Начало богослужебного дня в 16:00.

Полиелейный праздник
Выберите настройки для вашего храма в Личном кабинете.
Богослужебные указания

Богослужебные указания за 7 февраля 2024 года


25. Среда. Свт. Григория Богослова, архиеп. Константинопольского. Сщмч. Владимира, митр. Киевского. Иконы Божией Матери, именуемой «Утоли моя печали».

Свт. Моисея, архиеп. Новгородского. Сщмч. Петра, архиеп. Воронежского[1]. Прп. Анатолия Оптинского, Старшего[2].

Совершается полиелейная или бденная служба свт. Григория Богослова (А). Приводим также схему соединения службы в честь иконы Божией Матери, именуемой «Утоли моя печали», со службой свт. Григория Богослова (Б).

Примечание. Типикон не предусматривает совершения двух бденных или полиелейных служб, и в нем нет уставной главы, которая излагала бы подобное соединение. В старинных же русских монастырских Обиходниках и в соборных Чиновниках (местные Уставы) встречается указание на соединение служб Богородицы и полиелейного святого. Так, в Чиновнике Новгородского Софийского собора изложены указания по соединению служб Покрова Пресвятой Богородицы и прп. Саввы Вишерского, который относился в Новгороде к полиелейным святым[3]. Схема соединения службы свт. Григория Богослова со службой в честь иконы Божией Матери, именуемой «Утоли моя печали», приводится с учетом этих указаний.

Данным уставом можно руководствоваться и при соединении службы в честь иконы Божией Матери, именуемой «Утоли моя печали», со службой сщмч. Владимира, митр. Киевского.

Приводим также порядок совершения полиелейной службы свт. Григория Богослова в соединении со славословной службой сщмч. Владимира, митр. Киевского[4] (В), и порядок совершения полиелейной службы сщмч. Владимира, митр. Киевского (Г).

А. На великой вечерне «Блажен муж» – 1-й антифон.

На «Господи, воззвах» стихиры святителя, глас 1-й и глас 2-й – 8 (первая и четвертая стихира – дважды)[5]. «Слава» – святителя, глас 8-й: «Бодрый язык твой...», «И ныне» – догматик, глас тот же: «Царь Небесный...».

Вход. Прокимен дня. Паримии святителя – 3.

На литии стихира храма и стихиры святителя, глас 4-й. «Слава» – святителя, глас тот же: «Божественными деяньми...», «И ныне» – Богородичен воскресный, глас тот же: «Призри на моления...».

На стиховне стихиры святителя, глас 5-й (со своими припевами). «Слава» – святителя, глас 8-й: «Сердца верных...», «И ныне» – Богородичен воскресный, глас тот же: «Безневестная Дево...».

По Трисвятом: при полиелее – тропарь святителя, глас 1-й. «Слава, и ныне» – Богородичен воскресный, глас тот же: «Гавриилу вещавшу...»; на всенощном бдении – тропарь святителя, глас 1-й (дважды), и «Богородице Дево...» (единожды).

На утрене на «Бог Господь» – тропарь святителя, глас 1-й (дважды). «Слава, и ныне» – Богородичен воскресный, глас тот же: «Гавриилу вещавшу...».

Кафизмы 10-я и 11-я. Малые ектении. Седальны святителя.

Полиелей. Величание святителя и избранный псалом. Седален святителя по полиелее, глас 8-й (дважды). «Слава, и ныне» – Богородичен Минеи, глас тот же. Степенна – 1-й антифон 4-го гласа. Прокимен святителя, глас 4-й: «Уста моя возглаголют премудрость, и поучение сердца моего разум»; стих: «Услышите сия, вси языцы, внушите, вси живущии по вселенней». Евангелие святителя – Ин., зач. 35 (от полу). По 50-м псалме: «Слава» – «Молитвами святителя...». Стихира святителя, глас 6-й: «Преподобне треблаженне...».

Каноны: Богородицы (в службе святителя) со ирмосом на 6 (ирмосы по дважды) и святителя (два канона) на 8.

Примечание. У святых, имеющих полиелей, канон Богородицы иногда находится в Минее на ряду (см., например, 17 января и 30 ноября), но иногда на ряду его нет (см., например, 6 октября). В таком случае он заимствуется из дополнительной части Октоиха (глас 8-й: «Колесницегонителя фараона...») или же из Часослова или Следованной Псалтири (глас 8-й: «Воду прошед...»).

Библейские песни «Поем Господеви...».

Катавасия «Сушу глубородительную...».

По 3-й песни – седален святителя, глас 8-й (дважды). «Слава, и ныне» – Богородичен Минеи, глас тот же.

По 6-й песни – кондак и икос святителя, глас 3-й.

На 9-й песни поем «Честнейшую».

По 9-й песни «Достойно есть» не поется. Светилен святителя. «Слава» – ин светилен святителя, «И ныне» – Богородичен Минеи.

«Всякое дыхание...» и хвалитные псалмы.

На хвалитех стихиры святителя, глас 4-й – 4. «Слава» – святителя, глас 1-й: «Цевницу Духа...», «И ныне» – Богородичен по гласу «Славы», от меньших (по выбору).

Великое славословие. По Трисвятом – тропарь святителя, глас 1-й. «Слава, и ныне» – Богородичен воскресный, глас тот же: «Гавриилу вещавшу...».

На часах – тропарь и кондак святителя.

На Литургии блаженны святителя, песнь 3-я – 4 (со ирмосом) и песнь 6-я – 4.

По входе – тропари и кондаки:

В храме Господском и Богородицы – тропарь храма, тропарь святителя. «Слава» – кондак святителя, «И ныне» – кондак храма.

В храме святого – тропарь храма, тропарь святителя; кондак храма. «Слава» – кондак святителя, «И ныне» – «Предстательство христиан...».

Прокимен, аллилуиарий и причастен – святителя.

Апостол и Евангелие – дня и святителя.

Примечание. Если в честь свт. Григория Богослова совершалось всенощное бдение:

По входе – тропари и кондаки:

В храме Господском и Богородицы – тропарь храма, тропарь святителя. «Слава» – кондак святителя, «И ныне» – кондак храма.

В храме святого – тропарь святителя. «Слава» – кондак святителя, «И ныне» – «Предстательство христиан...».

Прокимен, аллилуиарий и причастен – святителя.

Апостол и Евангелие – святителя (рядовые чтения переносятся на вторник 24 января).


Б. На великой вечерне «Блажен муж» – 1-й антифон.

На «Господи, воззвах» стихиры на 8: Богородицы – 4 и святителя – 4. «Слава» – святителя, «И ныне» – Богородицы.

Вход. Прокимен дня. Паримии Богородицы – 2 и святителя – 1.

На литии стихиры Богородицы и святителя (см. на стиховне вечера). «Слава» – святителя, «И ныне» – Богородицы.

На стиховне стихиры Богородицы (со своими припевами). «Слава» – святителя, «И ныне» – Богородицы.

По Трисвятом: при полиелее – тропарь святителя. «Слава, и ныне» – тропарь Богородицы; на всенощном бдении – тропарь Богородицы (дважды) и тропарь святителя (единожды).

На утрене на «Бог Господь» – тропарь Богородицы (дважды). «Слава» – тропарь святителя, «И ныне» – тропарь Богородицы.

Кафизмы 10-я и 11-я. Малые ектении.

По 1-м стихословии – седален Богородицы. «Слава, и ныне» – тот же седален.

По 2-м стихословии – седальны святителя (оба, помещенные в службе по 1-м и 2-м стихословии). «Слава, и ныне» – седален Богородицы.

Полиелей. Величания два – Богородицы и святителя.

Примечание. По древним Уставам, во время пения величания Богородицы предстоятель кадит только икону Божией Матери на аналое, а затем правую сторону храма и возвращается к праздничным иконам; по окончании избранного псалма – малая ектения, седальны Богородицы по полиелее. Потом начинают петь величание святителя. Предстоятель, взяв кадило, кадит только икону святителя на аналое, а затем левую сторону храма и возвращается к праздничным иконам; по окончании избранного псалма – малая ектения, седальны святителя по полиелее.

В современной практике каждение храма совершается за один раз, пение величаний и стихов избранных псалмов чередуется, седальны по полиелее поются следующим образом: седален Богородицы; «Слава» – седален святителя, «И ныне» – седален Богородицы.

Степенна – 1-й антифон 4-го гласа. Прокимен и Евангелие – Богородицы. По 50-м псалме: «Слава» – «Молитвами святителя...». Стихира Богородицы.

Каноны: Богородицы (иконы) со ирмосом на 8 (ирмосы по дважды) и святителя на 6.

Библейские песни «Поем Господеви...».

Катавасия «Сушу глубородительную...».

По 3-й песни – кондак, икос и седален святителя. «Слава, и ныне» – седален Богородицы.

По 6-й песни – кондак и икос Богородицы.

На 9-й песни поем «Честнейшую».

По 9-й песни «Достойно есть» не поется. Светилен святителя. «Слава, и ныне» – светилен Богородицы.

«Всякое дыхание...» и хвалитные псалмы.

На хвалитех стихиры на 6: Богородицы – 3 и святителя – 3. «Слава» – святителя, «И ныне» – Богородицы.

Великое славословие. По Трисвятом – тропарь святителя. «Слава, и ныне» – тропарь Богородицы.

На часах – тропарь Богородицы. «Слава» – тропарь святителя. Кондаки святителя и Богородицы читаются попеременно.

На Литургии блаженны Богородицы, песнь 3-я – 4 (со ирмосом), и святителя, песнь 6-я – 4.

На входе – «...во святых Дивен сый...»[6].

По входе – тропари и кондаки:

В храме Господском – тропарь храма, тропарь Богородицы, тропарь святителя; кондак храма. «Слава» – кондак святителя, «И ныне» – кондак Богородицы.

В храме Богородицы – тропарь Богородицы (иконы), тропарь святителя. «Слава» – кондак святителя, «И ныне» – кондак Богородицы (иконы).

В храме святого – тропарь Богородицы, тропарь храма, тропарь святителя; кондак храма. «Слава» – кондак святителя, «И ныне» – кондак Богородицы.

Прокимен, аллилуиарий и причастен – Богородицы и святителя.

Апостол и Евангелие – дня, Богородицы (под зачало) и святителя.

Примечание. Если совершалось всенощное бдение:

По входе – тропари и кондаки:

В храме Господском – тропарь храма, тропарь Богородицы, тропарь святителя; кондак храма. «Слава» – кондак святителя, «И ныне» – кондак Богородицы.

В храме Богородицы и святого – тропарь Богородицы (иконы), тропарь святителя. «Слава» – кондак святителя, «И ныне» – кондак Богородицы (иконы).

Прокимен, аллилуиарий и причастен – Богородицы и святителя.

Апостол и Евангелие – Богородицы и святителя (рядовые чтения переносятся на вторник 24 января).


В. На великой вечерне «Блажен муж» – 1-й антифон.

На «Господи, воззвах» стихиры на 8: святителя, глас 1-й и глас 2-й – 4 и священномученика, глас 4-й – 4. «Слава» – святителя, глас 8-й: «Бодрый язык твой...», «И ныне» – догматик, глас тот же: «Царь Небесный...».

Вход. Прокимен дня. Паримии святителя – 3.

На стиховне стихиры святителя, глас 5-й (со своими припевами). «Слава» – священномученика, глас 8-й: «Буди имя Господне...», «И ныне» – Богородичен воскресный, глас тот же: «Безневестная Дево...»; или Богородичен Минеи (на ряду), глас тот же: «Приидите, людие...».

По Трисвятом – тропарь святителя, глас 1-й. «Слава» – тропарь священномученика (по выбору); «И ныне» – Богородичен воскресный по гласу «Славы».

На утрене на «Бог Господь» – тропарь святителя, глас 1-й (дважды). «Слава» – тропарь священномученика (по выбору); «И ныне» – Богородичен воскресный по гласу «Славы».

Кафизмы 10-я и 11-я. Малые ектении. Седальны святителя.

Полиелей. Величание святителя и избранный псалом. Седален святителя по полиелее, глас 8-й (дважды). «Слава, и ныне» – Богородичен Минеи, глас тот же. Степенна – 1-й антифон 4-го гласа. Прокимен святителя, глас 4-й: «Уста моя возглаголют премудрость, и поучение сердца моего разум»; стих: «Услышите сия, вси языцы, внушите, вси живущии по вселенней». Евангелие святителя – Ин., зач. 35 (от полу). По 50-м псалме: «Слава» – «Молитвами святителя...». Стихира святителя, глас 6-й: «Преподобне треблаженне...».

Каноны: Богородицы (в службе святителя) со ирмосом на 4 (ирмосы по дважды), святителя на 6 и священномученика на 4.

Примечание. У святых, имеющих полиелей, канон Богородицы иногда находится в Минее на ряду (см., например, 17 января и 30 ноября), но иногда на ряду его нет (см., например, 6 октября). В таком случае он заимствуется из дополнительной части Октоиха (глас 8-й: «Колесницегонителя фараона...») или же из Часослова или Следованной Псалтири (глас 8-й: «Воду прошед...»).

Библейские песни «Поем Господеви...».

Катавасия «Сушу глубородительную...».

По 3-й песни – кондак и икос священномученика, глас 2-й; седален священномученика, глас 8-й. «Слава» – седален святителя, глас тот же, «И ныне» – Богородичен Минеи, глас тот же: «Помышленьми поползся...».

По 6-й песни – кондак и икос святителя, глас 3-й.

На 9-й песни поем «Честнейшую».

По 9-й песни «Достойно есть» не поется. Светилен святителя. «Слава» – светилен священномученика, «И ныне» – Богородичен Минеи: «Преблагословенна еси...».

«Всякое дыхание...» и хвалитные псалмы.

На хвалитех стихиры на 6: святителя, глас 4-й – 3 и священномученика, глас 8-й – 3. «Слава» – святителя, глас 1-й: «Цевницу Духа...», «И ныне» – Богородичен по гласу «Славы», от меньших (по выбору).

Великое славословие. По Трисвятом – тропарь святителя, глас 1-й. «Слава» – тропарь священномученика (по выбору), «И ныне» – Богородичен воскресный по гласу «Славы».

На часах – тропарь святителя. «Слава» – тропарь священномученика. Кондаки священномученика и святителя читаются попеременно.

На Литургии блаженны святителя, песнь 3-я – 4 (со ирмосом), и священномученика, песнь 6-я – 4.

По входе – тропари и кондаки:

В храме Господском и Богородицы – тропарь храма, тропарь святителя, тропарь священномученика; кондак святителя. «Слава» – кондак священномученика, «И ныне» – кондак храма.

В храме святого – тропарь храма, тропарь святителя, тропарь священномученика; кондак храма, кондак святителя. «Слава» – кондак священномученика, «И ныне» – «Предстательство христиан...».

Прокимен и аллилуиарий – святителя и священномученика.

Апостол – дня, святителя (под зачало) и священномученика.

Евангелие – дня и святых (Ин., зач. 36)[7].

Причастен: «В память вечную...»[8].


Г. На великой вечерне «Блажен муж» – 1-й антифон.

На «Господи, воззвах» стихиры священномученика, глас 4-й – 6 (первая стихира – дважды). «Слава» – священномученика, глас 8-й: «Боголюбивому отцу твоему...», «И ныне» – догматик, глас тот же: «Царь Небесный...».

Вход. Прокимен дня. Паримии священномученика – 3.

На стиховне стихиры священномученика, глас 8-й (со своими припевами). «Слава» – священномученика, глас тот же: «Буди имя Господне...», «И ныне» – Богородичен воскресный, глас тот же: «Безневестная Дево...», или Богородичен Минеи (на ряду), глас тот же: «Приидите, людие...».

По Трисвятом – тропарь священномученика (по выбору). «Слава, и ныне» – Богородичен воскресный по гласу тропаря.

На утрене на «Бог Господь» – тропарь священномученика (по выбору; дважды). «Слава, и ныне» – Богородичен воскресный по гласу тропаря.

Кафизмы 10-я и 11-я. Малые ектении. Седальны священномученика (по дважды).

Полиелей. Величание священномученика и избранный псалом. Седален священномученика по полиелее, глас 4-й: «Вонмем, о христолюбивии людие...» (дважды). «Слава, и ныне» – Богородичен Минеи, глас тот же: «Кто возможет разлучити нас...». Степенна – 1-й антифон 4-го гласа. Прокимен священномученика, глас 4-й: «Честна пред Господем смерть преподобных Его»; стих: «Что воздам Господеви о всех, яже воздаде ми?». Евангелие – Лк., зач. 67. По 50-м псалме: «Слава» – «Молитвами священномученика...». Стихира священномученика, глас 6-й: «Приидите, вернии...».

Каноны: Богородицы со ирмосом на 6 (ирмосы по дважды) и священномученика на 8.

Примечание. У святых, имеющих полиелей, канон Богородицы иногда находится в Минее на ряду (см., например, 17 января и 30 ноября), но иногда на ряду его нет (см., например, 6 октября). В таком случае он заимствуется из дополнительной части Октоиха (глас 8-й: «Колесницегонителя фараона...») или же из Часослова или Следованной Псалтири (глас 8-й: «Воду прошед...»).

Библейские песни «Поем Господеви...».

Катавасия «Сушу глубородительную...».

По 3-й песни – седален священномученика, глас 8-й (дважды). «Слава, и ныне» – Богородичен Минеи, глас тот же.

По 6-й песни – кондак и икос священномученика, глас 2-й.

На 9-й песни поем «Честнейшую».

По 9-й песни «Достойно есть» не поется. Светилен священномученика (дважды). «Слава, и ныне» – Богородичен Минеи.

«Всякое дыхание...» и хвалитные псалмы.

На хвалитех стихиры священномученика, глас 8-й – 4 (первая стихира – дважды). «Слава» – священномученика, глас тот же: «Святителие Церкве Российския...», «И ныне» – Богородичен Минеи, глас тот же: «Владычице, приими...».

Великое славословие. По Трисвятом – тропарь священномученика (по выбору). «Слава, и ныне» – Богородичен воскресный по гласу тропаря.

На часах – тропарь и кондак священномученика.

На Литургии блаженны священномученика, песнь 3-я – 4 (со ирмосом) и песнь 6-я – 4.

По входе – тропари и кондаки:

В храме Господском и Богородицы – тропарь храма, тропарь священномученика. «Слава» – кондак священномученика, «И ныне» – кондак храма.

В храме святого – тропарь храма, тропарь священномученика; кондак храма. «Слава» – кондак священномученика, «И ныне» – «Предстательство христиан...».

Прокимен, аллилуиарий и причастен – священномученика.

Апостол и Евангелие – дня и священномученика (Евр., зач. 334; Ин., зач. 36).

1 На заседании Священного Синода Русской Православной Церкви 28 декабря 2017 года был утвержден и рекомендован к общецерковному богослужебному употреблению текст службы священномученику Петру, архиепископу Воронежскому. Текст службы размещен на официальном сайте Русской Православной Церкви – Патриархия.ru (http://www.patriarchia.ru/db/text/5090885.html), и на сайте Издательства Московской Патриархии Русской Православной Церкви (http://nbt.rop.ru/?q=texts/sluzhba/410).

2 На заседании Священного Синода Русской Православной Церкви 16–17 июля 2020 года был утвержден к общецерковному богослужебному употреблению текст службы преподобному Анатолию Оптинскому старшему. Текст службы размещен на официальном сайте Русской Православной Церкви – Патриархия.ru (http://www.patriarchia.ru/db/text/5664488.html), и на сайте Издательства Московской Патриархии Русской Православной Церкви (http://nbt.rop.ru/?q=texts/sluzhba/511).

3 Голубцов А. П. Чиновник Новгородского Софийского собора. М., 1899. С. 36–37.

4 См.: Минея-Январь. Ч. 2. М., 2002. С. 594–605.

5 Ср.: Минея-Январь. Киев, 1893. Л. 270 об.–271.

6 В церковно-богослужебной практике (ср.: Розанов Н., прот. Руководство для лиц, отправляющих церковные богослужения... в Московском Кафедральном Христа Спасителя соборе и Московском Большом Успенском соборе в течение всего года... М., 1901. С. 25) в подобных случаях, а также на двунадесятые Богородичные праздники, их предпразднство, попразднство и отдание обычно поется «...молитвами Богородицы...», хотя Типикон не дает такого указания. «Припев: „Спаси ны, Сыне Божий, молитвами Богородицы, поющия Ти...” – продукт литургической самодеятельности. Его не знает ни Устав, ни литургика. Он и стилистически шероховат (слова „молитвами Богородицы” в подобных припевах стоят в начале, а после „Сыне Божий” требуется определение с артиклем ὁ). По Уставу и на праздники Богородичные положен припев „Спаси ны, Сыне Божий, во святых Дивен сый...”. По-видимому, отцы – составители Устава видели в Богородице Возглавительницу всего лика святых» (из письма проф. Д. П. Огицкого свт. Афанасию (Сахарову) от 19–22 апреля 1961 года; см.: Переписка Д. П. Огицкого с епископом Афанасием (Сахаровым) // Журнал Московской Патриархии. М., 1997. № 7. С. 71).

7 Евангельские чтения святителя и священномученика совпадают.

8 Причастны святителя и священномученика совпадают.

Богослужебные указания с сайта Патриархии на каждый день.

⏶ Закрыть богослужебные указания

Великая Вечерня

По окончании 9-го часа священник произносит начальный возглас:

Благослове́н Бог наш всегда́, ны́не и при́сно, и во ве́ки веко́в.

Чтец: Ами́нь.

Если вечерне не предшествовал девятый час, начальные молитвы читаются полностью.

Чтец: Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, поми́луй нас (трижды). Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже имы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Яко Твое́ есть Ца́рство и сила, и слава, Отца, и Сына, и Святаго Духа, ныне и присно, и во веки веков.

Лик: Ами́нь.

Го́споди, поми́луй (12 раз).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́ Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 103

Благослови́, душе́ моя́, Го́спода. Го́споди, Бо́же мой, возвели́чился еси́ зело́. Во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на гора́х ста́нут во́ды, от запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры и нисхо́дят поля́ в ме́сто, е́же основа́л еси́ им. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, ждут она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Свои́х, от плода́ дел Твои́х насы́тится земля́. Прозяба́яй траву́ ското́м, и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Насы́тятся древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тму, и бысть нощь, в не́йже про́йдут вси зве́рие дубра́внии. Ски́мни рыка́ющии, восхи́тити и взыска́ти от Бо́га пи́щу себе́. Возсия́ со́лнце и собра́шася и в ло́жах свои́х ля́гут. Изы́дет челове́к на де́ло свое́ и на де́лание свое́ до ве́чера. Я́ко возвели́чишася дела́ Твоя́, Го́споди, вся прему́дростию сотвори́л еси́, испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́мже несть числа́, живо́тная ма́лая с вели́кими, та́мо корабли́ препла́вают, змий сей, eго́же созда́л еси руга́тися eму́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им соберу́т, отве́рзшу Тебе́ ру́ку вся́ческая испо́лнятся бла́гости, отвра́щшу же Тебе́ лице́, возмяту́тся, отъи́меши дух их, и исче́знут, и в персть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, призира́яй на зе́млю, и творя́й ю́ трясти́ся, прикаса́яйся гора́м, и дымя́тся. Воспою́ Го́сподеви в животе́ мое́м, пою́ Бо́гу моему́, до́ндеже есмь, да услади́тся Ему́ бесе́да моя́, аз же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя́, Го́спода. Со́лнце позна́ за́пад свой. Положи́л еси́ тму, и бысть нощь. Я́ко возвели́чишася дела́ Твоя́, Го́споди, вся прему́дростию сотвори́л еси́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же (Трижды).

Во время чтения 103 псалма священник тайно перед царскими вратами с непокрытой головой читает светильничные молитвы.

Светильничные молитвы

Молитва первая:

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Молитва вторая:

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, Врачу́ и Исцели́телю душ на́ших. Наста́ви нас ко Приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Молитва третия:

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Молитва четвертая:

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Молитва пятая:

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Молитва шестая:

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Молитва седмая:

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам,Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

По окончании предначинательного псалма диакон, выйдя северными вратами и став, как обычно на амвоне, произносит великую ектению.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О гра́де сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Кафизма 1

Псалом 1

Псало́м Дави́ду. Блаже́н му́ж, и́же не и́де на сове́т нечести́вых, и на пути́ гре́шных не ста́, и на седа́лищи губи́телей не се́де: но в зако́не Госпо́дни во́ля его́, и в зако́не Его́ поучи́тся де́нь и но́щь. И бу́дет я́ко дре́во насажде́ное при исхо́дищих во́д, е́же пло́д сво́й да́ст во вре́мя свое́, и ли́ст его́ не отпаде́т: и вся́, ели́ка а́ще твори́т, успе́ет. Не та́ко нечести́вии, не та́ко: но я́ко пра́х, его́же возмета́ет ве́тр от лица́ земли́. Сего́ ра́ди не воскре́снут нечести́вии на су́д, ниже́ гре́шницы в сове́т пра́ведных. Я́ко ве́сть Госпо́дь пу́ть пра́ведных, и пу́ть нечести́вых поги́бнет.

Псалом 2

Псало́м Дави́ду. Вску́ю шата́шася язы́цы, и лю́дие поучи́шася тще́тным? Предста́ша ца́рие зе́мстии, и кня́зи собра́шася вку́пе на Го́спода и на Христа́ Его́. Расто́ргнем у́зы и́х и отве́ржем от на́с и́го и́х. Живы́й на небесе́х посмее́тся и́м, и Госпо́дь поруга́ется и́м. Тогда́ возглаго́лет к ни́м гне́вом Свои́м и я́ростию Свое́ю смяте́т я́: А́з же поста́влен е́смь Ца́рь от Него́ над Сио́ном, горо́ю свято́ю Его́, возвеща́яй повеле́ние Госпо́дне. Госпо́дь рече́ ко Мне́: Сы́н Мо́й еси́ Ты́, А́з дне́сь роди́х Тя́: проси́ от Мене́, и да́м ти́ язы́ки достоя́ние Твое́, и одержа́ние Твое́ концы́ земли́: упасе́ши я́ жезло́м желе́зным, я́ко сосу́ды скуде́льничи сокруши́ши я́. И ны́не, ца́рие, разуме́йте, накажи́теся вси́ судя́щии земли́. Рабо́тайте Го́сподеви со стра́хом, и ра́дуйтеся Ему́ со тре́петом. Приими́те наказа́ние, да не когда́ прогне́вается Госпо́дь, и поги́бнете от пути́ пра́веднаго, егда́ возгори́тся вско́ре я́рость Его́: блаже́ни вси́ наде́ющиися На́нь.

Псалом 3

Псало́м Дави́ду, внегда́ отбега́ше от лица́ Авессало́ма сы́на своего́. Го́споди, что́ ся умно́жиша стужа́ющии ми́? Мно́зи востаю́т на мя́, мно́зи глаго́лют души́ мое́й: не́сть спасе́ния ему́ в Бо́зе его́. Ты́ же, Го́споди, засту́пник мо́й еси́, сла́ва моя́, и вознося́й главу́ мою́. Гла́сом мои́м ко Го́споду воззва́х, и услы́ша мя́ от горы́ святы́я Своея́. А́з усну́х, и спа́х, воста́х, я́ко Госпо́дь засту́пит мя́. Не убою́ся от те́м люди́й, о́крест напа́дающих на мя́. Воскре́сни́, Го́споди, спаси́ мя, Бо́же мо́й: я́ко Ты́ порази́л еси́ вся́ вражду́ющыя ми́ всу́е, зу́бы гре́шников сокруши́л еси́. Госпо́дне е́сть спасе́ние, и на лю́дех Твои́х благослове́ние Твое́.

Чтец: Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Ектения малая

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Возглашение: Я́ко Твоя́ держа́ва, и Твое́ есть ца́рство, и си́ла, и сла́ва, Отца́ и Сы́на и Свята́го Ду́ха, ныне, и при́сно, и во ве́ки веко́в.

Лик: Ами́нь.

«Господи, воззвах»

Поются псалмы 140, 141, 129, 116 со стихирами на “Господи, воззвах”; в это время диакон совершает полное каждение храма

Первый лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: еди́н есмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ним моле́ние мое́, печа́ль мою́ пред Ним возвещу́. Внегда́ исчеза́ти от мене́ ду́ху моему́: и Ты позна́л еси́ стези́ моя́: на пути́ сем, по нему́же хожда́х, скры́ша сеть мне. Смотря́х одесну́ю и возгля́дах, и не бе зна́яй мене́: поги́бе бе́гство от мене́, и несть взыска́яй ду́шу мою́. Воззва́х к Тебе́, Го́споди, рех: Ты еси́ упова́ние мое́, часть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя от гоня́щих мя, я́ко укрепи́шася па́че мене́.

На 10, стихиры: Изведи́ из темни́цы ду́шу мою́, / испове́датися и́мени Твоему́.

Сти́х: Мене́ ждут пра́ведницы / до́ндеже возда́си Мне.

На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.

Глас 1: О́тче Григо́рие,/ твои́х у́стен/ ни хода́тай забве́ния гроб затвори́:/ Богосло́вия бо яви́лся еси́ уста́,/ благоче́стия догма́ты/ и ны́не вселе́нней веща́я./ Те́мже моли́ся/ дарова́ти душа́м на́шим/ мир и ве́лию ми́лость.

Сти́х: Да бу́дут у́ши Твои́ / вне́млюще гла́су моле́ния моего́.

Глас 1: О́тче Григо́рие,/ твои́х у́стен/ ни хода́тай забве́ния гроб затвори́:/ Богосло́вия бо яви́лся еси́ уста́,/ благоче́стия догма́ты/ и ны́не вселе́нней веща́я./ Те́мже моли́ся/ дарова́ти душа́м на́шим/ мир и ве́лию ми́лость.

На 6, cти́х: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.

Глас 1: О́тче Григо́рие,/ му́дре пло́ти уклони́лся еси́/ благопребыва́тельнаго и наве́тнаго,/ на неботе́чную же всед/ четвероко́нную доброде́телей колесни́цу,/ впери́лся еси́ к добро́те неизрече́нней./ Ея́же насыща́яся,/ ны́не подае́ши душа́м на́шим/ мир и ве́лию ми́лость.

Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

Глас 1: О́тче Григо́рие,/ му́дре пло́ти уклони́лся еси́/ благопребыва́тельнаго и наве́тнаго,/ на неботе́чную же всед/ четвероко́нную доброде́телей колесни́цу,/ впери́лся еси́ к добро́те неизрече́нней./ Ея́же насыща́яся,/ ны́не подае́ши душа́м на́шим/ мир и ве́лию ми́лость.

На 4, cти́х: От стра́жи у́тренния до но́щи, от стра́жи у́тренния, / да упова́ет Изра́иль на Го́спода.

Глас 1: О́тче Григо́рие,/ Бо́гу и челове́ком/ был еси́ ве́рен хода́тай благода́тию,/ и ны́не благоми́лостивна/ благодерзнове́нными моли́твами/ положи́в нам Христа́,/ не преста́й Го́спода моля́, преподо́бне,/ дарова́ти душа́м на́шим/ мир и ве́лию ми́лость.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

Глас 2: Прииди́те, свяще́нными пе́сньми/ да восхва́лим Богоглаго́ливаго Григо́рия,/ о́ко благода́ти и всему́драя уста́ Ду́ха Свята́го,/ све́тлаго свети́льника вселе́нныя,/ ве́лие Це́ркви оглаше́ние,/ сла́ву Правосла́вия,/ всечу́дную Богосло́вия струю́,/ Боже́ственных догма́тов приснотеку́щую реку́,/ исто́чник, всегда́ кипя́щий/ нетле́ния Боже́ственныя во́ды.

На 2, cти́х: Хвали́те Го́спода вси́ язы́цы, похвали́те Его́ вси́ лю́дие.

Глас 2: Любо́вию духо́вною днесь да воспои́м иера́рха,/ апо́столов единонра́внаго/ и благоче́стия побо́рника,/ благоглаго́лания наводне́ние,/ пото́к учи́тельства, зело́ сладча́йший,/ слове́с высокоглаго́льных тве́рдость,/ небогро́мная уста́, огнеды́шущий язы́к,/ прему́дрости сокро́вище, Сло́ва пропове́дника,/ ве́рных удобре́ние.

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Глас 2: Пе́сньми до́лжными вси да восхва́лим Богосло́ва,/ Христо́вы па́ствы стра́жа, ловца́ волко́в/ и всему́драго пле́велов любоде́йчищных исторга́теля,/ се́ятеля же пра́вых до́гматов всечу́днаго,/ отгони́теля ерети́чествующих зело́ крепча́йшаго,/ возрасти́вшаго же и́стинно бодростию Боже́ственною Христо́вы тала́нты,/ я́коже лепо, и мир просвети́вшаго/ уче́ний Боже́ственными светлостьми́.

Сла́ва Отцу́, и Сы́ну, и Свято́му Ду́ху.

Глас 8: Бо́дрый язы́к твой ко уче́нию,/ во ушесе́х серде́чных возглаша́ющий,/ лени́вых ду́ши возставля́ет,/ и Боговеща́нными глаго́лы ле́ствица обрета́ется,/ от земли́ к Бо́гу возводя́щая./ Те́мже, Григо́рие Богосло́ве,/ не преста́й моля́ся Христу́/ от бед спасти́ ду́ши на́ша.

И ны́не, и при́сно, и во ве́ки веко́в. Ами́нь.

Богородичен, глас 8: Царь Небе́сный / за человеколю́бие на земли́ яви́ся / и с челове́ки поживе́, / от Де́вы бо Чи́стыя плоть прие́мый / и из Нея́ проше́дый с восприя́тием, / Еди́н есть Сын, сугу́б естество́м, / но не Ипоста́сию. / Те́мже, соверше́нна Того́ Бо́га / и соверше́нна Челове́ка вои́стинну пропове́дающе, / испове́дуем Христа́ Бо́га на́шего: / Его́же моли́, Ма́ти Безневе́стная, / поми́ловатися душа́м на́шим.

В алтаре

Когда совершается Великая вечерня, то во время пения заключительной стихиры открываются Царские врата и совершается вход с кадилом. Священник с диаконом в предшествии свещеносцев исходят из алтаря северной дверью и становятся на обычном месте перед Царскими вратами.

Диакон: Благослови́, влады́ка, свято́й вход!

Священник: Благослове́н вход святы́х Твои́х всегда́, ны́не и при́сно, и во ве́ки веко́в.

Диакон, изображая крест кадилом, возглашает: Прему́дрость, про́сти.

В алтаре

Диакон входит в алтарь, а за ним и священник, оба отходят на горнее место.

Вечерняя песнь Сыну Божию

Све́те Ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя сла́вит.

Диакон: Во́нмем.

Священник: Мир всем.

Лик: И ду́хови твоему́.

Прокимен

Во вторник вечера, глас 1:

Диакон: Прему́дрость. Во́нмем. Проки́мен, глас 1.

Ми́лость Твоя́, Го́споди, / пожене́т мя вся дни живота́ моего́.

Лик: Ми́лость Твоя́, Го́споди, / пожене́т мя вся дни живота́ моего́.

Диакон: Госпо́дь пасе́т мя, и ничто́же мя лиши́т, на ме́сте зла́чне, та́мо всели́ мя.

Лик: Ми́лость Твоя́, Го́споди, / пожене́т мя вся дни живота́ моего́.

Диакон: Ми́лость Твоя́, Го́споди

Лик: пожене́т мя вся дни живота́ моего́.

Чтение Святого Писания

Святителя Григория Богослова

Диакон: Прему́дрость.

Чтец: При́тчей чте́ние.

Диакон: Во́нмем.

Чтец: Па́мять пра́веднаго с похвала́ми, и благослове́ние Госпо́дне на главе́ его́. Блаже́н челове́к, и́же обре́те Прему́дрость, и сме́ртен, и́же уве́де ра́зум. Лу́чше бо Сию́ купова́ти, не́жели зла́та и сребра́ сокро́вища. Честне́йшая же есть ка́мений многоце́нных, все же честно́е недосто́йно Ея́ есть. Долгота́ бо дней и ле́та живота́ в десни́це Ея́, в шу́йце же Ея́ бога́тство и сла́ва. От уст Ея́ исхо́дит пра́вда, зако́н же и ми́лость на язы́це но́сит. Послу́шайте у́бо Мене́, о ча́да, честна́я бо реку́: и блаже́н челове́к, и́же пути́ Моя́ сохрани́т; исхо́ди бо Мои́, исхо́ди живота́, и уготовля́ется хоте́ние от Го́спода. Сего́ ра́ди молю́ вас и предлага́ю Мой глас сыново́м челове́ческим: я́ко Аз, прему́дрость устро́их, сове́т и ра́зум, и смысл Аз призва́х. Мой сове́т и утвержде́ние, Мой ра́зум, Моя́ же кре́пость. Аз Мене́ лю́бящия люблю́, и́щущии же Мене́ обря́щут благода́ть. Разуме́йте у́бо, незло́бивии, кова́рство, ненака́заннии же, прилага́йте сердца́. Послу́шайте Мене́ и па́ки, честна́я бо реку́: и отве́рзу от усте́н пра́вая, я́ко и́стине поучи́тся горта́нь Мой, ме́рзки же пре́до Мно́ю устны́ лжи́выя. С пра́вдою вси глаго́лы уст Мои́х, ничто́же в них стро́потно, ниже́ развраще́нно. Вся пра́ва суть разумева́ющим и про́ста обрета́ющим ра́зум. Науча́ю бо вас и́стине, да бу́дет о Го́споде наде́жда ва́ша, и испо́лнитеся Ду́ха.

Диакон: Прему́дрость.

Чтец: Прему́дрости Соломо́новы чте́ние.

Диакон: Во́нмем.

Чтец: Уста́ пра́веднаго ка́плют прему́дрость, устне́ же муже́й му́дрых ве́дят благода́ть. Уста́ му́дрых поуча́тся прему́дрости, пра́вда же избавля́ет их от сме́рти. Сконча́вшуся му́жу пра́ведну, не поги́бнет наде́жда. Сын бо пра́веден ражда́ется в живо́т и во благи́х свои́х плод пра́вды обы́мет. Свет пра́ведным всегда́, и от Го́спода обря́щут благода́ть и сла́ву. Язы́к му́дрых до́брая свесть, и в се́рдце их почи́ет му́дрость. Лю́бит Госпо́дь преподо́бная сердца́, прия́тни же Ему́ вси непоро́чнии в пути́. Му́дрость Госпо́дня просвеща́ет лице́ разу́мнаго. Постига́ет бо жела́ющия Ю́, пре́жде да́же разуме́ти Ю́, и удо́бь у́зрится от лю́бящих Ю́. У́треневавый к Ней не утруди́тся, и бдяй Ея́ ра́ди вско́ре без печа́ли бу́дет. Я́ко досто́йных Ея́ Сама́ обхо́дит, и́щущи, и во стезя́х Ея́ явля́ется им благоприе́мне. Му́дрости никогда́же одоле́ет зло́ба. Сих ра́ди и рачи́тель бых добро́ты Ея́, и возлюби́х Ю́, и поиска́х от ю́ности моея́. И взыска́х Неве́сту привести́ себе́, я́ко всех Влады́ка возлюби́ Ю́. Таи́нница бо есть Бо́жия хи́трости, и обрета́тельница дел Его́. Труды́ Ея́ суть доброде́тели: целому́дрию же и ра́зуму Та учи́т, пра́вде и му́жеству, и́хже потре́бнее ничто́же есть в житии́ челове́ком. А́ще же и мно́гаго иску́сства жела́ет кто, весть дре́вняя, и бы́ти хотя́щая разсмо́трит. Свесть изви́тия слове́с и разреше́ния гада́ний, зна́мения и чудеса́ проразуме́ет, и сбытия́ време́н и лет; и всем сове́тник есть благ, я́ко безсме́ртие есть в Ней и благосла́вие во обще́нии слове́с Ея́. Сего́ ра́ди бесе́довах ко Го́споду, и помоли́хся Ему́, и рех от всего́ се́рдца моего́: Бо́же отце́в и Го́споди ми́лости, сотвори́вый вся Сло́вом Твои́м и Му́дростию Твое́ю устро́ивый челове́ка, да владе́ет бы́вшими от Тебе́ тварьми́ и да управля́ет мир в преподо́бии и пра́вде. Даждь ми Твои́х Престо́лов приседя́щую Прему́дрость и не отлучи́ мене́ от о́трок Твои́х, я́ко аз раб Твой и сын рабы́ни Твоея́. Посли́ Ю́ с Небе́с от свята́го жили́ща Твоего́, и от Престо́ла сла́вы Твоея́, да су́щи со мно́ю, научи́т мя, что благоуго́дно есть пред Тобо́ю, и наста́вит мя в ра́зум, и сохрани́т мя в сла́ве Свое́й. Помышле́ния бо сме́ртных вся боязли́ва, и погреши́тельна умышле́ния их.

Диакон: Прему́дрость.

Чтец: Прему́дрости Соломо́новы чте́ние.

Диакон: Во́нмем.

Чтец: Пра́ведник, а́ще пости́гнет сконча́тися, в поко́и бу́дет: ста́рость бо честна́ не многоле́тна, ниже́ в числе́ лет исчита́ется. Седи́на же есть му́дрость челове́ком, и во́зраст ста́рости житие́ нескве́рно. Благоуго́ден Бо́гу быв, возлю́блен бысть, и живы́й посреде́ гре́шник преста́влен бысть, восхище́н бысть, да не зло́ба измени́т ра́зума его́ или́ лесть прельсти́т ду́шу его́. Раче́ние бо зло́бы помрача́ет до́брая и паре́ние по́хоти пременя́ет ум незло́бив. Сконча́вся вма́ле, испо́лни ле́та до́лга, уго́дна бо бе Го́сподеви душа́ его́, сего́ ра́ди потща́ся от среды́ лука́вствия. Лю́дие же ви́девше и не разуме́вше, ниже́ положи́вше в помышле́нии таково́е, я́ко благода́ть и ми́лость в преподо́бных Его́ и посеще́ние во избра́нных Его́.

Ектения сугубая

Диакон: Рцем вси от всея́ души́, и от всего́ помышле́ния на́шего рцем.

Лик: Го́споди, поми́луй.

Диакон: Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Лик: Го́споди, поми́луй.

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй. (Трижды)

Еще молимся о Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), и о всей во Христе братии нашей.

Лик: Го́споди, поми́луй. (Трижды)

Диакон: Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Лик: Го́споди, поми́луй. (Трижды)

Диакон: Еще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

Лик: Го́споди, поми́луй. (Трижды)

Диакон: Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́ (если в монастыре: святы́я оби́тели сея́).

Лик: Го́споди, поми́луй. (Трижды)

Диакон: Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Лик: Го́споди, поми́луй. (Трижды)

Священник: Яко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

Молитва при наступлении вечера

Лик: Сподо́би, Го́споди, в ве́чер сей без греха́ сохрани́тися нам. / Благослове́н еси́, Го́споди Бо́же оте́ц на́ших, / и хва́льно и просла́влено и́мя Твое́ во ве́ки, ами́нь. /

Бу́ди, Го́споди, ми́лость Твоя́ на нас, я́коже упова́хом на Тя. / Благослове́н еси́, Го́споди, научи́ мя оправда́нием Твои́м. / Благослове́н еси́, Влады́ко, вразуми́ мя оправда́нием Твои́м. / Благослове́н еси́, Святы́й, просвети́ мя оправда́нии Твои́ми. /

Го́споди, ми́лость Твоя́ во век, дел руку́ Твое́ю не пре́зри. / Тебе́ подоба́ет хвала́. Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, / ны́не и при́сно и во ве́ки веко́в. Ами́нь.

Ектения просительная

Диакон: Испо́лним вече́рнюю моли́тву на́шу Го́сподеви.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Ве́чера всего́ соверше́нна, свя́та, ми́рна и безгре́шна у Го́спода про́сим.

Лик: Пода́й, Го́споди.

Диакон: А́нгела ми́рна, ве́рна наста́вника, храни́теля душ и теле́с на́ших у Го́спода про́сим.

Лик: Пода́й, Го́споди.

Диакон: Проще́ния и оставле́ния грехо́в и прегреше́ний на́ших у Го́спода про́сим.

Лик: Пода́й, Го́споди.

Диакон: До́брых и поле́зных душа́м нашим, и ми́ра мiрови у Го́спода про́сим.

Лик: Пода́й, Го́споди.

Диакон: Про́чее вре́мя живота́ на́шего в ми́ре и покая́нии сконча́ти у Го́спода про́сим.

Лик: Пода́й, Го́споди.

Диакон: Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Священник: Ми́р всем.

Лик: И ду́хови твоему́.

Диакон: Главы́ на́ша Го́сподеви прикло́ним.

Лик: Тебе́, Го́споди.

В алтаре

Молитва главопреклонения

Священник: Го́споди Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́. Тебе́ бо стра́шному и человеколю́бцу судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния, я́же сохрани́ на вся́кое вре́мя и по настоя́щем ве́чере, и в приходя́щую но́щь, от вся́каго врага́, от вся́каго проти́внаго де́йства диа́вольскаго и от помышле́ний су́етных, и воспомина́ний лука́вых.

И возглашает священник: Бу́ди держа́ва Ца́рствия Твоего́ благослове́на и препросла́влена, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Стихиры на стиховне

Глас 5: Ра́дуйся, Богосло́вия исто́чниче/ и Богозре́ния высо́каго оби́тель:/ вы́шнюю бо глубину́, о́тче,/ с благочести́вым по́мыслом испыта́в,/ всем уясни́л еси́/ в Трие́х Со́лнцех Еди́но Све́та бы́ти растворе́ние,/ соединя́емое то́ждеством Божества́,/ тро́ичествуемое же Честны́ми Ипоста́сьми,/ жития́ у́бо чистото́ю и слове́с све́тлостию/ чествова́ти науча́я Тро́ицу Всесвяту́ю, Богодохнове́нне./ От Нея́же низпосла́тися душа́м на́шим моли́ ве́лию ми́лость.

Стих: Уста́ моя́ возглаго́лют прему́дрость,/ и поуче́ние се́рдца моего́ ра́зум.

Глас 5: Заре́ю Богосло́вия твоего́/ ересе́й темнонеи́стовство разруши́л еси́,/ исто́чник бо озаре́ний/ Богочести́вым по́мыслом, Богосло́ве, предвари́в и Богому́дрым,/ све́тлостем су́щим, отону́ду подава́емым, приобщи́лся еси́./ Просия́телен бо твой ум, я́коже зерца́ло, соде́лавый,/ Тро́ичный Божества́, о́тче, Свет и Неразде́льный/ прия́л еси́ светле́йший,/ и Лучу́, бога́тно еди́нственную, вмести́л еси́,/ Ю́же ны́не умоли́/ душа́м на́шим дарова́ти ве́лию ми́лость.

Стих: Уста́ пра́веднаго поуча́тся прему́дрости,/ и язы́к его́ возглаго́лет суд.

Глас 5: Ра́дуйся, реко́ Бо́жия,/ я́же при́сно полна́ вод благода́ти,/ всяк веселя́щая град Царя́ Христа́/ Боже́ственными словесы́ и уче́ньми;/ сла́достный пото́к, неисчерпа́емая пучи́на,/ догма́тов изве́стный храни́тель зако́нный;/ тепле́йший Тро́ицы побо́рник,/ орга́н Ду́ха Свята́го,/ ум бо́дрый, благогла́сный язы́к,/ глубину́ писа́ний сказу́ющий./ Христа́ ны́не моли́/ душа́м на́шим дарова́ти ве́лию ми́лость.

Сла́ва Отцу́, и Сы́ну, и Свято́му Ду́ху.

Глас 8: Сердца́ ве́рных земледе́лая язы́ком твои́м, Григо́рие,/ благоче́стия в них присноцвету́щия израсти́л еси́ плоды́ Бо́гу,/ терно́вныя е́реси посека́я из ко́рене/ и украша́я смы́слы чистото́ю./ Те́мже, прие́мля на́ша похвалы́,/ Боже́ственная цевни́це, бо́дрое о́ко,/ па́стырей па́стырь, волко́в лове́ц,/ моли́ся приле́жно, Богосло́ве, Сло́ву/ о душа́х на́ших.

И ны́не, и при́сно, и во ве́ки веко́в. Ами́нь.

Богородичен, глас 8: Безневе́стная Де́во, / я́же Бо́га неизрече́нно заче́нши пло́тию, / Ма́ти Бо́га Вы́шняго, / Твои́х рабо́в мольбы́ приими́, Всенепоро́чная, / всем подаю́щи очище́ние прегреше́ний, / ны́не на́ша моле́ния прие́млющи, / моли́ спасти́ся всем нам.

Молитва святаго Симеона Богоприимца

Ны́не отпуща́еши раба́ Твоего́, Влады́ко, / по глаго́лу Твоему́ с ми́ром: / я́ко ви́деста о́чи мои́ спасе́ние Твое́, / е́же еси́ угото́вал пред лице́м всех люде́й, / свет во открове́ние язы́ков, / и сла́ву люде́й Твои́х Изра́иля.

Трисвятое по Отче наш:

Священник: Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Тропари

Глас 1: Па́стырская свире́ль богосло́вия твоего́/ ри́торов победи́ трубы́,/ я́коже бо глубины́ ду́ха изыска́вшу,/ и добро́ты веща́ния приложи́шася тебе́./ Но моли́ Христа́ Бо́га, о́тче Григо́рие,// спасти́ся душа́м на́шим.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Богородичен, глас 1: Гаврии́лу веща́вшу Тебе́, Де́во, ра́дуйся, / со гла́сом воплоща́шеся всех Влады́ка / в Тебе́, святе́м киво́те, / я́коже рече́ пра́ведный Дави́д, / яви́лася еси́ ши́ршая Небе́с, / поноси́вши Зижди́теля Твоего́: / сла́ва Все́льшемуся в Тя; / сла́ва Проше́дшему из Тебе́; / сла́ва Свободи́вшему нас Рождество́м Твои́м.

Священник: Сый благослове́н Христо́с Бог наш, все́гда, ны́не и при́сно и во ве́ки веко́в.

Лик: Ами́нь.

Лик: Утверди́, Бо́же, / святу́ю правосла́вную ве́ру, правосла́вных христиа́н / во век ве́ка.

Священник: Пресвята́я Богоро́дице, спаси́ нас.

Лик: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Священник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва, и ны́не:

Го́споди, поми́луй (трижды). Благослови́.

Священник стоя у Царских врат, обращается на запад к народу и произносит отпуст.

Отпуст

Христо́с И́стинный Бог наш, моли́твами Пречи́стыя Своея́ Ма́тере, свт. Григо́рия Богослова, архиепископа Константинопольского, и всех святы́х, поми́лует и спасе́т нас, я́ко Благ и Человеколю́бец.

Многолетие

Лик: Вели́каго господи́на и отца́ на́шего Кири́лла, / Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго (имяре́к), митрополи́та (или архиепи́скопа, или епи́скопа его́же есть о́бласть), / богохрани́мую страну́ на́шу Росси́йскую, / настоя́теля, бра́тию и прихо́жан свята́го хра́ма сего́, / и вся правосла́вныя христиа́ны, / Го́споди, сохрани́ их на мно́гая ле́та.
  • 2.9 млн. 226