XV. Ныне отпущаеши. Трисвятое. Отче наш. Богородице

Нынe отпущаеши раба Твоего, Владыко, по глаголу Твоему с миром: яко видеста очи мои спасение Твое, еже еси уготовал пред лицем всех людей, Свет во откровение языков, и славу людей Твоих Израиля. †.

Ныне отпущаеши раба Твоего, Владыко, по глаголу Твоему с миром, – возгласил Симеон, старец праведный: ныне отхожду с миром от жизни земной. Блаженная кончина! Даждь и мне, Господи, христианскую кончину жития моего, безболезненну, непостыдну, мирну. Очи мои видели Спасителя всех людей! – Радостная песнь Сретения Господня. Даждь и мнe, Господи, в час кончины моея прияти Тя во святых Тайнах от руки иерея, в залог вечнаго спасения. Христос есть Свет к просвещению язычников и слава людей Своих Израиля. Даждь и мне пред кончиною моею видети вокруг себя отраду сердца моего: в детях, в знаемых, в ближних: просвещение христианское, Bеру, благочестие, благоустроение Церкви, единение всех христиан – новаго Израиля, – чтобы спокойно мне закрыть очи мои, Владыко, по глаголу Твоему, с миром. †.

Святый Боже, Святый Крепкий, Святый Безсмертный, помилуй нас. (3). †.

Слава Отцу и Сыну и Святому Духу, и нынe и присно, и во веки веков, аминь.†.

Пресвятая Троице, помилуй нас, Господи, очисти грехи наша, Владыко, прости беззакония наша, Святый, посети и исцели немощи наша, имене Твоего ради. †.

Господи, помилуй. (3). Слава, и ныне. †.

Отче наш, Иже еси на небесех, да святится Имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь, и остави нам долги наша, якоже и мы оставляем должникам нашим, и не введи нас во искушение, но избави нас от лукаваго. †.

Яко Твое есть Царство и сила и слава, Отца и Сына и Святаго Духа, ныне и присно и во веки веков. †.

Аминь. Богородице Дево, радуйся, Благодатная Mapиe, Господь с Тобою, благословенна Ты в женах, и благословен плод чрева Твоего, яко Спаса родила еси душ наших. (3).†. Радуйся, Благодатная! Соделай и нас причастниками быти святой радости Благовещения, светлаго праздника спасения нашего. Да презрим радости греховные, да возлюбим благочестиe, слово Божие, молитву, чистоту и воздержание. Детей наших возрасти в здравии и спасении. †.