Лаврентьевская летопись
http://expositions.nlr.ru/LaurentianCodex/_Project/page_Show.php л.38 об.
...
Крещену же Володимеру, пре
даша ему веру крестьяньску, рекуще сице: «Да не пре
льстять тебе неции от еретикъ, но веруй, сице глаголя:
“Верую во единого Бога Отца, вседержителя, творца
небу и земли”, - и до конца веру сию. И паки: “Верую въ
единого Бога-Отца нерожена, и въ единого Сына рожена,
въ единъ Святый Духъ исходяще: три собьства сверше
на, мыслена, разделяема числомъ, събестве
нымь, а не съ божествен[ы]мь, [разделяет бр ся не]разделно,
и совкупля ется неразмесно. Отець, Богъ-Отець, присно сый пребы
ваеть во отчьстве, нероженъ, безначаленъ, нача
ло и вина всемъ, единемъ неронымь старе
й сый Сыну и Духови. От негоже рожается Сынъ преже
всех векъ, исходить же Духъ Святый безъ времене и
бес тела; вкупе Отець, вкупе Сынъ, вкупе Духъ Святый
есть. Сынъ подобенъ сущенъ Отцю роженьемь то
чью разньствуя Отцю и Духу. Духъ есть пресвятый, Отцю
и Сыну подобносвершено и присносущно. Отцю бо отець
ство, Сыну же сыновьство, Святомуму же Духу исхоженье.
И Отець бо въ Сынъ, ли въ Духъ преступае, ни Сынъ во Отца
и в Духа, и Духъ ли въ Сынъ ли во Отець, неподвижена бо
свойствия. Не трее Бози - единъ Богъ, по немуже
едино Божество въ трехъ лицах.
Хотеньемь же Отца и Духа свою спасти тварь, отеческихъ ядръ, и
хъже не оступи, съшедъ и въ человеческое ложе пречистое,
аки Божье семя вшедъ, плоть съдушну, словесну
же, и умну, не преже бывшю, приимъ, изиде Богъ
воплощенъ, родися неизречьньне и девство мати схрани
нетленьно, не смятенье, ни размешенье, ни и
змененья пострадавъ, но преже бывъ еже бе, бысть,
еже не бе, приимъ рабий зракъ истиною, а не ме
чтаньемь, всячьски, разве греха, намъ подобны
бывъ. Волею бо родися, волею взалка, волею вжада,
волею трудися, волею устрашися, волею умре, истино
ю, а не мечтаньемь, вся ественая, не оклевета
ны страсть человечества. Распятъ же ся, смерти вкуси безъ
грешный, въскресъ въ своей плоти, не видевши
истленья, на небеса взиде и седе одесную Отца. При
деть же паки съ славою судити живымъ и мертвымъ,
якоже взиде съ славою и плотью, тако сниде. К си
мъ едино крещенье исповедаю водою и Духомъ, при
ступаю къ пречистымъ тайнамъ, верою во истину те
ло и кровь, приемлю церковная преданья, и кла
няюся честнымъ иконамъ, кланяюся древу честному
и всякому кресту, святымъ мощемь и святымъ судомъ.
Веруй же и сему сборъ святыхъ отець, иже есть первый
въ Никии 300 и 18, иже прокляша Арья [и] пропове
даша веру непорочну и праву. Вторый сборъ
ньдрея Офонаси, от Царягорода Митрофанъ посла епископы
от себе, тако исправляху веру. На второмь же зборе
от Рима Да[ма]съ, а от Олексанъдрия Тимофей, от Анти
[о]хия Мелетий, Курилъ Ярусалимский, Григорий Богослове
ць. На третьем же сборе Колестинъ Римьский,
Курилъ Олександрьский, Увеналий Ерусалимский.
На четвертомь же сборе Левонтий Рамьскый,
Анаталий Царягорода, Увеналий Ерусалимский.
На пятомь сборе Римьский Валиги, Евтухи
Царягорода, Аполинарий Олександрьский, Домн
инь Антиахъскый. На 6-мъ сборе от Рима Агафо
нъ, Гооргий Царягорода, Фофанъ Антиохьский, от О
лексанъдра Петръ мнихъ. На 7-мь сборе Оньдре
янъ от Рима, Тарасий Царяграда, Политианъ Оле
ксаньдрьский, Федоритъ Антиохьский, Илья
Ерусалимский. И си вси [со] своими епископы, сходящеся, и про
славляху. По семь же сборе Петръ Гугнивый со и
неми шедъ в Римъ и престолъ въсхвативъ, и разъвра
ти веру, отвергься престола Ярусалимска и Олексань
дрьскаго, Царяграда и Онтиахийскаго. Възму
тиша Италию всю, сеюще ученье свое разно. О
ви бо попове, одиною женою оженевся, служать,
а друзии до семые жены поимаючи служать,
их же блюстися ученья. Пращають же грехи н
а дару, еже есть злее всего. Богъ да схранить тя от се
го».
