным сердцем, во извещение веры (Евр.10:22). Отверглся кто закона Моисеева, без милосердия при двоих или трех свидетелях умирает. Колико, мните, горшия сподобится муки, иже Сына Божия поправый, и кровь заветную скверну возмнив, ею же освятися, и Духа благодати укоривый (Евр.10:28–29)?

г) Церковь Божия там, где таинство причащения: Да искушает же человек себе и тако от хлеба да ест и от чаши да пьет (1Кор.11:28). Вы есте церкви Бога жива (2Кор.6:16).

4. О таинстве покаяния: Приступиша ученицы ко Иисусу… и рече… (Мф.18:1, 18:3): Аминь глаголю вам: елика аще свяжете на земли, будут связана на небеси: и елика аще разрешите на земли, будут разрешена на небесех (Мф.18:18). Возрадовашася ученицы, видевше Господа (Ин.20:20). И глагола им: примите Дух Свят. Им же отпустите грехи, отпустятся им: и им же держите, держатся (Ин.20:22–23).

5. О таинстве священства:

а) Установление таинства священства: Овых убо положи Бог в церкви первое апостолов, второе пророков, третье учителей (1Кор.12:28). Еда вси апостолы? Еда вси пророцы? Еда вси учители (1Кор.12:29)? Тако нас да непщует человек, яко слуг Христовых и строителей тайн Божиих (1Кор.4:1).

б) Три степени священства: Внимайте убо себе и всему стаду, в нем же вас Дух Святый постави епископы, пасти церковь Господа и Бога (Деян.20:28). Сего ради оставих тя в Крите, да недоконченная исправиши, и устроиши по всем градом пресвитеры (Тит.1:5). Павел и Тимофей, рабы Иисус Христовы, всем святым о Христе Иисусе сущим в Филиппех, с епископы и диаконы (Флп.1:1).

в) Таинство священства преподается чрез рукоположение: Рече Дух Святый: отделите Ми Варнаву и Савла на дело, на неже призвах их. Тогда постившеся и помолившеся, и возложше руки на ня, отпустиша их (Деян.13:2–3). Утверждающе души учеников, моляще пребыти в вере (Деян.14:22)… рукоположше же им пресвитеры на вся церкви, и помолившеся с постом, предаша их Господеви (Деян.14:23). Руки скоро не возлагай ни на кого же (1Тим.5:22). Воспоминаю тебе возгревати дар Божий, живущий в тебе возложением pyку моею (2Тим.1:6).

г) Таинство священства будет продолжаться до скончания века: Той [Господь Бог] дал есть овы убо апостолы, овы же пророки, овы же благовестники, овы же пастыри и учители, к совершению святых, в дело служения, в созидание тела Христова: дондеже достигнем вси в соединение веры и познания Сына Божия, в мужа совершенна, в меру возраста исполнения Христова (Еф.4:11–13).

6. О таинстве брака: Оставит человек отца своего и матерь и прилепится к жене своей, и будут два в плоть едину. Тайна сия велика есть: аз же глаголю во Христа и во церковь (Еф.5:31–32).

7. О таинстве елеосвящения: Боли ли кто в вас? да призовет пресвитеры церковныя, и да молитву сотворят над ним, помазавше его елеем, во имя Господне. И молитва веры спасет болящаго, и воздвигнет его Господь: и аще грехи сотворил есть, отпустятся ему (Иак.5:14–15).