Начало богослужебного дня в 16:00.

Сб
Полиелейный праздник
Знак по Типикону
Славословие
Укажите храм в Личном кабинете.
Богослужебные указания

Богослужебные указания за 15 марта 2025 года


2. Суббота 2-й седмицы. Поминовение усопших. Сщмч. Феодо́та, еп. Кирине́йского. Иконы Божией Матери, именуемой «Держа́вная».

Свт. Арсе́ния, еп. Тверского.

Совершается заупокойная служба Триоди в соединении со службой Октоиха и рядовой службой Минеи (сщмч. Феодо́та, еп. Кирине́йского) (А).

В этот день может совершаться полиелейная служба[1] в честь иконы Божией Матери, именуемой «Державная» (при этом заупокойная служба Триоди в данную субботу отменяется). При совершении богослужения следует руководствоваться 13-й Марковой главой Типикона под 24 февраля: «А́ще случи́тся Обре́тение честны́я главы́ Предте́чевы в суббо́ту 2-ю, или́ 3-ю посто́в» (Б).

А. Повечерие великое (без поклонов):

По 1-м Трисвятом – тропарь, глас 2-й: «Апо́столи, му́ченицы и проро́цы...». «Слава» ин тропарь глас тот же: «Помяни́, Го́споди...», «И ныне» Богородичен, глас тот же: «Ма́ти Святая...».

По 2-м Трисвятом – тропари Часослова (обычные), глас 6-й: «Помилуй нас, Господи...».

По «Слава в вышних...» – поется служба мчч. Евтро́пия, Клеони́ка и Васили́ска (с 3 марта), и заупокойный канон Октоиха, глас 4-й (с утрени субботы, без ирмосов). Канон Богородицы (Октоиха) не поется, так как заменяется заупокойным.

После канонов – «Достойно есть».

По 3-м Трисвятом – кондак, глас 8-й: «Со святыми упоко́й...» (вместо «Господи Сил...»). «Господи, помилуй» (40), «Иже на всякое время...», «Господи, помилуй» (трижды), «Слава, и ныне», «Честнейшую Херувим...», «Именем Господним...». Возглас: «Молитвами святых отец наших...». Чтец: «Аминь». Молитва: «Нескве́рная, Небла́зная...», «И даждь нам, Владыко...», «Преславная Присноде́во...», «Упова́ние мое Отец...». Иерей: «Слава Тебе, Христе Боже...». «Слава, и ныне». «Господи, помилуй» (трижды). «Благослови». Отпуст малый: «Христос, Истинный Бог наш...». Обычное прощение. Ектения: «Помо́лимся...».

Полунощница обычная – субботняя.

Утреня начинается обычным порядком (см. 23 февраля).

Вместо «Бог Господь» – «Аллилуия»[2], глас 2-й, с заупокойными стихами: 1-й – «Блаже́ни, яже избра́л и прия́л еси, Го́споди»; 2-й – «Па́мять их в род и род»; 3-й – «Ду́ши их во благи́х водворя́тся». Тропарь, глас 2-й: «Апо́столи, му́ченицы и проро́цы...» (дважды). «Слава» – ин тропарь, глас тот же: «Помяни́, Го́споди...», «И ныне» – Богородичен, глас тот же: «Ма́ти Свята́я...».

Стихословится 16-я кафизма. Малая ектения (обычная, не заупокойная). Седальны Октоиха, глас 4-й (три мученична: 2-й, 3-й и 4-й, а 1-й оставляется, и мертвен): «Кресто́м вооружи́вшеся...», «Му́ченицы Твои́, Го́споди...», стих: «Мно́ги ско́рби пра́ведным...» [или стих: «Ди́вен Бог во святы́х Свои́х, Бог Изра́илев»] – «И́же во всем ми́ре...», стих: «Блаже́ни, яже избра́л...» – «Ду́ши, яже преста́вил еси...». «Слава, и ныне» – Богородичен воскресный текущего гласа: «Еже от ве́ка...» (см. по 1-м стихословии).

По седальнах сразу[3] (ничего не глаголя) поем (по Уставу, на 5-й глас) непорочны (17-ю кафизму)[4], разделяя на две части (статии́), с припевом к 1-й: «Благослове́н еси, Господи, научи́ мя оправда́нием Твоим». Первая статия оканчивается 93-м стихом, перед словом: «Среда» (т. е. середина). После первой статии не произносится: «Слава, и ныне», но с припевом поются (трижды) заключительные 92-й и 93-й стихи: «Я́ко а́ще бы не зако́н Твой...» и «Во век не забу́ду оправда́ний Твои́х...»[5].

Примечание. Относительно окончания первой и второй статии 17-й кафизмы при заупокойном богослужении существуют следующие мнения: 1) каждый из двух последних стихов первой и второй статии поется по трижды с соответствующим припевом[6]; 2) в каждой статии два последних стиха объединяются «за един» и поются с припевом трижды[7].

Произносится малая заупокойная ектения: «Паки и паки...», певцы: «Господи, помилуй» (единожды); «Еще́ мо́лимся о упокое́нии душ усо́пших рабо́в Бо́жиих пра́отец, оте́ц, и бра́тий наших...», певцы: «Господи, помилуй» (единожды); «Яко да Господь Бог учини́т ду́ши их...», певцы: «Господи, помилуй» (единожды); «Милости Божия...», певцы: «Подай, Господи». «Господу помолимся». Певцы тихо: «Господи, помилуй» (40). Иерей тайно читает молитву: «Боже духо́в...». Возглас: «Яко Ты еси Воскресение...». Певцы: «Аминь».

Вторая статия́ 17-й кафизмы: «Твой есмь аз...» поется с припевом к каждому стиху: «Спа́се, спаси́ мя»[8]. В конце трижды поются с припевом заключительные 175-й и 176-й стихи: «Жива́ бу́дет душа́ моя...» и «Заблуди́х, яко овча́ поги́бшее...».

Далее тропари по Непорочных, глас 5-й: «Святы́х лик...», с припевом «Благослове́н еси, Го́споди, научи́ мя оправда́нием Твоим»[9]. Малая заупокойная ектения (см. по 1-й статии). «Господи, помилуй» (40). Иерей тайно читает молитву: «Боже духо́в...». По возгласе певцы: «Аминь», и седален, глас 5-й: «Поко́й, Спа́се наш...», «Слава» – конец этого песнопения: «И вся, яже в ве́дении и не в ве́дении, Человеколюбче»[10], «И ныне» – Богородичен, глас тот же: «От Де́вы возсия́вый...». Псалом 50-й. (Молитва: «Спаси, Боже, люди Твоя...» не глаголется.)

Каноны:

В храме Господском и Богородицы – канон храма со ирмосом на 6 (ирмосы единожды), канон Минеи (священномученика) на 4. Начиная с 6-й песни канон храма опускается, и поется сначала канон Минеи (священномученика) со ирмосом на 6 (ирмосы единожды), потом два четверопеснца Триоди на 10[11].

В храме святого – канон Минеи (священномученика) со ирмосом на 6 (ирмосы единожды), канон храма святого на 4. Начиная с 6-й песни канон храма опускается, поются канон Минеи (священномученика) и четверопеснцы так же, как в храме Господском и Богородицы.

Библейские песни Ирмология по великопостному разделу.

Примечание. Начальные стихи песней Священного Писания, с 1-й по 5-ю, не поются, а начинают стихословиться только после ирмоса и 1-го тропаря, с надписи «на 8» (всего на 10). 13 стихов 6-й и 9-й библейских песней (включая «Слава» и «И ныне») начинают петься, чередуясь с тропарями канона Минеи и четверопеснцев Триоди, – после ирмоса канона Минеи (всего, включая ирмос канона Минеи, на 14, и в заключение еще 2 дополнительных тропаря 2-го четверопеснца с особыми припевами). 7-я и 8-я библейские песни стихословятся от начала до конца; после стиха с надписью «на 14» поется ирмос канона Минеи и далее тропари, чередуясь со стихами (всего, включая ирмос Минеи, на 14, и в заключение еще 2 дополнительных тропаря 2-го четверопеснца с особыми припевами).

Катавасия по 3-й песни – ирмос 3-й песни последнего канона, а по 6-й, 7-й, 8-й и 9-й – ирмосы второго четверопеснца.

По 3-й песни – ектения малая (обычная, не заупокойная). Кондак священномученика, глас 3-й; седален священномученика, глас 4-й. «Слава, и ныне» – Богородичен Минеи, глас тот же.

По 6-й песни – малая заупокойная ектения (см. по 1-й статии 17-й кафизмы). Кондак, глас 8-й: «Со святыми упоко́й...», и икос, глас тот же.

На 9-й песни поем «Честнейшую».

По 9-й песни – «Достойно есть». Светилен гласа.

Примечание. Светилен заимствуется из приложения Октоиха «Светильны дневнии во всю седмицу» и берется по рядовому гласу Октоиха (в данном случае 4-го гласа). Светилен исполняется дважды (через «Слава, и ныне»), первый раз оканчиваясь словами: «Молитвами, Господи, святых Твоих, и спаси мя», а второй – «Молитвами, Господи, Богородицы, и спаси мя»[12].

В Постной Триоди (см. в субботу 2-ю поста) приводится следующий устав пения светильнов: «Не́бо звезда́ми украси́вый...». «Слава» – «Живы́ми и ме́ртвыми облада́яй...», «И ныне» – Богородичен: «Сла́дость а́нгелов...». Однако такое указание не соответствует Типикону (см. гл. 49, «В субботу 2-ю постов на утрени») и Октоиху (см. Приложение – «Светильны дневнии во всю седмицу»).

«Хвалите Господа с Небес...» и хвалитные псалмы.

На хвалитех стихиры Октоиха (мученичны), глас 4-й – 4. «Слава» – мертвен Октоиха, глас тот же: «Где есть ми́ра пристра́стие?..» (см. на хвалитех), [или «В поко́ищи Твое́м, Го́споди...» (см. на хвалитех),] «И ныне» – Богородичен Октоиха, глас тот же: «Еди́на Чи́стая...».

«Тебе слава подобает...» не произносится, но сразу: «Слава Тебе, показавшему нам свет». Читается вседневное славословие.

Стихиры на стиховне Октоиха («покойны гласа»[13]; со своими, заупокойными, стихами), глас 4-й. «Слава, и ныне» – Богородичен Октоиха, глас тот же: «Словесе́м после́дующе...».

«Благо есть» (единожды). Трисвятое. По «Отче наш» – тропарь, глас 2-й: «Апо́столи, му́ченицы и проро́цы...». «Слава» – ин тропарь, глас тот же: «Помяни́, Господи...», «И ныне» – Богородичен, глас тот же: «Ма́ти Свята́я...».

После сугубой ектении «Помилуй нас, Боже...» – иерей: «Премудрость». Певцы: «Благослови». Иерей: «Сый благослове́н...». Певцы: «Аминь». «Утверди́, Боже...», и сразу 1-й час.

На часах – тропари: «Апо́столи, му́ченицы и проро́цы...». «Слава» – «Помяни́, Господи, яко Благ...». Кондак: «Со святыми упоко́й...».

Литургия свт. Иоанна Златоуста.

Блаженны гласа – 6.

По входе – тропари, глас 2-й: «Апо́столи, му́ченицы и проро́цы...», «Помяни́, Господи, яко Благ...». «Слава» – кондак, глас 8-й: «Со святыми упоко́й...», «И ныне» – Богородичен, глас тот же: «Тебе и сте́ну, и приста́нище...».

Прокимен – дня (субботы), глас 8-й: «Весели́теся о Го́споде...», стих: «Блаже́ни, и́хже оста́вишася беззако́ния...»; и заупокойный, глас 6-й: «Ду́ши их во благи́х водворя́тся».

Апостол и Евангелие – субботы 2-й седмицы и заупокойные.

Аллилуиарий – дня (субботы): «Воззва́ша пра́веднии...», стих: «Мно́ги ско́рби пра́ведным...»; и заупокойный: «Блаже́ни, яже избра́л...».

Причастен – дня (субботы): «Ра́дуйтеся, пра́веднии...», и заупокойный: «Блаже́ни, яже избра́л...».


Б. Повечерие великое (без поклонов):

По 1-м Трисвятом – тропарь Богородицы (иконы), глас 4-й (единожды).

По 2-м Трисвятом – тропари Часослова (обычные), глас 6-й: «Помилуй нас, Господи...».

По «Слава в вышних...» – поется служба сщмч. Феодо́та, еп. Кирине́йского (с 2 марта), служба мчч. Евтро́пия, Клеони́ка и Васили́ска (с 3 марта), и заупокойный канон Октоиха, глас 4-й (с утрени субботы, без ирмосов)[14]. Начиная с 6-й песни заупокойный канон Октоиха опускается[15], и поются каноны сщмч. Феодо́та, еп. Кирине́йского (с 2 марта), мчч. Евтро́пия, Клеони́ка и Васили́ска (с 3 марта), и четверопеснцы субботы 2-й седмицы Великого поста (см. на утрене в Триоди). Канон Богородицы (Октоиха) на повечерии не поется, так как заменяется заупокойным.

После канонов – «Достойно есть».

По 3-м Трисвятом – кондак Богородицы (иконы), глас 8-й (вместо «Господи Сил...»). Господи, помилуй» (40), «Иже на всякое время...», «Господи, помилуй» (трижды), «Слава, и ныне», «Честнейшую Херувим...», «Именем Господним...». Возглас: «Молитвами святых отец наших...». Чтец: «Аминь». Молитва: «Нескве́рная, Небла́зная...», «И даждь нам, Владыко...», «Преславная Приснодево...», «Упование мое Отец...». Иерей: «Слава Тебе, Христе Боже...». «Слава, и ныне». «Господи, помилуй» (трижды). «Благослови». Отпуст малый: «Христос, Истинный Бог наш...». Обычное прощение. Ектения: «Помо́лимся...».

Полунощница обычная – субботняя.

На утрене на «Бог Господь» – тропарь Богородицы (иконы), глас 4-й (дважды). «Слава, и ныне» – тот же тропарь.

Кафизмы 16-я и 17-я[16]. Малые ектении. Седальны Богородицы (иконы).

Полиелей. Величание Богородицы (иконы) и избра́нный псалом. Седален Богородицы (иконы) по полиелее, глас 4-й. «Слава, и ныне» – тот же седален. Степенна – 1-й антифон 4-го гласа. Прокимен и Евангелие – Богородицы (иконы). По 50-м псалме: «Слава» – «Молитвами Богородицы...». Стихира Богородицы (иконы), глас 6-й.

Канон Богородицы (иконы) со ирмосом на 14 (ирмосы по дважды).

Библейские песни в праздничной редакции: «Поем Господеви...».

Катавасия: «Отверзу уста моя...».

По 3-й песни седален Богородицы (иконы). «Слава, и ныне» – ин седален Богородицы (если есть), или тот же седален.

По 6-й песни кондак Богородицы (иконы), глас 8-й, и икос (если есть).

На 9-й песни поем «Честнейшую».

По 9-й песни «Достойно есть» не поется. Светилен Богородицы (иконы). «Слава, и ныне» – ин светилен Богородицы (если есть), или тот же светилен.

«Всякое дыхание...» и хвалитные псалмы.

На хвалитех стихиры Богородицы (иконы), глас 5-й – 4. «Слава, и ныне» Богородицы (иконы).

Великое славословие. По Трисвятом – тропарь Богородицы (иконы), глас 4-й (единожды).

На часах – тропарь и кондак Богородицы (иконы).

Литургия свт. Иоанна Златоуста.

Блаженны Богородицы (иконы), песнь 3-я – 4 (со ирмосом) и песнь 6-я 4.

По входе – тропари и кондаки:

В храме Господском – тропарь храма, тропарь Богородицы (иконы). «Слава» – кондак храма, «И ныне» – кондак Богородицы (иконы).

В храме Богородицы – тропарь Богородицы (иконы). «Слава, и ныне» – кондак Богородицы (иконы).

В храме святого – тропарь Богородицы (иконы), тропарь храма. «Слава» – кондак храма, «И ныне» – кондак Богородицы (иконы).

Прокимен, аллилуиарий и причастен Богородицы (иконы)[17].

Апостол и Евангелие субботы 2-й седмицы (но не заупокойные) и Богородицы (иконы).

1 См. предыдущую сноску.

2 «Аллилуиа» обыкновенно поется трижды по трижды (ср.: Розанов В. Богослужебный Устав Православной Церкви. С. 754–755).

3 Устав предписывает после седальнов «чте́ние в Шестодне́ве Златоу́стове» (Типикон, гл. 49, «В суббо́ту 2-ю посто́в на у́трени»), которое в современной практике, как правило, опускается.

4 «Та́же Блаже́ни непоро́чнии пое́м на глас 5-й, с припе́вы: Благослове́н еси, Го́споди... Разделя́ем на две статии́. Иере́й же кади́т посреди́ кафи́змы, и твори́т ектению́ о усо́пших» (Типикон, гл. 49, «В суббо́ту 2-ю посто́в на у́трени»).

5 О священнодействиях иерея и диакона см. в субботу мясопустную (9 февраля). Каждение – так же, как в субботу мясопустную.

6 Ср.: Богослужебные указания на 1958 год для священно-церковнослужителей. М., 1958. С. 25; Последование исходное монахов, Требник [Большой]. М., 1884. СПб., 1995р. Л. 109, 112, 116.

7 Ср.: Богослужебные указания на 1957 год для священно-церковнослужителей. М., 1956. С. 45; Афанасий (Сахаров), еп. О поминовении усопших по Уставу Православной Церкви. СПб., 1995. С. 166–167; Последование параста́са, сиречь великия панихиды и всено́щнаго бдения, певаемых по усопшим. Петроград, 1884. Л. 6–6 об., 10; Октоих, последование панихиды.

8 По возгласе: «Яко Ты еси Воскресение...» правый лик начинает петь вторую статию: «Твой есмь аз...». Иерей с диаконом (или диакон) совершают, по традиции, малое каждение (тетрапод окрест, иконостас, лики, народ, местные иконы иконостаса, тетрапод спереди, то есть с западной стороны).

9 Во время тропарей по Непорочных священник с диаконом совершают, по обычаю, полное каждение всего храма.

10 Пение окончания седальна на «Славу» указывается в Триоди Постной; Типикон в последовании субботы 2-й седмицы Великого поста умалчивает об этом: «Та́же седа́лен, глас 5-й: Поко́й, Спа́се наш... Сла́ва, и ны́не: От Де́вы возсия́вый...» (Типикон, гл. 49, «В суббо́ту 2-ю посто́в на у́трени»).

11 Каждый четверопеснец содержит по четыре тропаря; кроме того, во втором четверопеснце имеется (после Богородична) еще два тропаря, которые поются с особыми припевами (см. в Триоди).

12 В светильнах 6-го гласа вместо окончания изменяется начало, поэтому светильны 6-го гласа в субботу исполняются следующим образом: «Моли́твами, Го́споди, святы́х Твои́х, низпосли́ душа́м на́шим свет Твой присносу́щный» [или: «Моли́твами, Го́споди, всех святы́х, низпосли́ душа́м на́шим свет Твой присносу́щный», – ср.: Триодь Постная]; «Слава, и ныне» – Моли́твами, Го́споди, Богоро́дицы, низпосли́ душа́м на́шим свет Твой присносу́щный».

13 «На стихо́вне ме́ртвены стихи́ры господи́на Феофа́на, прилучи́вшагося гла́са. Слава, и ныне – Богоро́дичен» (Типикон, гл. 49, «В суббо́ту 2-ю посто́в на у́трени»).

14 О последовательности канонов на повечерии в пяток вечера см. в субботу мясопустную, 9 февраля (примечание на повечерии).

15 Ср.: Розанов В. Богослужебный Устав Православной Церкви. С. 639–640.

16 Каждение на 17-й кафизме не совершается, так как переносится на полиелей (ср.: Типикон, гл. 15).

17 Ср.: Розанов В. Богослужебный Устав Православной Церкви. С. 566.

Богослужебные указания с сайта Патриархии на каждый день.

⏶ Закрыть богослужебные указания

Великое повечерие

- Служба мчч. Евтро́пия, Клеони́ка и Васили́ска (ок. 308) с 3 марта

Священник: Благослове́н Бог наш всегда́, ны́не и при́сно и во ве́ки веко́в.

Чтец: Ами́нь.

Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас. (трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство и си́ла и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.

Чтец: Ами́нь.

Го́споди, поми́луй. (12 раз)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

1-Я ЧАСТЬ ПОВЕЧЕРИЯ

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Чтец далее читает псалмы

Псалом 4

Внегда́ призва́ти ми, услы́ша мя Бог пра́вды моея́, в ско́рби распространи́л мя еси́, уще́дри мя и услы́ши моли́тву мою́. Сы́нове челове́честии, доко́ле тяжкосе́рдии? Вску́ю лю́бите суету́ и и́щете лжи? И уве́дите, я́ко удиви́ Госпо́дь преподо́бнаго Своего́: Госпо́дь услы́шит мя, внегда́ воззва́ти ми к Нему́. Гне́вайтеся, и не согреша́йте, я́же глаго́лете в сердца́х ва́ших, на ло́жах ва́ших умили́теся. Пожри́те же́ртву пра́вды и упова́йте на Го́спода. Мно́зи глаго́лют: кто яви́т нам блага́я? Зна́менася на нас свет лица́ Твоего́, Го́споди. Дал еси́ весе́лие в се́рдце мое́м: от плода́ пшени́цы, вина́ и еле́а своего́ умно́жишася. В ми́ре вку́пе усну́ и почи́ю, я́ко Ты, Го́споди, еди́наго на упова́нии всели́л мя еси́.

Псалом 6

Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́. Поми́луй мя, Го́споди, я́ко не́мощен есмь, исцели́ мя, Го́споди, я́ко смято́шася ко́сти моя́. И душа́ моя́ смяте́ся зело́: и Ты, Го́споди, доко́ле? Обрати́ся, Го́споди, изба́ви ду́шу мою́: спаси́ мя ра́ди ми́лости Твоея́. Я́ко несть в сме́рти помина́яй Тебе́: во а́де же кто испове́стся Тебе́? Утруди́хся воздыха́нием мои́м, измы́ю на вся́ку нощь ло́же мое́, слеза́ми мои́ми посте́лю мою́ омочу́. Смяте́ся от я́рости о́ко мое́, обетша́х во всех вразе́х мои́х. Отступи́те от мене́, вси де́лающии беззако́ние, я́ко услы́ша Госпо́дь глас пла́ча моего́: услы́ша Госпо́дь моле́ние мое́, Госпо́дь моли́тву мою́ прия́т. Да постыдя́тся и смяту́тся вси врази́ мои́, да возвратя́тся и устыдя́тся зело́ вско́ре.

Псалом 12

Доко́ле, Го́споди, забу́деши мя до конца́? Доко́ле отвраща́еши лице́ Твое́ от менé? Доко́ле положу́ сове́ты в души́ мое́й, боле́зни в се́рдце мое́м день и нощь? Доко́ле вознесе́тся враг мой на мя? При́зри, услы́ши мя, Го́споди Бо́же мой, просвети́ óчи мои́, да не когда́ усну́ в смерть, да не когда́ рече́т враг мой, укрепи́хся на него́. Стужа́ющии ми возра́дуются, а́ще подви́жуся. Аз же на ми́лость Твою́ упова́х, возра́дуется се́рдце мое́ о спасе́нии Твое́м, воспою́ Го́сподеви благоде́явшему мне и пою́ и́мени Го́спода Вы́шняго.

При́зри, услы́ши мя, Го́споди, Бо́же мой, просвети́ о́чи мои, да не когда́ усну́ в смерть, да не когда́ рече́т враг мой: укрепи́хся на него.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́, Бо́же. (трижды)

Го́споди, поми́луй. (трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Псалом 24

К Тебе́, Го́споди, воздвиго́х ду́шу мою́, Бо́же мой, на Тя упова́х, да не постыжу́ся во век, ниже́ да посмею́т ми ся врази́ мои́, и́бо вси терпя́щии Тя не постыдя́тся. Да постыдя́тся беззако́ннующии вотще́. Пути́ Твоя́, Го́споди, скажи́ ми, и стезя́м Твои́м научи́ мя. Наста́ви мя на и́стину Твою́, и научи́ мя, я́ко Ты еси́ Бог Спас мой, и Тебе́ терпе́х весь день. Помяни́ щедро́ты Твоя́, Го́споди, и ми́лости Твоя́, я́ко от ве́ка суть. Грех ю́ности моея́, и неве́дения моего́ не помяни́, по ми́лости Твое́й помяни́ мя Ты, ра́ди бла́гости Твоея́, Го́споди. Благ и прав Госпо́дь, сего́ ра́ди законоположи́т согреша́ющым на пути́. Наста́вит кро́ткия на суд, научи́т кро́ткия путе́м Свои́м. Вси путие́ Госпо́дни ми́лость и и́стина, взыска́ющым заве́та Его́, и свиде́ния Его́. Ра́ди и́мене Твоего́, Го́споди, и очи́сти грех мой, мног бо есть. Кто есть челове́к боя́йся Го́спода? Законоположи́т eму́ на пути́, eго́же изво́ли. Душа́ eго́ во благи́х водвори́тся, и се́мя eго́ насле́дит зе́млю. Держа́ва Госпо́дь боя́щихся Его́, и заве́т Его́ яви́т им. О́чи мои́ вы́ну ко Го́споду, я́ко Той исто́ргнет от се́ти но́зе мои́. При́зри на мя и поми́луй мя, я́ко единоро́д и нищ есмь аз. Ско́рби се́рдца моего́ умно́жишася, от нужд мои́х изведи́ мя. Виждь смире́ние мое́, и труд мой, и оста́ви вся грехи́ моя́. Виждь враги́ моя́, я́ко умно́жишася, и ненавиде́нием непра́ведным возненави́деша мя. Сохрани́ ду́шу мою́, и изба́ви мя, да не постыжу́ся, я́ко упова́х на Тя. Незло́бивии и пра́вии прилепля́хуся мне, я́ко потерпе́х Тя, Го́споди. Изба́ви, Бо́же, Изра́иля от всех скорбе́й eго́.

Псалом 30

На Тя, Го́споди, упова́х, да не постыжу́ся во век: пра́вдою Твое́ю изба́ви мя и изми́ мя. Приклони́ ко мне у́хо Твое́, ускори́ изъя́ти мя, бу́ди ми в Бо́га Защи́тителя, и в дом прибе́жища, е́же спасти́ мя. Я́ко держа́ва моя́ и прибе́жище мое́ еси́ Ты, и и́мене Твоего́ ра́ди наста́виши мя, и препита́еши мя. Изведе́ши мя от се́ти сея́, ю́же скры́ша ми, я́ко Ты еси́ Защи́титель мой, Го́споди. В ру́це Твои́ предложу́ дух мой: изба́вил мя еси́, Го́споди Бо́же и́стины. Возненави́дел еси́ храня́щыя суеты́ вотще́: аз же на Го́спода упова́х. Возра́дуюся и возвеселю́ся о ми́лости Твое́й, я́ко призре́л еси́ на смире́ние мое́, спасл еси́ от нужд ду́шу мою́, и не́си мене́ затвори́л в рука́х вра́жиих, поста́вил еси́ на простра́нне но́зе мои́. Поми́луй мя, Го́споди, я́ко скорблю́: смяте́ся я́ростию о́ко мое́, душа́ моя́ и утро́ба моя́. Я́ко исчезе́ в боле́зни живо́т мой и ле́та моя́ в воздыха́ниих, изнемо́же нището́ю кре́пость моя́ и ко́сти моя́ смято́шася. От всех враг мои́х бых поноше́ние, и сосе́дом мои́м зело́, и страх зна́емым мои́м: ви́дящии мя вон бежа́ша от мене́. Забве́н бых я́ко мертв от се́рдца, бых я́ко сосу́д погубле́н. Я́ко слы́шах гажде́ние мно́гих, живу́щих о́крест, внегда́ собра́тися им вку́пе на мя, прия́ти ду́шу мою́ совеща́ша. Аз же на Тя, Го́споди, упова́х, рех: Ты еси́ Бог мой. В руку́ Твое́ю жре́бии мои́: изба́ви мя из руки́ враг мои́х и от гоня́щих мя. Просвети́ лице́ Твое́ на раба́ Твоего́, спаси́ мя ми́лостию Твое́ю. Го́споди, да не постыжу́ся, я́ко призва́х Тя: да постыдя́тся нечести́вии и сни́дут во ад. Не́мы да бу́дут устны́ льсти́выя, глаго́лющыя на пра́веднаго беззако́ние, горды́нею и уничиже́нием. Коль мно́гое мно́жество бла́гости Твоея́, Го́споди, ю́же скрыл еси́ боя́щымся Тебе́, соде́лал еси́ упова́ющым на Тя пред сы́ны челове́ческими. Скры́еши их в та́йне лица́ Твоего́ от мяте́жа челове́ческа, покры́еши их в кро́ве от пререка́ния язы́к. Благослове́н Госпо́дь, я́ко удиви́ ми́лость Свою́ во гра́де огражде́ния. Аз же рех во изступле́нии мое́м: отве́ржен есмь от лица́ о́чию Твое́ю: сего́ ра́ди услы́шал еси́ глас моли́твы моея́, внегда́ воззва́х к Тебе́. Возлюби́те Го́спода, вси преподо́бнии Его́, я́ко и́стины взыска́ет Госпо́дь, и воздае́т изли́ше творя́щым горды́ню. Мужа́йтеся, и да крепи́тся се́рдце ва́ше, вси упова́ющии на Го́спода.

Псалом 90

Живы́й в по́мощи Вы́шняго, в кро́ве Бо́га небе́снаго водвори́тся. Рече́т Го́сподеви: Засту́пник мой еси́ и прибе́жище мое́, Бог мой, и упова́ю на Него́. Я́ко Той изба́вит тя от се́ти ло́вчи и от словесе́ мяте́жна, плещма́ Свои́ма осени́т тя, и под криле́ Его́ наде́ешися: ору́жием обы́дет тя и́стина Его́. Не убои́шися от стра́ха нощна́го, от стрелы́ летя́щия во дни, от ве́щи во тьме преходя́щия, от сря́ща и бе́са полу́деннаго. Паде́т от страны́ твоея́ ты́сяща, и тьма одесну́ю тебе́, к тебе́ же не прибли́жится, оба́че очи́ма твои́ма смо́триши и воздая́ние гре́шников у́зриши. Я́ко Ты, Го́споди, упова́ние мое́, Вы́шняго положи́л еси́ прибе́жище твое́. Не прии́дет к тебе́ зло, и ра́на не прибли́жится телеси́ твоему́, я́ко А́нгелом Свои́м запове́сть о тебе́, сохрани́ти тя во всех путе́х твои́х. На рука́х во́змут тя, да не когда́ преткне́ши о ка́мень но́гу твою́, на а́спида и васили́ска насту́пиши, и попере́ши льва и зми́я. Я́ко на Мя упова́, и изба́влю и́, покры́ю и́, я́ко позна́ и́мя Мое́. Воззове́т ко Мне, и услы́шу eго́, с ним есмь в ско́рби, изму́ eго́ и просла́влю eго́, долгото́ю дний испо́лню eго́ и явлю́ eму́ спасе́ние Мое́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́, Бо́же. (трижды)

Го́споди, поми́луй. (трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

“С Нами Бог…”

Лик: С на́ми Бог, разуме́йте, язы́цы, и покаря́йтеся:

Я́ко с на́ми Бог.

С на́ми Бог, разуме́йте, язы́цы, и покаря́йтеся:

Я́ко с на́ми Бог.

Стих: Услы́шите до после́дних земли́: Я́ко с на́ми Бог.

Могу́щии покаря́йтеся: Я́ко с на́ми Бог.

А́ще бо па́ки возмо́жете, и па́ки побежде́ни бу́дете: Я́ко с на́ми Бог.

И и́же а́ще сове́т совещава́ете, разори́т Госпо́дь: Я́ко с на́ми Бог.

И сло́во, е́же а́ще возглаго́лете, не пребу́дет в вас: Я́ко с на́ми Бог.

Стра́ха же ва́шего не убои́мся, ниже́ смути́мся: Я́ко с на́ми Бог.

Го́спода же Бо́га на́шего Того́ освяти́м, и Той бу́дет нам в страх: Я́ко с на́ми Бог.

И а́ще на Него́ наде́яся бу́ду, бу́дет мне во освяще́ние: Я́ко с на́ми Бог.

И упова́я бу́ду на Него́, и спасу́ся Им: Я́ко с на́ми Бог.

Се аз и де́ти, я́же ми даде́ Бог: Я́ко с на́ми Бог.

Лю́дие ходя́щии во тьме, ви́деша свет ве́лий: Я́ко с на́ми Бог.

Живу́щии во стране́, и се́ни сме́ртней, свет возсия́ет на вы: Я́ко с на́ми Бог.

Я́ко Отроча́ роди́ся нам, Сын, и даде́ся нам: Я́ко с на́ми Бог.

Его́же нача́льство бысть на ра́ме Его: Я́ко с на́ми Бог.

И ми́ра Его несть преде́ла: Я́ко с на́ми Бог.

И нарица́ется и́мя Его́, вели́ка сове́та А́нгел: Я́ко с на́ми Бог.

Чу́ден сове́тник: Я́ко с на́ми Бог.

Бог кре́пок, Власти́тель, Нача́льник ми́ра: Я́ко с на́ми Бог.

Оте́ц бу́дущаго ве́ка: Я́ко с на́ми Бог.

С на́ми Бог, разуме́йте, язы́цы, и покаря́йтеся:

Я́ко с на́ми Бог.

Сла́ва Отцу́ и Сы́ну и Свято́му Ду́ху.

С на́ми Бог, разуме́йте, язы́цы, и покаря́йтеся:

Я́ко с на́ми Бог.

И ны́не и при́сно и во ве́ки веко́в. Ами́нь.

С на́ми Бог, разуме́йте, язы́цы, и покаря́йтеся:

Я́ко с на́ми Бог.

И абие настоящия тропари:

Первый лик: День преше́д, благодарю́ Тя, Го́споди, ве́чер прошу́ с но́щию, без греха́ пода́ждь ми, Спа́се, и спаси́ мя.

Вторый лик: Сла́ва Отцу́ и Сы́ну и Свято́му Ду́ху.

День преше́д, славосло́влю Тя, Влады́ко, ве́чер прошу́ с но́щию, безсобла́знство пода́ждь ми, Спа́се, и спаси́ мя.

Таже оба лика: И ны́не и при́сно и во ве́ки веко́в. Ами́нь.

День преше́д, песносло́влю Тя, Святы́й, ве́чер прошу́ с но́щию, ненаве́тен пода́ждь ми, Спа́се, и спаси́ мя.

Чтец: Безпло́тное естество́ херуви́мское немо́лчными пе́сньми Тя славосло́вят.

Шестокри́льная живо́тная Серафи́ми непреста́нными гла́сы Тя превозно́сят.

А́нгелов же вся во́инства трисвяты́ми пе́сньми Тя восхваля́ют.

Пре́жде бо всех еси́ сый Оте́ц, и собезнача́льна и́маши Твоего́ Сы́на,

И равноче́стна нося́й Ду́ха жи́зни, Тро́ицы явля́еши неразде́льное.

Пресвята́я Де́во, Ма́ти Бо́жия, и и́же Сло́ва самови́дцы и слуги́,

Проро́к же и му́ченик вси ли́цы, я́ко безсме́ртну иму́ще жизнь,

О всех моли́теся приле́жно, я́ко вси есмы́ в беда́х.

Да пре́лести изба́вльшеся лука́ваго, а́нгельскую вопие́м песнь:

Святы́й, Святы́й, Святы́й, Трисвяты́й Го́споди, поми́луй и спаси́ нас. Ами́нь.

Символ веры

Ве́рую во еди́наго Бо́га Отца́, Вседержи́теля, Творца́ не́бу и земли́, ви́димым же всем и неви́димым. И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век. Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, и́мже вся бы́ша. Нас ра́ди челове́к и на́шего ради спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы, и вочелове́чшася. Распя́таго же за ны при Понти́йстем Пила́те, и страда́вша, и погребе́нна. И воскре́сшаго в тре́тий день по Писа́нием. И возше́дшаго на небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́. И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки. Во еди́ну Святу́ю, Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых, и жи́зни бу́дущаго ве́ка. Ами́нь.

Сб 1–6 седмиц, или если есть полиелейный святой:

Чтец: Пресвята́я Влады́чице Богоро́дице, моли́ о нас гре́шных.

Вся небе́сныя си́лы святы́х А́нгел и Арха́нгел, моли́те о нас гре́шных.

Святы́й Иоа́нне Проро́че и Предте́че и Крести́телю Го́спода на́шего Иису́са Христа́, моли́ о нас гре́шных.

Святи́и сла́внии апо́столи, проро́цы и му́ченицы, и вси святи́и, моли́те о нас гре́шных.

Преподо́бнии и богоно́снии отцы́ на́ши, па́стырие и учи́телие вселе́нныя, моли́те о нас гре́шных.

(Имя святого храма), моли́ о нас гре́шных.

Непобеди́мая и непостижи́мая, и Боже́ственная си́ло Честна́го и Животворя́щаго Креста́, не оста́ви нас гре́шных.

Бо́же, очи́сти нас гре́шных.

Бо́же, очи́сти нас гре́шных и поми́луй нас.

Чтец: Святы́й Бо́же, Святы́й Кре́пкий, Святы́й Безсме́ртный, поми́луй нас. (трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ради.

Го́споди, поми́луй. (трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство и си́ла и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.

Лик: Ами́нь.

Тропари

Глас 4: Гра́да Сио́нска взыску́юще,/ под Твой покро́в, Де́во Чи́стая, дне́сь притека́ем,/ и никто́же возмо́жет на ны,/ я́ко не́сть град си́лен, а́ще не Су́щаго Бо́га,/ и не́сть и́на кре́пость, а́ще не ми́лость Влады́чицы Де́вы.

Чтец: Го́споди, поми́луй. (40 раз)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

И́менем Госпо́дним благослови́, о́тче.

Священник: Моли́твами святы́х оте́ц на́ших, Го́споди Иису́се Христе́ Бо́же наш, поми́луй нас

Чтец: Ами́нь.

Молитва Василия Великаго

Го́споди, Го́споди, избавле́й нас от вся́кия стрелы́ летя́щия во дни, изба́ви нас и от вся́кия ве́щи во тьме преходя́щия. Приими́ же́ртву вече́рнюю, рук на́ших воздея́ние. Сподо́би же нас и нощно́е по́прище без поро́ка прейти́, неискуше́ны от злых. И изба́ви нас от вся́каго смуще́ния и боя́зни, я́же от диа́вола нам прибыва́ющия. Да́руй душа́м на́шим умиле́ние, и помысло́м на́шим попече́ние, е́же на стра́шнем и пра́веднем Твое́м суде́ испыта́ния. Пригвозди́ стра́ху Твоему́ пло́ти на́ша, и умертви́ у́ды на́ша, су́щия на земли́, да и со́нным безмо́лвием просвети́мся, зре́нием суде́б Твои́х. Отыми́ же от нас вся́кое мечта́ние неподо́бное, и по́хоть вре́дну. Возста́ви же нас во вре́мя моли́твы, утвержде́ны в ве́ре, и преспева́ющия в за́поведех Твои́х, благоволе́нием и бла́гостию Единоро́днаго Сы́на Твоего́, с Ни́мже благослове́н еси́, с Пресвяты́м и Благи́м, и Животворя́щим Твои́м Ду́хом, ны́не и при́сно и во ве́ки веко́в. Ами́нь.

2-Я ЧАСТЬ ПОВЕЧЕРИЯ

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 50

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя. Я́ко беззако́ние мое́ аз зна́ю и грех мой предо мно́ю есть вы́ну. Тебе́ Еди́ному согреши́х, и лука́вое пред Тобо́ю сотвори́х, я́ко да оправди́шися во словесе́х Твои́х и победи́ши, внегда́ суди́ти Ти. Се бо в беззако́ниих зача́т есмь, и во гресе́х роди́ мя ма́ти моя́. Се бо и́стину возлюби́л еси́, безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся, омы́еши мя, и па́че сне́га убелю́ся. Слу́ху моему́ да́си ра́дость и весе́лие, возра́дуются ко́сти смире́нныя. Отврати́ лице́ Твое́ от грех мои́х, и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́, и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́, возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо, всесожже́ния не благоволи́ши. Же́ртва Бо́гу дух сокруше́н, се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая: тогда́ возложа́т на олта́рь Твой тельцы́.

Псалом 101

Го́споди, услы́ши моли́тву мою́, и вопль мой к Тебе́ да прии́дет. Не отврати́ лица́ Твоего́ от мене́: во́ньже а́ще день скорблю́, приклони́ ко мне у́хо Твое́: во́ньже а́ще день призову́ Тя, ско́ро услы́ши мя. Я́ко исчезо́ша я́ко дым дни́е мои́, и ко́сти моя́ я́ко суши́ло сосхо́шася. Уя́звен бых я́ко трава́, и и́зсше се́рдце мое́, я́ко забы́х сне́сти хлеб мой. От гла́са воздыха́ния моего́ прильпе́ кость моя́ пло́ти мое́й. Уподо́бихся нея́сыти пусты́нней, бых я́ко нощны́й вран на ны́рищи. Бдех и бых я́ко пти́ца осо́бящаяся на зде. Весь день поноша́ху ми врази́ мои́, и хва́лящии мя мно́ю кленя́хуся. Зане́ пе́пел я́ко хлеб ядя́х, и питие́ мое́ с пла́чем растворя́х. От лица́ гне́ва Твоего́ и я́рости Твоея́: я́ко возне́с низве́ргл мя еси́. Дни́е мои́ я́ко сень уклони́шася, и аз я́ко се́но изсхо́х. Ты же, Го́споди, во век пребыва́еши, и па́мять Твоя́ в род и род. Ты воскре́с уще́дриши Сио́на, я́ко вре́мя уще́дрити eго́, я́ко прии́де вре́мя. Я́ко благоволи́ша раби́ Твои́ ка́мение eго́, и персть eго́ уще́дрят. И убоя́тся язы́цы и́мене Госпо́дня, и вси ца́рие зе́мстии сла́вы Твоея́. Я́ко сози́ждет Госпо́дь Сио́на, и яви́тся во сла́ве Свое́й. Призре́ на моли́тву смире́нных, и не уничижи́ моле́ния их. Да напи́шется сие́ в род ин, и лю́дие зи́ждемии восхва́лят Го́спода. Я́ко прини́че с высоты́ святы́я Своея́, Госпо́дь с небесе́ на зе́млю призре́, услы́шати воздыха́ние окова́нных, разреши́ти сы́ны умерщвле́нных, возвести́ти в Сио́не и́мя Госпо́дне, и хвалу́ Его́ во Иерусали́ме. Внегда́ собра́тися лю́дем вку́пе, и царе́м, е́же рабо́тати Го́сподеви. Отвеща́ eму́ на пути́ кре́пости eго́: умале́ние дней мои́х возвести́ ми. Не возведи́ мене́ в преполове́ние дней мои́х: в ро́де родо́в ле́та Твоя́. В нача́лех Ты, Го́споди, зе́млю основа́л еси́, и дела́ руку́ Твое́ю суть небеса́. Та поги́бнут, Ты же пребыва́еши: и вся, я́ко ри́за обетша́ют, и я́ко оде́жду свие́ши я́ и изменя́тся. Ты же то́йжде еси́, и ле́та Твоя́ не оскуде́ют. Сы́нове раб Твои́х вселя́тся, и се́мя их во век испра́вится.

Молитва Манассии, царя иудейска

Го́споди Вседержи́телю, Бо́же оте́ц на́ших, Авраа́мов, и Исаа́ков, и Иа́ковль, и се́мене их пра́веднаго, сотвори́вый не́бо и зе́млю со все́ю ле́потою их, связа́вый мо́ре сло́вом повеле́ния Твоего́, заключи́вый бе́здну, и запеча́тствовавый ю́ стра́шным и сла́вным и́менем Твои́м, его́же вся боя́тся, и трепе́щут от лица́ си́лы Твоея́, я́ко непостоя́нно великоле́пие сла́вы Твоея́, и нестерпи́м гнев е́же на гре́шники преще́ния Твоего́, безме́рна же и неизсле́дованна ми́лость обеща́ния Твоего́: Ты бо еси́ Госпо́дь Вы́шний, благоутро́бен, долготерпели́в, и многоми́лостив, и ка́яйся о зло́бах челове́ческих. Ты, Го́споди, по мно́жеству бла́гости Твоея́, обеща́л еси́ покая́ние и оставле́ние согреши́вшим Тебе́, и мно́жеством щедро́т Твои́х, определи́л еси́ покая́ние гре́шником во спасе́ние. Ты у́бо, Го́споди Бо́же сил, не положи́л еси́ покая́ние пра́ведным, Авраа́му, и Исаа́ку, и Иа́кову, не согреши́вшим Тебе́: но положи́л еси́ покая́ние на мне гре́шнем, зане́ согреши́х па́че числа́ песка́ морска́го. Умно́жишася беззако́ния моя, Го́споди, умно́жишася беззако́ния моя, и несмь досто́ин воззре́ти, и ви́дети высоту́ небе́сную, от мно́жества непра́вд мои́х, сля́чен есмь мно́гими у́зами желе́зными, во е́же не возвести́ главы́ моея́, и несть ми ослабле́ния: зане́ прогне́вах я́рость Твою́, и лука́вое пред Тобо́ю сотвори́х, не сотвори́вый во́ли Твоея́, и не сохрани́вый повеле́ний Твоих. И ны́не приклоня́ю коле́на се́рдца, тре́буя от Тебе́ бла́гости. Согреши́х, Го́споди, согреши́х, и беззако́ния моя аз вем: но прошу́ моля́ся, осла́би ми Го́споди, осла́би ми, и не погуби́ мене́ со беззако́ньми мои́ми, ниже́ в век враждова́в соблюде́ши зол мои́х, ниже́ осу́диши мя в преиспо́дних земли́. Зане́ Ты еси́, Бо́же, Бог ка́ющихся, и на мне яви́ши всю бла́гость Твою́, я́ко недосто́йна су́ща спасе́ши мя, по мно́зей ми́лости Твое́й, и восхвалю́ Тя вы́ну во днех живота́ моего́. Я́ко Тя пое́т вся си́ла небе́сная, и Твоя́ есть сла́ва во ве́ки веко́в. Ами́нь.

Святы́й Бо́же, Святы́й Кре́пкий, Святы́й Безсме́ртный, поми́луй нас. (трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ради.

Го́споди, поми́луй. (трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство и си́ла и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.

Лик: Ами́нь.

Тропари

Глас 6: Поми́луй нас, Го́споди, поми́луй нас: вся́каго бо отве́та недоуме́юще, сию́ Ти моли́тву, я́ко Влады́це, гре́шнии прино́сим, поми́луй нас.

Сла́ва Отцу́ и Сы́ну и Свято́му Ду́ху.

Го́споди, поми́луй нас: на Тя бо упова́хом, не прогне́вайся на ны зело́, ниже́ помяни́ беззако́ний на́ших, но при́зри и ны́не я́ко Благоутро́бен, и изба́ви ны от враг на́ших: Ты бо еси́ Бог наш, и мы лю́дие Твои́, вси дела́ руку́ Твое́ю, и имя Твое́ призыва́ем.

И ны́не и при́сно и во ве́ки веко́в. Ами́нь.

Милосе́рдия две́ри отве́рзи нам, Благослове́нная Богоро́дице, наде́ющиися на Тя да не поги́бнем, но да изба́вимся Тобо́ю от бед: Ты бо еси́ спасе́ние ро́да христиа́нскаго.

Чтец: Го́споди, поми́луй. (40 раз)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

И́менем Госпо́дним благослови́, о́тче.

Священник: Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас.

Чтец: Ами́нь.

Влады́ко Бо́же, О́тче Вседержи́телю, Го́споди, Сы́не Единоро́дный, Иису́се Христе́, и Святы́й Ду́ше, Еди́но Божество́, Еди́на Си́ла, поми́луй мя, гре́шнаго, и и́миже ве́си судьба́ми, спаси́ мя, недосто́йнаго раба́ Твоего́, я́ко благослове́н еси́ во ве́ки веко́в. Ами́нь.

3-Я ЧАСТЬ ПОВЕЧЕРИЯ

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Во Вт–Пт 1-й седмицы псалом 69 пропускается

Псалом 69

Бо́же, в по́мощь мою́ вонми́, Го́споди, помощи́ ми потщи́ся. Да постыдя́тся и посра́мятся и́щущии ду́шу мою́, да возвратя́тся вспять и постыдя́тся хотя́щии ми зла́я. Да возвратя́тся а́бие стыдя́щеся глаго́лющии ми: бла́гоже, бла́гоже. Да возра́дуются и возвеселя́тся о Тебе́ вси и́щущии Тебе́, Бо́же, и да глаго́лют вы́ну, да возвели́чится Госпо́дь, лю́бящии спасе́ние Твое́: аз же нищ есмь и убо́г, Бо́же, помози́ ми: Помо́щник мой и Изба́витель мой еси́ Ты, Го́споди, не закосни́.

Псалом 142

Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя в пра́вде Твое́й и не вни́ди в суд с рабо́м Твои́м, я́ко не оправди́тся пред Тобо́ю всяк живы́й. Я́ко погна́ враг ду́шу мою́, смири́л есть в зе́млю живо́т мой, посади́л мя есть в те́мных, я́ко ме́ртвыя ве́ка. И уны́ во мне дух мой, во мне смяте́ся се́рдце мое́. Помяну́х дни дре́вния, поучи́хся во всех де́лех Твои́х, в творе́ниих руку́ Твое́ю поуча́хся. Возде́х к Тебе́ ру́це мои́, душа́ моя́, я́ко земля́ безво́дная Тебе́. Ско́ро услы́ши мя, Го́споди, исчезе́ дух мой, не отврати́ лица́ Твоего́ от мене́, и уподо́блюся низходя́щым в ров. Слы́шану сотвори́ мне зау́тра ми́лость Твою́, я́ко на Тя упова́х. Скажи́ мне, Го́споди, путь во́ньже пойду́, я́ко к Тебе́ взях ду́шу мою́. Изми́ мя от враг мои́х, Го́споди, к Тебе́ прибего́х. Научи́ мя твори́ти во́лю Твою́, я́ко Ты еси́ Бог мой. Дух Твой благи́й наста́вит мя на зе́млю пра́ву. И́мене Твоего́ ра́ди, Го́споди, живи́ши мя, пра́вдою Твое́ю изведе́ши от печа́ли ду́шу мою́. И ми́лостию Твое́ю потреби́ши враги́ моя́ и погуби́ши вся стужа́ющыя души́ мое́й, я́ко аз раб Твой есмь.

Сла́ва в вы́шних Бо́гу, и на земли́ мир, в челове́цех благоволе́ние. Хва́лим Тя, благослови́м Тя, кла́няем Ти ся, славосло́вим Тя, благодари́м Тя, вели́кия ради сла́вы Твоея́. Го́споди Царю́ Небе́сный, Бо́же О́тче Вседержи́телю, Го́споди Сы́не Единоро́дный Иису́се Христе́ и Святы́й Ду́ше. Го́споди Бо́же, А́гнче Бо́жий, Сы́не Оте́чь, взе́мляй грех ми́ра, поми́луй нас: взе́мляй грехи́ ми́ра, приими́ моли́тву на́шу. Седя́й одесну́ю Отца́, поми́луй нас. Я́ко Ты еси́ еди́н Свят, Ты еси́ еди́н Госпо́дь, Иису́с Христо́с, в сла́ву Бо́га Отца́. Ами́нь.

На вся́ку нощь благословлю́ Тя, и восхвалю́ и́мя Твое́ во ве́ки и в век ве́ка.

Го́споди, прибе́жище был еси́ нам в род и род. Аз рех: Го́споди, поми́луй мя, исцели́ ду́шу мою́, я́ко согреши́х Тебе́. Го́споди, к Тебе́ прибего́х, научи́ мя твори́ти во́лю Твою́, я́ко Ты еси́ Бог мой: я́ко у тебе́ исто́чник живота́, во све́те Твое́м у́зрим свет. Проба́ви ми́лость Твою ве́дущим Тя.

Сподо́би, Го́споди, в нощь сию, без греха́ сохрани́тися нам. Благослове́н еси́, Го́споди Бо́же оте́ц на́ших, и хва́льно и просла́влено и́мя Твое́ во ве́ки. Ами́нь.

Бу́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.

Го́споди, ми́лость Твоя́ во век, дел руку́ Твое́ю не пре́зри. Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Канон

Песнь 1

Ирмос, глас 1: Твоя́ победи́тельная десни́ца/ боголе́пно в кре́пости просла́вися:/ та бо, Безсме́ртне,/ я́ко всемогу́щая, проти́вныя сотре́,/ изра́ильтяном пу́ть глубины́ новосоде́лавшая.

Припев: Святи́и му́ченицы, моли́те Бо́га о на́с.

Преми́рными блиста́ньми трисо́лнечныя зари́ озаря́еми, му́ченицы всехва́льнии,/ благоче́стно вас ны́не блажа́щия во светоно́снем ва́шем страда́нии просвети́те.

Припев: Святи́и му́ченицы, моли́те Бо́га о на́с.

Глаго́лы, я́ко стрела́ми, прему́дрии, пребеззако́нных сердца́ уязви́сте,/ те́мже претерпе́сте пожда́нно я́звы и ра́ны,/ испове́дающе Бо́жие свято́е И́мя.

Припев: Святи́и му́ченицы, моли́те Бо́га о на́с.

Священносло́вии свяще́нными пред мучи́тельскими суди́щи пропове́давше, му́ченицы приснопа́мятнии,/ нас ра́ди пострада́ти Изво́лившаго, наноси́мыя тве́рдо му́ки претерпе́сте.

Припев: Пресвята́я Богоро́дице, спаси́ нас.

Богородичен: Яви́лася еси́ ши́рши Небе́с, нигде́же вмести́маго вопло́щши,/ Того́ у́бо моли́ вся́кия нас тесноты́ изба́вити/ и ве́чнаго, Де́во Ма́ти, муче́ния.

Припев: Ди́вен Бо́г во святы́х Свои́х, Бо́г Изра́илев.

Держа́й за десну́ю ру́ку ра́б Твои́х, наста́ви и́х на па́жить безсме́ртную, Спа́се, на зре́ние добро́ты Твоея́ страстоно́сцы му́ченики умоле́н быва́я.

Припев: Упоко́й, Го́споди, ду́шы усо́пших ра́б Твои́х.

Неизрече́нную и блаже́нную сла́ву Твою́, преста́вльшыяся ве́рою насле́довати сподо́би, Христе́, презира́я прегреше́ния и́х, и оправда́й благода́тию, излия́нием Твоея́ кро́ве.

Сла́ва Отцу́, и Сы́ну, и Свято́му Ду́ху.

Ме́ртвостию Твое́ю живоно́сною умертви́теля умертви́л еси́, Христе́ Бо́же, и́хже прия́т, и и́мже Твою́ воздая́ жи́знь, Са́м ны́не упоко́й ве́рныя рабы́ Твоя́.

И ны́не, и при́сно, и во ве́ки веко́в. Ами́нь.

Богородичен: Красе́н превысоча́йшими добро́тами, я́ко Бо́жий Сы́н: а я́ко из Тебе́, Де́во, воплоти́выйся и на Дре́ве пове́шен бы́в добро́ты не име́яше, сме́рть за все́х прия́т.

Песнь 3

Ирмос, глас 1: Еди́не, ве́дый челове́ческаго существа́ не́мощь/ и ми́лостивно в не вообра́жься,/ препоя́ши мя с высоты́ си́лою,/ е́же вопи́ти Тебе́, Святы́й,/ одушевле́нный хра́ме неизрече́нныя сла́вы Твоея́, Человеколю́бче.

Припев: Святи́и му́ченицы, моли́те Бо́га о на́с.

Ума́ чи́стыми прило́ги Боже́ственная зря́ще,/ му́жеским нра́вом, блаже́ннии, к му́кам устреми́стеся,/ вражде́бнаго безпло́тнаго страда́льца побежда́юще с те́лом;/ те́мже прославля́етеся.

Припев: Святи́и му́ченицы, моли́те Бо́га о на́с.

Уде́с отсече́ния за Христа́, му́дрии, претерпе́вше,/ крове́й Боже́ственными проли́тии зе́млю преподо́бно освяти́сте/ и на тре́бищныя де́моном приноси́мыя уста́висте, му́ченицы, кро́ви.

Припев: Святи́и му́ченицы, моли́те Бо́га о на́с.

Положе́ни бы́сте, я́коже светоза́рнии, на высоте́ страда́ния,/ я́ко вои́стинну зве́зды, озаря́юще вселе́нную незаходи́мыми сия́ньми/ и тьму́ реша́ще ле́сти, святи́и;/ сего́ ра́ди ве́рно ублажа́етеся.

Припев: Пресвята́я Богоро́дице, спаси́ нас.

Богородичен: Во чре́ве прия́ла еси́ Христа́,/ чре́во истощи́вшаго а́дово вседе́йственным сове́том:/ Того́ моли́, Богора́дованная,/ от рабо́ты изба́вити грехо́вныя вся, ве́рно при́сно блажа́щия Тя.

Припев: Ди́вен Бо́г во святы́х Свои́х, Бо́г Изра́илев.

Победи́вше и́дольскую пре́лесть му́ченицы, Влады́ку и Бо́га ны́не мо́лят, дарова́ти пре́жде сконча́вшымся Боже́ственный поко́й.

Припев: Упоко́й, Го́споди, ду́шы усо́пших ра́б Твои́х.

Обраща́ющееся ору́жие премину́ти благоволи́, и дре́ва живо́тнаго подо́бно прича́стие улучи́ти, я́же преста́вил еси́ рабы́ Твоя́, Влады́ко.

Сла́ва Отцу́, и Сы́ну, и Свято́му Ду́ху.

В раи́, Христе́, пи́щи водвори́тися рабо́м Твои́м сподо́би, иде́же гла́с чи́ст пра́зднующих, согреше́ний оставле́ние те́м да́руя.

И ны́не, и при́сно, и во ве́ки веко́в. Ами́нь.

Богородичен: Боже́ственному рождеству́ де́вство сочета́ла еси́, Пречи́стая: Зижди́теля бо вся́ческих несказа́нно родила́ еси́, Его́же хоте́нию вся́ повину́ются.

Чтец: Го́споди, поми́луй. (Трижды)

Седален

Глас 1: Тро́ицу Честну́ю тро́ица му́чеников пред мно́гими испове́да наро́ды/ и лико́м причто́шася безпло́тных, страда́вше./ Сих дне́сь восхва́лим ве́рою,/ пра́зднующе свяще́нную их па́мять и мироспаси́тельную.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Богородичен, глас 1: Упова́ние христиа́н, Пресвята́я Де́во,/ Его́же родила́ еси́, Бо́га, па́че ума́ же и сло́ва,/ непреста́нно моли́ с Вы́шними си́лами/ пода́ти оставле́ние грехо́в на́ших всех/ и исправле́ние жития́ ве́рою и любо́вию при́сно Тя сла́вящим.

Песнь 4

Ирмос, глас 1: Го́ру Тя, благода́тию Бо́жиею приосене́нную,/ прозорли́выма Авваку́м усмотри́в очи́ма,/ из Тебе́ изы́ти Изра́илеву провозглаша́ше Свято́му/ во спасе́ние на́ше и обновле́ние.

Припев: Святи́и му́ченицы, моли́те Бо́га о на́с.

Стоя́ху трие́ на три́знищи, пропове́дающе Еди́наго Трисо́лнечна Бо́га/ и ран разжже́ние кре́пко терпя́ще,/ столпы́ о́гненны Це́ркве яви́шася,/ благочести́вых о Христе́ предводя́щии.

Припев: Святи́и му́ченицы, моли́те Бо́га о на́с.

Поста́вльше но́зе на ка́мени ве́ры, не поколеба́стеся мно́гих искуше́ний кова́рствии,/ но яви́стеся непоколеби́ми, злочести́выя запина́юще, му́ченицы,/ и вся́чески охужда́юще благода́тию.

Припев: Святи́и му́ченицы, моли́те Бо́га о на́с.

Я́ко честно́е ка́мение, на земли́ валя́ющеся,/ зда́ние лука́вное многобо́жия вои́стинну, прему́дрии, разори́сте,/ и себе́ са́мыя Бо́жия хра́мы созда́сте,/ и ко хра́му Небе́сному взя́стеся.

Припев: Пресвята́я Богоро́дице, спаси́ нас.

Богородичен: Яви́ся Твоя́ утро́ба Богоно́сная пала́та,/ в не́йже всех Ца́рь почи́, Христо́с,/ хра́мы содева́я, Ма́ти Чи́стая, и светоза́рная жили́ща благочести́выя/ непристу́пнаго Божества́.

Припев: Ди́вен Бо́г во святы́х Свои́х, Бо́г Изра́илев.

Я́вльшеся му́ченицы я́ко свети́льницы, не́бо просвеща́ют церко́вное, и́же и у Спа́са Христа́ про́сят, дарова́ти усо́пшым ослабле́ние.

Припев: Упоко́й, Го́споди, ду́шы усо́пших ра́б Твои́х.

Же́зл си́лы иму́ще Кре́ст Тво́й раби́ Твои́, мирско́е мо́ре проидо́ша: и́хже всели́ в го́ру Твою́, Го́споди, в не́йже соде́лал еси́ святы́ню.

Сла́ва Отцу́, и Сы́ну, и Свято́му Ду́ху.

В селе́ния вои́стинну возлю́бленная, я́же избра́л еси́, Влады́ко, и я́же прия́л еси́ рабы́ Твоя́, благоволи́ всели́тися я́ко милосе́рд, иде́же пра́ведных ду́си.

И ны́не, и при́сно, и во ве́ки веко́в. Ами́нь.

Богородичен: И́же ме́ртвыми и живы́ми облада́яй, вопло́щься я́ко Челове́к из Тебе́, Богома́ти, сме́рть претерпе́ пло́тию Безсме́ртный, разруши́в сме́рти си́лу.

Песнь 5

Ирмос, глас 1: Просвети́вый сия́нием прише́ствия Твоего́, Христе́,/ и освети́вый Кресто́м Твои́м ми́ра концы́,/ сердца́ просвети́ све́том Твоего́ Богоразу́мия/ правосла́вно пою́щих Тя.

Припев: Святи́и му́ченицы, моли́те Бо́га о на́с.

Зако́н Боже́ственный соблюда́юще, добропобе́днии му́ченицы,/ беззако́нным му́жеским нра́вом противоста́сте/ и, уязвля́еми и растерза́еми телесы́, побе́ду ве́чную взя́сте.

Припев: Святи́и му́ченицы, моли́те Бо́га о на́с.

Восхва́лим Васили́ска и ве́рою почти́м Клеони́ка и Евтро́пия велему́дрыя,/ ве́рою пострада́вшия за Тро́ицу Всесвяту́ю/ и па́че со́лнца просия́вшия.

Припев: Святи́и му́ченицы, моли́те Бо́га о на́с.

Чудеса́ соверша́юще в сла́ву Бо́га на́шего,/ привлеко́сте зря́щия к ве́ре Спа́сове, му́ченицы многострада́льнии,/ цве́ти кра́снии ра́йстии, церко́вная утвержде́ния.

Припев: Пресвята́я Богоро́дице, спаси́ нас.

Богородичен: Сия́нием от Тебе́ па́че ума́ возсия́вшаго озари́ на́ша мы́сли, Всенепоро́чная,/ и тьму́ ума́ли помысло́в душетле́нных,/ я́ко да пое́м Тя, Влады́чице.

Припев: Ди́вен Бо́г во святы́х Свои́х, Бо́г Изра́илев.

Ты́, Го́споди, Твоего́ влады́чествия просла́вил еси́ му́ченики: те́хже ра́ди пре́жде усо́пшыя упоко́й, я́ко благоутро́бен.

Припев: Упоко́й, Го́споди, ду́шы усо́пших ра́б Твои́х.

Нереши́мый живо́т, кра́сное ра́дование, и непрестаю́щее весе́лие, пре́жде уме́ршым пода́ждь, Многоми́лостиве.

Сла́ва Отцу́, и Сы́ну, и Свято́му Ду́ху.

Еди́не Бла́же, и исто́чниче бла́гости, упоко́й и́же в ве́ре, и Твое́м позна́нии житие́ сконча́вших.

И ны́не, и при́сно, и во ве́ки веко́в. Ами́нь.

Богородичен: Пое́м Тя́, Богома́ти, Е́юже су́щым во тьме́ возсия́ неизрече́нный и непристу́пный Све́т, и любо́вию блажи́м.

Песнь 6

Ирмос, глас 1: Обы́де нас после́дняя бе́здна,/ не́сть избавля́яй,/ вмени́хомся, я́ко о́вцы заколе́ния,/ спаси́ лю́ди Твоя́, Бо́же наш:/ Ты бо кре́пость немощству́ющих и исправле́ние.

Припев: Святи́и му́ченицы, моли́те Бо́га о на́с.

Ра́дуется земля́ и Небе́сная,/ лику́ют челове́цы, ле́тний соверша́юще пра́здник,/ е́же за Христа́ страда́ния блаже́нная до́блественно претерпе́вших ума́ тве́рдостию.

Припев: Святи́и му́ченицы, моли́те Бо́га о на́с.

Почти́л еси́ до́брыми твои́ми нра́вы, Евтро́пие, Бо́га Преблага́го,/ победи́л еси́ хи́трости вра́жия./ Те́мже тя почита́ют вси челове́цы,/ тобо́ю прегреше́ний разреше́ние прия́ти наде́ющиися.

Припев: Святи́и му́ченицы, моли́те Бо́га о на́с.

Исцеле́ний исто́чники излива́юще,/ зной отгна́сте неду́гов и скорбе́й, му́дрии,/ всем благоздра́вие посыла́юще,/ благоче́стно ва́шему покро́ву при́сно притека́ющим.

Припев: Пресвята́я Богоро́дице, спаси́ нас.

Богородичен: Увяди́вшая Твои́м прозябе́нием, Всенепоро́чная,/ дре́вле прозя́бшую преступле́нием зло́бу вра́жию,/ в души́ мое́й прозяба́ющия душетле́нныя и терно́вныя по́мыслы исто́ргни.

Припев: Дивен Бог во святых Своих, Бог Израилев

Святи́и мно́жайшими му́ками, мно́гия враго́в тьмы́ низложи́ти сподо́бишася Спа́се, и мно́гих бла́г Твои́х улучи́ша моли́твами и́х я́ко Бла́г, мно́гая моя́ очи́сти прегреше́ния.

Припев: Дивен Бог во святых Своих, Бог Израилев

Воспои́м Христо́вы страстоте́рпцы, и возопии́м к ни́м единому́дренно: Влады́чним подо́бницы страсте́м, ду́ш на́ших стра́сти исцели́те, пости́тися же от зла́го обы́чая на́с укрепи́те.

Припев: Души их во благих водворятся

Преложи́л еси́ сме́рть на со́н, боле́зненно во гро́бе поспа́л еси́, и ме́ртвым живо́т дарова́л еси́: преста́вльшыяся у́бо Спа́се сподо́би стоя́ния избра́нных, страстоте́рпец святы́х мольба́ми.

Припев: Пресвята́я Богоро́дице, спаси́ нас.

Богородичен: Пости́тися ми́, и отступи́ти от вся́каго греха́ укрепи́ отрокови́це, си́льнаго и безгре́шнаго сло́ва, воплоще́нна неизрече́нно ро́ждшая, и да́ждь ми́ чисти́тельную оскверне́ний, Всенепоро́чная, сле́зу.

Припев: Дивен Бог во Святых Своих, Бог Израилев

Му́чеников па́мять соверша́ем боже́ственно му́чениколю́бцы, прииди́те возра́дуемся, пе́сньми ты́я венча́юще, подвигополо́жника Христа́ благослови́м.

Припев: Дивен Бог во Святых Своих, Бог Израилев

Ра́н пе́рвее иску́с прие́мше, пото́м же ка́мением побие́ни бы́вше, претре́ни бы́вше, звере́м на сне́дь да́ни бы́сте, и закла́ни бы́сте я́ко а́гнцы Христо́вы: но живе́те при́сно страстоте́рпцы.

Сла́ва Отцу́, и Сы́ну, и Свято́му Ду́ху.

Троичен: Три́ еди́ным Естество́м совокупля́я, еди́но же треми́ разсека́я Ли́цы, я́же Божество́ е́сть: Саве́ллиа же и А́риа, равноме́рныя стремни́ны отбега́ю.

И ны́не, и при́сно, и во ве́ки веко́в. Ами́нь.

Богородичен: Де́ва яви́лася еси́ и по рождестве́, чисто́тствуеши во обою́, и ражда́еши: странноле́пное виде́ние, глаго́лемое и разумева́емое, соде́янное в Тебе́ Богома́ти.

Чтец: Го́споди, поми́луй. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Седален

Глас 4: Те́плое заступле́ние, е́же в беда́х, и Помо́щницу на́шу, и к Бо́гу премене́ние, Е́юже тли́ изба́вихомся, Богоро́дицу ве́рнии ублажа́ем.

Песнь 7

Ирмос, глас 1: Тебе́, у́мную, Богоро́дице, пе́щь,/ разсмотря́ем, ве́рнии:/ я́коже бо о́троки спасе́ три Превозноси́мый,/ мир обнови́, во чре́ве Твое́м всеце́л,/ хва́льный отце́в Бог и препросла́влен.

Припев: Святи́и му́ченицы, моли́те Бо́га о на́с.

Я́коже наслажде́ние Боже́ственное вменя́юще удо́в отсече́ние,/ зауше́ния, строга́ния и смерть ну́жную,/ му́ченицы веселя́щеся и Бо́гу усе́рдно пою́ще:/ хва́льных отце́в Бог и препросла́влен.

Припев: Святи́и му́ченицы, моли́те Бо́га о на́с.

По мно́гих томле́ниих телесе́/ крест претерпе́сте кре́пко в подо́бии Изба́вителя,/ сла́вне Евтро́пие, вели́кий Клеони́че,/ и блаже́нную кончи́ну получи́сте,/ хва́льнаго воспева́юще Бо́га и препросла́вленнаго.

Припев: Святи́и му́ченицы, моли́те Бо́га о на́с.

Взира́ти вам предповелева́я к безсме́ртным воздая́нием,/ в темни́це яви́ся Христо́с,/ Его́же ви́девше, дерзнове́ния испо́лнистеся,/ взыва́юще, му́ченицы сла́внии:/ хва́льный отце́в Бог и препросла́влен.

Припев: Пресвята́я Богоро́дице, спаси́ нас.

Богородичен: Изба́ви ны, Пресвята́я Влады́чице, от язы́ческаго наше́ствия,/ сре́тения лука́ваго, вся́каго обстоя́ния/ и осужде́ния ве́чнаго, ве́рою зову́щия:/ хва́льный отце́в Бог и препросла́влен.

Припев: Дивен Бог во святых Своих, Бог Израилев

Ту́чами крове́й угаси́сте пресла́внии пла́мень пре́лести: огня́ у́бо бу́дущаго на́с моли́твами я́же ко Христу́ изба́вите, Госпо́дни страстоте́рпцы.

Припев: Дивен Бог во святых Своих, Бог Израилев

Уста́ загради́вше льво́в, му́к же опале́ния претерпе́вше страстоте́рпцы, сла́дость лу́чшую насле́довасте: ея́же улучи́ти моли́теся, и на́м во ве́ки.

Припев: Души их во благих водворятся

Все́м све́том просвети́вшеся Ду́ха до́блии страстоте́рпцы, преста́вльшымся ве́рным осла́бу проси́те, и рая́ вхо́д, и жи́зни прича́стие.

Припев: Пресвята́я Богоро́дице, спаси́ нас.

Богородичен: Пе́снь приношу́ Ти́ Де́во, не пре́зри мене́ злы́ми одержи́маго, но да́ждь Чи́стая исправле́ние соверше́нное посто́м, и все́м житие́м благонра́вным.

Припев: Дивен Бог во Святых Своих, Бог Израилев

О́гнь, и ме́чь, и зве́ри, страстоте́рпцы, я́ко сла́дость вмени́вше, внегда́ страда́ти удиви́сте уби́йцы ва́шя, воспева́юще Бо́га оте́ц на́ших.

Припев: Дивен Бог во Святых Своих, Бог Израилев

На у́ды разсека́еми, и опаля́еми, Бо́гу принесо́стеся же́ртва благово́нная, Христо́вы му́ченицы: но Того́ о на́с при́сно моли́те.

Сла́ва Отцу́, и Сы́ну, и Свято́му Ду́ху.

Троичен: В Тро́ице еди́наго Бо́га сла́влю, Отца́, Сы́на и Ду́ха: Еди́ницу про́стую, Тро́ицу честну́ю, нача́ло преднача́льное и единосу́щное.

И ны́не, и при́сно, и во ве́ки веко́в. Ами́нь.

Богородичен: Всесвята́я влады́чице Богоро́дице, моли́твы рабо́в Твои́х прие́млющи, принеси́ все́х Бо́гу, да спасе́т на́с от вся́каго искуше́ния.

Песнь 8

Ирмос, глас 1: В пещи́ о́троцы Изра́илевы,/ я́коже в горни́ле,/ добро́тою благоче́стия чисте́е зла́та блеща́хуся, глаго́люще:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Припев: Святи́и му́ченицы, моли́те Бо́га о на́с.

Просте́рт иму́ще ум,/ ко Еди́ному Влады́це простро́стеся, уязвля́еми, всехва́льнии, зе́льне/ и му́чими, вопию́ще:/ вся дела́ Госпо́дня, Го́спода по́йте и превозноси́те во вся ве́ки.

Припев: Святи́и му́ченицы, моли́те Бо́га о на́с.

Возвы́сившеся на кресте́, я́коже дре́вле Влады́ка,/ вели́каго сподо́бистеся благосла́вия, страда́льцы, вопию́ще и глаго́люще:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Припев: Святи́и му́ченицы, моли́те Бо́га о на́с.

Си́лою Боже́ственною, всеблагосла́внии, укре́пльшеся, страстоте́рпцы,/ беззако́нных ополче́ния победи́ша кре́пко, пою́ще и глаго́люще:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Припев: Пресвята́я Тро́ице, Бо́же наш, сла́ва Тебе́.

Троичен: Я́ко Еди́ницу естество́м, Тя пою́, Божество́ Всесвято́е,/ Треми́ же Ипоста́сьми несе́чно разделя́я, зову́, ра́дуяся:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Припев: Пресвята́я Богоро́дице, спаси́ нас.

Богородичен: Храм яви́лася еси́ Емману́ила и две́рь,/ Е́юже Еди́н вни́де и изы́де,/ я́коже Сам ве́сть, Чи́стая, спаса́я зову́щия:/ благослови́те, вся дела́ Госпо́дня, Го́спода,/ по́йте и превозноси́те во вся ве́ки.

Припев: Дивен Бог во святых Своих, Бог Израилев

Му́к ви́ды не́мощию те́ла претерпе́вше, вра́чеве боля́щым страстоте́рпцы яви́стеся. Те́мже зову́: мою́ неду́гующую ду́шу исцели́те, во вре́мя поста́ покая́нием.

Припев: Дивен Бог во святых Своих, Бог Израилев

Увы́ мне́, ка́ко преидо́ша вси́ дни́е мои́ в ле́ности! и се́ коне́ц приближа́ется, вари́т несоверше́нна до́брыми де́лы прия́ти мя́: до́бре сконча́вшии тече́ние му́ченицы, да ми́ коне́ц благи́й бу́дет, моли́теся.

Припев: Души их во благих водворятся

Ка́плями крове́й запале́ния безбо́жия угаси́сте, боже́ственнии страстоте́рпцы, и отше́дшым от сего́ жития́ испроси́те вои́стинну Боже́ственный поко́й, и соде́янных разреше́ние во ве́ки.

Припев: Пресвята́я Богоро́дице, спаси́ нас.

Богородичен: Иезеки́иль тя́ две́рь непроходи́мую чи́стая прови́де, покая́ния врата́ все́м отверза́ющую отча́янным. те́мже молю́ тя́: стези́ мне́ отве́рзи, ко о́ным веду́щыя упокое́нием.

Припев: Дивен Бог во Святых Своих, Бог Израилев

Многострада́льныя ра́ны разли́чно претерпе́вше, о́вии у́бо сгоре́вше, друзи́и сожже́ни бы́вше, ини́и же посека́еми, веселите́ся страда́льцы воспева́юще Христу́: по́йте, благослови́те и превозноси́те во вся́ ве́ки.

Припев: Дивен Бог во Святых Своих, Бог Израилев

Кровьми́ ва́шими освяща́ете концы́, ма́лыми кропле́ньми, струи́ исцеле́ний все́м источа́юще, всехва́льнии му́ченицы. те́мже вопиете́ при́сно: по́йте, благослови́те и превозноси́те во вся́ ве́ки.

Сла́ва Отцу́, и Сы́ну, и Свято́му Ду́ху.

Троичен: Триипоста́сная Еди́нице, О́тче, Сы́не и Ду́ше Живы́й, еди́но Божество́, еди́но Ца́рство: Тебе́ хва́лят незаходи́маго Све́та а́нгельская во́инства, и мы́ су́щии на земли́ пое́м, благослови́м и превозно́сим во вся́ ве́ки.

И ны́не, и при́сно, и во ве́ки веко́в. Ами́нь.

Богородичен: Се́ вси́ ро́ди блажи́м Тя́ Пречи́стая, вели́чия Твоя́ зря́ще: Ты́ бо ражда́еши преесте́ственно все́х Творца́, Бо́га су́ща и Челове́ка. Те́мже Тя́ благослови́м, и превозно́сим во вся́ ве́ки.

Песнь 9

Ирмос, глас 1: О́браз чи́стаго Рождества́ Твоего́/ огнепали́мая купина́ показа́ неопа́льная,/ и ны́не на нас напа́стей свире́пеющую угаси́ти, мо́лимся, пе́щь,/ да Тя, Богоро́дице,/ непреста́нно велича́ем.

Припев: Святи́и му́ченицы, моли́те Бо́га о на́с.

Да Иису́са приобря́щете, насу́щаго жития́ вся вмени́сте уме́ты,/ я́коже Па́вел Боже́ственный научи́;/ сего́ ра́ди до́бре пострада́вше, на Небесе́х обита́ете,/ венцено́сцы великоимени́тии.

Припев: Святи́и му́ченицы, моли́те Бо́га о на́с.

Яви́ся, я́коже столп треуго́льный, свяще́нных му́ченик Боже́ственное собра́ние,/ сте́ны лука́ваго безбо́жия низложи́ша благода́тию,/ и ны́не живу́т во гра́де Бо́га Жива́го, перворо́дных в ски́ниих.

Припев: Святи́и му́ченицы, моли́те Бо́га о на́с.

Вене́ц нетле́ния, святи́и, от Христа́ прие́мше,/ багряни́цу же омочи́вше от му́ченических ва́ших крове́й,/ предстоите́ Царю́ веко́в, осия́еми све́тлыми светоли́тии/ и всебога́тными раздая́нии.

Припев: Святи́и му́ченицы, моли́те Бо́га о на́с.

Уже́ Бо́гу прибли́жившеся и со Безпло́тными собо́ры пра́зднующе,/ на земли́ вас при́сно блажа́щия и па́мять ва́шу пра́зднующия, му́ченицы,/ Небе́сную получи́ти све́тлость испроси́те.

Припев: Пресвята́я Богоро́дице, спаси́ нас.

Богородичен: Ужаса́ются А́нгельстии чи́ни от Твои́х ложе́сн Возсия́вшаго,/ Его́же о нас, Де́во Ма́ти, моли́,/ я́ко да стра́шныя вся изба́вит му́ки и тьмы́ кроме́шныя, пою́щия Тя.

Припев: Дивен Бог во святых Своих, Бог Израилев

Яви́стеся боже́ственнии я́ко у́глие, вещество́ лука́вое безбо́жие попали́вше, и мече́м бесо́вския полки́ посе́кше, до́блии страстоте́рпцы, светово́дцы серде́ц на́ших.

Припев: Дивен Бог во святых Своих, Бог Израилев

Тьму́ муче́ний проидо́сте, и к све́ту мы́сленному пресели́стеся, до́блии страстоте́рпцы: те́мже просвети́те смире́нную ду́шу мою́, омраче́нную согреше́ньми.

Припев: Души их во благих водворятся

Поболе́ша боле́зни пренося́ще пресла́внии страстоте́рпцы телесе́, и ны́не преста́вльшымся ве́рным, неболе́зненный поко́й про́сят, и рая́ наслажде́ние.

Припев: Пресвята́я Богоро́дице, спаси́ нас.

Богородичен: Яви́ся Чи́стая Влады́чице Боже́ственная помо́щница, непотре́бным рабо́м Твои́м, во вре́мя воздержа́ния, моли́твы на́шя принося́щи Го́сподеви, ве́ки ца́рствующему.

Припев: Дивен Бог во Святых Своих, Бог Израилев

Я́коже о́гнь вложе́ни бы́вше от Бо́га в зе́млю, попали́сте вся́кую ле́сть и́дольскую, вже́гше свети́ло в концы́ благоче́стия страстоте́рпцы Христо́вы.

Припев: Дивен Бог во Святых Своих, Бог Израилев

Ва́с ни пла́мень, ни заколе́ние, ни коле́са, ни стягну́тия, ни опале́ния, ни ина́я му́ка го́рькая, разлучи́ от любви́ Христо́вы, страстоте́рпцы.

Сла́ва Отцу́, и Сы́ну, и Свято́му Ду́ху.

Троичен: Еди́но и три́ воспева́ю благоче́стно божество́ зра́ком, ли́цы совокупля́я и разделя́я: Оте́ц, Сы́н, и Святы́й Ду́х, Сия́ еди́но су́ть.

И ны́не, и при́сно, и во ве́ки веко́в. Ами́нь.

Богородичен: Тя́ от ко́рене Иессе́ова, и Дави́да пра́отца прозя́бшии же́зл, Всепречи́стая Чи́стая велича́ем, я́ко спаса́еши ду́шы на́шя.

Досто́йно есть, я́ко вои́стинну блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Святы́й Бо́же, Святы́й Кре́пкий, Святы́й Безсме́ртный, поми́луй нас. (трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство и си́ла и сла́ва, Отца́ и Сы́на и Святаго Ду́ха, ны́не и при́сно и во ве́ки веко́в.

Лик: Ами́нь.

Кондак

Глас 8: Взбра́нной Воево́де победи́тельныя пе́сни прино́сим,/ я́ко дарова́ся нам Держа́ва Твоя́, и ничесо́же устраши́мся,/ не от ми́ра бо спасе́ние на́ше,/ но Превознесе́нныя Влады́чицы милосе́рдием огражда́емся/ и тому́ дне́сь ра́дуемся,/ я́ко прии́де Засту́пница на стра́жу земли́ Своея́.

Чтец: Го́споди, поми́луй. (40 раз)

И́же на вся́кое вре́мя и на вся́кий час, на небеси́ и на земли́ покланя́емый и сла́вимый Христе́ Бо́же, долготерпели́ве, многоми́лостиве, многоблагоутро́бне, И́же пра́ведныя любя́й и гре́шныя ми́луяй, И́же вся зовы́й ко спасе́нию обеща́ния ра́ди бу́дущих благ. Сам, Го́споди, приими́ и на́ша в час сей моли́твы, и испра́ви живо́т наш к за́поведем Твои́м: ду́ши на́ша освяти́, телеса́ очи́сти, помышле́ния испра́ви, мы́сли очи́сти и изба́ви нас от вся́кия ско́рби, зол и боле́зней. Огради́ нас святы́ми Твои́ми А́нгелы, да ополче́нием их соблюда́еми и наставля́еми, дости́гнем в соедине́ние ве́ры, и в ра́зум непристу́пныя Твоея́ сла́вы: я́ко благослове́н еси́ во ве́ки веко́в. Ами́нь.

Го́споди, поми́луй. (трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

И́менем Госпо́дним благослови́, о́тче.

Священник: Бо́же, уще́дри ны и благослови́ ны, просвети́ лице́ Твое́ на ны и поми́луй ны.

Чтец: Ами́нь.

Молитва

Нескве́рная, Небла́зная, Нетле́нная, Пречи́стая, Чи́стая Де́во, Богоневе́сто Влады́чице, я́же Бо́га Сло́ва челове́ком пресла́вным Твои́м рождество́м соедини́вшая, и отри́нувшееся естество́ ро́да на́шего небе́сным совоку́пльшая, я́же ненаде́жных еди́на наде́жда и бори́мых по́моще, гото́вое заступле́ние к Тебе́ притека́ющих, и всех христиа́н прибе́жище: не гнуша́йся мене́ гре́шнаго, скве́рнаго, скве́рными по́мыслы, и словесы́, и дея́ньми всего́ себе́ непотре́бна сотво́рша, и ра́зумом ле́ности сласте́й жития́ раба́ бы́вша. Но я́ко человеколюби́ваго Бо́га Ма́ти, человеколю́бне умилосе́рдися о мне гре́шнем и блу́днем, и приими́ мое е́же от скве́рных усте́н приноси́мое Тебе́ моле́ние, и Твоего́ Сы́на, и на́шего Влады́ку и Го́спода, ма́тернее Твое́ дерзнове́ние употребля́ющи, моли́, да отве́рзет и мне человеколю́бныя утро́бы Своея́ бла́гости, и презре́в моя безчи́сленная прегреше́ния, обрати́т мя к покая́нию, и Своих за́поведей де́лателя иску́сна яви́т мя. И предста́ни мне при́сно, я́ко ми́лостивая и милосе́рдая, и благолюби́вая, в настоя́щем у́бо житии́ те́плая Предста́тельнице и Помо́щнице, сопроти́вных наше́ствия отгоня́ющи, и ко спасе́нию наставля́ющи мя: и во вре́мя исхо́да моего́ окая́нную мою́ ду́шу соблюда́ющи, и те́мныя зра́ки лука́вых бесо́в дале́че от нея́ отгоня́ющи, в страшный же день суда́ ве́чныя мя избавля́ющи му́ки, и неизрече́нныя сла́вы Твоего́ Сы́на и Бо́га на́шего, насле́дника мя показу́ющи. Ю́же и да улучу́, Влады́чице моя, Пресвята́я Богоро́дице, Твои́м хода́тайством и заступле́нием, благода́тию и человеколю́бием Единоро́днаго Сы́на Твоего́, Го́спода и Бо́га и Спа́са на́шего Иису́са Христа́: Ему́же подоба́ет вся́кая сла́ва, че́сть и поклоне́ние, со Безнача́льным Его Отце́м и Пресвяты́м и Благи́м и Животворя́щим Его Ду́хом, ны́не и при́сно и во ве́ки веко́в. Ами́нь.

Молитва ко Господу нашему Иисусу Христу, Антиоха монаха Панде́кта

И даждь нам, Влады́ко, на сон гряду́щим, поко́й те́ла и души́: и сохрани́ нас от мра́чнаго сна грехо́внаго, и от вся́каго те́мнаго и нощна́го сладостра́стия, укроти́ стремле́ния страсте́й, угаси́ разжже́нныя стре́лы лука́ваго, я́же на ны льсти́вно дви́жимыя. Пло́ти на́шея воста́ния утоли́, и всякое земно́е и веще́ственное на́ше мудрова́ние успи́, и да́руй нам, Бо́же, бодр ум, целому́др по́мысл, се́рдце трезвя́щееся, сон лего́к, и вся́каго сатанина́ мечта́ния измене́н. Возста́ви же нас во вре́мя моли́твы утвержде́ны в за́поведех Твои́х, и память суде́б Твои́х в себе́ тве́рду иму́ща: всено́щное славосло́вие нам да́руй, во е́же пе́ти, и благослови́ти, и сла́вити пречестно́е и великоле́пое и́мя Твое́, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Пресла́вная Присноде́во, Ма́ти Христа́ Бо́га, принеси́ на́шу моли́тву Сы́ну Твоему́ и Бо́гу на́шему, да спасе́т Тобо́ю ду́ши на́ша.

Молитва иная, святаго Иоанникия

Упова́ние мое́ Оте́ц, прибе́жище мое́ Сын, покро́в мой Дух Святы́й, Тро́ице Свята́я, сла́ва Тебе́.

Священник: Сла́ва Тебе́, Христе́ Бо́же, Упова́ние наше, сла́ва Тебе́.

Лик: Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй. (трижды)

Благослови́.

В Ср и Пт сырной седмицы, полиелей, субботы: отпуст малый
Христо́с И́стинный Бог наш, моли́твами Пречи́стыя Своея́ Ма́тере, преподо́бных и богоно́сных оте́ц на́ших и всех святы́х, поми́лует и спасе́т нас, я́ко Благ и Человеколю́бец.

Благослови́те, отцы́ святи́и, прости́те ми гре́шному, ели́ка согреши́х сло́вом, де́лом, помышле́нием и все́ми мои́ми чу́вствы.

И отвещают людие:

Бог прости́т ти, о́тче святы́й.

Священник же глаголет ектению:

Помо́лимся о Вели́ком Господи́не и отце́ на́шем Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к).

Лик: Го́споди, поми́луй.

О Богохрани́мей стране́ на́шей, власте́х и во́инстве ея.

Лик: Го́споди, поми́луй.

О ненави́дящих и любящих нас.

Лик: Го́споди, поми́луй.

О ми́лующих и служа́щих нам.

Лик: Го́споди, поми́луй.

О запове́давших нам, недосто́йным, моли́тися о них.

Лик: Го́споди, поми́луй.

О избавле́нии плене́нных.

Лик: Го́споди, поми́луй.

О отше́дших отце́х и бра́тиях на́ших.

Лик: Го́споди, поми́луй.

О в мо́ри пла́вающих.

Лик: Го́споди, поми́луй.

О в не́мощех лежа́щих.

Лик: Го́споди, поми́луй.

Помо́лимся и о изоби́лии плодо́в земны́х.

Лик: Го́споди, поми́луй.

И о вся́кой души́ христиа́н правосла́вных.

Лик: Го́споди, поми́луй.

Ублажи́м правосла́вныя архиере́и и кти́торы свята́го хра́ма сего́.

Лик: Го́споди, поми́луй.

Роди́тели на́ша, и вся пре́жде отше́дшия отцы́ и бра́тию на́шу, зде лежа́щия и повсю́ду, правосла́вныя.

Лик: Го́споди, поми́луй.

Священник: Рцем и о себе́ саме́х.

Лик: Го́споди, поми́луй. (трижды)

Священник: Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас.

Лик: Ами́нь.

  • 10M 581