XX. Бог Господь
Свечи возжигаются.
Бог Господь и явися нам, благословен Грядый во Имя Господне. Царь Небесный за человеколюбие на земли явися и с человеки поживе, от Девы бо Чистыя плоть приемый, в Вифелееме, во граде Давидове, родися Покланяюся Тебе, Христе Царю, с пастырями и волхвами, первее всех поклонившимися Тебе. |.
Бог Господь и явися нам: Отроча бывый, в Назарете растяше, укрепляшеся Духом, – тридесятолетен быв, на Иордан изшед, от Иоанна крещение прият, и оттуду проповедавый Евангелие царская. Покланяюся Тебе, Иисусе Сладчайший, со Пречистою Материю Твоею, со Предтечею, Апостолами, мироносицами и всеми святыми. †.
Бог Господь и явися нам: Емуже и море, и ветер повинушася, и вся тварь, – Иже пятию хлебы пять тысящ насытивый, и болящия исцеливый, слепым зрение даровавый, прокаженныя очистивый, бесноватыя свободивый, мертвыя воздвигнувый, на Фаворе преобразивыйся, показавый учеником Твоим славу Твою! Покланяюся Тебе, Спасе, со всеми, от Галилеи и Иерусалима, и помория Тирска и Сидонска, притекавшими к Тебе прикоснутися ризам Твоим. †.
4. Бог Господь и явися нам: на кресте распятие вольное претерпев, солнцу померкшу и земли поколебавшейся, – и воскрес из мертвых в третий день по писанием, и возшедый на небеса, отонудуже и сошел еси, и Духа Святаго ниспославый святым Своим учеником и Апостолом. Покланяюся Тебе, Христе Боже, с мучениками, святителями и преподобными, со всею Церковью, на земли воинствующею и на небеси торжествующею. Благословен еси, пришедый в мир и паки Грядый со славою! Тогда сподоби мя одесную Тебе стати со всеми благословенными Отца Твоего, †.
Тропарь воскресный(2).
Слава: – Тропарь святому.
И ныне: – Богородичен.