Месяцеслов

Ме́сяц септембрий

1. Нача́ло инди́кта, си́речь но́ваго ле́та: И па́мять преподо́бнаго отца́ на́шего Симео́на Сто́лпника, и архимандри́та, и ма́тере его́ Ма́рфы; И Собо́р Пресвяты́я Богоро́дицы, и́же в Миаси́нех; И свята́го му́ченика Аифала́; И святы́х му́чениц 40 жен; И свята́го Амму́на диа́кона и учи́теля их; И святы́х му́ченик Калли́сты, Ево́да и Ермоге́на самобра́тных; И па́мять преподо́бнаго Иису́са, сы́на Нави́на.

Пра́здник и разреше́ние вина́ и еле́я.

2. Свята́го му́ченика Ма́манта; И преподо́бнаго отца́ на́шего Иоа́нна По́стника, патриа́рха Царя́ Гра́да.

3. Свята́го священному́ченика Анфи́ма, епи́скопа Никомиди́йскаго; И преподо́бнаго Феокти́ста, спо́стника вели́каго Евфи́миа.

4. Свята́го священному́ченика Вави́лы, епи́скопа вели́кия Антиохи́и: И свята́го проро́ка Моисе́а Богови́дца.

5. Свята́го проро́ка Заха́рии, отца́ честна́го Иоа́нна Предте́чи.

6. Воспомина́ние бы́вшаго чудесе́ в Колосса́ех, е́же е́сть в Хо́нех, от Архистрати́га Михаи́ла; И свята́го му́ченика Евдокси́а, и с ним; И преподо́бнаго отца́ на́шего Архи́ппа.

Разреше́ние вина́ и еле́а.

7. Предпра́зднство Рождества́ Пресвяты́я Богоро́дицы; И свята́го му́ченика Созо́нта; И па́мять и́же во святы́х отца́ на́шего Иоа́нна архиепи́скопа, Новгоро́дскаго чудотво́рца.

8. Рождество́ Пресвяты́я Влады́чицы на́шея Богоро́дицы, и Присноде́вы Мари́и.

Пра́здник и разреше́ние ры́бы.

9. Святы́х и пра́ведных богооте́ц Иоаки́ма и А́нны; И свята́го му́ченика Севириа́на;

Разреше́ние вина́ и еле́а.

И преподо́бнаго отца́ на́шего Ио́сифа, Волоцка́го чудотво́рца.

10. Святы́х му́чениц, Минодо́ры, Митродо́ры и Нимфодо́ры.

11. Преподо́бныя ма́тере на́шея Феодо́ры Александри́йския.

12. Свята́го священному́ченика Автоно́ма;

В сейже де́нь отдае́тся пра́здник Рождества́ Богоро́дицы. Слу́жба пое́тся вся пра́здника.

13. Па́мять обновле́ний хра́ма Свята́го Христа́ и Бо́га на́шего, воскресе́ния; И предпра́зднство Воздви́жения Честна́го и Животворя́щаго Креста́; И свята́го священному́ченика Корни́лиа Со́тника. Разреше́ние вина́ и еле́а.

14. Всеми́рное воздви́жение Честна́го и Животворя́щаго Креста́; И успе́ние во святы́х отца́ на́шего Иоа́нна, архиепи́скопа Константи́ня гра́да, Златоу́стаго.

Пра́здник, и пост.

15. Свята́го великому́ченика Ники́ты.

16. Святы́я великому́ченицы Евфи́мии всехва́льныя.

17. Святы́я му́ченицы Софи́и, и трех ея́ дще́рей: Ве́ры, Наде́жды и Любве́.

18. Преподо́бнаго отца́ на́шего Евме́ниа епи́скопа Горти́нскаго, чудотво́рца.

19. Святы́х му́ченик, Трофи́ма, Савва́тиа и Доримедо́нта; И преставле́ние благове́рнаго вели́каго кня́зя Фео́дора, и чад его́, благове́рных князе́й Дави́да и Константи́на, Смоле́нских и Яросла́вских чудотво́рцев.

20. Свята́го великому́ченика Евста́фиа, и и́же с ним;

Разреше́ние вина́ и еле́а.

И святы́х му́ченик и испове́дник, вели́каго кня́зя Михаи́ла, и боля́рина его́ Фео́дора, Черни́говских чудотво́рцев.

21. Свята́го Апо́стола Кодра́та, и́же в Магниси́и;

В то́йже де́нь па́мять и́же во святы́х отца́ на́шего Дими́триа, митрополи́та Росто́вскаго;

В сей же де́нь отдае́тся пра́здник Животворя́щаго Креста́.

22. Свята́го священному́ченика Фо́ки; И свята́го проро́ка Ио́ны; И преподо́бнаго Ио́ны пресви́тера, отца́ Феофа́на, творца́ кано́нов, и Фео́дора Начерта́ннаго.

23. Зача́тие честна́го сла́внаго Проро́ка, Предте́чи и Крести́теля Госпо́дня Иоа́нна.

Разреше́ние вина́ и еле́а.

24. Святы́я первому́ченицы и равноапо́стольныя Фе́клы; В то́йже де́нь па́мять преподо́бнаго отца́ на́шего Ника́ндра пустынножи́теля, Пско́вскаго чудотво́рца.

25. Преподо́бныя ма́тере на́шея Евфроси́нии; И преподо́бнаго отца́ на́шего Се́ргиа игу́мена, Ра́донежскаго чудотво́рца.

26. Преставле́ние свята́го апо́стола и евангели́ста Иоа́нна Богосло́ва.

Пра́здник, и разреше́ние вина́ и еле́а.

27. Свята́го му́ченика Каллистра́та, и дружи́ны его́; И преподо́бнаго отца́ на́шего Савва́тиа Солове́цкаго.

28. Преподо́бнаго отца́ на́шего и испове́дника Харито́на.

29. Преподо́бнаго отца́ на́шего Кириа́ка отше́льника.

30. Свята́го священному́ченика Григо́риа, вели́кия Арме́нии; И преподо́бнаго отца́ на́шего Григо́риа, и́же на Пе́льшме реце́, Во́логодскаго чудотво́рца; И свята́го Михаи́ла, пе́рваго митрополи́та Ки́евскаго и всея́ Росси́и, чудотво́рца.

Ме́сяц окто́врий

1. Покро́в Пресвяты́я Богоро́дицы; И свята́го апо́стола Ана́нии, еди́наго от 70; И преподо́бнаго отца́ Рома́на Сладкопе́вца; И преподо́бнаго отца́ на́шего Са́ввы, Ви́шерскаго чудотво́рца.

2. Свята́го священному́ченика Киприа́на; И святы́я му́ченицы Иусти́ны; И свята́го и блаже́ннаго Андре́а, Христа́ ра́ди юро́диваго.

3. Свята́го священному́ченика Диони́сиа Ареопаги́та.

4. Свята́го священному́ченика Иерофе́а, епи́скопа Афи́нскаго; И обре́тение честны́х моще́й, и́же во святы́х оте́ц на́ших Гу́риа и Варсоно́фиа, Каза́нских.

5. Святы́я му́ченицы Харити́ны; В той же де́нь пое́м слу́жбу святы́м святи́телем: Петру́, Алекси́ю, Ио́не и Фили́ппу, всея́ Росси́и чудотво́рцем.

6. Свята́го и сла́внаго Апо́стола Фомы́. Разреше́ние вина́ и еле́а.

7. Святы́х му́ченик, Се́ргиа и Ва́кха.

8. Преподо́бныя ма́тере на́шея Пелаги́и.

9. Свята́го Апо́стола Иа́кова Алфе́ова; И преподо́бнаго отца́ на́шего Андрони́ка, и жены́ его́ Афана́сии. Разреше́ние вина́ и еле́а.

10. Святы́х му́ченик, Евла́мпиа и Евлампи́и.

11. Свята́го Апо́стола Фили́ппа, еди́наго от седми́ диа́кон; И преподо́бнаго отца́ на́шего Феофа́на испове́дника, и творца́ кано́нов, епи́скопа Ники́йскаго.

12. Святы́х му́ченик, Про́ва, Тара́ха и Андрони́ка; И преподо́бнаго отца́ на́шего Космы́ Святогра́дца, епи́скопа Маиу́мскаго, и творца́ кано́нов;

В то́йже де́нь пра́зднование свято́му Иоа́нну, Крести́телю Госпо́дню, на па́мять пренесе́ния из Ма́льты во град Га́тчину Креста́ из ча́сти дре́ва Животворя́щаго Креста́ Госпо́дня: Чудотво́рнаго о́браза Бо́жия Ма́тере, пи́саннаго святы́м евангели́стом Луко́ю: И десны́я руки́ моще́й свята́го Иоа́нна Крести́теля.

13. Святы́х му́ченик, Ка́рпа и Папи́лы.

14. Святы́х му́ченик, Наза́риа, Герва́сиа, Прота́сиа и Келси́а; И преподо́бныя ма́тере на́шея Параске́ви.

15. Преподо́бнаго отца́ на́шего Евфи́миа Но́ваго; И свята́го преподо́бному́ченика Лукиа́на, пресви́тера вели́кия Антиохи́и.

16. Свята́го му́ченика Ло́ггина со́тника, и́же при Кресте́ Госпо́дни.

17. Свята́го проро́ка Оси́и; И свята́го преподо́бному́ченика Андре́а, и́же на Кри́те.

18. Свята́го Апо́стола и Евангели́ста Луки́. Пра́здник, и разреше́ние вина́ и еле́а.

19. Свята́го проро́ка Ио́иля; И свята́го му́ченика Уа́ра; И преподо́бнаго отца́ на́шего Иоа́нна Ры́льскаго.

20. Свята́го великому́ченика Арте́миа.

21. Преподо́бнаго отца́ на́шего Иларио́на Вели́каго; И пренесе́ние моще́й преподо́бнаго отца́ на́шего Иларио́на, епи́скопа Мегли́нскаго.

22. Свята́го равноапо́стольнаго Аве́ркиа епи́скопа, Иерапо́льскаго чудотво́рца; И святы́х седми́ отроко́в, и́же во Ефе́се;

В то́йже де́нь пра́зднуем Пресвяте́й Богоро́дице, явле́ния ра́ди чудотво́рныя Ея́ ико́ны Каза́нския.

23. Свята́го апо́стола Иа́кова, по пло́ти бра́та Госпо́дня.

Разреше́ние вина́ и еле́а.

И пренесе́ние моще́й свята́го Иа́кова Борови́цкаго, Новгоро́дскаго чудотво́рца.

24. Свята́го му́ченика Аре́фы, и и́же с ним.

25. Святы́х му́ченик и нотари́й, Маркиа́на и Марти́риа.

26. Свята́го великому́ченика, Дими́триа Мирото́чца; И воспомина́ние вели́каго стра́шнаго трясе́ния.

Пра́здник, и разреше́ние вина́ и еле́а.

27. Свята́го му́ченика Не́стора.

28. Святы́х му́ченик Тере́нтиа и Неони́лы; И преподо́бнаго отца́ на́шего Стефа́на Савваи́та и творца́ кано́нов; И во святы́х отца́ на́шего Арсе́ниа, архиепи́скопа Се́рбскаго; И святы́я му́ченицы Параске́вы.

29. Святы́я преподобному́ченицы Анастаси́и Ри́мляныни; И преподо́бнаго отца́ на́шего Авра́миа, затво́рника; И преставле́ние преподо́бнаго отца́ на́шего Авра́миа архимандри́та, Росто́вскаго чудотво́рца.

30. Святы́х му́ченик Зино́виа и Зинови́и.

31. Святы́х апо́стол, Стахи́а, Ампли́а, и и́же с ни́ми; И свята́го му́ченика Епима́ха.

Ме́сяц ное́мврий

1. Святы́х и чудотво́рцев, безсре́бреников Космы́ и Дамиа́на, и́же от Аси́и.

Разреше́ние вина́ и еле́а.

2. Святы́х му́ченик, Акинди́на, Пига́сиа, Аффо́ниа, Елпидифо́ра и Анемподи́ста.

3. Святы́х му́ченик, Акепси́мы епи́скопа, Ио́сифа пресви́тера, и Аифала́ диа́кона; И обновле́ние хра́ма свята́го великому́ченика Гео́ргиа, и́же в Ли́де, иде́же положе́но е́сть честно́е те́ло его́.

4. Преподо́бнаго отца́ на́шего Иоанни́киа Вели́каго; И святы́х му́ченик Ника́ндра, епи́скопа Мирска́го, и Ерме́а пресви́тера.

5. Святы́х му́ченик, Галактио́на и Еписти́мии; И преставле́ние и́же во святы́х отца́ на́шего Ио́ны архиепи́скопа, Новгоро́дскаго чудотво́рца.

6. И́же во святы́х отца́ на́шего Па́вла испове́дника, патриа́рха Царя́ гра́да; И па́мять преподо́бнаго и богоно́снаго отца́ на́шего Варлаа́ма, Новгоро́дскаго чудотво́рца, и́же на Хутыне.

7. Святы́х му́ченик 33, и́же в Мелити́не; И преподо́бнаго отца́ на́шего Ла́заря, в Галиси́йстей горе́ пости́вшагося.

8. Собо́р архистрати́га Михаи́ла и про́чих безпло́тных сил.

Пра́здник, и разреше́ние вина́ и еле́а.

9. Святы́х му́ченик, Ониси́фора и Порфи́риа; И преподо́бныя ма́тере на́шея Матро́ны; И преподо́бныя Феокти́сты, я́же от Ле́звы.

10. Святы́х апо́стол, Ера́ста, Оли́мпа, Родио́на и Сосипа́тра, и про́чих.

11. Святы́х му́ченик, Ми́ны, Ви́ктора и Вике́нтиа; И святы́я му́ченицы Стефани́ды; И преподо́бнаго отца́ на́шего и испове́дника Фео́дора Студи́та; И преставле́ние свята́го и блаже́ннаго Макси́ма, Христа́ ра́ди юро́диваго, Моско́вскаго чудотво́рца.

12. И́же во святы́х отца́ на́шего Иоа́нна ми́лостиваго, архиепи́скопа Александри́йскаго; И преподо́бнаго отца́ на́шего Ни́ла.

13. И́же во святы́х отца́ на́шего Иоа́нна, архиепи́скопа Константи́ня гра́да, Златоу́стаго. Пра́здник, и разреше́ние вина́ и еле́а.

14. Свята́го и всехва́льнаго Апо́стола Фили́ппа. Пра́здник, и ры́бы разреше́ние.

15. Святы́х му́ченик и испове́дник, Гу́риа, Само́на и Ави́ва.

16. Свята́го Апо́стола и Евангели́ста Матфе́а. Разреше́ние вина́ и еле́а.

17. И́же во святы́х отца́ на́шего Григо́риа епи́скопа, Неокесари́йскаго чудотво́рца; И преподо́бнаго отца́ на́шего Ни́кона чудотво́рца, ученика́ свята́го Се́ргиа.

18. Святы́х му́ченик Плато́на и Рома́на.

19. Свята́го проро́ка Авди́а; И свята́го му́ченика Варлаа́ма; И преподо́бных оте́ц на́ших, Варлаа́ма и Иоаса́фа царе́вича вели́кия Инди́и.

20. Предпра́зднство вхо́да во храм Пресвяты́я Богоро́дицы; И преподо́бнаго отца́ на́шего Григо́риа Декаполи́та; И и́же во святы́х отца́ на́шего Про́кла, архиепи́скопа Царя́ гра́да.

21. Вход в храм Пресвяты́я Влады́чицы на́шея Богоро́дицы и Присноде́вы Мари́и.

Пра́здник, и ры́бы разреше́ние.

22. Свята́го Апо́стола Филимо́на, и и́же с ним; И убие́ние свята́го благове́рнаго вели́каго кня́зя Михаи́ла Тферска́го.

23. И́же во святы́х оте́ц на́ших, Амфило́хиа, епи́скопа Икони́йскаго, и Григо́риа, епи́скопа Акраганти́йскаго; И преставле́ние свята́го благове́рнаго вели́каго кня́зя Алекса́ндра Не́вскаго, и всея́ Росси́и чудотво́рца; И па́мять пе́рваго Воро́нежскаго святи́теля Митрофа́на, в схимона́сех Мака́риа.

24. Святы́я великому́ченицы Екатери́ны; И свята́го великому́ченика Мерку́риа;

Пра́здник, и разреше́ние вина́ и еле́а.

И свята́го му́ченика Мерку́риа Смоле́нскаго.

25. И́же во святы́х оте́ц на́ших, и священному́чеников, Кли́мента па́пы Ри́мскаго, и Петра́ Александри́йскаго.

В сей же де́нь отдае́тся пра́здник вхо́да Пресвяты́я Богоро́дицы.

26. Преподо́бнаго отца́ на́шего Али́пиа Сто́лпника; В той же де́нь пра́зднуем освяще́нию це́ркве свята́го великому́ченика Гео́ргиа, я́же в Ки́еве, у златы́х врат; И па́мять преставле́ния святи́теля Инноке́нтиа, пе́рваго епи́скопа Ирку́тскаго чудотво́рца.

27. Свята́го му́ченика Иа́кова Пе́рсянина; И преподо́бнаго отца́ на́шего Палла́диа;

И зна́мение Пресвяты́я Богоро́дицы, в вели́ком Но́ве гра́де;

И па́мять и́же во святы́х отца́ на́шего Иа́кова епи́скопа, Росто́вскаго чудотво́рца.

28. Свята́го преподо́бному́ченика Стефа́на Но́ваго; И свята́го му́ченика Ирина́рха.

29. Свята́го му́ченика Парамо́на; И свята́го му́ченика Филуме́на; И преподо́бнаго Ака́киа, и́же в Ле́ствице.

30. Свята́го и всехва́льнаго апо́стола Андре́а Первозва́ннаго.

Пра́здник, и разреше́ние вина́ и еле́а.

Ме́сяц деке́мврий

1. Свята́го проро́ка Нау́ма; И свята́го Филаре́та Ми́лостиваго.

2. Свята́го проро́ка Авваку́ма.

3. Свята́го проро́ка Софо́ниа; И преставле́ние преподо́бнаго отца́ на́шего Са́ввы Стороже́вскаго.

4. Святы́я великому́ченицы Ва́рвары; И преподо́бнаго отца́ на́шего Иоа́нна Дамаски́на.

Разреше́ние вина́ и еле́а.

5. Преподо́бнаго и богоно́снаго отца́ на́шего Са́ввы Освяще́ннаго.

Пра́здник, и разреше́ние вина́ и еле́а.

6. И́же во святы́х отца́ на́шего Никола́а архиепи́скопа, Мир Лики́йских чудотво́рца.

Пра́здник, и разреше́ние вина́ и еле́а.

7. И́же во святы́х отца́ на́шего Амвро́сиа, епи́скопа Медиола́нскаго; И преставле́ние преподо́бнаго отца́ на́шего Анто́ниа Си́йскаго, но́ваго чудотво́рца; И преставле́ние преподо́бнаго отца́ на́шего Ни́ла, и́же на е́зере Селиге́ре, на о́строве зово́мом Столобно́е, но́ваго чудотво́рца.

8. Преподо́бнаго отца́ на́шего Пата́пиа.

9. Зача́тие святы́я А́нны, егда́ зача́т Святу́ю Богоро́дицу.

Пра́здник, и разреше́ние вина́ и еле́а.

10. Святы́х му́ченик, Ми́ны, Ермоге́на и Евгра́фа.

11. Преподо́бнаго отца́ на́шего Дании́ла Сто́лпника;

12. Преподо́бнаго отца́ на́шего Спиридо́на чудотво́рца, епи́скопа Тримифи́йскаго.

Пра́здник, и разреше́ние вина́ и еле́а.

13. Святы́х му́ченик, Евстра́тиа, Авксе́нтиа, Евге́ниа, Марда́риа и Оре́ста; И святы́я му́ченицы Луки́и де́вы.

Разреше́ние вина́ и еле́а.

Неде́ля святы́х Пра́отец. (На по́ле: зри)

14. Святы́х му́ченик, Фи́рса, Левки́а, Филимо́на, Аполло́ниа, Ариа́на и Каллини́ка.

15. Свята́го священному́ченика Елевфе́риа; И преподо́бнаго отца́ на́шего Па́вла, и́же в Ла́тре; И и́же во святы́х отца́ на́шего Стефа́на испове́дника, архиепи́скопа Суро́жскаго.

16. Свята́го проро́ка Ангеа.

17. Свята́го проро́ка Дании́ла; И святы́х трие́х отроко́в, Ана́нии, Аза́рии и Мисаи́ла. Разреше́ние вина́ и еле́а.

Неде́ля пред Рождество́м Христо́вым святы́х оте́ц. (На по́ле: зри)

18. Свята́го му́ченика Севастиа́на, и дружи́ны его́.

19. Свята́го му́ченика Вонифа́тиа.

20. Предпра́зднство по пло́ти Рождества́ Го́спода Бо́га и Спа́са на́шего Иису́са Христа́; И свята́го священному́ченика Игна́тиа Богоно́сца, архиепи́скопа Антиохи́йскаго.

21. Предпра́зднство Христо́ва Рождества́; И святы́я му́ченицы Иулиани́и, я́же в Никомиди́и; И преставле́ние и́же во святы́х отца́ на́шего Петра́ митрополи́та, всея́ Росси́и чудотво́рца.

22. Предпра́зднство Христо́ва Рождества́; И святы́я великому́ченицы Анастаси́и Узореши́тельницы.

23. Предпра́зднство Христо́ва Рождества́; И святы́х му́ченик десяти́, и́же в Кри́те.

24. Предпра́зднство Христо́ва Рождества́; И святы́я преподобному́ченицы Евге́нии.

25. Е́же по пло́ти Рождество́ Го́спода Бо́га и Спа́са на́шего Иису́са Христа́; И воспомина́ние избавле́ния Це́ркви и Держа́вы Росси́йския от наше́ствия Га́ллов, и с ни́ми два́десяти язы́к. Па́сха. Пра́здник тридне́вный, и разреше́ние на вся, подо́бне и дванадесятодне́вное разреше́ние на вся, и упраждне́ние междоча́сий.

26. Собо́р Пресвяты́я Богоро́дицы; И свята́го священному́ченика Евфи́миа, епи́скопа Сарди́йскаго.

27. Свята́го апо́стола, первому́ченика и архидиа́кона Стефа́на; И преподо́бнаго отца́ на́шего и испове́дника Фео́дора Начерта́ннаго, бра́та Феофа́на творца́.

28. Святы́х му́ченик двою́ тму, в Никомиди́и сожже́нных.

29. Святы́х младе́нец 14 ты́сящ, Христа́ ра́ди избие́нных от И́рода в Вифлее́ме; И преподо́бнаго отца́ на́шего Марке́лла, игу́мена оби́тели неусыпа́емых;

30. Святы́я му́ченицы Ани́сии; И преподо́бнаго Зо́тика пресви́тера Сиротокорми́теля.

31. Преподо́бныя ма́тере на́шея Мела́нии Ри́мляныни;

В то́йже де́нь отдае́тся пра́здник Христо́ва Рождества́.

Ме́сяц ианнуа́рий

1. Е́же по пло́ти обре́зание Го́спода Бо́га и Спа́са на́шего Иису́са Христа́; И па́мять и́же во святы́х отца́ на́шего Васи́лиа Вели́каго.

Пра́здник, и разреше́ние ры́бы.

2. Предпра́зднство просвеще́ния; И па́мять во святы́х отца́ на́шего Силве́стра, па́пы Ри́мскаго.

3. Предпра́зднство просвеще́ния; И свята́го проро́ка Малахи́а; И свята́го му́ченика Горди́а.

4. Предпра́зднство Просвеще́ния; И Собо́р святы́х седми́десяти апо́столов; И преподо́бнаго Феокти́ста игу́мена, и́же в Куку́ме Сикели́йстем.

5. Предпра́зднство Просвеще́ния; И святы́х му́ченик, Феопе́мпта и Фео́ны; И преподо́бныя Сигклитики́и.

Разреше́ние вина́ и еле́а.

6. Свято́е богоявле́ние Го́спода Бо́га и Спа́са на́шего Иису́са Христа́.

Пра́здник, и разреше́ние на все.

7. Собо́р честна́го и сла́внаго Проро́ка и Предте́чи и Крести́теля Госпо́дня Иоа́нна.

Пра́здник, и разреше́ние ры́бы.

8. Преподо́бнаго отца́ на́шего Гео́ргиа Хозеви́та; И преподо́бныя ма́тере на́шея Домни́ки; И Емелиана испове́дника.

9. Свята́го му́ченика Полие́вкта;

И и́же во святы́х отца́ на́шего Фили́ппа, митрополи́та Моско́вскаго, и всея́ Росси́и чудотво́рца.

10. И́же во святы́х отца́ на́шего Григо́риа, епи́скопа Нисси́йскаго; И преподо́бнаго Дометиа́на, епи́скопа Мелити́йскаго; И преподо́бнаго Маркиа́на, пресви́тера и иконо́ма Вели́кия це́ркве; И преподо́бнаго отца́ на́шего Па́вла Обно́рскаго.

11. Преподо́бнаго и богоно́снаго отца́ на́шего Феодо́сиа, общежи́тий нача́льника;

Разреше́ние вина́ и еле́а.

И па́мять преподо́бнаго отца́ на́шего Михаи́ла Кло́пскаго, Новгоро́дскаго чудотво́рца.

12. Святы́я му́ченицы Татиа́ны; И и́же во святы́х отца́ на́шего Са́ввы, архиепи́скопа Се́рбскаго.

13. Святы́х му́ченик, Ерми́ла и Стратони́ка.

14. Преподо́бных оте́ц на́ших, в Сина́и и Раи́фе избие́нных; И па́мять преставле́ния святы́я равноапо́стольныя Ни́ны, просвети́тельницы Гру́зии;

В сий де́нь отдае́тся пра́здник святы́х Богоявле́ний.

15. Преподо́бных оте́ц на́ших, Па́вла Фиве́йскаго и Иоа́нна Ку́щника.

16. Поклоне́ние честны́х вери́г свята́го и всехва́льнаго апо́стола Петра́.

Разреше́ние вина́ и еле́а.

17. Преподо́бнаго и богоно́снаго отца́ на́шего Анто́ниа Вели́каго.

Пра́здник, и разреше́ние вина́ и еле́а.

18. И́же во святы́х оте́ц на́ших, архиепи́скопов Александри́йских Афана́сиа Вели́каго и Кири́лла. Пра́здник, и разреше́ние вина́ и еле́а.

19. Преподо́бнаго отца́ на́шего Мака́риа Еги́птянина.

20. Преподо́бнаго и богоно́снаго отца́ на́шего Евфи́миа Вели́каго.

Пра́здник, и разреше́ние вина́ и еле́а.

21. Преподо́бнаго отца́ на́шего Макси́ма Испове́дника; И свята́го му́ченика Неофи́та; И святы́х му́чеников, Евге́ниа, Кани́диа, Уалериа́на и Аки́лы.

22. Свята́го Апо́стола Тимофе́а; И свята́го преподо́бному́ченика Анаста́сиа Пе́рсскаго.

Разреше́ние вина́ и еле́а.

23. Свята́го священному́ченика Кли́мента, епи́скопа Агки́рскаго; И свята́го му́ченика Агафа́нгела.

24. Преподо́бныя ма́тере на́шея Ксе́нии Ри́мляныни.

25. И́же во святы́х отца́ на́шего Григо́риа Богосло́ва, архиепи́скопа Константи́ня гра́да. Пра́здник, и разреше́ние вина́ и еле́а.

26. Преподо́бнаго отца́ на́шего Ксенофо́нта, и дружи́ны его́.

27. Пренесе́ние честны́х моще́й, во святы́х отца́ на́шего Иоа́нна Златоу́стаго, патриа́рха Царя́ гра́да. Пра́здник, и разреше́ние вина́ и еле́а.

28. Преподо́бнаго отца́ на́шего Ефре́ма Си́рина; В то́йже де́нь па́мять преподо́бнаго отца́ на́шего Феодо́сиа, То́темскаго Спасосумо́рина монастыря́ нача́льника и основа́теля, новоявле́ннаго чудотво́рца.

29. Пренесе́ние моще́й свята́го священному́ченика Игна́тиа Богоно́сца.

30. Свята́го священному́ченика Ипполи́та, па́пы Ри́мскаго. И и́же во святы́х оте́ц на́ших трие́х святи́телей: Васи́лиа Вели́каго, Григо́риа Богосло́ва и Иоа́нна Златоу́стаго. Пра́здник, и разреше́ние вина́ и еле́а.

31. Святы́х чудотво́рцев и безсре́бреников, Ки́ра и Иоа́нна; И па́мять во святы́х отца́ на́шего Ники́ты епи́скопа, Новгоро́дскаго чудотво́рца.

Ме́сяц февруа́рий

1. Предпра́зднство сре́тения Го́спода Бо́га и Спа́са на́шего Иису́са Христа́; И свята́го му́ченика Три́фона.

2. Сре́тение Го́спода Бо́га и Спа́са на́шего Иису́са Христа́. Пра́здник, и разреше́ние ры́бы, кроме́ святы́я четыредеся́тницы, а́ще случи́тся.

3. Свята́го и пра́веднаго Симео́на Богоприи́мца, и А́нны проро́чицы.

4. Преподо́бнаго отца́ на́шего Иси́дора Пилусиота; И свята́го благове́рнаго вели́каго кня́зя Гео́ргиа; И преподо́бнаго отца́ на́шего Кири́лла, Новоезе́рскаго чудотво́рца.

5. Святы́я му́ченицы Ага́фии.

6. Преподо́бнаго отца́ на́шего Вуко́ла, епи́скопа Сми́рнскаго.

7. Свята́го Парфе́ниа, епи́скопа Лампсаки́йскаго; И преподо́бнаго Луки́.

8. Свята́го великому́ченика Фео́дора Стратила́та; И свята́го проро́ка Заха́рии.

Разреше́ние вина́ и еле́а.

9. Свята́го му́ченика Ники́фора; В сей де́нь отдае́тся пра́здник Сре́тения.

10. Свята́го му́ченика Харала́мпиа.

11. Свята́го священному́ченика Вла́сиа, епи́скопа Севасти́йскаго;

Разреше́ние вина́ и еле́а.

И па́мять преподо́бнаго отца́ на́шего Дими́триа, Во́логодскаго чудотво́рца; И преставле́ние свята́го благове́рнаго вели́каго кня́зя Все́волода, нарече́ннаго во свято́м креще́нии Гаврии́ла, Пско́вскаго чудотво́рца.

12. И́же во святы́х отца́ на́шего Меле́тиа, архиепи́скопа Антиохи́йскаго; И и́же во святы́х отца́ на́шего Алекси́а митрополи́та, всея́ Росси́и чудотво́рца.

13. Преподо́бнаго отца́ на́шего Мартиниа́на.

14. Преподо́бнаго отца́ на́шего Авксе́нтиа; И преподо́бнаго отца́ на́шего Кири́лла, в ми́ре Константи́на.

15. Свята́го апо́стола Они́сима.

16. Святы́х му́ченик Памфи́ла, и и́же с ним.

17. Свята́го великому́ченика Фео́дора Ти́рона. Разреше́ние вина́ и еле́а.

18. И́же во святы́х отца́ на́шего Льва́, па́пы Ри́мскаго.

19. Свята́го апо́стола Архи́ппа.

20. Преподо́бнаго отца́ на́шего Льва́, епи́скопа Ката́нскаго.

21. Преподо́бнаго отца́ на́шего Тимофе́а, и́же в Симво́лех; И и́же во святы́х отца́ на́шего Евста́фиа, архиепи́скопа вели́кия Антиохи́и.

22. Обре́тение честны́х моще́й святы́х му́ченик, и́же во Евге́нии.

23. Свята́го священному́ченика Полика́рпа, епи́скопа Сми́рнскаго.

24. Пе́рвое и второ́е обре́тение честны́я главы́ честна́го и сла́внаго Проро́ка, Предте́чи и Крести́теля Госпо́дня Иоа́нна.

Разреше́ние вина́ и еле́а.

25. И́же во святы́х отца́ на́шего Тара́сиа, архиепи́скопа Константи́ня гра́да.

26. И́же во святы́х отца́ на́шего Порфи́риа, архиепи́скопа Га́зскаго.

27. Преподо́бнаго отца́ на́шего и испове́дника Проко́пиа Декаполи́та.

28. Преподо́бнаго отца́ на́шего и испове́дника Васи́лиа, спо́стника Проко́пиева.

29. Преподо́бнаго отца́ на́шего Кассиа́на Ри́млянина.

Ме́сяц март

1. Святы́я преподобному́ченицы Евдоки́и.

2. Свята́го священному́ченика Феодо́та, епи́скопа Кирини́йскаго; И преставле́ние и́же во святы́х отца́ на́шего Арсе́ниа, епи́скопа Тферска́го.

3. Святы́х му́ченик, Евтро́пиа, Клеони́ка и Васили́ска.

4. Преподо́бнаго отца́ на́шего Гера́сима, и́же на Иорда́не.

5. Свята́го му́ченика Ко́нона градаря́.

6. Святы́х му́ченик четы́редесяти дву, и́же во Аммори́и.

7. Святы́х священному́ченик, в Херсо́не епи́скопствовавших, Васи́лиа, Ефре́ма, Евге́ниа, Капи́тона, Ефе́риа, и про́чих.

8. Преподо́бнаго отца́ на́шего и испове́дника Феофила́кта, епи́скопа Никомиди́йскаго.

9. Святы́х великому́ченик 40, и́же в Севасти́и.

Пра́здник, и разреше́ние вина́ и еле́а.

10. Свята́го му́ченика Кодра́та, и и́же с ним.

11. И́же во святы́х отца́ на́шего Софро́ниа, патриа́рха Иерусали́мскаго; И преставле́ние и́же во святы́х отца́ на́шего Евфи́миа, архиепи́скопа, Новгоро́дскаго чудотво́рца.

12. Преподо́бнаго отца́ на́шего и испове́дника Феофа́на Сигриа́нскаго.

13. Пренесе́ние моще́й и́же во святы́х отца́ на́шего Ники́фора, патриа́рха Царя́ гра́да.

14. Преподо́бнаго отца́ на́шего Венеди́кта.

15. Свята́го му́ченика Ага́пиа, и и́же с ним.

16. Святы́х му́ченик, Сави́на и Па́пы.

17. Преподо́бнаго отца́ на́шего Алекси́а, челове́ка Бо́жия; И преставле́ние преподо́бнаго отца́ на́шего Мака́риа, Коля́зинскаго чудотво́рца.

18. И́же во святы́х отца́ на́шего Кири́лла, патриа́рха Иерусали́мскаго.

19. Святы́х му́ченик Хриса́нфа и Да́рии.

20. Преподо́бных оте́ц на́ших, во оби́тели свята́го Са́ввы избие́нных от срацы́н.

21. Преподо́бнаго отца́ на́шего и испове́дника Иа́кова епи́скопа.

22. Свята́го священному́ченика Васи́лиа, пресви́тера Агки́рскаго.

23. Свята́го преподо́бному́ченика Ни́кона, и дву сту учени́к его́, с ним му́чившихся.

24. Предпра́зднство Благове́щения Пресвяты́я Богоро́дицы; И преподо́бнаго отца́ на́шего Заха́рии; И и́же во святы́х отца́ на́шего Арте́миа, епи́скопа Фессалони́тскаго.

25. Благове́щение Пресвяты́я Влады́чицы на́шея Богоро́дицы, и Присноде́вы Мари́и. Пра́здник, и разреше́ние ры́бы, а́ще случи́тся кроме́ вели́кия седми́цы.

26. Собо́р архистрати́га Гаврии́ла. Разреше́ние вина́ и еле́а.

27. Святы́я ма́тере на́шея Матро́ны Селу́нския.

28. Преподо́бнаго отца́ на́шего Иларио́на Но́ваго; И преподо́бнаго Стефа́на чудотво́рца.

29. Преподо́бнаго отца́ на́шего Ма́рка, епи́скопа Арефуси́йскаго, и Кири́лла диа́кона, и ины́х при Иулиа́не мучи́теле пострада́вших.

30. Преподо́бнаго отца́ на́шего Иоа́нна, списа́теля Ле́ствицы.

31. Преподо́бнаго отца́ на́шего Ипа́тиа чудотво́рца, епи́скопа и́же в Гаггрех.

Ме́сяц апри́ллий

1. Преподо́бныя ма́тере на́шея Мари́и Еги́птяныни; И преставле́ние преподо́бнаго отца́ на́шего Евфи́миа, Су́ждальскаго чудотво́рца.

2. Преподо́бнаго отца́ на́шего Ти́та чудотво́рца.

3. Преподо́бнаго отца́ на́шего и испове́дника Ники́ты, игу́мена оби́тели Мидики́йския.

4. Преподо́бных оте́ц на́ших Ио́сифа Песнопи́сца, и Гео́ргиа, и́же в Мале́и.

5. Святы́х му́ченик, Феоду́ла и Агафопо́да, и и́же с ни́ми.

6. И́же во святы́х отца́ на́шего Евти́хиа, архиепи́скопа Константи́ня гра́да.

7. Преподо́бнаго отца́ на́шего Гео́ргиа епи́скопа Мелити́йскаго.

8. Святы́х апо́стол: Иродио́на, Ага́ва, Ру́фа, Асигкри́та, Фле́гонта и Е́рма, и и́же с ни́ми.

9. Свята́го му́ченика Евпси́хиа.

10. Святы́х му́ченик, Тере́нтиа и Помпии́а, и и́же с ни́ми.

11. Свята́го священному́ченика Анти́пы, епи́скопа Перга́ма Аси́йскаго.

12. Преподо́бнаго отца́ на́шего и испове́дника Васи́лиа, епи́скопа Пари́йскаго.

13. Свята́го священному́ченика Арте́мона.

14. И́же во святы́х отца́ на́шего и испове́дника Марти́на, па́пы Ри́мскаго.

15. Святы́х апо́стол, Ариста́рха, Пу́да и Трофи́ма.

16. Святы́х му́чениц дев, Ага́пии, Ири́ны и Хиони́и.

17. Преподо́бнаго отца́ на́шего Симео́на, и́же в Перси́де; И преподо́бнаго Ака́киа, епи́скопа Мелити́йскаго; И преставле́ние преподо́бнаго отца́ на́шего Зоси́мы, игу́мена Солове́цкаго чудотво́рца.

18. Преподо́бнаго отца́ на́шего Иоа́нна, ученика́ свята́го Григо́риа Декаполи́та.

19. Преподо́бнаго отца́ на́шего Иоа́нна, ветхопеще́рника.

20. Преподо́бнаго отца́ на́шего Фео́дора Трихи́ны.

21. Свята́го священному́ченика Ианнуа́риа епи́скопа, и и́же с ним; И свята́го священному́ченика Фео́дора, и́же в Перги́и; И святы́я му́ченицы цари́цы Алекса́ндры.

22. Преподо́бнаго отца́ на́шего Фео́дора Сикео́та;

23. Свята́го сла́внаго великому́ченика, победоно́сца и чудотво́рца Гео́ргиа.

Пра́здник, и разреше́ние вина́ и еле́а.

24. Свята́го му́ченика Са́ввы Стратила́та.

25. Свята́го Апо́стола и Евангели́ста Ма́рка. Пра́здник, и разреше́ние вина́ и еле́а.

26. Свята́го священному́ченика Васи́лиа, епи́скопа Амаси́йскаго; И и́же во святы́х отца́ на́шего Стефа́на, епи́скопа Пе́рмскаго.

27. Свята́го священному́ченика Симео́на, епи́скопа Иерусали́мскаго, сро́дника Госпо́дня по пло́ти.

28. Святы́х апо́стол, Иа́сона и Сосипа́тра; И святы́х му́ченик, Да́ды, Макси́ма и Кинтилиа́на.

29. Святы́х му́ченик девяти́, и́же в Ки́зице; И преподо́бнаго отца́ на́шего Ме́мнона чудотво́рца.

30. Свята́го апо́стола Иа́кова, бра́та свята́го Иоа́нна Богосло́ва.

Разреше́ние вина́ и еле́а.

Ме́сяц ма́ий

1. Свята́го проро́ка Иереми́и; И преставле́ние преподо́бнаго отца́ на́шего Пафну́тиа, Бо́ровскаго чудотво́рца.

2. И́же во святы́х отца́ на́шего Афана́сиа Вели́каго, патриа́рха Александри́йскаго.

Разреше́ние вина́ и еле́а.

3. Святы́х му́ченик Тимофе́а и Ма́вры; И преставле́ние преподо́бнаго отца́ на́шего Феодо́сиа, о́бщаго жития́ нача́льника в Росси́йстей земли́, игу́мена бы́вша честны́я оби́тели Пече́рския, я́же в Ки́еве.

4. Святы́я преподобному́ченицы Пелаги́и, я́же от Та́рса.

5. Святы́я и сла́вныя му́ченицы Ири́ны.

6. Свята́го и пра́веднаго И́ова многострада́льнаго.

7. Воспомина́ние на небеси́ я́вльшагося зна́мения Честна́го и Животворя́щаго Креста́, во свято́м гра́де Иерусали́ме, в 3 час дне, при царе́ Конста́нтии, сы́не вели́каго Константи́на; И па́мять свята́го му́ченика Ака́киа.

8. Свята́го сла́внаго и всехва́льнаго апо́стола и евангели́ста Иоа́нна Богосло́ва; И преподо́бнаго отца́ на́шего Арсе́ниа Вели́каго.

Пра́здник, и разреше́ние вина́ и еле́а.

9. Свята́го проро́ка Иса́ии; И свята́го му́ченика Христофо́ра;

И пренесе́ние честны́х моще́й, и́же во святы́х отца́ на́шего Никола́а чудотво́рца, от Мир в Бар град.

10. Свята́го апо́стола Си́мона Зило́та.

11. Обновле́ние Царя́ гра́да; И свята́го священному́ченика Моки́а;

12. И́же во святы́х оте́ц на́ших, Епифа́ниа, епи́скопа Ки́прскаго, и Ге́рмана, патриа́рха Константи́ня гра́да.

13. Святы́я му́ченицы Глике́рии.

14. Свята́го му́ченика Иси́дора; И свята́го Иси́дора, Христа́ ра́ди юро́диваго, Росто́вскаго чудотво́рца;

15. Преподо́бнаго отца́ на́шего Пахо́миа Вели́каго.

Разреше́ние вина́ и еле́а.

И и́же во святы́х отца́ на́шего Иса́ии епи́скопа, Росто́вскаго чудотво́рца; В то́йже де́нь убие́ние благове́рнаго Царе́вича кня́зя Дими́триа, Моско́вскаго и всея́ Росси́и чудотво́рца.

16. Преподо́бнаго отца́ на́шего Фео́дора освяще́ннаго, ученика́ свята́го Пахо́миа; И преподо́бнаго отца́ на́шего Ефре́ма Переко́мскаго, Новгоро́дскаго чудотво́рца.

17. Свята́го Апо́стола Андрони́ка, и и́же с ним.

18. Свята́го му́ченика Феодо́та, и́же во Агки́ре; И святы́х му́ченик, Петра́, Диони́сиа, и и́же с ни́ми; И святы́х седми́ дев.

19. Свята́го священному́ченика Патрики́а, епи́скопа Пру́сскаго, и и́же с ним; И преподо́бнаго отца́ на́шего Корни́лиа, Коме́льскаго чудотво́рца.

20. Свята́го му́ченика Фалале́а; И обре́тение честны́х моще́й, и́же во святы́х отца́ на́шего Алекси́а митрополи́та, Ки́евскаго и всея́ Росси́и чудотво́рца.

21. Святы́х вели́ких Царе́й и равноапо́столов, Константи́на и Еле́ны;

Пра́здник, и разреше́ние вина́ и еле́а.

В то́йже де́нь пра́зднуем сре́тение чудотво́рныя ико́ны Пресвяты́я Богоро́дицы Влади́мирския; В то́йже де́нь па́мять свята́го благове́рнаго кня́зя Константи́на, и чад его́ Михаи́ла и Фео́дора, Му́ромских чудотво́рцев.

22. Свята́го му́ченика Васили́ска.

23. Преподо́бнаго отца́ на́шего и испове́дника Михаи́ла, епи́скопа Сина́дскаго; И обре́тение честны́х моще́й, и́же во святы́х отца́ на́шего Лео́нтиа епи́скопа, Росто́вскаго чудотво́рца.

24. Преподо́бнаго отца́ на́шего Симео́на Сто́лпника, и́же на Дивией горе́;

Разреше́ние вина́ и еле́а.

И преставле́ние преподо́бнаго отца́ на́шего Ники́ты Сто́лпника, переясла́вскаго чудотво́рца.

25. Тре́тие обре́тение честны́я главы́ свята́го сла́внаго Проро́ка, Предте́чи и Крести́теля Госпо́дня Иоа́нна.

Разреше́ние вина́ и еле́а.

26. Свята́го Апо́стола Ка́рпа, еди́наго от семидесяти; И свята́го великому́ченика Гео́ргиа Но́ваго, пострада́вшаго от безбо́жнаго царя́ Сели́ма Ту́рскаго.

27. Свята́го священному́ченика Ферапо́нта; И обре́тение моще́й преподо́бнаго отца́ на́шего Ни́ла, и́же на е́зере Селиге́ре, на о́строве зово́мом Столобно́е, но́ваго чудотво́рца.

28. Преподо́бнаго отца́ на́шего Ники́ты, епи́скопа Халкидо́нскаго; И и́же во святы́х отца́ на́шего Игна́тиа епи́скопа, Росто́вскаго чудотво́рца.

29. Святы́я преподобному́ченицы Феодо́сии деви́цы; В то́йже де́нь преставле́ние свята́го блаже́ннаго Иоа́нна, Христа́ ра́ди юро́диваго, У́стюжскаго чудотво́рца.

30. Преподо́бнаго отца́ на́шего Исаа́киа Далма́тскаго.

31. Свята́го Апо́стола Ерми́а; И свята́го му́ченика Ерме́а.

Ме́сяц иу́ний

1. Свята́го му́ченика Иусти́на фило́софа; И друга́го му́ченика Иусти́на, и и́же с ни́ми; И преподо́бнаго отца́ на́шего Диони́сиа, Глуши́цкаго.

2. И́же во святы́х отца́ на́шего Ники́фора, патриа́рха Константи́ня гра́да, испове́дника; И свята́го великому́ченика Иоа́нна Но́ваго, му́ченаго в Бе́ле гра́де.

3. Свята́го му́ченика Лукиллиа́на, и и́же с ним.

4. И́же во святы́х отца́ на́шего Митрофа́на, патриа́рха Константи́ня гра́да.

5. Свята́го священному́ченика Дорофе́а, епи́скопа Ти́рскаго; И преставле́ние свята́го благове́рнаго вели́каго кня́зя Фео́дора Яросла́вича.

6. Преподо́бнаго отца́ на́шего Висарио́на чудотво́рца; И преподо́бнаго Иларио́на Но́ваго, оби́тели Далма́тския.

7. Свята́го священному́ченика Феодо́та, епи́скопа Агки́рскаго.

8. Свята́го великому́ченика Фео́дора Стратила́та.

Разреше́ние вина́ и еле́а.

9. И́же во святы́х отца́ на́шего Кири́лла, архиепи́скопа Александри́йскаго; И преподо́бнаго отца́ на́шего Кири́лла, Белоезе́рскаго чудотво́рца.

10. Свята́го священному́ченика Тимофе́а, епи́скопа Пру́сскаго.

11. Святы́х апо́стол, Варфоломе́а и Варна́вы. Разреше́ние вина́ и еле́а.

12. Преподо́бнаго отца́ на́шего Ону́фриа Вели́каго; И преподо́бнаго отца́ на́шего Петра́ Афо́нскаго; И па́мять преподо́бнаго отца́ на́шего Арсе́ниа, Коне́вскаго чудотво́рца.

13. Святы́я му́ченицы Акили́ны; И и́же во святы́х отца́ на́шего Трифи́ллиа, епи́скопа Левкуси́и Ки́прския.

14. Свята́го проро́ка Елиссе́а; И и́же во святы́х отца́ на́шего Мефо́диа, патриа́рха Константи́ня гра́да.

15. Свята́го проро́ка Амо́са; И и́же во святы́х отца́ на́шего Ио́ны, митрополи́та Моско́вскаго и всея́ Росси́и, чудотво́рца.

16. Свята́го и чудотво́рца Ти́хона Амафу́нтскаго.

17. Святы́х му́ченик, Ману́ила, Саве́ла и Исма́ила.

18. Свята́го му́ченика Лео́нтиа.

19. Свята́го апо́стола Иу́ды, бра́та Госпо́дня по пло́ти.

20. Свята́го священному́ченика Мефо́диа, епи́скопа Пата́рскаго.

21. Свята́го му́ченика Иулиа́на Тарсяни́на.

22. Свята́го священному́ченика Евсе́виа, епи́скопа Самоса́тскаго.

23. Святы́я му́ченицы Агрипи́ны; В сий де́нь пра́зднуем Сре́тение Пречи́стыя Богоро́дицы чудотво́рныя ико́ны Влади́мирския.

24. Рождество́ честна́го сла́внаго Проро́ка, Предте́чи и Крести́теля Иоа́нна.

Пра́здник, и разреше́ние ры́бы.

25. Святы́я преподобному́ченицы Февро́нии; В то́йже де́нь святы́х чудотво́рцев Му́ромских, благове́рнаго кня́зя Петра́, нарече́ннаго во и́ноцех Дави́да, и благове́рныя княги́ни Февро́нии, нарече́нныя во и́нокинях Евфроси́нии.

26. Преподо́бнаго отца́ на́шего Дави́да, и́же в Селу́не; И явле́ние ико́ны пресвяты́я Влады́чицы на́шея Богоро́дицы и Присноде́вы Мари́и, Ти́хвинския.

27. Преподо́бнаго отца́ на́шего Сампсо́на странноприи́мца; И пра́здник о побе́де Бо́гом дарова́нней всеросси́йскому самоде́ржцу Петру́ Вели́кому, над шве́дским короле́м Каро́лом вторымна́десять под Полта́вою, ле́та от воплоще́ния Госпо́дня 1709 г.

28. Святы́х безсре́бреник Ки́ра и Иоа́нна.

29. Святы́х сла́вных и всехва́льных верхо́вных апо́стол, Петра́ и Па́вла.

Пра́здник, и разреше́ние ры́бы.

30. Собо́р святы́х сла́вных и всехва́льных апо́стол 12.

Пра́здник, и разреше́ние ры́бы.

Ме́сяц иу́лий

1. Святы́х и чудотво́рцев безсре́бреник, Космы́ и Дамиа́на, в Ри́ме пострада́вших.

Разреше́ние вина́ и еле́а.

2. Положе́ние честны́я ри́зы Пресвяты́я Влады́чицы на́шея Богоро́дицы, во Влахе́рне.

Разреше́ние вина́ и еле́а.

3. Свята́го му́ченика Иаки́нфа; И пренесе́ние моще́й во святы́х отца́ на́шего Фили́ппа митрополи́та, Моско́вскаго и всея́ Росси́и чудотво́рца.

4. И́же во святы́х отца́ на́шего Андре́а, архиепи́скопа Кри́тскаго, Иеросолими́та; И преподо́бныя Ма́рфы, ма́тере свята́го Симео́на Дивного́рца.

5. Преподо́бнаго и богоно́снаго отца́ на́шего Афана́сиа Афо́нскаго;

И обре́тение честны́х моще́й преподо́бнаго и богоно́снаго отца́ на́шего Се́ргиа игу́мена, Ра́донежскаго чудотво́рца.

6. Преподо́бнаго отца́ на́шего Сисо́а Вели́каго;

7. Преподо́бных оте́ц на́ших Фомы́, и́же в Мале́и, И Ака́киа, и́же в Ле́ствице свиде́тельствованнаго.

8. Свята́го великому́ченика Проко́пиа;

Разреше́ние вина́ и еле́а.

И воспомина́ние зна́мения, я́вльшагося от ико́ны Пресвяты́я Влады́чицы на́шея Богоро́дицы, честна́го и сла́внаго Ея́ боговоплоще́ния, во гра́де вели́цем У́стюзе; В сей де́нь явле́ние ико́ны пресвяты́я Влады́чицы на́шея Богоро́дицы, во гра́де Каза́ни; В то́йже де́нь па́мять свята́го блаже́ннаго Проко́пиа, Христа́ ра́ди юро́диваго, У́стюжскаго чудотво́рца.

9. Свята́го священному́ченика Пагкра́тиа, епи́скопа Тавромени́йскаго.

10. Святы́х му́ченик 45, и́же в Никопо́ли Арме́нстей;

В то́йже де́нь пра́зднуем положе́ние честны́я и многоцеле́бныя ри́зы Го́спода и Бо́га и Спа́са на́шего Иису́са Христа́; И преподо́бнаго отца́ на́шего Анто́ниа Пече́рскаго Ки́евскаго;

11. Святы́я му́ченицы и прехва́льныя Евфи́мии; И преставле́ние блаже́нныя О́льги, княги́ни росси́йския, во свято́м креще́нии нарече́нныя Еле́ны.

12. Святы́х му́ченик Про́кла и Ила́риа; И преподо́бнаго отца́ на́шего Михаи́ла Малеина́.

13. Собо́р свята́го арха́нгела Гаврии́ла; И преподо́бнаго отца́ на́шего Стефа́на Савваи́та.

14. Свята́го апо́стола Аки́лы.

15. Святы́х му́ченик, Ки́рика и Иули́тты ма́тере его́; Разреше́ние вина́ и еле́а. И успе́ние свята́го и равноапо́стола, вели́каго кня́зя Влади́мира, нарече́ннаго во свято́м креще́нии Васи́лиа.

16. Свята́го священному́ченика Афиноге́на, и десяти́ учени́к его́.

17. Святы́я великому́ченицы Мари́ны.

Разреше́ние вина́ и еле́а.

18. Свята́го му́ченика Иаки́нфа, и́же во Амастри́де; И свята́го му́ченика Емилиа́на.

19. Преподо́бныя ма́тере на́шея Макри́ны, сестры́ Вели́каго Васи́лиа; И преподо́бнаго отца́ на́шего Ди́а.

20. Свята́го сла́внаго проро́ка Илии́. Пра́здник, и разреше́ние вина́ и еле́а.

21. Преподо́бных оте́ц на́ших, Симео́на Христа́ ра́ди юро́диваго, и Иоа́нна спо́стника его́; И свята́го проро́ка Иезеки́иля.

22. Святы́я мироно́сицы и равноапо́стольныя Мари́и Магдали́ны; И возвраще́ние моще́й свята́го священному́ченика Фо́ки.

Разреше́ние вина́ и еле́а.

23. Святы́х му́ченик, Трофи́ма и Фео́фила, и и́же с ни́ми.

24. Святы́я великому́ченицы Христи́ны;

И святы́х страстоте́рпец князе́й Росси́йских, обою́ бра́ту по пло́ти, Бори́са и Гле́ба, нарече́нных во свято́м креще́нии Рома́на и Дави́да.

25. Успе́ние святы́я А́нны, ма́тере Пресвяты́я Богоро́дицы; И па́мять святы́х жен, Олимпиа́ды и Евпракси́и;

Разреше́ние вина́ и еле́а.

И преподо́бнаго Мака́риа Унженскаго.

26. Свята́го священному́ченика Ермола́а, и и́же с ним; И святы́я му́ченицы Параске́вы.

27. Свята́го великому́ченика и цели́теля Пантелеи́мона.

Разреше́ние вина́ и еле́а.

28. Святы́х апо́стол и диа́конов, Про́хора, Никано́ра, Ти́мона и Парме́на;

В сей же де́нь пра́зднуем явле́ние ико́ны Смоле́нския, Пресвяты́я Влады́чицы на́шея Богоро́дицы, Одиги́трии.

29. Свята́го му́ченика Каллини́ка.

30. Святы́х апо́стол, Си́лы и Силуа́на, и и́же с ни́ми.

31. Предпра́зднство происхожде́ния Честна́го и Животворя́щаго Креста́ Госпо́дня; И свята́го и пра́веднаго Евдоки́ма.

Ме́сяц а́вгуст

1. Происхожде́ние честны́х древ Честна́го и Животворя́щаго Креста́ Госпо́дня;

И святы́х му́ченик седми́ бра́тий Маккаве́ев, и ма́тере их Соломони́и, и учи́теля их Елеаза́ра.

2. Пренесе́ние моще́й свята́го первому́ченика и архидиа́кона Стефа́на; В то́йже де́нь преставле́ние свята́го блаже́ннаго Васи́лиа Христа́ ра́ди юро́диваго, Моско́вскаго чудотво́рца.

3. Преподо́бных оте́ц на́ших, Исаа́киа, Далма́та и Фа́вста; И преподо́бнаго отца́ на́шего Анто́ниа Ри́млянина, Новгоро́дскаго чудотво́рца.

4. Святы́х седми́ о́трок, и́же во Ефе́се; И святы́я преподобному́ченицы Евдоки́и.

5. Предпра́зднство Преображе́ния Го́спода и Спа́са на́шего Иису́са Христа́; И свята́го му́ченика Евсигни́а.

6. Свято́е преображе́ние Го́спода Бо́га и Спа́са на́шего Иису́са Христа́.

Пра́здник, и разреше́ние ры́бы.

7. Свята́го преподо́бному́ченика Домети́а.

8. Свята́го Емилиа́на испове́дника, епи́скопа Кизи́ческаго.

9. Свята́го апо́стола Матфи́а.

Разреше́ние вина́ и еле́а.

10. Свята́го му́ченика и архидиа́кона Лавре́нтиа.

11. Свята́го му́ченика и архидиа́кона Е́впла.

12. Святы́х му́ченик, Фо́тиа и Аники́ты.

13. Преподо́бнаго отца́ на́шего Макси́ма Испове́дника; И па́мять и́же во святы́х отца́ на́шего Ти́хона, епи́скопа Воро́нежскаго; В сий де́нь отдае́тся пра́здник Преображе́ния.

14. Предпра́зднство Успе́ния Пресвяты́я Богоро́дицы; И свята́го проро́ка Михе́а.

15. Успе́ние Пресвяты́я Влады́чицы на́шея Богоро́дицы, и Присноде́вы Мари́и.

Пра́здник, и разреше́ние ры́бы.

16. Пренесе́ние от Еде́са нерукотворе́ннаго Го́спода Бо́га и Спа́са на́шего Иису́са Христа́, е́же е́сть Святы́й убру́с, в Ца́рский град;

И свята́го му́ченика Диоми́да.

17. Свята́го му́ченика Ми́рона.

18. Святы́х му́ченик, Фло́ра и Ла́вра.

19. Свята́го му́ченика Андре́а Стратила́та, и и́же с ним пострада́вших дву ты́сящ, и пяти́ сот, и девяти́десяти и трех.

20. Свята́го проро́ка Самуи́ла.

21. Свята́го Апо́стола Фадде́а; И святы́я му́ченицы Ва́ссы;

И преставле́ние преподо́бнаго отца́ на́шего Авра́миа архимандри́та, Смоле́нскаго чудотво́рца.

22. Свята́го му́ченика Агафони́ка, и и́же с ним.

23. Свята́го му́ченика Лу́ппа;

И отдае́тся пра́здник Успе́ния Пресвяты́я Богоро́дицы.

24. Свята́го священному́ченика Евти́ха, ученика́ свята́го Иоа́нна Богосло́ва;

И пренесе́ние честны́х моще́й и́же во святы́х отца́ на́шего Петра́ митрополи́та, Ки́евскаго и всея́ Росси́и чудотво́рца.

25. Возвраще́ние моще́й свята́го апо́стола Варфоломе́а; И па́мять свята́го апо́стола Ти́та.

26. Святы́х му́ченик, Адриа́на и Ната́лии;

В сий де́нь пра́зднуем восле́дование похва́льно сре́тения чудотво́рныя ико́ны Влади́мирския, Пресвяты́я Влады́чицы на́шея Богоро́дицы.

27. Преподо́бнаго отца́ на́шего Пи́мена Вели́каго.

28. Преподо́бнаго отца́ на́шего Моисе́а Му́рина.

29. Усекнове́ние честны́я главы́ Честна́го сла́внаго Проро́ка, Предте́чи и Крести́теля Госпо́дня Иоа́нна.

Пра́здник, и пост.

30. И́же во святы́х оте́ц на́ших, патриа́рхов Константи́ня гра́да, Алекса́ндра, Иоа́нна и Па́вла Но́ваго;

И пренесе́ние моще́й свята́го благове́рнаго вели́каго кня́зя Алекса́ндра Не́вскаго, из Влади́мира в Ца́рствующий град свята́го Петра́;

И преставле́ние преподо́бнаго отца́ на́шего Алекса́ндра, Сви́рскаго чудотво́рца.

31. Положе́ние честна́го по́яса пресвяты́я Влады́чицы на́шея Богоро́дицы в Халкопра́тии, принесе́ну от епи́скопии Зилы, в Ца́рствующий град.

Разреше́ние вина́ и еле́а.