48. 1419 г. августа 12. Послание митрополита Фотия псковскому духовенству с наставлениями о совершении различных церковных служб

Из синодальной рукописи № 562, л. 417–422. Издано было преосвящ. Макарием в Ист. Русс. Церкви т. IV, стр. 377–382, по сокращенному списку, находящемуся в сборнике Румянц. Музея № 358, л. 380–385; разночтения этого списки означены здесь буквой Р.

Благословение Фотия, митрополита киевского и всея Руси, в Псков собору святой Троицы и всему священническому чину. Что с веча ¹⁹⁷⁷ пишете к нашему смирению о неведомых божественных таин и о прочих ¹⁹⁷⁸ , и о семь благодарю ваше священство ¹⁹⁷⁹ , понеже убо преже вразумеваете велико Божье священничество: идеже бо священник священно совершает, тамо и ангели желают приникнуть. И что, сынове, первое пишете ми, вопрос имея о ¹⁹⁸⁰ святых божественных агнцах: по обычному благословлению от настоятеля, приходит иерей купно с диаконом пред святым жертвенником ¹⁹⁸¹ , и дискос ¹⁹⁸² убо поставляет от левой страны, а святой потир ¹⁹⁸³ от десной страны, якоже по чину их ¹⁹⁸⁴ , и прочая. И творят по три поклоны пред святой проскомидией, глаголюще к себе ¹⁹⁸⁵ : «искупил ны еси от клятвы законной». ¹⁹⁸⁶ Таже поп рчет ¹⁹⁸⁷ : «Благословен Бог наш всегда и ныне и присно и в веки», и приемлет в десную руку святое копье, в левую же руку просфору ¹⁹⁸⁸ и знаменает трижды просфору с копьем ¹⁹⁸⁹ , глаголя: «в споминание Господа и Бога Спаса нашего Иисуса Христа». И абие вонзит ¹⁹⁹⁰ копье от левой страны просфоры и пререзает от себя к верху по левой стране, глаголя сия ¹⁹⁹¹ : «яко овча на заколение ведеся»; на десной же стране режет ¹⁹⁹² глаголя ¹⁹⁹³ : «и яко агнец прямо стригущему его безгласен, тако не отверзает» ¹⁹⁹⁴ ; на горней же стране, глаголя ¹⁹⁹⁵ : «в смирении суд его взятся»; на дольней же стране, глаголя ¹⁹⁹⁶ : «род же его кто исповесть» ¹⁹⁹⁷ ; выимая же глаголет: «яко вземлется от земли живот его»; и полагает его възнак на святом дискосе, и пререзает его священник крестообразно, глаголя: «жрется агнец Божий, вземляй грехи мира, за мирской живот и спасение», и превращает его ниц, аще несть тепл, якоже преже рехом, и не прободает же убо ¹⁹⁹⁸ его, но приемлет другую просфору, а не глаголет: «Благословен Бог наш», но ¹⁹⁹⁹ : «в споминание Господа Бога Спаса нашего Иисус Христа» 3-жды, и глаголет сие ²⁰⁰⁰ и с копием ²⁰⁰¹ убо ²⁰⁰² , и по сем глаголет режа ²⁰⁰³ : «яко овча на заколение ведеся» и прочее, якоже преже рекохом ²⁰⁰⁴ , и не прободает же сего ²⁰⁰⁵ , но токмо пререзает ²⁰⁰⁶ , глаголя сия: «жрется агнец Божий». ²⁰⁰⁷ И тако приемлет и третью просфору и творит на ней, якоже и на первой, «Благословен же Бог» не глаголет, но токмо обычное, и елико ²⁰⁰⁸ будет на подобно агнцеви ²⁰⁰⁹ , творит сиe и на прочих. И последи сложив агнци на три части по два, аще суть шесть, и прикладает святое копье единое ко всем агнцам от десной страны, глаголя: «един от воинов копием ребра ему прободе, и абие ²⁰¹⁰ изыде кровь и вода, и видев и свидетельствова, и истинно есть свидетельство его». Таже диакон, прием благословенье от иерея, вливает вино и воду в святой потир ²⁰¹¹ , и по семь бывает проскуромисание ²⁰¹² и конец его, яко же писано, по обычаю, и литургия по обычаю Златоустого или Великого Василия. А ²⁰¹³ егда свершится служба вся до «вонмем, святая святым», и тогда един агнец разламается ²⁰¹⁴ на 4 части, и едину влагает в святой потир ²⁰¹⁵ , и три части [на святомъ дискосе, от нихже дольняя часть святого агнеца, той причащаемся]. ²⁰¹⁶ И преже святого убо причастия напаяет святых агнцы святой кровью от общего потиря ²⁰¹⁷ на всех четырех углах святого агнца коегождо, и полагает во уготованное место; а тии доры, от них же выиманы святые агнцы, оприснь ²⁰¹⁸ блюдомы суть, или в том же сосуде, но пределы ²⁰¹⁹ промежи святых агнец имущи. ²⁰²⁰ А еже иные творят сице: напаяя святые агнци, и полагают в тояже доры, от нихже выиманы суть святые агнци, се убо отнюдь неподобно есть и нечестивых бо есть, но особе пребывать должны суть.

А еже ми писасте, како попу петь в своем дому пред святыми иконами; аще восхощет все по церковному правилу петь, то не возбраняется ему; аще ли едино начало творить, рекше: «Благословен Бог наш», и отпуст токмо, и се на его произволении, но не бесчинне, сия вся в славу Богу творящее ²⁰²¹ , со вниманием. А мирским людям, правоверно ²⁰²² живущим, подобно и сим правило церковное держать пред святыми иконами в своих домах, понеже и должны суть сия творить ²⁰²³ , аще произволять ²⁰²⁴ ; павечерницю убо великую вечере, или малую, и паки от ложа восставши, полунощница и заутренняя с Псалтирью и с прочим последованием должны суть творить, аще произволять; а си же священнического ничтоже не творят, ни ²⁰²⁵ начала; «Благословен Бог наш»; вместо начала убо ²⁰²⁶ да глаголи ²⁰²⁷ сице; «Молитвами святых Отцов наших, Господа Иисус Христе, Сыне Божий, помилуй нас, аминь»; а вместо отпуста глаголи ²⁰²⁸ сие: «Молитвами пречистыя ти Матере и всех святых твоих, Господи Иисусе Христе, Сыне Божий, помилуй нас, аминь».

А еже о аллилуии на славах сице глаголи: «Слава Отцу и Сыну и Святому Духу, ныне и присно и во веки веком, аминь: аллуия, аллуия, аллуия ²⁰²⁹ , слава тебе Боже; аллуия, аллуия, аллуия, слава тебе Боже; аллуия, аллуия, аллуия, слава тебе Боже. Слава и ныне». И «Бог Господь» поют в церкви ²⁰³⁰ пятью ²⁰³¹ на утрени, якоже предано святыми Отцами, понеже три стихи суть; и преже убо поет певец среди церкви, зря к востоку, или ²⁰³² еклисиарх, или на се ²⁰³³ устроенный инок, и поет: «Бог Господь явися нам», и первый лик в той же глас поют: «Бог Господь явися нам» ²⁰³⁴ , и певец стих первый: «Исповедайтеся Господеви, яко благ» ²⁰³⁵ , и второй лик ²⁰³⁶ : «Бог Господь явися нам»; и певец второй стих: «Не умру, но жив буду, исповем дела Господня», и лик ²⁰³⁷ в третье: «Бог Господь явися нам»; и певец третий стих: «И есть дивна во очею нашею» и второй лик четвертое ²⁰³⁸ : «Бог Господь явися вам»; и певец пак: «Бог Господь явися нам» ²⁰³⁹ , и первый лик в пятые: «Бог Господь явися нам». И по сем ²⁰⁴⁰ чину «аллилуия» в пост великий ²⁰⁴¹ в глас ²⁰⁴² Оихтаку пятью ²⁰⁴³ , с стихами их; а на молебне, якоже произволят, по обычаю их.

А попу, держа ²⁰⁴⁴ попа в покаянии у себя, самому у него не подобает ²⁰⁴⁵ каяться; аще ли у своего отца духовного покаявся, а у сына духовного ²⁰⁴⁶ восхочет тело и кровь Господню ²⁰⁴⁷ причаститься, то не возбранно есть. ²⁰⁴⁸ А ²⁰⁴⁹ которые люди живут без покаяния, и ²⁰⁵⁰ отца духовного не держат, аще и к церкви приходят ²⁰⁵¹ , не приимать приношения от них к церкви, но своим детям духовным возбраняйте с таковыми ни ясть ни пить ²⁰⁵² , ни в свои дома призывать, ниже к ним ходить, понеже си сами ²⁰⁵³ , отлучишася стада Христова словесных овец; и елика сила, таковых приводить к покаянию от злых и приимать ²⁰⁵⁴ с радостью, а не гордясь, да не погибнет ²⁰⁵⁵ в своем нечестии.

А ²⁰⁵⁶ о вечерни и понагии, аще позваны бывше с благочестием в дом некоего христолюбца на вечерней его трапезе ²⁰⁵⁷ , и по вечерней молиться ²⁰⁵⁸ Богородице, якоже устав держит вечерняя на понагия. ²⁰⁵⁹ А преже вечеряния, святой Богородицы хлебец вынять, и повечеренные певши обычные понагии, воздвизают по обычаю, и сами от нее ядят, и прочим дают.

А еже на кресте имени не будет, тому не кланяться ²⁰⁶⁰ , а не поругаться ему, ниже разорять таковых. А крест нов чинить ²⁰⁶¹ , или ²⁰⁶² велик или мал якоже весть ²⁰⁶³ художник и мастер, на се устроенный, чим таковое действо устроить ²⁰⁶⁴ , или снастью некое ²⁰⁶⁵ , или гвоздия к довлению на утверждение его, се ²⁰⁶⁶ не поругание есть кресту, но утверждения ради повелено есть.

А мирским людям в своих домах православне живущее ²⁰⁶⁷ , не присовокупився к жене своей, достоит им ²⁰⁶⁸ кадить самим святые иконы ²⁰⁶⁹ , аще не будет ту священника ²⁰⁷⁰ ; и не токмо самим мужем, но и женам благочестивым и ²⁰⁷¹ чистым от мужа кадити ²⁰⁷² , и детей своих сему учити ²⁰⁷³ , аще и велми малы суть, понеже православных сии обычаи суть.

А церкви ветхие ²⁰⁷⁴ и кровли их, аще не суть доволни ²⁰⁷⁵ не на кую потребу к самой той церкви ²⁰⁷⁶ , а не к иному устроению потребны ²⁰⁷⁷ , съжещи таковая, и пепел их всыпать в текущую воду, да не сквернится святое небрежения ради, или скота. А крест ветшанный остави так пребыть ²⁰⁷⁸ , но в честнее месте и во устроине. ²⁰⁷⁹

А не своих детей не венчать, ни провод ²⁰⁸⁰ петь. ²⁰⁸¹

Аще некакая великая нужа случится, а мирские люди или священники да произбирают лучшее и правое, Богу любезное, понеже божественное писание глаголет: «слепец аще слепца водит, оба в яму впадут». Темже достоит наставника держать, могуща очистить черность душевную.

А еже ми писасте о канонах: аще случится два или три, и един поп поет канон, а другой поп поет [другой] канон, а третий поп поет третий канон, и не вем, откуда приясте таковой обычай [и] предание, еже есть отнюдь неподобно и козлогласованно, сему убо своим гласом поюще свой канон, овому же другим гласом, и бесчинно сие есть. Аще убо простираеши речи некоторые ко князю, или к вельможе, или к своему другу, хочешь ²⁰⁸² сия всячески украсить и благочинно положить, да будет в разум произносимая от тебе речь, или сказание: колми убо паче ²⁰⁸³ предстояще невидимому и страшному Богу, хотим украсить к нему всылаемые молитвы, или канон сгласне поющее ²⁰⁸⁴ и умилне, понеже речеся: «ово песнь Богу красная воспевашеся, ово же согласно славим». И везде повелевает песньми и псалмами согласно славить Бога, и умолять ²⁰⁸⁵ его о своих согрешениях и о людских, и очищать свою всю совесть, елика сила, к полезному. А устав убо имате ²⁰⁸⁶ сице о сих: Охтаик убо в все лето не оставляется, имеяй на кийждо день два канона; а Минея николиже отлагается ²⁰⁸⁷ , кроме уставленных повелений, якоже устав держит: ибо в Охтаике два канона поются с ирмосом на 10, а в Минеи на 4, и бывает всех 14 петься; аще ли Господский праздник, и убо Охтаик тогда не поется, а празднику, аще и по два стиха будет в коейждо песни, но поется на 14 с ирмосом, кроме катавасия. И поется же сице: едина страна стих, еяже есть ряд, и той стране скончавшей свой стих, и тако конархист приходит на другую страну ко второму лику, и тако поет второй лик и второй стих, а согласно же применяюще стихи, и «слава» приходит всегда на ²⁰⁸⁸ тот лик, еже начало створшей, егоже есть страна на ряду, и потом «и ныне». Cие же все благочинно и с рассуждением. Ныне убо о всех сиих по ряду не успешно известить; понеже о сем велико есть и медленно, по уставу.

А еже в среду и в пяток сырной недели не прияхом ниже в Палестине, ни в Святой горе, ниже в царствующем Цареграде не прияхом в сии дни, рекше среду и пяток сырной недели, ниже свершенную литургию, ниже прежесвященную ²⁰⁸⁹ стварять; подобно же и наипаче в пяток великий распятия Христова не прияхом ни свершенну литургию, ни прежесвященную; еще же – не ясть: «вонже, рече, [день] отимется от них жених, тогда постятся в тыи дни». Подобает ведать: аще случится навечерие ²⁰⁹⁰ Рождества Христова или Богоявления в субботу или в неделю, пост не бывает и тропари не поем, но в пяток преже того поем тропари. А литургия Златоустова в свое время; Великого же Василия литургия бывает на самый праздник, аще случится в сии два дня навечерие ²⁰⁹¹ ; аще ли в пост навечерие Рождества Христова и Богоявления, при часе 10-м дни клеплет, и по «Богослови, душе моя, Господа», бывает ектенья великая, по сем «Господи, возвах к тебе» на глас 2, и поем стихиры ²⁰⁹² на 8; иерей же творить проскомидию, ликове же поют стихиры глас 2, слава и ныне… ²⁰⁹³ и выход с Евангелием, прокимен дню, и чтения по чину их. И по скончании же чтения, диаконства малая, и поп возгласит, и поем «Святый Боже»; тако прокимен Апостолу, а по Апостолу аллилуия, таже и Евангелие, и по ряду литургия Великого Baсилия, конаник ²⁰⁹⁴ «Хвалите Господа»; входим ²⁰⁹⁵ в трапезу, и ямы сочиво без масла, пием же вино, аще повелит игумен. При часе же 10-м ночи поем навечерницу великую, и по «Слава в вышних» творим исхождение и поем стихиры празднику исхождения, иже бысть; таже на стиⷯ по обычаю; таже, по тропари, бдагословляют хлебы преломлению, по обычаю, и чтение великое полагается; таже «Слава в вышних» и прочие 6 псалмов, и «Бог Господь явися нам»; таже обычная кафизма рядовая, и Многомилостиве ²⁰⁹⁶ , и степенна гласу 4, антифон 1, прокимен: «Из чрева преже деница родих тя», стих: «Рече Господь Господеви моему» и Евангелиe; таже канона два: един ²⁰⁹⁷ с ирмосом на 8 и другой с ирмосом на 6, катавасия – каяждо страна ирмос обою канон. И по отпусте знаменаются святым маслом. Литургия же Златоустова в свое время, антифоны празднику, вместо «Святый Боже» поем «Елицы во Христа», сице и на праздник Богоявления, и в субботу Лазареву, и в святую великую субботу «Елицы во Христа»; еще поется cия от Пасхи и до недели Фоминой «Елицы во Христа».

А еже пишете ми, что жене, родившей дитя, донелиже [не] крещает родившейся от нее дитяти, дотоле не дают молитвы очищальные: и неподобно есть се отнюдь; но приходит священник и дает молитву преже очищению родительнице и женам, прилучившимся на рождении том, и храму, и потом нарчет имя рождшемуся младенцу в 8 день, приемля имя; и потом, егда изволят родителя его, и крестят того. А молитвы запрещальные глаголются по единою токмо… ²⁰⁹⁸ А на первое погружение глаголет поп, погружая младенца, сице: «крещается, имярек, во имя Отца, аминь», а на второе погружение глаголет: «и Сына, аминь», а на третье погружение глаголет: «и Святого Духа, аминь». А не мози сего глаголать инако, или по первым обычаем вашим, еже неции глаголют на всякое погружение сице: «во имя Отца и Сына и Святого Духа, аминь»: cиe неразумных есть и мерзость Богу, понеже многобожие си есть, а не в Троице. Таже в 8 день отмывают новопросвещенному святое миро, и паки в 40 день приносим бывает матерью в церковь, и свершается о нем, еже о семь устав повелевает. ²⁰⁹⁹

А еже вопрошение имеете к нашему смирению о святых великих трех святителей, Великого глаголю Василия и Иoaннa Златоустого [и] Григория Богослова, о сих убо известне и разумне навыкох, яко таковое правило положено иметь сими святыми Отцами божественными писаниями, и законоположиша праздновать месяца января в 30, еже и вся вселенная сдержит, идеже есть православие, сим единокупно праздник тем стваряюще торжественне стихирами и чтениями всенощными славословии; понеже яко пребольшие суть святителем, и яко вселенной сущие светила не лестные, небоявленные звезды, и Апостолом единонравые, якоже Иоанн великий, божественный святитель еухантский ²¹⁰⁰ , движим божественным Духом, пиша о них и украшая похвалами праздненство их, и во едином от своих писаний рече сице: «яко аще и дерзостно есть глаголемое се, аще, рече, не быша cии великие три святители были, достояше быть второму апостольскому пришествию на земле». И смотри мужа художество ²¹⁰¹ : в едином месяце обретает сих всех трех, в том и полагает сим праздник в 30 месяца. Темже и аз, ревнуя сих преданию истинному, и вам повелеваю и молю вашу любовь, не обленитесь сий праздник всячески свершать и красить торжественными похвалами же и всенощными славословиями, и помощь от них требовать, понеже суть ходатаи к Богу. Святого же Ипполита, в 30 сего месяца, служба его поется на навечернице преже сего дня, или когда рассудит еклисиарх.

По премногу же убо бых писал о всем ²¹⁰² к вашей любви, понеже устав много сдержит, и ныне случится тако, и в мале cиe написах вам. А дана грамота на Москве, месяца августа в 12, индикта 12, в лето 6927.