III. Ектения великая

Миром Господу помолимся. Господи, помилуй. Даждь нам в мире возносити молитву нашу в сей святый час. †.

О свышнем мире и о спасении душ наших Господу помолимся. Господи, помилуй. Ниспосли нам свыше мир и благодать, направи нас ко святой, благочестивой жизни во спасение душ наших. †.

О мире всего Mиpa, о благостоянии святых Божиих Церквей и соединении всех Господу помолимся. Господи, помилуй. Мир даруй всему Миру, всем царствам и народам Подаждь всякое благо святым Твоим церквам и соедини всех во единой вере православной, да вси едино мудрствуют и единым правилом жительствуют. Да будет едино стадо и един Пастырь.†.

О святом храм сем, и с верою, благоговением и страхом Божиим входящих в он, Господу помолимся. Господи, помилуй. Святый храм сей сохрани от всякия беды и напасти. Благослови, освяти и утверди всех входящих в него с верою, благоговением и страхом Божиим, как в селение Безсмертнаго Царя. Утверди их в мире, благочестии и молитвe. Соделай нас недостойных храмами Духа Твоего Святаго. †.

О Святейшем Правительствующем Синоде и о епископе (имя), честнем пресвитерствe, во Xристе диаконстве, о всем причте и людех, Господу помолимся. Господи, помилуй. Спаси, Господи, и помилуй Святейший Правительствующий Синод, – собор епископов Российская Церкви, и владыку нашего (имя). Соблюди их, яко преемников Апостолов Твоих. Спаси, Господи, и помилуй предстоятелей наших: священников, диаконов и весь причет церковный, и всех прихожан св. храма сего. Пастырем даруй ревность и попечение о душах наших. †.

О Благочестивейшем: Спаси, Господи, и помилуй раба Твоего, Благочестивейшаго Самодержавнейшаго Великого Государя нашего Императора Николая Александровича всея России, Супругу Его Благочестивейшую Государыню Императрицу Александру Феодоровну, Матерь Его Благочестивейшую Государыню Императрицу Mapию Феодоровну, Наследника Его Благовернаго Государя Цесаревича и Великого Князя Алексея Николаевича и весь Царствующий дом, Палату и воинство их: всех служащих при Царском Дворе и поставленных в разных чиноначалиях и достоинствах. Всех, иже во власти суть, – кто властию облечен, направи на путь истины и правды, сохрани в мире, здравии, спасении и благопоспешении. †

О пособити и покорити ПОД нозе Их всякого врага и супостата, Господу помолимся. Господи, помилуй. Пособи, Господи, Царю нашему во всех делах управления, и покори Ему все народы иноверные, воюющие на веру Православную. Наипаче же просим Тя: умири мир, избави нас от всея смертоносной брани. †

О царствующем граде, честнем селении сем, о всяком граде и стране, и верою живущих в них, Господу помолимся. Господи, помилуй. Спаси, Господи, люди Твоя и благослови достояние Твое. Избави нас от глада, губительства, труса, потопа, града, огня, меча, нашествия иноплеменных и междоусобный брани,†.

О благорастворении воздухов, о изобилии плодов земных и временах мирных, Господу помолимся. Господи, помилуй. Благорастворение воздухов, дожди благовременные, солнечную теплоту, изобилие плодов земных посылай нам, Всещедрый Владыко, и времена мирные устави.

О плавающих, путешествующих, недугующих, страждущих, плененных и о спасении их, Господу помолимся. Господи, помилуй. Плавающим, путешествующим посли Ангела Хранителя, сохранити и избавити их от всякаго зла. Недугующия исцели, страждующия посети милостию Твоею, плененныя свободи, – и всех заповедавших нам недостойным молитися о них, Господи, услыши и скоро помилуй. †.

О избавитися нам от всякия скорби, гнева и нужды, Господу помолимся. Господи, помилуй. Избави нас от всякаго зла.†.

Заступи, спаси, помилуй и сохрани нас, Боже, Твоею благодатию. Господи, помилуй. † .

Пресвятую, Пречистую, Преблагословенную, Славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим. Тебе, ГОСПОДИ. Святые возносят моления за нас грешных пред Престолом Св. Троицы.

Сей небесный над нами покров воспомянувше, предаем, вручаем жизнь нашу Тебе, Господи. †.

Возглас: Яко подобает Тебе всякая слава, честь и поклонение Отцу и Сыну и Святому Духу, ныне и присно и во веки веков. Приими и наше поклонение, Св. Троице. †.

Аминь, истинно. Тако верую и исповедую.