Глава 24. Моли́тва над сосу́дом оскве́рншимся

Подоба́ет измы́ти, и влага́емей святе́й воде́ крестови́дно, глаго́лати и моли́тву сию́:

Го́споду помо́лимся.

Го́споди Бо́же на́ш, еди́не свя́те, освяти́ сосу́д се́й освяти́тельным твои́м наи́тием, и очи́сти и́, е́же бы́ти в слу́жбу рабо́в Твои́х нескве́рну, и да́ждь на́м всегда́ во святы́ни моли́тися во святы́х Твои́х це́рквах, я́ко да тобо́ю всегда́ храни́ми, сла́ву и поклоне́ние тебе́ возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в, ами́нь.