Минея, 5 Августа, Кано́н предпра́зднства
Глас 4
Песнь 1
Ирмос: Отве́рзу уста́ моя́,/ и напо́лнятся Ду́ха,/ и сло́во отры́гну Цари́це Ма́тери,/ и явлю́ся, све́тло торжеству́я,/ и воспою́, ра́дуяся, Тоя́ чудеса́.
Припев: Слáва Тебé, Гóсподи, Слáва Тебé.
Да облиста́ет до́ле свет не́бо па́че со́лнца,/ и земля́ да слы́шит глаго́лы Жива́го Бо́га, сыновство́ прео́бразу́емаго:/ Оте́ц бо свиде́тельствует на горе́ Фаво́рстей.
Сла́ва Отцу́ и Сы́ну и Свято́му Ду́ху.
Челове́к зри́мый, но Бог кры́емый,/ на Фаво́р Христо́с восхо́дит, Божества́ зарю́ обнажа́я,/ е́же па́че со́лнца, сла́вы светлостьми́.
И ны́не и при́сно и во ве́ки веко́в. Ами́нь.
Разу́мно ны́не предгряде́т яви́тися Моисе́ю Христо́с,/ сла́вы виде́ние показу́я на горе́ Фаво́рстей лице́м к лицу́ нехода́тайственною бесе́дою,/ ра́дующеся, днесь предпра́зднуем.
Песнь 3
Ирмос: Твоя́ песносло́вцы, Богоро́дице,/ живы́й и незави́стный Исто́чниче,/ лик себе́ совоку́пльшия, духо́вно утверди́,/ в Боже́ственней Твое́й сла́ве/ венце́в сла́вы сподо́би.
Припев: Слáва Тебé, Гóсподи, Слáва Тебé.
Влады́чествуяй тва́рию все́ю, ви́ден бысть, зрак раба́ прие́м,/ и́мже Божества́ непристу́пное сия́ние ученико́м показа́л есть,/ я́коже вмеща́ху зре́ти.
Сла́ва Отцу́ и Сы́ну и Свято́му Ду́ху.
На го́ру и́дет облиста́ти сла́вы Со́лнце, Христо́с,/ и свы́ше сия́ющую денни́цу омрачи́ти све́том,/ Его́же заря́ми сия́юще, предпра́зднуим днесь.
И ны́не и при́сно и во ве́ки веко́в. Ами́нь.
Живота́ ве́чнаго исполня́я глаго́лы, предста́ Христо́с,/ показу́я в себе́ ве́щи друго́м разуме́ти, я́коже благоволи́,/ Оте́ческую сла́ву блиста́ющую.
Седален, глас 4
Гото́вися ны́не, Фаво́ре, се бо гряде́т Христо́с,/ Божества́ зарю́ па́че ума́ показа́ти на Тебе́ сла́вным ученико́м, я́коже можа́ху./ Илия́ и Моисе́й стра́хом предстоя́ста, о́блак же Све́та осеня́ше,/ и глас слы́шашеся свы́ше от Отца́ Све́тов, глаго́лющ:/ Сей есть Сын Мой возлю́бленный, Того́ послу́шайте.
Песнь 4
Ирмос: Седя́й в сла́ве на престо́ле Божества́,/ во о́блаце ле́гце/ прии́де Иису́с Пребоже́ственный/ Нетле́нною Дла́нию и спасе́ зову́щия:/ сла́ва, Христе́, си́ле Твое́й.
Припев: Слáва Тебé, Гóсподи, Слáва Тебé.
Небе́сный лик с земны́ми ра́дуется и предпра́зднует Светода́вца сия́ние,/ и́же несказа́нно облиста́ет, изменя́я челове́ческий зрак на Фаво́ре,/ я́коже благоволи́.
Сла́ва Отцу́ и Сы́ну и Свято́му Ду́ху.
Богочелове́чным прише́ствием челове́ком прибли́жився,/ чуде́с заре́ю мир та́йно просвети́л еси́,/ блиста́ющеюся же сла́вою Божества́ проси́ял еси́ на Фаво́ре непристу́пным Све́том.
И ны́не и при́сно и во ве́ки веко́в. Ами́нь.
Иису́с, Нави́н сын, пе́рвее со́лнце уста́́ви, прообразу́я день Боже́ственныя стра́сти,/ Сам же, Спа́се, пре́жде Честна́го Креста́ Твоего́, сия́ния скрыл еси́ со́лнца/ заря́ми Боже́ственными лица́ Твоего́.
Песнь 5
Ирмос: Ужасо́шася вся́ческая/ о Боже́ственней сла́ве Твое́й:/ Ты бо, Неискусобра́чная Де́во,/ име́ла еси́ во утро́бе над все́ми Бо́га/ и роди́ла еси́ Безле́тнаго Сы́на,/ всем воспева́ющим Тя/ мир подава́ющая.
Припев: Слáва Тебé, Гóсподи, Слáва Тебé.
Христу́, ра́дующеся, ве́рно после́дуем:/ се бо и́дет к горе́, ученики́ лу́чшия с Собо́ю веды́й,/ пред ни́миже непристу́пною добро́тою возсия́в па́че со́лнца,/ показа́ сла́ву Свою.
Сла́ва Отцу́ и Сы́ну и Свято́му Ду́ху.
Да просвети́тся днесь не́бо светле́йте восхо́дом, е́же к горе́,/ отону́дуже облиста́ет Христо́с непристу́пным Све́том,/ со́лнечныя лучи́ сла́вою Божества́ омра́чая, я́ко све́та Пода́тель.
И ны́не и при́сно и во ве́ки веко́в. Ами́нь.
Та́инство показа́ Христо́с ученико́м на Фаво́ре, просия́в па́че зари́ лице́м,/ оде́ждою же риз Свои́х убели́вся све́тло, я́ко снег,/ одева́яйся, я́ко ри́зою, све́том псало́мски.
Песнь 6
Ирмос: Боже́ственное сие́ и всечестно́е/ соверша́юще пра́зднество,/ Богому́дрии, Богома́тере,/ прииди́те, рука́ми воспле́щим,/ от Нея́ ро́ждшагося Бо́га сла́вим.
Припев: Слáва Тебé, Гóсподи, Слáва Тебé.
Черто́г сла́вы бу́дущия ра́дости друго́м гото́вя,/ восхо́дит на го́ру Христо́с,/ к житию́ Небе́сному от жи́зни, до́лу влеку́щия, возводя́ их.
Сла́ва Отцу́ и Сы́ну и Свято́му Ду́ху.
Удивля́я разум Христо́с ученико́в, небе́сное на земли́ сия́ние облиста́,/ зако́н и проро́ков раболе́пно представля́я нача́льники,/ и́ми же ме́ртвым и жи́вым свиде́тельствуется Бог.
И ны́не и при́сно и во ве́ки веко́в. Ами́нь.
Свети́льник яви́тися ны́не гряде́т, Христо́с,/ в те́мнем ме́сте сия́нием Боже́ственнаго блиста́ния,/ Его́же к сия́нию и́дем, пря́мо лицу́ его́ ра́дующеся.
Кондак, глас 4
Боже́ственным днесь преображе́нием/ челове́ческое все естество́ просиява́ет боже́ственно, в весе́лии зову́щее:/ прео́бразу́ется Христо́с, спаса́яй вся.
Икос
Преображе́нием Боже́ственным зрак наш, и́же дре́вле тле́нием растле́нный/ во а́довых сокро́вищах пра́отца́ Ада́ма,/ днесь Зижди́тель из тли возведе́, обожа́ет наш ра́зум,/ пребыва́ет же Бог вку́пе и Челове́к,/ естества́ ка́яждо соедине́на нося́ непрело́жна же и неразде́льна./ Те́мже ны́не на Фаво́ре несказа́нно сия́ет/ и из всея́ пло́ти дае́т лучи́ Божества́ Своего́, просвеща́я вопию́щия:/ прео́бразу́ется Христо́с, Спа́саяй всех.
Песнь 7
Ирмос: Не послужи́ша тва́ри Богому́дрии/ па́че Созда́вшаго,/ но, о́гненное преще́ние му́жески попра́вше,/ ра́довахуся, пою́ще:/ препе́тый отце́в Госпо́дь и Бог, благослове́н еси́.
Припев: Слáва Тебé, Гóсподи, Слáва Тебé.
К преложе́нию от земли́, на высо́ту восходя́щему́, учени́к избра́нию после́дуем,/ Христо́во смотря́юще стра́нное виде́ние./ Уди́вльшеся же с ни́ми, возопие́м:/ Бо́же, благослове́н еси́.
Сла́ва Отцу́ и Сы́ну и Свято́му Ду́ху.
Оскве́рншееся очи́стил еси́ естество́ челове́ческое водо́ю же и огне́м,/ твое́ю пло́тию сего́ све́тлость показу́еши, Спа́се,/ лице́м Твои́м просия́в па́че со́лнца во о́браз бу́дущия сла́вы.
И ны́не и при́сно и во ве́ки веко́в. Ами́нь.
Взы́дем со Христо́м на го́ру святу́ю,/ возводя́щим Зеведе́евы сы́ны и Петра́ лу́чшаго,/ и́хже избра́ сла́ве Свое́й свиде́тели, зову́щия:/ Бо́же, благослове́н еси́.
Песнь 8
Ирмос: О́троки благочести́выя в пещи́/ Рождество́ Богоро́дичо спасло́ есть,/ тогда́ у́бо о́бразу́емое,/ ны́не же де́йствуемое,/ вселе́нную всю воздвиза́ет пе́ти Тебе́:/ Го́спода по́йте, дела́,/ и превозноси́те его́ во вся ве́ки.
Припев: Слáва Тебé, Гóсподи, Слáва Тебé.
Кто не удиви́тся, Всецарю́ сла́вы, великоле́пию сла́вы Твоея́,/ в не́же преобра́жся, показа́л е́си друго́м Твои́м,/ Боже́ственными светлостьми́ облиста́в их?/ С ни́миже предпра́зднующих ве́рою уясни́ Све́том Твои́м нас, Тя пою́щих.
Сла́ва Отцу́ и Сы́ну и Свято́му Ду́ху.
Высоту́ Небе́снаго жития́ и сла́вы присносу́щныя Боже́ственное сия́ние да́руй рабо́м Твои́м,/ ны́не предпра́зднующим Твоего́ преображе́ния све́тлое торжество́,/ в не́же Свет облиста́я, уясня́еши Тя воспева́ющия, Христе́ Светода́вче.
И ны́не и при́сно и во ве́ки веко́в. Ами́нь.
Све́та Пода́тель и Свет сый непристу́пен,/ Присносу́щне, Пребезнача́льне, одея́йся Све́том, я́коже ри́зою,/ свет в ми́ре проси́ял еси́, с пло́тию прише́д,/ и Свет на горе́ облиста́еши, сла́вы О́тчия показа́в о́браз.
Песнь 9
Ирмос: Всяк земноро́дный/ да взыгра́ется, Ду́хом просвеща́емь,/ да торжеству́ет же Безпло́тных умо́в естество́,/ почита́ющее свяще́нное торжество́ Богома́тере,/ и да вопие́т:/ ра́дуйся, Всеблаже́нная, Богоро́дице,/ Чи́стая Присноде́во.
Припев: Слáва Тебé, Гóсподи, Слáва Тебé.
Ра́дуйся, не́бо, от земли́ возсия́ющаго ны́не прове́дый, Со́лнца Незаходи́маго,/ и сла́вою Боже́ственною покры́ти хотя́щаго со́лнечныя све́тлости;/ земля́ же да лику́ет све́тло,/ Небе́сною заре́ю и све́тлостию сия́ющи и свет быва́ющи.
Сла́ва Отцу́ и Сы́ну и Свято́му Ду́ху.
Поя́ Дави́д Твое́ преображе́ние, предвозгласи́:/ кто уподо́бится Тебе́, Го́сподеви, глаго́ля, в сыне́х Бо́жиих?/ Ты бо, прославля́лся в сове́тех святы́х, вели́к яви́лся еси́ су́щим о́крест Тебе́,/ стра́шен в сла́ве Боже́ственнаго зра́ка.
И ны́не и при́сно и во ве́ки веко́в. Ами́нь.
О Сло́во Бо́жие, му́дрость, и си́ла, и о́браз Оте́ч!/ О Бо́же, разумева́емый ве́рными, и Челове́че познава́емый!/ Твоего́ преображе́ния нас сподо́би, соверши́ти све́тлое торжество́,/ во све́те до́б́рых дел сия́ющих.
Светилен
Не́бо созда́вый и звезда́м свет вложи́вый, днесь на го́ру Фаво́рскую возше́д,/ освеща́ет ученики́ заре́ю Божества́ Своего́.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Богородичен: Днесь на Фаво́ре Христо́с Свет облиста́,/ днесь свы́ше шум, глас Оте́ч, услы́шан бысть:/ Сей есть, вопия́, Сын возлю́бленный Мой.