Начало богослужебного дня в 16:00.

Вседневный праздник
Славословие
Полиелей
Вседневный праздник
Выберите настройки для вашего храма в Личном кабинете.
Богослужебные указания

Богослужебные указания за 8 июля 2024 года


25. Понедельник. Прмц. Февронии. Блгвв. кн. Петра, в иночестве Давида, и кн. Февронии, в иночестве Евфросинии, Муромских чудотворцев.

Прп. Далмата Исетского[1].

Служба отдания Рождества Иоанна Предтечи (см. в Минее 25 июня) и прмц. Февронии не имеет праздничного знака, совершается вместе со службой Октоиха (А). Приводим также порядок совершения службы отдания Рождества Иоанна Предтечи (см. в Минее 25 июня) в соединении со славословной службой блгвв. кнн. Петра и Февронии и службой Октоиха (Б).

А. На вечерне кафизмы нет.

На «Господи, воззвах» стихиры на 6: Предтечи (см. в Минее 25 июня), глас 4-й 3, и преподобномученицы, глас тот же 3. «Слава, и ныне» Минеи, глас 8-й: «Виждь Елисаветь...».

Входа нет. Прокимен дня.

На стиховне стихиры Октоиха, глас 1-й. «Слава, и ныне» Минеи, глас 6-й: «Елисаветь зачат...».

По Трисвятом тропарь Предтечи (см. в Минее 25 июня), глас 4-й. «Слава» тропарь преподобномученицы, глас тот же, «И ныне» Богородичен по гласу «Славы», от меньших: «Воспитавшейся во храме...».

На утрене на «Бог Господь» тропарь Предтечи (см. в Минее 25 июня), глас 4-й (дважды). «Слава» тропарь преподобномученицы, глас тот же, «И ныне» Богородичен по гласу «Славы», от меньших: «Воспитавшейся во храме...».

Кафизмы 4-я и 5-я. Малых ектений нет. Седальны Октоиха. Псалом 50-й.

Каноны: Октоиха 1-й со ирмосом на 6 (ирмосы единожды), Предтечи (см. в Минее 25 июня) на 4 и преподобномученицы на 4.

Библейские песни «Господеви поем...».

Катавасия по 3-й, 6-й, 8-й и 9-й песнях ирмосы канона Минеи (преподобномученицы).

По 3-й песни кондак преподобномученицы, глас 6-й; седален Предтечи (см. в Минее 25 июня), глас 8-й. «Слава» седален преподобномученицы, глас тот же, «И ныне» Богородичен Минеи, глас тот же.

По 6-й песни кондак и икос Предтечи (см. в Минее 25 июня), глас 3-й.

На 9-й песни поем «Честнейшую».

По 9-й песни поется «Достойно есть». Ексапостиларий Октоиха. «Слава» светилен Предтечи (см. в Минее 25 июня), «И ныне» Богородичен Минеи.

«Хвалите Господа с Небес...» и хвалитные псалмы.

Читается вседневное славословие.

На стиховне стихиры Октоиха, глас 1-й. «Слава» Предтечи, глас 2-й: «Иже от пророка...» (см. в Минее 25 июня), «И ныне» Богородичен по гласу «Славы», от меньших: «На Тя упование...».

По Трисвятом тропарь Предтечи (см. в Минее 25 июня), глас 4-й. «Слава» тропарь преподобномученицы, глас тот же, «И ныне» Богородичен по гласу «Славы», от меньших: «Яко всех еси творений...».

На часах – тропарь Предтечи (см. в Минее 25 июня). «Слава» – тропарь преподобномученицы. Кондаки преподобномученицы и Предтечи (см. в Минее 25 июня) читаются попеременно.

На Литургии вседневные антифоны.

По входе – тропари и кондаки:

В храме Господском и Богородицы – тропарь храма, тропарь дня, тропарь Предтечи (см. в Минее 25 июня), тропарь преподобномученицы; кондак дня, кондак Предтечи (см. в Минее 25 июня), кондак преподобномученицы. «Слава» – «Со святыми упокой...», «И ныне» – кондак храма.

В храме святого – тропарь дня, тропарь Предтечи (см. в Минее 25 июня)[2], тропарь храма, тропарь преподобномученицы; кондак дня, кондак Предтечи (см. в Минее 25 июня), кондак храма, кондак преподобномученицы. «Слава» – «Со святыми упокой...», «И ныне» – «Предстательство христиан...».

Прокимен, аллилуиарий и причастен дня и преподобномученицы.

Апостол и Евангелие – дня и преподобномученицы.

На сугубой ектении Божественной Литургии присоединяются особые прошения. После Литургии читается молитва святым благоверным Петру и Февронии Муромским.

Примечание. Согласно определению Священного Синода Русской Православной Церкви от 26 декабря 2012 года, в дни памяти блгвв. кн. Петра, в иночестве Давида, и кн. Февронии, в иночестве Евфросинии, Муромских чудотворцев, за Божественной Литургией следует присоединять к сугубой ектении особые прошения (см. в приложении «Богослужебных указаний»). 29 мая 2013 года Священный Синод утвердил текст молитвы святым благоверным Петру и Февронии для включения в богослужебные чинопоследования и прочтения по окончании Божественной Литургии в дни памяти святых супругов (см. в приложении «Богослужебных указаний»).


Б. На вечерне кафизмы нет.

На «Господи, воззвах» стихиры на 6: Предтечи, глас 4-й 3 (см. в службе прмц. Февронии), и благоверных князей, глас тот же 3. «Слава» – благоверных князей, глас 6-й: «Блаженно и треблаженно...», «И ныне» Минеи, глас 8-й: «Виждь, Елисаветь...» (см. в службе прмц. Февронии).

Входа нет. Прокимен дня.

На стиховне стихиры благоверных князей, глас 2-й (со своими припевами). «Слава» – благоверных князей, глас 8-й: «Радуйся и веселися о Господе...», «И ныне» Минеи, глас 6-й: «Елисаветь зачат...» (см. в службе прмц. Февронии).

По Трисвятом тропарь Предтечи (см. в службе прмц. Февронии), глас 4-й. «Слава» тропарь благоверных князей, глас 8-й, «И ныне» Богородичен воскресный, глас тот же: «Иже нас ради...».

На утрене на «Бог Господь» тропарь Предтечи (см. в службе прмц. Февронии), глас 4-й (дважды). «Слава» тропарь благоверных князей, глас 8-й, «И ныне» Богородичен воскресный, глас тот же: «Иже нас ради...».

Кафизмы 4-я и 5-я. Малые ектении. Седальны благоверных князей (по дважды). Псалом 50-й.

Каноны: Октоиха 1-й со ирмосом, без мученичнов, на 4 (ирмосы единожды), Предтечи (см. в службе прмц. Февронии) на 4 и благоверных князей на 6.

Библейские песни «Господеви поем...» (см. Типикон, 23 сентября, 1-е «зри»).

Катавасия «Отверзу уста моя...».

По 3-й песни кондак и икос благоверных князей, глас 8-й; седален Предтечи, глас тот же: «Захариин плод...» (см. в службе прмц. Февронии). «Слава» седален благоверных князей, глас 4-й, «И ныне» Богородичен Минеи, глас тот же: «Слово Отчее, Христа Бога нашего...».

По 6-й песни кондак и икос Предтечи, глас 3-й (см. в службе прмц. Февронии).

На 9-й песни поем «Честнейшую».

По 9-й песни «Достойно есть» не поется. Светилен Предтечи (см. в службе прмц. Февронии). «Слава» светилен благоверных князей, «И ныне» Богородичен Минеи: «Пресвятая Богородице...».

«Всякое дыхание...» и хвалитные псалмы.

На хвалитех стихиры благоверных князей, глас 4-й – 4. «Слава» благоверных князей, глас 2-й: «Приидите, вси языцы...», «И ныне» Богородичен Минеи, глас тот же: «На Тя упование...» (см. прил. 2-е, «В понедельник утра»).

Великое славословие. По Трисвятом тропарь Предтечи (см. в службе прмц. Февронии), глас 4-й. «Слава» тропарь благоверных князей, глас 8-й, «И ныне» Богородичен воскресный, глас тот же: «Иже нас ради...».

На часах – тропарь Предтечи (см. в службе прмц. Февронии). «Слава» – тропарь благоверных князей. Кондаки благоверных князей и Предтечи (см. в службе прмц. Февронии) читаются попеременно.

На Литургии блаженны благоверных князей, песнь 3-я – 4 (со ирмосом), и песнь 6-я – 4.

По входе – тропари и кондаки:

В храме Господском и Богородицы – тропарь храма, тропарь Предтечи (см. в службе прмц. Февронии), тропарь благоверных князей; кондак Предтечи (см. в службе прмц. Февронии). «Слава» – кондак благоверных князей, «И ныне» – кондак храма.

В храме святого – тропарь Предтечи (см. в службе прмц. Февронии)[3], тропарь храма, тропарь благоверных князей; кондак Предтечи (см. в службе прмц. Февронии), кондак храма. «Слава» – кондак благоверных князей, «И ныне» – «Предстательство христиан...».

Прокимен, аллилуиарий и причастен дня и благоверных князей.

Апостол и Евангелие – дня и благоверных князей.

На сугубой ектении Божественной Литургии присоединяются особые прошения. После Литургии читается молитва святым благоверным Петру и Февронии Муромским.

Примечание. Согласно определению Священного Синода Русской Православной Церкви от 26 декабря 2012 года, в дни памяти блгвв. кн. Петра, в иночестве Давида, и кн. Февронии, в иночестве Евфросинии, Муромских чудотворцев, за Божественной Литургией следует присоединять к сугубой ектении особые прошения (см. в приложении «Богослужебных указаний»). 29 мая 2013 года Священный Синод утвердил текст молитвы святым благоверным Петру и Февронии для включения в богослужебные чинопоследования и прочтения по окончании Божественной Литургии в дни памяти святых супругов (см. в приложении «Богослужебных указаний»).


1 На заседании Священного Синода Русской Православной Церкви 29 июля 2017 года были утверждены и рекомендованы к общецерковному богослужебному употреблению тексты тропаря и кондака прп. Далмату Исетскому. Тексты тропаря и кондака размещены на официальном сайте Русской Православной Церкви – Патриархия.ru (http://www.patriarchia.ru/db/text/4972704.html), и на сайте Издательства Московской Патриархии Русской Православной Церкви (http://nbt.rop.ru/?q=texts/tropar/395).

2 Ср.: Розанов В. Богослужебный Устав Православной Церкви. С. 299.

3 Там же.

Богослужебные указания с сайта Патриархии на каждый день.

⏶ Закрыть богослужебные указания

Вечерня

По окончании 9-го часа священник произносит начальный возглас:

Благослове́н Бог наш всегда́, ны́не и при́сно, и во ве́ки веко́в.

Чтец: Ами́нь.

Если вечерне не предшествовал девятый час, начальные молитвы читаются полностью. Чтец: Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже имы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Яко Твое́ есть Ца́рство и сила, и слава, Отца, и Сына, и Святаго Духа, ныне и присно, и во веки веков.

Лик: Ами́нь.

Го́споди, поми́луй (12 раз).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́ Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 103

Благослови́, душе́ моя́, Го́спода. Го́споди, Бо́же мой, возвели́чился еси́ зело́. Во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на гора́х ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры и нисхо́дят поля́ в ме́сто, е́же основа́л еси́ им. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, ждут она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Свои́х, от плода́ дел Твои́х насы́тится земля́. Прозяба́яй траву́ ското́м, и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Насы́тятся древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тму, и бысть нощь, в не́йже про́йдут вси зве́рие дубра́внии. Ски́мни рыка́ющии, восхи́тити и взыска́ти от Бо́га пи́щу себе́. Возсия́ со́лнце и собра́шася и в ло́жах свои́х ля́гут. Изы́дет челове́к на де́ло свое́ и на де́лание свое́ до ве́чера. Я́ко возвели́чишася дела́ Твоя́, Го́споди, вся прему́дростию сотвори́л еси́, испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́мже несть числа́, живо́тная ма́лая с вели́кими, та́мо корабли́ препла́вают, змий сей, eго́же созда́л еси руга́тися eму́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им соберу́т, отве́рзшу Тебе́ ру́ку вся́ческая испо́лнятся бла́гости, отвра́щшу же Тебе́ лице́, возмяту́тся, отъи́меши дух их, и исче́знут, и в персть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, призира́яй на зе́млю, и творя́й ю́ трясти́ся, прикаса́яйся гора́м, и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже есмь, да услади́тся Ему́ бесе́да моя́, аз же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя́, Го́спода. Со́лнце позна́ за́пад свой. Положи́л еси́ тму, и бысть нощь. Я́ко возвели́чишася дела́ Твоя́, Го́споди, вся прему́дростию сотвори́л еси́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же (Трижды).

Во время чтения 103 псалма священник тайно перед царскими вратами с непокрытой головой читает светильничные молитвы.

Светильничные молитвы

Молитва первая:

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Молитва вторая:

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, Врачу́ и Исцели́телю душ на́ших. Наста́ви нас ко Приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Молитва третия:

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Молитва четвертая:

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Молитва пятая:

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Молитва шестая:

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Молитва седмая:

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам,Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

По окончании предначинательного псалма диакон, выйдя северными вратами и став, как обычно на амвоне, произносит великую ектению.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О гра́де сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

«Господи, воззвах»

Поются псалмы 140, 141, 129, 116 со стихирами на “Господи, воззвах”; в это время диакон совершает полное каждение храма

Первый лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: еди́н есмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ним моле́ние мое́, печа́ль мою́ пред Ним возвещу́. Внегда́ исчеза́ти от мене́ ду́ху моему́: и Ты позна́л еси́ стези́ моя́: на пути́ сем, по нему́же хожда́х, скры́ша сеть мне. Смотря́х одесну́ю и возгля́дах, и не бе зна́яй мене́: поги́бе бе́гство от мене́, и несть взыска́яй ду́шу мою́. Воззва́х к Тебе́, Го́споди, рех: Ты еси́ упова́ние мое́, часть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя от гоня́щих мя, я́ко укрепи́шася па́че мене́.

На 10, стихиры: Изведи́ из темни́цы ду́шу мою́, / испове́датися и́мени Твоему́.

Сти́х: Мене́ ждут пра́ведницы / до́ндеже возда́си Мне.

На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.

Сти́х: Да бу́дут у́ши Твои́ / вне́млюще гла́су моле́ния моего́.

На 6, cти́х: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.

Глас 4: Разреша́ет Заха́риино молча́ние рожде́йся Иоа́нн,/ и́бо не подоба́ше отцу́ молча́ти, произше́дшу гла́су,/ но, я́коже неве́ровавшу пе́рвее, язы́к связа́,/ си́це я́вльшуся да́ти отцу́ свобожде́ние./ Ему́же и благовести́ся, и роди́ся глас Сло́ва/ и Све́та Предте́ча,/ моля́ о душа́х на́ших.

Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

Глас 4: Днесь глас Сло́ва/ глас, за неве́рие держи́мый, разреша́ет оте́чь/ и Це́ркви явля́ет благоча́дие,/ соу́зы непло́дствия разреша́я ма́терни./ Свети́льник Све́та предгряде́т,/ заря́ Со́лнца Пра́вды возвеща́ет прише́ствие/ в созда́ние всех и спасе́ние душ на́ших.

На 4, cти́х: От стра́жи у́тренния до но́щи, от стра́жи у́тренния, / да упова́ет Изра́иль на Го́спода.

Глас 4: Бо́жию Сло́ву хотя́щу от Де́вы роди́тися,/ А́нгел от ста́рческих чресл происхо́дит,/ вели́кий в рожде́нных жена́ми/ и проро́ков превы́шший:/ подоба́ше бо Боже́ственных веще́й пресла́вным бы́ти нача́лом,/ кроме́ во́зраста исча́дие/ и без се́мене зача́тие./ Творя́й чудеса́ во спасе́ние на́ше, сла́ва Тебе́.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

Глас 4: Страда́ние претерпе́ла еси́/ твои́м боре́нием сугу́бо,/ Февро́ние всехва́льная,/ по́ты воздержа́ния муче́ния кровь смеси́вши./ Те́мже и вене́ц сугу́б Благоде́тель тебе́ дарова́,/ к Нему́же и возшла́ еси́, испещре́на све́тло,/ я́ко де́ва всенепоро́чная/ и я́ко му́ченица непобеди́мая.

На 2, cти́х: Хвали́те Го́спода вси́ язы́цы, похвали́те Его́ вси́ лю́дие.

Глас 4: Добро́тою телесе́/ красоты́ Боже́ственныя души́ твоея́ стеко́шася,/ я́ко крин, просия́ла еси́/ во оби́телех преподо́бных, убе́лена/ и кро́вными то́ки обагре́на,/ неве́сто всенепоро́чная./ Те́мже тя и Небе́сный кра́сный прия́т Неве́стник/ и черто́г неразори́мый,/ я́ко де́ву и му́ченицу.

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Глас 4: Окрест тебе́ прии́де,/ Февро́ние всехва́льная,/ избавля́яй А́нгел,/ от младе́нства бо Го́спода боя́щися яви́ся/ и возложена́ я́ко возложе́ние че́стно,/ соблюде́но Вседержи́телю./ Те́мже попра́ла еси́ Сели́ново безу́мие/ и усе́рдно востекла́ еси́ ко Христу́, Жениху́ твоему́.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Богородичен, глас 8: Виждь Елисаве́ть, к Де́ве Мари́и глаго́лющу:/ что́ пришла́ еси́ ко мне, Ма́ти Го́спода моего́?/ Ты Царя́ но́сиши, и аз во́ина,/ Ты Законода́вца, и аз законоположи́теля,/ Ты Сло́ва, и аз гла́с,/ пропове́дающ Ца́рство Небе́сное.

Вечерняя песнь Сыну Божию

Све́те Ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя сла́вит.

Диакон: Во́нмем.

Священник: Мир всем.

Лик: И ду́хови твоему́.

Прокимен

В неделю вечера, глас 8:

Диакон: Прему́дрость. Во́нмем. Проки́мен, глас 8.

Се ны́не благослови́те Го́спода, / вси раби́ Госпо́дни.

Лик: Се ны́не благослови́те Го́спода, / вси раби́ Госпо́дни.

Диакон: Стоя́щии в хра́ме Госпо́дни, во дво́рех до́му Бо́га на́шего.

Лик: Се ны́не благослови́те Го́спода, / вси раби́ Госпо́дни.

Диакон: Се ны́не благослови́те Го́спода

Лик: Вси раби́ Госпо́дни.

Молитва при наступлении вечера

Лик: Сподо́би, Го́споди, в ве́чер сей без греха́ сохрани́тися нам. / Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки, ами́нь. /

Бу́ди, Го́споди, ми́лость Твоя́ на нас, я́коже упова́хом на Тя. / Благослове́н еси́, Го́споди, научи́ мя оправда́нием Твои́м. / Благослове́н еси́, Влады́ко, вразуми́ мя оправда́нием Твои́м. / Благослове́н еси́, Святы́й, просвети́ мя оправда́нии Твои́ми. /

Го́споди, ми́лость Твоя́ во век, дел руку́ Твое́ю не пре́зри. / Тебе́ подоба́ет хвала́. Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, / ны́не и при́сно и во ве́ки веко́в. Ами́нь.

Ектения просительная

Диакон: Испо́лним вече́рнюю моли́тву на́шу Го́сподеви.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Ве́чера всего́ соверше́нна, свя́та, ми́рна и безгре́шна у Го́спода про́сим.

Лик: Пода́й, Го́споди.

Диакон: А́нгела ми́рна, ве́рна наста́вника, храни́теля душ и теле́с на́ших у Го́спода про́сим.

Лик: Пода́й, Го́споди.

Диакон: Проще́ния и оставле́ния грехо́в и прегреше́ний на́ших у Го́спода про́сим.

Лик: Пода́й, Го́споди.

Диакон: До́брых и поле́зных душа́м нашим, и ми́ра мiрови у Го́спода про́сим.

Лик: Пода́й, Го́споди.

Диакон: Про́чее вре́мя живота́ на́шего в ми́ре и покая́нии сконча́ти у Го́спода про́сим.

Лик: Пода́й, Го́споди.

Диакон: Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник: Ми́р всем.

Лик: И ду́хови твоему́.

Диакон: Главы́ на́ша Го́сподеви прикло́ним.

Лик: Тебе́, Го́споди.

В алтаре

Молитва главопреклонения

Священник: Го́споди Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.

И возглашает священник: Бу́ди держа́ва Ца́рствия Твоего́ благослове́на и препросла́влена, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Стихиры на стиховне

Глас 1: Я́ко пучи́на мно́га прегреше́ний мои́х, Спа́се, и лю́те погружа́юся согреше́ньми мои́ми, да́ждь ми́ ру́ку я́ко Петро́ви, спаси́ мя, Бо́же, и поми́луй мя́.

Стих: К Тебе́ возведо́х о́чи мои́, живу́щему на небеси́. Се́ я́ко о́чи ра́б в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему, до́ндеже уще́дрит ны́.

Глас 1: Я́ко в помышле́ниих лука́вых и в де́лех осуди́хся, Спа́се, мы́сль мне́ да́руй обраще́ния, Бо́же, да зову́ Ти: спаси́ мя, Благоде́телю Благи́й, и поми́луй мя́.

Стих: Поми́луй на́с, Го́споди, поми́луй на́с, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих и уничиже́ния го́рдых.

Глас 1: Моли́твами, Го́споди, все́х святы́х и Богоро́дицы, ми́р тво́й да́ждь на́м, и поми́луй на́с, я́ко Еди́н Ще́др.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Богородичен, глас 6: Елисаве́ть зача́т Предте́чу благода́ти,/ Де́ва же Го́спода сла́вы,/ целова́стеся о́бе ма́тери,/ и младе́нец взыгра́ся:/ внутрь бо раб хва́ляше Влады́ку./ Удиви́вшися же, ма́ти Предте́чева нача́т вопи́ти:/ отку́ду мне се,/ да Ма́ти Го́спода моего́ прии́де ко Мне?/ Да спасе́т лю́ди отча́янныя/ Име́яй ве́лию ми́лость.

Молитва святаго Симеона Богоприимца

Ны́не отпуща́еши раба́ Твоего́, Влады́ко, / по глаго́лу Твоему́ с ми́ром: / я́ко ви́деста о́чи мои́ спасе́ние Твое́, / е́же еси́ угото́вал пред лице́м всех люде́й, / свет во открове́ние язы́ков, / и сла́ву люде́й Твои́х Изра́иля.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже имы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Тропари

Глас 4: Проро́че и Предте́че прише́ствия Христо́ва,/ досто́йно восхвали́ти тя недоуме́ем мы, любо́вию чту́щии тя:/ непло́дство бо ро́ждшия и о́тчее безгла́сие разреши́ся/ сла́вным и честны́м твои́м рождество́м,/ и воплоще́ние Сы́на Бо́жия ми́рови пропове́дуется.

Сла́ва Отцу́, и Сы́ну, и Свято́му Ду́ху.

Глас 4: А́гница Твоя́, Иису́се, Февро́ния/ зове́т ве́лиим гла́сом:/ Тебе́, Женише́ мой, люблю́,/ и, Тебе́ и́щущи, страда́льчествую,/ и сраспина́юся, и спогреба́юся креще́нию Твоему́,/ и стражду́ Тебе́ ра́ди, я́ко да ца́рствую в Тебе́/ и умира́ю за Тя, да и живу́ с Тобо́ю,/ но, я́ко же́ртву непоро́чную, приими́ мя, с любо́вию поже́ршуюся Тебе́./ Тоя́ моли́твами, я́ко Ми́лостив, спаси́ ду́ши на́ша.

И ны́не, и при́сно, и во ве́ки веко́в. Ами́нь.

Богородичен, глас 4: Воспита́вшейся во хра́ме во свята́я святы́х, / оде́янней ве́рою и прему́дростию и безме́рным де́вством, / Архистрати́г Гаврии́л принесе́ с Небесе́ целова́ние / и е́же ра́дуйся, ра́дуйся, Благослове́нная, / ра́дуйся, Препросла́вленная, Госпо́дь с Тобо́ю.

Сугубая ектения

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй. (Трижды)

Диакон: Еще́ мо́лимся о Вели́ком Го́споди́не и Отце́ на́шем Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), и всей во Христе́ бра́тии на́шей.

Лик: Го́споди, поми́луй. (Трижды)

Диакон: Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Лик: Го́споди, поми́луй. (Трижды)

Диакон: Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

Лик: Го́споди, поми́луй. (Трижды)

Диакон: Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́.

Лик: Го́споди, поми́луй. (Трижды)

Диакон: Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Лик: Го́споди, поми́луй. (Трижды)

Священник: Яко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

Диакон: Прему́дрость.

Лик: Благослови́.

Священник: Сый благослове́н Христо́с Бог наш, все́гда, ны́не и при́сно и во ве́ки веко́в.

Лик: Ами́нь.

Лик: Утверди́, Бо́же, / святу́ю правосла́вную ве́ру, правосла́вных христиа́н / во век ве́ка.

Священник: Пресвята́я Богоро́дице, спаси́ нас.

Лик: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Священник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй (трижды).

Благослови́.

Священник стоя у Царских врат, обращается на запад к народу и произносит отпуст.

Отпуст

Христо́с И́стинный Бог наш, моли́твами Пречи́стыя Своея́ Ма́тере, предста́тельствы честны́х Небе́сных Сил Безпло́тных: святы́х сла́вных и всехва́льных Апо́стол, (и свята́го, имяре́к, его́же есть храм), честно́го славного Пророка, Предтечи и Крестителя Господня Иоанна, прмц. Февро́нии девы, святы́х пра́ведных Богооте́ц Иоаки́ма и А́нны, и всех святы́х, поми́лует и спасе́т нас, я́ко Благ и Человеколю́бец.

Многолетие

Лик: Вели́каго господи́на и отца́ на́шего Кири́лла, / Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго (имяре́к), митрополи́та (или архиепи́скопа, или епи́скопа его́же есть о́бласть), / богохрани́мую страну́ на́шу Росси́йскую, / настоя́теля, бра́тию и прихо́жан свята́го хра́ма сего́, / и вся правосла́вныя христиа́ны, / Го́споди, сохрани́ их на мно́гая ле́та.