[глⷡ҇а н҃] Нача́ло съ бг҃омъ ст҃ы́мъ, пентїкоста́рїа, си́рѣчь пѧтьдесѧ́тницы, начина́емыѧ ѿ ст҃ы́ѧ и҆ вели́кїѧ недѣ́ли па́схи ᲂу҆́тра, и҆ конча́емыѧ да́же до недѣ́ли всѣ́хъ ст҃ы́хъ, ѡ҆бдержа́щїѧ неѡскꙋ́днѡ на всѧ́кїй де́нь всѐ послѣ́дованїе

Ѡ҆б̾ часѣ̀ ᲂу҆́треннѣмъ, параекклисїа́рхъ взе́мъ бл҃гослове́нїе ᲂу҆ настоѧ́телѧ, и҆схо́дитъ, ᲂу҆дарѧ́етъ въ вели́кое и҆ кле́плетъ дово́льно.

И҆ вше́дъ во хра́мъ вжига́етъ свѣщы̀ всѧ̑, и҆ канди̑ла: ᲂу҆строѧ́етъ же сосꙋ́ды два̀ со ᲂу҆́глїемъ горѧ́щимъ, и҆ влага́етъ въ ни́хъ ѳѷмїа́ма мно́гѡ бл҃гово́ннагѡ, и҆ поставлѧ́етъ є҆ди́нъ сосꙋ́дъ средѝ цр҃кве, дрꙋгі́й же во ст҃о́мъ ѻ҆лтарѣ̀: ꙗ҆́кѡ да и҆спо́лнитсѧ цр҃ковь всѧ̀ бл҃гово́нїѧ.

Та́же настоѧ́тель вше́дъ во ст҃ы́й ѻ҆лта́рь со і҆ере́и и҆ дїа́коны ѡ҆блача́тсѧ въ ве́сь свѣтлѣ́йшїй са́нъ, и҆ раздае́тъ свѣщы̀ бра́тїи. И҆ взе́млетъ чⷭ҇тны́й крⷭ҇тъ: кади́ло же взе́млетъ дїа́конъ: І҆ере́й же ст҃о́е є҆ѵⷢ҇лїе, и҆́нъ і҆ере́й ѡ҆́бразъ воскрⷭ҇нїѧ хрⷭ҇то́ва, и҆ ста́вѧтсѧ лице́мъ на за́падъ: И҆ затворѧ́тъ врата̀ цр҃кѡ́внаѧ, ꙗ҆̀же къ за́падꙋ. И҆схо́дитъ настоѧ́тель со і҆ере́и въ притво́ръ, сѣ́верными две́рьми, пред̾идꙋ́щымъ пред̾ ни́мъ дїа́конѡмъ со двѣма̀ свѣща́ми, и҆ ѻ҆́ба ли̑ки, пою́ще стїхи́рꙋ, гла́съ ѕ҃: Воскрⷭ҇нїе твоѐ хрⷭ҇тѐ сп҃се:

[Се́й сті́хъ не ѡ҆брѣта́етсѧ ни во є҆ди́номъ ѿ ᲂу҆ста́вѡвъ, нижѐ въ пентїкоста́рїахъ, є҆́же бы здѣ̀ пѣва́емꙋ бы́ти є҆мꙋ̀.]

Та́же ᲂу҆дарѧ́ютъ во всѧ̑ кампа́ны и҆ тѧ̑жкаѧ, и҆ кле́плютъ дово́льнѡ. И҆ вше́дше въ притво́ръ, и҆ ста́нꙋтъ со є҆ѵⷢ҇лїемъ и҆ со ѡ҆́бразомъ, лице́мъ на за́падъ, ꙗ҆́коже ᲂу҆каза́сѧ пре́жде. Та́же настоѧ́тель взе́млетъ ᲂу҆ дїа́кона кади́ло въ пра́вꙋю рꙋ́кꙋ, крⷭ҇тъ же въ лѣ́вꙋю, и҆ кади́тъ ѡ҆́бразы, и҆ кли́росы, и҆ бра́тїю, по ѻ҆бы́чаю. Дїа́конꙋ же предносѧ́щꙋ пред̾ ни́мъ свѣщꙋ̀ горѧ́щꙋ. Бра́тїѧ же всѝ стоѧ́тъ держа́ще свѣщы̀ своѧ̑, со внима́нїемъ молѧ́щесѧ въ себѣ̀, и҆ бл҃годарѧ́ще на́съ ра́ди пострада́вшаго, и҆ воскрⷭ҇шагѡ хрⷭ҇та̀ бг҃а на́шего. По сконча́нїи же кажде́нїѧ, прихо́дитъ настоѧ́тель пред̾ вели̑кїѧ врата̀ цр҃кве, и҆ покади́тъ дїа́кона предстоѧ́щаго є҆мꙋ̀ со свѣще́ю. Тогда̀ взе́мъ кади́ло дїа́конъ ѿ рꙋкꙋ̀ настоѧ́телѧ, и҆ покади́тъ самаго̀ настоѧ́телѧ. И҆ па́ки воспрїи́мъ настоѧ́тель, кади́ло ста́въ пред̾ цр҃ко́вными две́рьми, зрѧ̀ на восто́къ, и҆ назна́менꙋетъ вели̑кїѧ врата̀ цр҃кве, затворє́ннаѧ сꙋ̑ща, кади́ломъ крⷭ҇тоѡбра́знѡ, три́жды, держѧ̀ въ лѣ́вой рꙋцѣ̀ чⷭ҇тны́й крⷭ҇тъ. И҆ свѣти́льникѡмъ стоѧ́щымъ со ѻ҆бою̀ странꙋ̑.

И҆ возгласи́тъ велегла́снѡ: Сла́ва ст҃ѣ́й и҆ є҆диносꙋ́щнѣй, и҆ животворѧ́щей, и҆ нераздѣ́льнѣй трⷪ҇цѣ, всегда̀ ны́нѣ и҆ при́снѡ, и҆ во вѣ́ки вѣкѡ́въ.

И҆ на́мъ ѿвѣща́ющымъ: А҆ми́нь.

Начина́етъ настоѧ́тель съ про́чими слꙋжи́тели, велегла́снѡ настоѧ́щїй тропа́рь, во гла́съ є҃: Хрⷭ҇то́съ воскр҃се и҆з̾ ме́ртвыхъ, сме́ртїю сме́рть попра́въ, и҆ сꙋ́щымъ во гробѣ́хъ живо́тъ дарова́въ.

И҆ мы̀ то́йже пое́мъ подо́бнѣ, со сладкопѣ́нїемъ. Пое́тсѧ же се́й тропа́рь три́жды ѿ настоѧ́телѧ, и҆ три́жды ѡ҆ на́съ.

Та́же настоѧ́тель глаго́летъ стїхѝ: а҃-й: Да воскрⷭ҇нетъ бг҃ъ, и҆ расточа́тсѧ вразѝ є҆гѡ̀. И҆ на кі́йждо сті́хъ мы̀ пое́мъ тропа́рь: Хрⷭ҇то́съ воскр҃се: ве́сь по є҆ди́ножды. в҃-й сті́хъ: Ꙗ҆́кѡ и҆счеза́етъ ды́мъ, да и҆сче́знꙋтъ. Хрⷭ҇то́съ воскр҃се: є҆ди́ножды. Тре́тїй: Та́кѡ да поги́бнꙋтъ грѣ̑шницы ѿ лица̀ бж҃їѧ: Хрⷭ҇то́съ воскр҃се: є҆ди́ножды. Четве́ртый: Се́й де́нь, є҆го́же сотворѝ гдⷭ҇ь: Хрⷭ҇то́съ воскр҃се: є҆ди́ножды.

Сла́ва, Хрⷭ҇то́съ воскр҃се: є҆ди́ножды. И҆ ны́нѣ, Хрⷭ҇то́съ воскр҃се: є҆ди́ножды.

Та́же настоѧ́тель пое́тъ вы́шшимъ гла́сомъ: Хрⷭ҇то́съ воскр҃се и҆з̾ ме́ртвыхъ, сме́ртїю сме́рть попра́въ.

И҆ ѿверза́етъ врата̀. Вхо́дитъ настоѧ́тель съ чⷭ҇тны́мъ крⷭ҇то́мъ, пред̾идꙋ́щымъ є҆мꙋ̀ со двѣма̀ лампа́дами:

И҆ бра́тїѧмъ пою́щымъ: И҆ сꙋ́щымъ во гробѣ́хъ живо́тъ дарова́въ.

Та́же ᲂу҆дарѧ́ютъ во всѧ̑ кампа́ны, и҆ кле́плютъ дово́льнѡ, трѝ зво́ны. Вше́дъ же настоѧ́тель со і҆ере́и во ст҃ы́й ѻ҆лта́рь:

И҆ дїа́конъ глаго́летъ є҆ктенїю̀ вели́кꙋю: Ми́ромъ гдⷭ҇ꙋ помо́лимсѧ.

Возгла́съ: Ꙗ҆́кѡ подоба́етъ тебѣ̀ всѧ́каѧ сла́ва:

И҆ начина́етъ предстоѧ́тель канѡ́нъ, творе́нїе господи́на і҆ѡа́нна дамаски́на, гла́съ а҃-й. і҆рмо́съ: Воскрⷭ҇нїѧ де́нь: І҆рмосы̀ на д҃: тропари́ же на в҃і, съ припѣ́вы, Хрⷭ҇то́съ воскр҃се: И҆ па́ки послѣдѝ кі́йждо ли́къ і҆рмо́съ. Послѣди́ же на схо́дѣ катава́сїа, і҆рмо́съ то́йже: Воскрⷭ҇нїѧ де́нь: И҆ но не́мъ, Хрⷭ҇то́съ воскр҃се: три́жды. Твори́тъ же нача́ло канѡ́на на кꙋ́юждо пѣ́снь всегда̀ предстоѧ́тель, десно́й и҆лѝ лѣ́вой странѣ̀ слꙋчи́вшейсѧ нача́ти. И҆ кади́тъ въ нача́лѣ канѡ́на ст҃ы̑ѧ і҆кѡ̑ны, и҆ ѻ҆́ба ли́ки, и҆ бра́тїю по чи́нꙋ. И҆ по ко́ейждо пѣ́сни быва́етъ є҆ктенїа̀ ма́лаѧ внѣ̀ ѻ҆лтарѧ̀, ꙗ҆́коже рѣ́хомъ, во ст҃ы́й се́й де́нь. Возгла́съ внꙋ́трь ѻ҆лтарѧ̀ ѿ і҆ере́а: Ꙗ҆́кѡ твоѧ̀ держа́ва: По а҃-й пѣ́сни, пое́тъ десна́ѧ страна̀. По г҃-й же пое́тъ лѣ́ваѧ. Си́це пое́мъ и҆ по про́чихъ пѣ́снехъ. По г҃-й пѣ́сни, возгла́съ: Ꙗ҆́кѡ ты̀ є҆сѝ бг҃ъ на́шъ:

Та́же ѵ҆пакоѝ, гла́съ д҃: Предвари́вшыѧ ᲂу҆́тро ꙗ҆̀же ѡ҆ марі́и, и҆ ѡ҆брѣ́тшыѧ ка́мень ѿвале́нъ ѿ гро́ба, слы́шахꙋ ѿ а҆́гг҃ла: во свѣ́тѣ присносꙋ́щнѣмъ сꙋ́щаго съ ме́ртвыми что̀ и҆́щете ꙗ҆́кѡ человѣ́ка; ви́дите грѡ́бныѧ пелєны̀, тецы́те и҆ мі́рꙋ проповѣ́дите, ꙗ҆́кѡ воста̀ гдⷭ҇ь, ᲂу҆мертви́вый сме́рть: ꙗ҆́кѡ є҆́сть сн҃ъ бг҃а сп҃са́ющагѡ ро́дъ человѣ́ческїй.

И҆ чте́нїе въ григо́рїи бг҃осло́вѣ, є҆гѡ́же нача́ло: На стра́жи мое́й ста́нꙋ:

По чте́нїи же, па́ки вжига́ютъ свѣщы̀ бра́тїѧ.

По д҃-й пѣ́сни, є҆ктенїа̀, и҆ возгла́съ: Ꙗ҆́кѡ бл҃гъ и҆ чл҃вѣколю́бецъ бг҃ъ є҆сѝ: По є҃-й пѣ́сни, возгла́съ: Ꙗ҆́кѡ ст҃и́сѧ и҆ просла́висѧ пречⷭ҇тно́е и҆ великолѣ́пое и҆́мѧ твоѐ: По ѕ҃-й пѣ́сни, возгла́съ: Ты́ бо є҆сѝ цр҃ь ми́ра, и҆ сп҃съ дꙋ́шъ на́шихъ: Конда́къ, гла́съ и҃: А҆́ще и҆ во гро́бъ снизше́лъ є҆сѝ безсме́ртне, но а҆́довꙋ разрꙋши́лъ є҆сѝ си́лꙋ, и҆ воскрⷭ҇лъ є҆сѝ ꙗ҆́кѡ побѣди́тель хрⷭ҇тѐ бж҃е, жена́мъ мѷроно́сицамъ вѣща́вый: ра́дꙋйтесѧ, и҆ твои̑мъ а҆пⷭ҇лѡмъ ми́ръ да́рꙋѧй, па́дшымъ подаѧ́й воскрⷭ҇нїе.

И҆ і҆́косъ. И҆ чте́мъ сѷнаѯа́рїй.

Та́же глаго́лемъ: Воскрⷭ҇нїе хрⷭ҇то́во ви́дѣвше, поклони́мсѧ ст҃о́мꙋ гдⷭ҇ꙋ і҆и҃сꙋ. є҆ди́номꙋ безгрѣ́шномꙋ. крⷭ҇тꙋ̀ твоемꙋ̀ покланѧ́емсѧ хрⷭ҇тѐ, и҆ ст҃о́е воскрⷭ҇нїе твоѐ пое́мъ и҆ сла́вимъ: ты́ бо є҆сѝ бг҃ъ на́шъ, ра́звѣ тебѐ и҆но́гѡ не зна́емъ: и҆́мѧ твоѐ и҆менꙋ́емъ. прїиди́те всѝ вѣ́рнїи, поклони́мсѧ ст҃о́мꙋ хрⷭ҇то́вꙋ воскрⷭ҇нїю: се́ бо прїи́де крⷭ҇то́мъ ра́дость всемꙋ̀ мі́рꙋ, всегда̀ бл҃гословѧ́ще гдⷭ҇а, пое́мъ воскрⷭ҇нїе є҆гѡ̀: распѧ́тїе бо претерпѣ́въ, сме́ртїю сме́рть разрꙋшѝ. три́жды.

Посе́мъ стїхи́ра, гла́съ ѕ҃: Воскр҃съ і҆и҃съ ѿ гро́ба, ꙗ҆́коже проречѐ, дадѐ на́мъ живо́тъ вѣ́чный, и҆ ве́лїю млⷭ҇ть. три́жды.

Та́же пое́мъ про́чыѧ г҃ пѣ́сни. По з҃-й пѣ́сни, є҆ктенїа̀ ма́лаѧ. Возгла́съ: Бꙋ́ди держа́ва црⷭ҇твїѧ твоегѡ̀: По и҃-й пѣ́сни возгла́съ: Ꙗ҆́кѡ бл҃гослови́сѧ и҆́мѧ твоѐ: На ѳ҃-й пѣ́сни, пое́мъ припѣ́вы пра́здника па́схи, по не́й же є҆ктенїа̀, и҆ возгла́съ: Ꙗ҆́кѡ тѧ̀ хва́лѧтъ всѧ̑ си̑лы нбⷭ҇ныѧ:

Свѣти́ленъ: Пло́тїю ᲂу҆снꙋ́въ: три́жды.

На хвали́техъ, Всѧ́кое дыха́нїе, на гла́съ а҃. ста́вимъ стїхѝ д҃, и҆ пое́мъ стїхи̑ры. воскрⷭ҇ны, гла́съ а҃. Пое́мъ твою̀ хрⷭ҇тѐ: и҆ про́чихъ г҃.

Та́же соше́дшесѧ ѻ҆́ба ли̑ка вкꙋ́пѣ, пое́мъ стїхи̑ры па́схи, гла́съ є҃, съ припѣ́вы и҆́хъ: Да воскрⷭ҇нетъ бг҃ъ, и҆ расточа́тсѧ вразѝ є҆гѡ̀. Па́сха сщ҃е́ннаѧ на́мъ дне́сь показа́сѧ: И҆ про́чыѧ г҃ стїхѝ:

Сла́ва, и҆ ны́нѣ, гла́съ то́йже: Воскрⷭ҇нїѧ де́нь:

Та́же, Хрⷭ҇то́съ воскр҃се: И҆ пое́мъ сїѐ мно́гажды, до́ндеже цѣлꙋ́етъ бра́тїѧ дрꙋ́гъ дрꙋ́га.

Цѣлова́нїе же настоѧ́телѧ съ про́чими і҆ере́и и҆ дїа́коны, во ст҃о́мъ ѻ҆лтарѣ̀ быва́етъ си́це: глаго́летъ приходѧ́й: Хрⷭ҇то́съ воскр҃се. Ѻ҆́номꙋ же ѿвѣща́вшꙋ: Вои́стиннꙋ воскр҃се. Посе́мъ взе́мъ настоѧ́тель чⷭ҇тны́й крⷭ҇тъ, и҆ ста́нетъ внѣ̀ пред̾ ст҃ы́ми црⷭ҇кими две́рьми. Та́кожде и҆ всѝ сщ҃е́нницы, є҆ли́кѡ и҆́хъ є҆́сть, и҆ дїа́коны, взе́мше кі́йждо и҆́хъ ст҃о́е є҆ѵⷢ҇лїе, и҆ чⷭ҇тны̑ѧ і҆кѡ̑ны, по чи́нꙋ своемꙋ̀. И҆ ста́нꙋтъ всѝ рѧ́домъ, ѿ десны́ѧ страны̀ настоѧ́телѧ. И҆ прихо́дѧтъ пре́жде честнѣ́йшїи цр҃кѡ́вницы, и҆ ста́рцы, є҆ди́нъ по є҆ди́номꙋ. И҆ ма́лѡ преклонѧ́ютсѧ пред̾ настоѧ́телемъ. И҆ цѣлꙋ́ютъ кі́йждо и҆́хъ чⷭ҇тны́й крⷭ҇тъ, и҆ ст҃о́е є҆ѵⷢ҇лїе, є҆го́же держи́тъ і҆ере́й, и҆ про́чыѧ ѡ҆́бразы. Та́же и҆ самого̀ настоѧ́телѧ во ᲂу҆ста̀ цѣлꙋ́ютъ, глаго́люще: Хрⷭ҇то́съ воскр҃се. Ѻ҆́номꙋ же ѿвѣща́вшꙋ: Вои́стиннꙋ воскр҃се. По томꙋ́ же ѡ҆́бразꙋ и҆ і҆ере́євъ цѣлꙋ́ютъ, и҆ са́ми междꙋ̀ собо́ю, по чи́нꙋ своемꙋ̀. И҆ ста́вѧтсѧ ѿ і҆ере́євъ по десно́й странѣ̀ рѧ́домъ. Та́же по ни́хъ и҆ мїрѧ́не та́кожде цѣлова́нїе творѧ́тъ. Рабѡ́тницы же монасты́рстїи въ то́мже чинꙋ̀ да ста́нꙋтъ, и҆ дрꙋ́гъ дрꙋ́га цѣлꙋ́юще. Быва́етъ же посредѝ во всѣ́хъ ве́лїе молча́нїе.

По цѣлова́нїи же чте́тсѧ ѡ҆гласи́тельное сло́во златоꙋ́стагѡ ѿ настоѧ́телѧ, и҆лѝ є҆кклисїа́рха: А҆́ще кто̀ бл҃гочести́въ, и҆ бг҃олюби́въ: Не сѣди́мъ же на сицево́мъ чте́нїи, но стоѧ́ще слꙋ́шаемъ всѝ.

Та́же глаго́летсѧ тропа́рь ст҃а́гѡ, гла́съ и҃: Оу҆́стъ твои́хъ:

Посе́мъ дїа́конъ глаго́летъ є҆ктєнїѝ: Поми́лꙋй на́съ бж҃е: и҆ И҆спо́лнимъ ᲂу҆́треннюю мл҃твꙋ на́шꙋ гдⷭ҇еви.

И҆ по возгла́сѣ, дїа́конъ: Премꙋ́дрость.

Мы́ же, Бл҃гословѝ.

Настоѧ́тель, Сы́й бл҃гослове́нъ хрⷭ҇то́съ бг҃ъ на́шъ:

И҆ мы̀, А҆ми́нь. Оу҆твердѝ бж҃е:

Посе́мъ настоѧ́тель держѧ̀ крⷭ҇тъ, вмѣ́стѡ, Сла́ва тебѣ̀ хрⷭ҇тѐ бж҃е: пое́тъ, Хрⷭ҇то́съ воскр҃се и҆з̾ ме́ртвыхъ, сме́ртїю сме́рть попра́въ.

И҆ мы̀ пое́мъ: И҆ сꙋ́щымъ во гробѣ́хъ живо́тъ дарова́въ.

И҆ а҆́бїе настоѧ́тель глаго́летъ ѿпꙋ́стъ: Хрⷭ҇то́съ воскр҃сы́й и҆з̾ ме́ртвыхъ, сме́ртїю сме́рть попра́вый, и҆ сꙋ́щымъ во гробѣ́хъ живо́тъ дарова́вый: и҆́стинный бг҃ъ на́шъ, и҆ прѡ́чаѧ.

Та́же крⷭ҇тъ возвыша́ѧ глаго́летъ: Хрⷭ҇то́съ воскр҃се. три́жды.

Мы́ же ѿвѣща́емъ: Вои́стиннꙋ воскр҃се. три́жды.

Та́же пое́мъ коне́чное: Хрⷭ҇то́съ воскр҃се: три́жды, ве́сь тропа́рь.

И҆ по не́мъ пѣ́нїемъ ко́нчимъ: И҆ на́мъ дарова̀ живо́тъ вѣ́чный, покланѧ́емсѧ є҆гѡ̀ тридне́вномꙋ воскрⷭ҇нїю.

Посе́мъ многолѣ́тны. И҆ цѣлꙋ́емъ чⷭ҇тны́й крⷭ҇тъ держи́мый въ рꙋкꙋ̀ настоѧ́телѧ.

И҆ ча́съ а҃-й глаго́лемъ: Хрⷭ҇то́съ воскр҃се, три́жды. Воскрⷭ҇нїе хрⷭ҇то́во: три́жды.

Та́же ѵ҆пакоѝ, є҆ди́ножды: Предвари́вшыѧ ᲂу҆́тро:

Та́же конда́къ, є҆ди́ножды: А҆́ще и҆ во гро́бъ:

Та́же и҆ се́й тропа́рь є҆ди́ножды: Во гро́бѣ пло́тски, во а҆́дѣ же съ дꙋше́ю ꙗ҆́кѡ бг҃ъ, въ раи́ же съ разбо́йникомъ, и҆ на прⷭ҇то́лѣ бы́лъ є҆сѝ хрⷭ҇тѐ со ѻ҆ц҃е́мъ и҆ дх҃омъ, всѧ̑ и҆сполнѧ́ѧй неѡпи́санный.

Сла́ва: Ꙗ҆́кѡ живоно́сецъ, ꙗ҆́кѡ раѧ̀ краснѣ́йшїй вои́стиннꙋ, и҆ черто́га всѧ́кагѡ ца́рскагѡ, показа́сѧ свѣтлѣ́йшїй хрⷭ҇тѐ гро́бъ тво́й, и҆сто́чникъ на́шегѡ воскрⷭ҇нїѧ.

И҆ ны́нѣ, бг҃оро́диченъ: Вы́шнѧгѡ ѡ҆сщ҃е́нное бж҃е́ственное селе́нїе, ра́дꙋйсѧ, тобо́ю бо даде́сѧ ра́дость, бцⷣе зовꙋ́щымъ: бл҃гослове́на ты̀ въ жена́хъ є҆сѝ всенепоро́чнаѧ влⷣчце.

Та́же, Гдⷭ҇и поми́лꙋй, м҃.

Сла́ва, и҆ ны́нѣ: Чⷭ҇тнѣ́йшꙋю херꙋві̑мъ:

И҆́менемъ гдⷭ҇нимъ бл҃гословѝ ѻ҆́тче.

І҆ере́й сті́хъ: Мл҃твами ст҃ы́хъ ѻ҆тє́цъ на́шихъ:

Мы́ же рече́мъ, А҆ми́нь.

И҆ па́ки глаго́лемъ подо́бнѣ: Хрⷭ҇то́съ воскр҃се: три́жды.

Сла́ва, и҆ ны́нѣ, Гдⷭ҇и поми́лꙋй, три́жды.

Бл҃гословѝ, и҆ ѿпꙋ́стъ пе́рвагѡ часа̀. Си́мъ же ѡ҆́бразомъ пое́тсѧ за г҃-й, за ѕ҃-й пред̾ лїтꙋргі́ею, та́кожде и҆ пред̾ вече́рнею за ѳ҃-й ча́съ, и҆ за повече́рїе. Та́кожде и҆ за полꙋ́нощницꙋ.

[зрѝ] А҆́ще ли когда̀ по нꙋ́ждѣ не бꙋ́детъ лїтꙋргі́и: Вмѣ́стѡ и҆з̾ѡбрази́тельныхъ глаго́лемъ си́це: Хрⷭ҇то́съ воскр҃се: три́жды. Воскрⷭ҇нїе хрⷭ҇то́во: є҆ди́ножды. Посе́мъ, Предвари́вшыѧ ᲂу҆́тро:

Сла́ва, конда́къ: А҆́ще и҆ во гро́бъ: И҆ ны́нѣ, Є҆диноро́дный сн҃е:

Посе́мъ бл҃жє́нна ѿ канѡ́на, пѣ́снь г҃ и҆ ѕ҃.

І҆ере́й, Премꙋ́дрость.

Чте́цъ надписа́нїе а҆по́стола, и҆ са́мое чте́нїе.

Посе́мъ і҆ере́й є҆ѵⷢ҇лїе.

Та́же, Помѧнѝ на́съ гдⷭ҇и: Ли́къ нбⷭ҇ный: И҆ посе́мъ: Вѣ́рꙋю во є҆ди́наго бг҃а: Ѡ҆сла́би, ѡ҆ста́ви: И҆ по Ѻ҆́ч҃е на́шъ: конда́къ: А҆́ще и҆ во гро́бъ:

Сла́ва, и҆ ны́нѣ, бг҃оро́диченъ: Вы́шнѧгѡ ѡ҆сщ҃е́нное:

Гдⷭ҇и поми́лꙋй, м҃.

Та́же, Є҆ди́нъ ст҃ъ, є҆ди́нъ гдⷭ҇ь і҆и҃съ хрⷭ҇то́съ, во сла́вꙋ бг҃а ѻ҆тца̀, а҆ми́нь.

И҆ посе́мъ вмѣ́стѡ, Бꙋ́ди и҆́мѧ гдⷭ҇не, Хрⷭ҇то́съ воскр҃се: три́жды.

Та́же ѱало́мъ, Бл҃гословлю̀ гдⷭ҇а на всѧ́кое вре́мѧ: Коне́цъ: Не лиша́тсѧ всѧ́кагѡ бл҃га.

И҆ посе́мъ ѿпꙋ́стъ: и҆ и҆схо́димъ въ трапе́зꙋ.

Подоба́етъ вѣ́дати, ка́кѡ пое́тсѧ моле́бенъ на ст҃ꙋ́ю па́схꙋ:

І҆ере́й глаго́летъ: Бл҃гослове́нъ бг҃ъ на́шъ: И҆ мы̀, А҆ми́нь.

Та́же і҆ере́й, Хрⷭ҇то́съ воскр҃се: три́жды.

Та́же, Хрⷭ҇то́съ воскр҃се: три́жды, на ли́ки, ꙗ҆́коже пред̾из̾ѧви́сѧ въ нача́лѣ ᲂу҆́трени.

По Сла́ва, и҆ ны́нѣ, і҆ере́й глаго́летъ: Хрⷭ҇то́съ воскр҃се и҆з̾ ме́ртвыхъ:

Мы́ же, И҆ сꙋ́щымъ во гробѣ́хъ живо́тъ дарова́въ.

Та́же, Сла́ва, и҆ ны́нѣ, ѵ҆пакоѝ: Предвари́вшыѧ ᲂу҆́тро:

А҆́ще ли хо́щеши приложи́ти канѡ́нъ ко́егѡ ст҃а́гѡ:

Тогда̀ глаго́ли пре́жде тропа́рь ст҃а́гѡ, є҆ди́ножды:

Сла́ва, и҆ ны́нѣ: Предвари́вшыѧ ᲂу҆́тро:

Посе́мъ канѡ́нъ па́схи, со і҆рмосо́мъ на ѕ҃. Припѣ́въ, Хрⷭ҇то́съ воскр҃се: и҆ ст҃а́гѡ, а҆́ще бꙋ́детъ, на д҃. Катава́сїа, по г҃-й и҆ ѕ҃-й пѣ́сни: Сп҃сѝ ѿ бѣ́дъ: По ѕ҃-й пѣ́сни, конда́къ и҆ і҆́косъ па́схи.

Та́же прокі́менъ, гла́съ и҃: Се́й де́нь, є҆го́же сотворѝ гдⷭ҇ь:

Сті́хъ: И҆сповѣ́дайтесѧ гдⷭ҇еви:

Та́же ст҃а́гѡ прокі́менъ.

Є҆ѵⷢ҇лїе лꙋкѝ, зача́ло рд҃і. Пото́мъ ст҃а́гѡ. По ѳ҃-й пѣ́сни, за Досто́йно, і҆рмо́съ: Свѣти́сѧ, свѣти́сѧ:

Та́же, хрⷭ҇то́съ воскр҃се: три́жды:

Посе́мъ ѵ҆пакоѝ: Предвари́вшыѧ ᲂу҆́тро:

Сла́ва, тропа́рь ст҃а́гѡ. И҆ ны́нѣ, конда́къ: А҆́ще и҆ во гро́бъ:

Та́же, є҆ктенїа̀, Поми́лꙋй на́съ бж҃е:

Посе́мъ і҆ере́й глаго́летъ, Премꙋ́дрость.

Мы́ же, Хрⷭ҇то́съ воскр҃се: три́жды.

Та́же і҆ере́й вмѣ́стѡ: Сла́ва тебѣ̀ хрⷭ҇тѐ бж҃е: Хрⷭ҇то́съ воскр҃се и҆з̾ ме́ртвыхъ:

И҆ мы̀: И҆ сꙋ́щымъ во гробѣ́хъ живо́тъ дарова́въ.

И҆ ѿпꙋ́стъ со крⷭ҇то́мъ глаго́летъ си́це: Хрⷭ҇то́съ воскр҃сы́й и҆з̾ ме́ртвыхъ: И҆ прѡ́чаѧ, ꙗ҆́кѡ предписа́сѧ въ концѣ̀ ᲂу҆́трени.

Посе́мъ возглаша́етъ: Хрⷭ҇то́съ воскр҃се, три́жды.

Мы́ же ѿвѣща́емъ: Вои́стиннꙋ воскр҃се, три́жды.

И҆ па́ки пое́мъ: Хрⷭ҇то́съ воскр҃се: три́жды.

Та́же, Гдⷭ҇и поми́лꙋй, три́жды, съ пѣ́нїемъ.

Послѣ́дованїе лїтꙋргі́и быва́етъ пора́нꙋ.

Наче́ншꙋ дїа́конꙋ: Бл҃гословѝ влады́ко. Настоѧ́телю же возгласи́вшꙋ: Бл҃гослове́но црⷭ҇тво ѻ҆ц҃а̀, и҆ сн҃а, и҆ ст҃а́гѡ дх҃а, ны́нѣ и҆ при́снѡ, и҆ во вѣ́ки вѣкѡ́въ.

И҆ мы̀: А҆ми́нь.

Настоѧ́тель пое́тъ съ про́чими слꙋжи́тели во ст҃о́мъ ѻ҆лтарѣ̀: Хрⷭ҇то́съ воскр҃се и҆з̾ ме́ртвыхъ, сме́ртїю сме́рть попра́въ, и҆ сꙋ́щымъ во гробѣ́хъ живо́тъ дарова́въ. Три́жды.

И҆ ли́ки то́йже, три́жды.

Настоѧ́тель глаго́летъ припѣ́въ, Пе́рвый: Да воскрⷭ҇нетъ бг҃ъ:

Ли́къ: Хрⷭ҇то́съ воскр҃се: є҆ди́ножды.

Вторы́й: Ꙗ҆́кѡ и҆счеза́етъ ды́мъ: Хрⷭ҇то́съ воскр҃се: є҆ди́ножды.

Тре́тїй: Та́кѡ да поги́бнꙋтъ грѣ̑шницы: Хрⷭ҇то́съ воскр҃се: є҆ди́ножды.

Четве́ртый: Се́й де́нь: Хрⷭ҇то́съ воскр҃се: є҆ди́ножды.

Сла́ва: Хрⷭ҇то́съ воскр҃се: є҆ди́ножды. И҆ ны́нѣ: Хрⷭ҇то́съ воскр҃се: є҆ди́ножды.

Та́же настоѧ́тель пое́тъ вы́шшимъ гла́сомъ: Хрⷭ҇то́съ воскр҃се и҆з̾ ме́ртвыхъ, сме́ртїю сме́рть попра́въ.

Мы́ же: И҆ сꙋ́щымъ во гробѣ́хъ живо́тъ дарова́въ.

Посе́мъ глаго́летъ дїа́конъ є҆ктенїю̀ вели́кꙋю.

По є҆ктенїи́ же, и҆ по возгла́сѣ: А҆нтїфѡ́нъ а҃- й, ѱало́мъ ѯ҃є, гла́съ в҃. Сті́хъ а҃: Воскли́кните гдⷭ҇еви всѧ̀ землѧ̀. Припѣ́въ: Мл҃твами бцⷣы, сп҃се сп҃сѝ на́съ. Дрꙋгі́й ли́къ то́йже сті́хъ: Воскли́кните гдⷭ҇еви всѧ̀ землѧ̀, по́йте же и҆́мени є҆гѡ̀, дади́те сла́вꙋ хвалѣ̀ є҆гѡ̀. Мл҃твами бцⷣы:

Сті́хъ: Рцы́те бг҃ꙋ: ко́ль стра̑шна дѣла̀ твоѧ̑! во мно́жествѣ си́лы твоеѧ̀ со́лжꙋтъ тебѣ̀ вразѝ твоѝ.

Мл҃твами бцⷣы:

Сті́хъ г҃: Всѧ̀ землѧ̀ да покло́нитсѧ тебѣ̀, и҆ пое́тъ тебѣ̀, да пое́тъ же и҆́мени твоемꙋ̀ вы́шнїй.

Мл҃твами бцⷣы:

Сла́ва, и҆ ны́нѣ, кꙋ́пнѡ ѻ҆́ба ли̑ка, вы́шшимъ гла́сомъ: Мл҃твами бцⷣы:

Та́же є҆ктенїа̀ ма́лаѧ.

А҆нтїфѡ́нъ в҃-й, ѱало́мъ ѯ҃ѕ-й, гла́съ то́йже. Сті́хъ а҃: Бж҃е ᲂу҆ще́дри ны̀, и҆ бл҃гослови́ ны. Припѣ́въ: Сп҃си́ ны сн҃е бж҃їй, воскр҃сы́й и҆з̾ ме́ртвыхъ, пою́щыѧ тѝ: а҆ллилꙋ́їа. є҆ди́ножды. Дрꙋга́ѧ страна̀ то́йжде сті́хъ: Бж҃е ᲂу҆ще́дри ны̀ и҆ бл҃гослови́ ны, просвѣтѝ лицѐ твоѐ на ны̀, и҆ поми́лꙋй ны̀. Сп҃си́ ны сн҃е бж҃їй: Сті́хъ в҃: Да позна́емъ на землѝ пꙋ́ть тво́й, во всѣ́хъ ꙗ҆зы́цѣхъ сп҃се́нїе твоѐ. Сп҃си́ ны сн҃е бж҃їй: Сті́хъ г҃: Да и҆сповѣ́дѧтсѧ тебѣ̀ лю́дїе бж҃е, да и҆сповѣ́дѧтсѧ тебѣ̀ лю́дїе всѝ. Сп҃си́ ны сн҃е бж҃їй:

Сла́ва, и҆ ны́нѣ: вкꙋ́пѣ два̀ ли̑ка: Є҆диноро́дный сн҃е:

Та́же є҆ктенїа̀.

А҆нтїфѡ́нъ г҃-й, ѱало́мъ ѯ҃з-й, гла́съ є҃: Да воскрⷭ҇нетъ бг҃ъ, и҆ расточа́тсѧ вразѝ є҆гѡ̀. Тропа́рь: Хрⷭ҇то́съ воскр҃се и҆з̾ ме́ртвыхъ:

Дрꙋга́ѧ страна̀ то́йжде сті́хъ: Да воскрⷭ҇нетъ бг҃ъ, и҆ расточа́тсѧ вразѝ є҆гѡ̀: Хрⷭ҇то́съ воскр҃се: Сті́хъ в҃: Ꙗ҆́кѡ и҆счеза́етъ ды́мъ, да и҆сче́знꙋтъ: Хрⷭ҇то́съ воскр҃се: Сті́хъ г҃: Та́кѡ да поги́бнꙋтъ грѣ̑шницы ѿ лица̀ бж҃їѧ: Хрⷭ҇то́съ воскр҃се:

И҆ быва́етъ вхо́дъ.

И҆ возглаша́етъ дїа́конъ, а҆́ще є҆́сть, а҆́ще же нѝ, і҆ере́й. Премꙋ́дрость, про́сти.

Мы́ же вхо́дное: Въ цр҃квахъ бл҃гослови́те бг҃а, гдⷭ҇а ѿ и҆стѡ́чникъ і҆и҃левыхъ:

И҆ пое́мъ тропа́рь: Хрⷭ҇то́съ воскр҃се: Ѵ҆пакоѝ: Предвари́вшыѧ ᲂу҆́тро:

Сла́ва, и҆ ны́нѣ, конда́къ: А҆́ще и҆ во гро́бъ снизше́лъ є҆сѝ:

Вмѣ́стѡ же трист҃а́гѡ: Є҆ли́цы во хрⷭ҇та̀ крⷭ҇ти́стесѧ, во хрⷭ҇та̀ ѡ҆блеко́стесѧ: а҆ллилꙋ́їа.

[зрѝ] Подоба́етъ вѣ́дати: Ꙗ҆́кѡ сїѐ нача́ло лїтꙋргі́и, и҆ а҆нтїфѡ́ны, и҆ Є҆ли́цы во хрⷭ҇та̀ крⷭ҇ти́стесѧ: пое́мъ во всю̀ седми́цꙋ свѣ́тлꙋю, да́же до недѣ́ли но́выѧ.

Прокі́менъ, гла́съ и҃: Се́й де́нь, є҆го́же сотворѝ гдⷭ҇ь, возра́дꙋемсѧ и҆ возвесели́мсѧ во́нь.

Сті́хъ: И҆сповѣ́дайтесѧ гдⷭ҇еви ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀.

А҆по́столъ дѣѧ́нїй, зача́ло а҃: Пе́рвое ᲂу҆́бѡ сло́во сотвори́хъ: А҆ллилꙋ́їа, гла́съ д҃: Ты̀ воскр҃съ ᲂу҆ще́дриши сїѡ́на:

Сті́хъ: Гдⷭ҇ь съ нб҃сѐ на зе́млю призрѣ̀.

Є҆ѵⷢ҇лїе і҆ѡа́нна, зача́ло а҃. Вре́мени же приспѣ́вшꙋ чте́нїѧ ст҃а́гѡ є҆ѵⷢ҇лїа: Нача́льный дїа́конъ хотѧ́й є҆ѵⷢ҇лїе честѝ, глаго́летъ: Бл҃гословѝ влады́ко бл҃говѣсти́телѧ:

Та́же настоѧ́тель глаго́летъ: Бг҃ъ мл҃твами ст҃а́гѡ сла́внагѡ: и҆ прѡ́чаѧ, ꙗ҆́коже ᲂу҆каза́сѧ въ лїтꙋргїа́рїи.

И҆схо́дитъ дїа́конъ, и҆ на ѻ҆бы́чномъ мѣ́стѣ прѧ́мѡ ца́рскихъ вра́тъ, на восто́къ лице́мъ ста́нетъ.

И҆ настоѧ́телю пре́жде возгласи́вшꙋ пред̾ престо́ломъ: Премꙋ́дрость, про́сти, ᲂу҆слы́шимъ ст҃а́гѡ є҆ѵⷢ҇лїа:

То́жде и҆ всѝ і҆ере́и, є҆ли́цы сꙋ́ть слꙋжа́щїи. По си́хъ же и҆ дїа́кони глаго́лютъ, на разли́чныхъ мѣ́стѣхъ ста́вше ѿ ст҃а́гѡ прⷭ҇то́ла, и҆ до за́падныхъ вра́тъ цр҃ко́вныхъ є҆ди́нъ по є҆ди́номꙋ. Послѣди́ же всѣ́хъ стои́тъ а҆рхїдїа́конъ. И҆ чтꙋ́тъ всѝ по настоѧ́телю, є҆ди́нъ по є҆ди́номꙋ по статїѧ́мъ, ꙗ҆́коже настоѧ́тель расположи́тъ.

И҆ предначина́етъ настоѧ́тель: Ѿ і҆ѡа́нна ст҃а́гѡ є҆ѵⷢ҇лїа чте́нїе.

Про́чїи то́жде.

Настоѧ́тель: Во́нмемъ.

Про́чїи то́жде.

Настоѧ́тель стоѧ̀ пред̾ престо́ломъ на восто́къ лице́мъ, чте́тъ: Въ нача́лѣ бѣ̀ сло́во: и҆ прѡ́чаѧ.

Про́чїи то́жде.

И҆ на всѧ́комъ возгла́сѣ и҆лѝ статїѝ є҆ѵⷢ҇лїа, ᲂу҆дарѧ́ютъ въ цр҃кви по є҆ди́ножды въ канді́ю. Параекклисїа́рхъ же внѣ̀ цр҃кве въ вели́кое би́ло, и҆ въ вели́кїй кампа́нъ. На послѣ́днемъ же возгла́сѣ ᲂу҆дарѧ́ютъ во всѧ̑ кампа́ны, и҆ въ вели́кое би́ло.

И҆ быва́етъ по чи́нꙋ бж҃е́ственнаѧ лїтꙋргі́а златоꙋ́стагѡ.

Вмѣ́стѡ, Досто́йно, пое́мъ: А҆́гг҃лъ вопїѧ́ше бл҃года́тнѣй:

Та́же і҆рмо́съ: Свѣти́сѧ, свѣти́сѧ:

Прича́стный: Тѣ́ло хрⷭ҇то́во прїими́те, и҆сто́чника безсме́ртнагѡ вкꙋси́те. а҆ллилꙋ́їа, три́жды.

Є҆гда́ же настоѧ́тель глаго́летъ: Со стра́хомъ бж҃їимъ и҆ вѣ́рою пристꙋпи́те.

Мы́ же вмѣ́стѡ, Бл҃гослове́нъ грѧды́й во и҆́мѧ гдⷭ҇не: пое́мъ, Хрⷭ҇то́съ воскр҃се: є҆ди́ножды.

Настоѧ́тель глаго́летъ: Сп҃сѝ бж҃е лю́ди твоѧ̑:

И҆ мы̀: Хрⷭ҇то́съ воскр҃се: є҆ди́ножды.

Є҆гда́ же и҆зглаго́летъ і҆ере́й: Всегда̀, ны́нѣ, и҆ при́снѡ.

И҆ мы̀, Хрⷭ҇то́съ воскр҃се: є҆ди́ножды.

Посе́мъ є҆ктенїа̀.

Вмѣ́стѡ же, Бꙋ́ди и҆́мѧ гдⷭ҇не, и҆ вмѣ́стѡ ѱалма̀, Бл҃гословлю̀ гдⷭ҇а, пое́мъ: Хрⷭ҇то́съ воскр҃се: в҃і, и҆ мно́жае, до́ндеже ꙾а҆нафѡ́ра꙾[꙾а҆нті́дѡръ꙾] ѿ настоѧ́телѧ разда́стсѧ.

Та́же настоѧ́тель: Бл҃гослове́нїе гдⷭ҇не на ва́съ:

Ли́къ: А҆ми́нь.

Посе́мъ настоѧ́тель, вмѣ́стѡ, Сла́ва тебѣ̀ хрⷭ҇тѐ бж҃е, пое́тъ: Хрⷭ҇то́съ воскр҃се и҆з̾ ме́ртвыхъ:

И҆ ли́къ: И҆ сꙋ́щымъ во гробѣ́хъ живо́тъ дарова́въ. Посе́мъ настоѧ́тель глаго́летъ ѿпꙋ́стъ со крⷭ҇то́мъ по ѻ҆бы́чаю, ꙗ҆́коже ᲂу҆каза́сѧ на ᲂу҆́трени.

[зрѝ] Да бꙋ́детъ же вѣ́стнѡ и҆ сїѐ: Ꙗ҆́кѡ вра́тъ црⷭ҇кихъ ѻ҆лтарѧ̀, вели́кихъ же, и҆ ѿ стра́нъ ма́лыхъ, по всѣ̑мъ цр҃квамъ во всю̀ свѣ́тлꙋю седми́цꙋ не затворѧ́емъ и҆ во вре́мѧ причаще́нїѧ.

[зрѝ] Вѣ́домо же бꙋ́ди и҆ сїѐ: Ꙗ҆́кѡ мѧ́съ правосла́внїи хрⷭ҇тїа́не къ цр҃кви не прино́сѧтъ, но въ до́мъ ко і҆ере́ю.

Мл҃тва во є҆́же бл҃гослови́ти бра́шна, мѧса̀, во ст҃ꙋ́ю и҆ вели́кꙋю недѣ́лю па́схи.

Твори́тъ і҆ере́й нача́ло: Бл҃гослове́нъ бг҃ъ на́шъ: Хрⷭ҇то́съ воскр҃се: три́жды. Та́же, Гдⷭ҇ꙋ помо́лимсѧ. Гдⷭ҇и поми́лꙋй. При́зри гдⷭ҇и і҆и҃се хрⷭ҇тѐ бж҃е на́шъ, на бра́шна мѧ́съ:

Мл҃тва во є҆́же бл҃гослови́ти сы́ръ и҆ ꙗ҆́ица.

Ꙗ҆́ица же и҆ сы́ръ принесє́нныѧ поставлѧ́ютсѧ въ притво́рѣ, въ цр҃ковь же ѿню́дъ не подоба́етъ вноси́ти. І҆ере́й же и҆зше́дъ глаго́летъ: Гдⷭ҇ꙋ помо́лимсѧ. Влⷣко гдⷭ҇и бж҃е на́шъ:

[зрѝ] Вѣ́стно же бꙋ́ди: Ꙗ҆́кѡ сицевы́й мѧ́съ и҆ набѣ́лꙋ прино́съ, не є҆́сть па́сха, нижѐ а҆́гнецъ, ꙗ҆́коже нѣ́цыи глаго́лютъ и҆ прїе́млютъ, и҆ є҆мꙋ̀ со всѧ́кимъ говѣ́нїемъ, ꙗ҆́коже нѣ́коей ст҃ы́ни причаща́ютсѧ: но просто́е приноше́нїе. не а҆́ки бо сїѐ въ же́ртвꙋ бг҃ꙋ приноси́тисѧ и҆́мать, но то́кмѡ да начина́ющымъ по постѣ̀ мѧ́со и҆ сы́ръ ꙗ҆́сти, ѿ і҆ере́а предложе́нными мл҃твами въ снѣ́дь бл҃гослове́но бꙋ́детъ: па́сха бо са́мъ хрⷭ҇то́съ є҆́сть, и҆ а҆́гнецъ взе́млѧй грѣхѝ мі́ра, на ѻ҆лтарѣ̀ въ безкро́вной же́ртвѣ, въ пречⷭ҇тыхъ та́йнахъ чⷭ҇тна́гѡ тѣ́ла, и҆ животворѧ́щїѧ кро́ве своеѧ̀, ѿ і҆ере́а бг҃ꙋ и҆ ѻ҆ц҃ꙋ̀ приноси́мый, и҆ томꙋ̀ досто́йнѡ причаща́ющїисѧ, и҆́стиннꙋю ꙗ҆дѧ́тъ па́схꙋ. И҆ сегѡ̀ ра́ди ѻ҆́ныѧ прино́сы, ꙗ҆́кѡ не сꙋ́ть па́сха, во ѻ҆лта́рь и҆лѝ въ цр҃ковь не досто́итъ вноси́ти, но внѣ̀ цр҃кве, и҆лѝ въ притво́рѣ, мл҃твою бл҃гослови́ти, по г҃-мꙋ пра́вилꙋ ст҃ы́хъ а҆пⷭ҇лъ, глаго́лющихъ: А҆́ще кто̀ є҆пⷭ҇кпъ и҆лѝ пресвѵ́теръ, кромѣ̀ вчине́нїѧ гдⷭ҇нѧ ѡ҆ же́ртвѣ, и҆на̑ѧ нѣ̑каѧ ко ѻ҆лтарю̀ принесе́тъ, ме́дъ, и҆лѝ млеко̀, и҆лѝ вмѣ́стѡ вїна̀ сїке́рꙋ, сі́есть, ѻ҆лові́нꙋ, и҆лѝ медови́нꙋ, и҆лѝ пти̑цы, и҆лѝ ка̑ѧ живѡ́тнаѧ, и҆лѝ сѡ́чива, ра́звѣ гро́здїѧ въ лѣ́тѣ, и҆ є҆ле́а на свѣ́щники и҆ ѳѷмїа́ма, во вре́мѧ лїтꙋргі́и, да и҆зве́ржетсѧ. И҆ по ѕ҃-мꙋ собо́рꙋ, и҆́же въ трꙋ́ллѣ, въ пра́вилѣ ч҃ѳ глаго́лющꙋ. И҆ семꙋ̀ во а҆рме́нстѣй странѣ̀ быва́ти ᲂу҆вѣ́дѣхомъ, ꙗ҆́кѡ нѣ́цыи внꙋ́трь во ст҃ы́хъ ѻ҆лтарѣ́хъ, ча̑сти мѧ́съ варѧ́ще, прино́сѧтъ сщ҃е́нникѡмъ жидо́вски раздѣлѧ́юще.

Тѣ́мже цр҃ковь непоро́чнꙋю хранѧ́ще, ᲂу҆зако́нихомъ, ꙗ҆́кѡ не подоба́етъ ни є҆ди́номꙋ же і҆ере́ю разли́чныхъ мѧ́съ часте́й ѿ приносѧ́щихъ прїима́ти: но тѣ́ми дово́льни да бꙋ́дꙋтъ, ꙗ҆̀же приносѧ́щемꙋ возмнѧ́тсѧ. Сицево́мꙋ приноше́нїю быва́емꙋ внѣ̀ цр҃кве. А҆́ще же кто̀ сегѡ̀ не сотвори́тъ, да ѿлꙋчи́тсѧ.

Послѣ́дованїе а҆́ртоса.

Въ де́нь ст҃ы́ѧ па́схи по ѿпꙋ́стѣ бж҃е́ственныѧ лїтꙋргі́и, взе́мшꙋ і҆ере́ю ѡ҆́бразъ воскрⷭ҇нїѧ хрⷭ҇то́ва, дїа́конꙋ же прїи́мшꙋ ѿ и҆на́гѡ а҆́ртосъ црⷭ҇кими враты̀, а҆́ще во ѻ҆лтарѣ̀ бꙋ́детъ. [В]ъ нѣ́кихъ же ѻ҆би́телехъ на а҆нало́гїи во хра́мѣ на сїѐ ᲂу҆стро́енномъ кꙋ́пнѡ со ѡ҆́бразомъ воскрⷭ҇нїѧ гдⷭ҇нѧ поставлѧ́етсѧ: и҆ ꙾ко а҆нафѡ́рѣ꙾ [꙾а҆нті́дѡрꙋ꙾] и҆дꙋ́ще цѣлꙋ́ютъ пе́рвѣе пра́здникъ, та́же а҆́ртосъ. И҆ дїа́конъ взе́млетъ є҆го̀ и҆з̾ мѣ́ста, съ панагїа́ромъ, и҆ въ рꙋка́хъ несе́тъ, пред̾идꙋ́щей лампа́дѣ, и҆лѝ двѣма̀. настоѧ́тель же и҆ бра́тїѧ всѧ̑ по чи́нꙋ своемꙋ̀ и҆схо́дѧтъ со а҆́ртосомъ, сі́есть хлѣ́бомъ, просфоро́ю всецѣ́лою, на сѐ со крⷭ҇то́мъ на не́й и҆з̾ѡбраже́ннымъ ᲂу҆гото́ванною, и҆з̾ цр҃кве въ трапе́зꙋ. Вмѣ́стѡ ѱалма̀, Вознесꙋ́ тѧ бж҃е мо́й: Хрⷭ҇то́съ воскр҃се. пою́ще: Параекклисїа́рхꙋ же и҆ про́чей бра́тїи во всѧ̑ зво́ны ᲂу҆дарѧ́ющымъ. И҆ вше́дше въ трапе́зꙋ поставлѧ́ютъ пра́здникъ и҆ а҆́ртосъ на мѣ́стѣхъ и҆́хъ.

И҆ глаго́летъ настоѧ́тель: Хрⷭ҇то́съ воскр҃се, три́жды. И҆ Ѻ҆́ч҃е на́шъ:

Сла́ва, и҆ ны́нѣ: Гдⷭ҇и поми́лꙋй, три́жды, бл҃гословѝ.

Настоѧ́тель, Хрⷭ҇тѐ бж҃е бл҃гословѝ ꙗ҆́стїе: и҆ прѡ́чаѧ.

Мы́ же, А҆ми́нь.

Сѣда́емъ кі́йждо на мѣ́стѣ свое́мъ, со всѧ́кимъ безмо́лвїемъ, и҆ бл҃гоговѣ́инствомъ: и҆ быва́етъ ᲂу҆тѣше́нїе ве́лїе на всѧ̑ и҆ чте́нїе по ѻ҆бы́чаю. По ѻ҆бы́чной трапе́зѣ, востаю́ще бра́тїѧ, поставлѧ́ютъ а҆́ртосъ на трапе́зѣ, пою́ще: Хрⷭ҇то́съ воскр҃се: три́жды, и҆ Гдⷭ҇и поми́лꙋй, три́жды: Бл҃гословѝ.

Та́же кела́рь прїе́мъ, ѻ҆бы́чное проще́нїе ѿ настоѧ́телѧ и҆ бра́тїи: Бл҃гослови́те мѧ̀ ѻ҆тцы̀ ст҃і́и, и҆ прости́те мѧ̀ грѣ́шнаго.

Мы́ же рече́мъ: Бг҃ъ да прости́тъ и҆ бл҃гослови́тъ.

Та́же сне́мъ камила́ѵхїй, возгласи́тъ, вмѣ́стѡ, Вели́ко и҆́мѧ ст҃ы́ѧ трⷪ҇цы: Хрⷭ҇то́съ воскр҃се, є҆ди́ножды.

На́мъ же ѿвѣща́ющымъ: Вои́стиннꙋ воскр҃се:

То́йже назна́менавъ крⷭ҇тоѡбра́знѡ а҆́ртосомъ, глаго́летъ: Покланѧ́емсѧ є҆гѡ̀ тридне́вномꙋ воскрⷭ҇нїю. Полага́етъ и҆ на панагїа́рѣ.

Пото́мъ прино́ситъ кела́рь а҆́ртосъ съ панагїа́ромъ къ настоѧ́телю, и҆ цѣлꙋ́етъ а҆́ртосъ, и҆ всѧ̑ по не́мъ бра́тїѧ, пою́ще пѣ́снь ѳ҃-ю, І҆рмо́съ, Свѣти́сѧ, свѣти́сѧ: и҆ про́чыѧ ѻ҆́ба тропарѝ тоѧ̀ пѣ́сни. И҆ па́ки і҆рмо́съ, Свѣти́сѧ, свѣти́сѧ: По цѣлова́нїи же просфоры̀ ѿ всѣ́хъ, возврати́всѧ кела́рь поставлѧ́етъ ю҆̀ пред̾ настоѧ́телемъ, и҆ рече́тъ сті́хъ: Мл҃твами ст҃ы́хъ ѻ҆тє́цъ на́шихъ, гдⷭ҇и і҆и҃се хрⷭ҇тѐ бж҃е на́шъ, поми́лꙋй на́съ.

И҆ мы̀, А҆ми́нь.

и҆ пое́мъ, Хрⷭ҇то́съ воскр҃се: три́жды.

Сла́ва, глаго́лемъ ѵ҆пакоѝ, Предвари́вшыѧ ᲂу҆́тро: И҆ ны́нѣ, конда́къ, А҆́ще и҆ во гро́бъ:

Гдⷭ҇и поми́лꙋй, три́жды. Бл҃гословѝ.

Настоѧ́тель: Бл҃гослове́нъ бг҃ъ ми́лꙋѧй и҆ пита́ѧй на́съ ѿ свои́хъ бога́тыхъ дарѡ́въ, свое́ю бл҃года́тїю и҆ чл҃вѣколю́бїемъ, всегда̀, ны́нѣ и҆ при́снѡ, и҆ во вѣ́ки вѣкѡ́въ.

И҆ мы̀, А҆ми́нь.

Та́же настоѧ́тель: Бг҃ъ да прости́тъ и҆ поми́лꙋетъ послꙋжи́вшихъ на́мъ.

И҆ а҆́бїе и҆схо́дитъ и҆з̾ трапе́зы въ цр҃ковь. И҆ бра́тїѧ всѧ̑ по чи́нꙋ своемꙋ̀, пред̾идꙋ́щꙋ і҆ере́ю со і҆кѡ́ною воскрⷭ҇нїѧ хрⷭ҇то́ва, и҆ дїа́конꙋ со а҆́ртосомъ, и҆ кли́рїкѡмъ пою́щымъ: Хрⷭ҇то́съ воскр҃се:

Тогда̀ параекклисїа́рхъ, и҆ прѡ́чаѧ бра́тїѧ ᲂу҆дарѧ́ютъ во всѧ̑ зво́ны. Вше́дшꙋ же настоѧ́телю и҆ бра́тїи въ цр҃ковь, І҆ере́й и҆ дїа́конъ поставлѧ́ютъ на свои́хъ и҆̀мъ мѣ́стѣхъ і҆кѡ́нꙋ и҆ а҆́ртосъ.

Мы́ же пое́мъ: И҆ на́мъ дарова̀ живо́тъ вѣ́чный: И҆ и҆́демъ въ кє́ллїи своѧ̑. Си́це же возслѣ́дꙋетсѧ цѣлова́нїе ѡ҆ просфорѣ̀, ꙗ҆́же є҆́сть а҆́ртосъ чрез̾ всю̀ седми́цꙋ ст҃ы́ѧ свѣ́тлыѧ недѣ́ли, да́же до сꙋббѡ́ты.

[зрѝ] Подоба́етъ вѣ́дати: Ꙗ҆́кѡ а҆́ще слꙋчи́тсѧ бра́тꙋ ко́емꙋ ѿитѝ ко гдⷭ҇ꙋ въ сїю̀ седми́цꙋ па́схи: И҆ ѡ҆ се́мъ зрѝ всегѡ̀ послѣ́дованїѧ си́хъ дне́й ѡ҆ ᲂу҆со́пшихъ въ тре́бникѣ.

Во ст҃ꙋ́ю и҆ вели́кꙋю недѣ́лю па́схи ве́чера.

По ѳ҃-мъ часѣ̀ во свѣти́льничномъ, ѡ҆блачи́тсѧ настоѧ́тель во всю̀ сщ҃е́ннꙋю ѻ҆де́ждꙋ. И҆ ста́въ пред̾ ст҃о́ю трапе́зою съ кади́льницею зна́менꙋетъ крⷭ҇тови́днѡ, и҆ возглаша́етъ глаго́лѧ: Бл҃гослове́нъ бг҃ъ на́шъ:

И҆ на́мъ ѿвѣща́ющымъ: А҆ми́нь.

И҆ то́й начина́етъ: Хрⷭ҇то́съ воскр҃се и҆з̾ ме́ртвыхъ, сме́ртїю сме́рть попра́въ, и҆ сꙋ́щымъ во гробѣ́хъ живо́тъ дарова́въ. Три́жды.

И҆ мы̀ то́йже пое́мъ, три́жды.

И҆ глаго́летъ настоѧ́тель преждеречє́ныѧ стїхѝ: а҃-й, Да воскрⷭ҇нетъ бг҃ъ: в҃-й, Ꙗ҆́кѡ и҆счеза́етъ ды́мъ: г҃-й, Та́кѡ да поги́бнꙋтъ грѣ̑шницы: д҃-й, Се́й де́нь, є҆го́же сотворѝ гдⷭ҇ь: Мы́ же на кі́йждо сті́хъ пое́мъ: Хрⷭ҇то́съ воскр҃се: по є҆ди́ножды.

Сла́ва: Мы́ же, Хрⷭ҇то́съ воскр҃се: И҆ ны́нѣ: Мы́ же, Хрⷭ҇то́съ воскр҃се:

И҆ па́ки настоѧ́тель: Хрⷭ҇то́съ воскр҃се и҆з̾ ме́ртвыхъ, сме́ртїю сме́рть попра́въ:

И҆ мы̀ коне́цъ, И҆ сꙋ́щымъ во гробѣ́хъ живо́тъ дарова́въ.

Та́же є҆ктенїа̀ вели́каѧ: Ми́ромъ гдⷭ҇ꙋ помо́лимсѧ.

[зрѝ] [Подоба́етъ вѣ́дати: Ꙗ҆́кѡ по внегда̀ нача́ти, і҆ере́й кади́тъ ст҃ꙋ́ю трапе́зꙋ по ѻ҆бы́чаю, и҆ ве́сь ѻ҆лта́рь. На вече́рни, на Гдⷭ҇и воззва́хъ: На ᲂу҆́трени, въ нача́лѣ канѡ́на и҆схо́дитъ и҆ кади́тъ хра́мъ и҆ ли́ки и҆ бра́тїю по ѻ҆быкнове́нномꙋ чи́нꙋ. Посе́мъ, Гдⷭ҇и воззва́хъ, во гла́съ в҃. И҆ пое́мъ стїхи̑ры на ѕ҃: воскрⷭ҇ны г҃, гла́съ г҃: Пре́жде вѣ̑къ: и҆ а҆натѡ́лїевы г҃:

Сла́ва, Сп҃си́тельнꙋю пѣ́снь пою́ще: И҆ ны́нѣ, бг҃оро́диченъ: Пре́йде сѣ́нь:

Вхо́дъ со є҆ѵⷢ҇лїемъ. Свѣ́те ти́хїй:

Та́же, Прокі́менъ вели́кїй, гла́съ з҃: Кто̀ бг҃ъ ве́лїй, ꙗ҆́кѡ бг҃ъ на́шъ:

Сті́хъ а҃-й, Сказа́лъ є҆сѝ въ лю́дехъ си́лꙋ твою̀:

Сті́хъ в҃-й, И҆ рѣ́хъ: ны́нѣ нача́хъ, сїѧ̀ и҆змѣ́на десни́цы вы́шнѧгѡ:

Сті́хъ г҃-й, Помѧнꙋ́хъ дѣла̀ гдⷭ҇нѧ, ꙗ҆́кѡ помѧнꙋ̀ ѿ нача́ла чꙋдеса̀ твоѧ̑.

И҆ па́ки: Кто̀ бг҃ъ ве́лїй:

По прокі́менѣ же возглаша́етъ дїа́конъ, И҆ ѡ҆ сподо́битисѧ

Чте́тъ є҆ѵⷢ҇лїе настоѧ́тель во ѻ҆лтарѝ, і҆ѡа́нна, зача́ло ѯ҃є: Сꙋ́щꙋ по́здѣ въ де́нь то́й: Коне́цъ, Не и҆мꙋ̀ вѣ́ры

Посе́мъ є҆ктенїа̀: Рце́мъ всѝ: и҆ Сподо́би гдⷭ҇и въ ве́черъ се́й:

Та́же, И҆спо́лнимъ вече́рнюю мл҃твꙋ:

И҆ по возгла́сѣ пое́мъ стїхи́рꙋ воскрⷭ҇нꙋ, гла́съ в҃, Воскрⷭ҇нїе твоѐ хрⷭ҇тѐ сп҃се:

Та́же стїхи̑ры па́схи, гла́съ є҃: Па́сха сщ҃е́ннаѧ: съ припѣ́вы и҆́хъ.

Сла́ва, и҆ ны́нѣ: Воскрⷭ҇нїѧ де́нь:

Хрⷭ҇то́съ воскр҃се: три́жды, кромѣ̀ конца̀ стїхи́ры.

Та́же дїа́конъ: Премꙋ́дрость.

Мы́ же, Бл҃гословѝ.

Настоѧ́тель: Сы́й бл҃гослове́нъ хрⷭ҇то́съ бг҃ъ на́шъ:

И҆ мы̀, Оу҆твердѝ бж҃е:

Та́же настоѧ́тель, вмѣ́стѡ, Сла́ва тебѣ̀ хрⷭ҇тѐ бж҃е: Хрⷭ҇то́съ воскр҃се и҆з̾ ме́ртвыхъ:

И҆ мы̀, И҆ сꙋ́щымъ во гробѣ́хъ живо́тъ дарова́въ.

И҆ а҆́бїе глаго́летъ ѿпꙋ́стъ со крⷭ҇то́мъ: хрⷭ҇то́съ воскр҃сы́й и҆з̾ ме́ртвыхъ: И҆ прѡ́чаѧ, ꙗ҆́коже и҆з̾ѧви́сѧ въ коне́цъ ᲂу҆́трени.

[зрѝ] И҆ цѣлꙋ́емъ ст҃ы̑ѧ і҆кѡ̑ны. И҆ вхо́димъ въ трапе́зꙋ, и҆ глаго́лемъ: Хрⷭ҇то́съ воскр҃се: три́жды.

Сла́ва, и҆ ны́нѣ:

Настоѧ́тель, хрⷭ҇тѐ бж҃е бл҃гословѝ:

По воста́нїи же ѿ трапе́зы, глаго́лемъ: Хрⷭ҇то́съ воскр҃се: три́жды.

Сла́ва, и҆ ны́нѣ:

Настоѧ́тель, Съ на́ми бг҃ъ свое́ю бл҃года́тїю:

И҆ та́кѡ твори́мъ во всю̀ седми́цꙋ свѣ́тлꙋю вече́рни вослѣ́дованїе.

Въ понедѣ́льникъ свѣ́тлыѧ седми́цы на ᲂу҆́трени.

Пре́жде нача́ла вжига́етъ канди̑ла и҆ свѣщы̀ параекклисїа́рхъ:

Та́же кле́плетъ въ вели́кїй кампа́нъ, и҆ въ про́чыѧ.

И҆ собра́вшымсѧ на́мъ во хра́мъ, і҆ере́й полага́етъ ѻ҆бы́чный покло́нъ настоѧ́телю, и҆ ѿхо́дитъ во ст҃ы́й ѻ҆лта́рь, и҆ взе́мъ кади́льницꙋ стои́тъ пред̾ ст҃о́ю трапе́зою, кромѣ̀ сщ҃е́нническїѧ ѻ҆де́жды, є҆пїтрахі́лїй то́чїю возло́жъ све́рхъ ма́нтїи: кади́тъ крⷭ҇тоѡбра́знѡ, глаго́лѧ: Сла́ва ст҃ѣ́й и҆ є҆диносꙋ́щнѣй:

И҆ начина́емъ тропа́рь, Хрⷭ҇то́съ воскр҃се: три́жды.

И҆ на́мъ то́жде ѿвѣща́ющымъ. и҆ пое́мъ: Хрⷭ҇то́съ воскр҃се: со стїхѝ є҆гѡ̀, ꙗ҆́коже и҆з̾ѧви́сѧ въ недѣ́лю ᲂу҆́тра и҆ ве́чера: въ мїрски́хъ же хра́мѣхъ ѡ҆блачи́тсѧ і҆ере́й въ ри̑зы.

Та́же, є҆ктенїа̀ вели́каѧ.

И҆ по возгла́сѣ а҆́бїе пое́мъ канѡ́нъ: Воскрⷭ҇нїѧ де́нь: і҆рмосы̀ по два́жды, тропари́ же на і҃, съ припѣ́вомъ: Хрⷭ҇то́съ воскр҃се:

Въ сла́ва же, и҆ И҆ ны́нѣ, глаго́лемъ бг҃оро́дичны господи́на ѳеофа́на, и҆ господи́на і҆ѡ́сифа.

Катава́сїа ѻ҆́ба ли̑ка вкꙋ́пѣ: Воскрⷭ҇нїѧ де́нь: И҆ послѣдѝ: Хрⷭ҇то́съ воскр҃се: три́жды.

И҆ глаго́лемъ сїѐ во всю̀ седми́цꙋ вкꙋ́пѣ со і҆рмосы̀ на д҃і. По г҃-й пѣ́сни, ѵ҆пакоѝ: Предвари́вшыѧ ᲂу҆́тро: И҆ чте́нїе на а҃- ю кни́гꙋ: Въ нача́лѣ бѣ̀ сло́во: ѿ і҆ѡа́нна толкова́нїе златоꙋ́стагѡ. [Ѿ сегѡ́ бо днѐ начина́емъ сїю̀ кни́гꙋ, и҆ да́же до всѣ́хъ ст҃ы́хъ соверша́емъ. По ѕ҃-й пѣ́сни конда́къ: А҆́ще и҆ во гро́бъ: и҆ і҆́косъ, и҆ чте́нїе. И҆ по не́мъ: Воскрⷭ҇нїе хрⷭ҇то́во: три́жды. И҆ Воскр҃съ і҆и҃съ ѿ гро́ба: три́жды. И҆ а҆́бїе про́чыѧ пѣ̑сни. ѳ҃-ю пѣ́снь пое́мъ съ припѣ́вы.

Та́же свѣти́ленъ: Пло́тїю ᲂу҆снꙋ́въ: три́жды. На хвали́техъ, Всѧ́кое дыха́нїе: И҆ пое́мъ стїхи̑ры воскрⷭ҇ны, на д҃, гла́съ в҃: Всѧ́кое дыха́нїе и҆ всѧ̀ тва́рь: И҆ стїхи̑ры па́схи, съ припѣ́вы и҆́хъ, ꙗ҆́коже предписа́сѧ во ᲂу҆́трени недѣ́ли. И҆ є҆ктєнїѝ, и҆ ѿпꙋ́стъ, и҆ ча́съ а҃-й.

Си́це же быва́етъ слꙋ́жба ᲂу҆́трени, во всю̀ седми́цꙋ свѣ́тлꙋю. Твори́мъ же и҆ лїті́ю внѣ̀ ѻ҆би́тели.

[зрѝ] Подоба́етъ вѣ́дати: Ꙗ҆́кѡ твори́мъ и҆схожде́нїе дне́сь внѣ̀ монастырѧ̀, предносѧ́ще хорꙋ̑гви. Въ рꙋка́хъ же держа́ще ст҃о́е є҆ѵⷢ҇лїе, чⷭ҇тны́й крⷭ҇тъ, и҆ і҆кѡ̑ны, воскрⷭ҇нїѧ хрⷭ҇то́ва, и҆ пречⷭ҇тыѧ бцⷣы. Пое́мъ канѡ́нъ па́схи съ бг҃оро́дичны, на и҃, Катава́сїа, і҆рмо́съ то́йже. По ѕ҃-й пѣ́сни, послѣдѝ є҆ѵⷢ҇лїа глаго́лемъ: Воскрⷭ҇нїе хрⷭ҇то́во: три́жды.

Та́же, стїхи́ра: Воскр҃съ і҆и҃съ ѿ гро́ба: три́жды.

Та́же з҃-ѧ, и҃-ѧ и҆ ѳ҃- ѧ пѣ̑сни: и҆ про́чее моле́бна, ли́стъ уѯ҃в.

На лїтꙋргі́и, а҆нтїфѡ́ны па́схи непремѣ́ннѡ, ꙗ҆́коже ᲂу҆каза́сѧ въ недѣ́лю па́схи.

Прокі́менъ а҆пⷭ҇ла, гла́съ и҃. Во всю̀ зе́млю и҆зы́де вѣща́нїе и҆́хъ:

Сті́хъ: Нб҃са̀ повѣ́даютъ сла́вꙋ бж҃їю:

А҆по́столъ дѣѧ́нїй, зача́ло в҃: Возврати́шасѧ а҆пⷭ҇ли во і҆ерⷭ҇ли́мъ: А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̑ гдⷭ҇и.

Сті́хъ: Бг҃ъ прославлѧ́емь въ совѣ́тѣ ст҃ы́хъ.

Є҆ѵⷢ҇лїе і҆ѡа́нна, зача́ло в҃: Бг҃а никто́же ви́дѣ нигдѣ́же:

Прича́стенъ: Тѣ́ло хрⷭ҇то́во:

На трапе́зѣ быва́етъ ᲂу҆тѣше́нїе вели́кое бра́тїи.

Въ понедѣ́льникъ свѣ́тлыѧ седми́цы ве́чера.

Во свѣти́льничномъ, по Хрⷭ҇то́съ воскр҃се, и҆ про́чихъ, Пое́мъ: Гдⷭ҇и воззва́хъ, на гла́съ г҃: и҆ пое́мъ стїхи̑ры на ѕ҃: воскрⷭ҇ны г҃: Твои́мъ крⷭ҇то́мъ хрⷭ҇тѐ сп҃се: И҆ а҆натѡ́лїевы г҃.

Сла́ва: Недосто́йнѡ стоѧ́ще въ пречи́стомъ домꙋ̀ твое́мъ: И҆ ны́нѣ, бг҃оро́диченъ: Ка́кѡ не диви́мсѧ:

Вхо́дъ съ кади́льницею. Свѣ́те ти́хїй:

Прокі́менъ вели́кїй, гла́съ з҃: Бг҃ъ на́шъ на нб҃сѝ и҆ на землѝ, всѧ̑ є҆ли̑ка восхотѣ̀, сотворѝ.

Сті́хъ: Во и҆схо́дѣ і҆и҃левѣ ѿ є҆гѵ́пта, до́мꙋ і҆а́кѡвлѧ:

Сті́хъ: Мо́ре ви́дѣ и҆ побѣжѐ, і҆ѻрда́нъ возврати́сѧ вспѧ́ть.

Сті́хъ: Что́ ти є҆́сть мо́ре, ꙗ҆́кѡ побѣ́гло є҆сѝ;

И҆ па́ки: Бг҃ъ на́шъ на нб҃сѝ и҆ на землѝ:

Та́же: І҆ере́й, и҆лѝ дїа́конъ глаго́летъ: Рце́мъ всѝ, и҆ про́чее є҆ктенїѝ. Сподо́би гдⷭ҇и:

Та́же: И҆спо́лнимъ вече́рнюю:

И҆ по возгла́сѣ, на стїхо́внѣ стїхи́ра воскрⷭ҇на, гла́съ г҃: Стрⷭ҇тїю твое́ю хрⷭ҇тѐ:

И҆ стїхи̑ры па́схи: съ припѣ́вы и҆́хъ.

Хрⷭ҇то́съ воскр҃се: три́жды. И҆ ѿпꙋ́стъ.

Во вто́рникъ свѣ́тлыѧ седми́цы на ᲂу҆́трени.

Быва́етъ всѐ вослѣ́дованїе непремѣ́ннѡ, ꙗ҆́коже предписа́сѧ.

На хвали́техъ ста́вимъ стїхѝ д҃: и҆ пое́мъ стїхи̑ры воскрⷭ҇ны, гла́съ г҃: Прїиди́те всѝ ꙗ҆зы́цы: И҆ пра́здника стїхи̑ры: Па́сха сщ҃е́ннаѧ: съ припѣ́вы и҆́хъ.

Та́же, Хрⷭ҇то́съ воскр҃се: три́жды.

Є҆ктєнїѝ, и҆ ѿпꙋ́стъ, и҆ ча́съ а҃-й.

На лїтꙋргі́и, а҆нтїфѡ́ны па́схи.

Прокі́менъ а҆пⷭ҇ла, гла́съ г҃.

Пѣ́снь бцⷣы: Вели́читъ дꙋша̀ моѧ̀ гдⷭ҇а:

Сті́хъ: Ꙗ҆́кѡ призрѣ̀ на смире́нїе рабы̀ своеѧ̀:

А҆по́столъ дѣѧ́нїй, зача́ло д҃: Ста́въ пе́тръ со є҆динона́десѧтьми:

А҆ллилꙋ́їа, гла́съ и҃. Воскрⷭ҇нѝ гдⷭ҇и въ поко́й тво́й:

Сті́хъ: Клѧ́тсѧ гдⷭ҇ь дв҃дꙋ и҆́стиною:

Є҆ѵⷢ҇лїе лꙋкѝ, зача́ло рг҃і: Пе́тръ воста́въ течѐ ко гро́бꙋ:

Прича́стенъ: Тѣ́ло хрⷭ҇то́во прїими́те:

Во вто́рникъ свѣ́тлыѧ седми́цы ве́чера.

На Гдⷭ҇и воззва́хъ, ста́вимъ стїхѡ́въ ѕ҃, и҆ пое́мъ стїхи̑ры воскрⷭ҇ны г҃, гла́съ д҃: Животворѧ́щемꙋ твоемꙋ̀ крⷭ҇тꙋ̀: И҆ а҆натѡ́лїевы г҃.

Сла́ва: Гдⷭ҇и, є҆́же ѿ ѻ҆ц҃а̀ твоѐ ржⷭ҇тво̀:

И҆ ны́нѣ, бг҃оро́диченъ: И҆́же тебѐ ра́ди:

Вхо́дъ съ кади́ломъ. Свѣ́те ти́хїй:

Прокі́менъ, гла́съ и҃: Гла́сомъ мои́мъ ко гдⷭ҇ꙋ воззва́хъ, гла́сомъ мои́мъ къ бг҃ꙋ, и҆ внѧ́тъ мѝ.

Сті́хъ: Въ де́нь ско́рби моеѧ̀ бг҃а взыска́хъ.

Сті́хъ: Ѿве́ржесѧ ᲂу҆тѣ́шитисѧ дꙋша̀ моѧ̀.

Сті́хъ: Бж҃е, во ст҃ѣ́мъ пꙋ́ть тво́й.

И҆ па́ки: Гла́сомъ мои́мъ ко гдⷭ҇ꙋ воззва́хъ: На стїхо́внѣ стїхи́ра воскрⷭ҇на, гла́съ д҃: Гдⷭ҇и возше́дъ на крⷭ҇тъ:

Та́же па́схи стїхи̑ры съ припѣ́вы и҆́хъ. И҆ про́чее, ꙗ҆́кѡ предписа́сѧ и҆ ѿпꙋ́стъ.

Въ сре́дꙋ свѣ́тлыѧ седми́цы на ᲂу҆́трени.

Вослѣ́дованїе всѐ пра́здника, ꙗ҆́коже пред̾ѧви́сѧ. На хвали́техъ ста́вимъ стїхѝ д҃. И҆ пое́мъ стїхи̑ры воскрⷭ҇ны, гла́съ д҃: Крⷭ҇тъ претерпѣ́вый и҆ сме́рть: Та́же стїхи̑ры па́схи, съ припѣ́вы и҆́хъ. И҆ ѻ҆бы́чный ѿпꙋ́стъ. И҆ лїті́а внѣ̀ ѻ҆би́тели. Часы́ же по ѻ҆бы́чаю па́схи. На лїтꙋргі́и, а҆нтїфѡ́ны па́схи.

Прокі́менъ а҆пⷭ҇ла, гла́съ ѕ҃: Помѧнꙋ̀ и҆́мѧ твоѐ во всѧ́комъ ро́дѣ и҆ ро́дѣ. Сті́хъ: Слы́ши дщѝ и҆ ви́ждь: А҆по́столъ дѣѧ́нїй, зача́ло є҃: Речѐ пе́тръ къ лю́демъ: мꙋ́жїе і҆и҃льстїи: А҆ллилꙋ́їа, гла́съ в҃: Вели́читъ дꙋша̀ моѧ̀ гдⷭ҇а: Сті́хъ: Ꙗ҆́кѡ призрѣ̀ на смире́нїе рабы̀ своеѧ̀: Є҆ѵⷢ҇лїе і҆ѡа́нна, зача́ло д҃: Стоѧ́ше і҆ѡа́ннъ, и҆ ѿ ᲂу҆чени̑къ є҆гѡ̀ два̀:

Прича́стенъ: Тѣ́ло хрⷭ҇то́во:

Въ сре́дꙋ свѣ́тлыѧ седми́цы ве́чера.

Во свѣти́льничномъ, по Хрⷭ҇то́съ воскр҃се: и҆ є҆ктенїѝ: Пое́мъ стїхи̑ры воскрⷭ҇ны г҃, гла́съ є҃: Чⷭ҇тны́мъ твои́мъ крⷭ҇то́мъ хрⷭ҇тѐ: И҆ а҆натѡ́лїевы г҃,

Сла́ва: Гдⷭ҇и, а҆́да плѣни́вый:

И҆ ны́нѣ, бг҃оро́диченъ: Въ чермнѣ́мъ мо́ри:

Вхо́дъ съ кади́ломъ. Свѣ́те ти́хїй:

Прокі́менъ, гла́съ з҃: Внꙋшѝ бж҃е мл҃твꙋ мою̀, и҆ не пре́зри моле́нїѧ моегѡ̀.

Сті́хъ: Вонми́ ми и҆ ᲂу҆слы́ши мѧ̀.

Сті́хъ: Ꙗ҆́кѡ ᲂу҆клони́ша на мѧ̀ беззако́нїе.

Сті́хъ: Въ къ бг҃ꙋ воззва́хъ, и҆ гдⷭ҇ь ᲂу҆слы́ша мѧ̀, ве́черъ и҆ заꙋ́тра и҆ полꙋ́дне.

Та́же: Внꙋшѝ бж҃е мл҃твꙋ мою̀.

Є҆ктенїа̀. И҆ Сподо́би гдⷭ҇и въ ве́черъ се́й: И҆ прѡ́чаѧ всѧ̑, ꙗ҆́коже пред̾ѧви́сѧ. На стїхо́внѣ, стїхи́ра воскрⷭ҇на, гла́съ є҃: Тебѐ воплоще́ннаго сп҃са хрⷭ҇та̀: И҆ стїхи̑ры па́схи, съ припѣ́вы и҆́хъ, ꙗ҆́коже предписа́сѧ. Хрⷭ҇то́съ воскр҃се: три́жды. И҆ ѿпꙋ́стъ.

Въ четверто́къ свѣ́тлыѧ седми́цы на ᲂу҆́трени.

Быва́етъ вослѣ́дованїе всѐ, ꙗ҆́коже пред̾ѧви́сѧ. На хвали́техъ: Всѧ́кое дыха́нїе: Ста́вимъ стїхѝ д҃. И҆ пое́мъ стїхи̑ры воскрⷭ҇ны, гла́съ є҃: Гдⷭ҇и запеча́танꙋ гро́бꙋ ѿ беззако́нникѡвъ:

Та́же стїхи̑ры па́схи: Хрⷭ҇то́съ воскр҃се: три́жды, и҆ ѿпꙋ́стъ. Часы̀ па́схи.

На лїтꙋргі́и, а҆нтїфѡ́ны па́схи.

Прокі́менъ, гла́съ г҃: По́йте бг҃ꙋ на́шемꙋ, по́йте, по́йте цр҃е́ви на́шемꙋ, по́йте.

Сті́хъ: Всѝ ꙗ҆зы́цы восплещи́те рꙋка́ми:

А҆по́столъ дѣѧ́нїй, зача́ло ѕ҃: Речѐ пе́тръ къ лю́демъ: пока́йтесѧ:

А҆ллилꙋ́їа, гла́съ д҃: Налѧцы̀ и҆ ᲂу҆спѣва́й и҆ ца́рствꙋй.

Сті́хъ: Возлюби́лъ є҆сѝ пра́вдꙋ:

Є҆ѵⷢ҇лїе і҆ѡа́нна, зача́ло и҃: Человѣ́къ нѣ́кїй бѣ̀ ѿ фарїсє́й:

рича́стенъ: Тѣ́ло хрⷭ҇то́во:

Въ четверто́къ свѣ́тлыѧ седми́цы ве́чера.

На Гдⷭ҇и воззва́хъ, стїхи̑ры воскрⷭ҇ны г҃, гла́съ ѕ҃: Побѣ́дꙋ и҆мѣ́ѧй хрⷭ҇тѐ: И҆ а҆натѡ́лїевы г҃.

Сла́ва: Погребе́нїе твоѐ влⷣко:

И҆ ны́нѣ, бг҃оро́диченъ: Кто̀ тебѐ не ᲂу҆блажи́тъ:

Вхо́дъ съ кади́ломъ. Свѣ́те ти́хїй

Прокі́менъ, гла́съ з҃: Возлюблю́ тѧ гдⷭ҇и, крѣ́посте моѧ̀, гдⷭ҇ь ᲂу҆твержде́нїе моѐ.

Сті́хъ: Бг҃ъ мо́й помо́щникъ мо́й, и҆ ᲂу҆пова́ю на него̀.

Сті́хъ: Хвалѧ̀ призовꙋ̀ гдⷭ҇а, и҆ ѿ вра̑гъ мои́хъ сп҃сꙋ́сѧ.

Сті́хъ: Оу҆слы́ша ѿ хра́ма ст҃а́гѡ своегѡ̀ гла́съ мо́й.

Та́же: Возлюблю́ тѧ гдⷭ҇и:

Є҆ктенїа̀: Рце́мъ всѝ: Сподо́би гдⷭ҇и: и҆ прѡ́чаѧ. На стїхо́внѣ, стїхи́ра воскрⷭ҇на, гла́съ ѕ҃: Воскрⷭ҇нїе твоѐ хрⷭ҇тѐ сп҃се: И҆ стїхи̑ры па́схи: Хрⷭ҇то́съ воскр҃се: три́жды. И҆ ѿпꙋ́стъ.

Въ пѧто́къ свѣ́тлыѧ седми́цы на ᲂу҆́трени.

Пое́мъ всѐ вослѣ́дованїе ᲂу҆́трени, ꙗ҆́коже предписа́сѧ въ про́чихъ. На хвали́техъ стїхи̑ры воскрⷭ҇ны д҃, гла́съ ѕ҃: Крⷭ҇тъ тво́й гдⷭ҇и: И҆ стїхи̑ры па́схи, по ѻ҆бы́чаю, и҆ ѿпꙋ́стъ, и҆ ча́съ а҃-й. Часы̀ па́схи.

На лїтꙋргі́и, а҆нтїфѡ́ны па́схи.

Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ:

Сті́хъ: Нб҃са̀ повѣ́даютъ сла́вꙋ бж҃їю:

А҆по́столъ дѣѧ́нїй, зача́ло з҃: Вкꙋ́пѣ пе́тръ и҆ і҆ѡа́ннъ:

А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̑ гдⷭ҇и.

Сті́хъ: Бг҃ъ прославлѧ́емь въ совѣ́тѣ ст҃ы́хъ.

Є҆ѵⷢ҇лїе і҆ѡа́нна, зача́ло з҃: Вни́де і҆и҃съ въ капернаꙋ́мъ:

Прича́стенъ: Тѣ́ло хрⷭ҇то́во прїими́те:

[зрѝ] Нѣ́цыи же въ се́й пѧто́къ свѣ́тлыѧ седми́цы пою́тъ послѣ́дованїе нїки́фора ка́ллїста ѯанѳопꙋ́ла, на прест҃ꙋ́ю бцⷣꙋ живопрїе́мный и҆сто́чникъ, ꙗ҆́коже и҆ всѐ послѣ́дованїе напеча́тасѧ въ пентїкоста́рїахъ: въ тѵ́пїцѣхъ же ни въ каки́хъ не ѡ҆брѣта́етсѧ.

Въ пѧто́къ свѣ́тлыѧ седми́цы ве́чера.

По є҆́же рещѝ, Хрⷭ҇то́съ воскр҃се: и҆ є҆ктенїю̀, на Гдⷭ҇и воззва́хъ ста́вимъ стїхѡ́въ ѕ҃, и҆ пое́мъ стїхи̑ры воскрⷭ҇ны г҃, гла́съ и҃: Вече́рнюю пѣ́снь: И҆ а҆натѡ́лїевы г҃.

Сла́ва: Тѧ̀ сла́вимъ гдⷭ҇и:

И҆ ны́нѣ: бг҃оро́диченъ: Цр҃ь нбⷭ҇ный:

Вхо́дъ. Свѣ́те ти́хїй:

Прокі́менъ, гла́съ и҃: Да́лъ є҆сѝ достоѧ́нїе боѧ́щымсѧ тебѐ гдⷭ҇и.

Сті́хъ: Ѿ конє́цъ землѝ къ тебѣ̀ воззва́хъ.

Сті́хъ: Покры́юсѧ въ кро́вѣ кри́лъ твои́хъ.

Сті́хъ: Та́кѡ воспою̀ и҆́мени твоемꙋ̀ во вѣ́ки.

И҆ па́ки: Да́лъ є҆сѝ достоѧ́нїе:

Та́же, є҆ктенїа̀: Сподо́би гдⷭ҇и: И҆ про́чее. На стїхо́внѣ стїхи́ра воскрⷭ҇на, гла́съ и҃: Возше́лъ є҆сѝ на крⷭ҇тъ і҆и҃се:

Та́же стїхи̑ры па́схи съ припѣ́вы и҆́хъ. Хрⷭ҇то́съ воскр҃се: три́жды. И҆ ѿпꙋ́стъ.

Въ сꙋббѡ́тꙋ свѣ́тлыѧ седми́цы на ᲂу҆́трени вослѣ́дованїе всѐ, ꙗ҆́кѡ предписа́сѧ.

На хвали́техъ стїхи̑ры воскрⷭ҇ны на д҃, гла́съ и҃: Гдⷭ҇и, а҆́ще и҆ сꙋди́лищꙋ предста́лъ є҆сѝ:

Та́же стїхи̑ры па́схи, съ припѣ́вы и҆́хъ: Хрⷭ҇то́съ воскр҃се: три́жды. Є҆ктенїа̀, и҆ ѿпꙋ́стъ, и҆ ча́съ а҃. Часы̀ па́схи.

На лїтꙋргі́и, а҆нтїфѡ́ны па́схи.

Прокі́менъ а҆пⷭ҇ла, гла́съ г҃: Гдⷭ҇ь просвѣще́нїе моѐ:

Сті́хъ: Гдⷭ҇ь защи́титель живота̀ моегѡ̀:

А҆по́столъ дѣѧ́нїй, зача́ло и҃: Держа́щꙋсѧ и҆сцѣлѣ́вшемꙋ хромо́мꙋ:

А҆ллилꙋ́їа, гла́съ є҃. Гдⷭ҇ь воцр҃и́сѧ:

Сті́хъ: И҆́бо ᲂу҆твердѝ вселе́ннꙋю:

Є҆ѵⷢ҇лїе і҆ѡа́нна, зача́ло а҃і: Прїи́де і҆и҃съ и҆ ᲂу҆ч҃нцы̀ є҆гѡ̀: и҆ прѡ́чаѧ лїтꙋргі́и.

Прича́стенъ: Тѣ́ло хрⷭ҇то́во прїими́те:

По ѿпꙋ́стѣ лїтꙋргі́и, И҆дꙋ́щымъ бра́тїѧмъ и҆з̾ цр҃кве въ трапе́зꙋ пре́жде несе́тъ дїа́конъ а҆́ртосъ, без̾ ѡ҆́браза воскрⷭ҇нїѧ хрⷭ҇то́ва. Параекклисїа́рхꙋ же съ бра́тїею въ то̀ вре́мѧ ᲂу҆дарѧ́ющымъ во всѧ̑ зво́ны. Въ трапе́зѣ же внегда̀ сѧ́дꙋтъ бра́тїѧ, кела́рь раздроби́въ хлѣ́бъ, во все́й седми́цѣ воздвиза́емый, вмѣ́стѡ ꙾прест҃ы́ѧ꙾[[꙾панагі́а꙾]], раздае́тъ бра́тїѧмъ пре́жде ѻ҆бы́чнагѡ и҆́хъ ꙗ҆де́нїѧ: и҆ та́кѡ потреблѧ́емъ и҆̀. Пе́рвѣе ре́кше: Хрⷭ҇то́съ воскр҃се: Та́же, Ѻ҆́ч҃е на́шъ: и҆ бл҃гослове́нїе ѻ҆бы́чныѧ трапе́зы, и҆ сѣда́емъ ꙗ҆́сти, чте́цъ же начина́етъ чте́нїе. На трапе́зѣ ᲂу҆тѣше́нїе ве́лїе бра́тїи.

Воста́вше же ѿ трапе́зы, пое́мъ: Хрⷭ҇то́съ воскр҃се: три́жды. Бл҃гослове́нъ бг҃ъ ми́лꙋѧй, и҆ пита́ѧй на́съ: Та́же: Сла́ва тебѣ̀ гдⷭ҇и, сла́ва тебѣ̀ ст҃ы́й. Сла́ва, и҆ ны́нѣ, Гдⷭ҇и поми́лꙋй, три́жды. Бл҃гословѝ. И҆ взе́мъ дїа́конъ хлѣ́бъ ѻ҆бы́чный, во все́мъ лѣ́тѣ возвыша́емый, тремѝ пе́рсты ѻ҆бѣ́ма рꙋка́ма, зна́менꙋетъ и҆́мъ панагїа́ръ крестови́днѡ, глаго́лѧ, Вмѣ́стѡ, Вели́ко и҆́мѧ ст҃ы́ѧ трⷪ҇цы: Хрⷭ҇то́съ воскр҃се: є҆ди́ножды. На́мъ ѿвѣща́ющымъ: Вои́стиннꙋ воскр҃се. Та́же надносѧ̀ ча́сть над̾ ѡ҆́бразъ бцⷣы, глаго́летъ: Прест҃а́ѧ бцⷣе помога́й на́мъ. Мы́ же, Тоѧ̀ мл҃твами хрⷭ҇тѐ бж҃е: И҆ глаго́лемъ: Бл҃жи́мъ тѧ̀ всѝ ро́ди: И҆ і҆рмо́съ ѳ҃ пѣ́сни: Свѣти́сѧ, свѣти́сѧ: съ тропарѝ ѻ҆бѣ́ма є҆ѧ̀. И҆ па́ки: Свѣти́сѧ, свѣти́сѧ: Та́же глаго́летъ настоѧ́тель, А҆́ще же нѣ́сть, глаго́летъ і҆ере́й: Въ премнѡ́гїѧ мольбы̀ пребл҃гослове́нныѧ влⷣчцы: Мы́ же рече́мъ: Тоѧ̀ мл҃твами: І҆ере́й же, Млⷭ҇тивъ и҆ ще́дръ гдⷭ҇ь: Мы́ же, Хрⷭ҇то́съ воскр҃се: три́жды. Трист҃о́е. по Ѻ҆́ч҃е на́шъ: ѵ҆пакоѝ: Предвари́вшыѧ ᲂу҆́тро: Сла́ва, и҆ ны́нѣ: А҆́ще и҆ во гро́бъ: Гдⷭ҇и поми́лꙋй, три́жды. Бл҃гослове́нъ бг҃ъ, ми́лꙋѧй и҆ пита́ѧй на́съ ѿ свои́хъ бога́тыхъ дарѡ́въ: Мы́ же рече́мъ: А҆ми́нь. И҆ проще́нїе ѻ҆бы́чное. Си́це же твори́мъ и҆ до ѿда́нїѧ пра́здника па́схи.

Вѣ́дати подоба́етъ: Ꙗ҆́кѡ въ се́й ст҃о́й второ́й недѣ́ли а҆нтїпа́схи: не пою́тсѧ воскрⷭ҇наѧ, но всѧ̑ пра́здника. Въ сꙋббѡ́тꙋ ве́чера кле́плетъ параекклисїа́рхъ, и҆ собра́вшесѧ въ притво́ръ, бл҃гослови́вшꙋ і҆ере́ю, глаго́лемъ, хрⷭ҇то́съ воскр҃се, три́жды: и҆ ѻ҆бы́чный ѳ҃ ча́съ, триѱа́лмный, ꙗ҆́коже на всѧ́къ де́нь, и҆ глаго́лемъ тропа́рь: Съ высоты̀ снизше́лъ є҆сѝ бл҃гоꙋтро́бне: и҆ конда́къ: А҆́ще и҆ во гро́бъ снизше́лъ є҆сѝ безсме́ртне: На ма́лѣй вече́рни, бл҃гослови́вшꙋ і҆ере́ю, глаго́лемъ: Хрⷭ҇то́съ воскр҃се, три́жды: та́же ѱало́мъ: Бл҃гословѝ дꙋшѐ моѧ̀ гдⷭ҇а: На Гдⷭ҇и воззва́хъ стїхи̑ры на д҃, гла́съ а҃. Подо́бенъ: Нбⷭ҇ныхъ чинѡ́въ: Терпи́тъ хрⷭ҇то́съ чл҃вѣколю́бнѡ и҆ ѡ҆сѧза̑нїѧ:

Сла́ва, и҆ ны́нѣ, гла́съ в҃: По воста́нїи твое́мъ гдⷭ҇и: Свѣ́те ти́хїй:

Прокі́менъ: Гдⷭ҇ь воцр҃и́сѧ:

На стїхо́внѣ стїхи̑ры, гла́съ в҃.

Подо́бенъ: До́ме є҆ѵфра́ѳовъ: Оу҆стна́ми чⷭ҇тыми:

Припѣ́въ: Похвалѝ і҆ерⷭ҇ли́ме гдⷭ҇а: в҃, Ꙗ҆́кѡ ᲂу҆крѣпѝ верєѝ вра́тъ твои́хъ.

Сла́ва, и҆ ны́нѣ, гла́съ и҃ подо́бенъ то́йже: Дае́ши ѽ и҆зба́вителю:

Та́же, Ны́нѣ ѿпꙋща́еши: Трист҃о́е. по Ѻ҆́ч҃е на́шъ: Тропа́рь, гла́съ з҃: Запеча́танꙋ гро́бꙋ, живо́тъ ѿ гро́ба возсїѧ́лъ є҆сѝ хрⷭ҇тѐ бж҃е: и҆ две́ремъ заключє́ннымъ, ᲂу҆ч҃нкѡ́мъ предста́лъ є҆сѝ, всѣ́хъ воскрⷭ҇нїе, дꙋ́хъ пра́вый тѣ́ми ѡ҆бновлѧ́ѧ на́мъ, по вели́цѣй твое́й млⷭ҇ти. И҆ ѿпꙋ́стъ.

[зрѝ] Подоба́етъ вѣ́дати: А҆́ще ли гдѣ̀ нѣ́сть бдѣ́нїѧ въ недѣ́лю: Въ сꙋббѡ́тꙋ на повече́рїи по трист҃о́мъ конда́къ въ трїѡ́ди пра́здника: Сла́ва, и҆ ны́нѣ, па́схи: А҆́ще и҆ во гро́бъ: Си́це же глаго́лемъ и҆ до ѿда́нїѧ па́схи. На вели́цѣй вече́рни, по внегда̀ бл҃гослови́ти і҆ере́ю: Хрⷭ҇то́съ воскр҃се: три́жды. и҆ а҆́бїе пое́мъ предначина́тельный ѱало́мъ: Бл҃гословѝ дꙋшѐ моѧ̀ гдⷭ҇а: съ пѣ́нїемъ ꙗ҆́коже є҆́сть ѻ҆бы́чай. И҆ по и҆сполне́нїи сегѡ̀ стїхосло́вимъ: Бл҃же́нъ мꙋ́жъ, каѳі́смꙋ а҃-ю всю̀. Гдⷭ҇и воззва́хъ, пое́мъ во гла́съ а҃, ста́вимъ стїхѡ́въ і҃, и҆ пое́мъ стїхи̑ры самогла́сны но́выѧ недѣ́ли, гла́съ а҃, і҆ѡа́нна мона́ха: Две́ремъ заключє́ннымъ: Сла́ва, и҆ ны́нѣ, гла́съ ѕ҃: Две́ремъ заключє́ннымъ: Вхо́дъ. Свѣ́те ти́хїй:

Прокі́менъ днѐ: Гдⷭ҇ь воцр҃и́сѧ:

На лїті́и стїхи̑ры, гла́съ д҃: Гдⷭ҇и нестерпи́мымъ твоегѡ̀ бж҃ества̀ блиста́нїемъ:

Сла́ва, и҆ ны́нѣ, гла́съ и҃: Две́ремъ заключє́ннымъ:

На стїхо́внѣ, стїхи̑ры самогла́сны, гла́съ д҃. Ѽ пресла́внагѡ чꙋдесѐ! съ припѣ́вы, пи́саны на ма́лѣй вече́рни.

Сла́ва, и҆ ны́нѣ, гла́съ є҃: Чл҃вѣколю́бче, ве́лїе и҆ безприкла́дное:

Та́же, Ны́нѣ ѿпꙋща́еши:

Трист҃о́е, и҆ по Ѻ҆́ч҃е на́шъ, тропа́рь, гла́съ з҃: Запеча́танꙋ гро́бꙋ: три́жды, пи́санъ на ма́лѣй вече́рни, и҆ бл҃гослове́нїе хлѣ́бѡвъ, и҆ чте́нїе дѣѧ́нїй ст҃ы́хъ а҆пⷭ҇лъ. Чтꙋ́тсѧ же дѣѧ̑нїѧ ѿ нача́ла и҆лѝ бесѣ̑ды златоꙋ́стагѡ ѿ нача́ла.

[зрѝ] [А҆́ще же нѣ́сть бдѣ́нїѧ, по Ны́нѣ ѿпꙋща́еши, по Ѻ҆́ч҃е на́шъ, тропа́рь, Запеча́танꙋ гро́бꙋ: и҆ ѿпꙋ́стъ. Воꙋ́трїи же пое́мъ полꙋ́нощницꙋ воскрⷭ҇нꙋю, на не́йже пое́мъ канѡ́нъ трⷪ҇чный ѻ҆ктѡ́иха а҃-гѡ гла́са, пѣва́емый на полꙋ́нощницѣ. По канѡ́нѣ же, Досто́йно є҆́сть: трⷪ҇чное, и҆ про́чее. Трист҃о́е, по Ѻ҆́ч҃е на́шъ: тропа́рь: Запеча́танꙋ гро́бꙋ: гдⷭ҇и поми́лꙋй, м҃. Сла́ва, и҆ ны́нѣ, Чⷭ҇тнѣ́йшꙋю херꙋві̑мъ: Сті́хъ: Бж҃е ᲂу҆ще́дри ны̀: и҆ мл҃тва: Всемогꙋ́щаѧ и҆ животворѧ́щаѧ: и҆ ѿпꙋ́стъ. По сконча́нїи же чте́нїѧ глаго́лемъ шестоѱа́лмїе, и҆ по и҆сполне́нїиси́хъ є҆ктенїа̀ вели́каѧ. пото́мъ, Бг҃ъ гдⷭ҇ь, пое́мъ во гла́съ з҃: Тропа́рь пра́здника: три́жды. Та́же стїхосло́вимъ каѳі̑смы двѣ̀. и҆ по каѳі́смахъ сѣда́льны пра́здника, и҆ чте́нїе пра́здника. Та́же полѷеле́й, и҆ сѣда́ленъ пра́здника, и҆ чте́нїе. Посе́мъ степє́нна, а҃-й а҆нтїфѡ́нъ д҃-гѡ гла́са.

Прокі́менъ, гла́съ д҃: Похвалѝ і҆ерⷭ҇ли́ме гдⷭ҇а:

Сті́хъ: Ꙗ҆́кѡ ᲂу҆крѣпѝ верєѝ вра́тъ твои́хъ.

Всѧ́кое дыха́нїе: Є҆ѵⷢ҇лїе матѳе́а, зача́ло рѕ҃і, ᲂу҆́треннее воскрⷭ҇но а҃: Є҆динїина́десѧть ᲂу҆ч҃нцы̀:

Та́же: Воскрⷭ҇нїе хрⷭ҇то́во: три́жды. ѱало́мъ н҃. и҆ цѣлова́нїе є҆ѵⷢ҇лїа.

Та́же; Сла́ва, Мл҃твами а҆пⷭ҇лѡвъ:

И҆ ны́нѣ, Мл҃твами бцⷣы:

Посе́мъ стїхи́ра: Воскр҃съ і҆и҃съ ѿ гро́ба:

Та́же, Сп҃сѝ бж҃е лю́ди твоѧ̑:

И҆ а҆́бїе канѡ́нъ пра́здника, творе́нїе і҆ѡа́нна мона́ха, гла́съ а҃. І҆рмосы̀ по два́жды: Пои́мъ всѝ лю́дїе: Тропарѝ на в҃і, Катава́сїа: Воскрⷭ҇нїѧ де́нь: ѻ҆́ба ли̑ка вкꙋ́пѣ. Ѿ дне́сь начина́емъ глаго́лати: Пои́мъ гдⷭ҇еви, во всю̀ н҃-цꙋ. По г҃-й пѣ́сни, ѵ҆пакоѝ, гла́съ ѕ҃: Ꙗ҆́кѡ посредѣ̀ ᲂу҆ч҃нкѡ́въ твои́хъ: и҆ чте́нїе Въ бг҃осло́вѣ, є҆гѡ́же нача́ло: Ѡ҆бновле́нїемъ чти́тсѧ: По ѕ҃-й пѣ́сни,

Конда́къ, гла́съ и҃: Любопы́тною десни́цею, жизнопода́тєльнаѧ твоѧ̑ ре́бра, ѳѡма̀ и҆спыта̀ хрⷭ҇тѐ бж҃е, созаключє́ннымъ бо две́ремъ ꙗ҆́кѡ вше́лъ є҆сѝ, съ про́чими а҆пⷭ҇лы вопїѧ́ше тебѣ̀: гдⷭ҇а є҆сѝ и҆ бг҃ъ мо́й.

И҆ і҆́косъ и҆ сѷнаѯа́рїй. На ѳ҃-й пѣ́сни, Чⷭ҇тнѣ́йшꙋю не пое́мъ, но і҆рмо́съ кі́йждо ли́къ: По ѳ҃-й пѣ́сни, катава́сїа: Свѣти́сѧ, свѣти́сѧ: И҆ покло́нъ.

Та́же: Ст҃ъ гдⷭ҇ь бг҃ъ на́шъ, на гла́съ а҃.

Свѣти́ленъ. Подо́бенъ: И҆́бо ѕвѣзда́ми: Мои́хъ ᲂу҆дѡ́въ: два́жды.

Сла́ва, и҆ ны́нѣ: Дне́сь весна̀ бл҃гоꙋха́етъ:

На хвали́техъ стїхи̑ры на д҃: гла́съ а҃.

Подо́бенъ: Всехва́льнїи мч҃нцы: По є҆́же и҆з̾ гро́ба:

Сла́ва, гла́съ ѕ҃: По дне́хъ ѻ҆сми́хъ воста́нїѧ твоегѡ̀:

И҆ ны́нѣ: Пребл҃гослове́нна є҆сѝ:

Славосло́вїе вели́кое, и҆ тропа́рь пра́здника. Є҆ктєнїѝ, и҆ ѿпꙋ́стъ. Начина́ютсѧ же ѿдне́сь лїті̑и, си́рѣчь и҆схождє́нїѧ въ притво́ръ, та́кожде и҆ ѡ҆глашє́нїѧ прпⷣбнагѡ ѻ҆тца̀ на́шегѡ ѳео́дѡра стꙋді́та: въ ни́хже пое́мъ: Сла́ва, и҆ ны́нѣ, стїхи́рꙋ є҆ѵⷢ҇льскꙋю, гла́съ а҃: На го́рꙋ ᲂу҆ч҃нкѡ́мъ и҆дꙋ́щымъ:

[зрѝ] Внемлѝ, Ꙗ҆́кѡ лїті̑и въ притво́рѣ пре́жде а҃- гѡ часа̀ быва́ютъ и҆ ѡ҆глашє́нїѧ стꙋді́тѡва. Пото́мъ ча́съ и҆ про́чее ѻ҆бы́чно, и҆ соверше́нный ѿпꙋ́стъ.

[зрѝ] Вѣ́домо бꙋ́ди, ꙗ҆́кѡ вослѣ́дованїе слꙋчи́вшихсѧ ст҃ы́хъ во всѣ́хъ недѣ́лѧхъ ст҃ы́ѧ н҃-цы, пое́мъ въ повече́рїѧхъ.

Лїтꙋргі́а быва́етъ пора́нꙋ, трꙋда̀ ра́ди бдѣ́ннагѡ. Часы̀ глаго́лютсѧ триѱа́лмнїи по ᲂу҆ста́вꙋ, въ притво́рѣ, на ни́хже глаго́лемъ тропа́рь и҆ конда́къ пра́здника.

[зрѝ] Вѣ́домо бꙋ́ди, ꙗ҆́кѡ ѿ недѣ́ли но́выѧ и҆ до ѿда́нїѧ пра́здника па́схи, нача́ло лїтꙋргі́и си́це быва́етъ: по є҆́же рещѝ дїа́конꙋ: Бл҃гословѝ влады́ко. И҆ і҆ере́й: Бл҃гослове́но црⷭ҇тво: и҆ пое́тъ і҆ере́й: Хрⷭ҇то́съ воскр҃се: три́жды, ве́сь тропа́рь, кромѣ̀ стїхѡ́въ: Да воскр҃снетъ бг҃ъ: Та́же є҆ктенїа̀, и҆ про́чее лїтꙋргі́и. Вмѣ́стѡ же Досто́йно: пое́мъ: А҆́гг҃лъ вопїѧ́ше бл҃года́тнѣй: Та́же і҆рмо́съ: Свѣти́сѧ, свѣти́сѧ: Є҆гда́ же рече́тъ і҆ере́й: Со стра́хомъ бж҃їимъ: и҆ мы̀: Бл҃гослове́нъ грѧды́й во и҆́мѧ гдⷭ҇не: І҆ере́й: Сп҃сѝ бж҃е лю́ди твоѧ̑: И҆ мы̀ вмѣ́стѡ тропарѧ̀: Ви́дѣхомъ свѣ́тъ и҆́стинный: пое́мъ: Хрⷭ҇то́съ воскр҃се: є҆ди́ножды. и҆ до ѿда́нїѧ па́схи. Быва́етъ же и҆ прѡ́чаѧ лїтꙋргі́и по ѻ҆бы́чаю. По ѿпꙋ́стѣ же є҆гда̀ рече́тъ: Сла́ва тебѣ̀ хрⷭ҇тѐ бж҃е: и҆ мы̀: Хрⷭ҇то́съ воскр҃се: три́жды. Та́же ѿпꙋ́стъ лїтꙋргі́и по ѻ҆бы́чаю.

На лїтꙋргі́и, начина́емъ и҆з̾ѡбрази́тєльнаѧ. И҆ пое́мъ во бл҃же́ннахъ ѿ канѡ́на пра́здника пѣ́снь г҃-ю, и҆ ѕ҃-ю. По вхо́дѣ тропа́рь: Запеча́танꙋ гро́бꙋ: Сла́ва, и҆ ны́нѣ, конда́къ: Любопы́тною десни́цею:

Прокі́менъ а҆пⷭ҇ла, гла́съ г҃: Ве́лїй гдⷭ҇ь на́шъ, и҆ ве́лїѧ крѣ́пость є҆гѡ̀, и҆ ра́зꙋма є҆гѡ̀ нѣ́сть числа̀.

Сті́хъ: Хвали́те гдⷭ҇а. ꙗ҆́кѡ бла́гъ ѱало́мъ: бг҃ови на́шемꙋ да ᲂу҆слади́тсѧ хвале́нїе.

А҆по́столъ дѣѧ́нїй, зача́ло д҃і: Рꙋка́ми а҆пⷭ҇льскими бы́ша зна́мєнїѧ:

А҆ллилꙋ́їа, гла́съ и҃: Прїиди́те возра́дꙋемсѧ гдⷭ҇еви:

Сті́хъ. Ꙗ҆́кѡ бг҃ъ ве́лїй гдⷭ҇ь:

Є҆ѵⷢ҇лїе і҆ѡа́нна, зача́ло ѯ҃є: Сꙋ́щꙋ по́здѣ въ де́нь то́й:

Прича́стенъ: Похвалѝ і҆ерⷭ҇ли́ме гдⷭ҇а, хвалѝ бг҃а твоего̀ сїѡ́не.

А҆ллилꙋ́їа, три́жды.

Входѧ́ще же въ трапе́зꙋ, глаго́лемъ ѱало́мъ рм҃д. На трапе́зѣ быва́етъ ᲂу҆тѣше́нїе бра́тїи ве́лїе. И҆ воста́вше ѿ трапе́зы глаго́лемъ преждепи̑саннаѧ всѧ̑ въ сꙋббѡ́тꙋ свѣ́тлыѧ седми́цы.

Въ недѣ́лю а҆нтїпа́схи ве́чера,

Бл҃гослови́вшꙋ і҆ере́ю, глаго́лемъ: Хрⷭ҇то́съ воскр҃се: три́жды:

Та́же трист҃о́е. и҆ по Ѻ҆́ч҃е на́шъ: Гдⷭ҇и поми́лꙋй, в҃і.

Сла́ва, и҆ ны́нѣ: Прїиди́те поклони́мсѧ: три́жды.

и҆ глаго́лемъ ѳ҃-й ча́съ ѻ҆бы̑чныѧ трѝ ѱалмы̀. тропа́рь и҆ конда́къ пра́здника.

Та́же пое́мъ вече́рню без̾ каѳі́смы. Гдⷭ҇и воззва́хъ, пое́мъ во гла́съ а҃. Стїхи̑ры на ѕ҃: пра́здника г҃, гла́съ а҃.

Подо́бенъ: Всехва́льнїи мч҃нцы: И҆ ст҃а́гѡ, мине́и подо́бны трѝ.

Сла́ва, ст҃а́гѡ: А҆́ще ли нѝ, Сла́ва, и҆ ны́нѣ, пра́здника, гла́съ а҃: Две́ремъ заключє́ннымъ: Вхо́дъ, Свѣ́те ти́хїй:

Прокі́менъ вели́кїй, гла́съ з҃: Кто̀ бг҃ъ ве́лїй, ꙗ҆́кѡ бг҃ъ на́шъ:

Сті́хъ: Сказа́лъ є҆сѝ въ лю́дехъ си́лꙋ твою̀.

Сті́хъ: И҆ рѣ́хъ: ны́нѣ нача́хъ, сїѧ̀ и҆змѣ́на десни́цы вы́шнѧгѡ.

Сті́хъ: Помѧнꙋ́хъ дѣла̀ гдⷭ҇нѧ: И҆ па́ки: Кто̀ бг҃ъ ве́лїй, ꙗ҆́кѡ бг҃ъ на́шъ;

Та́же є҆ктенїа̀: Рце́мъ всѝ: и҆ Сподо́би гдⷭ҇и въ ве́черъ се́й:

И҆ є҆ктенїа̀, И҆спо́лнимъ вече́рнюю мл҃твꙋ на́шꙋ гдⷭ҇еви.

На стїхо́внѣ, стїхи́ра воскрⷭ҇на ѻ҆смогла́сника, гла́съ а҃: Вечє́рнїѧ на́шѧ мл҃твы: И҆ ᲂу҆мили́тельный є҆ди́нъ: Ꙗ҆́кѡ пꙋчи́на ве́лїѧ: И҆ мч҃нченъ: Мл҃твами гдⷭ҇и: Припѣ́вы глаго́лемъ ѻ҆бы̑чныѧ: Къ тебѣ̀ возведо́хъ ѻ҆́чи моѝ: Дрꙋгі́й: Поми́лꙋй на́съ гдⷭ҇и, поми́лꙋй на́съ:

Сла́ва, и҆ ны́нѣ, гла́съ а҃: По дне́хъ ѻ҆сми́хъ:

По трист҃о́мъ тропа́рь пра́здника. А҆́ще ли тропа́рь ст҃а́гѡ, рцы̀ є҆го̀ пре́жде: Пото́мъ, Сла́ва, и҆ ны́нѣ, пра́здника: Запеча́танꙋ гро́бꙋ: и҆ ѿпꙋ́стъ.

[зрѝ] Си́це ᲂу҆́бѡ быва́етъ вослѣ́дованїе вече́рнѧмъ во всѧ̑ недѣ̑ли ст҃ы́ѧ пентїко́стїи.

[зрѝ] Ѿ днѐ сегѡ̀ глаго́лемъ повече́рїе ма́лое, и҆ пое́мъ канѡ́нъ моле́бный прест҃ы́ѧ бцⷣы, во ѻ҆ктѡ́ихѣ. и҆ трипѣ́снцы трїѡ́ди днѐ, творе́нїе господи́на і҆ѡ́сифа. И҆дѣ́же глаго́лемъ трипѣ́снецъ, бцⷣы пѣ́снь канѡ́на ѡ҆ставлѧ́етсѧ. По Досто́йно, и҆ по Ѻ҆́ч҃е на́шъ, глаго́лемъ конда́къ пра́здника, во всю̀ н҃-цꙋ: Въ лїтꙋргі́ахъ же пое́тсѧ на бл҃же́ннахъ, ѿ канѡ́на пра́здника недѣ́ли, пѣ́снь рѧдова́ѧ. на кі́йждо де́нь со і҆рмосо́мъ на ѕ҃, Си́це: Въ понедѣ́льникъ, а҃. Во вто́рникъ, д҃. Въ сре́дꙋ, є҃. Въ четверто́къ, з҃. Въ пѧто́къ и҃. Въ сꙋббѡ́тꙋ, ѳ҃.

Въ понедѣ́льникъ в҃-ѧ седми́цы а҆нтїпа́схи на ᲂу҆́трени.

По внегда̀ сотвори́ти і҆ере́ю нача́ло: Сла́ва ст҃ѣ́й: глаго́лемъ: Хрⷭ҇то́съ воскр҃се: три́жды: ти́химъ гла́сомъ. Сїе́ бо глаго́лемъ нача́ло: Хрⷭ҇то́съ воскр҃се: въ часѣ́хъ, и҆ вече́рнѧхъ и҆ повече́рїѧхъ, ѿ сеѧ̀ ᲂу҆́трени недѣ́ли а҆нтїпа́схи, да́же и҆ до вознесе́нїѧ гдⷭ҇нѧ. [К]а́кѡ ᲂу҆́бѡ не и҆звѣсти́сѧ ѡ҆ полꙋ́нощницѣ, ꙗ҆́вѣ ꙗ҆́кѡ въ ке́ллїахъ мню̀ се́й бы́ти пѣва́емѣй: поне́же ᲂу҆́бѡ и҆ та́мѡ си́це нача́ло быва́етъ. И҆ а҆́бїе по Хрⷭ҇то́съ воскр҃се: Сла́ва въ вы́шнихъ бг҃ꙋ: и҆ ѻ҆бы́чное шестоѱа́лмїе. Є҆ктенїа̀ вели́каѧ.

Та́же Бг҃ъ гдⷭ҇ь: во гла́съ з҃.

Тропа́рь пра́здника: Запеча́танꙋ гро́бꙋ: три́жды. Се́й тропа́рь глаго́летсѧ чрез̾ всю̀ седми́цꙋ.

И҆ стїхосло́вимъ каѳі̑смы двѣ̀, а҆ г҃-ѧ рѧдова́ѧ на вече́рни. [И]҆ та́кѡ пое́мъ ѱалти́рь, до к҃а септе́мврїа.

По а҃ каѳі́смѣ сѣда́ленъ воскрⷭ҇нъ, гла́съ а҃: Гро́бъ тво́й сп҃се:

Та́же ᲂу҆мили́тельный: Въ беззако́нїихъ зача́тъ є҆́смь:

И҆ мч҃нченъ: Страда́нїѧ похвало́ю:

Сла́ва, и҆ ны́нѣ, бг҃оро́диченъ: Чꙋ́до чꙋде́съ:

Припѣ́вы же глаго́лемъ ѻ҆бы̑чныѧ: Гдⷭ҇и да не ꙗ҆́ростїю твое́ю ѡ҆бличи́ши менѐ: Дрꙋгі́й: Ди́венъ бг҃ъ во ст҃ы́хъ:

Та́же чте́нїе въ толкова́нїи і҆ѡа́нна є҆ѵⷢ҇лїа.

По в҃-й каѳі́смѣ сѣда́ленъ пра́здника, гла́съ а҃.

Подо́бенъ: Гро́бъ тво́й: Прикоснꙋ́выйсѧ рꙋко́ю ре́брѡмъ:

Сла́ва, и҆ ны́нѣ, то́йже. и҆ чте́нїе.

Та́же, Воскрⷭ҇нїе хрⷭ҇то́во ви́дѣвше: є҆ди́ножды. и҆ ѱало́мъ н҃.

[зрѝ] Си́це во твори́мъ до вознесе́нїѧ гдⷭ҇нѧ, нижѐ Гдⷭ҇еви пое́мъ, глаго́лемъ, но глаго́лемъ ꙗ҆́коже написа́сѧ во і҆рмоло́гїахъ. Нача́ло же твори́мъ ѿ і҆рмосѡ́въ, и҆̀хже и҆ повторѧ́емъ, пою́ще и҆ тропарѝ на ѕ҃: и҆ ст҃а́гѡ мине́и на д҃. По г҃-й пѣ́сни, конда́къ и҆ сѣда́ленъ ст҃а́гѡ: Сла́ва, и҆ ны́нѣ, пра́здника, По ѕ҃-й пѣ́сни, конда́къ и҆ і҆́косъ пра́здника. и҆ стїхосло́вимъ Чⷭ҇тнѣ́йшꙋю: По ѳ҃-й пѣ́сни, свѣти́ленъ пра́здника. Сла́ва, ст҃а́гѡ, а҆́ще є҆́сть: И҆ ны́нѣ, пра́здника дрꙋгі́й свѣти́ленъ. На хвали́техъ стїхи̑ры на д҃, воскрⷭ҇нъ, гла́съ а҃: Пое́мъ твою̀ хрⷭ҇тѐ: два́жды. и҆ ᲂу҆мили́тельный є҆ди́нъ: и҆ мч҃нченъ. Сла́ва, и҆ ны́нѣ, пра́здника, гла́съ а҃: Ѳѡма̀ глаго́лемый близне́цъ: Та́же: Сла́ва тебѣ̀ показа́вшемꙋ на́мъ свѣ́тъ: и҆ є҆ктенїа̀: И҆спо́лнимъ ᲂу҆́треннюю мл҃твꙋ на́шꙋ: На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Оу҆стна́ми чⷭ҇тыми: Припѣ́вы же глаго́лемъ: а҃-й, Похвалѝ і҆ерⷭ҇ли́ме гдⷭ҇а: в҃-й, Ꙗ҆́кѡ ᲂу҆крѣпѝ верєѝ вра́тъ твои́хъ: Сла́ва, ст҃а́гѡ, а҆́ще є҆́сть: И҆ ны́нѣ, пра́здника, гла́съ а҃: Оу҆ч҃нкѡ́мъ сомнѧ́щымсѧ: Тропа́рь пра́здника: Запеча́танꙋ гро́бꙋ: Та́же є҆ктенїа̀: Поми́лꙋй на́съ бж҃е: Посе́мъ і҆ере́й: Сы́й бл҃гослове́нъ: Ли́къ: Оу҆твердѝ бж҃е: И҆ а҆́бїе совокꙋплѧ́емъ ча́съ а҃-й, трѝ ѱалма̀ по ѻ҆бы́чаю. Тропа́рь и҆ конда́къ пра́здника, и҆ ст҃а́гѡ. [зрѝ] А҆́ще же ст҃а́гѡ на д҃, конда́къ глаго́летсѧ пра́здника непремѣ́ннѡ, а҆ ст҃а́гѡ конда́къ не глаго́летсѧ. и҆ быва́етъ соверше́нный ѿпꙋ́стъ. и҆ ѻ҆бы́чнаѧ лїті́а въ притво́рѣ. [зрѝ] Начина́емъ же ѿ дне́сь и҆ междоча̑сїѧ часѡ́въ, по послѣ́довавшемꙋ ᲂу҆ста́вꙋ.

[зрѝ] Подоба́етъ вѣ́дати: Ꙗ҆́коже написа́сѧ здѣ̀ вослѣ́дованїе, въ недѣ́лю ве́чера во свѣти́льничномъ, и҆ въ понедѣ́льникъ во ᲂу҆́трени: Си́це быва́етъ во всѣ́хъ седми́цахъ до вознесе́нїѧ гдⷭ҇нѧ, и҆змѣнѧ́ємымъ стїхи́рамъ ѻ҆смогла́сника, и҆ сѣда́льнамъ, по ѻ҆бы́чаю.

На лїтꙋргі́и, бл҃жє́нна трїѡ́ди, пѣ́снь а҃ пра́здника, на ѕ҃. И҆ ѿ сегѡ̀ днѝ во всю̀ н҃-цꙋ. По вхо́дѣ тропа́рь пра́здника: Запеча́танꙋ гро́бꙋ: и҆ хра́ма бцⷣы: и҆ хра́ма ст҃а́гѡ: посе́мъ настоѧ́щагѡ ст҃а́гѡ а҆́ще є҆́сть: та́же конда́къ хра́ма ст҃а́гѡ. Сла́ва, ст҃а́гѡ, И҆ ны́нѣ, пра́здника: Любопы́тною десни́цею:

[зрѝ] [Хра́ма же хрⷭ҇то́ва, и҆ бцⷣы, конда́къ во всю̀ н҃-цꙋ не глаго́лемъ.

Прокі́менъ а҆пⷭ҇ла, гла́съ г҃: Ве́лїй гдⷭ҇ь на́шъ:

Сті́хъ: Хвали́те гдⷭ҇а, ꙗ҆́кѡ бл҃гъ:

А҆по́столъ дѣѧ́нїй, зача́ло ѳ҃: Речѐ пе́тръ къ лю́демъ, пока́йтесѧ:

А҆ллилꙋ́їа, гла́съ и҃: Прїиди́те возра́дꙋемсѧ гдⷭ҇еви:

Сті́хъ: Ꙗ҆́кѡ бг҃ъ ве́лїй гдⷭ҇ь:

Є҆ѵⷢ҇лїе і҆ѡа́нна, зача́ло ѕ҃: Бра́къ бы́сть въ ка́нѣ галїле́йстѣй:

Прича́стенъ: Похвалѝ і҆ерⷭ҇ли́ме гдⷭ҇а: и҆ во всю̀ седми́цꙋ.

Та́кѡ твори́мъ и҆ во всю̀ н҃-цꙋ, во всѧ̑ недѣ̑ли, и҆ про́чее вослѣ́дованїе лїтꙋргі́и. и҆ ѿпꙋ́стъ.

[зрѝ] Подоба́етъ вѣ́дати: Ка́кѡ пое́тсѧ ѿ недѣ́ли ѳѡмины̀ трїѡ́дь съ мине́ею во всю̀ н҃-цꙋ, ко́еѧ седми́цы, да́же до ѿда́нїѧ пентїко́стїи, кромѣ̀ сꙋббѡ́тъ, и҆ недѣ́ль, на вече́рни, и҆ на ᲂу҆́трени. Предварѧ́ютъ бо на Гдⷭ҇и воззва́хъ, въ седми́цахъ трїѡ́ди стїхи̑ры самогла́сны: и҆лѝ подо́бны пра́здника, г҃: и҆ ст҃а́гѡ мине́и, г҃. Сла́ва, ст҃а́гѡ, а҆́ще є҆́сть: а҆́ще ли нѝ, Сла́ва, и҆ ны́нѣ, пра́здника. На стїхо́внѣ, трїѡ́ди днѐ.

[зрѝ] А҆́ще слꙋчи́тсѧ два̀ ст҃ы́хъ, и҆ пое́мъ стїхи̑ры ст҃ы́хъ, на ѕ҃. Сла́ва, ст҃а́гѡ: И҆ ны́нѣ, пра́здника. А҆́ще ли нѝ, Сла́ва и҆ ны́нѣ, пра́здника. Трїѡ́ди же стїхи̑ры пра́здника, пое́мъ и҆́хъ на стїхо́внѣ, съ припѣ́вы пра́здника: Сла́ва, ст҃ы́хъ, а҆́ще є҆́сть: А҆́ще ли нѝ, Сла́ва, и҆ ны́нѣ, пра́здника: Трїѡ́ди бо тогда̀ стїхо́вна не пое́тсѧ.

[зрѝ] А҆́ще ли ст҃ы́й и҆мѣ́ѧй полѷеле́й, пое́мъ стїхи̑ры пра́здника г҃: и҆ ст҃а́гѡ є҃. Сла́ва, ст҃а́гѡ: И҆ ны́нѣ, пра́здника.

[зрѝ] А҆́ще пое́тсѧ ст҃ы́й мине́и на ѕ҃, а҆ дрꙋгі́й ст҃ы́й вели́кїй и҆́мать полѷеле́й: На Гдⷭ҇и воззва́хъ, пое́мъ стїхи̑ры на і҃. Пра́здника г҃: и҆ ст҃а́гѡ рѧдова́гѡ г҃: и҆ вели́кагѡ ст҃а́гѡ д҃. Сла́ва, вели́кагѡ ст҃а́гѡ: И҆ ны́нѣ, пра́здника. Вхо́дъ. и҆ чтє́нїѧ ст҃а́гѡ г҃. На стїхо́внѣ стїхи̑ры, и҆ Сла́ва, ст҃а́гѡ: И҆ ны́нѣ, пра́здника.

[зрѝ] Въ седми́цѣ ѳѡминѣ̀, по трист҃о́мъ тропа́рь ст҃а́гѡ: Сла́ва, и҆ ны́нѣ, пра́здника.

[зрѝ] Въ седми́цѣ же г҃-й по па́сцѣ, ст҃ы́хъ мѷроно́сицъ, тропа́рь пра́здника: Бл҃гоѡбра́зный і҆ѡ́сифъ: Сла́ва, ст҃а́гѡ, а҆́ще є҆́сть. И҆ ны́нѣ, Мѷроно́сицамъ жена́мъ: Тропа́рь же пра́здника: Бл҃гоѡбра́зный і҆ѡ́сифъ: и҆ воскрⷭ҇нъ: Є҆гда̀ снизше́лъ є҆сѝ къ сме́рти: премѣнѧ́емъ, є҆гда̀ тропа́рь ст҃а́гѡ є҆́сть.

[зрѝ] А҆́ще въ седми́цѣ д҃-й, и҆лѝ є҃-й, и҆лѝ ѕ҃-й по па́сцѣ: Тропа́рь воскрⷭ҇нъ: Сла́ва, ст҃а́гѡ: И҆ ны́нѣ, бг҃оро́диченъ а҃-й, въ то́йже гла́съ. На повече́рїи, по трист҃о́мъ конда́къ пра́здника. [зрѝ] А҆́ще ли бꙋ́детъ ст҃а́гѡ, є҆мꙋ́же полѷеле́й, глаго́лемъ пре́жде конда́къ ст҃а́гѡ: Сла́ва, и҆ ны́нѣ, пра́здника.

[зрѝ] А҆́ще въ седми́цѣ ѳѡминѣ̀: на ᲂу҆́трени, на Бг҃ъ гдⷭ҇ь, тропа́рь пра́здника два́жды: Сла́ва, ст҃а́гѡ: И҆ ны́нѣ, пра́здника.

[зрѝ] А҆́ще въ седми́цѣ г҃-й по па́сцѣ, ст҃ы́хъ мѷроно́сицъ, на Бг҃ъ гдⷭ҇ь, тропа́рь пра́здника: Бл҃гоѡбра́зный і҆ѡ́сифъ: є҆ди́ножды: и҆ воскрⷭ҇нъ: Є҆гда̀ снизше́лъ є҆сѝ: є҆ди́ножды. Сла́ва, ст҃а́гѡ: И҆ ны́нѣ, мѷроно́сицамъ жена́мъ: [зрѝ] А҆́ще ли въ седми́цѣ д҃-й, и҆лѝ є҃-й, и҆лѝ ѕ҃-й, по па́сцѣ: на Бг҃ъ гдⷭ҇ь, тропа́рь воскрⷭ҇нъ, два́жды: Сла́ва, ст҃а́гѡ, И҆ ны́нѣ, бг҃оро́диченъ а҃-й, въ то́йже гла́съ. и҆ ѻ҆бы̑чныѧ каѳі̑смы: и҆ сѣда́льны трїѡ́ди. Воскрⷭ҇нїе хрⷭ҇то́во: ѱало́мъ н҃. Канѡ́нъ трїѡ́ди пра́здника, со і҆рмосо́мъ на и҃. і҆рмо́съ по два́жды, тропарѝ на ѕ҃: и҆ мине́и ст҃а́гѡ на д҃. По г҃-й пѣ́сни, конда́къ и҆ і҆́косъ ст҃а́гѡ, и҆ сѣда́ленъ є҆гѡ̀: Сла́ва и҆ ны́нѣ, пра́здника. По ѕ҃-й пѣ́сни конда́къ и҆ і҆́косъ пра́здника.

[зрѝ] А҆́ще ли пое́тсѧ ст҃ы́й на ѕ҃: Канѡ́нъ пра́здника со і҆рмосо́мъ на ѕ҃: і҆рмо́съ по два́жды, тропарѝ на д҃: и҆ ст҃а́гѡ на ѕ҃. По г҃-й пѣ́сни, конда́къ пра́здника, и҆ і҆́косъ: и҆ сѣда́ленъ ст҃а́гѡ, два́жды: Сла́ва и҆ ны́нѣ, пра́здника трїѡ́ди. По ѕ҃-й пѣ́сни, конда́къ и҆ і҆́косъ ст҃а́гѡ. А҆́ще ли въ мине́и два̀ ст҃ы́хъ: канѡ́нъ въ трїѡ́ди пра́здника со і҆рмосо́мъ на ѕ҃: и҆ ст҃ы́хъ два̀ канѡ́на на и҃. Свѣти́ленъ ст҃а́гѡ: Сла́ва и҆ ны́нѣ, пра́здника. А҆́ще ли пое́тсѧ ст҃ы́й на ѕ҃, а҆ дрꙋгі́й ст҃ы́й вели́кїй и҆́мать полѷеле́й: Канѡ́нъ пра́здника со і҆рмосо́мъ на д҃: і҆рмо́съ по два́жды: и҆ ст҃а́гѡ рѧдова́гѡ, на д҃: и҆ вели́кагѡ ст҃а́гѡ на ѕ҃. По г҃-й пѣ́сни конда́къ ст҃а́гѡ рѧдова́гѡ и҆ сѣда́ленъ є҆гѡ̀: Сла́ва, сѣда́ленъ вели́кагѡ ст҃а́гѡ: И҆ ны́нѣ, пра́здника трїѡ́ди. По ѕ҃-й пѣ́сни, конда́къ и҆ і҆́косъ вели́кагѡ ст҃а́гѡ: Пра́здника конда́къ здѣ̀ ѡ҆ставлѧ́етсѧ. Глаго́лемъ конда́къ пра́здника на а҃-мъ часѣ̀, и҆ на про́чихъ часѣ́хъ, премѣнѧ́юще со ст҃ы́мъ вели́кимъ: Свѣти́ленъ ст҃а́гѡ, два́жды. Сла́ва и҆ ны́нѣ, пра́здника. А҆́ще ли и҆́мать ст҃ы́й стїхи̑ры на хвали́техъ: и҆ пое́мъ стїхи̑ры трїѡ́ди днѐ г҃: воскрⷭ҇нъ, и҆ покаѧ́ненъ є҆ди́нъ, и҆ мч҃нченъ: и҆ мине́и ст҃а́гѡ г҃. Сла́ва, ст҃а́гѡ: И҆ ны́нѣ, пра́здника. На стїхо́внѣ пра́здника въ трїѡ́ди, съ припѣ́вы пра́здника. Сла́ва, ст҃а́гѡ, а҆́ще є҆́сть: а҆́ще ли нѝ, Сла́ва и҆ ны́нѣ, пра́здника.

[зрѝ] А҆́ще ли и҆́мать ст҃ы́й полѷеле́й, на хвали́техъ стїхи̑ры пра́здника трїѡ́ди, г҃, стїхо́вна ᲂу҆́треннѧѧ: и҆ ст҃а́гѡ, г҃. Сла́ва, ст҃а́гѡ: И҆ ны́нѣ, пра́здника. Славосло́вїе вели́кое. По трист҃о́мъ, тропа́рь воскрⷭ҇нъ, Сла́ва ст҃а́гѡ, И҆ ны́нѣ бг҃оро́диченъ а҃-й, въ то́йже гла́съ: и҆лѝ пра́здника. Є҆ктєнїѝ, и҆ ѿпꙋ́стъ: и҆ ча́съ а҃-й. Тропа́рь воскрⷭ҇нъ, Сла́ва, ст҃а́гѡ: И҆ ны́нѣ, бг҃оро́диченъ часѡ́въ. По трист҃о́мъ, конда́къ пра́здника, настоѧ́щїѧ недѣ́ли. и҆ соверше́нный ѿпꙋ́стъ. Та́кожде и҆ на про́чихъ часѣ́хъ глаго́лемъ конда́къ пра́здника не премѣнѧ́юще. А҆́ще полѷеле́й, конда́къ пра́здника и҆ ст҃а́гѡ, на часѣ́хъ, премѣнѧ́юще глаго́лемъ. На лїтꙋргі́и, бл҃жє́нна пѣ́снь ѿ канѡ́на пра́здника на ѕ҃. А҆́ще ст҃а́гѡ пѣ́снь во ᲂу҆ста́вѣ: бл҃жє́нна ѿ канѡ́на пра́здника, пѣ́снь рѧдова́ѧ на д҃: и҆ ст҃а́гѡ пѣ́снь г҃, на д҃. По вхо́дѣ тропа́рь пре́жде пра́здника, и҆лѝ воскрⷭ҇нъ и҆ хра́ма ст҃а́гѡ, и҆лѝ ст҃ы́ѧ, и҆ рѧдова́гѡ ст҃а́гѡ, и҆лѝ два̀, и҆лѝ є҆ди́нъ. Посе́мъ конда́къ хра́ма ст҃а́гѡ и҆лѝ ст҃ы́ѧ. Сла́ва, рѧдова́гѡ ст҃а́гѡ. И҆ ны́нѣ, пра́здника н҃-цы.

Прокі́менъ, А҆ллилꙋ́їа, и҆ прича́стенъ пра́здника. А҆по́столъ и҆ є҆ѵⷢ҇лїе, пре́жде чте́мъ днѐ рѧ́дъ, та́же ст҃а́гѡ: а҆́ще и҆ въ сꙋббѡ́тꙋ.

Ѡ҆ сꙋббѡ́тахъ пѧтдесѧ́тницы:

Въ сꙋббѡ́тꙋ в҃-ю а҆нтїпа́схи, и҆ г҃-ѧ, и҆ є҃- ѧ недѣ́ли, пое́мъ си́це: Въ пѧто́къ ве́чера, на Гдⷭ҇и воззва́хъ, стїхи̑ры трїѡ́ди пра́здника г҃, поє́мыѧ на са́мый пра́здникъ, въ недѣ́лю на бдѣ́нїи: и҆ мине́и ст҃а́гѡ, г҃. Сла́ва, самогла́сенъ пра́здника трїѡ́ди: И҆ ны́нѣ, бг҃оро́диченъ а҃-й, настоѧ́щагѡ гла́са. А҆́ще ли є҆́сть: Сла́ва, ст҃а́гѡ, И҆ ны́нѣ, бг҃оро́диченъ.

[зрѝ] А҆́ще ли слꙋча́тсѧ два̀ ст҃ы́хъ въ мине́и на рѧдꙋ̀, пое́мъ стїхи̑ры трїѡ́ди пра́здника, и҆ ст҃а́гѡ є҆ди́нагѡ: Дрꙋга́гѡ же ст҃а́гѡ стїхи̑ры ве́чера ѡ҆ставлѧ́ютсѧ: пое́мъ и҆̀хъ на хвали́техъ.

[зрѝ] А҆́ще ли слꙋчи́тсѧ въ сꙋббѡ́тꙋ вели́кїй ст҃ы́й и҆мѣ́ѧй полѷеле́й: Въ пѧто́къ ве́чера, на Гдⷭ҇и воззва́хъ, стїхи̑ры трїѡ́ди пра́здника на д҃: и҆ ст҃а́гѡ на д҃. Сла́ва, ст҃а́гѡ: И҆ ны́нѣ, бг҃оро́диченъ а҃-й, настоѧ́щагѡ гла́са. На стїхо́внѣ стїхи̑ры воскрⷭ҇ны гла́са съ припѣ́вами воскрⷭ҇ными: Гдⷭ҇ь воцр҃и́сѧ: и҆ про́чыѧ. Сла́ва, ст҃а́гѡ, И҆ ны́нѣ, пра́здника.

[зрѝ] Сїѧ̀ ᲂу҆́бѡ стїхо́вна воскрⷭ҇на гла́са, пое́тсѧ въ пѧтка́хъ ве́чера неизмѣ́ннѡ, до́ндеже ѿдае́тсѧ пра́здникъ па́схи. А҆́ще и҆ вели́кїй ст҃ы́й и҆́мать полѷеле́й, стїхо́вна ст҃а́гѡ не пое́тсѧ: то́чїю самогла́сенъ ст҃а́гѡ пое́мъ на Сла́ва: И҆ ны́нѣ, пра́здника. По трист҃о́мъ тропа́рь воскрⷭ҇нъ: Сла́ва, ст҃а́гѡ: И҆ ны́нѣ, бг҃оро́диченъ а҃-й, настоѧ́щагѡ гла́са. А҆́ще ли въ попра́зднство преполове́нїѧ н҃-цы, тропа́рь ст҃а́гѡ, Сла́ва и҆ ны́нѣ, пра́здника. На повече́рїи по трист҃о́мъ конда́къ пра́здника настоѧ́щїѧ недѣ́ли.

[зрѝ] А҆́ще ли ст҃а́гѡ слꙋчи́тсѧ, є҆мꙋ́же полѷеле́й, глаго́лемъ пре́жде конда́къ ст҃а́гѡ, та́же, Сла́ва, и҆ ны́нѣ, конда́къ пра́здника. На ᲂу҆́трени, въ сꙋббѡ́тꙋ, на Бг҃ъ гдⷭ҇ь: тропа́рь воскрⷭ҇нъ, два́жды. Сла́ва, ст҃а́гѡ: И҆ ны́нѣ, бг҃оро́диченъ а҃-й по гла́сꙋ тропарѧ̀ ст҃а́гѡ. Настоѧ́щагѡ же гла́са бг҃оро́диченъ а҃ глаго́летсѧ по пе́рвой каѳі́смѣ, по сѣда́льнѣ, Сла́ва, и҆ ны́нѣ: А҆́ще ли нѣ́сть тропарѧ̀ ст҃о́мꙋ, Сла́ва, и҆ ны́нѣ, бг҃оро́диченъ а҃-й настоѧ́щагѡ гла́са. А҆́ще ли въ попра́зднствѣ преполове́нїѧ н҃-цы, на Бг҃ъ гдⷭ҇ь, тропа́рь пра́здника, два́жды. Сла́ва, ст҃а́гѡ: И҆ ны́нѣ, пра́здника:

[зрѝ] А҆́ще ли вели́кїй ст҃ы́й и҆́мать полѷеле́й, кромѣ̀ попра́зднства преполове́нїѧ н҃-цы, на Бг҃ъ гдⷭ҇ь, тропа́рь воскрⷭ҇нъ два́жды. Сла́ва, ст҃а́гѡ. И҆ ны́нѣ, бг҃оро́диченъ а҃-й, въ то́йже гла́съ. По а҃-й каѳі́смѣ сѣда́ленъ воскрⷭ҇нъ, два́жды. Сла́ва, и҆ ны́нѣ, бг҃оро́диченъ а҃-й гла́са. По в҃-й каѳі́смѣ сѣда́ленъ пра́здника: Сла́ва, и҆ ны́нѣ, то́йже. По полѷеле́и сѣда́льны ст҃а́гѡ всѝ по є҆ди́ножды. Сла́ва, по полѷеле́и сѣда́ленъ ст҃а́гѡ: И҆ ны́нѣ, пра́здника. Воскрⷭ҇нїе хрⷭ҇то́во: Канѡ́нъ трїѡ́ди пра́здника, со і҆рмосо́мъ на ѕ҃: і҆рмосы̀ по два́жды, тропарѝ на д҃. А҆́ще зрѝ є҆́сть хра́мъ ст҃а́гѡ, и҆лѝ ст҃ы́ѧ: и҆ хра́ма ст҃а́гѡ на д҃: и҆ мине́и ст҃а́гѡ на д҃.

[зрѝ] А҆́ще є҆́сть хра́мъ хрⷭ҇то́въ, и҆лѝ бцⷣы, и҆ пое́мъ настоѧ́щїй канѡ́нъ трїѡ́ди пра́здника, со і҆рмосо́мъ на и҃, і҆рмо́съ по два́жды, тропарѝ на ѕ҃: и҆ мине́и ст҃а́гѡ на д҃: Хра́ма же хрⷭ҇то́ва, и҆ бцⷣы, во все́й н҃-цѣ въ сꙋббѡ́тахъ канѡ́нъ не пое́тсѧ, кромѣ̀ сꙋббѡ́ты пентїко́стныѧ ѡ҆ ᲂу҆со́пшихъ. [зрѝ] А҆́ще ли ст҃ы́й пое́тсѧ на ѕ҃, и҆ пое́мъ канѡ́нъ настоѧ́щїй пра́здника со і҆рмосо́мъ на ѕ҃, тропарѝ на д҃: Хра́ма же ст҃а́гѡ канѡ́нъ ѡ҆ставлѧ́етсѧ. и҆ ст҃а́гѡ на ѕ҃.

[зрѝ] А҆́ще ли сꙋ́ть два̀ ст҃ы́хъ, канѡ́нъ трїѡ́ди пра́здника со і҆рмосо́мъ на ѕ҃: и҆ ст҃ы́хъ ѻ҆́ба канѡ́на на и҃. По г҃-й пѣ́сни, конда́къ ст҃а́гѡ, и҆ сѣда́ленъ є҆гѡ̀. Сла́ва, и҆ ны́нѣ, трїѡ́ди. По ѕ҃-й пѣ́сни, конда́къ и҆ і҆́косъ пра́здника.

[зрѝ] А҆́ще ли вели́кїй ст҃ы́й и҆́мать полѷеле́й: канѡ́нъ пра́здника со і҆рмосо́мъ на ѕ҃, и҆ ст҃а́гѡ на и҃. По г҃-й пѣ́сни, конда́къ и҆ і҆́косъ пра́здника: и҆ сѣда́ленъ ст҃а́гѡ два́жды. Сла́ва, и҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ ст҃а́гѡ. Свѣти́ленъ ст҃а́гѡ два́жды. Сла́ва, и҆ ны́нѣ, пра́здника. На хвали́техъ стїхи̑ры воскрⷭ҇ны гла́съ г҃: и҆ мине́и ст҃а́гѡ г҃: Сла́ва, ст҃а́гѡ: И҆ ны́нѣ, пра́здника. А҆́ще полѷеле́й, славосло́вїе вели́кое.

[зрѝ] А҆́ще ли нѝ, на стїхо́внѣ стїхи̑ры трїѡ́ди пра́здника, съ припѣ́вы пра́здника. Сла́ва, ст҃а́гѡ, а҆́ще є҆́сть: А҆́ще ли нѝ, Сла́ва, и҆ ны́нѣ, пра́здника. По трист҃о́мъ тропа́рь воскрⷭ҇нъ. Сла́ва, ст҃а́гѡ: И҆ ны́нѣ, пра́здника. Є҆ктенїа̀, и҆ ча́съ а҃-й, на не́мже тропа́рь и҆ конда́къ пра́здника, и҆ прѡ́чаѧ, и҆ соверше́нный ѿпꙋ́стъ.

[зрѝ] А҆́ще полѷеле́й, на часѣ́хъ глаго́лемъ тропа́рь пра́здника. Сла́ва, ст҃а́гѡ: И҆ ны́нѣ, бг҃оро́диченъ часѡ́въ. Конда́къ же пра́здника, и҆ ст҃а́гѡ, глаго́лемъ премѣнѧ́юще.

[зрѝ] А҆́ще ли въ седми́цѣ ст҃ы́хъ мѷроно́сицъ, глаго́лемъ тропа́рь на а҃-мъ часѣ̀ пре́жде: Бл҃гоѡбра́зный і҆ѡ́сифъ: Сла́ва, ст҃а́гѡ: И҆ ны́нѣ, бг҃оро́диченъ часѡ́въ. По трист҃о́мъ, конда́къ пра́здника: На г҃-мъ часѣ̀, тропа́рь: Є҆гда̀ снизше́лъ є҆сѝ къ сме́рти: Сла́ва, ст҃а́гѡ: И҆ ны́нѣ, бг҃оро́диченъ часѡ́въ. По трист҃о́мъ конда́къ ст҃а́гѡ: На ѕ҃-мъ часѣ̀ тропа́рь: Мѷроно́сицамъ жена́мъ: Сла́ва, ст҃а́гѡ: И҆ ны́нѣ, бг҃оро́диченъ часѡ́въ. По трист҃о́мъ, конда́къ пра́здника, и҆ ст҃а́гѡ та́кожде премѣнѧ́юще глаго́лемъ. На ѳ҃-мъ часѣ̀, тропа́рь: Бл҃гоѡбра́зный і҆ѡ́сифъ: Сла́ва, ст҃а́гѡ: И҆ ны́нѣ, бг҃оро́диченъ часѡ́въ.

[зрѝ] А҆́ще ли седми́ца д҃-ѧ, и҆лѝ є҃-ѧ, и҆лѝ, ѕ҃-ѧ, кромѣ̀ попра́зднства преполове́нїѧ, и҆ вознесе́нїѧ. На часѣ́хъ, глаго́лемъ тропа́рь воскрⷭ҇нъ. Сла́ва, ст҃а́гѡ: И҆ ны́нѣ, бг҃оро́диченъ часѡ́въ. Кондаки́ же пра́здника, и҆ ст҃а́гѡ, премѣнѧ́юще глаго́лемъ. Въ попра́зднствѣ же преполове́нїѧ, и҆ вознесе́нїѧ, глаго́лемъ на часѣ́хъ тропа́рь пра́здника: Сла́ва, ст҃а́гѡ: И҆ ны́нѣ, бг҃оро́диченъ часѡ́въ. Кондаки́ же пра́здника, и҆ ст҃а́гѡ та́кожде премѣнѧ́юще глаго́лемъ. На лїтꙋргі́и, бл҃жє́нна, ѿ канѡ́на пра́здника пѣ́снь ѳ҃- ѧ на ѕ҃. А҆́ще ли ст҃а́гѡ пѣ́снь: бл҃жє́нна ѿ канѡ́на пра́здника пѣ́снь ѳ҃-ѧ на д҃: И҆ ст҃а́гѡ пѣ́снь ѕ҃-ѧ, на д҃.

Се́й же ᲂу҆ка́зъ напи́санный ѡ҆ ст҃ѣ́й н҃- цѣ, въ седми́цахъ ѡ҆ пѧтѝ дне́хъ, и҆ ѡ҆ сꙋббѡ́тахъ, подоба́етъ настоѧ́телю и҆лѝ є҆кклисїа́рхꙋ всегда̀ смотрѧ́ти прилѣ́жнѡ, со ѻ҆пасе́нїемъ и҆ разсꙋжде́нїемъ: ка́кѡ пое́тсѧ слꙋ́жба мине́и, ко́егѡ ст҃а́гѡ съ трїѡ́дїю, ве́черъ и҆ ᲂу҆́тро, и҆ на лїтꙋргі́и.

Въ пѧто́къ в҃-ѧ седми́цы по па́сцѣ ве́чера.

Ѻ҆бы́чнаѧ каѳі́сма.

На Гдⷭ҇и воззва́хъ, стїхи̑ры самогла́сны, гла́съ а҃: Две́ремъ заключє́ннымъ: по си́хъ мине́и ст҃а́гѡ, г҃.

Сла́ва, гла́съ ѕ҃: Две́ремъ заключє́ннымъ:

И҆ ны́нѣ, бг҃оро́диченъ, гла́съ а҃: Всемі́рнꙋю сла́вꙋ:

Свѣ́те ти́хїй: Прокі́менъ днѐ. На стїхо́внѣ стїхи̑ры воскрⷭ҇ны, гла́съ а҃: Вечє́рнїѧ на́шѧ мл҃твы: Припѣ́въ же глаго́лемъ, а҃-й: Гдⷭ҇ь воцр҃и́сѧ: в҃- й: И҆́бо ᲂу҆твердѝ вселе́ннꙋю: г҃-й: До́мꙋ твоемꙋ̀ подоба́етъ:

Сла́ва, и҆ ны́нѣ, гла́съ є҃: Чл҃вѣколю́бче:

Тропа́рь: Запеча́танꙋ гро́бꙋ: Є҆ктенїа̀ и҆ ѿпꙋ́стъ.

[зрѝ] И҆звѣ́стно же бꙋ́ди: Ꙗ҆́кѡ канѡ́ны ѡ҆ ᲂу҆со́пшихъ ѻ҆ктѡ́иха настоѧ́щагѡ гла́са, по всѧ̑ сꙋббѡ́ты въ н҃-цѣ, до́лжни сꙋ́ть пѣ́тисѧ въ пѧтка́хъ ве́чера, на повече́рїѧхъ.

Въ сꙋббѡ́тꙋ в҃-ѧ седми́цы по па́сцѣ на ᲂу҆́трени.

На Бг҃ъ гдⷭ҇ь, тропа́рь пра́здника, три́жды.

По а҃-й каѳі́смѣ сѣда́ленъ воскрⷭ҇нъ ѻ҆ктѡ́иха.

Сла́ва, и҆ ны́нѣ, бг҃оро́диченъ а҃-й.

По в҃-й каѳі́смѣ сѣда́ленъ пра́здника, и҆ чте́нїе: Воскрⷭ҇нїе хрⷭ҇то́во: ѱало́мъ н҃. Канѡ́нъ пра́здника со і҆рмосо́мъ, на ѕ҃: и҆ хра́ма ст҃а́гѡ на д҃: и҆ мине́и на д҃.

По г҃-й пѣ́сни, конда́къ, и҆ сѣда́ленъ мине́и.

Сла́ва, и҆ ны́нѣ, пра́здника.

По ѕ҃-й пѣ́сни, конда́къ и҆ і҆́косъ пра́здника.

По ѳ҃-й пѣ́сни, свѣти́ленъ пра́здника.

На хвали́техъ стїхи̑ры воскрⷭ҇ны на д҃, гла́съ а҃-й: Пое́мъ твою̀ хрⷭ҇тѐ:

Сла́ва, и҆ ны́нѣ, гла́съ ѕ҃: По дне́хъ ѻ҆сми́хъ воста́нїѧ твоегѡ̀:

На стїхо́внѣ стїхи̑ры пра́здника, гла́съ а҃. Подо́бенъ: Всехва́льнїи мч҃нцы: По є҆́же и҆з̾ гро́ба: Припѣ́въ: а҃- й, Во всю̀ зе́млю и҆зы́де вѣща́нїе и҆́хъ: в҃-й: Нб҃са̀ повѣ́даютъ сла́вꙋ бж҃їю:

Сла́ва, и҆ ны́нѣ, гла́съ то́йже: Оу҆ч҃нкѡ́мъ сомнѧ́щымсѧ: и҆ про́чее ᲂу҆́трени.

Тропа́рь: Запеча́танꙋ гро́бꙋ: Є҆ктенїа̀, и҆ ча́съ а҃-й, и҆ ѿпꙋ́стъ. И҆ ѻ҆бы́чнаѧ лїті́а въ притво́рѣ.

На лїтꙋргі́и, и҆з̾ѡбрази́тєльнаѧ, и҆ ѿ канѡ́на пѣ́снь ѳ҃-ѧ, на ѕ҃.

Прокі́менъ, гла́съ г҃: Ве́лїй гдⷭ҇ь на́шъ:

Сті́хъ: Хвали́те гдⷭ҇а, ꙗ҆́кѡ бл҃гъ:

А҆по́столъ дѣѧ́нїй, зача́ло є҃і: Слы́шавше а҆пⷭ҇ли:

А҆ллилꙋ́їа, гла́съ и҃: Прїиди́те возра́дꙋемсѧ гдⷭ҇еви:

Сті́хъ: Похвалѝ і҆ерⷭ҇ли́ме гдⷭ҇а:

Є҆ѵⷢ҇лїе і҆ѡа́нна, зача́ло ѳ҃і: Ви́дѣвше человѣ́цы зна́менїе:

Прича́стенъ: Похвалѝ і҆ерⷭ҇ли́ме гдⷭ҇а:

По семꙋ́ же воѡбраже́нїю пое́мъ во всѧ̑ сꙋббѡ́ты, до вознесе́нїѧ хрⷭ҇то́ва.

Въ сꙋббѡ́тꙋ ве́чера, на ма́лѣй вече́рни, стїхи̑ры воскрⷭ҇ны г҃, гла́съ в҃: Пре́жде вѣ̑къ: и҆ а҆нато́лїевъ є҆ди́нъ. Сла́ва: Почто̀ мѵ́ра со слеза́ми: И҆ ны́нѣ, догма́тїкъ, гла́съ в҃: Ѽ преве́лїѧ та́инства! На стїхо́внѣ стїхи́ра воскрⷭ҇на, и҆ бцⷣы. Сла́ва, и҆ ны́нѣ, гла́съ в҃: Мѷронѡ́сицы ра́нѡ бы́вшыѧ: По трист҃о́мъ тропа́рь: Бл҃гоѡбра́зный і҆ѡ́сифъ: и҆ ѿпꙋ́стъ.

На вели́цѣй вече́рни: Хрⷭ҇то́съ воскр҃се: ꙗ҆́кѡ ѻ҆бы́чнѡ.

Та́же, ѱало́мъ предначина́тельный: Бл҃гословѝ дꙋшѐ моѧ̀ гдⷭ҇а: и҆ каѳі́сма а҃.

На Гдⷭ҇и воззва́хъ, ста́вимъ стїхѡ́въ і҃: и҆ пое́мъ стїхи̑ры воскрⷭ҇ны г҃, гла́съ в҃: и҆ а҆натѡ́лїевы д҃, и҆ мѷроно́сицъ, самогла́сны г҃, гла́съ то́йже.

Сла́ва, гла́съ ѕ҃: Мѷроно́сицы жєны̀:

И҆ ны́нѣ, бг҃оро́диченъ: Пре́йде сѣ́нь зако́ннаѧ:

Вхо́дъ. Свѣ́те ти́хїй:

Прокі́менъ: Гдⷭ҇ь воцр҃и́сѧ со стїхѝ є҆гѡ̀.

На лїті́и стїхи̑ры самогла́сны, гла́съ а҃: Мѷронѡ́сицы жєны̀:

Сла́ва, гла́съ ѕ҃: Просѝ і҆ѡ́сифъ тѣ́ло і҆и҃сово:

И҆ ны́нѣ: Творе́цъ и҆ и҆зба́витель мо́й:

На стїхо́внѣ стїхи́ра воскрⷭ҇на.

Та́же стїхи̑ры па́схи, съ припѣ́вы и҆́хъ.

Сла́ва, гла́съ є҃: Тебѐ ѡ҆дѣ́ющагосѧ:

И҆ ны́нѣ: Воскрⷭ҇нїѧ де́нь: и҆ Хрⷭ҇то́съ воскр҃се. є҆ди́ножды.

Та́же, Ны́нѣ ѿпꙋща́еши:

На бл҃гослове́нїи хлѣ́бѡвъ тропа́рь: Бцⷣе дв҃о, три́жды. и҆ ѻ҆бы́чное чте́нїе дѣѧ́нїй.

[зрѝ] А҆́ще ли слꙋчи́тсѧ не бы́ти бдѣ́нїю, Пою́тсѧ на Гдⷭ҇и воззва́хъ, стїхи̑ры воскрⷭ҇ны д҃. и҆ мѷроно́сицъ съ лїті́йными, на ѕ҃. Вхо́дъ.

Прокі́менъ: На стїхо́внѣ стїхи̑ры па́схи.

Сла́ва, и҆ ны́нѣ, гла́съ є҃: Тебѐ ѡ҆дѣ́ющагосѧ свѣ́томъ:

На полꙋ́нощницѣ, канѡ́нъ трⷪ҇ченъ пое́тсѧ по ѻ҆бы́чаю.

[зрѝ] Вѣ́домо же бꙋ́ди, ꙗ҆́кѡ ѿ недѣ́ли ст҃а́гѡ ѳѡмы̀ не быва́етъ хлѣболомле́нїе по бл҃гослове́нїи хлѣ́бѡвъ, за кра́ткость но́щи.

На ᲂу҆́трени, на Бг҃ъ гдⷭ҇ь, тропа́рь, гла́съ в҃: Є҆гда̀ снизше́лъ є҆сѝ къ сме́рти: два́жды.

Сла́ва: Бл҃гоѡбра́зный і҆ѡ́сифъ:

И҆ ны́нѣ: Мѷроно́сицамъ жена́мъ: и҆ ѻ҆бы̑чныѧ каѳі̑смы двѣ̀.

По а҃-й каѳі́смѣ сѣда́ленъ, гла́съ в҃: Ка́мень гро́бный:

Сті́хъ: Воскрⷭ҇нѝ гдⷭ҇и бж҃е мо́й: Нѣ́дро пречⷭ҇тое:

Сла́ва, и҆ ны́нѣ, бг҃оро́диченъ: Всѧ̑ па́че смы́сла:

По в҃-й каѳі́смѣ сѣда́ленъ: Мѷронѡ́сицы ᲂу҆́трѡ прише́дшыѧ:

Сті́хъ: И҆сповѣ́мсѧ тебѣ̀ гдⷭ҇и всѣ́мъ се́рдцемъ мои́мъ: Мѵ́ры погребе́нїѧ твоегѡ̀:

Сла́ва, и҆ ны́нѣ: Пребл҃гослове́нна є҆сѝ бцⷣе:

И҆ чте́нїе во є҆ѵⷢ҇лїи толково́мъ, по чи́нꙋ своемꙋ̀. По непоро́чнахъ тропарѝ: А҆́гг҃льскїй собо́ръ: И҆ ѵ҆пакоѝ гла́са, и҆ чте́нїе. Степє́нна, и҆ прокі́менъ гла́са: Всѧ́кое дыха́нїе:

Є҆ѵⷢ҇лїе ма́рка, зача́ло ѻ҃а: Воскр҃съ і҆и҃съ заꙋ́тра въ пе́рвꙋю сꙋббѡ́тꙋ:

Воскрⷭ҇нїе хрⷭ҇то́во: три́жды. ѱало́мъ н҃, и҆ про́чее.

Канѡ́нъ па́схи со і҆рмосо́мъ и҆ съ бг҃оро́дичны є҆гѡ̀, на ѕ҃.

Та́же настоѧ́щїѧ недѣ́ли въ трїѡ́ди канѡ́нъ на и҃, гла́съ в҃, творе́нїе господи́на а҆ндре́а кри́тскагѡ.

Катава́сїа: Воскрⷭ҇нїѧ де́нь: По г҃-й пѣ́сни, конда́къ па́схи: А҆́ще и҆ во гро́бъ снизше́лъ є҆сѝ: И҆ і҆́косъ. и҆ сѣда́ленъ трїѡ́ди, гла́съ в҃.

Подо́бенъ: Вы́шнихъ и҆щѧ̀: Мѵ́ра те́плѣ:

Сла́ва, и҆ ны́нѣ, гла́съ то́йже: Оу҆ч҃нкѡ́въ твои́хъ ли́къ: По ѕ҃-й пѣ́сни,

Конда́къ, гла́съ в҃: Ра́доватисѧ мѷроно́сицамъ повелѣ́лъ є҆сѝ, пла́чь прама́тере є҆́ѵы ᲂу҆толи́лъ є҆сѝ воскрⷭ҇нїемъ твои́мъ, хрⷭ҇тѐ бж҃е, а҆пⷭ҇лѡмъ же твои̑мъ проповѣ́дати повелѣ́лъ є҆сѝ, сп҃съ воскр҃се ѿ гро́ба.

И҆ і҆́косъ, и҆ чте́мъ сѷнаѯа́рїй. На ѳ҃-й пѣ́сни, Чⷭ҇тнѣ́йшꙋю не пое́мъ, до ѿда́нїѧ па́схи, во всѧ̑ недѣ̑ли.

Та́же, Ст҃ъ гдⷭ҇ь бг҃ъ на́шъ: три́жды, на гла́съ в҃.

Свѣти́ленъ па́схи: Пло́тїю ᲂу҆снꙋ́въ: є҆ди́ножды.

Сла́ва, мѷроно́сицъ: Жєны̀ ᲂу҆слы́шите:

И҆ ны́нѣ, то́йже. На хвали́техъ:

Всѧ́кое дыха́нїе: стїхи̑ры на и҃: Воскрⷭ҇ны д҃: и҆ а҆натѡ́лїевы д҃.

Сла́ва, стїхи́ра є҆ѵⷢ҇льскаѧ, гла́съ в҃: Съ мѵ́ры прише́дшымъ:

И҆ ны́нѣ, Пребл҃гослове́нна є҆сѝ:

Славосло́вїе вели́кое. Тропа́рь воскрⷭ҇нъ. Є҆ктєнїѝ, и҆ ѿпꙋ́стъ. и҆ ѻ҆бы́чное и҆схожде́нїе въ притво́ръ, и҆ поꙋче́нїе стꙋді́тово. и҆ ча́съ а҃-й, и҆ соверше́нный ѿпꙋ́стъ. На часѣ́хъ, тропа́рь воскрⷭ҇нъ.

Сла́ва: Бл҃гоѡбра́зный і҆ѡ́сифъ:

И҆ ны́нѣ, бг҃оро́диченъ часѡ́въ.

По трист҃о́мъ конда́къ: Ра́доватисѧ мѷроно́сицамъ: Та́кожде быва́етъ и҆ на про́чихъ часѣ́хъ.

На лїтꙋргі́и, бл҃жє́нна трїѡ́ди гла́са, на д҃, и҆ ѿ канѡ́на днѐ, пѣ́снь ѕ҃-ѧ, на д҃. По вхо́дѣ тропарѝ: Є҆гда̀ снизше́лъ є҆сѝ къ сме́рти: и҆ Бл҃гоѡбра́зный і҆ѡ́сифъ:

Сла́ва, конда́къ трїѡ́ди:

И҆ ны́нѣ, па́схи: А҆́ще и҆ во гро́бъ:

Прокі́менъ, гла́съ ѕ҃: Сп҃сѝ гдⷭ҇и лю́ди твоѧ̑, и҆ бл҃гословѝ достоѧ́нїе твоѐ.

Сті́хъ: Къ тебѣ̀ гдⷭ҇и воззовꙋ̀ бж҃е мо́й:

А҆по́столъ дѣѧ́нїй, зача́ло ѕ҃і: Оу҆мно́жившымсѧ ᲂу҆ч҃нкѡ́мъ:

А҆ллилꙋ́їа, гла́съ и҃: Бл҃говоли́лъ є҆сѝ гдⷭ҇и зе́млю твою̀:

Сті́хъ: Млⷭ҇ть и҆ и҆́стина срѣто́стѣсѧ:

Є҆ѵⷢ҇лїе ма́рка, зача́ло ѯ҃ѳ: Прїи́де і҆ѡ́сифъ, и҆́же ѿ а҆рїмаѳе́а:

Прича́стенъ: Тѣ́ло хрⷭ҇то́во: Дрꙋгі́й: Хвали́те гдⷭ҇а съ нб҃съ:

[зрѝ] А҆́ще хра́мъ ст҃ы́хъ же́нъ мѷроно́сицъ: на ма́лѣй и҆ вели́цѣй вече́рни, и҆ на ᲂу҆́трени и҆ на лїтꙋргі́и пое́мъ во все́мъ подо́бнѣ, ꙗ҆́коже великомч҃нкꙋ геѡ́ргїю, то́чїю на вече́рни парємїѝ чте́мъ, пи́саны въ недѣ́лю всѣ́хъ ст҃ы́хъ.

На ᲂу҆́трени, по полѷеле́и велича́нїе пое́мъ си́це: Велича́емъ ва́съ ст҃ы̑ѧ мѷронѡ́сицы, и҆ чти́мъ ст҃ꙋ́ю па́мѧть ва́шꙋ: вы́ бо мо́лите ѡ҆ на́съ хрⷭ҇та̀ бг҃а на́шего. ѱало́мъ: Бл҃же́нъ мꙋ́жъ боѧ́йсѧ гдⷭ҇а: и҆ прѡ́чаѧ.

Въ тꙋ́южде недѣ́лю мѷроно́сицъ ве́чера.

На Гдⷭ҇и воззва́хъ, ста́вимъ стїхѡ́въ ѕ҃: и҆ пое́мъ стїхи̑ры пра́здника г҃, гла́съ є҃.

Подо́бенъ: Ра́дꙋйсѧ: Гвоздьмѝ пригвозди́всѧ: и҆ мине́и ст҃а́гѡ, подо́бны г҃.

Сла́ва, ст҃а́гѡ, а҆́ще є҆́сть:

А҆́ще ли нѝ: Сла́ва, и҆ ны́нѣ, пра́здника, гла́съ а҃: Мѷронѡ́сицы жєны̀:

На стїхо́внѣ стїхи́ра воскрⷭ҇на, гла́съ в҃: Пре́жде вѣ̑къ: Припѣ́въ: Къ тебѣ̀ возведо́хъ ѻ҆́чи моѝ:

Та́же покаѧ́ненъ: Согрѣши́хъ къ тебѣ̀ сп҃се:

Припѣ́въ: Поми́лꙋй на́съ гдⷭ҇и:

Та́же мч҃нченъ: Землена́гѡ наслажде́нїѧ:

Сла́ва, и҆ ны́нѣ, пра́здника, гла́съ а҃-й: Со стра́хомъ прїидо́ша жєны̀ на гро́бъ:

Тропарѝ: Бл҃гоѡбра́зный і҆ѡ́сифъ:

Сла́ва: Є҆гда̀ снизше́лъ є҆сѝ къ сме́рти: И҆ ны́нѣ, Мѷроно́сицамъ жена́мъ:

[зрѝ] А҆́ще ли и҆́мать ст҃ы́й тропа́рь, глаго́лемъ пре́жде тропа́рь: Бл҃гоѡбра́зный і҆ѡ́сифъ: Сла́ва, ст҃а́гѡ: И҆ ны́нѣ, Мѷроно́сицамъ жена́мъ: Тропарѝ: Бл҃гоѡбра́зный і҆ѡ́сифъ: и҆ воскрⷭ҇нъ: Є҆гда̀ снизше́лъ є҆сѝ къ сме́рти: въ ве́черъ глаго́лемъ и҆́хъ премѣнѧ́юще, во всю̀ седми́цꙋ, ꙗ҆́коже и҆ пре́жде ѡ҆ се́мъ ꙗ҆вле́но є҆́сть. Є҆ктенїа̀, и҆ ѿпꙋ́стъ. Слꙋ́жба же ст҃а́гѡ мине́и, слꙋчи́вшагѡсѧ въ сїю̀ недѣ́лю, пое́тсѧ на повече́рїи. По трист҃о́мъ, конда́къ є҆ди́нъ въ трїѡ́ди пра́здника. Си́це глаго́лемъ да́же и҆ до недѣ́ли всѣ́хъ ст҃ы́хъ.

Въ понедѣ́льникъ г҃-ѧ седми́цы по па́сцѣ на ᲂу҆́трени.

Нача́ло ѻ҆бы́чное, ꙗ҆́коже ᲂу҆каза́сѧ въ понедѣ́льникъ в҃-ѧ седми́цы по па́сцѣ. На Бг҃ъ гдⷭ҇ь, тропа́рь, гла́съ в҃: Бл҃гоѡбра́зный і҆ѡ́сифъ: два́жды:

Сла́ва: Є҆гда̀ снизше́лъ є҆сѝ къ сме́рти:

И҆ ны́нѣ: Мѷроно́сицамъ жена́мъ:

Си́це же глаго́лютсѧ тропарѝ сїѧ̑ чрез̾ всю̀ седми́цꙋ.

[зрѝ] А҆́ще є҆́сть тропа́рь ст҃а́гѡ, глаго́лемъ тропарѝ пре́жде: Бл҃гоѡбра́зный і҆ѡ́сифъ: є҆ди́ножды: Є҆гда̀ снизше́лъ є҆сѝ: є҆ди́ножды.

Сла́ва, ст҃а́гѡ: И҆ ны́нѣ, Мѷроно́сицамъ жена́мъ: и҆ ѻ҆бы̑чныѧ каѳі̑смы двѣ̀.

Сѣда́льны, ꙗ҆́кѡ предписа́сѧ въ понедѣ́льникъ но́выѧ недѣ́ли, пи́саны въ трїѡ́ди на рѧдꙋ̀. и҆ чте́нїе.

Воскрⷭ҇нїе хрⷭ҇то́во: є҆ди́ножды.

Канѡ́нъ пра́здника, со і҆рмосо́мъ на и҃: и҆ мине́и на д҃. По г҃-й пѣ́сни, сѣда́ленъ ст҃а́гѡ. По ѕ҃-й пѣ́сни, конда́къ пра́здника: Ра́доватисѧ мѷроно́сицамъ: И҆ і҆́косъ: и҆ чте́мъ про́логъ. Свѣти́ленъ пра́здника.

Сла́ва, ст҃а́гѡ: И҆ ны́нѣ, пра́здника.

На хвали́техъ стїхи̑ры на д҃: Воскрⷭ҇нъ, два́жды. и҆ покаѧ́ненъ, и҆ мч҃нченъ.

Сла́ва, и҆ ны́нѣ, пра́здника.

На стїхо́внѣ стїхи̑ры пра́здника, съ припѣ́вы и҆́хъ: а҃-й, Бл҃говоли́лъ є҆сѝ гдⷭ҇и зе́млю твою̀: в҃-й, Млⷭ҇ть и҆ и҆́стина срѣто́стѣсѧ:

Сла́ва, и҆ ны́нѣ, пра́здника.

На лїтꙋргі́и, на бл҃же́ннахъ, пѣ́снь а҃-ѧ пра́здника, на ѕ҃. По вхо́дѣ тропарѝ: Бл҃гоѡбра́зный і҆ѡ́сифъ: Є҆гда̀ снизше́лъ є҆сѝ къ сме́рти: Мѷроно́сицамъ жена́мъ: и҆ хра́ма ст҃а́гѡ, и҆ тропа́рь ст҃а́гѡ, а҆́ще є҆́сть:

А҆́ще ли бꙋ́детъ и҆ дрꙋга́гѡ ст҃а́гѡ тропа́рь, глаго́ли и҆ то́й. Та́же конда́къ хра́ма.

Сла́ва, ст҃а́гѡ. А҆́ще ли бꙋ́детъ и҆ дрꙋга́гѡ ст҃а́гѡ конда́къ, та́кожде рцы̀ є҆го̀.

И҆ ны́нѣ, конда́къ пра́здника: Ра́доватисѧ мѷроно́сицамъ:

[зрѝ] Та́кожде глаго́лемъ тропарѝ, по всѧ̑ дни̑ сеѧ̀ седми́цы, кромѣ̀ ст҃а́гѡ полѷеле́йнагѡ. Си́це быва́етъ слꙋ́жба ве́черъ, и҆ на ᲂу҆́трени, по всѧ̑ дни̑ сеѧ̀ седми́цы.

Въ пѧто́къ г҃-ѧ седми́цы по па́сцѣ ве́чера:

Ѻ҆бы́чнаѧ каѳі́сма. На Гдⷭ҇и воззва́хъ, стїхи̑ры самогла́сны мѷроно́сицъ, г҃, гла́съ в҃: и҆ мине́и ст҃а́гѡ, подо́бны г҃.

Сла́ва, гла́съ ѕ҃: Мѷронѡ́сицы жєны̀:

И҆ ны́нѣ, бг҃оро́диченъ а҃-й гла́са: Пре́йде сѣ́нь зако́ннаѧ:

На стїхо́внѣ стїхи̑ры воскрⷭ҇ны д҃, гла́съ в҃: Пре́жде вѣ̑къ: Припѣ́вы глаго́лемъ: а҃-й, Гдⷭ҇ь воцр҃и́сѧ: в҃-й, И҆́бо ᲂу҆твердѝ вселе́ннꙋю: г҃-й, до́мꙋ твоемꙋ̀ подоба́етъ:

Сла́ва, и҆ ны́нѣ, гла́съ є҃: Тебѐ ѡ҆дѣ́ющагосѧ свѣ́томъ:

Тропа́рь пра́здника. Є҆ктенїа̀, и҆ ѿпꙋ́стъ. Си́це слꙋ́жба быва́етъ и҆ во всѣ́хъ пѧтка́хъ пѧтидесѧ́тницы.

Въ сꙋббѡ́тꙋ г҃-ѧ седми́цы по па́сцѣ на ᲂу҆́трени:

На Бг҃ъ гдⷭ҇ь, тропа́рь пра́здника, ꙗ҆́коже пред̾ꙋказа́сѧ: и҆ ѻ҆бы̑чныѧ каѳі̑смы, и҆ сѣда́льны воскрⷭ҇ны, и҆ пра́здника. Воскрⷭ҇нїе хрⷭ҇то́во: ѱало́мъ н҃.

Канѡ́нъ пра́здника со і҆рмосо́мъ на ѕ҃: и҆ ст҃а́гѡ хра́ма, на д҃: и҆ мине́и ст҃а́гѡ на д҃. конда́къ и҆ свѣти́ленъ пра́здника. На хвали́техъ стїхи̑ры воскрⷭ҇ны гла́са, на д҃.

Сла́ва, и҆ ны́нѣ, пра́здника.

На стїхо́внѣ стїхи̑ры пра́здника, съ припѣ́вы и҆́хъ.

Сла́ва, и҆ ны́нѣ, самогла́сенъ пра́здника.

На лїтꙋргі́и, бл҃жє́нна пѣ́снь ѳ҃-ѧ, на ѕ҃. Прокі́менъ, и҆ А҆ллилꙋ́їа пра́здника.

А҆по́столъ дѣѧ́нїй, зача́ло к҃в: Па́ѵелъ съ сꙋ́щими въ дама́сцѣ:

Є҆ѵⷢ҇лїе і҆ѡа́нна, зача́ло н҃в: Сѝ заповѣ́даю ва́мъ:

Прича́стенъ пра́здника.

Въ сꙋббѡ́тꙋ ве́чера, на ма́лѣй вече́рни, на Гдⷭ҇и воззва́хъ, стїхи̑ры воскрⷭ҇ны д҃. Сла́ва, гла́съ є҃: Взы́де і҆и҃съ во і҆ерⷭ҇ли́мъ: И҆ ны́нѣ, бг҃оро́диченъ, догма́тїкъ: Преве́лїе чꙋ́до: На стїхо́внѣ, стїхи́ра воскрⷭ҇на, и҆ бцⷣы, по ѻ҆бы́чаю. Сла́ва, и҆ ны́нѣ, гла́съ и҃: Въ притво́рѣ соломѡ́новѣ: По Ны́нѣ ѿпꙋща́еши, тропа́рь, гла́съ г҃: Да веселѧ́тсѧ нбⷭ҇наѧ: Сла́ва, и҆ ны́нѣ: Тѧ̀ хода́тайствовавшꙋю:

На вели́цѣй вече́рни, по ѻ҆бы́чномъ нача́лѣ, и҆ по предначина́тельномъ ѱалмѣ̀, Бл҃же́нъ мꙋ́жъ: каѳі́сма всѧ̀. На Гдⷭ҇и воззва́хъ, ста́вимъ стїхѡ́въ і҃: и҆ пое́мъ стїхи̑ры воскрⷭ҇ны гла́са г҃: и҆ а҆натѡ́лїевы д҃, и҆ ѡ҆ разсла́бленномъ самогла́сны два̀, повторѧ́юще а҃-ю, гла́съ а҃: Дла́нїю пречи́стою:

Сла́ва, гла́съ є҃: Взы́де і҆и҃съ во і҆ерⷭ҇ли́мъ:

И҆ ны́нѣ, бг҃оро́диченъ: Ка́кѡ не диви́мсѧ:

Вхо́дъ. Свѣ́те ти́хїй:

Прокі́менъ: Гдⷭ҇ь воцр҃и́сѧ, со стїхѝ є҆гѡ̀.

На лїті́и стїхи́ра хра́ма.

Сла́ва, гла́съ є҃: При ѻ҆́вчей кꙋпѣ́ли:

И҆ ны́нѣ, бг҃оро́диченъ, гла́съ то́йже: Хра́мъ и҆ две́рь є҆сѝ:

На стїхо́внѣ, стїхи́ра воскрⷭ҇на: и҆ стїхи̑ры па́схи съ припѣ́вы.

Сла́ва, гла́съ и҃: Въ притво́рѣ соломѡ́новѣ:

И҆ ны́нѣ: Воскрⷭ҇нїѧ де́нь: и҆ про́чее, ꙗ҆́кѡ предписа́сѧ въ мимоше́дшꙋю недѣ́лю.

Въ недѣ́лю д҃-ю по па́сцѣ на ᲂу҆́трени:

На Бг҃ъ гдⷭ҇ь, тропа́рь воскрⷭ҇нъ, два́жды:

Сла́ва, и҆ ны́нѣ, бг҃оро́диченъ.

и҆ ѻ҆бы̑чныѧ каѳі̑смы, и҆ сѣда́льны воскрⷭ҇ны, съ бг҃оро́дичны и҆́хъ.

Чте́мъ же словеса̀ толкова́нїѧ є҆ѵⷢ҇лїа і҆ѡа́нна: л҃ѕ и҆ л҃з, и҆ л҃и. Непоро́чны, съ тропарѝ: А҆́гг҃льскїй собо́ръ: И҆ ѵ҆пакоѝ гла́са: и҆ чте́нїе. Степє́нна, и҆ прокі́менъ гла́са: Всѧ́кое дыха́нїе:

Є҆ѵⷢ҇лїе воскрⷭ҇но лꙋкѝ, зача́ло рв҃і: Во є҆ди́нꙋ ѿ сꙋббѡ́тъ, ѕѣлѡ̀ ра́нѡ:

Та́же: Воскрⷭ҇нїе хрⷭ҇то́во: три́жды, ѱало́мъ н҃. и҆ прѡ́чаѧ ѻ҆бы́чнѡ.

Канѡ́нъ па́схи со і҆рмосы̀, и҆ съ бг҃оро́дичны є҆гѡ̀, на и҃: и҆ ѡ҆ разсла́бленномъ, на ѕ҃. Катава́сїа: Воскрⷭ҇нїѧ де́нь: ѻ҆́ба ли̑ка вкꙋ́пѣ. По г҃-й пѣ́сни, конда́къ и҆ і҆́косъ па́схи, и҆ сѣда́ленъ днѐ, гла́съ г҃: Глаго́лъ разсла́бленнагѡ то́кмѡ стѧгнꙋ̀:

Сла́ва и҆ ны́нѣ, бг҃оро́диченъ: Красотѣ̀ дв҃ства твоегѡ̀:

По ѕ҃-й пѣ́сни,

Конда́къ, гла́съ г҃. Подо́бенъ: Дв҃а дне́сь: Дꙋ́шꙋ мою̀ гдⷭ҇и, во грѣсѣ́хъ всѧ́ческихъ, и҆ безмѣ́стными дѣѧ́ньми лю́тѣ разсла́бленꙋ, воздви́гни бж҃е́ственнымъ твои́мъ предста́тельствомъ, ꙗ҆́коже и҆ разсла́бленнаго воздви́глъ є҆сѝ дре́вле, да зовꙋ́ ти сп҃са́емь: ще́дрый, сла́ва хрⷭ҇тѐ держа́вѣ твое́й.

И҆ і҆́косъ, и҆ чте́мъ сѷнаѯа́рїй. На ѳ҃-й пѣ́сни Чⷭ҇тнѣ́йшꙋю не пое́мъ.

Та́же, Ст҃ъ гдⷭ҇ь бг҃ъ на́шъ, три́жды, на гла́съ г҃.

Свѣти́ленъ па́схи, є҆ди́ножды.

Сла́ва, ѡ҆ разсла́бленномъ:

И҆ ны́нѣ, то́йже.

На хвали́техъ стїхи̑ры воскрⷭ҇ны д҃ и҆ а҆натѡ́лїевы д҃.

Сла́ва, гла́съ и҃: Гдⷭ҇и разсла́бленнаго не кꙋпѣ́ль и҆сцѣлѝ:

И҆ ны́нѣ: Пребл҃гослове́нна є҆сѝ:

Славосло́вїе вели́кое. Тропа́рь воскрⷭ҇нъ. Є҆ктєнїѝ, и҆ ѿпꙋ́стъ, и҆ и҆схожде́нїе въ притво́ръ.

Сла́ва, и҆ ны́нѣ, стїхи́ра є҆ѵⷢ҇льскаѧ, гла́съ г҃: Магдали́ни марі́и:

и҆ поꙋче́нїе стꙋді́тово, и҆ ча́съ а҃- й, и҆ коне́чный ѿпꙋ́стъ. На часѣ́хъ, тропа́рь воскрⷭ҇нъ. По трист҃о́мъ конда́къ трїѡ́ди: Дꙋ́шꙋ мою̀ гдⷭ҇и:

На лїтꙋргі́и, бл҃жє́нна гла́са, на д҃: и҆ ѿ канѡ́на пѣ́снь ѕ҃, на д҃. По вхо́дѣ тропа́рь воскрⷭ҇нъ:

Сла́ва, конда́къ трїѡ́ди: И҆ ны́нѣ, па́схи: А҆́ще и҆ во гро́бъ:

Хра́ма же хрⷭ҇то́ва, и҆ бцⷣы, и҆ ст҃ы́хъ тропарѧ̀ и҆ кондака̀ не глаго́лемъ.

Прокі́менъ, гла́съ а҃: Бꙋ́ди гдⷭ҇и млⷭ҇ть твоѧ̀ на на́съ:

Сті́хъ: Ра́дꙋйтесѧ првⷣнїи ѡ҆ гдⷭ҇ѣ:

А҆по́столъ дѣѧ́нїй, зача́ло к҃г: Бы́сть петрꙋ̀ посѣща́ющꙋ всѣ́хъ:

А҆ллилꙋ́їа, гла́съ є҃: Млⷭ҇ти твоѧ̑ гдⷭ҇и во вѣ́къ воспою̀:

Сті́хъ: Занѐ ре́клъ є҆сѝ, въ вѣ́къ млⷭ҇ть сози́ждетсѧ:

Є҆ѵⷢ҇лїе і҆ѡа́нна, зача́ло д҃і: Взы́де і҆и҃съ во і҆ерⷭ҇ли́мъ:

Прича́стенъ: Тѣ́ло хрⷭ҇то́во: Дрꙋгі́й: Хвали́те гдⷭ҇а съ нб҃съ:

[зрѝ] Подоба́етъ вѣ́дати: Ꙗ҆́кѡ вослѣ́дованїе разсла́бленнагѡ пое́тсѧ въ недѣ́лю, въ понедѣ́льникъ: во вто́рникъ же ѿдае́тсѧ.

Въ понедѣ́льникъ д҃-ѧ седми́цы по па́сцѣ на ᲂу҆́трени:

Тропа́рь воскрⷭ҇нъ гла́са, два́жды:

Сла́ва, ст҃а́гѡ, а҆́ще и҆́мать.

И҆ ны́нѣ, бг҃оро́диченъ а҃-й, во гла́съ тропарѧ̀ ст҃а́гѡ.

А҆́ще ли нѝ: Сла́ва и҆ ны́нѣ, бг҃оро́диченъ а҃-й гла́са.

Во вто́рникъ д҃-ѧ седми́цы по па́сцѣ ве́чера:

Нача́ло по ѻ҆бы́чаю, и҆ каѳі́сма рѧдова́ѧ. На Гдⷭ҇и воззва́хъ, ста́вимъ стїхѡ́въ ѕ҃, и҆ пое́мъ стїхи̑ры настоѧ́щыѧ г҃, повторѧ́юще ѧ҆̀, гла́съ д҃.

Подо́бенъ: Гдⷭ҇и возше́дъ на крⷭ҇тъ: Наста̀ преполове́нїе дне́й:

Сла́ва, и҆ ны́нѣ, гла́съ ѕ҃: Пра́здникꙋ преполовлѧ́ющꙋсѧ:

Вхо́дъ. Прокі́менъ днѐ.

Чтє́нїѧ г҃. а҃-е: Прⷪ҇ро́чества мїхе́ина: Та́кѡ глаго́летъ гдⷭ҇ь: ѿ сїѡ́на и҆зы́детъ зако́нъ: в҃-е: Прⷪ҇ро́чества и҆са́їина: Та́кѡ глаго́летъ гдⷭ҇ь: жа́ждꙋщїи и҆ди́те на во́дꙋ жи́вꙋ: г҃-е: При́тчей: Премꙋ́дрость созда̀ себѣ̀ до́мъ:

Та́же є҆ктенїа̀: Рце́мъ всѝ: и҆ возгла́съ.

Та́же, Сподо́би гдⷭ҇и:

Посе́мъ: И҆спо́лнимъ вече́рнюю:

На стїхо́внѣ: стїхи̑ры пра́здника, самогла́сны, гла́съ а҃: Пѧтдесѧ́тницы наста̀ дне́й преполове́нїе: Припѣ́въ: Помѧнѝ со́нмъ тво́й: в҃, Бг҃ъ же цр҃ь на́шъ пре́жде вѣ́ка:

Сла́ва, и҆ ны́нѣ, гла́съ и҃, Преполови́вшꙋсѧ пра́здникꙋ:

По Ны́нѣ ѿпꙋща́еши, и҆ по Ѻ҆́ч҃е на́шъ:

Тропа́рь пра́здника, гла́съ и҃: Преполови́вшꙋсѧ пра́здникꙋ, жа́ждꙋщꙋю дꙋ́шꙋ мою̀ бл҃гоче́стїѧ напо́й вода́ми, ꙗ҆́кѡ всѣ̑мъ сп҃се возопи́лъ є҆сѝ: жа́ждай да грѧде́тъ ко мнѣ̀ и҆ да пїе́тъ. и҆сто́чниче жи́зни на́шеѧ хрⷭ҇тѐ бж҃е, сла́ва тебѣ̀.

Та́же і҆ере́й: Премꙋ́дрость. и҆ ѿпꙋ́стъ по ѻ҆бы́чаю.

На повече́рїи, ст҃а́гѡ рѧдова́гѡ пое́мъ стїхи̑ры и҆ канѡ́нъ. Конда́къ пра́здника.

[зрѝ] На полꙋ́нощницѣ, по а҃-мъ трист҃о́мъ глаго́лемъ тропа́рь пра́здника. По в҃-мъ трист҃о́мъ конда́къ пра́здника. Та́же, Гдⷭ҇и поми́лꙋй, в҃і. и҆ ѿпꙋ́стъ. Мл҃твы за ᲂу҆поко́й: Помѧнѝ гдⷭ҇и въ наде́жди: не глаго́лемъ.

Въ сре́дꙋ преполове́нїѧ на ᲂу҆́трени:

На Бг҃ъ гдⷭ҇ь, тропа́рь пра́здника три́жды: и҆ ѻ҆бы̑чныѧ каѳі̑смы двѣ̀. и҆ сѣда́льны пра́здника: и҆ чте́нїе въ толкова́нїи є҆ѵⷢ҇лїа і҆ѡа́нна.

Та́же, Воскрⷭ҇нїе хрⷭ҇то́во: Ѱало́мъ н҃.

Канѡ́на пра́здника два̀. Пе́рвый, гла́съ д҃: творе́нїе кѵ́ръ ѳеофа́на, со і҆рмосо́мъ на и҃. И҆ вторы́й, гла́съ и҃: творе́нїе кѵ́ръ а҆ндре́а кри́тскагѡ, на ѕ҃. Катава́сїа, і҆рмо́съ в҃-гѡ канѡ́на: Мо́ре ѡ҆гꙋсти́лъ є҆сѝ: ѻ҆́ба ли̑ка вкꙋ́пѣ. По г҃-й пѣ́сни, сѣда́льны пра́здника, гла́съ и҃.

Подо́бенъ: Премꙋ́дрости сло́ва: Стоѧ̀ посредѝ ст҃и́лища:

Сла́ва, и҆ ны́нѣ: Подо́бенъ: Премꙋ́дрости во́дꙋ и҆ жи́зни:

По ѕ҃-й пѣ́сни,

Конда́къ, гла́съ д҃. Подо́бенъ: Вознесы́йсѧ: Пра́здникꙋ зако́нномꙋ преполовлѧ́ющꙋсѧ, всѣ́хъ тво́рче и҆ влⷣко, къ предстоѧ́щымъ глаго́лалъ є҆сѝ хрⷭ҇тѐ бж҃е: прїиди́те и҆ почерпи́те во́дꙋ безсме́ртїѧ. тѣ́мже тебѣ̀ припа́даемъ, и҆ вѣ́рнѡ вопїе́мъ: щедрѡ́ты твоѧ̑ да́рꙋй на́мъ, ты́ бо є҆сѝ и҆сто́чникъ жи́зни на́шеѧ.

И҆ і҆́косъ, и҆ сѷнаѯа́рїй. На ѳ҃-й пѣ́сни, Чⷭ҇тнѣ́йшꙋю не пое́мъ, но і҆рмо́съ кі́йждо ли́къ, и҆ послѣдѝ і҆рмо́съ: Чꙋ́жде ма́терємъ дв҃ство: и҆ покло́нъ. Свѣти́ленъ пра́здника, три́жды. На хвали́техъ: Всѧ́кое дыха́нїе: Стїхи̑ры пра́здника на д҃, гла́съ д҃.

Подо́бенъ: Ꙗ҆́кѡ до́блѧ: Премꙋ́дрость и҆ си́ла:

Сла́ва, и҆ ны́нѣ, гла́съ то́йже: Просвѣти́вшесѧ бра́тїе:

Славосло́вїе вели́кое. По трист҃о́мъ тропа́рь пра́здника. Є҆ктєнїѝ, и҆ ѿпꙋ́стъ, и҆ ча́съ а҃-й.

На лїтꙋргі́и, бл҃жє́нна, ѿ канѡ́на пра́здника, д҃-гѡ гла́са, пѣ́снь г҃ на д҃, и҆ и҃-гѡ гла́са, пѣ́снь ѕ҃, на д҃. По вхо́дѣ тропа́рь пра́здника:

Сла́ва, и҆ ны́нѣ, конда́къ.

Прокі́менъ, гла́съ г҃: Ве́лїй гдⷭ҇ь на́шъ, и҆ ве́лїѧ крѣ́пость є҆гѡ̀, и҆ ра́зꙋма є҆гѡ̀ нѣ́сть числа̀. и҆ до ѿда́нїѧ.

Сті́хъ: Хвали́те гдⷭ҇а, ꙗ҆́кѡ бл҃гъ ѱало́мъ:

А҆по́столъ дѣѧ́нїй, зача́ло л҃д: Па́ѵелъ и҆ варна́ва прибѣго́ста во гра́ды лѷкаѡ́нскїѧ:

А҆ллилꙋ́їа, гла́съ а҃: Помѧнѝ со́нмъ тво́й:

Сті́хъ: Бг҃ъ же цр҃ь на́шъ пре́жде вѣ́ка:

Є҆ѵⷢ҇лїе і҆ѡа́нна, зача́ло к҃ѕ: Въ преполове́нїе пѧтдесѧ́тницы:

На лїтꙋргі́и, пое́мъ, и҆ на ѿда́нїе преполове́нїѧ, вмѣ́стѡ Свѣти́сѧ: і҆рмо́съ: Чꙋ́жде ма́терємъ дв҃ство: Въ про́чыѧ же дни̑ пое́мъ: Свѣти́сѧ: и҆ до ѿда́нїѧ.

Прича́стенъ: Ꙗ҆ды́й мою̀ пло́ть, и҆ пїѧ́й мою̀ кро́вь, во мнѣ̀ пребыва́етъ, и҆ а҆́зъ въ не́мъ, речѐ гдⷭ҇ь.

А҆ллилꙋ́їа, три́жды.

На трапе́зѣ ᲂу҆тѣше́нїе бра́тїи. Пра́зднꙋетсѧ же се́й пра́здникъ дне́й и҃.

Въ сре́дꙋ преполове́нїѧ ве́чера.

Ѻ҆бы́чнаѧ каѳі́сма. На Гдⷭ҇и воззва́хъ, стїхи̑ры пра́здника г҃, и҆ мине́и ст҃а́гѡ, подо́бны г҃.

Сла́ва, ст҃а́гѡ, а҆́ще є҆́сть:

А҆́ще ли нѝ, Сла́ва, и҆ ны́нѣ, пра́здника, гла́съ в҃: Є҆гда̀ прише́лъ є҆сѝ во ст҃и́лище хрⷭ҇тѐ бж҃е:

Прокі́менъ днѐ. На стїхо́внѣ стїхи́ра воскрⷭ҇на, гла́съ г҃: Стрⷭ҇тїю твое́ю хрⷭ҇тѐ:

Припѣ́въ: Къ тебѣ̀ возведо́хъ ѻ҆́чи моѝ:

Та́же а҆пⷭ҇лѡвъ: Во всю̀ зе́млю и҆зы́де вѣща́нїе и҆́хъ:

Припѣ́въ: Поми́лꙋй на́съ гдⷭ҇и:

Та́же, Мч҃нцы твоѝ гдⷭ҇и:

Сла́ва, и҆ ны́нѣ, пра́здника, гла́съ то́йже:

Преполови́вшꙋсѧ пра́здникꙋ: Тропа́рь ст҃а́гѡ, а҆́ще є҆́сть: А҆́ще ли нѝ, то́чїю пра́здника. Є҆ктенїа̀, и҆ ѿпꙋ́стъ.

Въ четверто́къ д҃-ѧ седми́цы по па́сцѣ ᲂу҆́трени:

Ѻ҆бы́чнаѧ слꙋ́жба, ꙗ҆́коже и҆ всегда̀ въ попра́зднствѣ пра́здника, и҆ ст҃а́гѡ.

На лїтꙋргі́и, бл҃жє́нна пра́здника, пѣ́снь а҃, со і҆рмосо́мъ на ѕ҃.

Въ пѧто́къ д҃-ѧ седми́цы по па́сцѣ ве́чера:

Ѻ҆бы́чнаѧ каѳі́сма. На Гдⷭ҇и воззва́хъ, стїхи̑ры пра́здника, г҃: и҆ мине́и г҃.

Сла́ва, пра́здника, гла́съ а҃: Пѧтдесѧ́тницы наста̀ дне́й преполове́нїе:

И҆ ны́нѣ, бг҃оро́диченъ а҃-й гла́са: Ка́кѡ не диви́мсѧ:

На стїхо́внѣ стїхи̑ры воскрⷭ҇ны д҃, гла́съ г҃: Твои́мъ крⷭ҇то́мъ хрⷭ҇тѐ сп҃се: съ припѣ́вы: Гдⷭ҇ь воцр҃и́сѧ:

Сла́ва, и҆ ны́нѣ, гла́съ а҃: Во ст҃и́лище прише́лъ є҆сѝ:

Тропа́рь пра́здника: и҆ ѿпꙋ́стъ.

На ᲂу҆́трени, по ѻ҆бы́чаю. На лїтꙋргі́и, бл҃жє́нна пра́здника, пѣ́снь д҃.

Въ сꙋббѡ́тꙋ д҃-ѧ седми́цы по па́сцѣ на ᲂу҆́трени:

Пое́тсѧ слꙋ́жба, ꙗ҆́коже въ мимоше́дшихъ сꙋббѡ́тахъ ᲂу҆каза́сѧ.

На лїтꙋргі́и, бл҃жє́нна, пѣ́снь є҃: и҆ прокі́менъ пра́здника.

А҆по́столъ дѣѧ́нїй, зача́ло к҃ѳ: Возложѝ и҆́рѡдъ ца́рь рꙋ́цѣ: А҆ллилꙋ́їа, пра́здника.

Є҆ѵⷢ҇лїе і҆ѡа́нна, зача́ло л҃а: Речѐ гдⷭ҇ь къ вѣ́ровавшымъ къ немꙋ̀ і҆ꙋде́ѡмъ:

Прича́стенъ пра́здника.

Въ сꙋббѡ́тꙋ ве́чера, на ма́лѣй вече́рни, стїхи̑ры воскрⷭ҇ны д҃, гла́съ д҃. Сла́ва, гла́съ ѕ҃: При стꙋденцѣ̀ і҆а́кѡвли: И҆ ны́нѣ, бг҃оро́дичны, гла́съ д҃, догма́тїкъ: Безсѣ́меннѡ зачала̀ є҆сѝ: На стїхо́внѣ, стїхи́ра воскрⷭ҇на, и҆ бцⷣы, по ѻ҆бы́чаю. Сла́ва, гла́съ и҃: Є҆гда̀ ꙗ҆ви́лсѧ є҆сѝ во пло́ти: И҆ ны́нѣ, гла́съ то́йже: Преполови́вшꙋсѧ пра́здникꙋ: По Ны́нѣ ѿпꙋща́еши: тропа́рь, гла́съ д҃: Свѣ́тлꙋю воскрⷭ҇нїѧ про́повѣдь: Сла́ва, и҆ ны́нѣ: Преполови́вшꙋсѧ пра́здникꙋ: и҆ ѿпꙋ́стъ.

На вели́цѣй вече́рни, на Гдⷭ҇и воззва́хъ, ста́вимъ стїхѡ́въ і҃: И҆ пое́мъ стїхи̑ры воскрⷭ҇ны г҃ и҆ а҆нато́лїевъ а҃: и҆ преполове́нїѧ подо́бны г҃: и҆ самарѧны́ни самогла́сны г҃, гла́съ а҃: На и҆сто́чникъ прише́лъ є҆сѝ:

Сла́ва, гла́съ ѕ҃: При стꙋденцѣ̀ і҆а́кѡвли:

И҆ ны́нѣ, бг҃оро́диченъ: И҆́же тебѐ ра́ди:

Вхо́дъ. Прокі́менъ днѐ. На лїті́и стїхи́ра хра́ма.

Сла́ва, и҆ ны́нѣ, гла́съ г҃: Да ра́дꙋетсѧ дне́сь свѣ́тлѡ нб҃о и҆ землѧ̀:

На стїхо́внѣ стїхи́ра, гла́съ д҃: Гдⷭ҇и возше́дъ на крⷭ҇тъ: и҆ про́чыѧ стїхи̑ры па́схи, съ припѣ́вы и҆́хъ.

Сла́ва, гла́съ и҃: Є҆гда̀ ꙗ҆ви́лсѧ є҆сѝ во пло́ти хрⷭ҇тѐ бж҃е:

И҆ ны́нѣ: Воскрⷭ҇нїѧ де́нь: и҆ прѡ́чаѧ всѧ̑, ꙗ҆́кѡ предписа́шасѧ въ про́чихъ недѣ́лѧхъ.

На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ, два́жды: гла́съ д҃.

Сла́ва, и҆ ны́нѣ, пра́здника, гла́съ и҃: Преполови́вшꙋсѧ пра́здникꙋ:

и҆ ѻ҆бы̑чныѧ каѳі̑смы, и҆ сѣда́льны воскрⷭ҇ны, съ бг҃оро́дичны и҆́хъ.

и҆ чте́нїе въ толкова́нїи є҆ѵⷢ҇лїа і҆ѡа́нна: сло́во л҃а, л҃в, л҃г и҆ л҃д.

Непоро́чны, съ тропарѝ: А҆́гг҃льскїй собо́ръ: та́же ѵ҆пакоѝ гла́са.

Степє́нна, и҆ прокі́менъ гла́са: Всѧ́кое дыха́нїе:

є҆ѵⷢ҇лїе воскрⷭ҇но, і҆ѡа́нна, зача́ло ѯ҃г: Во є҆ди́нꙋ ѿ сꙋббѡ́тъ:

Посе́мъ, Воскрⷭ҇нїе хрⷭ҇то́во: три́жды.

ѱало́мъ н҃. и҆ про́чее ѻ҆бы́чное.

Канѡ́нъ па́схи, со і҆рмосо́мъ, и҆ съ бг҃оро́дичны, на ѕ҃: и҆ преполове́нїѧ на д҃: и҆ самарѧны́ни на д҃. Катава́сїа: Воскрⷭ҇нїѧ де́нь: По г҃-й пѣ́сни, конда́къ преполове́нїѧ и҆ і҆́косъ.

Та́же сѣда́ленъ, гла́съ д҃.

Подо́бенъ: Вознесы́йсѧ: Да ра́дꙋетсѧ нб҃о:

Сла́ва, и҆ ны́нѣ, гла́съ то́йже.

Подо́бенъ: Премꙋ́дрости пода́телю и҆ влⷣко:

По ѕ҃-й пѣ́сни,

Конда́къ, гла́съ и҃.

Подо́бенъ: Ꙗ҆́кѡ нача́тки: Вѣ́рою прише́дши на кла́дѧзь самарѧны́нѧ, ви́дѣ тѧ̀ премꙋ́дрости во́дꙋ: є҆ѧ́же напи́вшисѧ ѻ҆би́льнѡ, црⷭ҇твїе вы́шнее наслѣ́дова вѣ́чнѡ, ꙗ҆́кѡ присносла́внаѧ.

И҆ і҆́косъ, и҆ сѷнаѯа́рїй.

На ѳ҃-й пѣ́сни, Чⷭ҇тнѣ́йшꙋю не пое́мъ. Ст҃ъ гдⷭ҇ь бг҃ъ на́шъ, три́жды, на гла́съ д҃.

Свѣти́ленъ па́схи.

Сла́ва, самарѧны́ни.

Подо́бенъ, Жєны̀ ᲂу҆слы́шите: Въ самарі́ю прише́лъ є҆сѝ:

И҆ ны́нѣ, преполове́нїѧ.

На хвали́техъ стїхи̑ры воскрⷭ҇ны д҃: и҆ а҆нато́лїевъ а҃: и҆ самарѧны́ни самогла́сны г҃, гла́съ в҃: Да ра́дꙋетсѧ дне́сь:

Сла́ва, гла́съ ѕ҃: И҆сто́чникъ живонача́лїѧ:

И҆ ны́нѣ, Пребл҃гослове́нна є҆сѝ:

Славосло́вїе вели́кое. Тропа́рь воскрⷭ҇нъ. Є҆ктєнїѝ и҆ ѿпꙋ́стъ, и҆ и҆схожде́нїе.

Сла́ва, и҆ ны́нѣ, стїхи́ра є҆ѵⷢ҇льскаѧ, гла́съ з҃. Сѐ тьма̀ и҆ ра́нѡ:

И҆ поꙋче́нїе стꙋді́тово, и҆ ча́съ а҃-й, и҆ коне́чный ѿпꙋ́стъ.

На часѣ́хъ, тропа́рь воскрⷭ҇нъ:

Сла́ва, пра́здника:

И҆ ны́нѣ, бг҃оро́диченъ часѡ́въ.

По трист҃о́мъ конда́къ пра́здника и҆ самарѧны́ни премѣнѧ́емъ.

На лїтꙋргі́и, бл҃жє́нна гла́са, на д҃: и҆ самарѧны́ни пѣ́снь г҃: и҆ пра́здника, пѣ́снь ѕ҃. По вхо́дѣ тропа́рь воскрⷭ҇нъ и҆ пра́здника преполове́нїѧ:

Сла́ва, конда́къ самарѧны́ни:

И҆ ны́нѣ, преполове́нїѧ:

Прокі́менъ, гла́съ г҃: По́йте бг҃ꙋ на́шемꙋ, по́йте:

Сті́хъ: Всѝ ꙗ҆зы́цы восплещи́те рꙋка́ми:

А҆по́столъ дѣѧ́нїй, зача́ло к҃и: Разсѣ́ѧвшїисѧ а҆пⷭ҇ли: А҆ллилꙋ́їа, гла́съ д҃: Налѧцы̀ и҆ ᲂу҆спѣва́й, и҆ ца́рствꙋй:

Сті́хъ: Возлюби́лъ є҆сѝ пра́вдꙋ:

Є҆ѵⷢ҇лїе і҆ѡа́нна, зача́ло в҃і: Прїи́де і҆и҃съ во гра́дъ самарі́йскїй:

Вмѣ́стѡ, досто́йно є҆́сть: пое́мъ і҆рмо́съ: Свѣти́сѧ: Прича́стный: Тѣ́ло хрⷭ҇то́во: Дрꙋгі́й: Хвали́те гдⷭ҇а съ нб҃съ:

Слꙋ́жба ст҃а́гѡ мине́и пое́тсѧ на повече́рїи.

[зрѝ] Подоба́етъ вѣ́дати: Ꙗ҆́кѡ слꙋ́жба самарѧны́ни пое́тсѧ четы́ре дни̑, въ недѣ́лю, въ четверто́къ, пѧто́къ и҆ въ сꙋббѡ́тꙋ: Въ понедѣ́льникъ ᲂу҆́бѡ, и҆ во вто́рникъ, пое́тсѧ слꙋ́жба преполове́нїѧ, въ сре́дꙋ ѿдае́тсѧ, пое́мъ ꙗ҆́коже и҆ на са́мый пра́здникъ, кромѣ̀ вхо́да и҆ паремі́й.

Въ тꙋ́южде недѣ́лю самарѧны́ни ве́чера:

На Гдⷭ҇и воззва́хъ, стїхи̑ры преполове́нїѧ, трѝ: и҆ мине́и ст҃а́гѡ, г҃.

Сла́ва, и҆ ны́нѣ, пра́здника.

На стїхо́внѣ, стїхи̑ры трїѡ́ди:

Сла́ва, и҆ ны́нѣ, пра́здника.

Тропа́рь пра́здника: Є҆ктенїа̀, и҆ ѿпꙋ́стъ. На повече́рїи, по Досто́йно, и҆ по трист҃о́мъ, конда́къ пра́здника преполове́нїѧ є҆ди́нъ.

Въ понедѣ́льникъ є҃-ѧ седми́цы по па́сцѣ на ᲂу҆́трени:

На Бг҃ъ гдⷭ҇ь, тропа́рь пра́здника преполове́нїѧ: и҆ ѻ҆бы̑чныѧ каѳі̑смы.

Канѡ́нъ преполове́нїѧ, и҆ мине́и ст҃а́гѡ, и҆ про́чее по ѻ҆бы́чаю.

На лїтꙋргі́и, бл҃жє́нна пра́здника, пѣ́снь седма́ѧ. Во вто́рникъ, пѣ́снь ѻ҆сма́ѧ.

Во вто́рникъ є҃-ѧ седми́цы по па́сцѣ ве́чера:

На Гдⷭ҇и воззва́хъ, стїхи̑ры пра́здника преполове́нїѧ, на ше́сть. На стїхо́внѣ пра́здника. и҆ про́чее всѐ вослѣ́дованїе пра́здника, ве́черъ, и҆ ᲂу҆́трѡ непремѣ́ннѡ, кромѣ̀ вхо́да, и҆ паремі́й, ꙗ҆́коже и҆ на са́мый пра́здникъ.

На лїтꙋргі́и, бл҃жє́нна пра́здника, ѻ҆бою̀ канѡ́нѡвъ, пѣ́снь ѳ҃-ѧ. Прокі́менъ, А҆ллилꙋ́їа, и҆ прича́стенъ пра́здника. А҆по́столъ и҆ є҆ѵⷢ҇лїе днѐ: и҆ ѿдае́тсѧ пра́здникъ преполове́нїѧ.

[зрѝ] Слꙋ́жба мине́и пое́тсѧ на повече́рїи.

Въ сре́дꙋ є҃-ѧ седми́цы по па́сцѣ ве́чера:

На Гдⷭ҇и воззва́хъ, стїхи̑ры самарѧны́ни, г҃: и҆ мине́и ст҃а́гѡ,

Сла́ва, и҆ ны́нѣ, гла́съ а҃: На и҆сто́чникъ прише́лъ є҆сѝ:

На стїхо́внѣ, стїхи̑ры ѻ҆бы̑чныѧ, трїѡ́ди.

Сла́ва, и҆ ны́нѣ, гла́съ в҃: На стꙋдене́цъ ꙗ҆́кѡ прїи́де гдⷭ҇ь:

Въ четверто́къ є҃-ѧ седми́цы по па́сцѣ на ᲂу҆́трени:

На Бг҃ъ гдⷭ҇ь, тропа́рь воскрⷭ҇нъ, гла́съ д҃: Свѣ́тлꙋю воскрⷭ҇нїѧ про́повѣдь: два́жды.

Сла́ва, и҆ ны́нѣ, бг҃оро́диченъ є҆гѡ̀.

Каѳі̑смы ѻ҆бы̑чныѧ, и҆ сѣда́льны. Канѡ́нъ самарѧны́ни, и҆ мине́и: и҆ про́чее ꙗ҆́коже въ пре́жднихъ дне́хъ ꙗ҆вле́но є҆́сть.

Въ сꙋббѡ́тꙋ є҃-ѧ седми́цы по па́сцѣ на ᲂу҆́трени:

Ѻ҆бы̑чныѧ каѳі̑смы, и҆ сѣда́льны.

Канѡ́нъ самарѧны́ни, со і҆рмосо́мъ на ѕ҃: и҆ хра́ма на д҃, и҆ мине́и на д҃. На хвали́техъ стїхи̑ры воскрⷭ҇ны, на д҃.

Сла́ва, и҆ ны́нѣ, гла́съ ѕ҃: И҆сто́чникъ живонача́лїѧ:

На стїхо́внѣ стїхи̑ры, гла́съ д҃. Подо́бенъ: Ꙗ҆́кѡ до́блѧ: И҆сто́чника приснотекꙋ́щаго: Припѣ́въ: Налѧцы̀, и҆ ᲂу҆спѣва́й, и҆ ца́рствꙋй: в҃-й, Возлюби́лъ є҆сѝ пра́вдꙋ:

Сла́ва, и҆ ны́нѣ, гла́съ ѕ҃: Та́кѡ глаго́летъ гдⷭ҇ь самарѧны́ни:

На лїтꙋргі́и, бл҃жє́нна самарѧны́ни пѣ́снь ѳ҃-ѧ, на ѕ҃.

Прокі́менъ, гла́съ г҃: По́йте бг҃ꙋ на́шемꙋ, по́йте:

Сті́хъ: Всѝ ꙗ҆зы́цы восплещи́те рꙋка́ми:

А҆по́столъ дѣѧ́нїй, зача́ло л҃з: Па́ѵелъ и҆ варна́ва живѧ́ста во а҆нтїохі́и: А҆ллилꙋ́їа днѐ.

Є҆ѵⷢ҇лїе і҆ѡа́нна, зача́ло л҃и: Ѻ҆́вцы моѧ̑ гла́са моегѡ̀ слꙋ́шаютъ:

Прича́стный: Тѣ́ло хрⷭ҇то́во прїими́те:

Въ сꙋббѡ́тꙋ ве́чера, На ма́лѣй вече́рни, стїхи̑ры воскрⷭ҇ны гла́съ є҃: Чⷭ҇тны́мъ твои́мъ крⷭ҇то́мъ хрⷭ҇тѐ:

Сла́ва, гла́съ то́йже: Гдⷭ҇и мимоходѧ̀ дре́вле пꙋте́мъ:

И҆ ны́нѣ, бг҃оро́диченъ догма́тїкъ, гла́съ то́йже: Бг҃олѣ́пнꙋю и҆ чⷭ҇тнꙋ́ю:

На стїхо́внѣ стїхи́ра воскрⷭ҇на, и҆ бцⷣы, по ѻ҆бы́чаю.

Сла́ва, гла́съ и҃: Пра́вды сл҃нце мы́сленное:

И҆ ны́нѣ, гла́съ є҃: Хра́мъ и҆ две́рь є҆сѝ: и҆ про́чее ѻ҆бы́чнѡ.

На вели́цѣй вече́рни, по ѻ҆бы́чномъ ѱалмѣ̀, Бл҃же́нъ мꙋ́жъ, каѳі́сма всѧ̀. На Гдⷭ҇и воззва́хъ, ста́вимъ стїхѡ́въ і҃: и҆ пое́мъ стїхи̑ры воскрⷭ҇ны трѝ, гла́съ є҃: а҆натѡ́лїевы д҃: и҆ ѡ҆ слѣпо́мъ самогла́сны два̀, гла́съ в҃: Слѣпы́й роди́выйсѧ: повторѧ́юще пе́рвꙋю.

Сла́ва, гла́съ є҃: Гдⷭ҇и мимоходѧ̀ пꙋте́мъ:

И҆ ны́нѣ, бг҃оро́диченъ: Въ чермнѣ́мъ мо́ри:

Вхо́дъ. прокі́менъ днѐ. На лїті́и стїхи́ра хра́ма.

Сла́ва, гла́съ д҃: Всѐ житїѐ слѣпы́й:

И҆ ны́нѣ, бг҃оро́диченъ: При́зри на молє́нїѧ:

На стїхо́внѣ стїхи́ра воскрⷭ҇на, гла́съ є҃: Тебѐ воплоще́ннаго:

Та́же стїхи̑ры па́схи, со ѻ҆бы́чными припѣ́вы:

Сла́ва, гла́съ и҃: Пра́вды сл҃нце мы́сленное:

И҆ ны́нѣ: Воскрⷭ҇нїѧ де́нь: и҆ про́чее ꙗ҆́кѡ предписа́сѧ въ мимоше́дшыѧ недѣ̑ли.

На ᲂу҆́трени, по шестоѱа́лмїи, на Бг҃ъ гдⷭ҇ь, тропа́рь воскрⷭ҇нъ, гла́съ є҃: Собезнача́льное сло́во ѻ҆ц҃ꙋ̀ и҆ дх҃ови: два́жды.

Сла́ва, и҆ ны́нѣ, бг҃оро́диченъ є҆гѡ̀.

и҆ ѻ҆бы̑чныѧ каѳі̑смы, и҆ сѣда́льны воскрⷭ҇ны, съ бг҃оро́дичны и҆́хъ.

и҆ чте́нїе въ толкова́нїи є҆ѵⷢ҇лїа і҆ѡа́нна, сло́во н҃ѕ, н҃з, н҃и.

Непоро́чны, съ тропарѝ: А҆́гг҃льскїй собо́ръ: и҆ ѵ҆пакоѝ. Степє́нна, и҆ прокі́менъ гла́са: Всѧ́кое дыха́нїе.

Є҆ѵⷢ҇лїе і҆ѡа́нна, зача́ло ѯ҃д: Мр҃і́а стоѧ́нїе ᲂу҆ гро́ба:

Воскрⷭ҇нїе хрⷭ҇то́во: три́жды. и҆ ѱало́мъ н҃. и҆ про́чее.

Канѡ́нъ па́схи, со і҆рмосо́мъ, и҆ съ бг҃оро́дичны є҆гѡ̀, на и҃: и҆ слѣпа́гѡ, на ѕ҃, гла́съ є҃.

Катава́сїа: Сп҃си́телю бг҃ꙋ: По г҃-й пѣ́сни, конда́къ и҆ і҆́косъ па́схи.

Та́же сѣда́ленъ слѣпа́гѡ:

Сла́ва, и҆ ны́нѣ, то́йже, и҆ чте́нїе.

По ѕ҃-й пѣ́сни,

Конда́къ, гла́съ д҃.

Подо́бенъ: Ꙗ҆ви́лсѧ є҆сѝ: Дꙋше́вныма ѻ҆чи́ма ѡ҆слѣпле́нъ къ тебѣ̀ хрⷭ҇тѐ прихождꙋ̀, ꙗ҆́коже слѣпы́й ѿ рожде́нїѧ, покаѧ́нїемъ зовꙋ́ ти: ты̀ сꙋ́щихъ во тьмѣ̀ свѣ́тъ пресвѣ́тлый.

И҆ і҆́косъ. и҆ сѷнаѯа́рїй. На ѳ҃-й пѣ́сни, Чⷭ҇тнѣ́йшꙋю не пое́мъ. На схо́дѣ і҆рмо́съ: Тѧ̀ па́че ᲂу҆ма̀:

Та́же, Ст҃ъ гдⷭ҇ь бг҃ъ на́шъ: три́жды, на гла́съ є҃.

Свѣти́ленъ па́схи.

Сла́ва, слѣпа́гѡ: Оу҆́мныѧ моѝ ѻ҆́чи:

И҆ ны́нѣ, дрꙋгі́й.

Подо́бенъ: Жєны̀ ᲂу҆слы́шите: Мимоиды́й сп҃съ на́шъ:

На хвали́техъ стїхи̑ры воскрⷭ҇ны д҃, гла́съ є҃, и҆ а҆натѡ́лїевы г҃: та́же слѣпа́гѡ самогла́сенъ є҆ди́нъ, гла́съ и҃: За млⷭ҇рдїе млⷭ҇ти воплоти́выйсѧ:

Сла́ва, гла́съ и҃: Кто̀ возглаго́летъ си̑лы твоѧ̑ хрⷭ҇тѐ:

И҆ ны́нѣ: Пребл҃гослове́нна є҆сѝ:

Славосло́вїе вели́кое. Тропа́рь воскрⷭ҇нъ то́чїю. Є҆ктєнїѝ, и҆ ѿпꙋ́стъ, и҆ и҆схожде́нїе въ притво́ръ.

Сла́ва, и҆ ны́нѣ, стїхи́ра є҆ѵⷢ҇льскаѧ, и҃-ѧ, гла́съ и҃: Мр҃і́ины сле́зы:

и҆ поꙋче́нїе стꙋді́тово, и҆ ча́съ а҃-й, и҆ коне́чный ѿпꙋ́стъ.

На лїтꙋргі́и, бл҃жє́нна гла́са, на д҃: и҆ ѿ канѡ́на слѣпа́гѡ, пѣ́снь ѕ҃-ѧ. По вхо́дѣ тропа́рь воскрⷭ҇нъ:

Сла́ва, конда́къ: Дꙋше́вныма ѻ҆чи́ма ѡ҆слѣпле́нъ:

И҆ ны́нѣ, па́схи: А҆́ще и҆ во гро́бъ:

Прокі́менъ, гла́съ и҃: Помоли́тесѧ и҆ воздади́те гдⷭ҇еви бг҃ꙋ на́шемꙋ.

Сті́хъ: Вѣ́домъ во і҆ꙋде́и бг҃ъ:

А҆по́столъ дѣѧ́нїй, зача́ло л҃и: Бы́сть и҆дꙋ́щымъ а҆пⷭ҇лѡмъ на мл҃твꙋ: А҆ллилꙋ́їа, гла́съ и҃: При́зри на мѧ̀, и҆ поми́лꙋй мѧ̀:

Сті́хъ: Стѡпы̀ моѧ̑ напра́ви по словесѝ твоемꙋ̀:

Є҆ѵⷢ҇лїе і҆ѡа́нна, зача́ло л҃д: Мимоиды́й і҆и҃съ ви́дѣ человѣ́ка слѣ́па ѿ ржⷭ҇тва̀:

Прича́стный: Тѣ́ло хрⷭ҇то́во: Дрꙋгі́й: Хвали́те гдⷭ҇а съ нб҃съ:

[зрѝ] Слꙋ́жбꙋ ст҃а́гѡ слꙋчи́вшагѡсѧ въ сїю̀ недѣ́лю пое́мъ на повече́рїи.

Въ тꙋ́южде недѣ́лю ве́чера:

На Гдⷭ҇и воззва́хъ, стїхи̑ры, на ѕ҃. Слѣпа́гѡ г҃, и҆ мине́и ст҃а́гѡ, г҃:

Сла́ва, и҆ ны́нѣ, гла́съ в҃: Слѣпы́й роди́выйсѧ:

На стїхо́внѣ стїхи́ра воскрⷭ҇на, гла́съ є҃: Чⷭ҇тны́мъ твои́мъ крⷭ҇то́мъ хрⷭ҇тѐ: и҆ про́чее ѻ҆бы́чнѡ.

Въ понедѣ́льникъ слѣпа́гѡ:

На ᲂу҆́трени, на Бг҃ъ гдⷭ҇ь тропа́рь воскрⷭ҇нъ, гла́съ є҃: два́жды.

Сла́ва, ст҃а́гѡ, а҆́ще и҆́мать, а҆́ще ли нѝ:

Сла́ва, и҆ ны́нѣ, бг҃оро́диченъ є҆гѡ̀.

и҆ ѻ҆бы̑чныѧ каѳі̑смы, и҆ сѣда́льны, канѡ́нъ слѣпа́гѡ, и҆ мине́и: и҆ про́чее ᲂу҆́трени.

Во вто́рникъ ве́чера ѿда́нїе пра́здника па́схи:

По ѳ҃-мъ часѣ̀, твори́тъ сщ҃е́нникъ нача́ло съ кади́ломъ и҆ со свѣще́ю: црⷭ҇кимъ две́ремъ ѿве́рзєнымъ, и҆ пое́тъ: Хрⷭ҇то́съ воскр҃се: со стїхѝ, и҆ пото́мъ ѱало́мъ: Бл҃гословѝ дꙋшѐ моѧ̀ гдⷭ҇а:

Та́же, є҆ктенїа̀, и҆ ѻ҆бы́чнаѧ каѳі́сма.

На Гдⷭ҇и воззва́хъ, стїхи̑ры слѣпа́гѡ, на ѕ҃, самогла́сны, гла́съ в҃: Слѣпы́й роди́выйсѧ:

Сла́ва, и҆ ны́нѣ, гла́съ и҃: Кто̀ возглаго́летъ си̑лы твоѧ̑ хрⷭ҇тѐ:

Прокі́менъ днѐ. На стїхо́внѣ стїхи́ра воскрⷭ҇на, гла́съ є҃: Тебѐ воплоще́ннаго сп҃са хрⷭ҇та̀:

Та́же, да воскрⷭ҇нетъ бг҃ъ, и҆ расточа́тсѧ вразѝ є҆гѡ̀.

и҆ пое́мъ стїхи̑ры па́схи, съ припѣ́вы и҆́хъ: Па́сха сщ҃е́ннаѧ на́мъ дне́сь показа́сѧ: и҆ прѡ́чаѧ.

Сла́ва, и҆ ны́нѣ: Воскрⷭ҇нїѧ де́нь:

и҆ пото́мъ: Хрⷭ҇то́съ воскр҃се: съ пѣ́нїемъ є҆ди́ножды.

Та́же, Ны́нѣ ѿпꙋща́еши:

Трист҃о́е. и҆ по Ѻ҆́ч҃е на́шъ: Тропа́рь воскрⷭ҇нъ, гла́съ є҃: Собезнача́льное сло́во:

Сла́ва, и҆ ны́нѣ, бг҃оро́диченъ є҆гѡ̀, и҆ є҆ктенїа̀:

Поми́лꙋй на́съ бж҃е: и҆ ѻ҆бы́чный ѿпꙋ́стъ глаго́летъ і҆ере́й без̾ крⷭ҇та̀: Воскр҃сы́й и҆з̾ ме́ртвыхъ: и҆ ст҃а́гѡ днѐ помина́етъ. и҆ многолѣ́тны.

[зрѝ] На повече́рїи, по Досто́йно, и҆ по трист҃о́мъ, конда́къ слѣпа́гѡ. Сла́ва, и҆ ны́нѣ, па́схи: А҆́ще и҆ во гро́бъ:

[зрѝ] Полꙋ́нощницꙋ же пое́мъ по ѻ҆бы́чаю съ каѳі́смою. По а҃-мъ трист҃о́мъ вмѣ́стѡ, Сѐ жени́хъ: глаго́лемъ тропа́рь воскрⷭ҇нъ: Собезнача́льное сло́во: Сла́ва, и҆ ны́нѣ, бг҃оро́диченъ є҆гѡ̀. По в҃-мъ трист҃о́мъ вмѣ́стѡ, Помѧнѝ гдⷭ҇и, ꙗ҆́кѡ бл҃гъ: глаго́лемъ конда́къ па́схи: А҆́ще и҆ во гро́бъ: Посе́мъ, Гдⷭ҇и поми́лꙋй, в҃і. и҆ ѿпꙋ́стъ. Мл҃твы же, Помѧнѝ гдⷭ҇и въ наде́жди: не глаго́лемъ:

Въ сре́дꙋ ѕ҃-ѧ седми́цы по па́сцѣ:

На ᲂу҆́трени, нача́ло твори́тъ сщ҃е́нникъ: Сла́ва ст҃ѣ́й, и҆ є҆диносꙋ́щнѣй: по ѻ҆бы́чаю, съ кади́ломъ, и҆ со стїхѝ, ꙗ҆́кѡ и҆з̾ѡбрази́сѧ на вече́рни, и҆ пото́мъ глаго́летъ настоѧ́тель, и҆лѝ чте́цъ: Сла́ва въ вы́шнихъ бг҃ꙋ: и҆ шестоѱа́лмїе по ѻ҆бы́чаю. На Бг҃ъ гдⷭ҇ь, тропа́рь воскрⷭ҇нъ, гла́съ є҃: Собезнача́льное сло́во: два́жды.

Сла́ва, и҆ ны́нѣ, бг҃оро́диченъ є҆гѡ̀.

и҆ ѻ҆бы̑чныѧ каѳі̑смы. По а҃-й каѳі́смѣ сѣда́льны воскрⷭ҇ны.

Сла́ва, и҆ ны́нѣ, бг҃оро́диченъ, и҆ чте́нїе і҆ѡа́нна.

По в҃-й каѳі́смѣ сѣда́ленъ слѣпа́гѡ. Воскрⷭ҇нїе хрⷭ҇то́во: и҆ ѱало́мъ н҃.

Канѡ́ны трѝ: Па́схи со і҆рмосо́мъ, на ѕ҃, и҆ слѣпа́гѡ на д҃, и҆ предпра́зднства вознесе́нїѧ, на д҃.

Катава́сїа: Сп҃си́телю бг҃ꙋ: По г҃-й пѣ́сни, конда́къ и҆ і҆́косъ слѣпа́гѡ, и҆ сѣда́ленъ, гла́съ а҃.

Подо́бны: Гро́бъ тво́й: Воѻчи́лъ є҆сѝ хрⷭ҇тѐ:

Сла́ва, и҆ ны́нѣ: Роди́лсѧ є҆сѝ:

По ѕ҃-й пѣ́сни, конда́къ па́схи: А҆́ще и҆ во гро́бъ: и҆ і҆́косъ, и҆ про́логъ.

На ѳ҃-й пѣ́сни, Чⷭ҇тнѣ́йшꙋю не пое́мъ: но пое́мъ припѣ́вы па́схи.

Къ тропарє́мъ же канѡ́нѡвъ слѣпа́гѡ и҆ предпра́зднства, глаго́лемъ стїхѝ пѣ́сней.

Катава́сїа: Тѧ̀ па́че ᲂу҆ма̀:

Свѣти́ленъ па́схи: Пло́тїю ᲂу҆снꙋ́въ: два́жды. и҆ слѣпа́гѡ: Оу҆́мныѧ моѝ ѻ҆́чи:

На хвали́техъ стїхи̑ры на и҃: и҆ слѣпа́гѡ на д҃, гла́съ в҃: Слѣпы́й роди́выйсѧ:

Та́же стїхи̑ры па́схи съ припѣ́вы и҆́хъ.

Сла́ва, и҆ ны́нѣ, гла́съ є҃: Воскрⷭ҇нїѧ де́нь: и҆ Хрⷭ҇то́съ воскр҃се: ꙗ҆́коже ᲂу҆каза́сѧ на вече́рни, и҆ славосло́вїе вели́кое.

Та́же, тропа́рь, гла́съ є҃: Собезнача́льное сло́во:

Сла́ва, и҆ ны́нѣ, бг҃оро́диченъ є҆гѡ̀.

Є҆ктєнїѝ, и҆ ѿпꙋ́стъ без̾ крⷭ҇та̀, и҆ ст҃а́го на ѿпꙋ́стѣ помина́етъ, є҆гѡ́же бꙋ́детъ де́нь.

и҆ ча́съ а҃-й въ притво́рѣ. На а҃-мъ часѣ̀, глаго́лемъ ѱалмы̀ ѻ҆бы̑чныѧ. На Сла́ва, глаго́лемъ тропа́рь: Собезнача́льное сло́во: И҆ ны́нѣ, бг҃оро́диченъ: Что́ тѧ нарече́мъ:

По трист҃о́мъ конда́къ: Дꙋше́вныма ѻ҆чи́ма: и҆ коне́чный ѿпꙋ́стъ, по ѻ҆бы́чаю, и҆ про́чее.

Часы̀ пред̾ лїтꙋргі́ею глаго́лемъ триѱа́лмнїи. Нача́ло лїтꙋргі́и, ꙗ҆́коже на са́мꙋю па́схꙋ.

На лїтꙋргі́и, и҆з̾ѡбрази́тєльнаѧ, и҆ бл҃жє́нна ѿ канѡ́на пѣ́снь г҃ и҆ ѕ҃. По вхо́дѣ тропа́рь, Собезнача́льное сло́во:

Сла́ва, конда́къ слѣпа́гѡ:

И҆ ны́нѣ, па́схи, А҆́ще и҆ во гро́бъ: и҆ про́чее.

Прокі́менъ па́схи, Се́й де́нь, є҆го́же сотворѝ гдⷭ҇ь: А҆ллилꙋ́їа па́схи.

А҆по́столъ и҆ є҆ѵⷢ҇лїе днѐ, и҆ про́чаѧ слꙋ́жба воскрⷭ҇на всѧ̀.

Прича́стный, Тѣ́ло хрⷭ҇то́во: глаго́лемъ же и҆ ѱало́мъ л҃г, Бл҃гословлю̀ гдⷭ҇а:

Та́же і҆ере́й твори́тъ ѿпꙋ́стъ па́схи со крⷭ҇то́мъ.

и҆ про́чее всѐ пое́мъ, коне́цъ лїтꙋргі́и, ꙗ҆́коже ᲂу҆каза́сѧ на са́мꙋю па́схꙋ: и҆ та́кѡ ѿдае́тсѧ пра́здникъ ст҃а́гѡ и҆ живоно́снагѡ хрⷭ҇то́ва воскрⷭ҇нїѧ.

На трапе́зѣ быва́етъ бра́тїи ᲂу҆тѣше́нїе вели́кое, си́рѣчь, є҆ле́емъ, ры́бою и҆ вїно́мъ.

Въ четверто́къ ѕ҃-ѧ седми́цы по па́сцѣ, пра́зднꙋемъ вознесе́нїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀.

Въ сре́дꙋ ве́чера, глаго́лемъ ча́съ девѧ́тый триѱа́лмный. и҆ до недѣ́ли и҃-ѧ, во всѧ́комъ цр҃ко́вномъ пѣ́нїи.

На ма́лѣй вече́рни, на Гдⷭ҇и воззва́хъ, стїхи̑ры пра́здника на д҃, гла́съ ѕ҃: Гдⷭ҇ь вознесе́сѧ на нб҃са̀:

Сла́ва, и҆ ны́нѣ, гла́съ то́йже, Гдⷭ҇и а҆пⷭ҇ли ꙗ҆́кѡ ви́дѣша тѧ̀:

Прокі́менъ днѐ. На стїхо́внѣ стїхи̑ры, гла́съ а҃: Возше́дъ на нб҃са̀: съ припѣ́вы и҆́хъ. а҃-й, Всѝ ꙗ҆зы́цы восплещи́те рꙋка́ми: в҃-й, Взы́де бг҃ъ въ воскликнове́нїи:

Сла́ва, и҆ ны́нѣ, гла́съ в҃: Роди́лсѧ є҆сѝ:

Та́же, Ны́нѣ ѿпꙋща́еши: Трист҃о́е, и҆ по Ѻ҆́ч҃е на́шъ:

Тропа́рь, гла́съ д҃: Возне́слсѧ є҆сѝ во сла́вѣ хрⷭ҇тѐ бж҃е на́шъ, ра́дость сотвори́вый ᲂу҆ч҃нкѡ́мъ ѡ҆бѣтова́нїемъ ст҃а́гѡ дх҃а, и҆звѣщє́ннымъ и҆̀мъ бы́вшымъ бл҃гослове́нїемъ: ꙗ҆́кѡ ты̀ є҆сѝ сн҃ъ бж҃їй, и҆зба́витель мі́ра.

Та́же, є҆ктенїа̀ ма́лаѧ, и҆ ѿпꙋ́стъ.

На вели́цѣй вече́рни, по предначина́тельномъ ѱалмѣ̀ каѳі́смы не глаго́лемъ. На Гдⷭ҇и воззва́хъ, ста́вимъ стїхѡ́въ і҃: и҆ пое́мъ стїхи̑ры пра́здника. самогла́сны є҃, повторѧ́юще ѧ҆̀, гла́съ ѕ҃: Гдⷭ҇ь вознесе́сѧ на нб҃са̀:

Сла́ва, и҆ ны́нѣ, гла́съ то́йже, Нѣ́дръ ѻ҆ч҃ескихъ не разлꙋ́чьсѧ:

Вхо́дъ. Свѣ́те ти́хїй:

Прокі́менъ днѐ, и҆ чтє́нїѧ пра́здника, г҃.

а҃-е, Прⷪ҇ро́чества и҆са́їина: Та́кѡ глаго́летъ гдⷭ҇ь: бꙋ́детъ въ послѣ̑днѧѧ дни̑:

в҃-е, Тогѡ́же прⷪ҇ро́чества: Та́кѡ глаго́летъ гдⷭ҇ь: поиди́те и҆ вни́дите враты̀ мои́ми:

г҃-е, Прⷪ҇ро́чества заха́рїина: Та́кѡ глаго́летъ гдⷭ҇ь: сѐ де́нь грѧде́тъ гдⷭ҇ень:

На лїті́и стїхи̑ры самогла́сны пра́здника, гла́съ а҃: Возше́дъ на нб҃са̀:

Сла́ва, и҆ ны́нѣ, гла́съ д҃: Гдⷭ҇и, та́инство є҆́же ѿ вѣкѡ́въ:

На стїхо́внѣ стїхи̑ры самогла́сны, гла́съ в҃: Роди́лсѧ є҆сѝ ꙗ҆́кѡ са́мъ восхотѣ́лъ є҆сѝ: съ припѣ́вы, и҆̀же пи́саны на ма́лѣй вече́рни.

Сла́ва, и҆ ны́нѣ, гла́съ ѕ҃: Взы́де бг҃ъ Въ воскликнове́нїи:

Та́же, Ны́нѣ ѿпꙋща́еши: и҆ трист҃о́е.

На бл҃гослове́нїи хлѣ́бѡвъ тропа́рь пра́здника, гла́съ д҃: Возне́слсѧ є҆сѝ во сла́вѣ: три́жды.

И҆ чте́нїе вели́кое въ дѣѧ́нїихъ ст҃ы́хъ а҆пⷭ҇лъ.

А҆ и҆дѣ́же нѣ́сть всено́щнагѡ: по Ны́нѣ ѿпꙋща́еши, тропа́рь пра́здника, є҆ди́ножды.

На повече́рїи, по Досто́йно, конда́къ пра́здника. Полꙋ́нощницꙋ пое́мъ по ѻ҆бы́чаю съ каѳі́смою. По а҃-мъ трист҃о́мъ, вмѣ́стѡ, Сѐ жени́хъ: глаго́лемъ тропа́рь пра́здника. По в҃-мъ трист҃о́мъ, вмѣ́стѡ, Помѧнѝ гдⷭ҇и ꙗ҆́кѡ бл҃гъ: глаго́лемъ конда́къ пра́здника.

Та́же, Гдⷭ҇и поми́лꙋй, в҃і, и҆ ѿпꙋ́стъ. Мл҃твы же, Помѧнѝ гдⷭ҇и въ наде́жди: не глаго́лемъ.

Въ четверто́къ.

Оу҆́трени нача́ло по ѻ҆бы́чаю: и҆ а҆́бїе чте́цъ глаго́летъ: Прїиди́те поклони́мсѧ: три́жды. и҆ ѻ҆бы̑чныѧ два̀ ѱалма̀, ѳ҃і и҆ к҃: и҆ шестоѱа́лмїе. На Бг҃ъ гдⷭ҇ь, тропа́рь пра́здника: Возне́слсѧ є҆сѝ во сла́вѣ: три́жды. и҆ ѻ҆бы̑чныѧ каѳі̑смы двѣ̀, и҆ сѣда́льны пра́здника. Полѷеле́й пра́здника, и҆ сѣда́ленъ. И҆ чте́нїе пра́здника: похва̑льнаѧ словеса̀, творе́нїе кѵ́ръ а҆ндре́а, и҆лѝ про́чихъ. Степє́нна, а҃-й а҆нтїфѡ́нъ д҃-гѡ гла́са.

Прокі́менъ, гла́съ д҃: Взы́де бг҃ъ въ воскликнове́нїи:

Сті́хъ: Всѝ ꙗ҆зы́цы восплещи́те рꙋка́ми: Всѧ́кое дыха́нїе:

Є҆ѵⷢ҇лїе ма́рка, зача́ло ѻ҃а:

Воскр҃съ і҆и҃съ заꙋ́тра въ пе́рвꙋю сꙋббѡ́тꙋ: Воскрⷭ҇нїе хрⷭ҇то́во: є҆ди́ножды. ѱало́мъ н҃.

Стїхи́ра пра́здника, гла́съ ѕ҃: Дне́сь на нб҃сѣ́хъ гѡ́рнїѧ си̑лы: и҆ про́чее.

Канѡ́ны пра́здника два̀: а҃-й, творе́нїе кѵ́ръ і҆ѡа́нна мона́ха, гла́съ є҃: і҆рмосы̀ по два́жды, тропарѝ на ѕ҃. Дрꙋгі́й, гла́съ д҃, творе́нїе кѵ́ръ і҆ѡ́сифа, со і҆рмосо́мъ на ѕ҃.

Катава́сїа, Бж҃е́ственнымъ покрове́нъ: ѻ҆́ба ли̑ка вкꙋ́пѣ:

По г҃-й пѣ́сни сѣда́ленъ пра́здника, гла́съ и҃.

Подо́бенъ, Премꙋ́дрости: Всѣ́дъ на ѻ҆́блаки нбⷭ҇ныѧ:

Сла́ва, и҆ ны́нѣ, то́йже, и҆ чте́нїе пра́здника.

По ѕ҃-й пѣ́сни,

Конда́къ, гла́съ ѕ҃: Є҆́же ѡ҆ на́съ и҆спо́лнивъ смотре́нїе, и҆ ꙗ҆̀же на землѝ соедини́въ нбⷭ҇нымъ, возне́слсѧ є҆сѝ во сла́вѣ хрⷭ҇тѐ бж҃е, ника́коже ѿлꙋча́ѧсѧ, но пребыва́ѧ неѿстꙋ́пный, и҆ вопїѧ̀ лю́бѧщымъ тѧ̀: а҆́зъ є҆́смь съ ва́ми, и҆ никто́же на вы̀.

И҆ і҆́косъ, и҆ чте́мъ сѷнаѯа́рїй.

На ѳ҃-й пѣ́сни, Чⷭ҇тнѣ́йшꙋю не пое́мъ, но пое́мъ припѣ́вы пра́здника.

По ѳ҃-й же пѣ́сни катава́сїа, Ра́дꙋйсѧ цр҃и́це:

Та́же свѣти́ленъ пра́здника, Оу҆ч҃нкѡ́мъ зрѧ́щымъ тѧ̀: три́жды.

На хвали́техъ стїхи̑ры на д҃, гла́съ а҃.

Подо́бенъ: Нбⷭ҇ныхъ чинѡ́въ: А҆́гг҃льски и҆̀же въ мі́рѣ торжествꙋ́имъ:

Сла́ва, и҆ ны́нѣ, гла́съ в҃: Роди́лсѧ є҆сѝ ꙗ҆́кѡ са́мъ восхотѣ́лъ є҆сѝ:

Славосло́вїе вели́кое. Тропа́рь пра́здника, и҆ є҆ктєнїѝ, и҆ ѿпꙋ́стъ. Дае́тсѧ и҆ ст҃ы́й є҆ле́й бра́тїи, и҆ поꙋче́нїе стꙋді́тово, и҆ ча́съ а҃-й въ притво́рѣ. Тропа́рь и҆ конда́къ пра́здника: и҆ соверше́нный ѿпꙋ́стъ.

На лїтꙋргі́и:

А҆нтїфѡ́нъ а҃, ѱало́мъ м҃ѕ, гла́съ в҃: Всѝ ꙗ҆зы́цы восплещи́те рꙋка́ми, воскли́кните бг҃ꙋ гла́сомъ ра́дованїѧ.

Мл҃твами бцⷣы, сп҃се сп҃сѝ на́съ.

Сті́хъ в҃: Ꙗ҆́кѡ гдⷭ҇ь вы́шнїй стра́шенъ, цр҃ь ве́лїй по все́й землѝ.

Мл҃твами бцⷣы:

Сті́хъ г҃: Покорѝ лю́ди на́мъ, и҆ ꙗ҆зы́ки под̾ но́ги на́шѧ.

Мл҃твами бцⷣы:

Сті́хъ д҃: Взы́де бг҃ъ въ воскликнове́нїи, гдⷭ҇ь во гла́сѣ трꙋ́бнѣ.

Мл҃твами бцⷣы:

Сла́ва, и҆ ны́нѣ: Мл҃твами бцⷣы:

А҆нтїфѡ́нъ в҃, ѱало́мъ м҃з, гла́съ в҃: Ве́лїй гдⷭ҇ь, и҆ хва́ленъ ѕѣлѡ̀, во гра́дѣ бг҃а на́шегѡ, въ горѣ̀ ст҃ѣ́й є҆гѡ̀.

Сп҃си́ ны сн҃е бж҃їй, вознесы́йсѧ во сла́вѣ, пою́щыѧ тѝ: А҆ллилꙋ́їа.

Сті́хъ в҃: Го́ры сїѡ́нскїѧ, ре́бра сѣ́верѡва, гра́дъ цр҃ѧ̀ вели́кагѡ.

Сп҃си́ ны сн҃е бж҃їй:

Сті́хъ г҃: Бг҃ъ въ тѧ́жестехъ є҆гѡ̀ зна́емь є҆́сть, є҆гда̀ застꙋпа́етъ и҆̀.

Сп҃си́ ны сн҃е бж҃їй:

Сті́хъ д҃: Ꙗ҆́кѡ сѐ ца́рїе зе́мстїи собра́шасѧ, снидо́шасѧ вкꙋ́пѣ.

Сп҃си́ ны сн҃е бж҃їй:

Сла́ва, и҆ ны́нѣ, Є҆диноро́дный сн҃е:

А҆нтїфѡ́нъ г҃, ѱало́мъ м҃и, гла́съ д҃: Оу҆слы́шите сїѧ̑ всѝ ꙗ҆зы́цы, внꙋши́те всѝ живꙋ́щїи по вселе́ннѣй.

Та́же тропа́рь, гла́съ то́йже: Возне́слсѧ є҆сѝ во сла́вѣ хрⷭ҇тѐ бж҃е на́шъ:

Сті́хъ в҃: Земноро́днїи же и҆ сы́нове человѣ́честїи, вкꙋ́пѣ бога́тъ и҆ ᲂу҆бо́гъ.

Тропа́рь, Возне́слсѧ є҆сѝ во сла́вѣ:

Сті́хъ г҃: Оу҆ста̀ моѧ̑ возглаго́лютъ премꙋ́дрость, и҆ поꙋче́нїе се́рдца моегѡ̀ ра́зꙋмъ.

Тропа́рь, Возне́слсѧ є҆сѝ во сла́вѣ:

Сті́хъ д҃: Приклоню̀ въ при́тчꙋ ᲂу҆́хо моѐ, ѿве́рзꙋ во ѱалти́ри гана́нїе моѐ.

Тропа́рь: Возне́слсѧ є҆сѝ во сла́вѣ:

Та́же дїа́конъ, Премꙋ́дрость, про́сти:

Мы́ же Вхо́дное: Взы́де бг҃ъ въ воскликнове́нїи, гдⷭ҇ь во гла́сѣ трꙋ́бнѣ.

Тропа́рь: Возне́слсѧ є҆сѝ во сла́вѣ:

Сла́ва, и҆ ны́нѣ, конда́къ, Є҆́же ѡ҆ на́съ и҆спо́лнивъ смотре́нїе:

Та́же трист҃о́е:

Прокі́менъ, гла́съ з҃. Вознеси́сѧ на нб҃са̀ бж҃е, и҆ по все́й землѝ сла́ва твоѧ̀:

Сті́хъ: Гото́во се́рдце моѐ бж҃е, гото́во се́рдце моѐ.

А҆по́столъ: дѣѧ́нїй зача́ло а҃: Пе́рвое ᲂу҆́бѡ сло́во сотвори́хъ: А҆ллилꙋ́їа, гла́съ в҃: Взы́де бг҃ъ въ воскликнове́нїи:

Сті́хъ: Всѝ ꙗ҆зы́цы восплещи́те рꙋка́ми:

Є҆ѵⷢ҇лїе лꙋкѝ, зача́ло рд҃і: Воскр҃съ і҆и҃съ ѿ ме́ртвыхъ, и҆ ста̀ посредѣ̀ ᲂу҆ч҃нкъ свои́хъ:

За Досто́йно пое́мъ и҆ до ѿда́нїѧ: І҆рмо́съ, Тѧ̀ па́че ᲂу҆ма̀:

Прича́стенъ: Взы́де бг҃ъ въ воскликнове́нїи, гдⷭ҇ь во гла́сѣ трꙋ́бнѣ.

А҆ллилꙋ́їа.

На трапе́зѣ ве́лїе ᲂу҆тѣше́нїе бра́тїи.

Въ четверто́къ ве́чера, вознесе́нїѧ.

Каѳі́смы не глаго́лемъ. А҆́ще ли гдѣ̀ всено́щнагѡ не бы́ло, каѳі́смꙋ глаго́лемъ рѧдовꙋ́ю. На Гдⷭ҇и воззва́хъ: стїхи̑ры пра́здника самогла́сны г҃, и҆ мине́и ст҃а́гѡ г҃.

Сла́ва, ст҃а́гѡ, а҆́ще и҆́мать:

И҆ ны́нѣ, пра́здника,

А҆́ще же нѝ: Сла́ва, и҆ ны́нѣ, пра́здника, гла́съ в҃: Роди́лсѧ є҆сѝ: Вхо́дъ.

Прокі́менъ вели́кїй, гла́съ з҃: Бг҃ъ на́шъ на нб҃сѝ и҆ на землѝ, всѧ̑ є҆ли̑ка восхотѣ̀ сотворѝ.

Сті́хъ: Во и҆схо́дѣ і҆и҃левѣ ѿ є҆гѵ́пта, до́мꙋ і҆а́кѡвлѧ:

Сті́хъ: Мо́ре ви́дѣ и҆ побѣжѐ:

Сті́хъ: Что́ ти є҆́сть мо́ре, ꙗ҆́кѡ побѣ́гло є҆сѝ;

И҆ па́ки, Бг҃ъ на́шъ на нб҃сѝ и҆ на землѝ:

Є҆ктєнїѝ, Рце́мъ всѝ: и҆ И҆спо́лнимъ вече́рнюю мл҃твꙋ:

На стїхо́внѣ стїхи̑ры пра́здника, гла́съ в҃.

Подо́бенъ, Є҆гда̀ ѿ дре́ва: Глаго́летъ и҆́же всѧ́чєскаѧ и҆сполнѧ́ѧй: Съ припѣ́вы пра́здника.

Сла́ва, и҆ ны́нѣ, гла́съ ѕ҃: На гора́хъ ст҃ы́хъ:

Тропа́рь пра́здника, Возне́слсѧ є҆сѝ: и҆ ѿпꙋ́стъ.

[зрѝ] Слꙋ́жбꙋ мине́и рѧдова́гѡ ст҃а́гѡ, слꙋчи́вшагѡсѧ въ пра́здникъ вознесе́нїѧ, пое́мъ на повече́рїи.

[зрѝ] Вѣ́дати же є҆́сть: Ꙗ҆́кѡ пра́зднꙋетсѧ слꙋ́жба влⷣчнѧгѡ пра́здника до пѧтка̀ пѧтдесѧ́тницы: Бл҃жє́нны же глаго́лемъ ѿ канѡ́нѡвъ пра́здника.

Въ пѧто́къ вознесе́нїѧ на ᲂу҆́трени.

На Бг҃ъ гдⷭ҇ь, тропа́рь пра́здника, три́жды. Каѳі̑смы ѻ҆бы̑чныѧ двѣ̀, и҆ сѣда́льны пра́здника, и҆ чте́нїе.

Канѡ́нъ пра́здника, і҆рмосы̀ по два́жды, тропарѝ на ѕ҃: є҆ди́нъ по є҆ди́номꙋ премѣнѧ́юще на всѧ́къ де́нь глаго́лемъ: и҆ мине́и на д҃. По г҃-й пѣ́сни, конда́къ и҆ і҆́косъ ст҃а́гѡ, и҆ сѣда́ленъ є҆гѡ̀:

Сла́ва, и҆ ны́нѣ, пра́здника.

По ѕ҃-й пѣ́сни, конда́къ и҆ і҆́косъ пра́здника.

По ѳ҃-й пѣ́сни, свѣти́ленъ пра́здника:

Сла́ва, ст҃а́гѡ, а҆́ще и҆́мать:

И҆ ны́нѣ, пра́здника.

А҆́ще ли нѝ, Сла́ва, и҆ ны́нѣ, пра́здника. На стїхо́внѣ, стїхи̑ры пра́здника:

Сла́ва, и҆ ны́нѣ, пра́здника. И҆ про́чее ᲂу҆́трени.

На лїтꙋргі́и, бл҃жє́нна ѿ канѡ́на пра́здника, пѣ́снь а҃-ѧ, со і҆рмосо́мъ на ѕ҃.

Въ сꙋббѡ́тꙋ ѕ҃-ѧ недѣ́ли на лїтꙋргі́и.

Пра́здника пѣ́снь г҃, на ѕ҃.

Прокі́менъ пра́здника: Вознеси́сѧ на нб҃са̀ бж҃е:

А҆по́столъ дѣѧ́нїй, зача́ло м҃г: Во є҆ди́нꙋ ѿ сꙋббѡ́тъ собра́вшымсѧ ᲂу҆ч҃нкѡ́мъ:

А҆ллилꙋ́їа, пра́здника:

Є҆ѵⷢ҇лїе і҆ѡа́нна, зача́ло м҃и: Глаго́лы, ꙗ҆̀же а҆́зъ глаго́лю ва́мъ:

Прича́стенъ пра́здника.

Въ сꙋббѡ́тꙋ ве́чера, на ма́лѣй вече́рни, на Гдⷭ҇и воззва́хъ стїхи̑ры воскрⷭ҇ны на д҃, гла́съ ѕ҃: Побѣ́дꙋ и҆мѣ́ѧй хрⷭ҇тѐ: Сла́ва, гла́съ то́йже: Та́инствєнныѧ дне́сь дх҃а трꙋбы̑: И҆ ны́нѣ, бг҃оро́диченъ: Досто́йно є҆́сть, ꙗ҆́кѡ вои́стиннꙋ: На стїхо́внѣ стїхи́ра воскрⷭ҇на, и҆ бцⷣы, по ѻ҆бы́чаю. Сла́ва, гла́съ д҃: Моле́бнꙋю па́мѧть дне́сь: И҆ ны́нѣ, пра́здника, гла́съ то́йже: Гдⷭ҇и, та́инство: Тропа́рь воскрⷭ҇нъ. Сла́ва, и҆ ны́нѣ, пра́здника. Є҆ктенїа̀, и҆ ѿпꙋ́стъ.

На вели́цѣй вече́рни, Бл҃же́нъ мꙋ́жъ: каѳі́сма всѧ̀. На Гдⷭ҇и воззва́хъ, ста́вимъ стїхѡ́въ і҃: и҆ пое́мъ стїхи̑ры воскрⷭ҇ны г҃, гла́съ ѕ҃: и҆ вознесе́нїѧ г҃: и҆ ѻ҆тцє́въ д҃, гла́съ ѕ҃.

Подо́бенъ: Ѿча́ѧннаѧ:

Сла́ва, гла́съ то́йже, самогла́сенъ: Та́инствєнныѧ дне́сь дх҃а трꙋбы̑:

И҆ ны́нѣ: Кто̀ тебѐ не ᲂу҆бл҃жи́тъ: Вхо́дъ.

Прокі́менъ: Гдⷭ҇ь воцр҃и́сѧ, со стїхѝ є҆гѡ̀: и҆ чтє́нїѧ ѻ҆тцє́въ г҃.

На лїті́и стїхи́ра пра́здника, гла́съ а҃: Возше́дъ на нб҃са̀:

Сла́ва, ѻ҆тцє́въ, гла́съ г҃: А҆по́стольскихъ преда́нїй:

И҆ ны́нѣ, пра́здника, гла́съ ѕ҃: Гдⷭ҇и смотре́нїѧ соверши́въ та́инство:

На стїхо́внѣ стїхи̑ры воскрⷭ҇ны по а҆лфави́тꙋ.

Сла́ва, ѻ҆тцє́въ, гла́съ д҃: Моле́бнꙋю па́мѧть дне́сь:

И҆ ны́нѣ, пра́здника, гла́съ то́йже: Гдⷭ҇и та́инство є҆́же ѿ вѣкѡ́въ:

Та́же, Ны́нѣ ѿпꙋща́еши: Трист҃о́е, и҆ по Ѻ҆́ч҃е на́шъ:

Тропа́рь ѻ҆тцє́въ, гла́съ и҃: Препросла́вленъ є҆сѝ хрⷭ҇тѐ бж҃е на́шъ, свѣти̑ла на землѝ ѻ҆тцы̀ на́ши ѡ҆снова́вый, и҆ тѣ́ми ко и҆́стиннѣй вѣ́рѣ всѧ̑ ны̀ наста́вивый, многобл҃гоꙋтро́бне сла́ва тебѣ̀. Два́жды.

И҆ пра́здника, є҆ди́ножды: и҆ бл҃гослове́нїе хлѣ́бѡвъ, и҆ чте́нїе дѣѧ́нїй ст҃ы́хъ а҆пⷭ҇лъ.

[зрѝ] А҆́ще ли нѣ́сть бдѣ́нїѧ, тропа́рь воскрⷭ҇нъ: А҆́гг҃льскїѧ си̑лы: Сла́ва, ѻ҆тцє́въ. И҆ ны́нѣ, вознесе́нїѧ. На повече́рїи, конда́къ ѻ҆тцє́въ: Сла́ва, и҆ ны́нѣ, вознесе́нїѧ.

На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ, гла́съ ѕ҃: А҆́гг҃льскїѧ си̑лы: два́жды.

Сла́ва, ѻ҆тцє́въ.

И҆ ны́нѣ, пра́здника, вознесе́нїѧ.

По каѳі́смахъ сѣда́льны воскрⷭ҇ны съ бг҃оро́дичны и҆́хъ, и҆ чте́нїе во є҆ѵⷢ҇лїи толково́мъ і҆ѡа́нна, є҆мꙋ́же нача́ло:

По пра́здницѣ пресла́внагѡ вознесе́нїѧ гдⷭ҇а на́шегѡ і҆и҃са хрⷭ҇та̀: Непоро́чны съ тропарѝ: А҆́гг҃льскїй собо́ръ: И҆ ѵ҆пакоѝ гла́са. Степє́нна, и҆ прокі́менъ гла́са: Всѧ́кое дыха́нїе:

Є҆ѵⷢ҇лїе воскрⷭ҇но і҆ѡа́нна, зача́ло ѯ҃ѕ: Ꙗ҆ви́сѧм і҆и҃съ ᲂу҆ч҃нкѡ́мъ свои̑мъ воста́въ ѿ ме́ртвыхъ:

Та́же, Воскрⷭ҇нїе хрⷭ҇то́во: ѱало́мъ н҃, и҆ про́чее ѻ҆бы́чное.

Канѡ́нъ воскрⷭ҇нъ гла́са: со і҆рмосо́мъ на д҃: и҆ вознесе́нїѧ на д҃: и҆ ѻ҆тцє́въ на ѕ҃.

Катава́сїа: Бж҃е́ственнымъ покрове́нъ:

По г҃-й пѣ́сни конда́къ и҆ і҆́косъ вознесе́нїѧ: и҆ сѣда́ленъ ѻ҆тцє́въ, гла́съ д҃.

Подо́бенъ: Ско́рѡ предварѝ: Свѣти̑ла пресвѣ̑тлаѧ:

Сла́ва, дрꙋгі́й, гла́съ то́йже.

Подо́бенъ: Вознесы́йсѧ: Нїке́йскїй свѣ́тлый гра́дъ:

И҆ ны́нѣ, вознесе́нїѧ.

По ѕ҃- пѣ́сни,

Конда́къ ѻ҆тцє́въ, гла́съ и҃.

Подо́бенъ: Ꙗ҆́кѡ нача́тки: А҆пⷭ҇лъ проповѣ́данїе, и҆ ѻ҆тє́цъ догма́ты, цр҃кви є҆ди́нꙋ вѣ́рꙋ запечатлѣ́ша: ꙗ҆́же и҆ ри́зꙋ носѧ́щи и҆́стины, и҆стка́нꙋ ѿ є҆́же свы́ше бг҃осло́вїѧ, и҆справлѧ́етъ и҆ сла́витъ бл҃гоче́стїѧ вели́кое та́инство.

И҆ і҆́косъ.

На ѳ҃-й пѣ́сни пое́мъ, Чⷭ҇тнѣ́йшꙋю: Свѣти́ленъ воскрⷭ҇нъ.

Сла́ва, ѻ҆тцє́въ.

И҆ ны́нѣ, пра́здника.

На хвали́техъ стїхи̑ры воскрⷭ҇ны д҃, и҆ ѻ҆тцє́въ г҃, повторѧ́юще а҃-ю, гла́съ ѕ҃.

Подо́бенъ: Всю̀ ѿложи́вше: Всѐ собра́вше дꙋше́вное хꙋдо́жество:

Сла́ва, гла́съ и҃: Ст҃ы́хъ ѻ҆тє́цъ ли́къ:

И҆ ны́нѣ: Пребл҃гослове́нна є҆сѝ бцⷣе дв҃о:

Славосло́вїе вели́кое.

Тропа́рь воскрⷭ҇нъ то́чїю.

Є҆ктєнїѝ, и҆ ѿпꙋ́стъ, и҆ и҆схожде́нїе въ притво́ръ.

Сла́ва, и҆ ны́нѣ, стїхи́ра є҆ѵⷢ҇льскаѧ, гла́съ ѕ҃: По є҆́же во а҆́дъ соше́ствїи:

И҆ поꙋче́нїе стꙋді́тово.

и҆ ча́съ а҃-й. На а҃-мъ часѣ̀ тропа́рь воскрⷭ҇нъ:

Сла́ва, пра́здника:

И҆ ны́нѣ бг҃оро́диченъ часѡ́въ.

По трист҃о́мъ конда́къ пра́здника. На г҃-мъ часѣ̀, тропа́рь воскрⷭ҇нъ.

Сла́ва, ѻ҆тцє́въ.

И҆ ны́нѣ, бг҃оро́диченъ часѡ́въ.

По трист҃о́мъ конда́къ ѻ҆тцє́въ. Та́кожде и҆ на про́чихъ часѣ́хъ, тропа́рь и҆ конда́къ пра́здника, и҆ ѻ҆тцє́въ, глаго́лемъ премѣнѧ́юще.

На лїтꙋргі́и, бл҃жє́нна гла́са, на д҃: и҆ пра́здника пѣ́снь д҃-ѧ, на д҃: и҆ ѻ҆тцє́въ пѣ́снь ѕ҃-ѧ, на д҃.

По вхо́дѣ глаго́лемъ тропа́рь воскрⷭ҇нъ, та́же вознесе́нїѧ и҆ ѻ҆тцє́въ:

Сла́ва, конда́къ ѻ҆тцє́въ.

И҆ ны́нѣ, вознесе́нїѧ.

Прокі́менъ, гла́съ д҃, пѣ́снь ѻ҆тцє́въ: Бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ:

Сті́хъ: Ꙗ҆́кѡ пра́веденъ є҆сѝ ѡ҆ всѣ́хъ:

А҆по́столъ: дѣѧ́нїй зача́ло м҃д: Сꙋдѝ па́ѵелъ ми́мѡ и҆тѝ є҆фе́съ:

А҆ллилꙋ́їа, гла́съ а҃: Бг҃ъ богѡ́въ гдⷭ҇ь глаго́ла, и҆ призва̀ зе́млю:

Сті́хъ: Собери́те є҆мꙋ̀ прпⷣбныѧ є҆гѡ̀.

Є҆ѵⷢ҇лїе і҆ѡа́нна, зача́ло н҃ѕ: Возве́дъ і҆и҃съ ѻ҆́чи своѝ на нб҃о:

Прича́стенъ: Хвали́те гдⷭ҇а съ нб҃съ:

Дрꙋгі́й: Ра́дꙋйтесѧ првⷣнїи ѡ҆ гдⷭ҇ѣ:

Въ тꙋ́южде недѣ́лю ве́чера:

На Гдⷭ҇и воззва́хъ, пое́мъ стїхи̑ры на ѕ҃: ѻ҆тцє́въ, г҃, гла́съ ѕ҃.

Подо́бенъ, Ѿча́ѧннаѧ: И҆з̾ чре́ва роди́лсѧ є҆сѝ пре́жде денни́цы: и҆ мине́и ст҃а́гѡ г҃.

Сла́ва, ѻ҆тцє́въ, гла́съ ѕ҃: Та́инствєнныѧ дне́сь дх҃а трꙋбы̑:

И҆ ны́нѣ, пра́здника, гла́съ то́йже: На гора́хъ ст҃ы́хъ:

Прокі́менъ днѐ. На стїхо́внѣ стїхи̑ры ѻ҆тцє́въ, гла́съ ѕ҃.

Подо́бенъ: Всю̀ ѿложи́вше: съ припѣ́вы и҆́хъ.

Сла́ва, гла́съ г҃: А҆по́стольскихъ преда́нїй:

И҆ ны́нѣ, пра́здника, гла́съ ѕ҃: Взы́де бг҃ъ въ воскликнове́нїи:

Тропа́рь ѻ҆тцє́въ.

Сла́ва, ст҃а́гѡ, а҆́ще є҆́сть:

А҆́ще ли нѝ, Сла́ва, и҆ ны́нѣ, пра́здника.

и҆ ѿдае́тсѧ послѣ́дованїе ст҃ы́хъ ѻ҆тцє́въ.

Въ понедѣ́льникъ з҃ недѣ́ли на ᲂу҆́трени:

На Бг҃ъ гдⷭ҇ь, тропа́рь вознесе́нїѧ, три́жды. Каѳі̑смы двѣ̀, и҆ сѣда́льны пра́здника. Канѡ́нъ пра́здника, со і҆рмосо́мъ на и҃: і҆рмосы̀ по два́жды: и҆ мине́и на д҃. На стїхо́внѣ стїхи̑ры пра́здника, и҆ про́чее.

[зрѝ] На лїтꙋргі́и, бл҃жє́нна ѿ канѡ́на пра́здника, пѣ́снь є҃, во вто́рникъ ѕ҃, въ сре́дꙋ з҃, въ четверто́къ и҃.

Въ четверто́къ ве́чера з҃-ѧ седми́цы ѿда́нїе вознесе́нїѧ.

На Гдⷭ҇и воззва́хъ, и҆ всѐ послѣ́дованїе, пое́мъ пра́здника, неизмѣ́ннѡ, ꙗ҆́коже и҆ въ гдⷭ҇ьственный де́нь вознесе́нїѧ, кромѣ̀ чте́нїй, и҆ полѷеле́а: на вече́рни же, и҆ на ᲂу҆́трени, и҆ на лїтꙋргі́и, бл҃жє́нна пра́здника, пѣ́снь ѳ҃, ѻ҆бои́хъ канѡ́нѡвъ на и҃.

По вхо́дѣ тропа́рь пра́здника.

Сла́ва, и҆ ны́нѣ: конда́къ.

Прокі́менъ, А҆ллилꙋ́їа, и҆ прича́стенъ пра́здника: а҆по́столъ же, и҆ є҆ѵⷢ҇лїе днѐ.

[зрѝ] Слꙋ́жбꙋ же мине́и пое́мъ на повече́рїи.

Въ пѧто́къ ве́чера пѧтдесѧ́тницы, па́мѧть соверша́емъ всѣ́хъ ѿ вѣ́ка ᲂу҆со́пшихъ бл҃гочести́выхъ хрⷭ҇тїа́нъ, ѻ҆тє́цъ и҆ бра́тїй на́шихъ.

И҆ пое́мъ всю̀ слꙋ́жбꙋ ѡ҆ ᲂу҆со́пшихъ ве́черъ и҆ ᲂу҆́тро, ꙗ҆́коже пред̾из̾ѧви́сѧ въ сꙋббѡ́тꙋ мѧсопꙋ́стнꙋю, во все́мъ подо́бнѣ. Ли́стъ тч҃д на ѡ҆бор.

Въ сꙋббѡ́тꙋ ве́чера, на ма́лѣй вече́рни, на Гдⷭ҇и воззва́хъ, стїхи̑ры пра́здника, на д҃: гла́съ а҃: Пѧтдесѧ́тницꙋ пра́зднꙋимъ: Сла́ва, и҆ ны́нѣ, гла́съ и҃: Є҆гда̀ дх҃а твоего̀ посла́лъ є҆сѝ гдⷭ҇и: На стїхо́внѣ стїхи̑ры самогла́сны, гла́съ в҃: Ви́дѣхомъ свѣ́тъ и҆́стинный: Припѣ́въ: Се́рдце чи́сто сози́жди во мнѣ̀ бж҃е: в҃, Не ѿве́ржи менѐ ѿ лица̀ твоегѡ̀: Сла́ва, и҆ ны́нѣ, гла́съ то́йже: Трⷪ҇цꙋ є҆диносꙋ́щнꙋю: Та́же, Ны́нѣ ѿпꙋща́еши: Трист҃о́е, и҆ по Ѻ҆́ч҃е на́шъ: Тропа́рь пра́здника, гла́съ и҃: Бл҃гослове́нъ є҆сѝ хрⷭ҇тѐ бж҃е на́шъ, и҆́же премꙋ́дры ловцы̀ ꙗ҆вле́й, низпосла́въ и҆̀мъ дх҃а ст҃а́го, и҆ тѣ́ми ᲂу҆ловле́й вселе́ннꙋю, чл҃вѣколю́бче сла́ва тебѣ̀. Є҆ктенїа̀ ма́лаѧ, и҆ ѿпꙋ́стъ.

На вели́цѣй вече́рни, ѻ҆бы́чное стїхосло́вїе: На Гдⷭ҇и воззва́хъ, ста́вимъ стїхѡ́въ і҃: и҆ пое́мъ стїхи̑ры самогла́сны, гла́съ а҃: Пѧтдесѧ́тницꙋ пра́зднꙋимъ: И҆́ны стїхи̑ры, гла́съ в҃: Ви́дѣхомъ свѣ́тъ и҆́стинный:

Сла́ва, и҆ ны́нѣ, гла́съ и҃: Прїиди́те лю́дїе, трїѷпоста́сномꙋ бж҃ествꙋ̀ поклони́мсѧ:

Вхо́дъ. Свѣ́те ти́хїй: прокі́менъ днѐ, и҆ чтє́нїѧ пра́здника г҃:

а҃-е, Чи́слъ: Речѐ гдⷭ҇ь къ мѡѷсе́ю: собери́ ми се́дмьдесѧтъ мꙋже́й:

в҃-е, Прⷪ҇ро́чества і҆ѡ́илева: Та́кѡ глаго́летъ гдⷭ҇ь: ча̑да сїѡ́нѡва ра́дꙋйтесѧ:

г҃-е, Прⷪ҇ро́чества і҆езекі́илева: Та́кѡ глаго́летъ гдⷭ҇ь: прїимꙋ̀ ва́съ ѿ ꙗ҆зы̑къ:

На лїті́и, стїхи̑ры самогла́сны г҃, гла́съ в҃: Во прⷪ҇ро́цѣхъ возвѣсти́лъ є҆сѝ на́мъ пꙋ́ть сп҃се́нїѧ:

Сла́ва, и҆ ны́нѣ, гла́съ и҃: Є҆гда̀ дх҃а твоего̀ посла́лъ є҆сѝ гдⷭ҇и:

На стїхо́внѣ стїхи̑ры самогла́сны гла́съ ѕ҃: Не разꙋмѣ́юще ꙗ҆зы́цы гдⷭ҇и: Припѣ́вы пи́саны на ма́лѣй вече́рни.

Сла́ва, и҆ ны́нѣ, гла́съ и҃: Ꙗ҆зы́цы и҆ногда̀ размѣси́шасѧ:

Тропа́рь пра́здника, гла́съ и҃: Бл҃гослове́нъ є҆сѝ хрⷭ҇тѐ бж҃е на́шъ. три́жды.

и҆ бл҃гослове́нїе хлѣ́бѡвъ. И҆ чте́нїе дѣѧ́нїй ст҃ы́хъ а҆пⷭ҇лъ.

[зрѝ] А҆́ще ли не бꙋ́детъ бдѣ́нїѧ: По Ны́нѣ ѿпꙋща́еши, тропа́рь пра́здника, є҆ди́ножды. На повече́рїи, по Досто́йно и҆ по трист҃о́мъ конда́къ пра́здника. Полꙋ́нощницꙋ пое́мъ по ѻ҆бы́чаю. Канѡ́нъ глаго́лемъ трⷪ҇ченъ во ѻ҆ктѡ́ихѣ гла́са.

На ᲂу҆́трени, на Бг҃ъ гдⷭ҇ь, тропа́рь пра́здника, три́жды: и҆ ѻ҆бы̑чныѧ каѳі̑смы двѣ̀.

и҆ сѣда́льны пра́здника.

и҆ чте́нїе въ толкова́нїи і҆ѡа́нна, сло́во и҃: Въ послѣ́днїй де́нь: на дво́е. Полѷеле́й и҆ сѣда́ленъ пра́здника, и҆ чте́нїе въ бг҃осло́вѣ. Степє́нна, а҃-й а҆нтїфѡ́нъ д҃-гѡ гла́са.

Прокі́менъ, гла́съ то́йже: Дх҃ъ тво́й бл҃гі́й наста́витъ мѧ̀ на зе́млю пра́вꙋ.

Сті́хъ: Гдⷭ҇и ᲂу҆слы́ши мл҃твꙋ мою̀: Всѧ́кое дыха́нїе:

Є҆ѵⷢ҇лїе і҆ѡа́нна, зача́ло ѯ҃є: Сꙋ́щꙋ по́здѣ: Коне́цъ: И҆ и҆̀мже держитѐ, держа́тсѧ.

Воскрⷭ҇нїе хрⷭ҇то́во, не глаго́лемъ: но а҆́бїе ѱало́мъ н҃.

Сла́ва, Мл҃твами а҆пⷭ҇лѡвъ:

И҆ ны́нѣ, Мл҃твами бцⷣы:

Та́же сті́хъ: Поми́лꙋй мѧ̀ бж҃е:

Стїхи́ра, гла́съ ѕ҃: Цр҃ю̀ нбⷭ҇ный:

Канѡ́на пра́здника два̀, Пе́рвый кѵ́ръ космы̀, гла́съ з҃: Дрꙋгі́й, гла́съ д҃, творе́нїе кѵ́ръ і҆ѡа́нна. і҆рмосы̀ ѻ҆бою̀ канѡ́нѡвъ по два́жды: тропарѝ на в҃і. послѣди́ же є҆ди́нъ ли́къ, пе́рвый і҆рмо́съ: и҆ дрꙋгі́й ли́къ, дрꙋгі́й і҆рмо́съ. По г҃-й пѣ́сни, сѣда́ленъ пра́здника:

Сла́ва, и҆ ны́нѣ, то́йже.

По ѕ҃-й пѣ́сни,

Конда́къ, гла́съ и҃: Є҆гда̀ снизше́дъ ѧ҆зы́ки слїѧ̀, раздѣлѧ́ше ꙗ҆зы́ки вы́шнїй: є҆гда́ же ѻ҆́гнєнныѧ ѧ҆зы́ки раздаѧ́ше, въ соедине́нїе всѧ̑ призва̀, и҆ согла́снѡ сла́вимъ всест҃а́го дх҃а.

И҆ і҆́косъ. и҆ сѷнаѯа́рїй.

На ѳ҃-й пѣ́сни, Чⷭ҇тнѣ́йшꙋю не пое́мъ.

Свѣти́ленъ, подо́бенъ: И҆́бо ѕвѣзда́ми: Всест҃ы́й дш҃е: два́жды.

Сла́ва, и҆ ны́нѣ, дрꙋгі́й: Свѣ́тъ ѻ҆ц҃ъ:

На хвали́техъ стїхи̑ры, на ѕ҃: гла́съ д҃.

Самогла́сенъ: Пресла̑внаѧ дне́сь:

Сла́ва, и҆ ны́нѣ, гла́съ ѕ҃: Цр҃ю̀ нбⷭ҇ный:

Славосло́вїе вели́кое. Тропа́рь пра́здника. Є҆ктєнїѝ, и҆ ѿпꙋ́стъ, и҆ ча́съ а҃-й.

На а҃-мъ часѣ̀, тропа́рь пра́здника. По трист҃о́мъ конда́къ пра́здника, и҆ коне́чный ѿпꙋ́стъ.

На лїтꙋргі́и: А҆нтїфѡ́нъ а҃, ѱало́мъ и҃і, гла́съ в҃: Нб҃са̀ повѣ́даютъ сла́вꙋ бж҃їю.

Мл҃твами бцⷣы, сп҃се сп҃сѝ на́съ.

И҆ дрꙋгі́й ли́къ то́йже сті́хъ: Нб҃са̀ повѣ́даютъ сла́вꙋ бж҃їю, творе́нїе же рꙋкꙋ̀ є҆гѡ̀ возвѣща́етъ тве́рдь.

Мл҃твами бцⷣы:

Сті́хъ в҃: Де́нь днѝ ѿрыга́етъ глаго́лъ, и҆ но́щь но́щи возвѣща́етъ ра́зꙋмъ.

Мл҃твами бцⷣы:

Сті́хъ г҃: Во всю̀ зе́млю и҆зы́де вѣща́нїе и҆́хъ, и҆ въ концы̀ вселе́нныѧ глаго́лы и҆́хъ.

Мл҃твами бцⷣы:

Сла́ва, и҆ ны́нѣ, Мл҃твами бцⷣы:

А҆нтїфѡ́нъ в҃, ѱало́мъ ѳ҃і, гла́съ то́йже. Сті́хъ а҃: Оу҆слы́шитъ тѧ̀ гдⷭ҇ь въ де́нь печа́ли.

Сп҃си́ ны ᲂу҆тѣ́шителю бл҃гі́й, пою́щыѧ тѝ: а҆ллилꙋ́їа.

Дрꙋга́ѧ страна̀, то́йже сті́хъ: Оу҆слы́шитъ тѧ̀ гдⷭ҇ь въ де́нь печа́ли, защи́титъ тѧ̀ и҆́мѧ бг҃а і҆а́кѡвлѧ.

Сп҃си́ ны ᲂу҆тѣ́шителю бл҃гі́й:

Сті́хъ в҃: По́слетъ тѝ по́мощь ѿ ст҃а́гѡ, и҆ ѿ сїѡ́на застꙋ́питъ тѧ̀.

Сп҃си́ ны ᲂу҆тѣ́шителю бл҃гі́й:

Сті́хъ г҃: Да́стъ тѝ гдⷭ҇ь по се́рдцꙋ твоемꙋ̀, и҆ ве́сь совѣ́тъ тво́й и҆спо́лнитъ.

Сп҃си́ ны ᲂу҆тѣ́шителю бл҃гі́й:

Сла́ва, и҆ ны́нѣ, Є҆диноро́дный сн҃е:

А҆нтїфѡ́нъ г҃, ѱало́мъ к҃, гла́съ и҃. Сті́хъ а҃: Гдⷭ҇и, си́лою твое́ю возвесели́тсѧ ца́рь.

Тропа́рь, гла́съ то́йже: Бл҃гослове́нъ є҆сѝ хрⷭ҇тѐ бж҃е на́шъ:

Дрꙋгі́й ли́къ: то́йже сті́хъ: Гдⷭ҇и, си́лою твое́ю возвесели́тсѧ цр҃ь, и҆ ѡ҆ сп҃се́нїи твое́мъ возра́дꙋетсѧ ѕѣлѡ̀.

Тропа́рь: Бл҃гослове́нъ є҆сѝ хрⷭ҇тѐ бж҃е на́шъ:

Сті́хъ в҃: Жела́нїе се́рдца є҆гѡ̀ да́лъ є҆сѝ є҆мꙋ̀, и҆ хотѣ́нїѧ ᲂу҆стнꙋ̀ є҆гѡ̀ нѣ́си лиши́лъ є҆го̀.

Тропа́рь: Бл҃гослове́нъ є҆сѝ хрⷭ҇тѐ бж҃е на́шъ:

Сті́хъ г҃: Ꙗ҆́кѡ предвари́лъ є҆сѝ є҆го̀ бл҃гослове́нїемъ бл҃госты́ннымъ, положи́лъ є҆сѝ на главѣ̀ є҆гѡ̀ вѣне́цъ ѿ ка́мене чⷭ҇тна.

Тропа́рь: Бл҃гослове́нъ є҆сѝ хрⷭ҇тѐ бж҃е на́шъ:

Вхо́дное: Вознеси́сѧ гдⷭ҇и си́лою твое́ю, воспое́мъ и҆ пое́мъ си̑лы твоѧ̑.

Та́же тропа́рь: Бл҃гослове́нъ є҆сѝ хрⷭ҇тѐ бж҃е на́шъ:

Сла́ва, и҆ ны́нѣ, конда́къ: Є҆гда̀ снизше́дъ ѧ҆зы́ки слїѧ̀:

Вмѣ́стѡ же трист҃а́гѡ: Є҆ли́цы во хрⷭ҇та̀ крⷭ҇ти́стесѧ:

Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ: и҆ до ѿда́нїѧ.

Сті́хъ: Нб҃са̀ повѣ́даютъ сла́вꙋ бж҃їю:

А҆по́столъ дѣѧ́нїй, зача́ло г҃: Є҆гда̀ скончава́шасѧ дні́е пѧтдесѧ́тницы:

А҆ллилꙋ́їа, гла́съ а҃: Сло́вомъ гдⷭ҇нимъ нб҃са̀ ᲂу҆тверди́шасѧ:

Сті́хъ: Въ нб҃сѐ призрѣ̀ гдⷭ҇ь:

Є҆ѵⷢ҇лїе і҆ѡа́нна, зача́ло к҃з: Въ послѣ́днїй де́нь вели́кїй пра́здника:

За Досто́йно пое́мъ і҆рмо́съ: Ра́дꙋйсѧ цр҃и́це: и҆ до ѿда́нїѧ.

Прича́стенъ: Дх҃ъ тво́й бл҃гі́й наста́витъ мѧ̀ на зе́млю пра́вꙋ.

А҆ллилꙋ́їа, три́жды. И҆ по ѿпꙋ́стѣ лїтꙋргі́и глаго́летсѧ девѧ́тый ча́съ по ѻ҆бы́чаю.

Въ недѣ́лю ве́чера ст҃ы́ѧ н҃-цы.

Зна́менꙋетъ ра́нѣе послѣ́дованїѧ ра́ди колѣнопреклоне́нїѧ, начина́етъ і҆ере́й: Бл҃гослове́нъ бг҃ъ на́шъ:

и҆ глаго́летъ ᲂу҆чине́нный чте́цъ: Цр҃ю̀ нбⷭ҇ный: и҆ предначина́тельный ѱало́мъ.

Та́же, є҆ктенїа̀ вели́каѧ.

На Гдⷭ҇и воззва́хъ, стїхи̑ры пра́здника на ѕ҃, гла́съ д҃, самогла́сны: Пресла̑внаѧ дне́сь: повторѧ́юще.

Вхо́дъ съ кади́ломъ. Свѣ́те ти́хїй:

Прокі́менъ вели́кїй, гла́съ з҃: Кто̀ бг҃ъ ве́лїй, ꙗ҆́кѡ бг҃ъ на́шъ; ты̀ є҆сѝ бг҃ъ творѧ́й чꙋдеса̀.

Сті́хъ а҃: Сказа́лъ є҆сѝ въ лю́дехъ си́лꙋ твою̀.

Сті́хъ в҃: И҆ рѣ́хъ ны́нѣ нача́хъ, сїѧ̀ и҆змѣ́на десни́цы вы́шнѧгѡ.

Сті́хъ г҃: Помѧнꙋ́хъ дѣла̀ гдⷭ҇нѧ, ꙗ҆́кѡ помѧнꙋ̀ ѿ нача́ла чꙋдеса̀ твоѧ̑.

И҆ па́ки: Кто̀ бг҃ъ ве́лїй:

Та́же возглаша́етъ і҆ере́й, и҆лѝ дїа́конъ: Па́ки и҆ па́ки прикло́ньше колѣ̑на, гдⷭ҇ꙋ помо́лимсѧ.

И҆ мы̀, Гдⷭ҇и поми́лꙋй, три́жды.

На́мъ же прикло́ньшымъ колѣ̑на на зе́млю, и҆ непокровє́ннымъ сꙋ́щымъ, чте́тъ і҆ере́й мл҃твы во ѻ҆лтарѣ̀ велегла́снѡ на лю́ди: Пречⷭ҇те, нескве́рне:

По сконча́нїи же пе́рвыѧ мл҃твы, дїа́конъ глаго́летъ: Застꙋпѝ, сп҃сѝ, поми́лꙋй, возста́ви и҆ сохранѝ на́съ бж҃е, твое́ю бл҃года́тїю.

и҆ Гдⷭ҇и поми́лꙋй. є҆ди́ножды. Прест҃ꙋ́ю, пречⷭ҇тꙋю: и҆ про́чее.

Та́же і҆ере́й, возгла́съ мл҃твы: Твое́ бо є҆́сть є҆́же ми́ловати, и҆ сп҃са́ти на́съ:

Посе́мъ і҆ере́й, и҆лѝ дїа́конъ глаго́летъ є҆ктенїю̀: Рце́мъ всѝ: и҆ про́чее ѻ҆бы́чнѡ.

І҆ере́й возгла́съ: Ꙗ҆́кѡ млⷭ҇тивъ и҆ чл҃вѣколю́бецъ бг҃ъ є҆сѝ:

и҆ а҆́бїе дїа́конъ: Па́ки и҆ па́ки прикло́ньше колѣ̑на, гдⷭ҇ꙋ помо́лимсѧ.

Мы́ же, Гдⷭ҇и поми́лꙋй, три́жды.

и҆ приклонѧ́емъ колѣ̑на по предпи́санномꙋ, чте́тъ і҆ере́й в҃-ю мл҃твꙋ во ᲂу҆слы́шанїе всѣ́хъ: Гдⷭ҇и і҆и҃се хрⷭ҇тѐ бж҃е на́шъ, ми́ръ тво́й пода́вый человѣ́кѡмъ:

По соверше́нїи є҆ѧ̀, дїа́конъ глаго́летъ: Застꙋпѝ, сп҃сѝ, поми́лꙋй, возста́ви и҆ сохранѝ на́съ бж҃е, твое́ю бл҃года́тїю. Прест҃ꙋ́ю, пречⷭ҇тꙋю:

І҆ере́й возгла́съ мл҃твы: Бл҃говоле́нїемъ и҆ бл҃гостїю є҆диноро́днагѡ сн҃а твоегѡ̀:

Та́же, Сподо́би гдⷭ҇и въ ве́черъ се́й:

и҆ посе́мъ глаго́летъ дїа́конъ: Па́ки и҆ па́ки прикло́ньше колѣ̑на, гдⷭ҇ꙋ помо́лимсѧ.

И҆ на́мъ та́кожде колѣ̑на прикло́ньшымъ, і҆ере́й чте́тъ г҃-ю мл҃твꙋ: Приснотекꙋ́щїй, живо́тный:

Та́же присовокꙋплѧ́етъ и҆́ны двѣ̀, пи́саны въ трїѡ́ди.

По сконча́нїи же мл҃твъ, дїа́конъ глаго́летъ: Застꙋпѝ, сп҃сѝ, поми́лꙋй, возста́ви и҆ сохранѝ на́съ бж҃е, твое́ю бл҃года́тїю. Прест҃ꙋ́ю, пречⷭ҇тꙋю:

І҆ере́й возгла́съ: Ты́ бо є҆сѝ ᲂу҆покое́нїе дꙋ́шъ и҆ тѣле́съ на́шихъ:

Посе́мъ дїа́конъ глаго́летъ: И҆спо́лнимъ вече́рнюю мл҃твꙋ:

І҆ере́й возгла́съ: Ꙗ҆́кѡ бл҃гъ и҆ чл҃вѣколю́бецъ: Ми́ръ всѣ̑мъ.

Дїа́конъ: Главы̑ на́шѧ гдⷭ҇еви прикло́нимъ.

І҆ере́й мл҃твꙋ вта́й ѻ҆бы́чнꙋю, Та́же возгла́съ: Бꙋ́ди держа́ва:

И҆ посе́мъ соше́дшесѧ ѻ҆́ба ли̑ка на средѣ̀, пое́мъ на стїхо́внѣ стїхи̑ры пра́здника, гла́съ г҃: Ны́нѣ въ зна́менїе всѣ̑мъ: съ припѣ́вы и҆́хъ.

Сла́ва, и҆ ны́нѣ, гла́съ и҃: Прїиди́те лю́дїе, трїѷпоста́сномꙋ бж҃ествꙋ̀ поклони́мсѧ:

Посе́мъ; Ны́нѣ ѿпꙋща́еши: Трист҃о́е, и҆ по Ѻ҆́ч҃е на́шъ: тропа́рь, гла́съ и҃: Бл҃гослове́нъ є҆сѝ хрⷭ҇тѐ бж҃е на́шъ: и҆ ѿпꙋ́стъ.

[зрѝ] На повече́рїи, пое́мъ канѡ́нъ ст҃а́гѡ дх҃а, гла́съ а҃, творе́нїе ѳеофа́ново, і҆рмосы̀ по два́жды: Тропарѝ на д҃. припѣ́въ въ канѡ́нѣ: Сла́ва тебѣ̀ бж҃е на́шъ, сла́ва тебѣ̀. По ѳ҃-й пѣ́сни, вмѣ́стѡ Досто́йно, пое́мъ і҆рмо́съ то́йже. по трист҃о́мъ конда́къ пра́здника.

Въ понедѣ́льникъ ст҃а́гѡ дх҃а на полꙋ́нощницѣ.

По а҃-мъ трист҃о́мъ глаго́лемъ тропа́рь пра́здника. По в҃-мъ трист҃о́мъ конда́къ пра́здника. Гдⷭ҇и поми́лꙋй, в҃і, и҆ ѿпꙋ́стъ. Мл҃твы же, Помѧнѝ гдⷭ҇и: не глаго́лемъ.

На ᲂу҆́трени, на Бг҃ъ гдⷭ҇ь тропа́рь пра́здника три́жды. и҆ ѻ҆бы̑чныѧ каѳі̑смы, и҆ сѣда́льны пра́здника, и҆ чте́нїе пра́здника.

Канѡ́нъ пра́здника, гла́съ з҃, со і҆рмосо́мъ на и҃:

Дрꙋгі́й, гла́съ д҃, со і҆рмосо́мъ на ѕ҃:

Катава́сїа: Бж҃е́ственнымъ покрове́нъ: ѻ҆́ба ли̑ка вкꙋ́пѣ.

По г҃-й пѣ́сни, сѣда́ленъ пра́здника.

По ѕ҃-й пѣ́сни конда́къ и҆ і҆́косъ пра́здника, и҆ сѷнаѯа́рїй. Чⷭ҇тнѣ́йшꙋю не пое́мъ.

По ѳ҃-й пѣ́сни свѣти́ленъ пра́здника, два́жды: Дрꙋгі́й, є҆ди́ножды.

На хвали́техъ стїхи̑ры пра́здника самогла́сны, гла́съ в҃, на д҃.

Сла́ва, и҆ ны́нѣ, гла́съ и҃: Ꙗ҆зы́цы и҆ногда̀ размѣси́шасѧ:

Славосло́вїе вели́кое.

Тропа́рь пра́здника. Є҆ктєнїѝ и҆ ѿпꙋ́стъ глаго́лемъ пра́здника: И҆́же въ ви́дѣ ѻ҆́гненныхъ ѧ҆зы̑къ:

и҆ ча́съ а҃-й.

На лїтꙋргі́и, бл҃жє́нна ѿ канѡ́на пра́здника, пѣ́снь г҃, и҆ ѕ҃.

Та́же і҆ере́й, и҆лѝ дїа́конъ: Премꙋ́дрость, про́сти.

Мы́ же вхо́дное: Вознеси́сѧ гдⷭ҇и си́лою твое́ю, воспое́мъ и҆ пое́мъ си̑лы твоѧ̑.

Тропа́рь: Бл҃гослове́нъ є҆сѝ хрⷭ҇тѐ бж҃е на́шъ:

Сла́ва, и҆ ны́нѣ, конда́къ: Є҆гда̀ снизше́дъ: Трист҃о́е.

Прокі́менъ, гла́съ ѕ҃: Сп҃сѝ гдⷭ҇и лю́ди твоѧ̑, и҆ бл҃гословѝ достоѧ́нїе твоѐ.

Сті́хъ: Къ тебѣ̀ гдⷭ҇и воззовꙋ̀, бж҃е мо́й:

А҆по́столъ къ є҆фесе́ємъ, зача́ло ск҃ѳ: Ꙗ҆́кѡ ча̑да свѣ́та ходи́те: А҆ллилꙋ́їа, гла́съ в҃: Поми́лꙋй мѧ̀ бж҃е, по вели́цѣй млⷭ҇ти твое́й:

Сті́хъ: Не ѿве́ржи менѐ ѿ лица̀ твоегѡ̀:

Є҆ѵⷢ҇лїе матѳе́а, зача́ло ѻ҃є: Блюди́те, да не пре́зрите є҆ди́нагѡ ма́лыхъ си́хъ:

Прича́стенъ: Дх҃ъ тво́й бл҃гі́й наста́витъ мѧ̀ на зе́млю пра́вꙋ.

А҆ллилꙋ́їа, три́жды.

[зрѝ] Зна́й и҆ сїѐ: Ꙗ҆́кѡ слꙋ̑жбы ст҃ы́хъ прилꙋчи́вшихсѧ въ сꙋббѡ́тꙋ грѧдꙋ́щꙋю, и҆ въ недѣ́лю всѣ́хъ ст҃ы́хъ, пое́мъ є҆ди́нагѡ напредѝ, а҆ дрꙋга́гѡ въ настоѧ́щїй пѧто́къ, на повече́рїи.

[зрѝ] Вѣ́домо же бꙋ́ди: Ꙗ҆́кѡ седми́ца сїѧ̀ ст҃ы́ѧ пентїко́стїи, разрѣша́ема є҆́сть на сы́ръ, ры̑бы, вїно̀ и҆ є҆ле́й, ᲂу҆пражнѧ́ютсѧ же и҆ междоча̑сїѧ часѡ́въ, и҆ и҆́же въ повече́рїѧхъ пѣва́емый канѡ́нъ прест҃ы́ѧ бцⷣы. Во вто́рникъ, на лїтꙋргі́и бл҃жє́нна ѿ канѡ́на пра́здника, ѻ҆бо́ихъ творцѡ́въ, пѣ́снь а҃-ѧ, на ѕ҃. Въ сре́дꙋ, д҃-ѧ: Въ четверто́къ, є҃-ѧ: Въ пѧто́къ, з҃-ѧ, и҃-ѧ: Въ сꙋббѡ́тꙋ, зрѝ ни́же сегѡ̀.

Въ пѧто́къ ве́чера, каѳі́сма рѧдова́ѧ.

На Гдⷭ҇и воззва́хъ, и҆ всѧ̀ слꙋ́жба пра́здника, кромѣ̀ паремі́й, и҆ вхо́да, ꙗ҆́коже ᲂу҆каза́сѧ на ѿда́нїе вознесе́нїѧ хрⷭ҇то́ва. Та́кожде и҆ въ сїю̀ сꙋббѡ́тꙋ и҃-нꙋю, на ᲂу҆́трени, слꙋ́жба всѧ̀ пра́здника, кромѣ̀ полѷеле́а и҆ степе́нны, и҆ є҆ѵⷢ҇лїа: то́чїю канѡ́нъ пра́здника, со і҆рмосо́мъ на и҃: і҆рмо́съ по два́жды: дрꙋгі́й со і҆рмосо́мъ на ѕ҃: і҆рмо́съ по два́жды. Катава́сїа, і҆рмо́съ в҃-гѡ канѡ́на: Бж҃е́ственнымъ покрове́нъ: ѻ҆́ба ли̑ка вкꙋ́пѣ. Славосло́вїе вели́кое: и҆ є҆ктєнїѝ, и҆ ѿпꙋ́стъ. На ѿпꙋ́стѣ помина́етъ і҆ере́й ст҃а́го, є҆гѡ́же є҆́сть де́нь. и҆ ча́съ а҃-й.

На часѣ́хъ, тропа́рь, и҆ конда́къ пра́здника, и҆ коне́чный ѿпꙋ́стъ.

На лїтꙋргі́и, бл҃жє́нна пра́здника, пѣ́снь ѳ҃, ѻ҆бои́хъ канѡ́нѡвъ, на и҃.

По вхо́дѣ тропа́рь пра́здника:

Сла́ва, и҆ ны́нѣ: конда́къ.

Трист҃о́е. Прокі́менъ, и҆ А҆ллилꙋ́їа пра́здника.

А҆по́столъ днѐ, къ ри́млѧнѡмъ, зача́ло ѻ҃ѳ: Па́ѵелъ ра́бъ і҆и҃съ хрⷭ҇то́въ:

Є҆ѵⷢ҇лїе матѳе́а, зача́ло є҃і: Просѧ́щемꙋ ᲂу҆ тебѐ да́й:

Прича́стенъ пра́здника: Дх҃ъ тво́й бл҃гі́й наста́витъ мѧ̀ на зе́млю пра́вꙋ.

На ма́лѣй вече́рни, стїхи̑ры воскрⷭ҇ны, гла́съ и҃, на д҃:

Сла́ва, гла́съ ѕ҃: Мч҃нкѡвъ бж҃е́ственный ли́къ:

И҆ ны́нѣ, бг҃оро́диченъ, гла́съ и҃: Ка́кѡ тѧ̀ ᲂу҆бл҃жи́мъ бцⷣе:

На стїхо́внѣ стїхи́ра воскрⷭ҇на, и҆ бцⷣы.

Сла́ва, и҆ ны́нѣ, бг҃оро́диченъ.

По Ны́нѣ ѿпꙋща́еши, и҆ по Ѻ҆́ч҃е на́шъ.

Тропа́рь воскрⷭ҇нъ:

Сла́ва, и҆ ны́нѣ, бг҃оро́диченъ.

Є҆ктенїа̀, и҆ ѿпꙋ́стъ.

На вели́цѣй вече́рни, по ѻ҆бы́чномъ ѱалмѣ̀, Бл҃же́нъ мꙋ́жъ, каѳі́сма всѧ̀.

На Гдⷭ҇и воззва́хъ, ста́вимъ стїхѡ́въ і҃: и҆ пое́мъ стїхи̑ры гла́съ и҃, воскрⷭ҇ны г҃, и҆ а҆натѡ́лїевы г҃, и҆ всѣ́хъ ст҃ы́хъ д҃: гла́съ ѕ҃.

Подо́бенъ: Всю̀ ѿложи́вше: Дх҃о́внїи вѣті̑и:

Сла́ва, гла́съ то́йже: Мч҃нкъ бж҃е́ственный ли́къ:

И҆ ны́нѣ, бг҃оро́диченъ: Цр҃ь нбⷭ҇ный:

Вхо́дъ. Свѣ́те ти́хїй:

Прокі́менъ днѐ: Гдⷭ҇ь воцр҃и́сѧ.

Чтє́нїѧ г҃. а҃-е, Прⷪ҇ро́чества и҆са́їина: Та́кѡ глаго́летъ гдⷭ҇ь, всѝ ꙗ҆зы́цы собра́шасѧ вкꙋ́пѣ:

в҃-е, Премꙋ́дрости соломѡ́ни: Првⷣныхъ дꙋ́шы въ рꙋцѣ̀ бж҃їи:

г҃-е: Премꙋ́дрости соломѡ́ни: Првⷣницы во вѣ́ки живꙋ́тъ:

На лїті́и стїхи́ра хра́ма, и҆ самогла́сны всѣ́хъ ст҃ы́хъ, гла́съ а҃: Вѣ́ры согла́сїемъ:

Сла́ва, гла́съ є҃: Ны́нѣшнемꙋ торжествꙋ̀:

И҆ ны́нѣ, бг҃оро́диченъ: Хра́мъ и҆ две́рь є҆сѝ:

А҆́ще ли нѣ́сть бдѣ́нїѧ, На Гдⷭ҇и воззва́хъ стїхи̑ры воскрⷭ҇ны г҃, и҆ а҆нато́лїевъ а҃, и҆ ст҃ы́хъ на ѕ҃:

Подо́бенъ: Всю̀ ѿложи́вше:

На стїхо́внѣ стїхи̑ры воскрⷭ҇ны, гла́съ и҃, съ припѣ́вы и҆́хъ.

Сла́ва, гла́съ ѕ҃: Прїиди́те вѣ́рнїи:

И҆ ны́нѣ, бг҃оро́диченъ: Творе́цъ и҆ и҆зба́витель мо́й:

По трист҃о́мъ тропа́рь: Бцⷣе дв҃о ра́дꙋйсѧ: два́жды.

И҆ ст҃ы́хъ тропа́рь, гла́съ д҃: И҆́же во все́мъ мі́рѣ мч҃нкъ твои́хъ, ꙗ҆́кѡ багрѧни́цею и҆ вѵ́ссомъ, кровьмѝ цр҃ковь твоѧ̀ ᲂу҆краси́вшисѧ, тѣ́ми вопїе́тъ тѝ хрⷭ҇тѐ бж҃е: лю́демъ твои̑мъ щедрѡ́ты твоѧ̑ низпослѝ, ми́ръ жи́тельствꙋ твоемꙋ̀ да́рꙋй, и҆ дꙋша́мъ на́шымъ ве́лїю млⷭ҇ть. Є҆ди́ножды.

И҆ бл҃гослове́нїе хлѣ́бѡвъ, и҆ чте́нїе посла́нїѧ собо́рнагѡ і҆а́кѡвлѧ.

[зрѝ] [Ѿ сеѧ́ же недѣ́ли начина́емъ честѝ на ᲂу҆́тренѧхъ недѣ́льныхъ се́дмь посла́нїй собо́рныхъ, и҆ д҃і посла́нїй ст҃а́гѡ а҆пⷭ҇ла па́ѵла. Ѿкрове́нїе і҆ѡа́нна бг҃осло́ва. Чте́мъ же и҆́хъ на бдѣ́нїихъ недѣ́льныхъ, пре́жде и҆ны́хъ чте́нїй, до вели́кїѧ ст҃ы́ѧ недѣ́ли па́схи. Въ н҃-цꙋ же всю̀ дѣѧ̑нїѧ ст҃ы́хъ а҆пⷭ҇лъ чте́мъ въ недѣ́лѧхъ, ꙗ҆́коже предписа́сѧ.

[зрѝ] Ѿ сегѡ́ же бдѣ́нїѧ начина́емъ честѝ толкова̑нїѧ і҆ѡа́нна златоꙋ́стагѡ, є҆ѵⷢ҇лїе є҆́же ѿ матѳе́а, ѿ г҃і сло́ва пе́рвыѧ кни́ги. Ѡ҆ста̑вшаѧ же бг҃осло́ва чте́мъ во в҃і дне́хъ по хрⷭ҇то́вѣ ржⷭ҇твѣ̀. Въ ве́сь же мѣ́сѧцъ се́й, и҆ вторы́й, соверша́емъ ѻ҆́бѣ кни̑ги толкова́тєльныѧ, а҃-ю и҆ в҃-ю, на чте́нїихъ ᲂу҆́треннихъ, до и҆схо́да мѣ́сѧца а҆́ѵгꙋста: кромѣ̀ є҆гда̀ прилꙋчи́тсѧ житїѐ нѣ́коегѡ ст҃а́гѡ, тогда̀ ѡ҆ставлѧ́емъ, и҆ чте́мъ житїѐ ст҃а́гѡ.

На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ, гла́съ и҃: Съ высоты̀ снизше́лъ є҆сѝ: два́жды.

Сла́ва, ст҃ы́хъ, гла́съ д҃: И҆́же во все́мъ мі́рѣ мч҃нкъ твои́хъ:

И҆ ны́нѣ, бг҃оро́диченъ: Є҆́же ѿ вѣ́ка ᲂу҆тае́ное:

и҆ ѻ҆бы̑чныѧ каѳі̑смы, и҆ сѣда́льны воскрⷭ҇ны съ бг҃оро́дичны и҆́хъ, и҆ чте́нїе во є҆ѵⷢ҇лїи толково́мъ.

Непоро́чны, и҆ тропарѝ: А҆́гг҃льскїй собо́ръ: ѵ҆пакоѝ гла́са.

Степє́нна, и҆ прокі́менъ гла́са: Всѧ́кое дыха́нїе:

Є҆ѵⷢ҇лїе матѳе́а, воскрⷭ҇но а҃-е, ᲂу҆́треннее, зача́ло рѕ҃і: Є҆динїина́десѧть ᲂу҆ч҃нцы̀:

[зрѝ] [Ѿ сегѡ̀ ᲂу҆́бѡ днѐ, ᲂу҆́трєннѧѧ є҆ѵⷢ҇лїа воскрⷭ҇на начина́емъ честѝ по рѧ́дꙋ.

Воскрⷭ҇нїе хрⷭ҇то́во:

ѱало́мъ н҃.

Сла́ва, Мл҃твами а҆пⷭ҇лѡвъ:

И҆ ны́нѣ, Мл҃твами бцⷣы:

Стїхи́ра, гла́съ ѕ҃: Воскр҃съ і҆и҃съ ѿ гро́ба.

Канѡ́нъ ѻ҆ктѡ́иха, гла́съ и҃, воскрⷭ҇нъ, со і҆рмосо́мъ на д҃: и҆ крⷭ҇тобг҃оро́диченъ на два̀, и҆ бцⷣы на два̀: и҆ всѣ́хъ ст҃ы́хъ на ѕ҃, гла́съ то́йже.

Катава́сїа: Ѿве́рзꙋ ᲂу҆ста̀ моѧ̑:

По г҃-й пѣ́сни сѣда́ленъ, гла́съ и҃.

Подо́бенъ: Премꙋ́дрости сло́ва: Пра́ѻтєцъ ѻ҆тє́цъ:

Сла́ва то́йже.

И҆ ны́нѣ, бг҃оро́диченъ, и҆ чте́нїе.

По ѕ҃-й пѣ́сни,

Конда́къ, гла́съ и҃: Ꙗ҆́кѡ нача́тки є҆стества̀, насади́телю тва́ри, вселе́ннаѧ прино́ситъ тѝ гдⷭ҇и бг҃онѡ́сныѧ мч҃нки: тѣ́хъ мл҃твами въ ми́рѣ глꙋбо́цѣ, цр҃ковь твою̀, жи́тельство твоѐ бцⷣею соблюдѝ многомлⷭ҇тиве.

И҆ і҆́косъ.

и҆ чте́мъ сѷнаѯа́рїй.

На ѳ҃-й пѣ́сни, пое́мъ Чⷭ҇тнѣ́йшꙋю:

Ст҃ъ гдⷭ҇ь бг҃ъ на́шъ: пое́мъ въ настоѧ́щїй гла́съ. Свѣти́ленъ воскрⷭ҇нъ.

Сла́ва, ст҃ы́хъ:

И҆ ны́нѣ, бг҃оро́диченъ и҆́хъ.

На хвали́техъ, Всѧ́кое дыха́нїе:

Ста́вимъ стїхѡ́въ н҃. и҆ пое́мъ стїхи̑ры воскрⷭ҇ны д҃: и҆ а҆нато́лїевъ а҃: и҆ ст҃ы́хъ г҃: гла́съ д҃.

Подо́бенъ: Ꙗ҆́кѡ до́блѧ: Ст҃ы̑ѧ гдⷭ҇ь и҆̀же на землѝ ᲂу҆дивѝ:

Припѣ́въ: Воззва́ша првⷣнїи: Со прⷪ҇рѡ́ки а҆пⷭ҇лы:

в҃-й: Ди́венъ бг҃ъ во ст҃ы́хъ свои́хъ: И҆̀же зе́млю ѡ҆небеси́вшїи:

Сла́ва, стїхи́ра ᲂу҆́треннѧѧ є҆ѵⷢ҇льскаѧ а҃, гла́съ а҃: На го́рꙋ ᲂу҆ч҃нкѡ́мъ и҆дꙋ́щымъ:

И҆ ны́нѣ, Пребл҃гослове́нна є҆сѝ:

Славосло́вїе вели́кое. По трист҃о́мъ тропа́рь воскрⷭ҇нъ то́чїю.

Є҆ктєнїѝ, и҆ ѿпꙋ́стъ, и҆ ча́съ а҃-й въ притво́рѣ, и҆ поꙋче́нїе стꙋді́тово, и҆ соверше́нный ѿпꙋ́стъ.

На лїтꙋргі́и, бл҃жє́нна воскрⷭ҇на гла́са на д҃: и҆ ѿ канѡ́на ст҃ы́хъ, пѣ́снь ѕ҃-ѧ, на д҃:

Прокі́менъ, гла́съ и҃: Помоли́тесѧ и҆ воздади́те гдⷭ҇еви бг҃ꙋ на́шемꙋ.

И҆ ст҃ы́хъ гла́съ д҃: Ди́венъ бг҃ъ во ст҃ы́хъ свои́хъ:

А҆по́столъ ко є҆вре́ємъ, зача́ло т҃л: Ст҃і́и всѝ, и҆̀же вѣ́рою побѣди́ша ца̑рствїѧ: А҆ллилꙋ́їа, гла́съ д҃: Воззва́ша првⷣнїи:

Сті́хъ: Мнѡ́ги скѡ́рби првⷣнымъ:

Є҆ѵⷢ҇лїе матѳе́а, зача́ло л҃и: Всѧ́къ и҆́же и҆сповѣ́сть мѧ̀ пред̾ человѣ́ки:

Прича́стенъ: Хвали́те гдⷭ҇а съ нб҃съ:

Дрꙋгі́й: Ра́дꙋйтесѧ првⷣнїи ѡ҆ гдⷭ҇ѣ:

На трапе́зѣ ᲂу҆тѣше́нїе бра́тїи, гото́вѧщымсѧ къ по́стномꙋ по́двигꙋ.

[зрѝ] Подоба́етъ вѣ́дати: А҆́ще хра́мъ всѣ́хъ ст҃ы́хъ: На ма́лѣй и҆ вели́цѣй вече́рни, и҆ на ᲂу҆́трени, и҆ на лїтꙋргі́и, подо́бнѣ пое́мъ, ꙗ҆́коже слꙋчи́тсѧ въ недѣ́лю вели́кагѡ ст҃а́гѡ, є҆мꙋ́же быва́етъ бдѣ́нїе, то́чїю на ᲂу҆́трени пое́мъ полѷеле́й. По полѷеле́и: Велича́емъ ва́съ, а҆пⷭ҇ли, мч҃нцы, прⷪ҇ро́цы и҆ всѝ ст҃і́и, и҆ чти́мъ ст҃ꙋ́ю па́мѧть ва́шꙋ: вы́ бо мо́лите ѡ҆ на́съ хрⷭ҇та̀ бг҃а на́шего. ѱало́мъ и҆збра́нный: Бл҃же́нъ мꙋ́жъ боѧ́йсѧ гдⷭ҇а: И҆ сѣда́ленъ ст҃ы̑мъ, пи́санъ въ канѡ́нѣ, по г҃-й пѣ́сни. Степє́нна гла́са. Прокі́менъ, и҆ Всѧ́кое дыха́нїе: є҆ѵⷢ҇лїе ст҃ы̑мъ. Воскрⷭ҇нїе хрⷭ҇то́во: и҆ ѱало́мъ н҃.

Сла́ва: Мл҃твами всѣ́хъ ст҃ы́хъ:

И҆ ны́нѣ, Мл҃твами бцⷣы:

Вмѣ́стѡ, Воскр҃съ і҆и҃съ: стїхи́ра всѣ̑мъ ст҃ы̑мъ: кꙋ́ю во́лиши.

Канѡ́нъ воскрⷭ҇нъ со і҆рмосо́мъ на д҃: и҆ бцⷣѣ: на два̀: и҆ ст҃ы̑мъ на и҃: и҆ про́чее ꙗ҆́коже предписа́сѧ.

Въ не́мже до́лжни є҆смы̀ во всѧ́кой седми́цѣ сохрани́ти г҃ дни̑, постѧ́щесѧ понедѣ́льникъ, сре́дꙋ и҆ пѧто́къ: и҆ ꙗ҆́сти въ ѳ҃-й ча́съ сꙋхоѧдє́нїѧ, по вече́рни. И҆ въ а҃-й ᲂу҆́бѡ де́нь, сі́есть: въ понедѣ́льникъ, по па́мѧти всѣ́хъ ст҃ы́хъ,

а҆́ще нѣ́сть пра́зднꙋемагѡ ст҃а́гѡ па́мѧти, пое́мъ А҆ллилꙋ́їа на гла́съ ѻ҆ктѡ́иха, и҆ трⷪ҇чны гла́са, творѧ́ще и҆ покло́ны по чи́нꙋ ст҃ы́ѧ м҃-цы. Глаго́лемъ же и҆ каѳі̑смы двѣ̀ ѻ҆бы̑чныѧ, тре́тїю на вече́рни: та́кожде и҆ часы̀ съ междоча́сїемъ и҆́хъ, и҆ и҆з̾ѡбрази́тєльнаѧ.

И҆ ѡ҆ се́мъ все́мъ зрѝ цр҃ко́внагѡ послѣ́дованїѧ, постѡ́въ же и҆ разрѣше́нїй въ ное́мврїи.

Въ недѣ́лю ве́чера, По Ны́нѣ ѿпꙋща́еши, и҆ по трист҃о́мъ, глаго́лемъ тропа́рь ст҃а́гѡ: Сла́ва, и҆ ны́нѣ, бг҃оро́диченъ, по гла́сꙋ тропарѧ̀ ѿ ме́ньшихъ. А҆́ще ли слꙋча́тсѧ два̀ ст҃ы́хъ, и҆ и҆мѣ́ютъ ѻ҆́ба тропарѝ, и҆ глаго́лемъ пре́жде тропа́рь ст҃а́гѡ пе́рвагѡ. Сла́ва, дрꙋга́гѡ ст҃а́гѡ: И҆ ны́нѣ, бг҃оро́диченъ ѿ ме́ньшихъ, по гла́сꙋ дрꙋга́гѡ тропарѧ̀.

Въ тꙋ́южде недѣ́лю, на повече́рїи, По Досто́йно, и҆ по трист҃о́мъ, глаго́лемъ тропа́рь хра́ма хрⷭ҇то́ва, и҆лѝ бцⷣы, пото́мъ днѐ, Нбⷭ҇ныхъ во́инствъ: та́же хра́ма ст҃а́гѡ: посе́мъ: Бж҃е ѻ҆тє́цъ на́шихъ: и҆ И҆́же во все́мъ мі́рѣ: Сла́ва: конда́къ, Со ст҃ы́ми ᲂу҆поко́й: И҆ ны́нѣ, Мл҃твами гдⷭ҇и всѣ́хъ ст҃ы́хъ:

[зрѝ] А҆́ще же нѣ́сть хра́ма хрⷭ҇то́ва, и҆ бцⷣы, глаго́лемъ пре́жде тропа́рь днѐ, Нбⷭ҇ныхъ во́инствъ: и҆ хра́ма ст҃а́гѡ: посе́мъ, Бж҃е ѻ҆тє́цъ на́шихъ: и҆ И҆́же во все́мъ мі́рѣ: Сла́ва, Со ст҃ы́ми ᲂу҆поко́й: И҆ ны́нѣ, Мл҃твами гдⷭ҇и:

Въ понедѣ́льникъ на ᲂу҆́трени, На Бг҃ъ гдⷭ҇ь, глаго́лемъ тропа́рь ст҃а́гѡ, два́жды: Сла́ва, и҆ ны́нѣ, бг҃оро́диченъ, ѿ ме́ньшихъ, по гла́сꙋ тропарѧ̀ ст҃а́гѡ.

[зрѝ] А҆́ще слꙋчи́тсѧ дрꙋгі́й ст҃ы́й и҆мѣ́ѧй тропа́рь, И҆ глаго́лемъ тропа́рь пе́рвагѡ ст҃а́гѡ: два́жды. Сла́ва, дрꙋга́гѡ ст҃а́гѡ: И҆ ны́нѣ, бг҃оро́диченъ, по гла́сꙋ дрꙋга́гѡ тропарѧ̀, ѿ ме́ньшихъ. По Бл҃го є҆́сть, тропа́рь глаго́лемъ, ꙗ҆́коже ᲂу҆каза́сѧ въ недѣ́лю ве́чера.

На часѣ́хъ глаго́лемъ, Тропа́рь, ст҃а́гѡ. И҆ ны́нѣ, бг҃оро́диченъ часѡ́въ. По трист҃о́мъ, конда́къ ст҃а́гѡ. Си́це на всѣ́хъ часѣ́хъ тропарѝ и҆ кондакѝ глаго́лемъ.

[зрѝ] А҆́ще слꙋчи́тсѧ дрꙋгі́й ст҃ы́й и҆мѣ́ѧй тропа́рь и҆ конда́къ: И҆ глаго́лемъ на а҃-мъ часѣ̀ тропа́рь а҃-гѡ ст҃а́гѡ, Сла́ва, дрꙋга́гѡ ст҃а́гѡ: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ: конда́къ а҃-гѡ ст҃а́гѡ.

На г҃-мъ часѣ̀, тропа́рь глаго́лемъ а҃-гѡ ст҃а́гѡ: Сла́ва, дрꙋга́гѡ ст҃а́гѡ: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ: конда́къ дрꙋга́гѡ ст҃а́гѡ. Та́кожде и҆ на про́чихъ часѣ́хъ глаго́лемъ тропарѝ: Кондаки́ же глаго́лемъ премѣнѧ́юще.

[зрѝ] А҆́ще ли дрꙋгі́й ст҃ы́й не и҆́мать кондака̀, и҆ глаго́лемъ конда́къ по Ѻ҆́ч҃е на́шъ: є҆ди́нагѡ ст҃а́гѡ на всѣ́хъ часѣ́хъ.

[зрѝ] На лїтꙋргі́и по вхо́дѣ, Глаго́лемъ тропа́рь хра́ма хрⷭ҇то́ва, и҆лѝ бцⷣы, и҆ днѐ: Нбⷭ҇ныхъ во́инствъ: посе́мъ тропа́рь ст҃а́гѡ рѧдова́гѡ. А҆́ще ли бꙋ́детъ дрꙋгі́й ст҃ы́й и҆мѣ́ѧй тропа́рь, глаго́лемъ тропа́рь и҆ дрꙋга́гѡ ст҃а́гѡ. Посе́мъ конда́къ хра́ма хрⷭ҇то́ва и҆ днѐ, А҆рхїстрати́зи бж҃їи: та́же ст҃а́гѡ рѧдова́гѡ. А҆́ще ли бꙋ́детъ дрꙋгі́й ст҃ы́й и҆мѣ́ѧй конда́къ, глаго́лемъ и҆ дрꙋга́гѡ ст҃а́гѡ: Сла́ва, Со ст҃ы́ми ᲂу҆поко́й: И҆ ны́нѣ, хра́ма бцⷣы.

[зрѝ] А҆́ще ли гдѣ̀ нѣ́сть хра́ма бцⷣы, И҆ ны́нѣ, хра́ма хрⷭ҇то́ва.

[зрѝ] А҆ и҆дѣ́же нѣ́сть хра́ма хрⷭ҇то́ва, и҆ бцⷣы, глаго́лемъ по вхо́дѣ тропарѝ си́це, пре́жде тропа́рь днѐ: Нбⷭ҇ныхъ во́инствъ: и҆ хра́ма ст҃а́гѡ. та́же ст҃а́гѡ рѧдова́гѡ, и҆ дрꙋга́гѡ ст҃а́гѡ, а҆́ще є҆́сть. Та́же конда́къ днѐ, и҆ конда́къ хра́ма ст҃а́гѡ, и҆ ст҃а́гѡ рѧдова́гѡ. Сла́ва, Со ст҃ы́ми ᲂу҆поко́й: И҆ ны́нѣ, бцⷣы, Предста́тельство хрⷭ҇тїа́нъ:

А҆ и҆дѣ́же нѣ́сть лїтꙋргі́и, Глаго́лемъ на часѣ́хъ, по Ѡ҆сла́би, ѡ҆ста́ви, по Ѻ҆́ч҃е на́шъ, конда́къ хра́ма хрⷭ҇то́ва, и҆ днѐ: та́же ст҃а́гѡ рѧдова́гѡ, и҆ дрꙋга́гѡ ст҃а́гѡ, а҆́ще є҆́сть: Сла́ва, Со ст҃ы́ми ᲂу҆поко́й: И҆ ны́нѣ, хра́ма бцⷣы.

[зрѝ] А҆ и҆дѣ́же нѣ́сть хра́ма бцⷣы, глаго́лемъ конда́къ днѐ, А҆рхїстрати́зи: и҆ хра́ма ст҃а́гѡ, и҆ ст҃а́гѡ рѧдова́гѡ, и҆ дрꙋга́гѡ ст҃а́гѡ. Сла́ва, Со ст҃ы́ми ᲂу҆поко́й: И҆ ны́нѣ, хра́ма хрⷭ҇то́ва.

[зрѝ] А҆ и҆дѣ́же нѣ́сть хра́ма хрⷭ҇то́ва, и҆ бцⷣы, глаго́лемъ, И҆ ны́нѣ, Предста́тельство хрⷭ҇тїа́нъ:

Въ понедѣ́льникъ ве́чера.

По Ны́нѣ ѿпꙋща́еши, и҆ по трист҃о́мъ глаго́лемъ тропа́рь ст҃а́гѡ. Сла́ва, и҆ ны́нѣ, бг҃оро́диченъ по гла́сꙋ тропарѧ̀ ст҃а́гѡ.

[зрѝ] А҆́ще ли слꙋча́тсѧ два̀ ст҃ы́хъ, и҆мꙋ́ще два̀ тропарѧ̀, и҆ глаго́лемъ пре́жде тропа́рь а҃-гѡ ст҃а́гѡ. Сла́ва, дрꙋга́гѡ ст҃а́гѡ: И҆ ны́нѣ, бг҃оро́диченъ ѿ ме́ньшихъ, по гла́сꙋ послѣ́днѧгѡ тропарѧ̀.

[зрѝ] Въ то́йже понедѣ́льникъ на повече́рїи, По Досто́йно, и҆ по трист҃о́мъ, глаго́лемъ тропа́рь хра́ма хрⷭ҇то́ва, и҆лѝ бцⷣы: посе́мъ днѐ: Па́мѧть првⷣнагѡ: та́же тропа́рь хра́ма ст҃а́гѡ. посе́мъ, Бж҃е ѻ҆тє́цъ на́шихъ: и҆ И҆́же во все́мъ мі́рѣ: Сла́ва, конда́къ, Со ст҃ы́ми ᲂу҆поко́й: И҆ ны́нѣ, бг҃оро́диченъ, Мл҃твами гдⷭ҇и:

[зрѝ] А҆ и҆дѣ́же нѣ́сть хра́ма хрⷭ҇то́ва, и҆ бцⷣы, глаго́лемъ пре́жде тропа́рь днѐ, Па́мѧть првⷣнагѡ: и҆ хра́ма ст҃а́гѡ. посе́мъ, Бж҃е ѻ҆тє́цъ на́шихъ: и҆ И҆́же во все́мъ мі́рѣ: Сла́ва: конда́къ, Со ст҃ы́ми ᲂу҆поко́й: И ны́нѣ, Мл҃твами гдⷭ҇и:

[зрѝ] А҆́ще ли хра́мъ і҆ѡа́нна прⷣте́чи, И҆ хра́ма прⷣте́чева, всѣ́хъ є҆гѡ̀ пра́здникѡвъ тропаре́й не глаго́лемъ, зане́же глаго́летсѧ тропа́рь днѐ, є҆мꙋ́же прⷣте́чи.

Во вто́рникъ на ᲂу҆́трени, На Бг҃ъ гдⷭ҇ь, тропа́рь ст҃а́гѡ, два́жды. Сла́ва, и҆ ны́нѣ, бг҃оро́диченъ ѿ ме́ньшихъ, во гла́съ тропарѧ̀ ст҃а́гѡ.

[зрѝ] А҆́ще ли слꙋчи́тсѧ дрꙋгі́й ст҃ы́й, и҆мѣ́ѧй тропа́рь: И҆ глаго́лемъ тропа́рь а҃-гѡ ст҃а́гѡ, два́жды. Сла́ва, дрꙋга́гѡ ст҃а́гѡ: И҆ ны́нѣ, бг҃оро́диченъ ѿ ме́ньшихъ по гла́сꙋ послѣ́днѧгѡ тропарѧ̀. По Бл҃го є҆́сть, тропа́рь глаго́лемъ ꙗ҆́коже въ понедѣ́льникъ на вече́рни.

На а҃-мъ часѣ̀, Тропа́рь ст҃а́гѡ: И҆ ны́нѣ, бг҃оро́диченъ часѡ́въ. По трист҃о́мъ конда́къ ст҃а́гѡ.

[зрѝ] А҆́ще ли слꙋчи́тсѧ дрꙋгі́й ст҃ы́й и҆мѣ́ѧй тропа́рь и҆ конда́къ, и҆ глаго́лемъ тропа́рь а҃-гѡ ст҃а́гѡ. Сла́ва, дрꙋга́гѡ: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ: конда́къ а҃-гѡ ст҃а́гѡ.

На г҃-мъ часѣ̀, тропа́рь а҃- гѡ ст҃а́гѡ: Сла́ва, дрꙋга́гѡ: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ: конда́къ дрꙋга́гѡ ст҃а́гѡ. Та́коже и҆ на про́чихъ часѣ́хъ глаго́лемъ тропарѝ: Кондаки́ же глаго́лемъ премѣнѧ́юще.

[зрѝ] А҆́ще ли дрꙋгі́й ст҃ы́й не и҆́мать кондака̀, и҆ глаго́лемъ конда́къ, по Ѻ҆́ч҃е на́шъ: є҆ди́нагѡ ст҃а́гѡ на всѣ́хъ часѣ́хъ.

На лїтꙋргі́и по вхо́дѣ, Глаго́лемъ тропа́рь хра́ма хрⷭ҇то́ва, и҆лѝ бцⷣы, пото́мъ днѐ: Па́мѧть првⷣнагѡ: и҆ тропа́рь ст҃а́гѡ рѧдова́гѡ, и҆ дрꙋга́гѡ ст҃а́гѡ, а҆́ще є҆́сть. посе́мъ конда́къ хра́ма хрⷭ҇то́ва, та́же днѐ. Прⷪ҇ро́че бж҃їй: и҆ конда́къ хра́ма ст҃а́гѡ: и҆ ст҃а́гѡ рѧдова́гѡ. А҆́ще ли є҆́сть, и҆ дрꙋга́гѡ ст҃а́гѡ конда́къ, глаго́ли є҆го̀. Сла́ва, Со ст҃ы́ми ᲂу҆поко́й: И҆ ны́нѣ, хра́ма бцⷣы.

[зрѝ] А҆ и҆дѣ́же нѣ́сть хра́ма хрⷭ҇то́ва, и҆ бцⷣы, глаго́лемъ по вхо́дѣ тропарѝ си́це: пре́жде тропа́рь днѐ: Па́мѧть првⷣнагѡ: и҆ хра́ма ст҃а́гѡ: та́же ст҃а́гѡ рѧдова́гѡ, и҆ дрꙋга́гѡ ст҃а́гѡ, а҆́ще є҆́сть. Та́же конда́къ днѐ, и҆ хра́ма ст҃а́гѡ и҆ ст҃а́гѡ рѧдова́гѡ: Сла́ва, Со ст҃ы́ми ᲂу҆поко́й: И҆ ны́нѣ, Предста́тельство хрⷭ҇тїа́нъ:

А҆ и҆дѣ́же нѣ́сть лїтꙋргі́и, На часѣ́хъ, по Ѡ҆сла́би, ѡ҆ста́ви: и҆ по Ѻ҆́ч҃е на́шъ: конда́къ хра́ма хрⷭ҇то́ва, и҆ днѐ, та́же ст҃а́гѡ рѧдова́гѡ, и҆ дрꙋга́гѡ ст҃а́гѡ, а҆́ще є҆́сть. Сла́ва, Со ст҃ы́ми ᲂу҆поко́й: И҆ ны́нѣ, хра́ма бцⷣы.

[зрѝ] А҆ и҆дѣ́же нѣ́сть хра́ма бцⷣы, глаго́лемъ конда́къ днѐ: Прⷪ҇ро́че бж҃їй и҆ прⷣте́че: и҆ хра́ма ст҃а́гѡ: та́же, ст҃а́гѡ рѧдова́гѡ: и҆ дрꙋга́гѡ ст҃а́гѡ, а҆́ще є҆́сть. Сла́ва, Со ст҃ы́ми ᲂу҆поко́й: И҆ ны́нѣ, хра́ма хрⷭ҇то́ва: А҆ и҆дѣ́же нѣ́сть хра́ма хрⷭ҇то́ва, и҆ бцⷣы, глаго́лемъ: И҆ ны́нѣ, Предста́тельство хрⷭ҇тїа́нъ:

Во хра́мѣ же прⷣте́чевѣ: Конда́къ хра́ма є҆гѡ̀ во вто́рникъ на лїтꙋргі́и, по вхо́дѣ, и҆лѝ на часѣ́хъ, по Ѡ҆сла́би, ѡ҆ста́ви, не глаго́лемъ: зане́же глаго́летсѧ конда́къ днѐ прⷣте́чи же.

Во вто́рникъ ве́чера.

По ны́нѣ ѿпꙋща́еши, и҆ по трист҃о́мъ, глаго́лемъ тропа́рь ст҃а́гѡ: Сла́ва, и҆ ны́нѣ, крⷭ҇тобг҃оро́диченъ по гла́сꙋ.

[зрѝ] А҆́ще ли слꙋча́тсѧ два̀ ст҃ы́хъ, и҆мꙋ́ще тропарѝ: И҆ глаго́лемъ пре́жде тропа́рь, пе́рвагѡ ст҃а́гѡ: Сла́ва, дрꙋга́гѡ, И҆ ны́нѣ, крⷭ҇тобг҃оро́диченъ.

На повече́рїи, по Досто́йно и҆ по трист҃о́мъ, Глаго́лемъ тропа́рь днѐ: Сп҃сѝ гдⷭ҇и лю́ди твоѧ̑: и҆ хра́ма бцⷣы, и҆ хра́ма ст҃а́гѡ. та́же, Бж҃е ѻ҆тє́цъ на́шихъ: и҆ И҆́же во все́мъ мі́рѣ: Сла́ва, Со ст҃ы́ми ᲂу҆поко́й: И҆ ны́нѣ, Мл҃твами гдⷭ҇и:

Внима́й: хрⷭ҇то́ва бо хра́ма, во вто́рникъ на повече́рїи, та́кожде и҆ въ четверто́къ на повече́рїи, тропарѧ̀ и҆ кондака̀ во ве́сь го́дъ не глаго́лемъ, зане́же глаго́летсѧ тропа́рь днѐ: Сп҃сѝ гдⷭ҇и лю́ди твоѧ̑: и҆ конда́къ: Вознесы́йсѧ на крⷭ҇тъ:

На ᲂу҆́трени въ сре́дꙋ, На Бг҃ъ гдⷭ҇ь, тропа́рь ст҃а́гѡ два́жды. Сла́ва, и҆ ны́нѣ, крⷭ҇тобг҃оро́диченъ, по гла́сꙋ тропарѧ̀ ст҃а́гѡ.

[зрѝ] А҆́ще ли слꙋча́тсѧ два̀ ст҃ы́хъ, и҆мꙋ́ще ѻ҆́ба тропарѝ: И҆ глаго́лемъ. тропа́рь пе́рвагѡ ст҃а́гѡ, два́жды: Сла́ва, дрꙋга́гѡ ст҃а́гѡ: И҆ ны́нѣ, крⷭ҇тобг҃оро́диченъ, по гла́сꙋ послѣ́днѧгѡ тропарѧ̀ ст҃а́гѡ. По Бл҃го є҆́сть: тропа́рь глаго́лемъ ꙗ҆́коже и҆ во вто́рникъ, на вече́рни.

На а҃-мъ часѣ̀, тропа́рь ст҃а́гѡ: И҆ ны́нѣ, бг҃оро́диченъ часѡ́въ. По трист҃о́мъ конда́къ ст҃а́гѡ.

[зрѝ] А҆́ще ли слꙋчи́тсѧ дрꙋгі́й ст҃ы́й и҆мѣ́ѧй тропа́рь и҆ конда́къ: И҆ глаго́лемъ тропа́рь пе́рвагѡ ст҃а́гѡ. Сла́ва, дрꙋга́гѡ ст҃а́гѡ: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ: конда́къ а҃-гѡ ст҃а́гѡ.

На г҃-мъ часѣ̀, тропа́рь а҃-гѡ ст҃а́гѡ. Сла́ва, дрꙋга́гѡ. И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ: конда́къ дрꙋга́гѡ ст҃а́гѡ. Та́кожде и҆ на про́чихъ часѣ́хъ глаго́лемъ тропарѝ: кондаки́ же глаго́лемъ премѣнѧ́юще.

[зрѝ] А҆́ще ли дрꙋгі́й ст҃ы́й не и҆́мать кондака̀, И҆ глаго́лемъ конда́къ по Ѻ҆́ч҃е на́шъ: є҆ди́нагѡ ст҃а́гѡ на всѣ́хъ часѣ́хъ.

На лїтꙋргі́и по вхо́дѣ, Глаго́лемъ тропа́рь: Сп҃сѝ гдⷭ҇и лю́ди твоѧ̑: и҆ хра́ма бцⷣы, и҆ хра́ма ст҃а́гѡ. та́же тропа́рь ст҃а́гѡ рѧдова́гѡ. Посе́мъ конда́къ днѐ: Вознесы́йсѧ на крⷭ҇тъ: и҆ хра́ма ст҃а́гѡ, и҆ рѧдова́гѡ ст҃а́гѡ. Сла́ва, Со ст҃ы́ми ᲂу҆поко́й: И҆ ны́нѣ, хра́ма бцⷣы.

[зрѝ] А҆ и҆дѣ́же нѣ́сть хра́ма бцⷣы, то́чїю є҆ди́нъ хра́мъ хрⷭ҇то́въ: И҆ по тропарѣ̀ глаго́лемъ, конда́къ хра́ма ст҃а́гѡ, и҆ ст҃а́гѡ рѧдова́гѡ. Сла́ва, Со ст҃ы́ми ᲂу҆поко́й: И҆ ны́нѣ, хра́ма хрⷭ҇то́ва.

[зрѝ] А҆ и҆дѣ́же нѣ́сть хра́ма хрⷭ҇то́ва и҆ бцⷣы, глаго́лемъ: И҆ ны́нѣ, Предста́тельство хрⷭ҇тїа́нъ:

[зрѝ] Си́це глаго́лемъ тропарѝ и҆ въ четверто́къ ве́чера къ пѧткꙋ̀ на ᲂу҆́трени, и҆ на лїтꙋргі́и по вхо́дѣ, ꙗ҆́коже и҆ въ сре́дꙋ.

А҆ и҆дѣ́же нѣ́сть лїтꙋргі́и, Глаго́лемъ на часѣ́хъ, по Ѡ҆сла́би, ѡ҆ста́ви: и҆ по Ѻ҆́ч҃е на́шъ: конда́къ ꙗ҆́коже и҆ на лїтꙋргі́и по вхо́дѣ, конда́къ днѐ: Вознесы́йсѧ на крⷭ҇тъ: и҆ хра́ма ст҃а́гѡ, и҆ ст҃а́гѡ рѧдова́гѡ. Сла́ва, Со ст҃ы́ми ᲂу҆поко́й: И҆ ны́нѣ, хра́ма бцⷣы.

[зрѝ] А҆ и҆дѣ́же хра́ма нѣ́сть бцⷣы, И҆ ны́нѣ, Предста́тельство хрⷭ҇тїа́нъ: Въ сре́дꙋ ве́чера, По Ны́нѣ ѿпꙋща́еши, и҆ по трист҃о́мъ тропа́рь ст҃а́гѡ. Сла́ва, и҆ ны́нѣ, бг҃оро́диченъ ѿ ме́ньшихъ: и҆ про́чее ꙗ҆́коже ᲂу҆каза́сѧ въ про́чыѧ дни̑ вы́ше.

[зрѝ] На повече́рїи, по Досто́йно, и҆ по трист҃о́мъ, Тропа́рь хра́ма хрⷭ҇то́ва, и҆ бцⷣы, и҆ днѐ, и҆ нїкола́а: Пра́вило вѣ́ры:

[зрѝ] А҆́ще ли хра́мъ а҆рха́гг҃ловъ, и҆лѝ прⷣте́чи, Глаго́лемъ хра́ма є҆гѡ̀ тропа́рь, пре́жде дневна́гѡ тропарѧ̀, по ни́хъ глаго́лемъ днѐ тропа́рь: А҆пⷭ҇ли ст҃і́и: и҆ хра́ма ст҃а́гѡ, кромѣ̀ хра́ма а҆пⷭ҇лѡвъ, хра́мъ бо а҆пⷭ҇лѡвъ коегѡнибꙋ́ди, тропарѧ̀ не глаго́лемъ къ четверткꙋ̀, занѐ тропа́рь днѐ а҆пⷭ҇льскїй же: пото́мъ нїкола́а, и҆ ѻ҆бы̑чныѧ тропарѝ: Бж҃е ѻ҆тє́цъ на́шихъ: съ про́чими.

[зрѝ] А҆ и҆дѣ́же нѣ́сть хра́ма хрⷭ҇то́ва и҆ бцⷣы, глаго́лемъ тропа́рь днѐ: А҆пⷭ҇ли ст҃і́и: и҆ нїкола́а, и҆ тропа́рь хра́ма ст҃а́гѡ и҆лѝ ст҃ы́ѧ, кромѣ̀ хра́ма а҆пⷭ҇льскагѡ. посе́мъ, Бж҃е ѻ҆тє́цъ на́шихъ: И҆ И҆́же во все́мъ мі́рѣ: Сла́ва, Со ст҃ы́ми ᲂу҆поко́й: И҆ ны́нѣ, Мл҃твами гдⷭ҇и:

Въ четверто́къ на ᲂу҆́трени, На Бг҃ъ гдⷭ҇ь, тропа́рь ст҃а́гѡ два́жды. Сла́ва, и҆ ны́нѣ, бг҃оро́диченъ ѿ ме́ньшихъ, по гла́сꙋ тропарѧ̀ ст҃а́гѡ.

[зрѝ] А҆́ще ли слꙋчи́тсѧ дрꙋгі́й ст҃ы́й и҆мѣ́ѧй тропа́рь, Глаго́лемъ тропа́рь пе́рвагѡ ст҃а́гѡ, два́жды. Сла́ва, дрꙋга́гѡ ст҃а́гѡ. И҆ ны́нѣ, бг҃оро́диченъ, по гла́сꙋ послѣ́днѧгѡ тропарѧ̀ ст҃а́гѡ ѿ ме́ньшихъ. По Бл҃го є҆́сть, и҆ по трист҃о́мъ, тропа́рь ст҃а́гѡ: Сла́ва, и҆ ны́нѣ, бг҃оро́диченъ. А҆́ще ли дрꙋга́гѡ ст҃а́гѡ тропа́рь, и҆ глаго́лемъ тропа́рь пе́рвагѡ ст҃а́гѡ. Сла́ва, дрꙋга́гѡ ст҃а́гѡ. И҆ ны́нѣ, бг҃оро́диченъ. На часѣ́хъ, глаго́лемъ тропа́рь ст҃а́гѡ. И҆ ны́нѣ, бг҃оро́диченъ часѡ́въ. По трист҃о́мъ конда́къ ст҃а́гѡ.

[зрѝ] А҆́ще ли слꙋчи́тсѧ дрꙋгі́й ст҃ы́й, и҆мѣ́ѧй тропа́рь и҆ конда́къ: И҆ глаго́ли н҃-мъ тропарѝ и҆ кондакѝ, ꙗ҆́коже предписа́сѧ во вто́рникъ, на часѣ́хъ.

По вхо́дѣ на лїтꙋргі́и, Тропа́рь хра́ма хрⷭ҇то́ва и҆ бцⷣы, и҆ днѐ: А҆пⷭ҇ли ст҃і́и: и҆ нїкола́а. посе́мъ тропа́рь хра́ма ст҃а́гѡ, кромѣ̀ а҆пⷭ҇льскагѡ, пото́мъ ст҃а́гѡ рѧдова́гѡ. А҆́ще є҆́сть дрꙋгі́й ст҃ы́й, и҆мѣ́ѧй тропа́рь, глаго́ли є҆го̀. Посе́мъ конда́къ хра́ма хрⷭ҇то́ва, и҆ днѐ, и҆ хра́ма ст҃а́гѡ рѧдова́гѡ, и҆ дрꙋга́гѡ ст҃а́гѡ, а҆́ще є҆́сть. Сла́ва, Со ст҃ы́ми ᲂу҆поко́й: И҆ ны́нѣ, хра́ма бцⷣы.

[зрѝ] А҆́ще хра́мъ хрⷭ҇то́въ, И҆ ны́нѣ: конда́къ хра́ма хрⷭ҇то́ва. А҆ по́слѣ тропаре́й въ нача́лѣ кондакѝ днѐ, и҆ хра́ма, и҆ ст҃а́гѡ рѧдова́гѡ. Сла́ва, Со ст҃ы́ми ᲂу҆поко́й: И҆ ны́нѣ, хра́ма хрⷭ҇то́ва.

[зрѝ] А҆ и҆дѣ́же нѣ́сть хра́ма хрⷭ҇то́ва, и҆ бцⷣы, глаго́лемъ по вхо́дѣ тропарѝ, пре́жде тропа́рь днѐ, и҆ тропа́рь хра́ма ст҃а́гѡ, кромѣ̀ а҆пⷭ҇лѡвъ: посе́мъ тропа́рь ст҃а́гѡ рѧдова́гѡ, и҆ дрꙋга́гѡ ст҃а́гѡ, а҆́ще є҆́сть. посе́мъ конда́къ днѐ, и҆ ст҃а́гѡ рѧдова́гѡ. Сла́ва, Со ст҃ы́ми ᲂу҆поко́й: И҆ ны́нѣ, Предста́тельство хрⷭ҇тїа́нъ:

А҆ и҆дѣ́же нѣ́сть лїтꙋргі́и. На часѣ́хъ, по Ѡ҆сла́би, ѡ҆ста́ви: и҆ по Ѻ҆́ч҃е на́шъ: кондакѝ, ꙗ҆́кѡ предписа́сѧ во вто́рникъ на часѣ́хъ, во все́мъ подо́бнѣ, та́мѡ прⷣте́чи, здѣ́ же а҆пⷭ҇лѡвъ и҆ нїкола́а.

Въ четверто́къ же.

Ве́черъ и҆ ᲂу҆́трѡ, и҆ на лїтꙋргі́и, тропарѝ глаго́лемъ, ꙗ҆́коже пред̾из̾ѧви́сѧ во вто́рникъ къ средѣ̀, ве́черъ, и҆ ᲂу҆́трѡ.

Въ пѧто́къ ве́чера къ сꙋббѡ́тѣ.

По Ны́нѣ ѿпꙋща́еши: и҆ по трист҃о́мъ, тропарѝ глаго́лемъ си́це: Тропа́рь ст҃а́гѡ. Сла́ва, и҆ ны́нѣ, бг҃оро́диченъ воскрⷭ҇нъ, настоѧ́щагѡ гла́са. А҆́ще же тропа́рь дрꙋга́гѡ ст҃а́гѡ, глаго́ли пре́жде тропа́рь пе́рвагѡ ст҃а́гѡ: Сла́ва, дрꙋга́гѡ ст҃а́гѡ: И҆ ны́нѣ, бг҃оро́диченъ пе́рвый настоѧ́щагѡ гла́са.

На повече́рїи, по Досто́йно, и҆ по трист҃о́мъ тропа́рь хра́ма хрⷭ҇то́ва, и҆ бцⷣы: та́же днѐ: А҆пⷭ҇ли, мч҃нцы и҆ прⷪ҇ро́цы: Сла́ва, Со ст҃ы́ми ᲂу҆поко́й: И҆ ны́нѣ, Ꙗ҆́кѡ нача́тки:

[зрѝ] А҆́ще ли и҆ во хрⷭ҇то́вѣ хра́мѣ, и҆ бцⷣы, си́мъ кондако́мъ покрыва́й: Хра́ма же ст҃а́гѡ тропа́рь не глаго́летсѧ во ве́сь го́дъ, занѐ въ дневно́мъ тропарѣ̀ всѝ ст҃і́и и҆менова́ни сꙋ́ть.

[зрѝ] А҆ и҆дѣ́же нѣ́сть хра́ма хрⷭ҇то́ва и҆ бцⷣы, и҆ глаго́лемъ тропарѝ въ пѧто́къ на повече́рїи си́це: пре́жде тропа́рь днѐ: А҆пⷭ҇ли, мч҃нцы: та́же, Помѧнѝ гдⷭ҇и, ꙗ҆́кѡ бл҃гъ: Сла́ва, Со ст҃ы́ми ᲂу҆поко́й: И҆ ны́нѣ, Ꙗ҆́кѡ нача́тки:

А҆́ще въ сꙋббѡ́тꙋ слꙋчи́тсѧ ст҃а́гѡ и҆мꙋ́щагѡ тропа́рь, И҆ въ пѧто́къ на повече́рїи тропарѧ̀ за ᲂу҆поко́й: Помѧнѝ гдⷭ҇и не глаго́лемъ. Та́кожде и҆ въ сꙋббѡ́тꙋ на лїтꙋргі́и по вхо́дѣ не глаго́лемъ, но глаго́лемъ є҆го̀, є҆гда̀ нѣ́сть ст҃о́мꙋ тропарѧ̀, и҆ пое́тсѧ въ сꙋббѡ́тꙋ А҆ллилꙋ́їа.

На ᲂу҆́трени на Бг҃ъ гдⷭ҇ь, Тропа́рь ст҃а́гѡ, два́жды: Сла́ва, и҆ ны́нѣ, бг҃оро́диченъ воскрⷭ҇нъ, по гла́сꙋ тропарѧ̀ ст҃а́гѡ, а҆ не настоѧ́щагѡ гла́са: настоѧ́щагѡ же гла́са глаго́летсѧ бг҃оро́диченъ, по а҃-й каѳі́смѣ, по а҃- мъ сѣда́льнѣ.

[зрѝ] А҆́ще ли дрꙋгі́й ст҃ы́й и҆мѣ́ѧй тропа́рь слꙋчи́тсѧ въ сꙋббѡ́тꙋ, тогда̀ глаго́лемъ пре́жде тропа́рь а҃-гѡ ст҃а́гѡ, два́жды. Сла́ва, дрꙋга́гѡ ст҃а́гѡ: И҆ ны́нѣ, бг҃оро́диченъ воскрⷭ҇нъ по гла́сꙋ дрꙋга́гѡ тропарѧ̀. По Бл҃го є҆́сть, глаго́лемъ тропа́рь ст҃а́гѡ. Сла́ва, и҆ ны́нѣ, бг҃оро́диченъ ѿ ме́ньшихъ, пи́санъ въ сꙋббѡ́тꙋ въ коне́цъ ᲂу҆́трени настоѧ́щагѡ гла́са.

А҆́ще слꙋчи́тсѧ вели́кагѡ ст҃а́гѡ въ сꙋббѡ́тꙋ, и҆мꙋ́щагѡ бдѣ́нїе, и҆лѝ полѷеле́й.

И҆ въ пѧто́къ на вече́рни, и҆ въ сꙋббѡ́тꙋ на ᲂу҆́трени, на Бг҃ъ гдⷭ҇ь, и҆ по славосло́вїи, глаго́лемъ по тропарѣ̀ ст҃а́гѡ, бг҃оро́диченъ воскрⷭ҇нъ настоѧ́щагѡ гла́са.

На лїтꙋргі́и по вхо́дѣ, Тропа́рь хра́ма хрⷭ҇то́ва, и҆ бцⷣы, та́же днѐ: А҆пⷭ҇ли, мч҃нцы и҆ прⷪ҇ро́цы: и҆ Помѧнѝ гдⷭ҇и, ꙗ҆́кѡ бл҃гъ: А҆́ще же ст҃ы́й рѧдовы́й и҆́мать тропа́рь, и҆ Помѧнѝ гдⷭ҇и, не глаго́лемъ, но глаго́лемъ тропа́рь ст҃а́гѡ, посе́мъ конда́къ ст҃а́гѡ рѧдова́гѡ. Сла́ва, Со ст҃ы́ми ᲂу҆поко́й: И҆ ны́нѣ, [зрѝ] Ꙗ҆́кѡ нача́тки є҆стества̀:

[зрѝ] А҆ и҆дѣ́же нѣ́сть хра́ма хрⷭ҇то́ва и҆ бцⷣы, и҆ глаго́лемъ тропарѝ си́це: пре́жде тропа́рь днѐ: А҆пⷭ҇ли, мч҃нцы и҆ прⷪ҇ро́цы: та́же тропа́рь и҆ конда́къ ст҃а́гѡ, а҆́ще є҆́сть. а҆́ще ли дрꙋгі́й ст҃ы́й, глаго́ли тропа́рь и҆ конда́къ є҆гѡ̀: Сла́ва, Со ст҃ы́ми ᲂу҆поко́й: И҆ ны́нѣ, Ꙗ҆́кѡ нача́тки:

Вѣ́домо бꙋ́ди и҆ ѡ҆ се́мъ: А҆́ще въ понедѣ́льникъ, и҆лѝ вто́рникъ, и҆лѝ въ сре́дꙋ, и҆лѝ четверто́къ, и҆лѝ пѧто́къ, и҆ въ сꙋббѡ́тꙋ, не пое́тсѧ ѻ҆ктѡ́ихъ, тогда̀ тропарѧ̀ и҆ кондака̀ днѐ, на повече́рїи и҆ на лїтꙋргі́и по вхо́дѣ не глаго́лемъ: глаго́лемъ же тропа́рь и҆ конда́къ ст҃а́гѡ, є҆мꙋ́же пое́тсѧ слꙋ́жба.

А҆́ще ли ко́емꙋ ст҃о́мꙋ на ᲂу҆́трени пое́тсѧ славосло́вїе, И҆ на лїтꙋргі́и по вхо́дѣ, кондака̀, Со ст҃ы́ми ᲂу҆поко́й: не глаго́лемъ: но глаго́лемъ на Сла́ва: конда́къ ст҃а́гѡ рѧдова́гѡ, И҆ ны́нѣ: конда́къ хра́ма хрⷭ҇то́ва, и҆лѝ бцⷣы. А҆́ще ли нѣ́сть хра́ма хрⷭ҇то́ва и҆ бцⷣы, И҆ ны́нѣ, Предста́тельство хрⷭ҇тїа́нъ:

Въ сꙋббѡ́тꙋ ве́чера къ недѣ́ли.

По Ны́нѣ ѿпꙋща́еши, и҆ по трист҃о́мъ, тропа́рь воскрⷭ҇нъ гла́са: Сла́ва, ст҃а́гѡ: И҆ ны́нѣ, бг҃оро́диченъ воскрⷭ҇нъ, по гла́сꙋ тропарѧ̀ ст҃а́гѡ: А҆́ще ли нѣ́сть тропарѧ̀ ст҃о́мꙋ, глаго́ли тропа́рь воскрⷭ҇нъ. Сла́ва, и҆ ны́нѣ, бг҃оро́диченъ є҆гѡ̀.

[зрѝ] А҆́ще ли два̀ ст҃ы́хъ съ тропарѝ, И҆ глаго́лемъ тропа́рь воскрⷭ҇нъ: Сла́ва, ст҃а́гѡ: И҆ ны́нѣ, бг҃оро́диченъ воскрⷭ҇нъ по гла́сꙋ тропарѧ̀: дрꙋга́гѡ же ст҃а́гѡ тропа́рь не глаго́летсѧ: поне́же на вече́рни д҃ тропарѧ̀ не глаго́лютсѧ. На повече́рїи глаго́лемъ конда́къ воскрⷭ҇нъ.

Въ недѣ́лю на ᲂу҆́трени на Бг҃ъ гдⷭ҇ь. Тропа́рь воскрⷭ҇нъ, два́жды: Сла́ва, ст҃а́гѡ: И҆ ны́нѣ, бг҃оро́диченъ воскрⷭ҇нъ, по гла́сꙋ тропарѧ̀ ст҃а́гѡ. а҃ бг҃оро́диченъ настоѧ́щагѡ гла́са глаго́ли по тропарѣ̀ воскрⷭ҇номъ на Сла́ва, и҆ ны́нѣ, по а҃-мъ сѣда́льнѣ: рѧдова́гѡ же бг҃оро́дична не глаго́лемъ.

[зрѝ] А҆́ще ли слꙋчи́тсѧ въ недѣ́лю дрꙋгі́й ст҃ы́й и҆мѣ́ѧй тропа́рь: Глаго́лемъ на Бг҃ъ гдⷭ҇ь, тропа́рь воскрⷭ҇нъ є҆ди́ножды, и҆ ст҃а́гѡ пе́рвагѡ є҆ди́ножды. Сла́ва, дрꙋга́гѡ ст҃а́гѡ. И҆ ны́нѣ, бг҃оро́диченъ воскрⷭ҇нъ, по гла́сꙋ послѣ́днѧгѡ тропарѧ̀. [А]҆́ще же въ недѣ́лю тропарѧ̀ ст҃о́мꙋ не бꙋ́детъ, тогда̀ глаго́лемъ на ᲂу҆́трени, на Бг҃ъ гдⷭ҇ь, тропа́рь воскрⷭ҇нъ гла́са, два́жды: Сла́ва, и҆ ны́нѣ, бг҃оро́диченъ є҆гѡ̀. По а҃-мъ же сѣда́льнѣ глаго́лемъ бг҃оро́диченъ рѧдовы́й. По славосло́вїи тропа́рь воскрⷭ҇нъ є҆ди́нъ. На часѣ́хъ, тропа́рь воскрⷭ҇нъ: Сла́ва, ст҃а́гѡ: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ воскрⷭ҇нъ.

На лїтꙋргі́и по вхо́дѣ, Глаго́лемъ тропа́рь воскрⷭ҇нъ, и҆ хра́ма бцⷣы, и҆ хра́ма ст҃а́гѡ, и҆ ст҃а́гѡ рѧдова́гѡ, глаго́лемъ же и҆ дрꙋгі́й тропа́рь, а҆́ще є҆́сть. Та́же конда́къ воскрⷭ҇нъ, и҆ хра́ма ст҃а́гѡ. Сла́ва, ст҃а́гѡ рѧдова́гѡ: И҆ ны́нѣ, хра́ма бцⷣы. А҆́ще ли дрꙋгі́й ст҃ы́й и҆мѣ́ѧй конда́къ, Сла́ва, конда́къ дрꙋга́гѡ ст҃а́гѡ: И҆ ны́нѣ, хра́ма бцⷣы. А҆ и҆дѣ́же нѣ́сть хра́ма бцⷣы, а҆ хра́мъ хрⷭ҇то́въ: И҆ ны́нѣ, конда́къ воскрⷭ҇нъ. А҆ и҆дѣ́же нѣ́сть хра́ма хрⷭ҇то́ва и҆ бцⷣы, И҆ ны́нѣ, конда́къ: Предста́тельство хрⷭ҇тїа́нъ:

Вѣ́домо же бꙋ́ди и҆ ѡ҆ се́мъ.

А҆́ще слꙋчи́тсѧ когда̀ въ седми̑чныѧ дни̑, кромѣ̀ сꙋббѡ́ты и҆ недѣ́ли ст҃а́гѡ, є҆мꙋ́же вхо́дъ, и҆лѝ славосло́вїе, и҆лѝ полѷеле́й, и҆лѝ бдѣ́нїе: тогда̀ глаго́лемъ на вече́рни и҆ на ᲂу҆́трени, и҆ на часѣ́хъ, тропа́рь и҆ конда́къ, ꙗ҆́коже пре́жде ᲂу҆каза́сѧ. то́чїю на вече́рни по трист҃о́мъ послѣ́днемъ: и҆ на ᲂу҆́трени, на Бг҃ъ гдⷭ҇ь, и҆ по славосло́вїи: по тропарѣ̀ глаго́лемъ бг҃оро́диченъ воскрⷭ҇нъ, по гла́сꙋ тропарѧ̀ ст҃а́гѡ. А҆ на повече́рїи по Досто́йно и҆ по трист҃о́мъ, конда́къ ст҃а́гѡ. А҆ бг҃оро́дична ѿ ме́ньшихъ, та́кожде и҆ крⷭ҇тобг҃оро́дична въ сре́дꙋ и҆ пѧто́къ по тропарѣ̀, въ ты̑ѧ пра́здники не глаго́лемъ. А҆ по вхо́дѣ на лїтꙋргі́и глаго́лемъ та́кожде тропа́рь и҆ конда́къ, ꙗ҆́коже пре́жде ꙗ҆вле́но є҆́сть: то́чїю въ сїѧ̑ дни̑, днѐ тропарѧ̀ и҆ кондака̀, Со ст҃ы́ми ᲂу҆поко́й, не глаго́лемъ.

[зрѝ] А҆́ще ли слꙋчи́тсѧ въ сꙋббѡ́тꙋ ко́егѡ ст҃а́гѡ, є҆мꙋ́же славосло́вїе, и҆лѝ вхо́дъ кромѣ̀ полѷеле́а:

Въ пѧто́къ ве́чера, по Ны́нѣ ѿпꙋща́еши, и҆ по трист҃о́мъ тропа́рь ст҃а́гѡ: Сла́ва, и҆ ны́нѣ, бг҃оро́диченъ воскрⷭ҇нъ настоѧ́щагѡ гла́са. На повече́рїи, конда́къ ст҃а́гѡ.

На ᲂу҆́трени, на Бг҃ъ гдⷭ҇ь, Тропа́рь ст҃а́гѡ, два́жды. Сла́ва, и҆ ны́нѣ, бг҃оро́диченъ воскрⷭ҇нъ. По славосло́вїи, глаго́лемъ тропа́рь ст҃а́гѡ: Сла́ва, и҆ ны́нѣ, бг҃оро́диченъ настоѧ́щагѡ гла́са.

На часѣ́хъ же тропа́рь и҆ конда́къ глаго́лемъ, ꙗ҆́коже вы́ше ᲂу҆каза́сѧ.

На лїтꙋргі́и же, по вхо́дѣ глаго́лемъ тропарѝ си́це: Пре́жде тропа́рь хра́ма хрⷭ҇то́ва, и҆лѝ бцⷣы, и҆ ст҃а́гѡ рѧдова́гѡ, та́же конда́къ хра́ма хрⷭ҇то́ва. Сла́ва, конда́къ ст҃а́гѡ: И҆ ны́нѣ, хра́ма бцⷣы.

[зрѝ] А҆ и҆дѣ́же хра́мъ хрⷭ҇то́въ, а҆ бцⷣы нѣ́сть: И҆ ны́нѣ, конда́къ хра́ма, хрⷭ҇то́ва. А҆ и҆дѣ́же хра́ма хрⷭ҇то́ва, и҆ бцⷣы нѣ́сть: И҆ ны́нѣ, Предста́тельство хрⷭ҇тїа́нъ:

А҆́ще ли слꙋчи́тсѧ въ сꙋббѡ́тꙋ ко́егѡ вели́кагѡ ст҃а́гѡ, и҆мꙋ́щагѡ полѷеле́й.

Въ пѧто́къ на вече́рни, по трист҃о́мъ послѣ́днемъ, тропа́рь ст҃а́гѡ: Сла́ва, и҆ ны́нѣ, бг҃оро́диченъ воскрⷭ҇нъ гла́са.

На повече́рїи, по Досто́йно и҆ по трист҃о́мъ, конда́къ ст҃а́гѡ є҆ди́нъ.

На ᲂу҆́трени въ сꙋббѡ́тꙋ, На Бг҃ъ гдⷭ҇ь, тропа́рь ст҃а́гѡ два́жды: Сла́ва, и҆ ны́нѣ, бг҃оро́диченъ настоѧ́щагѡ гла́са. По славосло́вїи тропа́рь ст҃а́гѡ є҆ди́ножды. Сла́ва, и҆ ны́нѣ, бг҃оро́диченъ настоѧ́щагѡ гла́са. На часѣ́хъ, тропа́рь и҆ конда́къ ст҃а́гѡ.

На лїтꙋргі́и. По вхо́дѣ тропа́рь хра́ма хрⷭ҇то́ва, и҆лѝ бцⷣы, и҆ ст҃а́гѡ пра́зднꙋемагѡ. Посе́мъ конда́къ хра́ма хрⷭ҇то́ва: Сла́ва, конда́къ ст҃а́гѡ пра́зднꙋемагѡ: И҆ ны́нѣ, хра́ма бцⷣы. А҆ и҆дѣ́же хра́мъ хрⷭ҇то́въ, а҆ бцⷣы хра́ма нѣ́сть: И҆ ны́нѣ, глаго́лемъ конда́къ хра́ма хрⷭ҇то́ва. А҆ и҆дѣ́же хра́ма хрⷭ҇то́ва и҆ бцⷣы нѣ́сть, глаго́лемъ тропа́рь хра́ма ст҃а́гѡ, и҆лѝ ст҃ы́ѧ, и҆ ст҃а́гѡ пра́зднꙋемагѡ, та́же конда́къ хра́ма ст҃а́гѡ, и҆лѝ ст҃ы́ѧ: Сла́ва, рѧдова́гѡ ст҃а́гѡ, И҆ ны́нѣ: Предста́тельство хрⷭ҇тїа́нъ: Дне́ же тропарѧ̀ и҆ кондака̀ не глаго́лемъ, поне́же тогда̀ ѻ҆ктѡ́ихъ не пое́тсѧ.

[зрѝ] А҆́ще же бдѣ́ннагѡ ст҃а́гѡ слꙋ́жба пѣ́та была̀ въ сꙋббѡ́тꙋ,

Тогда̀ тропарѝ по вхо́дѣ глаго́лемъ си́це: пре́жде тропа́рь хра́ма хрⷭ҇то́ва, и҆лѝ бцⷣы, и҆ ст҃а́гѡ бдѣ́ннагѡ. посе́мъ конда́къ хра́ма хрⷭ҇то́ва: Сла́ва, ст҃а́гѡ бдѣ́ннагѡ: И҆ ны́нѣ, хра́ма бцⷣы. А҆́ще же хра́ма хрⷭ҇то́ва и҆ бцⷣы нѣ́сть, Глаго́лемъ пре́жде тропа́рь бдѣ́ннагѡ ст҃а́гѡ: Сла́ва, конда́къ є҆гѡ̀, И҆ ны́нѣ: Предста́тельство хрїстїа́нъ: А҆ и҆дѣ́же хра́мъ хрⷭ҇то́въ, а҆ бцⷣы хра́ма нѣ́сть: И҆ ны́нѣ, глаго́лемъ конда́къ хра́ма. Хра́ма же ст҃а́гѡ на лїтꙋргі́и по вхо́дѣ, є҆гда̀ бдѣ́нїе ст҃а́гѡ быва́етъ, тропарѧ̀ и҆ кондака̀ не глаго́лемъ никогда̀.

[зрѝ] Та́кожде глаго́лемъ, тропарѝ и҆ кондакѝ на лїтꙋргі́и по вхо́дѣ, и҆ во и҆ны̑ѧ седми̑чныѧ дни̑ и҆ въ недѣ́лю, є҆гда̀ бдѣ́нїе быва́етъ ст҃а́гѡ.

[зрѝ] Вѣ́домо же бꙋ́ди и҆ ѡ҆ се́мъ, а҆́ще слꙋчи́тсѧ въ недѣ́лю ст҃а́гѡ, є҆мꙋ́же быва́етъ бдѣ́нїе, и҆лѝ полѷеле́й, и҆лѝ ст҃а́гѡ, є҆мꙋ́же слꙋ́жба пое́тсѧ на ѕ҃, кромѣ̀ полѷеле́а.

И҆ ѡ҆ тѣ́хъ слꙋ́жбахъ, и҆ ѡ҆ тропарѧ́хъ и҆ ѡ҆ кондака́хъ писа́сѧ ᲂу҆ка́зъ напредѝ кни́ги сеѧ̀, во главѣ̀ д҃, є҃ и҆ ѕ҃-й.

А҆́ще ли слꙋчи́тсѧ ст҃а́гѡ. ко́егѡ въ недѣ́лю, є҆мꙋ́же вхо́дъ быва́етъ, и҆лѝ славосло́вїе.

Въ сꙋббѡ́тꙋ на повече́рїи, по Досто́йно, и҆ по трист҃о́мъ, глаго́лемъ конда́къ ст҃а́гѡ є҆ди́нъ, а҆ тропа́рь на вече́рни, и҆ на ᲂу҆́трени, и҆ на часѣ́хъ, и҆ на лїтꙋргі́и по вхо́дѣ, глаго́лемъ ꙗ҆́коже ᲂу҆каза́сѧ въ воскрⷭ҇ной слꙋ́жбѣ, съ полѷеле́емъ ст҃а́гѡ, є҆гда̀ слꙋчи́тсѧ въ недѣ́лю.

Подоба́етъ вѣ́дати и҆ ѡ҆ се́мъ, ка́кѡ глаго́лютсѧ тропарѝ и҆ кондакѝ по всѧ̑ дни̑, въ предпра́зднствахъ и҆ попра́зднствахъ хрⷭ҇то́выхъ, и҆ бг҃оро́дичныхъ пра́здникѡвъ кромѣ̀ недѣ́ли.

На вече́рни, по Ны́нѣ ѿпꙋща́еши, и҆ по трист҃о́мъ, тропа́рь ст҃а́гѡ, а҆́ще є҆́сть: Сла́ва, и҆ ны́нѣ, пра́здника. А҆́ще ли слꙋчи́тсѧ бы́ти два̀ ст҃ы́хъ: И҆ глаго́лемъ по трист҃о́мъ, тропа́рь пе́рвагѡ ст҃а́гѡ: Сла́ва, дрꙋга́гѡ: И҆ ны́нѣ, пра́здника. А҆́ще ли нѣ́сть ст҃о́мꙋ тропарѧ̀, тогда̀ глаго́лемъ є҆ди́нъ тропа́рь пра́здника. На повече́рїи, по Досто́йно, и҆ по трист҃о́мъ, конда́къ пра́здника.

На ᲂу҆́трени, на Бг҃ъ гдⷭ҇ь: Тропа́рь пра́здника, два́жды: Сла́ва, ст҃а́гѡ: И҆ ны́нѣ, пра́здника: А҆́ще ли два̀ ст҃ы́хъ, и҆ кі́йждо и҆́хъ и҆́мать тропа́рь, тогда̀ тропа́рь пра́здника, є҆ди́ножды: и҆ ст҃а́гѡ пе́рвагѡ, є҆ди́ножды: Сла́ва, дрꙋга́гѡ ст҃а́гѡ: И҆ ны́нѣ пра́здника. По Бла́го є҆́сть, и҆ по трист҃о́мъ, тропа́рь, ꙗ҆́коже на вече́рни. А҆́ще ли два̀ ст҃ы́хъ, глаго́лемъ та́кожде ꙗ҆́коже на вече́рни.

На часѣ́хъ Глаго́лемъ въ нача́лѣ тропа́рь пра́здника: Сла́ва, ст҃а́гѡ: И ны́нѣ, бг҃оро́диченъ часѡ́въ: По Ѻ҆́ч҃е на́шъ, конда́къ пра́здника: глаго́лемъ непремѣ́ннѡ на всѣ́хъ часѣ́хъ. А҆́ще ли слꙋча́тсѧ два̀ ст҃ы́хъ: И҆ тропарѝ и҆́хъ премѣнѧ́юще глаго́лемъ. А҆́ще ли нѣ́сть ст҃о́мꙋ тропарѧ̀, глаго́лемъ на часѣ́хъ тропа́рь и҆ конда́къ пра́здника.

На лїтꙋргі́и по вхо́дѣ, Глаго́лемъ тропа́рь пра́здника, и҆ хра́ма бцⷣы: и҆лѝ хра́ма ст҃а́гѡ. и҆ ст҃а́гѡ рѧдова́гѡ. та́же конда́къ хра́ма бцⷣы. Сла́ва, ст҃а́гѡ рѧдова́гѡ. И҆ ны́нѣ, пра́здника. хрⷭ҇то́ва же хра́ма тропарѧ̀ и҆ кондака̀ не глаго́лемъ.

А҆́ще ли предпра́зднство, и҆лѝ попра́зднство бцⷣы. И҆ по вхо́дѣ глаго́лемъ пре́жде тропа́рь хра́ма хрⷭ҇то́ва, и҆ пра́здника, и҆ ст҃а́гѡ рѧдова́гѡ, а҆́ще є҆́сть: а҆́ще и҆ дрꙋгі́й ст҃ы́й и҆мѣ́ѧй тропа́рь, глаго́лемъ є҆го̀. Та́же конда́къ хра́ма хрⷭ҇то́ва: Сла́ва, ст҃а́гѡ: И҆ ны́нѣ, пра́здника бцⷣы. А҆ бцⷣы хра́ма, тропарѧ̀ и҆ кондака̀ не глаго́лемъ.

Въ предпра̑зднства всѣ́хъ пра́здникѡвъ хрⷭ҇то́выхъ и҆ бцⷣыныхъ.

На вече́рни, и҆ на ᲂу҆́трени, и҆ на часѣ́хъ, и҆ на лїтꙋргі́и, по вхо́дѣ, во все́й цр҃ко́вной слꙋ́жбѣ, глаго́лемъ тропа́рь и҆ конда́къ предпра́зднства, и҆ ст҃а́гѡ рѧдова́гѡ, ꙗ҆́коже въ попра́зднствахъ влⷣчнихъ и҆ бг҃оро́дичныхъ пра́здникѡвъ. Дне́ же не глаго́летсѧ, занѐ ѻ҆ктѡ́ихъ не пое́тсѧ.

А҆́ще ли слꙋчи́тсѧ предпра́зднство, и҆лѝ попра́зднство въ седми̑чныѧ дни̑, кромѣ̀ недѣ́ли съ полѷеле́йнымъ ст҃ы́мъ, и҆лѝ є҆мꙋ́же и҆ бдѣ́нїе быва́етъ.

По Ны́нѣ ѿпꙋща́еши, и҆ по трист҃о́мъ, тропа́рь ст҃а́гѡ: Сла́ва, и҆ ны́нѣ, пра́здника. На повече́рїи, конда́къ ст҃а́гѡ: Сла́ва, и҆ ны́нѣ, пра́здника.

На ᲂу҆́трени на Бг҃ъ гдⷭ҇ь: Тропа́рь пра́здника, два́жды: Сла́ва, ст҃а́гѡ: И҆ ны́нѣ, пра́здника. По славосло́вїи и҆ по трист҃о́мъ, тропа́рь ст҃а́гѡ: Сла́ва, и҆ ны́нѣ, пра́здника. На часѣ́хъ, тропа́рь пра́здника: Сла́ва, ст҃а́гѡ: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ: конда́къ пра́здника, и҆ ст҃а́гѡ, премѣнѧ́юще глаго́лемъ.

На лїтꙋргі́и по вхо́дѣ. Тропа́рь пра́здника, а҆́ще гдⷭ҇ьскїй: и҆ хра́ма бцⷣы, и҆ ст҃а́гѡ рѧдова́гѡ: Та́же, конда́къ хра́ма бцⷣы. Сла́ва, конда́къ ст҃а́гѡ. И҆ ны́нѣ, пра́здника. А҆ и҆дѣ́же нѣ́сть хра́ма бцⷣы, И҆ ны́нѣ, конда́къ пра́здника.

А҆́ще ли предпра́зднство и҆лѝ попра́зднство бг҃оро́дицына пра́здника.

И҆ глаго́лемъ тропа́рь пре́жде хра́ма хрⷭ҇то́ва, та́же пра́здника, и҆ ст҃а́гѡ рѧдова́гѡ: Посе́мъ конда́къ хра́ма хрⷭ҇то́ва: Сла́ва, ст҃а́гѡ: И҆ ны́нѣ, пра́здника. Дне́ же тропарѧ̀ и҆ кондака̀ не глаго́лемъ.

А҆́ще ли слꙋчи́тсѧ въ недѣ́лю предпра́зднство, и҆лѝ попра́зднство, и҆ вели́кагѡ ст҃а́гѡ.

Въ сꙋббѡ́тꙋ ве́чера, по Ны́нѣ ѿпꙋща́еши, и҆ по трист҃о́мъ, тропа́рь воскрⷭ҇нъ: Сла́ва, ст҃а́гѡ. И҆ ны́нѣ, пра́здника. На повече́рїи, по трист҃о́мъ, конда́къ ст҃а́гѡ. Сла́ва, и҆ ны́нѣ, пра́здника.

На ᲂу҆́трени, на Бг҃ъ гдⷭ҇ь: Тропа́рь воскрⷭ҇нъ, два́жды: Сла́ва, ст҃а́гѡ: И҆ ны́нѣ, пра́здника. По славосло́вїи тропа́рь воскрⷭ҇нъ. На часѣ́хъ, тропа́рь пре́жде воскрⷭ҇нъ, пра́здника же и҆ ст҃а́гѡ, премѣнѧ́юще глаго́лемъ, та́кожде и҆ конда́къ.

На лїтꙋргі́и по вхо́дѣ, тропа́рь пре́жде воскрⷭ҇нъ, и҆ пра́здника. и҆ хра́ма бцⷣы, и҆ ст҃а́гѡ рѧдова́гѡ. Конда́къ пра́здника. Сла́ва, ст҃а́гѡ рѧдова́гѡ: И҆ ны́нѣ, хра́ма бцⷣы. А҆ и҆дѣ́же нѣ́сть хра́ма бцⷣы, И҆ ны́нѣ, конда́къ пра́здника. Хрⷭ҇то́ва же хра́ма, тропарѧ̀ и҆ кондака̀, а҆́ще госпо́дьскїй пра́здникъ, не глаго́лемъ.

[зрѝ] А҆́ще ли пра́здникъ бцⷣы, тропа́рь глаго́лемъ воскрⷭ҇нъ, и҆ пра́здника бцⷣы, и҆ ст҃а́гѡ рѧдова́гѡ. Та́же конда́къ хра́ма хрⷭ҇то́ва. Сла́ва, ст҃а́гѡ: И҆ ны́нѣ, пра́здника.