Бж҃е́ственнаѧ лїтꙋргі́а во ст҃ы́хъ ѻ҆тца̀ на́шегѡ васі́лїа вели́кагѡ, а҆рхїепⷵⷵкпа кесарі́и каппадокі́йскїѧ ¹

Протодиакон: Благослови́, Влады́ко.

Архимандрит глаголет возгла́сно:

Благослове́но Ца́рство Отца и Сы́на, и Свята́го Ду́ха, ны́не и при́сно, и во ве́ки веко́в. Лик: Ами́нь.

Протодиакон глаголет ектснию: Ми́ром Го́споду помо́лимся. О свы́шнем ми́ре: О ми́ре всего́ ми́ра: О святе́м хр́аме сем: О Вели́ком Гослоди́не и Отце́ на́шем Святе́йшем Патриа́рсе Пи́меме, и о Гослоди́не на́шем Преосвяще́ннейшем митрополи́те [или́: архиепи́скопе, или: епи́скопе [имярек], честне́м пресви́терстве, во Христе́ диаконстве, о всем при́чте и лю́дех Го́споду помо́лимся. О Богохрани́мей стране́ на́шей, власте́х и во́инстве ея́ Го́споду помо́лимся. О гра́де сем: О благорастворе́нии возду́хов: О пла́вающих, путеше́ствующих: О изба́вится нам: Заступи́, спаси́: Пресвяту́ю, Пречи́стую:

Архиерей же молитву предложения:

Бж҃е бж҃е на́шъ, нбⷵный хлѣ́бъ пи́щꙋ всемꙋ̀ мі́рꙋ, гдⷵа на́шего и҆ бг҃а і҆и҃са хрⷵта̀ посла́вый, сп҃са и҆ и҆зба́вителѧ и҆ бл҃годѣ́телѧ, бл҃гословѧ́ща и҆ ѡ҆свѧща́юща на́съ: са́мъ благословѝ предложе́нїе сїѐ и҆ прїимѝ є въ пренбⷵный тво́й же́ртвенникъ: помѧнѝ, ꙗкѡ бл҃гъ и҆ чл҃колю́бецъ, прине́сшихъ, и҆ ихже ра́ди принесо́ша. и҆ на́съ неѡсꙋжде́ны сохранѝ во свѧщеннодѣ́йствїи бж҃е́ственныхъ твои́хъ та̑инъ. Ꙗкѡ ст҃и́сѧ и҆ просла́висѧ пречⷵтное и҆ великолѣ́пое имѧ твоѐ, ѻ҆ц҃а̀ и҆ сн҃а и҆ сг҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ. А҆ми́нь.

Молитва перваго антифо́на, ю́же глаголет архиерей тайно:

Гдⷵи бж҃е на́шъ, є҆гѡ́же держа́ва несказа́нна и҆ сла́ва непостижи́ма, є҆гѡ́же милость безмѣ́рна и҆ чл҃вѣколю́бїе неизрече́нно: са́мъ влⷣко, по благоꙋтро́бїю твоемꙋ̀ при́зри на ны̀ и҆ на ст҃ы́й хра́мъ се́й и҆ сотворѝ съ на́ми и҆ молѧ́щимисѧ съ на́ми бога̑тыѧ ми́лѡсти твоѧ̑ и҆ щедрѡ́ты твоѧ̀.

Возгла́с: Яко подоба́ет Тебе́ вся́кая сла́ва:

Лик: Ами́нь.

По ектении́ лик поет первый антифо́н, изобрази́тельная, ре́кше: Благо́слови, душе́ моя́, Го́спода: и прочая, по чину.

Диакон: Па́ки и паки ми́ром Го́споду помо́лимся. Заступи, спаси́: Пресвяту́ю, Пречи́стую, Преблагословенную:

Архиерей глаголет молитву втораго антифона:

Гдⷵи бж҃е на́шъ, спасѝ лю́ди твоѧ̑ и҆ бл҃гословѝ достоѧ́нїе твоѐ: и҆сполне́нїе цр҃кве твоеѧ̀ сохранѝ, ѡст҃ѝ лю́бѧщыѧ бл҃голѣ́пїе до́мꙋ твоегѡ̀: ты̀ тѣ́хъ возпросла́ви бж҃е́ственною твое́ю си́лою и҆ не ѡ҆ста́ви на́съ ѹ҆пова́ющихъ на тѧ̀.

Возглас: Яко Тво́я держа́ва:

Лик: Ами́нь.

По второй ектении поет лик вторы́й антифо́н, изобразительная.

Диакон: Па́ки и па́ки ми́ром Го́споду помо́лимся. Заступи́, спаси́: Пресвяту́ю, Пречи́стую, Преблагослове́нную:

Молитва тре́тияго антифона:

Иже ѻбщыѧ сїѧ̑ и҆ согла̑сныѧ дарова́вый на́мъ мл҃твы, иже и҆ двѣма̀ и҆лѝ трє́мъ согласꙋ́ющымсѧ ѡ҆ имени твое́мъ прошє́нїѧ пода́ти ѡ҆бѣща́вый: са́мъ и҆ ны́нѣ ра̑бъ твои́хъ прошє́нїѧ къ поле́зномꙋ и҆спо́лни, подаѧ̀ на́мъ въ настоѧ́щемъ вѣ́цѣ позна́нїе твоеѧ̀ истины и҆ въ бꙋ́дꙋщемъ жи́знь вѣ́чнꙋю да́рꙋѧ.

Возгла́с: Яко благ и Человеколю́бец:

Лик: Ами́нь.

И зде, я́коже в литургии Златоустаго, лик та́яжде поет.

Молитва входа Святаго Евангелиа, тайно:

Влⷣко гдⷵи бж҃е на́шъ, ѹ҆ста́вивый на нб҃сѣхъ чи́ны и҆ вѡ́инства агг҃лъ и҆ а҆рха̑гг҃лъ въ слꙋже́нїе твоеѧ̀ сла́вы, сотворѝ со вхо́домъ на́шимъ вхо́дꙋ ст҃ы́хъ агг҃лѡвъ бы́ти, сослꙋжа́щихъ на́мъ и҆ сославо́словѧщихъ твою̀ бл҃гость. Ꙗкѡ подоба́етъ тебѣ̀ всѧ́каѧ сла́ва, че́сть и҆ поклоне́нїе, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́бъ. А҆ми́нь.

Посем творят вход. Протодиакон глаголет: Прему́дрость, про́сти. И входят во святый олтарь.

Архиерей глаголет молитву Трисвятаго:

Бж҃е ст҃ы́й, иже во ст҃ы́хъ почива́ѧй, иже трист҃ы́мъ гла́сомъ ѿ серафі́мѡвъ воспѣва́емый и҆ ѿ херꙋві́мѡвъ славосло́вимый и҆ ѿ всѧ́кїѧ нбⷵныѧ си́лы покланѧ́емый, иже ѿ небытїѧ̀ во єже бы́ти приведы́й всѧ́чєскаѧ, созда́вый человѣ́ка по ѻбразꙋ твоемꙋ̀ и по подо́бїю и҆ всѧ́кимъ твои́мъ дарова́нїемъ ѹ҆краси́вый: даѧ́й просѧ́щемꙋ премꙋ́дрость и҆ ра́зꙋмъ и҆ не презира́ѧй согрѣша́ющагѡ, но полага́ѧй на спасе́нїе покаѧ́нїе: сподо́бивый на́съ, смире́нныхъ и҆ недосто́йныхъ ра̑бъ твои́хъ, въ ча́съ се́й ста́ти пред̾ сла́вою ст҃а́гѡ твоегѡ же́ртвенника и҆ до́лжное тебѣ̀ поклоне́нїе и҆ славосло́вїе приноси́ти. Са́мъ влⷣко, прїимѝ и҆ ѿ ѹстъ на́съ грѣ́шныхъ трист҃ꙋ́ю пѣ́снь и҆ посѣти́ ны бл҃гостїю твое́ю. простѝ на́мъ всѧ́кое согрѣше́нїе, во́льное же и҆ нево́льное. ѡ҆ст҃ѝ на́шѧ дꙋ́шы и҆ тѣлеса̀ и҆ да́ждь на́мъ въ преподо́бїи слꙋжи́ти тебѣ̀ бсѧ̑ дни̑ живота̀ на́шегѡ, мл҃твами ст҃ы́ѧ бцⷣы, и҆ всѣ́хъ ст҃ы́хъ, ѿ вѣ́ка тебѣ̀ бл҃гоꙋгоди́вшихъ.

Возгла́с:

Ꙗкѡ ст҃ъ є҆сѝ бж҃е на́шъ, и҆ тебѣ̀ сла́вꙋ возсыла́емъ, ѻ҆цꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки бѣкѡ́бъ. А҆ми́нь.

Молитва прежде Святаго Евангелиа:

Возсїѧй въ сердца́хъ на́шихъ чл҃колю́бче влⷣко, твоегѡ̀ бг҃оразꙋ́мїѧ нетлѣ́нный свѣ́тъ и҆ мы́слєнныѧ на́ши ѿве́рзи ѻчи во є҆ѵⷢ҇льскихъ твои́хъ проповѣ́данїй разꙋмѣ́нїе: вложѝ въ на́съ и стра́хъ бл҃же́нныхъ твои́хъ за́повѣдей, да, плотскі́ѧ по́хоти всѧ̑ попра́вше, дх҃о́вное жи́тельство про́йдемъ, всѧ̑ ꙗже ко благоꙋгожде́нїю твоемꙋ̀ и҆ мꙋ́дрствꙋюще и҆ дѣ́юще, ты́ бо є҆сѝ просвѣще́нїе дꙋ́шъ и҆ тѣле́съ на́шихъ хрⷵтѐ бж҃е, и҆ тебѣ̀ сла́вꙋ возсыла́емъ, со безнача́льнымъ твои́мъ ѻ҆ц҃е́мъ, и҆ прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и при́снѡ и҆ во вѣ́ки вѣкѡ́въ. А҆ми́нь.

По скончании Святаго Евангелиа диакон глаголет ектению́: Рцем вси от всея́ души́:

Го́споди Вседержи́телю, Бо́же оте́ц на́ших:

Поми́луй нас, Бо́жс, по вели́цей ми́лости Тво́ей:

Молитва прилежнаго моления:

Гдⷵи бж҃е на́шъ, прилѣ́жное сїѐ моле́нїе прїимѝ ѿ твои́хъ ра̑бъ и҆ поми́лꙋй на́съ по мно́жествꙋ млⷵти твоеѧ̀: и҆ щедрѡ́ты твоѧ̑ низпослѝ на ны̀ и҆ на всѧ̑ лю́ди твоѧ̑, ча́ющыѧ ѿ тебѐ бога́тыѧ ми́лости.

Еще́ мо́лимся о Вели́ком Господи́не и Отце́ на́шем Святе́йшем Патриа́рсе Пи́мене, и о Господи́не на́шем Преосвяще́ннейшем митрополи́те [или: архиепи́скопе, или: епи́скопе] [имярек], и всей во Христе́ бра́тии на́шей.

Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Еще́ мо́лимся о братиях на́ших:

Еще́ мо́лимся о блаже́нных и приснопа́мятных:

Еще́ мо́лимся о плодонося́щих:

Возглашение: Ꙗкѡ ми́лостивъ и҆ чл҃вѣколю́бецъ бг҃ъ є҆сѝ, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и при́снѡ и҆ во вѣ́ки вѣкѡ́въ.

Лик: Ами́нь.

Диакон: Помоли́теся, оглаше́ннии, Го́сподеви. Ве́рнии, о оглаше́нных: Огласи́т их сло́вом и́стины. Откры́ет им Ева́нгелие пра́вды. Соедини́т их Святе́й Свое́й: Спаси́, поми́луй, заступи́: Оглаше́ннин, главы ва́шя Го́сподеви приклони́те.

Молитва о оглашенных прежде святаго возношения:

Гдⷵи бж҃е на́шъ, иже на нб҃сѣ́хъ живы́й и҆ призира́ѧй на всѧ̑ дѣла̀ твоѧ̑, при́зри на рабы̑ твоѧ̑ ѡ҆глашє́нныѧ, прикло́ньшыѧ своѧ̑ вы̑ѧ пред̾ тобо́ю: и҆ да́ждь имъ ле́гкїй ꙗ҆ре́мъ, сотворѝ ихъ ѹды чє́стны ст҃ы́ѧ тбоеѧ̀ цр҃кве и҆ сподо́би ихъ ба́ни пакибытїѧ̀, ѡ҆ставле́нїа грѣхѡ́въ и҆ ѻ҆де́жди нетлѣ́нїѧ, въ позна́нїе тебѐ, истиннагѡ бг҃а на́шегѡ.

Возглас: Да и ти́и с на́ми сла́вят:

Лик: Ами́нь.

По возгла́се же архиерей развива́ет антими́нс по обы́чаю.

Диакоп: Ели́цы оглаше́ннии, изыди́те.

Аще ли есть други́й диакон, возглашает и той: Оглаше́ннии, изыди́те.

Та же паки первый: Ели́цы оглаше́ннии, изыди́те.

Молитва верных первая, по простре́нии антими́нса, ю́же архиерей глаголет тайно:

Ты гдⷵи, показа́лъ є҆сѝ на́мъ вели́кое сїѐ спасе́нїѧ та́инство, ты̀ сподо́билъ є҆сѝ на́съ смире́нныхъ и҆ недосто́йныхъ ра̑бъ твои́хъ бы́ти слꙋжи́телємъ ст҃а́гѡ твоегѡ̀ же́ртвенника. ты̀ ѹ҆довлѝ на́съ си́лою ст҃а́гѡ твоегѡ̀ дх҃а въ слѡ́жбꙋ сїю̀, да, неѡсꙋжде́ннѡ ста́вше пред̾ ст҃о́ю сла́вою твое́ю, принесе́мъ тѝ же́ртвꙋ хвале́нїѧ: ты́ бо є҆сѝ дѣ́йствꙋѧй всѧ̑ во всѣ́хъ. да́ждь гдⷵи, и҆ ѡ҆ на́шихъ грѣсѣ́хъ и҆ ѡ҆ людски́хъ невѣ́дѣнїихъ прїѧ́тнѣй бы́ти же́ртвѣ на́шей и҆ благопрїѧ́тнѣй пред̾ тобо́ю.

Диакон глаголет ектению́, вне олтаря: Заступи́, спаси́, поми́луй: Прему́дрость.

Возглас: Яко подоба́ет Тебе́ вся́кая сла́ва:

Лик: Ами́нь.

Диакон: Па́ки и па́ки ми́ром Го́споду помо́лимся. О свы́шнем ми́ре: О ми́ре всего́ ми́ра: О святе́м хра́ме сем: О изба́витися нам от вся́кия ско́рби:

Молитва верных вторая, юже архиерей глаголет тайно:

Бж҃е, посѣти́вый въ ми́лости и҆ щедро́тахъ смире́нїе на́ше, поста́вивый на́съ смире́нныхъ и҆ грѣ́шныхъ и҆ недосто́йныхъ ра̑бъ твои́хъ пред̾ ст҃о́ю сла́вою твое́ю, слꙋжи́ти ст҃о́мꙋ же́ртвенникꙋ твоемꙋ̀, ты̀ ѹ҆крѣпѝ на́съ си́лою ст҃а́гѡ твоегѡ̀ дх҃а въ слꙋ́жбꙋ сїю̀ и҆ да́ждь на́мъ сло́во во ѿверзе́нїе ѹстъ на́шихъ, во єже призыва́ти бл҃года́ть ст҃а́гѡ твоегѡ̀ дх҃а на хотѧ́щыа предложи́тисѧ да́ры.

Днакон: Заступи́, спаси́, поми́луй:

Диакон: Прему́дрость.

Архиерей глаголет возгласно:

Ꙗкѡ да под̾ держа́вою твое́ю всегда̀ храни́ми, тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ.

Лик: Ами́нь.

Молитва, юже глаголет архиерей тайно. Херувимской песни пева́емей:

Никто́же досто́инъ ѿ свѧза́вшихсѧ плотски́ми похотьмѝ и҆ сластъмѝ приходи́ти, и҆лѝ прибли́житисѧ, и҆лѝ слꙋжи́ти тебѣ̀ цр҃ю̀ сла́вы: єже бо слꙋжи́ти тебѣ̀, вели́ко и҆ стра́шно и҆ самѣ́мъ нбⷵнымъ си́ламъ. но ѻ҆ба́че, неизрече́ннагѡ ра́ди и безмѣ́рнагѡ твоегѡ̀ человѣколю́бїѧ, непрело́жнѡ и҆ неизмѣ́ннѡ бы́лъ є҆сѝ человѣ́къ и҆ а҆рхїере́й на́мъ бы́лъ є҆сѝ и слꙋже́бныѧ сеѧ̀ и҆ безкро́вныѧ же́ртвы сщ҃еннодѣ́йствїе пре́далъ є҆сѝ на́мъ, ꙗкѡ влⷣка всѣ́хъ. ты́ бо є҆ди́нъ гдⷵи бж҃е на́шъ, влⷣчествꙋеши нбⷵными и҆ земны́ми, иже на прⷵто́лѣ херꙋві́мстѣ носи́мый, иже сердфі́мѡвъ гдⷵь и҆ цр҃ь і҆и҃левъ, иже є҆ди́нъ ст҃ъ и҆ во ст҃ы́хъ почиа́ѧй. тѧ̀ ѹбѡ молю̀ є҆ди́наго бл҃гаго и҆ бл҃гопослꙋшли́ваго: при́зри на мѧ̀ грѣ́шнаго и҆ непотре́бнаго раба̀ твоего̀ и҆ ѡ҆чи́сти мою̀ дꙋ́шꙋ и҆ се́рдце ѿ со́вѣсти лꙋка́выа: и҆ ѹ҆довли́ мѧ си́лою ст҃агѡ твоегѡ̀ дх҃а, ѡ҆блеченна бл҃года́тїю сщ҃е́нства, предста́ти ст҃ѣ́й твое́й се́й трапе́зѣ, и҆ сщ҃еннодѣ́йствовати ст҃о́е и҆ пречⷵтое твоѐ тѣ́ло, и҆ чⷵтнꙋ́ю кро́вь. къ тебѣ́ бо прихождꙋ̀, прикло́нь мою̀ вы́ю, и҆ молю́ ти сѧ, да не ѿврати́ши лица̀ твоегѡ̀ ѿ менѐ, нижѐ ѿри́неши менѐ ѿ ѻтрѡкъ твои́хъ: но сподо́би принесє́ннымъ тебѣ̀ бы́ти, мно́ю грѣ́шнымъ и҆ недосто́йнымъ рабо́мъ твои́мъ, дарѡ́мъ си̑мъ. ты́ бо є҆сѝ приносѧ́й, и҆ приноси́мый, и҆ прїе́млѧй и҆ раздава́емый, хрⷵтѐ бж҃е на́шъ, и҆ тебѣ̀ сла́вꙋ возсыла́емъ, со безнача́льнымъ твои́мъ ѻ҆ц҃е́мъ, и҆ прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ. А҆ми́нь.

Таже архиерей молитву глаголет над водою:

Гдⷵи бж҃е на́шъ, ѡ҆ст҃и́вый стрꙋи̑ і҆ѻрда́нскїѧ сп҃си́тельнымъ твои́мъ ꙗ҆вле́нїемъ: са́мъ и҆ ны́нѣ низпослѝ бл҃года́ть ст҃а́гѡ твоегѡ̀ дх҃а, и҆ бл҃гословѝ во́дꙋ сїю̀, ко ѡ҆сщ҃е́нїю всѣ́хъ люде́й твои́хъ, ꙗкѡ блгⷵве́нъ є҆сѝ во вѣ́ки вѣкѡ́въ. А҆ми́нь.

Исполнившейся же молитве, глаголет архиерей Херувимскую песнь:

Иже херꙋві́мы та́йнѡ ѡ҆бразꙋ́юще и҆ животворѧ́щей трⷪ҇цѣ трист҃ꙋ́ю пѣ́снь припѣва́юще, всѧ́кое ны́нѣ жите́йское ѿложи́мъ попече́нїе,

Ꙗкѡ да цр҃ѧ̀ всѣ́хъ под̾и́мемъ, агг҃льскими невидимѡ дорѷноси́ма чи́нми: а҆ллилꙋ́їа, а҆ллилꙋ́їа, а҆ллилꙋ́їа.

А сие в Великий Четверто́к то́чию поется:

Ве́чери твоеѧ̀ та́йныѧ дне́сь сн҃е бж҃їй, прича́стника мѧ̀ прїимѝ, не бо̀ врагѡ́мъ твои̑мъ та́йнꙋ повѣ́мъ, ни аобза́нїѧ тѝ да́мъ, ꙗкѡ і҆ꙋ́да, но, ꙗкѡ разбо́йникъ, и҆сповѣ́даю тѧ̀: помѧнѝ мѧ̀ гдⷵи, во црⷵтвїи твое́мъ. а҆ллилꙋ́їа, а҆ллилꙋ́їа, а҆ллилꙋ́їа.

В Великую же Субботу поют сие́:

Да молчи́тъ всѧ́каѧ пло́ть человѣ́ча и҆ да стои́тъ со стра́хомъ и҆ тре́петомъ и҆ ничто́же земно́е въ себѣ̀ да помышлѧ́етъ, цр҃ь бо црⷵтвꙋющихъ и҆ гдⷵь гдⷵьствꙋющихъ прихо́дитъ закла́тисѧ и҆ да́тисѧ въ снѣ́дь вѣ̑рнымъ. предходѧтъ же семꙋ̀ ли́цы агг҃льстїи со всѧ́кимъ нача́ломъ и҆ вла́стїю: многоѻчи́тїи херꙋві́ми и҆ шестокрила́тїи серафі́ми, ли́ца закрыва́юще и҆ вопїю́ще пѣ́снь: а҆ллилꙋ́їа, а҆ллилꙋ́їа, а҆ллилꙋ́їа.

Сконча́нным же бывшым молитвам и великому входу, диакон приходит на обычное место, глаголя: Испо́лним моли́тву нашу Го́сподеви.

О предложе́нных Честны́х Даре́х:

О святе́м хра́ме сем и с ве́рою:

О изба́витися нам от вся́кия ско́рби:

Молитва приношения, по поставлении на святем престоле Божественных Даро́в, юже архиерей глаголет тайно:

Гдⷵи бж҃е на́шъ, созда́вый на́съ и҆ введы́й въ жи́знь сїю̀, показа́вый на́мъ пꙋти̑ во спасе́нїе, дарова́вый на́мъ нбⷵныхъ та̑инъ ѿкровенїе: ты́ бо є҆сѝ положи́вый на́съ въ слꙋ́жбꙋ сїю̀ си́лою дх҃а твоегѡ̀ ст҃а́гѡ. бл҃говолѝ ѹбѡ гдⷵи, бы́ти на́мъ слꙋжи́телємъ но́вагѡ твоегѡ̀ завѣ́та, слꙋга́мъ ст҃ы́хъ твои́хъ та́инстбъ. прїимѝ на́съ приближа́ющихсѧ ст҃о́мꙋ твоемꙋ̀ же́ртвенникꙋ, по мно́жествꙋ млⷵти твоеѧ̀, да бꙋ́демъ досто́йни приноси́ти тебѣ̀ слове́снꙋю сїю̀ и҆ безкро́внꙋю же́ртвꙋ ѡ҆ на́шихъ согрѣше́нїихъ и҆ ѡ҆ людски́хъ невѣ́жествїихъ, юже прїе́мъ во ст҃ы́й, и҆ пренбⷵный, и҆ мы́сленный тво́й же́ртвенникъ, въ воню̀ бл҃гоꙋха́нїѧ, возниспослѝ на́мъ бл҃года́ть ст҃а́гѡ̀ твоегѡ̀ дх҃а. при́зрн на ны̀ бж҃е, и҆ ви́ждь на слꙋ́жбꙋ сїю̀ на́шꙋ и҆ прїимѝ ю, ꙗкоже прїѧ́лъ є҆сѝ авелевы да́ры, нѡ́евы жє́ртвы, а҆враа́мѡва всеплѡ́дїѧ, мѡѷсе́єва и҆ а҆арѡ́нѡва сщ҃єнства, самꙋи́лѡва ми̑рнаѧ. ꙗкоже прїѧ́лъ є҆сѝ ѿ ст҃ы́хъ твои́хъ а҆пⷵлъ истиннꙋю сїю̀ слꙋ́жбꙋ, си́це и҆ ѿ рꙋ́къ на́съ грѣ́шныхъ прїимѝ да́ры сїѧ̑ въ бл҃гости твое́й гдⷵи, ꙗкѡ да, сподо́льшесѧ слꙋжи́тн без̾ пор́ока ст҃о́мꙋ твоемꙋ̀ же́ртвенникꙋ, ѡ҆брѧ́щемъ мздꙋ̀ вѣ́рныхъ и҆ мꙋ́дрыхъ строи́телей въ де́нь стра́шный воздаѧ́нїѧ твоегѡ̀ пра́веднагѡ.

Диакон глаголет: Заступи́, спаси́, поми́луй: Дне всего́ соверше́нна, свята: Ангела ми́рна, ве́рна: Проще́ния и оставле́ния грехо́в: До́брых и поле́зных душа́м нашым: Про́чее вре́мя живота́ на́шего: Христиа́нския кончи́ны живота́ на́шего: Пресвяту́ю, Пречи́стую, Преблагослове́нную:

Возглас:

Щедро́тами є҆диноро́днагѡ сн҃а твоегѡ̀, с̾ ни́мже бл҃гослове́нъ є҆сѝ, съ прест҃ы́мъ и҆ бл҃ги́мъ и҆ животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ. Лик: Ами́нь.

Архиерей: Ми́ръ всѣ̑мъ.

Лик: И ду́хови твоему́.

Диакон: Возлю́бим друг дру́га, да единомы́слием испове́мы.

Лик: Отца́ и Сы́на, и Святаго Ду́ха, Троицу Единосу́щную и Неразде́льную.

Архиерей покланя́ется трижды, глаголя тайно:

Возлюблю́ тѧ гдⷵи, крѣ́посте моѧ̀, гдⷵь ѹ҆твержде́нїе моѐ и҆ прибѣ́жище моѐ. Трижды.

И диакон покланя́ется трижды, и целует орарь свой, и глаголет велегласно: Две́ри, две́ри, прему́дростию во́нмем.

Лик: Ве́рую во Еди́наго Бо́га:

И по скончании святаго Символа глаголет диакон велегласно: Ста́нем до́бре, ста́нем со стра́хом, во́нмем, свято́е возноше́ние в ми́ре приноси́ти.

Лик: Милость ми́ра, же́ртву хвале́ния.

Архиерей возгла́сно:

Бл҃года́ть гдⷵа на́шегѡ і҆и҃са хрⷵта̀, и҆ любы̀ бг҃а и ѻ҆ц҃а̀, и҆ прича́стїе ст҃а́гѡ дх҃а бꙋ́ди со всѣ́ми ва́ми.

Лик: И со ду́хом твои́м.

Архиерей: Горѣ̀ и҆мѣ́имъ сердца̀.

Лик: Имамы ко Го́споду.

Архиерей: Бл҃годари́мъ гдⷵа.

Лик: Досто́йно и пра́ведно есть покланя́тися Отцу́ и Сы́ну, и Свято́му Ду́ху, Тро́ице Единосу́щней и Неразде́льней.

Архиерей, приклонився, молится тайно:

Сы́й влⷣко, гдⷵи бж҃е ѻч҃е вседержи́телю покланѧ́емый! досто́йно, ꙗкѡ вои́стиннꙋ, и҆ пра́ведно и҆ лѣ́по великолѣ́пїю ст҃ы́ни твоеѧ̀ тебѐ хвали́ти, тебѐ пѣ́ти, тебѐ бл҃гослови́ти, тебѣ̀ кла́нѧтиса, тебѐ бл҃годари́ти, тебѐ сла́вити, є҆ди́наго вои́стиннꙋ сꙋ́щаго бг҃а, и҆ тебѣ̀ приноси́ти се́рдцемъ сокрꙋше́ннымъ и҆ дх҃омъ смире́нїѧ слове́снꙋю сїю̀ слꙋ́жбꙋ на́шꙋ: ꙗкѡ ты́ є҆сѝ дарова́вый на́мъ позна́нїе твоеѧ̀ истины. и҆ кто̀ дово́ленъ возглаго́лати си̑лы твоѧ̑, слы́шаны сотвори́ти всѧ̑ хвалы̑ твоѧ̑ и҆лѝ повѣ́дати всѧ̑ чꙋдеса̀ твоѧ̑ во всѧ́ко вре́мѧ, владыко всѣ́хъ, гдⷵи нб҃сѐ и҆ землѝ и҆ всеѧ̀ тва́ри, ви́димыѧ же и҆ неви́димыѧ, сѣдѧ́й на прⷵто́лѣ сла́вы и҆ призира́ѧй бє́здны, безнача́льне, неви́диме, непостижи́ме, неѡпи́санне, неизмѣ́нне, ѻч҃е гдⷵа на́шегѡ і҆и҃са хрⷵта̀, вели́кагѡ бг҃а и҆ сп҃си́телѧ, ѹ҆пова́нїѧ на́шегѡ, иже єсть ѻбразъ твоеѧ̀ бл҃гости: пе́чать равноѡбра́знаѧ, въ себѣ̀ показꙋ́ѧ тѧ̀ ѻ҆ц҃а̀, сло́во живо́е, бг҃ъ истинный, превѣ́чнаѧ премꙋ́дрость, живо́тъ, ѡ҆сщ҃е́нїе, си́ла, свѣ́тъ истинный, имже дх҃ъ ст҃ы́й ꙗ҆ви́сѧ: дх҃ъ истины, сн҃оположе́нїа дарова́нїе, ѡ҆брꙋче́нїе бꙋ́дꙋщагѡ наслѣ́дїѧ, нача́токъ вѣ́чныхъ бл҃гъ, животворѧ́щаѧ си́ла, и҆сто́чник̾ ѡ҆сщ҃енїѧ, ѿ негѡ́же всѧ тва́рь слове́снаѧ же и҆ ѹмнаѧ ѹ҆крѣплѧ́ема тебѣ̀ слꙋ́житъ и҆ тебѣ̀ присносꙋ́щное возсыла́етъ славосло́вїе, ꙗкѡ всѧ́чєскаѧ рабѡ́тна тебѣ̀. тебе́ бо хва́лѧтъ агг҃ли, а҆рха́гг҃ли, престо́ли, гдⷵьствїѧ, нача̑ла, вла̑сти, си̑лы и многоѡчи́тїи херꙋві́ми, тебѣ̀ предстоѧ́тъ ѻкрестъ серафі́ми, ше́сть кри́лъ є҆ди́номꙋ и҆ ше́сть кри́лъ є҆ди́номꙋ, и҆ двѣма̀ ѹбѡ покрыва́ютъ ли́ца своѧ̑, двѣма́ же но́ги и, двѣма̀ лета́юще, взыва́ютъ є҆ди́нъ ко дрꙋго́мꙋ непреста́нными ѹ҆сты̀, немо́лчными славослове́ньмии,

Возгла́сно архиерей: Побѣ́днꙋю пѣ́снь пою́ще, вопїю́ще, взыва́юще и҆ гл҃юще:

Лик: Свят, Свят, Свят Госпо́дь Савао́ф, испо́лнь не́бо и земля́ сла́вы Твоея́, оса́нна в вы́шних, благослове́н Гряды́й во и́мя Госпо́дне, оса́нна в вы́шних.

И зде диакон та́яжде творит, яко и в литургии Златоустаго.

Архиерей молится тайно:

Съ си́ми бл҃же́нными си́лами, влⷣко, чл҃вѣколю́бче, и҆ мы грѣ́шнїи вопїе́мъ и҆ глаго́лемъ: ст҃ъ є҆сѝ, ꙗкѡ вои́стиннꙋ, и҆ прест҃ъ, и҆ нѣ́сть мѣ́ры великолѣ́пїю ст҃ы́ни твоеѧ̀, и҆ преподо́бенъ во всѣ́хъ дѣ́лѣхъ твои́хъ, ꙗкѡ пра́вдою и҆ сꙋдо́мъ истиннымъ всѧ̑ наве́лъ є҆сѝ на ны̀: созда́въ бо че́ловѣ́ка, пе́рсть взе́мъ ѿ землѝ, и҆ ѻбразомъ твои́мъ бж҃е, поче́тъ, положи́лъ є҆сѝ въ раѝ сла́дости, безсме́ртїе жи́зни и҆ наслажде́нїе вѣ́чныхъ бл҃гъ въ соблюде́нїи за́повѣдей твои́хъ ѡ҆бѣща́въ є҆мꙋ̀: но преслꙋ́шавша тебѐ, истиннаго бг҃а, созда́вшаго є҆го̀, и҆ пре́лестїю ѕмі́евою привле́кшасѧ, ѹ҆мерщвле́на же свои́ми прегрѣше́ньми, и҆згна́лъ є҆сѝ є҆го̀ пра́веднымъ твои́мъ сꙋдо́мъ бж҃е, ѿ раѧ̀ въ мі́ръ се́й и҆ ѿврлти́лъ є҆сѝ въ зе́млю, ѿ неѧ́же взѧ́тъ бы́сть ѹ҆строѧ́ѧ є҆мꙋ̀ єже ѿ пакибытїѧ̀ спасе́нїе, въ самѣ́мъ хрⷵтѣ̀ твое́мъ. не бо̀ ѿврати́лсѧ є҆сѝ созда́нїѧ твоегѡ̀ въ коне́цъ, єже сотвори́лъ є҆сѝ бл҃же, нижѐ забы́лъ є҆сѝ дѣла̀ рꙋ́къ твои́хъ, но посѣти́лъ є҆сѝ многоѡбра́знѣ, ра́ди милосе́рдїѧ млⷵти твоеѧ̀. проро́ки посла́лъ є҆сѝ, сотвори́лъ є҆сѝ си̑лы ст҃ы́ми твои́ми, въ ко́емждо ро́дѣ благоꙋгоди́вшими тебѣ̀. глаго́лалъ є҆сѝ на́мъ ѹ҆сты̀ ра̑бъ твои́хъ проро́кѡвъ, предвозвѣща́ѧ на́мъ хотѧ́щее бы́ти спасе́нїе: зако́нъ да́лъ є҆сѝ въ по́мощь: агг҃лы поста́вилъ є҆сѝ храни́тєли. є҆гда́ же прїи́де и҆сполне́нїе време́нъ, глаго́лалъ є҆сѝ на́мъ самѣ́мъ сн҃омъ твои́мъ, имже и҆ вѣ́ки сотвори́лъ є҆сѝ, иже сы́й сїѧ́нїе сла́вы твоеѧ̀ и҆ начерта́нїе ѵ҆поста́си твоеѧ̀, носѧ́ же всѧ̑ глаго́ломъ си́лы своеѧ̀, не хище́нїе непщева̀ єже бы́ти ра́венъ тебѣ̀ бг҃ꙋ и҆ ѻ҆ц҃ꙋ̀, но, бг҃ъ сы́й превѣ́чный, на землѝ ꙗ҆ви́сѧ и҆ человѣ́кѡмъ споживѐ, и҆, ѿ дв҃ы ст҃ы́ѧ вопло́щьсѧ, и҆стощѝ себѐ, зра́къ раба̀ прїе́мъ, соѻбра́зенъ бы́въ тѣ́лꙋ смире́нїѧ на́шегѡ, да на́съ соѻбра́зны сотвори́тъ ѻбразꙋ сла́вы своеѧ̀. поне́же бо человѣ́комъ грѣ́хъ вни́де въ мі́ръ и҆ грѣхо́мъ сме́рть, благоволѝ є҆диноро́дный тво́й снъ҃, сы́й въ нѣ́дрѣхъ тебѐ бг҃а и҆ ѻ҆ц҃а̀, бы́въ ѿ жены̀ ст҃ы́ѧ бцы и҆ прⷵнодв҃ы мр҃і́и, бы́въ под̾ зако́номъ, ѡ҆сꙋди́ти грѣ́хъ во пло́ти свое́й, да, во а҆да́мѣ ѹ҆мира́юще, ѡ҆животворѧ́тсѧ въ самѣ́мъ хрⷵтѣ̀ твое́мъ. и҆ пожи́въ въ мі́рѣ се́мъ, да́въ повелѣ́нїѧ спаси́тєльнаѧ, ѿста́вивъ на́съ пре́лести ідѡльскїѧ, приведѐ в̾ позна́нїе тебѐ истиннагѡ бг҃а и҆ ѻ҆ц҃а̀, стѧжа́въ на́съ себѣ̀, лю́ди и҆збра́нны, црⷵкое сщ҃е́нїе, ꙗ҆зы́къ ст҃ъ, и҆ ѡ҆чи́стивъ водо́ю и҆ ѡ҆ст҃и́въ дх҃омъ ст҃ы́мъ, дадѐ себѐ и҆змѣ́нꙋ сме́рти, въ не́йже держи́ми бѣ́хомъ, про́дани под̾ грѣхо́мъ: и҆ соше́дъ крⷵто́мъ во адъ, да и҆спо́лнитъ собо́ю всѧ̑, разрѣшѝ болѣ́зни смє́ртныѧ: и҆ воскре́съ въ тре́тїй де́нь и҆ пꙋ́ть сотвори́въ всѧ́кой пло́ти къ воскресе́нїю и҆з̾ ме́ртвыхъ, за́не не бѧ́ше мо́щно держи́мꙋ бы́ти тлѣ́нїемъ нача́льникꙋ жи́зни, бы́сть нача́токъ ѹ҆ме́ршихъ, перворожде́нъ и҆з̾ ме́ртвыхъ, да бꙋ́детъ са́мъ всѧ̑, во всѣ́хъ пе́рвенствꙋѧй: и҆ возше́дъ на нб҃са̀, сѣ́де ѡ҆деснꙋ́ю вели́чествїѧ твоегѡ̀ на высо́кихъ, иже и҆ прїи́детъ возда́ти комꙋ́ждо по дѣлѡ́мъ є҆гѡ̀. ѡ҆ста́ви же на́мъ воспомина̑нїѧ сп҃си́тельнагѡ своегѡ̀ страда́нїѧ сїѧ̑, ꙗже предложи́хомъ по є҆гѡ̀ за́повѣдемъ: хотѧ́ бо и҆зы́ти на во́льнꙋю и҆ пр҃нопа́мѧтнꙋю и҆ животворѧ́щꙋю свою̀ сме́рть, въ но́щь, въ ню́же предаѧ́ше себѐ за живо́тъ мі́ра, прїе́мъ хлѣ́бъ на ст҃ы̑ѧ своѧ̑ и҆ пречⷵтыѧ рꙋ́ки, показа́въ тебѣ̀ бг҃ꙋ и҆ ѻ҆ц҃ꙋ̀, бл҃годари́въ, бл҃гослови́въ, ѡ҆ст҃и́въ, поломи́въ,

Архиерей приклоняет главу́, воздвиг десни́цу свою со благоговением, благословляет Святый Хлеб, возглашает, глаголя:

Дадѐ ст҃ы̑мъ свои̑мъ ѹ҆ченикѡ́мъ и҆ а҆пⷵлѡмъ, ре́къ: Прїими́те, ꙗ҆ди́те, сїѐ єсть тѣ́ло моѐ, єже за вы̀ ломи́мое во ѡ҆ставле́нїе грѣхѡ́въ.

Лик поет: Ами́нь.

Архиерей же и прочии сослужа́щии та́яждс и зде творят, подо́бно Златоустаго литурги́и.

Архиерей тайно:

Подо́бнѣ и҆ ча́шꙋ ѿ плода̀ ло́знагѡ прїе́мъ, раствори́въ, бл҃годари́въ, бл҃гослови́въ, ѡ҆ст҃и́въ,

Возглашает архиерей, ру́ку име́яй свыше со благоговением, и, благословляя. глаголет:

Дадѐ ст҃ы̑мъ свои̑мъ ѹ҆ч҃нкѡ́мъ и҆ а҆пⷵлѡмъ, ре́къ: пі́йте ѿ неѧ̀ всѝ, сїѧ̀ єсть кро́вь моѧ̀ но́вагѡ завѣ́та, ꙗже за вы̀, и҆ за мнѡ́ги и҆злива́емаѧ, во ѡ҆ставле́нїе грѣхѡ́въ.

Лик поет: Ами́нь.

Архиерей, приклонив главу, молится тайно:

Сїѐ твори́те въ моѐ воспомина́нїе. є҆ли́жды бо аще ꙗсте хлѣ́бъ се́й, и҆ ча́шꙋ сїю̀ пїе́те, мою̀ сме́рть возвѣща́ете, моѐ воскрⷵнїе и҆сповѣ́даете. Помина́юще ѹбѡ влⷣко, и҆ мы̀ спаси́тельнаѧ є҆гѡ̀ страда̑нїѧ, животворѧ́щїй крⷵтъ, тридне́вное погребе́нїе, єже и҆з̾ ме́ртвыхъ воскрⷵнїе, єже на нб҃са̀ возше́ствїе, єже ѡ҆деснꙋ́ю тебѐ бг҃а и҆ ѻ҆ц҃а̀ сѣдѣ́нїе и҆ сла́вное и҆ стра́шное є҆гѡ̀ второ́е прише́ствїе,

Возглашает архиерей:

Твоѧ̑ ѿ твои́хъ тебѣ̀ приносѧ́ще ѡ҆ всѣ́хъ и҆ за всѧ̑,

Лик поет: Тебе́ пое́м, Тебе́ благослови́м, Тебе́ благолари́м, Го́споди, и моли́м Ти ся, Бо́же наш.

Архиерей, приклонив главу, молится тайно:

Сегѡ̀ ра́ди влⷣко прест҃ы́й, и҆ мы̀ грѣ́шнїи и҆ недосто́йнїи рабѝ твоѝ, сподо́бльшїисѧ слꙋжи́ти ст҃о́мꙋ твоемꙋ̀ же́ртвенникꙋ не ра́ди пра́вдъ на́шихъ, не бо̀ сотвори́хомъ что̀ бл҃го на землѝ, но ра́ди ми́лости твоеѧ̀ и҆ щедро́тъ твои́хъ, ꙗже и҆злїѧ́лъ є҆сѝ бога́тнѡ на ны̀, дерза́юще приближа́емсѧ ст҃о́мꙋ твоемꙋ̀ же́ртвенникꙋ и҆, предло́жше вмѣстоѡбра̑знаѧ ст҃а́гѡ тѣ́ла и҆ кро́ве хрⷵта̀ твоегѡ̀, тебѣ̀ мо́лимсѧ и҆ тебѐ призыва́емъ, ст҃е ст҃ы́хъ, бл҃говоле́нїемъ твоеѧ̀ бл҃гости, прїитѝ дх҃ꙋ твоемꙋ̀ ст҃о́мꙋ на ны̀ и҆ на предлежа́щыѧ да́ры сїѧ̑, и҆ бл҃гослови́ти ѧ, и҆ ѡ҆ст҃и́ти, и҆ показа́ти.

Таже поклоня́ется архиерей, и вси сослужа́щии: и диакон отлагает рипи́ду, и поклоняется благоговейно, глаголюще вси:

Бж҃е, ѡ҆чи́сти мѧ̀ грѣ́шнаго и҆ поми́лꙋй мѧ̀, глаголюще тайно, трижды:

Гдⷵи, иже прест҃а́го твоего̀ дх҃а въ тре́тїй ча́съ а҆пⷵлѡмъ твои̑мъ низпосла́вый, тогѡ̀ бл҃гі́й, не ѿимѝ ѿ на́съ, но ѡ҆бновѝ на́съ молѧ́щих ти сѧ,

творяще и поклоны 3.

протодиакону глаго́лющу стихи́: Се́рдце чи́сто сози́жди во мне, Бо́же, и дух прав обнови́ во утро́бе моей. И: Не отве́ржи мене́ от Лица́ Твоего́, и Ду́ха Твоего́ Свята́го не отыми́ от мене́.

Таже протодиакон, прибли́жився ко архиерею и приклони́в главу́, показу́я ко Святому Хлебу, держя в руце́ и ора́рий, глаголет архиерею:

Благослови́, Влады́ко, Святы́й Хлеб.

Архиерей же, воздвиг очи на небо, благоговейно молится сице:

Хлѣ́бъ ѹбѡ се́й_са́мое чⷵтно́е тѣ́ло гдⷵа и҆ бг҃а и҆ сп҃са на́шегѡ і҆и҃са хрⷵта̀,

Протодиакон: Ами́нь.

И паки протодиакон: Благослови́, Влады́ко, Святу́ю Ча́шу.

Архиерей же, благословляя, глаголет:

Ча́шꙋ же сїю_са́мꙋю чⷵтнꙋ́ю кро́вь гдⷵа и҆ бг҃а и҆ сп҃са на́шегѡ і҆и҃са хрⷵта̀,

Протодиакон: Ами́нь.

Архиерей: И҆злїѧ́ннꙋю за мїрскі́й живо́тъ,

Протодиакон: Ами́нь.

И паки протодиакон, показу́я со ораре́м Свята́я обоя́, глаголет: Благослови́, Влады́ко, обоя́.

Архиерей же, благословляя обоя́ Святая рукою, глаголет:

Преложи́въ дх҃омъ твои́мъ ст҃ы́мъ.

Протодиакон: Ами́нь, ами́нь, ами́нь.

И главу прикло́нь, протодиакон ко архиерею глаголет: Помяни́ нас, святы́й Влады́ко.

И архиерей: Да помѧне́тъ ва́съ гдⷵь бг҃ъ во црⷵтвїи свое́мъ всегда̀, ны́нѣ и҆ при́снѡ и҆ во вѣ́ки вѣкѡ́въ.

Протодиакон глаголет: Ами́нь.

И веют диакони паки Святая, яко и пе́рвее.

Архиерей же молится:

На́съ же всѣ́хъ, ѿ є҆ди́нагѡ хлѣ́ба и҆ ча́ши причаща́ющихсѧ, соединѝ дрꙋ́гъ ко дрꙋ́гꙋ, во є҆ди́нагѡ дх҃а ст҃а́гѡ прича́стїе, и҆ ни є҆ди́наго на́съ въ сꙋ́дъ и҆лѝ во ѡ҆сꙋжде́нїе сотворѝ причасти́тисѧ ст҃а́гѡ тѣ́ла и҆ кро́ве хрⷵта̀ твоегѡ̀: но да ѡ҆брѧ́щемъ млⷵть и҆ бл҃года́ть со всѣ́ми ст҃ы́ми, ѿ вѣ́ка тебѣ̀ блдгоꙋгоди́вшими, пра́ѻц҃ы, ѻ҆ц҃ы̀ патрїа́рхи, прⷪ҇ро́кн, а҆пⷵлы, проповѣ́дники, бл҃говѣ́стники, мч҃нки, и҆сповѣ́дники, ѹ҆чи́тельми и҆ со всѧ́кимъ дх҃омъ првⷣнымъ, въ вѣ́рѣ сконча́вшимсѧ.

Архиерей глаголет возгла́сно:

И҆зрѧ́днѡ ѡ҆ прест҃ѣ́й, пречⷵтѣй, пребл҃гослове́ннѣй, сла́внѣй влⷣчцѣ на́шей бцⷣѣ и҆ прⷵнодв҃ѣ марі́и.

Лик поет: О Тебе́ ра́дуется, Благода́тная, вся́кая тварь, а́нгельский собо́р и челове́ческий род: освяще́нный хра́ме и раю́ слове́сный, де́вственная похвало́, из Нея́же Бог воплоти́ся и Младе́нец бысть, пре́жде век сый Бог наш. Ложесна́ бо Твоя́ престо́л сотвори́ и чре́во Твое́ простра́ннее небе́с соде́ла. О Тебе́ ра́дуется, Благода́тная, вся́кая тварь: сла́ва Тебе́.

Аще же в Великий Четверто́к или́ в Великую Субботу, тогда поют ирмо́с 9-я песни, дне того.

Архиерей же, прекло́нься, молится:

Ѡ҆ ст҃ѣ́мъ і҆ѡа́ннѣ прⷪ҇ро́цѣ, прⷣте́чи и҆ крⷵти́тели, ѡ҆ ст҃ы́хъ и҆ всехва́льныхъ а҆пⷵлѣхъ, ѡ҆ ст҃ѣ́мъ, имⷬ҇къ, є҆гѡ́же и҆ па́мѧть соверша́емъ, и҆ ѡ҆ всѣ́хъ ст҃ы́хъ твои́хъ, ихже мл҃твами посѣтѝ на́съ, бж҃е. И҆ помѧни́ всѣ́хъ пре́жде ѹ҆со́пшихъ ѡ҆ надє́жди воскрⷵнїѧ жи́зни вѣ́чныѧ.

Зде же поминает, и́хже хо́щет, усо́пших по имено́м.

О живы́х у́бо глаго́лет:

Ѡ҆ спсе́нїи, посѣще́нїи, ѡ҆ставле́нїи грѣхѡ́въ раба̀ бж҃їѧ, имⷬ҇къ.

О уме́рших же глаго́лет:

Ѡ҆ поко́и и҆ ѡ҆ставле́нїи дꙋшѝ раба̀ твоегѡ̀, имⷬ҇къ, на мѣ́стѣ свѣ́тлѣ, ѿѻнꙋ́дꙋже ѿбѣжѐ печа́ль воздыха́нїе. Ѹ҆поко́й бж҃е на́шъ, и҆ поко́й ихъ, и҆дѣже присѣща́етъ свѣ́тъ лица̀ твоегѡ̀.

Тайно молитву:

Е҆щѐ мо́лим̾ ти сѧ, помѧнѝ гдⷵи, ст҃ꙋю твою̀ собо́рнꙋю и҆ а҆пⷵльскꙋю цр҃ковь, юже ѿ конє́цъ да́же до конє́цъ вселе́нныѧ, и҆ ѹ҆мирѝ ю, юже назда́лъ є҆сѝ чⷵтно́ю кро́вїю хрⷵта̀ твоегѡ̀, и҆ ст҃ы́й хра́мъ се́й ѹ҆твердѝ да́же до сконча́нїѧ вѣ́ка. Помѧнѝ гдⷵи, иже да́ры сїѧ̑ тебѣ прине́сшихъ, и҆ ѡ҆ ни́хже, и҆ имиже, и҆ за ни́хже сїѧ̑ принесо́ша. Помѧнѝ гдⷵи, плодоносѧ́щих̾ и҆ добротворѧ́щихъ во ст҃ы́хъ твои́хъ цр҃квахъ и҆ помина́ющихъ ѹ҆бѡ́гїѧ: возда́ждь имъ бога́тыми твои́ми и҆ небе́сными дарова́нїи. да́рꙋй имъ вмѣ́стѡ земны́хъ небє́снаѧ, вмѣ́стѡ вре́менныхъ вѣ̑чнаѧ, вмѣ́стѡ тлѣ́нныхъ нетлѣ̑ннаѧ. Помѧнѝ гдⷵи, иже въ пꙋсты́нѧхъ, и҆ гора́хъ, и҆ верте́пѣхъ, и҆ про́пастехъ земны́хъ. Помѧнѝ гдⷵи, иже въ двⷵтвѣ, и҆ бл҃гоговѣ́нїи, и҆ по́стничествѣ и҆ въ чи́стѣмъ жи́тельствѣ пребыва́ющихъ. Помѧнѝ гдⷵи, всѧ́кое нача́ло и҆ вла́сть, и҆ иже въ пала́тѣ бра́тїю на́шꙋ, и҆ всѐ во́инство: да́рꙋй имъ глꙋбо́кїй и҆ неотъе́млемый ми́ръ, возглаго́ли въ сердца́хъ ихъ блага̑ѧ ѡ҆ цр҃кви твое́й и҆ всѣ́хъ лю́дехъ тво́ихъ, да въ тишинѣ̀ ихъ ти́хое и҆ безмо́лвное житїѐ поживе́мъ во всѧ́комъ благоче́стїи и҆ чистотѣ̀. Благі̑ѧ во блгости соблюдѝ, лꙋка̑выѧ бл҃ги сотборѝ бл҃гостїю твое́ю. Помѧнѝ, гдⷵи, предстоѧ́щыѧ лю́ди и҆ ра́ди бл҃госло́вных̾ ви̑нъ ѡ҆ста́вльшихсѧ и҆ поми́лꙋй ихъ и҆ на́с̾ по мно́жествꙋ млⷵти твоеѧ̀. сокрѡ́вища их̾ и҆спо́лни всѧ́кагѡ бл҃га: сꙋпрꙋ́жєства ихъ въ ми́рѣ и҆ є҆диномы́слїи соблюдѝ: млⷣнцы воспита́й, юность наста́ви, ста́рость поддержѝ, малодꙋ̑шныѧ ѹ҆тѣ́ши, расточє́нныѧ соберѝ, прельщє́нныѧ ѡ҆братѝ и҆ совокꙋпѝ ст҃ѣ́й твое́й собо́рнѣй и҆ а҆пⷵльстѣй цр҃кви: стꙋжа́ємыѧ ѿ дꙋхѡ́въ иечи́стыхъ свободѝ, пла́вающымъ спла́вай, пꙋтеше́ствꙋющымъ сше́ствꙋй: вдови́цамъ предста́ни, сирыхъ защитѝ, плѣнє́нныѧ и҆зба́ви, недꙋ́гꙋющыѧ и҆сцѣлѝ: На сꙋди́щи, и҆ въ рꙋда́хъ, и҆ въ заточе́нїихъ, и҆ въ го́рькихъ рабо́тахъ, и҆ всѧ́кой ско́рби и҆ нꙋ́ждѣ и҆ ѡ҆бстоѧ́нїи сꙋ́щихъ помѧнѝ бж҃е. И҆ всѣ́хъ тре́бꙋющихъ вели́кагѡ твоегѡ̀ благоꙋтро́бїѧ, и҆ лю́бѧщихъ на́съ, и҆ ненави́дѧщихъ, и҆ заповѣ́давшихъ на́мъ недостѡ́йнымъ моли́тисѧ ѡ҆ ни́хъ, и҆ всѧ̑ лю́ди твоѧ̑ помѧнѝ гдⷵи бж҃е на́шъ, и҆ на всѧ̑ и҆зле́й бога́тꙋю твою̀ млⷵть, всѣ̑мъ подаѧ̀ ꙗже ко спасе́нїю прошє́нїѧ. И҆ ихже мы̀ не помѧнꙋ́хомъ, невѣ́дѣнїемъ, и҆лѝ забве́нїемъ, и҆лѝ мно́жествомъ и҆ме́нъ, са́мъ помѧнѝ бж҃е, вѣ́дый коегѡ́ждо во́зрастъ и҆ и҆менова́нїе, вѣ́дый коего́ждо ѿ ѹ҆тро́бы мт҃ре є҆гѡ̀. ты́ бо є҆сѝ гдⷵи, помощь безпомѡ́щнымъ, наде́жда безнадє́жнымъ, ѡ҆бꙋрева́ємымъ спаси́тель, пла́вающымъ приста́нище, недꙋ́гꙋющымъ вра́чь, са́м̾ всѣ̑мъ всѧ̑ бꙋ́ди, вѣ́дый коего́ждо, и҆ проше́нїе є҆гѡ̀, до́мъ и҆ потре́бꙋ є҆гѡ̀. И҆зба́ви гдⷵи, гра́дъ се́й, и҆ всѧ́кїй гра́дъ и҆ странꙋ̀, ѿ гла́да, гꙋби́тельства, трꙋ́са, пото́па, ѻ҆гнѧ, меча̀, наше́ствїѧ и҆ноплеме́нных̾ и҆ междоꙋсо́быѧ бра́ни.

Протодиакон у́бо, обра́щься к две́рем святаго олтаря, держя́ орарь крайними пе́рсты, и глаголет: И всех, и вся.

Лик поет: И всех, и вся.

Архиерей же возглашает:

Въ пе́рвыхъ помѧнѝ гдⷵи, вели́каго господи́на и҆ ѻ҆ц҃а̀ на́шего пі́мена, свѧтѣ́йшаго патрїа́рха моско́вскаго и҆ всеѧ̀ рꙋсѝ, є҆го́же да́рꙋй ст҃ы̑мъ твои̑мъ це́рквамъ въ ми́рѣ, цѣ́ла, че́стна, здра́ва, долгоде́нствꙋюща, пра́вѡ пра́вѧща сло́во твоеѧ̀ истины.

Таже по архиере́и первый архимандрит или протопресвитер глаголет: Помяни́, Го́споди, и Господи́на нашего Преосвяще́ннейшего [имярек], митрополи́та [или: архиепи́скопа, или: епископа] [егоже епа́рхиа – титул], его́же да́руй святы́м Твои́м це́рквам в ми́ре, це́ла, че́стна, здра́ва, долгоде́нствующа, пра́во пра́вяща сло́во Твоея́ и́стины.

И по возгла́се архиерей благословляет его и глаголет:

Свѧще́ство твоѐ да помѧне́тъ гдⷵь бг҃ъ: и прочая.

Архидиакон же или протодиакон, стоя́ при две́рех, глаголет велегласно великую похвалу, зря к народу: Господи́на на́шего Преосвяще́ннейшаго [имярек], митрополи́та [или: архиепи́скопа, или епи́скопа] [егожс епархиа – титул], принося́щаго Святы́я Да́ры сия́ Го́сподеви Бо́гу на́шему: о Вели́ком Гослоди́не и Отце́ на́шем Пи́мене, Святе́йшем Патриа́рсе Моско́встем и всея́ Руси́, о Преосвяще́нных митрополи́тех, архиепи́скопех и епи́скопех, о всем свяще́нничестем и и́ночестем чи́не, о Богохрани́мей стране́ на́шей, о власте́х и во́инстве ея́, о ми́ре всего́ ми́ра, о благостоя́нии Святы́х Бо́жиих Церкве́й, о спасе́нии и по́мощи со тща́нием и стра́хом Бо́жиим тружда́ющихся и служа́щих, о исцеле́нии в не́мощех лежа́щих, о успе́нии, осла́бе, блаже́нней па́мяти и оставле́нии грехо́в всех преждепочи́вших правосла́вныхъ о спасе́нии люде́й предстоя́щих и о и́хже ки́йждо в помышле́нии и́мать, и о всех, и за вся.

Лик поет: И о всех, и за вся.

И целует архидиакон или протодиакон архиере́ову руку.

Архиерей же молится тайно:

Помѧнѝ гдⷵи, всѧ́кое є҆пⷵкпство правосла́вныхъ, пра́вѡ пра́вѧщихъ сло́во твоеѧ̀ истины.

Помѧнѝ гдⷵи, по мно́жествꙋ щедро́тъ твои́хъ, и҆ моѐ недосто́инство, простѝ мѝ всѧ́кое согрѣше́нїе, во́льное же и҆ нево́льное: и҆ да не мои́хъ ра́ди грѣхѡ́въ возбрани́ши благода́ти ст҃а́гѡ твоегѡ̀ дх҃а ѿ предлежа́щихъ дарѡ́въ.

Помѧнѝ гдⷵи, пресвѵ́терство, єже во хрⷵтѣ̀ дїа́конство и҆ ве́сь сщ҃е́нническїй чи́нъ, и҆ ниєди́наго же на́съ посрами́ши, ѻкрестъ стоѧ́щихъ ст҃а́гѡ твоегѡ̀ же́ртвенника. посѣтѝ на́съ бл҃гостїю твое́ю гдⷵи, ꙗ҆ви́сѧ на́мъ бога́тыми твои́ми щедро́тами: благорастворє́ны и҆ полє́зны воздꙋ́хи на́мъ да́рꙋй, дождѝ ми̑рны землѝ ко плодоно́сїю да́рꙋй. бл҃гословѝ вѣне́цъ лѣ́та бл҃гости твоеѧ̀. ѹ҆толѝ раздо́ры цр҃кве́й, ѹ҆гасѝ шата̑нїѧ ꙗ҆зы́чєскаѧ, є҆реті́чєскаѧ воста̑нїѧ ско́рѡ разорѝ си́лою ст҃а́гѡ твоегѡ̀ дх҃а. Всѣ́хъ на́съ прїимѝ въ црⷵтво твоѐ, сы́ны свѣ́та и҆ сы́ны днѐ показа́вый, тво́й ми́ръ и҆ твою̀ любо́вь да́рꙋй на́мъ гдⷵи бж҃е на́шъ, всѧ̑ бо возда́лъ є҆сѝ на́мъ.

Возглашает архиерей:

И҆ да́ждь на́мъ є҆ди́нѣми ѹ҆сты̀ и҆ є҆динѣмъ се́рдцемъ сла́вити и҆ воспѣва́ти пречⷵтно́е и҆ великолѣ́пое имѧ твоѐ, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ.

Лик: Ами́нь.

Архиерей, обра́щься ко две́рем и благословляя, глаголет:

И҆ да бꙋ́дꙋтъ млⷵти вели́кагѡ бг҃а и҆ сп҃са на́шегѡ і҆и҃са хрⷵта̀ со всѣ́ми ва́ми.

Лик: И со ду́хом твои́м.

И диакон, изшед и став на обычном месте, глаголет: Вся святы́я помяну́вше:

О принесе́нных и освяще́нных Честны́х Даре́х:

Яко да Человеколю́бец Бог наш прие́м я́:

О изба́витися нам от вся́кия ско́рби:

Архиерей молится втай:

Бж҃е на́шъ, бж҃е спаса́ти, ты̀ на́съ наꙋчѝ бл҃годари́ти тѧ̀ досто́йнѡ ѡ҆ бл҃годѣѧ́нїихъ твои́хъ, ихже сотвори́лъ є҆сѝ и твори́ши съ на́ми. Ты бж҃е на́шъ, прїе́мый да́ры сїѧ̑, ѡ̑чи́сти на́съ ѿ всѧ́кїѧ скве́рны пло́ти и҆ дх҃а и҆ наꙋчѝ соверша́ти ст҃ы́ню во стра́сѣ твое́мъ, ꙗкѡ да, чи́стымъ свидѣ́тельствомъ со́вѣсти на́шеѧ прїе́млюще ча́сть ст҃ы́нь твои́хъ, соедини́мсѧ ст҃о́мꙋ тѣ́лꙋ и҆ кро́ви хрⷵта̀ твоегѡ̀: и҆ прїе́мше ихъ досто́йнѣ, имамы хрⷵта̀ живꙋ́ща въ сердца́хъ на́шихъ и҆ бꙋ́демъ хра́мъ ст҃а́гѡ твоегѡ̀ дх҃а. Ей бж҃е на́шъ, и҆ да ни є҆ди́наго же на́съ пови́нна сотвори́ши стра̑шнымъ твои̑мъ си̑мъ и҆ нбⷵнымъ та́йнамъ, нижѐ не́мощна дꙋше́ю и҆ тѣ́ломъ ѿ єже недосто́йнѣ си́хъ причаща́тисѧ. но да́ждь на́мъ да́же до послѣ́днѧгѡ на́шегѡ и҆здыха́нїѧ досто́йнѣ прїима́ти ча́стъ ст҃ы́нь твои́хъ, въ напꙋ́тїе жи́зни вѣ́чныѧ, во ѿвѣ́тъ благопрїѧ́тенъ, иже на стра́шнѣмъ сꙋди́щи хрⷵта̀ твоегѡ̀: ꙗкѡ да и҆ мы̀ со всѣ́ми ст҃ы́ми, ѿ вѣ́ка тебѣ̀ благоꙋгоди́вшими, бꙋ́демъ прича́стницы вѣ́чных твои́хъ бла̑гъ, ихже ѹ҆гото́валъ є҆сѝ лю́бѧщымъ тѧ̀ гдⷵи.

Диакон: Заступи́, спаси́, поми́луй: Дне всего́ соверше́нна, свя́та: Ангела ми́рна, ве́рна: Проще́ния и оставле́ния грехо́в: До́брых и поле́зных душа́м на́шым: Про́чее вре́мя живота́ на́шего: Христиа́нския кончи́ны живота́ на́шего, безболе́знены: Соедине́ние ве́ры и прича́стие Свята́го Ду́ха:

Архиерей возглашение:

И҆ сподо́би на́съ влⷣко, со дерзнове́нїемъ, нсѡсꙋжде́ннѡ смѣ́ти призыва́ти тебѐ, нбⷵнаго бг҃а ѻ҆ц҃а̀, и҆ гл҃ати:

Людие: Отче наш, Иже еси на небесе́х! Да святи́тся и́мя Твое́, да прии́дет Ца́рствие Твое́, да будет во́ля Твоя́, я́ко на небеси́ и на земли́. Хлеб наш насу́щный даждь нам днесь и оста́ви нам до́лги на́ша, я́коже и мы оставля́ем должнико́м на́шым: и не введи́ нас во искуше́ние, но изба́ви нас от лука́ваго.

Архиерей возглашает:

Ꙗкѡ твоѐ єстк црⷵтво, и҆ си́ла, и҆ сла́ва, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ.

Людие: Ами́нь.

Архиерей: Ми́ръ всѣ̑мъ.

Лик: И ду́хови твоему́.

Диакон: Главы́ ва́шя Го́сподеви приклони́те.

Лик: Тебе́, Го́споди.

Архиерей молится:

Влⷣко гдⷵи, ѻч҃е ціедро́тъ и҆ бж҃е всѧ́кагѡ ѹ҆тѣше́нїѧ, прикло́ньшыѧ тебѣ̀ своѧ̑ главы̑ бл҃гословѝ, ѡ҆ст҃ѝ, соблюдѝ, ѹ҆крѣпѝ, ѹ҆твердѝ, ѿ всѧ́кагѡ дѣ́ла лꙋка́ва ѿста́ви, всѧ́комꙋ же дѣ́лꙋ бл҃го́мꙋ сочета́й и҆ сподо́би неѡсꙋжде́ннѡ причасти́тисѧ пречⷵтыхъ си́хъ и҆ животворѧ́щихъ твои́хъ та̑инъ, во ѡ҆тавле́нїе грѣхѡ́въ, въ дх҃а ст҃а́гѡ прича́стїе.

Возгла́с:

Бл҃года́тїю, и҆ щедро́тами, и҆ чл҃вѣколю́бїемъ є҆диноро́днагѡ сн҃а твоегѡ̀, съ ни́мже благослове́нъ є҆сѝ, со прест҃ы́мъ и҆ бл҃ги́мъ и животворѧ́щимъ твои́мъ дх҃омъ, ны́нѣ и҆ при́снѡ и҆ во вѣ́ки вѣкѡ́въ.

Лик: Ами́нь.

Архиерей молится:

Вонмѝ гдⷵи і҆и҃се хрⷵтѐ бж҃е на́шъ, ѿ ст҃а́гѡ жили́ща твоегѡ̀ и҆ ѿ прⷵто́ла сла́вы црⷵтвїѧ твоегѡ̀ и҆ прїидѝ во єже ѡ҆ст҃и́ти на́съ, иже горѣ̀ со ѻ҆ц҃е́мъ сѣдѧ́й и҆ здѣ̀ на́мъ неви́димѡ спребыва́ѧй, и҆ сподо́би держа́вною твое́ю рꙋко́ю препода́ти на́мъ пречⷵтое тѣ́ло твое́ и҆ чⷵтнꙋ́ю кро́вь, и҆ на́ми всѣ̑мъ лю́демъ.

Таже покланяе́тся архиерей, подобно и вси, глаголюще тайно, трижды:

Бж҃е, ѡ҆чисти мѧ̀ грѣ́шнаго и҆ поми́лꙋй мѧ̀.

Егда же диакон увидит архиереа простирающа ру́це и прикаса́ющася Святому Хлебу, ко е́же сотворити святое возношенис, возглашает: Во́нмем.

Архиерей, вознося Святый Хлеб, возглашает:

Ст҃а̑ѧ ст҃ы̑мъ.

Лик: Еди́н Свят, Еди́н Госпо́дь Иису́с Христо́с, во сла́ву Бо́га Отца́. Ами́нь.

И бывает причащение по чину, я́коже предуказа́ся в Златоустаго литургии.

Причащению же совершившуся, архиерей молится:

Бл҃годари́мъ тѧ̀ гдⷵи бж҃е на́шъ, ѡ҆ причаще́нїи ст҃ы́хъ, пречⷵтыхъ, безсме́ртныхъ и҆ нбⷵныхъ твои́хъ та̑инъ, ихже да́лъ є҆сѝ на́мъ во бл҃годѣѧ́нїе и҆ ѡ҆сщенїе, и҆ и҆сцѣле́нїе дꙋ́шъ и҆ тѣле́съ на́шихъ. Са́мъ влⷣко всѣ́хъ, да́ждь бы́ти на́мъ прича́стїю ст҃а́гѡ тѣ́ла и҆ кро́ве хрⷵта̀ твоегѡ̀ въ вѣ́рꙋ непосты́днꙋ, въ любо́вь нелицемѣ́рнꙋ, въ преꙋмноже́нїе премꙋ́дрости, во и҆сцѣле́нїе дꙋшѝ и҆ тѣ́ла, во ѿгна́нїе всѧ́кагѡ сопроти́внагѡ, въ снабдѣ́нїе за́повѣдїй твои́хъ, во ѿвѣ́тъ бл҃гопрїѧ́тенъ, иже на стра́шнѣмъ сꙋди́щи хрⷵта̀ твоегѡ̀.

И прочее по чину, якоже предуказа́ся в литургии Златоустаго.

Протодиакон: Про́сти, прии́мше Боже́ственных, Святы́х: Заступи́, спаси́, поми́луй: День весь соверше́н, свят:

Архиерей возгла́сно:

Ꙗкѡ ты́ є҆си ѡ҆сщ҃е́нїе на́ше, и҆ тебѣ̀ сла́вꙋ возсыла́емъ, ѻ҆ц҃ꙋ̀ и҆ сн҃ꙋ и҆ ст҃о́мꙋ дх҃ꙋ, ны́нѣ и҆ при́снѡ и҆ во вѣ́ки вѣкѡ́въ.

Лик: Ами́нь.

Таже глаголет:

Съ ми́ромъ и҆з̾и́демъ.

Лик: О имени Госпо́дни.

Протодиакон: Го́споду помо́лимся.

Лик: Го́споди, поми́луй.

И, изшед, священник глаголет заамвонную молитву: Благословля́яй благословя́щыя Тя, Го́споди:

Молитва, внегда́ потреби́ти Свята́я, ю́же глаголет архиерей:

И҆спо́лнисѧ и҆ соверши́сѧ є҆ли́кѡ по на́шей си́лѣ хрⷵтѐ бж҃е на́шъ, твоегѡ̀ смотре́нїѧ та́инство: и҆мѣ́емъ бо сме́рти твоеѧ̀ па́мѧть, ви́дѣхомъ воскрⷵнїѧ твоегѡ̀ ѻбразъ, напо́лнихомсѧ безконе́чныѧ твоеѧ̀ жи́зни, наслади́хомсѧ неистоща́емыѧ твоеѧ̀ пи́щи, є҆ѧ́же и҆ въ бꙋ́дꙋщемъ вѣ́цѣ всѣ̑мъ на́мъ сподо́битисѧ бл҃говолѝ, бл҃года́тїю безнача́льнагѡ твоегѡ̀ ѻ҆ц҃а̀, и҆ ст҃а́гѡ и҆ бл҃га́гѡ и҆ животворѧ́щагѡ твоегѡ̀ дх҃а, ны́нѣ и҆ при́снѡ и҆ во вѣ́ки вѣкѡ́въ. А҆ми́нь.

И прочее по чину, якоже предуказа́ся в Златоустаго литургии.

По Ны́не отпуща́еши раба́ Твоего́: Трисвятое. И по Отче наш: тропарь и кондак Василиа Великаго.

Тропарь, глас 1: Во всю зе́млю изы́де веща́ние твое́, яко прие́мшую сло́во твое́, и́мже боголе́пно научи́л еси́, естество́ су́щих уясни́л еси́, челове́ческия обы́чаи украси́л еси́, ца́рское свяще́ние, о́тче преподо́бне, моли́ Христа́ Бо́га спасти́ся душа́м на́шым.

Кондак, глас 4. Подобен: Яви́лся еси́: Яви́лся еси́ основа́ние непоколеби́мое Це́ркви, подая́ всем некра́домое госпо́дство челове́ком, запечатле́я твои́ми веле́ньми, небоявле́нне Васи́лие преподо́бне.

Богородичен, глас 6: Предста́тельство христиа́н непосты́дное, Хода́тайство ко Творцу́ непрело́жное, не пре́зри гре́шных моле́ний гла́сы, но предвари́, я́ко Блага́я, на по́мощь нас, ве́рно зову́щих Ти: ускори́ на моли́тву и потщи́ся на умоле́ние, предста́тельствующи при́сно, Богоро́дице, чту́щих Тя.

Конец Божественныя литургии Великаго Василиа.