14/27 Воздвижение Честного и Животворящего Креста Господня. Преставление святителя Иоанна Златоуста (407)⁸. Леснинской (1683), Лорецкой (1291) и Ченстокрестной икон Божией Матери.

День постный.

Тропарь Воздвижению, глас 1

Спаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя/ и Твое́ сохраня́я Кресто́м Твои́м жи́тельство.

Кондак, глас 4

Вознесы́йся на Крест во́лею,/ тезоимени́тому Твоему́ но́вому жи́тельству⁹/ щедро́ты Твоя́ да́руй, Христе́ Бо́же,/ возвесели́ си́лою Твое́ю верны́я лю́ди Твоя́,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,/ непобеди́мую побе́ду.

Величание

Велича́ем Тя,/ Живода́вче Христе́,/ и чтим Крест Твой Святы́й,/ и́мже нас спасл еси́ от рабо́ты вра́жия.

Запев Кресту

Сла́ва, Го́споди, Кресту́ Твоему́ честно́му.

Тропарь святителю Иоанну Златоусту, глас 8

Уст твои́х, я́коже све́тлость огня́, возсия́вши благода́ть,/ вселе́нную просвети́,/ не сребролю́бия ми́рови сокро́вища сниска́,/ высоту́ нам смиренному́дрия показа́;/ но твои́ми словесы́ наказу́я, о́тче Иоа́нне Златоу́сте,/ моли́ Сло́ва Христа́ Бо́га спасти́ся душа́м на́шим.

Кондак, глас 6

От небе́с прия́л еси́ Боже́ственную благода́ть,/ и твои́ми устна́ми вся учи́ши/ покланя́тися в Тро́ице еди́ному Бо́гу,/ Иоа́нне Златоу́сте всеблаже́нне, преподо́бне,/досто́йно хва́лим тя:/ е́си бо наста́вник, я́ко Боже́ственная явля́я.

Величание

Велича́ем тя,/ святи́телю о́тче Иоа́нне,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.