Начало богослужебного дня в 16:00.

Двунадесятый праздник
Выберите настройки для вашего храма в Личном кабинете.
Богослужебные указания

Богослужебные указания за 7 апреля 2024 года


25. Неделя 3-я Великого поста, Крестопоклонная. Глас 3-й. Благовещение Пресвятой Богородицы.

Преставление свт. Тихона, патриарха Московского и всея России[1] (службу зри 26 сентября).

Воскресная служба Октоиха совершается вместе со службой Триоди и службой праздника Благовещения Пресвятой Богородицы по 2-й Марковой главе Типикона под 26 марта: «Подобает ведати, аще случится Благовещение в Неделю 3-ю постов»[2].

После малой вечерни или, на практике, непосредственно перед началом всенощного бдения иерей совершает перенос Креста на престол, как указано накануне Крестовоздвижения (см. 14 сентября).

Примечание. Перенос Креста с жертвенника на престол совершается при пении тропаря Креста, глас 1-й: «Спаси, Господи, люди Твоя...», и на «Слава, и ныне» – кондака Креста. Типикон не уточняет, какой именно кондак поется при переносе Креста с жертвенника на престол в Неделю Крестопоклонную – кондак, глас 4-й: «Вознесыйся на Крест волею...», или кондак, глас 7-й: «Не ктому пламенное оружие...». Указание Типикона в Неделю 3-ю поста о том, что перенесение совершается «якоже предписася септемврия в 13-й день, вечера», косвенным образом свидетельствует о пении кондака Крестовоздвижения, глас 4-й: «Вознесыйся на Крест волею...». В старопечатной традиции прямо указывается данный кондак[3]. Авторитетные богослужебные руководства[4] также предписывают петь кондак Крестовоздвижения, глас 4-й: «Вознесыйся на Крест волею...». Однако в некоторых литургических справочниках[5] указывается кондак Недели Крестопоклонной, глас 7-й: «Не ктому пламенное оружие...».

На великой вечерне «Блажен муж» – кафизма вся.

На «Господи, воззвах» стихиры на 10: воскресные, глас 3-й – 3, Триоди (Креста), глас 5-й – 3[6], и Благовещения, глас 6-й – 4 (см. в Минее 25 марта, на «Господи, воззвах» великой вечерни[7]; первая стихира – дважды). «Слава» – Триоди (Креста), глас 3-й: «Христе Боже наш...», «И ныне» – Благовещения, глас 6-й: «Послан бысть с Небесе...» (догматик гласа не поется).

Вход. Прокимен дня, глас 6-й: «Господь воцарися...», со стихами (по обычаю). Паримии Благовещения – 5 (1-я – Исхода чтение: «Вниде Моисей...»; 2-я – Притчей чтение: «Господь созда мя...»[8]; 3-я – Бытия чтение: «Изыде Иаков...»; 4-я – Пророчества Иезекиилева чтение: «Тако глаголет Господь: будет от дне осмаго...»; 5-я – Притчей чтение: «Премудрость созда Себе дом...»).

На литии стихиры Благовещения, глас 1-й, и стихиры Триоди (Креста), глас 4-й (см. на хвалитех утрени, без припевов)[9]. «Слава» – Благовещения, глас 8-й: «Да веселятся Небеса...», «И ныне» – Триоди (Креста), глас 5-й: «Зрящи Тя тварь вся...».

На стиховне стихиры воскресные, глас 3-й. «Слава» – Триоди (Креста), глас 4-й: «Пособивый, Господи, кроткому Давиду...» (см. в Триоди на стиховне великой вечерни), «И ныне» – Благовещения, глас тот же: «Днесь радость благовещения...» (см. в Минее 25 марта, на стиховне великой вечерни).

По Трисвятом – тропарь Благовещения, глас 4-й: «Днесь спасения нашего главизна...» (дважды), и тропарь Триоди (Креста), глас 1-й: «Спаси, Господи, люди Твоя...» (единожды).

На утрене на «Бог Господь» – тропарь воскресный, глас 3-й (дважды). «Слава» – тропарь Триоди (Креста), глас 1-й: «Спаси, Господи, люди Твоя...», «И ныне» – тропарь Благовещения, глас 4-й: «Днесь спасения нашего главизна...».

Кафизмы 2-я и 3-я. Малые ектении. Седальны воскресные[10].

Полиелей[11]. Величание Благовещения: «Архангельский глас вопием Ти, Чистая: Радуйся, Благодатная, Господь с Тобою», и избранный псалом[12]. «Ангельский собор...». Ипакои рядового гласа Октоиха. Седален Благовещения, глас 1-й: «Великий воевода...» (см. по 2-м стихословии), седален Благовещения, глас 3-й: «Днесь вся тварь радуется...» (см. по 3-м стихословии), седален Благовещения глас 4-й: «Гавриил с Небесе...» (см. по полиелее)[13]. «Слава, и ныне» – седален Благовещения, глас тот же: «Послан бысть Гавриил...» (см. по полиелее). Степенны – рядового гласа Октоиха[14]. Прокимен праздника Благовещения, глас 4-й: «Благовестите день от дне / спасение Бога нашего»; стих: «Воспойте Господеви песнь нову, воспойте Господеви, вся земля». Евангелие праздника Благовещения – Лк., зач. 4. «Воскресение Христово видевше...». По 50-м псалме: «Слава» – «Молитвами Богородицы...», «И ныне» – тот же стих. Стихира Благовещения, глас 2-й: «Благовествует Гавриил...»[15]. (По обычаю, помазание елеем совершается после выноса Креста.)

Каноны: воскресный со ирмосом на 4 (ирмосы единожды), Триоди (Креста) на 4 и Благовещения на 6.

Библейские песни «Поем Господеви...».

Примечание. О пении канона Благовещения см. примечание свт. Афанасия (Сахарова) в Минее-Март, ч. 2, с. 215–216. В тех храмах, где предписание о соединении канона с пением библейских пророческих песней остается трудноисполнимым, допустимо стихи из песней Священного Писания заменять особыми (т. н. молебными) припевами, сообразуясь с содержанием канонов. Припев к тропарям канона праздника Благовещения – «Пресвятая Богородице, спаси нас»; к тропарям канона Триоди (Креста) – припев: «Слава, Господи, Кресту Твоему Честному»; к предпоследнему тропарю в песни – «Слава» (в 8-й песни – «Благословим Отца, и Сына, и Святаго Духа, Господа»), к последнему – «И ныне». Вводные слова: «Ангел возопи:» и «Богородица рече:», указанные в Минее киноварью напротив большинства тропарей канона Благовещения, произносятся перед соответствующими тропарями (кроме 8-й песни)[16], но предваряются также и обычными общими молебными припевами, заменяющими в практике пение библейских песней.

Катавасия – праздника (ирмосы канона Благовещения)[17].

По 3-й песни – кондак Триоди (Креста), глас 7-й: «Не ктому пламенное оружие...», и икос, глас тот же: «Три кресты водрузи...»; седален Триоди (Креста), глас 6-й (по выбору). «Слава, и ныне» – седален Благовещения, глас 8-й (по выбору).

По 6-й песни – кондак Благовещения, глас 8-й: «Взбранной Воеводе...», и икос, глас тот же: «Ангел предстатель...».

На 9-й песни поем «Честнейшую» (припев праздника Благовещения не поется).

По 9-й песни – «Свят Господь Бог наш». Ексапостиларий воскресный 11-й. «Слава» – светилен Триоди (Креста): «Крест Христов Честный...», «И ныне» – светилен Благовещения (по выбору).

«Всякое дыхание...» и хвалитные псалмы.

На хвалитех стихиры воскресные, глас 3-й – 4, и Благовещения, глас 1-й[18] и глас 2-й – 4 (со славником: «Еже от века таинство...», и припевами своими; припевы см. в Минее на стиховне вечера), затем стих: «Воскресни, Господи Боже мой, да вознесется рука Твоя, / не забуди убогих Твоих до конца», и самогласен Триоди, глас 8-й: «Высокомудраго разума...». «Слава» – тот же самогласен Триоди, «И ныне» – «Преблагословенна еси...». Отверзаются царские врата.

Примечание. Первые шесть хвалитных стихир поются со стихами хвалитных псалмов, а последние три – с дополнительными стихами: 1-й – «Благовестите день от дне / спасение Бога нашего»; 2-й – «Воспойте Господеви песнь нову, / воспойте Господеви, вся земля», 3-й – «Воскресни, Господи Боже мой, да вознесется рука Твоя, / не забуди убогих Твоих до конца».

Великое славословие поется «тихогласно». (Воскресный тропарь по славословии не поется.) До пения славословия (обычно во время канона или хвалитных стихир) предстоятель облачается во все священнические одежды (без чтения соответствующих молитв[19]). После возгласа «Слава Тебе, показавшему нам свет», приняв кадильницу, предстоятель кадит престол и лежащий на нем Крест три раза окрест. Затем на блюде, покрытом воздухом, поднимает Крест на свою главу[20]; при пении последнего Трисвятого он в предшествии двух свечей и кадила через северные двери износит Крест из алтаря и останавливается против отверстых царских врат[21]. По окончании Трисвятого иерей возглашает: «Премудрость, прости»[22]. Клир поет тропарь Триоди (Креста), глас 1-й: «Спаси, Господи, люди Твоя...» (трижды). Иерей подходит к приготовленному и поставленному напротив царских врат (ниже амвона) аналою, полагает на него блюдо с Крестом и кадит вокруг него трижды, а по исполнении каждения трижды поет: «Кресту Твоему покланяемся, Владыко...» (каждый раз завершая пение земным поклоном). Это песнопение трижды повторяют певцы, и совершается поклонение Кресту и целование его[23]. При этом поются особые стихиры Триоди на поклонение Кресту, глас 2-й и глас 8-й: «Приидите, вернии...» и др. Обычные ектении (сугубая: «Помилуй нас, Боже...»; просительная: «Исполним утреннюю молитву...», молитва главопреклонения) и отпуст: «Воскресый из мертвых, Христос, Истинный Бог наш, молитвами Пречистыя Своея Матере, силою Честнаго и Животворящаго Креста...».

Перед 1-м часом на «Слава, и ныне» – стихира евангельская 11-я.

На 1-м и 6-м часе – тропарь воскресный. «Слава» – тропарь Триоди (Креста). Кондак Триоди (Креста).

Примечание. «Во вторый же час дне исходим вне монастыря, якоже предуказася: и возвращшеся поем часы...» (Типикон, 26 марта, 2-я Маркова глава).

На 3-м и 9-м часе – тропарь воскресный. «Слава» – тропарь Благовещения. Кондак Благовещения.

Литургия свт. Василия Великого[24].

На проскомидии заготовляются два Агнца – для среды и пятницы.

Антифоны изобразительны.

Блаженны гласа – 4, Благовещения, песнь 3-я – 4, и Триоди (Креста), песнь 6-я – 4.

На входе – «...Воскресый из мертвых...».

По входе – тропарь воскресный, тропарь Триоди (Креста), тропарь Благовещения. «Слава» – кондак Триоди (Креста), «И ныне» – кондак Благовещения.

Вместо Трисвятого – «Кресту Твоему...».

Прокимен и аллилуиарий[25] – Благовещения и Недели Крестопоклонной.

Апостол и Евангелие – Благовещения и Недели Крестопоклонной.

Задостойник Благовещения – припев: «Благовествуй, земле, радость велию, хвалите, Небеса, Божию славу», и ирмос 9-й песни канона Благовещения: «Яко одушевленному Божию кивоту...».

Причастен – Благовещения: «Избра Господь Сиона и изволи его в жилище Себе», и Недели Крестопоклонной: «Знаменася на нас свет лица Твоего, Господи».

Отпуст воскресный: «Воскресый из мертвых, Христос, Истинный Бог наш, молитвами Пречистыя Своея Матере, силою Честнаго и Животворящаго Креста...».

Примечание. На трапезе разрешается рыба. «На трапезе утешение братии велие: ядим рыбы, и пием вино, в кийлюбо день случится, единожды днем, кроме субботы и Недели» (Типикон, 26 марта; ср.: Типикон, гл. 33).

Примечание. Устав не уточняет, где должен находиться аналой – четвероножец со святым Крестом до отнесения Креста обратно в алтарь в пятницу Крестопоклонной седмицы. В праздник Воздвижения, когда Крест таким же образом, как и в 3-ю Неделю поста, износится на середину храма для поклонения, сказано определенно: “И по скончании целования Честнаго Креста, поставляется аналогий с Честным Крестом о десную страну царских дверей, и тамо стоит, дондеже праздник отдастся” (Типикон, 14 сентября).

В «Богослужебных указаниях на 1957 год» (с. 99) сказано, что это предписание Типикона «применить в данном случае нельзя, так как по Уставу на Крестопоклонной неделе, кроме воскресенья, положено еще 3 поклонения, чего в попразднство Воздвижения не бывает, и поклонение всякий раз совершается по чину Недели: “якоже и в Неделю по написанному образу” (Типикон, Неделя Крестопоклонная, вечера), то есть с каждением “от четырех стран”. Последнее возможно только в том случае, если Крест будет оставаться на середине храма до пятницы».

Однако «Богослужебные указания на 1958 год» (с. 79–81), а вслед за ними и «Настольная книга священнослужителя» (т. 4, с. 541), полагают, что предписание Устава относительно места нахождения Креста в попразднство Воздвижения применимо и к Крестопоклонной седмице. Основываясь на древних Соборных чиновниках (Холмогорского, Новгородского и Московского Успенского соборов), «Богослужебные указания на 1958 год» и «Настольная книга священнослужителя» предлагают вариант, по которому Крест пребывает «о десную страну царских дверей» (как говорит Типикон 14 сентября), а «на поклонение в понедельник, среду и пяток святой Крест износится с этого места на середину священником».

Принимая во внимание аргументацию «Богослужебных указаний на 1957 год», а также сложность священнодействий, связанных с изнесением Креста для поклонения на середину (см. примечание 26 марта), допустимо в тех храмах, где трудноисполнимы рекомендации «Настольной книги священнослужителя» и «Богослужебных указаний на 1958 год», оставлять Крест в течение всей 4-й седмицы (до пятницы) на середине храма и туда исходить священнику для совершения поклонения Честному Кресту.

1 Титул святителя Тихона указан в соответствии с определением Поместного Собора 1917–1918 годов.

2 Ср.: Розанов В. Богослужебный Устав Православной Церкви. С. 605–607.

3 См.: Устав. М., 1610. Л. 65; Устав. М., 1634. Л. 207 об.; Устав. М., 1641. Л. 973; Сырников Н. С. Ключ к Церковному Уставу. М., 1910. Л. 70.

4 Ср.: Розанов Н., прот. Руководство для лиц, отправляющих церковные богослужения... М., 1901. С. 140; Богослужебные указания [на 1949–1957 год] для священно-церковнослужителей. М., 1948–1956.

5 Ср.: Богослужебные указания на 1958 год для священно-церковнослужителей. М., 1958. С. 77; Настольная книга священнослужителя. М., 2001р. Т. 4. С. 539.

6 В Триоди 4 стихиры, одна из них опускается.

7 См.: Минея-Март. Ч. 2. С. 173–174.

8 См.: Минея-Март. Ч. 2. С. 176–177. Сначала читаются паримии: «Вниде Моисей...» и «Господь созда мя...», а затем: «Изыде Иаков...», «Тако глаголет Господь: будет от дне осмаго...» и «Премудрость созда Себе дом...». О порядке чтения пяти паримий праздника Благовещения ср.: Минея-Март, «Потреба есть ведати, яко аще случится Благовещение в которую субботу поста» (с. 176).

9 Самогласен хвалитных стихир Триоди, глас 8-й: «Высокомудраго разума...», не переносится на литию, поскольку поется на хвалитех.

10 По первом стихословии на «Слава, и ныне» – Богородичен воскресный 3-го гласа: «Тя, ходатайствовавшую...».

11 Традиция совершения в Неделю Крестопоклонную полиелея в алтаре и чтения утреннего Евангелия в алтаре может не применяться в текущем году, поскольку полиелей совершается в честь праздника Благовещения, а Евангелие на утрене – праздника (Лк., зач. 4).

12 При пении избранного псалма в воскресные дни заключительное: «Слава, и ныне», «Аллилуия, аллилуия, аллилуия, слава Тебе, Боже» (трижды) не поется. Сразу после последнего стиха избранного псалма – величание и тропари воскресные: «Ангельский собор...».

13 Ср.: Типикон, 26 марта, 2-я Маркова глава.

14 Ср.: Розанов В. Богослужебный Устав Православной Церкви. С. 606.

15 Покаянные песнопения Триоди («Покаяния отверзи ми двери...», и проч.) по 50-м псалме не поются. Ср.: Типикон, 2 февраля, 2-я Маркова глава, 37-я Храмовая глава; Розанов В. Богослужебный Устав Православной Церкви. С. 606, 405.

16 В 8-й песни канона Благовещения текст тропарей уже содержит соответствующие выражения, которые позволяют правильно воспринимать диалогическую форму праздничного канона.

17 Катавасия Триоди: «Божественнейший прообрази...», не поется.

18 В Минее 4 стихиры, одна из них опускается.

19 Молитвы на каждый элемент облачения иерей читает только перед совершением полной Литургии. В остальных случаях, когда Устав или богослужебная практика предусматривает облачение во все священнические одежды (Литургия Преждеосвященных Даров; изнесение Креста в Неделю Крестопоклонную, 1 августа и на Крестовоздвижение; вечерни Великой Пятницы и 1-го дня Пасхи, на утрене Великой Субботы и т. д.), иерей соответствующих молитв не произносит.

20 По установившейся практике, после троекратного каждения престола (с лежащим на нем Крестом), во время пения хором «Святый Боже...» в конце славословия, все духовенство в алтаре совершает три земных поклона, а потом уже настоятель возлагает Крест на свою главу.

21 В некоторых храмах есть обычай обносить Крест по периметру храма с пением погребального «Святый Боже...», но лучше в этом вопросе следовать Типикону.

22 Обычно во время возглашения «Премудрость, прости» служащий священник начертывает Крестом крестное знамение в царских вратах.

23 Обычно во время целования Креста совершается помазание освященным елеем.

24 См.: Типикон, 26 марта, 2-я Маркова глава; Розанов В. Богослужебный Устав Православной Церкви. С. 606–607.

25 Триодь Постная предписывает петь аллилуиарий Недели Крестопоклонной на 1-й глас (ср. с праздником Крестовоздвижения). Согласно Типикону и Апостолу, этот аллилуиарий должен петься на 8-й глас.

Богослужебные указания с сайта Патриархии на каждый день.

⏶ Закрыть богослужебные указания

Великая Вечерня

Диакон: Воста́ните!

Лик: Го́споди, благослови́!

Священник, изображая кадилом крест перед престолом: Сла́ва Святе́й, и Единосу́щней, и Животворя́щей, и Неразде́льней Тро́ице всегда́, ны́не и при́сно, и во ве́ки веко́в.

Лик: Ами́нь.

Священнослужители в алтаре:

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́ Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Прииди́те, поклони́мся и припаде́м Ему́.

В алтаре

Затем совершается полное каждение храма при пении избранных стихов предначинательного псалма 103. По Уставу после каждения при пении 2-й половины 103 псалма священник, стоя с непокрытой головой перед Царскими вратами, должен читать светильничные молитвы. На практике, однако, молитвы читаются во время мирной ектении, а при служении одним священником без диакона — опускаются

Лик: Благослови́, душе́ моя́, Го́спода. Благослове́н еси́, Го́споди. Го́споди, Бо́же мой, возвели́чился еси́ зело́. Благослове́н еси́, Го́споди. Во испове́дание и в велеле́поту обле́клся еси́. Благослове́н еси́, Го́споди. Посреде́ гор про́йдут во́ды. Ди́вна дела́ Твоя́, Го́споди. Вся прему́дростию сотвори́л еси́. Сла́ва Ти, Го́споди, сотвори́вшему вся.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды).

Светильничные молитвы

Молитва первая:

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Молитва вторая:

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, Врачу́ и Исцели́телю душ на́ших. Наста́ви нас ко Приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Молитва третия:

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Молитва четвертая:

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Молитва пятая:

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Молитва шестая:

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Молитва седмая:

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам,Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

По окончании предначинательного псалма диакон, выйдя северными вратами и став, как обычно на амвоне, произносит великую ектению.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О гра́де сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Кафизма 1

Псалом 1

Псало́м Дави́ду. Блаже́н му́ж, и́же не и́де на сове́т нечести́вых, и на пути́ гре́шных не ста́, и на седа́лищи губи́телей не се́де: но в зако́не Госпо́дни во́ля его́, и в зако́не Его́ поучи́тся де́нь и но́щь. И бу́дет я́ко дре́во насажде́ное при исхо́дищих во́д, е́же пло́д сво́й да́ст во вре́мя свое́, и ли́ст его́ не отпаде́т: и вся́, ели́ка а́ще твори́т, успе́ет. Не та́ко нечести́вии, не та́ко: но я́ко пра́х, его́же возмета́ет ве́тр от лица́ земли́. Сего́ ра́ди не воскре́снут нечести́вии на су́д, ниже́ гре́шницы в сове́т пра́ведных. Я́ко ве́сть Госпо́дь пу́ть пра́ведных, и пу́ть нечести́вых поги́бнет.

Псалом 2

Псало́м Дави́ду. Вску́ю шата́шася язы́цы, и лю́дие поучи́шася тще́тным? Предста́ша ца́рие зе́мстии, и кня́зи собра́шася вку́пе на Го́спода и на Христа́ Его́. Расто́ргнем у́зы и́х и отве́ржем от на́с и́го и́х. Живы́й на небесе́х посмее́тся и́м, и Госпо́дь поруга́ется и́м. Тогда́ возглаго́лет к ни́м гне́вом Свои́м и я́ростию Свое́ю смяте́т я́: А́з же поста́влен е́смь Ца́рь от Него́ над Сио́ном, горо́ю свято́ю Его́, возвеща́яй повеле́ние Госпо́дне. Госпо́дь рече́ ко Мне́: Сы́н Мо́й еси́ Ты́, А́з дне́сь роди́х Тя́: проси́ от Мене́, и да́м ти́ язы́ки достоя́ние Твое́, и одержа́ние Твое́ концы́ земли́: упасе́ши я́ жезло́м желе́зным, я́ко сосу́ды скуде́льничи сокруши́ши я́. И ны́не, ца́рие, разуме́йте, накажи́теся вси́ судя́щии земли́. Рабо́тайте Го́сподеви со стра́хом, и ра́дуйтеся Ему́ со тре́петом. Приими́те наказа́ние, да не когда́ прогне́вается Госпо́дь, и поги́бнете от пути́ пра́веднаго, егда́ возгори́тся вско́ре я́рость Его́: блаже́ни вси́ наде́ющиися На́нь.

Псалом 3

Псало́м Дави́ду, внегда́ отбега́ше от лица́ Авессало́ма сы́на своего́. Го́споди, что́ ся умно́жиша стужа́ющии ми́? Мно́зи востаю́т на мя́, мно́зи глаго́лют души́ мое́й: не́сть спасе́ния ему́ в Бо́зе его́. Ты́ же, Го́споди, засту́пник мо́й еси́, сла́ва моя́, и вознося́й главу́ мою́. Гла́сом мои́м ко Го́споду воззва́х, и услы́ша мя́ от горы́ святы́я Своея́. А́з усну́х, и спа́х, воста́х, я́ко Госпо́дь засту́пит мя́. Не убою́ся от те́м люди́й, о́крест напа́дающих на мя́. Воскре́сни́, Го́споди, спаси́ мя, Бо́же мо́й: я́ко Ты́ порази́л еси́ вся́ вражду́ющыя ми́ всу́е, зу́бы гре́шников сокруши́л еси́. Госпо́дне е́сть спасе́ние, и на лю́дех Твои́х благослове́ние Твое́.

Чтец: Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Ектения малая

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Возглашение: Я́ко Твоя́ держа́ва, и Твое́ есть ца́рство, и си́ла, и сла́ва, Отца́ и Сы́на и Свята́го Ду́ха, ныне, и при́сно, и во ве́ки веко́в.

Лик: Ами́нь.

Псалом 4

В коне́ц, в пе́снех, псало́м Дави́ду. Внегда́ призва́ти ми́, услы́ша мя́ Бо́г пра́вды моея́: в ско́рби распространи́л мя́ еси́: уще́дри мя́ и услы́ши моли́тву мою́. Сы́нове челове́честии, доко́ле тяжкосе́рдии? Вску́ю лю́бите суету́ и и́щете лжи́? И уве́дите, я́ко удиви́ Госпо́дь преподо́бнаго Своего́. Госпо́дь услы́шит мя́, внегда́ воззва́ти ми́ к Нему́. Гне́вайтеся, и не согреша́йте, я́же глаго́лете в сердца́х ва́ших, на ло́жах ва́ших умили́теся: пожри́те же́ртву пра́вды и упова́йте на Го́спода. Мно́зи глаго́лют: кто́ яви́т на́м блага́я? Зна́менася на на́с све́т лица́ Твоего́, Го́споди. Да́л еси́ весе́лие в се́рдцы мое́м: от плода́ пшени́цы, вина́ и еле́а своего́ умно́жишася: в ми́ре вку́пе усну́ и почи́ю, я́ко Ты́, Го́споди, еди́наго на упова́нии всели́л мя́ еси́.

Псалом 5

О насле́дствующем, псало́м Дави́ду. Глаго́лы моя́ внуши́, Го́споди, разуме́й зва́ние мое́. Вонми́ гла́су моле́ния моего́, Царю́ мо́й и Бо́же мо́й: я́ко к Тебе́ помолю́ся, Го́споди. Зау́тра услы́ши гла́с мо́й: зау́тра предста́ну Ти́, и у́зриши мя́: я́ко Бо́г не хотя́й беззако́ния Ты́ еси́: не присели́тся к Тебе́ лука́внуяй, ниже́ пребу́дут беззако́нницы пред очи́ма Твои́ма: возненави́дел еси́ вся́ де́лающыя беззако́ние, погуби́ши вся́ глаго́лющыя лжу́: му́жа крове́й и льсти́ва гнуша́ется Госпо́дь. А́з же мно́жеством ми́лости Твоея́ вни́ду в до́м Тво́й, поклоню́ся ко хра́му свято́му Твоему́, в стра́се Твое́м. Го́споди, наста́ви мя́ пра́вдою Твое́ю, вра́г мои́х ра́ди испра́ви пред Тобо́ю пу́ть мо́й. Я́ко не́сть во усте́х и́х и́стины, се́рдце и́х су́етно, гро́б отве́рст горта́нь и́х, язы́ки свои́ми льща́ху. Суди́ и́м, Бо́же, да отпаду́т от мы́слей свои́х: по мно́жеству нече́стия и́х изри́ни я́, я́ко преогорчи́ша Тя́, Го́споди. И да возвеселя́тся вси́ упова́ющии на Тя́, во ве́к возра́дуются, и всели́шися в ни́х: и похва́лятся о Тебе́ лю́бящии и́мя Твое́. Я́ко Ты́ благослови́ши пра́ведника, Го́споди, я́ко ору́жием благоволе́ния венча́л еси́ на́с.

Псалом 6

В коне́ц, в пе́снех о осме́м, псало́м Дави́ду. Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́. Поми́луй мя́, Го́споди, я́ко не́мощен е́смь: изцели́ мя, Го́споди, я́ко смято́шася ко́сти моя́, и душа́ моя́ смяте́ся зело́: и Ты́, Го́споди, доко́ле? Обрати́ся, Го́споди, изба́ви ду́шу мою́, спаси́ мя ра́ди ми́лости Твоея́: я́ко не́сть в сме́рти помина́яй Тебе́, во а́де же кто́ испове́стся Тебе́? Утруди́хся воздыха́нием мои́м, измы́ю на вся́ку но́щь ло́же мое́, слеза́ми мои́ми посте́лю мою́ омочу́. Смяте́ся от я́рости о́ко мое́, обетша́х во все́х вразе́х мои́х. Отступи́те от мене́, вси́ де́лающии беззако́ние, я́ко услы́ша Госпо́дь гла́с пла́ча моего́, услы́ша Госпо́дь моле́ние мое́, Госпо́дь моли́тву мою́ прия́т. Да постыдя́тся и смяту́тся вси́ врази́ мои́, да возвратя́тся и устыдя́тся зело́ вско́ре.

Чтец: Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Ектения малая

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Возглашение: Я́ко благ и Человеколю́бец Бог еси́, и Тебе́ сла́ву возсылае́м, Отцу́ и Сы́ну и Свято́му Ду́ху, ны́не и при́сно, и во ве́ки веко́в.

Лик: Ами́нь.

Псалом 7

Псало́м Дави́ду, его́же воспе́т Го́сподеви о словесе́х Хуси́евых, сы́на Иемени́ина. Го́споди Бо́же мо́й, на Тя́ упова́х, спаси́ мя от все́х гоня́щих мя́ и изба́ви мя́: да не когда́ похи́тит я́ко ле́в ду́шу мою́, не су́щу избавля́ющу, ниже́ спаса́ющу. Го́споди Бо́же мо́й, а́ще сотвори́х сие́, а́ще е́сть непра́вда в руку́ мое́ю, а́ще возда́х воздаю́щым ми́ зла́, да отпаду́ у́бо от вра́г мои́х то́щ: да пожене́т у́бо вра́г ду́шу мою́, и да пости́гнет, и попере́т в зе́млю живо́т мо́й, и сла́ву мою́ в пе́рсть всели́т. Воскре́сни́, Го́споди, гне́вом Твои́м, вознеси́ся в конца́х вра́г Твои́х, и воста́ни, Го́споди Бо́же мо́й, повеле́нием, и́мже запове́дал еси́, и со́нм люди́й обы́дет Тя́: и о то́м на высоту́ обрати́ся. Госпо́дь су́дит лю́дем: суди́ ми, Го́споди, по пра́вде мое́й и по незло́бе мое́й на мя́. Да сконча́ется зло́ба гре́шных, и испра́виши пра́веднаго, испыта́яй сердца́ и утро́бы, Бо́же, пра́ведно. По́мощь моя́ от Бо́га, спаса́ющаго пра́выя се́рдцем. Бо́г суди́тель пра́веден, и кре́пок, и долготерпели́в, и не гне́в наводя́й на вся́к де́нь. А́ще не обратите́ся, ору́жие Свое́ очи́стит, лу́к Сво́й напряже́, и угото́ва и́, и в не́м угото́ва сосу́ды сме́ртныя, стре́лы Своя́ сгара́емым соде́ла. Се́, боле́ непра́вдою, зача́т боле́знь и роди́ беззако́ние: ро́в изры́ и ископа́ и́, и паде́т в я́му, ю́же соде́ла. Обрати́тся боле́знь его́ на главу́ его́, и на ве́рх его́ непра́вда его́ сни́дет. Испове́мся Го́сподеви по пра́вде Его́ и пою́ и́мени Го́спода Вы́шняго.

Псалом 8

В коне́ц, о точи́лех, псало́м Дави́ду. Го́споди Госпо́дь на́ш, я́ко чу́дно и́мя Твое́ по все́й земли́, я́ко взя́тся великоле́пие Твое́ превы́ше небе́с. Из у́ст младе́нец и ссу́щих соверши́л еси́ хвалу́, вра́г Твои́х ра́ди, е́же разруши́ти врага́ и ме́стника. Я́ко узрю́ небеса́, дела́ пе́рст Твои́х, луну́ и зве́зды, я́же Ты́ основа́л еси́: что́ е́сть челове́к, я́ко по́мниши его́? Или́ сы́н челове́чь, я́ко посеща́еши его́? Ума́лил еси́ его́ ма́лым чи́м от А́нгел, сла́вою и че́стию венча́л еси́ его́: и поста́вил еси́ его́ над де́лы руку́ Твое́ю, вся́ покори́л еси́ под но́зе его́: о́вцы и волы́ вся́, еще́ же и скоты́ польски́я, пти́цы небе́сныя и ры́бы морски́я, преходя́щыя стези́ морски́я. Го́споди Госпо́дь на́ш, я́ко чу́дно и́мя Твое́ по все́й земли́.

Чтец: Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Ектения малая

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Возглашение: Я́ко Ты еси́ Бог наш, Бог ми́ловати и спаса́ти, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно, и во ве́ки веков.

Лик: Ами́нь.

«Господи, воззвах»

Поются псалмы 140, 141, 129, 116 со стихирами на “Господи, воззвах”; в это время диакон совершает полное каждение храма

Первый лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: еди́н есмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ним моле́ние мое́, печа́ль мою́ пред Ним возвещу́. Внегда́ исчеза́ти от мене́ ду́ху моему́: и Ты позна́л еси́ стези́ моя́: на пути́ сем, по нему́же хожда́х, скры́ша сеть мне. Смотря́х одесну́ю и возгля́дах, и не бе зна́яй мене́: поги́бе бе́гство от мене́, и несть взыска́яй ду́шу мою́. Воззва́х к Тебе́, Го́споди, рех: Ты еси́ упова́ние мое́, часть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя от гоня́щих мя, я́ко укрепи́шася па́че мене́.

На 10, стихиры: Изведи́ из темни́цы ду́шу мою́, / испове́датися и́мени Твоему́.

Глас 3: Твои́м Кресто́м, Христе́ Спа́се, сме́рти держа́ва разруши́ся, и диа́воля пре́лесть упраздни́ся: ро́д же челове́ческий ве́рою спаса́емый: пе́снь Тебе́ всегда́ прино́сит.

Сти́х: Мене́ ждут пра́ведницы / до́ндеже возда́си Мне.

Глас 3: Просвети́шася вся́ческая Воскресе́нием Твои́м, Го́споди, и ра́й па́ки отве́рзеся: вся́ же тва́рь восхваля́ющи Тя́, пе́снь Тебе́ всегда́ прино́сит.

На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.

Глас 3: Сла́влю Отца́ и Сы́на си́лу, и Свята́го Ду́ха пою́ вла́сть, неразде́льное, несозда́нное Божество́, Тро́ицу единосу́щную, ца́рствующую в ве́к ве́ка.

Сти́х: Да бу́дут у́ши Твои́ / вне́млюще гла́су моле́ния моего́.

Глас 5: Возсия́й, Госпо́день Кре́сте, / светолу́чныя мо́лния твоея́ благода́ти, / в сердца́ чтущих тя, / и Богоприя́тною любо́вию прие́млющих, мировожделе́нне, / и́мже сле́зное потреби́ся се́тование, / и сме́ртных се́тей изба́вихомся, / и к при́сному весе́лию приидо́хом. / Покажи́ красоты́ твоея́ благоле́пие, / воздая́ние пода́ждь воздержа́ния рабо́м твои́м, / ве́рно прося́щим твое́ бога́тное заступле́ние, / и ве́лию ми́лость.

На 6, cти́х: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.

Глас 5: Ра́дуйся, живоно́сный Кре́сте, / Це́ркве кра́сный раю́, / дре́во нетле́ния, прозя́бшее нам / ве́чныя сла́вы наслажде́ние: / и́мже бесо́встии отгоня́ются полцы́, / и а́нгельстии свеселя́тся чи́нове, / и совокупле́ния ве́рных пра́зднуют. / Ору́жие непобеди́мое, / утвержде́ние неруши́мое, ве́рных побе́до, / свяще́нников похвало́, / Христо́вы ны́не стра́сти и нам пода́ждь дости́гнути, / и ве́лию ми́лость.

Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

Глас 5: Ра́дуйся, живоно́сный Кре́сте, / благоче́стия непобеди́мая побе́да, / дверь ра́йская, ве́рных утвержде́ние, / Це́ркве огражде́ние, / и́мже тля разори́ся и упраздни́ся, / и попра́ся сме́ртная держа́ва, / и вознесо́хомся от земли́ к небе́сным, / ору́жие непобеди́мое, бесо́в сопротивобо́рче, / сла́во му́чеников, / преподо́бных я́ко вои́стинну удобре́ние, / приста́нище спасе́ния, / да́руяй ми́ру ве́лию ми́лость.

На 4, cти́х: От стра́жи у́тренния до но́щи, от стра́жи у́тренния, / да упова́ет Изра́иль на Го́спода.

Глас 6: Сове́т преве́чный/ открыва́я Тебе́, Отрокови́це,/ Гаврии́л предста́,/ Тебе́ лобза́я и веща́я:/ ра́дуйся, земле́ ненасе́янная;/ ра́дуйся, купино́ неопали́мая;/ ра́дуйся, глубино́ неудобозри́мая;/ ра́дуйся, мо́сте, к Небесе́м преводя́й,/ и ле́ствице высо́кая,/ ю́же Иа́ков ви́де;/ ра́дуйся, Боже́ственная ста́мно ма́нны;/ ра́дуйся, разреше́ние кля́твы;/ ра́дуйся, Ада́мово воззва́ние:/ с Тобо́ю Госпо́дь.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

Глас 6: Сове́т преве́чный/ открыва́я Тебе́, Отрокови́це,/ Гаврии́л предста́,/ Тебе́ лобза́я и веща́я:/ ра́дуйся, земле́ ненасе́янная;/ ра́дуйся, купино́ неопали́мая;/ ра́дуйся, глубино́ неудобозри́мая;/ ра́дуйся, мо́сте, к Небесе́м преводя́й,/ и ле́ствице высо́кая,/ ю́же Иа́ков ви́де;/ ра́дуйся, Боже́ственная ста́мно ма́нны;/ ра́дуйся, разреше́ние кля́твы;/ ра́дуйся, Ада́мово воззва́ние:/ с Тобо́ю Госпо́дь.

На 2, cти́х: Хвали́те Го́спода вси́ язы́цы, похвали́те Его́ вси́ лю́дие.

Глас 6: Явля́ешися Мне, я́ко челове́к, –/ глаго́лет нетле́нная Отрокови́ца ко Архистрати́гу, –/ и ка́ко веща́еши глаго́лы па́че челове́ка?/ Со Мно́ю бо, рекл еси́, Бо́гу бы́ти/ и всели́тися во утро́бу Мою́./ И ка́ко бу́ду, глаго́ли Ми,/ вмести́лище простра́нное и ме́сто свяще́ния/ Херуви́мы превосходя́щаго?/ Да не прельсти́ши Мене́ ле́стию,/ не бо позна́х сла́сти,/ бра́ку е́смь неприча́стна,/ ка́ко у́бо Отроча́ рожду́?

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Глас 6: Бог иде́же хо́щет,/ побежда́ется естества́ чин, –/ глаго́лет безпло́тный, –/ и я́же па́че челове́ка содева́ются,/ мои́м ве́руй и́стинным глаго́лом,/ Всесвята́я Пренепоро́чная./ Она́ же возопи́:/ бу́ди Мне ны́не по глаго́лу твоему́,/ и рожду́ Безпло́тнаго,/ пло́ть от Мене́ заи́мствовавшаго,/ я́ко да возведе́т челове́ка,/ я́ко еди́н си́лен,/ в пе́рвое достоя́ние срастворе́нием.

Сла́ва Отцу́, и Сы́ну, и Свято́му Ду́ху.

Глас 3: Христе́ Бо́же наш, / во́льное распя́тие во о́бщее воскресе́ние ро́да челове́ческаго восприе́мый, / и тро́стию Креста́, обагре́нием червле́ным Своя́ пе́рсты окровави́вый, / оста́вительная нам ца́рски подписа́ти человеколю́бствовавый, / не пре́зри нас, бе́дствующих, и па́ки от Тебе́ разстоя́ние, / но уще́дри, еди́не долготерпели́ве, во обстоя́нии лю́ди Твоя́, / и воста́ни, побори́ борю́щия ны, я́ко всеси́лен.

И ны́не, и при́сно, и во ве́ки веко́в. Ами́нь.

Array

В алтаре

Когда совершается Великая вечерня, то во время пения заключительной стихиры открываются Царские врата и совершается вход с кадилом. Священник с диаконом в предшествии свещеносцев исходят из алтаря северной дверью и становятся на обычном месте перед Царскими вратами.

Диакон: Благослови́, влады́ка, свято́й вход!

Священник: Благослове́н вход святы́х Твои́х всегда́, ны́не и при́сно, и во ве́ки веко́в.

Диакон, изображая крест кадилом, возглашает: Прему́дрость, про́сти.

В алтаре

Диакон входит в алтарь, а за ним и священник, оба отходят на горнее место.

Вечерняя песнь Сыну Божию

Све́те Ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя сла́вит.

Диакон: Во́нмем.

Священник: Мир всем.

Лик: И ду́хови твоему́.

Прокимен

В субботу вечера, глас 6:

Диакон: Прему́дрость. Во́нмем. Проки́мен, глас 6.

Госпо́дь воцари́ся, / в ле́поту облече́ся.

Лик: Госпо́дь воцари́ся, / в ле́поту облече́ся.

Диакон: Облече́ся Госпо́дь в си́лу и препоя́сася.

Лик: Госпо́дь воцари́ся, / в ле́поту облече́ся.

Диакон: И́бо утверди́ вселе́нную, я́же не подви́жится.

Лик: Госпо́дь воцари́ся, / в ле́поту облече́ся.

Диакон: До́му Твоему́ подоба́ет святы́ня, Го́споди, в долготу́ дний.

Лик: Госпо́дь воцари́ся, / в ле́поту облече́ся.

Диакон: Госпо́дь воцари́ся

Лик: В ле́поту облече́ся.

Чтение Святого Писания

Благовещение Пресвятыя Богородицы

Диакон: Прему́дрость.

Чтец: Исхо́да чте́ние.

Диакон: Во́нмем.

Чтец: Вни́де Моисе́й в го́ру Бо́жию Хори́в, яви́ся же ему́ А́нгел Госпо́день в пла́мени о́гненне из купины́, и ви́де, я́ко купина́ горя́ше огне́м и купина́ не сгара́ше. Рече́ же Моисе́й: преше́д, узрю́ виде́ние вели́кое сие́, что я́ко не сгара́ет купина́? Я́коже ви́де Госпо́дь, я́ко приступа́ет ви́дети, призва́ его́ Госпо́дь, из купины́ глаго́ля: Моисе́е, Моисе́е. Он же рече́: что есть? И рече́: не прибли́жися се́мо. Иззу́й сапо́г от ногу́ твое́ю: ме́сто бо, на не́мже ты стои́ши, земля́ свята́ есть. И рече́ ему́: Аз есмь Бог отца́ твоего́, Бог Авраа́мов, и Бог Исаа́ков, и Бог Иа́ковль. Отврати́ же Моисе́й лице́ свое́, стыдя́ше бо ся зре́ти пред Бо́гом. Рече́ же Госпо́дь к Моисе́ю: ви́дя, ви́дех озлобле́ние люде́й Мои́х, и́же во Еги́пте, и вопль их услы́шах от наси́льствующих в де́лех. Вем бо боле́знь их, и снидо́х, е́же изъя́ти их от руки́ еги́птян, и извести́ их от земли́ о́ныя, и ввести́ их в зе́млю бла́гу и мно́гу, в зе́млю, точа́щу мед и млеко́.

Диакон: Прему́дрость.

Чтец: При́тчей чте́ние.

Диакон: Во́нмем.

Чтец: Госпо́дь созда́ мя нача́ло путе́й Свои́х в дела́ Своя́. Пре́жде век основа́ мя в нача́ле, пре́жде не́же зе́млю сотвори́ти, и пре́жде не́же бе́здны соде́лати, пре́жде не́же произы́ти исто́чником вод, пре́жде не́же гора́м водрузи́тися, пре́жде же всех холмо́в ражда́ет мя. Госпо́дь сотвори́ страны́, и пусты́ни, и концы́, населе́ны под небесе́м. Егда́ гото́вяше не́бо, с Ним бех, и егда́ отлуча́ше Себе́ Престо́л на ве́трех. Егда́ кре́пки творя́ше вы́шния о́блаки и я́ко тве́рды полага́ше исто́чники поднебе́сныя, внегда́ полага́ти мо́рю преде́л его́, и во́ды не мимои́дут уст Его́, и кре́пки творя́ше основа́ния земли́, бех к Нему́ подо́бна. Аз бех, о не́йже ра́довашеся, по вся же дни веселя́хся пред лице́м Его́ на вся́ко вре́мя.

Ектения сугубая

Диакон: Рцем вси от всея́ души́, и от всего́ помышле́ния на́шего рцем.

Лик: Го́споди, поми́луй.

Диакон: Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Лик: Го́споди, поми́луй.

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй. (Трижды)

Еще молимся о Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), и о всей во Христе братии нашей.

Лик: Го́споди, поми́луй. (Трижды)

Диакон: Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Лик: Го́споди, поми́луй. (Трижды)

Диакон: Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

Лик: Го́споди, поми́луй. (Трижды)

Диакон: Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́ (если в монастыре: святы́я оби́тели сея́).

Лик: Го́споди, поми́луй. (Трижды)

Диакон: Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Лик: Го́споди, поми́луй. (Трижды)

Священник: Яко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

Молитва при наступлении вечера

Лик: Сподо́би, Го́споди, в ве́чер сей без греха́ сохрани́тися нам. / Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки, ами́нь. /

Бу́ди, Го́споди, ми́лость Твоя́ на нас, я́коже упова́хом на Тя. / Благослове́н еси́, Го́споди, научи́ мя оправда́нием Твои́м. / Благослове́н еси́, Влады́ко, вразуми́ мя оправда́нием Твои́м. / Благослове́н еси́, Святы́й, просвети́ мя оправда́нии Твои́ми. /

Го́споди, ми́лость Твоя́ во век, дел руку́ Твое́ю не пре́зри. / Тебе́ подоба́ет хвала́. Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, / ны́не и при́сно и во ве́ки веко́в. Ами́нь.

Ектения просительная

Диакон: Испо́лним вече́рнюю моли́тву на́шу Го́сподеви.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Ве́чера всего́ соверше́нна, свя́та, ми́рна и безгре́шна у Го́спода про́сим.

Лик: Пода́й, Го́споди.

Диакон: А́нгела ми́рна, ве́рна наста́вника, храни́теля душ и теле́с на́ших у Го́спода про́сим.

Лик: Пода́й, Го́споди.

Диакон: Проще́ния и оставле́ния грехо́в и прегреше́ний на́ших у Го́спода про́сим.

Лик: Пода́й, Го́споди.

Диакон: До́брых и поле́зных душа́м нашим, и ми́ра мiрови у Го́спода про́сим.

Лик: Пода́й, Го́споди.

Диакон: Про́чее вре́мя живота́ на́шего в ми́ре и покая́нии сконча́ти у Го́спода про́сим.

Лик: Пода́й, Го́споди.

Диакон: Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник: Ми́р всем.

Лик: И ду́хови твоему́.

Диакон: Главы́ на́ша Го́сподеви прикло́ним.

Лик: Тебе́, Го́споди.

В алтаре

Молитва главопреклонения

Священник: Го́споди Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.

И возглашает священник: Бу́ди держа́ва Ца́рствия Твоего́ благослове́на и препросла́влена, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Лития

В дни, когда совершается всенощное бдение, священнослужители исходят в притвор храма с пением литийных стихир храма (под воскресенье) или праздника для совершения литии. Священник и диакон с кадилом, предшествуемые двумя свещеносцами выходят из алтаря северными вратами и становятся в притворе. Диакон совершает каждение святых икон в притворе, настоятеля, поющих и народа.

Стихиры на литии

Глас 1: В шесты́й ме́сяц Архистрати́г по́слан бы́сть/ к Тебе́, Де́ве и Чи́стей,/ возвести́ти Тебе́ сло́во спасе́ния,/ вку́пе же и зва́ти Тебе́:/ ра́дуйся, Обра́дованная, Госпо́дь с Тобо́ю,/ роди́ши Сы́на преве́чнаго из Отца́,/ и спасе́т лю́ди Своя́ от грех их.

Глас 1: В ме́сяц шесты́й по́слан бы́сть с Небесе́ Гаврии́л Арха́нгел/ во град галиле́йский Назаре́т/ принести́ Отрокови́це ра́дость благове́щения./ И, прише́д к Ней, возопи́, глаго́ля:/ ра́дуйся, Обра́дованная, Госпо́дь с Тобо́ю;/ ра́дуйся, вмести́лище невмести́маго естества́,/ Его́же бо Небеса́ не вмести́ша,/ утро́ба Твоя́ вмести́, Благослове́нная;/ ра́дуйся, честно́е Ада́мово воззва́ние, и Е́вино избавле́ние,/ и ра́дость ми́ра,/ и весе́лие ро́да на́шего.

Глас 1: По́слан бы́сть Арха́нгел Гаврии́л с Небесе́ от Бо́га/ к Де́ве нескве́рней во град галиле́йский Назаре́т/ благовести́ти Ей стра́ннаго о́браза зача́тие./ По́слан бы́сть раб безпло́тен/ ко одушевле́нному гра́ду и две́ри мы́сленней/ возвести́ти Влады́чняго прише́ствия сни́тие./ По́слан бы́сть во́ин Небе́сный к Пресвяты́я сла́вы пала́те/ проугото́вати Зижди́телю жили́ще неотъе́млемо,/ и, прише́д к Ней, взыва́ше:/ ра́дуйся, престо́ле огнезра́чный,/ четверозра́чных пресла́внейший;/ ра́дуйся, седа́лище Царя́ Небе́снаго;/ ра́дуйся, горо́ несеко́мая, прия́телище пречестно́е,/ в Тебе́ бо все исполне́ние всели́ся Божества́ теле́сне/ благоволе́нием Отца́ присносу́щнаго/ и соде́йством Всесвята́го Ду́ха;/ ра́дуйся, Обра́дованная, Госпо́дь с Тобо́ю.

Глас 4: Во гла́сех воскли́кнем, / в пе́снех возвели́чим, / Крест честны́й облобыза́юще, / и к нему́ возопии́м: / Кре́сте всече́стне, / освяти́ на́ша ду́ши и телеса́ си́лою твое́ю, / и от вся́каго вре́да сопроти́вных соблюди́ неврежде́ны, / благоче́стно покланя́ющияся тебе́.

Глас 4: Приступи́вше почерпи́те неистоща́емых вод, / Креста́ благода́тию пролива́емых: / се предлежа́щее ви́дяще Дре́во свято́е, / дарова́ний исто́чник, / напое́ное кро́вию и водо́ю Влады́ки всех, / на том во́лею возне́сшагося, / и земны́я воздви́гшаго.

Глас 4: Це́ркве утвержде́ние, / мона́шествующих похвала́ и спасе́ние, / ты еси́ Кре́сте всече́стне, / те́мже покланя́ющеся тебе́, / и се́рдцем и душе́ю просвеща́емся днесь, / Боже́ственною благода́тию на тебе́ Пригвозди́вшагося, / и держа́ву льсти́ваго разори́вшаго, / и кля́тву потре́бльшаго.

Сла́ва Отцу́, и Сы́ну, и Свято́му Ду́ху.

Глас 8: Да веселя́тся Небеса́, и ра́дуется земля́,/ и́бо Отцу́ Соприсносу́щный, Собезнача́льный и Сопресто́льный,/ щедро́тство прие́м и человеколю́бную ми́лость,/ Себе́ поста́ви во истоща́ние/ благоволе́нием и сове́том О́тчим/ и во утро́бу всели́ся Деви́чу, предочище́нную Ду́хом./ О, чудесе́! Бог в челове́цех,/ Невмести́мый в ложесна́х, Безле́тный в ле́то,/ и е́же пресла́внее, я́ко и зача́тие безсе́менно,/ и истоща́ние несказа́нно, и та́инство ели́ко./ Бог бо истощава́ется, и воплоща́ется, и зи́ждется,/ А́нгелу к Чи́стей зача́тие глаго́лавшу:/ ра́дуйся, Обра́дованная, Госпо́дь с Тобо́ю,/ име́яй ве́лию ми́лость.

И ны́не, и при́сно, и во ве́ки веко́в. Ами́нь.

Глас 5: Зря́щи Тя тварь вся на Кресте́ на́га ви́сяща, / Соде́теля и Зижди́теля всех, / изменя́шеся стра́хом, и рыда́ше; / со́лнце же свет омрачи́, / и земля́ колеба́шеся, ка́мение же разседа́шеся, / и хра́ма све́тлость раздира́шеся. / Ме́ртвии воста́ша от гробо́в, / и а́нгельския си́лы ужасо́шася, глаго́люще: / о чудесе́! Судия́ су́дится, / и стра́ждет хотя́ за спасе́ние ми́ра, и обновле́ние.

По окончании пения стихир диакон произносит следующие молитвенные прошения

Диакон: Спаси́, Бо́же, лю́ди Твоя́ и благослови́ достоя́ние Твое́, посети́ мiр Твой ми́лостию и щедро́тами, возвы́си рог христиа́н правосла́вных и низпосли́ на ны ми́лости Твоя́ бога́тыя, моли́твами всепречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́, предста́тельствы честны́х Небе́сных Си́л безпло́тных, честна́го, сла́внаго проро́ка, Предте́чи и Крести́теля Иоа́нна, святы́х сла́вных и всехва́льных Апо́стол, и́же во святы́х оте́ц на́ших и вселе́нских вели́ких учи́телей и святи́телей, Васи́лия Вели́каго, Григо́рия Богосло́ва и Иоа́нна Златоу́стаго, и́же во святы́х отца́ на́шего Никола́я, архиепи́скопа Мирлики́йскаго, чудотво́рца, святы́х равноапо́стольных Мефо́дия и Кири́лла, учи́телей слове́нских, святы́х равноапо́стольных вели́каго кня́зя Влади́мира и вели́кия княги́ни О́льги, и́же во святы́х оте́ц на́ших всея́ Росси́и чудотво́рцев, Михаи́ла, Петра́, Алекси́я, Ио́ны, Мака́рия, Фили́ппа, И́ова, Ермоге́на, Филаре́та, Инноке́нтия и Ти́хона, святы́х, сла́вных и добропобе́дных му́чеников, преподо́бных и богоно́сных оте́ц на́ших, (и свята́го, имяре́к, его́же есть храм), святы́х и пра́ведных богооте́ц Иоаки́ма и А́нны, и всех святы́х. Мо́лим Тя́, многоми́лостиве Го́споди, услы́ши нас, гре́шных, моля́щихся Тебе́, и поми́луй нас.

Лик: Го́споди, поми́луй. (40 раз).

Диакон: Еще́ мо́лимся о Вели́ком Господи́не и отце́ на́шем Святе́йшем Патриа́рхе Кири́лле, и о господи́не на́шем преосвяще́ннейшем (имяре́к), митрополи́те (или архиепи́скопе, или епи́скопе его́же есть о́бласть) и о всем во Христе́ бра́тстве на́шем, и о вся́кой души́ христиа́нстей, скорбя́щей же и озло́бленней, ми́лости Бо́жия и по́мощи тре́бующей; о покрове́нии гра́да сего́; о ми́ре, и состоя́нии всего́ мiра; о благостоя́нии святы́х Бо́жиих церкве́й; о спасе́нии и по́мощи со тща́нием и стра́хом Бо́жиим тружда́ющихся и служа́щих оте́ц и бра́тий на́ших; о оста́вльшихся и во отше́ствии су́щих; о исцеле́нии в не́мощех лежа́щих; о успе́нии, осла́бе, блаже́нней па́мяти и о оставле́нии грехо́в всех преждеотше́дших оте́ц и бра́тий на́ших, зде лежа́щих и повсю́ду правосла́вных; о избавле́нии плене́нных, и о бра́тиях на́ших во слу́жбах су́щих, и о всех служа́щих и служи́вших во свята́го хра́ма сего́ рцем.

Лик: Го́споди, поми́луй. (50 раз).

Диакон: Еще́ мо́лимся о е́же сохрани́тися гра́ду сему́, и вся́кому гра́ду и стране́, от гла́да, губи́тельства, тру́са, пото́па, огня́, меча́, наше́ствия иноплеме́нников и междоусо́бныя бра́ни; о е́же ми́лостиву и благоуве́тливу бы́ти благо́му и человеколюби́вому Бо́гу на́шему, отврати́ти вся́кий гнев на ны дви́жимый, и изба́вити ны от належа́щаго и пра́веднаго Своего́ преще́ния и поми́ловати ны́.

Лик: Го́споди, поми́луй. (Трижды).

Диакон: Еще́ мо́лимся и о е́же услы́шати Го́споду Бо́гу глас моле́ния нас, гре́шных, и поми́ловати нас.

Лик: Го́споди, поми́луй. (Трижды).

Священник: Услы́ши ны, Бо́же, Спа́сителю наш, упова́ние всех конце́в земли́ и су́щих в мо́ри дале́че, и ми́лостив, ми́лостив бу́ди, Влады́ко, о гресе́х на́ших, и поми́луй ны. Ми́лостив бо и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник: Мир всем.

Лик: И ду́хови твоему́.

Диакон: Главы́ на́ша Го́сподеви приклони́м.

Лик: Тебе́, Го́споди.

Все преклоняют головы и священник читает молитву велегласно:

Влады́ко многоми́лостиве, Го́споди Иису́се Христе́, Бо́же наш, моли́твами всепречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́, предста́тельствы честны́х Небе́сных Си́л безпло́тных, честна́го, сла́внаго проро́ка, Предте́чи и Крести́теля Иоа́нна, святы́х сла́вных и всехва́льных Апо́стол, святы́х сла́вных и добропобе́дных му́чеников, преподо́бных и богоно́сных оте́ц на́ших, и́же во святы́х оте́ц на́ших и вселе́нских вели́ких учи́телей и святи́телей: Васи́лия Вели́каго, Григо́рия Богосло́ва и Иоа́нна Златоу́стаго, и́же во святы́х отца́ на́шего Никола́я, архиепи́скопа Мирлики́йскаго, чудотво́рца, святы́х равноапо́стольных Мефо́дия и Кири́лла, учи́телей слове́нских, святы́х равноапо́стольных вели́каго кня́зя Влади́мира и вели́кия княги́ни О́льги, и́же во святы́х оте́ц на́ших всея́ Росси́и чудотво́рцев, Михаи́ла, Петра́, Алекси́я, Ио́ны, Мака́рия, Фили́ппа, И́ова, Ермоге́на, Филаре́та, Инноке́нтия и Ти́хона, святы́х, сла́вных и добропобе́дных му́чеников, преподо́бных и богоно́сных оте́ц на́ших, святы́х и пра́ведных богооте́ц Иоаки́ма и А́нны, (и свята́го, имяре́к, его́же есть храм), и всех святы́х Твои́х, благоприя́тну сотвори́ моли́тву на́шу, да́руй нам оставле́ние прегреше́ний на́ших, покры́й нас кро́вом крилу́ Твое́ю, отжени́ от нас вся́каго врага́ и супоста́та, умири́ на́шу жизнь. Го́споди, поми́луй нас и мiр Твой, и спаси́ ду́ши на́ша, я́ко благ и Человеколю́бец.

Лик: Ами́нь.

Затем начинаются стихиры на стиховне и при их пении священнослужители входят из притвора в храм.

Стихиры на стиховне

Глас 3: Стра́стию Твое́ю, Христе́, омрачи́вый со́лнце и све́том Твоего́ Воскресе́ния, просвети́вый вся́ческая, приими́ на́шу вече́рнюю пе́снь, Человеколю́бче.

Стих: Госпо́дь воцари́ся, в ле́поту облече́ся.

Глас 3: Живоприе́мное Твое́ воста́ние, Го́споди, вселе́нную всю́ просвети́, и Твое́ созда́ние истле́вшее призва́. Те́мже кля́твы Ада́мовы изме́ншеся, вопие́м: всеси́льне Го́споди, сла́ва Тебе́.

Стих: И́бо утверди́ вселе́нную, я́же не подви́жится.

Глас 3: Бо́г сы́й неизме́нен, пло́тию стражда́ измени́лся еси́, Его́же тва́рь не терпя́щи ви́сяща зре́ти, стра́хом прекланя́шеся, и стеня́щи пое́т Твое́ долготерпе́ние: соше́д же во а́д, тридне́вен воскре́сл еси́, жи́знь да́руя ми́рови, и ве́лию ми́лость.

Стих: До́му твоему́ подоба́ет святы́ня, Го́споди, в долготу́ дни́й.

Глас 3: Да ро́д на́ш от сме́рти, Христе́, изба́виши, сме́рть претерпе́л еси́: и тридне́вен из ме́ртвых воскре́с, с Собо́ю воскреси́л еси́, и́же Тя́ Бо́га позна́вших: и ми́р просвети́л еси́. Го́споди, сла́ва Тебе́.

Сла́ва Отцу́, и Сы́ну, и Свято́му Ду́ху.

Глас 4: Пособи́вый, Го́споди, кро́ткому Дави́ду / победи́ти иноплеме́нника, / ве́рным лю́дем на́шим спобо́рствуй, / и ору́жием Креста́ низложи́ враги́ на́ша, / покажи́ благоутро́бне на нас дре́вния ми́лости Твоя́, / и да разуме́ют вои́стинну, я́ко Ты еси́ Бог, / и на Тя наде́ющиися побежда́ем, / моля́щиися обы́чно Пречи́стей Твое́й Ма́тери, / дарова́тися нам вели́цей ми́лости.

И ны́не, и при́сно, и во ве́ки веко́в. Ами́нь.

Array

Молитва святаго Симеона Богоприимца

Ны́не отпуща́еши раба́ Твоего́, Влады́ко, / по глаго́лу Твоему́ с ми́ром: / я́ко ви́деста о́чи мои́ спасе́ние Твое́, / е́же еси́ угото́вал пред лице́м всех люде́й, / свет во открове́ние язы́ков, / и сла́ву люде́й Твои́х Изра́иля.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Тропари

Глас 4: Днесь спасе́ния на́шего глави́зна,/ и е́же от ве́ка та́инства явле́ние:/ Сын Бо́жий, Сын Де́вы быва́ет,/ и Гаврии́л благода́ть благовеству́ет./ Те́мже и мы с ним Богоро́дице возопии́м:/ ра́дуйся, Благода́тная,// Госпо́дь с Тобо́ю. (Дважды)

Глас 1: Спаси́, Го́споди, лю́ди Твоя́, / и благослови́ достоя́ние Твое́, / побе́ды правосла́вным христиа́ном на сопроти́вныя да́руя, / и Твое́ сохраня́я Кресто́м Твои́м жи́тельство.

Во время пения тропарей диакон троекратно кадит вокруг стола, на котором предложены для освящения пять хлебов, пшеница и два сосуда – с вином и с елеем, и в конце – священника. Священник же, взяв один хлеб, творит им знамение креста над прочими хлебами.

Диакон: Го́споду помо́лимся.

Лик: Го́споди, поми́луй.

Молитва на освящение хлебов

Священник: Го́споди Иису́се Христе́, Бо́же наш, благослови́вый пять хле́бов и пять ты́сящ насы́тивый, Сам благослови́ и хле́бы сия, пшени́цу, вино́ и еле́й, и умно́жи сия́ во свято́м хра́ме сем, и во всем ми́ре твое́м, и вкуша́ющия от ни́х верныя освяти́. Я́ко Ты еси́ благословля́яй и освяща́яй вся́ческая, Христе́ Бо́же наш, и Тебе́ сла́ву возсыла́ем, со безнача́льным Твои́м Отце́м, и всесвяты́м, и благи́м, и животворя́щим Твои́м Ду́хом, ны́не и при́сно, и во ве́ки веко́в.

Лик: Ами́нь.

Лик: Бу́ди и́мя Госпо́дне благослове́но от ны́не и до ве́ка. (Трижды)

Псалом 33

Благословлю́ Го́спода на вся́кое вре́мя, вы́ну хвала́ Его́ во усте́х мои́х. О Го́споде похва́лится душа́ моя́, да услы́шат кро́тцыи и возвеселя́тся. Возвели́чите Го́спода со мно́ю и вознесе́м и́мя Его́ вку́пе. Взыска́х Го́спода и услы́ша мя, и от всех скорбе́й мои́х изба́ви мя. Приступи́те к Нему́ и просвети́теся, и ли́ца ва́ша не постыдя́тся. Сей ни́щий воззва́, и Госпо́дь услы́ша и́, и от всех скорбе́й eго́ спасе́ и́. Ополчи́тся А́нгел Госпо́день о́крест боя́щихся Его́, и изба́вит их. Вкуси́те и ви́дите, я́ко благ Госпо́дь; блаже́н муж, и́же упова́ет Нань. Бо́йтеся Го́спода, вси святи́и Его́, я́ко несть лише́ния боя́щымся Его́. Бога́тии обнища́ша и взалка́ша, взыска́ющии же Го́спода не лиша́тся вся́каго бла́га.

Священник же, пройдя вперед, стоит пред Царскими вратами. По окончании же пения псалма, благословляя народ, возглашает:
Благослове́ние Госпо́дне на вас. Того́ благода́тию и человеколю́бием, всегда́, ны́не и при́сно и во ве́ки веко́в.

Лик: Ами́нь.

  • 6.3M 178