Иван Ловягин
Глас четвертый
На малой вечерне
Стихиры.
| Без се́мене зачала́ еси́ и родила́ еси́ неизрече́нно, Низложи́вшаго си́льныя от престо́л, и Вознося́щаго смире́нныя, и Воздвиза́ющаго ро́г ве́рных Свои́х, сла́вящих Христо́в Кре́ст и погребе́ние, и сла́вное Воскре́сение. Те́мже Тя́, Богоро́дице, Хода́таицу толи́ких бла́г немо́лчными пе́сньми ублажа́ем, я́ко моля́щуюся при́сно, е́же спасти́ся душа́м на́шым. | Ты бессеменно зачала и неизреченно родила Низложившего сильных с престолов, Возносящего смиренных и Возвышающего достоинство верующих в Него, прославляющих распятие, погребение и славное воскресение Христа. Посему мы неумолкаемыми песнями ублажаем Тебя, Богородица, как виновницу столь великих благ, непрестанно молящуюся о спасении душ наших. |
| Из Безнача́льна Отца́ Сы́н безле́тно, низхожде́ния ра́ди и спасе́ния челове́ков, Бо́г Челове́к бы́сть, да пода́ст первозда́нному ны́не ра́й: тогда́ и все́ естество́ изба́вится от пре́лести зми́евы, и о́браз па́дший спасе́т, я́ко Благопремени́тель: отню́дуже Ма́терь соде́ла Невесторо́дицу Чи́сту я́ко нескве́рну, Ю́же я́ко агки́ру вси́, и приста́нище ублажа́ем. | Бог Сын, родившийся вне времени от безначального Отца, как примиритель, по снисхождению и ради спасения людей, соделался человеком, чтобы даровать ныне первозданному (Адаму) рай и затем освободить все естество от обольщений змия и спасти падший образ. Посему Он Матерью (Своею) сделал чистую, непорочную Невесту, в Которой все мы имеем как бы якорь душ наших.30 |
| Воплоще́нна Созда́теля все́х, име́ла еси́ во утро́бе Твое́й, Богоблаже́нная, вообрази́вшаго Челове́ка, пре́жде па́дшаго преступле́нием змии́ным: Бо́га бо родила́ еси́ пло́тию несказа́нно на́м, и из тле́ния свободи́ла еси́ естество́ все́ обетша́вшее, Рождество́м Твои́м, те́мже пое́м и сла́вим Твою́ благода́ть Де́во Безневе́стная, моли́тися не преста́й, спасти́ся душа́м на́шым. | Ты, Богоблаженная, имела в Своей утробе воплотившегося Творца всех, восстановившего человека, некогда чрез змия преступлением падшего; ибо Ты неизреченно родила нам Бога по плоти и Своим рождением освободила от тления все обветшавшее естество (человеческое). Посему воспеваем и прославляем благодать Твою, неневестная Дева, умоляя об избавлении чрез Тебя31 от всякого наказания. |
| Да Твоея́ все́м мно́жество ми́лости и бла́гости откры́еши на́м неопредели́мую пучи́ну, грехи́ рабо́в Твои́х вся́ загла́ди: и́маши бо, Всенепоро́чная, я́ко Ма́ти су́щи Бо́жия, вла́сть созда́ния, и во́диши вся́, я́ко хо́щеши, си́лою Твое́ю: и́бо благода́ть Ду́ха Свята́го я́ве все́льшаяся в Тя́, соде́йствует Ти́ во все́м при́сно, Всеблаже́ннейшая. | Чтобы явить всем нам множество милости и беспредельную бездну Твоей благости, загладь все грехи рабов Твоих; ибо Ты, Всенепорочная, как Матерь Бога, имеешь власть над тварью и Своим могуществом управляешь всем по Своей воле, и благодать Святого Духа, явно вселившаяся в Тебя, непрестанно содействует Тебе во всем, Всеблаженная. |
| И́же со Отце́м и Ду́хом славосло́вимый Сы́н, в вы́шних от Серафи́мов первосозда́ннаго па́ки обнови́ти хотя́, всего́ Себе́ истощи́ неизрече́нно во утро́бе Твое́й, Богоро́дице Всепе́тая: и из Тебе́ возсия́вый, просвети́ всего́ ми́ра Божество́м, изба́вивый от идолонеи́стовства, и Собо́ю обожи́вый, на небеса́ возведе́ челове́чество, Христо́с Бо́г и Спа́с ду́ш на́ших. | Вместе с Отцом и Духом прославляемый на небе серафимами Сын, желая обновить первозданного, неизреченно всего Себя уничижил в Твоей утробе, всепетая Богородица; родившись от Тебя, Он Своим Божеством просветил весь мир, избавил его от идолопоклонства и, обожив в Себе человеческое естество, возвел его на небеса, – Христос Бог и Спаситель душ наших. |
На великой вечерне
А) Стихиры на «Господи воззвах».
| Животворя́щему Твоему́ Кресту́, непреста́нно кла́няющеся, Христе́ Бо́же, тридне́вное Воскре́сение Твое́ сла́вим: те́м бо обнови́л еси́ истле́вшее челове́ческое естество́, Всеси́льне, и и́же на небеса́ восхо́д обнови́л еси́ на́м, я́ко еди́н Бла́г и Человеколю́бец. | Непрестанно поклоняясь животворящему кресту Твоему, Христе Боже, прославляем Твое тридневное воскресение; ибо им (воскресением) Ты, Всесильный, обновил истлевшее человеческое естество и возобновил нам восход на небеса, как единый Благой и Человеколюбец. |
| Дре́ва преслуша́ния запреще́ние разреши́л еси́, Спа́се, на Дре́ве кре́стнем во́лею пригвозди́вся, и во а́д соше́д, Си́льне, сме́ртныя у́зы я́ко Бо́г растерза́л еси́. Те́мже кла́няемся е́же из ме́ртвых Твоему́ Воскре́сению, ра́достию вопию́ще: всеси́льне Го́споди, сла́ва Тебе́. | Добровольно пригвоздившись к крестному древу, Ты, Спаситель, уничтожил наказание за преслушание относительно древа и, нисшед в ад, Ты, Всесильный, как Бог, расторг оковы смерти. Посему поклоняемся Твоему воскресению из мертвых, радостно восклицая: всесильный Господи, слава Тебе! |
| Врата́ а́дова сокруши́л еси́, Го́споди, и Твое́ю сме́ртию сме́ртное ца́рство разруши́л еси́: ро́д же челове́ческий от истле́ния свободи́л еси́, живо́т и нетле́ние ми́ру дарова́в, и ве́лию ми́лость. | Ты, Господи, разрушил врата ада, Своею смертью уничтожил царство смерти и избавил род человеческий от тления, даровав миру жизнь, бессмертие и великую милость. |
| Прииди́те воспои́м, лю́дие, Спа́сово тридне́вное воста́ние, и́мже изба́вихомся а́довых нереши́мых у́з: и нетле́ние и жи́знь вси́ восприя́хом зову́ще: распны́йся, и погребы́йся, и воскресы́й, спаси́ ны Воскре́сением Твои́м, Еди́не Человеколю́бче. | Приидите, люди, воспоем тридневное воскресение Спасителя, чрез которое мы избавились от несокрушимых оков ада и все получили нетление и жизнь, и воскликнем; Распятый, Погребенный и Воскресший! спаси нас воскресением Своим, единый Человеколюбец. |
| А́нгели и челове́цы, Спа́се, Твое́ пою́т тридне́вное Воста́ние, и́мже озари́шася вселе́нныя концы́, и рабо́ты вра́жия вси́ изба́вихомся, зову́ще: Животво́рче Всеси́льне Спа́се, спаси́ ны Воскре́сением Твои́м, Еди́не Человеколю́бче. | Ангелы и люди прославляют Твое, Спаситель, тридневное воскресение, чрез которое просветились пределы вселенной, и все мы избавились от рабства врагу, восклицающие: всесильный Жизнеподатель, Спаситель! спаси нас Твоим воскресением, единый Человеколюбец. |
| Врата́ ме́дная сте́рл еси́, и вереи́ сокруши́л еси́, Христе́ Бо́же, и ро́д челове́ческий па́дший воскреси́л еси́. Сего́ ра́ди согла́сно вопие́м: Воскресы́й из ме́ртвых, Го́споди, сла́ва Тебе́. | Ты, Христе Боже, разрушил врата медные, сокрушил запоры и воскресил падший род человеческий. Посему мы единогласно восклицаем: воскресший из мертвых Господи, слава Тебе! |
| Го́споди, е́же от Отца́ Твое́ Рождество́, безле́тно е́сть и присносу́щно: е́же от Де́вы воплоще́ние, неизрече́нно челове́ком и несказа́нно: и е́же во а́д соше́ствие стра́шно диа́волу и а́ггелом его́: сме́рть бо попра́в, тридне́вен воскре́сл еси́, нетле́ние подава́я челове́ком, и ве́лию ми́лость. | Господи! Твое рождение от Отца – безначальное и вечно; Твое воплощение от Девы – неизреченно и непостижимо для людей; Твое нисшествие в ад – страшно для дьявола и ангелов его: ибо Ты, поправ смерть, в третий день воскрес и даровал людям нетление и великую милость. |
Богородичен.
| И́же Тебе́ ра́ди Богооте́ц проро́к Дави́д пе́сненно о Тебе́ провозгласи́, вели́чия Тебе́ Сотво́ршему: предста́ Цари́ца одесну́ю Тебе́. Тя́ бо Ма́терь, хода́таицу живота́ показа́, без отца́ из Тебе́ вочелове́читися благоволи́вый Бо́г, да сво́й па́ки обнови́т о́браз, истле́вший страстьми́, и заблу́ждшее горохи́щное обре́т овча́, на ра́мо восприи́м, ко Отцу́ принесе́т, и Своему́ хоте́нию, с небе́сными совокупи́т си́лами, и спасе́т, Богоро́дице, ми́р, Христо́с име́яй ве́лию и бога́тую ми́лость. | Пророк Давид, чрез Тебя (Богородица) сделавшийся Богоотцом, в псалме (Пс.44:10) провозгласил о Тебе пред Сотворшим Тебе величие (Лк. 1:49): «предстала Царица одесную Тебя». Ибо благоволив вочеловечиться без отца от Тебя, Богородица, сделал Тебя – Матерь ходатаицею жизни, чтобы обновить поврежденный страстями Свой образ (в человеке), чтобы, отыскав заблудившуюся на горах овцу, взять ее на Свои рамена, принести к Своему Отцу, согласно Своему соизволению (Ин. 17:24) соединить с небесными силами и спасти мир, Христос, имеющий великую и богатую милость. |
Б) Стихиры на стиховне.
| Го́споди, возше́д на Кре́ст, пра́деднюю на́шу кля́тву потреби́л еси́, и соше́д во а́д, ве́чныя у́зники свободи́л еси́, нетле́ние да́руя челове́ческому ро́ду: сего́ ра́ди пою́ще сла́вим животворя́щее и спаси́тельное Твое́ воста́ние. | Ты, Господи, восшел на крест, уничтожил наше от прародителей наследованное проклятие; нисшед в ад, освободил бывших в нем от века узников и даровал нетление человеческому роду. Посему воспеваем и прославляем Твое животворное и спасительное воскресение. |
| Пове́шен на дре́ве Еди́не Си́льне, всю́ тва́рь поколеба́л еси́: положе́н же во гро́бе, живу́щыя во гробе́х воскреси́л еси́, нетле́ние и жи́знь да́руя челове́ческому ро́ду. Те́мже пою́ще сла́вим тридне́вное Твое́ Воста́ние. | Вися на древе (креста), Ты, единый Всемогущий, поколебал всю тварь; будучи положен во гробе, воскресил пребывавших во гробах и даровал нетление и жизнь человеческому роду. Посему воспеваем и прославляем Твое тридневное воскресение. |
| Лю́дие беззако́ннии, Христе́, Тебе́ преда́вше Пила́ту, распя́ти осуди́ша, неблагода́рни о Благоде́тели яви́вшеся. Но во́лею претерпе́л еси́ погребе́ние: самовла́стно воскре́сен еси́ тридне́вно я́ко Бо́г, да́руя на́м безконе́чный живо́т, и ве́лию ми́лость. | Беззаконный народ, оказавшийся неблагодарным к своему Благодетелю, предал Тебя, Христе, Пилату и осудил на распятие. Но Ты, добровольно претерпев погребение, самовластно в третий день воскрес, как Бить, даруя нам бесконечную жизнь и великую милость. |
| Со слеза́ми жены́, доше́дшя гро́ба, Тебе́ иска́ху, не обре́тшя же, рыда́ющя с пла́чем вопию́щя глаго́лаху: увы́ на́м, Спа́се на́ш, Царю́ все́х, ка́ко укра́ден бы́л еси́? ко́е же ме́сто держи́т Живоно́сное Те́ло Твое́? А́нгел же к ни́м отвещава́ше, не пла́чите, глаго́лет, но ше́дшя пропове́дите, я́ко воскре́се Госпо́дь, подая́ на́м ра́дость, я́ко Еди́н Благоутро́бен. | Жены, со слезами пришедши к гробу, стали искать Тебя, но, не нашедши, в печали с рыданием восклицали и говорили; увы, Спаситель наш, Царь всех! каким образом украли Тебя? какое место обладает Твоим живоносным телом? Тогда Ангел в ответь сказал: не плачьте, но подите и возвестите, что воскрес Господь, даруя нам радость, как единый милосердый. |
| При́зри на моле́ния Твои́х ра́б, Всенепоро́чная, утоля́ющи лю́тая на ны́ воста́ния, вся́кия ско́рби на́с изменя́ющи: Тя́ бо Еди́ну тве́рдое и изве́стное Утвержде́ние и́мамы, и Твое́ предста́тельство стяжа́хом. Да не постыди́мся, Влады́чице, Тя́ призыва́ющии, потщи́ся на умоле́ние, Тебе́ ве́рно вопию́щих: ра́дуйся, Влады́чице, все́х по́моще, Ра́досте и Покро́ве, и Спасе́ние ду́ш на́ших. | Преклонись на молитвы рабов Твоих, Пренепорочная, устрани угрожающие нам беды и освободи нас от всяких скорбей; ибо в Тебе одной мы имеем твердую и неизменную защитницу и в Тебе приобрели заступницу. Да не постыдимся, призывая Тебя, Владычица; исполни мольбы с верою восклицающих Тебе: радуйся, Владычица, всех помощь, радость, покров и спасение душ наших! |
В) Тропарь воскресный.
| Све́тлую Воскре́сения про́поведь от а́нгела уве́девшя Госпо́дни ученицы, и пра́деднее осужде́ние отве́ргшя, апо́столом хва́лящяся глаго́лаху: испрове́ржеся сме́рть, воскре́се Христо́с Бо́г, да́руяй ми́рови ве́лию ми́лость. | Ученицы Господа, услышавши от Ангела радостную весть о воскресении и избавившись от прародительского осуждения, радостно говорили Апостолам: ниспровержена смерть, воскрес Христос Бог, дарующий миру великую милость. |
Богородичен.
| Е́же от ве́ка утае́ное, и а́нгелом несве́домое та́инство: Тобо́ю, Богоро́дице, су́щым на земли́ яви́ся Бо́г, в несли́тном соедине́нии воплоща́ем, и Кре́ст во́лею на́с ра́ди восприи́м, и́мже воскреси́в первозда́ннаго, спасе́ от сме́рти ду́шы на́шя. | От века сокровенное и для Ангелов непостижимое таинство чрез Тебя, Богородица, явилось живущим на земле, (явился) Бог, воплотившийся в неслиянном соединении (двух естеств) и ради нас добровольно воспринявший крест, которым Он воскресил первозданного (Адама) и спас от смерти души наши. |
Канон полунощницы
Песнь 1. Ирмос.
| Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зныма Моисе́овыма рука́ма, Амали́кову си́лу в пусты́ни победи́л е́сть. | Древний Израиль, не намоченными стопами прошедши глубину Чермного моря, при помощи крестообразно сложенных рук Моисея в пустыне обратил в бегство войско амаликитян. |
Тропари.
| Тро́ицу Богонача́льную да просла́вим Ипоста́сьми, Еди́нственное же Естество́ Трие́х, Соприсносу́щную, Сопресто́льную, Ю́же моля́ще, глаго́лем: спаси́ и́же ве́рою Тебе́ сла́вящих. | Прославим Божественную Троицу по ипостасям, но единое трех (лиц) естество, (Троицу) совечную, со престольную, Которой молясь восклицаем; спаси с верою прославляющих Тебя. |
| Пома́зася от Отца́ Ду́хом ра́дования, Богоде́тельным еле́ем, Сы́н, и Челове́к бы́сть, и Еди́наго Божества́ Триипоста́сное научи́л е́сть. | Сын был помазан от Отца Божественным елеем – Духом радости, сделался человеком и открыл триипостасность единого Божества. |
| Добро́ту непристу́пныя сла́вы Твоея́, Еди́нице Трисо́лнечная, Серафи́ми не терпя́ще зре́ти, спокрыва́ются кри́лы: и Трисвяты́ми пе́сньми непреста́нно Тебе́ сла́вят. | Серафимы, не будучи в состоянии взирать на красоту неприступной славы Твоей, трисолнечная Единица, прикрываются крыльями и трисвятыми песнями непрестанно прославляют Тебя. |
| Неизрече́нно Творца́ родила́ еси́ все́х, Пречи́стая, избавля́ющаго дре́вния кля́твы челове́ки, и сме́ртныя тли́, и Тобо́ю позна́хом Еди́наго Бо́га Триипоста́снаго. | Ты, Пречистая, неизреченно родила Творца всех, избавляющего людей от древнего проклятия и смертоносного тления, и чрез Тебя мы познали единого триипостасного Бога. |
Песнь 3. Ирмос.
| Не му́дростию и си́лою и бога́тством хва́лимся, но Тобо́ю, О́тчею Ипоста́сною му́дростию, Христе́: не́сть бо свя́т, па́че Тебе́, Человеколю́бче. | Мы хвалимся не мудростью, силою и богатством, но Тобою (Христе), ипостасною мудростью Бога Отца;32 ибо нет святого, кроме Тебя, Человеколюбец. |
Тропари.
| Си́лу свы́ше святы́м Твои́м пре́жде апо́столом, я́ко посла́л еси́, Христе́, от Отца́ Уте́шителя, Еди́но яви́л еси́ Естество́ Трисо́лнечное. | Некогда послав свыше от Отца Своим святым Апостолам силу – Утешителя, Ты, Христе, явил единое трисолнечное естество. |
| Патриа́рху Авраа́му егда́ яви́лася еси́ во о́бразе му́жесте, Тро́ичня Еди́нице, непреме́нное показа́ла еси́ Твоея́ Бла́гости и Госпо́дьства. | Явившись патриарху Аврааму в человеческом образе, Ты, Тройственная Единица, явила неизменяемость Своей благости и господства. |
| И́же во О́бразех Трие́х, Еди́н Бо́г ве́руемый: Неопи́санный я́ве, Недомы́слимый все́ми, изба́ви ду́шы на́шя от вся́кия ско́рби. | Исповедуемый в трех лицах единый Боже, истинно беспредельный и непостижимый для всех! от всяких скорбей избавь души наши. |
| Наста́вльшеся Сы́на Твоего́ прему́дрыми приведе́ньми, Еди́нственное и Трисве́тлое Богонача́лие сла́вим, и Тебе́ блажи́м, Присноде́ву. | Наученные мудрыми наставлениями Твоего Сына, прославляем единое и трисветлое Божество и ублажаем Тебя – Приснодеву. |
Седален.
| Трисо́лнечная, Несозда́нная и Единосу́щная Eди́нице, Триипоста́сная и Непостижи́мая, рабы́ Твоя́ уще́дри: спаси́ от бе́д, я́ко Бо́г ми́лостив, Тя́ бо, Го́споди, Еди́наго Изба́вителя и Влады́ку и́мамы, вопию́ще: бу́ди на́м ми́лостив. | Трисолнечная, несозданная, единосущная, триипостасная и непостижимая Единица! умилосердись над рабами Твоими и, как милосердый Бог, спаси от бед; ибо в Тебе, Господи, мы имеем единого Избавителя и Владыку и взываем: будь милостив к нам. |
Богородичен.
| Мно́гими обстояньми и напа́стьми лю́тых, Де́во, окружа́еми, и ко отча́янию при́сно впа́дающе, Еди́ну Тя́ спасе́ние и наде́жду, и сте́ну и́мамы, Богоро́дице, и Тебе́ по до́лгу ве́рою и ны́не мо́лим: спаси́ рабы́ Твоя́. | Окружаемые многими опасностями и великими несчастиями и постоянно впадая в отчаяние, в Тебе одной, Дева Богородица, мы имеем спасение, надежду и стену. И ныне по долгу, с верою, молим Тебя: спаси рабов Твоих. |
Песнь 4. Ирмос.
| Седя́й в сла́ве на Престо́ле Божества́, во о́блаце ле́гце прии́де Иису́с Пребоже́ственный, нетле́нною дла́нию, и спасе́ зову́щыя: сла́ва, Христе́, си́ле Твое́й. | Сидящий в славе на престоле Божества, пребожественный Иисус пришел на легком облаке, (носимый) не тленною дланию, и спас восклицающих: слава, Христе, силе Твоей! (Ис. 19:1; Пс. 46:9) |
Тропари.
| Пресу́щную Тро́ицу, во Еди́нице Божества́ и Господонача́лие, с Cерафи́мы Тебе́ сла́вим, я́ко Неразде́льно Естество́, я́ко Непристу́пное, я́ко равноста́тно сла́вою, Бо́же Непостижи́мый. | Вместе с серафимами прославляем Тебя, пресущественную Троицу в Единице Божества и Господа, – естество нераздельное, неприступное и равночестное по славе, Боже непостижимый. |
| Разделе́нну су́щу неизрече́нно Ли́цы Божества́, и соединя́ему Держа́вою вку́пе Еди́нем Госпо́дством, Безпреде́льну Еди́ну, Неопи́санну, воспева́ем Тя́, Творца́ всея́ тва́ри. | Воспеваем Тебя – неизреченно разделяемое по лицам, но единое по единству господства Божество, единое беспредельное и неописуемое, Творца всякой твари. |
| Ум безнача́льный, Сло́во Неизглаго́ланне роди́, и Боже́ственнаго Ду́ха Равномо́щна испусти́: и сего́ ра́ди Тро́ицу Единосу́щную, Влады́ку все́х Бо́га пропове́даем. | Безначальный Ум непостижимо рождает Слово и производит равного по могуществу Божественного ради Духа. Посему проповедуем единосущную Троицу, Владыку всех –Бога. |
| Ви́дим быва́я дре́вними обра́зне, предвозвести́ло е́сть, е́же от Тебе́ воплоще́ние, Сло́во: но по́слежде я́влься челове́ком, пои́стинне Триипоста́сное Единонача́лие яви́. | Слово, являвшееся древним в прообразах, предвозвестило о Своем воплощении от Тебя, Дева; и впоследствии действительно явившись людям, открыло (им) единое триипостасное начало. |
Песнь 5. Ирмос.
| Ужасо́шася вся́ческая о Боже́ственней сла́ве Твое́й: Ты́ бо, Неискусобра́чная Де́во, име́ла еси́ во утро́бе над все́ми Бо́га, и родила́ еси́ Безле́тнаго Сы́на, все́м воспева́ющым Тя́ ми́р подава́ющая. | Все изумляется Божественной славе Твоей: ибо Ты, непознавшая брака Дева, имела во чреве Всевышнего Бога и родила безлетного Сына, даруя мир всем, воспевающим Тебя. |
Тропари.
| Разуме́вше от ве́ры Вседе́тельнаго Божества́, Еди́но у́бо Непристу́пно Существо́, Три́ же Ипоста́си Живонача́льны, сра́слены чте́м: Отца́, и Сы́на, и Ду́ха Свята́го Соприсносу́щное бытие́. | Познавши верою единую неприступную сущность все созидающего Божества, но три, содержащие в себе жизнь и соестественные ипостаси, почитаем Отца, Сына и Святого Духа, – совечное бытие. |
| Све́те Трисо́лнечне, су́щественнаго Све́та Твоего́ возсия́й ми́ Еди́нственное Божество́, Несозда́нное Естество́, и светоде́йственный Исто́чниче вся́кия светода́тельныя зари́: да созерца́ю Твою́ добро́ту неизрече́нную. | Трисолнечный свет, единое Божество, несозданное естество, светлый источник всякого светоподательного сияния! озари меня светом существа Твоего, чтобы я как-бы в зеркале взирал на Твою неизреченную красоту. (2Кор. 3:18) |
| Я́ко Еди́ному су́щу Соде́телю вся́ческих, и Содержи́телю, и Ко́рмчию Всепрему́дру, вои́стинну и жи́зни Пода́телю, сего́ ра́ди и вопие́м Ти́ ве́рно: Влады́ко Трисо́лнечне, пою́щыя Тя́ соблюди́. | (Исповедуем) Тебя по истине единым Создателем и Промыслителем всего, премудрым Руководителем и Подателем жизни.33 Посему с верою и восклицаем Тебе: трисолнечный Владыко, сохрани воспевающих Тебя. |
| Обожи́ти хотя́ дре́вле истле́вшаго челове́ка, за бла́гость, Де́во, созда́вый, и показа́вый О́браза Боже́ственный зра́к, Челове́к бы́сть из Тебе́, Еди́но Тричи́сленное Богонача́лие пропове́да. | Обожить желая некогда погибшего человека, по (Своей) благости Создавший и Сделавший его Божественным образом чрез Тебя, Дева, сделался человеком и возвестил о едином троичном Боге. |
Песнь 6. Ирмос.
| Возопи́, прообразу́я погребе́ние тридне́вное, проро́к Ио́на в ки́те моля́ся: от тли́ изба́ви мя́, Иису́се Царю́ Си́л. | Прообразовавший тридневное погребение (Господа) пророк Иона, молясь внутри кита, восклицал: избавь меня от погибели, Иисусе, Царь сил. |
Тропари.
| Яви́ Оте́ц изглаго́луя Сыновство́, и Ду́х, Христу́ кре́щшуся, ви́дим бы́в: сего́ ра́ди Еди́но и Тро́ическое Богонача́лие сла́вим. | Отец Своим гласом явил Сына, и Дух виден был при крещении Христовом: посему прославляем единое и троичное Божество. (Мф. 3:16–17) |
| Я́ко ви́де Тя́ Трисвяты́ми гла́сы воспева́емаго Иса́иа, на высо́це Престо́ле седя́ща, Тро́ическую позна́ Еди́наго Богонача́лия Ипоста́сь. | Исаия, увидев Тебя, сидящего на престоле высоком, прославляемым трисвятыми песнями, познал тройственную ипостась единого Божества. (Исаия 6 гл.) |
| Возвыше́но се́рдце покажи́ и на́с ра́б Твои́х, Высо́кий Царю́ Триипоста́сне: да Твоея́ сла́вы зри́м я́сно све́тлость. | Вышний и триипостасный Царь! соделай и наше сердце возвышенным, чтобы мы, рабы Твои, созерцали блеск Твоей славы. |
| Восхоте́ вообрази́тися я́ве в на́ше, от Де́вы Сы́н Бо́жий я́ко Человеколю́бец, и Боже́ственныя Сла́вы о́бщники челове́ки сотвори́. | Сын Божий, как Человеколюбец, восхотел по истине облечься в наше (естество) чрез Деву и сделал людей участниками в Божественной славе. |
Седален.
| Отца́ нерожде́нна, Сы́на же рожде́нна, и Ду́ха Свята́го исхо́дна от Отца́ му́дрствующе, пропове́даем Безнача́льное Ца́рство и Божество́ еди́но, Е́же славосло́вяще единому́дренно вопие́м: Тро́ице Единосу́щная, спаси́ на́с, Бо́же. | Исповедуя нерожденного Отца, рожденного Сына и Духа Святого, от Отца исходящего, проповедуем безначальное Царство и единое Божество, Которое прославляя, единомысленно восклицаем: Троица единосущная! спаси нас, Боже. |
Богородичен.
| Ле́т превы́шше, и пре́жде ве́к Бо́га, в ле́то родила́ еси́ преесте́ственне пло́тию, Бо́га Челове́ка, Пречи́стая. Те́мже Тя́, Богоро́дицу, и́стинно и госпо́дственне вси́ испове́дающе, приле́жно Ти́ вопие́м: сла́вы ве́чныя вся́ сподо́би. | Ты, Пречистая, во времени сверхъестественно родила плотию бывшего прежде времен и веков Бога – Богочеловека. Посему все мы, исповедуя Тебя по истине и в собственном смысле Богородицею, усердно восклицаем: вечной славы всех удостой. |
Песнь 7. Ирмос.
| В пещи́ Авраа́мстии о́троцы перси́дстей, любо́вию благоче́стия па́че, не́жели пла́менем опаля́еми, взыва́ху: благослове́н еси́ в хра́ме Сла́вы Твоея́, Го́споди. | В Персидской печи чада Авраама, разжигаемые любовию к благочестию более, чем пламенем, восклицали: благословен Ты в храме славы Твоей, Господи! |
Тропари.
| Учине́ная небе́сная естества́, и у́мныя чи́ны правосла́вно вси́ земноро́днии подража́юще, сла́вим Еди́но Божество́ в Трие́х Равноде́тельных ипоста́сех. | Подражая стройным небесным существам и разумным чинам, все мы, земнородные, православно прославляем единое Божество в трех равнодейственных ипостасях. |
| Ре́чи святы́х проро́к, Тя́ дре́вле обра́зно Еди́наго веко́в все́х Соде́теля прояви́ша, Неизрече́ннаго Бо́га и Го́спода, Богонача́льными Треми́ Ипоста́сьми. | В древности речи святых пророков в образах предизобразили Тебя, единого Творца всех веков – непостижимого Бога и Господа, в трех Божественных ипостасях. |
| И́же по существу́ Неви́димое Сло́во и Вседе́тельное, яви́лся еси́ челове́ком, Челове́к от Чи́стыя Богома́тере, челове́ка призыва́я ко прича́стию Твоего́ Божества́. | Ты, по естеству невидимое и создавшее все Слово, чрез Чистую Богоматерь явилось людям как человек, призывая человека к участию в Твоем Божестве. |
Песнь 8. Ирмос.
| Ру́це распросте́р Дании́л, льво́в зия́ния в ро́ве затче́: о́гненную же си́лу угаси́ша, доброде́телию препоя́савшеся, благоче́стия рачи́тели о́троцы, взыва́юще: благослови́те вся́ дела́ Госпо́дня Го́спода. | Даниил во рве, распростерши руки, заградил пасть львов, а ревнители благочестия –отроки, препоясавшись добродетелью, угасили сильный пламень, восклицая: все творения Господни, благословляйте Господа! (Дан. 6:22, 3:57) |
Тропари.
| Све́те Единонача́льный и Трисия́нный, Существо́ Безнача́льное, Добро́то Недове́домая, в се́рдцы мое́м всели́ся, и хра́м Твоего́ Божества́, светови́ден и чи́ст покажи́ мя, зову́ща: благослови́те вся́ дела́ Госпо́дня Го́спода, по́йте и превозноси́те Его́ во ве́ки. | Свет единоначальный и трисиятельный, существо безначальное, красота непостижимая! вселись в мое сердце и светлым и чистым храмом Твоего Божества соделай меня, восклицающего: все творения Господни, благословляйте Господа, воспевайте и превозносите Его во веки! |
| От разли́чных мя́ страсте́й, Тро́ице Неразде́льная, Еди́нице Несли́тная, и омраче́ния прегреше́ний изба́ви, и озари́ луча́ми Твои́ми Боже́ственными: да вообразу́ю Твою́ сла́ву, и воспева́ю Тя́ сла́вы Го́спода. | Нераздельная Троица, неслиянная Единица! избавь меня от разных страстей и омрачения грехов и озари (меня) Своими Божественными лучами, чтобы я мог созерцать Твою славу и воспевать Тебя, Господа славы. |
| Ум у́бо Нерожде́нный Оте́ц, и Сло́во Сообра́зно, и Ду́х Сопресто́лен, Существо́, Си́ла, Бытие́: Пресу́щная, Неизрече́нная, Великоде́йственная Тро́ице, Еди́нице, соблюда́й ста́до Твое́ моли́твами Богоро́дицы, я́ко Естество́м Человеколю́бец. | Не рожденный Ум – Отец, соестественное Слово и сопрестольный Дух, – существо, сила, бытие, – пресущественная, неизреченная и великая по действиям Троица – Единица! по молитвам Богородицы соблюди паству Твою, как по естеству Человеколюбец. |
Песнь 9. Ирмос.
| Вся́к земноро́дный да взыгра́ется Ду́хом просвеща́ем, да торжеству́ет же безпло́тных умо́в естество́, почита́ющее свяще́нное торжество́ Богома́тере, и да вопие́т: ра́дуйся, Всеблаже́нная Богоро́дице, Чи́стая Присноде́во. | Всякий земнородный да возвеселится, Духом просвещаясь, да торжествует и естество бесплотных умов, чествуя священное торжество Богоматери, и да восклицает; радуйся, Всеблаженная Богородица, чистая Приснодева! |
Тропари.
| Все́ к Тебе́ ны́не дви́жу се́рдце мое́ и мы́сль, и предложе́ния же всея́ души́ и те́ла, Соде́телю и Изба́вителю моему́, Единонача́льне, и Трисве́тле, и вопию́ Ти: спаси́ мя, раба́ Твоего́, от вся́ких искуше́ний и скорбе́й. | Ныне все мое сердце, мысли и желания всей души и тела устремляю к Тебе – Создателю и Избавителю моему, единоначальный и трисветлый (Боже), и взываю к Тебе: спаси меня, раба Твоего, от всяких искушений и скорбей. |
| Возвы́си на́ш у́м, и мы́сль к Тебе́, Вы́шнему, просвети́ Твои́ми сия́ньми Пречи́стыми, О́тче, Сло́ве, Уте́шителю, во Све́те живы́й Непристу́пнем, Сла́вы Со́лнце, Светоде́ржче, всегда́ сла́вити Тя́ Единонача́льнаго Бо́га Триипоста́снаго. | Обитающий в неприступном свете Отец, Слово, Утешитель, – солнце славы, светодержец! Возвысь наше сердце и мысли к Тебе – Всевышнему и просвети Своими пречистыми лучами, чтобы мы во всякое время прославляли Тебя – единочального и триипостасного Бога. |
| Спаси́ и́же в Тя́ ве́рующыя, Го́споди, и пропове́дающыя Безнача́льное Присносу́щное Существо́ Еди́но, Три́ же Ли́ца Богонача́льна и Сообра́зна, Твоего́ Госпо́дьствия, и Боже́ственныя Сла́вы Твоея́ сподо́би, мольба́ми Чи́стыя Богома́тере. | Спаси верующих в Тебя, Господи, и исповедующих безначальное, вечное существо, единое, но в трех Божественных и единосущных лицах Господства, и удостой Своей Божественной славы, по молитвам чистой Богоматери. |
На утрени
А) Воскресные седальны.
По первом стихословии.
| Воззре́вшя на гро́бный вхо́д, и пла́мене а́нгельскаго не терпя́щя мироно́сицы, с тре́петом дивля́хуся, глаго́лющя: егда́ укра́деся отве́рзый разбо́йнику ра́й; еда́ ли воста́, И́же и пре́жде стра́сти пропове́давый воста́ние; вои́стинну воскре́се Христо́с, су́щым во а́де подая́ живо́т, и воскре́сение. | Мироносицы, взглянувши на вход гроба и не перенося блеска (от) Ангела, с трепетом изумлялись и говорили: неужели украли Того, Кто отворил рай разбойнику? не воскрес ли Тот, Кто еще раньше проповедовал о Своем воскресении? по истине воскрес Христос Бог, чтобы пребывавшим в аде даровать жизнь и воскресение. |
| Во́льным Твои́м сове́том Кре́ст претерпе́л еси́, Спа́се: и во гро́бе но́ве челове́цы положи́ша Тя́ сме́ртнии, сло́вом концы́ соста́вльшаго. Те́мже свя́зан бы́сть чу́ждий: сме́рть лю́то пленя́шеся, и су́щии во а́де вси́ взыва́ху живоно́сному воста́нию Твоему́: Христо́с воскре́се, Жизнода́вец пребыва́яй во ве́ки. | Ты, Спаситель, по Своему добровольному решению претерпел крест, и смертные люди в новом гробе положили Создавшего Своим словом пределы (вселенной). Посему связан враг, смерть потерпела страшное поражение, и все пребывавшие в аде восклицали во время живоносного Твоего воскресения: воскрес податель жизни – Христос, пребывающий во веки. |
| Удиви́ся Ио́сиф, е́же па́че естества́ зря́, и внима́ше мы́слию и́же на руно́ до́ждь, в безсе́меннем зача́тии Твое́м, Богоро́дице, купину́ огне́м неопали́мую, же́зл Ааро́нов прозя́бший, и свиде́тельствуя обру́чник Тво́й и храни́тель, свяще́нником взыва́ше: Де́ва ражда́ет, и по рождестве́ па́ки Де́ва пребыва́ет. | Удивился Иосиф, видя сверхъестественное, и уразумел в Твоем бессеменном зачатии, Богородица, (упавший) на руно дождь, несгоревшую в огне купину и расцветший Ааронов жезл. Посему он, обручник Твой и хранитель, свидетельствуя пред священниками, восклицал: Дева рождает и после рождения также остается Девою. |
По втором стихословии.
| Воскре́сл еси́ я́ко Безсме́ртный от гро́ба, Спа́се, совоздви́гл еси́ ми́р Тво́й си́лою Твое́ю, Христе́ Бо́же на́ш, сокруши́л еси́ в кре́пости сме́рти держа́ву, показа́л еси́, Ми́лостиве, воскре́сeние все́м: те́мже Тя́ и сла́вим, Еди́не Человеколю́бче. | Как бессмертный, Ты, Спаситель, воскрес из гроба; Своим воскресением Ты, Христе Боже наш, воскресил мир Твой; Своею Силою сокрушил державу смерти и явил всем воскресение, Милостивый. Посему мы и прославляем Тебя, единый Человеколюбец. |
| С го́рних высо́т соше́д Гаврии́л, и к ка́меню присту́пль, иде́же Ка́мень жи́зни, белонося́й взыва́ше ко пла́чущым: преста́ните вы́ от рыда́ния во́пля, име́ющыя и ны́не ми́лостивное: Его́же бо и́щете пла́чущя, дерза́йте, я́ко вои́стинну воста́л е́сть. Те́мже возопи́йте апо́столом: я́ко воскре́се Госпо́дь, Воста́вшему поклони́теся ра́дость прие́мшя. Дерза́йте у́бо, да дерза́ет у́бо и Е́ва. | Облеченный в светлые одежды Гавриил, слетев с небесных высот и приступив к скале, где был камень жизни, восклицал плакавшим (женам): прекратите свой плачевный вопль, имея ныне утешение; ободритесь! Тот, Кого вы ищете со слезами, по истине воскрес; посему возвестите Апостолам, что воскрес Господь. (Получивши радость, поклонитесь Воскресшему; дерзайте, да дерзает и Ева.34 |
| Удиви́шася, Чи́стая, вси́ а́нгелов ли́цы та́инству Твоего́ рожде́ния стра́шному: ка́ко И́же вся́ содержа́й ма́нием еди́нем, объя́тии Твои́ми я́ко челове́к содержава́ется, и прие́млет нача́ло Преве́чный и млеко́м пита́ется, И́же вся́кое дыха́ние пита́яй неизрече́нною бла́гостию; и Тя́ я́ко вои́стинну Бо́жию Ма́терь хва́ляще сла́вят. | Все лики Ангелов изумились поразительному таинству Твоего рождения, Чистая: каким образом Держащий все одним (Своим) мановением держится Твоими руками как человек, берет начало Предвечный и питается молоком Питающий всякое дыхание Своею неизреченною благостью? Посему они восхваляют и прославляют Тебя, как истинную Матерь Бога. |
Б) Ипакой.
| Я́же Твоего́ пресла́внаго воста́ния, предте́кшя мироно́сицы, апо́столом пропове́даху Христе́, я́ко воскре́сл еси́ я́ко Бо́г, подая́ ми́рови ве́лию ми́лость. | Мироносицы, предупредивши Апостолов, возвестили им об обстоятельствах Твоего дивного воскресения, – что Ты, Христе, как Бог, воскрес, даруя миру великую милость. |
В) Антифоны.
| Первый. От ю́ности моея́ мно́зи бо́рют мя́ стра́сти, но Са́м мя́ заступи́, и спаси́ Спа́се мо́й. | С юности моей многие страсти борют меня; но Ты Сам защити и спаси меня, Спаситель мой. (Пс. 128:1–3) |
| Ненави́дящии Сио́на, посрами́теся от Го́спода, я́ко трава́ бо огне́м бу́дете изсо́хше. | Устыдитесь Господа, ненавидящие Сион; ибо вы, как трава от огня, иссохнете. |
| Святы́м Ду́хом вся́ка душа́ живи́тся, и чистото́ю возвыша́ется, светле́ется Тро́ическим Еди́нством священнота́йне. | Святым Духом всякая душа оживляется, чистотою возвышается и священно-таинственно просвещается Троицею – Единицею. |
| Вторый. Воззва́х Тебе́, Го́споди, те́пле, из глубины́ души́ моея́, и мне́ да бу́дут на послуша́ние Боже́ственная Твоя́ ушеса́. | Пламенно из глубины души моей я взываю к Тебе, Господи, – и да внемлют мне Божественные уши Твои. (Пс. 129:1–2) |
| На Го́спода наде́жду вся́к кто́ стяжа́в, вы́шший е́сть все́х скорбя́щих. | Всякий, возложивший надежду на Господа, выше всех скорбящих. (Пс. 129:5–7) |
| Святы́м Ду́хом то́чатся благода́тныя струи́, напая́ющя вся́ку тва́рь ко оживле́нию. | От Святого Духа льются струи благодати, орошающие всякую тварь для оживления. |
| Третий. Се́рдце мое́ к Тебе́, Сло́ве, да возвы́сится, и да ничто́же услади́т мя́ от мирски́х красо́т на сла́бость. | Сердце мое да возвысится к Тебе, Слово, и никакое из мирских удовольствий не прельстит меня к (моему) унижению. |
| К ма́тери свое́й я́коже и́мать кто́ любо́вь, ко Го́споду те́пльше любле́нием до́лжни есмы́. | Мы должны любить Господа более пламенною любовью, чем какую любовь питает кто к своей матери. (Пс. 130.) |
| Святы́м Ду́хом богове́дения бога́тство, зре́ния, и прему́дрости: вся́ бо в се́м оте́ческая | В Святом Духе – богатство Боговедения, созерцания и мудрости; ибо чрез Него Слово открывает все Отеческие веления. |
Г) Каноны.
Песнь 1. Ирмос.
| Мо́ря чермну́ю пучи́ну невла́жными стопа́ми, дре́вний пешеше́ствовав Изра́иль, крестообра́зныма Моисе́овыма рука́ма Aмали́кову си́лу в пусты́ни победи́л е́сть. | Древний Израиль, не омоченными стопами прошедши глубину Чермного моря, при помощи крестообразно сложенных рук Моисея в пустыне обратил в бегство войско амаликитян. |
Тропари.
| Перваго канона. Возне́слся еси́ на пречи́стем дре́ве кре́стнем, на́ше отпаде́ние исправля́я, е́же на дре́ве исцеля́я всегуби́тельство, Влады́ко, я́ко Бла́г и Всеси́лен. | Восстановляя наше падение и исцеляя (нашу) гибель от (райского) древа, Ты, Владыко, вознесся на пречистое древо креста, как благой и всемогущий. |
| Во гро́бе пло́тски, во а́де же с душе́ю, я́ко Бо́г: в раи́ же с разбо́йником, и на Престо́ле бы́л еси́, Христе́, со Отце́м и Ду́хом, вся́ исполня́я, Неопи́санный. | Ты, Христе, плотию был во гробе, душою – в аде, в раю – с разбойником и на престоле вместе с Отцом и Духом, все наполняя (как) неограниченный. |
| Без се́мене О́тчею во́лею от Боже́ственнаго Ду́ха Бо́жия зачала́ еси́ Сы́на, и пло́тию родила́ еси́: И́же из Отца́ без ма́тере, на́с же ра́ди, из Тебе́ без отца́. | По воле Отца, бессеменно, от Божественного Духа Ты (Дева) зачала и родила плотию Сына (Божия), родившегося от Отца без матери (по Божеству) и ради нас – от Тебя без отца (по человечеству). |
| Втораго канона. Исцели́л еси́ сокруше́ние челове́чества, Го́споди, Боже́ственною Твое́ю Кро́вию обнови́вый то́: и сокруши́л еси́ си́льнаго в кре́пости, и́же дре́вле сокруши́вшаго Твое́ созда́ние. | Ты, Господи, исцелил сокрушенное человечество, обновив его Своею Божественною кровию, и силою (Своею) поразил властелина (диавола), некогда сокрушившего Твое создание. |
| Ме́ртвых воста́ние, умерщвле́нием бы́л еси́: кре́пость бо отъя́тся умерщвле́ния, бра́вшися с Жи́знию ве́чною, И́же все́ми влады́чествующу воплоще́нному Бо́гу. | Чрез (Свою) смерть Ты соделался воскресением мертвых; ибо уничтожена могучая смерть, вступивши в борьбу с вечною Жизнию – с владычествующим над всем воплотившимся Богом. |
| Красе́н превы́шши небе́сных си́л, Боже́ственный Тво́й бы́сть Хра́м Одушевле́нный, во утро́бе Ты́ носи́вши Де́во, горо́ свята́я Бо́га на́шего. | Вожделенным, превысшим небесных сил соделался Божественный (и) одушевленный храм Твой, носившая Тебя во утробе Дева – святая гора Твоя, Боже наш. |
| Третьяго канона. Сотрясо́шася лю́дие, смято́шася язы́цы, Ца́рствия же держа́вная уклони́шася, Чи́стая, от стра́ха рождества́ Твоего́: прии́де бо Ца́рь мо́й, и низложи́ мучи́теля, и ми́р от тли́ изба́ви. | Пришел в движение народ (еврейский), встревожились племена и преклонились могущественные царства от страха пред Родившимся от Тебя, Чистая; ибо пришел (на землю) Царь мой, низложил мучителя и избавил мир от погибели. |
| Жили́ще Свое́ живы́й в вы́шних, к челове́ком соше́д, освяти́, Христе́, и непоколеби́мо яви́: Еди́на бо по рождестве́ де́вства сокро́вище, Зижди́теля ро́ждши пребыла́ еси́. | Живущий на небесах Христос, нисшед к людям, освятил Свое жилище и сохранил его невредимым; ибо Родившая Творца одна после рождения пребыла сокровищем девства. |
Песнь 3. Ирмос.
| Весели́тся о Тебе́ Це́рковь Твоя́, Христе́, зову́щи: Ты́ моя́ кре́пость, Го́споди, и прибе́жище, и утвержде́ние. | Твоя Церковь веселится о Тебе, Христе, и восклицает: Ты, Господи, – сила моя, прибежище и твердыня. |
Тропари.
| Перваго канона. Дре́во живо́тное, мы́сленный и́стинный виногра́д, на Кресте́ ви́сит, все́м источа́я нетле́ние. | На кресте висит древо жизни, духовный и истинный виноград, источающий всем нетление. |
| Я́ко вели́к, я́ко стра́шен, я́ко а́дово низло́жь шата́ние, и я́ко Бо́г нетле́нен, ны́не пло́тски воскре́се. | (Христос) как великий, как страшный, как уничтоживший гордость ада и как Бог нетленный, воскрес ныне плотию. |
| Ты́ еди́на су́щым на земли́, я́же па́че естества́ благи́х Хода́таица, Ма́ти Бо́жия была́ еси́: те́мже Ти́, ра́дуйся, прино́сим. | Ты одна, Матерь Бога, для живущих на земле соделалась виновницею сверхъестественных благ; посему приносим Тебе (приветствие) «радуйся». |
| Втораго канона. Я́дом испо́лненный мне́ зми́й зу́бы вонзе́, Спа́се, я́же Вседержи́телю Влады́ко, гвоздьми́ ру́к Твои́х сокруши́л еси́: я́ко не́сть свя́т во святы́х, па́че Тебе́, Человеколю́бче. | Полные яда зубы вонзил в меня змий; но Ты, Спаситель, Вседержитель-Владыка, гвоздями рук Своих сокрушил их. Ибо из святых нет (столь) святого, как Ты, Человеколюбец. |
| Ви́ден бы́л еси́ Человеколю́бче во́лею во гро́бе ме́ртв, Животво́рче, и врата́ разве́ргл еси́ а́дова, я́же от веко́в душа́м: я́ко не́сть свя́т во святы́х ра́зве Тебе́, Человеколю́бче. | Ты, Человеколюбец-Жизнеподатель, добровольно был мертвым во гробе и отверз врата ада от века пребывавшим в нем душам. Ибо из святых нет (столь) святого, как Ты, Человеколюбец. |
| Неора́на бразда́ яви́лася еси́, кла́с живо́тный ро́ждши, все́м причаща́ющымся безсме́ртию Хода́тая, во святы́х Свята́го свя́то почива́ющаго. | Ты явилась невозделанным полем, родившим колос жизни, подающий бессмертие всем приобщающимся Его – Святого во святых свято почивающего. |
| Третьяго канона. Очища́ется челове́ков существо́, Тобо́ю присовоку́пльшееся нестерпи́мому Боже́ственному Огню́: я́ко сокрове́нный, Пречи́стая Де́во, в Тебе́ хле́б испе́кшееся, И́же и Тебе́ неврежде́нну сохра́ншему. | Очищается человеческое естество, чрез Тебя соединившееся с нестерпимым Божественным огнем, сохранившим и Тебя невредимою, (как бы) испекшееся в Тебе, Пречистая Дева, на подобие бывшего в пещи хлеба. |
| Ка́я сия́ я́же вои́стинну бли́з Бо́га; я́ко превозше́дши вся́ а́нгельския чи́ны, еди́на добро́тою де́вства, я́ко Ма́ти сия́ющи Вседержи́теля. | Кто Сия по истине близкая к Богу, как превышающая все чины Ангельские? Это – одна сияющая красотою девства Матерь Вседержителя. |
Песнь 4. Ирмос.
| Вознесе́на Тя́ ви́девши це́рковь на Кресте́, Cо́лнце пра́ведное, ста́ в чи́не свое́м, досто́йно взыва́ющи: сла́ва си́ле Твое́й, Го́споди. | Церковь, увидевши Тебя – Солнце правды – вознесенным на крест, остановилось на месте своем,35 достойно восклицая: слава силе Твоей, Господи! |
Тропари.
| Перваго канона. Возше́л еси́, стра́сти моя́ исцеля́я, на Кре́ст стра́стию Пречи́стыя пло́ти Твоея́, в ню́же во́лею обле́клся еси́. Те́мже Ти́ взыва́ем: сла́ва си́ле твое́й, Го́споди. | Ты восшел на крест, чтобы страданиями Своей пречистой плоти, Тобою добровольно воспринятой, уврачевать мои страсти. Посему восклицаем Тебе: слава силе Твоей, Господи! |
| Безгре́шнаго сме́рть вкуси́вши, Животворя́щаго Те́ла Твоего́, досто́йно Влады́ко умертви́ся: мы́ же вопие́м Ти́, сла́ва си́ле Твое́й, Го́споди. | Смерть, коснувшись безгрешного и животворящего Твоего тела, Владыка, достойно умерщвлена; мы же восклицаем Тебе: слава силе Твоей, Господи! |
| Неискусобра́чно родила́ еси́ Де́во, и по рождестве́ яви́лася еси́ де́вствующи па́ки: те́мже немо́лчными гла́сы, е́же ра́дуйся Тебе́, Влады́чице, ве́рою несумне́нною взыва́ем. | Неискусобрачно родила Ты, Дева, и после рождения также осталась Девою; посему неумолкаемыми гласами, с твердою верою, восклицаем Тебе: радуйся, Владычица! |
| Втораго канона. Взако́нен сы́й Изра́иль, Тебе́, Христе́, взако́нившаго Бо́га не позна́: но я́ко беззако́нника, законопреступа́я, на Кресте́ пригвозди́, и́же законоположе́нию недосто́йный. | Получивший закон Израиль не познал Тебя, Христе, законодателя – Бога; напротив он, недостойный законодательства, вопреки закону пригвоздил Тебя ко кресту, как законопреступника. |
| Обоже́на Твоя́, Спа́се, Душа́, а́дова сокро́вища плени́вши, я́же от ве́ка совоскреси́ ду́шы: живоно́сное же Те́ло все́м нетле́ние источи́. | Твоя обоженная душа, Спаситель, отнявши у ада его достояние, воскресила от века пребывавшие (в нем) души, а живоносное тело Твое источило всем нетление. |
| Тебе́, Присноде́ву и и́стинную Богоро́дицу вси́ сла́вим, Ю́же прообразова́ше богови́дцу Моисе́ю неопа́льно, Пречи́стая, купина́, огню́ примеси́вшися. | Все мы прославляем Тебя, Пречистая, Приснодеву и истинную Богородицу, Которую прообразовала Боговидцу Моисею горевшая огнем, но не сгоравшая купина. (Ис. 3 гл.) |
| Третьяго канона. Поживе́ с челове́ки, ви́димь бы́в Неви́димый, во зра́це сы́й Непостижи́маго Божества́, и вообра́жься из Тебе́, Отрокови́це, в чужде́е, ве́дущих Тя́ чи́стую Богома́терь спаса́ет. | Невидимый, сделавшись видимым, обращался с людьми, сущий образом непостижимого Божества и воспринявший от Тебя, Отроковица, чуждое (человеческое естество), спасает исповедующих Тебя чистою Богоматерью. (Флп. 2:6–7) |
| Прия́т в веще́ственне Де́ва Невеще́ственнаго, в прича́стии вещества́, Младе́нца от Нея́ бы́вша. Те́мже во дву́ существу́, Еди́н познава́ется плотоно́сец Бо́г, и Челове́к Пресу́щественный. | Дева вещественно восприняла Невещественного, с принятием вещества родившегося от Нее младенцем. Посему Он исповедуется единым в двух естествах: облеченным плотию Богом и сверхъестественным человеком. |
| По Рождестве́ Тя Де́ву, И́же в Де́ву Тя́ всели́ся, и ро́ждься без се́мене, Сло́во и Бо́г пребы́сть, и в рождестве́ Де́ву сохрани́, я́ко Влады́ка и Зижди́тель всея́ тва́ри. | Вселившийся в Тебя – Деву и бессеменно родившийся Бог Слово после рождения сохранил Тебя Девою и во время рождения соблюл Девою, как Владыка и Создатель всей твари. |
Песнь 5. Ирмос.
| Ты́, Го́споди мо́й, Све́т в ми́р прише́л еси́, Све́т Святы́й, обраща́яй из мра́чна неве́дения ве́рою воспева́ющыя Тя́. | Ты, Господи мой, светом пришел в мир, светом святым, от мрака неведения отвращающим о верою воспевающих Тебя. |
Тропари.
| Перваго канона. Ты́, Го́споди, к земли́ ми́лостивно соше́л еси́: Ты́ возне́сл еси́ па́дшее челове́ческое существо́, на дре́ве воздвиза́ем. | Ты, Господи, милостиво нисшел на землю; Ты возвысил падшее человеческое естество, будучи повешен на древе. |
| Ты́ взя́л ми́ еси́, Христе́, прегреше́ний осужде́ние: Ты́ разруши́л еси́ боле́зни сме́ртныя, Ще́дре, Боже́ственным воскресе́нием Твои́м. | Ты, Христе, снял с меня осуждение за грехи; Ты Своим Божественным воскресением уничтожил болезни смертные, Милосердый. |
| Тя́ ору́жие непобеди́мое на враги́ предлага́ем, Тя́ утвержде́ние, и наде́жду на́шего спасе́ния, Богоневе́сто, стяжа́хом. | В Тебе мы имеем несокрушимое оружие против врагов и в Тебе приобрели опору и надежду нашего спасения, Богоневеста. |
| Втораго канона. Прия́т Тя́ всего́ усты́ а́д безу́мный: на Кресте́ бо пригвожде́на Тя́ ви́дев, копие́м прободе́на, бездыха́нна, Жива́го Бо́га, про́ста вменя́ше челове́ка. Разуме́ же искуси́вый кре́пость Твоего́ Божества́. | Тебя всего принял пастью безрассудный ад. Увидев Тебя пригвожденным ко кресту, прободенным копьем, бездыханным, он счел Тебя – живого Бога за простого человека; но, испытав, познал силу Твоего Божества. |
| Разруше́ный, Человеколю́бче, Хра́м Твоего́ Телесе́, гро́б раздели́вый и а́д нево́лею о́ба суда́ истязу́еми су́ть о́в у́бо святы́х Твои́х ду́шы, телеса́ же други́й соотсыла́юще, Безсме́ртне. | Гроб и ад, разделившие между собою разрушенный храм тела Твоего, Человеколюбец, невольно получают оба должное возмездие: один высылает души святых Твоих, Бессмертный, другой – тела (их). |
| Се́ ны́не испо́лнися проро́ческое прорече́ние: Ты́ бо, Неискусобра́чная Де́во, име́ла еси́ во утро́бе над все́ми Бо́га и родила́ еси́ Безле́тнаго Сы́на, все́м воспева́ющым Тя́, ми́р подава́юща. | Вот, исполнилось пророческое предсказание: Ты, непознавшая брака Дева, имела во чреве Всевышнего Бога и родила безлетного Сына, подающего мир всем, воспевающим Тебя. (Ис. 7:14) |
| Третьяго канона. До́м Тя́ сла́вы, Го́ру Бо́жию Святу́ю, Чи́стая, Неве́сту, Черто́г, Хра́м освяще́ния, Сы́н Бо́жий, в Тя́ всели́вся, и ра́й сла́дости присносу́щныя на́м соде́ла. | Сын Божий, вселившись в Тебя, Чистая, сделал Тебя жилищем славы, Божественною и святою горою, невестою, чертогом, храмом освящения и раем вечного блаженства для нас. |
| Пло́ть от кро́ве Де́вственныя прия́л еси́, Христе́, Безсе́менну, Пречи́сту, Ипоста́сну, и слове́сну и у́мну, одушевле́нну, де́йственну, хоте́тельну, Самовлады́чну и Самовла́стну. | Ты, Христе, воспринял от девственной крови плоть бессеменную, пречистую, ипостасную, словесную, разумную, одушевленную, обладающую силою и волею, самоопределяющуюся и самовластную. |
| Мучи́телей ра́зум Де́вственное посрами́ чре́во: Младе́нец бо я́зву а́спидную душегу́бную испыта́ руко́ю, и отсту́пника го́рдаго низло́жив, ве́рных под но́зе покори́. | Девственное чрево посрамило высокомерие властелина; ибо младенец исследовал рукою душепагубную пещеру аспидов и, поразив гордого отступника, покорил его под ноги верующих. |
Песнь 6. Ирмос.
| Пожру́ Ти со гла́сом хвале́ния, Го́споди, Це́рковь вопие́т Ти́, от бесо́вския кро́ве очи́щшися, ра́ди ми́лости от ре́бр Твои́х исте́кшею Кро́вию. | «С хвалебными песнями я буду приносить Тебе, Господи, жертвы», восклицает Тебе Церковь, очистившись от бесовской крови36 тою кровию, которая, по Твоему милосердию, истекла из ребер Твоих. (Евр. 13:15) |
Тропари.
| Перваго канона. Возше́л еси́ на Кре́ст, си́лою препоя́сався, и сопле́тся с мучи́телем я́ко Бо́г, с высоты́ све́ргл еси́, Ада́ма же непобеди́мою си́лою воскреси́л еси́. | Опоясавшись силою, Ты восшел на крест и, вступив в борьбу с мучителем, как Бог, свергнул его с высоты и Своею непобедимою силою воскресил Адама. |
| Воскре́сл еси́ блиста́яйся кра́сный из гро́ба, Христе́, и разгна́л еси́ вся́ враги́ Боже́ственною си́лою Твое́ю, и вся́ я́ко Бо́г, весе́лия испо́лнил еси́. | Вожделенным и сияющим воскрес Ты, Христе, из гроба, Своею Божественною силою рассеял всех врагов и, как Бог, все наполнил веселием. |
| О чу́до все́х чуде́с нове́йшее! Я́ко Де́ва во утро́бе, вся́ческая обдержа́щаго неискусому́жно заче́нши, не тесновмести́. | Необычайнейшее из всех чудес чудо! Дева, без мужа зачавши Объемлющего все, не тесно вместила (Его) во чреве. |
| Втораго канона. Отве́рзе горта́нь сво́й а́д, и пожре́ мя, и ду́шу разшири́ безу́мный: но Христо́с соше́д, возведе́ жи́знь мою́, я́ко Человеколю́бец. | Безумный ад, раскрыв свою пасть, поглотил меня и расширил душу;37 но Христос нисшед возвел жизнь мою, как Человеколюбец. |
| Поги́бе сме́ртию сме́рть, уме́рый бо воскре́се, нетле́ние мне́ да́руя: я́влься же жена́м провеща́ ра́дость Безсме́ртный. | Смертию была побеждена смерть; ибо умерший воскрес, даровал мне нетление и, явившись женам, Он – Бессмертный – возвестил им радость. |
| Нестерпи́маго Божества́ вмести́лище чи́стое утро́ба Твоя́ яви́ся, о Богоро́дице! Е́же без стра́ха небе́снии чи́нове воззре́ти не возмого́ша. | Нестерпимого Божества жилищем соделалась чистая утроба Твоя, Богородица, на которую без страха не могли взирать чины небесные. |
| Третьяго канона. Дре́вле у́бо прельсти́ мя зми́й, и умори́ мя, прама́терию мое́ю Е́вою: ны́не же, Чи́стая, Тобо́ю созда́вый мя́ из истле́ния воззва́. | Некогда змий обольстил и умертвил меня чрез праматерь мою Еву; ныне же чрез Тебя, Чистая, Создатель избавил меня от тления. |
| Бе́здна Тя́ бе́здну неизрече́нно благоутро́бия, Отрокови́це, избра́нную показа́ чуде́с: и́бо из Тебе́ мо́лниею Божества́, би́сер Христо́с возсия́. | Бездна милосердия неизреченно соделала Тебя, Отроковица, избранною бездною чудес; ибо из Тебя воссиял светом Божества жемчуг – Христос. |
Кондак.
| Спа́с и Изба́витель мо́й, из гро́ба я́ко Бо́г воскреси́ от у́з земноро́дныя, и врата́ а́дова сокруши́, и я́ко Влады́ка воскре́се тридне́вен. | Спаситель и Избавитель мой из гроба, как Бог, воскресил земнородных от оков, сокрушил врата ада и, как Владыка, в третий день воскрес. |
Икос.
| Воскре́сшаго из ме́ртвых, Христа́ Жизнода́вца тридне́вна из гро́ба, и врата́ сме́ртная дне́сь сокру́шшаго си́лою Свое́ю, и а́да умертви́вшаго, и жа́ло сме́ртное сте́ршаго, и Ада́ма со Е́вою свободи́вшаго, воспои́м вси́ земноро́днии, вопию́ще хвалу́ приле́жно: То́й бо я́ко Еди́н Кре́пкий, Бо́г и Влады́ка, воскре́се тридне́вен. | Прославим и усердно восхвалим все земнородные жизнеподателя – Христа, из гроба в третий день из мертвых воскресшего, ныне Своею силою сокрушившего врата смерти, умертвившего ад, уничтожившего жало смерти и освободившего Адама с Евою; ибо Он, как единый всесильный Бог и Владыка, в третий день воскрес. |
Песнь 7. Ирмос.
| В пещи́ Авраа́мстии о́троцы перси́дстей любо́вию благоче́стия па́че, не́жели пла́менем опаля́еми взыва́ху: благослове́н еси́ в хра́ме Сла́вы Твоея́, Го́споди. | В Персидской печи чада Авраама, разжигаемые любовию к благочестию более, чем пламенем, восклицали: благословен Ты в храме славы Твоей, Господи. |
Тропари.
| Перваго канона. К нетле́нию челове́чество призва́ся, Боже́ственною измове́но Кро́вию Христо́вою, благода́рно воспева́ющее: благослове́н еси́ в хра́ме Сла́вы Твоея́, Го́споди. | Омытое Божественною кровию Христа человечество снова призвано к нетлению и благодарно воспевает: благословен Ты в храме славы Твоей, Господи! |
| Я́ко Живоно́сец, я́ко рая́ красне́йший вои́стинну, и черто́га вся́каго ца́рскаго показа́ся светле́йший, Христе́, гро́б Тво́й, исто́чник на́шего воскре́сения. | Твой живоносный гроб, источник нашего воскресения, Христе, сделался по истине вожделеннее рая и прекраснее всякого царского чертога. |
| Вы́шняго освяще́нное Боже́ственное селе́ние, ра́дуйся, Тобо́ю бо даде́ся ра́дость, Богоро́дице, зову́щым: благослове́на Ты́ в жена́х еси́, Всенепоро́чная Влады́чице. | Радуйся, освященное Божественное жилище Всевышнего; ибо чрез Тебя, Богородица, дарована радость восклицающим: благословенна Ты между женами, Всенепорочная Владычица! |
| Втораго канона. Смири́л еси́ на дре́во воздвиза́емь, о́ко высо́кое, и превознесе́нную бро́вь на зе́млю низложи́л еси́, спасы́й челове́ка: Препе́тый отце́в Госпо́дь и Бо́г благослове́н еси́. | Будучи повешен на древо, Ты смирил гордые взоры и низверг к земле поднятые к верху брови, спасши человека. Благословен Ты, препрославленный Господь и Бог отцов. |
| Си́лою Твое́ю ро́г на́ш возвы́си служа́щих Ти́, воскресы́й из ме́ртвых, и а́дово истощи́вый пре́жде многочелове́чное бога́тство, Влады́ко: Препе́тый отце́в Госпо́дь и Бо́г благослове́н еси́. | Своею силою возвысь достоинство нас, служащих Тебе, воскресший из мертвых и опустошивший многолюдное прежде богатство ада. Благословен Ты, препрославленный Господь и Бог отцов. |
| Рече́нием Боже́ственным после́дующе, сла́вим Еди́но Божество́, я́ко в Трие́х Све́тех Неслия́нно, Непресеко́мо, пла́мень ве́чный просвеща́ющий всю́ тва́рь, зову́щую: Бо́же, благослове́н еси́. | Последуя Божественным изречениям, прославляем единое неслиянное и нераздельное Божество как бы в трех светильниках, незаходимый свет, просвещающий всякую тварь, воспевающую: благословен Ты, Боже. |
| Третьяго канона. Привлачи́т мя́ к пе́нию любо́вь де́вственная, о́гнь и́же в се́рдцы, вопи́ти Ма́тери и Де́ве: Благослове́нная, Госпо́дь си́лам с Тобо́ю. | Сердечный пламень влечет меня к прославлению девственной любви, чтобы восклицать Матери и Деве: Господь сил с Тобою, Благословенная. |
| Превы́шши тва́ри яви́лася еси́, я́ко Творца́ ро́ждши и Го́спода. Те́мже Ти́ вопию́, Богоро́дице: Благослове́нная, Госпо́дь си́лам с Тобо́ю. | Как родившая Творца и Господа, Ты стала превыше тварей. Посему восклицаю Тебе, Богородица: Господь сил с Тобою, Благословенная. |
| Госпо́дьство Тя́ Еди́но чты́й, в Трие́х Свяще́ниих Неразде́льно, воспева́ю Триипоста́сное Естество́, Благослове́нная, взыва́я Тебе́, Я́же вся́ управля́ющая. | Почитаю и в трисвятых песнях воспеваю Тебя – единого нераздельного Господа, восклицая Тебе: благословенно правящее всем триипостасное существо. |
Песнь 8. Ирмос.
| Ру́це распросте́р Дании́л, льво́в зия́ния в ро́ве затче́: о́гненную же си́лу угаси́ша, доброде́телию препоя́савшеся, благоче́стия рачи́тели о́троцы, взыва́юще: благослови́те вся́ дела́ Госпо́дня Го́спода. | Даниил во рве, распростерши руки, заградил пасть львов, а ревнителя благочестия – отроки, препоясавшись добродетелью, угасили сильный пламень, восклицая: все творения Господни, благословляйте Господа! |
Тропари.
| Перваго канона. Ру́це распросте́р на Кресте́, язы́ки вся́ собра́л еси́, и еди́ну яви́л еси́, Влады́ко, Це́рковь воспева́ющую Тя́, земну́ю и небе́сную, согла́сно пою́щым: благослови́те вся́ дела́ Госпо́дня Го́спода, по́йте и превозноси́те Его́ во ве́ки. | Распростерши руки на кресте, Ты, Владыка, собрал все народы и указал одну прославляющую Тебя Церковь единодушно воспевающим на земле и на небе: все творения Господни, благословляйте Господа, воспевайте и превозносите Его во веки. |
| Белообра́зен яви́ся жена́м, непристу́пным све́том воскре́сения блиста́яйся а́нгел, что́ Жива́го во гро́бе, вопия́, и́щете я́ко ме́ртва; вои́стинну воста́ Христо́с, Ему́же вопие́м: вся́ дела́ по́йте Го́спода, и превозноси́те во вся́ ве́ки. | Облеченный в белые одежды и сияющий неприступным светом воскресения Ангел явился женам, восклицая: зачем Живого ищете во гробе, как мертвого? По истине воскрес Христос, Которому восклицаем: все творения, воспевайте Господа и превозносите Его во все веки. |
| Ты́ Еди́на во все́х ро́дех, Де́во Пречи́стая, Ма́ти яви́лася еси́ Бо́жия: Ты́ Божества́ была́ еси́ жили́ще Всенепоро́чная, не опа́льшися огне́м Непристу́пнаго Све́та. Те́мже вси́ Тя благослови́м, Мари́е Богоневе́сто. | В течение всех веков Ты одна соделалась Матерью Бога, пречистая Дева; Ты, Всенепорочная, была жилищем Божества, не опалившись огнем неприступного света. Посему все мы благословляем Тебя, Богоневеста Мария. |
| Втораго канона. Непра́ведное ви́дящи заколе́ние Твое́ тва́рь, омрача́ющися рыда́ше: земли́ бо смуща́ющейся, во мра́к я́ко в ри́зу че́рну со́лнце облече́ся: мы́ же Тя́ непреста́нно пое́м, и превозно́сим, Христе́, во ве́ки. | Видя Твое беззаконное заклание, тварь в унынии зарыдала, земля смутилась, и солнце облеклось во мрак, как бы в черную одежду, мы же непрестанно воспеваем и превозносим Тебя, Христе, во веки. (Мф. 27:51, 45) |
| Сше́дый ко мне́ да́же до а́да, и все́м путесотвори́вый воскре́сение, па́ки возше́л еси́, взе́м мя́ на ра́му Твое́ю, и Отцу́ приве́л еси́. Те́мже зову́ Ти: Го́спода по́йте дела́, и превозноси́те во вся́ ве́ки. | Ты, нисшед ко мне даже до ада и открыв всем путь к воскресению, снова восшел, взял меня на Свои рамена и принес к Отцу. Посему восклицаю Тебе: творения, воспевайте Господа и превозносите Его во все веки. |
| Ума́ Пе́рваго и вино́внаго все́х, Отца́ Еди́наго Безвино́внаго сла́вим, Сло́ва же Безнача́льнаго, и Ду́ха Уте́шителя, Еди́наго Бо́га все́х, Тро́ицесра́сленней покланя́ющеся, и превознося́ще во вся́ ве́ки. | Прославляем первый Ум и виновника всего – единого безвиновного Отца, безначальное Слово и Духа Утешителя, – единого Бога всего, единосущную Троицу, поклоняясь и превознося во все веки. |
| Третьяго канона. От ребра́ Ада́мова созда́вый Тя́, от Твоего́ де́вства воплоти́ся, И́же все́х Госпо́дь, Его́же пою́ще, вопие́м: вся́ дела́ благослови́те, по́йте Го́спода, и превозноси́те Его́ во ве́ки. | Создавший Тебя из ребра Адама Господь всех воплотился от Твоего девства. Его мы прославляем, восклицая: все творения, благословляйте и прославляйте Господа и превозносите Его во веки. |
| В се́ни Авраа́м узре́, е́же в Тебе́, Богоро́дице, та́инство, Сы́на бо Твоего́ Безпло́тнаго прия́т, поя́: вся́ дела́ благослови́те, по́йте Го́спода, и превозноси́те Его́ во ве́ки. | В шатре Авраам увидел совершившееся в Тебе, Богородица, таинство; ибо он принял к себе бесплотного Сына Твоего, воспевая: все творения, благословляйте и прославляйте Господа и превозносите Его во веки. |
| Равночи́сленныя Тро́ицы спасло́ е́сть Твоего́ Де́вства проображе́ние: в де́вственных бо телесе́х попира́ху пла́мень Отрокови́це, вопию́ще: благослови́те, по́йте Го́спода, и превозноси́те Его́ во ве́ки. | Прообраз Твоего девства, Отроковица, спас равночисленных Троице (отроков); ибо они своими девственными телами попрали пламень, восклицая: благословляйте, воспевайте Господа и превозносите Его во веки. |
Песнь 9. Ирмос.
| Ка́мень нерукосе́чный, от несеко́мыя горы́ Тебе́, Де́во, краеуго́льный отсече́ся, Христо́с, совокупи́вый разстоя́щаяся естества́. Те́м веселя́щеся Тя́, Богоро́дице, велича́ем. | От Тебя, Дева, – несекомой горы, без помощи рук отсекся краеугольный камень Христос, Который соединил в Себе различные естества.38 Посему мы с веселием величаем Тебя, Богородица. |
Тропари.
| Перваго канона. Всего́ мя восприя́л еси́ ве́сь в совокупле́нии несли́тно, всему́ ми дая́, Бо́же мо́й, спасе́ние стра́стию Твое́ю, ю́же на Кресте́ претерпе́л еси́ теле́сне, благоутро́бия ра́ди мно́гаго. | Ты, Боже мой, чрез не слиянное соединение всецело воспринял все мое естество, чтобы всему мне даровать спасение Своими страданиями, которые Ты Своею плотию претерпел на кресте, по Своему великому милосердию. |
| Твои́ ученицы́ зря́ще отве́рзен гро́б Тво́й, и богоно́сныя плащани́цы испражне́ны воскре́сением Твои́м, со а́нгелом глаго́лаху: вои́стинну воста́ Госпо́дь. | Ученики Твои, увидевши гроб Твой открытым и священные погребальные пелены оставленными после Твоего воскресения, вместе с Ангелом восклицали: по истине восстал Господь. |
| Еди́нице у́бо Боже́ственнаго Существа́, но Ипоста́сьми Тро́ице, вси́ ве́рнии покланя́ющеся, в неслия́нных Ипоста́сех Равноси́льную Единоче́стную ны́не благочту́ще велича́ем. | Все мы, верующие, поклоняемся единице Божественного существа, но Троице по ипостасям, равносильной и равночестной в не слиянных ипостасях, и благоговейно ныне величаем. |
| Втораго канона. Льсти́вно попо́лз зми́й, из Еде́ма поя́т мя́ плене́на: на кра́ниевем же тве́рдем ка́мени разби́ сего́ Вседержи́тель Госпо́дь, я́коже младе́нца: и сла́дости па́ки мне́ вхо́д дре́вом кре́стным отве́рзе. | Змий, коварно вползши, взял меня пленником из Едема; но Господь Вседержитель разбил его о твердый камень лобного места, как младенца, и древом креста снова отворил мне вход (в место) блаженства. |
| Положи́л еси́ кре́пкия вра́жия тверды́ни ны́не в запусте́ние: всеси́льнейшею же руко́ю бога́тство его́ расхи́тил еси́ из истоща́ний а́довых совоскреси́вый мя́ Христе́, и дре́вле безме́рно хва́лящагося я́ко сме́х руга́ема яви́л еси́. | Ныне Ты, Христе, опустошил крепкие твердыни врага и Своею всемогущею рукою взял его богатство, из глубины ада воскресив меня, и некогда чрезмерно гордившегося (диавола) сделал предметом смеха и поруганий. |
| Прииди́, ни́щих люде́й Твои́х озлобле́ние посеща́я, ми́лостивною же и держа́вною Твое́ю руко́ю укрепи́ крестоно́сныя лю́ди, Твое́ изря́дное достоя́ние, Христе́, я́ко Человеколю́бец. | Приди, Христе, и посети бедный и притесненный народ Твой; милостивою и державною Твоею рукою укрепи крестоносного Императора против хульных врагов, чтобы избавить (от них) избранное Твое достояние, как Человеколюбец. |
| Третьяго канона. Зри́м я́ко кри́н Тя́ ри́зою обагре́ною укра́шену, Пречи́стая, Боже́ственнаго Ду́ха, посреде́ те́рния сия́ющу, и благоуха́ния исполня́ющу, и́же Тебе́ и́скренно велича́ющих. | Мы видим Тебя, Пречистая, как лилию облеченною в пурпуровую одежду Божественного Духа, сияющею среди терния и исполняющею благоухания искренно величающих Тебя. |
| Тле́нное прии́м челове́ческое естество́ из Твоего́, Всенепоро́чная, чре́ва Нетле́нный. В Себе́ показа́ нетле́нно, за благоутро́бие: те́мже Тя́ я́ко Богоро́дицу велича́ем. | Нетленный, восприняв тленное человеческое естество от Твоего чрева, Пренепорочная, по Своему милосердию сделал его нетленным. Посему Тебя, как Богородицу, величаем. |
| Я́же все́ми влады́чествующи тва́рьми, лю́дем Твои́м да́руй побе́дное одоле́ние, врага́ полага́ющи примири́тельна це́ркви: да Тя́ я́ко Богоро́дицу велича́ем. | Владычица всех тварей! даруй людям Твоим торжество победы, примиривши врага с Церковью, чтобы мы величали Тебя, как Богородицу. |
Д) Стихиры на хвалитех.
| Кре́ст претерпе́вый и сме́рть, и воскресы́й из ме́ртвых, Всеси́льне Го́споди, сла́вим Твое́ Воскре́сение. | Всесильный Господи, крест и смерть претерпевший и воскресший из мертвых! прославляем Твое воскресение. |
| Кресто́м Твои́м, Христе́, от дре́вния кля́твы свободи́л еси́ на́с, и сме́ртию Твое́ю естество́ на́ше му́чащаго диа́вола упраздни́л еси́: воста́нием же Твои́м ра́дости вся́ испо́лнил еси́. Те́мже вопие́м Ти́: воскресы́й из ме́ртвых, Го́споди, сла́ва Тебе́. | Своим крестом Ты, Христе, освободил нас от древнего проклятия; Своею смертию Ты победил диавола, мучившего наше естество, и Своим воскресением все исполнил радости. Посему восклицаем Тебе: воскресший из мертвых Господи, слава Тебе! |
| Твои́м Кресто́м, Христе́ Спасе́, наста́ви на́с на и́стину Твою́, и изба́ви на́с от се́тей вра́жиих, воскресы́й из ме́ртвых, возста́ви ны́ па́дшыяся грехо́м, просте́р ру́ку Твою́, Человеколю́бче Го́споди, моли́твами святы́х Твои́х. | Своим крестом, Христос Спаситель, наставь нас на истину Твою и избавь нас от сетей врага. Воскресший из мертвых! воскреси нас, падших грехами, и простри (к нам) руку Твою, человеколюбивый Господи, по молитвам святых Твоих. |
| Оте́ческих Твои́х не́др не разлучи́вся, Единоро́дный Сло́ве Бо́жий, прише́л еси́ на зе́млю за Человеколю́бие, челове́к бы́в непрело́жен, и кре́ст и сме́рть претерпе́л еси́ пло́тию, безстра́стный Божество́м: воскре́с же из ме́ртвых, безсме́ртие по́дал еси́ ро́ду челове́ческому, я́ко Еди́н Всеси́лен. | Не оставляя недр Своего Отца, Ты, единородное Слово Божие, пришел на землю, по человеколюбию, сделавшись непреложно человеком; плотию претерпел крест и смерть, будучи непричастен страданиям по Божеству; воскресши из мертвых даровал бессмертие человеческому роду, как единый всемогущий. |
| Сме́рть прия́л еси́ пло́тию, на́м безсме́ртие хода́тайствуя, Спа́се, и во гро́б всели́лся еси́, да на́с от а́да свободи́ши, воскреси́в с Собо́ю: пострада́ у́бо я́ко челове́к, но воскре́с я́ко Бо́г. Сего́ ра́ди вопие́м: сла́ва Тебе́, Жизнода́вче Го́споди, Еди́не Человеколю́бче. | Ты, Спаситель, плотию воспринял смерть, чтобы исходатайствовать нам бессмертие; вселился во гроб, чтобы освободить нас из ада, воскресив с Собою; пострадал как человек, но воскрес как Бог. Посему восклицаем: Слава Тебе, жизнеподатель Господи, единый Человеколюбец! |
| Ка́мение распада́шеся, Спа́се, егда́ на ло́бнем Кре́ст Тво́й водрузи́ся, устраши́шася а́довы вра́тницы, егда́ во гро́бе я́ко ме́ртв положе́н бы́л еси́: и́бо сме́ртную упраздни́вый кре́пость, уме́ршым все́м нетле́ние по́дал еси́ воскре́сением Твои́м, Спа́се, Жизнода́вче Го́споди, сла́ва Тебе́. | Камни распались, когда на лобном месте был водружен крест Твой, Спаситель, устрашились привратники ада, когда Ты, как мертвый, был положен во гроб; ибо Ты, Спаситель, уничтожив силу смерти, всем умершим даровал бессмертие Своим воскресением. Жизнеподатель Господи, слава Тебе! |
| Возжеле́ша жены́ ви́дети Твое́ воскре́сение, Христе́ Бо́же, прии́де предва́рши Мари́а Магдали́на, обре́те ка́мень отвале́н от гро́ба, и а́нгела седя́ща, и глаго́люща: что́ и́щете жива́го с ме́ртвыми: воскре́се я́ко Бо́г, да спасе́т вся́ческая. | Жены пожелали увидеть Твое воскресение, Христе Боже. Прежде всех пришла Мария Магдалина и нашла отваленный от гроба камень и Ангела, который сидел и восклицал: зачем ищете Живого между мертвыми? Он как Бог воскрес, чтобы спасти всех. |
| Где́ е́сть Иису́с, Его́же вмени́сте стрещи́, рцы́те иуде́и; где́ е́сть, Его́же положи́сте во гро́бе, ка́мень запечатле́вше; дади́те ме́ртва, и́же живота́ отве́ргшиися: дади́те погребе́ннаго, или́ ве́руйте воскре́сшему. А́ще и вы́ умолчите́ Госпо́дне воста́ние, ка́мение возопие́т, па́че же отвале́нный от гро́ба. Вели́кая Твоя́ ми́лость, ве́лие та́инство смотре́ния Твоего́, Спа́се на́ш, сла́ва Тебе́. | Где Иисус, Которого охранять вы хотели? – скажите, иудеи. Где Тот, Которого вы положили во гроб, запечатавши камень? Дайте мертвого, отрекшиеся от жизни; дайте погребенного, или уверуйте в Воскресшего. Если вы умолчите с воскресении Господа, то подадут голос камни и преимущественно камень, отваленный от гроба. Велико таинство домостроительства Твоего! Спаситель наш, слава Тебе! |
Блаженны на литургии.
| Дре́вом Ада́м рая́ бы́сть изселе́н: дре́вом же кре́стным разбо́йник в ра́й всели́ся. Ов у́бо вку́ш, за́поведь отве́рже Сотво́ршаго: о́в же сраспина́ем, Бо́га испове́да Тая́щагося, помяни́ мя, вопия́, во Ца́рствии Твое́м. | Чрез древо Адам удален был из рая, а чрез древо креста разбойник вселился в рай. Первый, вкусив (от запрещенного плода), нарушил заповедь Творца; второй, будучи вместе распинаем, Богом исповедал сокровенного, восклицая: помяни меня в Царствии Твоем! |
| Вознесы́йся на Кре́ст, сме́ртную разруши́вый си́лу, и загла́дивый я́ко Бо́г е́же на ны́ рукописа́ние, Го́споди, разбо́йниче покая́ние и на́м пода́ждь, Еди́не Человеколю́бче, ве́рою служа́щым, Христе́ Бо́же на́ш, и вопию́щым Ти́: помяни́ и на́с во Ца́рствии Твое́м. | Господи, вознесенный на крест, уничтоживший силу смерти и истребивший как Бог рукописание против нас! покаяние разбойника даруй и нам, единый Человеколюбец, с верою служащим и восклицающим Тебе, Христе Боже наш: помяни и нас в Царствии Твоем! (Кол. 2:14.) |
| Рукописа́ние на́ше на Кресте́ копие́м раздра́л еси́, и вмени́вся в ме́ртвых, та́мошняго мучи́теля связа́л еси́, изба́вивый все́х от у́з а́довых воскре́сением Твои́м, и́мже просвети́хомся, Человеколю́бче Го́споди, и вопие́м Ти́: помяни́ и на́с во Ца́рствии Твое́м. | Ты, человеколюбивый Господи, на кресте копьем разодрал рукописание против нас; будучи сочтен между мертвыми, связал тамошнего мучителя и избавил всех от оков ада Своим воскресением которым мы просветились и восклицаем Тебе: помяни и нас в Царствии Твоем! |
| Распны́йся и воскресы́й я́ко Си́лен из гро́ба тридне́вен, и первозда́ннаго Ада́ма воскреси́вый Еди́не Безсме́ртне: и мене́ на покая́ние обрати́тися, Го́споди, сподо́би от всего́ се́рдца моего́, и те́плою ве́рою при́сно взыва́ти Ти́: помяни́ мя, Спа́се, во Ца́рствии Твое́м. | Господи, единый бессмертный, распятый, но по Своему всемогуществу в третий день воскресший из гроба и воскресивший первозданного Адама! удостой и меня обращения к покаянию, чтобы я от всего сердца моего и с теплою верою постоянно восклицал Тебе: помяни меня, Спаситель, в Царствии Твоем! |
| На́с ра́ди И́же безстра́стен стра́стный бы́сть челове́к, и во́лею на Кресте́ пригвожде́йся, на́с совоскреси́, те́мже и сла́вим со Кресто́м стра́сть и воскре́сение, и́миже возсозда́хомся, и́миже и спаса́емся, взыва́юще: помяни́ и на́с во Ца́рствии Твое́м. | Ради нас бесстрастный (Бог) сделался человеком, подверженным страданиям, и будучи добровольно пригвожден ко кресту, совоскресил нас. Посему прославляем вместе с крестом страдания и воскресение, чрез которые мы обновились и чрез которые спасаемся, восклицая: помяни и нас в Царствии Твоем! |
| Воскре́сшаго из ме́ртвых, и а́дову держа́ву плени́вшаго, и ви́дима жена́ми мироно́сицами, ра́дуйтеся, глаго́лющаго, ве́рнии умо́лим, от истле́ния изба́вити ду́шы на́шя, зову́ще всегда́ разбо́йника благоразу́мнаго гла́сом к Нему́: помяни́ и на́с во Ца́рствии Твое́м. | Воскресшему из мертвых, уничтожившему силу ада, явившемуся женам-мироносицам и изрекшему им: «радуйтесь», помолимся, верующие, об избавлении душ наших от погибели, непрестанно восклицая Ему гласом благоразумного разбойника: помяни и нас в Царствии Твоем! |
| Отца́, и Сы́на, и Свята́го Ду́ха, вси́ единому́дренно ве́рнии славосло́вити досто́йно помо́лимся: Еди́нство Божества́, в трие́х су́щее Ипоста́сех, неслия́нно пребыва́ющее, Про́сто, Неразде́льно и Непристу́пно, И́мже избавля́емся о́гненнаго муче́ния. | Достойно помолимся, верующие, чтобы единомысленно прославить Отца, Сына и Святого Духа, единицу Божества, сущую в трех ипостасях, неслиянно пребывающую, простую, нераздельную и неприступную, Которою мы избавляемся от огненного мучения. |
| Ма́терь Твою́, Христе́, пло́тию без се́мене ро́ждшую Тя́, и Де́ву вои́стинну, и по Рождестве́ пребы́вшу Нетле́нну, Сию́ Ти́ приво́дим в моли́тву, Влады́ко Многоми́лостиве, прегреше́ний проще́ние да́руй, всегда́ вопию́щым Ти́: помяни́ и на́с во Ца́рствии Твое́м. | Матерь Твою, Христе, плотию бессеменно родившую Тебя, истинную Деву и после рождения пребывшую нетленною, – Ее мы представляем молитвенницей. Многомилостивый Владыко! прощение прегрешений даруй непрестанно восклицающим: помяни и нас в Царствии Твоем! |
* * *
30
В греческом тексте последние слова стихиры не согласны со славянскими.
31
В греческом подлиннике последние слова не согласны со славянскими.
32
Славянский текст несколько разнится от греческого.
33
В греческом подлиннике нет сказуемого в этом предложении.
34
Словам, поставленным в скобках, нет соответствующих слов в тексте греческом.
35
Выражение: ста в чине своем только однажды встречается в книге пророка Аввакума (3:11) и означает с еврейского подлинника: солнце и луна остановились в своем круговращении, в своем течении по своему пути. По отношению к Церкви, как обществу существ разумно-свободных, данное выражение означает смущение ее (Церкви) при виде крестных страданий Христа.
36
От языческих кровавых жертвоприношений.
37
Возгордился.
38
Божеское и человеческое.