Иван Ловягин
Глас вторый
На малой вечерне
Стихиры.
| О преве́лия та́инства! Зря́ чудеса́, пропове́дую Божество́, Емману́ил бо естества́ у́бо врата́ отве́рзе я́ко Человеколю́бец, де́вства же ключи́ не разруши́ я́ко Бо́г; но си́це от утро́бы про́йде, я́коже слу́хом вни́де; та́ко воплоти́ся, я́коже зача́тся; безстра́стно вни́де, несказа́нно изы́де, по проро́ку глаго́лющему: сия́ врата́ заключе́на бу́дут; никто́же про́йдет и́ми, то́кмо еди́н Госпо́дь Бо́г Изра́илев, име́яй ве́лию ми́лость. | Какое величайшее таинство! Видя чудеса, я исповедую Божество (но не отрицаю и человечества);10 ибо Еммануил как Человеколюбец отверз врата естества, но не сокрушил печатей девства, как Бог. Он так вышел из утробы, как вошел чрез слух; так воплотился, как был зачат; бесстрастно вошел, и неизреченно вышел, согласно пророку, который сказал: ворота сии будут затворены, и никто не пройдет ими, кроме единого Господа Бога Израилева, имеющего великую милость. (Иез. 44:2) |
| Все́х скорбя́щих ра́досте, и оби́димых предста́тельнице, и убо́гих пита́тельнице, стра́нных же утеше́ние, и же́зле слепы́х, немощны́х посеще́ние, тружда́ющихся покро́ве и засту́пнице, и си́рых помо́щнице, Ма́ти Бо́га Вы́шняго, Ты́ еси́, Пречи́стая, потщи́ся, мо́лимся, спасти́ся рабо́м Твои́м. | Радость всех скорбящих, Заступница обижаемых, Питательница бедных, Утешительница странников, посох для слепых, Посетительница больных, Покровительница и Заступница обременяемых и Помощница сирых, Матерь Бога Вышнего – Ты, Пречистая. Ускори спасти рабов Твоих, – молимся Тебе. |
| Вся́кое беззако́ние неща́дно, вся́кий гре́х невозде́ржно окая́нный соде́лах: вся́каго осужде́ния досто́ин е́смь! вины́ покая́ния мне́ пода́ждь, Де́во, я́ко да не осужде́н та́мо явлю́ся, Тя́ бо напису́ю моли́твенницу, Тя́ призыва́ю предста́тельницу, не посрами́ мене́, Богоневе́стная. | По небрежности я, бесстыдный, совершал всякое беззаконие и по невоздержности – всякий грех, и (посему) достоин всякого осуждения. Даруй мне средства к покаянию, Дева, чтобы я неосужденным явился там (на суде), ибо Тебя избираю Молитвенницею, Тебя я призываю Защитницею, – не посрами меня, Богоневеста. |
| Ино́го прибе́жища, Чи́стая, к Творцу́ и Влады́це мы́ не и́мамы, ра́зве Тебе́, Богоневе́сто: да не отри́неши на́с те́плым Твои́м предста́тельством, ниже́ посрами́ши любо́вию притека́ющих под кро́в Тво́й, Ма́ти Бо́га на́шего: потщи́ся, и Твою́ по́мощь да́ждь, и ны́нешняго гне́ва на́с спаси́. | Пред Творцом и Владыкою мы не имеем другой защиты, кроме Тебя, чистая Богоневеста; не оставь нас Своим усердным ходатайством, и не посрами с любовию прибегающих под Твое покровительство, Матерь Бога нашего; ускори и яви богатство Твоего милосердия и от нынешнего гнева спаси нас. |
| Кто́ Тя по достоя́нию похва́лит и ублажи́т, Отрокови́це Богоневе́стная, о е́же Тобо́ю бы́вшем ми́рови избавле́нии: благодаря́ще у́бо зове́м Ти́, глаго́люще: ра́дуйся, Я́же Ада́ма обожи́вшая, и разстоя́щая совокупи́вшая. Ра́дуйся, просвети́вшая ро́д на́ш светоно́сным Воскре́сением Сы́на Твоего́ и Бо́га на́шего: Тя́ бо христиа́нский ро́д непреста́нно ублажа́ем. | Кто может достойно восхвалить и прославить Тебя за совершившееся чрез Тебя избавление миру, Отроковица Богоневеста? Посему мы благодарно взываем и восклицаем Тебе: радуйся, обожившая Адама и соединившая разъединенное; радуйся, просветившая род наш светоносным воскресением Сына Твоего и Бога нашего! Ибо мы – род христианский – непрестанно ублажаем Тебя. |
На великой вечерне
А) Стихиры на «Господи воззвах».
| Пре́жде ве́к от Отца́ Ро́ждшемуся Бо́жию Сло́ву, вопло́щшемуся от Де́вы Мари́и, прииди́те поклони́мся: кре́ст бо претерпе́в, погребе́нию предаде́ся, я́ко Са́м восхоте́: и воскре́с из ме́ртвых, спасе́ мя заблужда́ющаго челове́ка. | Приидите, поклонимся Богу Слову, прежде веков родившемуся от Отца и воплотившемуся от Девы Марии; ибо Он, добровольно претерпев крест, предал Себя погребению, как Сам восхотел, и, воскресши из мертвых, спас меня – заблуждающегося человека. |
| Христо́с Спа́с на́ш, е́же на ны́ рукописа́ние пригвозди́в на Кресте́ загла́ди, и сме́ртную держа́ву упраздни́: покланя́емся Его́ Тридне́вному Воскре́сению. | Христос Спаситель наш истребил рукописание против нас, пригвоздив его ко кресту, и уничтожил державу смерти. Поклоняемся Его тридневному11 воскресению. (Кол. 2:14) |
| Со Арха́нгелы воспои́м Христо́во Воскре́сение: То́й бо е́сть Изба́витель и Спа́с ду́ш на́ших, и в сла́ве стра́шней и кре́пцей си́ле, па́ки гряде́т суди́ти ми́ру, его́же созда́. | Вместе с Архангелами прославим воскресение Христа; ибо Он – Избавитель и Спаситель душ наших, и в страшной славе, с сильным воинством снова грядет судить мир, который Он создал. |
| Тебе́ Распе́ншагося и Погребе́ннаго, а А́нгел пропове́да Влады́ку, и глаго́лаше жена́м: прииди́те ви́дите, иде́же лежа́ше Госпо́дь: воскре́се бо, я́коже рече́, я́ко Всеси́лен. Те́мже Тебе́ покланя́емся, Еди́ному Безсме́ртному: Жизнода́вче Христе́, поми́луй на́с. | О Тебе, распятом и погребенном Владыке, возвестил женам Ангел и сказал; приидите, посмотрите (то место), где лежал Господь; ибо Он, согласно Своему слову, воскрес как Всемогущий. Посему поклоняемся Тебе, Единому Бессмертному: Жизнеподатель Христе, помилуй нас. |
| Кресто́м Твои́м упраздни́л еси́, ю́же от дре́ва кля́тву, погребе́нием Твои́м умертви́л еси́ сме́рти держа́ву: воста́нием же Твои́м просвети́л еси́ ро́д челове́ческий. Сего́ ра́ди вопие́м Ти́: Благоде́телю Христе́ Бо́же на́ш, сла́ва Тебе́. | Крестом Своим Ты уничтожил (постигшее нас) чрез древо проклятие, погребением Своим умертвил державную смерть и воскресением Своим просветил род человеческий. Посему восклицаем Тебе: Благодетель Христе Боже наш, слава Тебе! |
| Отверзо́шася Тебе́, Го́споди, стра́хом врата́ сме́ртная, вра́тницы же а́довы ви́девше Тя́, убоя́шася: врата́ бо ме́дная сокруши́л еси́, и вереи́ желе́зныя сте́рл еси́, и изве́л еси́ на́с от тьмы́ и се́ни сме́ртныя, и у́зы на́ша растерза́л еси́. | Пред Тобою, Господи, отверзлись от страха врата смерти, и привратники ада, увидевши Тебя, ужаснулись; ибо Ты сокрушил медные врата, разрушил железные запоры, вывел нас из тьмы и тени смертной и разорвал наши оковы. |
| Спаси́тельную пе́снь пою́ще, от у́ст возсле́м: прииди́те вси́ в дому́ Госпо́днем припаде́м, глаго́люще: на дре́ве Распны́йся, и из ме́ртвых Воскресы́й, и Сы́й в не́дрех О́тчих, очи́сти грехи́ на́шя. | Воспевая спасительную песнь, громогласно воскликнем: пойдем все в дом Господа и припадем к Нему, взывая: Распятый на древе, Воскресший из мертвых и Сущий в недрах Отца, очисти грехи наши. |
Богородичен.
| Пре́йде се́нь зако́нная, благода́ти прише́дши: я́коже бо купина́ не сгара́ше опаля́ема, та́ко Де́во родила́ еси́, и Де́ва пребыла́ еси́. Вме́сто столпа́ о́гненнаго, пра́ведное возсия́ со́лнце: вме́сто Моисе́а, Христо́с, спасе́ние ду́ш на́ших. | С пришествием благодати прошла тень закона (Моисеева); ибо как горевшая купина не сгорала, так и Ты, Дева, родила и осталась Девою; вместо огненного столпа явилось Солнце правды, вместо Моисея – Христос, спасение душ наших. |
Б) Стихиры на стиховне.
| Воскре́сение Твое́, Христе́ Спа́се, всю́ просвети́ вселе́нную и призва́л еси́ Твое́ созда́ние: всеси́льне Го́споди, сла́ва Тебе́. | Воскресение Твое, Христос Спаситель, просветило всю вселенную, и Ты призвал к Себе Свое создание: Всемогущий Господи, слава Тебе! |
| Дре́вом, Спа́се, упраздни́л еси́, ю́же от дре́ва кля́тву, держа́ву сме́рти погребе́нием Твои́м умертви́л еси́, просвети́л же еси́ ро́д на́ш воста́нием Твои́м. Те́мже вопие́м Тебе́: Животода́вче Христе́ Бо́же на́ш, сла́ва Тебе́. | Древом Ты, Спаситель, уничтожил (постигшее нас) чрез древо проклятие, погребением Своим умертвил державную смерть, и воскресением Своим просветил род наш. Посему восклицаем Тебе: Жизнеподатель Христос, Бог наш, слава Тебе! |
| На Кресте́ я́влься Христе́ пригвожда́ем, измени́л еси́ добро́ту зда́ний: и бесчеловечием у́бо во́ини показу́юще, копие́м ре́бра Твоя́ прободо́ша, евре́и же печа́тати гро́ба проси́ша, Твоея́ вла́сти не ве́дуще. Но за милосе́рдие утро́б Твои́х, прие́мый погребе́ние, и тридне́вен воскресы́й, Го́споди, сла́ва Тебе́. | Будучи пригвожден ко кресту, Ты, Христе, затмил красоту созданий; воины, проявляя свою бесчеловечность, пронзили Твои ребра, а Евреи, не зная Твоего могущества, упросили запечатать гроб Твой. Но Ты, по милосердию Своего сердца, принял погребение и в третий день воскрес. Господи, слава Тебе. |
| Животода́вче Христе́, во́лею стра́сть претерпе́вый сме́ртных ра́ди, во а́д же снизше́д я́ко си́лен, та́мо Твоего́ прише́ствия ожида́ющыя, исхи́тив я́ко от зве́ря кре́пкаго, ра́й вме́сто а́да жи́ти дарова́л еси́. Те́мже и на́м сла́вящым тридне́вное Твое́ воста́ние, да́руй очище́ние грехо́в, и ве́лию ми́лость. | Ты, Жизнеподатель Христе, ради людей добровольно претерпевший страдания, и нисшед в ад, как Всемогущий, отнявший как-бы из рук властелина ожидавших там Твоего пришествия, даровал им в жилище рай вместо ада. Посему и нам, прославляющим Твое тридневное воскресение, даруй прощение грехов и великую милость. |
| О чудесе́ но́ваго все́х дре́вних чуде́с! кто́ бо позна́ Ма́терь без му́жа ро́ждшую, и на руку́ нося́щую, всю́ тва́рь Содержа́щаго? Бо́жие е́сть изволе́ние, Ро́ждшееся. Его́же я́ко Младе́нца, Пречи́стая, Твои́ма рука́ма носи́вшая, и ма́терне дерзнове́ние к Нему́ иму́щая, не преста́й моля́щи о чту́щих Тя́, уще́дрити и спасти́ ду́шы на́шя. | О, новое чудо, высшее всех древних чудес! Кто знал Матерь, родившую без мужа и на Своих руках носившую Содержащего всю тварь? Рождество сие – по совету Божию; Ты же, Пречистая, носившая Его как Младенца на Своих руках и имеющая к Нему матернее дерзновение, не преставай молиться о почитающих Тебя, чтобы Он умилосердился и спас души наши. |
В) Тропарь воскресный.
| Егда́ снизше́л еси́ к сме́рти, Животе́ Безсме́ртный, тогда́ а́д умертви́л еси́ блиста́нием Божества́. Егда́ же и уме́ршыя от преиспо́дних воскреси́л еси́, вся́ си́лы небе́сныя взыва́ху: Жизнода́вче Христе́ Бо́же на́ш, сла́ва Тебе́. | Когда Ты, бессмертная Жизнь, нисшел к смерти, тогда сиянием Своего Божества Ты умертвил ад; когда же Ты и мертвых воскресил из преисподней, все небесные силы восклицали; Жизнеподатель Христос Бог наш, слава Тебе! |
Богородичен.
| Вся́ па́че смы́сла, вся́ пресла́вная Твоя́ Богоро́дице, та́инства, чистоте́ запеча́танной, и де́вством храни́ма Ма́ти позна́лася еси́ нело́жна, Бо́га ро́ждши и́стиннаго: Того́ моли́ спасти́ся душа́м на́шым. | Превышают ум и преславные все тайны Твои, Богородица; запечатленная чистотою и сохранившая девство, Ты явилась истинною Материю, родившею истинного Бога. Молись Ему о спасении душ наших. |
Канон полунощницы
Песнь 1. Ирмос.
| Во глубине́ постла́ иногда́, фараони́тское всево́инство преоруже́нная си́ла, вопло́щшееся же Сло́во всезло́бный гре́х потреби́ло е́сть: препросла́вленный Госпо́дь сла́вно бо просла́вися. | Некогда сверхъестественная сила поразила в (морской) глубине все войско фараона; воплотившееся же Слово – препрославленный Господь – истребило всезлобный грех; ибо Он торжественно прославился. |
Тропари.
| Тро́ичное и Единонача́льное Естество́ Божества́, пе́сненно воспои́м глаго́люще: ми́лости пучи́ну неизчерпа́емую, суще́ственную я́ко иму́щи, Тебе́ кла́няющихся соблюди́ и спаси́, я́ко Человеколю́бец. | Тройственное, но единоначальное естество Божества в песнях воспоем, восклицая: имея в существе Своем неисчерпаемую бездну милосердия, сохрани и спаси поклоняющихся Тебе, как Человеколюбец. | |
| И́же исто́чник, и ко́рень Оте́ц сы́й, я́ко вино́вен, И́же в Сы́не, и Святе́м Твое́м Ду́се, сра́сленнаго Божества́ Трисо́лнечный се́рдцу моему́ источи́ све́т, и прича́стием осия́й, Богоде́тельнаго сия́ния. | Ты, Отче, будучи источником и корнем, как Виновник единосущного в Сыне и Святом Твоем Духе Божества, источи трисолнечное сияние моему сердцу и просвети его участием в Твоем Божественном свете. | |
| Трисве́тлая Еди́нице Богонача́льная, ве́сь разори́ грехо́в и страсте́й мои́х мра́к, све́тлых луче́й Твои́х сладча́йшими причаще́ньми, и сотвори́ мя Твоея́ непристу́пныя сла́вы хра́м и се́нь пречи́стую. | Трисветлая Божественная Единица! весь мрак грехов и страстей моих рассей вожделеннейшим участием в Твоих светлых лучах, и соделай меня чистым храмом и жилищем Твоей неприступной славы. | |
| То́к дре́вний естества́ на́шего, страда́вший безме́стно, и к тли́ попо́лзшийся, Пречи́стая, вопло́щься во утро́бе Твое́й Бо́г Сло́во, человеколю́бне осия́, и Богонача́лию Трисве́тлому на́с та́йно научи́. | Древнее течение нашего, постыдно падшего и склонившегося к погибели – естества, человеколюбиво остановил Бог Слово, воплотившийся в чреве Твоем, Пречистая, и посвятил нас в тайну трисветлого Божества. | |
Песнь 3. Ирмос.
| На ка́мени мя́ ве́ры утверди́в, разшири́л еси́ уста́ моя́ на враги́ моя́, возвесели́ бо ся ду́х мо́й, внегда́ пе́ти: не́сть свя́т, я́коже Бо́г на́ш, и не́сть пра́веден, па́че Тебе́, Го́споди. | Утвердив меня на камне веры, Ты разверз уста мои на врагов моих; ибо возрадовался дух мой, воспевая: нет столь святого, как Бог наш, и нет праведного, кроме Тебя, Господи. (1Цар. 2:1–2) |
Тропари.
| Ра́венством естества́ Богонача́лие Единоче́стное сла́влю Тя́ Ли́цы: Живо́т бо от Живота́ Ты́ произше́д нетле́нно, Еди́н сы́й Бо́г на́ш, и не́сть свя́т, па́че Тебе́, Го́споди. | По единству естества равночестным по лицам прославляю Тебя Боже; ибо Ты – жизнь, от жизни без истечения происшедшая, Ты – единый Бог наш, и нет святого, кроме Тебя, Господи. |
| Ты́ чи́ны невеще́ственныя и небе́сныя соста́вил еси́, я́ко зерца́ла Твоея́ добро́ты: Тро́ице Неразде́льное Единонача́лие, пе́ти непреста́нно Тебе́: но и ны́не на́ше от бре́нных у́ст приими́ хвале́ние. | Ты, Троица – нераздельное Единоначалие, создала невещественные и небесные чины как отображение Твоих совершенств, чтобы они непрестанно прославляли Тебя. Но приими ныне хвалу и из наших бренных уст. |
| Утверди́ на ка́мени ве́ры, и разшири́ любве́ Твоея́ пучи́ною сердца́ и мы́сль Твои́х ра́б, Еди́нице Трисо́лнечная: Ты́ бо Бо́г на́ш, на Него́же упова́юще, да не посрами́мся. | Утверди на камне веры и множеством любви Твоей расшири сердце и ум рабов Твоих, трисолнечная Единица; ибо Ты – Бог наш, и мы, надеясь на Тебя, да не постыдимся. |
| И́же вся́к пре́жде соста́в Осуществова́вый тва́ри, во утро́бе Твое́й осуществова́ся, неизче́тною бла́гостию, Богоро́дице, и све́т Трисо́лнечный все́м возсия́ еди́наго Божества́ и Госпо́дьства. | Даровавший некогда бытие всякой твари, по бесконечной благости Своей, принял естество (наше) в Твоей утробе, Богородица, и открыл всем трисолнечный свет единого Бога и Господа. |
Седален.
| Егда́ в нача́ле Ада́ма созда́л еси́ Го́споди, тогда́ Сло́ву Твоему́ Ипоста́сному возопи́л еси́, Благоутро́бне: сотвори́м по На́шему подо́бию, Ду́х же Святы́й сопрису́тствоваше Соде́тель. Те́мже вопие́м Ти́: Тво́рче Бо́же на́ш, сла́ва Тебе́. | Когда Ты, милосердый Господи, творил в начале Адама, тогда воззвал к Своему ипостасному Слову: «сотворим по Нашему подобию»; соприсутствовал и Зиждительный Дух Святой. Посему восклицаем Тебе: Создатель – Боже наш, слава Тебе! |
Богородичен.
| Егда́ к на́м Бо́г приити́ изво́ли, тогда́ в Твою́, Пречи́стая, чисте́йшую утро́бу всели́ся, и спасе́ Тобо́ю челове́ческое смеше́ние, дарова́вый все́м Ца́рство Небе́сное. Те́мже вопие́м Ти́, Богоро́дице Чи́стая, ра́дуйся, Влады́чице. | Когда Бог соблаговолил прийти к нам, тогда Он вселился в Твою пречистую утробу, Всенепорочная, и чрез Тебя спас человеческое естество, даровав всем Царство Небесное. Посему восклицаем Тебе, Богородица чистая: радуйся, Владычица! |
Песнь 4. Ирмос.
| Пою́ Тя, слу́хом бо Го́споди услы́шах и ужасо́хся, до мене́ бо и́деши, мене́ ищя́ заблу́ждшаго. Те́м мно́гое Твое́ снизхожде́ние, е́же на мя́, прославля́ю, Многоми́лостиве. | Воспеваю Тебя, Господи; ибо я (своим) слухом услышал и ужаснулся: Ты дошел до меня, отыскивая меня заблудившегося. Посему прославляю Твое великое ко мне снисхождение, Многомилостивый. |
Тропари.
| Разуме́ти Тя́ ниже́ чи́нове мо́гут невеще́ственнии а́нгельстии, Еди́нице, Тро́ице Безнача́льная: но у́бо мы́ бре́нным язы́ком Твою́ Су́щественную бла́гость воспева́ем, и ве́рою сла́вим. | Уразуметь Тебя, безначальная Троица Единица, не могут даже невещественные ангельские чины; мы же своим бренным языком воспеваем Твою существенную благость и с верою прославляем. |
| Сы́й Созда́тель естества́ челове́ческаго, Вседержи́телю, все́ мое́ ви́диши ны́не, я́ко Всеви́дец неможе́ние: те́мже уще́дри раба́ Твоего́, и к жи́зни лу́чшей па́ки возведи́. | Будучи Создателем человеческого естества, Ты, Вседержитель, знаешь всю мою настоящую немощь как Всевидец; посему умилосердись над рабом Твоим и к лучшей жизни возведи (меня). |
| Еди́ницы Нача́льныя несме́сна Три́ Ли́ца воспева́ем, я́ко сво́йственне иму́щая, и разде́льне Ипоста́си: но у́бо Соедине́на и Неразде́льна, в Сове́те же, и Сла́ве, и Божестве́. | Воспеваем три неслиянные лица державной Единицы, имеющие различные свойства и ипостаси, но соединенные и нераздельные по воле, славе и Божеству. |
| Хра́м Тя́ чи́ст и пренепоро́чен, Присноде́во Богоро́дице, Вседе́тель обре́те Еди́ну я́ве от ве́ка, в Ню́же все́лься: вообрази́ челове́ческое естество́, я́ко Человеколю́бец. | От века поистине Тебя одну, Приснодева Богородица, Создатель всего обрел чистым и непорочным храмом, в который вселившись, Он обновил человеческое естество, как Человеколюбец. |
Песнь 5. Ирмос.
| Просвеще́ние во тьме́ лежа́щих, спасе́ние отча́янных, Христе́ Спа́се мо́й, к Тебе́ у́тренюю, Царю́ ми́ра, просвети́ мя сия́нием Твои́м: ино́го бо ра́зве Тебе́ Бо́га не зна́ю. | Христе Спаситель мой – просвещение пребывающих во тьме и спасение погибающих! Тебе, Царь мира, приношу утреннюю молитву: – просвети меня Твоим светом; ибо другого Бога, кроме Тебя, мы не знаем. |
Тропари.
| Я́ко вся́чески на вся́ су́щыя Твоего́ про́мысла, мирода́рныя простира́яй лучы́, и спаси́тельныя, Царю́ ми́ра, соблюди́ мя в ми́ре Твое́м: Ты́ бо живо́т и ми́р вся́ческому. | Ты, Царь мира, как распространяющий умиротворяющие и спасительные лучи Твоего промысла всецело на все существующее, сохрани меня в мире Твоем: ибо Ты – жизнь и мир всего. |
| Моисе́ю в купине́ я́ко яви́лся еси́ в виде́нии о́гненне, а́нгел наре́клся еси́, О́тчее Сло́во, Е́же к на́м Твое́ предъявля́я прише́ствие: И́мже все́м я́ве возвести́л еси́ держа́ву Богонача́лия Еди́наго, Триипоста́сную | Явившись Моисею в купине в виде огня, Ты, Слово Отца, назвал Себя Ангелом, предвозвещая Свое к нам пришествие, чрез которое ясно открыл нам триипостасную державу единого Бога. |
| Я́же Есте́ственную, Соприсносу́щную сла́ву предло́жиши, Единонача́льнейшая Тро́ице Свята́я, воспева́ющих Тя́ правосла́вною ве́рою, Твоея́ сла́вы ви́дети сподо́би, Безнача́льную, и Еди́ну зарю́ Трисо́лнечную. | Единодержавнейшая Святая Троица, проявляющая естественную совечную славу! православною верою воспевающих Тебя удостой увидеть безначальное и единое трисолнечное сияние Твоей славы. |
| Содержи́тельный по существу́ сы́й Бо́г Сло́во, все́м веко́м, Де́во Ма́ти, во чре́ве Твое́м удержа́ся неизрече́нно, челове́ки призыва́я ко еди́нству Еди́наго Госпо́дьства. | Бог-Слово, по естеству содержащий в Своей власти все веки, непостижимо содержался в утробе Твоей, Дева-Матерь, призывая людей к соединению с единым Господом. |
Песнь 6. Ирмос.
| В бе́здне грехо́вней валя́яся, неизсле́дную милосе́рдия Твоего́ призыва́ю бе́здну: от тли́ Бо́же мя́ возведи́. | Будучи окружен бездною грехов, призываю бесконечную бездну Твоего милосердия: Боже, возведи меня от погибели. |
Тропари.
| Воли́телю ми́лости, поми́луй в Тя́ ве́рующих, Бо́же Трисо́лнечне, и прегреше́ний изба́ви, и страсте́й, и бе́д, рабы́ Твоя́. | Ревнитель милосердия, трисолнечный Боже! помилуй верующих в Тебя, и от грехов, страстей и бед избавь рабов Твоих. |
| Неизрече́нною пучи́ною бла́гости, необмы́слимую Твоего́ сия́ния, и Трисия́ннаго Божества́ светода́тельную зарю́ пода́ждь ми́. | По неизреченному множеству благости, даруй мне непостижимый и светоподательный луч Твоего света и трисиянного Божества. |
| Неизрече́нне, Де́во, Вы́шний Челове́к бы́сть из Тебе́, в челове́ка по всему́ обо́лкся, и све́том мя́ Трисо́лнечным озари́. | Чрез Тебя, Дева, Всевышний неизреченно сделался человеком, облекшись всецело в человека, и трисиянным светом озарил меня. |
Седален.
| Благоутро́бия пучи́ну на́м простры́й, приими́ на́с, Ми́лостиве, при́зри на лю́ди Тя́ сла́вящыя, приими́ пе́снь прося́щих Тя́, Тро́ице Еди́нице Безнача́льная: на Тя́ бо упова́ем все́х Бо́га, прегреше́ний да́ти проще́ние. | Распространив на нас множество Твоего милосердия, приими нас, Милостивый; воззри на людей, Тебя прославляющих; приими пение молящихся Тебе, безначальная Троица – Единица, ибо на Тебя – всех Бога – надеемся, что Ты даруешь прощение грехов. |
Богородичен.
| Благоутро́бия ро́ждши исто́чник, ми́лостива Ты́ еси́, блага́я Богоро́дице: Ты́ бо ве́рных еди́но заступле́ние, Ты́ скорбя́щих утеше́ние. Те́мже Тебе́ ны́не вси́ ве́рою припа́даем, обрести́ разреше́ние лю́тых, обогате́ющеся еди́ною Тебе́ по́мощию. | Как родившая Источник милосердия, милостива Ты, благая Богородица; ибо Ты – единственная Защитница верующих и Утешительница скорбящих. Посему ныне все с верою припадаем к Тебе, чтобы нам, богатым единою от Тебя помощью, получить освобождение от бед. |
Песнь 7. Ирмос.
| О́бразу злато́му на по́ле деи́ре служи́му, трие́ Твои́ о́троцы небрего́ша безбо́жнаго веле́ния: посреде́ же огня́ вве́ржени, ороша́еми поя́ху: благослове́н еси́ Бо́же оте́ц на́ших. | Когда на поле Деире воздавали божеское поклонение золотому истукану, три Твои отрока презрели безбожное повеление, и вверженные в средину огня, но орошаемые воспевали: благословен Ты, Бог отцов наших! (Дан. 3:24, 26) |
Тропари.
| Уставля́еши при́сно а́нгельская во́инства к непреложе́нию, Еди́не сы́й Неизме́нне и Триипоста́сне Го́споди: покажи́ у́бо и мое́ се́рдце непрело́жно всегда́, во е́же сла́вити Тя́ те́пле, и воспева́ти благоче́стно. | Ты, триипостасный Господи, будучи единым неизменяемым, постоянно утверждаешь Ангельские воинства в неизменности (к Тебе). Соделай и мое сердце всегда неизменным, чтобы я пламенно прославлял и благоговейно воспевал Тебя. |
| Ли́цы у́мнии невеще́ственных суще́ств, Твои́ми луча́ми, Бо́же Единонача́льне, и Трисо́лнечне, озаря́еми быва́ют, положе́нием втори́и све́тове: и́хже и мене́ сия́ньми, и прича́стием покажи́ све́т, я́ко Светоде́тель Трисия́нен. | Невидимые лики невещественных существ, озаряемые Твоими лучами, единоначальный и трисолнечный Боже, по положению суть вторые светы. Их сиянием и общением соделай и меня светом, как трисиянный Создатель света. |
| Направля́ти на́с и возвыша́ти к небесе́м не оскуде́й, Тебе́ лю́бящих, и́же за неизрече́нное человеколю́бие, бы́в челове́к во утро́бе Де́вы, и обожи́в челове́ка, и на престо́ле сла́вы со Отце́м седя́й. | Не переставай направлять и возвышать к небу нас, любящих Тебя, по беспредельному человеколюбию соделавшийся человеком в утробе Девы, Обоживший человека и Седящий на престоле славы вместе с Отцом. |
Песнь 8. Ирмос.
| О подо́бии зла́те небре́гше треблаже́ннии ю́ноши, неизме́нный и живы́й Бо́жий о́браз ви́девше, среди́ огня́ воспева́ху: осуществова́нная да пое́т Го́спода вся́ тва́рь, и превозно́сит во вся́ ве́ки. | Треблаженные юноши, презревши золотой истукан и созерцая неизменяемый и живой образ Божества, посреди пламени воспевали: вся созданная тварь да воспевает Господа и превозносит во все веки. |
Тропари.
| Непристу́пная Тро́ице Соприсносу́щная, Собезнача́льная, Богонача́льная, неизме́нная во все́х, кроме́ Светоно́сных Сво́йств, вся́кий лука́вый упраздни́ сопротиволежа́щих сове́т, и стуже́ния де́монов, невре́дна соблюда́яй мя́ при́сно, Го́споди все́х. | Совечное, собезначальное Божество, неприступная Троица, подобная во всем, кроме светоносных (личных) свойств! Уничтожь всякий коварный замысел врагов и нападение демонов, сохраняя меня невредимым на всякое время, Господи всех. |
| Прему́дре и Всемо́щне, Неопи́санное, Трисо́лнечное Единонача́лие соста́вльшее ми́р, и соблюда́ющее в невреди́мом чи́не всесоверше́нном, всели́ся в мое́ се́рдце, пе́ти и сла́вити Тя́ немо́лчно с ли́ки а́нгельскими во вся́ ве́ки. | Бесконечный, трисолнечный Господь, премудро Своим всемогуществом устроивший мир и сохраняющий его в ненарушимом и совершеннейшем порядке! вселись в мое сердце, чтобы я не умолкая, вместе с ликами Ангелов, воспевал п прославлял Тебя во все веки. |
| Прему́дросте О́тчая, Непостижи́ме, Неизрече́нне, Бо́жий Сло́ве, Непрело́жное Твое́ Естество́ не измени́в, естество́ челове́ческое ми́лостивне восприя́л еси́: и Еди́нственную Тро́ицу чести́ все́х научи́л еси́, я́ко Господонача́лие все́х веко́в. | Непостижимая Премудрость Отца, неизреченное Божие Слово! Не изменив Своего неизменяемого естества, Ты милостиво восприняло человеческое естество и всех научило почитать единую Троицу, как верховного Владыку всех веков. |
Песнь 9. Ирмос.
| Я́же пре́жде со́лнца свети́льника Бо́га возсия́вшаго, пло́тски к на́м прише́дшаго, из боку́ Деви́чу неизрече́нно воплоти́вшая, Благослове́нная Всечи́стая, Тя́, Богоро́дице, велича́ем. | Благословенная, всечистая, неизреченно воплотившая прежде солнца воссиявшее светило – Бога, во плоти из девственного бока12 к нам пришедшее! Тебя, Богородица, величаем. |
Тропари.
| От Све́та Безнача́льна, Собезнача́лен Сы́н Све́т возсия́, и Соесте́ственный Све́т Ду́х изы́де, неизрече́нно боголе́пно, нетле́нну рождеству́ уверя́еми, вку́пе же и неизрече́нному исхожде́нию. | От безначального Света таинственно и богоприлично родился собезначальный Свет – Сын и исшел соестественный Свет – Дух, так что верою приемлется рождение – без истечения, и исхождение – неизреченное. |
| Возсия́й в сердца́х Трисо́лнечное Божество́, воспева́ющих Тя́, Трисия́нным Све́том Твои́м: и да́ждь ра́зум е́же во все́х разуме́ти, и де́яти Твое́ хоте́ние благо́е и соверше́нное, и велича́ти и сла́вити Тя́. | Озари Своим трисиянным светом сердца воспевающих Тебя, трисолнечное Божество, и даруй разум, чтобы во всем понимать и исполнять Твою благую и совершенную волю, и – величать и прославлять Тебя. |
| Неизче́тен естество́м сы́й я́ко Бо́г, неизче́тную пучи́ну щедро́т я́ко име́я, уще́дрила еси́ Тро́ице пре́жде: та́ко и ны́не уще́дри рабы́ Твоя́, и от прегреше́ний изба́ви, и напа́стей и обстоя́ний. | Будучи беспредельным по естеству Богом, имеющим беспредельное множество милосердия, Ты, Троица, проявляла прежде Свое милосердие, так и ныне умилосердись над рабами Твоими и избавь от прегрешений, искушений и напастей. |
| Спаси́ мя, Бо́же мо́й, от вся́каго искуше́ния и озлобле́ния, И́же в Трие́х Ли́цех воспева́емый несказа́нно, Еди́нственне Бо́г и Всеси́льный, и Твое́ ста́до сохрани́, Богоро́дицы моли́твами. | Избавь меня от всякой злобы и бед, Боже мой, неизреченно в единице, но в трех лицах воспеваемый и всемогущий Боже, и сохрани паству Твою по молитвам Богородицы. |
На утрени
А) Воскресные седальны.
По первом стихословии.
| Благообра́зный Ио́сиф, с дре́ва сне́м Пречи́стое Твое́ те́ло, плащани́цею чи́стою обви́в, и благоуха́ньми во гро́бе но́ве закры́в положи́: но тридне́вен воскре́сл еси́, Го́споди, подая́ ми́рови ве́лию ми́лость. | Благообразный Иосиф, сняв с (крестного) древа Твое пречистое тело, обвил его чистою плащаницею и, намастив благоуханиями, положил в новом гробе; но Ты, Господи, в третий день воскрес, даруя миру великую милость. |
| Мироно́сицам жена́м при гро́бе предста́в а́нгел вопия́ше: ми́ра ме́ртвым су́ть прили́чна, Христо́с же истле́ния яви́ся чу́ждь. Но возопи́йте: воскре́се Госпо́дь, подая́ ми́рови ве́лию ми́лость. | Ангел, представ женам-мироносицам при гробе, восклицал: миро приличествует мертвым, Христос же явился чуждым истлению; лучше провозгласите: воскрес Господь, даруя миру великую милость. |
| Препросла́вленна еси́, Богоро́дице Де́во, пое́м Тя́: Кресто́м бо Сы́на Твоего́ низложи́ся а́д, и сме́рть умертви́ся, умерщвле́ннии воста́хом, и живота́ сподо́бихомся: ра́й восприя́хом дре́внее наслажде́ние. Те́м благодаря́ще, славосло́вим я́ко Держа́внаго Христа́ Бо́га на́шего, и Еди́наго Многоми́лостиваго. | Препрославленна Ты, Богородица Дева, – воспеваем Тебя; ибо крестом Сына Твоего низложен ад, умерщвлена смерть, мы – умерщвленные – восстали, удостоились жизни и возвратили рай – прежнее наслаждение. Посему благодарно прославляем Христа, державного Бога нашего и единого многомилостивого. |
По втором стихословии.
| Ка́мень гро́бный запеча́тати не возбрани́в, ка́мень ве́ры воскре́с по́дал еси́ все́м, Го́споди, сла́ва Тебе́. | Не возбранив запечатать камень гроба, по Своем воскресении Ты даровал всем камень веры. Господи, слава Тебе! |
| Ученико́в Твои́х ли́к с мироно́сицами жена́ми ра́дуется согла́сно: о́бщий бо пра́здник с ни́ми пра́зднуют в сла́ву и че́сть Твоего́ Воскре́сения. И те́ми вопие́м Ти́, Человеколю́бче Го́споди: лю́дем Твои́м пода́ждь ве́лию ми́лость. | Сонм Твоих учеников единодушно радуется вместе с женами-мироносицами; с ними празднуем и мы общий праздник во славу и честь Твоего воскресения; даруй же чрез них, человеколюбивый Господи. людям Твоим великую милость. |
| Преблагослове́нна еси́, Богоро́дице Де́во, вопло́щшим бо ся из тебе́ а́д плени́ся, Ада́м воззва́ся, кля́тва потреби́ся, Е́ва свободи́ся, сме́рть умертви́ся, и мы́ ожи́хом. Те́м воспева́юще вопие́м: благослове́н Христо́с Бо́г благоволи́вый та́ко, сла́ва Тебе́. | Преблагословенна Ты, Богородица Дева, ибо Воплотившимся от Тебя пленен ад, восстановлен Адам, уничтожено проклятие, освобождена Ева, умерщвлена смерть, и мы оживлены. Посему воспевая восклицаем: благословен Христос Бог наш, так благоволивший, – слава Тебе! |
Б) Ипакой.
| По стра́сти ше́дшя во гро́б жены́, во е́же пома́зати те́ло Твое́ Христе́ Бо́же, ви́деша а́нгелы во гро́бе, и ужасо́шася: гла́с бо слы́шаху от ни́х, я́ко воскре́се Госпо́дь, да́руя ми́рови ве́лию ми́лость. | После Твоей смерти, жены, пришедши ко гробу, чтобы помазать миром тело Твое, Христе Боже, увидели во гробе Ангелов и изумились, ибо услышали от них весть, что воскрес Господь, даруя миру великую милость. |
В) Антифоны.
| Первый. На не́бо о́чи пуща́ю моего́ се́рдца, к Тебе́, Спа́се, спаси́ мя Твои́м осия́нием. | На небо устремляю очи сердца моего, – к Тебе, Спаситель, – спаси меня Твоим сиянием. (Пс.122) |
| Поми́луй на́с согреша́ющих Тебе́ мно́го, на вся́кий ча́с, о Христе́ мо́й, и да́ждь о́браз пре́жде конца́ пока́ятися Тебе́. | Помилуй нас, ежечасно во многом согрешающих пред Тобою, о, Христе мой, и прежде кончины даруй (нам) способы покаяния пред Тобою. |
| Свято́му Ду́ху, Е́же ца́рствовати подоба́ет, освяща́ти, подвиза́ти тва́рь: Бо́г бо е́сть, Единосу́щен Отцу́ и Сло́ву. | Святому Духу принадлежит царствование, освящение и движение твари; ибо Он – Бог, единосущный с Отцом и Словом. |
| Вторый. А́ще не Госпо́дь бы бы́л в на́с, кто́ дово́лен це́л сохране́н бы́ти от врага́, ку́пно и человекоуби́йцы? | Если бы Господь не был с нами, то кто мог бы сохраниться невредимым от врага и вместе человекоубийцы? (Пс. 123) |
| Зубо́м и́х не преда́ждь Спа́се, Твоего́ раба́: и́бо льво́вым о́бразом на мя́ подвиза́ются врази́ мои́. | Зубам их не предай раба Твоего, Спаситель; ибо на подобие льва устремляются против меня враги мои. |
| Свято́му Ду́ху живонача́лие и че́сть: вся́ бо созда́нная, я́ко Бо́г сы́й си́лою (укрепля́ет) соблюда́ет во Отце́, Сы́ном же. | Во Святом Духе – источник жизни и власть; ибо Он, как Бог, все сотворенное укрепляет и чрез Сына сохраняет во Отце. |
| Третий. Наде́ющиися на Го́спода, уподо́бишася горе́ святе́й: и́же ника́коже дви́жутся прило́ги вра́жиими. | Надеющиеся на Господа подобны святой горе; они никак не поколеблются от нападений велиара.13 (Пс. 124) |
| В беззако́нии ру́к свои́х да не про́струт Боже́ственне живу́щии: не оставля́ет бо Христо́с жезла́ на жре́бии Свое́м. | Да не прострут своих рук к беззакониям живущие согласно с волею Божией; ибо Христос не предаст жезлу14 Своего наследия. |
| Святы́м Ду́хом то́чится вся́ка прему́дрость: отсю́ду благода́ть апо́столом, и страда́льчествы венча́ются му́ченицы, и проро́цы зря́т. | Святой Дух – источник всякой премудрости; отсюда – благодать Апостолам, подвигами увенчиваются мученики, и предвидят пророки. |
Г) Каноны.
Песнь 1. Ирмос.
| Во глубине́ постла́ иногда́, фараони́тское всево́инство преоруже́нная си́ла, вопло́щшееся же Сло́во всезло́бный гре́х потреби́ло е́сть, Препросла́вленный Госпо́дь, сла́вно бо просла́вися. | Некогда сверхъестественная сила поразила в (морской) глубине все войско фараона; воплотившееся же Слово – препрославленный Господь – истребило всезлобный грех; ибо Он торжественно прославился. |
Тропари.
| Перваго канона. Мирски́й кня́зь, Бла́же, ему́же написа́хомся, за́поведи Твоея́ не послу́шавше, кресто́м Твои́м осуди́ся: прирази́ся бо Ти́ я́ко сме́ртну: отпаде́ же вла́сти Твоея́ держа́вою, и немощны́й обличи́ся. | Крестом Твоим, Благой, осужден князь мира, которому мы предались, преступивши Твою заповедь; ибо он, сделав нападение на Тебя как бы смертного, потерпел поражение от Твоей державной власти и изобличился в бессилии. |
| Изба́витель ро́да челове́ческаго, и нетле́нному животу́ Нача́льник в ми́р прише́л еси́: Воскре́сением бо Твои́м раздра́л еси́ сме́ртныя пелены́, Е́же славосло́вим вси́: сла́вно бо просла́вися. | Ты явился в мир избавителем рода человеческого и руководителем к нетленной жизни; ибо Своим воскресением, которое все мы прославляем, Ты разодрал пелены смерти; ибо торжественно прославился. |
| Превы́шши яви́лася еси́, Чи́стая Присноде́во, вся́кия неви́димыя же и ви́димыя тва́ри: Зижди́теля бо родила́ еси́, я́ко благоволи́ воплоти́тися во утро́бе Твое́й, Его́же со дерзнове́нием моли́, спасти́ ду́шы на́шя. | Ты, чистая Приснодева, явилась превысшею всей видимой и невидимой твари; ибо Ты родила Творца, Который соблаговолил воплотиться в Твоей утробе. С дерзновением молись Ему о спасении душ наших. |
| Втораго канона. Нетре́ну, необы́чну, немо́кренно морску́ю ше́ствовав стезю́, избра́нный вопия́ше Изра́иль: Го́сподеви пои́м, я́ко просла́вися. | Не мокрыми ногами пройдя по непроходимому необычному морскому пути, избранный Израиль восклицал: воспоем Господу, ибо Он прославился. |
| Си́ла немощны́х, Воскре́сение па́дших, и нетле́ние уме́рших бы́л еси́, Христе́, пло́ти Твоея́ стра́стию: я́ко просла́вися. | Чрез Свои плотские страдания Ты, Христе, соделался силою для немощных, восстановлением для падших и нетлением для умерших; ибо прославился. |
| Уще́дри па́дший о́браз, и воскреси́ сокруше́нный, Соде́тель Бо́г и Обнови́тель умерщвле́н бы́в все́х оживи́: я́ко просла́вися. | Создатель и Обновитель Бог умилосердился над падшим и искажённым образом,15 восстановил его и Своею смертью оживил всех; ибо Он прославился. |
| Третьяго канона. Невеще́ственная дре́вле ле́ствица, и стра́нно оледене́вший пу́ть мо́ря, Твое́ явля́ше Рождество́, Чи́стая, е́же пое́м вси́: я́ко просла́вися. | Некогда невещественная лестница и чудесным образом отвердевший морской путь предизобразили Твое рождество, Чистая, которое все мы воспеваем: ибо Он прославился. |
| Си́ла Вы́шняго, Ипоста́сь Соверше́нная, Бо́жия Му́дрость, вопло́щшися, Пречи́стая, из Тебе́, к челове́ком бесе́дова я́ко просла́вися. | Из Тебя, Чистая, воплотилась и пребывала среди людей Сила Вышнего, Ипостась совершенная и Премудрость Бога; ибо Он прославился. |
| Про́йде сквозе́ две́рь непрохо́дную, заключе́нныя утро́бы Твоея́, пра́вды Со́лнце, Чи́стая, и ми́рови возсия́: я́ко просла́вися. | Чрез непроходимую дверь Твоей заключенной утробы, Чистая, прошло Солнце правды и воссияло миру; ибо прославилось. |
Песнь 3. Ирмос.
| Процвела́ е́сть пусты́ня, я́ко кри́н, Го́споди, язы́ческая неплодя́щая це́рковь, прише́ствием Твои́м, в не́йже утверди́ся мое́ се́рдце. | С Твоим пришествием, Господи, как лилия процвела пустыня – бесплодная языческая церковь; в ней утвердилось мое сердце. |
Тропари.
| Перваго канона. Тва́рь в стра́сти Твое́й изменя́шеся, зря́щи Тя́ в нище́тне о́бразе от беззако́нных поруга́ема, основа́вшаго вся́ Боже́ственным манове́нием. | Во время Твоих страданий тварь изменялась, видя Тебя, Своим Божественным мановением все утвердившего, в уничиженном виде поругаемым от беззаконников. |
| От пе́рсти по о́бразу мя́ руко́ю Твое́ю созда́л еси́: и сокруше́нна па́ки в пе́рсть сме́ртную за гре́х, Христе́, соше́д во а́д, совоскреси́л еси́. | Ты, Христе, из персти Своею рукою сотворил меня по Своему образу, и снова чрез грех низверженного в персть смерти воскресил меня Своим во ад нисшествием. |
| Чи́ни удиви́шася а́нгельстии, Пречи́стая, и челове́ческая устраши́шася сердца́ о Рождестве́ Твое́м: те́мже Тя́, Богоро́дицу, ве́рою чти́м. | Чины Ангелов изумились, и сердца людей вострепетали о Твоем рождестве, Пречистая: посему мы с верою почитаем Тебя Богородицею. |
| Втораго канона. И́же все́х вы́шши Христо́с, ума́лися ма́лым чи́м, стра́стию плотско́ю, а́нгельскаго естества́. | Христос, будучи превыше всего, плотскими страданиями немного унижен пред естеством Ангелов. (Евр. 2:9) |
| Ме́ртв со беззако́нными вмени́вся, сия́я жена́м венце́м сла́вы, Христе́, яви́лся еси́ от Воскре́сения. | Ты, Христе, мертвый быв причислен к преступникам, явился женам (мироносицам), сияя венцем славного воскресения. |
| Третьяго канона. И́же вре́мене превы́шший вся́каго, я́ко вре́менем Творе́ц, из Тебе́, Де́во, во́лею Младе́нец созда́ся. | Превысший всякого времени, как Творец веков, по Своей воле родился от Тебя, Дева, младенцем. |
| Чре́во простра́ннейшее небе́с воспои́м, и́мже Ада́м на небесе́х ра́дуяся живе́т. | Воспоем пространнейшую небес утробу, чрез которую Адам радостно живет на небесах. |
Песнь 4. Ирмос.
| Прише́л еси́ от Де́вы, не хода́тай, ни а́нгел, но Са́м, Го́споди, вопло́щься, и спа́сл еси́ всего́ мя челове́ка. Те́м зову́ Ти: сла́ва си́ле Твое́й, Го́споди. | Ты пришел не как посланник, не как Ангел, но – Сам воплотившийся от Девы Господь, и спас все мое естество человеческое. Посему восклицаю Тебе: слава силе Твоей, Господи! |
Тропари.
| Перваго канона. Предстоя суди́щу я́ко суди́мь, Бо́же мо́й, не вопия́, Влады́ко, су́д износя́ язы́ком: и́мже стра́стию Твое́ю, Христе́, вселе́нней соде́лал еси́ спасе́ние. | Ты, Владыко Боже мой, безгласным стоял на судилище как обвиняемый, произнося народам суд, который Ты, Христе, чрез Свои страдания сделал спасением и для вселенной. |
| Стра́стию Твое́ю, Христе́, врагу́ оскуде́ша ору́жия, проти́вным же е́же во а́д схожде́нием Твои́м, гра́ды разруши́шася, и мучи́телева де́рзость низложе́на бы́сть. | Твоими страданиями, Христе, уничтожено оружие врага, Твоим в ад нисшествием разрушены твердыни противников и дерзость мучителя ниспровержена. |
| Тя́, приста́нище спасе́ния, и сте́ну недви́жиму, Богоро́дице Влады́чице, вси́ ве́рнии све́мы: Ты́ бо моли́твами Твои́ми избавля́еши от бе́д ду́шы на́шя. | Все мы, верующие, признаём Тебя, Богородица-Владычица, прибежищем спасения и несокрушимою стеною; ибо Ты Своими молитвами избавляешь от бед души наши. |
| Втораго канона. Ви́девши на дре́ве Тя́, Христе́, пригвожде́на Де́ва, Я́же неболе́зненно Тя́ ро́ждшая, ма́терски боле́зни претерпе́. | Безболезненно родившая Тебя Дева, увидевши Тебя, Христе, пригвожденным на древе, претерпела материнские скорби. |
| Побежде́на бы́сть сме́рть, ме́ртв пленя́ет а́дова врата́: всея́дцу бо разо́ршуся, я́же па́че естества́ вся́ ми́ дарова́шася. | Смерть побеждена, Мертвый сокрушает врата ада; ибо по сокрушении всепожирающего (ада) все сверхъестественное даровано мне. |
| Третьяго канона. Се́ превознесе́ся Боже́ственная Гора́ до́му Госпо́дня, превы́шше си́л, Богома́терь я́вственнейше. | Вот в доме Господа16 весьма ясно возвысилась превыше сил (Ангельских) Божественная гора – Богоматерь. |
| Зако́нов есте́ственных кроме́, Еди́на Де́во ро́ждши Влады́чествующаго тва́рию, сподо́билася еси́ Боже́ственнаго зва́ния. | Ты, Дева, как не по законам природы родившая Владыку твари, одна удостоилась Божественного звания. |
Песнь 5. Ирмос.
| Хода́тай Бо́гу и челове́ком бы́л еси́, Христе́ Бо́же: Тобо́ю бо, Влады́ко, к Светонача́льнику Отцу́ Твоему́, от но́щи неве́дения, приведе́ние и́мамы. | Ты, Христе-Боже, сделался посредником между Богом и людьми; ибо чрез Тебя, Владыко, из мрака неведения мы получили доступ к Источнику света – Твоему Отцу. |
Тропари.
| Перваго канона. Я́ко ке́дры, Христе́, язы́ков шата́ние сокруши́л еси́ во́лею, Влады́ко: я́ко изво́лил еси́ на кипари́се, и на пе́вке, и ке́дре, пло́тию совозвыша́ем. | Ты, Христос – Владыка, как кедр, сокрушил высокомерие врагов,17 соблаговолив добровольно вознестись плотью на кипарис, певк и кедр. (Исх. 60:12–13) |
| В ро́ве, Христе́, преиспо́днем положи́ша Тя́ бездыха́нна ме́ртва: но Твое́ю я́звою забве́нныя ме́ртвыя, и́же во гробе́х спя́щыя, уя́звен с Собо́ю воскреси́л еси́. | В преисподнем рве положили Тебя, Христе, бездыханного, мертвого; но Ты, уязвленный Спаситель, Своими язвами воскресил с Собою лежавших забытыми во гробах. |
| Моли́ Сы́на Твоего́ и Го́спода, Де́во Чи́стая, на Тя́ упова́ющым ми́р дарова́ти, плене́нным избавле́ние, от сопроти́вных настоя́ний. | Молись, чистая Дева, Твоему Сыну и Господу, чтобы Он даровал пленным избавление и надеющимся на Тебя мир в затруднительных обстоятельствах.18 |
| Втораго канона. Пости́ти отверги́йся Ада́м, вкуша́ет смертоно́снаго дре́ва пе́рвый: но сего́ гре́х потребля́ет, распны́йся Вторы́й. | Первый Адам, отказавшись от поста, вкушает от смертоносного древа; но его грех заглаживает распятием второй (Адам – Христос). |
| Естество́м челове́ческим стра́стен же и сме́ртен бы́л еси́, И́же безстра́стный невеще́ственным Божество́м, обезтли́вый умерщвле́нныя, Христе́, от преиспо́дних а́довых воскреси́л еси́. | Ты, Христе, будучи непричастен страданиям по невещественному Божеству, сделался причастным страданиям и смерти по естеству (человеческому) и, даровав нетление умерщвленным, воскресил их из пропастей ада. |
| Третьяго канона. О́блацы весе́лия сла́дость кропи́те су́щым на земли́: я́ко Отроча́ даде́ся, И́же сы́й пре́жде ве́к, от Де́вы вопло́щься Бо́г на́ш. | Источайте, облака, сладость веселия живущим на земле; ибо дарован Отрок, – существовавший прежде веков, от Девы воплотившийся Бог наш. |
| Житию́ и пло́ти мое́й све́т возсия́, и дря́хлость греха́ разруши́: напосле́док от Де́вы без се́мене вопло́щься Вы́шний. | Всевышний, в последнее время бессеменно воплотившись от Девы, озарил светом мою жизнь и плоть, и уничтожил ненавистный грех. |
Песнь 6. Ирмос.
| В бе́здне грехо́вней валя́яся, неизсле́дную милосе́рдия Твоего́ призыва́ю бе́здну: от тли́, Бо́же, мя́ возведи́. | Погруженный в бездну грехов, я призываю бесконечную бездну Твоего милосердия: Боже, возведи меня от погибели. |
Тропари.
| Перваго канона. Я́ко злоде́й Пра́ведник осуди́ся и со беззако́нными на дре́ве пригвозди́ся, пови́нным оставле́ние Свое́ю да́руя кро́вию. | Праведник осужден как-бы злодей и пригвожден к древу среди преступников, чтобы Своею кровию даровать прощение виновным. |
| Еди́нем у́бо челове́ком, пе́рвым Ада́мом дре́вле в ми́р вни́де сме́рть, и Еди́нем Воскре́сение Сы́ном Бо́жиим яви́ся. | Чрез одного человека – первого Адама некогда вошла в мир смерть, чрез одного же – Сына Божия явилось воскресение. (Рим. 5:18) |
| Неискусому́жно, Де́во, родила́ еси́, и ве́чнуеши Де́ва, явля́ющи И́стиннаго Божества́, Сы́на и Бо́га Твоего́ о́бразы. | Ты, Дева, родила, не познавши мужа, и вечно пребываешь Девою, являя признаки истинного Божества Сына и Бога Твоего. |
| Втораго канона. Блюсти́тели положи́л еси́ па́дшему, Херуви́мы дре́ва живо́тнаго, но ви́девше Тя́, две́ри отверзо́шася: яви́лся бо еси́ путетворя́ разбо́йнику в ра́й. | Охранителями древа жизни от падшего (человека) Ты назначил херувимов; но, увидевши Тебя, они отворили двери: ибо Ты явился для разбойника путеводителем в рай. |
| Пу́ст а́д и испрове́ржен бы́сть сме́ртию Еди́наго: е́же бо мно́гое бога́тство сокро́виществова, Еди́н о все́х на́с Христо́с истощи́л е́сть. | Чрез смерть Одного опустел и обеднел ад; ибо то большое богатство, которое он собрал, Христос один за всех нас опустошил. |
| Третьяго канона. Естество́ челове́ческое рабо́тающее греху́, Влады́чице Чи́стая, Тобо́ю свобо́ду улучи́: Тво́й бо Сы́н, я́ко а́гнец, за все́х закала́ется. | Чрез Тебя, чистая Владычица, человеческое естество, бывшее рабом греху, получило свободу; ибо Твой Сын, как агнец, принесен в жертву за всех. |
| Вопие́м Ти́ вси́ и́стинней Богома́тери, прогне́вавшыя рабы́ изба́ви: Еди́на бо дерзнове́ние к Сы́ну и́маши. | Все мы взываем к Тебе – истинной Богоматери: освободи прогневавших рабов, ибо Ты одна имеешь дерзновение к Своему Сыну. |
Кондак.
| Воскре́сл еси́ от гро́ба, Всеси́льне Спа́се, и а́д ви́дев чу́до, ужасе́ся, и ме́ртвии воста́ша: тва́рь же ви́дящи сра́дуется Тебе́, и Ада́м свесели́тся, и ми́р, Спа́се мо́й, воспева́ет Тя́ при́сно. | Ты, всемогущий Спаситель, воскрес из гроба; ад увидев это чудо, ужаснулся, и мертвые восстали; тварь видя это, радуется вместе с Тобою, Адам веселится, мир непрестанно прославляет Тебя, Спаситель мой. |
Икос.
| Ты́ еси́ Све́т омраче́нным, Ты́ еси́ Воскре́сение все́х, и Живо́т челове́ков, и все́х совоскреси́л еси́, сме́ртную держа́ву, Спа́се, разо́рь, и а́дова врата́ сокруши́вый, Сло́ве: и ме́ртвии ви́девше чу́до чудя́хуся, и вся́ка тва́рь сра́дуется о Воскресе́нии Твое́м, Человеколю́бче. Те́мже и вси́ сла́вим и пое́м Твое́ снизхожде́ние, и ми́р, Спа́се мо́й, воспева́ет Тя́ при́сно. | Ты, Спаситель-Слово, – свет для омраченных, Ты – воскресение и жизнь всех людей, и всех воскресил с Собою, уничтожив державу смерти и разрушив врата ада. Мертвые, увидевши это чудо, удивлялись; вся тварь радуется о воскресении Твоем, Человеколюбец. Посему все мы прославляем и воспеваем Твое снисхождение, и мир непрестанно прославляет Тебя, Спаситель мой. |
Песнь 7. Ирмос.
| Богопроти́вное веле́ние беззако́ннующаго мучи́теля высо́к пла́мень вознесло́ е́сть: Христо́с же простре́ богочести́вым отроко́м ро́су духо́вную, Сы́й благослове́н, и препросла́влен. | Противобожное повеление беззаконника-властителя разожгло высокое пламя; Христос же над благочестивыми отроками распростер духовную росу, благословенный и препрославленный. |
Тропари.
| Перваго канона. Не терпе́л еси́, Влады́ко, за благоутро́бие сме́ртию челове́ка зре́ти му́чима, но прише́л и спа́сл еси́ Твое́ю кро́вию, челове́к бы́в: Сы́й благослове́н, и Препросла́влен Бо́г оте́ц на́ших. | По Своему милосердию Ты, Владыка, не восхотел видеть человека под владычеством смерти; но пришел и спас его Своею кровию, сделавшись человеком, – благословенный и препрославленный Бог отцов наших. |
| Ви́девше Тя́, Христе́, оболче́на во оде́жду отмще́ния, ужасо́шася вра́тницы а́довы: безу́мнаго бо мучи́теля раба́, Влады́ко, прише́л еси́ уби́ти: Сы́й благослове́н и Препросла́вен Бо́г оте́ц на́ших. | Привратники ада, увидевши Тебя, Христе, облеченного в одежду мщения, ужаснулись; ибо Ты, Владыка, пришел поразить дерзкого мучителя – раба – благословенный и препрославленный Бог отцов наших. |
| Святы́х Святе́йшую Тя́ разуме́ем, я́ко Еди́ну ро́ждшую Бо́га Непреме́ннаго, Де́во Нескве́рная, Ма́ти Безневе́стная: все́м бо ве́рным источи́ла еси́ нетле́ние, Боже́ственным Рождество́м Твои́м. | Святою из святых исповедуем Тебя, непорочная Дева и неискусобрачная Матерь, как единую родившую неизменяемого Бога; ибо чрез Свое Божественное рождество Ты источила всем верующим нетление. |
| Втораго канона. Осуди́ пра́отца дре́вле во Еде́ме преслуша́ние: но во́лею суди́м бы́сть, престу́пльшему разреша́я прегреше́ния, Пребоже́ственный отце́в Бо́г, и Препросла́влен. | Преслушание праотца в Едеме некогда послужило к его осуждению; но, чтобы загладить вину согрешившего, добровольно предал Себя на суд пребожественный Бог отцов и препрославленный. |
| Спа́сл еси́ уя́звеннаго язы́ком, за́вистию человекоуби́йцы, во Еде́ме во́льным угрызе́нием: во́льною бо стра́стию исцели́л еси́, Пребоже́ственный отце́в Бо́г, и Препросла́влен. | Ты спас (человека) в Едеме уязвленного изливающим яд языком; ибо Ты Своими добровольными страданиями исцелил его произвольную рану, – пребожественный Бог отцов и препрославленный.19 |
| Ходя́ща мя́ в се́ни сме́ртней призва́л еси́ к све́ту, темнозра́чный а́д, блиста́нием обло́ж Божества́, Пребоже́ственный отце́в Бо́г, и Препросла́влен. | Меня, ходившего в тени смертной, Ты призвал к свету, сиянием Своего Божества поразив ад, – пребожественный Бог отцов и препрославленный. |
| Третьяго канона. Зря́ше в нощи́ у́бо Иа́ков, я́ко в гада́нии Бо́га воплоще́нна, из Тебе́ же све́тлостию яви́ся пою́щым: Пребоже́ственный отце́в Бо́г, и Препросла́влен. | Ночью Иаков видел воплощенного Бога как-бы гадательно; но из Тебя (Дева) Он явно явился воспевающим: пребожественный Бог отцов и препрославленный. |
| Зна́мения я́же в Тебе́ неизрече́ннаго проявля́я сня́тия, со Иа́ковом бо́рется: и́мже во́лею соедини́ся челове́ком, Чи́стая: Пребоже́ственный отце́в Бо́г, и Препросла́влен. | Пребожественный Бог отцов и препрославленный борется с Иаковом, предвозвещая в образах о непостижимом соединении, Чистая, чрез которое Он добровольно соединился с людьми. (Быт. 32:28) |
| Ме́рзок и́же не пропове́дует Тя́ Де́вы Сы́на, Еди́наго от Препе́тыя Тро́ицы несумне́нною ве́рою и язы́ком вопия́: Пребоже́ственный отце́в Бо́г, и Препросла́влен. | Нечестив тот, кто устами с твердою верою не исповедует Тебя, Сына Девы, единого из прославляемой всеми Троицы, восклицая: пребожественный Бог отцов и препрославленный. |
Песнь 8. Ирмос.
| Пе́щь иногда́ о́гненная в Вавило́не де́йства разделя́ше, Бо́жиим веле́нием халде́и опаля́ющая, ве́рныя же ороша́ющая, пою́щыя: благослови́те вся́ дела́ Госпо́дня Го́спода. | Некогда в Вавилоне огненная печь по Божественному повелению производила различные действия: халдеев опаляла, а на верующих (отроков) низводила росу, воспевавших: все творения Господни, благословляйте Господа. |
Тропари.
| Перваго канона. Кро́вию Твое́ю, Христе́, очервле́но пло́ти Твоея́ зря́ще одея́ние тре́петом ужаса́хуся мно́гому Твоему́ долготерпе́нию, а́нгельстии чи́ни, зову́ще: благослови́те вся́ дела́ Госпо́дня Го́спода. | Чины Ангелов, взирая на одежду Твоей плоти, обагренную Твоею кровию, Христе, изумлялись Твоему великому долготерпению, восклицая: все творения Господни, благословляйте Господа. |
| Ты́ мое́ сме́ртное оде́ял еси́, Ще́дре, в безсме́ртие воста́нием Твои́м. Те́мже веселя́щеся благода́рственно воспева́ют Тя́ избра́ннии лю́дие, Христе́, зову́ще Тебе́: поже́рта бы́сть вои́стинну сме́рть побе́дою. | Ты, Милосердый, Своим воскресением облек в бессмертие мое смертное (естество). Посему избранные люди с радостью благодарно прославляют Тебя. Христе, восклицая Тебе: по истине поглощена смерть победою. (1Кор. 15:54; Ис. 25:8) |
| Ты́ И́же Отцу́ неразлу́чнаго, во утро́бе богому́жно пожи́вша безсе́менно зачала́ еси́, и неизрече́нно родила́ еси́, Богороди́тельнице Пречи́стая: те́мже Тя́ спасе́ние все́х на́с све́мы. | Ты, Всечистая Богородительница, бессеменно зачала и неизреченно родила нераздельного от Отца, богомужно в Твоей утробе обитавшего (Богочеловека). Посему мы признаем Тебя спасением всех нас. |
| Втораго канона. Ви́ден бы́л еси́ на кресте́ пригвожда́ем, И́же бога́тый в ми́лости, во́лею погре́блся еси́: и тридне́вно воскре́сл еси́, и изба́вил еси́ вся́ челове́ки, Человеколю́бче, ве́рою пою́щыя: да пое́т Го́спода вся́ тва́рь, и превозно́сит во вся́ ве́ки. | Ты, богатый милостью Человеколюбец, оказался пригвожденным ко кресту и добровольно был погребен; но в третий день воскрес и освободил всех людей, с верою восклицающих: вся тварь да воспевает Господа и превозносит во все веки. |
| Изба́вити от истле́ния, соше́д в преиспо́дняя, Сло́ве Бо́жий, его́же созда́л еси́, Христе́, си́лою Твое́ю Боже́ственною, и без истле́ния сотво́рь, сла́вы присносу́щныя Твоея́ прича́стника соде́лал еси́, да пое́т, зову́щи, вся́ тва́рь, и превозно́сит Христа́ во ве́ки. | Ты, Христе – Слово Божие, низшед в преисподнюю, чтобы освободить от погибели человека, которого Ты создал Своею Божественною силою, даровал ему бессмертие и участником Своей вечной славы сделал его, восклицающего: вся тварь да воспевает и превозносит Христа во веки. |
| Третьяго канона. Ви́ден бы́сть на земли́ Тобо́ю, и с челове́ки поживе́, И́же бла́гостию несравне́нный и си́лою, Ему́же пою́ще вси́ ве́рнии зове́м: осуществова́нная да пое́т Го́спода вся́ тва́рь, и превозно́сит во вся́ ве́ки. | Чрез Тебя явился на земле и жил среди людей несравнимый по благости и силе (Христос), Которому все мы, верующие, воспевая, восклицаем: вся созданная тварь да воспевает Господа и превозносит Его во все веки. |
| Вои́стинну Тя́, Чи́стую, пропове́дающе сла́вим Богоро́дицу: Ты́ бо еди́на родила́ еси́ от Тро́ицы воплоще́нна, Ему́же со Отце́м и Ду́хом вси́ пое́м: да пое́т Го́спода вся́ тва́рь, и превозно́сит во вся́ ве́ки. | Справедливо исповедуем Тебя непорочною п прославляем Тебя, Богородица; ибо Ты родила единого воплотившегося из (лиц) Троицы, Которому вместе с Отцом и Духом все мы поем: вся тварь да воспевает Господа и превозносит Его во все веки. |
Песнь 9. Ирмос.
| Безнача́льна Роди́теля Сы́н, Бо́г и Госпо́дь, вопло́щься от Де́вы на́м яви́ся, омраче́нная просвети́ти, собра́ти расточе́нная: те́м Всепе́тую Богоро́дицу велича́ем. | Сын безначального Родителя, Бог и Господь, воплотившись от Девы, явился нам, чтобы просветить омраченных и собрать рассеянных. Посему мы всепетую Богородицу величаем. |
Тропари.
| Перваго канона. Я́ко в раи́ насажде́но на ло́бнем, Спа́се, требога́тое дре́во Твоего́ пречи́стаго Креста́, кро́вию и водо́ю Боже́ственною, я́ко от исто́чника Боже́ственнаго, ребра́ Твоего́, Христе́, напоя́емо, живо́т на́м прозябло́ е́сть. | Треблаженное древо Твоего пречистого креста, Спаситель-Христос, на лобном месте окропляемое Божественною кровию и водою из Твоего Божественного ребра, как из источника, подобно насажденному в раю древу (жизни) возрастило нам жизнь. |
| Низложи́л еси́ си́льныя, распны́йся, Всеси́льне, и е́же ни́зу лежа́щее во а́дове тверды́ни, естество́ челове́ческое возне́с, на О́тчем посади́л еси́ престо́ле. С Ни́мже Тебе́ гряду́щу покланя́ющеся, велича́ем. | Своим распятием Ты, Всесильный, низложил властителей, и, возвысив человеческое естество, пребывавшее долу в темнице ада, посадил его на престоле Отца, с которым20 имеющему прийти Тебе – поклоняемся и величаем. |
| Еди́ницу Тричи́сленную, Тро́ицу Единосу́щную правосла́вно пою́ще ве́рнии, сла́вим: непресеко́мо Пребоже́ственное естество́, Трисве́тлую, Невече́рнюю Зарю́, Еди́ну нетле́нную на́м све́т Возсия́вшую. | Православно воспевая тройственную Единицу, единосущную Троицу, прославим, верующие, нераздельное пребожественное естество, – трисветлую, единую чистую и неугасающую зарю, свет нам воссиявшую. |
| Втораго канона. Посреде́ осужде́нных, я́ко А́гнец возвы́шен бы́л еси́ Христе́, на кресте́, на ло́бнем копие́м в ребро́ пробода́ем, живо́т дарова́л еси́ на́м пе́рстным я́ко бла́г, ве́рою чту́щым Боже́ственное Твое́ Воскре́сение. | На лобном месте, посреди осужденных, Ты, Христе, как агнец был повешен на кресте и, будучи пронзен копьем в ребро, по Своей благости даровал нам – бренным жизнь, с верою почитающим Твое Божественное воскресение. |
| И́же Свое́ю сме́ртию, сме́рти держа́ву си́лою упраздни́вшему Бо́гу вси́ ве́рнии поклони́мся, я́ко и́же от ве́ка ме́ртвыя совоскреси́, и все́м подае́т живо́т и Воскре́сение. | Поклонимся, все верующие, Богу, по Своему всемогуществу Своею смертию уничтожившему державу смерти; ибо Он воскресил с Собою бывших от века мертвых и всем дарует жизнь и воскресение. |
| Третьяго канона. Же́зл кре́пости даде́ся естеству́ тле́нному, Сло́во Бо́жие во утро́бе Твое́й, Чи́стая: и сие́ воскреси́, до а́да попо́лзшееся. Те́мже тя́ всечи́стая, я́ко Богоро́дицу велича́ем. | В Твоей утробе, Чистая, слабому естеству (человеческому) дарован жезл силы – Божие Слово, Который восстановил его (естество), к аду склонившееся. Посему мы, как Богородицу, величаем Тебя, Всечистая. |
| Ю́же изво́лил еси́, Влады́ко, приими́ ми́лостивно Моли́твенницу, Ма́терь Твою́ о на́с, и Твоея́ бла́гости вся́ческая испо́лнятся: да тя́ вси́ я́ко Благоде́теля велича́ем. | Милостиво приими, Владыко, Ходатаицею за нас Твою Матерь, Которую Ты избрал, и да преисполнится все Твоей благости, чтобы все мы, как Благодетеля, величали Тебя. |
Д) Стихиры на хвалитех.
| Вся́кое дыха́ние и вся́ тва́рь, Тя́ сла́вит, Го́споди, я́ко Кресто́м сме́рть упраздни́л еси́, да пока́жеши лю́дем, е́же из ме́ртвых Твое́ воскре́сение, я́ко Еди́н Человеколю́бец. | Всякое дыхание и всякая тварь прославляет Тебя, Господи; ибо Ты крестом сделал бессильною смерть, чтобы явить людям Свое воскресение из мертвых, как единый Человеколюбец. |
| Да реку́т иуде́е, ка́ко во́ини погуби́ша стрегу́щии Царя́? почто́ бо ка́мень не сохрани́ Ка́мене жи́зни? Или́ Погребе́ннаго да дадя́т, или́ Воскре́сшему да покло́нятся, глаго́люще с на́ми: сла́ва мно́жеству щедро́т Твои́х, Спа́се на́ш, сла́ва Тебе́. | Пусть ответят иудеи: каким образом охранявшие Царя воины потеряли Его? почему камень не сохранил камня жизни? Пусть отдадут Погребенного или поклонятся Воскресшему, вместе с нами восклицая: слава множеству милосердия Твоего, Спаситель наш, – слава Тебе! |
| Ра́дуйтеся, лю́дие, и весели́теся, а́нгел седя́й на ка́мени гро́бнем, то́й на́м благовести́, ре́к: Христо́с воскре́се из ме́ртвых, Спа́с ми́ра, и испо́лни вся́ческая благоуха́ния: ра́дуйтеся, лю́дие, и весели́теся. | Радуйтесь и веселитесь, люди! Восседавший на камне гроба Ангел возвестил нам радость, сказав: воскрес из мертвых Спаситель мира – Христос, и наполнил все благоуханием. Радуйтесь, люди, и веселитесь! |
| А́нгел у́бо е́же ра́дуйся, пре́жде Твоего́ зача́тия, Го́споди, Благода́тней принесе́: а́нгел же ка́мень сла́внаго Твоего́ гро́ба в Твое́ воскре́сение отвали́: о́в у́бо в печа́ли ме́сто, весе́лия о́бразы возвеща́я: се́й же в сме́рти ме́сто, Влады́ку Жизнода́вца пропове́дуя на́м, те́мже вопие́м ти́: Благоде́телю все́х, Го́споди, сла́ва Тебе́. | Пред Твоим зачатием, Господи, Ангел принес облагодатствованной Деве (приветствие) «радуйся»; Ангел же отвалил камень от Твоего славного гроба во время Твоего воскресения. Первый возвестил знаки радости вместо печали, второй провозгласил нам о Жизнеподателе Владыке вместо смерти. Посему мы восклицаем Тебе Благодетель всех – Господи, слава Тебе! |
| Возлия́ша ми́ра со слеза́ми на гро́б Тво́й жены́, и испо́лнишася ра́дости уста́ и́х, внегда́ глаго́лати: воскре́се Госпо́дь. | Жены со слезами возливали миро на гроб Твой; но уста их исполнились радости, когда сказали им: воскрес Господь. |
| Да похва́лят язы́цы и лю́дие Христа́ Бо́га на́шего, во́лею на́с ра́ди Кре́ст претерпе́вшаго, и во а́де тридне́вновавшаго: и да покло́нятся его́ из ме́ртвых Воскре́сению, И́мже просвети́шася всего́ ми́ра концы́. | Да восхвалят народы и люди Христа Бога нашего, добровольно ради нас претерпевшего крест и три дня пробывшего в аде, и да поклонятся Его воскресению из мертвых, чрез которое просветились все пределы мира. |
| Ра́спят и погребе́н бы́л еси́, Христе́, я́коже изво́лил еси́, испрове́ргл еси́ сме́рть, и воскре́сл еси́ во сла́ве, я́ко Бо́г и Влады́ка, да́руя ми́рови жи́знь ве́чную и ве́лию ми́лость. | Ты, Христе, был распят и погребен по Своему соизволению; (но) как Бог и Владыка победил смерть и воскрес во славе, даруя миру вечную жизнь и великую милость. |
| О вои́стинну беззако́ннии, печа́тавше ка́мень, бо́льших на́с чуде́с сподо́бисте! И́мут ра́зум стра́жие, дне́сь про́йде из гро́ба, и глаго́лаху: рцы́те, я́ко на́м спя́щым, приидо́ша ученицы́, и украдо́ша Его́. И кто́ кра́дет мертвеца́, па́че же и на́га; Са́м воскре́се самовла́стно я́ко Бо́г, оста́вль во гро́бе и погреба́тельная Своя́: прииди́те ви́дите, иуде́е, ка́ко не расто́рже печа́ти, сме́рть попра́вый и ро́ду челове́ческому безконе́чную жи́знь да́руяй, и ве́лию ми́лость. | Вы, беззаконники, запечатавши камень (гроба), поистине удостоили нас большего чуда. Стражи имеют сведение, (что) ныне Он вышел из гроба, а они говорили: скажите, что в то время, как мы спали, пришли ученики и украли Его. Но кто же крадет мертвеца, в особенности обнаженного? Он воскрес Своею властью, как Бог, оставив во гробе даже Свои погребальные одежды. Приидите и посмотрите, иудеи, каким образом не сокрушил печатей Поправший смерть и Дарующий роду человеческому нескончаемую жизнь и великую милость. |
По славословии тропарь.
(2, 4, 6 и 8 гласов.)
| Воскре́с из гро́ба, и у́зы растерза́л еси́ а́да, разруши́л еси́ осужде́ние сме́рти, Го́споди, вся́ от сете́й врага́ изба́вивый, яви́вый же себе́ апо́столом Твои́м, посла́л еси́ я́ на про́поведь, и те́ми ми́р Тво́й пода́л еси́ вселе́нней, еди́не Многоми́лостиве. | Воскресши из гроба и разорвав оковы ада, Ты, Господи, уничтожил осуждение на смерть и избавил всех от сетей врага; открыв Себя Своим Апостолам, послал их на проповедь и чрез них даровал вселенной мир, – единый Многомилостивый. |
Блаженны на литургии.
| Гла́с Ти́ прино́сим разбо́йнич, и мо́лимся: помяни́ на́с, Спа́се, во Ца́рствии Твое́м. | Моление разбойника приносим Тебе и взываем: помяни нас, Спаситель, в Царствии Твоем. |
| Кре́ст Тебе́ прино́сим в проще́ние прегреше́ний: его́же на́с ра́ди прия́л еси́, Человеколю́бче. | Чтобы получить прощение своих прегрешений, приносим Тебе крест, который ради нас воспринял Ты, Человеколюбец. |
| Покланя́емся Твоему́, Влады́ко, погребе́нию, и воста́нию: и́миже от тле́ния изба́вил еси́ ми́р, Человеколю́бче. | Покланяемся Твоему погребению, Владыко, и воскресению, которыми Ты освободил мир от тления, Человеколюбец. |
| Сме́ртию Твое́ю, Го́споди, поже́рта бы́сть сме́рть: и Воскре́сением Твои́м, Спа́се, ми́р спа́сл еси́. | Твоею смертию, Господи, поглощена смерть, и Своим воскресением Ты, Спаситель, спас мир. |
| Мироно́сицы сре́тил еси́, воскре́с от гро́ба, и ученико́м возвести́л еси́, рещи́ Твое́ воста́ние. | Воскресши из гроба, Ты встретился с мироносицами и повелел возвестить ученикам о Своем воскресении. |
| И́же во тьме́ спя́щии Тя́ све́т ви́девше, в преиспо́днейших а́довых, Христе́, воскресо́ша. | Пребывавшие во тьме, увидевши Тебя – свет в самой глубине ада, воскресли, Христе. |
| Отца́ просла́вим, Сы́ну поклони́мся вси́, и Cвято́му Ду́ху ве́рно воспои́м. | С верою прославим все Отца, поклонимся Сыну и воспоем Святого Духа. |
| Ра́дуйся, Престо́ле Огнезра́чный. Ра́дуйся, Неве́ста Неневе́стная. Ра́дуйся, Я́же Бо́га челове́ком Де́во ро́ждшая. | Радуйся, огневидный престол! Радуйся, Невеста неневестная! Радуйся, Дева, Бога людям родившая! |
* * *
10
Слова, поставленные в скобках, взяты из греческого текста.
11
Тридневное, т. е. бывшее в третий день.
12
Св. Иоанн Дамаскин говорит: «3ачатие (Богочеловека) совершилось чрез слух, а рождение обыкновенным путем рождающихся, хотя некоторые и говорят, что Господь родился из бока Богоматери». См. «Точное изложение православныя веры» св. Иоанна Дамаскина, стр. 260.
13
По объяснению св. Златоуста и блаж. Иеронима на 2Кор. 6:15, под велиаром разумеется диавол.
14
Жезл в смысле наказания.
15
Над падшим человеком, созданным по образу Божию.
16
В церкви.
17
По греческим изданиям, отличающимся в этом тропаре от славянского.
18
В славянском тексте расстановка слов не согласна с греческим текстом.
19
Славянский текст этого тропаря не соответствует греческому тексту.
20
Человеческим естеством.