Иван Ловягин
Глас пятый
На малой вечерне
Стихиры.
| Боголе́пную и честну́ю Отрокови́цу почти́м, Пречестну́ю Херуви́мов: Соде́тель бо все́х вочелове́читися восхоте́вый, в Ту́ю всели́ся неизрече́нно. О стра́нных веще́й, и пресла́вных та́инств! Кто́ не удиви́тся о се́м внуши́вый, я́ко Бо́г Челове́к быва́ет, и преложе́ние в Не́м не бе́? И де́вства врата́ про́йде, и умале́ние в Не́м не оста́вися, я́коже проро́к глаго́лет: челове́к сия́ не про́йдет когда́, то́кмо еди́н Госпо́дь Бо́г Изра́илев, име́яй ве́лию ми́лость. | Почтим Божественную и священную Отроковицу, честнейшую херувимов; ибо в Нее непостижимо вселился Создатель всех, восхотев вочеловечиться. Какие необычайные дела и какие непостижимые тайны! Кто не изумится, услышав о том, что Бог становится человеком, не претерпев в Себе Самом изменения, (что) Он прошел вратами Девы, но в Ней не произошло лишения?39 как говорит пророк: человек никогда не пройдет этими (вратами), кроме единого Господа Бога израилева, имеющего великую милость. (Иез. 44:2.) |
| Ру́це простира́ю к Тебе́, и скве́рнеи устне́ отверза́ю к моле́нию, и преклоня́ю серде́чное коле́но, и у́мно нога́м Твои́м пречи́стым ны́не прикаса́юся, Чи́стая: и припа́даю к Тебе́: боле́зни моя́ исцели́, ле́тныя моя́ мно́гия и неисце́льныя бла́гостию Твое́ю исцели́ стру́пы. Изба́ви от ви́димых враго́в и неви́димых: облегчи́, Отрокови́це, тяготу́ ле́ности моея́, я́ко да Тя́ пою́ и сла́влю, Е́юже обре́те ми́р ве́лию ми́лость. | Простираю к Тебе руки, Чистая, открываю свои нечистые уста для молитвы, преклоняю колена сердца, мысленно прикасаюсь ныне к Твоим пречистым ногам и припадаю к Тебе: по Своему милосердию исцели мои болезни, уврачуй мои многочисленные, долговременные и неизлечимые раны, избавь от видимых и невидимых врагов, облегчи тяжесть лености моей, Отроковица, чтобы я воспевал и прославлял Тебя, чрез Которую мир обрел великую милость. |
| Ра́дуйся, Сы́на Бо́жия несказа́нно заче́ншая, Всенепоро́чная, и Сего́ ро́ждшая, пло́ть по на́м вои́стинну от крове́й Твои́х прии́мшаго, ду́шу у́мную же и самовла́стную иму́щаго: неоску́дно бо во Ада́ма обле́кшагося, ми́лости ра́ди и бла́гости неизрече́нныя. Отону́дуже во двою́ естеству́ на́м возвеща́ется, обои́х показу́яй в Себе́ де́йство Христо́с: Его́же моли́ душа́м на́шым да́ти ве́лию ми́лость. | Радуйся, Всенепорочная, непостижимо зачавшая и плотию родившая Сына Божия, от крови Твоей по истине воспринявшего нашу плоть и имеющего разумную и свободную душу, всецело облекшегося в Адама по милости и неизреченной благости. Посему проповедуется нам Христос в двух естествах, как явивший в Себе действия обоих естеств. Молись Ему – даровать душам нашим великую милость. |
| Ра́дуйся добро́то Иа́ковля, Ю́же избра́ Бо́г, Ю́же возлюби́, две́ре спаса́емых, пламеноно́сная клеще́, кля́твы разреше́ние, Всеблагослове́нная: чре́во Боговмести́мое, па́дших возведе́ние: Святе́йшая Херуви́мов, и тва́рей преиму́щая: неудобозри́мое виде́ние, слы́шание нове́йшее, неизрече́нное глаго́лание, колесни́це Сло́ва: о́блаче, из него́же возсия́ Со́лнце, и мене́ озаря́я, и су́щым во тьме́ подая́ ве́лию ми́лость. | Радуйся, Всеблагословенная, красота Иакова, которую избрал и которую возлюбил Бог, дверь спасаемых, пламенные клещи, освобождение от проклятия, вместившее Бога чрево, восстановление падших, святейшая херувимов и превосходящая тварей, неудобозримое видение, необычайный слух, несказанная речь, колесница Слова, облако, из которого воссияло Солнце, озаряющее меня и пребывающим во тьме подающее великую милость. |
| Я́же о Тебе́ проро́чествия, испо́лнишася, Де́во Чи́стая: о́в у́бо от проро́к две́рь Тя́ прорече́, во Еде́ме на восто́к зря́щую, ю́же никто́же про́йде, то́чию Зижди́тель Тво́й, и всего́ ми́ра: о́в же купину́ огне́м жего́му, я́ко в Тебе́ обита́ о́гнь Божества́, и неопали́ма пребы́сть, и́н го́ру святу́ю, от нея́же отсече́ся ка́мень краеуго́льный, кроме́ ру́ки челове́ческия, и порази́ о́браз мы́сленнаго Навуходоно́сора: вои́стинну ве́лие и пресла́вное, е́же в Тебе́ та́инство е́сть, Богома́ти. Те́мже Тя́ сла́вим: Тобо́ю бо бы́сть спасе́ние душа́м на́шым. | Исполнились бывшие о Тебе пророчества, Дева чистая: один из пророков назвал Тебя вратами в Едеме, обращенными на восток, которыми не проходил никто, кроме Создателя Твоего и всего мира (Иез. 42:2); другой – пылавшею огнем купиною, ибо в Тебя вселился Божественный огнь и Ты осталась неопалимою (Исх. гл. 3); третий – святою горою, от которой, без помощи человеческих рук, отсечен краеугольный камень, поразивший истукан мысленного Навуходоносора (Дан. 2:34–35). По истине велико и необычайно совершившееся в Тебе таинство, Богоматерь! Посему прославляем Тебя, ибо чрез Тебя совершилось спасение душ наших. |
На великой вечерне
А) Стихиры на «Господи воззвах».
| Честны́м Твои́м Кресто́м, Христе́, диа́вола посрами́л еси́, и Воскре́снием Твои́м жа́ло грехо́вное притупи́л еси́, и спа́сл еси́ ны́ от вра́т сме́ртных: сла́вим Тя́, Единоро́дне. | Своим честным крестом Ты, Христе, посрамил диавола и Своим воскресением притупил жало греха и спас нас от врат смерти. Прославляем Тебя, Единородный. |
| Воскре́сение дая́й ро́ду челове́ческому, я́ко овча́ на заколе́ние веде́ся: устраши́шася Сего́ кня́зи а́дстии, и взя́шася врата́ плаче́вная. Вни́де бо Ца́рь сла́вы Христо́с, глаго́ля су́щым во у́зах, изыди́те: и су́щым во тьме́, откры́йтеся. | Дарующий воскресение роду человеческому, как овца, веден был на заклание. Устрашились Его князи ада, и отверзлись врата мучений; ибо вошел Царь славы – Христос и сказал узникам: «выходите», и пребывавшим во тьме: «откройтесь». (Ис. 53:7. Деян. 8:32. Пс. 23:7. 9.) |
| Ве́лие чу́до, неви́димых Соде́тель, за человеколю́бие пло́тию пострада́в, воскре́се Безсме́ртный, прииди́те оте́чествия язы́к, Тому́ поклони́мся: благоутро́бием бо Его́ от пре́лести изба́вльшеся, в трие́х Ипоста́сех еди́наго Бо́га пе́ти навыко́хом. | Великое чудо! Создатель невидимого, по человеколюбию пострадав плотию, воскрес (как) Бессмертный. Приидите, племена народов, поклонимся Ему; ибо мы, Его милосердием избавившись от заблуждений, научились прославлять единого в трех ипостасях Бога. |
| Вече́рнее поклоне́ние прино́сим Тебе́, Невече́рнему Све́ту, на коне́ц веко́в, я́ко в зерца́ле пло́тию возсия́вшему ми́рови, и да́же до а́да низше́дшему, и та́мо су́щую тьму́ разруши́вшему, и све́т Воскре́сения язы́ком показа́вшему: Светода́вче Го́споди, сла́ва Тебе́. | Вечернее поклонение приносим Тебе – незаходимому свету, на конце времен чрез плоть, как бы в зеркале, воссиявшему для мира, нисшедшему даже до ада, уничтожившему тамошнюю тьму и явившему народам свет воскресения. Податель света Господи, слава Тебе! |
| Нача́льника спасе́ния на́шего, Христа́ славосло́вим: Тому́ бо из ме́ртвых воскре́сшу, ми́р от пре́лести спасе́н бы́сть. Ра́дуется ли́к а́нгельский, бе́гает де́монов пре́лесть, Ада́м пады́й воста́, диа́вол упраздни́ся. | Прославим виновника нашего спасения – Христа; ибо чрез воскресение Его из мертвых мир спасся от заблуждений, радуется лик Ангелов, бежит обольщение демонов, падший Адам восстает, и обессилен дьявол. (Евр. 2:10.) |
| И́же от кустоди́и науче́ни быва́ху от беззако́нник, покры́йте Христо́во воста́ние, и приими́те сре́бреники, и рцы́те я́ко на́м спя́щым, из гро́ба укра́ден бы́сть ме́ртвый. Кто́ ви́де, кто́ слы́ша, мертвеца́ укра́дена когда́, па́че же пома́зана и на́га, оста́вльша и во гро́бе погреба́льная своя́? Не прельща́йтеся, иуде́е, навы́кните рече́нием проро́ческим, и уразуме́йте, я́ко То́й е́сть вои́стинну Изба́витель ми́ра, и Всеси́льный. | Стражи были (так) научаемы беззаконниками: скройте воскресение Христа, возьмите серебро и скажите, что во время нашего сна мертвеца украли из гроба. Кто видел, кто слышал, чтобы крали когда-нибудь мертвеца, в особенности – помазанного миром и нагого, оставившего во гробе даже свои погребальные (пелены)? Не прельщайтесь, иудеи; поймите предсказания пророков и убедитесь, что Он – по истине Избавитель мира и Всемогущий. (Мф. 28:12–13.) |
| Го́споди, а́д плени́вый, и сме́рть попра́вый, Спа́се на́ш, просвети́вый ми́р Кресто́м честны́м, поми́луй на́с. | Господи, пленивший ад и поправший смерть, Спаситель наш, честным Своим крестом просветивший мир! помилуй нас. |
Богородичен.
| В Чермне́м мо́ри, Неискусобра́чныя Неве́сты о́браз написа́ся иногда́: та́мо Моисе́й, раздели́тель воды́: зде́ же Гаврии́л, служи́тель чудесе́. Тогда́ глубину́ ше́ствова немо́кренно Изра́иль: ны́не же Христа́ роди́ безсе́менно Де́ва. Мо́ре по проше́ствии Изра́илеве, пребы́сть непрохо́дно: Непоро́чная по Рождестве́ Емману́илеве, пребы́сть Нетле́нна. Сы́й, и пре́жде Сы́й, явле́йся я́ко Челове́к, Бо́же, поми́луй на́с. | Некогда в Чермном море был начертан образ не познавшей брака Невесты. Там Моисей – разделитель воды; здесь Гавриил – служитель чуда. Тогда Израиль (морскую) глубину прошел не мокрыми стопами; ныне Дева родила Христа бессеменно. Море после прохода Израиля осталось непроходимым; непорочная (Дева) после рождения Еммануила осталась неповрежденною. Боже сущий, прежде сущий и явившийся как человек! помилуй нас. (Исх. 3:14.) |
В) Стихиры на стиховне.
| Тебе́, Воплоще́ннаго Спа́са Христа́, и Небе́с не разлучи́вшася, во гла́сех пе́ний велича́ем: я́ко Кре́ст и сме́рть прия́л еси́ за ро́д на́ш, я́ко Человеколю́бец Госпо́дь, испрове́ргий а́дова врата́, тридне́вно воскре́сл еси́, спаса́я ду́шы на́шя. | Гласом песнопений величаем Тебя, воплотившегося, но не оставившего небес Спасителя Христа; ибо Ты за род наш воспринял крест и смерть, как человеколюбивый Господь, разрушил врата ада и в третий день воскрес, спасая души наши. |
| Прободе́ным Твои́м ре́бром, Жизнода́вче, то́ки оставле́ния все́м источи́л еси́, жи́зни и спасе́ния: пло́тию же сме́рть восприя́л еси́, безсме́ртие на́м да́руя: всели́в же ся во гро́б на́с свободи́л еси́, совоскреси́в с Собо́ю сла́вно я́ко Бо́г. Сего́ ра́ди вопие́м: Человеколю́бче Го́споди, сла́ва Тебе́. | Своими прободенными ребрами Ты, Жизнеподатель, открыл всем источники отпущения (грехов), жизни и спасения; плотию Ты претерпел смерть, чтобы даровать нам бессмертие; вселившись во гроб, Ты освободил нас и торжественно воскресил нас с Собою, как Бог. Посему восклицаем: Человеколюбец Господи, слава Тебе! |
| Стра́нно Твое́ распя́тие, и е́же во а́д соше́ствие, Человеколю́бче, е́сть: плени́в бо его́, и дре́вния ю́зники совоскреси́в с Собо́ю сла́вно я́ко Бо́г, ра́й отве́рз, восприя́ти сего́ сподо́бил еси́. Те́мже и на́м сла́вящым Твое́ тридне́вное Воста́ние, да́руй очище́ние грехо́в: рая́ жи́тели сподобля́я, я́ко Еди́н Благоутро́бен. | Необычайно Твое распятие и сошествие во ад, Человеколюбец: пленив его, Ты торжественно воскресил с Собою древних узников, как Бог, и отворив рай, сподобил их войти в него. Посему и нам, прославляющим Твое тридневное восстание, даруй прощение грехов и соделай (нас) жителями рая, как единый милосердый. |
| На́с ра́ди пло́тию стра́сть прии́мый, и тридне́вен из ме́ртвых воскресы́й, плотски́я на́шя стра́сти исцели́, и возста́ви от прегреше́ний лю́тых, Человеколю́бче, и спаси́ на́с. | Ради нас плотию претерпевший страдания и в третий день из мертвых воскресший! исцели немощи плоти нашей, избавь нас от тяжких грехов, Человеколюбец, и спаси нас. |
| Хра́м и Две́рь еси́, Пала́та и Престо́л Царе́в, Де́во Всечестна́я, Е́юже Изба́витель мо́й, Христо́с Госпо́дь, во тьме́ спя́щым яви́ся, Со́лнце Сы́й пра́вды, просвети́ти хотя́, я́же созда́ по о́бразу Своему́ руко́ю Свое́ю. Те́мже, Всепе́тая, я́ко Ма́терне дерзнове́ние к Нему́ стяжа́вшая, непреста́нно моли́ спасти́ся душа́м на́шым. | Ты, всечестная Дева, – храм и дверь, чертог и престол Царя; чрез Тебя избавитель мой – Христос Господь, Солнце правды, явился пребывавшим во тьме, желая просветить тех, кого Он Своею рукою создал по Своему образу. Посему, Всепетая, как имеющая к Нему материнское дерзновение, непрестанно молись Ему о спасении душ наших. |
В) Тропарь воскресный.
| Собезнача́льное Сло́во Отцу́ и Ду́хови, от Де́вы Ро́ждшееся на спасе́ние на́ше, воспои́м ве́рнии и поклони́мся: я́ко благоволи́ пло́тию взы́ти на Кре́ст, и сме́рть претерпе́ти, и воскреси́ти уме́ршыя сла́вным Воскре́снием Свои́м. | Прославим, верующие, безначальное со Отцом и Духом Слово, для нашего спасения родившееся от Девы, и поклонимся Ему; ибо Оно благоволило плотию вознестись на крест, претерпеть смерть и воскресить умерших славным воскресением Своим. |
Богородичен.
| Ра́дуйся, Две́ре Госпо́дня непроходи́мая: ра́дуйся Стено́ и Покро́ве притека́ющих к Тебе́. Ра́дуйся, Необурева́емое Приста́нище, и Неискусобра́чная, Ро́ждшая пло́тию Творца́ Твоего́ и Бо́га: моля́щи не оскудева́й о воспева́ющих, и кла́няющихся Рождеству́ Твоему́. | Радуйся, непроходимая дверь Господа! Радуйся, стена и защита прибегающих к Тебе! Радуйся, тихое пристанище и непознавшая брака (Дева), родившая плотию Творца Своего и Бога! Не преставай молиться о прославляющих и почитающих рождество Твое. |
Канон полунощницы
Песнь 1. Ирмос.
| Коня́ и вса́дника в мо́ре Чермно́е, сокруша́яй бра́ни мы́шцею высо́кою, Христо́с истрясе́: Изра́иля же спасе́, побе́дную пе́снь пою́ща. | Христос, сокрушающий врагов Своею могучею мышцею, коней и всадников (египетских) ввергнул в Чермное море и спас израильтян, воспевавших победную песнь. (Ис. 15: 1.) |
Тропари.
| Держа́ву Еди́нственнаго и Трисо́лнечнаго зра́ка воспева́юще вопие́м: у́м на́ш озари́, Бо́же Всеси́льне, и к Твое́й Влады́ко, возвы́си сла́ве неизрече́нней. | Прославляя державу единого и трисолнечного естества, восклицаем: ум наш просвети, всемогущий Боже, и возвысь его к Твоей неизреченной славе, Владыко. |
| Горе́ Тя а́нгельская удобре́ния у́мная немо́лчно пою́т Трисвяты́ми пе́сньми, Еди́ницу Тричи́сленную, и Тро́ицу Сообра́зну, Пресу́щественну, Всеси́льну. | На небесах разумные чины Ангелов непрестанно трисвятыми песнями прославляют Тебя – троичную Единицу и соестественную, пресущественную и всемогущую Троицу. |
| Боже́ственное питие́ Твоея́ любве́, сладча́йшее, светоде́йственное, души́ мое́й пода́ждь, Тро́ице Еди́нице Светонача́льная, и Боже́ственное умиле́ние чисти́тельное, Влады́ко Многоми́лостиве, всея́ тва́ри. | Даруй душе моей сладчайшее и светоподательное питие Твоей любви и Божественное и очистительное умиление, Троица – Единица, Виновник света и многомилостивый Владыка всякой твари. |
| Я́коже на руно́ сни́де без шу́ма с небесе́, Де́во, до́ждь в ложесна́ Твоя́ Боже́ственный: и спасе́ все́ изсо́хшее челове́ческое естество́, Пречи́стая. | В Твою утробу, Дева, как на руно, тихо сошел с небес Божественный дождь40 и спас все иссохшее человеческое естество, Пречистая. |
Песнь 3. Ирмос.
| Водрузи́вый на ничесо́мже зе́млю повеле́нием Твои́м, и пове́сивый неодержи́мо тяготе́ющую, на недви́жимем Христе́, ка́мени за́поведей Твои́х, Це́рковь Твою́ утверди́, Еди́не Бла́же и Человеколю́бче. | Своим повелением утвердивший ни на чем тяжелую землю и недержимо повесивший ее, Христе! на неподвижном камне заповедей Твоих утверди Церковь Твою, единый Благой и Человеколюбец! (Иов. 26:7.) |
Тропари.
| Умы́слив у́мная существа́, соста́вил еси́ певцы́ непреста́нныя Твоего́ Божества́, Трисве́тлый Бо́же и Вседе́телю: но и бре́нных и земноро́дных приими́ моле́ние и мольбу́, я́ко Благоутро́бен. | Сотворив разумные существа, Ты сделал их непрестанными певцами Твоего Божества, трисветлый и вседетельный Боже. Но приими молитвы и мольбы и (нас) бренных и земнородных, как милосердый. |
| И́же вся́каго по естеству́ премене́ния неприя́тен, изменя́емым на́м и пою́щым, неизсле́димый исто́чник Твоея́ бла́гости, согреше́ний да́ждь проще́ние, и спасе́ние, я́ко Благоутро́бен. | По естеству чуждый всякого изменения (Боже)! Нам, подверженным изменению и воспевающим неисследимый источник Твоей благости, даруй прощение грехов и спасение, как милосердый. |
| Отца́ и Сы́на, и Ду́ха сла́вим, в непреме́ннем зра́це Божества́ Тебе́ Еди́нственнаго и Трисия́ннаго Го́спода все́х, я́коже проро́цы, и апо́столи от Тебе́ я́ве научи́шася. | Прославляем Тебя – Отца, Сына и Духа, при едином естестве Божества единого и трисиянного Господа всех, как пророки и Апостолы от Тебя ясно научились. |
| Яви́лся еси́ Моисе́ю в купине́, я́ко а́нгел сове́та Вели́каго Вседержи́телева, Твое́ е́же от Де́вы проявля́я воплоще́ние, Бо́жий Сло́ве: и́мже на́с претвори́л еси́, и на небеса́ возве́л еси́. | Ты, Божие Слово, явился Моисею в купине как Ангел великого совета Вседержителя, предвозвещая Свое воплощение от Девы, чрез которое Ты обновил нас и возвел на небеса. (Исх. 3 гл.). |
Седален.
| Ми́лостива еси́ Тро́ице Неразде́льная: ми́луеши бо все́х, я́ко Всеси́льная и Всеще́дра, Сострада́тельна и Многоми́лостива. Те́мже прибега́ем к Тебе́, и́же грехми́ мно́гими отягча́еми взыва́юще: очи́сти Твоя́ рабы́, и изба́ви все́х вся́кия му́ки. | Милостива Ты, нераздельная Троица; ибо милуешь всех, как всемогущая, всещедрая, сострадательная и многомилостивая. Посему мы, обремененные множеством грехов, прибегаем к Тебе, восклицая: умилосердись над рабами Твоими и избавь всех от всякого мучения. |
Богородичен.
| Всесвята́я Де́во, поми́луй на́с прибега́ющих ве́рою к Тебе́ Благоутро́бней, и прося́щих те́плаго Твоего́ ны́не заступле́ния: мо́жеши бо я́ко Блага́я все́х спасти́, я́ко су́щи Ма́ти Бо́га Вы́шняго, Ма́терния Твоя́ моли́твы при́сно употребля́ющи, Богоблагода́тная. | Всесвятая Дева! помилуй нас, с верою прибегающих к Тебе милосердной и просящих ныне теплой Твоей помощи; ибо Ты, как благая, как Матерь Всевышнего Бога, Своими непрестанными материнскими молитвами можешь спасти всех, Богоблагодатная. |
Песнь 4. Ирмос.
| Боже́ственное Твое́ разуме́в истоща́ние, прозорли́во Авваку́м, Христе́, со тре́петом вопия́ше Тебе́: во спасе́ние люде́й Твои́х, спасти́ пома́занныя Твоя́ прише́л еси́. | Аввакум, пророческим взором увидев Твое Божественное истощание, Христе, с трепетом восклицал Тебе: для спасения народа Своего, спасти помазанников пришел Ты. (Авв. 3:13.) |
Тропари.
| Та́йно науча́ется Еди́наго Госпо́дьства Трисве́тлому Дании́л, Христа́ Судию́ узре́в ко Отцу́ иду́ща, и Ду́ха проявля́юща виде́ние. | Даниил посвящается в тайну тройственного света единого Господа, узрев Судию Христа, грядущего к Отцу, и Духа, проявляющего видение. (Дан. 7 гл.) |
| Бре́нными пою́щих Тя́ усты́, Пресу́щественнаго Бо́га, Тро́ична Ипоста́сьми, Еди́нственна же Естество́м, сла́вы а́нгельския сподо́би. | Бренными устами прославляющих Тебя – пресущественного Бога, троичного по ипостасям, но единого по естеству, удостой Ангельской славы. |
| Гора́ ча́стая и присе́нная, Ю́же ви́дев пре́жде Авваку́м, из Нея́же про́йде Святы́й: неудо́бь зри́мое Рождество́ явля́ше Твоего́, Де́во, зача́тия. | Лесистая и тенистая гора, которую некогда видел Аввакум и из которой исшел Святой, предизображала непостижимое рождение Твоего зачатия, Дева. (Авв. 3:3.) |
Песнь 5. Ирмос.
| Одея́йся све́том я́ко ри́зою, к Тебе́ у́треннюю, и Тебе́ зову́: ду́шу мою́ просвети́ омраче́нную, Христе́, я́ко Еди́н Благоутро́бен. | Облекающийся в свет, как в одежду! от ранней зари обращаюсь к Тебе и восклицаю Тебе: омраченную мою душу просвети, Христе, как единый милосердый. |
Тропари.
| И́же за бла́гость созда́вый челове́ка, и по о́бразу Твоему́ сотво́рь, во мне́ обита́й, Трисве́тне Бо́же мо́й, я́ко Бла́г и Благоутро́бен. | По своей благости создавший человека и сотворивший его по Своему образу! вселись в меня, три светлый Боже мой, как благой и милосердый. |
| Ты́ мя наста́ви, Еди́нице Трисо́лнечная, к стезя́м Боже́ственным спасе́ния, и Твоего́ сия́ния испо́лни, я́ко естество́м Бо́г Неисчетноси́лен. | Ты наставь меня на путь Божественного спасения, трисолнечная Единица, и наполни меня Твоим сиянием, как Бог, по естеству обладающий беспредельным могуществом. |
| Све́т Неразде́льный Еди́наго Естества́, разделе́нный начерта́ньми, Трисия́нный, Невече́рний, мое́ се́рдце луча́ми Твои́ми озари́. | Нераздельный свет единого естества, (но) разделенный по ипостасям, трисиянный, незаходимый! Своими лучами озари сердце мое. |
| Я́ко ви́де Тя́ дре́вле, Чи́стая Пренепоро́чная, проро́к, зря́щая врата́ к Све́ту Незаходи́мому, а́бие Тя́ позна́ Бо́жие Жили́ще. | Некогда пророк, увидев Тебя, чистая, непорочная (Дева), под видом врат, обращенных к незаходимому Свету, немедленно познал Тебя, как Божие жилище. (Иез. 44 гл.) |
Песнь 6. Ирмос.
| Неи́стовствующееся бу́рею душетле́нною, Влады́ко Христе́, страсте́й мо́ре укроти́, и от тли́ возведи́ мя́, я́ко Благоутро́бен. | Владыка Христе! утиши свирепствующее смертоносною бурею море страстей и избавь меня от тления, как милосердый. |
Тропари.
| Трисве́тлое су́ще Богонача́лие Ипоста́сне, Еди́нственна еси́, я́ко сообра́зна и Равноде́тельна, и по существу́ и хоте́нию. | Будучи трисветлым по ипостасям, Ты, Боже, – един, как соестественный и равнодейственный по существу и воле. |
| Дово́льно изъяви́ проро́к, поя́ Отцу́ Твоему́ Све́ту: у́зрим Ду́хом, Све́т Сы́на, Еди́наго Бо́га Трисо́лнечнаго. | Пророк, воспевая Отцу: «Твоим светом – Духом узрим свет – Сына», ясно возвестил о едином трисолнечном Боге. (Пс. 35:10.) |
| Прегреше́ний избавле́ние и бе́д, Влады́ко Бо́же, Еди́нственне и Трисве́тне, низпосли́ Твои́м певце́м, моли́твами Богома́тере. | Единый и трисветлый Боже владыка! прославляющим Тебя даруй избавление от грехов и бед по молитвам Богоматери. |
Седален.
| Трисо́лнечный Све́т славосло́вим, и Про́стей Тро́ице ны́не поклони́мся, я́ко просвети́ на́с и поми́лова, и изба́ви от тли́ ве́сь ро́д челове́ческий, избавля́ющи от пре́лести и́дольския ве́сь ми́р, и Ца́рство на́м подаде́. | Ныне прославим трисолнечный свет и поклонимся единой Троице; ибо Она просветила и помиловала нас, избавила от тления весь род человеческий, освободивши от идольских заблуждений весь мир, и даровала нам царство. |
Богородичен.
| Недоуме́вся от все́х, к Тебе́ прибего́х к Наде́жди все́х, и Прибе́жищу гре́шных и смире́нных, зовы́й: согреши́х, и пребыва́ю в злы́х, нечу́вствуя окая́нный. Поми́луй мя́, пре́жде конца́ обрати́ мя, и изба́ви вся́кия му́ки, недосто́йнаго. | Беспомощный во всем, я прибегнул к Тебе – надежде всех и прибежищу грешных и смиренных, восклицая: согрешил я, но пребываю во зле, не сознавая того, – погибший я. Помилуй меня, прежде кончины обрати и избавь от всякого наказания меня недостойного. |
Песнь 7. Ирмос.
| Превозноси́мый отце́в Госпо́дь, пла́мень угаси́, о́троки ороси́ согла́сно пою́щыя: Бо́же, благослове́н еси́. | Превозносимый Господь отцов угасил пламень и оросил отроков, единогласно воспевавших: Боже, благословен Ты! |
Тропари.
| Я́ко имы́й бе́здну ми́лости, Го́споди, и пучи́ну неизче́тну щедро́т, поми́луй Еди́наго Тя́ пою́щих, Трисве́тлаго Бо́га все́х. | Как имеющий бездну милости и беспредельное множество щедрот, помилуй, Господи, прославляющих Тебя, единого трисветлого Бога всех. |
| Необмы́слимаго, Еди́нственна и Трисве́тла, Бо́га Тя́ и Го́спода пою́ще вопие́м Ти́: пода́ждь Твои́м рабо́м очище́ние грехо́в. | Прославляя Тебя – непостижимого, единого и трисветлого Бога и Господа, взываем к Тебе: даруй рабам Твоим прощение грехов. |
| О́трасль прозябла́ еси́, Отцу́ Собезнача́льную, цве́т Божества́: О́трасль Соприсносу́щную, Де́во, даю́щую жи́знь все́м челове́ком. | Ты, Дева, произрастила собезначальную с Отцом ветвь, Божественный цвет, совечную отрасль, дарующую жизнь всем людям. |
Песнь 8. Ирмос.
| Тебе́, Вседе́телю, в пещи́ о́троцы, всеми́рный ли́к спле́тше, поя́ху: дела́ вся́кая Го́спода по́йте, и превозноси́те во вся́ ве́ки. | Отроки, составивши в печи всемирное ликование, воспевали Тебе – Создателю всего: все творения, прославляйте Господа и превозносите Его во все веки. |
Тропари.
| Да Еди́наго откры́еши дре́вле я́ве Госпо́дьства Тро́ичную Ипоста́сь, яви́лся еси́, Бо́же мо́й, во о́бразе челове́ков Авраа́му, пою́щу Твою́ Держа́ву Еди́нственную. | Чтобы явно показать тройственную ипостась единого Господа, Ты, Боже мой, некогда в образе людей явился Аврааму, воспевавшему единую Твою державу. |
| Ты́ мя к Твои́м благоде́тельным луча́м взира́ти сподо́би, Све́те Непристу́пный, О́тче Ще́дрый, и Сло́ве, и Ду́ше, е́же благоугожда́ти Тебе́ при́сно, Го́споди все́х. | Ты, неприступный свет – милосердый Отец, Слово и Дух, удостой меня взирать на Твои Божественные лучи, чтобы непрестанно благоугождать Тебе, Господи всех. |
| Облиста́ла еси́ на́м от Трисо́лнечныя сла́вы, Еди́наго Всепе́тая Христа́ Го́спода, все́х тайнонауча́юща Еди́ному Богонача́лию в Трие́х Ли́цех, пе́ти во ве́ки. | Ты, Всепетая, озарила нас (рождением) единого от трисолнечной славы Христа Господа, научившего всех прославлять единого в трех лицах Бога во веки. |
Песнь 9. Ирмос.
| Иса́ие лику́й, Де́ва име́ во чре́ве, и роди́ Сы́на Емману́ила, Бо́га же и Челове́ка, Восто́к И́мя ему́: Его́же велича́юще, Де́ву ублажа́ем. | Торжествуй, Исаия! Дева зачала во чреве и родила Сына Еммануила Бога и человека, Восток имя Его. Величая Его, мы ублажаем Деву. (Ис. 7:14. Зах. 7:12.) |
Тропари.
| Глаго́лания челове́ческая по достоя́нию, Безнача́льная Еди́нице, не мо́гут пе́ти Тя́: оба́че я́коже мо́щно дерза́юще от ве́ры, Богонача́льная, Сопресто́льная Тро́ице, сла́ву прино́сим Твое́й Держа́ве, и хвалу́. | Язык человеческий не в состоянии по достоинству прославлять Тебя, безначальная Единица. Но по вере имея дерзновение, насколько возможно, приносим славу и хвалу державе Твоей, Божественная, сопрестольная Троица. |
| Равноста́тною сла́вою, Тя́ Единонача́льнаго Трисве́тлаго Бо́га сла́вят Херуви́ми и Серафи́ми пречи́стыми усты́: с ни́миже и на́с гре́шных приими́, Го́споди, Твою́ Держа́ву велича́ющих. | Херувимы и серафимы своими пречистыми устами равночестною славою прославляют Тебя, единоначального трисветлого Бога. Вместе с ними приими, Господи, и нас грешных, Твою державу величающих. |
| Я́ко Чи́стая и Непоро́чная и Де́ва, родила́ еси́ Сы́на, избавля́ющаго на́с от искуше́ний, Бо́га Неизме́нна: но и ны́не оставле́ние на́м прегреше́ний да́ти Сего́ моли́. | Как чистая, непорочная и Дева, Ты родила Сына – неизменяемого Бога, избавляющего нас от искушений; и ныне молись (Ему), чтобы Он даровал нам прощение грехов. |
На Утрени
А) Воскресные седальны.
По первом стихословии.
| Кре́ст Госпо́день похва́лим, погребе́ние Свято́е пе́сньми почти́м, и Воскре́сение Его́ препросла́вим: я́ко совозста́ви ме́ртвыя от гро́б я́ко Бо́г, плени́в сме́рти держа́ву, и кре́пость диа́волю, и су́щым во а́де све́т возсия́. | Крест Господень восхвалим, святое погребение хвалебными песнями почтим и препрославим Его воскресение; ибо Он, как Бог, уничтожив державу смерти и силу диавола, воскресил мертвых из гробов и пребывавшим в аде даровал свет. |
| Го́споди ме́ртв наре́клся еси́, умертви́вый сме́рть, во гро́бе положи́лся еси́, истощи́вый гро́бы: горе́ во́ини гро́ба стрежа́ху, до́ле от ве́ка ме́ртвыя воскреси́л еси́. Всеси́льне и Непостижи́ме Го́споди, сла́ва Тебе́. | Господи! признали мертвым Тебя – умертвившего смерть, положили во гроб Тебя–опустошившего гробы. На земле воины охраняли место Твоего погребения, в преисподней Ты воскрешал мертвых от века. Всемогущий и непостижимый Господи, слава Тебе! |
| Ра́дуйся, Свята́я Горо́ и Богопрохо́дная, ра́дуйся, одушевле́нная купино́ и неопали́мая. Ра́дуйся, Еди́на к Бо́гу ми́рови Мо́сте, преводя́й ме́ртвыя к Ве́чному Животу́. Ра́дуйся, Нетле́нная Отрокови́це, неискусому́жно ро́ждшая спасе́ние ду́ш на́ших. | Радуйся, святая и проходимая (одним) Богом гора! Радуйся, одушевленная и несгораемая купина! Радуйся, единый для мира мост к Богу, проводящий мертвых к вечной жизни! Радуйся, непорочная Отроковица, неискусомужно родившая спасение (Спасителя) душ наших. |
По втором стихословии.
| Го́споди, по тридне́внем Твое́м Воскре́сении, и апо́столов поклоне́нии, Пе́тр вопия́ше Ти́: жены́ дерзнове́ние прия́ша, а́з же убоя́хся. Разбо́йник богосло́вяше, а́з же отверго́хся. У́бо призове́ши ли мя́ про́чее ученика́ бы́ти? или́ па́ки пока́жеши мя́ ловца́ глуби́ннаго? но ка́ющася приими́ мя, Бо́же, и спаси́ мя. | Господи! После Твоего тридневного воскресения и поклонения Апостолов, Петр восклицал Тебе: жены возимели дерзновение, а я убоялся; разбойник исповедал Тебя Богом, а я отрекся от Тебя. Назовешь ли меня после этого учеником, или сделаешь меня опять ловцом (рыбы) в море? Но приими, Боже, меня кающегося и спаси меня. |
| Го́споди, посреде́ осужде́нных пригвозди́ша Тя́ беззако́ннии, и копие́м ребро́ Твое́ прободо́ша, о Ми́лостиве! Погребе́ние же прия́л еси́, разруши́вый а́дова врата́, и воскре́сл еси́ тридне́вно. Притеко́ша жены́ ви́дети Тя́, и возвести́ша апо́столом воста́ние: Превозноси́мый Спа́се, Его́же пою́т а́нгели, Благослове́нный Го́споди, сла́ва Тебе́. | Господи! Посреди злодеев беззаконники пригвоздили Тебя ко кресту и копьем ребра Твои прободали, милосердый. Погребение воспринял Ты – сокрушитель врат ада, и в третий день воскрес. Жены прибежали посмотреть на тебя (во гробе), но возвестили Апостолам о Твоем воскресении. Превозносимый и воспеваемый Ангелами Спаситель, благословенный Господи, слава Тебе! |
| Неискусобра́чная Неве́сто Богороди́тельнице, Я́же Е́вину печа́ль радостотвори́вшая, воспева́ем ве́рнии и покланя́емся Тебе́, я́ко возвела́ еси́ на́с от дре́вния кля́твы: и ны́не моли́ непреста́нно, Всепе́тая, Пресвята́я, во е́же спасти́ся на́м. | Неискусобрачная невеста – Богородительница, печаль Евы в радость изменившая! Прославляем, верующие, и поклоняемся Тебе; ибо Ты избавила вас от древнего проклятия. И ныне непрестанно молись о спасении нашем, Всепетая и Всесвятая. |
Б) Ипакой.
| А́нгельским зра́ком у́м смуща́ющя, и Боже́ственным воста́нием душе́ю просвеща́емы, мироно́сицы апо́столом благовествова́ху: возвести́те во язы́цех Воскре́сение, Го́споду соде́йствующу чудесы́, подаю́щему на́м ве́лию ми́лость. | Мироносицы, изумившись явлению Ангела, но просветившись душою чрез Божественное воскресение, принесли радостную весть Апостолам: возвестите народам о воскресении Господа, содействующего41 чудесами и дарующего нам великую милость. |
В) Антифоны.
| Первый. Внегда́ скорбе́ти мне́, Дави́дски пою́ Тебе́, Спа́се мо́й: изба́ви ду́шу мою́ от язы́ка льсти́ваго. | Во время скорби моей словами Давида воспеваю Тебе, Спаситель мой: избавь душу мою от языка лукавого. (Пс. 119:2.) |
| Пусты́нным живо́т блаже́н е́сть, Боже́ственным раче́нием воскриля́ющымся. | У пустынников, окрыляемых Божественною любовию, жизнь блаженна. |
| Святы́м Ду́хом одержа́тся вся́, ви́димая же с неви́димыми: Самодержа́вен бо сы́й, Тро́ицы Еди́н е́сть нело́жно. | Дух Святой владычествует над всем, видимым и невидимым; Он самодержавен и есть по истине един из (лиц) Троицы. |
| Вторый. На го́ры, душе́, воздви́гнемся, гряди́ та́мо, отню́дуже по́мощь и́дет. | Устремимся, душа, на горы, пойдем туда, откуда идет помощь. (Пс. 120:1.) |
| Десна́я Твоя́ рука́, и мене́, Христе́, каса́ющися, от ле́сти вся́кия да сохрани́т. | Правая рука Твоя, Христе, да коснется и меня и от всякого коварства да сохранит (меня). |
| Свято́му Ду́ху богосло́вяще рце́м: Ты́ еси́ Бо́г, Живо́т, Раче́ние, Све́т, Ум: Ты́ Благосты́ня, Ты́ ца́рствуеши во ве́ки. | Богословствуя, да воскликнем Святому Духу: Ты – Бог, жизнь, любовь, свет, ум; Ты – благость, Ты царствуешь во веки. |
| Третий. О ре́кших мне́: во дворы́ вни́дем Госпо́дня: ра́дости мно́гия испо́лнен бы́в, моли́твы возсыла́ю. | Я исполнился великой радости, когда сказали мне: «пойдем в дом Господа»; (посему) воссылаю молитвы. |
| В дому́ Дави́дове стра́шная соверша́ются: о́гнь бо та́мо паля́ вся́к сра́мный у́м. | В доме Давида страшное совершается: ибо там – огонь, опаляющий всякий постыдный ум. |
| Свято́му Ду́ху живонача́льное досто́инство, от Него́же вся́кое живо́тно одушевля́ется, я́ко во Отце́, ку́пно же и Сло́ве. | Святой Дух (обладает) животворною силою: Им, как и Отцом и вместе Словом, одушевляется всякое живое существо. |
Г) Каноны.
Песнь 1. Ирмос.
| Коня́ и вса́дника в мо́ре Чермно́е, сокруша́яй бра́ни мы́шцею высо́кою, Христо́с истрясе́: Изра́иля же спасе́, побе́дную пе́снь пою́ща. | Христос, сокрушающий врагов Своею могучею мышцею, коней и всадников ввергнул в Чермное море и спас израильтян, воспевавших победную песнь. |
Тропари.
| Перваго канона. Тебе́ терноно́сный евре́йский со́нм, любве́ Благоде́телю к Тебе́ не сохра́нь ма́терния, Христе́ венча́, родонача́льника разреша́юща терно́вное запреще́ние. | Приносящая терние еврейская синагога, не сохранивши к Тебе, Благодетель Христос, материнской любви, (терновый) венец возложила на Тебя, избавлявшего родоначальника (Адама) от наказания тернием.42 (Мк. 15:17.) |
| Воздви́гл еси́ мя па́дшаго в ро́в, прекло́нься, Жизнода́вче, Безгре́шне: и моея́ злосмра́дныя тли́, Христе́, претерпе́в неискуше́нно, Боже́ственнаго Существа́ ми́ром мя́ облагоуха́л еси́. | Ты, безгрешный Жизнеподатель, преклонившись, восстановил меня, упавшего в пропасть, и восприняв на Себя мое злосмрадное тление, не испытав (истления),43 Христе, облагоухал меня миром Своего Божественного естества. |
| Разреши́ся кля́тва, печа́ль преста́: Благослове́нная бо и Благода́тная, ве́рным ра́дость возсия́, благослове́ние все́м конце́м цветонося́щи Христа́. | Уничтожено проклятие, положен конец печали, ибо благословенная и благодатная (Дева) произрастила верующим радость, принесши всем пределам (вселенной) благословение – Христа. |
| Втораго канона. И́же во́лею на кресте́ пригвожде́нному пло́тию, и дре́вняго от изрече́ния дре́вом (дре́вняго осужде́ния и́же дре́вом) па́дшаго свобо́ждшему, Тому́ Еди́ному воспои́м: я́ко просла́вися. | Добровольно плотию пригвожденному ко кресту и от древнего осуждения освободившему падшего чрез древо (человека), – Ему единому воспоем; ибо Он прославился. |
| И́же из гро́ба мертвецу́ воскре́сшу Христу́, и па́дшаго совозста́вившу, и соседе́нием Оте́ческим украси́вшему, Тому́ Еди́ному воспои́м: я́ко просла́вися. | Христу, бывшему мертвым, но воскресшему из гроба, воскресившему с Собою падшего (человека) и почтившему его сидением со Отцом, – Ему единому воспоем; ибо Он прославился. |
| Пречи́стая Ма́ти Бо́жия, из Тебе́ вопло́щшемуся, и от не́др Роди́теля не разлу́чшемуся Бо́гу, непреста́нно моли́ся, от вся́каго обстоя́ния спасти́, и́хже созда́. | Пречистая Матерь Бога! непрестанно молись воплотившемуся из Тебя и не оставившему недр Своего Родителя Богу – спасти от всех бед тех, которых Он создал. |
| Третьяго канона. Све́та все́льшагося в Тя́, Пречи́стая, и просве́щшаго ми́р луча́ми Божества́, Христа́ моли́, просвети́ти вся́ пою́щыя Тя́, Ма́ти Де́во. | Молись, Пречистая, Христу – свету, вселившемуся в Тебя и лучами Божества просветившему мир, чтобы просветились все, воспевающие Тебя, Матерь Дева. |
| Я́ко украша́ема добро́тою доброде́телей, Благода́тная, добротво́рное благоле́пие луче́ю Ду́ха, подъя́ла еси́, Всечи́стая, вся́ческая удобри́вшаго. | Как украшаемая красотою добродетелей, Ты, Благодатная и Всечистая, по озарению Духа восприняла благолепную красоту – все украсившего (Творца). |
| Тебе́ дре́вле прообразу́ющи купина́ в Сина́и, не опали́ся, Де́во, огню́ присовоку́пльшися: Де́ва бо родила́ еси́, и Де́ва пребыла́ еси́, па́че смы́сла Ма́ти Де́во. | Некогда прообразовавшая Тебя, Дева, купина, объятая пламенем при Синае, не сгорала; ибо Ты, Матерь Дева, непостижимо для ума родила, будучи Девою, и осталась Девою. |
Песнь 3. Ирмос.
| Водрузи́вый на ничесо́мже зе́млю повеле́нием Твои́м, и пове́сивый неодержи́мо тяготе́ющую, на недви́жимем, Христе́, ка́мени за́поведей Твои́х, Це́рковь Твою́ утверди́, Еди́не Бла́же и Человеколю́бче. | Своим повелением твердивший ни на чем тяжелую землю и недержимо повесивший ее, Христе! на неподвижном камне заповедей Твоих утверди Церковь Твою, единый Благой и Человеколюбец. (Иов. 26:7.) |
Тропари.
| Перваго канона. Же́лчь у́бо и́же из ка́мене ме́д сса́вшии, в пусты́ни чудоде́йствовавшему Тебе́ принесо́ша, Христе́: о́цет же за ма́нну воз благодея́ние Ти́ возда́ша о́троцы Изра́илевы неблагода́рнии. | Неблагодарные сыны Израиля, от скалы сосавшие мед,44 Тебе, Христе, творившему в пустыне чудеса, принесли желчь и за Твои благодеяния, за манну воздали Тебе уксус. (Мф. 27:34.) |
| И́же дре́вле светови́дным о́блаком покрыва́еми, Живо́т во гро́бе Христа́ положи́ша: но самовла́стно воскре́с, все́м ве́рным подаде́ та́йно осеня́ющее свы́ше Ду́ха сия́ние. | Покрываемые некогда светлым облаком положили Тебя, Христе – жизнь, во гробе; но Ты Своею властью воскрес и всем верующим свыше даровал таинственно осеняющий свет Духа. |
| Ты́, Ма́ти Бо́жия, несочета́нно родила́ еси́, И́же от Нетле́нна Отца́ возсия́вшаго, кроме́ боле́зней ма́терних: те́мже Тя́, Богоро́дицу, воплоще́нна бо родила́ еси́ Сло́ва, правосла́вно пропове́дуем. | Ты, без мужа и не испытавши свойственных матерям болезней, соделалась Материю Бога, воссиявшего от вечного Отца; посему Тебя, как родившую воплотившееся Слово, православно исповедуем Богородицею. |
| Втораго канона. Воскре́сл еси́ от гро́ба, Христе́, тли́ сме́ртныя изба́вль воспева́ющих, Жизнода́вче, во́льное Твое́ распя́тие. | Ты, Податель жизни – Христос, воскрес из гроба и освободил от смертного тления прославляющих Твое добровольное распятие. |
| Пома́зати ми́ром те́ло Твое́ мироно́сицы, Христе́, тща́хуся, и не обре́тшя возврати́шася, воспева́ющя Твое́ Воста́ние. | Мироносицы спешили помазать миром тело Твое, Христе; но, не нашедши его, возвратились, прославляя Твое воскресение. |
| Моли́ непреста́нно, Чи́стая, воплоще́ннаго из боку́ Твое́ю, изба́вити от ле́сти диа́воли, воспева́ющыя Тя́, Де́ву Чи́стую. | Непрестанно молись, Чистая, Воплотившемуся из утробы Твоей, чтобы избавились от обольщений диавола прославляющие Тебя чистою Девою. |
| Третьяго канона. Ле́ствица, Е́юже к на́м сни́де Вы́шний, истле́вшее естество́ испра́вити, Ты́ я́вственно, Чи́стая, все́м ны́не ви́дена была́ еси́, Тобо́ю бо Преблаги́й ми́рови бесе́довати (причасти́тися) благоволи́. | Ты, Чистая, весьма ясно для всех явилась ныне лестницею, по которой нисшел к нам Всевышний, чтобы восстановить наше истлевшее естество; ибо чрез Тебя Преблагой соблаговолил пребывать в мире. |
| Е́же дре́вле предуста́вленное, Де́во, та́инство, и пре́жде ве́к прови́димое вся́ ве́дущему Бо́гу, ле́том ны́не напосле́док в ложесна́х Твои́х, Всенепоро́чная, коне́ц прие́м яви́ся. | Ныне, в последнее время, в Твоей утробе, Всенепорочная Дева, получила осуществление и открылась тайна, заранее предопределенная и прежде веков бывшая известною всеведущему Богу. |
| Разреши́ся кля́твы дре́вния осужде́ние Твои́м хода́тайством, Де́во Пречи́стая: из Тебе́ бо Госпо́дь я́влься, все́м благослове́ние я́ко Преблаги́й источи́, Еди́на челове́ком удобре́ние. | Твоим посредничеством, пречистая Дева, уничтожено осуждение древнего проклятия; ибо Господь, как преблагой, излил на всех благословение, явившись чрез Тебя, единое украшение людей. |
Песнь 4. Ирмос.
| Боже́ственное Твое́ разуме́в истоща́ние, прозорли́во Авваку́м, Христе́, со тре́петом вопия́ше Тебе́: во спасе́ние люде́й Твои́х спасти́ пома́занныя Твоя́ прише́л еси́. | Аввакум, пророческим взором увидев твое Божественное истощание, Христе, с трепетом восклицал Тебе: для спасения народа Своего, спасти помазанников Своих пришел Ты. (Авв. 3:13.) |
Тропари.
| Перваго канона. Я́же от Ме́рры горча́йшыя во́ды, я́ко во о́бразе проначерта́я Пречи́стый Кре́ст Тво́й, Бла́же, грехо́вное умерщвля́ющ вкуше́ние, дре́вом услади́л еси́. | Предъизображая в образе Свой пречистый крест, заглаждающий греховное вкушение, Ты, Благой, древом усладил горчайшие источники Мерры. (Исх. 15:23.) |
| Кре́ст за дре́во разу́мное, за сла́дкую же пи́щу же́лчь, Спа́се мо́й, прия́л еси́, за тле́ние же сме́рти кро́вь Твою́ Боже́ственную излия́л еси́. | Ты, Спаситель мой, за древо познания воспринял крест, за приятную пищу – желчь, и за смертное тление пролил Свою Божественную кровь. |
| Кроме́ у́бо сочета́ния зачала́ еси́ нетле́нно во чре́ве, и без боле́зни родила́ еси́, и по Рождестве́ Де́ва, Бо́га пло́тию ро́ждши, сохрани́лася еси́. | Вне союза (брачного), но беспорочно Ты зачала во чреве, безболезненно родила и, родивши плотию Бога, после рождения осталась Девою. |
| Втораго канона. Я́ко водрузи́ся на земли́ на ло́бнем Кре́ст, сокруши́шася вереи́ и вра́тницы ве́чнии, и возопи́ша: сла́ва си́ле Твое́й, Го́споди. | Когда на земле на лобном месте был водружен крест, тогда разрушились запоры (ада), и вечные привратники восклицали: слава силе Твоей, Господи! |
| Я́ко сни́де Спа́с к свя́занным я́ко ме́ртв, совоскресо́ша с Ни́м и́же от ве́ка уме́ршии, и возопи́ша: сла́ва си́ле Твое́й, Го́споди. | Когда Спаситель после Своей смерти нисшел к узникам (ада), вместе с Ним воскресли от века умершие и восклицали: слава силе Твоей, Господи! |
| Де́ва роди́, и ма́терских не позна́: но Ма́ти у́бо е́сть, Де́ва же пребы́сть: Ю́же воспева́юще, ра́дуйся, Богоро́дице, взыва́ем. | Дева родила и не испытала свойственного матерям: соделалась Материю, но осталась Девою. Прославляя Ее, взываем: радуйся, Богородица! |
| Третьяго канона. Се́рдцем и умо́м, душе́ю же и усты́ испове́дую всеблагоче́стно Тя́ Богоро́дицу вои́стинну, Чи́стая, спасе́ния пло́д объе́мля, и спаса́юся, Де́во, моли́твами Твои́ми. | Сердцем и умом, душою и устами, с полным благоговением исповедую Тебя, чистая Дева, истинною Богородицею, вкушаю плоды спасения и спасаюсь молитвами Твоими. |
| Созда́вый от не су́щих вся́ческая, от Тебе́, Чи́стыя, созда́тися я́ко Благоде́тель благоволи́, на спасе́ние ве́рою и любо́вию Тя́ пою́щих, Всенепоро́чная. | Создавший все из ничего, как благодетель, благоволил, создаться от Тебя, Чистая, для спасения с верою и любовию прославляющих Тебя, Всенепорочная. |
| Пою́т Твое́ Рождество́, Всенепоро́чная, преми́рнии ли́цы, спасе́нию ра́дующеся, И́стинную Богоро́дицу му́дрствующих Тя́, Де́во Нескве́рная. | Твое рождество, Всенепорочная, воспевают небесные лики, радуясь спасению исповедующих Тебя истинною Богородицею, Чистая Дева. |
| Тя́ Же́зл Иса́иа именова́, от Него́же прозябе́ на́м кра́сный Цве́т, Христо́с Бо́г, на спасе́ние ве́рою и любо́вию притека́ющих к Покро́ву Твоему́. | Исаия наименовал Тебя отраслью, из которой произрос вожделенный для нас цвет – Христос Бог, для спасения с верою и любовью прибегающих к Твоему покровительству. (Ис. 11:1.) |
Песнь 5. Ирмос.
| Одея́йся све́том я́ко ри́зою, к Тебе́ у́тренюю, и Тебе́ зову́: ду́шу мою́ просвети́ омраче́нную, Христе́, я́ко Еди́н Благоутро́бен. | Облекающийся в свет как в одежду! от ранней зари обращаюсь к Тебе и восклицаю Тебе: омраченную душу мою просвети, Христе, как единый милосердый. |
Тропари.
| Перваго канона. И́же сла́вы Госпо́дь в несла́вне зра́це, на дре́ве обезче́щен во́лею ви́сит, о Боже́ственней мне́ сла́ве несказа́нно промышля́я. | Господь славы, в бесславном виде, поруганный, добровольно висит на древе (креста), несказанно предуготовляя мне Божественную славу. |
| Ты́ мя преобле́кл еси́ в нетле́ние, Христе́, тли́ сме́ртныя неистле́нно пло́тию вку́ш, и возсия́в из гро́ба тридне́вен. | Ты, Христе, облек меня в нетление, Своею плотию вкусив смертного тления, но не подвергшись истлению, и в третий день воссияв из гроба. |
| Ты́ пра́вду же и избавле́ние на́м ро́ждши Христа́ без се́мене, свобо́дно соде́яла еси́ от кля́твы, Богоро́дице, естество́ пра́отца. | Ты, Богородица, бессеменно родивши нам оправдание и искупление – Христа, освободила от проклятия естество праотца (Адама). (1Кор. 1:30.) |
| Втораго канона. Просте́рл еси́ дла́ни, Спа́се на́ш, на дре́ве, вся́ призыва́я к Себе́, я́ко Человеколю́бец. | Ты, Спаситель наш, распростер руки Свои на древе, всех призывая к Себе, как Человеколюбец. |
| Плени́л еси́ а́д, Спа́се мо́й, Твои́м погребе́нием, и Твои́м Воскре́сением ра́дости вся́ испо́лнил еси́. | Ты, Спаситель наш, Своим погребением победил ад и Своим воскресением все исполнил радости. |
| Воскре́с от гро́ба тридне́вно, Жизнода́вче, и все́м источи́л еси́ безсме́ртие неги́блющее. | Ты, Жизнеподатель, в третий день воскрес из гроба и всем даровал вечное бессмертие. (С славянского.)45 |
| Де́ву по Рождестве́ воспева́ем Тя́, Богоро́дице: Ты́ бо Бо́га Сло́ва пло́тию ми́рови родила́ еси́. | Прославляем Тебя, Богородица, Девою после рождения; ибо Ты плотию родила миру Бога – Слово. |
| Третьяго канона. Вси́ проро́цы Тя́ я́ве предвозвести́ша хотя́щую бы́ти Бо́жию Ма́терь, Богоро́дице Чи́стая: еди́на бо обрела́ся еси́, Чи́стая, соверше́нна Непоро́чная. | Все пророки ясно предвозвестили о Тебе, как имеющей быть Материю Бога, всечестная Богородица: ибо Ты одна, Чистая, оказалась совершенно непорочною. |
| Све́тел о́блак Тя́ живо́тныя воды́, на́м ту́чу нетле́ния Христа́ одожди́вший отча́янным, Чи́стая, познава́ем. | Исповедуем Тебя, Чистая, светлым облаком живой воды, излившим на нас погибших дождь нетления – Христа. (Ин. 4:14.) |
| Я́ко бли́з всю́ Тя до́бру и непоро́чну, запечатле́нну де́вством чи́сте возлюби́, в Тя́ Всели́выйся Бо́г, я́ко еди́н Благоутро́бен. | Близко возлюбил Тебя, всю прекрасную и непорочную, запечатленную чистотою девства, вселившийся в Тебя Бог, как единый милосердный. |
Песнь 6. Ирмос.
| Неи́стовствующееся бу́рею душетле́нною, Влады́ко Христе́, страсте́ймо́ре укроти́, и от тли́ возведи́ мя я́ко Благоутро́бен. | Владыко – Христе! утиши свирепствующее смертоносною бурею море страстей и избавь меня от тления, как милосердный. |
Тропари.
| Перваго канона. В тле́ние попо́лзся родонача́льник, Влады́ко Христе́, преслу́шаннаго бра́шна вку́ш, и к животу́ возведе́н бы́сть стра́стию Твое́ю. | К тлению склонился родоначальник (Адам), вкусив запрещенной пищи, но Твоими страданиями, Владыко Христе, возведен к жизни. |
| Живо́т низше́л еси́ ко а́ду, Влады́ко Христе́, и тле́ние растле́вшему бы́в, тле́нием источи́л еси́ Воскре́сение. | Ты, Владыко Христе – жизнь, нисшел в ад и, сделавшись тленным для предавшего тлению (людей), чрез тление источил воскресение. |
| Де́ва роди́, и ро́ждши пребы́сть чиста́, на руку́ нося́щаго вся́ческая, я́ко вои́стинну Де́ва Ма́ти поне́сшая. | Дева родила и по рождестве осталась чистою, как истинная Дева Матерь, на руках носившая Носящего все. |
| Втораго канона. Просте́рл еси́ дла́ни Твои́, собира́я дале́че расточе́нная язы́к Твои́х собра́ния, Христе́ Бо́же на́ш, живоно́сным Кресто́м Твои́м, я́ко Человеколю́бец. | Ты, Христе Боже наш, распростер Свои руки (на кресте), Своим живоносным крестом собирая далеко рассеянные сонмы Твоих народов, как Человеколюбец. |
| Плени́л еси́ сме́рть, и врата́ а́дова сокруши́л еси́, Ада́м же свя́занный разреше́н бы́в, вопия́ше Тебе́: спасе́ мя десни́ца Твоя́, Го́споди. | Ты победил смерть и разрушил врата ада; узник же Адам, освободившись (от уз), восклицал Тебе: спасла меня десница Твоя, Господи. |
| Купину́ Тя неопали́му, и го́ру и ле́ствицу одушевле́ну, и врата́ небе́сная досто́йно сла́вим, Мари́е сла́вная, правосла́вных похвало́. | По достоинству прославляем Тебя – неопалимую купину, гору, одушевленную лестницу и небесную дверь, достославная Мария, похвала православных. |
| Третьяго канона. И́же всему́ вино́вный, и е́же бы́ти все́м пода́вый, я́ко вино́вну имя́ше воплоща́емь, е́же по на́м, Тя́, Богома́ти Всенепоро́чная. | Виновник всего и даровавший бытие всем, виновницею воплощения в наше естество имеет Тебя, Всенепорочная Богоматерь. |
| Исцеле́ний, Влады́чице, душепита́тельный точа́щий исто́чник ве́рно притека́ющым к покро́ву Твоему́ благосла́вному, ве́мы Тя́, Всенепоро́чная. | Мы признаем Тебя, Владычица, душепитательным источником исцелений с верою прибегающим к славной защите Твоей, Всенепорочная. |
| Спасе́нию вино́вна Жизнода́вца родила́ еси́ на́м, ве́чное избавле́ние да́рующаго, И́стинную Богоро́дицу Тя́ пропове́дающым. | Ты родила нам Виновника спасения – Жизнеподателя, дарующего вечное избавление исповедующим Тебя истинною Богородицею. |
Кондак.
| Ко а́ду, Спа́се мо́й, соше́л еси́, и врата́ сокруши́вый я́ко Всеси́лен, уме́рших я́ко Созда́тель совоскреси́л еси́, и сме́рти жа́ло сокруши́л еси́, и Ада́м от кля́твы изба́влен бы́сть, Человеколю́бче. Те́мже вси́ зове́м: спаси́ на́с, Го́споди. | Ты, Спаситель мой, нисшел во ад, как всемогущий – разрушил его врата, и как Творец – воскресил с собою мертвых и уничтожил жало смерти, и Адам избавился (Тобою) от проклятия, Человеколюбец. Посему все мы восклицаем Тебе: спаси нас, Господи! |
Икос.
| Услы́шавшя жены́ а́нгеловы глаго́лы, отложи́ша рыда́ние, ра́достны бы́вшя и тре́петны, у́жас бо ви́деша, и се́ Христо́с прибли́жися к ни́м, глаго́ля: е́же, ра́дуйтеся, дерза́йте, Аз ми́ра победи́х, и у́зники свободи́х, потщи́теся у́бо ко ученико́м, возвеща́ющя и́м: я́ко варя́ю вы́ во гра́де Галиле́йстем, е́же пропове́дати. Те́мже вси́ Тебе́ зове́м: спаси́ на́с, Го́споди. | Жёны, услышавши слова Ангела, обрадовались, перестали рыдать и с трепетом увидели воскресение. Вот, Христос приблизился к ним и изрек: «радуйтесь, дерзайте! Я победил мир и освободил узников. Посему поспешите к ученикам и скажите им: Я предваряю вас в городе Галилейском, чтобы возвестить (о Своем воскресении)». Посему все восклицаем: спаси нас, Господи! (Мк. 16:7–8.) |
Песнь 7. Ирмос.
| Превозноси́мый отце́в Госпо́дь пла́мень угаси́, о́троки ороси́, согла́сно пою́щыя: Бо́же, благослове́н еси́. | Превозносимый Господь отцов угасил пламень и оросил отроков, единогласно воспевавших: Боже, благословен Ты! |
Тропари.
| Перваго канона. Пло́тию обло́жься я́коже на у́дице льще́ния, Боже́ственною Твое́ю си́лою зми́я низвле́кл еси́ возводя́ вопию́щыя: Бо́же, благослове́н еси́. | Облекшись плотию как бы приманкой на уду,46 Своею Божественною силою Ты низвергнул змия и возвел (из ада) восклицавших: Боже, благословен Ты! |
| Земли́ непрохо́дное осуществова́вый составле́ние, во гро́бе покрыва́ется пло́тию Невмести́мый. Ему́же вси́ пое́м: Бо́же, благослове́н еси́. | Сотворивший неизмеримый состав земли и невместимый по плоти закрывается во гробе. Все воспеваем Ему: Боже, благословен Ты! |
| Еди́ну у́бо Ипоста́сь во Двою́ Естеству́, Всенепоро́чная родила́ еси́ Воплоще́ннаго Бо́га. Ему́же вси́ пое́м: Бо́же, благослове́н еси́. | Ты, Всенепорочная, родила единую ипостась в двух естествах, воплотившегося Бога, Которому все воспеваем: Боже, благословен Ты! |
| Втораго канона. И́же дре́вом кре́стным и́дольскую пре́лесть разреши́вый, благослове́н Бо́г оте́ц на́ших. | Древом креста уничтоживший идольские заблуждения! благословен Ты, Бог отцов наших! |
| Воскресы́й из ме́ртвых, и су́щыя во а́де совоздви́гнувый, благослове́н Бо́г оте́ц на́ших. | Воскресший из мертвых и воскресивший с Собою пребывавших в аде! благословен Ты, Бог отцов наших! |
| Твое́ю сме́ртию, Христе́, сме́ртную разо́рь держа́ву, благослове́н Бо́г оте́ц на́ших. | Христе, Своею смертию разоривший державу смерти! благословен Ты, Бог отцов наших! (С славянского.)47 |
| И́же от Де́вы ро́ждься, и Богоро́дицу Сию́ показа́вый, благослове́н Бо́г оте́ц на́ших. | Родившийся от Девы и сделавший ее Богородицею! благословен Ты, Бог отцов наших! |
| Третьяго канона. Неопределе́нный пребы́в Непрело́жен, пло́ти по Ипоста́си соедини́ся, я́ко Благоутро́бен, в Тебе́ Пресвяте́й: И́же Еди́н благослове́н Бо́г оте́ц на́ших. | Беспредельный, оставаясь неизменяемым, по Своему милосердию ипостасно соединился с плотию в Тебе – Пресвятой (Деве), единый благословенный Бог отцов наших. |
| Неве́сту Тя́ Всенепоро́чную, Богоро́дице Влады́чице, согла́сно сла́вим и Престо́л Зижди́теля Твоего́. Ему́же вси́ пое́м: Бо́же, благослове́н еси́. | Единогласно прославляем Тебя, Богородица Владычица, как всенепорочную Невесту и престол Создателя Твоего, Которому все воспеваем: Боже, благословен Ты! |
| Ма́ти все́х Царя́, очи́щшися ду́хом Де́во, была́ еси́, Тебе́ Созда́вшаго. Ему́же вси́ пое́м: Бо́же, благослове́н еси́. | Ты, Дева, очистившись Духом, соделалась Материю Царя всех, создавшего Тебя, Которому все воспеваем: Боже, благословен Ты! |
| Спасе́ мя Госпо́дь, Богома́ти Пречи́стая, оде́ждею пло́ти из Тебе́ оде́явся. Ему́же вси́ пое́м: Бо́же, благослове́н еси́. | Господь, чрез Тебя облекшись в одежду плоти, спас меня, пречистая Богоматерь. Все воспеваем Ему: Боже, благословен Ты! |
Песнь 8. Ирмос.
| Тебе́, Вседе́телю, в пещи́ о́троцы, всеми́рный ли́к спле́тше поя́ху: дела́ вся́кая Го́спода по́йте, и превозноси́те во вся́ ве́ки. | Отроки, составивши в печи всемирное ликование, воспевали Тебе – Создателю всего: все творения, прославляйте Господа и превозносите Его во все веки. |
Тропари.
| Перваго канона. Ты́ о во́льней спаси́тельныя стра́сти помоли́лся еси́ ча́ши, я́коже нево́льней: два́ хоте́ния, двема́ бо по коему́ждо но́сиши существо́ма, Христе́, во ве́ки. | Ты молился о добровольной чаше спасительных страданий, как бы о невольной; ибо Ты, Христе, соответственно двум естествам имеешь две воли во веки. (Мф. 26:39.) |
| Твои́м вседе́тельным схожде́нием, а́д, Христе́, пору́ганный изблева́ вся́, я́же дре́вле ле́стию умерщвле́нныя, Тебе́ превознося́щыя во вся́ ве́ки. | Посрамленный Твоим нисшествием ад изрыгнул всех некогда коварством умерщвленных, превозносящих Тебя, Творец всего Христе, во все веки. |
| Тя́ я́же па́че ума́ богому́жне Сло́вом Ро́ждшую Го́спода, и де́вствующую, вся́ дела́, Де́во, благослови́м, и превозно́сим во вся́ ве́ки. | Тебя, Дева, родившую Господа непостижимо для ума, а по выражению (нашему) богомужно, и оставшуюся Девою, мы и все творения благословляем и превозносим во все веки. |
| Втораго канона. И́же на Кресте́ во́лею дла́ни просте́ршаго, и у́зы сме́ртныя разруши́вшаго Христа́ Бо́га, свяще́нницы по́йте, лю́дие превозноси́те во вся́ ве́ки. | Добровольно распростершего на кресте Свои руки и разрушившего оковы смерти Христа Бога, священники, воспевайте, люди, превозносите во все веки. (Дан. 3:84.) |
| И́же я́ко Жениха́ из гро́ба возсия́вшаго Христа́ Бо́га, и мироно́сицам я́вльшагося, и ра́дость те́м провеща́вша, свяще́нницы по́йте, лю́дие превозноси́те во вся́ ве́ки. | Христа Бога, вышедшего из гроба как жениха, явившегося мироносицам и возвестившего им радость, священники, воспевайте, люди, превозносите во все веки. |
| Херуви́м превы́шши яви́лася еси́, Богоро́дице Чи́стая, во чре́ве Твое́м, И́же на те́х носи́маго поне́сши: Его́же со безпло́тными челове́цы славосло́вим во вся́ ве́ки. | Ты, чистая Богородица, стала высшею херувимов, как носившая в Своем чреве носимого ими (Христа), Которого мы, люди, вместе с бесплотными прославляем во все веки. |
| Третьяго канона. Преста́ ны́не я́же пра́отчая печа́ль, ра́дость прие́мши Ти́ Богома́терни. Те́мже непреста́нно пое́м Тя́, Де́во, и превозно́сим во вся́ ве́ки. | Прекратилась ныне печаль прародителей, когда Ты, Богоматерь, получила радость. Посему мы непрестанно прославляем Тебя, Дева, и превозносим во все веки. |
| Пое́т с на́ми безпло́тных собо́р, Де́во, Рождество́ Твое́ непостижи́мое, еди́н ли́к соста́вльше любо́вию, и превознося́ще его́ во ве́ки. | Сонмы бесплотных сил, движимые любовию, составивши один хор, вместе с нами воспевают Твое непостижимое рождество, Дева, и превозносят его во веки. |
| Струя́ прозра́чная безсме́ртия, Отрокови́це, из Тебе́ изы́де, И́же все́х Госпо́дь, скве́рну омыва́я ве́рою Тя́ пою́щих, и превознося́щих во вся́ ве́ки. Боже́ственный вои́стинну, и светоно́сный Престо́л, и скрижа́ли благода́ти испове́дуем Тя́, Сло́во, Де́во, О́тчее я́ко прие́мшую: Его́же превозно́сим во вся́ ве́ки. | Из Тебя, Отроковица, проистекла прозрачная струя бессмертия – Господь всех, смывающая скверны с верою прославляющих и превозносящих Тебя во все веки. По истине Божественным и светоносным престолом и скрижалями благодати исповедуем Тебя, Дева, как воспринявшую Слово Отца, Которое мы превозносим во все веки. |
Песнь 9. Ирмос.
| Иса́ие лику́й, Де́ва име́ во чре́ве, и роди́ Сы́на Емману́ила, Бо́га же и Челове́ка, Восто́к И́мя Ему́: Его́же велича́юще, Де́ву ублажа́ем. | Торжествуй, Исаия! Дева зачала во чреве и родила Сына Еммануила, Бога и человека, Восток – имя Его. Величая Его, мы ублажаем Деву. |
Тропари.
| Перваго канона. Па́дшаго челове́ка восприя́л еси́, Влады́ко Христе́, из ложе́сн Деви́ческих всему́ совоку́плься, греху́ же ни еди́ному прича́щься: всего́ от истле́ния Ты́ свободи́л еси́ пречи́стыми Твои́ми страстьми́. | Ты, Владыка Христос, от девственной утробы воспринял (естество) падшего человека, всецело соединившись с ним, но не приобщившись ни единому греху, и Своими пречистыми страданиями освободил всего его от тления. |
| Богото́чною кро́вию истоще́нною, Влады́ко Христе́, от Твои́х пречи́стых ре́бр и животворя́щих, же́ртва у́бо преста́ и́дольская, вся́ же земля́ Тебе́ хвале́ния же́ртву прино́сит. | Божественною кровию, истощенною из Твоих пречистых и животворящих ребр, прекращены идольские жертвы, и вся земля приносит Тебе, Владыка Христос, жертву хвалы. (Евр. 13:15.) |
| Не Бо́га безпло́тна, ниже́ па́ки челове́ка про́ста произведе́ Чи́стая Отрокови́ца, и Нескве́рная: но Челове́ка соверше́нна, и нело́жно соверше́нна Бо́га. Его́же велича́ем со Отце́м же и Ду́хом. | Ты, чистая и непорочная Отроковица, родила не Бога бесплотного и с другой стороны – не человека обыкновенного, но совершенного человека и истинного и совершенного Бога, Которого мы величаем вместе с Отцом и Духом. |
| Втораго канона. Тебе́ И́же на Кресте́ стра́сть подъе́мшаго, и а́дову си́лу сме́ртию сокруши́вшаго, ве́рнии правосла́вно велича́ем. | Тебя, на кресте претерпевшего страдания и Своею смертию уничтожившего силу ада, мы, верующие, православно величаем. |
| Тебе́ из гро́ба тридне́вно воскре́сша, и а́д плени́вшаго, и ми́р просвети́вшаго, ве́рнии единому́дренно велича́ем. | Тебя, в третий день воскресшего из гроба, победившего ад и просветившего мир, мы, верующие, единомысленно величаем. |
| Ра́дуйся, Богоро́дице, Ма́ти Христа́ Бо́га, Его́же родила́ еси́, моли́ прегреше́ний оставле́ние дарова́ти, ве́рою пою́щым Тя́. | Радуйся, Богородица, Матерь Христа Бога! молись рожденному Тобою – даровать прощение грехов с верою прославляющим Тебя. |
| Третьяго канона. От чи́стых крове́й Твои́х усыри́ся пло́ть преесте́ственно все́х Соде́телю, Единоро́дному Сы́ну Роди́телеву, не от му́жа, без се́мене же у́мна и одушевле́нна, Богоро́дице Присноде́во. | Из Твоей чистой крови, Богородица Приснодева, сверхъестественно, не от мужа, но бессеменно, образовалась48 разумная и одушевленная плоть Творцу всех и единородному Сыну Родителя. |
| Обходи́мое уста́вила еси́ сме́рти неудержи́мое стремле́ние, ро́ждши пло́тию вои́стинну па́че ума́ Жи́знь ве́чную: Е́йже прило́жься усты́ го́рькими а́д упраздни́ся, Пресвята́я Ма́ти Де́во. | Ты остановила обычные и неудержимые нападения смерти, по истине непостижимо плотию родивши вечную жизнь, к которой прикоснувшись (своими) пагубными устами, ад упразднен, пресвятая Матерь Дева. |
| На престо́ле седя́ Сы́н Тво́й Влады́чне, ря́сны Тя́ златы́ми Боже́ственных доброде́телей све́т сия́ющу, одесну́ю поста́ви Себе́, Чи́стая, дая́ че́сть я́ко Ма́тери Тебе́, Всенепоро́чная. | Сидящий на престоле владычнем Сын Твой, Чистая, Тебя, ярко сияющую златыми ризами – Божественными добродетелями, поставил одесную Себя, воздавая подобающую честь Тебе, как Матери, Всенепорочная. |
| Па́че ума́ Рождество́ Твое́, Богома́ти: без му́жа бо зача́тие в тебе́, и деви́чески рожде́ние бы́сть: и́бо Бо́г е́сть Рожде́йся, Его́же велича́юще, Тя́, Де́во, ублажа́ем. | Твое рождество, Богоматерь, превышает ум; ибо зачатие в Тебе совершилось без мужа, и рождение – девственное, ибо Родившийся – Бог. Величая Его, мы ублажаем Тебя, Дева. (С славянского.)49 |
Д) Стихиры на хвалитех.
| Го́споди, запеча́тану гро́бу от беззако́нников, проше́л еси́ из гро́ба, я́коже роди́лся еси́ от Богоро́дицы: не уразуме́ша, ка́ко воплоти́лся еси́, безпло́тнии Твои́ а́нгели: не чу́вствоваша, когда́ воскре́сл еси́, стрегу́щии Тя́ во́ини. Обоя́ бо запечатле́стася испыту́ющым, яви́шася же чудеса́ кла́няющымся ве́рою та́инству: е́же воспева́ющым, возда́ждь на́м ра́дость и ве́лию ми́лость. | Господи! хотя беззаконники и запечатали место Твоего погребения, но Ты вышел из гроба так, как родился от Богородицы. Твои бесплотные Ангелы не уразумели, как Ты воплотился, и охранявшие Тебя воины не заметили, когда воскрес Ты! То и другое чудо запечатлено для пытливых, но открыто для поклоняющихся с верою этому таинству, которое воспевающим нам даруй радость и великую милость. |
| Го́споди, вереи́ ве́чныя сокруши́в, и у́зы растерза́в, от гро́ба воскре́сл еси́, оста́вль Твоя́ погреба́льная, во свиде́тельство и́стиннаго тридне́внаго Твоего́ погребе́ния: и предвари́л еси́ в Галиле́и, в пеще́ре стрего́мый. Ве́лия Твоя́ ми́лость, Непостижи́ме Спа́се, поми́луй и спаси́ на́с. | Господи! уничтожив вечные запоры и разорвав оковы, Ты воскрес из гроба, в подтверждение истины Своего тридневного погребения оставив (во гробе) Свои погребальные пелены, и предварил (учеников) в Галилее, между тем как Тебя охраняли в пещере. Великая милость Твоя, непостижимый Спаситель! Помилуй и спаси нас. (Ин. 20:5–7. Мф. 28:7.) |
| Го́споди, жены́ теко́ша на гро́б, ви́дети Тя́ Христа́ на́с ра́ди пострада́вшаго, и прише́дшя, обрето́ша а́нгела на ка́мени седя́ща, стра́хом отва́льшемся, и к ни́м возопи́ глаго́ля: воскре́се Госпо́дь, рцы́те ученико́м, я́ко воскре́се от ме́ртвых, спаса́яй ду́шы на́шя. | Господи! жёны прибыли к Твоему гробу, чтобы посмотреть на Тебя, ради нас пострадавшего Христа, но пришедши нашли Ангела, сидевшего на камне, вследствие колебания отвалившемся (от гроба). Обратившись к ним с речью, (Ангел) сказал: восстал Господь; возвестите ученикам, что воскрес из мертвых Спасающий души наши. |
| Го́споди, я́коже изше́л еси́ от запеча́таннаго гро́ба, та́ко вше́л еси́ и две́рем заключе́ным ко ученико́м Твои́м, показу́я и́м теле́сная страда́ния, я́же подъя́л еси́, Спа́се Долготерпели́вый: я́ко от се́мене Дави́дова я́звы претерпе́л еси́: я́ко Сы́н же Бо́жий, ми́р свободи́л еси́. Ве́лия Твоя́ ми́лость, Непостижи́ме Спа́се, поми́луй и спаси́ на́с. | Господи! Ты как вышел из гроба, когда он был запечатан, так и вошел к ученикам Своим, когда двери (дома) были заперты, и показал им свои телесные раны, которые претерпел Ты, долготерпеливый Спаситель. Как происшедший от семени Давида, Ты претерпел язвы, а как Сын Божий, Ты освободил мир. Велика милость Твоя, непостижимый Спаситель! помилуй и спаси нас. (Лк. 24:39. Ин. 20:19.) |
| Го́споди Царю́ веко́в, и Тво́рче все́х, на́с ра́ди распя́тие и погребе́ние пло́тию прии́мый, да на́с от а́да свободи́ши все́х: Ты́ еси́ Бо́г на́ш, ра́зве Тебе́ ино́го не ве́мы. | Господи, Царь веков и Творец всех! ради нас Ты претерпел плотию распятие и погребение, чтобы всех нас освободить от ада. Ты – Бог наш, и кроме Тебя, иного не знаем. |
| Го́споди, пресия́ющая Твоя́ чудеса́ кто́ испове́сть? или́ кто́ возвести́т стра́шная Твоя́ та́инства? вочелове́чивыйся бо на́с ра́ди, я́ко Са́м восхоте́л еси́, держа́ву яви́л еси́ си́лы Твоея́: Кресто́м бо Твои́м разбо́йнику ра́й отве́рзл еси́, и погребе́нием Твои́м вереи́ а́довы сокруши́л еси́, Воскре́сением же Твои́м вся́ческая обогати́л еси́: Благоутро́бне, Го́споди, сла́ва Тебе́. | Господи! кто может поведать Твои преславные чудеса? или кто может возвестить о Твоих страшных таинствах? По Своей собственной воле ради нас вочеловечившись Ты явил державную Свою силу: Своим крестом Ты отверз рай разбойнику, Своим погребением сокрушил запоры ада и Своим воскресением обогатил все. Милосердый Господи, слава Тебе! |
| Мироно́сицы жены́ гро́ба Твоего́ дости́гшя, зело́ ра́но иска́ху Тебе́ ми́ры пома́зати, Безсме́ртнаго Сло́ва и Бо́га: и а́нгела глаго́лы огласи́вшяся, возвраща́хуся ра́достию, апо́столом возвести́ти я́ве, я́ко воскре́сл еси́, Животе́ все́х, и по́дал еси́ ми́рови очище́ние и ве́лию ми́лость. | Жёны-мироносицы, в глубокое утро пришедши к Твоему гробу, искали Тебя – бессмертное Слово и Бога, чтобы помазать миром: но, услышавши слова Ангела, с радостию возвратились к Апостолам, чтобы открыто возвестить им, что Ты, жизнь всех, воскрес и даруешь миру очищение и великую милость. (Мф. 28:8.) |
| Богоприя́тнаго гро́ба ко иуде́ом стра́жие глаго́лаху: О ва́шего суему́дреннаго сове́та! стрещи́ Неопи́саннаго покуси́вшеся, всу́е труди́стеся, сокры́ти Воскре́сение Распя́таго хотя́ще, я́сно показа́сте. О ва́шего суему́дреннаго собо́рища! что́ па́ки сокры́ти сове́туете, Е́же некры́ется? па́че же от на́с услы́шите, и ве́ровати восхощи́те бы́вших и́стине: а́нгел молниено́сец с небесе́ соше́д ка́мень отвали́, его́же стра́хом ме́ртвостию содержи́ми бы́хом, и возгласи́в крепкоу́мным мироно́сицам, глаго́лаше жена́м: не зрите́ ли страже́й умерщвле́ния, и печа́тей разреше́ния, а́дова же истоща́ния? почто́ побе́ду а́дову Упраздни́вшаго, и сме́ртное жа́ло Сокруши́вшаго, я́ко ме́ртва взыску́ете? благовести́те же ско́ро ше́дшя апо́столом Воскре́сение, без стра́ха зову́щя: вои́стинну воскре́се Госпо́дь, име́я ве́лию ми́лость. | Приставленные к Твоему Божественному гробу стражи говорили иудеям: как бессмысленно ваше совещание! напрасно вы трудились, придумывая средства охранять Беспредельного; желая скрыть воскресение Распятого, вы с очевидностью подтвердили его. Как легкомыслен ваш синедрион! зачем вы снова задумали скрыть то, что не скрывается? Лучше послушайте нас и решитесь поверить истине всего случившегося: имевший вид молнии Ангел, сошед с неба, отвалил (от гроба) камень, а мы от страха стали, как мертвые; обратившись с речью к благоразумным женам-мироносицам, (Ангел) сказал: разве не видите, что стражи омертвели, печати разломаны и опустел ад? зачем ищете как мертвого Того, Кто упразднил победу ада и уничтожил жало смерти? идите немедленно к Апостолам и возвестите им радостную весть о воскресении, без страха восклицая: по истине воскрес Господь, имеющий великую милость. (Мф. 28:9–15.) |
Блаженны на литургии
| Разбо́йник на кресте́ Бо́га Тя́ бы́ти ве́ровав, Христе́, испове́да Тя́ чи́сте от се́рдца, помяни́ мя, Го́споди, вопия́, во Ца́рствии Твое́м. | На кресте уверовавший в Тебя, как Бога, разбойник от чистого сердца исповедал Тебя, Христе, восклицая: помяни меня, Господи, в Царствии Твоем! (Лк. 23:42.) |
| И́же на дре́ве кре́стнем жи́знь процве́тшаго ро́ду на́шему, и изсуши́вша ю́же от дре́ва кля́тву, я́ко Спа́са и Соде́теля согла́сно воспои́м. | Древом креста Произрастившего жизнь роду нашему и Уничтожившего понесенное чрез древо проклятие единогласно воспоем, как Спасителя и Творца. |
| Сме́ртию Твое́ю, Христе́, сме́ртную разруши́л еси́ си́лу, и совоздви́гл еси́ и́же от ве́ка уме́ршыя, Тя́ пою́щыя и́стиннаго Бо́га и Спа́са на́шего. | Своею смертию Ты, Христе, уничтожил силу смерти и воскресил с Собою от века умерших, прославляющих Тебя, истинного Бога и Спасителя нашего. |
| На гро́б Тво́й, Христе́, прише́дшя жены́ честны́я, иска́ху Тя́, Жизнода́вче, миропома́зати, и яви́ся и́м а́нгел вопия́: воскре́се Госпо́дь. | Благочестивые жены, пришедши к Твоему гробу, искали Тебя, Жизнеподатель Христос, чтобы помазать миром; но им явился Ангел и сказал: воскрес Господь. (Мф. 28:6.) |
| Распе́ншу Ти ся, Христе́, посреде́ двою́ осужде́нною разбо́йнику, еди́н у́бо ху́ля Тя́, осужде́н бы́сть пра́ведне: други́й же испове́дая Тя́, в ра́й всели́ся. | Когда распяли Тебя, Христе, среди двух осужденных разбойников, тогда один, злословивший Тебя, справедливо был обвинен, а другой, исповедавший Тебя, вошел в рай. |
| Ко апо́столов ли́ку прише́дшя жены́ честны́я, возопи́ша: Христо́с воскре́се, я́ко Влады́це и Соде́телю Тому́ поклони́мся. | Благочестивые жёны, пришедши к лику Апостолов, восклицали: воскрес Христос! поклонимся Ему, как Владыке и Творцу. |
| Тро́ице Неразде́льная, Еди́нице Вседе́тельная и Всеси́льная, О́тче, Сы́не и Святы́й Ду́ше, Тебе́ пое́м И́стиннаго Бо́га и Спа́са на́шего. | Нераздельная Троица, вседетельная и всемогущая Единица, Отец, Сын и Святой Дух! прославляем Тебя, истинного Бога и Спасителя нашего. |
| Ра́дуйся, одушевле́нный Хра́ме Бо́жий и Врата́ Непроходи́мая: ра́дуйся, неопали́мый и огнеобра́зный Престо́ле: ра́дуйся, Ма́ти Емману́ила, Христа́ Бо́га на́шего. | Радуйся, одушевленный храм Бога и врата непроходимые! радуйся, неопалимый и огненный престол! радуйся, Матерь Еммануила Христа Бога нашего. |
* * *
39
Т. е. девство сохранилось в Богоматери.
40
Воплотившийся Христос.
41
Евангельской проповеди. Мк. 16:5. 20.
42
Указывается на проклятие, произнесенное Богом земле, по которому она, из-за грехопадения Адама, должна была произращать ему терние. Быт. 3:18.
43
Св. Иоанн Дамаскин в «Изложении православныя веры» говорит: «слово тленность имеет два значения. Во-первых, оно означает человеческие немощи (πάϑη), как-то: голод, жажду, утомление, прободение гвоздьми, смерть или разлучение души с телом, и тому подобное. В сем смысле мы называем тело Господа тленным, так как Он все сие принял на Себя добровольно. Во-вторых, тленность означает совершенное разложение тела на стихии, из которых оно составлено, и его разрушение. В сем значении тленность (φϑορά) у многих называется истлением (διαφϑορά). Сего истления не испытало тело Господа, как говорит пророк Давид». Пс. 15:10. См. стр. 219.
44
Приятную воду.
45
В греческих изданиях нет.
46
Св. Иоанн Дамаскин в «Изложении православной веры» говорит: «смерть, приступивши и поглотивши тело Господне, как приманку, пронзается Божеством, как удою, и, вкусивши безгрешного и животворящего тела, сама погибает и возвращает всех, поглощенных ею прежде». Стр. 218.
47
В греческих изданиях нет.
48
В подлиннике употреблен глагол τυρόω с значением – сгущать, сыр.
49
В греческих изданиях нет.