Начало богослужебного дня в 16:00.

Полиелейный праздник
Выберите настройки для вашего храма в Личном кабинете.
Богослужебные указания

Богослужебные указания за 15 января 2024 года


2. Понедельник. Предпразднство Богоявления. Прп. Серафима Саровского.

Свт. Сильвестра, папы Римского. Прав. Иулиании Лазаревской, Муромской.

Приводим порядок совершения полиелейной или бденной службы прп. Серафима Саровского в соединении со службой предпразднства Богоявления.

Примечание. Служба свт. Сильвестра, папы Римского, может быть перенесена на повечерие[1].

На великой вечерне[2] «Блажен муж» – 1-й антифон.

На «Господи, воззвах» стихиры на 8: предпразднства, глас 4-й – 3 (см. в службе свт. Сильвестра), и преподобного, глас 1-й – 5 (на ряду 6 стихир, одна из них опускается). «Слава» – преподобного, глас 8-й: «Приидите, верных собори...», «И ныне» – предпразднства, глас 6-й: «Грядет ко Иордану Христос...» (см. в службе свт. Сильвестра).

Вход. Прокимен дня. Паримии преподобного – 3.

На стиховне[3] стихиры предпразднства, глас 1-й, глас 2-й и глас 3-й (см. в службе свт. Сильвестра, со своими припевами)[4]. «Слава» – преподобного, глас 6-й: «Преподобне отче Серафиме...», «И ныне» – предпразднства, глас 3-й: «Приидите, вси вернии...» (см. в службе свт. Сильвестра).

По Трисвятом – тропарь преподобного, глас 4-й. «Слава, и ныне» – тропарь предпразднства, глас тот же: «Готовися, Завулоне...» (см. в службе свт. Сильвестра).

После пения тропарей на великой вечерне (без бдения) отверзаются царские врата[5]. Диакон произносит: «Премудрость». Певцы: «Благослови». Иерей: «Сый благословен...». Певцы: «Утверди, Боже...». Иерей: «Пресвятая Богородице, спаси нас». Певцы: «Честнейшую Херувим...». Иерей: «Слава Тебе, Христе Боже...». Певцы: «Слава, и ныне», «Господи, помилуй» (трижды), «Благослови». Иерей произносит великий отпуст[6].

На малом повечерии поем[7] трипеснец и двупеснец предпразднства (этого дня), глас 2-й. На повечерие может быть перенесена служба[8] свт. Сильвестра, папы Римского (2 января).

На утрене на «Бог Господь» – тропарь предпразднства, глас 4-й: «Готовися, Завулоне...» (дважды). «Слава» – тропарь преподобного, глас тот же, «И ныне» – тропарь предпразднства, глас тот же: «Готовися, Завулоне...».

Кафизмы 4-я и 5-я. Малые ектении.

По 1-м стихословии – седален преподобного, глас 4-й (дважды). «Слава, и ныне» – седален предпразднства, глас 1-й (см. в службе свт. Сильвестра).

По 2-м стихословии – седален преподобного, глас 1-й (дважды). «Слава, и ныне» – седален предпразднства, глас 4-й (см. в службе свт. Сильвестра)[9].

Полиелей. Величание преподобного и избранный псалом. Седален преподобного по полиелее, глас 7-й (дважды). «Слава, и ныне» – седален предпразднства (по выбору, см. в службе свт. Сильвестра по 1-м или по 2-м стихословии). Степенна – 1-й антифон 4-го гласа. Прокимен преподобного, глас 4-й: «Честна пред Господем смерть преподобных Его»; стих: «Что воздам Господеви о всех, яже воздаде ми?». Евангелие – Мф., зач. 43. По 50-м псалме: «Слава» – «Молитвами преподобнаго Серафима...». Стихира преподобного, глас 6-й: «Днесь, вернии...».

Каноны: предпразднства (см. в службе свт. Сильвестра), глас 2-й: «Непроходимое волнящееся море...», со ирмосом на 6 (ирмосы по дважды), и преподобного (два канона – глас 6-й и глас 8-й) на 8.

Библейские песни «Поем Господеви...».

Катавасия праздника Богоявления: «Глубины открыл есть дно...».

По 3-й песни – кондак («Во струях днесь Иорданских...») и икос предпразднства, глас 4-й (см. в службе свт. Сильвестра); седален преподобного, глас тот же (дважды). «Слава, и ныне» – седален предпразднства, глас 8-й: «Невидимый Боже...» (см. в службе свт. Сильвестра).

По 6-й песни – кондак и икос преподобного, глас 2-й.

На 9-й песни поем «Честнейшую».

По 9-й песни «Достойно есть» не поется.

Примечание. Песнопение «Достойно есть» по 9-й песни канона не поется в предпразднства и попразднства двунадесятых праздников, во всю Пятидесятницу (в период пения Цветной Триоди), в воскресные дни, а также в дни славословных святых и выше, у которых по каждой песни канона поется катавасия.

По 9-й песни – светилен предпразднства (см. в службе свт. Сильвестра). «Слава» – светилен преподобного, «И ныне» – ин светилен предпразднства (см. в службе свт. Сильвестра).

«Всякое дыхание...» и хвалитные псалмы.

На хвалитех стихиры на 8: предпразднства, глас 6-й – 4 (см. на хвалитех, в службе свт. Сильвестра), и преподобного, глас 8-й – 4 (со своими припевами; припевы см. на стиховне вечера: 1-й – «Честна пред Господем...», 2-й – «Блажен муж, бояйся Господа...»; первая стихира – дважды)[10]. «Слава» – преподобного, глас 6-й: «Приидите, иноков...», «И ныне» – предпразднства, глас тот же: «Вся земля...» (см. на хвалитех, в службе свт. Сильвестра).

Великое славословие. По Трисвятом – тропарь преподобного, глас 4-й. «Слава, и ныне» – тропарь предпразднства, глас тот же: «Готовися, Завулоне...» (см. в службе свт. Сильвестра).

На часах – тропарь предпразднства. «Слава» – тропарь преподобного. Кондаки чередуются: на 1-м и 6-м часах – предпразднства, на 3-м и 9-м часах – преподобного.

На Литургии свт. Иоанна Златоуста – блаженны предпразднства, песнь 3-я – 4 (со ирмосом)[11], и преподобного, песнь 6-я – 4.

На входе – «...во святых Дивен сый...».

По входе – тропари и кондаки:

А. В храме[12] Господском – тропарь предпразднства, тропарь преподобного. «Слава» – кондак преподобного, «И ныне» – кондак предпразднства.

Примечание. В период предпразднства и попразднства Крещения дневные тропари не поются, так как песнопения Октоиха отменяются.

В предпразднства и попразднства Господских праздников, во всю Пятидесятницу, в воскресные дни, в великие и средние Господские праздники тропарь и кондак Господского храма не поются.

Б. В храме Богородицы устав может быть двояким:

I. Тропарь предпразднства, тропарь храма, тропарь преподобного; кондак храма. «Слава» – кондак преподобного, «И ныне» – кондак предпразднства.

II. Тропарь предпразднства, тропарь храма, тропарь преподобного; кондак предпразднства. «Слава» – кондак преподобного, «И ныне» – кондак храма.

Примечание. В предпразднства и попразднства Богородичных двунадесятых праздников, в Богородичные великие, полиелейные и славословные праздники тропарь и кондак храма Богородицы не поются. Кондак храма Богородицы не поется и во всю Пятидесятницу.

В. В храме святого (если служился полиелей) – тропарь предпразднства, тропарь храма, тропарь преподобного; кондак храма. «Слава» – кондак преподобного, «И ныне» – кондак предпразднства.

Примечание. Если совершалось всенощное бдение, то тропарь и кондак храмового святого не поются.

Поется Трисвятое.

Прокимен, аллилуиарий и причастен – преподобного.

Апостол и Евангелие – преподобного[13].

Поется «Достойно есть...».

1 О порядке пения служб на повечерии см. 13 марта, во вторник 2-й седмицы Великого поста.

2 Начало великой вечерни при полиелейной службе отличается от начала великой вечерни в составе бдения тем, что начальный возглас – «Благословен Бог наш...», а не «Слава Святей...» (иерей произносит возглас по окончании 9-го часа на амвоне, при закрытых царских вратах и открытой завесе), и тем, что 103-й псалом читается, а не поется.

3 Если в честь прп. Серафима Саровского совершается всенощное бдение:

На литии – стихира храма и стихиры преподобного. «Слава» – преподобного, «И ныне» – предпразднства.

На стиховне – стихиры предпразднства (см. следующую сноску). «Слава» – преподобного, «И ныне» – предпразднства.

По Трисвятом – тропарь преподобного (дважды) и предпразднства (единожды). (Ср.: Типикон, 21 декабря, служба свт. Московского Петра, и 11 января, служба прп. Феодосия).

4 Ср.: Типикон, 21 декабря, служба свт. Московского Петра в предпразднство Рождества Христова. В качестве общего правила, на богослужении седмичных дней при средних праздниках Месяцеслова в периоды пред-попразднств Уставом допускается пение на стиховне великой вечерни как стихир праздника, так и стихир святого (ср.: Типикон, 21 декабря, свт. Петра, и 11 января, прп. Феодосия; Минея общая, «Изъявление вкратце...»); в субботние дни Типикон указывает стихиры святого (ср.: Типикон, гл. 15-я; Розанов В. Богослужебный Устав Православной Церкви. С. 201).

5 Согласно распространенной практике, царские врата отверзаются с началом пения тропарей.

6 Такое окончание положено на великой вечерне (без бдения), которая совершается отдельно от утрени. В случае, если вслед за великой вечерней (без бдения) совершается, по сложившейся богослужебной практике, полиелейная утреня, царские врата не отверзаются. После «Утверди, Боже...» иерей в алтаре пред престолом произносит возглас: «Слава Святей...», творя крест кадилом.

7 Общие указания Устава о пении канонов на повечериях предпразднства Богоявления следующие: праздничный канон поется на 8 (ирмосы по дважды, тропари на 6), и затем ирмос оба лика вкупе. Если у канона два ирмоса, то ирмос 1-го канона поется дважды, тропари же обоих канонов на 6, и затем ирмос 2-го канона оба лика вместе.

8 Если на повечерие переносится служба Минеи, канон святого Минеи поется без ирмосов, в песнях с трипеснцами трипеснцы предваряют. О порядке пения служб на повечерии см. также: 13 марта, вторник 2-й седмицы Великого поста.

9 Так как в службе предпразднства содержатся четыре седальна по кафизмах, то возможен следующий порядок: по 1-м стихословии – 1-й седален предпразднства, «Слава» – преподобного, «И ныне» – 2-й седален предпразднства; по 2-м стихословии – седален преподобного (дважды), «Слава, и ныне» – 3-й седален предпразднства; по полиелее – седален преподобного (дважды), «Слава, и ныне» – 4-й седален предпразднства.

10 По Минее, на хвалитех стихиры поются на 6: предпразднства – 3 и преподобного – 3, но это указание неточно. Типикон в аналогичной службе 21 декабря (свт. Петра) назначает не шесть, а восемь стихир: предпразднства хвалитные – 4, и святого – 4 (первая стихира – дважды). Петь стихиры следует согласно указанию главы Типикона 21 декабря (то есть на 8), поскольку в службе свт. Петра учитываются особенности богослужения предпразднства Рождества Христова (аналогичные предпразднству Богоявления), которые отсутствуют в периоды предпразднств и попразднств прочих двунадесятых праздников: в частности, в предпразднства Рождества и Богоявления, помимо трех обычных утренних стихир на стиховне, в рядовой службе приводятся еще четыре хвалитные стихиры предпразднства.

11 О пении блаженн и об исполнении ирмосов песней канона в составе тропарей на блаженнах см.: Скабалланович М. Н. Толковый Типикон. Вып. III. С. 18.

12 Храмом в Уставе, когда речь идет о службе в тот или иной день, всегда именуется тот придел, где совершается Литургия.

13 Рядовые чтения 2, 3, 4 и 7 января можно опустить ввиду Крещенской отступки.

Богослужебные указания с сайта Патриархии на каждый день.

⏶ Закрыть богослужебные указания

Великая Вечерня

По окончании 9-го часа священник произносит начальный возглас:

Благослове́н Бог наш всегда́, ны́не и при́сно, и во ве́ки веко́в.

Чтец: Ами́нь.

Если вечерне не предшествовал девятый час, начальные молитвы читаются полностью.

Чтец: Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды). Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже имы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Яко Твое́ есть Ца́рство и сила, и слава, Отца, и Сына, и Святаго Духа, ныне и присно, и во веки веков.

Лик: Ами́нь.

Го́споди, поми́луй (12 раз).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́ Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 103

Благослови́, душе́ моя́, Го́спода. Го́споди, Бо́же мой, возвели́чился еси́ зело́. Во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на гора́х ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры и нисхо́дят поля́ в ме́сто, е́же основа́л еси́ им. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, ждут она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Свои́х, от плода́ дел Твои́х насы́тится земля́. Прозяба́яй траву́ ското́м, и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Насы́тятся древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тму, и бысть нощь, в не́йже про́йдут вси зве́рие дубра́внии. Ски́мни рыка́ющии, восхи́тити и взыска́ти от Бо́га пи́щу себе́. Возсия́ со́лнце и собра́шася и в ло́жах свои́х ля́гут. Изы́дет челове́к на де́ло свое́ и на де́лание свое́ до ве́чера. Я́ко возвели́чишася дела́ Твоя́, Го́споди, вся прему́дростию сотвори́л еси́, испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́мже несть числа́, живо́тная ма́лая с вели́кими, та́мо корабли́ препла́вают, змий сей, eго́же созда́л еси руга́тися eму́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им соберу́т, отве́рзшу Тебе́ ру́ку вся́ческая испо́лнятся бла́гости, отвра́щшу же Тебе́ лице́, возмяту́тся, отъи́меши дух их, и исче́знут, и в персть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, призира́яй на зе́млю, и творя́й ю́ трясти́ся, прикаса́яйся гора́м, и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже есмь, да услади́тся Ему́ бесе́да моя́, аз же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя́, Го́спода. Со́лнце позна́ за́пад свой. Положи́л еси́ тму, и бысть нощь. Я́ко возвели́чишася дела́ Твоя́, Го́споди, вся прему́дростию сотвори́л еси́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же (Трижды).

Во время чтения 103 псалма священник тайно перед царскими вратами с непокрытой головой читает светильничные молитвы.

Светильничные молитвы

Молитва первая:

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Молитва вторая:

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, Врачу́ и Исцели́телю душ на́ших. Наста́ви нас ко Приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Молитва третия:

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Молитва четвертая:

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Молитва пятая:

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Молитва шестая:

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Молитва седмая:

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам,Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

По окончании предначинательного псалма диакон, выйдя северными вратами и став, как обычно на амвоне, произносит великую ектению.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О гра́де сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Кафизма 1

Псалом 1

Псало́м Дави́ду. Блаже́н му́ж, и́же не и́де на сове́т нечести́вых, и на пути́ гре́шных не ста́, и на седа́лищи губи́телей не се́де: но в зако́не Госпо́дни во́ля его́, и в зако́не Его́ поучи́тся де́нь и но́щь. И бу́дет я́ко дре́во насажде́ное при исхо́дищих во́д, е́же пло́д сво́й да́ст во вре́мя свое́, и ли́ст его́ не отпаде́т: и вся́, ели́ка а́ще твори́т, успе́ет. Не та́ко нечести́вии, не та́ко: но я́ко пра́х, его́же возмета́ет ве́тр от лица́ земли́. Сего́ ра́ди не воскре́снут нечести́вии на су́д, ниже́ гре́шницы в сове́т пра́ведных. Я́ко ве́сть Госпо́дь пу́ть пра́ведных, и пу́ть нечести́вых поги́бнет.

Псалом 2

Псало́м Дави́ду. Вску́ю шата́шася язы́цы, и лю́дие поучи́шася тще́тным? Предста́ша ца́рие зе́мстии, и кня́зи собра́шася вку́пе на Го́спода и на Христа́ Его́. Расто́ргнем у́зы и́х и отве́ржем от на́с и́го и́х. Живы́й на небесе́х посмее́тся и́м, и Госпо́дь поруга́ется и́м. Тогда́ возглаго́лет к ни́м гне́вом Свои́м и я́ростию Свое́ю смяте́т я́: А́з же поста́влен е́смь Ца́рь от Него́ над Сио́ном, горо́ю свято́ю Его́, возвеща́яй повеле́ние Госпо́дне. Госпо́дь рече́ ко Мне́: Сы́н Мо́й еси́ Ты́, А́з дне́сь роди́х Тя́: проси́ от Мене́, и да́м ти́ язы́ки достоя́ние Твое́, и одержа́ние Твое́ концы́ земли́: упасе́ши я́ жезло́м желе́зным, я́ко сосу́ды скуде́льничи сокруши́ши я́. И ны́не, ца́рие, разуме́йте, накажи́теся вси́ судя́щии земли́. Рабо́тайте Го́сподеви со стра́хом, и ра́дуйтеся Ему́ со тре́петом. Приими́те наказа́ние, да не когда́ прогне́вается Госпо́дь, и поги́бнете от пути́ пра́веднаго, егда́ возгори́тся вско́ре я́рость Его́: блаже́ни вси́ наде́ющиися На́нь.

Псалом 3

Псало́м Дави́ду, внегда́ отбега́ше от лица́ Авессало́ма сы́на своего́. Го́споди, что́ ся умно́жиша стужа́ющии ми́? Мно́зи востаю́т на мя́, мно́зи глаго́лют души́ мое́й: не́сть спасе́ния ему́ в Бо́зе его́. Ты́ же, Го́споди, засту́пник мо́й еси́, сла́ва моя́, и вознося́й главу́ мою́. Гла́сом мои́м ко Го́споду воззва́х, и услы́ша мя́ от горы́ святы́я Своея́. А́з усну́х, и спа́х, воста́х, я́ко Госпо́дь засту́пит мя́. Не убою́ся от те́м люди́й, о́крест напа́дающих на мя́. Воскре́сни́, Го́споди, спаси́ мя, Бо́же мо́й: я́ко Ты́ порази́л еси́ вся́ вражду́ющыя ми́ всу́е, зу́бы гре́шников сокруши́л еси́. Госпо́дне е́сть спасе́ние, и на лю́дех Твои́х благослове́ние Твое́.

Чтец: Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Ектения малая

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Возглашение: Я́ко Твоя́ держа́ва, и Твое́ есть ца́рство, и си́ла, и сла́ва, Отца́ и Сы́на и Свята́го Ду́ха, ныне, и при́сно, и во ве́ки веко́в.

Лик: Ами́нь.

«Господи, воззвах»

Поются псалмы 140, 141, 129, 116 со стихирами на “Господи, воззвах”; в это время диакон совершает полное каждение храма

Первый лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: еди́н есмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ним моле́ние мое́, печа́ль мою́ пред Ним возвещу́. Внегда́ исчеза́ти от мене́ ду́ху моему́: и Ты позна́л еси́ стези́ моя́: на пути́ сем, по нему́же хожда́х, скры́ша сеть мне. Смотря́х одесну́ю и возгля́дах, и не бе зна́яй мене́: поги́бе бе́гство от мене́, и несть взыска́яй ду́шу мою́. Воззва́х к Тебе́, Го́споди, рех: Ты еси́ упова́ние мое́, часть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя от гоня́щих мя, я́ко укрепи́шася па́че мене́.

На 10, стихиры: Изведи́ из темни́цы ду́шу мою́, / испове́датися и́мени Твоему́.

Сти́х: Мене́ ждут пра́ведницы / до́ндеже возда́си Мне.

На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.

Глас 4: Предпра́зднственныя пе́сни благоче́стно предвозгласи́м/ честна́го Креще́ния Бо́га на́шего:/ се бо хо́щет, я́ко Челове́к,/ пло́тию прити́ к Предте́чи Своему́/ и проси́ти Креще́ния спаси́тельнаго/ и назда́ние всех, ве́рою свяще́нно просвеща́емых/ и прича́стников Духа.

Сти́х: Да бу́дут у́ши Твои́ / вне́млюще гла́су моле́ния моего́.

Глас 4: Христо́с показу́ется, Бог явля́ется,/ я́коже Дави́д преднаписа́ я́вственнейше,/ и к рабу́, Креще́ния прося́, гряде́т./ Иорда́не реко́, весе́лия испо́лнися;/ земля́ и мо́ре, го́ры и хо́лми,/ и челове́ческая ны́не играи́те сердца́,/ Свет мы́сленный восприе́млюще.

На 6, cти́х: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.

Глас 4: Реку́ ми́ра Тя/ и пото́к, я́коже пи́шет, пи́щи су́ща, Всеси́льне,/ ка́ко Тя ре́чныя струи́ прии́мут, Го́споди,/ восходя́ща нага,/ не́бо облага́ющего о́блаки,/ и обна́жша вся́ку зло́бу вра́жию,/ и нетле́нием земноро́дныя одева́юща?

Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

Глас 1: О, пресла́вное чу́до,/ подви́жник благоче́стия в Саро́ве явля́ется/ и моли́твенник к Бо́гу те́плый/ Серафи́м пречу́дный нам быва́ет;/ весели́ся, оби́тель Саро́вская,/ иму́щи в себе́ мо́щи преподо́бнаго;/ взыгра́йте, правосла́вных мно́жества,/ преди́внаго Серафи́ма иму́ще в беда́х засту́пника и вопию́ще к нему́:/ ра́дуйся, свети́льниче Росси́йския земли́,/ тьмы сопроти́вных дале́че отрева́й/ и Го́сподеви моли́ся/ дарова́ти душа́м на́шим мир и ве́лию ми́лость.

На 4, cти́х: От стра́жи у́тренния до но́щи, от стра́жи у́тренния, / да упова́ет Изра́иль на Го́спода.

Глас 1: О, ди́вное чу́до,/ се бо вои́стинну во оби́тели Саро́встей/ благоче́стия столп непоколеби́мый -/ Серафи́м блаже́нный явля́ется нам,/ те́мже, Богому́дрых собо́ри,/ на высоту́ ду́хом возноси́теся,/ к преподо́бному вопию́ще:/ преподо́бне о́тче Серафи́ме,/ Го́сподеви моли́ся/ дарова́ти душа́м на́шим мир и ве́лию ми́лость.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

Глас 1: Ди́вны Твоя́ та́йны, Христе́ Бо́же,/ я́ко дарова́л еси́ нам свети́льника, преподо́бнаго Серафи́ма,/ ве́рным лю́дем на сопроти́вныя кре́пкого побо́рника,/ и́ноком и всем правосла́вным христиа́ном моли́твенника,/ святе́й оби́тели похвалу́ и утвержде́ние;/ той и ны́не мо́лит Тя Го́споди,/ дарова́ти душа́м на́шим мир и ве́лию ми́лость,

На 2, cти́х: Хвали́те Го́спода вси́ язы́цы, похвали́те Его́ вси́ лю́дие.

Глас 1: Егда́ вшел еси́, преподо́бне, в пусты́ню Саро́вскую,/ тогда́, своея́ во́ли до конца́ совле́кся,/ тве́рдое ко всем послуша́ние показа́л еси́:/ доса́ды бо и безче́стия претерпе́л еси́, ра́дуйся,/ ударе́ния и ра́ны от злых челове́к прия́л еси́,/ о ни́хже и моли́лся еси́, преподо́бне./ Мы же, прославляюще пречестну́ю па́мять твою́,/ мо́лим ти ся, преподо́бне:/ Го́сподеви моли́ся/ мир ми́рови дарова́ти/ и душа́м на́шим ве́лию ми́лость.

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Глас 1: Блаже́нна оби́тель Саро́вская,/ иму́щи тебе́, преподо́бне о́тче Серафи́ме,/ доброде́телей сокро́вище, сосу́д чистоты́,/ целому́дрия храни́теля, прия́телище благода́ти,/ исто́чник исцеле́ний, боля́щим врача́ безме́здна,/ по́стника и́стинна, в ско́рбех уте́шителя,/ жите́йскими страстьми́ обурева́емым ти́хое приста́нище;/ нам же, творя́щим честну́ю па́мять твою́,/ моли́, преподо́бне о́тче Серафи́ме,/ дарова́ти мир и ве́лию ми́лость.

Сла́ва Отцу́, и Сы́ну, и Свято́му Ду́ху.

Глас 8: Прииди́те, ве́рных собо́ри,/ похва́льными пе́сньми днесь пречу́днаго отца́ просла́вим/ и си́це ему́ возопии́м;/ преподо́бне о́тче Серафи́ме,/ вои́стинну сподо́бился еси́ Боже́ственныя жи́зни,/ прии́м от Бо́га вене́ц нетле́нныя сла́вы,/ сего́ ра́ди оби́тель Саро́вская тобо́ю хва́лится,/ лю́дие же, чту́ще честны́я мо́щи твоя́ и зря́ще чудеса́ быва́емая,/ сла́вят прославля́ющаго тя Го́спода,/ Ему́же моли́ся, преподо́бне,/ дарова́ти душа́м на́шим мир и ве́лию ми́лость.

И ны́не, и при́сно, и во ве́ки веко́в. Ами́нь.

Глас 6: Гряде́т ко Иорда́ну Христо́с Истина/ крести́тися от Иоа́нна/ и глаго́лет к Нему́:/ аз тре́бую от Тебе́ крести́тися./ И Ты ли гряде́ши ко мне?/ Не сме́ю, се́но, прикосну́тися Огню́,/ Ты мя освяти́, Влады́ко,/ Боже́ственным явле́нием Твоим.

В алтаре

Когда совершается Великая вечерня, то во время пения заключительной стихиры открываются Царские врата и совершается вход с кадилом. Священник с диаконом в предшествии свещеносцев исходят из алтаря северной дверью и становятся на обычном месте перед Царскими вратами.

Диакон: Благослови́, влады́ка, свято́й вход!

Священник: Благослове́н вход святы́х Твои́х всегда́, ны́не и при́сно, и во ве́ки веко́в.

Диакон, изображая крест кадилом, возглашает: Прему́дрость, про́сти.

В алтаре

Диакон входит в алтарь, а за ним и священник, оба отходят на горнее место.

Вечерняя песнь Сыну Божию

Све́те Ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя сла́вит.

Диакон: Во́нмем.

Священник: Мир всем.

Лик: И ду́хови твоему́.

Прокимен

В неделю вечера, глас 8:

Диакон: Прему́дрость. Во́нмем. Проки́мен, глас 8.

Се ны́не благослови́те Го́спода, / вси раби́ Госпо́дни.

Лик: Се ны́не благослови́те Го́спода, / вси раби́ Госпо́дни.

Диакон: Стоя́щии в хра́ме Госпо́дни, во дво́рех до́му Бо́га на́шего.

Лик: Се ны́не благослови́те Го́спода, / вси раби́ Госпо́дни.

Диакон: Се ны́не благослови́те Го́спода

Лик: Вси раби́ Госпо́дни.

Чтение Святого Писания

Преподобному, преподобным, преподобномученику, преподобномучеником, исповеднику, Христа ради юродивому, преподобной жене

Диакон: Прему́дрость.

Чтец: Прему́дрости Соломо́новы чте́ние

Диакон: Во́нмем.

Чтец: Пра́ведных ду́ши в руце́ Бо́жией, и не прико́снется их му́ка. Непщева́ни бы́ша во очесе́х безу́мных умре́ти, и вмени́ся озлобле́ние исхо́д их, и е́же от нас ше́ствие сокруше́ние, они же суть в ми́ре. И́бо пред лице́м челове́ческим а́ще и му́ку прии́мут, упова́ние их безсме́ртия испо́лнено. И вма́ле нака́зани бы́вше, вели́кими благоде́тельствовани бу́дут, я́ко Бог искуси́ я́ и обре́те их досто́йны Себе́. Я́ко зла́то в горни́ле, искуси́ их и, я́ко всепло́дие же́ртвенное, прия́т я́. И во вре́мя посеще́ния их возсия́ют и, я́ко и́скры по сте́блию, потеку́т. Су́дят язы́ком, и облада́ют людьми́, и воцари́тся Госпо́дь в них во ве́ки. Наде́ющиися Нань разуме́ют и́стину, и ве́рнии в любви́ пребу́дут Ему́. Я́ко благода́ть и ми́лость в преподо́бных Его́, и посеще́ние во избра́нных Его́.

Диакон: Прему́дрость.

Чтец: Прему́дрости Соломо́новы чте́ние

Диакон: Во́нмем.

Чтец: Пра́ведницы во ве́ки живу́т, и в Го́споде мзда их, и попече́ние их у Вы́шняго. Сего́ ра́ди прии́мут Ца́рствие благоле́пия и вене́ц добро́ты от руки́ Госпо́дни, зане́ десни́цею покры́ет я́ и мы́шцею защити́т их. Прии́мет всеору́жие рве́ние Свое́и вооружи́т тварь в месть враго́м. Облече́тся в броня́ пра́вды и возложи́т шлем, суд нелицеме́рен. Прии́мет щит непобеди́мый, преподо́бие. Поостри́т же напра́сный гнев во ору́жие; спобо́рет же с ним мир на безу́мныя. По́йдут праволу́чныя стре́лы мо́лниины и, я́ко от благокру́гла лу́ка облако́в, на наме́рение полетя́т. И от каменоме́тныя я́рости испо́лнь паду́т гра́ды, вознегоду́ет на них вода́ морска́я, ре́ки же потопя́т я́ на́гло. Сопроти́в ста́нет им дух си́лы и, я́ко ви́хор, разве́ет их и опустоши́т всю зе́млю беззако́ние, и злоде́йство преврати́т престо́лы си́льных. Слы́шите у́бо, ца́рие, и разуме́йте, навы́кните судии́ конце́в земли́. Внуши́те, держа́щии мно́жества и гордя́щиися о наро́дех язы́ков,я́ко дана́ есть от Го́спода держа́ва вам и си́ла от Вы́шняго.

Диакон: Прему́дрость.

Чтец: Прему́дрости Соломо́новы чте́ние

Диакон: Во́нмем.

Чтец: Пра́ведник, а́ще пости́гнет сконча́тися, в поко́и бу́дет: ста́рость бо честна́ не многоле́тна, ниже́ в числе́ лет исчита́ется. Седи́на же есть му́дрость челове́ком, и во́зраст ста́рости житие́ нескве́рно. Благоуго́ден Бо́гу быв, возлю́блен бысть, и живы́й посреде́ гре́шник преста́влен бысть, восхище́н бысть, да не зло́ба измени́т ра́зума его́ или́ лесть прельсти́т ду́шу его́. Раче́ние бо зло́бы помрача́ет до́брая и паре́ние по́хоти пременя́ет ум незло́бив. Сконча́вся вма́ле, испо́лни ле́та до́лга, уго́дна бо бе Го́сподеви душа́ его́, сего́ ра́ди потща́ся от среды́ лука́вствия. Лю́дие же ви́девше и не разуме́вше, ниже́ положи́вше в помышле́нии таково́е, я́ко благода́ть и ми́лость в преподо́бных Его́ и посеще́ние во избра́нных Его́.

Ектения сугубая

Диакон: Рцем вси от всея́ души́, и от всего́ помышле́ния на́шего рцем.

Лик: Го́споди, поми́луй.

Диакон: Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Лик: Го́споди, поми́луй.

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй. (Трижды)

Еще молимся о Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), и о всей во Христе братии нашей.

Лик: Го́споди, поми́луй. (Трижды)

Диакон: Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Лик: Го́споди, поми́луй. (Трижды)

Диакон: Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

Лик: Го́споди, поми́луй. (Трижды)

Диакон: Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́ (если в монастыре: святы́я оби́тели сея́).

Лик: Го́споди, поми́луй. (Трижды)

Диакон: Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Лик: Го́споди, поми́луй. (Трижды)

Священник: Яко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

Молитва при наступлении вечера

Лик: Сподо́би, Го́споди, в ве́чер сей без греха́ сохрани́тися нам. / Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки, ами́нь. /

Бу́ди, Го́споди, ми́лость Твоя́ на нас, я́коже упова́хом на Тя. / Благослове́н еси́, Го́споди, научи́ мя оправда́нием Твои́м. / Благослове́н еси́, Влады́ко, вразуми́ мя оправда́нием Твои́м. / Благослове́н еси́, Святы́й, просвети́ мя оправда́нии Твои́ми. /

Го́споди, ми́лость Твоя́ во век, дел руку́ Твое́ю не пре́зри. / Тебе́ подоба́ет хвала́. Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, / ны́не и при́сно и во ве́ки веко́в. Ами́нь.

Ектения просительная

Диакон: Испо́лним вече́рнюю моли́тву на́шу Го́сподеви.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Ве́чера всего́ соверше́нна, свя́та, ми́рна и безгре́шна у Го́спода про́сим.

Лик: Пода́й, Го́споди.

Диакон: А́нгела ми́рна, ве́рна наста́вника, храни́теля душ и теле́с на́ших у Го́спода про́сим.

Лик: Пода́й, Го́споди.

Диакон: Проще́ния и оставле́ния грехо́в и прегреше́ний на́ших у Го́спода про́сим.

Лик: Пода́й, Го́споди.

Диакон: До́брых и поле́зных душа́м нашим, и ми́ра мiрови у Го́спода про́сим.

Лик: Пода́й, Го́споди.

Диакон: Про́чее вре́мя живота́ на́шего в ми́ре и покая́нии сконча́ти у Го́спода про́сим.

Лик: Пода́й, Го́споди.

Диакон: Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник: Ми́р всем.

Лик: И ду́хови твоему́.

Диакон: Главы́ на́ша Го́сподеви прикло́ним.

Лик: Тебе́, Го́споди.

В алтаре

Молитва главопреклонения

Священник: Го́споди Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.

И возглашает священник: Бу́ди держа́ва Ца́рствия Твоего́ благослове́на и препросла́влена, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Стихиры на стиховне

Глас 1: Све́тел у́бо мимоше́дший пра́здник,/ светле́йший же, Спа́се, приходя́щий:/ он А́нгела име́яше благове́стника,/ и сей Предте́чу обре́те предугото́вителя./ Он кро́вем излива́емым,/ я́ко безча́ден, рыда́ше Вифлее́м,/ и сей вода́м благослове́нным/ многоча́дна познава́ется купе́ль./ Тогда́ звезда́ волхво́м возвести́,/ ны́не же Оте́ц ми́ру Тя показа́./ Воплоти́выйся и паки гряды́й я́ве,/ Го́споди, сла́ва Тебе́.

Стих: Сего́ ра́ди помяну́х Тя/ от земли́ Иорда́нски и Ермонии́мски.

Глас 2: Па́ки Иису́с мой очища́ется во Иорда́не,/ па́че же очища́ет грехи́ на́ша:/ гряде́т бо вои́стинну на Креще́ние,/ омы́ти хотя́ Ада́мово рукописа́ние./ И рече́ ко Иоа́нну:/ гряди́, послужи́, о Крести́телю,/ та́инства стра́ннаго глави́зне./ Гряди́, простри́ ру́ку твою́ ско́ро/ и прикосни́ся верху́ сте́ршаго зми́еву главу́/ и отве́рзшаго рай,/ его́же затвори́ преступле́ние ле́стию зми́евою,/ вкуше́нием дре́ва иногда́.

Стих: Ви́деша Тя во́ды, Бо́же,/ ви́деша Тя во́ды и убоя́шася.

Глас 3: Я́сен у́бо мимоше́дший пра́здник,/ сла́внейший же настоя́щий день/ во он Спа́су волсви́ поклони́шася,/ в сем же Влады́ку раб сла́вен крести́./ Та́мо па́стырие, свиря́юще2, ви́девше и чудя́хуся,/ зде же глас О́тчий Единоро́днаго Сы́на пропове́да.

Сла́ва Отцу́, и Сы́ну, и Свято́му Ду́ху.

Глас 6: Преподо́бне о́тче Серафи́ме,/ кто испове́сть труды́ твоя́ и боле́зни?/ Или́ кий язы́к изрече́т же́стокое пусты́нное твое́ житие́,/ бде́ние же и поще́ние,/ еще́ же в затво́ре пребыва́ние,/ усте́н безмо́лвие и моле́ние непреста́нное?/ Вои́стинну яви́лся еси́ по́стником украше́ние,/ моли́твенник к Бо́гу непосты́дный./ Те́мже к тебе́ вопие́м:/ ра́дуйся, и́ноческаго жития́ пра́вило;/ ра́дуйся, в беда́х и ско́рбех вели́кое утеше́ние/ и те́плый всем предста́телю./ Моли́ся, преподо́бне, спасти́ся душа́м на́шим.

И ны́не, и при́сно, и во ве́ки веко́в. Ами́нь.

Глас 3: Прииди́те, вси ве́рныи,/ Иуде́йскую страну́ оста́вивше,/ пре́йдем пусты́ню Иорда́нскую/ и у́зрим днесь та́мо нас ра́ди Я́вльшагося пло́тию,/ Креще́ния прося́ща во струя́х Иорда́нских,/ Крести́теля, отрица́ющася и вопию́ща со стра́хом:/ не сме́ю рукоположи́ти бре́нною дла́нию Огня́./ Иорда́н и мо́ре бежа́ша, Спа́се, и возврати́шася,/ и аз ка́ко положу́ на верх Твой ру́ку,/ Его́же трепе́щут Серафи́ми?/ Побеже́ Иорда́н, я́ко прия́т Елиссе́и́ Илиину́ ми́лоть3./ Ка́ко не за́йде в про́пасть и глубину́ ви́дяи́ на́га Тя во струя́х?/ Ка́ко же не опали́т мя, всего́ от Тебе́ разгара́ема?/ Что косни́ши, Крести́телю, крести́ти Го́спода моего́?/ – Иорда́н вопие́т ко Иоа́нну, -/ что мно́гих возбраня́еши очище́ние?/ Всю тварь освяти́,/ оста́ви освяти́ти и Мене́, и водно́е естество́,/ я́ко на сие́ яви́ся.

Молитва святаго Симеона Богоприимца

Ны́не отпуща́еши раба́ Твоего́, Влады́ко, / по глаго́лу Твоему́ с ми́ром: / я́ко ви́деста о́чи мои́ спасе́ние Твое́, / е́же еси́ угото́вал пред лице́м всех люде́й, / свет во открове́ние язы́ков, / и сла́ву люде́й Твои́х Изра́иля.

Трисвятое по Отче наш:

Священник: Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Тропари

Глас 4: От ю́ности Христа́ возлюби́л еси́, блаже́нне,/ и, Тому́ Еди́ному рабо́тати пла́менне вожделе́в,/ непреста́нною моли́твою и трудо́м в пусты́ни подвиза́лся еси́,/ умиле́нным же се́рдцем любо́вь Христо́ву стяжа́в,/ избра́нник возлю́блен Бо́жия Ма́тере яви́лся еси́./ Сего́ ра́ди вопие́м ти:/ спаса́й нас мо́литвами твои́ми, Серафи́ме, преподо́бне о́тче наш.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Глас 4: Гото́вися, Завулоне,/ и красу́йся, Неффали́ме,/ Иорда́не реко́, ста́ни,/ подыми́, взыгра́я, крести́тися гряду́ща Влады́ку./ Весели́ся, Ада́ме с прама́терию,/ не кры́йта себе́, я́коже в раи́ пре́жде,/ и́бо, на́ги ви́дев вы, яви́ся,/ да облече́т в пе́рвую оде́жду:/ Христо́с яви́ся, всю тварь хотя́ обнови́ти.

Священник: Сый благослове́н Христо́с Бог наш, все́гда, ны́не и при́сно и во ве́ки веко́в.

Лик: Ами́нь.

Лик: Утверди́, Бо́же, / святу́ю правосла́вную ве́ру, правосла́вных христиа́н / во век ве́ка.

Священник: Пресвята́я Богоро́дице, спаси́ нас.

Лик: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Священник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва, и ны́не:

Го́споди, поми́луй (трижды). Благослови́.

Священник стоя у Царских врат, обращается на запад к народу и произносит отпуст.

Отпуст

Христо́с И́стинный Бог наш, моли́твами Пречи́стыя Своея́ Ма́тере, прп. Серафи́ма, Саровскаго чудотворца, и всех святы́х, поми́лует и спасе́т нас, я́ко Благ и Человеколю́бец.

Многолетие

Лик: Вели́каго господи́на и отца́ на́шего Кири́лла, / Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго (имяре́к), митрополи́та (или архиепи́скопа, или епи́скопа его́же есть о́бласть), / богохрани́мую страну́ на́шу Росси́йскую, / настоя́теля, бра́тию и прихо́жан свята́го хра́ма сего́, / и вся правосла́вныя христиа́ны, / Го́споди, сохрани́ их на мно́гая ле́та.
  • 2.9 млн. 182