Начало богослужебного дня в 16:00.

Славословный праздник
Полиелей
Полиелейный праздник
Выберите настройки для вашего храма в Личном кабинете.
Богослужебные указания

Богослужебные указания за 4 октября 2024 года


21. Пятница. Отдание праздника Воздвижения Животворящего Креста Господня. Обретение мощей свт. Димитрия, митр. Ростовского.

Ап. от 70-ти Кодрата (службу зри 22 сентября). Прп. Иосифа Заоникиевского.

Прп. Даниила Шужгорского.

Совершается славословная служба отдания праздника Воздвижения (А). Служба ап. Кодрата переносится на 22 сентября.

Если настоятель изволит совершать полиелейную службу свт. Димитрия Ростовского вместе с отданием Воздвижения, можно руководствоваться 1-й Марковой главой Типикона под 25 мая: «Аще ли случится Обретение главы Предтечевы в пяток 7-я недели по Пасце, во отдание Вознесения Христова, или в субботу пред Неделею Всех святых, во отдание праздника Пятьдесятницы» (Б).

А. На вседневной вечерне кафизма 15-я.

На «Господи, воззвах» стихиры праздника, глас 6-й – 6 (каждая стихира – дважды). «Слава, и ныне» – праздника, глас 2-й: «Приидите, вси языцы...».

Входа нет. Прокимен дня. Паримий нет.

На стиховне стихиры праздника, глас 5-й (со своими припевами). «Слава, и ныне» – праздника, глас 8-й: «Егоже древле Моисей...».

По Трисвятом – тропарь праздника, глас 1-й (единожды).

На отпусте: «...силою Честнаго и Животворящаго Креста...».

На утрене на «Бог Господь» – тропарь праздника, глас 1-й (дважды). «Слава, и ныне» – тот же тропарь.

Кафизмы 19-я и 20-я. Малые ектении. Седальны праздника. Псалом 50-й.

Канон праздника на 12 (ирмосы по дважды). В 9-й песни – два канона: 1-й канон со ирмосом на 8 (ирмос дважды), 2-й канон со ирмосом на 6 (ирмос дважды).

Библейские песни «Поем Господеви...».

Катавасия «Крест начертав...». В 9-й песни катавасия – ирмосы: «Таин еси...» и «Снедию древа...» (с припевами).

По 3-й песни – седален праздника, глас 4-й. «Слава, и ныне» – тот же седален.

По 6-й песни – кондак и икос праздника, глас 4-й.

На 9-й песни «Честнейшую» не поем, но поем припевы праздника. 1-й припев: «Величай, душе моя, Пречестный Крест Господень»[1]. (Совершается обычное каждение.)

По 9-й песни «Достойно есть» не поется. Светилен праздника. «Слава, и ныне» – ин светилен праздника.

«Всякое дыхание...» и хвалитные псалмы.

На хвалитех стихиры праздника, глас 8-й – 4 (первая стихира – дважды). «Слава, и ныне» – праздника, глас 6-й: «Днесь происходит...».

Великое славословие. По Трисвятом – тропарь праздника, глас 1-й (единожды).

На отпусте: «...силою Честнаго и Животворящаго Креста...».

На часах – тропарь и кондак праздника.

На Литургии антифоны изобразительны.

Блаженны праздника, песнь 9-я – 8 (со ирмосом 1-го канона).

На входе: «...Плотию распныйся...».

По входе – тропарь праздника. «Слава, и ныне» – кондак праздника.

Поется Трисвятое.

Прокимен, аллилуиарий и причастен – праздника.

Апостол и Евангелие – дня.

Задостойник праздника.

На отпусте: «...силою Честнаго и Животворящаго Креста...».

По отпусте Литургии иерей исходит через царские врата с кадилом, в предшествии диакона со свечой, и трижды кадит Крест на аналое; по традиции, лик в это время поет тропарь праздника, «Слава, и ныне» – кондак праздника. Затем иерей вземлет Честный Крест на главу и в предшествии диакона со свечой и кадилом царскими вратами вносит Крест в алтарь, полагает на престоле и кадит окрест престола. После закрытия царских врат и завесы Крест благоговейно относится к месту его хранения.

Примечание. По отдании праздника Воздвижения, после 21 сентября (и до 20 декабря), на утрене стихословятся три кафизмы; на вечерне – кафизма 18-я. Если случится память святого, имеющего полиелей, на утрене стихословятся две рядовые кафизмы, а на вечерне (вместо 18-й) – третья, рядовая. Чтение Псалтири начинается с воскресенья. См. Типикон, 21 сентября, 1-е «зри».

По воскресным дням в период после 21 сентября до 20 декабря на утрене стихословятся две кафизмы, к которым присоединяется полиелей. По воскресным дням в период после 20 декабря до 14 января (отдания праздника Богоявления) полиелей не поется, кроме тех дней, когда случится память великого святого, имеющего полиелей. После 14 января полиелей поется во все воскресенья, до Недели сыропустной включительно (см. Типикон, 21 сентября, 1-е «зри»), кроме Недели о мытаре и фарисее (см. Типикон, гл. 49, «Неделя, в нюже чтется священное и святое Евангелие, притчи мытаря и фарисея», «На утрени...»).

Катавасия после 21 сентября до 21 ноября – «Отверзу уста моя...» (см. Типикон, 21 сентября, 2-е «зри»).


Б. На великой вечерне «Блажен муж» – 1-й антифон.

На «Господи, воззвах» стихиры на 10: праздника, глас 6-й – 6 (каждая стихира – дважды), и святителя, глас 8-й и глас 6-й – 4. «Слава» – святителя, глас 8-й: «Красны нозе...», «И ныне» – праздника, глас 2-й: «Приидите, вси языцы...».

Вход. Прокимен дня. Паримии святителя – 3[2].

На стиховне стихиры праздника, глас 5-й (с припевами своими). «Слава» – святителя, глас 4-й: «Возрадуемся, Российстии собори...», «И ныне» – праздника, глас 8-й: «Егоже древле Моисей...».

По Трисвятом – тропарь святителя, глас 8-й. «Слава, и ныне» – тропарь праздника, глас 1-й.

На отпусте: «...силою Честнаго и Животворящаго Креста...».

На утрене на «Бог Господь» – тропарь праздника, глас 1-й (дважды). «Слава» – тропарь святителя, глас 8-й, «И ныне» – тропарь праздника, глас 1-й.

Кафизмы 19-я и 20-я. Малые ектении. Седальны праздника.

Полиелей. Величание святителя и избранный псалом. Седален святителя по 1-м стихословии, глас 3-й: «Марфа и Мария...», седален святителя по 2-м стихословии, глас 8-й: «Яко на седалищи...». «Слава» – седален святителя по полиелее, глас 7-й (по выбору), «И ныне» – седален праздника по полиелее, глас 8-й. Степенна – 1-й антифон 4-го гласа. Прокимен святителя, глас 4-й: «Уста моя возглаголют премудрость и поучение сердца моего разум»; стих: «Услышите сия, вси языцы, внушите, вси живущии по вселенней». Евангелие – святителя. По 50-м псалме: «Слава» – «Молитвами святителя...». Стихира святителя, глас 6-й: «Излияся благодать...».

Каноны[3]: праздника со ирмосом на 8 (ирмосы по дважды) и святителя на 6.

Библейские песни «Поем Господеви...».

Катавасия «Крест начертав...». В 9-й песни катавасия – ирмосы: «Таин еси...» и «Снедию древа...» (с припевами).

По 3-й песни – кондак и икос святителя, глас 8-й; седален святителя, глас тот же (дважды). «Слава, и ныне» – седален праздника, глас 4-й.

По 6-й песни – кондак и икос праздника, глас 4-й.

На 9-й песни «Честнейшую» не поем, но к канонам праздника Крестовоздвижения поем припевы праздника (см. на утрене в сам день праздника). 1-й припев: «Величай, душе моя, Пречестный Крест Господень»[4]. К тропарям канона свт. Димитрия Ростовского – припев: «Святителю отче Димитрие, моли Бога о нас»[5]. (Совершается обычное каждение.)

По 9-й песни «Достойно есть» не поется. Светилен праздника. «Слава» – светилен святителя, «И ныне» – ин светилен праздника.

«Всякое дыхание...» и хвалитные псалмы.

На хвалитех стихиры на 6: праздника, глас 8-й – 3, и святителя, глас 6-й – 3. «Слава» – святителя, глас тот же: «Воспой, Россие...», «И ныне» – праздника, глас тот же: «Днесь происходит...».

Великое славословие. По Трисвятом – тропарь святителя, глас 8-й. «Слава, и ныне» – тропарь праздника, глас 1-й.

На отпусте: «...силою Честнаго и Животворящаго Креста...».

На часах – тропарь праздника. «Слава» – тропарь святителя. Кондаки праздника и святителя читаются попеременно.

На Литургии антифоны изобразительны.

Блаженны праздника, песнь 9-я – 4 (со ирмосом 1-го канона), и святителя, песнь 3-я или 6-я[6] – 4.

На входе: «...Плотию распныйся...».

По входе – тропарь праздника, тропарь святителя. «Слава» – кондак святителя, «И ныне» – кондак праздника.

Поется Трисвятое.

Прокимен, аллилуиарий и причастен – праздника и святителя.

Апостол и Евангелие – дня и святителя.

Задостойник праздника.

На отпусте: «...силою Честнаго и Животворящаго Креста...».

По отпусте Литургии иерей исходит через царские врата с кадилом, в предшествии диакона со свечой, и трижды кадит Крест на аналое; по традиции, лик в это время поет тропарь праздника, «Слава, и ныне» – кондак праздника. Затем иерей вземлет Честный Крест на главу и в предшествии диакона со свечой и кадилом царскими вратами вносит Крест в алтарь, полагает на престоле и кадит окрест престола. После закрытия царских врат и завесы Крест благоговейно относится к месту его хранения.

Примечание. По отдании праздника Воздвижения, после 21 сентября (и до 20 декабря), на утрене стихословятся три кафизмы; на вечерне – кафизма 18-я. Если случится память святого, имеющего полиелей, на утрене стихословятся две рядовые кафизмы, а на вечерне (вместо 18-й) – третья, рядовая. Чтение Псалтири начинается с воскресенья. См. Типикон, 21 сентября, 1-е «зри».

По воскресным дням в период после 21 сентября до 20 декабря на утрене стихословятся две кафизмы, к которым присоединяется полиелей. По воскресным дням в период после 20 декабря до 14 января (отдания праздника Богоявления) полиелей не поется, кроме тех дней, когда случится память великого святого, имеющего полиелей. После 14 января полиелей поется во все воскресенья, до Недели сыропустной включительно (см. Типикон, 21 сентября, 1-е «зри»), кроме Недели о мытаре и фарисее (см. Типикон, гл. 49, «Неделя, в нюже чтется священное и святое Евангелие, притчи мытаря и фарисея», «На утрени...»).

Катавасия после 21 сентября до 21 ноября – «Отверзу уста моя...» (см. Типикон, 21 сентября, 2-е «зри»).

1 По традиции, 1-й припев запевает священник или диакон.

2 Паримии праздника Крестовоздвижения не читаются.

3 См. службу свт. Димитрия Ростовского в Минее (21 сентября). На основании указаний 1-й Марковой главы Типикона под 25 мая, 9-ю песнь канона допустимо петь следующим образом: 1-й канон праздника со ирмосом на 6 (ирмос дважды), святителя на 4 и 2-й канон праздника на 4.

4 По традиции, 1-й припев запевает священник или диакон.

5 Ср.: Типикон, 8 мая, 6-я Маркова глава.

6 В 1-й Марковой главе Типикона под 25 мая на блаженнах от канона святого указывается песнь 3-я, а в службе свт. Димитрия Ростовского в Минее – песнь 6-я.

Богослужебные указания с сайта Патриархии на каждый день.

⏶ Закрыть богослужебные указания

Великая Вечерня

Диакон: Воста́ните!

Лик: Го́споди, благослови́!

Священник, изображая кадилом крест перед престолом: Сла́ва Святе́й, и Единосу́щней, и Животворя́щей, и Неразде́льней Тро́ице всегда́, ны́не и при́сно, и во ве́ки веко́в.

Лик: Ами́нь.

Священнослужители в алтаре:

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́ Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Прииди́те, поклони́мся и припаде́м Ему́.

В алтаре

Затем совершается полное каждение храма при пении избранных стихов предначинательного псалма 103. По Уставу после каждения при пении 2-й половины 103 псалма священник, стоя с непокрытой головой перед Царскими вратами, должен читать светильничные молитвы. На практике, однако, молитвы читаются во время мирной ектении, а при служении одним священником без диакона — опускаются

Лик: Благослови́, душе́ моя́, Го́спода. Благослове́н еси́, Го́споди. Го́споди, Бо́же мой, возвели́чился еси́ зело́. Благослове́н еси́, Го́споди. Во испове́дание и в велеле́поту обле́клся еси́. Благослове́н еси́, Го́споди. Посреде́ гор про́йдут во́ды. Ди́вна дела́ Твоя́, Го́споди. Вся прему́дростию сотвори́л еси́. Сла́ва Ти, Го́споди, сотвори́вшему вся.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды).

Светильничные молитвы

Молитва первая:

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Молитва вторая:

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, Врачу́ и Исцели́телю душ на́ших. Наста́ви нас ко Приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Молитва третия:

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Молитва четвертая:

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Молитва пятая:

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Молитва шестая:

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Молитва седмая:

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам,Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

По окончании предначинательного псалма диакон, выйдя северными вратами и став, как обычно на амвоне, произносит великую ектению.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О гра́де сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Кафизма 1

Псалом 1

Псало́м Дави́ду. Блаже́н му́ж, и́же не и́де на сове́т нечести́вых, и на пути́ гре́шных не ста́, и на седа́лищи губи́телей не се́де: но в зако́не Госпо́дни во́ля его́, и в зако́не Его́ поучи́тся де́нь и но́щь. И бу́дет я́ко дре́во насажде́ное при исхо́дищих во́д, е́же пло́д сво́й да́ст во вре́мя свое́, и ли́ст его́ не отпаде́т: и вся́, ели́ка а́ще твори́т, успе́ет. Не та́ко нечести́вии, не та́ко: но я́ко пра́х, его́же возмета́ет ве́тр от лица́ земли́. Сего́ ра́ди не воскре́снут нечести́вии на су́д, ниже́ гре́шницы в сове́т пра́ведных. Я́ко ве́сть Госпо́дь пу́ть пра́ведных, и пу́ть нечести́вых поги́бнет.

Псалом 2

Псало́м Дави́ду. Вску́ю шата́шася язы́цы, и лю́дие поучи́шася тще́тным? Предста́ша ца́рие зе́мстии, и кня́зи собра́шася вку́пе на Го́спода и на Христа́ Его́. Расто́ргнем у́зы и́х и отве́ржем от на́с и́го и́х. Живы́й на небесе́х посмее́тся и́м, и Госпо́дь поруга́ется и́м. Тогда́ возглаго́лет к ни́м гне́вом Свои́м и я́ростию Свое́ю смяте́т я́: А́з же поста́влен е́смь Ца́рь от Него́ над Сио́ном, горо́ю свято́ю Его́, возвеща́яй повеле́ние Госпо́дне. Госпо́дь рече́ ко Мне́: Сы́н Мо́й еси́ Ты́, А́з дне́сь роди́х Тя́: проси́ от Мене́, и да́м ти́ язы́ки достоя́ние Твое́, и одержа́ние Твое́ концы́ земли́: упасе́ши я́ жезло́м желе́зным, я́ко сосу́ды скуде́льничи сокруши́ши я́. И ны́не, ца́рие, разуме́йте, накажи́теся вси́ судя́щии земли́. Рабо́тайте Го́сподеви со стра́хом, и ра́дуйтеся Ему́ со тре́петом. Приими́те наказа́ние, да не когда́ прогне́вается Госпо́дь, и поги́бнете от пути́ пра́веднаго, егда́ возгори́тся вско́ре я́рость Его́: блаже́ни вси́ наде́ющиися На́нь.

Псалом 3

Псало́м Дави́ду, внегда́ отбега́ше от лица́ Авессало́ма сы́на своего́. Го́споди, что́ ся умно́жиша стужа́ющии ми́? Мно́зи востаю́т на мя́, мно́зи глаго́лют души́ мое́й: не́сть спасе́ния ему́ в Бо́зе его́. Ты́ же, Го́споди, засту́пник мо́й еси́, сла́ва моя́, и вознося́й главу́ мою́. Гла́сом мои́м ко Го́споду воззва́х, и услы́ша мя́ от горы́ святы́я Своея́. А́з усну́х, и спа́х, воста́х, я́ко Госпо́дь засту́пит мя́. Не убою́ся от те́м люди́й, о́крест напа́дающих на мя́. Воскре́сни́, Го́споди, спаси́ мя, Бо́же мо́й: я́ко Ты́ порази́л еси́ вся́ вражду́ющыя ми́ всу́е, зу́бы гре́шников сокруши́л еси́. Госпо́дне е́сть спасе́ние, и на лю́дех Твои́х благослове́ние Твое́.

Чтец: Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Ектения малая

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Возглашение: Я́ко Твоя́ держа́ва, и Твое́ есть ца́рство, и си́ла, и сла́ва, Отца́ и Сы́на и Свята́го Ду́ха, ныне, и при́сно, и во ве́ки веко́в.

Лик: Ами́нь.

«Господи, воззвах»

Поются псалмы 140, 141, 129, 116 со стихирами на “Господи, воззвах”; в это время диакон совершает полное каждение храма

Первый лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: еди́н есмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ним моле́ние мое́, печа́ль мою́ пред Ним возвещу́. Внегда́ исчеза́ти от мене́ ду́ху моему́: и Ты позна́л еси́ стези́ моя́: на пути́ сем, по нему́же хожда́х, скры́ша сеть мне. Смотря́х одесну́ю и возгля́дах, и не бе зна́яй мене́: поги́бе бе́гство от мене́, и несть взыска́яй ду́шу мою́. Воззва́х к Тебе́, Го́споди, рех: Ты еси́ упова́ние мое́, часть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя от гоня́щих мя, я́ко укрепи́шася па́че мене́.

На 10, стихиры: Изведи́ из темни́цы ду́шу мою́, / испове́датися и́мени Твоему́.

Глас 6: Крест воздвиза́емь/ на нем Вознесе́ннаго Страсть пречи́стую/ пе́ти повелева́ет тва́ри всей./ На том бо уби́в нас уби́вшаго,/ умерщвле́нныя оживи́л есть,/ и удобри́, и на Небеса́х жи́ти сподо́би, я́ко Милосе́рд,/ премно́жеством бла́гости./ Тем, ра́дующеся, вознесе́м и́мя Его́// и Того́ возвели́чим кра́йнее снизхожде́ние.

Сти́х: Мене́ ждут пра́ведницы / до́ндеже возда́си Мне.

Глас 6: Крест воздвиза́емь/ на нем Вознесе́ннаго Страсть пречи́стую/ пе́ти повелева́ет тва́ри всей./ На том бо уби́в нас уби́вшаго,/ умерщвле́нныя оживи́л есть,/ и удобри́, и на Небеса́х жи́ти сподо́би, я́ко Милосе́рд,/ премно́жеством бла́гости./ Тем, ра́дующеся, вознесе́м и́мя Его́// и Того́ возвели́чим кра́йнее снизхожде́ние.

На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.

Глас 6: Моисе́й предобрази́ тя,/ ру́ки просте́р на высоту́,/ и побежда́ше Амали́ка мучи́теля,/ Кре́сте честны́й,/ ве́рных похвало́,/ страда́льцев утвержде́ние,/ апо́столов удобре́ние,/ пра́ведных побо́рниче,/ всех преподо́бных спаси́телю./ Тем, тя воздвиза́ема зря́щи, тварь весели́тся/ и торжеству́ет, сла́вящи Христа́,// тобо́ю разстоя́щая собра́вшаго кра́йнею бла́гостию.

Сти́х: Да бу́дут у́ши Твои́ / вне́млюще гла́су моле́ния моего́.

Глас 6: Моисе́й предобрази́ тя,/ ру́ки просте́р на высоту́,/ и побежда́ше Амали́ка мучи́теля,/ Кре́сте честны́й,/ ве́рных похвало́,/ страда́льцев утвержде́ние,/ апо́столов удобре́ние,/ пра́ведных побо́рниче,/ всех преподо́бных спаси́телю./ Тем, тя воздвиза́ема зря́щи, тварь весели́тся/ и торжеству́ет, сла́вящи Христа́,// тобо́ю разстоя́щая собра́вшаго кра́йнею бла́гостию.

На 6, cти́х: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.

Глас 6: Кре́сте пречестны́й,/ его́же обстоя́т чи́ни а́нгельстии, веселя́щеся,/ днесь воздвиза́емь,/ Боже́ственным манове́нием возно́сиши вся/ окраде́нием сне́ди отгна́нныя/ и в смерть попо́лзшияся./ Те́мже тя сердцы́ и устна́ми, ве́рнии, лобыза́юще,/ свяще́ние почерпа́ем,/ возноси́те, вопию́ще, Христа́, Преблага́го Бо́га,// и Того́ покланя́йтеся Боже́ственному подно́жию.

Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

Глас 6: Кре́сте пречестны́й,/ его́же обстоя́т чи́ни а́нгельстии, веселя́щеся,/ днесь воздвиза́емь,/ Боже́ственным манове́нием возно́сиши вся/ окраде́нием сне́ди отгна́нныя/ и в смерть попо́лзшияся./ Те́мже тя сердцы́ и устна́ми, ве́рнии, лобыза́юще,/ свяще́ние почерпа́ем,/ возноси́те, вопию́ще, Христа́, Преблага́го Бо́га,// и Того́ покланя́йтеся Боже́ственному подно́жию.

На 4, cти́х: От стра́жи у́тренния до но́щи, от стра́жи у́тренния, / да упова́ет Изра́иль на Го́спода.

Глас 8: Днесь свиде́тельство сы́на Гро́мова/ и на тебе́ сбы́стся, свя́те Дими́трие,/ вои́стину бо свиде́тельствовася ти от всех/ и от Са́мыя И́стины,/ я́ко твои́ми моли́твами немощни́и врачу́ются,/ слепи́и прозира́ют, хроми́и хо́дят,/ де́мони отгоня́ются и вся ско́рби реша́тся./ Сего́ ра́ди почита́ем тя вси,/ но́вый наш Росси́йский чудотво́рче.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

Глас 8: Новоявле́нне святи́телю Дими́трие,/ в час сме́рти, па́че же живота́ твоего́/ чре́сла любо́вию препоя́сал еси́/ и, но́зе обу́в во упова́ние Христо́во,/ свети́льник ве́ры украси́л еси́ еле́ем дел благи́х./ Тем с му́дрыми вшел еси́ в Небе́сный черто́г,/ иде́же предстоя́ Влады́це Христу́, помоли́ся,/ да прише́дшу полу́нощному во́плю,/ изы́дем в сре́тение Ему́ и мы гото́ви.

На 2, cти́х: Хвали́те Го́спода вси́ язы́цы, похвали́те Его́ вси́ лю́дие.

Глас 8: О, глубина́ суде́б Бо́жиих!/ О, бе́здна неисчерпа́емых Его́ бла́гостей!/ Ка́ко за пра́ведность мзду пра́ведничу восприя́т,/ дерзнове́ние обре́т за ча́да твоя́,/ и́хже храня́т Госпо́дь тебе́ ра́ди,/ пра́ведниче Бо́жий Дими́трие./ С седма́го ме́сяца на́чал еси́ труди́тися в списа́ниих жити́й святы́х,/ в седмы́й и мзду прия́л еси́ явле́нием моще́й твои́х./ Моли́ спасти́ся всем чту́щим тя, новоявле́нне Дими́трие.

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Глас 6: В житии́ твое́м, святи́телю Дими́трие,/ чре́сла любо́вию препоя́сал еси́,/ и но́зе обу́в во упова́ние Христо́во,/ свети́льник ве́ры украси́л еси́ еле́ем дел благи́х,/ тем с му́дрыми вшел еси́ в Небе́сный черто́г,/ иде́же предстоя́ Влады́це Христу́, моли́ся,/ да прише́дшу полу́нощному во́плю,/ изы́дем в сре́тение Ему́ и мы гото́ви.

Сла́ва Отцу́, и Сы́ну, и Свято́му Ду́ху.

Глас 8: Кра́сны но́зе благовеству́ющих мир,/ благовеству́ющих блага́я,/ кра́сны вои́стину но́зе и твои́, о Дими́трие,/ па́че же весь красе́н еси́,/ я́ко внегда́ приити́ тебе́ на престо́л свой,/ а́бие мир всем благовести́л еси́:/ мир Це́рквам и гра́дом,/ мир домо́м и вся́кому сожи́тельству./ Мир Бо́жий, я́коже Па́вел, веща́л еси́,/ да водворя́ется в сердца́х ва́ших,/ и мир име́йте и святы́ню со все́ми, бра́тие./ Та́ко у́бо и ны́не посети́вый нас явле́нием моще́й твои́х,/ благовеству́й и ми́рови ве́лию ми́лость.

И ны́не, и при́сно, и во ве́ки веко́в. Ами́нь.

Глас 2: Прииди́те, вси язы́цы,/ благослове́нному Дре́ву поклони́мся,/ и́мже бысть ве́чная пра́вда:/ пра́отца бо Ада́ма прельсти́вый дре́вом/ Кресто́м прельща́ется/ и па́дает, низве́ржен, паде́нием стра́нным,/ мучи́тельством одержа́вый ца́рское зда́ние;/ Кро́вию Бо́жиею яд зми́ев отмыва́ется,/ и кля́тва разруши́ся осужде́ния пра́веднаго,/ непра́ведным судо́м Пра́веднику осужде́ну бы́вшу;/ Дре́вом бо подоба́ше дре́во исцели́ти/ и Стра́стию Безстра́стнаго, я́же на Дре́ве,/ разреши́ти стра́сти осужде́ннаго./ Но сла́ва, Христе́ Царю́,/ е́же о нас Твоему́ му́дрому смотре́нию,/ и́мже спасл еси́ всех,// я́ко Благ и Человеколю́бец.

В алтаре

Когда совершается Великая вечерня, то во время пения заключительной стихиры открываются Царские врата и совершается вход с кадилом. Священник с диаконом в предшествии свещеносцев исходят из алтаря северной дверью и становятся на обычном месте перед Царскими вратами.

Диакон: Благослови́, влады́ка, свято́й вход!

Священник: Благослове́н вход святы́х Твои́х всегда́, ны́не и при́сно, и во ве́ки веко́в.

Диакон, изображая крест кадилом, возглашает: Прему́дрость, про́сти.

В алтаре

Диакон входит в алтарь, а за ним и священник, оба отходят на горнее место.

Вечерняя песнь Сыну Божию

Све́те Ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя сла́вит.

Диакон: Во́нмем.

Священник: Мир всем.

Лик: И ду́хови твоему́.

Прокимен

В четверток вечера, глас 6:

Диакон: Прему́дрость. Во́нмем. Проки́мен, глас 6.

По́мощь моя́ от Го́спода, / сотво́ршаго не́бо и зе́млю.

Лик: По́мощь моя́ от Го́спода, / сотво́ршаго не́бо и зе́млю.

Диакон: Возведо́х о́чи мои́ в го́ры, отню́дуже прии́дет по́мощь моя́.

Лик: По́мощь моя́ от Го́спода, / сотво́ршаго не́бо и зе́млю.

Диакон: По́мощь моя́ от Го́спода

Лик: Сотво́ршаго не́бо и зе́млю.

Чтение Святого Писания

Святителем

Диакон: Прему́дрость.

Чтец: При́тчей чте́ние

Диакон: Во́нмем.

Чтец: Па́мять пра́веднаго с похвала́ми, и благослове́ние Госпо́дне на главе́ его́. Блаже́н челове́к,и́же обре́те Прему́дрость, и сме́ртен, и́же уве́де ра́зум. Лу́чше бо Сию́ купова́ти, не́жели зла́та и сребра́ сокро́вища. Честне́йшая же есть ка́мений многоце́нных, все же честно́е недосто́йно Ея́ есть. Долгота́ бо дней и ле́та живота́ в десни́це Ея́, в шу́йце же Ея́ бога́тство и сла́ва. От уст Ея́ исхо́дит пра́вда, зако́н же и ми́лость на язы́це но́сит. Послу́шайте у́бо Мене́, о ча́да, честна́я бо реку́: и блаже́н челове́к, и́же пути́Моя́ сохрани́т; исхо́ди бо Мои́, исхо́ди живота́, и уготовля́ется хоте́ние от Го́спода. Сего́ ра́ди молю́ вас и предлага́ю Мой глас сыново́м челове́ческим: я́ко Аз, прему́дрость устро́их, сове́т и ра́зум, и смысл Аз призва́х. Мой сове́т и утвержде́ние, Мой ра́зум, Моя́ же кре́пость. Аз Мене́ лю́бящия люблю́, и́щущии же Мене́ обря́щут благода́ть. Разуме́йте у́бо, незло́бивии, кова́рство, ненака́заннии же, прилага́йте сердца́. Послу́шайте Мене́ и па́ки, честна́я бо реку́: и отве́рзу от усте́н пра́вая, я́ко и́стине поучи́тся горта́нь Мой, ме́рзки же пре́до Мно́ю устны́ лжи́выя. С пра́вдою вси глаго́лы уст Мои́х, ничто́же в них стро́потно, ниже́ развраще́нно. Вся пра́ва суть разумева́ющим и про́ста обрета́ющим ра́зум. Науча́ю бо вас и́стине, да бу́дет о Го́споде наде́жда ва́ша, и испо́лнитеся Ду́ха.

Диакон: Прему́дрость.

Чтец: При́тчей чте́ние

Диакон: Во́нмем.

Чтец: Уста́ пра́веднаго ка́плют прему́дрость, язы́к же непра́веднаго поги́бнет. Устне́ муже́й пра́ведных ка́плют благода́ти, уста́ же нечести́вых развраща́ются. Ме́рила льсти́вая ме́рзость пред Го́сподем, вес же пра́ведный прия́тен Ему́. Иде́же а́ще вни́дет досажде́ние, та́мо и безче́стие, уста́ же смире́нных поуча́ются прему́дрости. Соверше́ние пра́вых наста́вит их и поползнове́ние отрица́ющихся упасе́т их. Не по́льзуют име́ния в день я́рости, пра́вда же изба́вит от сме́рти. У́мер пра́ведный, оста́ви раска́яние, нару́чна же быва́ет и посмея́тельна нечести́вых па́губа. Пра́вда непоро́чнаго исправля́ет пути́, в нече́стие же па́дает непра́вда. Пра́вда муже́й пра́вых изба́вит их, безсове́тием же пленя́ются беззако́ннии. Сконча́вшуся му́жу пра́ведну, не поги́бнет наде́жда, похвала́ же нечести́вых поги́бнет. Пра́ведник от ло́ва убе́гнет, вме́сто же его́ предае́тся нечести́вый. Во усте́х нечести́вых сеть гра́жданом, чу́вство же пра́ведных благоспе́шное. Во благи́х пра́ведных испра́вится град, и в поги́бели нечести́вых ра́дование. Во благослове́нии пра́вых возвы́сится град, усты́ же нечести́вых раскопа́ется. Руга́ется гра́жданом лише́нный ра́зума, муж же му́дрый безмо́лвие во́дит.

Диакон: Прему́дрость.

Чтец: Прему́дрости Соломо́новы чте́ние

Диакон: Во́нмем.

Чтец: Пра́ведник, а́ще пости́гнет сконча́тися, в поко́и бу́дет: ста́рость бо честна́ не многоле́тна, ниже́ в числе́ лет исчита́ется. Седи́на же есть му́дрость челове́ком, и во́зраст ста́рости житие́ нескве́рно. Благоуго́ден Бо́гу быв, возлю́блен бысть, и живы́й посреде́ гре́шник преста́влен бысть, восхище́н бысть, да не зло́ба измени́т ра́зума его́ или́ лесть прельсти́т ду́шу его́. Раче́ние бо зло́бы помрача́ет до́брая и паре́ние по́хоти пременя́ет ум незло́бив. Сконча́вся вма́ле, испо́лни ле́та до́лга, уго́дна бо бе Го́сподеви душа́ его́, сего́ ра́ди потща́ся от среды́ лука́вствия. Лю́дие же ви́девше и не разуме́вше, ниже́ положи́вше в помышле́нии таково́е, я́ко благода́ть и ми́лость в преподо́бных Его́ и посеще́ние во избра́нных Его́.

Святителем

Диакон: Прему́дрость.

Чтец: При́тчей чте́ние

Диакон: Во́нмем.

Чтец: Па́мять пра́веднаго с похвала́ми, и благослове́ние Госпо́дне на главе́ его́. Блаже́н челове́к,и́же обре́те Прему́дрость, и сме́ртен, и́же уве́де ра́зум. Лу́чше бо Сию́ купова́ти, не́жели зла́та и сребра́ сокро́вища. Честне́йшая же есть ка́мений многоце́нных, все же честно́е недосто́йно Ея́ есть. Долгота́ бо дней и ле́та живота́ в десни́це Ея́, в шу́йце же Ея́ бога́тство и сла́ва. От уст Ея́ исхо́дит пра́вда, зако́н же и ми́лость на язы́це но́сит. Послу́шайте у́бо Мене́, о ча́да, честна́я бо реку́: и блаже́н челове́к, и́же пути́Моя́ сохрани́т; исхо́ди бо Мои́, исхо́ди живота́, и уготовля́ется хоте́ние от Го́спода. Сего́ ра́ди молю́ вас и предлага́ю Мой глас сыново́м челове́ческим: я́ко Аз, прему́дрость устро́их, сове́т и ра́зум, и смысл Аз призва́х. Мой сове́т и утвержде́ние, Мой ра́зум, Моя́ же кре́пость. Аз Мене́ лю́бящия люблю́, и́щущии же Мене́ обря́щут благода́ть. Разуме́йте у́бо, незло́бивии, кова́рство, ненака́заннии же, прилага́йте сердца́. Послу́шайте Мене́ и па́ки, честна́я бо реку́: и отве́рзу от усте́н пра́вая, я́ко и́стине поучи́тся горта́нь Мой, ме́рзки же пре́до Мно́ю устны́ лжи́выя. С пра́вдою вси глаго́лы уст Мои́х, ничто́же в них стро́потно, ниже́ развраще́нно. Вся пра́ва суть разумева́ющим и про́ста обрета́ющим ра́зум. Науча́ю бо вас и́стине, да бу́дет о Го́споде наде́жда ва́ша, и испо́лнитеся Ду́ха.

Диакон: Прему́дрость.

Чтец: При́тчей чте́ние

Диакон: Во́нмем.

Чтец: Уста́ пра́веднаго ка́плют прему́дрость, язы́к же непра́веднаго поги́бнет. Устне́ муже́й пра́ведных ка́плют благода́ти, уста́ же нечести́вых развраща́ются. Ме́рила льсти́вая ме́рзость пред Го́сподем, вес же пра́ведный прия́тен Ему́. Иде́же а́ще вни́дет досажде́ние, та́мо и безче́стие, уста́ же смире́нных поуча́ются прему́дрости. Соверше́ние пра́вых наста́вит их и поползнове́ние отрица́ющихся упасе́т их. Не по́льзуют име́ния в день я́рости, пра́вда же изба́вит от сме́рти. У́мер пра́ведный, оста́ви раска́яние, нару́чна же быва́ет и посмея́тельна нечести́вых па́губа. Пра́вда непоро́чнаго исправля́ет пути́, в нече́стие же па́дает непра́вда. Пра́вда муже́й пра́вых изба́вит их, безсове́тием же пленя́ются беззако́ннии. Сконча́вшуся му́жу пра́ведну, не поги́бнет наде́жда, похвала́ же нечести́вых поги́бнет. Пра́ведник от ло́ва убе́гнет, вме́сто же его́ предае́тся нечести́вый. Во усте́х нечести́вых сеть гра́жданом, чу́вство же пра́ведных благоспе́шное. Во благи́х пра́ведных испра́вится град, и в поги́бели нечести́вых ра́дование. Во благослове́нии пра́вых возвы́сится град, усты́ же нечести́вых раскопа́ется. Руга́ется гра́жданом лише́нный ра́зума, муж же му́дрый безмо́лвие во́дит.

Диакон: Прему́дрость.

Чтец: Прему́дрости Соломо́новы чте́ние

Диакон: Во́нмем.

Чтец: Пра́ведник, а́ще пости́гнет сконча́тися, в поко́и бу́дет: ста́рость бо честна́ не многоле́тна, ниже́ в числе́ лет исчита́ется. Седи́на же есть му́дрость челове́ком, и во́зраст ста́рости житие́ нескве́рно. Благоуго́ден Бо́гу быв, возлю́блен бысть, и живы́й посреде́ гре́шник преста́влен бысть, восхище́н бысть, да не зло́ба измени́т ра́зума его́ или́ лесть прельсти́т ду́шу его́. Раче́ние бо зло́бы помрача́ет до́брая и паре́ние по́хоти пременя́ет ум незло́бив. Сконча́вся вма́ле, испо́лни ле́та до́лга, уго́дна бо бе Го́сподеви душа́ его́, сего́ ра́ди потща́ся от среды́ лука́вствия. Лю́дие же ви́девше и не разуме́вше, ниже́ положи́вше в помышле́нии таково́е, я́ко благода́ть и ми́лость в преподо́бных Его́ и посеще́ние во избра́нных Его́.

Ектения сугубая

Диакон: Рцем вси от всея́ души́, и от всего́ помышле́ния на́шего рцем.

Лик: Го́споди, поми́луй.

Диакон: Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Лик: Го́споди, поми́луй.

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй. (Трижды)

Еще молимся о Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), и о всей во Христе братии нашей.

Лик: Го́споди, поми́луй. (Трижды)

Диакон: Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Лик: Го́споди, поми́луй. (Трижды)

Диакон: Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

Лик: Го́споди, поми́луй. (Трижды)

Диакон: Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́ (если в монастыре: святы́я оби́тели сея́).

Лик: Го́споди, поми́луй. (Трижды)

Диакон: Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Лик: Го́споди, поми́луй. (Трижды)

Священник: Яко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

Молитва при наступлении вечера

Лик: Сподо́би, Го́споди, в ве́чер сей без греха́ сохрани́тися нам. / Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки, ами́нь. /

Бу́ди, Го́споди, ми́лость Твоя́ на нас, я́коже упова́хом на Тя. / Благослове́н еси́, Го́споди, научи́ мя оправда́нием Твои́м. / Благослове́н еси́, Влады́ко, вразуми́ мя оправда́нием Твои́м. / Благослове́н еси́, Святы́й, просвети́ мя оправда́нии Твои́ми. /

Го́споди, ми́лость Твоя́ во век, дел руку́ Твое́ю не пре́зри. / Тебе́ подоба́ет хвала́. Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, / ны́не и при́сно и во ве́ки веко́в. Ами́нь.

Ектения просительная

Диакон: Испо́лним вече́рнюю моли́тву на́шу Го́сподеви.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Ве́чера всего́ соверше́нна, свя́та, ми́рна и безгре́шна у Го́спода про́сим.

Лик: Пода́й, Го́споди.

Диакон: А́нгела ми́рна, ве́рна наста́вника, храни́теля душ и теле́с на́ших у Го́спода про́сим.

Лик: Пода́й, Го́споди.

Диакон: Проще́ния и оставле́ния грехо́в и прегреше́ний на́ших у Го́спода про́сим.

Лик: Пода́й, Го́споди.

Диакон: До́брых и поле́зных душа́м нашим, и ми́ра мiрови у Го́спода про́сим.

Лик: Пода́й, Го́споди.

Диакон: Про́чее вре́мя живота́ на́шего в ми́ре и покая́нии сконча́ти у Го́спода про́сим.

Лик: Пода́й, Го́споди.

Диакон: Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник: Ми́р всем.

Лик: И ду́хови твоему́.

Диакон: Главы́ на́ша Го́сподеви прикло́ним.

Лик: Тебе́, Го́споди.

В алтаре

Молитва главопреклонения

Священник: Го́споди Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.

И возглашает священник: Бу́ди держа́ва Ца́рствия Твоего́ благослове́на и препросла́влена, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Лития

В дни, когда совершается всенощное бдение, священнослужители исходят в притвор храма с пением литийных стихир храма (под воскресенье) или праздника для совершения литии. Священник и диакон с кадилом, предшествуемые двумя свещеносцами выходят из алтаря северными вратами и становятся в притворе. Диакон совершает каждение святых икон в притворе, настоятеля, поющих и народа.

Стихиры на литии

По окончании пения стихир диакон произносит следующие молитвенные прошения

Диакон: Спаси́, Бо́же, лю́ди Твоя́ и благослови́ достоя́ние Твое́, посети́ мiр Твой ми́лостию и щедро́тами, возвы́си рог христиа́н правосла́вных и низпосли́ на ны ми́лости Твоя́ бога́тыя, моли́твами всепречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́, предста́тельствы честны́х Небе́сных Си́л безпло́тных, честна́го, сла́внаго проро́ка, Предте́чи и Крести́теля Иоа́нна, святы́х сла́вных и всехва́льных Апо́стол, и́же во святы́х оте́ц на́ших и вселе́нских вели́ких учи́телей и святи́телей, Васи́лия Вели́каго, Григо́рия Богосло́ва и Иоа́нна Златоу́стаго, и́же во святы́х отца́ на́шего Никола́я, архиепи́скопа Мирлики́йскаго, чудотво́рца, святы́х равноапо́стольных Мефо́дия и Кири́лла, учи́телей слове́нских, святы́х равноапо́стольных вели́каго кня́зя Влади́мира и вели́кия княги́ни О́льги, и́же во святы́х оте́ц на́ших всея́ Росси́и чудотво́рцев, Михаи́ла, Петра́, Алекси́я, Ио́ны, Мака́рия, Фили́ппа, И́ова, Ермоге́на, Филаре́та, Инноке́нтия и Ти́хона, святы́х, сла́вных и добропобе́дных му́чеников, преподо́бных и богоно́сных оте́ц на́ших, (и свята́го, имяре́к, его́же есть храм), свт. Дими́трия Ростовского, митрополита, свт. Дими́трия Ростовского, митрополита, святы́х и пра́ведных богооте́ц Иоаки́ма и А́нны, и всех святы́х. Мо́лим Тя́, многоми́лостиве Го́споди, услы́ши нас, гре́шных, моля́щихся Тебе́, и поми́луй нас.

Лик: Го́споди, поми́луй. (40 раз).

Диакон: Еще́ мо́лимся о Вели́ком Господи́не и отце́ на́шем Святе́йшем Патриа́рхе Кири́лле, и о господи́не на́шем преосвяще́ннейшем (имяре́к), митрополи́те (или архиепи́скопе, или епи́скопе его́же есть о́бласть) и о всем во Христе́ бра́тстве на́шем, и о вся́кой души́ христиа́нстей, скорбя́щей же и озло́бленней, ми́лости Бо́жия и по́мощи тре́бующей; о покрове́нии гра́да сего́; о ми́ре, и состоя́нии всего́ мiра; о благостоя́нии святы́х Бо́жиих церкве́й; о спасе́нии и по́мощи со тща́нием и стра́хом Бо́жиим тружда́ющихся и служа́щих оте́ц и бра́тий на́ших; о оста́вльшихся и во отше́ствии су́щих; о исцеле́нии в не́мощех лежа́щих; о успе́нии, осла́бе, блаже́нней па́мяти и о оставле́нии грехо́в всех преждеотше́дших оте́ц и бра́тий на́ших, зде лежа́щих и повсю́ду правосла́вных; о избавле́нии плене́нных, и о бра́тиях на́ших во слу́жбах су́щих, и о всех служа́щих и служи́вших во свята́го хра́ма сего́ рцем.

Лик: Го́споди, поми́луй. (50 раз).

Диакон: Еще́ мо́лимся о е́же сохрани́тися гра́ду сему́, и вся́кому гра́ду и стране́, от гла́да, губи́тельства, тру́са, пото́па, огня́, меча́, наше́ствия иноплеме́нников и междоусо́бныя бра́ни; о е́же ми́лостиву и благоуве́тливу бы́ти благо́му и человеколюби́вому Бо́гу на́шему, отврати́ти вся́кий гнев на ны дви́жимый, и изба́вити ны от належа́щаго и пра́веднаго Своего́ преще́ния и поми́ловати ны́.

Лик: Го́споди, поми́луй. (Трижды).

Диакон: Еще́ мо́лимся и о е́же услы́шати Го́споду Бо́гу глас моле́ния нас, гре́шных, и поми́ловати нас.

Лик: Го́споди, поми́луй. (Трижды).

Священник: Услы́ши ны, Бо́же, Спа́сителю наш, упова́ние всех конце́в земли́ и су́щих в мо́ри дале́че, и ми́лостив, ми́лостив бу́ди, Влады́ко, о гресе́х на́ших, и поми́луй ны. Ми́лостив бо и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник: Мир всем.

Лик: И ду́хови твоему́.

Диакон: Главы́ на́ша Го́сподеви приклони́м.

Лик: Тебе́, Го́споди.

Все преклоняют головы и священник читает молитву велегласно:

Влады́ко многоми́лостиве, Го́споди Иису́се Христе́, Бо́же наш, моли́твами всепречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́, предста́тельствы честны́х Небе́сных Си́л безпло́тных, честна́го, сла́внаго проро́ка, Предте́чи и Крести́теля Иоа́нна, святы́х сла́вных и всехва́льных Апо́стол, святы́х сла́вных и добропобе́дных му́чеников, преподо́бных и богоно́сных оте́ц на́ших, и́же во святы́х оте́ц на́ших и вселе́нских вели́ких учи́телей и святи́телей: Васи́лия Вели́каго, Григо́рия Богосло́ва и Иоа́нна Златоу́стаго, и́же во святы́х отца́ на́шего Никола́я, архиепи́скопа Мирлики́йскаго, чудотво́рца, святы́х равноапо́стольных Мефо́дия и Кири́лла, учи́телей слове́нских, святы́х равноапо́стольных вели́каго кня́зя Влади́мира и вели́кия княги́ни О́льги, и́же во святы́х оте́ц на́ших всея́ Росси́и чудотво́рцев, Михаи́ла, Петра́, Алекси́я, Ио́ны, Мака́рия, Фили́ппа, И́ова, Ермоге́на, Филаре́та, Инноке́нтия и Ти́хона, святы́х, сла́вных и добропобе́дных му́чеников, преподо́бных и богоно́сных оте́ц на́ших, святы́х и пра́ведных богооте́ц Иоаки́ма и А́нны, (и свята́го, имяре́к, его́же есть храм), свт. Дими́трия Ростовского, митрополита, свт. Дими́трия Ростовского, митрополита, и всех святы́х Твои́х, благоприя́тну сотвори́ моли́тву на́шу, да́руй нам оставле́ние прегреше́ний на́ших, покры́й нас кро́вом крилу́ Твое́ю, отжени́ от нас вся́каго врага́ и супоста́та, умири́ на́шу жизнь. Го́споди, поми́луй нас и мiр Твой, и спаси́ ду́ши на́ша, я́ко благ и Человеколю́бец.

Лик: Ами́нь.

Затем начинаются стихиры на стиховне и при их пении священнослужители входят из притвора в храм.

Стихиры на стиховне

Глас 5: Ра́дуйся, живоно́сный Кре́сте,/ благоче́стия непобеди́мая побе́да,/ дверь ра́йская,/ ве́рных утвержде́ние,/ Це́ркве огражде́ние,/ и́мже тля разори́ся и упраздни́ся,/ и попра́ся сме́ртная держа́ва,/ и вознесо́хомся от земли́ к Небе́сным;/ ору́жие непобеди́мое,/ бесо́в сопротивобо́рче,/ сла́ва му́чеников,/ преподо́бных я́ко вои́стину удобре́ние,/ приста́нище спасе́ния,// да́руяй ми́ру ве́лию ми́лость.

Стих: Возноси́те Го́спода Бо́га на́шего// и покланя́йтеся подно́жию но́гу Его́, я́ко свя́то есть.

Глас 5: Ра́дуйся, Госпо́день Кре́сте,/ и́мже разреши́ся от кля́твы челове́чество,/ су́щия ра́дости зна́мение,/ прогоня́яй враги́ во твое́м воздви́жении, всече́стне,/ нам помо́щниче, царе́й держа́во,/ кре́пость пра́ведных,/ свяще́нников благоле́пие,/ вообража́емый, и лю́тых избавля́яй,/ жезл си́лы, и́мже пасе́мся,/ ору́жие ми́ра, его́же со стра́хом обстоя́т Ангели,/ Христа́ Боже́ственная сла́ва,// подаю́щаго ми́ру ве́лию ми́лость.

Стих: Бог же, Царь наш пре́жде ве́ка,// соде́ла спасе́ние посреде́ земли́.

Глас 5: Ра́дуйся, слепы́х наста́вниче,/ немощны́х врачу́,/ воскресе́ние всех уме́рших,/ воздви́гнувый ны, во тлю па́дшия,/ Кре́сте честны́й,/ и́мже разруши́ся кля́тва, и процвете́ нетле́ние,/ и земни́и обожи́хомся,/ и диа́вол всеконе́чно низве́ржеся./ Днесь воздвиза́ема тя ви́дяще рука́ми архиере́йскими,/ возно́сим Вознесе́ннаго посреде́ тебе́/ и тебе́ покланя́емся,// почерпа́юще бога́тно ве́лию ми́лость.

Глас 3: Слу́шая гла́са Госпо́дня, призыва́ющаго тя к Себе́,/ гото́в был еси́, Дими́трие, к исхо́ду твоему́ от сей жи́зни./ В ве́чер и в полу́нощи,/ в петлоглаше́ние же и у́тро не воздрема́л еси́,/ ожида́я к себе́ Го́спода,/ до́ндеже, сре́тив, вшел еси́ к Нему́ в ра́дость ве́чную,/ иде́же предстоя́ Ему́, мо́лишися:/ да пода́ст и нам жизнь свя́ту// и кончи́ну христиа́нскую.

Стих: Свяще́нницы Твои́ облеку́тся в пра́вду,/ и преподо́бнии Твои́ возра́дуются.

Глас 3: Облеки́йся ны́не за по́двиги в преподо́бие,/ обле́клся еси́ и во святы́ню за незло́бие,/ я́ко жениху́ целому́дренну, возложи́ ти вене́ц чудотворе́ния/ и, я́ко неве́сту, украси́ тя Госпо́дь за чистоту́ нетле́нием./ Дарова́ же ти сокро́вища неветша́ющая на Небеси́,/ я́ко и́ноческую нищету́ соблю́л еси́ до сме́рти на земли́,/ ве́руя Бо́гу бы́ти прия́тнее сие́,/ а́ще кто тя помяне́т ничто́же оста́вивша по себе́./ Помина́й у́бо нас ты па́че, приснопа́мятный Дими́трие,/ мно́го прегреше́ний иму́щих,// но ничто́же от благи́х дел содержа́щих.

Стих: Честна́ пред Го́сподем/ смерть преподо́бных Его́.

Глас 3: Любопы́тную десни́цу да отрази́ши от поиска́ния име́ний твои́х,/ предвозвести́л еси́ в заве́те, нищелю́бче Дими́трие, глаго́ля:/ я́ко а́ще и мно́го кто потру́дится о тех, но ничто́же обря́щет./ От него́же и мы научи́мся, бра́тие,/ я́ко лу́чше не име́ти или́ расточа́ти на ни́щия,/ не́же собира́ти и оставля́ти по себе́.// Си́це бо мо́жем купи́ти у Христа́ Ца́рство Небе́сное.

Сла́ва Отцу́, и Сы́ну, и Свято́му Ду́ху.

Глас 4: Возра́дуемся, Росси́йстии собо́ри,/ похвалу́ Росто́вскую ублажа́юще,/ чудотво́рца Дими́трия,/ сей бо мно́го потруди́ся в списа́нии душеполе́зных нам книг,/ и́миже развраще́нныя от пра́ваго благоче́стия пути́/ ко и́стине направля́ются,/ правосла́вных же сердца́ в правове́рии утвержда́ются./ Ему́же и возопии́м:/ о прему́дрый учи́телю, моли́ся Христу́,/ да твои́м уче́нием наставля́еми,// полу́чим живо́т ве́чный.

И ны́не, и при́сно, и во ве́ки веко́в. Ами́нь.

Глас 8: Его́же дре́вле Моисе́й прообразова́в собо́ю,/ Амали́ка низложи́в, победи́,/ и Дави́д песнопе́вец/ подно́жию Твоему́, вопия́, кла́нятися повелева́ше,/ честно́му Кресту́ Твоему́, Христе́ Бо́же,/ днесь, гре́шнии, кла́няемся,/ устна́ми недосто́йными/ Тя, изво́лившаго пригвозди́тися на нем, воспева́юще, мо́лимся:// Го́споди, с разбо́йником Ца́рствия Твоего́ сподо́би нас.

Молитва святаго Симеона Богоприимца

Ны́не отпуща́еши раба́ Твоего́, Влады́ко, / по глаго́лу Твоему́ с ми́ром: / я́ко ви́деста о́чи мои́ спасе́ние Твое́, / е́же еси́ угото́вал пред лице́м всех люде́й, / свет во открове́ние язы́ков, / и сла́ву люде́й Твои́х Изра́иля.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Тропари

Глас 8: Правосла́вия ревни́телю и раско́ла искорени́телю,/ Росси́йский целе́бниче, и но́вый к Бо́гу моли́твенниче,/ списа́ньми твои́ми бу́их уцелому́дрил еси́,/ цевни́це духо́вная, Дими́трие блаже́нне,// моли́ Христа́ Бо́га спасти́ся душа́м на́шим.

Сла́ва Отцу́, и Сы́ну, и Свято́му Ду́ху.

Глас 8: Правосла́вия ревни́телю и раско́ла искорени́телю,/ Росси́йский целе́бниче, и но́вый к Бо́гу моли́твенниче,/ списа́ньми твои́ми бу́их уцелому́дрил еси́,/ цевни́це духо́вная, Дими́трие блаже́нне,// моли́ Христа́ Бо́га спасти́ся душа́м на́шим.

И ны́не, и при́сно, и во ве́ки веко́в. Ами́нь.

Глас 1: Спаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.

Во время пения тропарей диакон троекратно кадит вокруг стола, на котором предложены для освящения пять хлебов, пшеница и два сосуда – с вином и с елеем, и в конце – священника. Священник же, взяв один хлеб, творит им знамение креста над прочими хлебами.

Диакон: Го́споду помо́лимся.

Лик: Го́споди, поми́луй.

Молитва на освящение хлебов

Священник: Го́споди Иису́се Христе́, Бо́же наш, благослови́вый пять хле́бов и пять ты́сящ насы́тивый, Сам благослови́ и хле́бы сия, пшени́цу, вино́ и еле́й, и умно́жи сия́ во свято́м хра́ме сем, и во всем ми́ре твое́м, и вкуша́ющия от ни́х верныя освяти́. Я́ко Ты еси́ благословля́яй и освяща́яй вся́ческая, Христе́ Бо́же наш, и Тебе́ сла́ву возсыла́ем, со безнача́льным Твои́м Отце́м, и всесвяты́м, и благи́м, и животворя́щим Твои́м Ду́хом, ны́не и при́сно, и во ве́ки веко́в.

Лик: Ами́нь.

Лик: Бу́ди и́мя Госпо́дне благослове́но от ны́не и до ве́ка. (Трижды)

Псалом 33

Благословлю́ Го́спода на вся́кое вре́мя, вы́ну хвала́ Его́ во усте́х мои́х. О Го́споде похва́лится душа́ моя́, да услы́шат кро́тцыи и возвеселя́тся. Возвели́чите Го́спода со мно́ю и вознесе́м и́мя Его́ вку́пе. Взыска́х Го́спода и услы́ша мя, и от всех скорбе́й мои́х изба́ви мя. Приступи́те к Нему́ и просвети́теся, и ли́ца ва́ша не постыдя́тся. Сей ни́щий воззва́, и Госпо́дь услы́ша и́, и от всех скорбе́й eго́ спасе́ и́. Ополчи́тся А́нгел Госпо́день о́крест боя́щихся Его́, и изба́вит их. Вкуси́те и ви́дите, я́ко благ Госпо́дь; блаже́н муж, и́же упова́ет Нань. Бо́йтеся Го́спода, вси святи́и Его́, я́ко несть лише́ния боя́щымся Его́. Бога́тии обнища́ша и взалка́ша, взыска́ющии же Го́спода не лиша́тся вся́каго бла́га.

Священник же, пройдя вперед, стоит пред Царскими вратами. По окончании же пения псалма, благословляя народ, возглашает:
Благослове́ние Госпо́дне на вас, Того́ благода́тию и человеколю́бием, всегда́, ны́не и при́сно и во ве́ки веко́в.

Лик: Ами́нь.

  • 6.3M 391